7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
هاي زينب .. ام اخوها الشيبتها احزانها
هاي زينب .. الموت اجاها وما أجتها اخوانها
الغربه الجمه ... وهيه حرمه
الموت اجاها وما أجتها اخوانها
،،،،،،،،،،،،،،،،،،،،،،،،،،،،
جان لوتمشي قبل مايبين الها ضل
تستحي منها الشمس وتضم ضواها
من عبايتها نعرف اليل لونه والشرف
والهوى مايمشي جان الا ابرضاها
دارت الدنيه عليها وختلف كلشي تره
الجانو يسموها اميره اتصير ليش اميسره
ويلي يجروح الصحاري شسوت بهاي المره
اخت ابوراس الگطيع الشيبه دج من منحره
شلون بيها .. تحتضر والهم ركد بعيونها
شلون بيها .. تريد بس امها التشوف متونها
الدنيه ضلمه ... وهيه حرمه
الموت اجاها وما أجتها اخوانها
،،،،،،،،،،،،،،،،،،،،،،،،،،،،،،،،
الله خالقهم سوه زينب وهاذ الضوه
والقمر من يطلع ايسلم عليها
هيه ايه ومنقرت ابليله ضلمه تيسرت
والعجيبه الأيه مجتوفات اديها
اتهجرت مثل الفراشه ونكسر منها جنح
ابكربله ياهو اليريد اميه لازم ينذبح
الجانت اترافگ اخوها اترافگ شلون الرمح
والعجيبه الناگه هزله وگدرت تشيل الصبح
والله حيره .. الهسه مطبوع الحبل بجفوفها
والله حيره .. الگمر مايرضاها غربه تشوفها
والله زحمه ... وهيه حرمه
الموت اجاها وما أجتها اخوانها
،،،،،،،،،،،،،،،،،،،،،،،،،،،،،،،،،
عاشت هموم السبي وحرگت خيام وعبي
وطيحت حسين الولي فوگ الوطيه
زينب ويعني الألم يعني ركضه من الخيم
بكربله اليعطش تروح اخته سبيه
تذكرت من طاح اخوها عالترب ضامي وصريع
رادت اتضمدله جرحه جابت اگماط الرضيع
أحمر امن الدم يويلي ازغير ابجرحه يضيع
الماگطع عبدالله نزفه اشيفنع النحره گطيع
بيها لوعه .. عالذبيح الماتطيب اجروحه
بيها لوعه .. الحيره من يالجمه تطلع روحه
بخدها دمه ... وهيه حرمه
الموت اجاها وما أجتها اخوانها
،،،،،،،،،،،،،،،،،،،،،،،،،،،،،،،،،
غمضت بس غمضت الدنيه كلها تحيرت
الناس لو مو أجره متشيل الجنازه
ابن اخوها ابلجمته حيره صارت حيرته
ال هاشم بالدفن عازتها عازه
فاتحت زينب ثگيله اتريد المعزب صدگ
جادر ام عون ابألها الليله لازم مختنگ
اموزر العباس گون ويجري دمعه ومحترگ
الماوگف معذور يعني صدره بالطف منسحگ
ال هاشم .. الليله زينب لازم تحضرونها
ال هاشم .. وفاتحت عمتكم اتشيلونها
اليبجي يعمه ... وهيه حرمه
الموت اجاها وما أجتها اخوانها
،،،،،،،،،،،،،،،،،،،،،،،،،،،،،،،،،
زينب وجرح العمر مدمع ابشيب الكبر
وين متروح القهر رايح وراها
تحتضر بس فكرت بت علي لو غمضت
وعالنهر يبقه الكفلها وما اجاها
اتريد التشيعها اهلها والطلب كلش صعب
حرمه ماعدها عشيره تسمع اتگول الغرب
اتريد التغسلها امها التعرف ابشيب الگلب
تگول ماريدن غريبه تشوف متني المنضرب
وين اخوها .. الناس تسئل والجرح ماذيها
وين اخوها .. ليش عايفها الغريبه شبيها
والله جلمه ... وهيه حرمه
الموت اجاها وما أجتها اخوانها
خادمكم ابوفايز الرافضي
...
الفاتحه على روح والدي
انه المادار حولي وجاني موتي
جا شمسوي بيه افراگ اخوتي
ماظن بلوه توصل يم بلوتي
وضيم المر عليه
اخلص بالنعي ليلي ونهاري
شما اذكر شردتي البالصحاري
تدرون شوكت بان انكساري
من صاحو سبيه
الجانو عليه افياي عافوني ومشو
الينشدني عن اخواني اگله اتذبحو
الگضيت عمري مدلله وياهم گضو
معقوله كل ذاك التعب هان ونسو
يحسين / مو من عادتك ماتنشد اعليه
يحسين / تنشد لو اكلك ع الحصل بيه
يحسين / تدري فراگك مسويني حجيه
ياغربتي وحيرتي. ياغربتي وحيرتي
…………….
زينب يهل زينب بيهه تدرون
ماظلت عليكم للبجي عيون
ست اشهر بعدكم عاشت ام عون
مادارت سنه الهه
تكسر خاطر الحاله العليهه
عظم وجلد صارت من بجيهه
تصيح اخوانهه ومحد يجيهه
فركاهم كتلهه
جنت انه عند اخواني اعز من الهوه
شوفتهم ادواي شعجب شح الدوه
جانو ضوه عيوني وطفه بعيني الضوه
لويت المنجل من مشو ظهري التوه
يدرون / كمت من ارد اصلي اخلافهم كعده
يدرون / من اركع بعد مابيه ع السجده
يدرون / النفس عن ريتي صاير يمهم شبعده
ياغربتي وحيرتي. ياغربتي وحيرتي
…………
سواد عيوني مولح رمشي شيب
من گد ما عليكم روحي تنحب
هنا يخوان زينب لحگو زينب
جابوهه الهزيله
راح امشي بدرب بي تعرگ الخيل
و يتقصد الحادي بناگتي ايميل
كل ساعه ويعت بيه الحبل حيل
منو ظل اشتكيله
حيهم يخوتي المات منكم والعدل
خمسين عمري اتعده مو مالت هزل
مو هينه ع العلويه مجتوفه بحبل
جا وين فزعتكم علي عال النذل
جندوب / اظل متانيه وشيب شعر رمشي
جندوب / اديه تلوح خويه الكاع من امشي
جندوب / الاهي حسين رجعه ومني اخذ كلشي
ياغربتي وحيرتي. ياغربتي وحيرتي
….،.،،……،،،
اول مره احس الموت راحه
المن عايشه الما مستراحه
انه الخلصت عمري بمناحه
بس نوح وبواجي
باكو كلشي مني وحركو اخيام
و شكد مني ضاعت بالطف ايتام
اخر طفله ماتت عندي بالشام
مسلوبه التراجي
رديت لاهلي شلون جانت ردتي
نسوان واطفال وبواجي بعيلتي
اذكر طلعتي شلون جانت طلعتي
عباس يفتر فوگي ويجر ناگتي
حنيت / عباس انه اريدك هسه يالغالي
حنيت / اريدن صايتك تتمايل اكبالي
حنيت / الجلمت عون من يصيحلك خالي
ياغربتي وحيرتي. ياغربتي وحيرتي
……………
الخادم موسى البطلي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
الشاعر ظاهرحبيب الهليجي
(مولاتي زينب ع)
قضى العمرُ أنيـن ----- يبنت الأكـرمين
وقــد حان النــداء ----- لــزينبُ العــزاء
---
خلص ليلج سهـر
شكثر گلبج صبـر
على اهموم الدهر
وترك دمعــج أثـر
بقيتي كــل جبــال ----- ومثلُكي محال
في الصبر والبلاء ----- لـزينب العزاء
تقيـه وزاهـــــده
بمناحه وسـاجده
اونين الفـاگــــده
سنينج شــاهـــده
وفي الايدي قيود ----- أثارها شهود
وفي الشام عنـاء ----- لزينب العزاء
المصايب كـربلـــه
دموعـج هاملــــه
عله حسين وهلـه
وحـزن فاق الملـه
وجرحُكي اليم ----- شفـائهُ عقيم
دوائهُ البكــاء ----- لزينب العزاء
يمن شفتي الجره
أخوتج على الثره
جثثهـه مـــــوذره
بدماهــه معفــــره
ودمعكُـي غـزيــر ----- وقلبكُي كسير
وحيده في العراء ----- لزينب العزاء
نظل نبجي ونون
عليج بكُــل زمـن
وحـك المؤتمــــن
الحزن يتبع حـزن
على مدى الدهــور ----- الـطمُ على الصدور
ووعــدنـا الـوفـــاء ----- الــزينـب الـعــــزاء
صَاحِبِ الْغِيبَه تِعَالَتْ وَنِّتَه
يِبْچِي هَاللِّيلَه وْيِوَدِّعْ عَمِّتَه
يَا زِينَبْ...يَا زِينَبْ...يَا زِينَبْ...يَا زِينَبْ...
-----------------------
هَاذَه شِبْلِ الْعَسْكَرِي گَلْبَه جَمُرْ
تْعَنَّه لِلشَّامِ وْگِعَدْ يَمِّ الْگَبُرْ
يْگِلْهَه يَا جَرْحِ الْعُمُرْ يَمِّ الْخِدُرْ
لْغُرْبِتِچْ دَلَّالِي طَاحَتْ دَمْعِتَه
يَا زِينَبْ...يَا زِينَبْ...يَا زِينَبْ...يَا زِينَبْ...
-----------------------
شِفْتِچِ بْطَفِّ النِّوَايِبْ حَايِرَه
مِنْ هِوَتْ چَفِّينَه سَبْعِ الْگَنْطَرَه
شَبَّوِ الْخِيمَه وْخَذُوكِ مْيَسَّرَه
وِالْيِسُرْ كَلْفَه يَعَمَّه حْچَايِتَه
يَا زِينَبْ...يَا زِينَبْ...يَا زِينَبْ...يَا زِينَبْ...
-----------------------
يَالْعَقِيلَه بْچَفِّچِ شْسَوَّه الْحَبِلْ
لْمِثْلِچِ شْلُونِ وْيِرَكْبُوهَه الْهِزِلْ
بْلَا أَهَلْهَه وِالدَّرُبْ مَا يِنْحِمِلْ
وِالْوَجِه بَانَتْ وِسَافَه كَسْرِتَه
يَا زِينَبْ...يَا زِينَبْ...يَا زِينَبْ...يَا زِينَبْ...
-----------------------
ثَارِچِ لْمَا عُوفَه صَارِ بْذِمِّتِي
مَعْصَبِچْ يَا عَمَّه هَاذَه بْيِمْنِتِي
أَنْتِظِرْ يَا بِتْ مُحَمَّدْ طَلْعِتِي
بَلْكَتِ لْگَلْبِچْ أَطَفِّي لُوعِتَه
يَا زِينَبْ...يَا زِينَبْ...يَا زِينَبْ...يَا زِينَبْ...
-----------------------
سَاعَه لَنْ مِنِّ الْگَبُرْ صُوتِ ارْتِفَعْ
مِنْ سِمَعْ وَنَّتْهَه مَهْدِينَه انْفِجَعْ
تْگِلَّه يَا عَمَّه الْأُخُو لَمَّنْ وِگَع
كِلْشِي طَاحِ گْبَالِي شِفْتَه بْطِيحِتَه
يَا بُو صَالِحْ...يَا بُو صَالِحْ...يَا بُو صَالِحْ...يَا بُو صَالِحْ...
-----------------------
آنَه شِفْتِ الْفَاجِعَه وْگَطْعِ النَّحَرْ
بِالْحَوَافِرْ صَدْرَ ابُو الْيِمَّه انْكِسَرْ
وِالْگُمَرْ رَاعِي الْخِدِرْ رَاسَه انْطُبَرْ
يَا هَضِيمَه وِانْسِلَبْنَه بْغِيبِتَه
يَا بُو صَالِحْ...يَا بُو صَالِحْ...يَا بُو صَالِحْ...يَا بُو صَالِحْ...
-----------------------
عَمِّه آلَامِ السَّبِي مَا تِنْحِسِبْ
شَحْچِي عَنْ يَا لُوعَه تَالِي وْأَنْتِحِبْ
وَآنَه بِينِ الْيِضْرُبِ وْبِينِ الْيِسِبْ
وِالْكِفَلْنِي عَالشٍّرِيعَه رَايِتَه
يَا بُو صَالِحْ...يَا بُو صَالِحْ...يَا بُو صَالِحْ...يَا بُو صَالِحْ...
-----------------------
وَحْدِي ظَلِّيتِ وْخِلَصْ مِنِّي الْعُمُرْ
أَمْنِيَه چَانَتْ إِلِي وْچِنْتَ انْتُظُرْ
أَهْلِي وِاخْوَانِي عَلَى نَعْشِي تِمُرْ
وِالْيِمُوتِ بْلَا عَشِيرَه شْحَالِتَه
يَا بُو صَالِحْ...يَا بُو صَالِحْ...يَا بُو صَالِحْ...يَا بُو صَالِحْ...
-----------------------
#الليالي_الزينبية
الشاعر حسن خنافر العاملي
((هذا النعش))
ألمن طلـع هذا النـعش شو چنه بي علويه
ريحةْ حرگ من النعش وال بالنعش مچويه
يضحكون ذولي اهل النعش
ويــمـشــون مــــوش بــهيده
يشيـعون بــس مـــاكو دمــع
ولا واحـــد الشــــال ايــــــده
مـاكو رايه
بس عبايه .. ويلاه زينب بالنعش
مـاكو دمعه
ماكو شمعه .. ويلاه زينب بالنعش
يا زينب يازينب
"""""""""""""""""""""""""""""""""""''''''''''
بس العليل ومنحني والشام مابي عونه
بفلوس شالو عمته ويــن الـگمر ومتونه
من تلگه سكته بلابچي
بجــنازه الي يــشيلوها
لا من أبن لا مــــن اخو
يعني الــغرب شـيعوها
لا أخوها
لا أبــوها .. معناها غربه بلا أهل
والـغريبه
بالمصيبه .. معناها غربه بلا أهل
يازينب يازينب
"""""""""""""""""""""""""""""""""""''''''''''
الســـجاد ويدير النضر ياهي التجي تغسلها
لاخوله لاسكنه الاجت مطروحها من يحملها
والـــماي يــلـچم عمتي
لــمن أديــــر أعـليـــــها
برجليها جمـرات الخيم
ومّچَـــويـــــات إيـــديها
حاله صعبه
كـــلها غربه .. هاي العزيزه ام الخدر
الامـــيــره
بلا عشيره .. هاي العزيزه ام الخدر
يازينب يازينب
"""""""""""""""""""""""""""""""""""''''''''''
طف ولگيته بعمتي وليل اهدعش هم شفته
ألف وتـسعميةّ جــرح وجـــرح النهر ضايگته
حيرةّ (علي) بروحي صفت
والــــبـــاب هـــم بـــروحـي
ضــــلوع العــــقيله مكسره
هـــينات بـــيه جـــروحـــي
بــــيه عــــله
شلون احمله .. نعش العقيله الطاهره
راح امــوتن
وين اروحن .. نعش العقيله الطاهره
يا زينب يا زينب
"""""""""""""""""""""""""""""""""""''''''''''
يمشون حيل وتنوجع وأسـمعها من تتلوه
بالگوه اكض صبر الدمع ياناس اي بالگوه
كـــون احــفر بصدي لحد
مـــــن الـــغربه حد الغربه
اعله خدودها تراب ودمع
زيـــنب يـــــوادم صـــعبه
حسين وينه
ويـــن عينه .. ماتت غريبه بلا وطن
هاي هيه
الـــسبـيه .. ماتت غريبه بلا وطن
يا زينب يازينب
"""""""""""""""""""""""""""""""""""''''''''''
بليل تشبه فاطمه بـــالضلمه من دفنوها
بالضلمه هم ام الخدر هم بالگبر عافوها
أتــــمنت نِطَوّفها الگبر
والـــكـــــربــله نـزورها
من تربةّ حسين وعطـر
مـــــاصارت نعـــطـرها
يمه اجينه
يــالحنينه .. نزورچ يزينب كل سنه
يــاغريبه
يا حبيبه .. نـزورچ يزينب كل سنه
يا زينب يازينب
عبد زينب
محمد الابراهيمي
#جديد
اشگد انتظرتي ومااجيتچ
وهسه اجت ساعة منيتچ
حان اللقاء ____ بدار البقاء
يازينب _يازينب
_____
زارعلچ الجنه ورد ___ولجيتچ امتاني
فاتحلچ احضاني ____عباس هذا اني
ياخويه ساعات الحزن __لا لا تذكريها
يازينب انسيها __چن ماتعرفيها
مشتاگلچ يم الوفه ___يلمانسيتيني
بكلشي تذكريني ____ ها يابعد عيني
من ذاكه تاريخ النهر ___من گطعو امتوني
تنتظرچ اعيوني ____من يانفس هوني
للفرگه ياخويه نهايه
وللملگه هالليله بدايه
من كربلاء ___بدار البقاء
يازينب _يازينب
______
خويه هلا تنگل هلا ___والجنه ادخليها
ربچ البانيها _ ولهلچ امسويها
مو انتي يالصرتيلي ام __ضميني بحضانچ
ياخويه عطشانچ __محد ملى امچانچ
منتظره امچ فاطمه __ياخويه شوفيها
روحي واشبگيها ____مشتاگه تدريها
هذا اللقاء المرتقب __ ويه امچ الزهره
مابي بچي وعبره ___ والجنه منتظره
والجنه نور ازداد بيها
كله بفضل جيتچ عليها
رحمه وعطاء ___بدار البقاء
يازينب ___يازينب
______
كل الاملاك البالسمه __تستقبلچ جايه
ورفعو الچ رايه ____چنهم المشايه
دخلي بسلام لجنتچ __يابيرغ الديره
يااخت ابو الغيره __ياطيبة السيره
هنيالها الجنه بمثل _شخصچ يعلويه
چا غير الچ هيه ___ دخليها مرضيه
اتنولين اعظم منزله __چي كلشي ضحيتي
ولدينچ انطيتي ___ولاماتخليتي
انتي مثال لكل شهامه
وذكرچ بقه ليوم القيامه
خير الجزاء ____بدار البقاء
يازينب ____يازينب
______
وحسين اجه يستقبلچ __اشگد چنتي مشتاگه
يلمتي بفراگه ___حل وكت الملاگه
يالعشتي بديار الغرب __كل احنه هالجينه
يمچ التمينه _ياخويه شوفينه
يالچنتي ماعندچ اخو ___هسه احنه گدامچ
وانحقق احلامچ ____وانوخر الامچ
منريد بعيونچ حزن ___كون انتي فرحانه
هسه انتي ويانه ___وامجانچ اهنانه
عوفي الحزن عوفي المصيبه
واليوم زينب مو غريبه
يوم الوفاء ___بدار البقاء
يازينب _يازينب
_______
وثارچ ابد ماينسي __ باچر يجي القائم
ويحاسب الظالم __وتشاهده الوادم
ثارات امچ فاطمه __تتحقق بأمره
ويحاسب الزمره ___ويصلبها عالشجره
وثار السبي ماينسي __والمهدي تدرينه
ماغمضت عينه ___لازم يرد دينه
مايهده من ذاك الالم _بس تجري دمعاته
دم اعله عماته ___وعايش معاناته
ماناسي ثارات السبايه
باچر يرد وبچفه رايه
ترف بالسماء ___بدار البقاء
يازينب ___يازينب
_____
✍️احمد علي البغدادي
#فزاعيه جنوبيه مع هوسات للعقيله زينب عليها السلام
عليهه انگاب والبيرغ ينصبون
اخت عباس وربات اليرهبون
..................................
اليله تندفن وسفه الغريبه
برض الشام هاي اگبر مصيبه
تون ام عون والدمعه سچيبه
((الدفانه... وتريد أخوتها))
..................................
تريد احسين يدفنهه بدينه
والكافل ابو الشاره يعينه
والسجاد مايبـــطل ونينه
((دمعاته... ولعمته يهلن))
..................................
يجري دموع من دم لمصابه
يفارگ هالمسيه ام الهيابه
أخر ماتبـــــــــقه من ألگرابه
((عوانه.. يحتاج العابد))
..................................
تـםـت بـعــون اللـه تــعالئ
ونـسـال اللـه القــبول والتـوفيق
✍🏻الشـــاعره زهـــــراء الحــــــربـــــي
حســـــينيه الهــــوى
لا أجيز من يحذف اسمي وغير مبري الذمه ٲمام الزهراء ونسال الله القبول والتــوفيق🙏
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺قصيدة حماسية لوفاة السيدة زينب ع 🌺
-------------------------------------------------------
زينب واويلاه واويلاه واويلاه
غريبة ماتت حسين
يخويه صاحت حسين
غريبة و بالغرب و شحالها الليله
رايدتك تجيها المدمع اتهيله
و نعشها انته التزته كون يحسين
و ابوفاضل يجيها البيرغ ايشله
تعالو ليها حسين
ونو اعليها حسين
تدير ابعينها اتعالج هالامسيه
وعلي السجاد يمها اعيونه مجريه
يگللها يعمتي كافي الاونين
اگطعي اضنون من عدهم النشميه
حلم يا عمه حسين
يجوج ابهمه حسين
حلم يا عمتي يمج يحضرون
اخوتج بالثره ياعمه يم عون
و ربيبات الشرف عنج بعيدات
اريد انصب عزه و ماكو اليعزون
عليج انصبها حسين
عزيه اگلبها حسين
مأآتم بالحزن لجلج اسويلها
و اگولن هاي زينب ونو اعليها
هاي ام الصبر الشبعت اهموم
هاي الفاگده الضيعت واليها
ثگيل امصابها حسين
وابعاد احبابها حسين
ماتت بتت علي و الهضم سلاها
ومصاب اخوانها كل يوم بجاها
ضل يدي جرحها و ابد ما طاب
بليله و يوم هيه افگدت ولياها
بقت متلوعه حسين
جبيره الفجعه حسين
حد الموت ضلت تجري العبره
و لافتها المنيه امگابله الشجره
تذكر راس اخوها شلون خلوه
و تصيح احاه خويه مهجة الزهرة
گضت متعيني حسين
و عليها اونيني حسين
-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
ليــش الشام زينــب تــندفن بيها
نـوجه اســئله العـــبـاس واليــها
وازينباه .. وازينباه
------
الحچي ابلهاتنه وداعة احسين اسهام
وخاف نســئلك ونــلچم اجروح الهام
زينـــب بالمـدينه اشــجـــابها للـــشام
وحـــدهـــا اجــت لــو هـمـــه سـابيها
وازينباه .. وازينباه
-------
نــسال والكـــلام ايـــأذي طــاريه
يبــو فاضل علـيك ابـداعة ارقـيه
زيــنب مـره لـو مرتيـــن مســـبيه
مهيـــوبه خــذوهـــا لــو مروعيها
وازينباه .. وازينباه
--------
سؤال ايــحير النــاس ابشــهادتها
شعــدها رايحه للذبــحو اخـــوتها
انوخذت گوه زيــنب لو بـــأرادتها
هـاي الاســـئله ابابـــك انـــبـديها
وازينباه .. وازينباه
---------
يمـكن مثـــل امها ياگمـــر عــدنان
خــاف امن البواچي ملت الجيران
واظن سوولها بالشام بيــت احزان
حتى الناس تخــلص مـن بواچيها
وازينباه .. وازينباه
-------
بــواچـيها تـأجــج عـالظـــلم ثـوره
من تبچي لخوها المنهـشـم صـدره
الوحيده امن البـشر دمعاتها حمره
اتفسر الصخر زيــنب من نواعيها
وازينباه .. وازينباه
--------
تنعــه بالنهــار وتـــنتحـــب باللـيل
يهفت حيلها وتـرجع اتلــم الحــيل
آخ الخيل من تسمع ابطاري الخيل
الصــدر احسيــن هالطـاري يوديها
وازينباه .. وازينباه
-------
اهنا خيمه تشب اهناك طــايح جـود
اهنا صــاح الشـمر عــباس ماموجود
احرگو اخيــامها تركض اجتها اجنود
وجـــت والخيــــم مـحـــد يطـــفيها
وازينباه .. وازينباه
--------
حيدر تركي الكربلائي
قصيده ثكيله السيده زينب عليه السلام القصيده بعنوان ...أمنيه زينب ..ع
وديني عمه الكربله وديني
مابين اخوتي اريدك تخليني
بلكت يشوفوني ويكعدون
عن حالي ياعمه ينشدون
وديني عمه الكربله وديني
.......................................
وديني عمه الكربله ارد ابدي العتاب
للعافو عيوني تهل وتنضر على الباب
كضيت السنه حسره وألام وبدمع سجاب
روحي ياخوتي تمرمرت ومليت الغياب
بلكت يشوفوني ويكعدون
وعن حالي ياعمه ينشدون
وديني عمه الكربله وديني
.....................................
بلكت يفزون اخوتي ونعشي يشيلون،
وبيديهم تراب لاحد عمه يهليون
يم الكبر كلهم سو عليه ينوحون،
مهضومه كضيت العمر وتهل العيون
بلكت يشوفوني ويكعدون
وعن حالي ياعمه ينشدون
وديني عمه الكربله وديني
...........................................
أمنيتي ياعمه علي تدفني يمهم
عالفركه مرة ياسنه مشتاكه الهم
تكتل مسافات درب بعدتني عنهم
بنوح اكضيت العمر ولون بعدهم
بلكت يشوفوني ويكعدون
عن حالي ياعمه ينشدون
وديني عمه الكربله وديني
.........................................
كضيت العمر حسره وألام وبليل مانام
اذكر مصايب كربله وياذيج لايام
ينشدني كلبي عله اخوتي لشوفه محتام
اسنين جني مفاركه ماجني العام
بلكت يشوفوني ويكعدون
عن حالي ياعمه ينشدون
وديني عمه الكربله وديني
...................................
أتمنى هسه بكربله اخواني اليدفنون
برايات وعلام الحزن همه اليشيعون
يخلون عمه جنازتي عليه ويصلون
زينب غريبه ام الحزن بكبري يكتبون
بلكت يشوفوني ويكعدون
وعن حالي ياعمه ينشدون
ودوني عمه الكربله وديني
...... ................................
بقلم الشاعره والمله ام حسين المسعراوي من العماره لايجوز حذف الاسم نسألكم الدعاء
ماجوره يزينب مأجوره
@@@
يالشفتي مصايب متمر حتى عالبال
صبرچ ما مثيله ويحني ظهر لجبال
باب وطبره وسموم صابت سادة الآل
والطف جرحه ميهون سبي ومصرع ارجال
…
مقهور بلطفوف مقهوره
ماجوره يزينب مأجوره
@@@
شفتي حرگة الباب واضلوع اتكسر
واسمعتي لجبريل ينعه المولى حيدر
وشفتي بالطشت صار چبده يلوعه شبر
وشفتي جثة حسين عالغبره ابلا منحر
…
چنچ للمصايب منذوره
ماجوره يزينب مأجوره
@@@
يازينب يحوراء يابنت الزچيه
عليچ واعظم امصاب بأرض الغاضريه
شفتي كل اختوچ مذبوحه سويه
وتالي بعد لحسين عالهزل سبيه
…
وتنوحي يعباس مأسوره
ماجوره يزينب مأجوره
@@@
طيبه ويصعب اعليچ مذبح نحر لحسين
مذهوله وتشوفين عباس ابلا چفين
وعالحره مو سهله يفروها البلادين
تاليها بلگيود تنجر بالدواووين
…
من ذبحوا كفيلچ معذوره
ماجوره يزينب مأجوره
@@@
بعد الطف بعامين مبعوده وغريبه
منفيه الى الشام بيام العصيبه
بالريف وتموتين ياعظم المصيبه
ولا يمچ بولكبر ولا سبع الحريبه
…
والآه ابدليلچ محفوره
ماجوره يزينب مأجوره
@@@
يابنت الغضنفر يالحره الوديعه
يخت اللي بلا اچفوف نايم بالشريعه
هالليله ابمصابچ ضاگت هالوسيعه
والشيعه عزيه تنصب عالفجيعه
…
وتنادي بمصابچ مكسوره
ماجوره يزينب مأجوره
@@@
علي احمد الحمود
٢١-١-٢٠٢٤
وفاة العقيلة ع
السللاسل بيده حدالعضم وصلان
الجروح اصيام صامن بيه وصلان
هذني اخفاف عل سجاد وصلان
الثجيله من خذو عمته سبيه
.
حسن صالح العيساوي
ضاكت والفرج عندك يلاهاي
عكب عينه اليسليني يلاهاي
اعزازي من مشو عني يلاهاي
وبس انته تره الضليت اليه
.
.
حسن صالح العيساوي
استشهاد السيده زينب ع
لسان حال اموالبنين
عندما اتى الناعي للمدينه ينعى العقيله
++++++++
يا اهل يثرب صوّت الناعي
ينعه المصيبه وهيج اوجاعي
گتله دريت حسين مذبوح
لا گلي ماتت ام الاجروح
+++++++++
اهلَ يثرب ناده زيدو بالبچي حيل
ماتت وماگال اسمها ابونّته ايطيل
ماتت الماكو النعشها والي ليشيل
انرضت بحچي الشماته مو سحگ خيل
إچبير الفضل ماچان بچتافي
قبلي ركض صوب النعي وحافي
ها يمه گتله الكربله تروح
لاگلي ماتت ام الاجروح
++++++++
الناعي عني ما سألهم هالمره امنين
من وگعت اگباله ناده ام الابنين
عن سبب موتتها انصحچ لا تسألين
شافت الشجره العليها راس الاحسين
عالشجره بعده دمه يتجاره
ماتت قهر من شافت آثاره
ها گتله يعني حسين مجروح
لا گلي ماتت ام الاجروح
++++++++++
وارجعت محتاره واحچي بدمع الاعيون
يالفضل روح الخوالك گلهم ام عون
ماتت وخلصت زلمنه الفاتحه شلون
بالنيابه عن اخوها خل ينوحون
عباس اجينه افتحنه ديوانه
الفوگ السنه مسدوده بيبانه
ليهسه عطره بمجلسه يفوح
لا گلي ماتت ام الاجروح
++++++++
سمعت ابعمتها سكنه وموتت الشام
كلهم التموا عليها اتحاچي ليتام
ماتت الجمعت شملنه بحرگ الاخيام
ابچو تستاهل بواچي وشدت احزام
كل حيله واليلطم عله اعيونه
الموت الغريبه لاتلومونه
الگال الجزع لحسيني مسموح
لا گلي ماتت ام الاجروح
+++++++++
آنه ام عباس اگلهم ام الامصاب
اوياكم ارد ابچي عليها اخت الاحباب
مثلي هم مرت عليها گعدت الباب
ياهو ليزوره گبرها بگاع الاجناب
وحشه وگبرها ياهو ليزوره
تعمه عليها اعيوني معذوره
الينشدني عينچ بالبچي تروح
لاگلي ماتت ام الاجروح
ثائر الربيعي
نعي السيده زينب عليها السلام
اويلاه على الماتت غريبه
كافل. خدرها. منين. اجيبه
يشيع زينب. الطيب حليبه
وعليها. يون ويعلي. نحيبه
✨✨✨✨
وافاها الاجل. بديرة اجناب
وين العشيرة وين الاحباب
الحنان. كلها. عنها. غياب
ويلاه يهد. الحيل المصاب
✨✨✨✨
ماتت غريبه. دير. بالعين
مهضومه كضت. بت. الميامين
يمها. ماحضر. عباس وحسين
خلف النعش. مامش. مشيعين
✨✨✨✨
هضيمه.غريبه زينب تموت
ومامش. اخو. يحمل. التابوت
ولا ناعي. وراها. يعلي الصوت
شالو. نعش ام عون بسكوت
✨✨✨✨
اويلاه على الماعدها خوان
ماتت وحيده. بين. عدوان
الجنازه . غربه . يال عدنان
وين الينصب لزينب. ديوان
✨✨✨✨✨
بقلم العلويه ام رائد زوين ✍✨✨
خبر موتج يعمه زين مو زين
افرح مدري اهمل دمعة العين
ابجي اعليج جي صرتي غريبه
وافرح صرتي يمي هنا جريبه
عمه زينب. عمه زينب
………
فرحانه رغم كل المصايب
صارت يمي عمه من الكرايب
تسليني بغربتي اخلاف الحسين
تسد الوحشه من ليل الخرايب
جابج الله زينب عمه يمي
رجعيلي الحنان الفگدته امي
من ذاك السبي وكلبي بنحيبه
افرح صرتي يمي هنا جريبه
عمه زينب. عمه زينب
……………
عمه الغربه تكتل هدت الحيل
راح تشوف عينج خنكة الليل
يجي المغرب عليه شلون جناز
على ياساعه ياخذ روحي ونشيل
اكلب بالصور واترسهن دموع
خمس سنين عمري وكلبي مشلوع
مصيبه افراگ الانحبهم مصيبه
افرح صرتي يمي هنا جريبه
عمه زينب. عمه زينب
………….
عمه شلونه ابوي من الذبح طاب
خو ما غير من ارسومه التراب
خيعونج رجعتي الكبره زرتيه
بس كلبي انحرم مازار الاحباب
گمت اطحن صبر والهم كتلني
اول تالي ابوي ابعيد عني
اشلون الراح ابوه يكدر يجيبه
افرح صرتي يمي هنا جريبه
عمه زينب. عمه زينب
………….
زينب كامت اتصبر بجيهه
رغم زينب حزن وجروح بيهه
تكله وياي وده حسين مكتوب
الرقيه انطي وسلميلي عليهه
تدرون شطلع لبنيته مكتوب
امنهد ما فاركاج حسين متعوب
ابوج اعليج تارس راسه شيبه
افرح صرتي يمي هنا جريبه
عمه زينب. عمه زينب
………….
غريبات وبعيدات اعله اهلهن
وحده تواسي وحده هنانه حكهن
و لا زوار مشايه ايتعنون
بس ريحة غرب تلگه بصحنهن
الغريب يريد ناس ترد وحشته
تزوره وحتى مايذكر غربته
خبيث الشام مايرحم غريبه
افرح صرتي يمي هنا جريبه
عمه زينب. عمه زينب
…………
الخادم موسى البطلي
((السلام عليكِ يا مولاتي يا زينب الكبرى))
// قـصــيدة شـــور //
( ١ )
خوان زينب خلهه تحـظر
ويــن كافلهه الـمـشــكــر
وينــكم يشبال حــيـدر
نعش زينب ضل غريب
نعش زينب ضل غريب
ارجال هاشم خلهم الليله يـجـــون
لجل زينب كلشي هالليله يكـــون
نعش زينب مارضت يبقى غريــب
لا گــصـــد عباس لا ردلــهـا عـــون
كسرة الما اجو أهل
دمع تابوتي هـمـــل
ميته وشعر بالخجل
يازيـنـب مــولاتـــي
...........................................
( ٢ )
عـــازة الإخــوان عــازة
وحشه ساعات الجنــازة
اليوم حل وكت المجازه
جان حلمي اهلي يجون
جان حلمي اهلي يجون
بارده ادموع التـشيعـــك يالغـريـب
دموع تنزل نار من عـــيـن الحبيب
الماتحمله عزاز نعــــــشه لا يمــوت
واني وازاني القدر ومنين اجــيــب
ناس دمعـتـها جـمــر
ولجل زيـــنب تنكسر
وحيل يجرحهه الهجر
يازيـنـب مــولاتـــي
...........................................
( ٣ )
هــاي من زيـنب وصـيه
بموتي خل يحظر إليـــه
چـان سابـــي الغــاضريه
الضحه لحسين الــزنـود
الضحه لحسين الــزنـود
حته لوحات النعش كامت تصـيـح
خل يجي العباس ويعوف الظريـح
رايده متونك يـبو الغـيره الكـفيـــل
عدل خـويه انـي اشوفك مـو ذبيح
خلص ياخويه العـمر
متنك ايشيل الـــخدر
ودخل اويـــاي الــگـبر
يازيـنـب مــولاتـــي
...........................................
( ٤ )
وين عــباس آنه أريــده
خل يجي ويجيب أيــده
ايشيع الصارت بـعيـده
يجــي والـــرايه تـــــرف
يجــي والـــرايه تـــــرف
أنه اريدك يـــمي مو كافي الـغياب
امنيتي تحظر يالاخو بهذا المصاب
واني اريــدن دفنتي يم الحســــين
وبيدك انت يالوفي تــهيـل الـــتراب
يم أبو اليمه انــدفـن
گـلــبي للظامي يحـن
حتى ما يبقى الحـزن
يازيـنـب مــولاتـــي
الشاعر : خالد جودي العارضي
الشاعر الحسيني ظاهر حبيب الهليجي
تقره العديله تمنيت والنعش انت تشيله
وتدفني بيدك عباس وترابي خويه تهيله
*
عباس خويه يلي تمشي بدمي
اختم حياتي بجلمه ريتك يمي
گبل المنيه واشكي حالي وهمي
يايوسف انت ويعگوب گلبي الحزن هد حيله
*
طيف بمنامي لو تمر يل غالي
ماتعرف اختك من تشاهد حالي
من عاشر وظيم السبي اليبرالي
وانه على فراش الموت اذكر خيم والعيله
*
بأخر انفاسي وانه الك اتنطر
ياروح اخيتك ريت لختك تحظر
حرمه وغريبه والدمع لون احمر
الساني يلهج عباس لكن حزن ترتيله
*
اتمنه تسمع كافلي هل طلبه
انه الاميرة وهسه وحدي بغربه
لا من اهل ياحيف لامن گربه
اتمنه لو حته بطيف يتعنه لي واشكيله
*
بيدك يخويه تسدها كون عيوني
وتشيع اختك ويه اليشيعوني
وانت التهيل اترابي لو دفنوني
كل هذا بفكاري يدور بأخرنفاسي الليله
قصيده. للسيده زينب (ع)*
*وزن. موشخ*
اه يـــانار العقيله امــوجره
والدمع منها يكت وميسره
♣️♣️♣️♣️♣️♣️♣️♣️
اباه راحــت والدمع منها يدر
خلت اخوتها ضحايا ام الخدر
والحمل يـــاهو يشيله لوسدر
تنادي بلكرار وامها الطاهره
*✍️الشاعره ام محمد الحسناوي*
♣️♣️♣️♣️♣️♣️♣️♣️
راحت وراح الامل منهه یاویل
ظلت ابحسرات والمدمع یسیل
اوظلت ابغربه تنادی والعویل
یاهلی سمعــوعتابی بالجره
✍الشاعره ام رضاحمزاوی
♣️♣️♣️♣️♣️♣️♣️
شافت أشكال الهضايم. من مثل زينب صبر
عافت أخوتهه ذبايح. أوشالت وي طرت الفجر
منهه ضاعوا هل صبايا. وهيه تسحك ع الجمر
راحت الحره سبيه وكل أهلها علرمل
✍🏻الشاعره عاشقة كربلاء الطف ام محمد آل درويش
♣️♣️♣️♣️
♣️♣️♣️
وسفه راحت والدمع منها يهل
عافت اخوتها على حـــر الرمل
مادرى عنها اخوهــــا هالبطل
والحبايب ويح كلبي اعله الثره
✍🏻الشاعرة سلمى أم جعفر
♣️♣️♣️♣️♣️♣️♣️♣️
شلون صارت من بعد يوم الطفوف
من مشت حلت علی الدنيا كسوف
عافت العباس و حسين العطوف
بالغصب عافــته سبع الگنطره
✍️الشاعره ام عبد. الله شويهين
♣️♣️♣️♣️♣️♣️♣️♣️
ابلاذره عافت اهلها بــلشمس
ونكطع منهم نفسهم من امس
نومه علتربان كلهم ماكو حس
شلون موقف صعب ماتحمل تره
*✍️الشاعره ام محمد الحسناوي*
♣️♣️♣️♣️♣️♣️♣️
تمت وبعون الله وباقلام شاعرات اهل البيت ع في رابطة القاسم ابن الحسن ع ونسالكم الدعاء 🙏🙏
فَلَمَّا رَأَيْنَ النِّسَاءُ جَوَادَكَ مَخْزِيّاً، وَنَظَرْنَ سَرْجَكَ عَلَيْهِ مَلْوِيّاً، بَرَزْنَ مِنَ الْخُدُورِ
ها يا مهر.. وين الاخو.. من يا كتر طايح
كل سهام منذهل ..وسرجك عليه دم سايح
طمني عنه يامهر.. تدري ب اخوي الرايح
طاح اخوج بين وادم ..تشتهي واحد يطيح
دينه كلها دايرته حسين.. وبنصهم جريح
يفزع وماكو حميه.. وتالي بسمج ضل يصيح
مغالب خمسه يجزنه وخمسه يردن بهمه
وحدر عشرة جسم صاير
الناس لجسمه تتدنه وهوه غارك بدمه
وعليه دمي بحزن فاير
خيل اتدنت لمتنه وزلمه يحشم لزلمه
بعد شيطيب الخاطر
اه ياحره لحكيله.....اه ياحره لحكيله
*---*---****
كلي امش. صوب الخيم.. بدمعه اريدك صايح
حيهم يسكان. الخيم.. زلمتكم بهم طايح
ودالكم بيه حجي والمولي حجيه جارح
ينادي بس محد يغيثه وحيد حاير تالي طاح
حسين عطشان يتلوه ورمح طر من الصفاح
انكس من فوك ظهري وكلها كصدت بالرماح
اه ياضيمه عوزه نياح.. لضيم الدموع ادير
واكلج زينب شصاير
مجوعه ترد ترتاح .. ومجوعه تروح تغير
وللخيام الطرف داير
الخيل اعليه ما تنزاح سيد الكون هيج يصير
افاا بالهيمه ضل حاير
اه ياحره لحكيله....... اه ياحره لحكيله
*-----**------*---*
همي لجدم..خلي نصل.. يم الحسين الرايح
دار الوكت..بالهاشمي.. وبالدم يزينب سابح
سولفلي يله يامهر.. شيكضي طريق لنايح
صاح بس محد فزعله..وهو حيل بحركه صاح
وينكم فرسان هاشم ..هذا اخوكم حيله راح
حيلهم الساده الغياره ..شيخكم يم غربه طاح
خيل وادم اندارت وبحسين الغرب فرهود
عطشان وعليه داير
جوله اعليه جاصارت ..ومحد يمه ضل موجود
وعصر يعصر عصر عاشر
ماكو خوان اله ثارت واخوه عله النهر ممدود
وعله جبده جمر ساعر
اه ياحره لحكيله......اه ياحره لحكيله
*----*---**---*
ها يامهر .صارت صدك ..وذاك الحسين ينازع
اوكف الي.. من الزلم ... سد هاي كلها تباوع
خل ابجي اخوي لما شرب والنهر مايه طالع
جابني خويه جوادك نار دارت فوك من خيامي
نهر عدهم ماكو كطره نطفي ريج الضامي
حسين امنيتي الاخيره واداع زين احلامي
كومي للسبي كالوا حيهم كوم يبن امي
علينه جيش جا عابر
يحسين الزلم عالوا علينه وحركو خيمي
وبعد ما ضل صدك خاطر
فرد صوله علي صالوا ويبن امي حترك دمي
الك كلها تره تناطر
*-----------**----
الشاعر.. حسين باني
#تنويه القصيدة للشاعر حسين باني
الماي ليجي بمنه يبس الكلوب
اجانه الماي خويه وانت ما جيت
كضيت الدرب خيره الكاه عدل لا
وين الله عدل هل كد تمنيت
يبعد عيون زينب فتح حسين
انه لسوالفك يا خويه حنيت
لخاطر خوتك بس احجي وياي
بالخوه اطلبك والله تعبيت
يبس كلبي شوكت تحجي
زينب يمك التبجي
عله الخوه يطيح الضيم
احمول الضيم الك ترچي
ياخويه يا خويه
*---------***
كلي شجابج وخل ابدي موضوع
مو حلو اسولف وانت ساكت
عليك العشره سولف خل ارتاح
ولو عشرتنه ويه الخيل راحت
بروح امي عليك حسين مليت
وعلي يحسين كل الدنيه مالت
شلعتي كلبي زينب فوك ما بي
رمح يازينب بص كلبي فايت
من كل كتر خويه انزف
ابدي وياج ما اعرف
منين ابدي غطاني الضيم
غيض بطيحتي ارجف
*----*-----****
يزينب حكج تعتبين بس هاذ
وضعي وحالي اصعب منج هواي
الشمس وكفت عليه واني مطروح
وجنح جبريل ما كفه عالفياي
حط ايدج بصدري بلكي ارتاح
ااخ ام عون خويه كضي بهداي
شني رايك شسوي هاي اجت ناس
كلي بساع خويه اطني فد راي
انه بصوابي اضل مكضوض
حل ماكو السبي مفروض
شوفت عينج اني بخيل
جسمي كله انه مرضوض
*----*---*-----*
شفت اسيوف تلمع وانت موجود
ولا واحد بغير ونغر عنك
ولا سيف لمع من طحت يحسين
كلها دموم شبعت خويه منك
معقولة كرهه شو انته محبوب
ما ينكره منك حته حزنك
جا ليش السيوف معانده وياك
وليش الوادم يطشرون ضعنك
زعل ما ينطبك رمشي
وداعت الله اريد امشي
اريد امشي ويعتني الشوك
اضلاً ما يضل كلشي
الشاعر..حسين باني
#تنويه القصيدة للشاعر حسين باني
الماي ليجي بمنه يبس الكلوب
اجانه الماي خويه وانت ما جيت
كضيت الدرب خيره الكاه عدل لا
وين الله عدل هل كد تمنيت
يبعد عيون زينب فتح حسين
انه لسوالفك يا خويه حنيت
لخاطر خوتك بس احجي وياي
بالخوه اطلبك والله تعبيت
يبس كلبي شوكت تحجي
زينب يمك التبجي
عله الخوه يطيح الضيم
احمول الضيم الك ترچي
ياخويه يا خويه
*---------***
كلي شجابج وخل ابدي موضوع
مو حلو اسولف وانت ساكت
عليك العشره سولف خل ارتاح
ولو عشرتنه ويه الخيل راحت
بروح امي عليك حسين مليت
وعلي يحسين كل الدنيه مالت
شلعتي كلبي زينب فوك ما بي
رمح يازينب بص كلبي فايت
من كل كتر خويه انزف
ابدي وياج ما اعرف
منين ابدي غطاني الضيم
غيض بطيحتي ارجف
*----*-----****
يزينب حكج تعتبين بس هاذ
وضعي وحالي اصعب منج هواي
الشمس وكفت عليه واني مطروح
وجنح جبريل ما كفه عالفياي
حط ايدج بصدري بلكي ارتاح
ااخ ام عون خويه كضي بهداي
شني رايك شسوي هاي اجت ناس
كلي بساع خويه اطني فد راي
انه بصوابي اضل مكضوض
حل ماكو السبي مفروض
شوفت عينج اني بخيل
جسمي كله انه مرضوض
*----*---*-----*
شفت اسيوف تلمع وانت موجود
ولا واحد بغير ونغر عنك
ولا سيف لمع من طحت يحسين
كلها دموم شبعت خويه منك
معقولة كرهه شو انته محبوب
ما ينكره منك حته حزنك
جا ليش السيوف معانده وياك
وليش الوادم يطشرون ضعنك
زعل ما ينطبك رمشي
وداعت الله اريد امشي
اريد امشي ويعتني الشوك
اضلاً ما يضل كلشي
الشاعر..حسين باني
°❀•✵🍃🕊🍃°❀•✵
ـ🔹🔹 ﷽
(اللهم صل علئ محمد وآل محمد وعجل فرجهم )
#قصيده ثقيله لليله الوحشه
بهل ظلام الحره المن طالعه
حيل مشتاگه و لخوهه رايحه
تمشي وتعثر الجدام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
طلعت الحره العقيله ام الخدر
وبظــــــلام الليل تمشي وتعثر
مفارگه الحسين ومنهد العصر
والگلب من شوگهه صاير جمر
تمشي ودور الامام
رايحه بهذا الــــظلام
حيل مشتاگه و لخوتي رايحه
ـــــــــــــــــــــــــــــــــــــــــــــــ
تمشي وتنادي يخويه أنت وين
وعثرت ابولادهه وتنده حسين
تروحلك اولادي فــدوه يالحنين
جيت لك نتـوادع اوداع اربعين
طحنه بيدين الئام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
باچر لرحلة سبي وسوط الشمر
امشي وي چتالكم يبـن الطهر
وصلت لمصرعه تمشي وتنهطر
شافته بلاراس وجروحه شگثر
صفنت وسكته الكلام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
صفنت ودمعاتهه هي الحچت
شبكته بسگتهه ونوبه بچت
بدت تحچي شصار بيهه واشتكت
خويه هذا انت تگلـه وارتمت
حضنته بلهفه وهيام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
ماعرفتگ خويه حيل اتغيرت
تگله يابن أمي اجيتك وعثرت
لاتعاتبني اعليك اتـــــــاخـرت
لچن بلايتام وحدي تمرمرت
گعدنه برماد الخيام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
من عساهه بحضهه شمسويه الخيول
مكسره اعضامك على صدرك تجول
هذا انت حسين ابن فحل الفحول
وانت نفــــــسك ابن فاطمة البتول
طاحنه حته العظام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
لنهه سمعت صوت ونة ثاگله
تگلهه يزينب يبت عقد الوله
أنه امچ جيت اعينچ عالبله
وشفت كل الصار في طف كربله
رجعي يمه للايتام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
ردت بيا حال والمدمــع جره
شبگت الايتام وهي مگدره
يعينچ الله ماكو من مثل مره
شافته الشفتي وضلت صابره
عليچ يالحوره سلام
رايحه بهذا الــــظلام
حيل مشتاگه و لخوهه رايحه
ـــــــــــــــــــــــــــــــــــــــــــــــ
🖇تـمــت بتـــوفيــــق الله
🖊بـٲنامــل شاعرة ٲهـــل البيت عليهم السلام
زهـــراء الحــــربي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء👆
لا لم تكن مسبيةً زينب
بل ذو الفقارِ ناقةً يركب
بنتُ البتول .. بنتُ البتول
……………………………………………………………
غيمُ السِبا لا يحجبُ
شمساً تجلّت زينبُ . ضوءُ الجلاله
شكلٌ فقط كانَ السبي
بل اصلُها دورُ نبي . خدرُ الرساله
اعبايتها معجزة الشرف . رغم السياط اللاحت
طاح المتن من الضرب . بس هي ابد ما طاحت
تحجي العبايه اعل الهزل . فلتحيا زينب صاحت
ذِي رايةُ تعلو على الناقه
من كوفةٍ للشامِ خفّاقه
فيها يُرى . كفَ الرسول
بنتُ البتول . بنتُ البتول
……………………………………………………………
راحت لتلِ الزينبي
كي بالإلهِ تلتقي . لا للبكاءِ
منّا تقبّل ربُنا
خُذهُ لكَ قربانَنا . تَرضى رجائي
انطيناك يارب الضلع . و المحسن اوي الزهره
خافن قليل ابحضرتك . چمّل احسينك نحره
ممنونه اروح الخاطرك . فوگ الهزل متيسره
قالتلي أُمي كلَ ما فِينا
وقفٌ لربِ الكونِ بارينا
في الشدةِ . حمداً نقول
بنتُ البتول . بنتُ البتول
……………………………………………………………
في كوفَةٍ إذ أومأَت
منهم لساناً أخرست . ضاعَ الهواءُ
والطيرُ شَلت جُنحها
محزونةً تصغي لها . تبكي السماءُ
خطبت عليهم بت علي . و وجوه صارت صفره
من كثر ما كلها اسكتت . ينسمع صوت الابره
كالو علي هذا ولزم . نهج البلاغه و يقره
في كَفِها صارَت عَصا مُوسى
انفاسُهم في الصدرِ محبوسه
عباسُ ذا . فيهم يَصول
بنتُ الرسول . بنتُ الرسولُ
……………………………………………………………
القصرُ منها يرتجف
ترفعُ رأساً و الأنف . اخزت يزيدا
ما كيدُكَ الا بِدد
باقونَ نحنُ للابد . نصراً مجيدا
ابميزان مقياس النسب. امن الكون اثگل آنه
امن الريشه اخف وزنك تره .يبن العگدنه السانه
شنقيس يل امك هند . وانا امي الريحانه
ليسَ لسانٌ عندها يصدح
سيفٌ وفي اعناقِهم يذبح
من زينبٍ . هُم في ذهول
بنتُ البتول . بنتُ البتول
……………………………………………………………
كانَ لها دورُ الفِدا
تحمي الامامَ الساجِدا . روحٌ بروحِ
اذبحني قالَت للشمر
وإترك أمامَ المُنكسِر . كهفُ الجروحِ
ما ينطقُ عن الهوى. السجاد نفس امحمد
من غير علم امعلمه . معصومه يعني المقصد
مو لأن امج فاطمه . ابزودج وصلتي الهل حد
لو كانَ وحيُ اللهِ في الاسرِ
بها تنزّلُ سورةَ الخدرِ
آياتُها . كانت تطول
بنتُ البتول . بنتُ البتول
……………………………………………………………
حبلٌ بكفّيها إلتوى
في متنِها سوطٌ كوى . ركضُ الظهيره
الرملُ جمرٌ في القدم
أعماها دُخانُ الخيم . نارٌ سعيره
ما بيّنت الهم ضعف . بل هي مصدر قوه
مشيتها چن حيدر علي . وللحرب داخل توّه
هيبتها چن واكف حسن . واحذاه تفور الگهوه
يا كعبةٌ و الماءُ طافاها
و النخلُ بالسعفاتِ حيّاها
والعلقمي . جاءَ خجول
بنتُ البتول . بنتُ البتول
……………………………………………………………
✍️ ( سيد خضر الزاملي )
مايله الدنيه اويه زينب مايله
...1...
طلعوهه
بالحبل مجتوفه ما بين الاجانب
طلعوهه
وحاطت اعليهه الشماته امن الجوانب
الجان ما ينشاف ظلهه ولا اثر ممشاهه
هسه ويه اجناب طلعت موش اهلهه اوياهه
وين جانتلج يزينب وين جانت هايه
امدللت حيدر هضيمه الزمن ما راعاهه
مايله الناكه الهزيله مايله
...2...
كلهه ضدهه
ماكو واحد شالته الغيره اعله زينب
كلهه ضدهه
والكفلهه اجفوفه متكطعه وتسلب
عاشر محرم سباهه وبجه كل ايتيمه
كلشي ما خله عليهه لا اهل لا خيمه
ياهو التفزعه ويجيهه بعد عين الكافل
عثرت اجم مره زينب من ركاض الهيمه
عايله ابركَبتهه زينب عايله
...3...
عالترايب
عافت اخوتهه غصب موش ابرضاهه
عالترايب
ودعتهم زينب ابدمعت بجاهه
مشت من يمهم يويلي غاركه بدمعاتهه
كوه مشاهه جدمهه اتريدهم خطواتهه
حيل متعوده عليهم موش مال اتعوفهم
تلتفت كالساعه الهم هيه وابنياتهه
شايله صورة ذبحهم شايله
...4...
يا هضيمه
تمشي زينب ويه ناس الموش اهلهه
يا هضيمه
وعالرمح راس الحسين ايعاينلهه
ايوكف الرمح اعله طوله ساعت ايضربونهه
وهيه من كد ما تحبه تخفي دم امتونهه
طول درب الشام زينب مستحاهه ايكودهه
زينب اويه حسين قصه قله اليفهمونهه
سايله بيهه المدامع سايله
...5...
حره زينب
كلشي صاح بحركه برض الغاضرية
حره زينب
ما تلوك اعليهه تتسمه السبية
هاي زينب ستر الله البيهه كلشي مفاخر
جبل شامخ رغم كل الصار يوم العاشر
الكال مسبية عليهه عقله ما متكامل
زينب الحوراء حيدر هيه تسبي الكافر
زايله اجيوش ال اميه زايله
......
تمت
كلمات
موسى الخادم
بهموم وعذب طرواكم سرانه
شوكت يوصل يبو محمد سرانه
والي ويه زيارتك تدري سرانه
عليك. الزهرة حن سهل عليه
.......
الشاعر
اياد الفرح التميمي
انا زينب .. يالعفت اختك سبيه
انا زينب .. هسه حضرتني المنيه
انا زينب .. ريتك وتحضر إليه
ياكفيلي .. ياكفيلي
@@@
يالعفتني بيوم عاشر بالظهيره
وخلفت لحسين يرجع بالكسيره
چنت اميره وبعدك اصبحت الاسيره
وعالهزل شالوني من ديره لديره
…
سحبوني .. والحديد ايرض اديه
سحبوني .. فرجه مابين البريه
انا زينب .. ريتك وتحضر إليه
ياكفيلي .. ياكفيلي
@@@
احتضر واشهك وانادي وين اخوتي
وما اجه العباس ليه وگت موتي
مدري تسمع يبوفاضل صدى صوتي
ابمروتك لمن انخه وابمروتي
…
صوتي يثگل .. وما بقه ياحيل بيه
صوتي يثگل .. وچان خدي عالوطيه
انا زينب .. ريتك وتحضر إليه
ياكفيلي .. ياكفيلي
@@@
ألتفت عنك ادور يابوفاضل
وين يلي من ابونه صرت كافل
المفترض للنعش خويه اتصير شايل
ترى نعشي چنه هودج صار مايل
…
من يعدله .. والاجت غربه عليه
من يعدله .. والتشيع اجنبيه
انا زينب .. ريتك وتحضر إليه
ياكفيلي .. ياكفيلي
@@@
يا اخويه وياكفيلي ويا ودادي
تذكر ابصغرك تجني بس انادي
يا مرادي وكلشي سويته ابمرادي
مو عذر ايديك گطعوها الاعادي
…
سهم عينك .. مو عذر من هذي جيه
سهم عينك .. شيله واتعنه يخويه
انا زينب .. ريتك وتحضر إليه
ياكفيلي .. ياكفيلي
@@@
يالگضيت ابلا چفوفك شوف چفي
من اثر ذيچ السلاسل حزها يكفي
والشمر چفه ابسطرته عاب طرفي
وبعد عامين ولهسه باقي نزفي
…
متني ينزف .. وانا بت شمس الثريه
متني ينزف .. من ضرب سوط آل أميه
انا زينب .. ريتك وتحضر إليه
ياكفيلي .. ياكفيلي
@@@
ياللي بالشاطي افضخوا من عنده هامه
ترى عطشانه اعله جودك للقيامه
ضنتي ابتشيعي تمشي بس يتامه
وبالچفن باقي اثر خدري و خيامه
…
بهالجنازه .. انا ويتامي سويه
بهالجنازه .. انشالت الچانت سبيه
انا زينب .. ريتك وتحضر إليه
ياكفيلي .. ياكفيلي
@@@
ريتك ألگبري تجي وتقرالي ياسين
لون تنعى مصرعك وي خويه لحسين
ترى ظهري بطيحتك مكسور نصين
وبعدك اخذوني اسيره للدواووين
…
وبالشماته .. راسك وانا سويه
وبالشماته .. سمعوني الناصبيه
انا زينب .. ريتك وتحضر إليه
ياكفيلي .. ياكفيلي
@@@
علي أحمد الحمود
١٩-١-٢٠٢٤
وفاة العقيلة ع
ماتت زينب بحسره والمها
وتعبت من يتاماكم والمها
لا عباس يم زينب ولا امها
ابدار الشام عفتوها سبيه
.
كمر مضوي عله زينب بسمها
لسانه دوم ضل يلهج بسمها
ياهي التشبه الزينب بسمها
ثالث ماكو الهن عل وطيه
.
عكب العز يهل زينب وحيده
تموت وللضعن ياهو وحيده
الصبر لا وين تاليته وحيده
ماتت بالغرب يهل الحميه
.
سهم تسديد من ايدك شكيته
يدهري وحالي بس لله شكيته
موش الثوب يبن امي شكيته
الكلب و اجروحك اماثرات بيه
.
حسين وصاح زينب ماتردين
عجب عباس ساكت ماتردين
ولدار اهلج يزينب ما تردين
شرد واديارهم وحشه وخليه
.
.
حسن صالح العيساوي
موشح للسيدة زينب عليها السلام ( ماتسد بيبانهه )
هاشميه والفخر عنوانهه
هاي زينب ماتسد بيبانهه
الهه كل الزود والعز والفخر
بت علي وماكو مثلهه بالبشر
خل اسولفلك يمن رايد خبر
عن قدرهه وعن اهلهه وشانهه
مثل اهل زينب ابد ماكو اهل
يعيش خادمهم عزيز ولايذل
هاي ابوها المرتضى خير العمل
اسباع واليوث الحرب خوانهه
بت سبع واخوانهه اسباع الحرب
صيح يازينب ويرتاح الگلب
تحضر الشدات واتحل الصعب
والكرامه امسطره بديوانهه
الهه ديوان وكرامه امجربه
خل نگلهه اگلوب عدنه امصوبه
بداعت المحد اميه شربه
شيعتچ تنخاچ شيلي احزانهه
شيعتچ تنخاچ وانتي امعدله
شافي كل عله واعدلي المايله
نقسم اعليچ بضحايه كربله
والنشامه النامت بميدانهه
نقسم اعليچ وقسمنه بالكفيل
وبالغريب حسين ووليده العليل
ضيعينه ادروبنه وانتي الدليل
ادخيلچ امن الاخره ونيرانهه
داخلين اعليچ دنيه واخره
وانتي يازينب ولامثلچ مره
اليوم كلنه انصيح سبع الگنطره
گوم لختك سلبو صيوانهه
من ديوان مسلوب العمامه الجزء الخامس
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
قصيدة للسيدة زينب "عليها السلام"
بِعنوان ▪️🖋️ضياع الأحبة▪️
هـلـي يالضيـعتـوني
براضه براض تانوني
عن حالي دسألوني
عن الصار … عن الصار
هلي ياشمعة سنيني
سهم الفگد عاميني
مايكسركم اونيني
خله الدار ... خله الدار
❥ـــــــــــــ❁🪬❁ـــــــــــــ❥❥
بعد يا ردتي للدار ماتسوه
عفت اعزازها الجانو الي تجوه
بعد ايامنه ماترجع الحلوة
تعرفوها المره معتازه للخوه
دمعتي بغصه اجريها
اصد للدار احاجيها
البعد محد يمر بيها
حمل عنها راعيها
بظهر سـار … بظهر سـار
❥ـــــــــــــ❁🪬❁ـــــــــــــ❥❥
ياضعن الأودهم سار جدامي
اعاين لخوتي واتذكر ايامي
وهسه شلون غالغبره بگلب ضامي
عفت حسين بس وياي ايتامي
يمن تسوالك الدمعه
اخيي الما سلم ضلعه
عضيدي وبس اله انعه
بطور الفاجده مضيعه
بگلب نار … بگلب نار
❥ـــــــــــــ❁🪬❁ـــــــــــــ❥❥
شوصف حالي يل عن حالتي تنشد
افزن عالحلم من نومتي واگعد
مثل ام اعله ابنها مفرفحه وتنشد
وادعي الله بسلامه احسين ليه ايرد
اروحن فدوه لعيونك
گوم ورجع اضعونك
ايـــــتامك يتانونك
عشنا بحزن من دونك
والكدار ..والكدار
❥ـــــــــــــ❁🪬❁ـــــــــــــ❥❥
لا انه المتت لا انه مرتاحه
يومي مااعرفه ليلي واصباحه
فگد گلبي اعزازه وراحت افراحه
مثل طير انذبح ويرفرف اجناحه
بعد ماظنا نـتلاگه
الغالي يصعب افراگه
وداع وصار عالناگة
انادي بدمعة حـــراگه
يكرار...يكرار
❥ـــــــــــــ❁🪬❁ـــــــــــــ❥❥
اميرتكم وانادي ابحرگه مقهوره
ليش ادياركم عفتوها مهجوره
جانت زاهيه وبالاهل معموره
هيبة حسين جان وحسن اسطوره
الكافل خيمه اعلينه
بجفه جان يروينه
اخلافه العده تولينه
اكبار الضيم مربينه
والزغار .... والزغار
❥ـــــــــــــ❁🪬❁ـــــــــــــ❥❥
🖇تـمــت بتـــوفيــــق الله
بـٲنـامـل شاعرات ٲهـل البيت عليهم السلام
🖋️الشـاعرة مـهـا الخـيـگاني
🖋️الشـاعرة زينـب الـواسطي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء