7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
[[ شوط كربلائي__ للسيده زينب ع]]
________
اتنطر خبر ياريت__
............. بلگت لو يجي العباس
اخر نظره بعيوني __
...............يمي ايهدئ الأنفاس
******
يمي يگعد العباس
..............وانه احچيله بدموعي
يالعندك علم بالصار
..............تدري الغربه موضوعي
يالمشكر ينور العين
....... .......مثلك طفوا اشموعي
اناطر لوتجي الاحباب
اعاين بس تدك الباب
لاچن ايست غياب
عشت بالحسره والآهات
..................وني ابدمعة الاحساس
*******
اعتب والعتب مجروح
...............لطف ابدي مرسالي
لو بيدي اشوف احسين
.................يمي وگاعد اگبالي
راسه وي النحر موجود
................. ما ظن يشفه دلالي
يدري اشصاير ابحالي
غريبه ابحسرة الوالي
تعال واشاهد احوالي
زينب والهجر صحبان
.............غربه وشاهدتني الناس
*******
عشره وي الجرح والآه
............حيلي اتگوه واتهدم
من فزعت علينه الگوم
.............تدري ابحرك المخيم
وانه ناشدت عباس
..............اسرع جيب المطهم
الحك خويه لصيوان
شاهد حالة الرضعان
چنهه ارتفعت النيران
ركضت عالجمر اطفال
............حسره ابروحي ما تنقاس
*******
كلها ابالي ما تبره
..............اطفي الخيمه ابيديه
من هجمت اشوف الخيل
...............سحگت بينه علويه
لسه ابريتي الدخان
................اكتب عمري لطميه
حرت ياخويه بالأيتام
جرحي يشرح الأيام
انظر هجمة الظلام
مرعوبه بصهيل الخيل
.................ليلي الطم عله الراس
******
عشتهه ايامي بالغربه
..............وحشه ابلايه خواني
مثل امي حنيت اظلوع
............بنيت ابروحي احزاني
يموت الفاگد الأعزاز
.............گضوا عالغبره ولياني
مصايب شافت اعيوني
ردتهم بس يشوفوني
هضم والنايبه امتوني
اخر لحظه من عمري
............يجيني ابرايته النوماس
*******
آخر حسرتي بالشام
...............عذاب ومستمر نوحي
ردت منهم يجي جناز
..............يشيع وني واجروحي
غريبه انه واظل ياحيف
..............فگدهم ياكل ابروحي
عجيبه راحت الأعزاز
ولا منهم وصل جناز
ويلي ابدفنتي احتاز
ردتهم بس يشيعوني
.................انه ادري الگلب حساس
*******
تمت بعون الله تعالى الشاعر___يوسف_الفتلاوي
زهيري بحب امير المؤمنين عليه السلام
🌹
ياعاذلي استمع عندي الك شغله
لاتقفل اعله الخطأ عندك فكر شغله
صح غالي عدنه العمر بس اتعرف شغله ؟
فدوه يروح العمر مامن اعز مِن علي
لله حمد وشكر شيعي صرت مَن عَلَي
محسوب من شيعته وولايته منعه لي
يشفع ال ربعه علي يوم الحشر شِغله
❤️🌹❤️🌹
ام محمد الحجاج
زهيري بحق مولانا امير المؤمنين سلام الله عليه
🌹🌹
اخبار عن النبي . عن السمه جَنَّه
حب علي يوم الفزع من كل خطر جُنّه
يامن تود منزلك بالٓاخره جنّه
بآيٓاته رب العرش نصّبه والي علي
لو ردت دينك يتم .حِب علي . والِ علي
وتفوز بالآخره . والدنيه . والي علي
لو ربنه يوم البعث من الگبر رَدنه
بو حسين من كوثره كاسن عذب ردنه
ونندب يحامي الحمه ونچلّب ب ردنه
ياعلي المحشر يضج بكل ناسه وب جِنّه
ياعلي ياعلي ياعلي
ام محمد الحجاج
قصيده لمولاتي زينب عليها السلام
بحر الطويل *
يطارش كربله وياك... من توصل لخوي احسين
خبره زينب بحيره...لوحدها وتدير العين
❥━──➸➽❥❂❥━──➸➽
اوصل كبر اخوي حسين. كله بعجل يلفيني
وياه الكفل خدري. ويجي ابرايته ايغطيني
يحمل جوده بمتونه. ومنه الماي يرويني
وريد اجفوف ابو فاضل هنه يغمضن عيني
وبكبري ينزلوني النشامه إخوِتِي الطيبين
.✍🏻الشاعره ازهار جبار الجياشي
❥━──➸➽❥❂❥━──➸➽
وصيه احملها بالآلام يم حسين خليها
كله زينب بهاليوم الأجل هالطايف اعليها
من لوعة مصاب الطف ياحيل اليظل بيها
خرابه ومعوله الاحزان صدى الاهات ينعيها
الدمع ينزل مثل ناعور وبيه الجمره من صوبين
. ✍🏻الشاعره مريم العبوديه اسيرة الاحزان 💔
❥━──➸➽❥❂❥━──➸➽
گلهم زينب بهل يوم رادت وگفت الاخوان
عذبها الدهر يا حيف وتحالف مع العدوان
وهسه النعش بالغربه وبعازة گمر عدنان
يشيل جنازتي بيده راعي الخيل والجيمان
وينصب جادري ويقره عليه الفاتحه وياسين (يس)
.✍🏻الشاعره خادمة الزهراء ليلى زغيب
❥━──➸➽❥❂❥━──➸➽
بحزان والم هاليوم تجي اخوانها وتنعه
تحضرها النشامه بساع عالخد تجري الدمعه
هاي ام الحزن زينب امهه فاطمه البضعه
كضت كل عمرها اهات وذابت وبمثل شمعه
تموت بحسرت الدلال زينب دولباها البين
✍🏻الشاعره مريم الحجيمي
❥━──➸➽❥❂❥━──➸➽
دمعي ادموم يتجاره يطارش خبر الوليان
گلبي ماطفت ناره من كثر الهظم خلصان
بروحي مكسره العبره ونادي ولدمع نهران
ريت الساعه يلفوني حسيني ولكمر عدنان
يحفرون الحد هاليوم ويوسدوني بدمع وونين
.✍🏻 خادمة السيده رقيه ع الشاعره سهام المالكي
❥━──➸➽❥❂❥━──➸➽
حزينه وفاكدة اخواني يهل دمعي على خدي
اريدنهم يحظروني وبديهم ينحفر لحدي
مطروح النعش ظليت لاخواني لا ولدي
يطارش روح كللهم انازع منمرد جبدي
ردتهم لو لفاني لموت همه ايغمضون العين
. ✍🏻الشاعرة ام یحیی العبودية
❥━──➸➽❥❂❥━──➸➽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
┈•┈┈★•$ ✿ $••★┈┈•
ابگلب يلهب .. گظت زينب
يبوفاضل .. يبوفاضل
@@@
يعباس اختك الحوره .. كظت مقهوره بالغربه
تتاني تحضر التوديع .. ونعشها توگف ابگربه
د عوف الشاطي وي جرفه .. وعوف الرايه والگربه
اخيتك من بعد عينك .. مشت والفاجعه صعبه
…
لحد البين .. تون لحسين
ابدمع هامل .. يبوفاضل
@@@
بعد عاشور هالحره .. اسيرة دمعة المصرع
ترى كل ليل بس تحلم .. جسد عالغبره يتگطع
وعلى كل يوم بس تنصب .. عزاء لكل بني الانزع
وعلى مصابك يبوفاضل .. جزع مثله فلا تجزع
…
گظت بالشام .. تشوف احلام
عن الكافل .. يبوفاضل
@@@
يهاللي صابوا اعيونه .. وعلى الشاطي طرح لچفوف
اخيتك ماتت الليله .. يريتك للجنازه اتشوف
ولا تسألها عاللي صار .. بعد ماخلصت لطفوف
على الهزل وديعتكم .. اسيره والاعادي اطوف
…
انكشف ظلها .. يكافلها
بضعن مايل .. يبوفاضل
@@@
يهاللي عالنهر من طاح .. بعمد فضخوا الك هامك
جنازتها بعطب لخيام .. دليل لحركة اخيامك
وعبايتها عليها اچفوف .. لأن متعلگه ايتامك
وبعد تنظراثر للسوط .. اذا سجوها جدامك
…
عبايتها .. لمصيبتها
اثر شايل .. يبوفاضل
@@@
يفارس ممتلي غيره .. مثل نحرك دمع نزفت
شعجب اخت البطل عباس .. ابدواوين النذل وگفت
يسبوعها ويشتموها .. يهالبيك البشر حلفت
تنخي ولا اجيت الها .. ولا طبعك اذا نخّت
…
قهر للموت .. تنادي ابصوت
بگلب ذابل .. يبوفاضل
@@@
علي أحمد الحمود
٢٣-١-٢٠٢٤
وفاة العقيلة ع
قصيدة لشجاعة وقوة السيدة زينب ع 🔥
عندما انتهئ العاشر وساروا نحو الكوفه ثم الشام جعلوا يضربون الهاشميه في الطريق ولكن بقيت مرفوعه الرأس ولا همت لهؤلاء الاعداء كأني بواحد من ال اميه اعترض علئ ذالك
وقال تعبت يدي من ضرب السوط ولم تتعب هذهِ الامرأه من هيه كاني بشخص اخر اتئ بالجواب وقال ؟............👇🔥🔥🔥
هاي الهـــــــاشميه _تريد حيلين
زينب نسخه من عباس وحسين
❥❥❥❥ـــــــــــــ❁❁ـــــــــــــ❥❥❥
زينب مثل اخوها شامخه الراس
ماهمـها الضـــــرب گدام هالناس
خذت قوة ابــو النخوات عباس
{اشكد هيبه // اخت الكفال}
❥❥❥❥ـــــــــــــ❁❁ـــــــــــــ❥❥❥
اشكد هيبه وقويه عمة الساده
ضربها السوط بس كابرت بعناده
شحجي وهيه اذا ترباية احياده
{هالشيخه// ترباية حيدر }
❥❥❥❥ـــــــــــــ❁❁ـــــــــــــ❥❥❥
شيخه من صدگ زينب ومحشومه
تمشي ولينه ما بينت مهظومه
ولا ليها طلع اي صوت بالحومه
{تعبت حيلي// چي ماتتعب }
❥❥❥❥ـــــــــــــ❁❁ـــــــــــــ❥❥❥
تعبتني تراها شلون متحمله
ضربة سوطنه جتاله مو سهله
ردت كون بضربها گلبي يتسله
{تاليتي // ما اكدر ليها }
❥❥❥❥ـــــــــــــ❁❁ـــــــــــــ❥❥❥
ذكرتني بأخوها من انگطع زنده
ضل ايعارگ وجفين ماعنده
ولا عنده ضهر بالمعركه ايسنده
{وضل هيبة // ماطخ الراس}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
وفاة الغريبة زينب ع
دولبتها شگـد الايام .. وماتت بغربـتها بالشام
بالغربــه ماتـت من علـلـها ..
ومحـد حضر ليها من اهلها
وماتت بغربـتـها بالشام
…………………………....
ماتـت اللـيله الغريـبه زينب ومـحـد حضرها
لا اخوها حسين اجاها ولا حضر يمها گمرها
بالمرض والـون تنـاطر عالدرب شابـح نظرها
لحد ما ضعـف منها النظر
من اخوتها ما واحد حضر
ايـســت والگــلب انـكـسر .. ونگضه بلوعه عمرها
وماحضرها بلحظة الموت .. متن يحملها عله تابوت
ماتت وحيدة وخاب املها ..
ومحد حضر ليها من اهلها
وماتت بغربـتها بالشام
…………………………....
سلت من افراگ اخوها من وداع الغاظريه
مـن وداع حسين الـها چـانت هناك المنـيه
بلـيلة العاشر الحــرة ماتـت بذيـچ المسيه
الروح من عدها اطلعت
ويحسين مـن اتوادعت
وبظـهر عاشـرها انتـهت .. منذبح روح الزچيه
هناك طلعت اول الروح .. من لگـته حسين مذبوح
الشـمــر اول مــن كـتـلــها ..
ومحد حضر ليها من اهلها
وماتت بغربتها بالشام
…………………………....
وهـاي مو مـوتـتـها هـسه من زمـان هـنـاك ماتـت
ماتــت بـيـوم علـه تـلـها صعدت وچم مره طاحت
ماتت بيوم عله صدره حسين تسحگ خيل شافت
شافت اخوها عله الثره
مذبـوح جـثـتـه مطبره
وشبـيـدها وهــي مـــره .. والعساكر بيها حاطت
حيره زينب المن اتروح .. وعالنهر كافلها مطروح
مذبــوح عالشاطي الكفـلها ..
ومحد حضر ليها من اهلها
وماتت بغربتها بالشام
…………………………....
ماتت بيوم السبوها وعالهزل گـوه خذوها
وي حرمـها واليتامه بحبل واحـد چـتفـوها
وبالدروب الوعره ذيچه بت محمد دولبوها
من بـلـد يسبـوها لبلد
وذاك الخدر منها نفگد
والتهـظم وتجرح اشد .. بالسواگـه ايدخلوها
والگلب من هاي محروگ .. طبت العلويه للسوگ
الماچـان واحد شاف ظلها ..
ومحد حضر ليها من اهلها
وماتت بغربتها بالشام
…………………………....
ومن بعد ذيچ المصايب والرزايه الي لفتها
تمـنت بساعـة اجلـها تحضر الاخوه لخـتها
ورادت الاولاد ذيـچــه بالمـنيـه حـاضـرتـها
وتاليـها سـواها الدهـر
وماتت وحيده بهالقدر
ولا اخـو لا ابن الحضر .. بدمع عين الغمضتها
والله ياوادم مصيبه .. بت علي ماتت غريبه
ماتـت غريـبه ومحــد الها ..
ومحد حضر ليها من اهلها
وماتت بغربتها بالشام
…………………………....
بغـربـة الشـام وهـظمـها اندفـنت هنـاك وحـيده
لا حضرها حسين اخوها ولا حضر ليها الصميده
ولا حضر عباس اخوهـا وشال الجنازه عله ايـده
حيدر علي براسه انطبر
وحسين محـزوز النحـر
وچفـه ابو الغـيره انبتـر .. و گطعو الكافل وريده
يحضرون اشلون يمها .. مذبحه زينب زلمها
ذيـچ الزلـم مذبـوحه كـلها ..
ومحد حضر ليها من اهلها
وماتت بغربتها بالشام
الشاعر عقيل الحسناوي..
ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر
أبـــلايا چفين الگمـــر
**
يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ
يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر
أبـــلايا چفين الگمـر
*
چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ
يــــا منيــه المـــرتــچ گـبــل الممــات
مــن نظرتي الحــرم وسفـه امسلبات
أندار شوفـــچ للنهــر
أبـــلايا چفين الگمـر
*
آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه
چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر
أبـــلايا چفين الگمر
*
دمعه تجري ادري عمرچ صار من اجل الحبايب
دمعه تجري وأنتي تدرين الدمع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر
چانــت امنيتــچ لــوّن كلهــم يجــون
وبــالمدامــع والنحيــب ايشيعـــون
لكن اشسوه القدر
أبلايا چفين الگمر
*
امنياتچ چانت ابطف كربلـه أتصير النهايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره
تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر
أبـــلايا چفين الگمر
*
الشاعر
موسى البديري
السيده الزهراء تخاطب السيده زينب
……………………………………………………………
انا ابليل وانتي ابغربه
دفنتنه شكد مره وصعبه
يل زدتي اعل امج يازينب
اسمج للضيم اصبح كعبه
……………………………………………………………
يا يمه ورثيتي الحزن . من امج المظلومه
ما عدنه گيظ و بس شته . تمطر علينه اغيومه
جي گصر عمري و خلّصن ايامي
يايمه ليج الحزن دار آلامي
ام واخت صرتي الاخوج الضامي
اقرب من الرمش العينج
ما فاركتي بلحظه احسينج
و هو يشوفج گمرة ليله
اسمج محفور ابنص گلبه
……………………………………………………………
بالليل امج تندفن . محد ينوح اعليها
واجنازة انتي وعد غرب . موش الاهل تحديها
انا اهون وحيدر يجي كل ليله
بس انتي وحدج لا اهل لا عيله
مو جف اخو اترابج شماته اتهيله
انتي العل ناكه وفروها
واليوم اجنازه ايشعوها
ذوله اهل الشام الفرحانه
بذاك الراس وذيج الطبه
……………………………………………………………
حتى ابمراسيم الدفن . ليش الزمن ظالمنه
من دون كل هاي البشر . دفنته تصبح محنه
يم الخدر يمدلله من اخوتها
وبجالهم كل عين ما شافتها
تكسر الخاطر شوفة جنازتها
تابوت ومجروح احساسه
يريد حسين وجف عباسه
موش اعله الجبله اموجهينه
عينه وللطف ظلت تربه
……………………………………………………………
معروف للناس المثل . كل بنت تشبه امها
بس انت يا زينب تره . زدتي اعله ونها وهمها
بسماري وي عيني وهذيج السطره
اهون ولا خيل التدوس ابصدره
وشفتي الشمر لمن يحز ابنحره
عينج شافت جسمه الطاهر
ينثر بيه عل گاع الحافر
وعيونج شافت عبدالله
مات وما رووه ابشربه
……………………………………………………………
صح شفت بابي المحترگ.بس انتي الج جم خيمه
حرگوها وانتي ابلا ستر . ليل وسكنتي ابهيمه
ما نمتي ليلج عل حرم سهرانه
ظليت بأيتام اخوتج حيرانه
واجدام من كثر الركض تعبانه
يا سوط و ضرباتك بيه
موش ابسكنه ولا برقيه
هل طفله حسين مدللها
ما تحمل من عندك ضربه
……………………………………………………………
حروف اسمج التمطر الحزن . يا جرح انت ودمعه
من عمر خمسه و للگبر . متألمه ومنفجعه
ما صارت ابهذا الزمن قصتها
راح الخدر كل البشر شافتها
وي الكطع راس الاخو مشيتها
عكب البهودج جاباها
تمشي وي الشمر الشتماها
حيل مأثر بيها المنظر
اتحشم بالكافل و تندبه
……………………………………………………………
✍️ ( سيد خضر الزاملي )
عَودت روحي عليك…. لــو تجينــــي لو أجــــــيك
أرد اموت ابين اديك….. يابو فاضل
★★★★★★★★★★
يالخذت للطف شبابي…كاتبه اسمك فوگ بابي
ماتجيني
انـــه زينب يابو فاضل….. كل خضار البيه ذابل
حته عيني
ياعشگ روحي وسماري..دون وجهك وحشه داري
امضيعني
كل هلي ويـــاك راحت…وتدري زينب مَستراحت
ياحنيني
ابغربه وشلون اعتنيك…. . لو تجيني لو أجيك
أرد اموت ابين اديك….. يابو فاضل
★★★★★★★★★★
علمت روحي اعله روحك…عالي راسك بيش الوحك
يا حبيبي
رافگيتك خطوه خطوه..الدنيا بس وياك حلوه
يانصيبي
ازغيرة بس افراگ ناسي… كبراني وصبغ راسي
هذا شيبي
اجروحي تاذيني وغلاتك..شدهن ابطارف عباتك
ياطبيبي
خويه سَمعني بَچيك …. لو تجيني لو أجيك
أرد اموت ابين اديك….. يابو فاضل
★★★★★★★★★★
گلبي ذابحني بغرامك….عاد وديلي سلامك
ياكفيلي
بعيني حته الجنه صَحرة…عشنه انــه اوياك فقرة
ياخليلي
چنه من نطلع سويه…نمشي وسط الغاضريه
يادليلي
ياگمر وانته اشحلاتك…اتحبني اكثر من بناتك
وتضوي ليلي
ابروحي يالغالي افتديك… لو تجيني لو أجيك
أرد اموت ابين اديك….. يابو فاضل
★★★★★★★★★★
صعبه كلمن عاف گلــبه… بين وادم كلها غربـــــه
بس شماته
الوادم اتگلي كفيلچ…. زينب امشگگ دليلچ
مو عباته
عافچ الوحدچ غريبه…انتي مو اخته الحبيبه
وكل صلاته
وانـــه اگلهم ماتركني…هذا ابو فاضل يحبني
وشحلاته
روحي مشتاگه الحَچيك… لو تجيني لو أجيك
أرد اموت ابين اديك….. يابو فاضل
★★★★★★★★★★
راح اموت ويبقه وني… جيب ثوب حسين چفني
حته اشمه
وياي من يدخل حفرتي…حته مااحس ابغربتي
انــه يمه
دمعي طشرته اعله موده…وعفت بوساتي ابخدوده
ويجري دمه
گلبي محروگ اويبيته…وراسي شيب وي لحيته
وهمي هَمه
افراگي چا شمسوي بيك….لو تجيني لو أجيك
أرد اموت ابين اديك….. يابو فاضل
★★★★★★★★★★
يابو فاضل يبو الغيرة..هايه انفاسي الأخيرة
يالشفيه
خويه غسلني ابچفوفك…حيل مشتاگه ارد اشوفك
هاالمسيه
الناس گالولي اخوتچ… ليش ماجوا گرب موتچ
يعلويه
وانـــي گتلهم تراهـــم…اخواني موت العَطلاهــم
والمنيه
روح گل لحسين اخيك…لو تجيني لو أجـــــيك
أرد اموت ابين اديك….. يابو فاضل
★★★★★★★★★★
ـــــــــــــــــــــــــــــــــــــــــــــــــــ
ماجد حبيب الخيگاني
ونسألكـم الدعاء
مر ياهــــــظم بيـــنه
والزيـنب احــــــدينه
حدي الحياره
نتـــــغرب اويـــــاها
وحـــدهه نلگــــــاها
يوم الزيـــاره
اخــذنه واحـنه مهظــومين
كلمــــن لچمـــــــته ابگــلبه
يادنيـــــا البـــعد تنـــــعاش
وزيــنب بيـــــهـه متـــغربه
على بــاب الدمــوع انطيح
وانســــوي البچـــي قـــربه
الى زيــنب لخــذهه الـشام
مــــــن عبــــاس للغـــــربه
زينــب مــو بعــيده اجـروحي ابعاد
ماتبــعد مســــافه الشـــوگــه ازداد
كــون اليمـشي نيـته ايعيش الشام
ومــن جــرح الخــيم دمـعاته ارماد
هم گلبــــــك وروحك
واسبـيهن اجروحـــك
يم الغريـــــبه
من تجبـل اعلــــــيهه
عينـك يبچــــــــــيهه
شام المصيبه
ثگـيله الزينــــب العــــبرات
مجــــرد ماتطــــب ليـــــهه
فـــرق بيــــن اليزور الشام
وفـــرق بالــــيندفن بـــيهه
اذا عـــالدمـــعه مـــاوازوك
زينـــب ســــكته تجـــريهه
اهنـــا طبـــت اخت عباس
وحـــبال امشـــدده ايديهه
ابچــي ابراحـــه دمــعك مــو ممنوع
زينــب تبچـي اهلـــهه ابـلايه ادموع
صعــبه اعلــه المــره تنــــشاف اتنود
وزينـــب عالهـــزيله ابســكته اتـلوع
شــوغ السبي وضـيمه
طلعـــــــــهه من خيمه
للشـــام اسيره
طلـعت مــثل جـــمره
والهه الهــظم يـــــبره
فگدت عشيرة
علـى درب المـشته ام عــون
يكــون انســـوي ممــــــشانه
ونتبــعهه بگلـــوب مكـــسور
للماتبــــعتهه عـــــــــــــــوانه
مشت مشي الچـبير اخــوان
وامســـلبينه خــــــــــــــوانه
المامــشيوفه مـــن نســـوان
شمطـــــــببهه ديـــــــــــوانه
الشــام البچـــه زينب رايــــد حــــيل
والعـــايش عــــذابه اينـــــوح اللــيل
علّه وماتطــــيب ابگـــلب حســـــين
جـــرح الشـــام اشد من دوس الخيل
جزعـــان اجـــي رايد
وي جــرحي مـتواعد
يم الخرابا
البــيهه رقـــــية اتون
ميته وبعـــدهه اتحن
شيرده بابا
علــى حســين الجــزع مريود
لگــينه ابكــــربله شـــــــــرعه
نبچي اعـــله الاصــل كل يوم
ويريت انمــــوت يـــــم فرعه
غصن يحســين الك مــدفون
اليطـــــب للشــام شيـــطلعه
على الصــار ابرقيه انطـــيح
كــــــون عيـــون مــــو دمعه
ياعيـــن التجـــف لو يــمهه اتبــــــات
تشـــعر مـــو رقــــيه حســــين المات
عيـــش الغربه عالما غمـــضن عيــــن
ليـــــــل وبالخــــــرابه العلــــــــويات
خادم القصيدة
شاكر الصيمري
على لحن ملا باسم الكربلائي
يمسافرين وياكم خذوني...
من البجـــي دم يجرن عيونـي عيونـي
من السوط طاحن بالسبي متوني متوني
**
عبــــــــاس راحـــت لليســــر زينب
مو راسي شوف عيوني هــــم شيب
مدري ألطم على مصابي مدري انحب
مو روحـــي عدكم ليـــــش عفتونــي
**
زينب يخويـــــة الضيـــــم باليــــها
هالدنيــــا مــــا شــــافت فرح بيها
كـــــل المصــــايب دارت عليــــها
محــــد يردهــــم من يضربونــــي
**
ألمــــن أسولف همــــي واحزانــي
ويــــــاي راحـــت روس خوانــــي
يا موتــــي وينــك كَلــــي شمتــاني
يوميــــة أمــــوتن من تضيعونـــي
**
ألــف تسعميــــة قهـــــــــــر بيــة
عبـــــاس ميشيلنــــي رجليــــــــة
ألمـــــا ترضـــه چنت عليها؟ مسبية
معقولــــه يا عبــــاس تنسونــــي
**
مختنكَه مــدري بروحـــي چم حسرة
كَلبـــي وكَـــف عبـــــاس چــم مــرة
بين الزلـــم بت فاطمــــة الزهــــرة
وكَبــــــال كل النـــــاس شتمونــــي
**
حيلــــي المصــــايب راحت تشيبـه
تدري يخويـــة تمَـــــوت الغـــــربه
حكَـــه اليفــــــاركَ لـو يطَكَ كَلبـــه
عدمن يبــــو فاضـــــل تخلونــــي
**
فراكَ الحبــــايب يطحن اعظــــامي
لو ميتــــه وأدفن يمـــكم أيامـــــي
كل ســــاعة أشوفن حركَـة اخيامي
والنــــاس مچتوفـــه يشوفونـــي
**
عبـــــاس مــــا ادري شنسينـــــي
كل المـــــواقف ظلــــت بعينــــي
يا خويـــــة والأكثـــــر يأذينــــي
كلمــــــــا اصيحـــلك يشتمونــي
**
چم مــــرة من الطف هدم حيلــــي
أبچي ودمــــوع عيونــــي تبجيلي
عبــــاس اموتن بالسبــــي أدعيلي
ارتــــاح بلكــــــن من يدفنونـــــي
**
حيدر حسين الكَرعاوي
على لحن ملا باسم الكربلائي
بعينك لون ضاك الفضه..
بالدنيا ماكو بمحنتي عافوني بالطف اخوتي
ما أكَدر انساك لو ميتـــــه وياك
**
يوم الطحت يا بالفضل بالغاضرية
كل المصايب والحزن دارن علية
الچانت حياتك يا كَمر راحت سبية
يا خوية وأحبــال اليسر كَصت أدية
الچانت وياك مدلله كلسا يسبها حرملة
كل عمري بحماك لو ميتـــــه وياك
**
كَمت أمشي محنية ظهر چن وحده ميته
ليش اليحبـــك للقهر عبـــــــاس عفتــه
وياك عمري من رحت چـــاما أخذتـــه
راسك يشيب بالكَبــر لو حالي شفتـــه
أنفاسي تطلع ما ترد يكتل يعبـــاس البُعد
ما بيـه فركَــــاك لو ميتـــــه وياك
**
فـــوكَ النهر يم العلم عفت الكرامـــة
ما مرت بطـول العمر بيه أبتســــامة
يبَچي الصخر يا بالفضل حال اليتامة
الليــــل عدمن ما كَلت زينب تنــــامة
مهظومة من يوم الصرت بالطف عجيبة ما متت
چا ونَـــي ما جـــــاك لو ميتـــــه وياك
**
سامع نبي لو أي بشر يحمل مصابي
يوَكَع جبل يا بالفضل همــي وعذابي
لا زغري لا من شيبت لانــي بشبابي
ما شفت عبــــاس الفرح حكَي بعتابي
مجبورة أعاتب كافلي شمسويه عباس أبتلي
تنســـاني حاشــــــاك لو ميتـــــه وياك
**
چانت وجودك هيبتي والراية صبري
خلصته بس نوح وحزن عباس عمري
بحجم أنكساري والهظم بس الله يدري
بس آني كَلبـــي يختلف شيب بزغري
ما اعرف شعنده الزمن لا خيمة لا هل لا وطن
عمـــري بقـــه هنـــاك لو ميتـــــه وياك
**
مو كَتلي ما اعوف الخدريا زينب أمني
مــا زال عباســـچ عدل خويــة أطمئني
الهـــوى ما يوصـــل ألچ ألــــه بأذنــي
كَوم أنشد اسيــاط اليسر عبـاس عني
عدله آني بس چني بكَبر ماتت رقيــــة باليسر
چــي ما أجــه لواك لو ميتـــــه ويـاك
**
حيدر حسين الكَرعاوي
حاله وحده • اشما افكر بيها تجرح بالي
حاله وحده • يمها يتسارع نبض دلالي
زينب وهيمه الارض •• وينها اوين الركض
آ يزيب . آ يزينب
……………………………………………………………
احنا في حضرة مره
من مهدها امخدّره
ورث هذا الخدر من امها الزجيه
حيدر الأسس إله
وابو فاضل كافله
الگمر لو صد ابمسه ايذبحون ضيّه
مره ابهيج اوصاف تركض . هاي والله اكبر عجيبه
منظر ويعتبر مقتل . وحده هو اكبر مصيبه
حسين عنده الذبح اهون . ولا يصد حال الحبيبه
فكري حاير • والهواجس تشهگ ومخنوگه
فكري حاير • ابمره تركض والخيم محروگه
نارها طول ابعرض •• وينها اوين الركض
آيزينب . آيزينب
……………………………………………………………
ابالي اذكر وانعصر
شلون خمسين العمر
ركضت وادري الركض يراد همه
وهي تعّبّها العطش
وسوط بمتون انقش
و موّتت رجليها جلمة عمه عمه
حيل زينب ماي چنه . و غاد عالتله و تبده
نحر اخوها وسيف فوكه . وغاط وسط الرمل خده
هظمه جتّاله اعل كيفه . يذبح ومحد يردّه
امنين إلج حيل • وراس اخوج اعله الرمح صديتي
امنين إلج حيل • يعني من لا چاره من ركضيتي
اعليج محكوم وفرض ••وينها اوين الركض
آ يزينب . آ يزينب
……………………………………………………………
مو على الورد الركض
ولا حرير اعله الارض
شوج متروسه الطفوف وجِدم حافي
طبگن الشوج و جمر
وجدم بي حفرن حفر
جِدم كل جمر المخيم بيه طافي
والرمل وكت الظهيره . يصير چن چانون بدوي
يعني وي كل خطوه لسعه . هم ركض هم نار تجوي
ركض حيره ابلايه مگصد . مدري وين ام عون تنوي
كاع عثره • رمل ويغطي الجِدم تربانه
كاع عثره • اشكثر بيها ام الخدر عثرانه
تلزم اصفاح و تكظ •• وينها اوين الركض
آ يزينب . آ يزينب
……………………………………………………………
وبگفاها ام الحزن
سوط يبحث عن متن
خطوه خطوه اوياها ابد ما تيّهاها
منظر و كلش صعب
الطيحه معناها الضرب
يعني هم امتون زينب موّتاها
جدم مچوي ومتن مايل . يعني مدري شلون ركضت
ومدّوا احبال ابدربها . مدري عثرت مدري عبرت
والشتم بالزهره يوجع . زينب اشچم شتمه سمعت
اشكثر صعبه • منظر ايشيّب رموش الناظر
اشكثر صعبه • تشرد امن السوط تلكه الحافر
وخاف تسحگها وترض •• وينها اوين الركض
آ يزينب . آ يزينب
……………………………………………………………
تركض ودمع إيهدر
ابهظم وتحاچي الخدر
اتگله خدري اليوم انا وياك ضعنه
متنه غاد اعله النهر
طحنه وي چف الگمر
انموت احسن يا خدر عگب الكفلنه
يا خدر لو شافني اركض . يهتز العلكمي ومايه
من يشوف امترّبه اخته . وسوط طابع عالعبايه
حتى لو ميت يجيني . جسد يتوچّه اعل رايه
لا تخبره • كافي جفّينه وعمد نص راسه
لا تخبره • كافي جوده العذباله احساسه
تره ايكوم او ينتفض •• وينها اوين الركض
آ يزينب . آ يزينب
……………………………………………………………
✍️ ( سيد خضر الزاملي )
نعي للسيدة خديجة ع {ابدون امي}
اسمي اليتيمه ابدون امي
المن بعد اشتكي همي
بس الحزن والنوح سهمي
❥❥❥❥ـــــــــــــ❁❁ـــــــــــــ❥❥❥
مشتاگ گلبي اليوم ليها
ينشدني كل لحضه عليها
وعيني ولا بطلت بجيها
❥❥❥❥ـــــــــــــ❁❁ـــــــــــــ❥❥❥
البنيه لو عافتها امها
يطر الگلب يوجع هظمها
وماتشتكي لواحد المها
❥❥❥❥ـــــــــــــ❁❁ـــــــــــــ❥❥❥
بس الها اشگي اهموم گلبي
المن اسولف بعد تعبي
عافتني اون جا شنهو ذنبي
❥❥❥❥ـــــــــــــ❁❁ـــــــــــــ❥❥❥
متعود اعليها دليلي
بجفاها والله خذت حيلي
يأذي الگلب لو جاني ليلي
❥❥❥❥ـــــــــــــ❁❁ـــــــــــــ❥❥❥
الليل جتالي بعدها
نامت بعد امي بالحدها
ومادرت بتها الوكت ضدها
❥❥❥❥ـــــــــــــ❁❁ـــــــــــــ❥❥❥
كون الدموع تردها ليه
وتكلي يمه الي جيه
جا دمعتي لموتي جريه
❥❥❥❥ـــــــــــــ❁❁ـــــــــــــ❥❥❥
كاني بمحمد ص يصبر علئ قلب الزهراء عندما سمع انينها
يابويه بعد الله اليصبرچ
مكتوب ويلي اعليچ قدرچ
تتيتمين ازغير عمرچ
❥❥❥❥ـــــــــــــ❁❁ـــــــــــــ❥❥❥
امر الله هذا وشبدينه
الراحت ولا ترجع علينه
وياها نمشي لو بدينه
❥❥❥❥ـــــــــــــ❁❁ـــــــــــــ❥❥❥
راحت بعد للموت منه
وشالت اوياها يالمحنه
ماتدري امج زهره عنه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة خديجة ع {يبو ابراهيم}
وين امي يبو ابراهيم
ارد اتسامر اوياها
❥❥❥❥ـــــــــــــ❁❁ـــــــــــــ❥❥❥
يبو ابراهيم جاوبني
سكوتك احس صوبني
الوكت يابويه تعبني
من بتراب غطاها
❥❥❥❥ـــــــــــــ❁❁ـــــــــــــ❥❥❥
خل ترجع عليه اردود
صوت الغاليه مفگود
مو مالت رمل ولحود
يخرب الرمل عيناها
❥❥❥❥ـــــــــــــ❁❁ـــــــــــــ❥❥❥
تخرب كل معانيها
وانه اشتاگ لمحاجيها
طگ دلالي اعليها
واه بعيوني بجاها
❥❥❥❥ـــــــــــــ❁❁ـــــــــــــ❥❥❥
الشوگ اعليها بچاني
اون لوحدي خلاني
الحزن يابويه سلاني
قبل بحذاي محلاها
❥❥❥❥ـــــــــــــ❁❁ـــــــــــــ❥❥❥
اريدنها ترد ليه
وتنشد امي اعليه
لفركتها ولا بيه
يذبح بيه فرگاها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
مولد الامام علي عليه السلام
الله رافع شانه
ومنوصف قرآنه
حيدر ... ساكن ابوجداني
حيدر ... مولده ايماني
...
علي الاول بيهه .. من امر باريهه..
نشق جدار الكعبه هاي اسراره
بكل صفاته ونوره ... وكل معالم سوره .
الله منقذ للبريه اختاره
حبه برزخ بين هذا وذاكه
اليحب حيدر تنور افلاكه
والي يبغض علي متوصف اكيد
بنص جهنم لان بان اشراكه
علي سور الشيعه
ومنهجه وتشريعه
حيدر ... بالعشگ غذاني
حيدر ... مولده ايماني
......
نوره من الهادي ..الوحي بسمه ينادي
تسجد املاك السمه يم بابه
كهف بي نتواجد ... بمرقده نتعاهد
جنه اصبح مرقده لحبابه
فاطمه بت اسد بيه احتارت
امنّه بس اسرار تنظر صارت
الله هو اختار بالكعبه يصير
ابد مو بت اسد هيّه اختارت
انشق جدار الكعبه
هل امر من ربّه
حيدر ... جن ندب هذا آني
حيدر ... مولده ايماني
ــــــــــــــــــــــ
شكَد فرق نادينه ... بين عيسى وبينه
امه من جاهه المخاض ابدارهه
اوحى الله المريم ... يزول منج هل هم
هزّي جذع النخله وأكلي اثمارهه
وفاطمه ابحين الوالده الباري
كَله ابنج سر جميع اسراري
روحي للكعبه وعلي هناك يصير
علي آثاره امتداد آثاري
الحوره حضرت يمهه
وبعلي اتكلّمهه
حيدر ...حلو بيه الساني
حيدر ... مولده ايماني
ــــــــــــــــــ
السمه حطّت زينه ... أمن انولد والينه
والنجوم اتنوّرت من نوره
الجنان اجبيره ... واصبحت كل ديره
وفاحت بكل الوجود اعطوره
وأحنه هسه اتجمّعينه اهنانه
الشيعي بس المرتضى عنوانه
الما لهج بأسم الولي لاوالله لا
شما قره ما ينختم قرآنه
كل شي اله مخلوقه
الناس بي مرزوقه
حيدر .... للحشر عنواني
حيدر ... مولده ايماني
ــــــــــــــــ
اخره ودنيانه ... علي نشوفه ويانه
حبّه دم ويجري بين اعروكَنه
حتى يم الحضره ... وبالبصيره انّظره
رغم هذا ودوم زايد شوكَنه
هوّه اغى امن النفس للريّه
الدنيه لوما نوره ما مضويّه
ولهذا الناس التواليهم
صار اسم هاي الخلكَ شيعيه
والله نفخر شيعه
وحبّه لا منبيعه
حيدر ... خادمه خلاني
حيدر ... مولده ايماني
ــــــــــــ
الشاعر محمد حسن ضيغم
/channel/kasaedalatharDaygham
مقدمة عزاء
شهادة السيده زينب ع
.
.
.
زيـنـب ابـگــد مابـچـت لـخـوانـها
شيبت حتى السمه امـن احزانـها
يازينب .. يازينب .. يازينب
___
مـن كـثـر دمـعـات زينـب عالــوجن
شـيدت بـخـدودهــا بـيـت الــحـزن
مـثـل زيـنــب مانـظــن احــد يــون
كربــلـه مــاطـاحـت امــن الـسـانـها
يازينب .. يازينب .. يازينب
___
الدنـيه تـصفن لـو عـلـى زينـب تـمر
وكـل حـزنهـا ماوصـل عـشـر الـعشر
الدمـعه من دمعـات عـيـن ام الخدر
اتـظـعـظع الدنـيه وتـــهـز اركــانــها
يازينب .. يازينب .. يازينب
___
اعيون زيـنب چـانت ابگـد ماتسيل
چــوت ابدمعــاتـها ظــهــر الـهــزيل
وبالاخص من يـنذكر طاري الكفـيل
يـنـفــجر مــن عــينــهــا بــركــانــها
يازينب .. يازينب .. يازينب
___
الشمر چان ابسوطه يظربها اشكثر
وسود خلـه امتـونـها سـوط الشـمر
اتمـنت العـباس ابـو زنــود الـســمر
حـاظـر ويـنـظــر فــعـل عــدوانــها
يازينب .. يازينب .. يازينب
___
سولفــت فــوگ الـهــزل ســالـوفه
انـدار راس حســين چـان اتشوفه
اتــگلـه تقــبل بالحــبـل مچـتــوفه
زينـــب الــچــان الخــدر عنــوانـها
يازينب .. يازينب .. يازينب
___
طالــعه انه اويــاك مـن نـفـس الـعـرگ
واعـدتــنـي وگــتــلــي لا مـانـفــتــرگ
مـن صـحــت ويـنك خيمــنه تحــترگ
مــاشــفـت غــيــر الـــخـيـم دخــانــها
يازينب .. يازينب .. يازينب
___
الفاگده اخوتها عجيبه اتـشـم هوه
هيـه والمــيـت يحـسبــوهــا ســوه
الـزينـب ابـهـا الـحاله يـنـفع يـادوه
اشـيــنــف وذَبــحـو كــل ولـيــانـها
يازينب .. يازينب .. يازينب
___
جــرح عـيــنـي اشــما اســده يـنــفتح
خـويـه كـل مـاشــوف راسـك عالرمح
اسـئل الليـل اعــله زيـنــب والصــبـح
واسـئــل ابــدربـك حــبـــل ذرعــانــها
يازينب .. يازينب .. يازينب
___
الحالي شــفت العدو يبــچي والصديق
اخــتــك الــبــس الــدلال الـهـا يــلـــيق
شـلــون وي ذبـاحك اتخـلص الطــريق
ونـاگـــتي يــاخـويـه بـيــده اعــنـــانها
يازينب .. يازينب .. يازينب
___
حقـها زينـب تبـقــه تـنـعــه ومـاهــدت
اخيول عشره اتـدوس اخـوها شاهدت
الشمـر مــن شــافـتــه هـيــه اتــأكــدت
حــسيــن مـيــرد وزمـــنـــهـا خــانــهـــا
يازينب .. يازينب .. يازينب
___
حيدر تركي الكربلائي
يهدا ثواب هذه القصيده الى روح الشهيد خادم الحسين ع
سيدكريم الموسوي
#قصيده حسب طلب المتابعين للسيده زينب ع ((جلجل الليل ))
جلجل الليل بونينه ... وين اخوي الذابحينه
امشي واعثر بلعبايه***خاف سوط الكه وروايه
وانضرب يم ابوسكينه***وين اخوي الذابحينه
...........
جلجل الليل بونينه وجيت لحسين الولي
صحت خويه بداعت امي انجان تسمع فز الي
انه زينب ياخو زينب فدوة كلي ادللي
كلي عد عيناج اجيتج ***ردي وانه ابني ثنيتج
بعد ماطاحت علينه***وين اخوي الذابحينه
............
ابد ماحركلي راسه لان راسه منكطع
يمه بس دموم اشوف وظلع طابك علظلع
خنصره اعله الكاع شفته ومحبسه امخلي طبع
انكصت ايده الكص اصبعه ***هوه محبس هيج طلعه
ليش كص اصبع ولينه ***وين اخوي الذابحينه
...........
نحرك اتمنه احطه بحضني من فوك الرمح
خاطر انعه شويه خويه ويهده كلبي المنجرح
غافلت خصمك واجيتك ارد اظلن للصبح
بس اخاف يحس عليه***يجيب سوطه ويطك بيه
لونشد وين الحزينه ***وين اخوي الذابحينه
.. .......
ردت اشيل سهام صدرك بس اخاف من الالم
خويه والحيره الجبيره كلي اطلع ياسهم
بيدي اخافن لوسحبته ينسحب جبدك اهم
حرمله اموسط النبله***بجبد اخوي وماهي سهله
والله مدري شطالبينه***وين اخوي الذابحينه
.............
حالته شسوت بحالي لمن شفته اتمرمرت
من ندبته ومانهظلي كتله ليش تغيرت
ولو حكك ياحبيبي هواي ضيم اتحملت
بدمك الطف غركيته****جرح ساكت مالكيته
وانوجع كلب الحنينه***وين اخوي الذابحينه
للشاعره رسل الابراهيمي✍
مجلس وفاة السيدة زينب ع
💧💧💧💧💧💧💧
عزريلُ عَجِّلْ لا تقِف ْ بالبابِ
الموتُ أرحَمُ من حياةِ عذابي
أعلِنْ بقبضِ الروحِ موتي إنني
بالأمسِ متُّ بلوعتي ومصابي
أنا مُتّ ُ حين صرختُ وحدي في الفلا
وأخي حسينٌ لا يردُّ جوابي
أنا مُتُّ حين رأيتُ نهرَ جراحِهِ
وتلطخت بدمِ الغريبِ ثيابي !
النزفُ فَوّارٌ بفُتحةِ نحرهِ
والجسمُ بات مُعَفّراً بترابِ
والصدرُ منتَهَشٌ بأنيابِ القنا
والصمتُ يخرقُهُ عواءُ ذئابِ
ودفنتُ نفسي عند شطِّ العلقمي
والبدرُ أعلنَ في الأفولِ غيابي
فلتُغمِضَنْ عزريلُ عيني إنها
مخزيةٌ من نظرةِ الأغرابِ !
لا تُسبلِنَّ يدَيّ َ إن بمِعصمي
ألمُ القيودِ كعضّةِ الأنيابِ
لي وقفةٌ كالأمِّ ما بين اللظى
والشمرُ يُحرقُ خيمتي وحجابي
في الطفِ يُوحِشُني الدجى وأنا التي
شمسُ السنا سجدت على أعتابي
بالحزن ِ أعتزلُ الحياةَ تَنَسُّكاً
دمعي صلاتي والأسى محرابي
في نعشيَ المحمولِ أشكو غربةً
فعن الجنازةِ قد نأى أحبابي!!!!
محمد طالب العاملي
ماتت واستراحت .... يم اخوتهه راحت
بت حامي الحميه
.....
الليله ماتت وانتهت قصتهه
العاشت غريبه بدنيه ما رحمتهه
ثوب الحزن ما ذبت اعله اخوتهه
ليل وصبح عالخد تصب دمعتهه
من هضم المصيبه .... كضتهه الغريبه
دمعتهه جريه
بت حامي الحميه
.......
ماتت وأثر حبل اليسر بديهه
ونار الخيام الوجرت عليهه
كلشي يهون الا امر سبيهه
وذباح اخوهه الصار يحدي بيهه
شافت كلشي زينب ... جف منحر تسلب
ومشوهه سبيه
.......
مو هسه وافاهه الاجل بت حيدر
من يوم عاشر ماتت اعله المنحر
شافت حسين بسيف شمر امطبر
ماعدهه ضلت روح صعبه المنظر
ماتت يم اخوهه ..... مذبوحه وسبوهه
وي سكنه ورقيه
.....
اجنازتهه شالتهه جفوف الغربه
وكافلهه ما حاضرهه هاي الصعبه
جفوفه كطيعه والسيوف بكلبه
والسهم صاب اعيونه مثل الجربه
ما يكدر يجيهه ... العينه امشككيهه
بسهام المنية
.......
ابعازت اهلهه ودعت دنياهه
ابدفنتهه ما واحد حضر ينعاهه
وحشه الجنازه الموش اهلهه اوياهه
صوت النواعي بيهه ما نلكاهه
دفنه ابلا عشيره ..... حيره والله حيره
هاي اعظم رزيه
.......
وينه الينادي ويلي عالغريبه
الكضت عمرهه نايحه و مصيبه
كلمن بجه اعليهه وعله نحيبه
باجر تشكره فاطمه الحبيبه
الباجي اعله السبيه .... تشفعله الزجيه
كتبت هالوصيه
.......
كلمات
موسى الخادم
((هدهد الشام ))
……………………………………………………………
هدهد الشام . اجه الارض الغاضريه
هدهد الشام . جايب اخبار الرزيه
ظل يسولف بالدمع وي كل گبر
عد غرب ماتت يساده ام الخدر
هدهد الشام . هدهد الشام
……………………………………………………………
اول ما هبط بالطف . ابمچان ام عون عالتله
و مثلها شبگ جنحينه . على الهامه ترب خله
يتلجلج السانه وحار . صعبه الچلمه مو سهله
اخوتها امحملين جروح .الحمل بحچايته ايچمله
و هو يدري . شگد عزيزه ام عون عدهم
و هو يدري . ادموع تنبع من لحدهم
گبور من گد الهظم يغدن حمر
عد غرب ماتت يساده ام الخدر
هدهد الشام . هدهد الشام
……………………………………………………………
وكف عد گبر اخوها حسين . وگبل لا يحجي يتعذر
عذرا يلي راسك موش . متركب على المنحر
عذرا يلي جسمك صار . ابسحگ الحافر امطشر
الزينب جان اخر صوت . آه حسين لو تحضر
بيدك حسين . اتنشف من اعيوني دمعه
بيدك حسين . كون عشره وموش تسعه
امنهد اصبعك انا كل يوم احتضر
عد غرب ماتت يساده ام الخدر
هدهد الشام . هدهد الشام
……………………………………………………………
مثل ليل اهدعش يحسين .اختك وحشه موتتها
مره و ميته بأرض شمات . ولا واحد امن اخوتها
ولا ساده اوكفوا بالباب . ولا علويه حضرتها
جرّت حسره گبل الموت . وطاحت جمر دمعتها
ولمن اتشوف . ادكول موش ام عون هايه
لمن اتشوف . بس خيال اعليه عبايه
من سبي الهزلات متعوبه اشكثر
عد غرب ماتت يساده ام الخدر
هدهد الشام . هدهد الشام
……………………………………………………………
الهدهد يم گبر عباس . انصاب ابدهشه وبحيره
يسمع بالكبر صرخات . وفاحت ريحة الغيره
يگله ومنظر اختك غاد . يصعب حيل تصويره
ما ترمش ولو لحظات . الناظر صوبك اديره
اهنا يعباس . ريت گبل الموت اشوفك
اهنا يعباس . اتغمض اعيوني ابجفوفك
اتشوف چفي الـ بالحبل ظل منحفر
عد غرب ماتت يساده ام الخدر
هدهد الشام . هدهد الشام
……………………………………………………………
يكسر خاطر التابوت . لأن اغريب جنّازه
ابروده اصير بخشابه . ماهي احرورة اعزازه
بس اربعه ومامش ناس . عليه ابشغف تتوازه
يبجي النعش يا عباس . عازه اليمنتك عازه
والسبي انعاد . الهزله و التابوت واحد
والسبي انعاد . اثنينهن وبگاع حاقد
نفس ادين الصفگت لجل الشمر
عد غرب ماتت يساده ام الخدر
هدهد الشام . هدهد الشام
……………………………………………………………
وصاح الهدهد ابدمعات . يا جاسم و يالاكبر
سكته اتموت عمتكم . لا من فاتحه وچادَر
لا چفيه خضره هناك . ولا بيرغ بني حيدر
معذورين يل بالسيف . واحدكم صفه اموذر
آ يشبان . شكثر عمتكم حچتها
آ يشبان . الكم اشطوط البچتها
يمها جلمة عمه رادت تنذكر
عد غرب ماتت يساده ام الخدر
هدهد الشام . هدهد الشام
……………………………………………………………
✍️ ( سيد خضر الزاملي )
في حق السيده زينب، ع
زينب نعشه من تشيلونه
جرح ابمتنه لا تلجمونه
---------------
يلي تشيلون النعش بهداي وياهه
بيهه جرح من كربله مالوم اذاهه
شكد مصايب، هل زمن ياناس راواهه
كافله عباس الشهم بالغربه، خلاهه
وسعو كبره من تحفرونه
جرح ابمتنه لا تلجمونه
-----------------
ياهو المثله بهل الزمن ماتنكضي احزانه
ناس الغرب عكب الهل يمشون دفانه
جاوينه اخوهه خل يجي عباس، ماجانه
ماتت سبيه ام الصبر بالشام حزنانه
كلمن يموت اهله يحضرونه
جرح ابمتنه لا تلجمونه
------------------
ياهو اليروح الكربله ويخبر العباس
ماتت اختكم ياوسافه انكطعت النفاس
الماعده وليان واهل تتفنه هاي الناس
وشلون ترضه ياكمر ياراعي، النوماس
صاحب حميه ومايلاكونه
جرح ابمتنه لا تلجمونه
------------------
نار المصايب ماطفت لموت ماتبرد
ماجوره دمعات الحزن من تجري فوك الخد
شمانعد نكبات الزمن ياناس ،ما تنعد
كلمن خدم زينب تره بالخدمه يتخلد
دوم عله زينب تجري ،اعيونه
جرح ابمتنه لا تلجمونه
-------------------
وبروحي منصوب العزه ومصيبتج بيه
ادري انتي رحتي ميسره لشام مسبيه
نبض الكلب يم الصبر جن عزه ولطميه
عاشور يبقه للئبد وقرايه يوميه
ماتم عزه بسمج ينصبونه
جرح ابمتنه لا تلجمونه
--------------------
الخادم
رحيم الصالحي
حلمي يكـــبر واقترب موعده
يمته اســــمع زاير الســـــيده
زينب يعالـــــــم نوحي
اخذيــــهه يمچ روحي
كتبيني مـــــــن الزارو
واتقبلــــيهه اجروحي
يازينب وبابچ حــــــلم وعيوني ليل ابلا ضوه
خنگه الحـياة ابلا نفس يالشوفتچ مــثل الهوه
والعالم اشــــــگد ماكبر گدامي والمـــاكو سوه
مادام ازورچ مــــن بعد معناها گلــــبي ماروى
مو عجــــيبه عنــــــچ ولا صعب
الگه روحــي ابمرقدچ عن قرب
خل تبـــعد اهلي وناسي
زينـــب مليكه احساسي
مادامچ انتـــــي اقربهم
واقرب الي امن انفاسي
اخذيني من دنيــا العدم واحيــيني من بين البشر
من ذاتي مارايد اجـــــي رايد اجــي وحالي انكسر
بزيارتچ گلبــــــي انشغل واستوطن ابراسي السهر
ليليه روحـــــي امسافره ماكو احله من هذا السفر
الله يــــدري بالنوايـــــا الصدگ
كلشي عــابر واسمچ الينشـــهگ
اقدس اسم مـــــن يومه
طول العمر مخــــــدومه
زينب خدمتـــــــچ لوحه
بچف الگمر مرســـــومه
بين امنــــــــياتي القاصره ياســــيدة روحي وهلي
لو خيرونـــــي باحله اسم اتســــــمه زاير بت علي
الوادم اتعــــــيش ابوطن ياوطن عشتي ابداخلي
گالولي انته مـــــــن تكن؟ ماكنتُ لـــــــو لكي الي
شامچ اســـود وانتي اطهر اخت
الغربه غــــربه وضلت ابكل وكت
شام الدفـــــــــــن علويه
يدمي الگـــــــلب طاريه
كون ابســـــوالف زينب
ماتنحچي المســــــــبيه
يتغرب الشــــــافچ جرح وبغربتچ يگــــــضي العمر
لاطــــــــابت ايامي التي يازيـــــــــنب اخلافچ تمر
ليهسه غربه ابحضـــرتچ من ساعة الرحتي ابيسر
رزقيني اشــــارك غربتچ ومن اليجـــــــولچ انذكر
جازي خيـــرچ والفضــل ماله حد
نضره مــــــنچ تنطي للضايع مدد
دنيا وتمـــــــــــيل اعلينه
وتعدلهه زينــــــــب بينه
ماعدنه غيــــــــر الدمعه
للشام الچ تحــــــــــدينه
نضراتچ اتطفـــــــي الجمر واتبرد الگــــــــلبه ضمه
اصعب شــــــــعور الينتظر صحره وتـراقب بالسمه
اتصــــــــــحِرت يابت علي نضــريني نضرة فاطمه
ماسلمت امـــــــــري البشر بس عندچ امري امسلمه
خادم القصيدة
شاكر الصيمري
#الشاعره_رسل_الابراهيمي
#الشاعره_نورس_الحلفي
#الشاعره_رضاب_الاسدي
#قصيدة للسيدة زينب "ع" جنوبيه{{هوسه وعراضات}}
يخت حسين الج هوسه وعراضات
مو ونه الج بالشام. ونات
ـــــــــــــــــــــــــــــــــــــــــــــــــ
يخت حسين الج ميدان لطميه
وي خوانچ بساع الفراگيه
عليج انگول والگولات شيعيه
المثلج بالگبر تنضم حسافات
يخت حسين الج هوسه وعراضات
ـــــــــــــــــــــــــــــــــــــــــــــــــ
يخت الحيد وين مغربه اليوم
عليج حسين اخيج يبچي مندوم
تجرعتي الهضم زينب والهموم
بلا خوان نعشج حمل وفات
يخت حسين الج هوسه وعراضات
ــــــــــــــــــــــــــــــــــــــــــــــــــــــــــــ
ندمه عليج يازينب يعلويه
ماشيعوج اهالي الزود جمعيه
الف ياحيف يابنت الكباريه
لاچادر نصبلج لاعزيات
يخت حسين الج هوسه وعراضات
ــــــــــــــــــــــــــــــــــــــــــــــــــــــــــــ
لا جادر حزن لا بيرغ المرفوع
متتي يلعقيله والگلب مشلوع
اليوم اعليج كل شيعي ومحب مفجوع
احاه يا بت علي وحاضره الشدّات
يخت حسين الج هوسه وعراضات
ـــــــــــــــــــــــــــــــــــــــــــــــــ
احاه يلغرّبيتي وبالگلب جمره
يحله النوح الج يا زينب الحرّه
نسويلج عزه ونبجيلج ابعبره
و انخلّي اللطم جازات جازات
يخت حسين الج هوسه وعراضات
على لحن ملا باسم الكربلائي
يتامه يا علي باجر 👇
زمانـــــي ما رحم بيـــه زمانـــي
أخذ كل غالي مني وما وما خذاني
قهر ليلي هدم حيلي على أحبابي
**
انولد وياي أول ما صرت حزني
بجروحي حمامـات القهر تبني
أسئل يابو فاضل كل بشــر عني
أتحـــداه اذا شــــايل مثل حزني
هنــــه أيام بس اسنين بچنـــي
عليــــك الله ابد لا تنقهر منـــي
أعاتب من هضم كَلبـــي أعاتب
يخوية تفتر ويــاي المصـــايب
جمر بيهن احـــس من البچي أهدابـــــي
**
أنــه شمســوية والدنيــا تبچيني
يا عباس ساعة ولا طفت عيني
الحزن كَام على كل لوعة يدليني
موبس كَلبي فكَدك شيب سنينـــي
يوميـــــة ألف لچمه يراوينــــي
اذا ترجـــع يخوية ميته تلكَينــي
علية جارت الدنيـــــــا عليه
مشت زينب يبو فاضل سبية
منو بحزني انضرب متني يغيـــــابي
**
اعيش شلون اذا چـــان العمر خنكَة
ألف مرة يخويــــة تمَوت الفركَــــة
عكَب ذيـــچ الكرامـــة زينب مدنكَة
عباس اشكثر متنـي الشمــــر طكَــة
الهوى شكثرة وأحس بروحي مختنكَه
مدري شبيها عيني جفني ما اطبكَة
يويلي من قهر باچر يويلي
أخافن من قدر ثاني يجيلي
يكافل حتى روحي تبچي لمصــــــــابي
**
حزن تدري اليفاركَ ينترس عمرة
يجيب منين يا خوية الكَلب صبرة
المحن عباس لا وحده ولا عشرة
اللهم بروحي ما تتصــــور شكبرة
كلسا غالــــي عندي ينكَطــع نحرة
شفت عمري الحوافر تسحكَ بصدرة
شجاني ما متت يمكم شجاني
متت يم رايتك بالطف عساني
المصـــايب كَامن ينوحن على مصابي
**
من دون البشر عينــي جمر تدمـع
اتاني يمته روحي من الجسد تطلع
النوايب تاكــل بروحي ولا تشبــع
لذيچ أيامنـه الحلو صدكَ نرجــع
شتايم بالسبي بأذني شكثر أسمع
مچتوفات ادية وكَلبــــي يتكَطــــع
بسبينه تسولف الناس بسبينه
وحكَك ما نجـــــازيهن عّبينـــه
اروحن للسبي ما حاسبــه احســــــابي
**
احجي بيا مصيبـــه بيا جرح أبـــدي
الضعن كله يتامه وبالضعن وحدي
كَطعــو زندك وآنـــه بحبـــــل زندي
يضربونــــي ولا چـــن النبـــي جدي
يا عباس كَلـــي شچم كَلب عنــــدي
يريته ويــــاك بالطف انحفر لحـدي
غريبـــه يا كَمر هاشم غريبـــة
يموت أحسله الي يفاركَ حبيبة
شكو لوعه اجت وألتمن أبــــابـــــي
**
حيدر حسين الكَرعاوي
لحن الملا باسم الكربلائي
جرح المدينة 👇
بالغاضـــرية زينب سبيــة
*****
آنه الچنت وي أخوتي ما اطلــع من البــاب
مثلــي أبد يابالـــفضل ماكــو مــرة تنهــاب
بعد الخدر فوكَ الهزل راح أمشي وي اجناب
چم لوعة باچر بالسبي وبكَلبي چم اصواب
تنزل عليـــة زينب سبيـــة
*****
يبدي مصابي وحيرتي بس ما يهل عاشور
بعيني أشوفن چم نحــر وشچــم ظلع مكسور
شمالة الحزن من الزغــر كلسا عليــة يدور
يوميــة مـوت وفاجعة صارت حياتي كَبــور
هم تدري بيــة زينب سبيـــة
*****
ضيمي يشّيَب چم نبي ويعميــلة چم يعكَوب
حتى الصبح لمن يهل بي وحشه مال غروب
باچـر يخوتي بالسبي شكَد راح أطب دروب
شيصبرة كَلبي والصبـر رايدلة عشر كَلوب
وآنه شبديـــة زينب سبيــــة
*****
بعيوني ما شفت الشمس عندي الخدر قُرآن
باچــر اديــة مچتفـــه لا خيمـــة لا خــــوان
والچنها سورة (هل أتى) يشتمها ياهو الچان
كل دكَه من كَلبي ألم وأنفاسـي كلها أحـزان
شفت المنيـــة زينب سبيــــة
*****
يعادل قهر چـم كربلة ياخوية سبـــي الشام
بروحي يبات شكَد حزن وبعيني نار خيـام
كل ليلة باچر بالسبي تعادل يخوتي اعوام
لو وحدي يمكن ينحمل بس ضعني كله أيتام
شلون برقيـــة زينب سبيــــة
*****
كون بوسط روحي السهم موش ابدليل حسين
لــو ميته يم المشرعة وبكَلبي سهم العيــن
لــو عمري واكَـــع عالنهر ويظلــن الچفــين
باچـر بنات المصطفى تدري يروحن ويــن
وية آل أميــــة زينب سبيــــة
*****
باچــــر أكَلّلمــن أذا شتمونـــي يا عبـــاس
الحركَو خيم زينب أمــس يابالفضل حراس
لريتــي اجيبن يا هوى من توكَف الأنفــاس
بكــل الشوارع تنتظر ضعن العقيلة النـاس
الچنها الزجيــــة زينب سبيـــــة
حيدر حسين الكرعاوي
وين نسـوان الهواشم وينها
تگصد الزينب تغمّض عينها
ـــــــــــــــــــــــــــــــــــــــــــ
گبــل لتموت العقيله الطاهـــره
ريت نسوان الهـــواشم حاضّرِه
والمره امن تموت تحضرها مره
اتمــدها عالقبله وتسبل ايديها
ـــــــــــــــــــــــــــــــــــــــــــ
بالغرب محّد حضــــر يمها وسف
وهي بت حيدر علي سيد النجف
ابعدو عنها الاهـــــل وي السلف
وتفرك اعله افـــــــراگهم چفينها
ـــــــــــــــــــــــــــــــــــــــــــ
امن المدينه مامره الزينب اجت
من گـــــرايبها ولا وحده اعتنت
شنهـــي مايدرن اميرتهن مشت
للگبر وحــــــــــــدها الله يعينها
ـــــــــــــــــــــــــــــــــــــــــــ
بالمدينه الهـــــاشميات اصرخن
وين حمــاي الحمه وكت المحن
يعتني الزينب يودي اله الچفن
جنازة الحــــره تره امعطلينها
ـــــــــــــــــــــــــــــــــــــــــــ
شعجب ماحضرت دفنها ام البنين
وهي للحـــــــره گلبها شگد حنين
وللعقيله يصير محــــــلاته الونين
ويمها تبچي للگمـــــــر وحسينها
ـــــــــــــــــــــــــــــــــــــــــــ
تدور هالدنيا مثل دور الرحه
زينب الچانت اميره البارِحه
تموت بالغربه وتنوح النايحه
اعليها ويهدم الجبال اونينها
ـــــــــــــــــــــــــــــــــــــــــــ
حيدر بشار الدراجي
قصيدة للسيدة خديجة ع {ساعة تنشد اعليه}
كون امي تمر هاليوم
ساعه تنشد اعليه
❥❥❥❥ـــــــــــــ❁❁ـــــــــــــ❥❥❥
كون تمر عليه اليوم
حيلي بالفكد مهدوم
ودلالي شكثر مهظوم
تعبت من المهظميه
❥❥❥❥ـــــــــــــ❁❁ـــــــــــــ❥❥❥
الهظم موتني بالفركه
اريدن ساعة للملكه
دنياتي صفت خنگه
شلها امي بالمنيه
❥❥❥❥ـــــــــــــ❁❁ـــــــــــــ❥❥❥
اريدنها تمر تنشد
درب المكبره يبعد
وشوكي عليها بس يمرد
بكلبي وهيه ماهيه
❥❥❥❥ـــــــــــــ❁❁ـــــــــــــ❥❥❥
كون اليوم تلفيني
وتبردني من احنيني
الوكت بجفاها ماذيني
صرت بجفاها محنيه
❥❥❥❥ـــــــــــــ❁❁ـــــــــــــ❥❥❥
محنيه واجر ونه
اريدن ام المحنه
الوكت ياوسفه فاركنه
خلها ترجع اعليه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للسيدة خديجة ع {ابفاطمة ماضل صبر}
گومي يمه من الكبر
ابفاطمة ما ضل صبر
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
ابفاطمة ماضل صبر گومي من التراب
من بدونچ خانگ ابريتي الهوئ الهاب
وآه يگلبي بفرگتچ يا يمه عطاب
گومي خل نكعد سوه ** حيلي يحبيبه خوه
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
گومي خل نكعد سويه ارجاج يمي
رايده اشوي اشتكي يحبيبه همي
من فرگتچ لسه بس النوح سهمي
كافي من نوم اللحد ** احذاي ردي يالسند
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
كافي من نوم المكابر ردي لو يوم
رايده اسمع صوتچ وانساها الهموم
لا تگليلي فركتچ تبقه للدوم
احس مليت العمر ** من دفنتچ بالكبر
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
بعد ماضل حيل بيه خلص حيلي
لو يمر الليل اون ما نام ليلي
والله مشتاگه انه وذايب دليلي
الچ مشتاگ الگلب ** انسه ايامچ صعب
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
صعب انسه ايامچ الحلوات وياي
امسامرچ اه يالحنينه لضهري تچاي
من فركتج ما سكت لو لحضه مبجاي
ردي يحبيبه الي ** يابعد ناسي وهلي
آه ييمه *** آه ييمه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني