Telegram-канал tajalzahraa1 - 🌴تجمّع الزهراء ع العاشورائي🌴: Неотсортированное

🌴تجمّع الزهراء ع العاشورائي🌴

17 марта 2024 20:47

#السلام_عليكِ
#يا_ناصرة_رسول_الله
إلى مولاتي (السيدة خديجة العظمى) عليها الصلاة والسلام.
🌹
💫

يا روح الرسول .. يا دمع البتول
گبلـچ انـه يا مهجتــي ردت المنـيّـه
ولا انفجع صبح ومسه بدمع الزچيّه
🏴🚩...... 🏴🚩...... 🏴🚩
١/
انتي ياروحي ودليلي ونظر عيني
يا خديجـه و الأجـل ردتـه يجيني
ومن قضى رب البريـه اتفارگيني
ابتـدى زخـم المصايـب يعتنينـي

يا ريت الممات .. يعدمني الحياة
من فرگتچ ظهري انحنى من هالرزيّـه
وداعچ صعب شب الگلب هاي المسيه
🏴🚩...... 🏴🚩...... 🏴🚩
٢/
عشتي بين گلوب بس تنبض قساوه
و انتي كلـچ رقّـه واحساس و نقاوه
اعليچ واعلى الزهره شنّوهـا العداوه
و جرحچ الملچـوم منهـم ما تـداوى

عادوچ بحقد .. و اتّبعوا هند
وبكل جهل قدسوا هبل هالجاهليّه
و أول بشـر انتـي عِبـد رب البريّـه
🏴🚩...... 🏴🚩...... 🏴🚩
٣/
بالگـلـــب نـيــــران كبـــره وجّـريـتـــي
خذيتي روحي ومهجتي وگلبي ومشيتي
مـن قـريــش شـكثــر عنّــي دافـعـيـتــي
الحـد منيتـچ لحظـه وحـده ما شكيتـي

يالصبرچ درع .. ساند هالشرع
ما زلـزلـچ نهـج الكفـر ضـد القضيّـه
و رب العرش انزل وحي ليچ بتحيّه
🏴🚩...... 🏴🚩...... 🏴🚩
٤/
يا نبض دلّالـي انتـي و نشغـة الروح
يا خديجه وكل الجرح يتفرّع اجروح
نوح ما يوصل نياحي شما بقى ينوح
شلون يرتاح الي جرحه باقي مفتوح

گلبي كل صبح .. ينصاب برمح
جمعـت عليّـه دنيتـي لوعـه و أذيّـه
و اليفگـد أحبابـه تظـل عينه جريّـه
🏴🚩...... 🏴🚩...... 🏴🚩
٥/
يا عمود الدار انتـي و شمعـة البيـت
اتلفني الاچفان ابدالـچ والله ياريـت
واعلى محرابـچ لونّـي بلحظه مرّيت
جدمي يثگل والدموع الحمره هلّيت

يا أول وفى .. ويّه المصطفى
يعجز كلامي بموقفچ وانتي الوفيّه
وانتي إلي من خالقي أعظـم هديّـه
🏴🚩...... 🏴🚩...... 🏴🚩
٦/
يل غيابـچ من ترك بعيونـي دمعـه
ما تـعـوّد گلبـي صوتـچ ما يسمـعـه
بكل زوايا البيـت شاعـل الچ شمعه
ودمعي مايخلص لونها الزهره تنعى

عالزهره اليمر .. هذا أول كسر
من الزغر لوعه وقهر صبح ومسيّه
و تنطرها من يوم ارتحل أكبر بليّه
🏴🚩...... 🏴🚩...... 🏴🚩

الحمد لله كما هو أهله ومستحقه
✍🏼علي نوري الحلفي