7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يا مولاتي يا ام عون
بيش ابچيلچ ام عون
ماتكفيچ الاعيون
++++++++
وين يتحصل دمع گــد مستواچ
وهاي ياعين الجروحچ تتســع
صار مألوف الدمع وبكل مكان
يختلف عن كلها رايــدلچ دمــع
دمعه سمره توگع ابلون الرمــاد
ودمعه خرسه الصوتچ المامنسمع
بچفي ولطمة الراس
اكبر منها لحساس
كون انزفلچ امتون
ماتكفيچ الاعيون
+++++++++++
ودمعه بيضه بلون نيتچ بالدعاء
ربي اقبل مني نحره المنگطع
ودمع تلزم بالرمش عن لاتطيح
الفوگ هزله ابلاوطاء بيا وضع
تشبگ بظهر الهزيله من تميل
من اقل هويه الضعيفه تندفع
الهاي ادموعي شتفيد
فزعت كافل اتريد
واخوانچ يسمعون
ماتكفيچ الاعيون
+++++++++
رايد ابگد مستحاتچ ابچي حيــل
الرادو ايچتفون اديها وتمتــنع
اب آه كافل والهزل مرت عليه
حسره وبصدر الگمر من تنجمع
الزينب انه اوّيني اوين الونين
الغــربتِچ ياقابلــيه التــتسع
ميته ابحرگ الاخيام
وميته بطبة الشام
والعنچ يسألون
ماتكفيچ الاعيون
+++++++++++
گد حجم منزلتچ ابگلب الحسين
هيچي كون ابعيني دمعه تنجمع
من علي الاكبر اعز خدرچ علــيه
وشقّت الجيب اغله من كسر الضلع
ماكو هظمه امن الطم ابخدي عليچ
مو غريبه ابچفي خدي منصــفع
الطم ما اكو آثار
ابراسي من الاحجار
بالشام اشيشمرون
ماتكفيچ الاعيون
++++++++++
لابقت دمعت اخو توگــع وراچ
لا ولد ناصبله ماتــم منفجــع
ونعشج الكزبر خجل من شيعوه
مستحي اعله امتون غربه ينرفع
وين يتحصل دمع گد مستواچ
وهاي ياعين الجروحچ تتــسع
انه ادموعي بس ماي
وانتي جروحج اهواي
ابگدهن انجرح كون
ماتكفيچ الاعيون
ثائر الربيعي
في التوسل بالسيدة زينب عليها السلام
● طور : أماه يا زهراء
.
.
مولاتي يا زينب .. مولاتي يا زينب
نخينه امن البُعد نخوه .. وننادي لچ يعلويه
دخيل اعيون ابو فاضل .. تصدي بالنظر ليه
أغيثيني يخت عباس .. وحگچ ضاگت اعليه
محب او ما إلي غيرچ .. يشوف اشبيه ما بيه
.
.
دخيلچ خاطر احسينچ .. او خاطر ذبحته او صبره
وحگ آخر وداع اوياچ .. وآخر دمعه وي نظره
جريح وعالخيم عينه .. يصد واتدوسه العشره
وحگ وگفاتچ اعله التل .. المحب سهلي إله أمره
.
.
احلفچ والدموع اتسيل .. يمولاتي على امصابچ
حزين ومنكسر گلبي .. وأدگ هذا المسه بابچ
حنينه او ما ترديني .. أنا ادري وناطر اجوابچ
يزينب مثل ابو فاضل .. كفيله انتي لأحبابچ
.
.
أريد بهالمسه فرحه .. تنسيني الحزن كله
وأريدن دعوه من گلبچ .. أزور وگبرچ أوصل له
وبعد أتعنى للكافل .. أزوره وأنسى كل عله
الزياره اتشافي آلامي .. امن أزوره وأگعد ابظله
____
تمت ببركات مولاتي العقيلة زينب عليها السلام
#فاطمة_كريم
▪️واويلاه يا زينب▪️
في مصاب السيده زينب عليها السلام
طور :واويلاه يبن امي
الملا مسلم الوائلي
واويلاه يا زينب
واويلاه يازينب
واويلاه يا زينب
واويلاه يا زينب
ابدار الاغراب العقيله يابو فاضل غمضت
لا حضر منكم حنين ولا حبايبها احضرت
دارت اعيون ابدمعها ابكل حزنها حشمت
رايده هالليله يمها كل الاخوان اوصلت
————
گوم شربها بيدينك عافت اختك كل شرب
بسمك اتون وتنادي وين ابو الحجي العذب
گوم هالليله قلبها شوف واشگد ملتهب
بلكي نار الشوگ تطفى ونبضة الهم استحت
———
اتدير بالعين وتنادي واحد وواحد تصيح
بالله يااخواني اعذروني لادمع ظل ويطيح
كلشي كلشي بيّه شوفوا كلشي من عاشر جريح
ريت ميته ولا شفتها الخيل والينه اسحگت
————-
تعتب اعليك وتمنت يمها يالغالي تريد
تجري دمعات المحنه اتشيل من ايديها ايد
آ يبو الطول المعدل آيبو الغيره البعيد
من طفت عينك يغالي وعيني وياها انطفت
—————-
گوم يابو الغيره ليّه وامسح اهموم الدليل
گوم تدريها المنيه امگربه تنادي الكفيل
ياهو غيرك ردته يمي ايشيع النعش ويشيل
لا تگول ابلايه جفك هاك وايديني اشلعت
————
لوتعال الليله اخذني اوياك خل نرجع سوا
يالهواك يردلي روحي وريحتك ليّه الدوا
كلشي ماريده بعدكم لا نسيم ولا هوا
تدري مو هالليله ميته آنه ويّاكم متت
————-
تمت بحمد الله
بقلم:بنت الشمري
قصيده نزله بحق السيده زينب عليها السلام
****
يالعقيله يلعقيله
يالعقيله يلعقيله
يمفخرة البطوله يلعقيله
فخرج من ينوله يلعقيله
يتربات الحموله يلعقيله
يالمحيره الرجوله يلعقيله
من يصلها من يصلها
الج كومة مواقف من يصلها
منو المابيها عارف من يصلها
شهد بيها المخالف من يصلها
شيخه وبت مضايف من يصلها
والصميده والصميده
شرف انتي واميره والصميده
فخر كل العشيره والصميده
بعين الكل جبيره والصميده
الشدد يمج زغيره والصميده
كل شموخج كل شموخج
وحك راس ابوفاضل كل شموخج
عله فوك المراجل كل شموخج
بنت واخت البواسل كل شموخج
اكيد من الله نازل كل شموخج
هيبه انتي هيبه انتي
نجوم السمه تشهد هيبه انتي
ابد ميشبهج احد هيبه انتي
العلى باسمج تمجد هيبه انتي
زينب بت محمد هيبه انتي
غيرة الله غيرة الله
يبت حيدر حجابج غيرة الله
مكتوبه على بابج غيرة الله
ذهابج وابأيابج غيرة الله
وبجت دم المصابج غيرة الله
للثريه للثريه
وحك القتل مرحب للثريه
صعد اسمج يزينب للثريه
مثل بلعفه يضرب للثريه
شموخج انتي مذهب للثريه
كبريائج كبريائج
نفس حامي الحميه كبريائج
يذل كل ال أميه كبريائج
يضوي الدنيه ضيه كبريائج
سحك عالناصبيه كبريائج
للمنيه للمنيه
نظل نصيح باسمج للمنيه
قسمنه بضلع امج للمنيه
خدم كل احنه يمج للمنيه
شرف النه نخدمج للمنيه
خادم اهل البيت عليهم السلام الشاعر السيد هاشم قاسم سعود البلداوي
١٤٤٥هجري
نعـش زيـنب طلـع يــا حيــف وحــده
وحدي ظعني السبي من سار وحــده
المنــايا إسهــام وحــده بـثـر وحـــده
البـدايــه البــاب ختمـتــها بـــرقـيــه
*
الشاعر
موسى البديري
شوط كربلائي
ْ
الزينب يبچي المهدي
وعينـه بالدمع مـدرار
وحزنه مافتر ســاعـه
العمته گلبه يسعر نار
ْ
ْ
نار وبالگلب تسعر عينه المهدي سـچابـه
وخيمة عمته زينب تظل جمرتها لهابـه
العالغبره ثلث تيام بالطف كلهم احبابه
واهـله بلا خيـــــم باتـو
اشد ضيم التعب شـافو
على الغبره الأخو عافو
وكل دمعه تفت الروح على بناتك علي الكرار
ْ
ْ
مصيبة زينب الحوراء جمره بكل گلب معصوم
من كربله ومن الشام المهدي عمره كله اهموم
وكــل ايامـه عاشـــوراءوعينه تبچي من ادموم
الزينب والحسن وحسين
ينعى المهدي صار سنيـن
انشـلع گلبـه على الچفيـن
وماينسى الگمر من طاح طاح وماوصل للدار
ْ
ْ
بنت اشجع بطل بالكون تعرفها جميع الناس
وكافلها گمر معروف سبـــع الگنطره العباس
علي وصاهم اولاده الكفيل وياها لوبس راس
بيوم العاشر المصباح
للشام الگمر هــم راح
والتعب العقيله نـاح
من صاحو على زينب بعينه الگمر ليهم دار
ْ
ْ
لچن مهدينه بهمومه ماينسى ركـض زينـب
يتذكر علي السجاد يبچي بلوعته وينحب
اودخان الخيم هالصار نار وبالگلب تلهب
اللـــــه يساعد المهدي
بزينب حرمله يـحدي
بگلبه هالحزن يبـدي
وكل عثرة طفل لوعه من شبو خيمها بنار
ْ
ْ
أظهر يابخت حيدر يبن المصطفى الهادي
ألك ثارات تنتظرك اسنين وبسمك تنادي
ننصرك هالعهد بالدم وبينه الشوك الك حادي
نور البـاري يامــولاي
ابغيرك اظلمت دنياي
لدربك شـابحة عيناي
ملينه الصبر واللوم بينه مثل اجدادك صار
📝كلمات
الـملا احمـد الــسالــمي
في حق السيده زينب. ع
ياغريبه يم الصبر يازينب
اوصف شلون حزنج مدري محتار
اتوضه بدمعتي من اكتب اشعار
اكومن كلي ارجف وشتعل نار
شماله الزمن ليش وياج غدار
بعيونج. دمعه ومصاب وكربله
وجروحج . تنزف دمه ومعلعله
وهمومج. محتاره انتي بعائله
ياغربه يم الصبر يازينب
------------------
يلوعت كل يتيم بنار الخيام
جرح صرتي بروحي تلجمه اليام
يوسفه شلون زينب طبت الشام
ضعنه بلايه والي. وبس اليتام
ونيتي ونت غريبه بلا وطن
طبيتي. لشام وياج الضعن
ضليتي. عليج المصايب روحن
ياغريبه يم الصبر يازينب
-----------------
لو كلنه حزن يعني الحزن زينب
ياهو المثلج بهل الدنيه اتعذب
ينار الما طفت بكلوبنه تلهب
عله امصابج اضل طول الدرهر انحب
يالحره. ذبلانه من كثر السهر
ياعبره بصدري تضل طول الدهر
والجمره. تحرك بروحي منل قهر
يغريبه يم الصبر يازينب
-----------------
التفكد اهله تعيش حسرات
وزينب عاشت مابين شمات
غربه الشام بيه شكثر لوعات
جروح البيج ماتنعد جثيرات
بحرانج. محتاره بديره غرب
وليانج. ضلو يزينب عل ترب
نيرانج. ماتنطفي ودمعج يصب
ياغريبه يم الصبر يازينب
-------------------
من عادت الحرمه تعاتب اخوته
تريد تشوفهم حضرت منيته
غربه الناس من شالو اجنازته
تذوب الصخر يازينب مصيبته
بالغربه. ام عون وسفه تندفن
وبكابه. موجود نيشان الحزن
مو ذنبه. كلمن عله خوانه يون
ياغريبه يم الصبر يازينب
----------------
الخادم
رحيم الصالحي
رقيه رقيه فدوه رحت لجدامج
رقيه رقيه حسبيني من خدامج
ـــــــــــــــــــــــــ
والله ما انسه الجره رقيه يامولاتي
لو شفت طفله اتهل دمع لجلج تهل دمعاتي
المأساتج وجرح الكلب اتهون كل مأساتي
من اذكر سحكتي اعله الجمر بيه تشب جمراتي
رقيه رقيه فدوه رحت لجدامج
رقيه رقيه حسبيني من خدامج
ـــــــــــــــــــــــــــــ
علحسين جنتي امعلمه ومدلله ايسمونج
وبحضنه كل صبح ومسه اتنامين ويشوفونج
ياوسفه صرتي ميسّره واتهل دموع عيونج
اتصيحين بويه الحك عليه اتأذيج حيل امتونج
رقيه رقيه فدوه رحت لجدامج
رقيه رقيه حسبيني من خدامج
ـــــــــــــــــــــــــ
فدوه اروحن لج يمن رحتي بيسر مجتوفه
وراس الحسين الهل وضع اشلون مدري ايشوفه
الشام آه ومحنته زاد علهظم الكوفه
صرتي بخرابه كاعده الحر الشمس مكشوفه
رقيه رقيه فدوه رحت لجدامج
رقيه رقيه حسبيني من خدامج
ــــــــــــــــــــــــــ
اتمنه اضل خادم الج خادملج ايسموني
بالحشر والله افتخر بهل اسم لو نادوني
اشكد بجيت المحنتج تشهد دموع عيوني
لوبيدي اطبر كل وكت لاجنهم يلوموني
رقيه رقيه فدوه رحت لجدامج
رقيه رقيه حسبيني من خدامج
ـــــــــــــــــــــــ
كل محنه بالطف تنحني لو محنتج كالوهه
طفله ويتيمه ملوعه ومن الاهل حرموهه
ومتونهه صارت زرك من كثر ماضربوهه
ماتت على راس السبط برض الغرب دفنوهه
رقيه رقيه فدوه رحت لجدامج
رقيه رقيه حسبيني من خدامج
ــــــــــــــــــــــــ
فدوه اروحن للثره اللامس اطراف اجدامج
لو بيدي ايام العمر اهديهن الايامج
اني وهلي وكلما احب نصبح فده جدامج
والامل عد هاي الخلك نتحسب من خدامج
ـــــــــــــــــــــــــــــ
راح ابقه اونن للحشر وذيج الخرابه اذكرهه
او وجناتي من فيض الدمع لمصيبتج احفرهه
جدامي منظر ينرسم طفله الشمر يسرهه
ومجتوفه اشوفن عالهزل بسوط الحقد يزجرهه
رقيه رقيه فدوه رحت لجدامج
رقيه رقيه حسبيني من خدامج
ـــــــــــــــــــــ
الشاعر محمد حسن ضيغم
يا دهري اشكَد قاسي ...ماخذ خيرة ناسي .. وصرت ابلايه اخوان
لا كافل يحميني ... ابجي ابدون حسيني .. الضل مرمي وعطشان
حرمه وحدي ... يا مصيبه
اسمي اصبح ... الغريبه
ـــــــــــــ
نار الفركه ونار ..سبيي وضيم الصار... روحي اتضل تتألم وانحب ليل انهار
خدري اكّبالي راح .. بنهبه الظالم صاح ..وآنه ابين اطفالي كَلبي يضل محتار
ساعه انظر لحسين .. واجري ادموع العين ..مايكَدر يلفيني ويطفّيلي النار
ساعه انظرعباس .. ياراعي النوماس ...وآنه اعرف كافلنه لا يمنه ولايسار
بين وبين الشاطي .. صارن سبع اشواطي .. وعاميني الدخان
وسوط ايطكَني ابضهري ... واندب سلوة عمري .. الحكَ عالنسوان
الضربه توجع ... شكَد عجيبه
اسمي اصبح ... الغريبه
ـــــــــــــ
يادهري شخلّيت ..انهد اعليّه البيت ...حين الشفت اخواني صرعه اعله التربان
زينب صحت شلونه .. ابقى بعازة عون ..ييجمع هاي اطفالي ويجمعلي النسوان
بالطف راح الحيل .. واظلم شفت الليل .. ولاخيمه الي عندي وحاطتنه العدوان
وسكنه اتريد الماي ... محتاره آنه بهاي ..ثاري اتريد الماي للضامي العطشان
بليل اتريد تروح ... للضامي المذبوح ... اوتسكَيه من الماي
وتشم رادت نحره ...تبوسه بلجمة صدره ..الاذّت صدره هواي
تنظر الشيبه ... الخضيبه
اسمي اصبح ... الغريبه
ـــــــــــــ
لا مو بالحسبان .. ابقى ابلايه اخوان ...وحرمه ويصبح حالي مثل الزهره وزاد
خيامي نفس الباب ..ويشبه داحي الباب ..باجر مثله اعدانه يجتفون السجاد
ضلع امي الدم سال ..متني بنفس الحال ...والكسروا ضلع امي حثّوا ال ازياد
والاصعب بالنار .. هواي اطفال ازغار ..يحركَهم بالخيمه شمر الظالم راد
كَمت اركض وتعثّر .. واندب يابو الاكبر ..صار الي ماصار
اوَكف ويضربوني .. من ابجي يشتموني .. الهجموا علدار
كافل اخته ... منين اجيبه
اسمي اصبح ... الغريبه
ــــــــــــــ
دهري اشبيه اوياي..حارم حت الماي .. عنّي وعن اطفالي وعن جبد المظلوم
يسمع صوت اطفال .. تبجي بأصعب حال ..وكَلبي بهاي الساعه ضل ينحب مهموم
سكنه تناشد ليش ..ماراحمنه الجيش ..خلّه اكَليبي الذايب امن الوالد محروم
ها يا عشوراء .. ياجرح الزهراء ...هذا اليوم العشته يشبه ذاك اليوم
ما تنعد جروحي .. وانه الشاغت روحي .. من شفت العباس
لا رايه ولا جوده ... ومتَكطعات زنوده .. ومهشمين الراس
كَلبي جمره ... وبنحيبه
اسمي اصبح ... الغريبه
ـــــــــــ
يا جرح الايام ... ويني او وين الشام ..آنه الكل تعرفني لبوة حامي الجار
اركب هزله النوكَ ..ويدخلوني السوكَ ..وتتلكَاني الوادم شتم ورمي احجار
وندخل للديوان .. اطفال ونسوان ..وبين امسح دمعاتي ودمع اطفال ازغار
حيلي اعليهم مات .. بخربه شلون انبات .. لا نعرف بي ليل ولا نعرف بي انهار
والهيّجلي اونيني ..ماتت بت حسيني .. حضنت راس حسين
بيدي ادفنت الطفله ..وصارت للحكَ قبله ..شمتمر بينه سنين
الطفله من ماتت .. سليبه
اسمي اصبح .. الغريبه
ـــــــــــــ
الشاعر محمد حسن ضيغم
غربة الشام ... جرح ينزف للحشر
غربة الشام .. مرمرت ام الخدر
غربة الشام ...ودّعت زينب كَبر
غربة الشام غربة الشام
ـــــــــــــــــــــ
غربة الماعدهه احد ... لا اخو ضل لا ولد
تبقى بين الحسره والهم والمصايب
من عكَب ذاك الدلال ...اتربّطت ويلي بحبال
وعكَب ذاك العز بقت تسكن خرايب
لاسكف لا باب تنظر للخرابه
والاطفال بصوت يمهه تصيح بابه
شلون تكعد بت علي فوك الترابه
زينب تصيح ... يارقيه اشالّمج
زينب تصيح ... وسفه دهري يتّمج
زينب تصيح ... وبظهر ضل منكسر
غربة الشام غربة الشام
ـــــــــــــــــــــ
زينب شتحمل الم .... من بعد راعي العلم
يمهه بت حسين تبجي اتريد ابوهه
تسكت الطفله تريد ... وتدري مطلبهه بعيد
تدري زينب مايرد احسين اخوهه
تكَلهه عمه وين ابوي اليوم اريده
سفرته ياعمتي صارت بعيده
ليش خلاني ومشى ويعرف وحيده
تجري الدموع ... اثر جف اعله الوجن
تجري الدموع .... وحيل الّمهه المتن
تجري الدموع ... ليش خدهه ينسطر
غربة الشام غربة الشام
ـــــــــــــــــــــ
معصّبه عيون الدلال ... تنسى والدهه محال
تنام تكعد عدهه صوت يصيح بويه
منهو يخبرني عليه ... ارد ابوس ثنين اديه
ياعلي من فدوه الك جاوبني خويه
واعداني بخيمته وكلّي اجيلج
وعلى الهزّل كَلّي يابابا رحيلج
باجر اخلاف الكمر ما يضوي ليلج
الغالي جا وين ... والله مشتاكه اله
الغالي جا وين .... يدري بيّه امدلله
الغالي جا وين .... مارحم بيّه اليسر
ـــــــــــــــ
تصيح من شفت الطشت ... بحيلي يالغالي نحت
وشفت راس حسين ابويه وشيبه دامي
احضنته وتهل دمعتي ... وحيل ناحت عمّتي
وعلى الراس وبالطشت اصبح منامي
اسمع ابصوت العقيله اتنادي ويلي
تكَلّه ماتت بت اخوي وباد حيلي
ها يدمعه اعله الوجنه بخدودي سيلي
من على الراس .... عمّه ارفع مهجتي
من على الراس ... والله محنه محنتي
من على الراس ...فكَدت الطفله العمر
ــــــــــــــــ
غسّلتهه ابدمعتي ... وجفّنتهه ابشيلتي
وادفنتهه والمواجع بيّه تكبر
وحيرتي صعبه اصبحت ... وروحي حيل اتجرّحت
شلون ا رد الكربله ياعمه مكَدر
شرد اجاوب لو سألني حسين عنهه
ابنيتي وين وروحي ضل يكبر حزنهه
شلون اكَلّه ايّس بهل ساعه منهه
وي الايتام ... ليش مارد ت الي
وي الايتام ... جاوبي يابت علي
وي الايتام ...شرد اقدّم ياعذر
ــــــــــــــــــــ
الشاعر محمد حسن ضيغم
آنه الگبل ما واحد الينساني
تالي غريبه ومحّد من اخواني
آه ... صرت ادير اعيوني
آه ... زينب اتعرفوني
ـــــــــــــــــــــــــــــــــــــــــ
زينب آنه ام الخدر ... الگبل چنت امدلله
تالي مرمرني الزمن ... السبي وموتي وكربله
العايش ابين اهله كل هم مايجيله
المصيبه الكبره لليفگد خليله
وهل مصيبه اتحوّلت بس للعقيله
آنه الي ما واحد نظر لخيالي
چتّال اخوتي بالدرب يبرالي
آه ... اخواني من عافوني
آه ... زينب اتعرفوني
ـــــــــــــــــــــــــــــــــــــــــ
عندي عشرة ويالاهل ... چنّه نتجمّع سوه
حسين نور يصير الي ... الگمر يصبحلي الهوه
مرّه شفت حسين فيّالي برداءة
والتواضع صار يعكس كبريائة
اذكرت من فييّتله ابحر كربلائه
من شفت اخوي اموسّد اعله الغبره
فييّتله ابذيچ العبايه الحمره
آه ... وتالي منّه اخذوني
آه ... زينب اتعرفوني
ـــــــــــــــــــــــــــــــــــــــــ
الوي اخوته ابنص هله ... يبقى راسه مرتفع
والذ چلمه ابدنيته ... خويه لمّن يستمع
چلمه الخويه اشحلاهه ابصوت اخوتي
وما سمعت الچلمه من طفهم لموتي
مااجيتوا شگد صحت مو راح صوتي
فراش الاجل متبلل امن ادموعي
لجل العليهم صرت ادگ اضلوعي
آه ... ليش شو ماجوني
آه ... زينب اتعرفوني
ـــــــــــــــــــــــــــــــــــــــــ
آنه بضعة فاطمه .....الوارثه منهه الحزن
بگد ونين امي صرت ... ليلي ونهاري اون
صدگ من گال وحچه بهاي النوايب
زادت البنت اعله امهه بالمصايب
والله ياعالم شفت كل العجايب
كسر الضلع طبرة علي وچبد انسم
حرگ الخيم تل وسبي وذبح ودم
آه ... بيمن اتوصفوني
آه ... زينب اتعرفوني
ـــــــــــــــــــــــــــــــــــــــــ
غربه كلشي بدنيتي .... حتى موتي ابنص غرب
بالمنازع ناطرت .... ولي امن اخواني يطب
عيني للباب ودمع تارس عيوني
ردت منهم يعتنون ايجبّلوني
يغسّلوني يكفنوني يشيعوني
غربه التشيّع ماكو من احبابي
وآنه الردت چفهم يهيل اترابي
آه ... ليش ما ذكروني
آه ... زينب اتعرفوني
ـــــــــــــــــــــــــــــــــــــــــ
الشاعر محمد حسن ضيغم
نَعْي لِوَفَاة العقيلة زَيْنَب سَلَامُ اللَّهِ عَلَيْهَا (وزن نصاري)
سَلَامِي للجعلَّها الصبْر عنْوَان
شمامر النَّهَار وَلَيْلٌ يندار
عَلَى أُمِّ گلب الچبير اليحمل أَحْزَان
النَّوَايب ماتهزها وَزَمَن غَدَّارٌ
عَلَى الشافت أَخُوهَا انذبح عَطْشَان
وتگطع وَذَر جِسْمِه بِسَيْف بَتّارٌ
عَلَى الشافت شمَاتَة وهظم عدْوَان
بعبايتها وخيمها اموجرَّه النَّار
عَلَى العافت گمرها گمر عَدْنَان
أموذر لَايمِين العنده وَيَسَار
شافت مِنْ مَصَايبِ كَرْبَلَة أَلْوَان
البيها عَلَى الْجَبَلِ چاطاح وَنَّهار
