7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
زاير بشوك وهيام.. اعتني الأرض البقيع
بسجل سادات الوجود.. الخطوه والله ماتضيع
لغله الاحباب.. والاطياب.. اروح زياره
گلبي مشتاك.. والفراك.. حركني بناره
......................
انه الگلبه تجوه
بحزن بيت النبوه
ويضل صوتي.. لحد موتي
الحياتي همه سلوه
عشت عمري بذكرهم
ولا اعصي أمرهم
ولانادم.. انه الخادم
دمعتي وخيري منهم
من اروح زياره يمهم يختلف حته الهوه
من عطرهم انه اشمن والله تربة نينوى
هذا الاحساس العجيب.. بروحي عايش من زمان
اكبر ويكبر معاي..وياهم أشعر بالأمان
هذا الاحساس.. يهل ناس.. اسمعوا اخباره
گلبي مشتاك.. والفراك.. حركني بناره
.......................
رسمت أبالي صوه
ضريح الهم وازوه
اطوفنه.. واشوفنه
يشع بالدنيه نوره
احبهم والله احبهم
ولازل عن دربهم
انه جروحي.. وكثر نوحي
الفكدهم والغربهم
الدمعه اجريهه عليهم من قريب ومن بعيد
دين عدهم هذا دمعي بغربتي باجر يفيد
ما اضل غادي وحيد.. اني متأكد اكول
بالگبر عيني تشوف.. تحضر الزهره البتول
وروحي هيهات.. بل آهات.. تضل محتاره
گلبي مشتاك.. والفراك.. حركني بناره
.........................
انه شما احجي بيهم
يرف گلبي عليهم
عشت عمري.. بفخر ودري
حياتي أبين اديهم
اجي بنية زياره
حلم عمري الغياره
كحل عيني.. ومُنه سنيني
اشوفلهم مناره
وبالصحن اوكف واسلم.. والدمع مني يصب
وادخل الحضره بلهفتي وشوكي ذاك البلگلب
واندب بصوتي واصيح.. شكراً الرب السماء
وعيني تنضر علجمال.. في ضريح الأولياء
حزني للدوم.. والهموم.. عليي مطاره
گلبي مشتاك.. والفراك.. حركني بناره
......................
حزن خيم عليه
بقيع وغاضريه
اصب دمعي.. واضل انعي
عله اولاد الزجيه
مصايبهم جبيره
ولد شيخ العشيره
نحر دامي.. وجبد ضامي
وحرم الهم اسيره
والحسن ماانسه يومه ونعشه بسهام انرمه
وفوك هذا الصار كله وهسه گبته مهدمه
لجمه واهات وجروح.. وكلهن بوسط الدليل
واكبر اجروح ومصاب.. زينب ونوك الهزيل
شنهو الأسباب.. وابو ترب.. غريبه دياره
گلبي مشتاك.. والفراك.. حركني بناره
.......................
علي السجاد اشوفه
وتصد عيني الطفوفه
شكثر ينحب.. على زينب
والحبال بجفوفه
وعله الباقر رزايه
مشه بدرب السبايه
انجرح گلبه.. بدرب غربه
عذابه امن البدايه
وصادق العتره الشريفه بالمحن كضه العمر
وبيته مثل اخيام زينب هم لهب نار وجمر
شافوا انوع العذاب.. وياجرح منهم يطيب
صبوا ادموع العيون.. للبقه بالطف سليب
المهدي موجود.. تره يعود.. يجيب بشاره
گلبي مشتاك.. والفراك.. حركني بناره
محمد هادي العقابي
(للبقيع)
دمع اشتياكَي بلهفتي ايتجاره كون آنه يمهم واقره بالزياره
وكل التحبهم حاضره بأرض البقيع الطاهره
كون آنه يمهم واقره بالزياره
***
خلصت حياتي والعمـــر وآنه اطحن بآهـــاتي
اتجوى بالجمـــره واون خافن دنت ســـاعاتي
وبكلبي ظلت امنيـــــــه تجاره وي دمعــــاتي
أذكرهه من ادعي الفجر رب استجب دعواتي
بجاه الرسول وفاطمه الزجيه وفقني ربي ادعي كل مسيه
ريت المجالس عامره بأرض البقيع الطاهره
كون آنه يمهم و اقره بالزياره
****
متمني اكصد للحســـــن متعنـــي وي احبابه
عد كبره ابجيله بحــزن واكعد واقبــل اترابه
وموحجر الكه لا صحن خاطر اشـــــم بعتابه
هذا الكريم الا ابــــــــــد ماخاب الي ايدك بابه
ديوانه جود ومكرم البريا هوه الرئيس بدولة العطايا
وعيوني ظلت ناظره بأرض البقيع الطاهره
كون آنه يمهم اقره بالزياره
***
والزين العباد اعتنــــي وبابــــه اذرف دمــــعه
اقراله والطم عالصــدر وبكبــــــره اعلك شمعه
اذكر رزيته اوي الاهل من راحت الكل صرعه
عاش اعله ذكراهم يون اليوم الأجل ظل ينــــعه
شاف الذبيح وشاف المسنايه ورافك يتامه برحلة السبايه
منهوالي يجبر خاطره بأرض البقيع الطاهره
كون آنه يمهم واقره بالزياره
****
وللباقر امشي ابكل ادب ودمع الألــــم يجاره
هيج آنه واحظى بشوفته ويجعلني من زواره
اعتب واكله ســــــــيدي شوف الدلــيل وناره
اشتاكينه وأذانه البجــي يهل البخـت والشاره
اشجي همومي وعبرتي الجريحه كون بجواره واكعد بظريحه
وانصب عزيه بمنبره بأرض البقيع الطاهره
كون آنه يمهم واقره بالزياره
***
والصحن ابو الكاظم اجي واركع واطول السجده
للباري اصلـــــي واحمده هذا الفضل من عـــنده
واتعنه ام الأربعـــــــــــه اليكصدهه لا متـــرده
أم الكفيل العالنـــــــــــهر لحسينه كطــــع زنده
باب الحوائج روحي تعتنيهه ام البنين بشدتي انتخيهه
روحي تحط مسافره بأرض البقيع الطاهره
كون آنه يمهم واقره بالزياره
***
وقبر الزجـــيه فاطمه اتعنه ليـــــــــه ابمدمع
ادخله من باب الذهب بعتابه اســـــجد واركع
ومنبر جبير انظر بعد وصوت النعاوي اسمع
هالصوت جني سامعه ايكسر الخواطر يفجع
هالسيد اليقره النعي عرفته المهدي هو الرجعه الخدمته
الناعي جاسم هالقره بأرض البقيع الطاهره
كون آنه يمهم واقره بالزياره
***
ابو علي الركابي
الى البقيع أبعث سلامي كل يوم
الى متــى يظل ضريحهَ مهدوم
*
يا سلام الله على جده الحسن ما نسيناه
كل عمرنه ويانه عايش واحنه عشنه وياه
هذا عايف عقله هذا؟ الكَال حُبه عفناه
والله لو يمنه ضريحه للنجم بنيناه
تظهر يمهدي لو غيابك للدوم
الى متــى يظل ضريحهَ مهدوم
****
يابو صالح بينه لوعة وعدنه خاطر مكسور
مهدمه لسه يمهدي عدكم أشكَد كَبور
لسه غايب وينه جيشك سيدي ما معذور
تدري زينب من غيابك رد عليها عاشور
چم عام مَر ولسه جدك مظلوم
الى متــى يظل ضريحهَ مهدوم
النسمهَ ما نشتمها اذا ما هيه من كَبرهَ تفوح
أحنه بس اجساد احنه يمه تدري شچم روح
كافي يالصبرك عجيبة بكَلبك شكَد جروح
للبقيع بهالمواكب يمتــه وياك نروح
ما يمل سيفك كَله مو كافي النوم
الى متــى يظل ضريحهَ مهدوم
***
تدري بعدك يابو صالح سالت ادموم أنهار
عدنه قادة منه بينه بس نوايه كفار
ما اسولف كلها عندك تعرف انت الأخبار
المَر علينه يا محمد والله مثله ما صار
عن المجـــازر ما اجتك علـــوم
الى متــى يظل ضريحهَ مهدوم
****
آني لوما هوه اصلا عايش بلايهَ أحساس
هوه ينطي ايعاز ألها وتجي لريتي الأنفاس
بس يمولاي بخدمته أمشي مرفوع الراس
أمنية عدنه ونشوفه كَبرة يم العباس
خل ندعي وياك الأله القيوم
الى متــى يظل ضريحهَ مهدوم
****
بالبقيع الحسن كَبرة وروحه بالشام بعيد
زينب أخته بلاية وآلي وخاف كفال تريد
الحَشد كَلــه يجيها من تحس بتهديد
لسه عالدنيا أميرة وأمس ما هزها يزيد
ويانه زينب هيه منتظرة تكَوم
الى متــى يظل ضريحهَ مهدوم
****
حيدر حسين الكَرعاوي
8/ شوال ذكرى تهديم قبور أئمة البقيع
......
عجل الله فرج يوم اللقاء
والبقيع اتعود وايتم البناء
....
عجل الله الفرج يبن الحسن
البقيع إبلا مناره ولا صحن
أهل بيت الهادي ماعدهم وطن
من زمن ذيچ المَره وحلّ البلاء
...
ندري بيهن مو اليوم اتهدمن
اتهدمن من مات مولانا الحسن
والمَره اعترضت وگالت لا وَلَن
ابيتي لتدفنون شي من كربلاء
...
الهلهلت من مات امير المؤمنين
ووزعت حلوى اعله بعض المسلمين
هيه هاي ام الشيوخ الفاسقين
المن رسول الله ماعدهه حياء
...
عالكهف لاهل الكهف مسجد يصير
والبقيع ايطيح مرقدهه الچبير
احسين يامولاي لمّوه ابحصير
وحتى ماقبلو نسويله رثاء
...
مسلمين الامس شبعوكم طعن
مَره ماخلو عليكم لا إبن
مسلمين البارحه الگالو (وإن)
ومسلمين اليوم نفس الاعتداء
...
البخاري إيأكد ومسلم يصر
عالنبي ايگولون مختل الفكر
عالجبل چم مره حاول ينتحر
والوحي ينزل يهدأه أمن السماء
...
من سقيفتهم بدت هاي الجروح
مانظمهه ولازم انگول ابوضوح
لوعة التهديم بينه وماتروح
وكل سنه انسويلهم هذا العزاء
...
اللهم عجل لوليك الفرج
محمد الجماسي
https://youtu.be/HoEVRx8OVG0?si=_a2ymfB9qV0v2WPS
Читать полностью…
#ابوذيات
بكثر روحي عَلي نوحي كَبُرهام (كأبراهيم)
تهدم وانعدم حيلي كبرهام (كبر همي)
العواذل ما رهم بيهم كُبُر هام (كبير القوم)
تعال وشوف ياروح الزچيه
✍️#الشاعر_الميرزا_محمد_الساعدي✍️
#ذكرى_تهديم_قبور_أئمة_البقيع ع
شگد عظيمه هالليالي اشگد عظيمه
الهدموا اگبور اهله گدامه هظيمه
ليمته يبقى الصبر
أظهر وقيم النصر يابوصالح
================≈===========
هذا مولاي الدمع قرّح جفونك
بهاي الافعال المسيئه ايعذبونك
بهدم تاريخ النبوه ايعاهدونك
بدفعة الباب وحرگهه يذكرونك
الياوكت تنحب تظل الهالمصايب
من فعلهم تنبري لو تبقى غايب
كلوبنه صارت جمر
أظهر وقيم النصر يابوصالح
================≈===========
دمعة المحروگ لو وگعت عجيبه
تچوي چي من دون الينزلن غريبه
يامصيبه اذكر واعوفن يامصيبه
الگلبه من سوگ الألم صاير نحيبه
چم محرم بالسنه يمرلك يقائم
وانته كل يوميه الك عاشر يسالم
يمته يگرب هالأمر
أظهر وقيم النصر يابوصالح
================≈===========
اسمع الناعي نعه ومدمع يصبه
زينب بغربه وابوصالح بغربه
صعبه ياناس المصيبه والله صعبه
اليفگد الخلان ما يرتاح گلبه
عايش ايظل البقيع ابذكرياته
صورة احزان ومواجع كل حياته
علم يبقى بكل عصر
أظهر وقيم النصر يابوصالح
================≈===========
الحقد من ذيچ السقيفه البربريه
كوّن الشجره الخبيثه الأعوجيه
مايهم تفجير لا همنه أذيه
تبقى صرخات الموالي حيدريه
خل يگطّعني وذر ابن الدعيه
مهدويه للمنيه مهدويه
روحي تبقى بلا عذر
أظهر وقيم النصر يابوصالح
================≈===========
حاربوا كلمن يمد أيده الوئامه
بدعه گالولي وشرك هاي الامامه
المهدي مامولود نكروهه العلامه
لكن انگلهم يرد لينه بسلامه
يرجع ويبني القبور الجعفريه
وياخذ بثار امه وولاد الزچيه
بطلعته ميظل عسر
أظهر وقيم النصر يابوصالح
================≈===========
20/5/2021 الخميس
#الشاعر_الميرزا_محمد_الساعدي
يامهدي يامولاي
يامهدي يامولاي
=============================
يطـلع بـاچـر ويـبـني المـنـارات
وبـغـرقـد علي ايعـيـد الزيارات
بـئـر امعطـلة ايكحلها الـعـيـون
وبقصره المشيد اينادي هيهات
مـغلـوقه السـفـيـنه بـوجـوه الـلعـينه
يحرگ حارگ الباب ويرضيها الحزينه
༺#ومطلبنا_الغرقد_يبنيها༻
يامهدي يامولاي
يامهدي يامولاي
=============================
يگصد حامل الدنيا اعله المتون
والسـيفه الـعـدل تبـيّـض العيون
مـا يتهاون اويـهـل البـدع ذيـچ
أولــهـم وثـانـيــهــم مـيـبــقـون
طـر صبـح المنـيه چـنـه الغاضريه
مهدينه انتصارات ياخذها القضيه
༺گاع الله بدمهم يسگيها༻
يامهدي يامولاي
يامهدي يامولاي
=============================
أگطع غيـبتك حـضـرنا الاكفان
كلنه اجنود الك ياسيد الاكوان
اشتاگينه العلي وصـولة الفقار
بيوم اهل الجمل يانور الازمان
ضد الـنـاصبـيه ثـوره حيـدريه
أشر كلها تفديك هاي الرافضيه
༺أنصارك بس أشر ليها༻
يامهدي يامولاي
يامهدي يامولاي
=============================
ياثار الظـلع نحـچـيـها للموت
حتى لو صبحنه ابطن تابوت
ثار المحسن امتاني العلامات
نعلنها بـعـد مـو مـال بسكوت
نـلعـنـهـا السقـيـفه وادم مـو نظيفه
وآل اسعود ياحيد أمهم مو شريفه
༺هند وحاشيّتها امحيها༻
يامهدي يامولاي
يامهدي يامولاي
=============================
يمته ايطر فجرنا ونسمع اصـوات
هذا المهدي اجه وطلعتله الاموات
يـا لـلـغـاضـريّه وثــار الـحــســيـن
الـمـا مـتـعـووده عـالباطـل اتـبـات
نـادت والمـدينه ضجت ياعلينه
ماظلت يطيبين كل ذيچ الهجينه
༺والغرقد بيده ايعليها༻
يامهدي يامولاي
يامهدي يامولاي
=============================
تـاخذ ثـار مسبـيات الاوطـان
مـن اهل الكفر وربات الدنـان
ياسلطانها وكل يـوم عـاشـور
تدعيلك تجيها الأنس والجان
وتخلـص رگبها من ذاك الغصبها
وتعيد الأمانات يـا سـيد عـربها
༺واحزان بحبك نطويها༻
يامهدي يامولاي
يامهدي يامولاي
=============================
26/4/2023 الاربعاء
#الشاعر_الميرزا_محمد_الساعدي
البقيع قضيتنا
السلام على أئمة البقيع روحي لهم الفداء
توسّلنه ودعينه
متى الغايب يجينه
يرد يبني البقيع بچف يمينه
............
دعينه وصحنه يارب البريه
إلهي عجّل الطلعه البهيه
بحق جده النبي وامه الزجيه
يرب (مكّن لَهُ) عالناصبيه
عله الهدمو بقيعه
يحط سيف الشريعه
يرد حق امّه من اهل الظغينه
..............
يجينه المهدي يمته وياخذ الثار
قبور اربع أئمه صارت حجار
دعينه وكل گلب بي تستعر نار
متى لرض البقيع انروح زوار
قبور بلا زياره
بلا حضره ومناره
البقيع اليمته يبقى مهدّمينه
...............
الحسن سبط النبي ومكنون سرّه
امام بياذنب مهدوم گبره
علي السجاد قدر الهادي قدره
حقد هدمو ضريحه وصاح صبره
اما آنَ الأوانُ
لِمَن يُنهي الهوانُ
يعزّ كل المراقد من يجينه
...............
ضريح الباقر مهدّم نشوفه
يمنعونه النواصب ما نطوفه
ومزار الصادق وعلمه وصنوفه
حقد هدموه حقد مسحو حروفه
أئمّتنه الميامين
عليهم تبچي كل عين
لبِنهم ندعي يحضرهم بقينه
.................
وعد من الله هذا لبني فاطم
يحكمون الأرض والكون لازم
يجي المهدي وعد وبچفّه صارم
يحاسب من يجي كل بغي وظالم
يرد يبني المراقد
بأجل وجمل مشاهد
وترد تزهي بقبور اهله المدينه
...................
كلامي للنواصب لا يفرحون
قرب وقت الظهور البي يشكّون
مفر ذاك الوكت ماكو ويفرّون
عله ايد المهدي ذل لابد يشوفون
يذلّون بحسابه
يموتون بعقابه
وعد رب السمه وقربن سنينه
......................
يجينه المنتظر مُحيي الشريعه
يدلينه بقبر امّه الوديعه
بمناير وبقبب يرفع بقيعه
ويحاوطهن صحن قبر الشفيعه
بمواكبنه ولوانه
نجي نقدّم عزانه
مثل يوم الحسين واربعينه
#سيد_زيد_الفحام
_____
قصيده ندبة للأمام المنتظر (عج) في ذكرى هدم قبور أئمة البقيع عليهم السلام
يمته الفرج ياصاحب الثار
الغيبه طالت والزمن جار
أكبور الك متهدمه واكلوب الك متألمه
ياصاحب الثار ياصاحب الثار
..............................
غيبتك طالت يالضوه يبن النبأ والقل هوه.
موكافي الغياب
كل جمعه نحسبلك ترد محضريلك دمع وورد
يا أغله الاحباب
مشتاكه روحي لشوفتك يا رحمت الله مروتك
يا ذخر الاطياب
ارحم كلب عاشك الك. كل نبضه بيها يغازلك
بجمر العشك ذاب
يا صاحب الطلعه الرشيده
يا صاحب الغره الحميده
يا آية الله المحكمه أكلوب الك متألمه
ياصاحب الثار يا صاحب الثار
....................
كل جمعه نقره الندبه الك. نـدعـيـلـك ونـتأملك
ونـتـعـاهـد ويــاك
عجل ضهورك ياملك. ثارات ما مأخوذه الك
مـتـنـطـره الــواك
اكبور البقيع مهدمه تشكي الفجيعه الناجمه
وبـالـعـجـل تـنـخـاك
تعجل يغالي بطلعـتك. تـثـأر وتـنـشـر رايتك
والـبـاري يــرعـاك
تـبـنـيها واتـعـلي الـمـنايـر
وتـكـتـب هـلاه بجيتك يزاير
وانزور أهل المكرمه واكلوب الك متألمه
ياصاحب الثار يا صاحب الثار
......................................
يوم البقيع العالمي يبن التهامي الهاشمي
يـومـك يـمـوعـود
تعلن يغايب ثورتك وتكسر اخشوم العادتك
يا صاحب الـــزود
وشيعتك تلهج بالذكر الف الحمد لله وشكر
لـفـظـلـك يـمعـبـود
بيك الخواطر تنجبر واحبابك الي تنتظر
تـــنــثـرلـك اورود
اســيـوف بـيـمـيـنـك لـلـمـنـيه
شـيـعـتـك يــا روح الـزجـيـه
وياك وكت الموزمه واكلوب الك متألمه
ياصاحب الثار يا صاحب الثار
................................
من يا جرح تبدي وألم ؟ عندك يبو صالح أهم؟
وأكثرهن امصاب
كسرة اظلوع الطاهره ؟ ومحسن الطايح علثره؟
يم عتبة الباب
لو جرح ابو حسين الفجر؟ يألمك وكلبك ينعصر؟
وتصرخ يبو تراب
لو عل حسن ومصيبته ؟ بالطشت فرغ جبدته
بالسم كضه وغاب
لـو مـن رمـو نـعـشه بـالسهام ؟
ويـم جـده مـنـعـو دفـنـتـه اقوام
حاقده عليكم ناقمه واكلوب الك متألمه
ياصاحب الثار يا صاحب الثار
.................................
حيلك تهده كربله. بيها العمام مجتله
وحسين مسلوب
ضامي أبو اليمه كظه واظلوعه حيل مرضرضه
والـشـيـب مخـضوب
والكمر غاب عله النهر والحره ظلت بالخطر
محتاره واتلوب
والذابحك جرح السبي علهزله تمشي ويه اجنبي
ومن عنده متعوب
اكـبـر اجـروحـك عـل أسـيـره
مـسـبـيه مـن ديــره لــــديــــره
والشام كلبك هاظمه واكلوب الك متألمه.
ياصاحب الثار يا صاحب الثار
........................................
✍ خادم زينب عليها السلام
الرادود احمد الشيباوي
اذا جاءَ النصرُ والفتحُ البمين
يعني من ندخل بقيعك آمنين
ويالثار المذبوح انخط على الوانه … وبالبقيع احنه انطوف وانته ويانه
ادخلوها آمنين
……………….
هاي امنيت العشاك كون اتزور مولاهه
الحسن واعله ضريح اطوف ياهل لحظه محلاهه
وتروح الشيعه للسجاد وانته اتروح وياهه
ويم الكال اه يالشام اه يحسين نقراهه
نقرا اه يحسين ونمصابه وننوح
ومن ابو الباقر لبو الصادق نروح
انته أملنا مولاي وهذا رجوانه ... بالبقيع احنه انطوف وانته ويانه
ادخلوها آمنين
…………………..
ونكصد حظرة الباقر وكلنا انطب حدر فيه
ونقراله اعله هظم السوك والطبوهه مسيبه
ومنطول قرايه هناك نقرا بحظرته شويه
لأن حاظر وشاف الصار من أوله التاليه
شاف عماته اطلعن من الخيام
ورادن يسلمن لجن ماضل سلام
ولو نظل يمه انوح انهيج أحزانه … وبالبقيع احنه انطوف وانته ويانه
ادخلوها آمنين
…………………….
ونروح انوبه للصادق ونحجيله المأذياته
من حركوعليه الدار وركض طلعن ابنياته
وتّذكر بالطفوف شلون وسط النار عماته
وركظتهن ابين الكوم هيه المنهه وناته
اشما يغمض اعيونه نار وخيل شاف
وصوت سكنه اتصيح انه منل نار اخاف
وبلكن بهل دمعات انطفي نيرانه … وبالبقيع احنه انطوف وانته ويانه
ادخلوها آمنين
………………….
ونروح انوب ننعى حسين يم الفكده اذاهه
اعني ام الكمر عباس الما ناحت على اظناهه
ونقرا هناك يالميمون ونبدي بهل عزه وياهه
ويهل يثرب نصيح بصوت ما خاب الي يخناهه
ونادي مولاي بظريح ام البنين
يهل يثرب يالثارات الحسين
والطغا اعلينه اليوم ننهي طغيانه … وبالبقيع احنا نطوف وانته ويانه
ادخلوها آمنين
…………………….
واخر شي واهم مطلوب ولحظه الكل تتانيها
الامك فاطمه الزهراء مناره وكبه تبنيها
وتجيك الشيعه من كل صوب وزحف لمن تطب ليها
واسماء المدن مولاي بسمها الكل نسميها
والجوامع لمن العاشر يدور
وي حسينياتنا اتظل تقرا شور
واحنا ظعنه بفركاك يمته تلكانه … وبالبقيع احنه انطوف وانته ويانه
ادخلوها آمنين
………………………
خادم الامام الحسين ع علي عبود الغنامي
باجر نشيد للحسن
كبه ومنارات وصحن
والمهدي ويانه
........
باجر نشيد للحسن حضره
ما منهه تشهد فاطمه الزهره
يوسع ملايين البشر صحنه
كد كربله لا مو عجب كبره
بيبان صحنه اموزعه
طول الجهات الاربعه
تنضرهه عدوانه
........
باجر شعار الرافضه الهمه
كل الواحد البيهم رفق اسمه
مطوع بتشييد اهم مرقد
بسم الحسن سلطان كل نعمه
شيب وشباب ابكل فخر
تبني ضريح اعظم بشر
اويه الحجه مولانه
........
باجر مواكب عالدرب ننصب
وكل زاير انكله هلا امن يطب
سهر الليالي للحسن فدوه
منجازي ابو محمد اشما نحسب
خيراته ما تنعد ابد
كد الارض واكثر بعد
كل كرم سلطانه
........
باجر مشينه للحسن ايه
من كربله حد كبره مشايه
مثل اربعين احسينه انزوره
مو قله نطلع نطلع اهوايه
تتعنه مشايه الة
ناس العراق ابأكملة
بطيافه والوانه
.........
عامر مضيف الحسن للزاره
ما يوم سد بابه اعله خطاره
خيراته شبعت عالم الفقره
هاي الحقائق ذكرت اخباره
ادلاله ما يوم انطفت
للجاي والرايح كفت
تشهدله بيبانه
.......
ارض البقيع ابطلعت القائم
تنكلب جنه اتزورهه الوادم
انهار عذبه جاريه بيهه
باجر نشوف وما يضل لايم
ابدولة المهدي العادله
اتصير البقيع امدلله
هذا الخبر جانه
.......
كلمات
✍موسى الخادم
#ميمر_كربلائي
#للبقيع
مو كل سنة نطالب بيه .. طول الزمن مطلبنا
__
نبني البقيع المطلب عدنا اتوحد
ناره توج بالگلب لا ما تخمد
وما تطفى بيوم وحتى هم ما تبرد
ما نقبل الحق يضيع .. طول الزمن طالبنا
__
ما نانسينه بيوم وحتى نتذكره
كل شيعي هالأمر ضل شاغل فكره
نبنيها المراقد لـ احفاد الزهرة
عن هالأمر احنه بيوم .. ما نسكت لـ ناهبنا
__
تدري ليش الأرهاب حقهم سالب
بغضاً بعلي ابن أبي طالب
واحنه حباً بيهم نضل نطالب
وما نتنازل عنه بيوم .. يرد حقنا السالبنا
__
تعلى للمرقد چم قبة ومنارة
يم الضريح احنه نقرا الزيارة
تصير المدينة للشيعي دياره
وكلنا بدفتر الزوّار .. ندعي يارب اكتبنا
__
هالأمر ما ناسين بيوم احسابه
صحن الحسن نزوره ونفتح بابه
انقبل ضريحه ونشم ذيج اعتابه
قبة لكل معصوم نشوف .. وبزود المهدي تُبنى
__
من كربله للبقيع المشّاية
ومن كل الكرة الأرضية عنّاية
ننصر المهدي نكتب اعله الراية
يالثارات اهل البيت .. منصور بإذن ربنا
__
حسين علي الدليمي
8 من شوال ذكرى #تهديم مراقد أهل البيت عليهم السلام في #البقيع_الغرقد... على يد زمرة التكفير الوهابية النواصب..
🚩
🏴
جنة الباري البقيع إعلى الوطيه
هدّموها الناصبه و أحفاد أميه
🏴🚩🏴🚩🏴🚩🏴🚩
1/
الثامن بشوال گوم الناصبه
هدّمت گبر الإمام المجتبى
يلعن الله ابليس هو ومذهبه
اليفتي بالتهدیم ضد أهل العبا
ناصبه وما شفنه منهم بس أذيه
ناصبه وما شفنه منهم بس أذيه
🏴🚩🏴🚩🏴🚩🏴🚩
2/
أرض بيها الصادق هنانه اندفن
استاذ كل هاي المذاهب والسُنن
صادق القول الإمام المؤتمن
صبح لا گبه ومناره ولا صحن !
وبيته من قبل اشتعل مثل الزچيه
وبيته من قبل اشتعل مثل الزچيه
🏴🚩🏴🚩🏴🚩🏴🚩
3/
أرض بيها يندفن خامس إمام
الباقر الزال ابعلومه كل ظلام
حفظ منهج جده من چف الئام
وبجهوده الدين للناس استقام
ليش گبره اتهدّمه هالناصبيه
ليش گبره اتهدّمه هالناصبيه
🏴🚩🏴🚩🏴🚩🏴🚩
4/
اتشرّفت أرض البقيع إعلى البلاد
لن ثراها يحتضن زين العباد
بالصحيفه ثبّت الحق والرشاد
المن دعائه تخشع السبع الشداد
هدّموا گبره الخذوا عمته سبيه
هدّموا گبره الخذوا عمته سبيه
🏴🚩🏴🚩🏴🚩🏴🚩
5/
لابد إعلى الناصبه اتدّور الرحى
وهناك نبني اربع قبب عالأضرحه
الفاطمه الأصوات تبقى صادحه
نجي انزور و گلب طه انفرّحه
والمواكب تنصب صبح ومسيه
والمواكب تنصب صبح ومسيه
🏴🚩🏴🚩🏴🚩🏴🚩
6/
ربي عجّل للإمام المنتظر
من يجي تصيح العده أين المفر
يجي و يوگف يم گبر أم الگمر
وينحني مثل الحُسين إعلى النهر
واجب ايوفّيها هالحره الوفيه
واجب ايوفّيها هالحره الوفيه
🏴🚩🏴🚩🏴🚩🏴🚩
✍🏻علي نوري الحلفي
ياســاعه البقيع المهدي يبنيها
ومــواكبنه تروح وتنّصب بيها
ـــــــــــــــــــــــــــــــــــــــــــــــ
كل جمعه الظهور القــائم انراقب
ونگول الله اليعجل طلعة الغايب
وندعي الله ابجاه ابن ابي طالب
صلاة الفجـــر بالغرقد يصليها
ـــــــــــــــــــــــــــــــــــــــــــــــ
ياســــاعه نشوف الگبه مبنيه
وانشـــاهد مواكبنه الحسينيه
تخط اجدام للحضره البقيعيه
ولأئمتنه الكـرام بدمعه نرثيها
ـــــــــــــــــــــــــــــــــــــــــــــــ
هـناك نروح ننصب مجلس اقرايه
وانردد قسمنه بصـرخه وفـــــــايه
وحگ چف الكفيل وجوده والرايه
نظل ننعه الحسن والدمعه نجريها
ـــــــــــــــــــــــــــــــــــــــــــــــ
ابو محمد نـزوره ونـنـــــصب المنبر
وخدامه ابحضرته ابلهفه من تحضر
بسم الحسن تدعي بدعوة المــضطر
ان يظهر ابو صالح يصفيها
ـــــــــــــــــــــــــــــــــــــــــــــــ
للسجــــــاد نــقره نـــاعيه ومــــقتل
ومن يسمع بزينب وگفت اعلى التل
مـن گبـره يـنـــــوح وگبـــره یتزلزل
الف وسف يعمتي وين اهاليها
ـــــــــــــــــــــــــــــــــــــــــــــــ
والصادق نگصده ونگصد الباقر
ابمنايرهم نريد انكحـــل الناظر
يمهم كون نقره امصيبة العاشر
وشلون الخيم محد يطفيها
ـــــــــــــــــــــــــــــــــــــــــــــــ
يم ام البنين انصيح صوت احساس
يـــــا ام الوفــه والــــزود والنوماس
ونــقره بكل حزن عالمشرعه العباس
وباللي گطعو چفوفه نواسیها
ـــــــــــــــــــــــــــــــــــــــــــــــ
حیدر بشار الدراجي
٧ شوال ١٤٤٥
يا أيُّها الصادقُ بالوعدِ
جارتْ علينا أمةُ الحِقْدِ
عجِّلْ رعاكَ اللـهُ يا مهدي
••••••••••
يالغايب اعليك اقسم بغربة رقية
تعطف علينه سيدي بنظره خَفِيّه
احنه ولد منبركم .. اصحاب العزيه
(العاشر) ابونه .. الأم (ليالي الفاطميه)
يا صائناً قُدسيةَ الشَّرْعِ
جُدْ مِن عطاياكَ على الجَمْعِ
يا مَن عطاياهُ بِلا عَدِ
عجِّلْ رعاكَ اللـهُ يا مهدي
••••••••••
گوه نعيش بغيبتك وانت اتعرفنه
وما اگلك بنهر الصبر .. يابس جرفنه
جمرة مراسيل العتب حرگت ظرفنه
لسان العرب يا ابن الحسن حار بوصفنه
يا قائماً بالقِسْطِ والعدلِ
إنْ تأتي لا تأتي على مهلِ
فصبرُنا قد باتَ لا يُجدي
عجِّلْ رعاكَ اللـهُ يا مهدي
••••••••••
كل جُمعه ننتظرك ترد .. وانتاني جُمعه
وصوت الغيارى النادبه الميّت يسمعه
جامع الكوفه بيا ضُحه ايكبّر نسمعه
ولجيتك ياس وورد .. دربك نزرعه
يَجِيءُ حقاً صاحبُ الأمرِ
أخافُ أنْ أُدْفَنَ في قبري
أَخْرِجْني يا ربّاهُ من لحدي
عجِّلْ رعاكَ اللـهُ يا مهدي
••••••••••
ليلة الجمعه بكربلاء نقره الزياره
وبالعلگمي تعلگلك اشموع .. الغياره
نكتبلك اعله الماي يالمهدي عباره
الخالي داره ليا متى ايعود لدياره
طالَ النوى وازدادتِ البلوى
أغثْ أغثْ يا ساكناً رضوى
قلوبُنا ذابت من الوجدِ
عجِّلْ رعاكَ اللـهُ يا مهدي
••••••••••
يا سيدي اعلينه طغوا ولد السقيفه
وجرح الـ (وإنْ) لليوم ما واگف نزيفه
الهدّمله گبر إيمام .. ايده مو شريفه
بزمزم اذا غسّلت ما تصبح نظيفه
قد أسَّسوها شِرْعةَ الغابِ
مُذ أضرموا النارَ على البابِ
والمصطفى لم يَغْفُ باللحدِ
عجِّلْ رعاكَ اللـهُ يا مهدي
••••••••••
جروح الگلب ما طابت وجيتك دواهه
وچف النواصب طالت ويخفگ لواهه
گبور البقيع امهدّمه ومحّد بناهه
اتحس بالظلامه والحزن حتى بهواهه
يا سيدَ الإقدامِ والنَّصْرِ
زَلْزِلْ أمِتْ آلَ أبي كُفرِ
في كفِكَ المذخورِ للردِ
عجِّلْ رعاكَ اللـهُ يا مهدي
•••••••••••
أحمد هادي الشمري
ذكرى هدم قبور ائمة البقيع ع
عمر الصبر يالغالي مو گد عمرك
تبني البقيع الياوكت ننتظرك
يالمهدي وينك يالمهدي وينك
****
ليش اتعطلت يالغايب اخبارك
اذا مو النه تظهر اظهر الثارك
غافي بغمده صار سنين فقارك
انه ادري بگد حنينك تشتعل نارك
يالجمره شايل ثارك اعله صدرك
تبني البقيع الياوكت ننتظرك
يالمهدي وينك يالمهدي وينك
****
چم روح البقيعك تدري ولهانه
نطبه بلا لطم ما ترهم اويانه
تعال ابني ولو يالمهدي بيبانه
حشود بعتبته يالغالي تلگانه
شوگك چبير وما نقص من صبرك
تبني البقيع الياوكت ننتظرك
يالمهدي وينك يالمهدي وينك
****
بلياك البقيع امن العزء خالي
شوكت ما ندري بس تلفينه بالتالي
وحگ اجروحك اعله حسين يالغالي
المدينه كربله نگلبها بليالي
اندگ المواكب وانته صاعد مهرك
تبني البقيع الياوكت ننتظرك
يالمهدي وينك يالمهدي وينك
****
لون تبني يبو صالح منايرهم
بگد صحن الحسين انريده مرقدهم
حتى اتصير تلله سيدي ابصفهم
مزار ام الحزن والآه عمتهم
تستاهل الدمعتها كسرت ظهرك
تبني البقيع الياوكت ننتظرك
يالمهدي وينك يالمهدي وينك
****
امانينه تجي وبجالك انقاتل
ولكن عدنه طلبه اتعجز العاذل
تنقل للمدينه چفوف ابو فاضل
يظل الخوف بيهم صاعد ونازل
ماكو عذر والكل يجي ينصرك
تبني البقيع الياوكت ننتظرك
يالمهدي وينك يالمهدي وينك
****
شوكت ام البنين وفاطمه الزهره
تجمعهن يمهدينه بفرد حضره
وعله الگبه شعار انشاهده اشكبره
ابنهن ذني بالطف انسحگ صدره
عل منذبح تهمل دمع ننظرك
تبني البقيع الياوكت ننتظرك
يالمهدي وينك يالمهدي وينك
****
الشاعر اياد الديراوي
#بناء_البقيع_مطلبنا
موشح نجفي
تنبني اكَبور البقيع النه الطلب
ونعتنيهه انبوس بيبان الذهب
...........................
بأِسم كل شيعي وغيور ابمذهبي
ارد اصرح بالقصيده ابمطلبي
والطلب هذا حسيني زينبي
السان حال الشيعه وانعيد العتب
...........................
نطلب البنيان لكَبور البقيع
همه باجر بالحشر النه شفيع
مانريد اكَبورهم كَاع وتضيع
وكون مايتأخر اشجان السبب
...........................
صرح تاريخي يصير ابكل زمن
والله العيون اعله مرقدهم عمن
اكَبور هاي ابلا ذريعه اتهدمن
ونورهن عن هاي الاكوان انحجب
...........................
واليمانع من ذوي السكنو قصر
ما اريد اتحاجج اوياه بشعر
ايجيب فِكره واني اله عندي فِكِر
هالأمر إيضاحه للناس انوجب
...........................
للحسن والساجد المرقد ضخم
وللامام الباقر ابوسع العِلم
وجعفر الصادق هذاك اللي شَهم
هالبقيع الهم من الباري انوهب
...........................
لَون مو بالسلمي ينعاد البناء
احنه أهل الحرب رخصنه الدماء
ارواحنه الهم تروح اصغر فداء
انخلي تاريخ البقيع النه انكتب
...........................
خل تبين كل حكومات الدول
موقف الناس ابشَنيعة هالعمل
ليش ينهدمون من أهل الجهل
اكَبورهم شتضرهم ابشي ياعجب
...........................
بس حقد هذا قديم ومن زمان
ضنهم ابتهديمهم صار الضمان
مادرو بالشيعه صمام الأمان
ماكو منهم واحد بأمره انغلب
...........................
مانعوف احنه القضيه اشما بقت
وابد ماننسه القبور اشما مضت
هيجي وابمصباح وانشوف انبنت
ابلا ذنب حقهم يهالناس انسلب
...........................
عيب مهدينه اذا يظهر يشوف
لاقبر عدهم ولايمهم نطوف
من يعاتب تنحني روس الألوف
والجمر حتما تره ابكَلبه انِّشب
الشاعر ياسر العارضي
يامهدي يامولاي
يامهدي يامولاي
=============================
يطـلع بـاچـر ويـبـني المـنـارات
وبـغـرقـد علي ايعـيـد الزيارات
بـئـر امعطـلة ايكحلها الـعـيـون
وبقصره المشيد اينادي هيهات
مـغلـوقه السـفـيـنه بـوجـوه الـلعـينه
يحرگ حارگ الباب ويرضيها الحزينه
༺#ومطلبنا_الغرقد_يبنيها༻
يامهدي يامولاي
يامهدي يامولاي
=============================
يگصد حامل الدنيا اعله المتون
والسـيفه الـعـدل تبـيّـض العيون
مـا يتهاون اويـهـل البـدع ذيـچ
أولــهـم وثـانـيــهــم مـيـبــقـون
طـر صبـح المنـيه چـنـه الغاضريه
مهدينه انتصارات ياخذها القضيه
༺گاع الله بدمهم يسگيها༻
يامهدي يامولاي
يامهدي يامولاي
=============================
أگطع غيـبتك حـضـرنا الاكفان
كلنه اجنود الك ياسيد الاكوان
اشتاگينه العلي وصـولة الفقار
بيوم اهل الجمل يانور الازمان
ضد الـنـاصبـيه ثـوره حيـدريه
أشر كلها تفديك هاي الرافضيه
༺أنصارك بس أشر ليها༻
يامهدي يامولاي
يامهدي يامولاي
=============================
ياثار الظـلع نحـچـيـها للموت
حتى لو صبحنه ابطن تابوت
ثار المحسن امتاني العلامات
نعلنها بـعـد مـو مـال بسكوت
نـلعـنـهـا السقـيـفه وادم مـو نظيفه
وآل اسعود ياحيد أمهم مو شريفه
༺هند وحاشيّتها امحيها༻
يامهدي يامولاي
يامهدي يامولاي
=============================
يمته ايطر فجرنا ونسمع اصـوات
هذا المهدي اجه وطلعتله الاموات
يـا لـلـغـاضـريّه وثــار الـحــســيـن
الـمـا مـتـعـووده عـالباطـل اتـبـات
نـادت والمـدينه ضجت ياعلينه
ماظلت يطيبين كل ذيچ الهجينه
༺والغرقد بيده ايعليها༻
يامهدي يامولاي
يامهدي يامولاي
=============================
تـاخذ ثـار مسبـيات الاوطـان
مـن اهل الكفر وربات الدنـان
ياسلطانها وكل يـوم عـاشـور
تدعيلك تجيها الأنس والجان
وتخلـص رگبها من ذاك الغصبها
وتعيد الأمانات يـا سـيد عـربها
༺واحزان بحبك نطويها༻
يامهدي يامولاي
يامهدي يامولاي
=============================
26/4/2023 الاربعاء
#الشاعر_الميرزا_محمد_الساعدي
من ارض البقيع ( باللغة العربية الفصحى )
سيعلن القائم من ارض البقيع
سيظهر العدل ويزدان الربيع
بعزمه الضارب موعودنا الغالب
سيظهر العدل. ويزدان الربيع
★★★★★
امامنا ان قام سيلعن الظلام
بنوره الساري
بالسيف والسلام والفعل والكلام
بدولة الثار
لايقبل الامام بقيعنا تضام
بعهد كفّار
لسادة كرام يبني لهم مقام
ويشكر الباري
يقسم بالنحر وبالطفل الرضيع
سيقلع الاحزان من صدر البقيع
بسعيه الدائب موعودنا الغالب
سيظهر العدل ويزدان الربيع
★★★★★
بليلهم يسري كالكوكب الدر
يحطم الاوثان
لجلدهم يفري اائمة الكفر
والشر والطغيان
دموعه تجري لكل ذي قبر
مهدم الاركان
ياسيد العصر قد عشت بالصبر
تقارع الاحزان
بجهلهم لما طغى قد هدموا القبور
وكم تمادوا سيدي. بالشر والغرور
بفكره الثاقب. موعودنا الغالب
سيظهر العدل ويزدان الربيع
★★★★★
امامنا المرضي بعدله يقضي
بعدله الشامل
لعصبة البغض بالترك والرفظ
لدولة الباطل
بقيعنا تفضي بحكمه تمضي
بحكمه العادل
تزهو كما الروض بالصون والحفظ
بمنظر هائل
مالم يكن لابد يوما ان يكون
ويفرض الحق الذي اليه كارهون
حكم له واجب موعودنا الغالب
سيظهر العدل ويزدان الربيع
★★★★★
بقيعنا تشكو فحالها يبدو
لحزنها رهنا
لمنقذ تدعو ليومه ترجو
بسوحها وهنا
ندائها يعلو بدونه تغدو
ليس لها معنى
اسيرة تدنو لعينه تصبو
والليل قد جنّا
اسيرة تشكو البقيع من قيود
لربها داعية لغائب موعود
فقلبه غاضب موعودنا الغالب
سيظهر العدل. ويزدان الربيع
الشاعر حسن لعيبي الحريشاوي
باجر باجر بسم الحسن صيحه حسينيه
باجر باجر ارض البــــقيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
بسم الحـــــــــسن مهــــــــدينه باجر يطلع
وحــــــــتمن يــــــــــرد الثــــــار لهله مربع
نبني الـگُــــــــبب والضــــــــــرحه تتوسع
وبرواحنه مــــــــــو بالــــــــــذهب تترصع
باجر باجر كبه ومناره انشوف مبنيه
باجر باجر ارض البقيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
اربــــــــــع كبب باجــــــــــر نجي ونبنيها
ويه ابوصــــــــــالح مشي نــــــــدخل ليها
وبكل شــــــــــرف ننصب مــــــواكب بيها
وبســــــــــم الزجيه فــــــــــاطمه انسميها
باجر باجر ترف عل كبب رايه سماويه
باجر باجر ارض البقيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
بثار البـــــــــقيع بكــــــــــل زمـــــان انطالب
ماباقي شــــــــــي كــــــــــرب ضهور الغايب
باجر نطــــــــــبها ونســــــــــحك اكبر شارب
نســـــــــتعرض اهــــــــــناك احنه بالمواكب
باجر باجر ولأم البــــــــــنين انقيم تعزيه
باجر باجر ارض البقــــــيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
حطينه ايــــــــــد ابـــــــــيد وتــــــــــوحدنه
والمهدي بــــــــــس مــــــــــاغيره ابد قائدنه
شـــــــدينه الحــــــــــزام وله اتحــــــــضرنه
شيب وشــــــــــباب الجــــــــــيته اتحشدنه
باجر باجر مابينه ليكول انه شعليه
باجر باجر ارض البقيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
شــــــــــد حيله ولـــــــها اتحضر ابن الساده
كل الهـــــــــله بالــــــــقائــــــــــد عله القاده
المهدي يــــــــــرد الــــــــــثار ربـــــــك راده
واحــــــــــنه عله مــــــــــوده اركابنه سداده
باجر باجر هوه اليجيبه الثار مهديه
باجر باجر ارض البقيع اتصير شيعيه
ــــــــــــــــــــــــــــــــــــــــــــــــــــــــــــــــــــــ
#حسين #عبد #الزهرة #الدراجي
هتافات لهدم قبور أئمة البقيع
اتجمعنه وبهذا اليوم مطلبنه واحد
مـن الأمـام المعـصـوم طبعاً ننـاشـد
يظـهر عليـنه بنوره
نبني البقيع وسوره
وامربع الحگ انجيب من اليعانـد
ألــهـدّم اگـبـور الآل يسـمـع نـدانـه
يارب العن آل اسـعـود أصبح دعانه
دوم الـمـنـكر مـنـطـيعه
ذول احنه بالحگ شيعه
ندخلكم ومهدي الكون باچر ويانه
27/4/2023 الخميس
#الشاعر_الميرزا_محمد_الساعدي
تنخاك انصارك كَوم اطلب ثارك
ياسيف الغيره امتانينك
يالغايب طولت اسنينك
تنخاك انصارك
****
صحنه بآهات وي الدمعات
هالليله احبابك يالمهدي اتون منفجعه
ندعـي اباشواك ملينه افـــراك
مانحمل يالغايب ننطر جمعه الجمعه
صح امقصرين هالتبجي العين
ارحم عبرتنه الملجومه وهاي الدمعه
جرح اجــــدد من الغـــــرقد
واليوم ابمجلسنه انذكره ونعلك شمعه
ياشبل الهادي كل احنه انادي
انظرنه وشاهدنه ابعينك
يالغايب طولــت اسنينك
تنخاك انصارك
***
بالك مهموم والله ومهظوم
ظل يتوجر من الشفته وجرح اصوابك
ياسـيف الثار ضد الكـــــفار
انصارك تبجي وتدعيلك طال اغيابك
ياجف عباس بوجه الارجاس
ياوحي الغيره امتانيتك كـــــل احبابك
ندريك اتنوح كَلبك مجروح
عالغرقد واكَبور العتره ونار امصابك
ياراعي الهيبه طًولت الغيبه
نتنطر لهلالك ويــــنك
يالغايب طولت اسنينك
تنخاك انصارك
***
ها يبن حسين صبرك لاوين
ما كافي غيابك تتلاهب بينــــــه النيران
ياروح النـــور تتناك اكَبور
عدوان الشر امهدميهه ابضد القــــرآن
ضد المختار ضد الكرار
عُباد الــــلآت وعُباد الكــــــل الأوثان
واضح معلوم عادو هاليوم
حكام الجور المتنفذه بــــهاي الأوطان
ظلـــم العباسي بهالحكم القاسي
يالمهدي ينتظرك دينك
يالغايب طولت اسنينك
تنخاك انصار
****
رجعو بأصرار ذوله الأشرار
هالندعي وننخه ابكل جمعه ونقره الندبه
نهج التعذيب فكر الترهيب
حاكم عالأمه المحتضنـــه انوار الكعبه
رغم الأجيال نفس الاشكال
الأول والثاني اوياهم شـــــيبه وعتبه
رادو ينــعاد دين الاجـــداد
دين الأرهاب التكفيري ودين الحِسبه
هالفكر الداني نهج السفياني
احيي الأمه بنهج احسينك
يالغايب طولــــت اسنينك
تنخاك انصارك
****
شدينه احزام رغم الآلام
بأسمك نتباشر نتبارك يامــــهدينه
ثارك نتناه ياوعد الله
ياراية حيدر وايمينك مـــــن ايمينه
حَزمنه احشود هَيئنه اجنــــود
عالساتر هيأنه الموقـــف وامتانينه
بس آمر كَول كل احنه انصول
منهاب الموت ولا نرجع لو هدينه
تتناك احشودك ذوله احنه اجنودك
ارواح وانفــس فادينك
يالغايب طولت اسنينك
تنخاك انصارك
أبو علي الركابي
#للبقيع
*يايوم مهدينه__بيده يبني الصحن*
يا يوم يظــهر راعي الثار
يبــــرد گلبنه الملتهب نار
ولرض البقيع انروح ثوار
نبني قبب لگبـور الاطهار
نبــنيها انعلــــيها كل المــنارات
وتتزاحم شيعتنه تأدي الزيارت
ونسمع مواكبنه .. للخدامه اطلعن
*يايوم مهدينه .. بيده يبني الصحن*
برض البقــــــيع ايعـــلگ الوا
ايحني الابواب ابدمــــع عينا
ويفتي المجالس تنحيي اهنا
ويقــــــراله باســم وحنه ويا
بالمجلس دمعتنه نبچيها بحساس
ويانه الگــــبر امه هم يلفي عباس
ويرجع اجفوفه .. البالطف اتگطعن
*يايوم مهدينه .. بيده يبني الصحن*
ومثل اربعين احسينه اتصير
مشــــايه. بيها العالم ايحــير
نفرش جمر بالدرب ونســــير
وموكب لطم يطـــلع وتطبير
مانتعب مانهتم مهمه الدرب طال
مانرجـع وفايه عـنه احـنه ينگال
ورايات ثورتنه ... بالدرب رفرفن
*يايوم مهدينه … بيده يبني الصحن*
امن المهدي نسمع صوت الآذان
برض البقـــــيع بأجـــمل الحان
وتحـــظر تصلي الانس والجان
تتـــــوافد النه امنــــين ماچان
الصـادق والبــاقر لمن نجـي انزور
انعاهدهم نفديهم ونضحي بنحور
ومن نوصل انقدم .. كلشي لجل الحسن
*يايوم مهدينه … بيده يبني الصحن*
نمشي ونخلي العــالم ايشـــــوف
اويه المهدي نكسر حاجز الخوف
بگلوبنه جمـــــــــــــرات الطفوف
نوصل علي الســـــــجاد ونطوف
ونقراله ابلوعتنه وبطــور ياسين
ونذكره ابعماته ومصيبت حسين
وجمرات خيماته … الهل وكت ماطفن
*يايوم مهدينه … بيده يبني الصحن*
.. الخادم
كامل السعيدي
هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................
عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه
مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................
لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه
شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................
علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه
خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................
الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله
رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................
يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره
هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................
احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه
عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون
محمد هادي العقابي
شيبت ابمصابكم
والحزن بعتابكم
وابقيعا.......وابقيعا
*******
انه ابنكم عمري دمعه والحزن ماليني
بالمصايب من اواسي فاطمه تواسيني
والجرح ماخذ عذابي ونايباتي اسنيني
من البقيع وحسره بيه شوفته اتبچيني
بس اشم اترابكم
واالحزن بعتابكم
*********
الحزن ماخلالي راحه والقبب مهجوره
شلون اعاينكم عجيبه توضحتلي الصوره
حسرتي وكل المشاعر يا هلي مكسوره
ليش ما زاير يجيكم بالحزن منشوره
والدمع بهدابكم
والحزن بعتابكم
*********
ان شاء الله تعود البقيع وكلمتي احچيها
يدور دايرها الذهب الحضره من ابنيها
ابالي اسويهه مواكب تعزيه نمر بيها
حضرت ام الكمر باچر بالسمه انعليها
يا حلات اطيابكم
والحزن بعتابكم
*********
باچر الغرقد اشوفه جنة الله اديارها
واليمر بيها يضاهي للخلك اسوارها
باچر اتموت النواصب بالحقد وبنارها
نسمع الشيعي ينادي ياعلي شخبارها
لو تطوف احبابكم
والحزن ...بعتابكم
*******
ينهتي عرش الظلاله من البقيع احچايه
من العراق يصير ممشه كلها اجت عنايه
يعود نور الله وقببهه من تجي الوفايه
واني ويه الشيعه كاصد معتني مشايه
ترتجي اصحابكم
والحزن بعتابكم
*********
معزب الخطار عدنه الحسن شوف ادلاله
باچر اتصير المواكب شمس بي تتلاله
هناك حي الله اليزوره لو يشد ترحاله
جنة الله الحسن باچر والعشك يحلاله
انشر انه اكتابكم
والحزن بعتابكم
*********
#تمت بعون الله تعالى
خادمكم....يوسف الفتلاوي
يمته مشايه انتعنه … وللبقيع نروح كلنه
والمواكب مر يزاير تهتف النه
…………..
تظهر ويصبح حقيقه البل احلام انشوفه
الغرقد بأيدك تشيده ونمشي كلنا انطوفه
والفته بهدم المراقد والحسن منعوفه
انطلعه من قصره ونجيبه مكيدات اجفوفه
وانته التطلع الظالم … الكسر ظلع امك يقائم
وحنا غير الثار يا مهدينه شلنه
…………….
شيعتك مولاي نطلع كلنا الك مشايه
والف مبروك النا جيتك نكتب بكل الرايه
وتملي الصحراء مواكب الكم الوفايه
وبالبقيع نسوي مجلس للحسين اقرايه
وانته التقيم المراسم … وللحسن نقرا اعله جاسم
يمته يتحقق حلمنا يا املنه
……………..
يمته يتحقق حلمنا والبقيع انزوره
ونلكا گبر الحسن شامخ والتضد مقهوره
والمضيف بصف ضريحه وعامر بمأثوره
والدلال تفور ترجع والسفر منشوره
وانته تتلكانه باجر … اهلاً اتفضل يزاير
يمته وبصحن الحسن تجمع شملنه
………………
والوسائل كلها تنقل هل خبر وتذيعه
بالبقيع منل اليحبه المهدي ياخذ بيعه
وكلها خلفك من تصلي مو فقط بس شيعه
وفدك يرجع خيرها الكم تأمر بتوزيعه
لبفدك حصت الفقره … وبثواب امي الزهره
ولعنة الله اعلى السلبها وياك گلنه
………………
وتنملي قسطاً وعدلاً لمن اتحل بيها
وابنيت اهل الضلاله ويا الارض تمحيها
والابيوت الاذنَ ربك تُرفع اتعليها
وتجي الگبر امك وكبته من ذهب تبنيها
وگبته راح اتصير جنهه … شمس تضوي الدنيا منهه
وحنا من انطب تحتها يفك حزنه
……………….
خادم اهل البيت ع علي عبود الغنامي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
في حادثة هدم قبور البقيع ...
آية اصحاب الرقيم الله في مورد
خلّد وماتدري ليش انت الله خلّد
انظر ابحال وصنيع
اقبور ايمّتها البقيع
🏴🏴
ثاني ورابع وخامس يابشر
وسادس انوار الهدايه للبصر
تجذب انواع الخلايق للمقر
ماسألتو ليش وللتربه تمر
فضلها اعله اجيال واجيال الأيمه
انت وارحامك هليك وكل أمّه
من مثلها في البديع
اقبور ايمّتها البقيع
🏴🏴
الفتيه كانو ابقريه يحكمها العنف
أهلها الأصنام تعبد في الكنف
وهمّا بالله مؤمنين اعله الوصف
هربو منهم خفيه لاجين الكهف
ومبنى اصحاب الكهف بعده بالاردن
شامخ وكل الخلايق تأتي شتظن
أنظر اشما تستطيع
اقبور ايمّتها البقيع
🏴🏴
تأتي اصخور وحجاره تعتقد
لو لأيه تأتي وتذكرها عمد
اشكانو شلْعله وصارو في الصدد
بعد ماباتو الصدى الدنيا ترد
كل فكرهم هذا مو مبناها تعبد
هم كذالك للأيمه لمّه نقصد
أهلها احنا مانبيع
اقبور ايمّتها البقيع
🏴🏴
جل دروس الأنبيا نقلت لنا
ماهو يوم وشهرَ شهرين وسنه
أفنت الأعمار في رشد الظنه
صلح هذي الأمه همها تعلنه
أللي لو لاهم ابد ماشفت مسلم
ايوحّد الله في الملا ابصنعه ايتكلّم
تصبح ابحالاً فضيع
اقبور ايمّتها البقيع
🏴🏴
بالقياس اهنا فرق شاسع نرى
وارثين الأنبياء ابمقبره
أضرحتها كلها واستّ الثرى
ويمنع الزاير لها وكل عابره
ذولا قربى المصطفى وال محمّد
والله بكتابه أراد الها انتودّد
تمسي بالفعل الشنيع
اقبور ايمّتها البقيع
🏴🏴
يعني ربنا في كتابه مااعترض
تبني مسجد ظل لها اصحاب الارض
وتذكر صحاب الرقيم ابكل فرض
وهم يخلّد صنعها طول وعرض
وأنت تصنع عكسها ابهدم المقابر
واي مقابر لله في الدنيا مناير
توضع السور المنيع
اقبور ايمّتها البقيع
✍️
علي الأحسائي
شوال ١٤٤٥هـ
لمناسبة ذكرى تهديم قبور البقيع
انتي مابين السوالف.
جرح طول الوكت نازف
آه يا أرض البقيع
★★★★★
رادوا آثارچ تضيع.
آه يا أرض البقيع
انباگت انفاس الربيع.
من عظم خطب الفظيع
خانت الهادي الشفيع.
زمره للباطل تطيع
بسبب كل حاقد مخالف.
جرح طول الوكت نازف
آه يا أرض البقيع
★★★★★
للمشاهد صرت انوح.
اعثر ابتل الجروح
الك ياربي أبوح.
من الحزن مابيه روح
جروح ماتقبل تروح.
مهدمه ليش الصروح
للمشاهد والمشارف.
جرح طول الوكت نازف
آه يا أرض البقيع
★★★★★
هذا مقصود الطغات.
ذاتهم شر الصفات
هدموا أگبور الأباة.
ذوله شر الكائنات
گلوب. عدوان الحياة.
والحقد بيها يبات
بفعل ذات بلاعواطف.
جرح طول الوكت نازف
آه يا أرض البقيع
★★★★★
كل گبر مترب جريح.
گبه مابيه وضريح
بعمل باطل موصحيح.
بفتوى ينهد ويطيح
عن حقد واضح صريح.
بلون اسود تهب ريح
لچمته احقاد العواصف.
جرح طول الوكت نازف
آه يا أرض البقيع
★★★★★
لاجواب الهلسؤال.
ليمته يبقى هيچي حال
گبور غطتها الرمال.
وحال موحش مايزال
يجي دورك لامحال.
تجلي يلمهدي الضلال
وابوجودك مانصادف.
جرح طول الوكت نازف
آه يا أرض البقيع
الشاعر حسن لعيبي الحريشاوي