7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#جديد ✍
للسيده زينب ((عليها السلام))
#ثقيله
حسبـالها / وكت المنيه يحضرون
حسبـالها / عباس وحسين وعـون
شبحت العـين وبـجـت
وعكدت الشيله ودعت
بلكت يمـــــرون .... بلكت يمـــرون
......................
حسبالها بيوم المنيه ويوم الاوداع
يحضر العباس اخوها ويفزع ابساع
وينكت اتراب المكابر والــها فــزاع
بعباسها الليلـه انتخــت
وعكـدت الشيله ودعت
بلكت يمــرون .... بلكت يمـــرون
................
الليله متنخيه العقيله وناطره احباب
دزت اونين وسوالف بلـهوى الهـاب
تكله ياعباس خويه عوف الاتراب
وبكربـله الخـوه كضـت
عكـدت الشيله ودعت
بلكت يمـرون ..... بلكت يمـرون
...............
وداعت الخوه الگضت بالغاضريه
و من اهدكم وانه و الميته سويه
وحالة الوجعانه بفراش المنيه
معلوله زينبكم صفـت
عكدت الشيله ودعت
بلكت يمــرون .... بلكت يمــرون
.....................
روح زينبكم گضت وتنازع ابهون
ورايده منكم حنين ايغمض العيون
كون اموت وللنعش انتم تشيلون
هيج كـون اتنـومست
عگدت الشيله ودعت
بلكت يمـرون .... بلكت يمـرون
..............
يافخر ذيج الهواشم والاسامي
من تشيل اجنازتي وتحضر عمامي
وخاف يبطون الاهل بلغو سلامي
والمـنيــه اتـقــــربت
عگدت الشيـله ودعت
بلكت يمــرون ..... بلكت يمـرون
...................
#تمت بعون الله ومولاتنا زينب ع
بأقلام شاعرات اهل البيت ع
#الشاعره زينب المالكي
#الشاعره اسراء اللامي
غيرر مبري الذمه من يتلاعب بلقصيده ويحذف اسماء الشاعرات منها👍
تمنيتك عدل عباس تحضرني
تشيل أجنازتـي وبيدك تنزلني
غريبة غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي
#شور
#شهادة_السيدة_ع
العازه من تموت وبعيد اعله اخوتك
من تشوف الناس كلها تريد موتك
من يدورولك على مغيسل يغسلك
ومحد يصيح عليك الكل تفوتك
فرفحت روحي شكثر محد وصلها
واسمع اتكول الشماته وين اهلها
يا اهل والاعوجيه فرهدتنا
وصارت كبالي هزيله الدنيا كلها
صاحت الناس
وينه عباس
هاي عازه
اختك ام عون
رايده امتون
للجنازه
.
.
.
.
والله لو ميته ويه اخوتي ولا حجيهم
بالجنازه وأسمع تصفگ ايديهم
ليش ماي الله يضمونه عليه
خلصت ايامي ولا خَلَص سبيهم
كلها كالت حيل بيها ما اجوها
هيه هايه الجان ابو فاضل اخوها
مو بعيده ما يدفنوني بارضهم
عدله ميته اني ذيج المرمروها
كان ما كان
عندي خوان
بيها فزعه
صارو ابعاد
ويه الاولاد
ماكو رجعه
.
.
.
.
نسوة أهل الشام التمن يضحكن
منين اجيب امي وخواتي اعليه يبچن
ام المتون النحيله عليه كالن
مثل ما انه سبيه بموتي بفرحن
جابن احبال السبي وخلنها يمي
بيها دم من جف رقيه وبيها دمي
هو هذا الماله اخوه ماله فزعه
ودفنتي حسره اعله حسره چنها امي
التمن اهواي
بدن الماي
وحيل ضحكن
هلهلن حيل
من أجه الليل
بموتي فرحن
.
.
.
.
هينه ياروحي اكو تابوت اليه
بس اخويه ضل بلا نعش وعزيه
اليطشره الحافر اتلمه حصيره
والتطشره الغربه يطلب اهله جيه
اني مشلوعت گلب من صغري لسه
المثلي يا طف يا هزل يا شام تنسه
والله بس اسايطهم كافي لرحيلي
كالرمح وبراس اخوتي الشام أحسه
الشام جتال
مثل الأحبال
البيها اديه
لسعة الشام
لسعت اخيام
الغاضريه
الشاعر عبدالله الشويلي
#شور
#شهادة_السيدة_ع
على زينب وأهل زينب كلبي ناصب فاتحه
رجعت من السبي محنيه وتنوود
لا نظر لا حيل لا چلمت هله
التطب ديوان مشدوده بحبال
من يكلي شلون توصل كربله
كلها كالت يا خلگ مسبيه هاي
ماكو واحد كال هاي امدلله
صاحت العالم اسيره....وهي اميره وبنت اميره...هذا شلعان الگلب
والله لو ميته احسن الها........ولا الوادم تهد كلها ......تضيّگ اعلها الدرب
اللزمت اجفوف ابو فاضل .....حيره مجتوفه بسلاسل ....ودم ايديها ضل يصب
.
.
.
.
الهزله جنها الدنيا كلساعه تميل
مايله الهزله اويه زينب مايله
مو فقط ذيج السياط العلمتون
اتلاثه واثمانين واحد شايله
اني گد ما باچيه اعله اجفوف اخوي
امنِ المدامع عيني صارت خاليه
الجان طوله في خواته......گطعوا اجفوفه الشماته .....گَطعَت الماي العذب
كلها تصرخ عمي وينه .....ونبله سدت شوف عينه ....... وسفه باقي للسلب
ياهو يقبلها اعله زينب .......بالسبي يا ناس تنسب ......نار وبدمها تشب
.
.
.
.
انشالت ادلال الاعزاز من المضيف
وانطفه الموگد وشبت نارها
بعد ضيم السبي والسوگ الثگيل
تختنك زينب بشوف اديارها
يوم نظرت بالدمع لام البنين
چنها خيمها اوجت أمن اكتارها
فاگده وتنعى اعله خوها......
.
.
.
.
رجعت المكسور تنطي الدمعه لون
حمره دمعتها اليموت احسينها
تل مصغر ظهر ناگتها يصير
ومشرعه وبيها ابو فاضل عينها
دمعه دمعه تموت هي الغربه هيج
وتنحني من السوگ المجتفينها
امچتفه وبحه بحچيها .. والحبل شلع اديها.. و السبي يريد ازلمه
وهيه حرمه من ال هاشم .....ضلها ما شافت الوادم....عالدلال امعلمه
أمن البچي وموت السبايه.. ضاله بس العبايه .. ذبلت بكد فاطمه
الشاعر عبدالله الشويلي
الشاعر علي هادي الخزعلي
أويلاه أعله زينب . اويلاه أعله زينب
.....................................
قصتهه نوح وفاجعه من أبديهه
زينب أسيره والشمر يحديهه
أزرك متنهه والحبل بيديهه
تمشي بدرب للشامت يوديهه
أويلاه أعله زينب . أويلاه أعله زينب
....................................
ندري يقين الموت كلمن يومه
بس زينب بلايه أخو ومهضومه
شافت أخوهه مسلبات هدومه
مذبوح عاري عالترب بالحومه
أويلاه أعله زينب . أويلاه أعله زينب
..................................
يبجي الموالي كل نهاره وليله
عالوارثه منمهه حجاب وشيله
كل شيعي بمصابج تهدم حيله
والظلم حقج بت علي ياويله
أويلاه أعله زينب . أويلاه أعله زينب
................................
مرفوع دوم وما يدنك راسهه
محبوس ظل كل الحزن بنفاسهه
ياجبل ثابت والصبر مقياسهه
ظلت أبيه وعالرمح عباسهه
أويلاه أعله زينب . أويلاه أعله زينب
.................................
هالليله زينب والحزن موضوعنه
خل نشعل بهذا العزاء أشموعنه
كلش قليله من تسيل أدموعنه
بمصاب زينب خل نهشم أضلوعنه
أويلاه أعله زينب . أويلاه أعله زينب
..................................
هاي العقيله بالخدر معروفه
تشهد عليهه كربله والكوفه
فخر النساء مكيده ومجتوفه
لحسين تتعنه الرمح وتطوفه
اويلاه أعله زينب . أويلاه أعله زينب
................................
صرختنه دوم الزينب نعليهه
هاي المجالس كل رجب نحييهه
المهدي ندري ويانه حاضر بيهه
والهامه من كثر اللطم يدميهه
أويلاه أعله زينب . أويلاه أعله زينب
..................................
الليله حتمن حاضره وموجوده
الزهره الزجيه والجبد ممروده
تبجي على زينب والكمر وزنوده
تدري الكفيل وياهه وفّه أعهوده
أويلاه أعله زينب . أويلاه أعله زينب
....................................
حيدر مطر العبادي
لبت حامي الحمه .. ون وحي السمه ..يا زينب
بجروح الضمه .. ماتت عالمه .. تتعذب
زينب .. زينب .. زينب .. ياغريبه
****
ماتت بت علي هالليله بالغربه
ويلي من قهر ذاك السبي ودربه
الليالي المرت اعليها شكثر صعبه
بمدامع عينها لطف كربله تربه
بديار الغرب .. مدمعها يصب .. لخوتها
ياموقف صعب .. لجمات الكلب .. لجمتها
زينب .. زينب .. زينب .. ياغريبه
****
يجرح الشام شوف بزينب شسوه
تمشي اعله الجدم خلاها بالكوه
تطب ديوان اخت الراعي المروه
غريبه وعالمتن السياط تتلوه
بسياط المتن ..بالغربه تون .. مهضومه
ياليل الحزن .. مايطبك جفن .. ملجومه
زينب .. زينب .. زينب .. ياغريبه
****
زينب بالغرب ياحاله حالتها
هواي تعذبت من عافت اخوتها
يجيها الليل عالخد تجري دمعتها
مصايب كربله بالعين شافتها
من جرح لجرح .. حسين المنذبح .. راووها
راسه اعلى الرمح .. وبحبال الصبح .. جروها
زينب .. زينب .. زينب .. ياغريبه
****
مصيبة كربله شخلت بعد بيها
مجتوفه بحبل ومكطعه ايديها
كوه يخط جدمها وسوط ياذيها
غريبه وهالشماته تعاين اعليها
وي خط الجدم ..زينب تنلجم .. بالحسره
من عكب الزلم .. شامت يبتسم .. عالحره
زينب .. زينب .. زينب .. ياغريبه
****
اصعب ليله مرت ليلة العاشر
من ضلت وحيده وتكسر الخاطر
كل ليل اليجيها زينب تكابر
تتذكر بأخوها شسوت الحافر
كل ليل اليمر .. ياذيها شكثر .. سهرانه
بليالي الهجر .. وسياط الشمر .. ذبلانه
زينب .. زينب .. زينب .. ياغريبه
****
ماتت والدمع ماينشف بخدها
من يطبك جفنها بغربه وحدها
جايمته يجي العباس ويسدها
العين وباللحد بيده يوسدها
ماتت والدمع .. عالخد منطبع .. باللوعه
لراس المنكطع .. ولكسر الضلع .. مفجوعه
زينب .. زينب .. زينب .. ياغريبه
****
تمت
احمد الخفاجي
( زينب رايه )
……………………………………………………………
ابد ما طاح العلم • هي زينب رايه
……………………………………………………………
نبي ومأموره برساله
ياخدر اعظم سلاله
معجزة رب الجلاله • صارت ام عون
موش ثكلى وبس تنادي
صاحبة دور القيادي
وكفت ابوجه الاعادي • وفكست عيون
والاميره اظل اميره
حتى لو راحت اسيره
هي ناموس العشيره • تنذل شلون
عنها اكتب يا قلم . زينب اعظم ايه
……………………………………………………………
الله شاء وعنده غايه
ان يراهن سبايه
ثوره والقائد عبايه • نصرت الدين
هل البنات وهل ضعينه
يدري في ايدي الامينه
من غمض للموت عينه • مأمن حسين
حسين من جاباها قاصد
و بمجانه اتصير قائد
بالحجي اليرعب تجاهد • بالدواوين
حيدر و بيها انرسم • للبتول مرايه
……………………………………………………………
ليل عاشر خوف لاجن
زينب ابهيبتها يمهن
كل طفل شافاها يمّن • يهده وينام
بيها وتشوف الحراير
يمهن العباس حاضر
اعليهن وبالزود داير • علي وجسام
ابلا ستر والگاع هيمه
لمت العيله الكريمه
سوّت اعبايتها خيمه • كهف الايتام
بيها خدر الله انحشم • اله دگت ثانيه
……………………………………………………………
رفعت حسين وتگله
ربي قربانك تقبله
رفضت اتكون ابمذله • هي نوماس
الله هيبه امخلي بيها
شامخه و حتى امبشيها
لو حجت يذبح حجيها • چنها عباس
صح ولوها بيوم عاشر
نار وسياط العساكر
بس بقت حره وتكابر • رافعه الراس
صابره وتخفي الالم • رغم همها اهوايه
……………………………………………………………
كلمه المعصوم حجه
ما يجامل لو تحچّه
هي للسجاد مهجه • و بالفضل گال
عالمه من الله علمها
عن الارجاس وعصمها
هي بعد الزهره امها • درة الآل
جبل ما مال بنوايب
شمس ما يمنعها حاجب
مادروا بيد الكواكب • خلو احبال
قبله ولكل الحرم • زينب امسمايه
……………………………………………………………
قدره سليمان بيها
تعرف النوگ وحجيها
بالمسير اتوصي بيها • ابهيده يانوگ
النوك صاحن هاشميه
صار بابنت الزجيه
نحمي لسكينه و رقيه • ابطبة السوگ
احنه والنوك والمثلنه
والسموات وارضنه
الج و لأمج جعلنه • وكلشي مخلوك
احنه لجدماج خدم • بس رضاج الغايه
……………………………………………………………
✍️ ( سيد خضر الزاملي )
نعي
المره زحمه المره ينشاف ضلهه
و تعج الگوم لو واحد وصلهه
بس زينب صفت محد يجلهه
بسبي و الناس كلهه تصد حبلهه
الغيور يروح يوصل حي اهلهه
و زلم و الخيل فزعه ايفزع الهه
بيد اجناب تالي ايضل رحلهه
مشت عگب الخدر و اللي كفلهه
اعله الهزله و حيف يتمايل حملهه
شكلهه بهظم والضيم متغير شكلهه
=========
✍ خادم الحسين ع
الشاعر رعد الچريخي
نار ..نار.. نار .. نار الخيم..چوت جدم ... طفله وطفل
نار ..نار.. نار .. ذاك الظهر..حتى الرمل ..أتحس مشتعل
وين ميركضون حيره
لا محامي ولا عشيره
أزغار والحومه چبيره... والله حيرة
العطش يكتل بالصحاري
بخوف نركض بالبراري
وحاره شمس الظهاري... والله حيرة
وين ينطون الوجه يرحون وين
لا محامي ولا خيام ولا حسين
ماكو كافل لا أكو ناصر لا معين
____
ليل.. ليل ..ليل.. وين أتجه .. ونطي الوجه.. ماظل أحد
طاح.. طاح ..طاح.. طاح الگمر ..يم النهر.. طاح السند
نار لو خيل بدربهم
أمتون ماتحمل ضربهم
والركض فحط گلبهم... يا تعبهم
وين مايرحون غاره
طاحو بوادم حقاره
شلون حيره وماكو چاره.. ياتعبهم
منين ماصدو ترى أيلاگون جيش
ليش هيچ وليش محد گال ليش
أطفال محد صاح مطلوبين بيش
____
راح.. راح ..راح ..راح الضعن.. وتچتفن.. أچفوف الخدر
نوگ ..نوگ.. نوگ.. كلهن هزل.. ماينحمل ..درب اليسر
نوگ بس مو نوگ أهلهن
بالفله أتطشر شملهن
مشن من دون الكفلهن... يا هظمهن
بلا گمر طرن الوادي
مارعوا حرمة الهادي
والشمر بالضعن حادي... ياهظمهن
راحت الخوه وبعد ضاع الدلال
والچفوف الترفه شدوهه بحبال
بحال چنه وهسه صرنه بغير حال
____
خوف..خوف..خوف..خوف وخطر.. ليل وسهر .. وشوغة سبي
صار ..صار ..صار.. حكم الزمن.. وأمر الضعن.. بيد أجنبي
شلون ليل بلا خيمهن
لا كفيل ولا علمهن
أتذبحو بالطف زلمهن... والله غربه
شافوا اخيال العبايه
وعرفوا أسماء السبايا
زينب يصيحون هايه.. والله غربه
آه يا ليل السبي ودرب العذاب
العبي صاير لونها بلون التراب
من مصيبتنه الحجر ياخلگ ذاب
،_
وين ..وين.. وين.. تالي الوكت.. بوادم طحت.. تكره علي
شام.. شام.. شام.. للشام أطب.. ديرة غرب.. وبلا هلي
آه يالشام وعذابه
سوگ طبينه وخرابه
لا عرف لا من گرابه... ياعذابه
باچر أشينفع عذرهم
ليش ماغضو بصرهم
لمن طبينه القصرهم... ياعذابه
بروحي طف ونايبه ونار وخيام
وسبي وغربه ودمعتي وجروح شام
عگب أهلنه صدگ عالدنيا السلام
_
✍️ حسين حمدان الدلفي
#اللهم_عجل_لوليك_الفرج
مربعة للإمام الهادي عليه السلام
……..
عله الشبان اون والدهر راميني
من كربله السامره اموديني
…..
انه فاطمه الزهره المظلومه
عله المحسن اون والروح مالومه
اوشفت احسين لمن سلبو اهدومه
من ذاك الوكت ما بطل اونيني
اولاد النبي غربة ابسامره اوتولوهم
عن ارض المدينه ليش بعدوهم
بني العباس غربوهم اوغدروهم
عله الشبان من دمها تهل عيني
…..
شباب الهادي بديار الغرب وحده
شباب ايلوج او لا واحد حضر عنده
بني العباس بالسم گطعو جبده
اه يا ونة الشبان تاذيني
…..
شياب الهادي وحده اوما اله انصار
غريب ايدير عينه والگلب شب نار
يهل سامره الهادي جايكم خطار
تنادي الزهره سامره فجعتيني
ابغربه ايلوج لمن غمض اعيونه
بني هاشم ابعاد اوما يحضرونه
اقلا ماي لو حضرو يشربونه
وينادي يفاطم يمه احضريني
….
ضل ايلوج وينادي الزجيه امه
ويذكر عطش جده اولوعته اوهمه
علمشرعه يذكرمن سگط عمه
ينادي خويه يا زينب اعذريني
……
اعذريني يخويه اجفوفي كطعوها
والجربه يخويه ابسهم صابوها
بعد عباس بني ميه تولوها
وتنادي هلي بويه امضيعيني
….
الحاجة ام احسان الخاقاني
3رجب1445هـ
قصيده كعديه بمناسبة استشهاد الامام علي الهادي السلام
هاي دون المصايب المتني
سهرتني نوايبها وحنتني
ذبحت من الكفه روحي والها مايستجن نوحي
بسهم جاتل رمتني وصوبتني
*
هالمصيبه ونايبتها الكسرت نصين ظهري
كلشي اخذت هي مني وعافت دموعي اللي تجري
تعبتني وذبلتني وشعلت بنيران صدري
يبست وردات الامل والضوه بنص عيني انجتل
من دنه من للهادي الاجل ويه روحه اخذ عمري
هو ابويه وضوه عيوني ومناها
الدنيا هاذي بعد عينه شوراها
مابقه كل خير بيها ولادليلي يحن عليها
بعد موت الهادي للهم سلمتني
****
عاش عمره شلون عيشه من المصايب للمصايب
فرحه ماشاف بحياته يكعد ويغفه بنوايب
سنينه بالحسره كضاها بسن شبابه وصار شايب
مغوركه عيونه بدمعته زلام العده مارحمته
نجوم الظهاري راوته مايحبونه النواصب
سكنوه ياالف حيف بخرايب
بعيد عن اهله ووجوه الكرايب
للغرب اجبار ودوه والبغض فوكاه صبوه
لوعتني همومه ونحلتني
****
جانت الايام تمشي وحال ابويه يسوء اكثر
من السلاطين اللعينه اتعذب اتلوع اتمرمر
تكبر سنينه الشريفه وجان حزنه وياه يكبر
من الالم لاصبحه صبح والليل لو مر ينذبح
مثل الذي بظهره رمح وبالدليل يبات خنجر
بعيني شفته ودمع عينه يتهاله
وبانت آلامه واحزانه بخياله
هذا حاله اكبالي اشوفه وياجرح مدري اروفه
شاب لسه وهمومه طيحتني
***
سجن تضيك وملامه والدي خلص حياته
لحظه مانشفت دموعه يبجي ظل الحد مماته
الجبل مايحمل همومه ثجيله جانت نايباته
اذته الظلام شكثر للفعل ماعدها عذر
بجه دمه عيون الصبر وفرحت بحاله الشماته
جان مايشتكي بس الصلاته
لله يحجي ويسولف امنياته
ياهو العليه التماده وكفر باياته ووداده
السلِبت ابنة محمد سلبتني
****
بعد ذاك الويل كله ماطفت نار الاعادي
اتعنته بليل المنيه ويتمت شوكي وودادي
طفت انواره الزهيه وطاح غدرا علي الهادي
فطرت كلبي النايبه ودمعاتي عالخد ساجبه
وكل امنياتي لاهبه وصرت وحدي اصرخ وانادي
راح ابويه وبعد ياهو اليجيبه
لادوه يصحله ومئيس طبيبه
للكبر راح بدموعه ونار ملتهبه بضلوعه
ساعة افراكه عن بيتي سبتني
***
غمضت عينه بديه وسبلت ايده بنحيبي
والدي وروحي وشمعتي واغله كل ناسي وحبيبي
انحرم من وكت منه قسمتي هايه ونصيبي
هليت فوكاه الترب بيديه والمدمع يصب
وظليت وحدي بالغرب احترك كلي بلهيبي
ضاكت بعيني من بعده الوسيعه
وكلشي ماخلت عليه الفجيعه
وين اروح بهالرزيه وهو ياهو الظل اليه
وصرت ماشوف نوايبها عمتني
****
صوت اسمعه يصيح باذني يالحسن شو صرت وحدك
حاير بهمك وحزنك والدموع مغطيه خدك
راح ابوك الجان كلشي وهسه ماظل كلشي عندك
يالحسن ياهو الظل الك راح اللي جان مدللك
واغله شخص جان بهلك بلا ابو هالدنيا وحشه
وتصف دوم ويه اليضدك
*
السيد هاشم قاسم سعود البلداوي
رثاء زينب عليها السلام
٣ دكات نجفي
خادمكم عبدالهادي العريفاوي
---------------------------------
بدرب السبي عكب الاهل تتكفل ايتام
وتلفه المنيه لحضرتج وبديرة الشام
ذاك المسه بليل هدعش اعظم رزيه
عينج تدير اعله الأهل كلهم رميه
ومرعوبه بسياط العده سكنه ورقيه
يازينب وياج الدهر متحزم احزام
--------------------------------
يازينب وياج الدهر جزاها الاحدود
عفتي الكفيل اعله النهر مكطوع الازنود
حامي الظعينه بكربله ياويلي مفكود
واتمرجلوا ضد الحرم حركوها الاخيام
------------'-----------'-----
واتمرجلوا ضد الحرم اضعاف الانفوس
عكب الكمر حامي الظعن بالغيره متروس
وبصدر الحسين العده بالحافر ادوس
وينك يحماي الحمه احضر يضرغام
----------------'---------------
زينب يحماي الحمه مجتوفه بحبال
كل هذا ماهمها الجره وتتكفل اعيال
وسفه الأميره ام الخدر مابين الانذال
ماترحم احوال الدهر ولزينب شظام
-------------------------------
ماترحم احوال الدهر وشجم فجيعه
صاحت يخوتي بكربله انه الوديعه
وتركض لعد صوب النهر يم الشريعه
يرضاها شيال العلم عالمشرعه ينام
----------------------------
يرضاها شيال العلم دمع الحزن صاح
وعين التصد روس اخوتي مرفوعه برماح
ودرب السبي ماينحمل وشجم طفل طاح
وكت المسير اعله الظعن مرفوعه الإعلام
------------------------------
وكت المسير اعله الظعن يعلن حرب ليش
