7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
استشهاد الامام الباقر ع
…………………………………………………………….
الباقر عمره بس لوعه . ابد ما نشفت دموعه
عمر حزنان •• على العطشان
ابد ما نشفت دموعه
……………………………………………………………
ازغير وشاف جيش الماخلص حده
اسيوف اتحاشمت تگطع نحره جده
ومثل جده العطش هم يحرگ ابجبده
ناطر عمه بس ما حصلت الرده
شاف الطفل وانياحه . سگاه ابسهم ذبّاحه
صُبح ذبلان •• على العطشان
ابد ما نشفت ادموعه
……………………………………………………………
هم استقبل الميمون رد خالي
هم نشداه وين احسينه الوالي
شويه وشاف راس وبالرمح عالي
ادموع الراس لجل العايله اتلالي
يذكر كل مسه وصبحه . جده امن الگفه ذبحه
ابوسط تربان •• على العطشان
ابد ما نشفت ادموعه
…………………………………………………………….
شاف الاعوجيه وبالعدد عشره
اعل جده ادوس طبكت صدره وي ظهره
جثه وبالحوافر صفت مطّشره
سمع آهات تطلع من وسط نحره
وعينه الحافر اتصده . بي وصله الگلب جده
بگه عريان •• على العطشان
ابد ما نشفت دموعه
…………… ..……………………………………………
ابد ما ينسه نار الحركت اخيامه
يشرد منها يلگه اسياط جدامه
منّه السوط اطول يوصل الهامه
ابجمر وبشوچ حمره امجرّحه اجدامه
ما يبچي اعل ضرباته . ينوح الحال عمّاته
دمعهن بان •• على العطشان
ابد ما نشفت دموعه
…………………………………………………………..
ابو الصادق يخلّص بالقهر ليله
تفيض اوسادته من دمع اليسيله
يذكر عمّته الصعدت على اهزيله
من كثر السياط المتن بي ميله
ابنص السوگ محتاره . اعليها ايگاطف احجاره
ضعن حيران •• على العطشان
ابد ما نشفت دموعه
……………………………………………………………
الباقر واعل ابوه ظل منكسر گلبه
السبي والمرض حيل امغيره و متعبه
ابرگبته الجامعه امن احديد و تعذبه
حمر مو خضر منها اهدومه منگلبه
نحل من السبي جسمه . الشام ابوالده اتشتمه
ويشب نيران •• على العطشان
ابد ما نشفت دموعه
……………………………………………………… ....
✍️ ( سيد خضر الزاملي )
{ *نزله لهلال شهر المحرم*}
*تُقرأ محل المربوعه باللطم*
{١٧}
*طور : ياطير خبر النبي*
*ملا باسم الكربلائي*
https://youtu.be/8h1z7qNkdr0
••••••••••••••••••••••••••••••••••••••••••
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
مِن لِفه اهلال الفاجعه .. والمهدي ماله مُستقَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
بالسِمه شاهَد غُرته .. ونَوّخ ابدّلاله الكِدَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ايِگابل امه فاطمه .. ويندب مصايب هالشهَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
وياها يبچي مِن دِمه .. لحسين محزوز النحَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
يذكر رزايا بوعلي .. وصدره اللي بالخيل انكسَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ولكبر شبيه المصطفى..وشبل الزكي ابسيف انطبَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ويّه الزجيه ينتحب .. لچفوف عباس القُمَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
وزينب التركب عالهِزِل .. للشام يِسْبوها ابقهَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لمسير الامام الحسين*}
*عليه السلام الى ارض كربلاء*
{١}
*طور : جريمة قتل - ملا باسم الكربلائي*
https://youtu.be/njX6YJtJhW8
••••••••••••••••••••••••••••••••••••••••••
*بو اليمه سار ابهَلَه .. قاصد لارض كربله*
*المَثوى الچتِل والبَله .. مِتوجِهه الراحِله*
••••••••••••••••••••••••••••••••••••••••••
وَدَّع ابو اليمه مأوى الرِساله
ولارض الكُرب والمِحن شَد رِحاله
سار ابحريمه وخواته وعِياله
عازم لَعِد مُستقرِ اغتياله
مِن جده طه ضِعَن .. عاف الاهل والوطن
*بو الاكبر المَقْتله .. مِتوجِهه الراحِله*
••••••••••••••••••••••••••••••••••••••••••
بوسِكنه ماشي ابدروب المِنايا
متوجه الطف عظيم الرزايا
صُحبه وهَله بيها يَرحون ضمايا
بسيوف وبرماح فريق الغِوايا
لارض المُصايب نِوى .. قاصد فَله نينوى
*ابعباس ابو المرجله .. مِتوجِهه الراحِله*
••••••••••••••••••••••••••••••••••••••••••
شايل لَعِد قوس ونبلة رَضيعه
وصوب النهر والچفوف القطيعه
ولمصاب لاكبر او موت الفجيعه
الجاسم او وَيّه رزيته الفضيعه
ماضي ابسبيل الألم .. ويا الجزع واليِتِم
*وَيّه سهم حرمله .. مِتوجِهه الراحِله*
••••••••••••••••••••••••••••••••••••••••••
راحل لارض بيها تُسفك دِمائه
وبعد المنيه يِسلبون رِدائه
حِزب الضغينه يِحرقون خَبائه
ويَسْبون بناته وخواته ونِسائه
ودمع العقيله يِصب .. ابسوط الشمر تِنضرب
*للشِده و المُعضله .. مِتوجِهه الراحِله*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطمية وداع ابي عبدالله الحسين*}
*قبر أمه فاطمة الزهراء عليها السلام*
*راحلاً إلى أرض كربلاء*
{٣}
⚫ *جديد*⚫
*طور : راح أزيد النوح*
*ملا محمد الجنامي*
https://youtu.be/QT7G8afotqc
••••••••••••••••••••••••••••••••••••••••••
*جاي اودعِج والعِذر يالوالِده*
*وعلى امصابي قلبج الله ايساعِده*
*موتيِ الله امسجِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
ساعة اوداعج ييُمه .. وشِقى افراقج يقترِب
أمُرْ الله اعليّه ماضي .. وبجَبيني منكتِب
ابنينوى يِنسِفك دمي .. ومِنّه شيبي يختضِب
الماي مَهرِج يالوديعه .. وانحرم شُرب العذِب
واللي سَّن ظُلمج او أذى افادج
ابكربله رايد يِبيد أولادج
*حِقده راد ايكمِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
يُمه عنّج فرِقونه .. وشَملي رايح يفترِق
واللي طق ابچفه عينج .. مِثله أطفالي يطِق
واللي جوّز حرِق بابج .. اليشبِهَه اخيامي ايحرِق
ومِثل ما كسَّر اضلوعج ..ابخيل ضلعي ينسحِق
إلج يابنت النبي ذبحوا طفِل
ابسهم لِمْثلث اوليدي ينجتِل
*راح ايذبحه حرمله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
والهَضُم يُمه الجَرالج .. ابكربله اتشوفه الخِدِر
اشلون ظُلم انسطر خدج .. خد رقيه ينسطِر
عالوطيه انتثر قرطِرج .. و قِرِط بنتي ينتثِر
واللي طق متنِج ابسوطه .. وبمتِنها ايطق زجِر
واللي نابج حالف ايعيده القدَر
راح اشوفه ابعيلتي وحز النحَر
*راح ايأذي العايِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
ودار سحبوا مِنها حيدر .. ابنينوى أهل الختِل
امن الخيم تِسحب عَليلي..وتربط اچفوفه ابحبِل
اتْركِبْ اعيالي وخواتي .. ويَ حريمي اعله الهزِل
ويأسر الخِدّر يزهره .. امْرُوَّه ماعِنده ونذِل
باجر امدلِلة حيدر تنسِبي
وتكفِل الحُره عِيالات النبي
*تورث الهم والبَله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
خروج الإمام الحسين عليه السلام من مكة
حديث ونعي
......
بينما الإمام الحسين عليه السلام يطوف بالكعبة سمع مناديا ينادي في السماء.. رفع الإمام راسه قائلا من الهاتف.. قال له المنادي انا سادسكم في الكساء.. انا جبريل .. ياحسين حل من احرامك قبل ان تستحل محارمك.. فإن القوم عزموا على قتلك ولو كنت متعلقا باستار الكعبة.. طاف الامام بالبيت وسعى وحل من احرامه.. ثم اسند ظهره الى البيت.. بعد ان حمد الله واثنى عليه وذكر النبي وصلى عليه.. قال الامام ايها الناس خط الموت على ولدي آدم مخط القلادة على جيد الفتاة... ومااولهني الى اسلافي.. اشتاق يعقوب الى يوسف رضى الله رضانا اهل البيت وخيّر لي مصرع انا لاقيه.. كأني باوصالي تقطعها عسلان الفلوات بين النواويس وكربلاء .....
.....
نعي
حل احرامه ابو السجاد مضطر
عله ذبحه يعرف الگوم تفتر
طلع من بلد جده الله واكبر
توجه للطفوف بهل مسيه
.....
.....
ماتمم مناسك حجه الحسين
طلع يتلفت ودمعاته بالعين
وجده المصطفى المشيد الدين
وامه فاطمة الزهره الزچيه
.....
.....
سمع هاتف ينادي بصوت الاحزان
عليك الموت يامظلوم هل حان
بعيالك واهل بيتك والاخوان
سير الليله صوب الغاضريه
.....
.....
على البيت استند واحرامه حله
ابن الوحي مايقبل الذله
رضى الباري رضانه الموت يحله
ولا احط ايدي بيد ارجاس اميه
.....
.....
مشه والعين صوب الوطن تندار
من مكه طلع والكربله سار
حده حادي الضعون بليل الاخطار
اخذ كل اهل بيته للمنيه
.....
.....
عقيلتهم اوياهم حملوها
طلعت ومتكفلها اخوها
عباس وصاه عنهه ابوها
كفو منه كفيل الهاشمية
.....
.....
اعله هودجها يرف العلم خله
كل ساع محملها يعدله
مافارگاها الدرب كله
الوفاي ابو چفوف السخية
.....
.....
ام محمد الحجاج / العبادي
°°وداع مولانا الحسين "عليه السلام" لقبر جدّه المصطفى "صلّى الله عليه وآله" قبل خروجه من المدينة °°
طور *حضرنا وياك يا حيدر*
*يَجَدِّي فِي أَمَانِ الله، لَ وَادِي كَرْبَلَه مْسَافِر*
*صَعُب فَرْگَاك دُوهَنّي، إِجيتَك بِالدَّمِع زايِر*
*إِلَكْ شَكْوَايْ.. يَ ضَيْ عِينَايْ*
¤•¤•¤•¤
أَنَه وْلِيدَك عَلَى گَبرَك، أَحُط خَدِّي وَاهِل عَبرَه
أَلوذِ وْحَايِرِ ابْهَمِّي، وَابِث حِزنِي يَبو الزَّهرَه
رِبِيتِ ابْحِجْرَكِ وحُبَّك، امْنَ اشُوفَك كِل جَرِح يِبرَه
يَ بَسْمَاتِي فِي أَيَّامِي، يَ عَزْمِي سَاعَةِ العَسْرَه
أَبَد مَنْسَاكْ يَالغَالِي.. تِحِنِّ لْتُربِتَك رُوحِي
يِرِيتِ ابْكَربَلَه تِحضَر.. وتِسَكِّن بِيدَكِ جْروحِي
*وتِظَلْ وَيَّايْ.. يَ ضَيْ عِينَايْ*
¤•¤•¤•¤
يَجَدِّي ضَاگَتِ الوَسْعَه، أََزُورَك وَادْرِي تِسمَعْنِي
عَزِيزَك ضَيِّعَوْا حَگَّه، وجُموعِ النَّاس عَافَتْنِي
أَبَايِع طَاغِي هَالزُّمرَه، وَامِدِّ اچْفُوفِي يِرْدَنّي
إِمَامِ وحُجَّة نِكْرونِي، مَرَارِ وضِيمْ رَاوَنّي
صِحِت هَيْهَاتْ لِ الذِّلَّة.. النَّصُر لِلدِّين وَارْكَانَه
الشَّهادَة ابْعِينِي مَرسُومَه.. وتِظلِّ الرَّايَه وَيَّانَه
*وتِسيلِ ادْمَايْ.. يَ ضَيْ عِينَايْ*
¤•¤•¤•¤
العِدَى عَنَّك يِرَحلُونِي، المَدِينَه رُوحِي وِالسَّلْوَه
إِخِذْنِي ويَاك يَا جَدِّي، عَسَاهَا اتْزولْ هَالبَلْوَه
ابْضَرِيحَك رَايِدَ اتْوَارَى، نِخِيتَك يَا نَبِي الدَّعْوَه
مَا رَاعَوْا ذَوِي القُرْبَى، وَحِيدِ وْمَا إِلِي مَأْوَى
غَرِيبِ ادْيَارِي وَاوْطَانِي.. طَرِيدِ وْشَايِلِ اظْعُونِي
مَشَاعِر بِيَّه تِتْوَجَّر.. غَصُب عَنِّي يِطَلْعُونِي
*جَمُر بِحْشَايْ.. يَ ضَيْ عِينَايْ*
¤•¤•¤•¤
(هَلِّ المَدَامِع عَالگَبُر احْسِين وَحْدَه غَافِي
وْشَافِ بْنُومَه النّبِي مِچْبِلْ وِالمَلَك مَاشِي
گَطَّعِت گَلْبِي يِگِلَّه حَبِيبِ المُهْجَه كَافِي
إِجَالَه وضَمَّهِ لْصَدرَه وْقَبّلَه بينِ اعْيُونَه)
¤•¤•¤•¤
حَبِيبِي حْسِين يَا گَلْبِي، يِعِزِّ عْلَيَّه مِن تِنحَب
تِوَدِّعنِي وتِأَلّمنِي، وَاشُوفِ الفَاجِعَه الأَصْعَب
جَرِيحِ وْظَامِي مَا تُروَى، عَفِيرِ ابْدَمَّكِ امْخَضَّب
ذبِيحِ وْعَالرُّمُحْ رَاسَك، عَجِيبَه يَبْنِي تِتْسَلَّب
شْكِثُر مِشْتَاگ وَانْتَظْرَك.. أَضُمَّك بِيدِي مِنْ تِحضَر
الزِّچِيَّه هْنَانَه مِنْتَظْرَه.. وَابُوكِ المُرتَضَى حِيدَر
*أَشَرْبَكْ مَايْ.. يَ ضَيْ عِينَايْ*
#أمنن #علينا #برضاه
#يا_صاحب_الزمان
#جديد_محرم_١٤٤٦هـ
#الخروج_من_المدينة_المنورة
وداع الإمام الحسين عليه السلام
لقبر جده المصطفى صل الله عليه وآله وسلم
جَـدِّي قَــالْ إِذْ يَنْوِي الرَحِيلاَ الرَحِيلاَ الرَحِيلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
خــــدّي عـلـى قبر النبي وادموعي تجري
حـــان الوداع اوجيت إله ابهمّي اوصبري
اعليّه العدا جـــارت اومنها ضاق صدري
وادعي واصلّي عنده حتّى اطلوع فجري
يَاجَدَّاهْ خُـذْ نَـوْحِـي طَـوِيـلاَ طَـوِيلاَ طَـوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوعند الفجر لن هوّمت من عندي العين
وجــانــي النبي اوياه الملايك والنبيّين
ونـــادى ثلاثاً يـاحبيبي يابني يــحسين
او أشّر إلي اوضمني إلى صدره بليدين
فِي لُقْيَاهْ صَارَ جِسْمِي نَحِيلاَ نَـحِـيلاَ نَـحِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
مــــنّـــه تــعــالــت ونّـتـه واتعاله ونّي
ابـلـهـفـه شبقته اوبـالألم لـيّـه شبقني
اونــاديـتـه يـاجـد للقبر ويّاك إخذني
ابحضنك أنا هاليوم وباچر من يلمني
بُــعْــدٌ آهْ قَــدْ كَـــانَ ثَــقِـيلاَ ثَــقِـيـلاَ ثَــقِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
يـابـنـي تــرى في كربله مرسوم رسمك
اوخـلــنـي قبل لاتروح ياوليدي أشمّك
عــجّـل قدومك والدك مشتاق او أمّك
ليك او أخوك المجتبى وكل همنا همّك
وَاشَــوْقَــاهْ إِلْـحَـقْـنَا عَـجُولاَ عَـجُولاَ عَـجُـولاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
أذكــر لـك اليجري ابسفركم منّ الأقدار
عـطشانه أطــفــالــك ولا ترحمها لشرار
اوتبقى وحيد ابــلا مناصر بعد الأنصار
اوظهرك يكسره طيحة الكافل المغوار
إِذْ تَلْقَاهْ فِـي الـطَـفِّ جَـدِيـلاَ جَـدِيـلاَ جَـدِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوتفجعنا يـابني طيحتك محتار بامرك
ضـامـي ولاتُـروَى اوكَثْرَه اسهام صدرك
اوشـمر الخنا ابسيفه يحز أوداج نحرك
اوبِـدْمَــاكْ يـرجـع للمخيّم خـالـي مُهْرَك
والأصْوَاتْ قَدْ بُحَّتْ عَـوِيـلاَ عَــوِيـلاَ عَــوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اورحـت الأهل بيتي بعد خير البريّه
أروي مــنـامـي والّـذي يـجـري عليّه
اونــادو بعد ماسمعو أهـوال الرزيّه
آه الـمـــصــابـك ياغريب الغاضريّه
قَـهْــراً سَـارْ مَـنْ كَانَ عَــلِيـلاَ عَـلِـيـلاَ عَــلِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
تمت بحمد الله ومنّه ١٤٤٥/١١/٢٣هـ
نظم خادم السيدة الزهراء عليها السلام
ياسين جواد العبد الرضا
#محرم_١٤٤٥
#الليلة_الثانية
#وداع_قبر_الزهراء
#نعي
#جواب_الزهراء_ع_لولدها الحسين ع عند وداع قبرها الشريف
معتادة ليّه تزور كل ليله يبني
ناوي السّفر معقول بُعدك يِفتني
يبني المسير ابعيد هيجلي حزني
بذبحك ييمّه يريد دهري يِهدّني
يوليدي صار النّوح واجب عليّه
وعدي أجيك اهناك بالغاضريّه
مو سهلة عني تروح تنام بوطيّه
عليك الذّبح مكتوب وانا العزيّه
قرّبلي شِمّ نحرك من قبل ما تروح
باكر برض الطفوف أوصلَك مذبوح
ابصدرك تِهشم الخيل والجرح مفتوح
ونحرك يفيض دموم مو بس الِجروح
#لحن إسمع عتابي
يوليدي أحضر .. بحزّة المنحر
وألطم ضلوعي .. جسمك تودز
خلني أشمّك .. يبني وأضمّك
واقره اعلى روحك .. باكر ألمك
واقعد انوحك .. وعدّد جروحك
ما يهدأ نوحي .. اسمالله على روحك
🖊خادمة أبي الفضل
#محرم_١٤٤٦
#اليوم_الثاني
#وداع_المدينة
مجلس #الخروج_من_المدينة
#قصيدة_عمودية
حسينٌ بكى عند قبر البتول
وَبثَّ اشتياقًا بدمعٍ هطول
كأنّ الجوابَ أتاهُ يقول
"بُنيَّ حبيبي إليّ تعال"
فردّ الحسينُ بماءِ الدّموع
"حنانيكِ أمّي وشدّي الضّلوع
وضمّي فؤادًا أتى في خشوع
يغالبُ قهرًا همومًا ثقال
دعينا نغيبُ معًا في الضّريح
بضلعٍ كسيرٍ و قلبٍ جريح
غريبٌ وبُحّ فؤادي يصيح
غريبٌ وظلم الطّواغيتِ طال
هبيني وِصالًا فكلّي اشتياقْ
حسينٌ أنا جئتُ أشكو الفراقْ
سأمضي حزينًا لأرضِ العراق
وداعًا، لنا في السّماءِ وِصال
وأصعب ما صبَّ فيّ الأسى
ونغّص صبحي فصار مسا
إلى الشّام بعديَ فخرُ النّسا
تُساقُ وَتؤذي يدَيها الحبال.."
#كتابات_حسينية
(قد تُقرَأ أيضًا كقصيدة لطم على لحن قصيدة أخي سوف تبكي عليك العيون)
بالعرش صورة دماء
صافنه املاك السماء
فاطمه نصبت عزاء
اهلال يرسم بالدمه
●●●●●●●●●●●●●●●●●●●●●●
اول اجروح المصيبه.......اهلال خيم بالحزن
مابقت بالدنيا رحمه .....چن سنابك عالجفن
باعت الناس الضماير.....اگلوبهه سوده وتجن
غيمه چنهه بلا مطرها.....والليالي بس تون
كل الامر..........ضاع الصبر
مات القلب والنظره
حزن السمه.........يافاطمه
ظلت تون بالحسره
شفنه اشباه الرجال
عافت العز والدلال
العله چانت بالسلال
هاي ناس امحزمه
●●●●●●●●●●●●●●●●●●●●●●
يبدي تصوير المدامع...اشلون ظلت هامله
تنحني الزهره شفتهه......يم عظيم المنزله
بيدهه گامت تضمهن....چفوف حامي العايله
والمصيبه الله أكبر.......شنهي قصة كربله
بان الجرح..........صب الملح
زرع الجرح ومصابه
كلمن سأل........ اهلال الأجل
ماخذ جروح احبابه
التمت ارماح وسيوف
والنبل صاير يشوف
خيل ترهب والدفوف
شوف ثكل الموزمه
●●●●●●●●●●●●●●●●●●●●●●
وجه هالعالم تغير.......اهلال صعبه لاتهل
تنذبح بيه السوالف......امنين ما انظر نبل
امربع الديه نطلبك.......يامحرم دم طفل
كلشي ناتجهه نهايه......آجروح ظلت عالهزل
حيره المله.........طف كربله
شفنه العجب والمنظر
هول الفزع.......يجري الدمع
سائل وكف واتحير
شاف انواع المصاب
اجساد غطاها التراب
امنين ماتنظر خضاب
دمعه ظلت ساجمه
●●●●●●●●●●●●●●●●●●●●●●
بيه مذبوحه الجوارح.........ناري ماتطفه دهر
والعجب چبد النبوه.....ضامي يم جرف النهر
والنهر مشبوح شفته......مايه يم ضيفه الكمر
چان خجلان عله روحه.......لو رسمهن بالصور
شفت الشمس.......ظلت همس
نزلت تبوس اجبينه
منظر كلف............ضاع العرف
حيره اليشوف ابعينه
تنجرح بيض الصفاح
ابيا كتر طعن الرماح
اظلم انشوف الصباح
النار ظلت مضرمه
●●●●●●●●●●●●●●●●●●●●●●
اهلال چم خاطر تكسره.......فوهة الدنيا عدم
ونذبح عبدالله نحره......فوك عرش الله انرسم
مابقى كلشي نشوفه.........من العشيره ما سلم
حسين يم اخيامه ينحب......مابقه حيله انهدم
بخيمة علي .........طاح الولي
بدمه يشوف اخضابه
حنه وعرس.......حتى الشمس
حاجب تصير اعتابه
امطرحه شفت الشباب
موسم اجروح وخضاب
ينچوي بطيفه السراب
اظلوع كلها مهشمه
●●●●●●●●●●●●●●●●●●●●●●
تمت بعون الله تعالى
#يوسف عباس الفتلاوي
ن.
.... لكن نار أشد من نار
نار احرقت خيمتنه.... ونار احرقت باب الدار
آنه اللي شفت صدرين... واحد صوبه المسمار
واحد كربلا تخربك.... اشلون الخيل رضنَّه
كم مصاب دهري الصاب... قلبي وانجسم نصين
آنه الحزن ذوبني.... وآنه الشاهدت طشتين
جبد الحسن واحد بيه... واحد بيه راس حسين
وسهام الدهر قلي... بفقد حسين صابنَّه
آنه اللي اوقفت مرتين..... والمرتين آذنِّي
وقفه بمجلس ابن زياد... متشمت نشد عنِّي
وقفه الثانيه بمجلس.... يزيد الكثرت ونِّي
وماظل من هلي واحد... بذيج الساعه يحشمنه
آنه اللي فجعني البين... بهلي وصرت مفجوعه
آنه الشاهدت كفين ....... للعباس مقطوعه
آنه الشفت خويه حسين..... كلّها امكسره ضلوعه
آنه الشاهدت رجسين ....... راس حسين ايقطعنَّه
آنه الشاهدت طفلين...... فوق القاع مطروحه
محسن سقط من أمي .... ورضيع ادماه مسفوحه
آنه الشاهدت راسين ....... بسمِّ الغدر مصيوبه
طبرة سيد الكونين ....... أوراس بعمد هشمنَّه
آنه المانسيت حسين..... آنه زينب الكبره
آنه البالصبر مثله..... وصبري نبع من صبره
آنه الدهر دولبني.... وبحسين اشعمل دهره
ما خلاّني ويا حسين.... لمن طاح أودعنَّه
بيت تخلص
أدرك تـرانك أيـها الموتورُ فـلكم بـكل يـدٍ دمٌ مـهدور
ألتمس دعاكم
دعاكم لي ولوالدي بالسفاعة
،https://telegram.me/joinchat/AAAAADujmZVwBO8_CKrZ5Q
الهالكين.
فقال (عليه السلام): إنّما أشكو بثّي وحزني إلى الله وأعلم من الله ما لا تعلمون، إنّي لم أذكر مصرعَ بني فاطمة إلا خنقتني لذلك عبرة .
أمر الخليفة المنصور عامله على المدينة أنْ يحرق دار الامام الصادق (عليه السّلام)، فجاءوا بالحطب الجزل ووضعوه على باب الدار وأضرموا فيه النار.
حيث ان النار حينما أخذت ما في الدهليز تصايحنَ العلويات داخل الدار وارتفعت أصواتهن، فخرج الإمام الصادق (عليه السّلام) وعليه قميص وإزار وفي رجليه نعلان وجعل يخمد النار ويطفئ الحريق حتّى قضى عليها وهو يقول "أنا ابن أعراق الثرى أنا ابن إبراهيم خليل الله عليه السلام".
دخل على الامام الصادق ع بعض شيعته فوجدوه حزيناً باكياً، فقالوا له "ممّن هذا التأثر والبكاء, أمِنْ جرأة القوم عليكم أهل البيت وليس منهم بأوّل مرة ؟"، فقال الإمام (عليه السّلام) : (لا، ولكن لمّا أخذت النار ما في الدهليز, نظرت إلى نسائي وبناتي يتراكضن في صحن الدار من حجرة إلى حجرة، ومن مكان إلى مكان هذا وأنا معهن في الدار، فتذكّرت روع عيال جدّي الحسين (عليه السّلام) يوم عاشوراء لمّا هجم القوم عليهنَّ، ومناديهم ينادي: أحرقوا بيوت الظالمين ).
فائزي
من شبوا النيران فرت كل العيال بس العقيلة اتحيرت والدمع همال
نـادى عـدوها اشحيرك يربات الادلال نـادت او مثل المطر يهمل مدمع العين
عدنه عليل امن المرض ما يگدر ايگوم نـايم طـريح اوسـادته بـالخيم يا گوم
هـوه الـبحيه من نسل هاشم او مخزوم او هو الشريده إلي بگت من خلفة احسين
ساعد الله قلب مولاتنا يوم العاشر عندما أضرم الاعداء النيران في المخيم من بعد قتل اخوتها وبنيها واصبحت بلا محام وكفيل وجنّ عليها ليل الحادي عشر .
بمن تستغيث وكأني بها توجهت نحن الغري الى والدها امير المؤمنين ع.
مجاريد
تگله
يبوية علية الليل هود وآنه حرمة غريبة ما لي حد
بيمن يبوية الگلب يضمد بالحسين هلعندي امدد
وابن والدي العباس ما رد خلصوا هلي الله ولحد
وحنّ قلبها واشتاقت لتلك الاجساد الطاهرة وتوجهت للحسين والعباس وهما على حر رمال كربلاء والظلام عمّ المكان واخذت تتعثر بجثث الشهداء حتى وصلت واخذت تشكوا همها وآلامها
لحن الشريعة
انه المذبوحه اخواني
انه المحروگ صيواني
انه المرعوبه رضعاني
الرمل ليهه انفرش
مرمرني العطش
……
ياگلبي اشعظم ضيمه
بالطف مابقت خيمه
چم ايتيم ويتيمه
بدمع خدي انخدش
مرمرني العطش
،،،،،،
باجر ياضوه عيوني
سبيه الگوم يسبوني
ويمكم مايخلوني
كل فكري اندهش
مرمرني العطش
……
بس الليل والحومه
واخوتي اعله الترب نومه
حسين انسلبت اهدومه
ضل بلا نعش
مرمرني،العطش
……
*الشاعر محمد حسن ضيغم
بيت تخلص
يا قلب زينب ما لاقيت من محن *** فيك الرزايا وكل الصبر قد جمعا
https://t.me/joinchat/AAAAADujmZVwBO8_CKrZ5Q
مقدمة الليلة الاولى
.
.
.
مو شهر نبچي دهر .. اويه الأمام المنتظر
على مگطوع النحر
حسين
***
حسين مـو فتـره وجيـــزه وتــنتـهــي أيـامه
حسين قصه ابلا نهــايه تبتـدي امـن اخيامه
قصه بيهـا السوط شيخ وشـايخ اعله ايتامه
وبيها جسم حسين مرمي امكسرات اعظامه
خيلــهم مارحـــمته .. روحه رده سحگته
وساوته صدر ابظهر
حسين
***
امحرم اتلاثيـن يـوم ويـگضي عند الوادم
ونبقه نبچي السنه كلهه احنــه ويه القائم
نبچـي ذاك الذي بجسمه مابقى شي سالم
عالرمـل والرمـل حار وعــلى وجــهه نايم
جروحه اذا فوك الألف .. اشيبقه بي من النزف
دمـه عالغبره انتـــثر
حسين
***
نبجي عالعطشان دم ونحزن اعله مصابه
ولهـــذا المهدي لســـه دمـعتــــه سچـــابه
والتكتــــلك بالقــضيه شـــغلــة الســـلابه
البِجـسمه الفيــن طبره شيــبقن من ثيابه
امسردات امن النبل .. واللــي سلبـــهن نذل
عاري ضل ابهالاثر
حسين
***
لو خمس تالاف عمر اشـعـيب الله انطانه
نبچي وشما نبچي تبـقى اعيونه عطشانه
عالذي امن العطش شفته امفطره وذبلانه
الـطبگ بينـه كل دقــيقه تــشتـــعل نيرانه
التنشف اعيونه دمع .. باللــطم يكسر ضلع
للذي صاير وذر
حسين
***
امن السـنه للسنــه عاشـــر مـو فــقط هالعــشره
نطبـــخ ونلطـــم ونبـچـــي ولبـــو اليــــمه نـقره
حسين بالطف خيل عشره طحـن طحنت صدره
ومن كثــر سحـگ الحوافر تــرس جسـمه الـغبره
بجسمه صله اشكم سهم .. بجسمه ويلي شگد الم
فاق الحدود وعبر
حسين
***
حيدر تركي الكربلائي
مقدمة الليلة الاولى
.
.
.
جوابــي لليــسئلون .. اختـــصـره بكـــلمتـين
احب ياناس عباس .. واحب ياناس الحسين
گالو مستـفيد؟
گلت الهم اكيد
احب ياناس عباس .. واحب ياناس الحسين
---------
طفل وايام عمــري چــانت اشــويون
وتلـــوليلـي امــي بگـلـــي يالمــيمون
ربيت ابيت بيه طول السنه ايلطمون
وبالاسود اهلي اذكر چانو ايكـشخون
وكل ماشاهدت مــنبر ملامــح وجـهي تتغير
البيــئة بيـتهم عاشور ينسه شلون ابو الاكبر
رضعت احـــزان عاشور .. على اعتاب المخيم
لذلـــك حـــب الحســين .. لهسه يجــري بالدم
نافــذ بالـوريد
گلت الهم اكيد
احب ياناس عباس .. واحب ياناس الحسين
---------
ربيت ابسلف غيره وشيـخنه النوماس
ومــضايــفنه الحســينيات ياهالـــناس
مـــو إي ايــــد گــالـولي هــلـي تنـباس
وبست بس ايدي ابوي وعتبـة العباس
والـــيــتربه بالحـــظره اكيـــداً يرتفـــع قـدره
ولو رادت تزغره الناس ابو فاضل تره ايكبره
ابصحن عبــاس ياناس .. كبرت وعـله صيتي
اليــسئل بيتـــكم ويــن .. اگلــه الصحن بيتي
گالو مــو بعيد
گلت الهم اكيد
احب ياناس عباس .. واحب ياناس الحسين
---------
عندي احسين اسمه اجمل الاسماء
واحــب هذا الاسم مـن الالـف للياء
گالـــولي مرائــي وتـــعلـــم الزهراء
انه ابن الطبگ والبــچي وعاشوراء
احسيناوي الجزع ثوبي ولامــــاغيـــر اســـلوبي
ابچي شـــلون ما ابچي وتدوس الخيل محبوبي
قدوتي بحب الحسين .. شكــو انســان خير
مثـــل كاظم المنظــور .. ومثل حمزه الزغير
حچيك موجديد
گلـت الهـــم اكيد
احب ياناس عباس .. واحب ياناس الحسين
---------
مرات العــصر صـدري احسه ايضيج
واگصد للــرفيج الماكو مثــله ارفـيچ
ما امشي مشي اشــواگي مــن تهـيج
اركــض لبـو اليمه ركضــة طـويـريج
اركض واوگـع وانذل عاديــه ولا ازعـــــل
اريد ابهاي اواســيها الركضت حافيه للتل
فدوه العيـن الحسين .. خـــل اشما يگولون
واذا گالولي مجنون .. نعم هوه اني مجنون
مجنون الشهيد
گلت الـهم اكيد
احب ياناس عباس .. واحب ياناس الحسين
---------
السفر گالولي نعمه وراحه نفـسيه
اشـعندك كاضي عمرك بالحسينيه
مايـدرون عــندي ســــفره لـــيليه
الصحن عباس اخو زينب المسبيه
منـــاي واحـله ايــامي الگـمر لو شفــته گدامي
ضامي الشوفة الشباچ يمه وجاي احس ضامي
هنـــيئا للـــيشمون .. عطـر صحن ابو فاضل
يعيشون ويموتون .. اهـــل غــيره ومــراجل
وياهـــم تـريد
گلت الهم اكيد
احب ياناس عباس .. واحب ياناس الحسين
---------
حيدر تركي الكربلائي
صاحب الزمان (عج) وهلال محرم
فديتُكَ هلَّ الحـــــــزنُ حزنُ محرَّمِ
أعينــــــــــاكَ أم هــل الهلالُ بمأتمِ
وحيداً وتنعى والســــماءُ بكتْ على
فؤادكَ مفطــــــــــوراً وقلبٍ محطّمِ
فهل تندبُ المذبـــوحَ ظلماً من القفا
وعذراً ليشـــــــجيكَ الذي قالهُ فمي
أمِ الصحبَ والأهلينَ حينَ تجزروا
أمِ الطفلَ يشــــــــكو من ظماً بتألمِ
أم العينُ تبكي حالَ زينب وحدها
أمِ الفارسَ الســـــاقي بمقتلهِ ظمي
أتسمعُ أصواتَ الخيولِ ودوسها
على الصدر والأضلاعُ يطحنها العمي
أتبكي على تلكَ الصغيرةِ عندما
على الخوفِ لاذت بالحسينِ لتحتمي
أتبكي لآثار السياط ونهشها
من اللحمِ مع حر القيودِ بمعصمِ
تجرعتَ حزناً لا مثيلَ لحزنكم
نواسيكَ جئنا بالدموعِ وبالدمِ
سلاماً إمامَ العصرِ يقتلنا الجوى
وفي كل يومٍ لم نزل بمحرّمِ
فيا ليتَ أدركنا الحسين بكربلا
وياليتَ قطّعنا فداهُ ليسلمِ
فداكَ فعجّل ناشراً علمَ الهدى
لنطلبَ ثاراتِ الحسينِ فأقدمِ
................................محمد يحيى حجازي
في حق الامام الباقر.
عمري ابتده بلحسره وهموم
وطف كربله. كبالي كل يوم
بروحي محروكه اخيام
وجروح بيه منل الشام
وطف كربله كبالي كل يوم
-----------------
بكربله فتحت عيني وشاهدت حرك الخيم
النار تلهب باليتامه وعمتي زينيب والحرم
ماكو والي البقه عدنه ودايره علينه الزلم
بلهفه عماتي يركظن ويجرن ادموع الهظم
عل جمر. اركض حافي ونار
والخيم بيه بس الزغار
بس خيل اشوف بعيني
ياهو الذي. يحمي
طف كربله اكبالي كل يوم
-----------------
من بعد حرك. المخيم. طلعن يدورن ستر
عمتي زينب ياوسافه تمشي حافي علجمر
جروح بيه ام المصايب ومنسلب منه الخدر
بس حرم وياهه ظلت بصوطه واليه الشمر
لمن يجني بحسرته اليل
وجروح تنزف مني تسيل
وي اليتامه حيران
والحرك بيه نيشان
وطف كربله اكبالي كل يوم
----------------
جدي شفته مسلبينه ويجري دم من منحره
طايح عله االترب دامي ولظلوع. امكسره
وعمتي زينب سلبوهه بلا كفيل. امحيره
شفت بعيوني مصايب الصار بالطف والجره
عل نهر. عمي شفته مطروح
والجسم ينزف من الجروح
مكطوعه منه الجفين
والسهم نابت بالعين
وطف كربله كيالي كل يوم
-----------------
راس جدي كبالي اشوفه مخظب وفوك الرمح
وجسمه ظل مطبرينه والجرح فوك. الجرح
ياوسافه مات ضامي جدي عطشان. انذبح
مرمي عاري مسلبينه دمه عل غبره سفح
بدرب السبي من تمشي النوك
وبلظعن وسفه الشامت يسوك
بيدينه مربوطه احبال
ماينوصف ذاك الحال
وطف كربله كبالي كل يوم
----------------
مشينه درب الشام كله نبجي ونوح ونون
برفجت انذال وشماته صياطهم فوك المتن
والحرم بعيوني اصدهن مبين عليهن حزن
كلمن امضيعه وليهه وتجري دمعات جفن
ولن ابخرابه صرنه بلشام
محتاره عمتي تصبر اليتام
طبينه احنه الديوان
وكفن حياره النسوان
وطف كربله كبالي كل يوم
------------------
الخادم
رحيم الصالحي
{ *موشح لتلبية حج الشهاده*}
*يُقرأ بعدة أطوار منها :*
*طور : ماقدرت اتزورها*
https://youtu.be/G0Up2kNxZb4
*طور : بقبري من تدفني*
*ملا باسم الكربلائي*
https://youtu.be/qOK9Y37ni8A
••••••••••••••••••••••••••••••••••••••••••
*إلك يا بارينه لبيت النداء*
*وكون تِقبلها ذَبِحْتي ابكربلاء*
••••••••••••••••••••••••••••••••••••••••••
لجل مرضاتك رضيت ابذَبْحِتي
وبأَرِضْ لِطفوف صارت حِجتي
يا الهي وكون تِنجى شيعتي
*ويوم عاشوراء اتريا اللقاء*
••••••••••••••••••••••••••••••••••••••••••
للمنيه لَبَتْ اعيالي وهَلي
وچان ما يرضيك الا مقتلي
فوق صدري الشمر سيفه يعتلي
*إخِذ حتى ترضى يارب السماء*
••••••••••••••••••••••••••••••••••••••••••
انجان دينك يا الهي يستقيم
ابقطع نحري وترضى عني يارحيم
ابذلِت دمي حتى تقبل ياكريم
*وقدمت اولادي قربان وفداء*
••••••••••••••••••••••••••••••••••••••••••
بين اصحابي اظل اسعى واطوف
واعله جِثْتِ الاكبر اتصلي السيوف
وجاسم وعباس مقطوع الچفوف
*والرضيع الغُسله من فيض الدماء*
••••••••••••••••••••••••••••••••••••••••••
جثتي امن الخيل عالغبره اتهوِي
ومن حوافر لاعوجيه تِلتوي
ابدال زمزم من دمائي ارتوي
*وابقى يا ربي صريع ابلا رداء*
••••••••••••••••••••••••••••••••••••••••••
يا الهي رايد ارضاك اشتري
يوم عاشر ليك اضحي ابمنحري
بالطفوف الموت فرضي ومَشعري
*وللسبي قدمِت زينب والنساء*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لوداع وفراق الامام الحسين*}
*مدينة جده رسول الله*
*صلى الله عليه وآله وسلم*
{٢}
*طور : علي راح - ملا محمد بوجباره*
https://youtu.be/HEc3UKiMYG8
••••••••••••••••••••••••••••••••••••••••••
*وداعاً .. يجَدي ماشي لأرض الغاضريه*
*وداعاً .. للقَطِع راسي تِتاني آل اميه*
*وخواتي ايسِروها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
ياجدي عَلَيْ ضاقت الوسعه
زاير مرقدك رايد اودعه
رايح للطفوف ابلايه رجعه
وكاس الموت لابد واجُرعه
وداعاً .. يِذِبْحوني واظل اعله الوطيه
وداعاً .. او تِسحگ جِثِتي اخيول اعوجيه
*وبناتي يِشتموها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
نحري اقبال زينب يحزونه
وفوق الرمح راسي يرفعونه
وبعد الذبح ثوبي ايسلبونه
وصبعي يبو الزهره يِقطعونه
وداعاً .. يِحرقون الخيم يابو الزجيه
وداعاً .. واسياط العِدا تاذي رُقيه
*وحريمي يِضِربوها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
ياجدي رضيت آنه بالمقدور
تتذبح اعيالي ابيوم عاشور
و انظرها دِماهم عالثرى اتفور
وبالغربه تِظَل زينب ولِخدور
وداعاً .. يجدي وطفلي قدمته ضحيه
وداعاً .. اريد اكسب رِضا رب البريه
*وعِيالي ايْرَوعوها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
انموت ابكربله حسره ضِمايا
وانصاري على الغبره ضحايا
ابيا ذنب وجُرم وابيا جنايه؟
وحريمي عالهِزِل يِرحَن سِبايا
وداعاً .. بنات الزهره تركب عالمُطيه
وداعاً .. لراضي الشام ايودوها سِبيه
*ابخرابه ايقعدوها .. ابحِبال ايچتِفوها*
*ابحِبال ايچتِفوها .. وداعاً*
•••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *وَداعك / لطميه لوداع والد التسعه*}
*قبر أخيه الحسن عليهما السلام*
{٤}
⚫ *جديد*⚫
*طور : حرامات - ملا محمد الجنامي*
https://youtu.be/UVt5UO4G3Ro
••••••••••••••••••••••••••••••••••••••••
ابوعلي قاعد يم قبر اخوه الحسن
يودعه وداع الآلام ، وداع الجِراحات
شيگِل لبومحمد :
*وَداعك .. ياضَنى الزِچيّه*
*وَداعك .. موسَهِل عَليّه*
*وَداعك .. روحه مَهْضُميّه*
••••••••••••••••••••••••••••••••••••••••
يا چِبير الزهره لَتْظن .. وَكت لِمْوادَع سَهِل
مُوُش اي اوداع هذا .. اوداع مَيْلِمه شَمِل
اوداع لمفارِق حَبيبه .. اوداع ما بعده وَصِل
الكربله قرّب رَحيلي .. ورايِح الخُوه تِفِل
بالِفراق .. مِنْرِسِم عُمرنه
بالِفراق .. مِنكِتِب قَدرنه
*بالِفراق .. نِنوِلي سِويه*
••••••••••••••••••••••••••••••••••••••••
جاي اواسيك ابمُصابي .. ومِنّك أعذار التمِس
اوياك فَد احچايه عِندي .. عن ظُلامات الأمِس
مقدر انسى يوم يا اللي .. اسهام نَعشك مِنترِس
مِثل نَعشك خويه جِسمي .. اسهام رايح يِنغرِس
وِلَحجار .. كِل جِهة تِجيني
وِلَحجار .. تِدمي لي جَبيني
*وِلَحجار .. تِنرِمي عَليّه*
••••••••••••••••••••••••••••••••••••••••
إنت عِشت العُمر غُربه .. وآنه بالطف اغترُب
ويالذي مَطعون فِخْذك .. راح بِسْيوف انضرُب
وچان سمّوا خويه چَبدك .. چبدي مَتْذوق الشُرُب
وجِثِتي تحت الحَوافِر .. يوم عاشر تنقِلُب
يِكِسرون .. عالوِطيه صدري
يِكِسرون .. حوضي وَيّه ظهري
*يِكِسرون .. عظمي لأعوجيه*
••••••••••••••••••••••••••••••••••••••••
واذا جِثمانك عَزيزي .. كِتر جَدنه مَندِفَن
ثَلث تيام ابْنُوِيَّه .. راح ايظل مني البَدَن
صار إلك مجلس عَزيه .. وبيه نِساوينَك بِچَن
اخواتَك اليِرحَن سِبايه .. على النوق ايوَلْوِلَن
دِواوين .. تدخل الفَواطِم
دِواوين .. تِشتِم الهواشِم
*دِواوين .. بيها آل أُميه*
••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
#العليله
في ملاقاة العليله لعمتها زينب حين عادت من كربلاء
اشمالج يعمه امغيره اللون
محروق الوجه ومزورگه اجفون
وابكثر الدمع غارت لج اعيون
امحدب مشيج اموَرْمه إلمتون
هاي انت زينب لا تقولين
وحدج دخلتي ووين الحسين
ووين الحياده عمه چا وين
ظلج يحرسه جان إلحنين
———-
▪️حدي▪️
طور الجفيري
اشبيچن يعمه امغيرات
اشبعتن هضم واملوعات
لا حيل اشوف امهدهدات
وامن الظهور امحدبات
وين الحياده عمه وين
چانوا لظلج حايطين
وين النفل عمي الحنين
ويت اتركوجن حايرات
عبدالله مااسمع نغاه
عمه ولا صوت لبچاه
يايمه وينه وشل دهاه
شو منه اديجن خاليات
مااشوف الاكبر والشباب
وعمي القمر مااشوفه
اشبعتن اظن امن العذاب
جنتن اظن ميسرات
لابويه لا اشوف الزلم
ويمشي اويه ظلچن بس الم
ياعمه يا ريته حلم
ويمي اشوف مخدرات
———
#بنت_الشمري
"*وأُقيمَت لكَ المآتمُ فِي أَعلَى عِلِّيّين*"
*العقيلة زينب الكبرى(عليها السلام) وهلال محرّم*
طور: "يُمّه ذكريني"
يَهْلاَلَ احزانِي.. زَيَّدِت جَرْحِ الفُؤَاد
رِجْعَتِ الذِّكْرَى.. وحَنَّتِ السَّبْعِ الشِّدَاد
يَاريتَه مُوتِي.. بْ كَربَلَه گَبْرِي
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
ابْعِينِي خُويَه حْسِين.. شَايِلِ ابْچَفَّه الرَّضِيع
وِانْذِبَح يَا حِيف.. بَاحْضَانَه ايْرَفرِف صَرِيع
عَبدَلله ظَامِي.. ذِبلَتِ اعْيُونَه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
يَهْلاَلِ امْحَرَّم.. مِشْتَاگَه شُوفِ العَبَّاس
وَاقَبْلِ اچْفُوفَه.. وَالْثِمِ اجْبِينَه وِالرَّاس
سَاگِي العطَاشَى.. وِانْطُفَت عِينَه
ذِبْحَوَا اعْزَازِي.. واِخْيَامِي نَارِ ورَمَاد
¤•¤•¤•¤
رَاحَ اخُويَه حْسِين.. عَطشَانِ وخَدَّه تَرِيب
وِالنَّحَر مَدمِي.. وِانْرُفَع رَاسِ الحَبِيب
چَم طَعْنَه وضَرْبَه.. صَوِّبَت گَلبَه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
وَاتْذَكَّر جَاسِم.. عِرِّيسِ وزِينِ الشَّبَاب
زَفِّتَه رَملَه.. بِ شمُوعِ ودَمَّه الخِضَاب
صَاحَت يَولِيدي.. إرجعْ يَا يُمَّه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
وَاعْظَم مصِيبَه.. مِن شِفِت لَاكْبَر طَرِيح
وِاحْسِينِ امَّدَّد.. يَم جِسمِ وْلِيدَه الجَرِيح
نَادِيتَه خُويَه.. بَالله حَاچِينِي
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
#أمنن #علينا #برضاه #يا_صاحب_الزمان
(الليله الثانيه)
الليله ثاني ليله زينب ياغريبه
🏴🏴🏴🏴🏴🏴🏴🏴🏴
الليله هيئات ومواكب حضروها
ليلة الخدام هايه استقبلوها
الله گال اعله الشعائر عظموها
__
الگاعد ابيته تره هايه مصيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
ليله بالمجلس احس حسين حاضر
يشكر اصحاب المجالس والمنابر
دمعة الخادم تطفي النار باجر
__
واليشكره حسين هنياله بنصيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
والنعم منكم كفو يهل المجالس
بالخدامه والله ماالكم منافس
وبلطمكم انه اشوف اجنون عابس
__
وبالمدامع والله غيرتكم عجيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
📝احمد البغدادي
#_محرم_الحرام1444هـ
الليلة الثانية من محرم
(قصة قارورة تربة الحسين ع)
بليلة من ذيچ الليالي انطاني قارورة النبي
وگـالي بعـاشر محـرم هــواي الـهـا راقـبي
تـراب بيـها وگـالي يـام سلمه
المصيبة تصير من تگلب دمه
……………………………
ابـو الزهــره شفـته اشعث دمعـته فوگ الوجن
يـا رسـول الرحمـة گـتـله ليـش اسمـعـنك تــون
وگـالـي جـبـريـل اســرى بـيــه هالـيـلـة بـحـزن
لكربله وشفت الي شفته وگـلبي احسه منطحن
ومن هذيچ البقعة جبته حفظي يمچ هالترب
والمصيـبة تصـير بـيـها هـذا مـن دم ينگـلب
بكربله تـقـوم بمـحـرم ملحمه
المصيبة تصير من تگلب دمه
……………………………
يبچي ويدگ عله راسه يصيح ياطف كربله
شعـندك وي حسين ابني شعندك وي العايله
گـتله سولفـلي يروحي شبـيك يا خـير المله
هاي اول مره اشوفـك هـيـچ عيـنك هامله
يـبو الزهره يا مصيـبة الهـيچ حالك گـلبته
حچيلي بحسين شيصير هناك هو وعيلـته
حچيلي يابو الزهره هاي الموزمه
المصيبة تصير من تگـلب دمه
……………………………
ومقـتل حسين وبـنـيه صار طـه يروي الي
وكل مصيبة يروي اليه اني اصيحن ياعلي
وگالي صبري واسمعي راح اسولف مقتلي
انـذبح وي ابـني باچـر الـف مـره حسبيلي
كل رمح كل طعنه بيه بگلبي احسن كل سهم
واني الاركض وي عيالي من تـشب نـار الخيم
واني وياهم اموت من الضمه
المصيبة تصير من تگلب دمه
……………………………
حسين مـني واني منه عالمـنابـر من گـلت
بضعـة مني وبضعـة منه هـوي الـهـم أكـدت
ليش چا بضعة محمد بعـيني بالطف شاهدت
نداست بذيچ الحوافر يعني اني الي اندست
صدري وي صدر ابو اليمه بالحوافر ينسحگ
وهذا ضلعي بالمخـيم زينب اتسمـعـه يطگ
لطگت اضلوعي العقيله مألمه
المصيبة تصير من تگلب دمه
……………………………
باچـر حسين بمـحـرم ضامي گـلـبه ينـذبـح
واني گـلبي بهل مصيبة ينزف يضل منجرح
وجـثـتـه تبـقـه سلـيبه وراسه ينشال برمـح
ودمه فوگ الگاع يجري وللحشر يبقه يسح
جروحه تبـقـه للقيامه شاهده بكـل مـاجرى
دمه يشهد ، لحمه يشهد مصاب گطعة منحره
الكائـنـات اتنـوح لجله بالسمه
المصيبة تصير من تگلب دمه
……………………………
وسبب كـل هاي المصيـبه الثاني والاول تـره
من السقيفه يـبدي كلشي بهالجريمه السافره
من حـرگ داري عله بنـتي فاطمـه هالطاهره
ضلوع لو ما يكسر الها الثاني ما صار وجرى
صدر الحسين بمحرم بالحوافر ينسحگ
وخيمة الحره العقيله بنـار باچر تحـترگ
وبالبـراري بنـتي زينب هايمه
المصيبة تصير من تگلب دمه
الشاعر عقيل الحسناوي..
.
#الليلة_الثانية
#قصيدة_رباعية
#محرم_1446
كتبت بفضل تراب المدينة ورعاية صاحب الأمر عجل الله تعالى فرجه
يرجى بعد إذن حضرتكم في حال الاستفادة إفادتنا بالتسجيل لتمام الفائدة
١/ روحُ الرسولِ أتى إلى قبرِ الرسول
هذا الصفا، أوَمروةٌ قبرُ البتول؟
نزَلَ البلا، والسعيُ بينهما يطول
يحكي لهم عن حالِه في نينوى
٢/ إني أنا إبنٌ لـ "لو كُشف الغَطا"
ببصيرة أطوي إلى أجلي الخُطا
قل إنَّما "هيهاتَ لو تُرك القَطا
لغفَا ونامَ" ولم يظلَّ بلا رِوى
٣/ وبلا رواءٍ كيف أبقى مُفردا؟
فبلا صِحابٍ بعدَ أن رَوُّوا الفِدا
والحزنُ مائي أرتويهِ سرمدا
فالنجمُ تِلوَ النجمِ للأعلى هوى
٤/ يعلو ندايَ لأكبرٍ ولقاسمِ
ولكافلِ الحوراءَ عباسَ الظمِي
ألقاهُمُ قِطَعًا تُخضَّبُ بالدمِ
وأنا أجاهدُ دونَ ظهري واللوا
٥/ مِن ثمَّ أبكي: "يا لأمة أحمدِ"
والرأسُ يُرفعُ للسما بتورُّدِ
وعليَّ خيلُ الأعوجيَّةِ تعتدي
حتَّى تراني فاطمٌ وترى الجوى
٦/ نارٌ عَلَت في خَيمِ أصحابِ الصراط
فتقطَّعت بفؤادِنا كلُّ النياط
وكما على متنِ البتولِ هوَت سِياط
سوطٌ على متنِ السبيَّاتِ التوى
#في_خدمة_الخطباء
✍️قمر حسين
نسألكم الدعاء
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
🌴تجمًع الزهراء ع العاشورائي🌴
🌳الليلة الثانية الإمام المهدي عج وحادثة الطف
تنظيم🌾 منى يزبك
القصيدة الفصحى
هـذهِ دارُهُـم تُـهيجُ شُـجُوني كـيفَ حَبسُ الدموع بينَ الجُفونِ
جُـودي بالدمعِ فوقَ خدّيَّ جُودي هـذهِ دارُ صـحبِنا يـا عُيوني
بـعدوا والـبعاد أمـر مـريب وبـمـا لا أطـيـقُه حـمّلوني
واصـلُوني دهراً وما كُنتُ أدري بـعدَ وصـلٍ ورحمةٍ يهجروني
ودّعـوني وأودَعـوا السهم قلبي لـيتني مِـتُّ قـبل ما ودّعوني
أيُّـها الـلائمونَ كُـفّوا ولـكن بـمصابِ ابـنِ فـاطمٍ ذَكّروني
تـلكَ ذكـرى بها تَهونُ الرزايا وهـي مـن أُمهاتِ ريبِ المنونِ
تَـركتْ زيـنباً تُـنادي حُـسيناً يـا ابـنَ أُمي ووالدي روّعوني
غـيّرتني مـصائبُ الطف حتى أن مـن يـعرفوني لـم يعرفون
صرت أدعو بين العدى يا حُماتي وهـم راقـدون مـا سـمعوني
لـيتهم شـاهدوا عـنايَ وذُلـي وسـياط الـقساة فـوق مـتوني
كـنت مـا بـينهم جـليلة قدرٍ لـكن الـيوم فـي السبا تركوني
فـإذا مـا نَـدبتُ جـدّاً وعـمّاً وأبـاً فـي سـياطِهم ضَربوني
آه آه
مجاريد
آه من الزمان الغدر بخواني..او يسيرة بيد گوم الانذال خلاني
ريت اللحد گبل حين ضماني...عساها غمضت عيني گبل عبنه
🍃تگلة يمة يزهرة
عكراوي
تمنيچ يزهرة حاضرة ويانه...وشفتي احسين يوم الهوه ابميدانه
ثلث تيام ظل مطروح بمچانه...وسلبوا عيلته او حرگوا الصواوين
يا ريتچ حضرتي احسين ومصابه...تره سهم المثلث بالگلب صابه
يگعد فوگ ثظره الشمر ما هابه...وهالملعون بيده ذبح والينه
أبو ذية
مصاب إحسين أبد بالكون ياجــــد
مشه إبدرب الشهاده وعرف ياجد
صاح بصوت فتني العطش ياجـــد
يراعي الحوض يالتسكي البريـــّه
إعيوني إمن البجي ياناس كـفـّـــن
على اللي جاد دون حسين كفيـّـــن
إلك كفيــّــن يالعبـــــــاس كفـّـــــن
كفو مـنـّك يبـــن حامي الحميـــــّه
إيه يا زينب إيه يا قلب زينب
مولاتي كيف تحملتي ذلك المنظر العظيم
فديتك روحي يا زينب .. زينب عندما ساهدت الحسين بتلك الحالة بمن تستغيث
حولت وجهها الى ناحية امها الزهراء ع الى المدينة
ترى شو تگله
منو مثلي اخوه علگاع
نايم والشمر يمه
وعينه تنظر اعياله
وجسمه امسبّح بدمه
----
ياهو الي مثل زينب
گامت تلطم اعله العين
صاحت يمه يالزهره
من شافت اخوها حسين
يم جسمه الشمر واگف
ولن صار الجرح جرحين
جرح من الشماته اصعب
لو جرح الذي بجسمه
-----
شفت الخيل من داست
اخوي وسحگت بصدره
وشفت الشمر يا ويلي
وبسيفه يحز نحره
شفت حسين ضل جثه
فوگ الگاع متطشره
ومن ابعيد ماگدر
اصيح وروحي اتكلمه
-----
الشاعر محمد حسن ضيغم
🍃المصيبة🍃
الإمام الحجة (عج) ومصائب كربلاء
قال بعض الأكابر أن أحد المؤمنين رأى الإمام المنتظر (عج) في الرؤيا فسأله عن قوله في زيارة الناحية (فلئن أخرتني الدهور، وعاقني عن نصرك المقدور، ولم أكن لمن حارجك محاربا، ولمن نصب لك العداوة مناصبا، فلأندبنك صباحا ومساء، ولأبكين عليك بدل الدموع دما).
قال سيدي لأي مصيبة تبكي دماً؟ لمصيبة الحسين؟ قال: كلا، لو كان
الحسين حاضرا لبكى، سيدي أتبكي لمصيبة أبي الفضل العباس لأنه قطيع اليدين؟ قال: كلا، لو كان العباس حاضرا لبكى، سيدي أتبكي لمصيبة علي الأكبر؟ قال: كلا، لو كان الأكبر حاضرا لبكى، سيدي أتبكي لمصيبة القاسم؟ قال: كلا، لو كان القاسم حاضرا لبكى، إذن سيدي لأي مصيبة تبكي دما؟ قال: أبكي لسبي عمتي زينب.
للشام زينب تنسبي ما خطر علبال وتتفرج اعليها هند ياهو الذي گال
نعم ان من أعجب العجائب في هذه الدنيا أن مخدرات الرسالة يحملن على جمال عجف بغير غطاء، سبايا من بلد إلى بلد، والمنادي ينادي عليهن بالهوان وإذا بكت امرأة لفقد ولدها أو زوجها أو أخيها أو بكت يتيمة لفقد أبيها جاء إليها القوم فقنعوها بالسياط.
(أبوذية)
راعـي الـثار ما يظهر علامه يـنـشر لـلـيتانونه عـلامه
نـسه بـمتون عـماته عـلامه ابضرب اسياط زجر وجور أميه
(مجردات)
يبن الحسين شيل اللوه او گوم يـمندوب لأخـذ الثار كل يوم
تـنسه الـغريب المات مظلوم عـطشان ومن الماي محروم
تـنسه سـبي زينب او كلثوم سارت سبايه او تطوي الحزوم
مـن هـلجره ما جتك اعلوم
🌾يا صاحب العصر والزمان ايها المنتظر أترى مصائب زينب ما اكثرها واعظمها عحل بثارتك
🌾شو تگول زينب شو تعدد من مصائب..لقد زادت البنت على أمها
ما أعظم قلبك يا زينب ترين ما ترين وتبقي الجبل الصامد والصبر
يا كعبة الاحزان ايتها الغريبة في البلاد
آنه أم الحزن زينب.... ونيران الحزن بحشاي
تسري وعقب عين حسين... ماريدن بعد دنياي
آنه الفارقت جثته... ورحت ميسره ويا عداي
خليته وردت جسمه... بيدي القبره أنزلنه
مصاب حسين مثله مصاب ... لا صاير ولا يجرى
ياهو القبل ابو اليمه... ظامي وانقطع نحره
وادي كربلا والماي ..... مهر الزاكيه الزهره
وحسين إنذبح عطشان..... والماي إنمنع عنَّه
آنه ا
للي شفت ناري
🌴تجمع الزهراء ع العاشورائي🌴
💥مجلس الثاني من محرم 💥
تنظيم 🌱منى يزبك
القصيدة الفصحى
دعني أطيل بكربلاء وقوفا****دعني ازور مقامهم مشغوفا
دعني أنوح على الحسين وأهله****غُدروا ولاقوا في النحور سيوفا
دعني أيا مولاي ابكي فقدكم****دعني بشعري امقت المألوفا
قلبي وكل جوارحي مدمية *لو لاح رسمك في الخيال طيوفا
ناداك من ارض العراق لئامهم****نادوك تلبس للظلام صروفا
حتى اذا أعددت عدة مؤمن*لخلاص دين الأنبياء شغوفا
واتيتهم قد بدلوا إيمانهم*كفرا وما زادوا عليه حروفا
قاتلت جيش المارقين بعزة****وصنعت ذاك المجد والمعروفا
ما كنت تجبن ان تلاقي مصرعا****ما دمت ترفع للأباة انوفا
اكدت ان الحر ينصر عندما ****يلقى على ساح القتال حتوفا
واتوا الى قصر اللعين برأسكم*وضعوه فوق رماحهم مقطوفا
و(يزيد) في لهو وسكر دائم****قد كان يلهوا بالقرود عكوفا
واتوا اليه وقد اعد مباهجا*مستبشرا واستقبلتك دفوفا
وبرأس ذاك الطهر تلعب كفه*من للحسين يعيده منصوفا
وا حسرتا نفسي الفداء لسيدي****نفسي الفداء لزينبٍ ملهوفا
جرح على قلب الزمان مخلد*والدم يقطر من جواه صنوفا
يا سيدي لا تحسبنّي غافلا*عن حبكم والدمع ليس ذروفا
يا سيدي ربي سيشهد انني ****ما قلت شعري هكذا مكلوفا
شعري نذرتك للنبي واله*شعري لهم لرثائهم موقوفا
قصيدة فصحى أخرى (اختياري)
قد عاد حزني والبكاء وتألمي مذ ابصرت عيني هلال محرم
ولبست ثوب الحزن فيه مواسيا آل النبي الاطهرين بمأتمي
ثم انثنيت الى الهلال مخاطبا والدمع مني قد جرى كالعندم
بك يا هلال عدت جيوش أمية ولآل أحمد اهرقت أزكى دم
بك يا هلال هوى ابن بنت محمد تركته شر جماعة لم ترحم
بك جسمه فوق الصعيد مبضعا وبما به في قلبه سهم رمي
والرأس شيل على قناة بينهم يعظ العباد بآي ذكر محكم
قد حزه شمر عن الجسم الذي قدم النشا في حجر طه الأكرم
وغدى يفاخر صحبه في قطعه الرأس الشريف فياله من مجرم
بك يا هلال بيوت أحمد أحرقت وبقين ربات الخدور بلا حمي
مجاريد
هاليوم ما ادري شجاني
انه امحوربه ودمعي عماني
شفت عاشور وانخطفت الواني
♤♤♤♤♤♤♤♤♤♤♤♤
من هل الشهر هلن عيوني
واعاين لخوتي ويعاينوني
چنکم یخوتي تفارگوني
♤♤♤♤♤♤♤♤♤♤♤♤
عاشوري بالآه
عسه شهر الحزن لا هل وجاني
اشلون اظل عدله عفاني
بهذا الشهر ذبحت اخواني
♤♤♤♤♤♤♤♤♤♤♤♤
ميلة زماني بشهر عاشور
من جدي هذا الي مذكور
افگد جمع کل هاي البدور
ام ضيغم المحنة
في كل سنة نتحضر لحضور هذه المجالس المباركة حتى نهمل تلك الدموع الرحيمة ونبكي مولانا الحسين ع
ونتمنى ان يمد الله في اعمارنا لنزداد زادا لاخرتنا
الحمد لله وصل عاشور وأمتد العمر بيه
وأرد ألبس ثياب السود وأخدم بالحسينية
الحمد لله وصل عاشور وانا بهالسنه موجود
أروح لمأتمك ياحسين وأرد ألبس ثياب السود
وأزيد اعلة السواد سواد وألطم لو قرة الرادود
وبلجن بالخدم إسمي متسجل بتعزيه
يابو اليمة العمر ذابل وإكسر وأجمع بدهره
دخلك جاي وأترجاك باجي العمر لاخسره
كم عاشور باكيلي ابجي وي امك الزهره
ومنك ماأريد ثواب ولا إلي عليك منيه
منك لاأريد ثواب ولا أريد اندعي باأجري
بس يم منبرك خلني أبجي ودمعتي تجري
وأضل من مأتم لمأتم أوسم بالدمع عيني وأوسم بالطم صدري
وتكسر عبرتي مصابك كل مايمر طاريه
المصيبة
عن الصادق (عليه السلام) أنّه قال: انّ زين العابدين (عليه السلام) بكى على أبيه أربعين سنة صائماً نهاره وقائماً ليله، فإذا حضر الإفطار وجاء غلامه بطعامه وشرابه، فيضعه بين يديه، فيقول: كل يا مولاي! فيقول (عليه السلام): قُتِلَ ابنُ رسول الله (صلى الله عليه وآله) جائعاً، قُتِلَ ابن رسول الله (صلى الله عليه وآله) عطشاناً، فلا يزال يكرّر ذلك ويبكي حتى يبتلّ طعامه من دموعه، ثم يمزج شرابه بدموعه، فلم يزل كذلك حتى لحق بالله عزّ وجلّ .
كما حدّث مولى للإمام السجاد (عليه السلام) أنّه (عليه السلام) برز يوماً إلى الصحراء، قال [المولى]: فتبعته، فوجدته قد سجد على حجارة خشنة، فوقفت وأنا أسمع شهيقه وبكائه .. ثم رفع رأسه من سجوده وإنّ لحيته ووجهه قد غمرا بالماء من دموع عينيه، فقلت: يا سيدي! أما آنَ لحُزنك أن ينقضي ولبكائك أن يقل؟
فقال لي: ويحك إنّ يعقوب بن إسحاق بن إبراهيم كان نبياً ابن نبي، له اثني عشر ابنا، فغيّب الله واحداً منهم فشاب رأسه من الحزن، واحدودب ظهره من الغم، وذهب بصره من البكاء وابنه حيٌ في دار الدنيا، وأنا رأيت أبي وأخي وسبعة عشر من أهل بيتي صرعى مقتولين فكيف ينقضي حزني ويقل بكائي ؟!
وروي عن أبي عبد الله الصادق (عليه السلام)، أنّه قال: البكاءون خمسة: آدم ويعقوب ويوسف وفاطمة بنت محمد (صلى الله عليه وآله) وعلي بن الحسين (عليهما السلام) ... وأمّا علي بن الحسين فبكى على الحسين (عليهما السلام) عشرين سنة أو أربعين سنة، وما وُضِع بين يديه طعامٌ إلا بكى، حتى قال له مولى له: جعلت فداك يا بن رسول الله! إني أخاف عليك أن تكون من
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
وسِّد على حدّ الهلالِ مدامعي
واسمع فصمتُ الليلِ طحنُ أضالعي
والآه تخنقُ عبرتي وتهدُّني
وكأنّ روحي صورةٌ لبلاقعِ
أسجمتُ دمعاً مع هلالِ مُحرّمٍ
روّيتُ روحي من حميمٍ صارعِ
وأقمتُ في ألفٍ من الأعوام فو
ق رماد خيمةِ زينبٍ يا سامعي
طوراً أهمُّ لكي أصدّ سياطهم
طوراً أغضُّ الطرفَ ظلٌّ دافعي
وأودُّ لو دونَ الحسين على الثرى
جسدي يوزّعُ والخيولُ قوارعي
وأرى بسنّ الرمحِ قرآناً علا
وملائكٌ تهوي بهولِ تدافُعِ
هذا هلالُ محرمٍ خذني إلى
حجِّ الدموعِ أبيتُ حتّى التّاسعِ
وهناكَ أقضي ليلتي مع جمعهم
ما بينَ تالٍ أو مُصلٍّ خاشعِ
وإذا أتى يومُ ازدحامِ أسنةٍ
كيما تحزّ النحر دونَ تراجُعِ
أستأذنُ المولى الحسينَ سعادةً
بجنون عابسَ أستلذُّ مواجعي
أهوي إلى تربُ الطفوفِ وسادتي
كفَّ الحُسينِ وذاكَ خيرُ مواقعي
إنّي قصدتُ الطفّ حتّى أرتوي
عطشانها سقاءُ كلِّ مُراجِعِ
.....محمد يحيى حجازي