Telegram-канал tajalzahraa1 - 🌴تجمّع الزهراء ع العاشورائي🌴: Неотсортированное

🌴تجمّع الزهراء ع العاشورائي🌴

04 января 2024 07:39

اذا انته تحب الحسين اسمع هالوصيه
واذا بعده   الالم بيك   من دمعة رقيه
خادم صير بافعالك
لا تتغير احوالك
اسمع هالوصيه

،،،،،،،،،،،،،،،،،

يريد حسين منك مو حچي لسان
هذاك الانطه نحره يريدك    انسان
الداست خيل صدره اوعلى الاذان
افهمه شچان رايد عوف   الاحزان

كون   ويه الدموع تقدر الناس
ثوابك   من تقدمه توزع احساس
التكافل مو خبز وبيوم   عباس
تره المحتاج تخنگ ريته الانفاس

مو هوه يتعنالك
لا تتغير احوالك   أسمع هالوصيه

------------------------------------------------

الحسين اعظم رساله بدرس الاخلاق
بر امك وابوك    ولا   تكن       عاق
شحلات العشره لو حبها من الاعماق
يشجرة    خير    والاحسان الاوراق

الكلمه الطيبه ترفع من مقامك
خلي بناسك يزيد    اهتمامك
قول وفعل من تنطق سلامك
لربك   خلي    نيتك ولأمامك

خلي الخير بأعمالك
لا   تتغير    احوالك اسمع هالوصيه

،،،،،،،،،،،،

جارك   ثم     جارك   هذا     تأكيد
حسين   يريدكم   يا ناس فد ايد
ترى الشيطان   يزرع تفرقه   ايريد
لا تخسر   بشر     صير ابن اجاويد

أدعي بخير اله واحفظ غيابه
شارك   فرحته وشدة مصابه
واذا يعتب عليك احمل عتابه
باب   الرحمه   هو وانته بابه

فعل الزين يبرالك
لا تتغير   احوالك اسمع هالوصيه

،،،،،،،،،،،،،،،،

دنيا   تريد   منك   وآخره   حساب
اعمل   للرزق     واجمعلك   احباب
من الغيبه   ابتعد والظن والالقاب
تعرف    بالحسد   ينسد    الف باب

دنيا شگد گصيره   وباچر   تموت
وين اهل الحكم لا چلمه لا صوت
جمعت المال انته وذيچ البيوت
كلهن     ينتهن مو   دنيا   تابوت

عديله الناس تقرالك
لا     تتغير احوالك   اسمع هالوصيه

،،،،،،،،،،،،،،،،،

اهل   البيت    رادو    منك   تكون
صاحب عقل راجح   فكر مضمون
التعصب باب فتنه وتعرف شلون ؟
يوصلك مرحله من المس والجنون

الشجاع   اليمتلك نفسه   ويردهه
النفس   آماره    بالشر لا   تودهه
اذأ   نايم   ضميرك    گوم ندهه
حياتك وين توصل ؟ وين حدهه ؟

لابد تنتهي آمالك
لا تتغير   احوالك اسمع هالوصيه

كلمات الخادم
رعد الفريجي