واصعب مصيبه اعله الخيم من يهجم الجيش
لزينب فلا دارت سنه عكب الاخو تعيش
ماترضه تشتم الهوه من عكب الاكرام
----------------------------------
ماترضه تشتم الهوه بت الزجيه
تندب يخوتي بكل وكت يهل الحميه
ياخوتي للشام ارجعت مروا عليه
الشام اصبحت ديرة كفر ماعدهم إسلام
---------------------------------
الشام اصبحت ديرة كفر ماعدها كل دين
لاذمه عدهم لاشرف حزب الشياطين
واليدعي الدين بحقد يذبح بالحسين
كل الصحف ذيج انطوت واتجف الأقلام
----------------------------
بس الدمع يابت علي صاير وسيله
ماواحد من الطف اجه لنعشج يشيله
وكل ميت اعله جنازته تحضره القبيله
بس انتي كلبج بالغرب متصوب اسهام
---------------------
عينج تصد اعله الأهل بلكت يحضرون
وحسين اشوفه والكمر ها بلكت ايجون
عبدالله جعفر مااجه شو ماوصل عون
بديرة غرب ام الخدر خانتها الأيام
-------'-----------------------------
قصيدة ( استشهاد السيدة زينب عليها السلام ) 1444. هج..
( كل رَجب هذا القهر )
انه زينب _ كل رجب هذا القهر
انه زينب _ مو بس محرم و صفر
هاي الغُربه ياناس
وين حسين عباس
انه زينب * انه زينب
-------------------------
كل رجب اني انتظر يلي تونون
من تذكروني بدمعكم ادري تبجون
انتو خدامي اوصيكم لتنسون
اقرو زينب ياغريبه من تلطمون
انه زينب * ويه دمعتكم أون
انه زينب * اسمي انه أم الحزن
مخنوكه بالانفاس
وين حسين عباس
انه زينب * انه زينب
..............................................
احيو هاليله العزه لأجل السبيه
مثل ما قمتو مجالس فاطميه
حلم عندي يالخَدم تدرون بيه
انه اريدنها مجالس زينبيه
انه زينب * وحك عباس الكمر
انه زينب * دَمعتي تجري نهر
جرحي ينزف احساس
وين حسين عباس
انه زينب * انه زينب
.........................................
انه ودعت إخوتي بالغاضريه
واحد بصدره انسحك بالاعوجيه
واحد اعله النهر وجفوفه رميه
آه منك يادهر وشضام اليه
انه زينب * حرت شذكر من محن
انه زينب * اعيوني من دمعي عمن
الطم بيدي عالراس
وين حسين عباس
انه زينب * انه زينب
..........................................
المصيبه المرت بهايه عليه
بالخرابه تندفن يمي رقيه
ودعتها بحزني ودموعي جريه
اني اكلها عمه يا عمه شبديه
انه زينب * شنسه اني ياألم
انه زينب * شنسه يانار الخيم
حقه يشَيّب الراس
وين حسين عباس
انه زينب * انه زينب
........................................
اذا زرتو حسين وصلوله سلامي
ويه ريح الهاب ابعثله هيامي
يم ابوفاضل تِخِبرونه كلامي
جانت أمنيتي اندفن يمهم مقامي
انه زينب * أمنية كلبي الحنين
انه زينب * كبري بين الحرمين
غِربتي صعبه تنقاس
وين حسين عباس
انه زينب _ انه زينب
........................................
الخادم .ابو فدك الشامي ✍
من العام الماضي.. 👆
قصيدة( استشهاد السيدة زينب عليها السلام ) .. 1445. هج.
جديد... ( أمنيات الزيارة)
كربت أيام الغريبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
مولاتي يم عون
--------------------------
ايا زينب ... ردت منج نَظره
ايا زينب ... عندي شوك شكبره
ايا زينب ... بكلبي شايل جمره
للزياره
كمت أسأل اني المشه اهواي عنج خدام
بس أسمعت منهم بجي من سولفولي عالشام
عمت عيني يالحبيبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
مولاتي يم عون
--------------------------
لو أموتن ... يا ألف هنيالي
لو أموتن ... والمناره اكبالي
لو أ موتن ... أمنيه وابالي
زايرج مات
باب الجزع من أوصله شكد ناذر اني العيون
وابدي أطشر كل دمع لسياط دم المتون
لو اموتن موعجيبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
مولاتي يم عون
-------------------------
شلون بِيه ... واني لسه مناطر
شلون بِيه ... يمته اجيلج زاير
شلون بِيه ... خاف أموتن باجر
بقت يمج
هيه الزياره هم رزق والعاش ذيج الغُربه
وشحال كلمن ما أجه صعبه يتاني صعبه
دمعي ماينشف نحيبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
مولاتي يم عون
--------------------------
كلها راحت ... فدوه يامولاتي
كلها راحت ... ميت بحسراتي
كلها راحت ... خَلِصَت دمعاتي
يا هظيمه
اهناك الخرابه والقهر والظلمه نفس الظلمه
لسه بعدها غُربتِج رزقيني اعيش اللجمه
نار دلالي لهيبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
مولاتي يم عون
-------------------------
حلم هذا ... بقت يمج أدري
حلم هذا ... أبجي بي من زغري
حلم هذا ... جرح باقي بعمري
شيّباني
كون الحلم يصبح صدك ماتبقه بيه الخنكه
ما ريدن يِطول بعد مولاتي صعبه الفركه
والله دنيايه كئيبه
زينب الله شمصيبه
شوكت أزورج واوكف اني ابابج
وابجي دمعه امن أسجد اعله اعتابج
-----------------‐------
الخادم _ ابو فدك الشامي ✍
نعي بطور المعاتيق للسيده زينب ع السلام
...................
غريبه اعله النعش صاحو چاوين اليشيعوها
اخت عباس واخت حسين چنهم مايعرفوها
يطارش روح گللهم اختهم خل يشيلوها
اه يزينب اه يزينب اه يزينب اه
...................
يطارش روح گللهم غفت عين الحنينه اليوم
برض الشام محزونه مشت منها الگلب مهظوم
ياهو ايروح لاخوتهايخبرهم يوصل اعلوم
اه يزينب اه يزينب اه يزينب اه
..................
.............
خبرو الكافل الليله خلي ايركب اچفوفه
يزيح اغباره عن چتفه ويعوف النومه بطفوفه
يجي لزينب يشيعها عليه للموت ملهوفه
اه يزينب اه يزينب اه يزينب اه
..................
............
بقت تنعه وتون زينب على الخوان مهظومه
تلهج دوم ااايحسين يالمذبوح يايومه
تون للي انگطع نحره بقه عطشان بالحومه
اه يزينب اه يزينب اه يزينب اه
.................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات تمت بتاريخ ١٦/١٢٠٢٤
#حصريا🔥
كأني بمولاتنا الزهراء.(( ع )) وام البنين ((ع )) يرفضنَ ان تغسل السيدة زينب ((ع))مغسله عاديه وامراه غريبه كأني بهنَ ((ع))دخلنَ على السيده زينب ((ع ))وهيه عالمغتسل بديار الغرب والمغسلات حولها. بهذه اللحظات نادت الزهراء ع
بعدن واتركن الابنيه خلنها
امها والكحيله اللي يغسلنها
شلون ام الخدر انتن تجفننها
صاحت بالدمع فاطمةوبالحسره
حضري الماي يم عباس للحره
وخل تطلع بنات الشام لييبره
النزله//
اليوم ام الخدر// جنها حبايبها
لتگولن غريبه واهل ماعدها
اليوم ام الخدر كل ون مابيها
عالصبه العقيله شمرت ايديها
الزهره والكحيله دارن اعليها
((الزهره التغسل//بيديها))
تغسلها الزجيه والدمع يجري
الله وياج يمه ويابعد عمري
يانار البنات البلگلب التسري
((بضلوعي//يانارج. تحرگ))
بضلوعي ينارج يمه لهابه
راح نغسلج والگلب بصوابه
اسم عليج من الكبر واترابه
((علويه// اسم الله اعله اسمج))
ام عباس وامج حاضره الليله
ترا بايد گلبنه وركد كل حيله
مانكدر ييمه يومج انشيله
((شنشيله//يايومج يكتل))
صدگ چتال يايوم العزيزات
فتحي العين هالجت الحنينيات
موش ابوحدج عندج احبيبات
((حاچينه//خطار وعندج))
تمت بعون الله وتوفيقه
✍️ام ذو الفقار اسراء اللامي
غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع
العمل مهدات لصاحب الزمان ((عج))
نعي مفجع
السيده زينب ع
اتخاطب الأمام الحسين ع
شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس
بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ
ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول
*-----------------------*-------------------*
✍خـادم الـحـسيـن ع
الشاعر رعد الجريخي
#شور #شهادة_السيدة_ع
اني الحبيبه ....وصرت الغريبه
بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس
تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان
من فزعوا ليه يضحكون اعليه موش شيعوني
ضعفانه هوايه والوادم هايه حيل يسَمعوني
لحگوا يخواني الشام اذاني وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز
يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال
يمعدلل العدله ضلت بس هزله ما جابوا ليه
بيه شكد عالو اسمعهم گالو هاي المسبيه
المارحموا جثتك ميرحمون اختك لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان
ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال
عطشانه عيوني يالماجيتوني حسره بدلالي
وحْدي وحيرانه لا امي اهنانه لا ابوي الغالي
السجاد امحير بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير
الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام
هيج وكون اني ميته وي اخواني وبنصهم گبري
اتراب من الخيمه ودم اهلي وضيمه يخلون بكتري
بهيده ينزلوني خاف ايلجموني ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون
گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل
اركض محنيه دم برجليه الطف كله انياحه
عثره تجر عثره مدري شكم مره فريت الساحه
عمري بس لجمه صار اسمي الهضمه ما شفت الراحه
عبدالله الشويلي
#شهادة_السيدة_زينب
يا غربتي ......ميته والوادم تضم الماي عني
يا غربتي .....خشبت التابوت چن سوط اعله متني
جزاني موتي
واريد اخوتي
شِوصله صوتي
انه ذيج الخَجِلت حتى الحزن
الخذاها الكافل وردها الهزل
جان اليه اخوان يسوون العتب
وهسه ما ضللالي بس دمعي اليهل
اندارت الدنيا وصرت بين الزلم
امشي محنيه ويعت بيه الحبل
اني اول حرمه يكتلها الغياب
والهجر خلاها كل لحضه تسل
مو ثگيله ... صرت اخف من الخيال نوكل حيلي
مو ثكيله .....وين ابو فاضل اليفزعلي ويجيلي
ويجي المسيه
بعلمنا اليه
ويسبل اديه
اني ميته من شفت خيل وزلم
دارت اعله حسين چن دور الرحه
من تربع عالصدر شمر الخنا
ولزم شيبات الولي بلا مستحه
من ركضت بكربله اوادم وراي
وصحت يا ابا الفضل لاچن ما صحه
من طلعت بليل محنيه وأنوود
ابحث اعله حسين وحسين انمحه
اهلي خلصوا.....لو طبر لو سحگ لو عاصرهم الباب
اهلي خلصوا ......ياهو اليشيل الجنازه مامش احباب
كبر حنيني
منو اليجيني
ويسدها عيني
.
.
.
.
بعازت اخواني يجوني بهل المسه
ارد اگلهم ميته والضحكه وراي
حرب ما عندي ولا عندي سلاح
ليش أهل الشام ما ينطوي ماي
صرت عدهم مثل عبدالله الرضيع
اطوها لا تطوها ما ثبتوا براي
انه خطار العرب تكرم الضيف
ليش بس ال لا هله ترست سماي
عدله ميته .....نفس شلعان الگلب والضيم نفسه
عدله ميته .......واسمي مثل حسين ياهو المر يرفسه
گبل اميره
صرت اسيره
ومتت كسيره
.
.
.
.
تفزع أهل الشام للميت فَزِع
ليش بس اجنازتي بلايه متن
لحجر ضل يبچي عليه وما بچو
كلها تضحك ما شفت واحد يون
حتى ام المغتسل عكست وياي
گالوا اسمي گبالها وگالت وأن
الوكت شد وياي حد الغربه هاي
ليش بس اعليه احسنه سجن
وين اخوتي ......حملي مال وأهل هالديرة شماته
وين اخوتي ..... وين ذاك الوسط عينه حط خواته
غريبه اني
ولا اجاني
الوكت سباني
.
.
.
.
خشن تابوتي مثل سوط الشمر
وحگ ذاك الماله تابوت وجفن
اسهام ضحكات العدو جاسني حيل
وطاحن بنعشي مثل نعش الحسن
وفرحت النسوان چن يوم السبي
الضحك نزل دمعهن من اجن
گالن اعليه الغريبه ام الجروح
وكالن الما عدها اخوه ولا وطن
ها يروحي .....والله لو ميته اويه امي اهوايه احسن
ها يروحي......موتي حتى لو غريبه ضاله المن
بقيت اعاني
الحزن جزاني
التعب خذاني
الشاعر عبدالله الشويلي
*قصيده تقرء عدة اطوار شور وحزين للسيده زينب ع السلام (غريبه)*
*غريبه غربيه غريبه يزينب غريبه*
*عجيبه عجيبه عجيبه...وحيده عجيبه*
*بينت بالنعش ميله*
*وين عباسج يشيله*
*مصيبه مصيبه مصيبه ..يزينب مصيبه مصيبه*
................
ياغريبه وماكو مثلج اي مره
ضاگت اللوعات دوم امرمره
مشت بحبال اليسر وامجرجره
وعالرمح راس الحسين ومنحره
من اهد يومه نحيله
بينت بالنعش ميله
يجيبه يجيبه يجيبه اخوها شيجيبه يجيبه
..............
تگول حد الموت رافگني البچي
لساني يلهج بيك بس وكت الحچي
ياحسين ابطيحتي وبيك ارتچي
صار قانوني الحزن وابمنهجي
غيمت روحي ابرحيله
بينت بالنعش ميله
نحيبه نحيبه نحيبه نحيبه ...يضل دوم نحيبه نحيبه
.................
كلبي دوم ايضل نحيبه وماسكت
افراكم يحباب كلبي فتني فت
واخر الساعات من عمري لفت
والمنيه اليوم ليه شارفت
راح اشيل شلون شيله
بينت بالنعش ميله
صعيبه صعيبه صعيبه...يالاحباب صعيبه صعيبه
.................
صعبه كلش نعشي ضل وسط الغرب
باچر الزينب يهيلون الترب
الدنيه لاخر نفس ويانه حُرب
واحنه خاوينه المنيه بهالدرب
اليوم وناتي ثگيله
بينت بالنعش ميله
سچيبه سچيبه سچيبه...دمعتي سجيبه سجيبه سجيبه
...................
باچر ايكولون زينب بتمن ووين الاهل
بالسدر لوغسلوني دمعتي تبقه تهل
عيوني لدروب الجفوني من عتبها ماتمل
ليش ماگالو اختنه تلهج ابنسمة امل
نعشي شو محد يجيله
بينت بالنعش ميله
رهيبه رهيبه رهيبه...غربتي رهيبه رهيبه
....................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات تمت بتاريخ ٢٠٢٤/١١٧
( حوريةُ الحجاب )
……………………………………………………………
حوريةُ الحِجاب • يا لبوةَ الصِعاب
لزينبِ الرِقاب • تحنو الى التُراب
……………………………………………………………
زينب مره ابمنصب نبي . والمعجزه اعبايتها
جابها طه من السمه . وايد ام حسن صنعتها
مو قطعه اقماش وفقط . راية شرف شالتها
حمره اگلبت من الشمس . بيها الارض گلبتها
صارت كذي الفقار • منها العِدا فِرار
صغارُ و الكبار • كلٌ لها يَهاب
……………………………………………………………
شاء الله بالطف تنسبي . يدري الله زينب گدها
سبعين الف صاروا طرف . وهي ابطرف وحدها
موسى وتغلب عالسحر . والعصه صارت عدها
ضربت بحر جيش الشمر . غرگوا ومحد ردها
صارت بِهِم تقود • الفرسانَ والجنود
من زينبِ الصمود • ذاقوا لظى العذاب
……………………………………………………………
يا عالمه من الله العلم . ما واحد العلّمها
نجحت الاولى اعل البشر . ابدرع الخدر كرمّها
يا ثاني حورية أنس . طبق الاصل من امّها
يا صوغه من الله الـ علي . وبعينه حطها و ضمّها
ممنوعٌ الهواء • و الشمسُ والضياء
والبدرُ في السماء • من زينبِ إقتِراب
……………………………………………………………
يگوم النبي لم الحسن . حتى بمجانه وتگعد
يگول الخبر زينب غفت . وحسين صار الها يصد
يمها ابعباته الطاهره . عن الشمس واگف سد
بس ظل ثلاثه ابلا ذره . حر الشمس بي يجلد
من ثوبهِ سليب • و شيبهُ خضيب
في جسمهِ التريب • النبلُ والحِراب
……………………………………………………………
مثل امها وبيوم الكسر . عن الامامه ادافع
وزينب خذت دور الدرع . حفظت امام الرابع
كالظل لبو الباقر صفت . جدم اعل جدم اتابع
لمن تشوف الجامعه . ارويحتها تبقى اتنازع
في وحشةِ الظلام • يقظى ولا تنام
دوماً مع الامام • كالجسمِ والثياب
……………………………………………………………
ما يخسر اشمهما حصل . الربك يريد اينصره
الشام ما صار الهند . اصبح البنت الزهره
ذيج الخرابه الموحشه . صارت مناره وحضره
وذيج العبايه اتحولت . عالگبه رايه الخضره
شبّاكُها دواء • في لمسهِ الشفاء
غيثٌ من السماء • تعطي بلا حساب
……………………………………………………………
✍️ ( سيد خضر الزاملي )
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
آه يارقية
بـديـهـه ٱحــبـــال يــصــعــب عــلَــي.. حلهه
رقــــيــــــة ٱتـــعـــذبـــت مــــن دون.. حِلهه
فـــجـــئــه الــمــوت بــٱرض الــشــام.. حلهه
اعــلــه راس حــســيــن وافـتـهـه الـمـنــيـــه
*---------------*---------------*
✍خادم رقيه ((ع))
الشاعر رعد الجريخي
لسان حال العقيله (ع) بعد فقد رقيه (ع)
الـدهـر سـطـراتـه تـوجـع.. مـايـخـلي
صــبــر وبـحـزنـي اتـانـي.. مايه خِلّي
بـعـد بـالــعــيــن يــحــرم.. ماي اخلي
أعــمــيــهــه وأهــل دم لـــــرقــيــــــه
*---------------*---------------*
✍خادم الحسين ع
الشاعر رعد الچريخي
*ملاحظه:- البيت الثاني مايه خلي{لم يأت خليلي}
هاي العمرها ماتهنه
زينب گضت ونه اعله ونه
بالمگبره ياهو يتلگاها
بعازة اخو بالدفنه وياها
غريبه.. غريبه
……
هاي الكضت نص العمر مبتليه باحزان
هليله محتاج اخو ايحضرلها دفان
ماتت وحيده وبالغرب ماعدها خوان
زينب عزيزه اتجالع الوحدها
محد وصلها وعالهظم ينشدها
العدها گبل خوان شو ماعدها
ابساعة منيه ومحد الساعدها
جنازه ومشت محد وراها
ومحد ثغب خويه ابگفاها
مامش بواچي الخوه معتازه
وزينب وحدها طلعت اجنازه
غريبه.. غريبه
…….
محسوب ميت من وكت المفارگ احباب
وزينب تتاني يا خبر يادگه ياباب
جناز منهم مايجي النامو بالتراب
ياهي اليجيها وزينب بلاخوه
خلصت ونين وعالصبر تتگوه
لاگوه خاطر من يجون بگوه
الخلصت حياته ماتجيبه مروه
زينب بموتتها شكثر مضلومه
محد نعاها وبيده شگ هدومه
محد حضرها وصبن ادموعه
ماتت غريبه ابشام مفجوعه
الغريبه.. الغريبه
…… .
المااجو خوانه اله شنهو اليناطر
تالي يشيلونه الغرب لرض المگابر
زينب وحق زينب بقت تنكط مشاعر
هذا الزمان الگبل چان تخافه
ميته وخلگ بيها غدت تشافه
جنازه ولاعباس فوگ اچتافه
ولاعالگبر واگف اخو بطرافه
زينب بقت هيه ودمعها
ونت ولا واحد سمعها
ماتت بعد هليله مگظيه
من يوم مات الاخو طاريه
غريبه.. غريبه
……. .
المحد وصله ابطيحته ومحوط ابموت
ماحاجه تفزعله الخلگ لن هوه تابوت
زينب على اخر نفس ما طلعت صوت
يحسين وينك ماتجي تحضرها
زينب اخيتك موت المحاصرها
جتها المنيه او وصلت الاخرها
كف النفس وفراگك امعورها
ليلتها بالدنيا الاخيره
موتوها ماتت من زغيره
موتها من فرگاك مخنوگه
الهسه اديها ابنار محروگه
غريبه.. غريبه
…….