تنطر علدرب والگلب خلصان
عَلَى المابعد تَوَصَل مِنْهُم إَخْبَارٌ
أَجَت ليهَا الْمنْيَّة ولالها أَخَوَان
بَعْد ذيچ الْمْحْنَة ولمَّت الدَّار
مُوحِش بَيْتِهَا مِنْ كلِ الْأَرْكَانِ
تتاني الْمَوْت زَيْنَب ليل ونَهَارٍ
الشاعر حسن لعيبي الحريشاوي
لوفاة العقيلة زينب سلام الله عليها ٠٠ ميمر
المامرها بالطف وراح اليوم الاجل مر بيها
★★★★★
محتار اسولف من عقدت النيه
تحير العقل والراي هلشخصيه
من حيدر ومن فاطمه مبنيه
بعيني تفور الدمعات من اسمع بطاريها
★★★★★
من فكر امها ومن هظم لوعتها
بقوة بلاغتها وعظم حجتها
اتحير الطاغي من سمع خطبتها
خلت يزيد بلاراي مايعرف شتاليها
★★★★★
من عزم حيدر زينب وصولاته
ونهج البلاغه ومحتوى غاياته
موعجب من شجرة نبي ومن ذاته
الاذن باذنها المختار وماغيره المسميها
★★★★★
من المهد ظيم الوكت لاحگها
حد رجب ياليل الحزن رافگها
يادنيا تسوه حسين من فارگها
تنادي الاجل بعد حسين روحي المن أمخليها
★★★★★
تالي الوكت يم العدو وداها
وام المصايب والحزن سماها
علموت تعتب من مشه وخلاها
وبالجمله اخذ منها احباب بطف كربله اواديها
★★★★★
جبريل لازم بالظعن ناگتها
اسرافيل شاركها بهظم محنتها
ورب السمه غاضب لجل دمعتها
مثل الزچيه على الگوم الها غضب باريها
★★★★★
بعد الوكت ذاك المشت ايامه
ماطاب عيش ولاحلت انسامه
صارت اتودع ليلها المتنامه
اشظلتها زينب بالدار يوم المشه واليها
الشاعر حسن لعيبي الحريشاوي
لوفاة العقيلة زينب سلام الله عليها
زينب زينب زينب
★★★★★
النجابه. الخدر. والحشمه
الشجاعه. الراي. والحكمه
البلاغه الفكر. والكلمه
زينب زينب زينب
★★★★★
البساله. الادب. والقدره
الكرامه. الفخر. والثوره
الوفيه. الصابره. الحره
زينب زينب زينب
★★★★★
الهدايه. الدين. والدعوه
الثبات الصبر. والتقوى
السماحه. الخير والصفوه
زينب زينب زينب
★★★★★
الجلاله. القدر. وأَلهمَّه
الصلابه. الزود. وأَلقمَّه
الطهاره. الفقه والنعمه
زينب زينب زينب
★★★★★
القيادة الرفض والقوه
الفصاحه المجد والقدوه
الشفاعه الامل والرجوه
زينب زينب زينب
الشاعر حسن لعيبي الحريشاوي
قصيدة ياشريدة كل هلي
°°°°°°°°°°°°°°°°°°°°°°°°°°°°°°°°°°°
"""دمعي دمعي خــويه ياعباس دمعي"""
"""يدعي يدعي شال أيده وگام يدعي"""
ياشريدة كل هلي....گوم عدل محملي
دمعي دمعي•√√• يدعي يدعي
°°°°°°°°°°°°°°°°°°°°°°°°°°°°°°°°°°°°°°
مـن رحت عباس تدري اشصار بيه
خيامـي بيهه النار تمطر مر عليه
وحترگ ثوبي ودمعتي وچف رقيه
والشماته أتصيح زينب ياسبيه
"""وگمت اصيحن يابوفاظل"""
"""فرعـــــو روس المحامل"""
شوفي شوفي.. نوگ هزل شاف شوفي
خوفي خوفي.. هـــذا هوه الزاد خوفي
تدري عگبك منهو الي...گوم عدل محملي
دمعي دمعي،،، يدعي يدعي
°°°°°°°°°°°°°°°°°°°°°°°°°°°°°°°°°°°°°°
گمت أثني ركبتي وتصـــــــــورك أنته
والشمر سباني خــــويه ومــــاسمعته
يابوفاظل كلـــــــــشي بغيابك فگدته
مثل ماي الجربه دمعي ايسيل سكته
"""كلشي بيه ابﻻيه خاطر"""
"""أعثر أبولدي وأكابر"""
ألهم ألهم.. خطـــوه مامتعنيه ألهم
أمهم أمهم.. فدوه الك ياخويه امهم
وبيهم اشتم چم علي...گوم عدل محملي
دمعي دمعي،،، يدعي يدعي
°°°°°°°°°°°°°°°°°°°°°°°°°°°°°°°°°°°°°°
بيه ﻻذ أخيالي ومــــــگبع حسرتي
يعثر بصـــــوت المواجع وبدمعتي
الله يازينب يعينچ مـــن صبرتي
الدنيه بيچ اتعيل گامت وانتي انتي
"""والعبايه أجروح بيهه"""
ياســـــﻻم الله عليهه"""
كلشي كلشي.. أتحمـلت ياخويه كلشي
أمشي أمشي.. وسفه ويه الغربه أمشي
والمواقف تعتلي،،، گوم عدل محملي
دمعي دمعي...يدعي يدعي
°°°°°°°°°°°°°°°°°°°°°°°°°°°°°°°°°°°°°°
احترگ وجهّ الگاع خـويه شاهدتهه
من لگت وي روحــي أسمك ماعفتهه
أشما تطيح اجروحي احسك ساعدتهه
وانت عهدك هم گمر مــن عاهدتهه
"""صورتك بعيوني غيره"""
"""هيبه بعيون الاميره"""
والي والي.. بعـدك أنه شعندي والي
حالي حالي.. بالدمع عشته انه حالي
تدري ماعندي ولي… گوم عدل محملي
دمعي دمعي….يدعي يدعي
°°°°°°°°°°°°°°°°°°°°°°°°°°°°°°°°°°°°°°
كلشي بيه ايعيش موقف ياكفيلي
ودمعتي اتناشد دمعتي اتگلهه سيلي
ومال من الهوه خويه تدري حيلي
الان بسمك راية الله وحس دليلي
"""للكفاله انت أختيار"""
"''"هذا من الله القرار"""
روحي روحي.. بيك تتنخــاك روحي
نوحي نوحي.. أمحزم وينعاك نوحي
بيك ليلي ينجلي…. گوم عدل محملي
دمعي دمعي….يدعي يدعي
°°°°°°°°°°°°°°°°°°°°°°°°°°°°°°°°°°°°°°
خادم أهل البيت.. ع..
أبوحسين السرگودي…🕊🕊🕊
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
في مصائب العقيله #زينب عليها السلام
طور : سلام الله على حسين
.
.
سلام الله يَحوره
على گلبچ وكسره
سلام الله على أم المصايب
سلام الله على الشافت نوايب
اويلي فارگت كل الحبايب
وشافت كل أهلها بالترايب
المصايب كلها كبرى
سلام الله يَحوره
_
سلام الله على الفارگت جدها
صغيره والدمع جاري اعله خدها
وشافت امها والظالم يصدها
وشافت چم مصيبه من بعدها
ضلع مهشوم او عصره
سلام الله يَحوره
_
سلام الله على الشافت ابوها
جريح او هامته ابدم خضبوها
غصب عنه يويلي فرّگوها
بصباح العيد تنعاه اتركوها
رحل والگلب جمره
سلام الله يَحوره
_
بعد عين الأبو ظلت يتيمه
وراح الحسن من بعده ابهضيمه
يويلي كل مصايبها عظيمه
وأليمه كربله باچر أليمه
مصايب بيها كثره
سلام الله يَحوره
_
أهلها وكل بنيها ابيوم واحد
شافتهم على الغبره الأماجد
گمرها دمَّه فوگ اعيونه جامد
وابن امها اعله صدره الشمر صاعد
تشوفه ايحز له نحره
سلام الله يَحوره
_
تالي الروس فوگ السمهريه
وجثثهم عالثرى ظلت رميه
شافتها ومشت غصباً سبيه
وشافت بالسبي انواع الاذيه
گلبها اشعُظم صبره
سلام الله يَحوره
_
تمت ببركات مولاتنا العقيلة عليها السلام
#فاطمة_كريم
٢٠٢٣ م
▪️ماجاني دفان▪️
في مصاب السيده زينب عليها السلام
🅾️تنويه وتنبيه 🅾️
مابين الاقواس كلمات يقرؤها الملا مسلم الوائلي
(يشلعان الگلب كله امن الاخوان)
واحد هلمسا ماجاني دفان
————
مشلوعة قلب يا زينب ودوم
ماحاضر حنين ولا اجا اليوم
والكافل حلاله ايطوّل النوم
بساعات المنيه اتريد الاحنان
———
شلعوه القلب من يوم إلطفوف
لاروس وجدم لا ظلت اجفوف
جا وين الحنين احوالي ايشوف
من يوم الطفوف ودهري خوان
———
————-
مشلوع القلب يا راعي الجود
ابساعات المنيه ونعشي ممدود
جاوين الكفيل ووين الحيود
ممرود القلب لمصاب الاخوان
——-
ابساعات المنيه اتنادي جا وين
لاگام الحنين ولا اجا احسين
عفتيهم ذبايح لا تونين
صبغوه الثره وابحمْر الالوان
———
لاتعتب ياقلبي ما يردون
ماظلت ابد والله الهم اعيون
مطفيه دريتي وما يشوفون
وانسيه الدلال الچان ماچان
————
ممدوده العقيله ابدار الاغراب
وشلعان القلب كله امن الاحباب
هالليله جنازه ابدار الاجناب
للموت وغريبه ام الاحزان
———-
تمت بحمد الله
بقلم :بنت الشمري
#جديد
في مصائب السيدة زينب عليها السلام
طور : جاوبني يا علي
.
ابدمعه هامله
زينب تِسائله
اشكثر متحمله
جاوبني يا صبر
الجدي امحسره
يِلوج وأنظره
راح وانا انطره
جاوبني يا صبر
وبأمي اشجره
ضمتها مگبره
وبگیت امكدره
جاوبني يا صبر
منها انكسر ضلع
وجِفنها منصفع
شِيصبر المنفجع
جاوبني يا صبر
درت اعله حيدره
كسري من يجبره
وبس يشفه انطره
جاوبني يا صبر
الحسن ما گام الي
ولا انته يا علي
خلّصتوا يا هلي
جاوبني يا صبر
ذبحتني كربله
راوتني چم بله
أنهار امن الدمه
جاوبني يا صبر
اتمنيته لي يصد
ساعاتي بس أعد
يمكن إلي يرد
جاوبني يا صبر
ومشيت اميسره
وجثمانه اعبره
والراسه انظره
جاوبني يا صبر
فوگ الرمح معاي
يبچي على بچاي
واتنطر اللي جاي
جاوبني يا صبر
محد بگه إلي
عفتوني يا هلي
ورديت ابلا ولي
جاوبني يا صبر
كل مره تعتذر
واگليبي ينكسر
علمني شتنتظر
مو كافي يا صبر
بعدي انتظر وعد
يا صاحب العهد
ترد يمته ترد ؟
وانودع الصبر
يا خاتم الحجج
اتنطر الفرج
ذابت تره المهج
إليمته انتظر ؟
_
بقــ✒️ــلم :
بنت الشمري وفاطمة كريم
ايةُ الصبرِ قبلةُ الخدرِ
في مدى الدهر أنها زينب أنها زينب
***
على زينب لون تكتب شعــر وبحــور
شـــرط كل القوافي مطــرزات ابنـور
زينب يعنـــي زينب واقعـــة عاشــور
بـنت البسملـه والنقطــه بنت الطـــور
سورة النصرِ أية الدهرِ
من اذا تدري أنها زينب أنها زينب
***
اسمهـــا مـــن تكتـبه خطـه بالإحساس
وخلي أحروف اسمها كون بين أقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا النــاس
أيةُ الباري في ثنا الدارِ
رمزُ أشعاري أنها زينب أنها زينب
***
العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا
فيها تجـــلا أنها زينب أنها زينب
***
أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثله
يتوضـــه الشاعــر الـــي راد يكتبلــه
ولا يخدش اسمهـــا يِوّصفــه بالـذله
زينبٌ حيــدر امُها الكوثــر
للعزِ مصدر أنها زينب أنها زينب
***
العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثـره اقــزام
بالك لا تخـط أعلــى العقيلـه اوهـــام
علمها القرأن مصدرُ الإيمان
علةُ الأكوان أنها زينب أنها زينب
***
الشاعر
موسى البديري
***
اعگيلي / نزلة استشهاد السيده زينب عليها السلام
زينب ماتت شيعناهه
___
شد الحيل وشدو الهمه
بهذا اليوم يبين الزلمه
بمجلس زينب يكتب اسمه
ويه الزهرة خل ننعاهه
_
جرح البيهه يبين بينه
زينب يمه لتخلينه
موتج يوجع ومئذينه
تموت بغربه منهو وياهه
__
اه الشام بكل أحواله
من اليمشي والخياله
نَسب حسين وكل عياله
وهاي الغربه ماتنساهه
___
اتخيل زينب وحدانيه
بين الناس العدوانيه
طبتهم حرمه ومسبيه
وماكو والي اليتلگاهه
__
هاي الليله الدمعه تلالي
والمحروگ گليبه يوالي
زينب ماتت بت الغالي
ويبچي عليهه الليله طه
___
اليوم الزينب كل أحزاني
لاانساهه ولا تنساني
يفدوج اهلي وكل اخواني
واني الخادم بيچ اتباهه
___
ماتت غربة بدون جنازة
مثل المات بدون عزازه
ماكو اخوتهه بيوم العازه
بذيچ اللحظه من يفداهه
_
شيعناهه اليوم بكثره
وكت الغربه خلص امره
كل الشيعة بنص الحضره
تقره المقتل من تدناهه
_
نفزع فزعه لكل لطامه
نلطم صدر ونطبر هامه
يبچي الخادم والعلامه
وروحه لزينب نذر انطاهه
خادم رقية عليها السلام
الشاعر مهند الدريساوي
بلوعة الشام .. والخيام .. ذبل دلالي
عيني متنام .. والايتام ... تنوح اكبالي
والغريبه ... والمصيبه ... اكبالي راس الوالي
ـــــــــــــــ
حايره بهذا الوضع ... آنه دولبني الزمن
آنه مثلي امي شفت ... من الزغر كثرة محن
الباب وي طبرة علي ... وآه يا جبد الحسن
ويامصايب كربله ... الما اضن منهن سدن
فاطمه تنوح ... والجروح .. يويلي جبيره
وكلبي مفجوع ... والدموع ... لاني ايسيره
والغريبه ... والمصيبه ... اكبالي راس الوالي
ـــــــــــــــ
آه منج كربله ... وآه من يوم الطفوف
شفت بيهه نايبه ... الهه ماضنيت اشوف
شفت اشلاء ونحر .... وشفت مكطوعه الجفوف
والاشد شفت السياط ... ورّمن مني الجتوف
من يضربون ... يسبون ...ابوي الغالي
وكلبي بي نار ... الم صار ...دوه بدلالي
والغريبه ... والمصيبه ... اكبالي راس الوالي
ـــــــــــــــ
ركّبونه اعله الهزل ... والجفوف امجتفّه
ياهظيمه ياعلي ... بينه ظالمنه اشتفه
صحت من عكب الكمر ... من على الدنيه العفه
يابدر ليلي اليشع ...علنهر وسفه اختفه
الكوفه مريت ..وانه ابجيت ... يضي عيوني
اخت عباس ... هل ارجاس .... وسف شافوني
والغريبه ... والمصيبه ... اكبالي راس الوالي
ـــــــــــــــ
الشام ياجرح اليضل ... البيه دلالي انجرح
احنه سابينه العده ... الناس ماخذهه الفرح
مادروا سبط النبي ... بسيف ابن مره انذبح
وذاك دمه اعله الرمح ... يوم صد حالي طفح
راسه مرفوع .. والظلوع ...خيول اتدوسهه
جبهت حسين .. الملايين ... كرامه تبوسهه
والغريبه ... والمصيبه ... اكبالي راس الوالي
ـــــــــــــــ
وبعد ياجرح الاشد .... اطب ديوان اليزيد
واحنه اطفال ونسه .. ايد مربوطه اعله ايد
راس اخيي بالطشت ... راس الحسين الشهيد
ويضرب اشفافه بعصه ... حتى وناتي تزيد
شاغت الروح ... يمذبوح ...يروح الزهره
وسفه يحسين ... انه الحين ... اضل متيسره
والغريبه ... والمصيبه ... اكبالي راس الوالي
ـــــــــــــــ
الشاعر محمد حسن ضيغم
مددي مولاتي يا زينب
ــــــــــــ
يا اميره اعله البشر ... خادمج حتى الكَمر
رحمتج يم الخدر ... حيّرت كل الدهر
انتي هيبة فاطمه ... وفضّلج رب السمه
لبوة بنت المرتضى .... عالمه ومعلّمه
خادمج يازينب تدريني
سهله الج كون اعميهه العيني
عبدج آنه وعبد عبد حسيني
نظره منج للخيم خلّيني
ـــــــــــــــــــ
ظلمه وجفوفج ضوه ... واسمج اتوصّف دوه
ميّت بلا تعزيه ... مجلسج اعذب هوه
من اون لمصيبتج ... واحضر آنه اقرايتج
عيني تنطر كل وكت .... يل عقيله رحمتج
جنتي يازينب دمعاتي
وتاج بالمحشر احس آهاتي
شموع باجر تصبح اقراياتي
ترضوا عني هاي كل غاياتي
ــــــــــــــــــــ
لاجن الما تنعقل .... بيدج ايشدّوا الحبل
انتي بضعة فاطمه ... تركبي يازينب هزل
حكَه صبرج ينهدم ... من تطرّين الزلم
من عكَب عطر الوفه ... الحرم دخّانه تشم
رحتي علهزّل وسف مجتوفه
الشام طبّيتي عكَبهه الكوفه
حسين راسه هالمصاب يشوفه
الحرم ويلي كلهه هسه ابخوفه
ــــــــــــــــــ
حكَهه جمراتج تشب ... رايح الديرة غرب
شلون يا خدر الاله ..... المجلس الظالم تطب
تنظر الراس بطشت ... تصيح حيل اتألّمت
ريت وي بنت الحسين ....حاضنه الراس ومتت
من عكَب عزنه الخرابه ابيوتنه
من النواعي حيل رايح صوتنه
احنه كل احنه نناطر موتنه
حرم ال الله بان اسكوتنه
ـــــــــــــــ
الشاعر محمد حسن ضيغم
السلام عليك يا رقيه
**********
السلام على تلك اليتيمه
السلام على معنى الظليمه
السلام على الطفله العظيمه
لك في الشام انوار مضيه
**********
السلام على من حرموها
وبرأس بطشت فجعوها
وعلى الراس ماتت تركوها
طفلة اسقوها كأسا للمنيه
**********
السلام على باب الحوائج
أنتي اسستي للحزن مناهج
اسمك للداء قد صار يعالج
انتي اصبحتي نورا للبريه
**********
السلام على بنت الحسين
وعلى ذلك القلب الحزين
متنك دامي من سوط اللعين
اقرحت قلبنا تلك الرزيه
**********
السلام على جرح السماء
في الصباح وفي كل مساء
اسم ثان ارى لكربلاء
كربلاء نسميها رقيه
**********
السلام على انوار دربي
قد كتبت على احشاء قلبي
انتي ابكيتيتها املاك ربي
كي نوافيك نلعن ال اميه
**********
الشاعر محمد حسن ضيغم
اجت ليّه المنيه
واثر حبل اعله اديّه
بضمي شيّب الراس ... كوّه اسحب الانفاس
ــــــــــ
بفراش المنيه والفكر راح
للطف جنّي اسمع ذاك الانياح
كَالوا للي يكبر عمره يرتاح
وآنه العشت كل العمر بجراح
صور دوم اعله بالي
ومتفارك خيالي
لبوي وعمَي عباس ... كوّه اسحب الانفاس
ــــــــــ
جبت اسنين عمري بونّه وب آه
الفاكَدله محب ما يوم ينساه
وبعيني شفت كل منحر ادماه
بالطف ينزف وناديت ويلاه
بصباحي وكل مسيه
اعيش الغاضريه
واموت بذاك الاحساس ... كوّه اسحب الانفاس
ــــــــــ
جرح كمّل جرح ذيج المصايب
من طف كربله الشام النوايب
اهل بيت النبي ونسكن خرايب
الاراذل تأمر اعيال الاطايب
اويلاه والهظيمه
تموت اختي يتيمه
وتشمت بيه الارجاس ... كوّه اسحب الانفاس
ــــــــــ
كبرت وجرح بيّه بزغري لليوم
منو مثلي خلص كل عمره مظلوم
انه المارعتني بكربله الكَوم
وهذا اليوم اصبح جبدي مسموم
اليشب خيمه عليّه
يسمني بهل مسيّه
ناس اتوارثت ناس ... كوّه اسحب الانفاس
ــــــــــ
اخر لحضه عندي وشفت بالعين
اثر حبل السبايه الضعن الحسين
انه السجاد شفت ابعيني جرحين
جرح عمتي وجرح اهلي المطاعين
ابوي السحكَته الخيل
وعمتي احتارت بليل
ضيمي الصعب ينقاس ... كوّه اسحب الانفاس
ــــــــــ
الشاعر محمد حسن ضيغم
لوفاة العقيلة زينب سلام الله عليها ميمر
صواب المنيه صواب من راحوا الاحباب
مرت عليها شكد محن زينب
شتهاب من ياموت زينب تحذر
علموت تعتب ليش عنها اتأخر
من شمر كام براس اخوها يفتر
ويم النهر كافلها جسمه مطبر
ياعدل يمه تروح وتشكي عذاب الروح
ابسد الخيم متكدره وتنحب
مرت عليها شكد محن زينب
ليش المنيه تعطلت جيتها
وي حسين كون بكربله تمنتها
صارت بعيده ليش عن اخوتها
وارسوم علغبره وصل خلتها
امثلث بصدر حسين خله الكلب نصين
ومن كل كتر نار الخيم تلهب
مرت عليها شكد محن زينب
عافت اجساد بكربله متوذره
وبالكوفه حاقد يشتفي بالعتره
وذباح اخوها بهظم طبت قصره
جم مره ماتت زينب من الحسره
تحشمن بهلناس وين المثل عباس
من طبع حيدر سيف المجرب
مرت عليها شكد محن زينب
وين الحسين وين راعي النخوه
صارت الدنيا ابدونهم ماتسوه
ماي الدمع نيران بيه تتجوه
يكولون هاي المالها بعد اخوه
المن ضواها العين من بعد اخوها حسين
والحلف كبله الماي مايشرب
مرت عليها شكد محن زينب
هاي المنيه تقربت ساعتها
ولاولد عدها وماكو يمها اخوتها
بالدنيا شنهي من مشوا ظلتها
الجانوا سند ومن التعب راحتها
شيرجع الغياب شبول وكمر واطياب
نادت شسوي بدونهم يارب
مرت عليها شكد محن زينب
الشاعر حسن لعيبي الحريشاوي
لوفاة العقيلة زينب عليها السلام وزن الدارمي( ٣ دگات )
لودهر خان وياك وأيامه تصعب
أباب الكرم والجود بس نادي زينب
★★★★★
لوصخر حزنك صار روحك كسرها
تلگاه يصير ارماد لومر ذكرها
الشافت دواهي السود بأول عمرها
الينخاها بالشدات ماترد مطلب
★★★★★
أنخاها بالكلفات تلگه العقيله
اخت الكفيل تصير هيه الكفيله
لوحارباك البين دمعك تسيله
ومن كثرة الشمات گلبك تِعَذَّب
★★★★★
چان ابوهم من گال زينب سبيه
كَمْلَّت درب حسين بنت الزچيه
ثوره على اهل الجور حد المنيه
والطاغي ضل مرعوب من تدعي يارب
★★★★★
معروفه بالشدات ماترد زاير
عون وسلامه ام عون للگلبه حاير
دارت أعليه العين للوكته داير
وماتضل وسط إحشاه كل جمره تلهب
★★★★★
الخلت يزيد يصير من يومه حيران
ماعنده حجه وراي لافاده سلطان
سُؤْت الحكمه سيوف والچلمه ميدان
ضل بوَهَن محتار ماعنده مهرب
★★★★★
أخت البطل عباس هاي اخت الحسين
ماقصرت بالشام گلبت موازين
خلت يزيد بغيض ينطي الوجه وين
وگفت تطالب ثار راس المخضب
الشاعر حسن لعيبي الحريشاوي
لوفاة العقيلة زينب سلام الله عليها
تتعجب من الزمن. باچر تشوف اعجب
چم راس من القهر مثل الگلب شيب
من الحزن ماكو مفر. مامنه كل مهرب
صير ابجميل العزم. من الصبر أقرب
واذكر هظم كربله . والضعن التسَلَّب
مگطَّع كفيل الخدر. برمح الرده أمصَوَّب
وعلرمح راس المجد بسيل الدمه مخضب
ومذعور حال الحرم نار الْخِيَّم تلهب
وحمول ضعن الشرف بيها العده تنهب
وآه السبيه. وكت فوك الهزل تركب
بين الحزن والهظم. بين الضرب والسب
للشام بيها مشوا. بيها العدو غرب
بعد السنه بنص سنه عليها الرحيل اوجب
زينب لفاها الاجل. لأجل المشوا تنحب
واجبال ماشالته. آه ياصبر. زينب
الشاعر حسن لعيبي الحريشاوي
نعي
صح طبع الدهر خَوَّانٍ أبأيام العمر غَرِّب
وراواك شكثر لوعات تكتل والگلب شَيَّبَْ
خله شماخسر گلبك بميدان الدهر لو طَبْْ
هَيِّنَه اجروحك انساها وامشي ابدرب المْجَرِّبْ
تووصل لازم المسعه وتنال امرادك من الرب
بس اذكر امصاب أم عون ذيچ ام الحزن زينب
الشاعر حسن لعيبي الحريشاوي
عنكم يسئلني المنبر...والمدمـع ضل يتعذر
وبقت عيني بصوركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
عشت حيرة غريبه°°توزرهه المصيبه°°
وصور____صور !!! أخوتي!!!
ورجع بيه حنيني°°لبو الأكبر يجيني°°
وگمر____گمر !!!سلوتي!!!
ردت گبل المنيه أتلاگه وياكم
وشمنكم آبگد مابيه ملگاكم
تدرون أبموتي أتحضر...والمدمــع ضل يتعذر
الهوه جـاني أبخبركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
الهوه أيحاچي أبصفنتي°°وأحس نشغت دمعتي°°
أجو___أجو!!!أگلهه!!!
وتگلي الغالي غالي°° وذبل واهس سؤالي°°
درو___درو!!!بأجلهه!!!
روحي والمدامع ركضن أبهيمه
وأحس الطف رجع وأحترگة الخيمه
وشنسه أنه وحتى أتذكر...والمدمع ضل يتعذر
أحترگ حرگت خيمكم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
عرفت العازه عازه°°أذا تمشي الجنازه
بلا___بلا !!!چتفهه!!!
تحس هيه بثگلهه°°الما شايفهه ضلهه°°
فلا___فلا!!!عرفهه!!!
حتى لويجيني حسين?وضلوعه
متهشمه..وكفيلي أچفوفه مگطوعه
وشيلم أجروحي التكبر...والمدمع ضل يتعذر
وحچه دمعي وعذركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
وردت چفني أنه رايه°°الگبل چانت عبايه°°
أبزمن___زمن!!!كفيلي!!!
لأن عشت أبكفاله°°الگمر عشت أبدلاله°°
وطن _وطن!!!دليلي!!!
أأئمن بالگبر چيه ريحته أبكتري
لأن أدريه گمر حتى أبسمه گبري
وأترابه أبذكره أتعطر...والمدمع ضل يتعذر
وعشت أخر ذكركم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
أنختم عمريه بعزيه°°ونعتلي أمي الزچيه°°
ألولد_ألولد!!!ييمه!!!
ونعيت أعله الأخو°°وبچت صاحت كفو°°
بعد___بعد!!!شلمه!!!
توذر والنهر ضل حافظ أجروحه
أخوي الخدري يمه رخص بروحه
والموت الروحي أتحضر...والمدمع ضل يتعذر
ودعيت ألكل يحبكم•••وغريبه وأنه أختكم
عنكم يسئلني المنبر...والمدمع ضل يتعذر
------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️