7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ابو ذيات الى سيدي ومولاي امير المؤمنين علي ع
.
وضوح الشمس يامولاي وضحيت
دفعت هواي للمختار وضحيت
ليلك خلصيته و نمت وضحيت
ابفراشه نمت نومه هنيه
*
عيوني نوم احرمنه علي جان
امير الحاضر وماضي علي جان
الفات بزوده ما مره علي جن
وتضل اجيال تحجيها القضيه
*
جدار الكعبه طريته علي طار
نومي بطبرت الهامه علي طار
محامي الدينك وصار علي طار
وحميته يا علي من كل اذيه
*
بجدار الكعبه يا بوحسين فطريت
مسكت الصوم بس شلون فطريت
يبن ملجم بسيفك ليش فطريت
الهامه و يتمت كل البريه
*
حسن صالح العيساوي
*
علي علي علي
@@@
يريت ابهالمسيه لحيدر انزور
ونعزيه ابمصابه ابلطم لصدور
وننادي ياولينه الطاح مغدور
يريت ابدال راسك راسي مطبور
…
يا ابوالشيعه .. نعزيك ابمصابك
@@@
لعد گبره المسيه ننصب النوح
ونداوي اجروح فگده تالي بجروح
على الزفره الخواطر تالي واتبوح
يمولانه تگله ذابت الروح
…
يالرحت عنه .. ترى فگدك هضمنه
@@@
يمن فگدك فجيعه صاب لسلام
ولا يبرد مصابه ابطول ليام
أمين الله اعله هامك هام ليتام
وتنادي ريت جرحك بينه يلتام
…
العايف ايتامه .. تضيع ابضيم بعده
@@@
شعجب بدرك يحيدر بالدمه غاب
وعلينه لوم دارت تالي لحزاب
ترى لامونه لنك داحي الباب
يبونه الغاب عنه تحت لتراب
…
شيعه مظلومه .. ترانه بعد عينك
@@@
يهل والي علينه وغيره منشوف
آهالي البيت بعدك عاشت ابخوف
الگلب ليمين عطفك صار ملهوف
وترى هام اليتامه يتنه لچفوف
…
امسح اعليها .. تطيب ابراح چفك
@@@
جرح راسك ذبحنه وعشنه لهموم
ورجع كسر الزچيه ابطبره ملچوم
طشت شبر تجهز يمتلي ادموم
وبعد عينك وتين حسين مخذوم
…
عالهزل زينب .. اسير ابچف اميه
@@@
يهالمن راسه شيبه تنگط ادماه
بعدك ويلي صرنه نحچي بالآه
شعجب من چان طه شايل ألواه
نشيل اليوم حسره صوب مثواه
…
ياللي عايفنه .. يتامه الناس بعدك
@@@
علي أحمد الحمود
٢١-٣-٢٠٢٤
شهادة الامير ع
هذا يانعش الحمل والينه
وين رايح ياعلي امخلينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صعبه دنيانه ابغيابك ياعلي
خلاف عينك بالمصايب ننولي
والمدامع علوجن دم اتهلي
زينب اني يالگلتلي اتدللي
العيد مجبل وانت امجافينه،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
رحت يا كرار ليش ابلا رجوع
والمصابك انحنت مني الضلوع
ذاب گلبي مثل دمعات الشموع
أتلوع الفكدك غده بحسره يلوع
ونارك هجرك ياعلي تجوينه،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد عينك مااظن يشفه جرح
وداعت الله انصيح ياوجه الصبح
هاي دمعات الجفن من دم تسح
والامان اخلافك اعلينه يشح
ويا امان ابكل وكت حامينه،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
منهو للأيتام لومرهه العسر
تبقى بعدك ياعلي بحيره تمر
معوده عالباب دوم وتنتضر
بچفك الطاهر الصفه الها ذخر
وهسه وينك ياعلي حاچينه،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الصاب راسك كون بينه طبرتك
ولانشوف افراگك ولاهجرتك
والله ياكرار صعبه سفرتك
الموت مايرحم وخذ كل عشرتك
واحنا ابحسره اوقهر ظلينه،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مااصدك حين شالوك ابنعش
حيلي وكلبي يبويه ارتعش
والمصابك الك مهتز العرش
شلون حماي الحمه دمه انفرش
فوك راسه ابهامته امصوبينه،،6
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
لكَ يا رسولَ اللّٰهِ آيُ عَزائِنا
بِخَديجةَ الكُبرى تُوارى في الثّرى
ولِفاطِمٍ تبكي فقيدةَ قلبِها
فالعَرشُ يَدمَعُ ناعِيًا أُمَّ الورى
ولَها تُقامُ اليَومَ فيهِ مَآتمٌ
ما عادَ بعدَ الهَجرِ ليلٌ مُقمِرا
يا عامُ فيكَ الحُزنُ أَرخى ظِلّهُ
رِفقًا بِ"طٰهَ"، قُم نُواسِ الكَوثَرا
*#السّيِّدة_الكُبرى*
*#منتدى_إبداع*
*زينب الموسوي*
*#بنت_الزهراء*
علي علي علي
@@@
يريت ابهالمسيه لحيدر انزور
ونعزيه ابمصابه ابلطم لصدور
وننادي ياولينه الطاح مغدور
يريت ابدال راسك راسي مطبور
…
يا ابوالشيعه .. نعزيك ابمصابك
@@@
لعد گبره المسيه ننصب النوح
ونداوي اجروح فگده تالي بجروح
على الزفره الخواطر تالي واتبوح
يمولانه تگله ذابت الروح
…
يالرحت عنه .. ترى فگدك هضمنه
@@@
يمن فگدك فجيعه صاب لسلام
ولا يبرد مصابه ابطول ليام
أمين الله اعله هامك هام ليتام
وتنادي ريت جرحك بينه يلتام
…
العايف ايتامه .. تضيع ابضيم بعده
@@@
شعجب بدرك يحيدر بالدمه غاب
وعلينه لوم دارت تالي لحزاب
ترى لامونه لنك داحي الباب
يبونه الغاب عنه تحت لتراب
…
شيعه مظلومه .. ترانه بعد عينك
@@@
يهل والي علينه وغيره منشوف
آهالي البيت بعدك عاشت ابخوف
الگلب ليمين عطفك صار ملهوف
وترى هام اليتامه يتنه لچفوف
…
امسح اعليها .. تطيب ابراح چفك
@@@
علي أحمد الحمود
٢١-٣-٢٠٢٤
شهادة الامير ع
ابا الغوث علي
ابا الغوث علي
*
عن الوصف تعالى
جمالآ في جمالا
جوابآ للسؤالا
أميرآ للقتالا
علي نور الاله وسيفه واسلامه
علي قبلة الكعبه وتاج العمامه
علي أول رئيس الينطي بلثامه
علي كلهه وراه وياهو گدامه
محمد في محمد
ولي الله أوحد
علي لليوم والغد ابا الغوث علي
علي كهف اليتامى
غرامآ في غراما
سلامآ للسلاما ابا الغوث علي
**
أميرآ هاشميا
إمامآ رافضيا
عرفناه جليا
نعم ذاك عليا
علي قدرة الباري بخلقه واوصافه
علي هنيال كلمن قابله وشافه
علي شيگول لمن تهمس اشفافه ؟
علي وكلمن يذكره اتهنى واتعافه
علي سبع المثاني
علي نور الزماني
علي في الله فاني ابا الغوث علي
علي للماء ساقي
شديدا في التلاقي
علي حزن عراقي ابا الغوث علي
***
علي قلب الخليقه
علي لب الحقيقه
ستسأل عن رفيقه ؟
اخوه أم صديقه ؟
محمد وي علي بشجره وأصل واحد
گبل آدم علي تحت العرش عابد
علي قائد گبل لا ينوجد قائد
علي كل ذني عنده وبالحكم زاهد
عليٌ لا يجارى
علي غوث الحيارى
علي أمن ودارى ابا الغوث علي
علي سر الوجودي
ومضمون الخلودي
علي ضد القيودي ابا الغوث علي
**
وحيدآ في سلاحه
رفيقآ للسماحه
قديمآ في كفاحه
من الفقر جراحه
صلي وصوم دهرك واعبد سنينك
واسجد طول ليلك لا تسد عينك
اذا متوالي حيدر ياهو اليعينك
تمام الدين هوه وما نفع دينك
كتاب الله صرح
بمن والاه افلح
ومن ناداه ينجح ابا الغوث علي
ومن عاداه خاسر
فلا يلقى مناصر
علي دين الضمائر ابا الغوث علي
**
علي لله دائم
علي النهج المقاوم
علي في الحرب باسم
علي عش الحمائم
أذا توگع بشده اوصعب تحملهه
واذا مالك معين اليگدر يفلهه
اندب يا علي وهوه علي يحلهه
كل صعبه علي يابو الحسن ألهه
علي ختم النجاتي
حبيبي بل حياتي
قريب في مماتي ابا الغوث علي
علي في القبر حامي
اذا شح الكلامي
سأهتف يا امامي ابا الغوث علي
كلمات الخادم / رعد الفريجي
اجاني العيد وامي بين الكبور
وشينشف الدمع والكلب مكسور
اجني العيد ماريده يجيني
وعكب روحت احبابي نعمت عيني
////////////////////////
ماريدك يعيد بلايه امي
صفت رؤحي وحيده بلايه امي
جنت كل عيد اعيد ويه امي
بقت لوحدي وشلون بيه
^_
بقلم حسام الحجامي
الفاتحه الى شرف النبي والائمه الاطهار والي روح المرحومه والدتي ام حسام
لطمية للأهل والأحباب (وانعيد بالگبور)
امشنه انروح ... وانعيد بالگبور
مهضومات كلنه اگلوبنه اتفور
امشنه انروح يم اگبور اهلنه
نگضي العيد بالونه اعله ونه
ماكو بدارهم ريحت محنه
امهدم ياسگفنه ومايل السور
امشنه انروح ... وانعيد بالگبور
مهدوم السگف والسور مايل
شو كلمن توده الروح شايل
صبح حيلنه امن الضيم ناحل
تفرهد ياشملنه الگبل معمور
امشنه انروح ... وانعيد بالگبور
تفرهد ياشملنه وفرهده البين
عالشالو بچت واشتاگت العين
مو بالدار بالمگبره امعيدين
غابت يا اوجوه الچانت اتنور
امشنه انروح ... وانعيد بالگبور
ضاعت بالتراب اوجوه الاحباب
شگل للضيف من يوگف عله الباب
مشو واصوابهم يسعر ولاطاب
عافو بالگلب لچمات واكسور
امشنه انروح ... وانعيد بالگبور
عافو بالگلب كسرين واجروح
گومن خل نعوف الدار وانروح
لهل المگبره وانچمل النوح
نشچي اهمومنه ونسولف الجور
امشنه انروح ... وانعيد بالگبور
نشچي اهمومنه الصارت ثجيله
كلمن فارگ اهله يموت حيله
خل انروح للمردو دليله
بالميدان ضل بدون كافور
امشنه انروح ... للنامو بالگبور
بالميدان ضل بدون تچفين
هاذه حسين گولن ٱه يحسين
زينب عافته بذيچ الميادين
اجنازه امگطعه والنحر منحور
امشنه انروح ... وانعيد بالگبور
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
🖋️📜قصيدة للامام علي عليه السلام
گإني بالإمام الحسين عليه السلام يخاطب السيدة زينب عليها السلام
عندج علم نام
ضلينه ايتام
يا زينب وياطبرته
ترسملي الخيام
ــــــــــــــــــ،،،،،، ــــــــــــــــــــــ
انظر الطبرت والدي وضاگت عليه انفاسي
رسمت وصف حار العقل صعبه يوصفه احساسي
چم شدة التمر بالاهل وشكد تمر مآسي
يگضي العمر بعد الابو آه ويشيب راسي
وعيونچ تشوف
يگضي العمر خوف
يختي والالام
ترسملي اخيام
ــــــــــــــــــ،،،،،، ــــــــــــــــــــــ
لمـن نظـرت الـهـامته زادت يخيتي الآمي
وگمت اندعيلچ بالصبر امصايب شفت گدامي
خيل العده اترض الضلع واعله الثره اصبح دامي
واطفالي اتفر بالفله وتحرگ اعدانه اخيامي
اتفگدين الاحباب
اتماشين الاغراب
وتفجعچ الشام
ترسملي الخيام
ــــــــــــــــــ،،،،،، ــــــــــــــــــــــ
گمت اندعيلچ بالصبر لــمن شفـتها اجروحه
باچر يمر بيچ الهظم تضل دمعتچ مسفوحه
تفگدين كل اهلچ سوه تبقى الجثث مطروحه
تمشين عنها للسبي وكلها الزلم مذبوحه
رووس اعله الارماح
والحـــــــادي ذباح
ياصعب الايام
ترسملي الخيام
ــــــــــــــــــ،،،،،، ــــــــــــــــــــــ
صعبه يبت المرتضى علجاي الله يعينچ
يمدللة حامي الحمه وين السبي او وينچ
تگضين كل عمرچ قهر يفت الصخر يونينچ
بالنوح والون والبچي ماتجف دمعة عينچ
بالغربه تبقين
لمن تموتين
هواي الوكت ضام
ترسملي الخيام
ــــــــــــــــــ،،،،،، ــــــــــــــــــــــ
هواي القدر خافي القصص ووضحت اليه الصوره
نرسمت اطفال واقعه بهامة علي المطبوره
هسه ابن ملجم يفجعج ويزيد ياخذ دوره
خليني سولفلج بعد عن چثتي المشموره
من غير تچفين
وانتي تروحيـن
من شهر الصيام
ترسملي الخيام
ــــــــــــــــــ،،،،،، ــــــــــــــــــــــ
من شهر رمضان وبده طف حيدره ومحرابه
يازينب وبچه العرش وكت الصلاة. بمصابه
سيف المرادي يغدره ليش النذل ماهابه
شنهي الحقد يهل الرده بيمن بديتو اسبابه
ضلع امي مهشوم
والظلم ميـــــدوم
صابونه بسهام
ترسملي الخيام
ــــــــــــــــــــــــــــــــــــــــــــــ
تمت وبعون الله تعالى باقلام
زيـــــــــــنب الـواسـطي
ام عـــــــــــــــلي البابلي
ام وليـــــــــــد الموسوي
لانجيز شرعا حذف الاسماء ❌❌
نسالكم الدعاء
بعد وفاة والدها بفتره ذهبت الى قبره وهي محمله بالدمع والامنيات والذكريات
،،،،،،،،،،،،،،،،،،،،،،،،،،،،،،،،،،،،،،،،،،،،،
ذكرتك واعتنيتك بيه ما بيه
ولو شنساك ؟ انه الصرت منسيه
اغمض عيني واتذكر دلالك
يبويه ابنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشت بس والله مجبوره
جنازه بديره مهجوره
ياهو اليدري گلبي شضام ؟
بس انته وصرت صوره
اباوعلك واريدك صوت
وارد واتذكر التابوت
وينك ما شفت عدلين
بعدك گمت احب الموت
يبويه اتأكدت هسه اليتم حيره
اليفگد والده شتلمه يا ديره ؟
شخلي الگلبي ما يرهم بدالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،
يتيمه أمبين أعليه
ملامح وجه مسبيه
خلف الله اعله ثوبك هاذ
أگله شبيه ما بيه
اشمن ريحتك وارتاح
سماي تريد رف جناح ؟
انه الصبخه النساني الماي
انه الشيب الحنى الفلاح
اريدك والگبر سير على أحلامي
انه احتاجيت طولك يمشي گدامي
بعد محرومه من لذت سؤالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،
اجيتك والگبر دافي
واحسك تمسح أجتافي
حچيت وياك وتمنيت
اشوفك مو متت غافي
واگلك بويه نمت هواي
شد حيلك دگوم وياي
شنهي اتگضك التربان
ضيف احسبني يمك جاي
يا چلمة هلا شمحلاهه بشفافك
تره الدنيا ولتني ومتت بخلافك
گوم وشوف ياهوه أعتنالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،،،،،،،
ترى الخيمه تطيح بساع
انته بعيني كل الگاع
ستري وهيبتي ومدفون
رباط الحچي الما ضاع
أشورك وانته جوه تراب
واتاني وحلمي صار الباب
اعرفك ما تردني بيوم
أبوي انته الوفي الما غاب
غريبه وگمت أدور صوتك الدافي
يا بيت النودهم موحش وطافي
دحاچيني البعد چنه حلالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،
على تراب الگبر موتي
حچيت وما طلع صوتي
تراني بعازتك والله
بعد معتازه تابوتي
اجيك وننجمع ميتين
النجف يدرينه مشتاگين
أريدن يمك أوياك
تكتل وحشة العدلين
أخذني اتعذبت هالدنيا خلصانه
منهد ما فارگيتك وانه تعبانه
اباوع علگمر واذكر جمالك
يبويه بنيتك بحسرة خيالك ذكرتك
كلمات الخادم / رعد الفريجي
مولاتي زينب
((نعي مفجع))
والـبـيـت خـالـي الـعيـد اجـه والبـيت خالي
شـمـل الـغـوالـي راح يـلـم شـمــل الـغـوالـي
وحـشـه الليالي صـارت تـره وحـشـه الليالي
ويـنـچ تـعـالـي يـم الـحـسـن ويـنـچ تـعـالي
حن اعله حالي حتى الحجر حن اعله حالي
ضـليـت تـالـي بـس بالـدمـع ضـليـت تـالـي
الـفـارگهه والـي يحـلـه البچي الفارگهه والي
عِـزي ودلالي تـوني افـگـدت عِـزي ودلالـي
مـامـثلـه غالي غالي الأبـو مـامـثلـه غالـي
*---------------------------*--------------------*
✍خادم امير المؤمنين ع
الشاعر رعد الجريخي
مسمومه طبرة جبيني
اوداعة الله بنيني
رايح بعد هالمسيه .. يولادي سمعوا الوصيه
مسمومه طبرة جبيني
@@@
هلا يا ثمرة فؤادي وماي لعيون
هذا ليل اوداع بيكم يالتونون
يا اهل بيت النبوه ونور هالكون
بعدي عدواني اعله راحه مايخلون
شيسده من بعدي عليكم باليعادون
حتى باللي مگمطينه ما يرحمون
…
اشكبره بعده جرحكم
امن اللي يحلوا ذبحكم
ورزيه تسحب رزيه .. وداعي هذي المسيه
مسمومه طبرة جبيني
@@@
يالحسن مني دليلي ذاب مالوم
واللي يجري اعليك هذا امر محتوم
اجعيده من اعظم خيانه جايره اتروم
صايم وتمسي بفطورك يبني مسموم
تملي طشتك من چبدتك گطع وادموم
ونعشك المظلوم تالي يمتلي اسهوم
…
تعاني اشكثر بالخيانه
حتى بضريحك دفانه
من اللي جارت عليه .. وداعي هذي المسيه
مسمومه طبرة جبيني
@@@
بالله ضمني فوگ صدري يابولكبر
وانته يومك مامثيله ابهيمة البر
يلي وحدك وآل اميه اعليك تفتر
مصيبتك جمعت مصايب يالتوذر
عطش واطفال ونساوي ونار تسعر
ومن كتر اجساد صرعه بلا منحر
…
صدرك وراسك جبينه
وچبدك ونحرك وتينه
يلي تذبحك اميه .. وداعي هذي المسيه
مسمومه طبرة جبيني
@@@
يبني يا عباس گرب وانته لكفيل
الحوره بعيونك امانه لازم اتشيل
بالك ألهودج سراها لحظه لايميل
كون للطف ابحماتك وانته لدخيل
ردتك اتواسي عضيدك بهمه لثجيل
لحد ما توگع چفوفك والدمه اتسيل
…
يلي كفلت الوديعه
عذرك ترى بالشريعه
ابرايه وچفوفك رميه .. وداعي هذي المسيه
مسمومه طبرة جبيني
@@@
بالله يازينب تعالي يالاميره
يلي بعد حسين تنوخذي اسيره
مو سهل بعد الكفيل بهالمسيره
الشمر يفتر شماته ديره ديره
يلي شفتي ضلوع امچ هالكسيره
تشوفي خوتچ في مصارعها وذيره
…
اعله ام الخدر ماهي سهله
اتجرها الاعادي اعله هزله
وياها سكنه ورقيه .. وداعي هذي المسيه
مسمومه طبرة جبيني
@@@
علي أحمد الحمود
٢٠-٣-٢٠٢٤
شهادة الأمير ع
الوصية
وفاة السيده خديجه
اودعچ فاطمه يُمه تعالي
الخديجه هايه آخرها الليالي
اول دمعه هاي
وهواي الي جاي
الخديجه هايه آخرها الليالي
++++++++
خلصت سنين العمر كلها عشتها
وانتي يُمه اسنينچ اگليله اعرفتها
ازغيره بس اهمومچ بدمعچ شفتها
امن الرسول امصيبتچ يمه سمعتها
يالينتهي عمرچ قتل
لثمنطعش هم مايهل/
وابطنچ ايموت الحمل
العصره ابوكتها
يتيـمه لا ابـو لا ام يتـيمـه
هظيمه بروحچ اتعيش الهظيمه
لو يمچ عساي
وهواي الي جاي
+++++++++
دمعه تفصل فاطمه ما بيني بينچ
من فگد امچ لحد وگعت جنينچ
ماتجف من البچي يالزهره عينچ
واليتم ما يـرحم ويـكثر ونينچ
ما لايگ اعليچ اليتم/
وگلبچ عليَه ينهظم/
يافاطمه بموت الحلم/
يكثر حنينچ
هذا اول جرح هاي البدايه
لدموع الحزن ماكو نهايه
لا صل لا فياي
وهواي الي جاي
+++++++
راح اموتن والرسول ابگلبه حسره
المرّه والحلوه گضينه اعليها عِشره
يُعرف اغيابي يطر گلبچ يزهره
الحالتچ والفرگتي بدلاله جمره
انتي وحيده امن البزر/
لو بيين بگلبچ كسر/
من البچي عيونچ حمر/
ياهو اليصبره
آنه ودمعتي فدوه الدموعچ
اموت اولا تلطميهن ضلوعچ
ينكسرن وراي
وهواي الي جاي
++++++++++
نامي اخر نومه الچ يمه اعله اديه
باقي عمرچ يگضي يالزهره اذيه
والرسول اخلافي صيريله تچيه
ام ابوچ انـتي تصيرين الزچيه
يذكرني ويهل الدمع/
والگبري من يعلگ شمع/
من يبچي صوته ينسمع/
ويحن عليه
ابأدينچ فاطـمه نشفي دمعته
ترد وحشة خديجه الزهره بنته
الحالتكم بچاي
وهواي الي جاي
+++++++++
هذا شهر الخير تگصينه صيامه
وادري اسم العيد يجرح باليتامه
راح اودعج راح اگلج بالسلامه
وادري باقي الليل عينج ماتنامه
يبقى الجرح اكبر جرح/
للضامي ذاك الينذبح/
راس العزيز اعله الرمح/
وحرگةخيامه
مصيبه ما اشد منها مصيبه
من ام الخدر تمشي غريبه
لا ضل عدها راي
وهواي الي جاي
ثائر الربيعي
#من_ديوان_سيداتُ_العفاف_ج١
قصيدة للسيدة خديجة مع هوسات(بت اليفرضون)
❥━──➸➽❥❂❥━──➸➽❥❂
شلتي وين يا بت اليفرضون
رسول الله عليچ اليوم محزون
❥━──➸➽❥❂❥━──➸➽❥❂
نبينه اعليچ يبچي ويهمل العين
وبغيابچ دليله انفطر نصين
وظلت فاطمة بلوعات ونين
وعليچ اليوم صبح محزن الكون
((الدنيه خلافچ حزنانه))
❥━──➸➽❥❂❥━──➸➽❥❂
يالبيدچ تشيد دين الإسلام
گلب فاطم عليچ اليوم محتام
ورسول الله بعينه سوده الأيام
واحبابچ عليچ اليوم يبچون
((شخصچ هاليوم مضيعينه))
❥━──➸➽❥❂❥━──➸➽❥❂
عليچ اليوم منصوب العزيه
عليچ اليوم دمعتنه جريه
نون اعليچ يا أم الزچيه
وابموتچ تهل دموم العيون
((نعليهه والونه اعليچ))
❥━──➸➽❥❂❥━──➸➽❥❂
كون العين من بعدچ تصب دم
يا طه النبي حيله تهدم
عليهه يگول اون للموت مندم
تستاهل عليها الكل ينوحون
((تسوين الون لو ونينه))
❥━──➸➽❥❂❥━──➸➽❥❂
ارض ويه السمه ونت عليهه
وگعدت فاطمة وتنوح ليهه
تگلهه بنيتچ من يباريهه
يا يمه بغيابچ اصبر شلون
((والبيت خلافچ ما اريده))
❥━──➸➽❥❂❥━──➸➽❥❂
يالصيتچ اله الكون علاه
ابد ما ينمحي اسمچ وذكراه
بكل رمضان الچ ماتم نصبناه
الشيعة مصيبتچ هيهات ينسون
((ما ننساها يا زهرة امچ))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
أمي خديجه ماهي بالدار
وآنه لجلها دمعي مدرار
اشگد أنا حزينه..راحت الحنينه
---
راحت امي من ايديه.. في بداية عمري
اوداري وحشه من عگبها..اودمعي الها يجري
والحزن خيّم عليه..اوهم تحيّر فكري
اوشفت ابويه اعليها يبچي..منظره ايشب جمري
هاي العزيزه الساكنه الروح
اعليها دليلي دوم مجروح
اوغابت السكينه..راحت الحنينه
---
ظل ابويه اعليها ينحب..والها ناصب مأتم
منكسر گلبه يحگ له.. ابفجعته يتألم
ابوطالب ويّه امي ..راحو عنه واغتم
اوصار عام الحزن وسفه..والدليل اميتم
گلبي اويه گلبه حس بلالام
الدنيا ابطبعها اتصوّب اسهام
تجري دمعة عينه..راحت الحنينه
---
الغابت امه عن حياته..عيشته ماتسوه
اودنيته ظلمه ابعيونه..حاشا تبگه حلوه
اينام بس النومه صعبه..لله يبدي الشكوه
اشلون بيّه من بعدها..راح الاگي البلوه
ياحسره تالي ألگه لهوال
والبسمه تخفه ويه لآمال
بويه بث ونينه..راحت الحنينه
---
امي ذات الطِيب امي..اومنبع الحنيه
شرت حب النبي طاها..اتحدت اهيّه الدنيه
والله يشكرها ابكتابه ..نالت القدسيه
اوماكو زوجه ابگد فضلها..بالكره الأرضيه
لاچن وسافه لبت الموت
واصبح جسدها ابوسط تابوت
ابدنيتي ثمينه..راحت الحنينه
---
بعد امي عزي يرحل..راح اودعه الوالد
اولعد داري تلفي عگبه.. زلم ذاك الحاقد
يعصروني وابگه اصرخ ..طفلي ليّه شاهد
وابقساوه وابجراءه..يسحبون القائد
وامي الحنونه ماهي وياي
لو هيّه يمي تبگه سلواي
بالهضم رهينه..راحت الحنينه
---
عادل العبد الله
20/3/2024
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
يا كرار يا كرار ام عباس حاجيها
مره طيح مره تكوم ماشالنها رجليها
*_ _*_ _***
* * ***
يا كرار يا كرار رد ارجوك حاجيني
يابو حسين اخر يوم هذا البينك وبيني
ايا حركت الغالي بنار الغضا تجوني
يفراكك علي والله كلش حيل ياذيني
.
تريد وياك تريد وياك عل هجران مابيها
*_ _*_ _***
* * ***
مابيها على الهجران الماتتحمل افراكه
البيها لون ينقاس جاساوه الجبل راكه
انته يميه ياكرار وتحس ليك مشتاكه
نار الشوك بالدلال حد للموت حراكه
.
حيدر راح حيدر راح منها ومايرد ليها
*_ _*_ _***
* * ***
ليها ما يرد حيدر بعد هيهات ملكاها
وياها احزن عزيز الله والحوراء وياها
املاك السمه فاطم بجتها اعله مبجاها
كامت تعثر بهمها وتجري دموم عيناها
.
بل دمعات بل دمعات جبريل وبجه اعليها
*_ _*_ _***
* * ***
يبجي وياها جرائيل والمختار هل دمعه
يعزيها شكو معصوم تحضر فاطمه البضعه
مطبوره ياحيف اليوم هامه الدوم مرتفعه
يهتز ليها عرش الله وتبجي السبعه والسبعه
.
بسم الله بسم الله صوت بكل مبانيها
_ _*_ _*
* * ***
رايح وين ياكرار رايح وين يالغالي
لا تبعد عليه ارجوك بعدك عذب احوالي
من اتروح احسن ياحيد راح يموت دلالي
على فركاك اجر ونات دوم الدوم للتالي
..
بيها شلون بيها شلون راح البعد ياذيها
*_ _*_ _***
* * ***
حسن صالح العيساوي
وداع امير المؤمنين ع
ليلـة اوداع ومـصيـبة .. حيدر ايـودع الغـريبة
العـبرة غصت بالحناجر
وفاضت ادموع النواظر .. ليلة وداع
…………………………………………
هاي اخـر ليلة الـه حامي الحـميه
بدنـيـتـه المـنـها شبـع ضيم واذيه
راح روحـه تـعـرج بـهاي المـسيه
وتـلـتـقي راح ابمـحـمـد والزچـيه
لكن اليكسر فرحـته .. بالاحزان ايعوف بنـته
اختلطت ابروحه المشاعر
وفاضت ادمـوع النـواظر .. ليلة وداع
……………………………………………
يودع احبابه علي وبصدره حسره
ودمعـته تنزل على الخدين جـمره
وداعه هاليلة علي كـاسرلـه ظهـره
ينـظر بذيـچ الوجـوه اشلون نظره
هايـه نـظرات الاخيره .. تركت بنص روحه حيره
بالـوداع اللـيلـه حـايـر
وفاضت ادموع النواظر .. ليلة وداع
……………………………………………
عينه بعـيون الغـريـبه ودمـع العـيـون
يشرح الحـيدر مصيـبة غربـة ام عون
چـن تـگـلـه بالمدامـع بـاچـر اشـلـون
هم تجي بالطف يبويه تشوف المتون
لـو تخـلـيني يحـيدر .. وحدي ابلا خيمة بالبـر
بويـه اريد اهناك حاضر
وفاضت ادموع النواظر .. ليلة وداع
……………………………………………
بويه كونك تحضر بطف المصايب
تشوف شبـان الهواشـم عالـترايب
وبالبـراري تـركـض هـناك الغـرايب
وما كو واحد يفزلعـنه من الغوالب
كلها نومه اعله الوطيه .. مذبحين اهل الحميه
جـثث بويه ابـلا مناحر
وفاضت ادموع النواظر .. ليلة وداع
……………………………………………
كـون تحـضر كربلـه بساعـتـها واتـشوف
خيام محترگـه وعجاج الخليل والخـوف
وعالحـرم ذيـچ العساكـر تـفـتـر اصفـوف
بيش ادافع واني حرمة وچفي مچـتوف
حرمة مفجوعة وحزينه .. بويه اندبـك ما تجينه
تحامي عنه من العساكر
وفاضت ادموع النواظر .. ليلة وداع
……………………………………………
كون تحضر ياعلي وتشوف الحسين
نايم بحـر الشمـس وموسـد الايـدين
وعالشريعـة كـافلي مگـطوع چـفـين
وسهـم المـثلث نبت يا بويه بالعـيـن
من العشيره ما صفالي .. بس عليل ايشد حبالي
ياهـو يدفعـها المخاـطر
وفاضت ادموع النواظر .. ليلة وداع
الشاعر عقيل الحسناوي..
ياعيد ماريــــدك تجي بفراك ابونه
ياعيد گبلك والدي غُمضت اعيونه
حيدر ضمه التراب وجرح الفركه ماطاب
ــــــــــــــــــــــــــــــــــــــــــــــــــ
عمت عيني الاعز من روحي ضمه اتراب الكبور
مشه عني وبقيت انه يتيمه وكلبي مكسور
ودمع فكده مثل المطر فوك اخدودي منثور
صعبه ينحط بالكبر
العندي اغله من العمر
حسره تخنك بالصدر اه
منه حارمني الدهر
بعيني مرسومه الصور
وعودي بالفركه انكسر اه
ياعيد مافك حزني بيك ولا اعايد
ياعيد بيك اشيفرح الفاكدله والد
يبقه ابسود الثياب وجرح الفركه ماطاب
ــــــــــــــــــــــــــــــــــــــــــــــــــــــــــــ
مشه الغالي وبقت بس صورته فوك الحياطين
يكون ابجي عله فراكه لحـــــد ماتنعمي العين
يهـــل وادم تره يتــــعب غياب الكلبه احنين
غالي عن عيني مشه
وداره ضلت موحشه
الجيته رمشي فارشه اه
حيدر نايم ابلحد
ماظن لداره يرد
وانه كلبي منمرد اه
ياعيد تره التفكد ابوها اتموت سكته
ياعيد اريدن حيدر وما اريدك انته
ذابح روحي الغياب وجرح الفركه ماطاب
ــــــــــــــــــــــــــــــــــــــــــــــــــــــــــــ
كضت روحي بعد عيون حيدر شلي بالروح
بحر دمعي يغركها السفن وشراعها النوح
ولا ريده الكلب لو ساعه بعده ايبطل النوح
حزني لعيوني وطن
والله غدار الزمن
يتم حسين وحسن اه
وليرحل عنها ابو
تبقه بالدنيا شكو
تفكد أحضان الدفو اه
ياعيد تمنيت اويـبوي الموت والله
ياعيد شني ضلتي وبوي اللحد ضماه
جبدي من الهضم ذاب وجرح الفركه ماطاب
ــــــــــــــــــــــــــــــــــــــــــــــــــــــــــــ
صدك وسفه تشم بنته النسيم وما يشمه
لون بيدي اعوف البيت وسكن كبر يمه
علي ليله مشه وصار العمر بغيابه ضلمه
جنه نتفطر سوه
يحبني ويشمني هوه
يترك جرحي بلا دوه اه
صارت شفافي خشب
هدم اركاني التعب
مغطه بتراب الذهب اه
ياعيد من حيدر ابوي انه انحرم ليش
ياعيد شفت جرحه عميج وموش بريش
ودمعتي مغركه الحجاب وجرح الفركه ماطاب
ــــــــــــــــــــــــــــــــــــــــــــــــــــــــــــ
عله متوني تضل ريحت جفوفه شما لزمني
اشم بيها ششم من راح من عدها حرمني
اخذ كلشي واحس بالعمر بعده مايهمني
ماكو منك ياعلي
بيتي من دونك خلي
راحت بويه ادللي اه
ذني ايام الدمع
حسره وتجوي بضلع
ونتي صارت تنسمع اه
ياعيد راح الليله حيدر مني ياعيد
ياعيد لون فص عيني اذبه افكده ميفيد
دمعي ابفكده سجاب وجرح الفركه ماطاب
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
جبريل ناده بالسمه
راح الولي حامي الحمه
@@@
ابطبرة الهام للسلام وگع ركن الهدى
وراح بچفان علي الچان الى الهادي فدى
هذا جبريل على الويل مله صوته المدى
حامي الجار بلخطار اخذ عمره الردى
…
وادموعه وحي الله همه
راح الولي حامي الحمه
@@@
داحي الباب ابواتراب اخذ عمره الاجل
والعزه كون من الكون على الدنيه نزل
فارس الموت بلا الصوت وگع اعظم جبل
باب لعلوم يمالوم طبر راسه الجهل
…
والكوفه صارت مظلمه
راح الولي حامي الحمه
@@@
عزه للحيد على البيد بعد فگده انصبوا
وبس بلدموع من الروع نعي حزنه اكتبوا
صوت ليتام بلسلام يوادم انحبوا
هالابو طاح گظه وراح بعد ماضل ابو
…
والشيعه بعده ميتمه
راح الولي حامي الحمه
@@@
داحي البوب بلحروب دمه هامه تسح
وراسه بدماه على الآه طبرته تنفتح
للحسن عين ولحسين دمعها منسفح
وزينب اتنوح بلجروح وسف زادت جرح
…
الباغي سمم صارمه
راح الولي حامي الحمه
@@@
راية الحمد على العهد صفت رايع حزن
وهذا عباس على الناس يرفرفها ويون
وزينب اليوم بلهموم دمعها ينهتن
وطول هالليل بلا حيل ولا غمضت جفن
…
عالراس زينب لاطمه
راح الولي حامي الحمه
@@@
علي أحمد الحمود
٢١-٣-٢٠٢٤
شهادة الأمير ع
الوفاة
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
مـــــــوشــــــــح
قال طــه المصطفى عـنك علي
ربي يأمـرني بعلـي هــو الـولي
«وياك وياك الله ياعلي»
*-------------------*---------------*
رافــعك حيــدر علـي رب الـعـلا
كل عمل مرفوض من غير الـولا
بغيـر حيـدر باطـله حتى الصـلا
حاير وسوده الصحيفه ومبتلي
*-------------------*---------------*
الدنـيا حـــزنانـه الك حتـى الورد
ياللــي مامثـلك بشــر طـــه يـود
بالحــرايــب ياعلـي بيـــها يـــهد
ودومه منصور بعلي وهم ينجلي
*-------------------*---------------*
شامـخ وعـالي علي ذكرك يــظل
الشيعي لجلك بالحزن دمعه يهل
يبچي كل عمره الك هـم مايـمل
فـدوه منـذوره الك كـــلهم هـلي
*-------------------*---------------*
ناده صوته بالسمه جبريل الك
الليله ينعه بالحزن حتى الملك
بسيفه بن ملجم ترى هز الفلك
وينحب آذان الفـجـر منهو الي
*-------------------*---------------*
منهو يگدر يحصي افضالك يعد
ابيا علي نوره الفجر نوره صعد
ياعلـي مثـلك وصي ماكـو بعـد
صـاح ديـن الله ونعى ياكافـلي
*-------------------*---------------*
ظلوا ايتامك علي حسين وحسن
وبظلامه الليل اجه و والهم يون
وحتى نجمات السمه بالهم بچن
وبالسمه هالصـوت شاع ويعتلي
كلمات
الملا احمد السالمي
*-----------
لطميه مربعه للسيده خديجه ع
المستهل
ياليلة وفاتج هدمت حيلي
عليج انوح يمه مانمت ليلي
🌟🌟🌟🌟🌟🌟🌟🌟
روحي من مشيتي مدري اشبيها
وايامج الحلوه شلون تنسيها
وبلياج روحي بيش اسليها
خلافج يالحنينه اصيح ياويلي
🌟🌟🌟🌟🌟🌟🌟
اشلون اوياج عندي روح واتوادع
وانه اخلاف عينج كلبي اتصدع
مصدوم الكلب من شفت الموادع
بغيابج يروحي من النزل شيلي
🌟🌟🌟🌟🌟🌟🌟🌟
عليج الروح طلعت ما اتحملها
امي الغاليه شنهي اكللها
تروحين وتضل العين اهملها
على الراحت يعيني من دمه سيلي
🌟🌟🌟🌟🌟🌟🌟🌟
فركاها صعب امي وتاذيني
عافتني بنزلها وماتحاجيني
مااكدر على فركاج تدريني
عليج اليوم يمه ذايب ادليلي
🌟🌟🌟🌟🌟🌟🌟🌟
امنه ام المعارف والمحنيه
عافتته اومشت والعين معميه
اشلون اتعوفنه الي كله حنيه
شيصبرني على فركاج كليلي
🌟🌟🌟🌟🌟🌟🌟
.عليها ماانام اليل لاساعه
شالت والدتنه وروحي مرتاعه
اشلون اتشيل ما اصبر بلوداعه
خلاف امي بعد ياروح تحجيلي
🌟🌟🌟🌟🌟🌟🌟🌟
بقلم الشاعره ام تحسين البصره
غير مبري الذمه اليحذف اسم الشاعره وينسب الكلام له
فزاعيه بدايتها نعي تعازي الزينب ع
يزينب دنيتج شتريد منج
والونات ابد ما فاركنج
وحده فوك وحده وهدمنج
نزلت الفزاعيه
يزينب دنيتج ماخلت اعزاز
يوميه بعزيز يروح الجناز
................
خليها عله زينب تهمل العين
بعده ماشفه جرح ام الحسين
رد ليها وفجعها بحيدر البين
(شد حيله/ البين عله اهلج)
..............
ليش بدارها ماضلت احباب
يايوم الزجيه وعصرة الباب
يازينب باهلهاصوابها صواب
(وتنعاها / اتصد لدار)
............
ضلت بالحزن ومكابله الدار
وين الزاجيه وحيدر الكرار
ماينطب البيت بغير الاكبار
(خليانه/ الدار من اهلج)
...........
ليش الدار من اهلج خليه
ضلت موحشه وكت المسيه
عزاز الروح شيلتهم سويه
(هدوها / اعزاز الشالوا)
........
هدم حيلها والون كتلها
وني اليوم وياها عله اهلها
بعد البين كولي شضاملها
(ويعميها / البين ايطكها)
..........
دوم البين طكاته عله الراس
يايوم الحسن يايوم عباس
يوم الهدم ضلوعي يهالناس
(بضلوعي / حسين صوابك)
✍ام زينب كربلاء غير مبري الذمه من يأخذ الكلام وينسبه له اويحذف الإسم
إِجَتْ أُمِّ الْحَسَنْ لِلدَّارْ تِنُوحِ وْتِجْذِبِ الْحَسْرَه
تِشُوفِ الْمُرْتَضَى بْيَا حَالْ عُگُبْ مَا صَابِتَه الطَّبْرَه
-----------------------
تِعَنَّتْ وِالدَّمِعْ سَچًّابْ حَزِينَه تْنَاشِدَه شْلُونَكْ
يَبُو حْسِينِ شْكِثُرْ تَعْبَانْ أَوِيلِي وْمِنْخِطِفْ لُونَكْ
إِجِيتَكْ وِالْگَلُبْ لَهْفَانْ دِخِيلَكْ إِفْتَحِ عْيُونَكْ
تَرَه مِنْ عَايَنِتْ حَالَكْ نِسِيتِ ضْلُوعِي وِالسَّطْرَه
-----------------------
يَلِيثِ الْمُوزِمَه الْمَعْرُوفْ إِنْتَه لْمَا تِهَابِ الْمُوتْ
أَشُو نَايِمْ وَلَا أَسْمَعْ مِنَّكْ يَا عَلِي أَيْ صُوتْ
أَخَافَنْ خِلْصَتِ سْنِينَكْ وَاشُوفَنَّكْ وَسَطْ تَابُوتْ
وِاذَا حَانِ الْأَجَلْ گِلِّي شْيِصَبُّرْ فَاطِمَه الزَّهْرَه
-----------------------
يَا حِيدَرْ جُرُوحِي هْوَايْ وِانْتَه بَلْسَمِ جْرُوحِي
لَاچِنْ مِنْ شِفِتْ جَرْحَكْ لَاجَتْ بِالْأَلَمْ رُوحِي
مَا ظِنْ تِرْضَه يَا كَرَّارْ تِسْمَعْ وَنِّتِي وْنُوحِي
وَلَا تِگْعِدْ تِحَاچِينِي وْتِمْسَحْ بِيدَكِ الْعَبْرَه
-----------------------
فِتَحْ عِينَه الْوَصِي وْگَلْهَه يَفَاطِمْ بَالله عِذْرِينِي
تَرَانِي لْشُوفِتِچْ وَلْهَانْ يَگَلْبِي وْمُهْجِتِي وْعِينِي
لَچَنْ رَاسِي انْجِسَمْ نُصِّينْ وِصَلْ سِيفِ الْعَدُو جْبِينِي
طِحِتْ يَا زَهْرَه بِالْمِحْرَابْ لَوَنْ شِفْتِينِي عَالْغَبْرَه
-----------------------
خَضِيبِ مْطَبَّرِ وْمَسْمُومْ وَلَا تِرْهَمْ أَبَدْ عِلْتِي
يَمَايِ عْيُونِي رَاحِ الْحِيلْ سَاعَه وْتِنْدِفِنْ جِثْتِي
الْهُضَمْنِي وْأَلَّمِ الدَّلَّالْ دَمِعْ أَمِّ الْخِدِرْ بِنْتِي
أَمِسْ إِنْتِي وْأَنَا بْهَالْيُومْ وِسَافَه بْهَمْهَه مِتْحَيْرَه
-----------------------
وَحَگْ عِشْرَتْنَه كِلْشِي يْهُونْ وَلَا أَنْظُرْهُنِ گْبَالِي
عِيَالِي مْنِ الْهَضُمْ وِالْآهْ وِيلِي ذَابَتِ عْيَالِي
وْبَاچِرْ بِالْغُصَصْ تِنْضَامْْ يِطِيحِ بْكِلْ كِتُرْ غَالِي
الْحَسَنْ يِگْطَعْ چَبِدْتَه السَّمْ وَاخَيَّه يِنْگِطِعْ نَحْرَه
-----------------------
#الليالي_العلوية
الشاعر حسن خنافر العاملي
🏴 تنفع لليلة 19 رمضان جرح الإمام علي ع
نظمتها ليلة 19 فتمت 19 مقطعاً ..
1تهدّمت واللهِ أركانُ الهدى
حينَ هوىٰ الطهر ُ علي ٌ ساجدا
2تهدمت واللهِ أركانُ الهدى
بضربة ٍ قامَ الشقي فاعتدىٰ
3تهدمت واللهِ أركانُ الهدى
فكم علىٰ الأميرِ كان َحاقدا
4تهدمت واللهِ أركانُ الهدى
وقد أصابَ سيفُهُ المؤيدا
5تهدمت واللهِ أركانُ الهدى
فَخر َّ في محرابهِ موّسدا
6تهدمت واللهِ أركانُ الهدى
فزتُ ينادي كن إلـٰهي الشاهدا
7تهدمت واللهِ أركان الهدى
أنا وليُ اللهِ باق ٍ أبدا
8تهدمت والله أركانُ الهدى
مع النبيِِّ حيثُ كنت ُالعابدا
9تهدمت واللهِ أركان الهدى
مدافعاً عنهُ أنا موتُ العدا
10تهدمت والله أركانُ الهدى
وفي الحروبِ لم ولن أخشىٰ الردىٰ
11تهدمت واللهِ أركان الهدى
بخيبر ٍ وبدر ٍ اسمي خلُدا
12تهدمت والله أركانُ الهدى
سَلوا حُنيناً وسلوها أُحُدا
13تهدمت واللهِ أركانُ الهدى
وكيفَ جبريلُ بسيفي أنشدا
14تهدمت واللهِ أركانُ الهدى
والكونُ من ذاكَ الهتافِ ارتعدا
15تهدمت واللهِ أركانُ الهدى
بَشّرَّ بي ربي قديماً أحمدا
16تهدمت واللهِ أركانُ الهدى
فصرتُ للهادي معيناً سندا
17تهدمت واللهِ أركانُ الهدى
فمَن يواليني إلىٰ الحقِ اهتدىٰ
18تهدمت واللهِ أركانُ الهدى
ومُبغضي أعمالهُ تمضي سُدا
19تهدمت واللهِ أركانُ الهدى
واليومَ جبريلُ غدا مرددا
تهّدمت والله ِ أركانُ الهدى
#سمير_الصالحي
#البصرة_الفيحآء
عمي عمي .. آ يعمي
گلبي ذايب .. يابوطالب
@@@
يهالچنت الحمه ليّه ابحياتك
وفدائك عمي من اروع صفاتك
چنت آمن وانا اعليه عباتك
وترى ضاع الأمنِ ساعة مماتك
…
سنين بحماك .. امنعم اوياك
لأمني كاتب .. يابوطالب
@@@
تحملت الهجر وايام صعبه
اليحاربني تصير اعليه حربه
وبعد منگال عمك گضه نحبه
صفت مكه بدونك گاع غربه
…
ظلمه لكوان .. بعام لحزان
وانته غايب .. يابوطالب
@@@
يعمي انهض وداويلي لجروح
هبل ضحكة عليه وانته مطروح
يهل اسمك مناره كاتبه اللوح
تقبل ابن اخوك ايطيح مذبوح
…
شامته الناس .. وبلا احساس
وگلبي ناحب .. يابوطالب
@@@
علي ايغسلك من ادموع ابعيوني
ومصايب بيها كل مكه ولوني
وانا بس الشتم تسمع اذوني
وتغير بعدك ابوجناتي لوني
…
شاحب اللون .. وحمره لعيون
عزه ناصب .. يابوطالب
@@@
علي الصار ابحمه ليه وصي لك
فلا وگف ابد صوته ابعويلك
وانا ويه علي حيدر دليلك
ثگل بينه الحزن واحنه نشيلك
…
نمشي وانطيح .. ابهبة الريح
ابحزن لاهب .. يابوطالب
@@@
يمن بيك انزرع تأسيس لسلام
جرح فگدك ابد ماچان يلتام
عليه يالگلت يستسقى لغمام
وفيت وماوفت وياي ليام
…
البعد ذوده .. ايام سوده
راسي شايب .. يابوطالب
@@@
علي أحمد الحمود
٢١-٣-٢٠٢٤
وفاة ابوطالب ع
#في_الخدمة_المقدسة
#شهادة_أمير_المؤمنين ع
#شهر_رمضان_١٤٤٥
لسان حال السيدة زينب ع تخاطب أباها ع
(وزن الطويل )
رَحيلكْ بويه أذّاني... وخلّاني بْحسْره ونارْ
هذا يُتْمِيي الثاني... عُگبِ الزّهره يا كرارْ
منْ يومِ اْلغبتْ عنّي... أَذْكُرْ سالِفِ الأزمانْ
بُحُضنْ امي تِدَلّلني.. ويّا جدي العدنانْ
واْشوفكْ يابعدْ عيني.. تْزلزلْ ساحةِ المِيدانْ
والْيومِ اْعْلى فرگاكُمْ.. گلبي تايهِ ومحتارْ
أركانِ الهدى اْنهدمتْ.. وضاعتْ وحدةِ الإسلامْ
مِحْرابكْ بُگى خالي...وشگد صعبه هالآلام
بُجرْحكْ يا علي داوي...جْراحِ الأمّه والأيتامْ
ماتردّ ْالي يجي ينْخاك.. يابو النّخوه والإيثارْ
توصّيني على اْخواني.. توصّيهم على زينبْ
وعبّاسِ اْليكفلني.. أَفِگْده بعاشرِ وأَنْحبْ
وحسينِ اْلي يبگالي.. شيْبَهْ مْنِ الدِّما مْخضبْ
أبْگى وْحيدَه يا حيدر.. لو ترْجعْ يا حامي الجارْ
آه يا حيدر آه يا حيدر آه
آه يا حيدر آه يا حيدر آه
#منال_بجيجي
نسألكم الدعاء
#قصيدة رسالة كون
أم المؤمنين،،ع،،
****
يمــــــال أو راي--الدينچ مــــــــاي--مــــنذوره
رسالــــــــة كون--چنتي أمــــــتون--مــذخوره
...
من شفتي دين الله عطش صرتيله زمزم
أم فاطمة وطولچ ضــــوه وعالنعمه سلم
يادين مــن نسمع كبر والهمــــــــــــه تلتم
صوت الرساله أبفزعتچ مـــــــاينذل أبهـم
فزعتچ طـــــــــف--مقالـــــة چــــف--مـــــكتوبه
أنعرفتي أحــــزام--وفخــــــر وأيام--مـــــعموره
...
مـــــــــن قـــام دين الله ترى بموالچ أنتي
الياكلمـــــــة يلفظهه النبي گمتي وفزعتي
انطيتي كل خيرچ ألـــــــــه والنوبه شلتي
أسنين عمرچ مــــن ذهب ولا كلشي عفتي
يطيف أحـــــــساس--رفعتي الـــــراس--يالحــره
ونشوفچ حـــــــــيل--يعــــطر الهـــــيل--ياصوره
...
وللمؤمنين أمهــــــــــــم نحس أكبر هــديه
مــــــن نقره نلگاچ أبفخـــــــــــر أم الزچيه
ياماي يمبرده العطش أسمــــــــــــچ قضيه
أسمچ حـــــرز مـــــن ينكتب فزعه وحميه
يرحمــــــــة ودين--ينور بعــــــــين--يابيــــرغ
يراية خـــــــــــــير--يجـــــنح أيطير--منصوره
...
يالماشكيتي آمـــــن التعب لومو تعب حط
ياماي مــــــــاهــمه المطر باقي الأسم شط
وللوحي بيتچ هـــــــالصبح يالحره مــهبط
يمعزبه الملاك أبهلـــــه وبياعلـــــــي أحوط
يبيت الـمـــــــال--اليچهبچ گــــــال--أم نعمـه
صــــــلاتچ گــاع--الدعــــــاء أشرع--مشكوره
...
كلمة شكر مـــــن تنكتب يــــم أسمچ أبنص
تخجل ترى أحروف الشعر ونحسهه تخلص
ماشلتي أيدچ مـــــــن حمل يالچفچ احرص
ياراي مــــــــــحتاجه السلف والراي مخلص
يفيّ بستان--جـــــــزو بحـــــــــزان--ياوسفــــه
سگوه أبنار--الزمـــــــــــــــــان أندار--كــل دوره
...
خادم أهل البيت،،ع،،
أبوحسين السرگودي...
ندبة لمولاتي خديجة الكبری عليها السلام لقضاء الحوائج
🙏🙏
اجيت الليله اريد مراد
من ام فاطمة الزهره ٢
نعمين وكفو منهه
تگضي الحاجه اعرفنهه
ببنيتهه احلفنهه
اجيت وبالصدر عبره
اجيت الليله اريد مراد
من ام فاطمة الزهره
بعبرة صدري والدمعه
اجيت وحيل منوجعه
اگلهه بداعة البضعه
منهه طالبه الجبره
اجيت الليله اريد مراد
من ام فاطمة الزهره
بت اجواد معروفه
يل بالكرم موصوفه
اليطلب تترس چفوفه
حنينه وتجبر الكسره
اجيت الليله اريد مراد
من ام فاطمة الزهره
خديجه التگضي الحاجات
واعطاياها معروفات
الليله چفوفي ممدودات
گالوا تنطي للفقره
اجيت الليله اريد مراد
من ام فاطمة الزهره
اجيت وعاگده الشيله
ادگن بابهه الليله
عيني المدمع تسيله
وهيّه بحالتي ادره
اجيت الليله اربد مراد
من ام فاطمة الزهره
اطلب الي ولحبابي
الليله اتوقّع اكتابي
ارد وماخذه اجوابي
لحبابي المنتظره
اجيت الليله اريد مراد
من ام فاطمة الزهره
يامولاتي حوائجنه يمّچ
🙏🙏
ام محمد الحِجّاج
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde