7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نــزل خيـر الأنام حمل نعـش الامام
كل وصي ومرسل تعنه كل ملائكة السماء
حضروا يشيعــون حيدر أجوا كل الانبيــاء
نــزل خيـر الانام حمل نعـش الامام
*****
ليلـــة الشيعــوا حمــاي الحمه
ضجت أركان الوسيعه والسمه
مامثــل تشييــع ليـث المـوزمه
كـرمــه رب الجـلالــه وعظمه
الرسل كلها تسير
وره نعـش الامـير
وكل سكنة الجنه أجتله تشيعه وتنصب عزاء
حضروا يشيعــــون حيـــدر أجـوا كل الانبياء
*****
آدم وموسى وعيسى والخضـــر
شالوا أعلى الرووس نعشه للقبر
ونوح وأبراهيم دمعه منهمــــــر
ويوسف ويعكوب كلبه منكســـر
وبجوا يونس وهود
وبجـــه كل الوجــود
وصالح أو يحيى وشُعيب ويوشع أويه الازكياء
حضروا يشيعــــون حيـــدر أجـوا كل الانبيــــاء
*****
أدريس وأسليمان وأصحاب الكهف
والنبـــي داوود ســــاروا للنجــــف
وعالجرى هارون يصـرخ ياوسف
وينتحب أيوب دمعه مانشـــــف
وعلى أجتاف الرسول
نعش فحل الفحــــــول
وبيده طه أتوله مدفن علي سيد الاوصياء
حضروا يشيعـون حيـدر أجـوا كل الانبياء
*****
سارا أو حوه وخديجه أتناحبن
وهاجر ومريم على حيدر بجن
أتعنن أمن الجنه للكوفه أجـــن
ولطمن بتشييع نعش أبوالحسن
وأجت حور الجنان
تهل دمع الحنـــــان
أتقدمتهن سيدتهن فاطمه خير النســـاء
حضروا يشيعون حيدر أجوا كل الانبياء
*****
أبوطالب نزل بمر الله القديــــــر
وكل صحابي حظر تشييع الامير
حظر سلمان وخلف نعشه يسيــر
وأعتنه المقداد حزنان وكسيــــــر
أعتنه الحمزه وأجاه
ونزل جعفر معـــــاه
ومالك وعمار حظروا وأبوذر والاولياء
حضروا يشيعون حيدر أجوا كل الانبياء
*****
أجت سكان السماء ومحزنـــه
وأجه عزرائيل للكوفه أعتنــه
نزل ميكائيل ليلـــة مدفنـــــــه
وهبط جبرائيل يم نعشه أنحنه
أنحنه الروح الامين
ألأميـــر المؤمنيـــن
وبيده أسرافيل حامل نعش خير الاتقياء
حضروا يشيعون حيدر أجوا كل الانبياء
*****
الصحف والانجيل نزلن والزبور
اللوح والتوراة وياهن حظــــــور
يعزن القرآن والمدمـــع يفــــــور
ودم كلام الله نزف من السطـــور
ونزل عرش الجليل
حمل حامي الدخيــل
وشارك وشيع جنازة ثاني أصحاب الكساء
حضروا يشيعـون حيـــدر أجـوا كل الانبياء
*****
سلام المشــعل
#جديد
وداع المولى أمير المؤمنين عليه السلام
طور : هنياله الينام الليل
.
.
الله اوياه شال امكمل الدين الله اوياه
الله اوياه بچه افادي والعين
بهالليله ابو الحسنين غمّض يا وسف عينه
انتهت ايامه يا ويلي الگضاها لله اسنينه
امام الدين ابو الايتام عليمن يطبر اجبينه
اشوفه اشلون خضيب الشيب وتشيله لمة ابنينه
بينه اشلون بعدك يا أبو حسين
———
نعى جبريل وصاح ابصوت تهدم ركن إلهدايه
انقتل هاليوم ابو الحسنين علي لكل الفضل آيه
ابدفا المحراب ولينه غاب وعزف جرح الزمن نايه
ابو العشره اللذيذه اليوم إلعشرْته هاي إلنهايه
يا ويلي ابصلاته انهى السنين
————
علي من طاح وإله فزْعَوْا حسن وحسين يشيلونه
عليهم صاح يبويه خاف قلب زينب تفجعونه
اخاف اعليها ياعباس دمعها لاتنزلونه
وراها اهموم ومصايب كوم وخدرها ما يخلونه
ما أحمل دمعها ومنها إلونين
————
اجت زينب تصيح ابصوت علي يامعدل الميله
تون بسكوت تعرفه الموت ودمع فرگاهم اتسيله
بجفاك الروح غريبه اتكون ويفارگ هالجسد حيله
يكون الروح يبويه تروح ونشيل اوياك فرد شيله
موتي اوياه روحي و لا تظلين
———
يضمها الوالي الصدره وتشوفه بالنفس ايجود
تراه امر الله يا زينب رضينا بامره المعبود
انتفارگ والله هالليله وبعد يم الخدر ما عود
ووعدنه ليلة الوحشه اذا احسينچ صبح مفگود
لو حرگوها يا بنتي الصواوين
———
تمت بحمدالله تعالى
بقلم : بنت الشمري
٢٠٢٤ م
قصیده في حق استشهاد الأمام علي علیه السلام
یمأوي الضیف حلیف السیف
عجب تنصاب یلیث الغاب
***
یا سدة أسکندر یراعي الأصل
بالدهر ما یوجد الشخصك مثل
عزمك و زودك یاجبل یا نفل
و اشلون أبلیس اعله راسك یصل
یسر الکون تموت اشلون
یداحی الباب یلیث الغاب
****
گطب الفلك بیدك و کل المهاد
یاعلي انته اللیث وقت الطراد
مرهفك هَل صالیت یوم المعاد
ونته التعرگلها العده اعله الجیاد
یصل یاحید بطل صندید
جمر لهّاب یلیث الغاب
*
انته الشهاب الثاقب اعله الکفر
اتزلزل السبعه ابضربتك من تکر
یمکسر ابضربتك بیض السُمر
یالمهرك امتعب ابرکاضه الشگر
العدل انته ابجُهد صنته
ابچبدهم ناب یلیث الغاب
***
ياعلي یمدمرها عاد و ثمود
یاطود یالعزمك بلایه حدود
یمشید الدین و یــ سر هالوجود
یالکلشي یاحیدر الشخصك یعود
منو المثلك شمس عدلك
بیدیك اکتاب یلیث الغاب
**
عسالك ابشجرة الموت افترع
بالذبح و الکر حاشه لحظه جزع
من ثدي المحتوف و مظلمه رضع
عین الشمس یعمیها بس لو لمع
شدید الباس علي النبراس
الأعادي اتهاب یلیث الغاب
*
یا نقطة الباء و یکهف النصر
و اشلون راسك بالصلا ینطبر
یاعلي عجبه اتنام وسط الگبر
ینختم من عندك یحید العمر
العمر یرجاك الگبر مثواك
الدمع سچاب یلیث الغاب
***
لخادم الحسين علي فلاح الواسطي
20رمضان
1445
حجاية أبوي حجاية بخت يحجيها
حجاية أبوي هواي المعاني البيها
حجاية أبوي آنه أموت أعليهــــــا
يازماني .. يازماني
* * *
الابو يسولف سوالف .. شكثـــر بيهن معارف
حجي يريح العواطف .. دوم .. دوم
درر تنثر حروفـــــــه .. وهو كلمن يشوفه
يتمنه مايعوفه .. يوم .. يوم
آنه ابوي شكد بخيت
خير وصاراله صيت
الشافني حكـج يكول
حيدره افراكـه مميت
نسمة شمال والدي كضه عمره
نسمة شمال حجيه الكلب ينتظره
نسمة شمال وبشرجي كيض البصره
يازماني يازماني
* * *
ها بويه كلشي تسوه .. حلوه بلسانه حلوه
هوّه حياتي هـــــوّه .. غاب .. غاب
آنه كتلني فگده .. شيخلصه عمري بعده
لهب گلبي شيهوده .. ذاب .. ذاب
جنت أحس بروحي طير
ويه أبوي العيشه غيـــر
دنيــــه مابيها أبــــــوي
دنيه أبد مابيها خير
الفاكد أبوه معناها ميت حُبه
الفاكد أبوه أحسب اصوابه بكلبه
الفاكد أبوه زين ويوجد دربــــــه
يازماني يازماني
* * *
الفارك ابوه بشبابه .. بده ضيمه وعذابــه
ومحن تقرأ بكتابــه .. هواي .. هواي
الابو خيمه علينه .. سند بيه انتجينــه
وفراكه خله بينـه .. داي .. داي
الزمن مثلـــــه مايجيب
وهوه شيعوض الحبيب
حكه الميت ابوه
ابيته من يشعــر غريب
حيدر علي عشرته والله جنـــه
حيدر علي بالدنيه ماكو منــــه
حيدر علي حيره شسولف عنه
يازماني يازماني
* * *
انختم عمر السعاده .. مشه الحبه عباده
علي ثالث شهــــاده .. راح .. راح
المفرح اليتامـــــه .. الزرع بيها ابتسامه
فلا كمل صيامه .. طاح .. طاح
راح أبو كلب النظيف
راح الانسان الشريف
راح ابو حلو اللســان
الكلبه للفقـره مضيف
مات الامير العاش عيشــة فقره
مات الامير الماكو مثيل الصبره
مات الامير وشكد هموم بصدره
يازماني يازماني
* * *
ألّي فكدله غالـــي .. ومن ابوه بيته خالي
بجي يكضي الليالـي .. نوح .. نوح
بكيت اصفك بديه .. مشه الكلشي اليه
ومتعجبه آنه بيـه .. روح .. روح
كل ملائكة السمه
أمن الازل بيه هايمه
وسجـــدوا الآدم لأن
بصلبه حماي الحمه
كلي الحسين لمّن سمعني أنحب
كلي الحسين أدري بدليلـــج يلهب
كلي الحسين كضي الصبر يازينب
يازماني يازماني
* * *
سلام المشعل
من لليتامی بعدك ياعلي
😭😭
امانه يلتصل للنجف ف اقره
لعلي . مني السلام وهضم فقره
انكسر للخير فقره بعد فقره
وصفينه نستحق چلمة خطيّه
واعلياه واضيعتنا بعدك
🏴🏴
ام محمد الحجاج
مولاي 😭😭
ينزف جرح فگدك مايصحّش
او وكتنه امغييم ابهم مايصحّش
تری المعروف ادبر مايصحّش
والمنكر تشييخ عالبريه
بعازتك ياعلي
😭😭
ام محمد الحجاج
هوسه لواقعنا المرير
😭😭
الجروح امخزنات ومالهن طيبه
نطلع من مصيبه نطيح بمصيبه
ومهدينه يحيدر طوّل الغيبه
شمصبره ومايفزع لينه
😭😭
الستر گصرت عباته ويمشي عالموده
والمنكر استقوی وفاتل زنوده
واحچاية ابو المعروف مردوده
حريه النسوان اعرايه
😭😭
دخيلك ياعلي
ام محمد الحجاج
#جديد
#فزاعية في استشهاد المولى أمير المؤمنين عليه السلام
.
.
وابلا أُبو زينب .. ظلت يا علي
يا والد الأمه .. ظلت يا علي
يا صاحب النعمه .. ظلت يا علي
يا معدن الرحمه .. ظلت يا علي
اشلون العقيله اتضيع .. بعدك يا علي
اشلون وتودعها .. ظلت يا علي
واعليك تفجعها .. ظلت يا علي
اتناديك اسمعها .. ظلت يا علي
مآلومه والله اتصيح .. ارجع يا علي
مآلومه محرومه .. ظلت يا علي
واعليك مهضومه .. ظلت يا علي
وبجروح ملچومه .. ظلت يا علي
عالمغتسل صعبه .. اتشوفك يا علي
عالمغتسل ممدود .. ظلت يا علي
اعليك الگلب ممرود .. ظلت يا علي
وامن النزل مفگود .. ظلت يا علي
اسم الله على عمرك .. بويه يا علي
اسم الله يشيلونك .. ظلت يا علي
لگبرك يودونك .. ظلت يا علي
واشلون ايدفنونك .. ظلت يا علي
صعبه بگبر تنشاف .. صعبه يا علي
اشگد صعبه يالغالي .. ظلت يا علي
بيتي يظل خالي .. ظلت يا علي
ولا نورك ايلالي .. ظلت يا علي
ابفگدك يبويه البيت .. موحش يا علي
وما أسمع آذانك .. ظلت يا علي
ويا خلة امچانك .. ظلت يا علي
موحش يديوانك .. ظلت يا علي
وايتامك اعله الباب .. تصرخ يا علي
_
#فاطمة_كريم
٢٠٢٤ م
#شهادة_أمير_المؤمنين عليه السلام
#نعي
محرابِ الولي خالي
متخضّب دِما منه
وسجدة والدي الغالي
وسفه بدمه تتحنى
آه يا حيدر، آه يا حيدر
آه يا حيدر آه
ٱشتقلَه مسجدِ الكوفه
وٱشتاقت لوجهَهْ الناسْ
غصّه ودمعَه مذروفه
ومجروح بْعَلي الإحساس
آه يا حيدر، آه يا حيدر
آه يا حيدر آه
أيتامَه على بابَه
تهتف يا علي بحسرَه
تقعد جانبِ عْتابه
وتسكب للأبو العبرَه
آه يا حيدر، آه يا حيدر
آه يا حيدر آه
#زينب
#في_الخدمة_المقدسة
#شهادة_أمير_المؤمنين ع
#وزن_الطويل/لفى عاشور
آهْ يا ليلةِ التنزيل، لْبيها نِفقدِ النّبراس
يِنعاه بْسَمَا جِبريل، وَسفَه يا أعزّ الناس
أركانِ الهدى انهدْمَت، مِن غابِ الولي حيدر
لْعُروة الوثقى اِنفصمت، ودمعِ المؤمنِ تْحدّر
يِنصبْ للولي مأتم، ويِنعى المرتضى الأكبر
يِهتف يا علي وْينحب، ويلطم هامتَه والرّاس
ضاعت بعدَه أيتامَه، إي وا ضيعة الأيتام
منهو يمسح الدّمعة، ومنهو يْسَكّن الآلام
غُربةْ فرقتَه غُربة، وظَلمةْ بْدُونه هَالأيام
الله يْساعِدِ عْيَاله، من فاضت ترَه الأنفاس
زينبْ تحضنَه تْضُمّه، وتنادي يا بعد الروح
تلثم كفَّه وتشمَّه، وتقلّه القلب مجروح
يا بويه انكسر قلبي، يْسَلّيه الدّمع والنُّوح
تدري يالولي بعدك، بويه تْجَرَّحِ الإحساس
#زينب
#في_الخدمة_المقدسة
#شهادة_أمير_المؤمنين ع
طور الجفيري
جُودي يا عيني واهْمِلي
دمعِكْ على مصابِ الوَلي
وابكي الوصي المولى علي
يقضي بغريَّه ويندِفِن
أتوسَّل بذاك المَقَامْ
وارسلَّهْ من قلبي السَّلامْ
وقلَّه يا مولاي الإمامْ
قلبي لملقاتك يحِن
مشتاق أزوركْ واقصدَكْ
كحِّل عيوني بمَشهدَكْ
تكتبني زايرْ مرقدَكْ
تحضرني لو جابو الكَفَنْ
تدري يِجَرِّحني الحَنينْ
ويآَنِسِ جروحي الأنينْ
آه يا أميرَ المؤمنين
يا سيدي يا بو الحَسَنْ
زينب
خالي ضل داري والدمع جاري وفاجده الراي
ــــــــــــــــــ
ثجيل اوداعك وماتحمل اعيوني
ووداعك حمل ما شالته مـتـوني
يالـــيـوميه بـويه تســـئل شـلونـي
من حزنـي دمعتي غيرت لونـي
بويه بحزانـي دهري خلانـي انحب هواي
ــــــــــــــــــ
ياخـــيـــمه حـــنـــانـــك مـــن تفـــيـــينـــه
ويـــومـيـــه تـصـــبـــحـنـه وتـــمـــسيـــنه
وصوتك بويه واحساسك يدفينه
من سافـرت ما ضـل الفرح بـيـــنه
دمعة اخوانـي ودمعتي انـي جرحك وياي
ــــــــــــــــــ
وحـــشه غيـــبتـــك مـرســـومـه بـــهـاتـي
ومـــن ابــجي وحـزينـــه وبـــيه عـــبراتـي
تنـــشـــف بـــويه بـــيدك بـــيه دمعـــاتـي
وتسمع صوت قلبي وصوت جلماتي
قلبي اليناطر يكسر الخاطر وهظم بحشاي
ــــــــــــــــــ
بعدك ماغمض جفني ونمت ليلي
لحضة روحتك بـــويه الخذت حـــيلي
من وحـــي الـــهضم دلالـي يوحـــيلـــي
وونـــينـــي لـــمـــصابـــك صـــار ترتـيـــلي
لشخصك الغالي عطش دلالي مو عطش ماي
ــــــــــــــــــ
جن كلما اشـــوفك ينجلي هـــمي
من عباس اشوفه اتـــخيلك يمي
بويه بداعتي وحزني وحرگ دمي
وصلي سلامـــي بـــويه عـــند امـــي
بفرگتج كلها وهالسلام الها زينبج هاي
ــــــــــــــــــ
نار بقلـــبي واشـــعر بالالـــم تســـعـــر
وكلساع أللجــم بحساسي وأتصبر
لــــو يــــاك مـيــــتـه بــــويــــه يـــا حــــيــــدر
واخلص من عذاب وجرحي لا يكبر
مختنگ صوتي يا هله بموتي ليه لو جاي
ــــــــــــــــــ
الشاعر زين العابدين الشمري
ما عوفك ما عوفك يا قبلتي
***
نبض بيك دليلي وصرتلي خليلي واذا طيح تجيلي حيدر يحيدر
تراني هويتك وابد ما نسيتك عشكتك وجيتك حيدر يحيدر
ما عوفك وواليك واقسم بالزجيه
وصرخ عاليعاديك صرخه رافضيه
بس انته حبيبي كاتب بالهويه
والما يهوه حيدر ما حسبه عليه
واليتك واليتك يا غايتي
***
سحرني غرامك جذبني هيامك احبن كلامك حيدر يحيدر
لكيتك مناره وحروفك زياره وتدلي الحياره حيدر يحيدر
مجنونك يحيدر وتباها بجنوني
والبيه يلومون عنك ما لهوني
ماضي انه اعله دربك مهما حاربوني
وبسمك دوم انادي اهلي عالموني
كلبي انته كلبي انته وكل دنيتي
***
يروحي وحياتي وسفينة نجاتي يصومي وصلاتي حيدر يحيدر
شعوري خذاني الجمالك دعاني وعشكتك تراني حيدر يحيدر
بايعتك بالاصلاب يابحر السعاده
وانته كبل الاسلام اديت العباده
يا حيدر شفت بيك الحب والاراده
يالمحد يضاهيك بزمام القياده
حبيتك حبيتك يا سلوتي
***
يوالي اليتامه يعشكي وهيامه احبها الخدامه حيدر يحيدر
يمحله خدمتك بالشواك كتبتك ويبو حسين ندبتك حيدر يحيدر
اخدم والمجالس صارتلي قدوتي
ومن الطم يكرار تعرفها لطمتي
اصرخ يا علي بصوت اقبلها خدمتي
وانه اعرف حبيبي اتسجلها وكفتي
تعرفني تعرفني من صرختي
****
علي انته اميري يشيخي وجبيري يرزقي ويخيري حيدر يحيدر
المواقف تعرفك شلتها اعله جتفك احيرن شوصفك حيدر يحيدر
بيدك من تأشر شمس الله تردها
ياليث الحرايب انته الحومه اسدها
اشكد داخل فتوحات ومحقق مجدها
خيبر والزلم ذيج يمك ما نعدها
ناديتك ناديتك من لهفتي
**
تمت
تحسين الخفاجي
محتاره اكول الله وياك مدري اكول الله وياي
لعيوني رايح تشتاك وشتاكلك راح اهواي
بويه اصبر اشلون اوياك اندفن كون
**
فاركتني وعيني دمعت وبغيابك عذبتني
عمري صاير خيط شمعه وبوداعك خلصتني
ابجي عالعشره الطويله يالابد ما زعلتني
اهواي يبست تدري روحي ليش هالكد عطشتني
يابويه شيخلص الليل واشلون انام بدونك
ما ينسكن بويه البيت لمن تغمض عيونك
هديت المتون اوياك اندفن كون
**
بله شيصبرج يروحي والزمن باك الاودهم
راحت ايام المحنه وراسي شيب من بعدهم
النامو بذيج المكابر صحت يا دنيه شيردهم
خنكت الغركان بيه والهوه الضيعته عدهم
كل ما افتحنه الباب اشتم كمت ريحتهم
ما تنمسح من البال صورتهم وذكرتهم
ذبحتني الضنون اوياك اندفن كون
***
انته كلبي ولو عفتني ايطيح مني بسرعه كلبي
امن البواجي عيوني راحت وما اشوفن حته دربي
علي بويه الدار وحشه وعيني صوب الباب تربي
انته حلمي وانته تعبي ومن عفتني انباك تعبي
زينب صحت من تروح ياهو اليحن عليها
يا حيدر امن اتحاجيك اعليك الحسن حاجيها
عميات العيون اوياك اندفن كون
***
تنجرح ويطيب جرحك بس عزيزك يبقه جرحه
ومو شرط سيف اكو واحد لمن تعوفه تذبحه
مره تلكه انسان عايش واظلم امن الليل صبحه
ومره تلكه انسان يضحك وعمره ما مرتله فرحه
هاي انه زينب ياليل وذني الكلتهن بيه
وكل مغربيه الشوغات ايسيرن يبويه عليه
بروحي انته مدفون اوياك اندفن كون
*
حسين شفته باوعالي وبدمعتي باوعتله
حسين خويه اشلونه ابونه طاب لو لا جرحه كتله
بكسرت الخاطر شبكته وعن عذابي سولفتله
كلشي بالدنيه احسبتله والهجر ما حسبتله
وي ونتي ايون حسين ويكلي راح الغالي
خل نشبع اليوم اوداع ياخويه اكعدي اكبالي
ياجرح اليهون اوياك اندفن كون
****
الدنيه دارت واحنه تدري بكلشي يابويه رضينه
جنه ملتهمين كلنه وليش هسه اطشرينه
للحسن ضليت اعاين شفته يبجي وتجري عينه
بويه عد راسك كعدنه وانه واخواني بجينه
تدري الابو من ايموت كلشي يموت بهجره
ضلينه هليله ايتام اليفكد ابو شيصبره
ما ضل بعد لون اوياك اندفن كون
****
تمت
تحسين الخفاجي
لسان حال امير المؤمنين علي عليه السلام عند احتظاره
تحضرني ام حسن كون وتجيني
تشاركني ألم جرحي اوونيني
ومن دم الجره تمسح جبيني
تضمد جروح راسي وتداويني
بعدها موحشه ومظلمه اسنيني
ولوفاضت الروح وگرب حيني
اريدن بيدها اتغمضلي عيني
الشاعر حسن لعيبي الحريشاوي
قصيدة ( گعده ) لاستشهاد أمير
المؤمنين علي عليه السلام
علهام صارت طبرتك ياروح الاسلام
اليوم ياحامي الحميه
ساعة افراگ ومنيه
علهام صارت طبرتك ياروح الإسلام
★★★★★
منظر الدنيا تغير وليلها خيم ظلامه
وخسرت أحبابك وجودك المن توجه الملامه
طبرتك للفوز خطوه. الهادي گال أكبر علامه
گال النبي من جبهتك
الدم يخضب لحيتك
والفوز آخر رحلتك. جنه محسومه وكرامه
چفك يحماي الحمه. . هدم الاصنام
صعبه مرت هلمسيه
ساعة افراگ ومنيه
علهام صارت طبرتك ياروح. الإسلام
★★★★★
سيرتك رغماً عليهم. فخر ياحامي الحميه
گالوا الرابع ونسبوا للاعادي الأفضلية
فضلوه بيش وعليمن اشقدم الهاي الرعية
وبالحرب انته الزلزله
وعندك علم كل مسئلة
وبسمك حديث المنزله. وفضلك رب البريه
وي الدهر اسمك جره ابشريان الايام
أجن ليك شلون جيه
ساعة افراگ ومنيه
علهام صارت طبرتك ياروح الإسلام
★★★★★
صواب زينب لوتنظره صوابها يشبه اصوابك
صفت بغيابك عليله. شلون تتحمل غيابك
عافك الموت وگصدها. اتمنته من وصل بابك
ايساعدها الله ام الحزن
ياساعه مرت. ماتون
وبهذا ماچانت تظن. ابطيحتك تفجع أحبابك
من ياجرح تغفه وتهيد الليل وتنام
درت من بعد الزچيه
ساعة افراگ ومنيه
علهام صارت طبرتك ياروح الإسلام
★★★★★
لاحت ارماح الموادع. لفت صوب المحب خطره
شچت اكلوب ومحاجر والحسن جمرته ابصدره
يودع المختار چنه. حسين. ويودع الزهره
تزيد المواجع فرگتك
وچانت ضواهم شوفتك
علدين صعبه طبرتك. المامثلها أبد طبره
عام الفجيعة والحزن ياشر الأعوام
ويوم وصيت بوصية
ساعة افراگ ومنيه
علهام صارت طبرتك ياروح الإسلام
★★★★★
بفگدك العروة الوثقى. انفل يبو الحمله ركنها
وگفت الدنيا حزينه. چن وگف بيها زمنها
اختلت الگاع باهلها. وزلزل الدنيا حزنها
هام القيم كلها انشطر
براسه علي يوم انطبر
ماكمل ايام الشهر كل عين من غمض جفنها
وشلون ياخير على هاي الناس مادام
تعوفها دارك خليه
ساعة افراگ ومنيه
علهام صارت طبرتك ياروح الإسلام
الشاعر حسن لعيبي الحريشاوي
💠وقال أبن ملجم (لعنهُ الله): «لقد أبتعت سيفي بألف وسممّتهُ بألف، ولقد ضربتهُ ضربةً لو قسمت بين أهلِّ الأرض لأهلكتهم».
💠من حياة أمير المؤمنين (عليه السّلام).
📝 #جفيري_أو_حدي
شُلّت يمينـك يـا جَسِــر
الله يلعنــك كـل فجــر
أفجَعتَنـــا ابليــل القــدر
يــا من ضربْت المرتضـى
الله خصيمــــك والنبـــي
وكل راعي دين وكل أبيّ
يــــا كافــر ويــا ناصبــي
يــا مـن أذيت المرتضـى
يــا إبــن ملجــم يالعيــن
ربنا الحسيب المستعيــن
ياخـذ لنـا حق البطين
صهر الرسـول المرتضـى
آه آه آه
ــــــــــــــــــ᪣᪣᪥᪣᪣ـــــــــــــــــــ
📝 #خضيب
خاب الذي مايتخذ حيدر علي مولاه
مايستحق شم الهوه ألعايش ابليّــاه
ماتسوه دنيا وآخرة ذرة ترب لــولاه
بوجوده تمّم خالقي عالأمة أنعامه
الله يعابي اللي نكر حق عترة المختار
اولهم الهاجم على بيت الوصي الكرار
والأنبَت بصدر الطهر بت النبي مسمار
والهادم اركان الهدى بالطبرة عالهامة
ــــــــــــــــــ᪣᪣᪥᪣᪣ـــــــــــــــــــ
📝 الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
اشرب الماء وعجل. لاستشهاد أمير المؤمنين علي عليه السلام (وزن هجري)
أشرب الماء وعجل. يا أمير المؤمنين
گبل لاسيف الضلاله. بالدمه يخضب الجبين
★★★★★
أشرب الماء وعجل. گبل ساعات المصاب
يادليل الحاير أنته. وعلم آيات الكتاب
مايطيب العيش بعدك. لايلذ زاد وشراب
أحبابك اليوم بمناحه بين حسرات أوونين
اشرب الماء وعجل ياأمير المؤمنين
★★★★★
أشرب الماء وعجل. يانصير الكل ضعيف
يامنار العلم كله. ونور الاسلام. الحنيف
گبل لاسيف المرادي. يطبر الراس الشريف
والنهار يصير مظلم. والوكت بعدك حزين
أشرب الماء وعجل. يا أمير المؤمنين
★★★★★
أشرب الماء وعجل. ياوصي الهادي الصبور
تدري آخر فجر هذا. عندك. وآخر سحور
ارتوي من الماي لنها . النايبه يمك تدور
واخر اصيامك يحيدر. تشرب الماي المعين
أشرب الماء وعجل. ياامير المؤمنين
★★★★★
أشرب الماء وعجل. ياصراط البيه نجوز
انته ياعون اليتامه بدولتك مامرها عوز
هاي ليله البيها طه واعدك. حتما تفوز
وبَشَرَّك تدخل الجنة وناده جبريل الامين
اشرب الماء وعجل. ياأمير المؤمنين
★★★★★
أشرب الماء وعجل. ياعلي حل القضاء
انتهز فرصه ولگاها اليوم اشقى الاشقياء
انهدمت اركان الهدايه. انفجعت املاك السماء
الكون لجلك صار مظلم ياامام المتقين
اشرب الماء وعجل. ياامير المؤمنين
الشاعر حسن لعيبي الحريشاوي
آه يالنظره الحنونه
وداعة الله راح ابونه
الدنيه ظلمه وخاليه منه الدار
ومره الحياة ابلا وجود الكرار
@@@
الابو خيمه وجوده ايفيي خوش اضلاله
ومو سهل فرگاه تالي والنعش شيّاله
هاليطب البيت گبله عطفه بين اعياله
شيسده لو بالموت تالي عافها لأطفاله
وابو كل الناس حيدر هاللي ماكو امثاله
الله ايعظم اجرنه راح عن اعياله
…
وتهنه بالدنيه الحزينه
انصيح وينه علي وينه
العيشه گشره بلا علي حامي الجار
ومره الحياة ابلا وجود الكرار
@@@
هو من اذن وداعه والدهر آذانه
حين بالطبره الاليمه اتغيرت ألوانه
احنه ما چنه انتخيل منه يخله امكانه
الما گظه صومه وصلاته امخضب ابدمانه
ترى جهزنه لبسنه كون ايعيد اويانه
راح حلم العيد كله من مشه وخلانه
…
نذر بعده منتعيّد
وعيدنه بالثوب لسود
همومنه بعد الوصي هموم اكبار
ومره الحياة ابلا وجود الكرار
@@@
الچان وجهه رحمة الله والعطف بعيونه
واليتامه اتحوم حوله ويا (أبه) ينادونه
لو يجيله ايتيم يبچي ابمهجته المحزونه
حيدره يمسح وجنته وكل دموع اجفونه
الشايل الايتام چتفه هالمسه يشيلونه
هالمسه بدره تغطه لمن ايچفنونه
…
الچان بحظانه دفانه
بالدمع فگده عمانه
ماشي لجنانه وخله بالدنيه النار
ومره الحياة ابلا وجود الكرار
@@@
اليوم زينب راح ابوها ابهامته المنهشمه
يعني ماباقي إليها لا ابوها وامها
ساعه لثياب الزچيه عالفجيعه اتضمها
وساعه للوالي ثيابه بالمصيبه تشمها
مدللة حيدر لچنه راح ماهو يمها
بس تركها ابذكريات المنتمر تهضمها
…
تنوح عالضلع التكسر
لو على راس التطبر
راح وترك للحوره بس التذكار
ومره الحياة ابلا وجود الكرار
@@@
دارت الايام لاچن جرح حيدر توه
اشما عتگ لاچن حزنه اجديد بي نتلوه
بعده كل الدنيه سوده ابلا ضمير ونخوه
واحنه كل ليله ابرزيه ابنارها نتچوه
صرنه بس نتعنه يمه چي لانه سلوه
واحنه من فايض حنانه بالنجف نتروه
…
همنه يمه يستريح
من نشم عطر الظريح
وهو دوه للي اعتنه گبره وزار
ومره الحياة ابلا وجود الكرار
@@@
آه يا لوعة صدرنه والمهج ملهوفه
من نجي لگبره ويه داره ومسجده بالكوفه
الدنيه مره صارت النه ما نريد انعوفه
وصرنه للموت انتمنه حتى تالي انشوفه
حلم حيدر لو يجينه وبالمحبه انطوفه
وشيعته ايتام صارت تتنه مسح اچفوفه
…
داره ريحتها ضمد
هنا علي گام وگعد
تربينه حب امحبته واحنه اصغار
ومره الحياة ابلا وجود الكرار
@@@
علي أحمد الحمود
٣١-٣-٢٠٢٤
شهادة الأمير ع
الوفاة
#جديد
في التوسل بمولانا أمير المؤمنين عليه السلام
طور : أماه يا زهراء
.
.
مولايَ يا حيدر .. مولايَ يا حيدر
نضيع بزحمة الدنيا .. ويظل وجهك يدلينه
وإذا طعم الألم ضگنه .. يظل چفك يداوينه
وتظل تسمعها نخوتنه .. وتظل اعيونك اعلينه
وإذا ابحگ فاطمه انحلفك .. ابعجل تحضر يوالينه
ما لحظه تتعذر .. مولايَ يا حيدر
علي يا تچوة المحتاج .. علي يا بلسم اجروحه
اليحبك لو نطق بإسمك .. ترد رغم الألم روحه
علي الما ينسه أحبابه .. اعله بابه الدمعه ممسوحه
ولا يغفه عن أيتامه .. تظل اعيونه مفتوحه
ما يترك المضطر .. مولايَ يا حيدر
اليجيك ابحاجته حاير .. تلمه من أذى همّه
ابحنانك يا علي اتغطيه .. ابعجل تحضر بعد يمه
تداوي ابعطفك اجروحه .. ودليله يا علي اتسلمه
خصوصاً لو إجه لبابك .. ونِخاك ابحگ أبو اليمه
ابكل معضله تحضر .. مولايَ يا حيدر
وأنا بجرحي وحزن كلبي .. وهمومي ومحنة سنيني
نخيتك يا علي نخوه .. وأنا ادري ما تخليني
وحگك زادت آلامي .. أو ضاگت دنيتي بعيني
دخيلك بس ردت نظره .. وأنا أدري النظره تكفيني
وكل أمري يتيسر .. مولايَ يا حيدر
أنا أدري نظرتك رحمه .. تِغيّر للمحب حاله
تداوي اجروحه يا مولاي .. وتريّح ياعلي باله
تسهل كل عسر عنده .. وتحقق والله آماله
أبونه يا علي انته .. اللي دايم حاضن اعياله
يا ساقيَ الكوثر .. مولايَ يا حيدر
__
تمت ببركات المولى أمير المؤمنين عليه السلام
#فاطمة_كريم
٢٠٢٤ م
باسم ربِّ المصطفى والأنبياءِ
قمْ تهيّأ يا مُوالٍ للعزاءِ
واذرُفِ الدّمعاتِ مع دمعِ اليتامى
قفْ على بابٍ لخيرِ الأوصياءِ
وانثُرِ الآهاتِ مع شجوٍ أليمٍ
واسِ آل المصطفى عُسرَ البلاءِ
حلّتِ الأرزاءُ في خيرِ البرايا
ذا عليٌّ راحلٌ نحو السّماءِ
منال
أعظم الله أجوركم 💔
تشييع امير المؤمنين عليه السلام
😭😭
الوداع الوداع سيدي
الوداع الوداع سيدي
الوداع الوداع سيدي
الوداع الوداع سيدي
امست الشيعية يتامه
ياعلي
🏴🏴
ياعلي الشيعه يتامه الليله
نشييع بصرخات حامي ادخيله
للمگابر نعش ابونه نشيله
ودمع فگدك يلحبيب نسيله
الوداع الوداع سيدي
🏴🏴
نعشك المشيول وايتامك وره
تلطم وتصرخ وِسف ياحيدره
ماخذينك ياعلي للمگبره
ندفن الحظ والبخت تحت الثره
الوداع الوداع سيدي
امست الشيعة يتامه
ياعلي
🏴🏴
نعمة الله انچفت ماتحصل بعد
بشدّه طحنه وانت حلّال الشدد
ياعلي وشمّانه نامو رغد
للبواچي وللحزن نطلب مدد
الوداع الوداع سيدي
امست الشيعة يتامه
ياعلي
🏴🏴
مشييعينك لو مشيعين الصلاه
والاصول الخمسه والحج والزكاه
اتون فروع الدين عَشرتهن وراه
اليوم كلهم ماتو اصحاب العباه
الوداع الوداع سيدي
امست الشيعة يتامه
ياعلي
🏴🏴
اتيتم التأويل وآيآت الكتاب
حاملينك بالنعش شيئٍ عُجاب
انت والحق ياعلي وفصلِ الخطاب
شهل المصاب الفادح الذل الرگاب
الوداع الوداع سيدي
امست الشيعة يتامه
ياعلي
🏴🏴
هل اتی حيناً من الدهري الفضيع
من عگب عيناك مولانه نضيع
چنت للفقره يبو الفقره ربيع
للارامل عون والسد المنيع
الوداع الوداع سيدي
الوداع الوداع ياعلي
امست الشيعة يتامه
ياعلي
😭😭
🏴🏴
ام محمد الحجاج
قصيدة لـ استشهاد الامام علي ع{علي بالمكبره}
لحن .... حسيناه يشريان الگلب
دفناه ... دفناه ... دفناه
علي بالمكبره علي بالمكبره
علي ** بالمكبــره نام ونساني
علي ** زغيره بعدني ويتماني
علي ** بفراگه يا ويلي عماني
علي ** عافاني بس انحب بدونه
علي ** بالمكبره غمض اعيونه
علي ** الايتام من بعدك اجونه
صاحوا اعليه يزينب وين حمل هيبتچ
فدوه گليله يجينه منو النه امروتچ
يحسراه يحسراه يحسراه
الگلب شيصبره الگلب شيصبره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
الگلب ** شيصبره الحمل دلاله
الگلب ** هسه الگلب ونه حلاله
الگلب ** غير الحنين المات ماله
الگلب ** لمن يحن ونته ثجيله
الگلب ** مايصبر وانه نحيله
الگلب ** مايهده عالحمل عويله
شلون يهده اونين گلبي وعافني زين الطبع
امحمل الغالي وبدونه ضال ينبض بس وجع
الوجع اه الوجع اه الوجع اه
كله من الجره كله من الجره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
متت ** چم موته هاي اتلث ليالي
متت ** لـــمن يون عزي و دلالي
متت ** چي باوعت لمچانه خالي
متت ** بس الجسد ما دافنينه
متت ** من سدها ابوي اكبالي عينه
متت ** لمن سمعت انه ونينه
كون يرجعلي الجفاني وكون ترجع ضحكته
گلبي مصدوم برحيله ما استوعب موتته
علياه علياه علياه
جرحه مابره جرحه مابره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
بعد ** ماعندي ابو واسمي يتيمه
بعد ** من هسه راح اشبع هظيمه
بعد ** المن يسولف كلبي ضيمه
بعد ** بس الدمع كلساه يجيني
بعد ** بفراگه اريد اعميها عيني
بعد ** خنگه بدونه كل سنيني
بعد مدفون اليمرلي لو يجي وكت العصر
نام ويلي بالمكابر وانه ميته من القهر
بلياه بلياه بلياه
اصير اميسره اصير اميسره
دفناه ... دفناه ... دفناه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
صار المحراب خاليا هذه الليله... من أمير المؤمنين عليه السلام..
🚩ابيات #نعي
🏴من وزن #النصاري
لسان حال مولاتنا
السيدة #زينب عليها السلام
.
.
وحشه الدار بغيابك يغالي
و محرابك عجيبه يصير خالي
بخلافك قست حيل الليالي
وعمري شلون اعيشه بغير والي
🏴🚩
كل ليله ابصلاتك يخشع الليل
وتسجد وي سجودك نجمة سهيل
يا ركن الديانه امهدّم الحيل
محرابك دمه وي زينب يسيل
🏴🚩
يادرع الرسول وسيف الإسلام
حسافه تغدرك بويه اللئام
وحشه بدون حيدر شهر الصيام
عفتني و الزمن ما يرحم أيتام
🏴🚩
شگولن لليجي و يناشد الحال
عجيبه يرتحل خوّاض الأهوال
صيت اسمك يحيدر رجّف أبطال
حسافه يا علي بتابوت تنشال
🏴🚩
✍🏻علي نوري الحلفي
#شهادة_أمير_المؤمنين عليه السلام
(على لحن قبل ما تروح وتهاجر)
يتيمك واقف ببابكْ
إلك قاصد على عتابكْ
أحَلْفَك باللهْ يا حيدرْ
عَلَيْ ما تطوّل غيابكْ
أيا حيدر
أيا حيدر
عَلِيْ وْإسمك غِذا روحي
شفائي وبلسمِ جروحي
نبض قلبي هتفْ حيدرْ
بِذِكرك سبِّحِ بْنُوحي
أنا الهايمْ بأسراركْ
حَنيني لْمرقدك يوحي
أنا العايش على ٱفكارك
أميري يا فُلك نُوحي
أجيك وْدمعي يتحدّر
أظلْ أبكي على مصابَكْ
أطوف بْدارك وأسعى
أشمّ وقبّل ترابَكْ
أيا حيدر
أيا حيدر
#زينب
#عظم_الله_أجورنا_وأجوركم
الله وياك. يابه الحسن
**
هذا الرحيل اشگد صعب ندري احنه
افراگك يحماي الحمه الجارحنه
محنت غيابك والله اكلف محنه
مثل المطر بويه اعله نعشك طحنه
والدمعات. لجلك جرن
الله وياك ،.يابه الحسن
**
كلمة وداعك گوه من نحچيها
وجنازتك حگنه نچلب بيها
اليله اليتامه اموادعك ياذيها
خلافك بعد ياهو اليمر اعليها
للأيتام. انت الوطن
الله وياك. يابه الحسن
**
وي نعشك انشالت أحلام الفقره
كسرت وداعك والله اكبر كسره
هليله زينب تختنگ باالعبره
اليفگد ابو شنگله حتى نصبره
يضل محتار. بين المحن
الله وياك. يابه الحسن
**
الدنيا وحشه اليله مو بس بيتك
بنعشك اليه وتلتفت حسيتك
لو تندفن وسط الگلب خليتك
ياريتك اترد ياعلي ياريتك
بس شيعود. ذاك الزمن
الله وياك. يابه الحسن
**
انت حبيب اگلوبنه اودنيتنه
والدنيا بيك بها المسه فجعتنه
بفگدك مثل عود الخشب كسرتنه
وياك نگضي العيد ماخلتنه
والأيام. سرعه گضن
الله وياك. يابه الحسن
**
سعد العبودي
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
مظلوم يابالحسن مظلوم يابالحسن
"""""""""""""""""""""""""''''''''''''''''''''''''
ناحت اهل الگاع وي أهل السمه
كلها تصرخ راح حماي الحمه
من يخمد نار فگده المضرمه
اه ينار موادعه الهابه
.....................................
كل يتيم بفگدته حس باليتم
حگها اركان الهداية التنهدم
والوتد من طاح بيمن ينلزم
نفصمت العروه بجرح محرابه
...................................
طاح بالمحراب صياد الكلف
الزود مابين الزلم بيه ينحلف
الجمّع ارباب الحرب ماتختلف
ليفر منه بحرب تكفي عتابه
..................................
الشيد الدين بحسامه وهيبته
وسفه من دم رأسه نگعت شيبته
الامس للاسلام حيدر تجوته
رايد يتجوله من صوابه
.....................................
ابو الحيل التشهد بحيله المله
حيل مابيه يرجع البيته وهله
شالته جفوف بدموع تسايله
وياعتبهه دموعها السجابه
.............................................
الحسن وحسين عله ابوهم ياكسر
عليك صاحو بويه مذموم الصبر
بويه شوغة فگدتك ماتنگدر
سهام فرگت طبرتك نشابه
.....................................
خادمكم قاسم المالكي
شگد بجيتي والبجي اشگد تعباج
شدي حيلج كربله باجر وراج
جلمه اريد احجيها دمعتج ضميها
***
آخر ليله هاي وياج زينب راح اعوفنج
عزيزه وروحي بويه تروح من تبجين اشوفنج
وراج اشگد بجي تدرين وي اخوج الكربله تمشين
وما بين الزلم والخيل اشگد رايح تركضين
شلون بيج وباجر ايذبحون اخوج
اخيامج ايحرگوها وانتي ايسلبوج
ياهو الي ايطفيها دمعتج ضميها
*
راح اتمر عليج ايام مثل ما مرت عله امج
اذا حرگو عليها الباب يحرگون العده اخيمج
اذا بالباب عصروها واذا عالعين سطروها
راح امتونج من الصوط شكثر زرگه يسووها
الزهره شافت ضيم وهموم وجرح
وانتي شفتي راس اخوج عله الرمح
امج توصيها دمعتج ضميها
***
باجر كربله تراويج مصايب زينب اهوايه
ذاك عله النهر عباس يمه اجفوفه والرايه
الماي اتبده من جوده بسهم العين ممروده
وتهشم بالعمد راسه مثل طبرت علي عوده
باجر ايطيح الگمر عالمشرعه
ويمه تلگين الجفوف مگطعه
حالته تشوفيها دمعتج ضميها
*
ذاك حسين اشوفنه شايل بيده عبدالله
من صاب السهم نحره فز وگاله اسم الله
راد الماي لوليده تالي ينذبح بيده
طير الجنه عبدالله وترف يازينب اوريده
مگابله امه المهد وتلولي
بأبني شمسوي السهم گلولي
بويه لتعوفيها دمعتج ضميها
**
طاح حسين من مهره ومن ظهره السهم طالع
يون عله الترب عطشان ولازم صدره وينازع
تسيل عله الثره ادمومه ويسلبون العده اهدومه
يابويه الشمس والخيل راح ايغيرن ارسومه
بخيل عشره راح اخيج ينسحك
وعالظهر صدره يزينب ينطبك
حثته مسلبيها دمعتج ضميها
**
الشمر ذاكه عله صدر حسين كاعد يگطع بنحره
يطبره بمنحره بالسيف يابويه اثنعش طبره
يرفسه ويگطع انفاسه ويشيل عله الرمح راسه
يگلج هذا اخوج حسين زينب وين عباسه
وين زينب رايح ايصيح الشمر
تحضري انتي وخواتج لليسر
زينب اله اسبيها دمعتج ضميها
*
تمت
#ميثم #العمري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
يا مگبرتنه يلبيچ اهلنه الونه بهداي
خليني يمهم بارد لحدهم والحچي هواي
يا مگبرتنه
،،،،،،،،،،،،،،،،،،،،،،،،،،،،،،،،،،،،
ونيت واليوم بسنه
علراحو وظليت أنه
يا مگبره وظهري انحنه بدرب المگابر
ماي الورد ما حاجه أله
بگليبي ضيمچ كربله
و الدمعه دوم امسبله وبعيوني عاشر
أشتعل واطفه وما يگعدون
يعزاز گلبي وياكم شلون
لا عدل انه ولانه مدفون
خلوني يمكم ما تسمعون ؟
يهل الشهامه ،، دنيت ندامه وچني خطار
علفارگوني ،، لا ما خذوني وعايش بنار
يا مگبرتنه
،،،،،،،،،،،،،،،،،،،،،،،،،،،،،،،،،،،،،،،
تعبان يمهم راحتي
والله تخنگ دنيتي
ياهو اليشيل اجنازتي وياخذني ليهم
عگب اليترسون النظر
لحظه التمر حسرة دهر
شو چني ليل بلا گمر چا وين اجيهم
دفان هاك عيوني دفان
خليني يمهم وين ما چان
ميتين لكن كلهم احنان
مامش دفو بالدنيا بردان
مشتاگ اچيهم ،، واغفه اعله ديهم گلبي تعبان
ذوله الأودهم ،، الميت بعدهم عمري خلصان
يا مگبرتنه
،،،،،،،،،،،،،،،،،،،،،،،،،،،،،،،،،،،،
ميتين واشتمكم هوى
الله من نلتم سوى
بگبوركم وانتم دوه وراحه وسعاده
تحت التراب اهل الهلا
چنهم أمان البسمله
شنهي الرمل الكم حله وصاير وساده
خليت گلبي ابسد الگبور
ما راد يرجع ليه معذور
وياي عايش عيشة طيور
محروگ عشها وظلت اتدور
يحلم يجيكم ،، ميت عليكم وانتم اموات
شنهي المجنه ،، ونه اعله ونه وتجري دمعات
يا مگبرتنه
،،،،،،،،،،،،،،،،،،،،،،،،،،،،،،،،،
غطيني يتراب الگبر
مليت مو مال انتظر
من مده ما مرني العطر عطر المحنه
وجهي انترس كلمة مشو
اليسألني اجاوب غربو
يمهم بچيت وما حچو أهل المجنه
گلتلهم العدلين مو ناس
مليت أدور طيبه واحساس
الظلن وراكم دمعه وانفاس
وشيب ابتدى من ضلوعي للراس
ميت صدگنه ،، طول شرحنه وماكو مضمون
مامش وصيه ،، أبچن عليه هلاه يلعيون
يا مگبرتنه
،،،،،،،،،،،،،،،،،،،،،،،،،،،،،،،،،،،،،،
الله يا گاع الغري
احباب ما ظلو ألي
مولاي يمك يا علي وبحماك الاعزاز
صارو سوه بگاع النجف
اهل المواقف والشرف
كل يوم دلالي انخطف سموني جناز
دافن اهل بالگاع واحباب
تركوني وسفه وحظنو تراب
أيس يگلبي بدگة الباب
الظلو غرب بس وادم أجناب
لا ما أتاني ،، خاين زماني وماله صاحب
چانولي ديره ،، اهل وعشيره وهم حبايب
يا مگبرتنه
كلمات الخادم
رعد الفريجي
قصيدة ( گعده ) لاستشهاد أمير
المؤمنين علي عليه السلام
علهام صارت طبرتك ياروح الاسلام
اليوم ياحامي الحميه
ساعة افراگ ومنيه
علهام صارت طبرتك ياروح الإسلام
★★★★★
منظر الدنيا تغير وليلها خيم ظلامه
وخسرت أحبابك وجودك المن توجه الملامه
طبرتك للفوز خطوه. الهادي گال أكبر علامه
گال النبي من جبهتك
الدم يخضب لحيتك
والفوز آخر رحلتك. جنه محسومه وكرامه
چفك يحماي الحمه. . هدم الاصنام
صعبه مرت هلمسيه
ساعة افراگ ومنيه
علهام صارت طبرتك ياروح. الإسلام
★★★★★
سيرتك رغماً عليهم. فخر ياحامي الحميه
گالوا الرابع ونسبوا للاعادي الأفضلية
فضلوه بيش وعليمن اشقدم الهاي الرعية
وبالحرب انته الزلزله
وعندك علم كل مسئلة
وبسمك حديث المنزله. وفضلك رب البريه
وي الدهر اسمك جره ابشريان الايام
أجن ليك شلون جيه
ساعة افراگ ومنيه
علهام صارت طبرتك ياروح الإسلام
★★★★★
صواب زينب لوتنظره صوابها يشبه اصوابك
صفت بغيابك عليله. شلون تتحمل غيابك
عافك الموت وگصدها. اتمنته من وصل بابك
ايساعدها الله ام الحزن
ياساعه مرت. ماتون
وبهذا ماچانت تظن. ابطيحتك تفجع أحبابك
من ياجرح تغفه وتهيد الليل وتنام
درت من بعد الزچيه
ساعة افراگ ومنيه
علهام صارت طبرتك ياروح الإسلام
★★★★★
لاحت ارماح الموادع. لفت صوب المحب خطره
شچت اكلوب ومحاجر والحسن جمرته ابصدره
يودع المختار چنه. حسين. ويودع الزهره
تزيد المواجع فرگتك
وچانت ضواهم شوفتك
علدين صعبه طبرتك. المامثلها أبد طبره
عام الفجيعة والحزن ياشر الأعوام
ويوم وصيت بوصية
ساعة افراگ ومنيه
علهام صارت طبرتك ياروح الإسلام
★★★★★
بفگدك العروة الوثقى. انفل يبو الحمله ركنها
وگفت الدنيا حزينه. چن وگف بيها زمنها
اختلت الگاع باهلها. وزلزل الدنيا حزنها
هام القيم كلها انشطر
براسه علي يوم انطبر
ماكمل ايام الشهر كل عين من غمض جفنها
وشلون ياخير على هاي الناس مادام
تعوفها دارك خليه
ساعة افراگ ومنيه
علهام صارت طبرتك ياروح الإسلام
الشاعر حسن لعيبي الحريشاوي
بمناسبة استشهاد أمير المؤمنين
علي عليه السلام ( گعده)
هاي روحك ياعلي اكبر من الموت
شلون ملك الموت اجاها ؟
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
الباري روحك ياولينه شكثر حط اسرار بيها
حامل انفاس النبوه بفيض روحك مشتريها
لكل نبي انته الخلاصه ماكو غيرك يحتويها
يلماشبيه ايتم اله
فوگ الموازين اعتله
لمن وصل هلمنزله ماوصل مخلوق ليها
وين مادار ومشه الحق داير وياه
الموت يتخطه وراها
هاي ياروح الخذاها
بيها اسرار الامامه وللشرف صوت
هاي روحك ياعلي اكبر من الموت
★★★★★
احتارت الايام تكتب مختصرها يطول عدها
طالت الحسبه عليها احتارت بياچلمه ردها
لايحدك وصف ذاكر عاجز أوصافك يعدها
وإلي كتب عنك حرف
عاجز يگول و يعترف
يامن تظل فوگ الوصف اوصاف فوگ الوصف حدها
روحك شگد من جرح للغير تنساه
أشمعنه موتك مانساها ؟
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
ضيعاك المايثمنك وعطل الدين وحدوده
المايميز الحجر والدر يتبع ابليس وجنوده
الخاض وي اهل الضلاله وماعرف معنى وجوده
يابوالحسن وصفك صعب
آلاف ومقصره الكتب
امحير العدو گبل المحب ماوصل معناك زوده
وينه من يعرف علي ويبحر بمعناه ؟
روحك الموت اعتناها
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
علي برهان وعباده وعالم السنه الشريفه
ومهبط الحق وجماله وقوة الناس الضعيفه
الانطه للايتام عمره القاسم الفقره ابرغيفه
رمز الشهامه والعدل
كلشي بوجوده يكتمل
صابر يظل گلبك يظل من ظلم يوم السقيفه
الموت يخجل من علي يوم التدناه
يدري من مر ودناها
هاي ياروح الخذاها
بيها اسرار الامامه وللشرف صوت
هاي روحك ياعلي اكبر من الموت
★★★★★
شنهي يابوالحسن روحك. يجهل المخلوق سرها
خصك الله شگد مزايا. رحل محتار اليمرها
بكل شديده الحق يتبعك ماعبرت إلا وعبرها
ذاتك يقران الفجر
مصدر رسالات وفكر
ياحيف طبرات الغدر هامتك كافر. طبرها
الهدى اركانه اتهدمت من طاح ويلاه
لفه الموت وماجزاها. هاي ياروح الخذاها
بيها اسرار الامامه. وللشرف صوت
هاي روحك ياعلي اكبر من الموت
الشاعرحسن لعيبي الحريشاوي