المايمه خوانه يحس متحوط ابنار
ويافرگة المارد بعد تشرحله الصار
زينب وحيده بهالفله بيها الوكت دار
الحرمه بلاخوان چن مفجوعه
وين الاخو اليمها يصب دموعه
واحد خيول التمشي فوگ ضلوعه
واحد اديه من الزند مگطوعه
محد يجيها وينشد عليها
زينب غريبه وموت لافيها
حضرو چفنها والگبر وينه
ايس يگلبي مايجي حسينه
غريبه.. غريبه
…… .
علي الحاج الصبيحاوي
لفخر المخدرات زينب نعي مجاريد وزن الحدي
يمخدره .. يمستره .. صعبه مشيتي اميسره
بعد الخدر .. قادچ زجر .. عالناقه وانتي امحيره
فوق الهزل .. شدوا حبل .. بچفوف ايديچ الطَّاهِرَه
طول الدرب.. سب اوضرب .. والشمر مايرحم مره
يمقيده .. بين العدا .. فوق الجمل وامحسره
يام الفخر .. خان الدهر .. والماهو مِتْوَقَّعْ جرى
مجلس رجس.. كافر نَجِسْ.. موقف صعب نتصوره
صحتي ابألم .. يابو الشّيم .. ريتك تجي يا حيدره
حيدر علي .. راس الولي .. اسنانه كلها امكسره
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
رثاء آل عدنان للسيد موسى السلمان
⬛️🔳القصيدة-2-🔳⬛️
يامن يُعاني كَثـرةَ الأرزاءِ
هّلآ وفَدتَ لأرض ِ سامِـرآءِ
فهنـاكَ صَرحٌ للقداسةِ شامخٌ
مثوىً {لهاديِ} العترةِ النُجباءِ
هو جوهرُ الحقِ المبينِ ونورُهُ
وهوَ {النقيُ} وعاشرُ الاُمنآءِ
فإذا رأيتَ ضريحَه كُشفَ البلا
عن حالِك المشحونِ باللأواء ِ*
كم ذاقَ جوراً من طغاةِ زمانهِ
ورأى صنوفَ الشرِ من أعداءِ
ولَطالما وعَظَ المُلوك َ مُحذِراً :
ياقومِ إنّ مصيرَكُمْ لِفَناءِ
ولهُ بنو العباس ِظلماً جَرّعُوا
سِجناً وتنكيلاً مع الإيذاءِ
يامحنةَ{الاثنينِ} فيكِ أذقتِنا
غُصَصاً من البأسآءِ والضرآءِ
دسُوا إليه السُمَ وآ أسفاً لهُ
فغدا عليلاً ناحلَ الأعضاءِ
وقضىٰ بعيداً عن معالم ِ طيبةٍ
في غربةِ البُلدانِ والأرجاءِ
وعليهِ شَقّ {العسكريُ} ثيابَهُ
والحُزنَ أبداهُ بلا إخفاءِ
وينوحُ من كدرِ المُصابِ بلوعةٍ
ينعى أباهُ بِدمعةٍ ورِثاءِ
#سمير_الصالحي
#النجف_الأشرف
* اللأوآء=الضيق والشدة والمصيببة
⚫️ نعي - نصاري
مصيبة الإمام الهادي ع
هليله الگلب بالهادي مفجوع
وعله امصابه نسيل الدم بالدموع
والعسكري يصيح بصوت مسموع
يبويه العيش بعدك ريته لاطاب
يبويه بروحتك متهدم الدين
متحير بگيت اصفچ بالايدين
عله فگدك لجر حسراتي سنين
وتمسي شلون يابه تحت التراب
ياهيبه وفخر يا تاج عل الراس
يتامه تصير بويه خلافك الناس
بس خمدت يويلي منك انفاس
صفيت آنه غريب ابين الاجناب
شگ ثوبه وهتف ياعلي الهادي
بغدر ياحيف سموك الاعادي
سهم فرگـاك صوبلي افادي
وهذا الدمع بويه اعليك سچاب
عگب ما غسله وبالچفن لفه
حضرت شيعته تلطم بلهفه
بس حسين يوم انچتل وسفه
بقه عاري وحر الشمس لهّاب
يگله بيدي انزلنـك ابگبرك
ومحد من عمامي هنا يحضرك
تراني تلوعت يابويه بامرك
أون عليك ليلي والچبد ذاب
شيّع والده وللگبر شاله
عليه تراب لحده حين هاله
تذّكر هضمة حسين وبچاله
يظل لليوم ثاره بلايه طَلّاب
#سمير_الصالحي
#النجف_الأشرف
منهو غمضله عيونه وشال كيده
وساعة احضور المنيه مدله ايده
بالسجن موسى گضه
وساگه ويده مرضرضه
مات مسموم
@@@
موسى بن جعفر مصابه ايزلزل افاق السمه
ابسجن اظلم خلص عمره بين ادين الظالمه
شما نوصف حاله نبچي على ضنوه لفاطمه
بالرطب فتوا دليله ولا رشيد السممه
…
ناحل امعذب سجين وما يرحموه
وعلى ايد السندي ويلي اشكثر ظلموه
بالرطب گلبه ألتضه
وساگه ويده مرضرضه
مات مسموم
@@@
عادة الجاته المنيه اولاده وهله يجمعون
هذا يمسح فوگ راسه وذوله لجله يندعون
ولوصيته بحتضاره كل احبته يسمعون
الا موسى لنفسه يقره إنّا لله راجعون
…
صب جبينه من يمسحه في مماته
ولا احد يمه يغطيه ابعباته
والگيود اتعضعضه
وساگه ويده مرضرضه
مات مسموم
@@@
هالامام اللي ابوجوده الكون كله ينإمن
هو هارون ابعذابه كلشي سوه بالسجن
بين حيطان العنابر حسه مقهور ويون
وختم آلامه ودليله من رطبهم منسحن
…
الحزن تالي علينه بفرگته ساد
والمصيبه رددتها جسور بغداد
واظلم ابموته الفضه
وساگه ويده مرضرضه
مات مسموم
@@@
ياجرح موسى ابحياته باقي لي يوم الحشر
امن السجن لجنازه طلعت في شماتات الكفر
وسود صارت بعد جيته كلها اعلام الخضر
ونعشه مكشوف ابگيوده عالارض فوگ الجسر
….
اربعه احماميل شالوا للنعش
والشماته جرح بالجوف انقش
هذا مولى الرافضه
وساگه ويده مرضرضه
مات مسموم
@@@
آه يا موسى بن جعفر ميت وبيده الحديد
وعالثلاثه اللي بثاها واسه مذبوح الوريد
والغريب البالرصافه چنه بالطف الوحيد
لاچن حسين بمصابه يهوّن الخطب الشديد
…
ماكو زينب تنسبي وهو ذبيح
ولا عطاشه اطفال بالبيده تصيح
طاح محد ينهضه
وساگه ويده مرضرضه
مات مسموم
@@@
علي أحمد الحمود
١٦-١-٢٠٢٣
شهادة الكاظم ع
قصيدة ( استشهاد الامام علي الهادي عليه السلام )
جديد .. 1445. هج.
( دمعة الهادي )
عله زينب دَمعتي كل حنيني
يالسبيه يالسبيه كل ونيني
سوط المتون
تجري العيون
كل ونيني ... كل ونيني
------------------------
علي الهادي اني اسولف من دمعتي كل فجر
شلون أنسه زينب اني وهيه بحبال اليسر
ساعة ابجي ياغريبه ساعة يا أم الصبر
والله كل لحظه أموتن بس عله هذا الأمر
شلون ارتاح بدموعي والرزيه
واني فكري كله يم الهاشميه
غُربة أم عون
تجري العيون
كل ونيني ... كل ونيني
-------------------------
تابع بسيرة حياتي راح تعرف قِصتي
نار من جروح كلبي هاي جمرة لوعتي
شوف إمامك علي الهادي وليش ذابت مهجتي
ماشفت عدنه سبيه والسبيه عَمِتي
عمري ماشايف أنه ذيج الدواوين
ولا رحت مجتوفه اديه بضعن الحسين
شابت أجفون
تجري العيون
كل ونيني ... كل ونيني
------------------------
أن لا يومَ السبايا أن لا يومَ الحُسين
مأتم الدمعه شعاري شما تمر بيه السنين
وآ حُسيناه وآ ذَبيحاه يابو اليمّه الحنين
ضوه ضامي وضعن رايح هاي الآم الونين
سنيني خِلصت بس بواجي غاضريه
سنيني خِلصت بس بواجي عالسبيه
أصبر شلون
تجري العيون
كل ونيني ... كل ونيني
------------------------
فد وصيه هاي الكم بعد جم يوم التُمُر
عله هاي اللوعه بيكم عين كل خادم جَمُر
لوَن زرتوا زوروا عني شمعه أردها بالكَبُر
هواي سَلمُولي عليها العقيله اُم الخِدر
باقي الها ايام مَعدوده يخدام
الرزق كل الرزق من تبجي بالشام
من تونون
تجري العيون
كل ونيني ... كل ونيني
------------------------
كلمن الكاصد عزائي الليله أجره أنحسب
والي يلطم اعله صدره زاير الليله أنكتب
يالتخدموني بدمعكم كل سنة( 3) رَجَب
اسأل بدمعة رُقية الله مَيضيع تعب
الف شكرآ عالمجالس يل تلطمون
من علي الهادي شكبُرها ألف ممنون
من تحضرون
تجري العيون
كل ونيني ... كل ونيني
-------------------------
الخادم _ ابو فدك الشامي ✍
رثاء زينب عليها السلام
٣ دكات نجفي
خادمكم عبدالهادي العريفاوي
---------------------------------
بدرب السبي عكب الاهل تتكفل ايتام
وتلفه المنيه لحضرتج وبديرة الشام
ذاك المسه بليل هدعش اعظم رزيه
عينج تدير اعله الأهل كلهم رميه
ومرعوبه بسياط العده سكنه ورقيه
يازينب وياج الدهر متحزم احزام
--------------------------------
يازينب وياج الدهر جزاها الاحدود
عفتي الكفيل اعله النهر مكطوع الازنود
حامي الظعينه بكربله ياويلي مفكود
واتمرجلوا ضد الحرم حركوها الاخيام
------------'-----------'-----
واتمرجلوا ضد الحرم اضعاف الانفوس
عكب الكمر حامي الظعن بالغيره متروس
وبصدر الحسين العده بالحافر ادوس
وينك يحماي الحمه احضر يضرغام
----------------'---------------
زينب يحماي الحمه مجتوفه بحبال
كل هذا ماهمها الجره وتتكفل اعيال
وسفه الأميره ام الخدر مابين الانذال
ماترحم احوال الدهر ولزينب شظام
-------------------------------
ماترحم احوال الدهر وشجم فجيعه
صاحت يخوتي بكربله انه الوديعه
وتركض لعد صوب النهر يم الشريعه
يرضاها شيال العلم عالمشرعه ينام
----------------------------
يرضاها شيال العلم دمع الحزن صاح
وعين التصد روس اخوتي مرفوعه برماح
ودرب السبي ماينحمل وشجم طفل طاح
وكت المسير اعله الظعن مرفوعه الإعلام
------------------------------
وكت المسير اعله الظعن يعلن حرب ليش
واصعب مصيبه اعله الخيم من يهجم الجيش
لزينب فلا دارت سنه عكب الاخو تعيش
ماترضه تشتم الهوه من عكب الاكرام
----------------------------------
ماترضه تشتم الهوه بت الزجيه
تندب يخوتي بكل وكت يهل الحميه
ياخوتي للشام ارجعت مروا عليه
الشام اصبحت ديرة كفر ماعدهم إسلام
---------------------------------
الشام اصبحت ديرة كفر ماعدها كل دين
لاذمه عدهم لاشرف حزب الشياطين
واليدعي الدين بحقد يذبح بالحسين
كل الصحف ذيج انطوت واتجف الأقلام
----------------------------
بس الدمع يابت علي صاير وسيله
ماواحد من الطف اجه لنعشج يشيله
وكل ميت اعله جنازته تحضره القبيله
بس انتي كلبج بالغرب متصوب اسهام
---------------------
عينج تصد اعله الأهل بلكت يحضرون
وحسين اشوفه والكمر ها بلكت ايجون
عبدالله جعفر مااجه شو ماوصل عون
بديرة غرب ام الخدر خانتها الأيام
-------'-----------------------------
رجوع ضعن السبايا من الشام الى كربلاء
((وشالت حيل))
وصلت وكلشي صاير بختك محدب
وصلت وهالحبل ما فكني امـــچلب
المچتوفه رگبته يلچم لــــــــــو دار
الطفل لو طاح بـّرگبنه الحبل ينضب
رجعت وجفني لحضه خويه مانام
رجعت وطفله ضلت خويه بالشام
وشــــــــالت حيل خلت بيه الايام
رجعت محمله اجروح
عســــاها طلعت الروح
رجعت وحسبتي يفزعك بچينه
وشّل دمـعتي الشام
وحبلهم طگ بالعضام
ردت بيدك تفك حبل البدينه
يبن امي... يبن امي... يا خويه
ــــــــــــــــــــــــــــــــــــــــ
بيد الما يخاف الله الدنيه طيحتني
ديره الما حظت بال شوفه شافتني
بحــــلوگ الخلگ زينب صفت قصه
مچتوفه عله نوگ ابســــوگ طرتني
وين زينبكم يخويه وطبّت الاسواگ
نفس ديوانهم لــــــوعه الگلب ضاگ
الما شامر احــجاره بـــــچلمته طاگ
حچيهم چنه محچال
يّطگ ولا عــــله البال
وين سوگ المزدحم بي وگفونه
ختزينه بوگفت السوگ
علـــــــه العلويه متلوگ
مثل سلعه نضــــــــرهم بوگونه
يبن امي... يبن امي... يا خويه
ــــــــــــــــــــــــــــــــــــــــ
بكل ديره النطبها يـــــــــكّرر المشهد
بشام الآه باب الســــــوع ألي يشهد
نفس الوگفه عادوها خذونه ابسوگ
عيون البي احَــد ومضه سهم ينهد
نعرگ مستحه وساتر وجهنه اچفوف
سبي والضيم والممشـه شبعنه خوف
وهـاي الناس گامت عالسبايه اطوف
عطاشه ونمشي حفاي
وعلينه مـــــــنعو الماي
تنز أعله السياط التبچي عالي
لازم نبـــــچي بهدااي
علينه مشــــــوو الراي
هاذ حال الي تضل من غير والي
يبن امي... يبن امي... يا خويه
ــــــــــــــــــــــــــــــــــــــــ
اكبر لوعه ماهي اكبر من الشوگ
لا لــوعة سبينه ولا دخول السوگ
لهفه البيـه اكبر من سلف عطشان
ع ابن امي لشمر روحي امن لنوگ
وشّل حيل زينب عل مداليل
والفاگد هله يـــراد اله حيل
عيوني نهار تحرس ضلت وليل
شيهّود الشافت الخيل
بخوها ادوس كل حيل
صورة شوغته ضلت ع البال
الحملته يخجّل الجبال
اختـــكم صارت اخيال
عملت كربله چن رفگت احبال
يبن امي.. يبن امي... ياخويه
ــــــــــــــــــــــــــــــــــــــــ
تمت بفضلهم ص
ياسر الزيادي
9/صفر.. المشايه المقدسه