🌴تجمّع الزهراء ع العاشورائي🌴

01 февраля 2024 22:54

ثجيله اهمومي يـمـك جيت  .. عناي
وخـلــه الـمـارضـه شـيـگـول  .. عناي
أنــه الــغــيـرك ابــد مـا روح  .. عناي

اريـدن حاجـتـي اتـحـطـهـه إبـإديــه

*--------------------*--------------------*

✍خادم موسى ابن جعفر (ع)
الشاعر رعد الجريخي

اعـتـنـيـلـك لو زحف مـولاي  .. وصـلـك
يـَمـن ذاتـك حـلـيـف الـكـرم  .. وصـلـك
اذا فـد يــوم عـنـي انـگـطـع  ..  وصلـك

الـمـوت اهـون يـبـن جـعـفــر عـلـيـه

*----------------------------*-------------------*

✍خادم موسى ابن جعفر (ع)
الـشـاعـر رعـد الـجـريـخـي

🌴تجمّع الزهراء ع العاشورائي🌴

01 февраля 2024 20:57

شوط كربلائي بحق الامام الكاظم عليه السلام


اجينه الموسى بن جعفر       مشّايه بفخر نگصد
بمصابه انزوره نتعنّه         بمدامع نوصل المرقد
............
من كل صوب اجت كلها     تعنت گاصده الكاظم
هذا ابن النبي الهادي        جده للرسل خاتم
و عليّ المرتضى جده    وامّه الطاهره فاطم
واجب لو نجيله ازحوف
الگبره نعتني و نشوف
الموالي بهالأمر ميعوف
يظل واعلى الدرب ثابت    ولائه هواي ما ينعد
............
لارض الكاظميه الها     للكاظم إجت زوار
گصدو للسجين ابَهم   متردها ابد لأخطار
كلها ماشيه بهمّه   رجال او نسه او اعمار
لحليف السجده مشايه
بعهدهم حيل وفايه
الموالي ثابت ابرايه
بولائه باقي كل عمره    سره بيه بعزم و الجد
............
لإمام الشيعه مولانه    گصدنه بهالأمر لجله
بحياته و نظلم كثره   واصله افضل الملّه
نريد نزور للمرقد   الموالي سلّم او صلّه
سلام اعلى الولي المظلوم
يامن بالسجن كل يوم
امامي الكاظم و مهموم
سنين هواي من عمره بسلاسل حيل متقيّد
............
مشينه الكاظم بلهفه إمامي سابع الاطهار
نذكره بمرقده امصابه ومن يمنه الدمع مدرار
ملايين اعتنو لجله   تظل طول الدرب باصرار
للمرقد يگصدونه
نهجهم ما يتركونه
طريق الصح يعرفونه
موسى الكاظم و تذكر مصابه لا ميتحدّد
............
حليف السجده و الصابر على جور و ظلم هارون
مصابه الكاظم و حزنه بگلبنه للأبد ميهون
نگصد لو يأذّونه وبكل اي وسيله كون
نمشي و نفتخر كلنه
الرزيته نبچي و بونه
فلا نبعد أبد عنه
على هذا الدرب و نظل ربنه الخالق اليشهد
............
علينه و عالمشي اعترضو المن هالمشي تمشون
بدعه گالو ومو صح رغم بالحگ تره يدرون
نجاوبهم على الشبهه ميظلون يعترضون
لجل موسى بن جعفر
إمامي و نظلم نذكر
يضدّونه بأذه و الشر
وهو ابن النبي الهادي ذكره باقي ما يفند
............
لارض الكاظميه ابَهم لو إلها وصلناها
الغريب الي گضه عمره حياته و بس ذكرناها
رزيّه للسجين بون وبحسره نعيناها
بسلاسل موسى من قيدوه
طاموره وسف خلوه
سنين هواي من أذّوه
لاكن حكمة الباري يظل مولاي يتخلّد
............
دربنه لو يطول اكثر نمشيله المرقد نگصده
الموالي الموسى بن جعفر ثباته بالگلب عنده
ولو وبهالدرب ميّت هي الموته شو وحده
عمرنه يرخص و نفخر
لابن طه النبي و حيدر
المحب وبهالعهد قرّر
بمسيره و المشي باقي ولائه دوم يتجدّد
............
علينه مرّت الكلفه وبكل الزمن وسنين
عادونه و يأذّونه لو شافونه من ماشين
لاكنه ما يمعنونه بدربنه للأبد باقين
و شاهد هالتزور اليوم
ملايين التجي معلوم
گصدت للولي المسموم
فضله اعلى الخلق تذكر مقامه هواي وتمجّد
............
خلها الناس لو تحجي علينه تعترض اشكال
لاكن كل موالي يظل عزمه بالگلب ما مال
ثابت بالنهج باقي لو صعبه يصير الحال
للكاظم إمامه يزور
هذا ابن الرسول النور
بفضله الدين ظل معمور
حبه نور و بگلبه الموالي بهاي متأكّد



مهيمن يوسف الموسوي
٢٦ جمادى الآخرة ١٤٤٥هـ
٢٠٢٤/١/١٠م يوم الاربعاء  ١٢:٥٠ص

🌴تجمّع الزهراء ع العاشورائي🌴

01 февраля 2024 20:56

يالتشيعونه يالتشيعونه   الكاظم غريب اعله الجسر يالتشيعونه
**
بالسجن يا ناس   خلصت اسنينه
للفرج يدعي   ودمعته بعينه
كافي يا دنيه    لا تجرحينه
امن السلاسل ذيج    الله اليعينه

لا تتانونه  لا تتانونه   بالسم ابن جعفر كضه لا تتانونه
***
امن الشمس محروم   وحيرته حيره
والسجن غير   كل تعابيره
راسه عالقبله   ياهو اليديره
يصرخ الناعي   راح ابو الغيره

غمض عيونه   غمض عيونه  الكاظم يشيعه بهل المسه   غمض عيونه
**
كلهم الجمعه   يم جسر بغداد
وضلت الشيعه   تنطر الميعاد
كلها تتأمل   والامل ما فاد
مات ابن جعفر   واهله كلها ابعاد

يالتشيلونه  يالتشيلونه   بهادي بله ويالنعش  يالتشيلونه
*




قصة الكاظم   ما حملها انسان
جان يتمنه   يلكه يمه اخوان
من كثر صبره   حير السجان
وتصفن الحيطان   لو قره القران

ما يشغلونه   ما يشغلونه   عن طاعة الباري ابد  ما يشغلونه
**
ايده من الكيد   ليش دمها ايسيل
امن الحديد اهواي   جسمه ضل ايميل
والله ابن حعفر   عنده ما ضل حيل
والنهار اشلون   ايعرفه من الليل

ما يخلونه   ما يخلونه   لو راد يشتم الهوه ما يخلونه
****
اربع احماميل   عالجسر خلوه
والطبيب يصيح    بيا ذنب سموه
بالدمع والنوح   شيعته اتلكوه
لطمو اعله الروس   وبالحزن شالوه

وحشه من دونه   وحشه من دونه   بغداد والدنيه اصبحت   وحشه من دونه
****
تمت
تحسين الخفاجي

🌴تجمّع الزهراء ع العاشورائي🌴

01 февраля 2024 20:55

رباطات هوسات للإمام الكاظم عليه السلام


ما يحضرونة .. ما يحضرونة
مات وال هاشم .. ما يحضرونة
=====================
موش خوانة .. موش خوانة
حماميل التشيلة .. موش خوانة
=====================
ايلوج بسمومة .. ايلوج بسمومة
اويلي شلون حالة .. ايلوج بسمومة
======================
ما منگطيلة... ما منگطيلة
ماي ابيوم موتة .. ما منگطيلة
=======================
حيف مسمومة .. حيف مسمومة
مطروحة الجنازة .. وحيف مسمومة
===================
انريد تشييعة .. انريد تشييعة..
للكاظم اجينا .. انريد تشييعة
====================
بيك فجعونة ..  بيك فجعونة ..
يا موسى ابن جعفر .. بيك فجعونة
=======================
انشيل تابوتة .. انشيل تابوتة
للمسموم اجينا .. انشيل تابوتة
=====================
لا تخلونة .. لا تخلونة
يا شيعة وليكم .. لا تخلونة
===================
حيل بچانة .. حيل بچانة
نعشك يا ولينة .. حيل بچانة
====================
أسألكم الدعاء رائد الاسدي

🌴تجمّع الزهراء ع العاشورائي🌴

01 февраля 2024 20:54

قصيدة للامام الكاظم عليه السلام

تنقره مربعه او طور النوحيه

المستهل 👇🏻👇🏻👇🏻

معصومه تون ونه خفيه
عالمسموم باارض الكاظميه

•───✧◐🕊🌻🕊◐✧───•

معصومه تون والروح خلصانه
على المات ابسجن اظلم وزنزانه
الميت بالسجن مايمه خوانه
ومحد شيعه سوده عليه

•───✧◐🕊🌻🕊◐✧───•

مكيد بالسناسل حضرت الوالي
وياجرح الابو يوجع بدلالي
الطمي وياي للخله النزل خالي
وخلاني وحيده ومانشد بيه

•───✧◐🕊🌻🕊◐✧───•

صعبه على البنيه يروح واليها
وبديرة غرب ماينشد عليها
ومجروحة كلب ياهو اليسليها
تجري دموعهه صبح ومسيه

•───✧◐🕊🌻🕊◐✧───•

خلص عمره وحياته بالسجن نايم
مكيد بالسناسل وبسجن ظالم
كاظم غيظ هوه وبالسجن نايم
كّطع جبدته ابن الدعيه

•───✧◐🕊🌻🕊◐✧───•

نوحي على الغريب المات مسموم
موسى على الجسر والخبر ميشوم
والشيعه كلبهه عليه مالوم
تشيع جنازته الضلت رميه

•───✧◐🕊🌻🕊◐✧───•

بقلم المله والشاعره ام علي الإماره
غير مبري الذمه اليحذف الاسم وينسب الكلام له
اهدي القصيده الى مولاي موسى ابن جعفر

🌴تجمّع الزهراء ع العاشورائي🌴

01 февраля 2024 20:53

نعي (گرناوي) بحق الامام الكاظم عليه السلام عن لسان ابنته فاطمة المعصومة عليها السلام


محتاجتك اترد يا ضوة الدار
مظلمة والحزن بعدك نزلها **
اصبحها بصباح النوح ودموع
صباح الخير ما ترهم نگلها **
چنة لجيتك نحسبلك حساب
تتلگاك بوية الدار كلها **
نركضلك نركض يم عتبة الباب
نفرح من تطب يا نور اهلها **
البنية عزيزة وتختلف حيل
حنينة وبالمحنة من مثلها ***
تعال ارجعلي بوية هواي تشتاكَ
روحي ومن رحت حزنك كتلها ***
===================

سنين هواي شخصك  ماشفينة
يـــــفي الـچان الــــنة  ماشفينة
تدي اجـروح هـــجرك   ماشفينة
اظل انعاك كل صبح ومسية
===================

اسالكم الدعاء رائد الاسدي

🌴تجمّع الزهراء ع العاشورائي🌴

01 февраля 2024 20:50

عله الغــــــــــريــــــــــب واويلاه
ــــــــــــــــــــــــــــــــــــــــــــــــــــــــــــ 

  هـــــذا المــــــــــصاب يشيب الراس
  مطــــــــــروحه ليش اجنازت الياس
  فوك الجسر خـــــــن صيح بحساس
  هــــــــذا الغريب منـــــــــين ياناس

  خلــــــــــونه  بالــــــدمعات ننعاه
  عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ

  خلــــــــــونه نبـــــجي ونعمي العيون
  للكــــــضه عــــــــــمره بسجن هارون
  حــــــي بني هاشم خــــــل يحضرون
  نعـــــــــش الغــــــريب ابعازت امتون

    خــــــــــن شيعه بالحسرات ولاه
    عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ

  كلب الزجيه انفــــــــجع هــــــل يوم
موسى ابــــن جعفر مـــــــات مسموم
جـــــــــرح الضــــــــلع بفراكه ملجوم
  مهــــــــضوم كلب الزهرة مهـــــضوم

   ومصابه مــــــــــاضن يوم تنساه
   عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ
شــــــــــدو الحــــــــــزم هاي المسيه
وبالــــــــــدمع خـــــــــل ننصب عزيه
خــــــــلــــــــونه  ننــــــــعه ويالزجيه
ونحـــــــــيي  اليالي الكاضــــــــــميه

  جا كــــــــــون ميتين احنه وياه
عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ
 
خــــــل نمشي كربه بكـــــــلب مفجوع
وفـــــــــوك الجنازه انـــــــرش الدموع
ونلــــــــــطم لحد منــــــــكسر الضلوع
  ونحــــــــترك يمه شلون الشــــــــموع

  بكل  شــــــــده اسمه ويانه نلكاه
  عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ

  كاظم الغــــــــيض واســـــمه معروف
  حــــــــــاشه خليه يــــــــــرد الجفوف
  تــــــــــرابه دوه للـــــــعله مــــوصوف
  الكـــــــلبه انجــــــــوه بنيران الطفوف

وسبي الحــــــرايــــــر حيل اذاه
عله الغــــــــــريــــــــــب واويلاه

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

🌴تجمّع الزهراء ع العاشورائي🌴

01 февраля 2024 20:49

ياشيال نعش الكاظم ◾️ياشيال نعش الكاظم
________
        بهداي النعش لمن تشيلونه
    خاف امن السلاسل توجعه امتونه 
      جان ايون لمن غمضهن اعيونه
       تمنيت الهواشم لو يحضرونه
ياشيال نعش الكاظم ◾️ياشيال نعش الكاظم
________
     هاي اجنازته اعله الراس شيلوها
     صعبه اعله الجسر لا لا تعوفوها
       هاي الوادم التنتظره شوفوها
       خلوها تودعه احبابه خلوها
ياشيال نعش الكاظم ◾️ياشيال نعش الكاظم
________
     ياموسئ ابن جعفر عاين اعلينه
     اجه موعد رجعتك واحنه تانينه
       اتوقعناك سالم من ترد لينه
      ماندري بنعش محمول والينه
ياشيال نعش الكاظم ◾️ياشيال نعش الكاظم
________
        جانت شيعتك مولاي منتظره
     گلب الشيعه لجلك مشتعل جمره
     ماردناهه تخلص سيدي العشره
     كون اترد علينه ابداعت الزهره
ياشيال نعش الكاظم ◾️ياشيال نعش الكاظم
________
       ردناهه فرح ماردنه نبجيلك
       جنه بالصلاه يوميه ندعيلك
      كون ترد علينه سيدي دخيلك
    ماندري السلاسل هدمت حيلك
ياشيال نعش الكاظم ◾️ياشيال نعش الكاظم
________
📝احمد البغدادي

🌴تجمّع الزهراء ع العاشورائي🌴

01 февраля 2024 20:47

فزاعي للامام الكاظم ع

┈┅✦❂✦┅┈

تعنينه لبو طلبه

وبشاره طلبناها

┈┅✦❂✦┅┈

اجينه اليوم عنـــــــايه

ويدري همومنه هوايه

نخيتك سيدي بهــايه

والحاجات ردنــــــاها

✍️مريم الحجيمي

┈┅✦❂✦┅┈

يم بابه تعنــــــــــينه

نريد امراد يطــــينه

من الهظمه يشجينه

واعتابه كصدناهــا

✍️هديل المياحيه

┈┅✦❂✦┅┈

وكَفنا  الليله  عدبـــــابه

منه العين سجــــــــــابه

نخينه  راعي  الاهيابه

والحاجه   طلبنــــاها

✍️ام مازن البحرين

┈┅✦❂✦┅┈

كصدنه المجلس بهــــمه

نون لسابع اليـــــــــــــمه

بحق سجنه وبحق سمه

الشيعه تشافي مرضاها

✍️ام زينب الحجامي

┈┅✦❂✦┅┈

نمشي  يابخت  جده 

نشكي أحوالنه   عده

يفزع    النه   بلشده

احبابك تجري عيناها

✍️ام زهراء الفاطميه

┈┅✦❂✦┅┈

لبوطلبه اجيت اليــوم

عليك بغصة  المضلوم

نخيتك والكَلب مالوم

روحي بيك رجواهــا

✍️مريم الحجيمي

┈┅✦❂✦┅┈

تمت بفضل الله باقلام شاعرات
رابطة ذبيح الغاضريه
                   ونسألكم الدعاء
⚜️➖➖ياحسين➖➖⚜️

🌴تجمّع الزهراء ع العاشورائي🌴

01 февраля 2024 20:33

الما لاگي دواه وحـايـر ابطبه
خله يروح يتنخى بـابـو طلبه

خله يـروح يتنخى بـابـن جعفر
يمه يجيب ربـنـا دعوة المضطر
ابن حيدر ألف نعمين ابن حيدر
يجيبه ابشدته ويخلصه من كربه

يـجـيـبـه وعنه لا شك يرفع الكلفه
اذا بالـعـلـه حـايـر مـاكـو مستشفى
يم موسى ابن جعفر ياخذ الوصفه
تـتـسـهـل تـرى يـم بابه كل صعبه

تتسهل شكو فوگ الظهر شده
ندعي ابأسمه رأساً تنفك العگده
معروفه الحوائج تنگضي عنده
حگها الناس من أفعاله متعجبه

حگها ابـفـعـلـه تبگى حـايـره الوادم
يظل عايش ملك مَن صار إله خادم
خـيـر الـدنـيـا كــلــه ابعتبة الكاظم
الـكـرامـه والـكـرم تتوسل العتبه

عتبه وبيها يتزاحم سرب الاملاك
مـن ضـي گـبـتـه تتنور الافلاك
گبل الحاجه من عنده يسمعك هاك
بس مدة چفوف وتنگضي الحسبه

بـس مـدة چـفـوف وهـوه يگضيها
المراجل والوفه بس موسى راعيها
هـاي الـشـيـعـه ابـداً مـا يخليها
يحبها ابگد ما تهواه واتحبه

تحبه والوعد گالت جسر بغداد
تشييع الجنازه كل سنه ينعاد
جنازه ومنها نسمع خشخشة الاگياد
عليه حگنا دماء المدمع انصبه

عليه حگنا الوجه بچفوفنا انلطمه
وا ويلي على موسى وعلى سمه
والدم الـ نزل من چفه وچدمه
حزنّا بالمدامع لازم انكتبه

....
.
.

تمت.. رجب ١٤٤٤هـ

المتوسل بباب الحوائج.. حسين عبد الله المعيبد

🌴تجمّع الزهراء ع العاشورائي🌴

01 февраля 2024 20:32

لاستشهاد الامام الكاظم عليه السلام
على طور (نار بدليلي تسعر)
لحمزه الصغير

اخمسطعش لواكثر  مسجون يابن جعفر
يابدعه المسويها   ايام العمر تگظيها
               مسموم يابن جعفر
★★★★★
مثل النبي ياموسى الرحمن ارسل نورك
                          خير وهدايه ورحمه
واتزيح عن الوادم    لمن تقدم دورك 
                         كل نايبه  وكل ظلمه
كل بحر عندك گطره  ياعلم تزهي بحورك
                         حبك اساس  النعمه
من إيدك كرم شافوها   ايد الغدر مدوها
كل القصد تاليها   ايام العمر تگظيها
               مسجون يابن جعفر
★★★★★
كلمن گصد وتعنه   يشكي الحزن والامه
                                  ونار الگلب لَهَّابَه
ولوماگظت حسباته  وليل العلل مانامه
                         والدهر  قاسي اصوابه
يلگه الفرج متعني  يلكه الفرج كدامه
                          شم الورد واطيابه
المحتار يمك أمره. اي وحگ ضلع الزهره
دنياك مدري شبيها  ايام العمر تگظيها
               مسجون يابن جعفر
★★★★★
مايوم شفت الراحه   دنيا ورحم مابيها
                          شعندك ذنب وياها
جحفلت ضدك كلشي  لوقَرُّبَت  تدريها
                              وي العده تلگاها
علجمر روحك ظلت  صار الصبر حاديها
                           صبرت على بلواها
رادوا تغييب انوارك   من تبتعد عن دارك
شگد صابر وتدريها    ايام العمر تگظيها
              مسجون يابن جعفر
★★★★★
ياراهب آل العتره  دمعي يهل لمصابه
                                ماتنطفي نيراني
منعوا الناس تشوفه   لامن اهل واصحابه
                            غربه وعذاب يعاني
ناتج حقدهم واضح  نور العلم واسبابه
                             والجانب الانساني
فوضت امرك لله   من جور هاي المله
يامعضله الجانيها    ايام العمر تگظيها
               مسجون يابن جعفر
★★★★★
الحَلَّفَك بالزهره. ودموعها اونتها
                      وضلوعها المتكسره
والحَلَّفَك بالغربه. وايامها وحيرتها
                    وكل ماجره على العتره
والحَلَّفَك بالعاشر. وبزينب وغربتها
                 وراس الحسين ونحره
منك يريد أمراده.     لو حَلَّفَاك وناده
وانته الخلگ راعيها   ايام العمر تگظيها
            مسجون يابن جعفر
★★★★★
سر الاله وعلمه.  ومحكم كتابه ودينه
                               وكل واجباته وفرضه
يامن وجودك رحمه.  وخير ونعيم اعلينه
                               وجنة الباري ابأرضه
وسفه المنيه الْمُرَّه.    بالسم لفت والينه
                                ولاوادم المعترضه
وين الاهل واحبابك.  تحضر بيوم امصابك
ياسورها او واليها.    ايام العمر تگظيها
       مسجون يابن جعفر

الشاعر حسن لعيبي الحريشاوي

🌴تجمّع الزهراء ع العاشورائي🌴

01 февраля 2024 20:32

#جديد🔥🔥🔥🔥

نعي  لسان حال معصومه  ع  تخاطب السجان…..


بباب السجن جينه وكعدنه
ردنه الولي خل يطلع النه
سجان  وين البيه محنه
ـــــــــــ❋❋❋ ـــــــــــ

هذا السجن لگعد ابابه
وبصوت انوح عليك يابه
گلبي عتب دسمع عتابه
ـــــــــــ❋❋❋ ـــــــــــ

دطلعلي بويه وخل اشمك
لاباب لاشباك يممك
چنه انهدر يابوي دمك


ـــــــــــ❋❋❋ ـــــــــــ

سجان  خليهم يطلعون
ظلمة السجن خايب يملعون
ومن السجن عميانه العيون

ـــــــــــ❋❋❋ ـــــــــــ

جينه نمر اعالمساجين
وانشوفهم ذول الحنينين
من الكيد هالبيهم نياشين

ـــــــــــ❋❋❋ ـــــــــــ

تنزف ايديهم من الكيود
وين الحنين اليوم مفكود
شال الابو وهيهات ميعود

كل يوم الك ونه يكلبي

ـــــــــــ❋❋❋ ـــــــــــ

تعنيت للوالي بحسرتي
طول الدرب انعه بعبرتي
وين الوالي اليمسح دمعتي

ـــــــــــ❋❋❋ ـــــــــــ

تمت بعون الله وتوفيقه

بقلم ام ذو الفقار اسراء اللامي



غير مبري الذمة من يجرد اسمي   او ينسب الكلام لغير شاعرة مشكول الذمة

العمل مهدات لصاحب الزمان ((عج))

🌴تجمّع الزهراء ع العاشورائي🌴

01 февраля 2024 20:31

نعي نصارى للامام الكاظم ع
~~~~

تـرى يحـلا البچي للمات مسجون
وعله التربان جسمه ضـال مرهون
ويـن ابـنـه الـرضـا ويـن الـيـحبون
على جسر الرصافه خل يحضرون
ابـخـواچيهـم لابـن جـعـفـر يفيون
وزنـجـيــل الاســر عـنــه يـحـلـون

بقلم خادمة آل البيت ع

~~~~
وينه الي وصــل خبر الساده
ابن جعفر گضه يهـل العباده
جسر بـــغداد  صايرله وساده
خل تلتم هــــله وكلهم اولاده
ويه اهل السلف تعلن حداده
ام عــــــ✍🏻ـلي البابلي
ـــــــــــــــــــــــــــــ
تعلنله حداد بگلب محروگ
وسفة يا امامي بگيده مشبوگ
وين أهله تجيه اترد الحگوگ
مات وبالألم وبنفسه مخنوگ
من احبابه صبح ويلي مبيوگ

✍🏻زينب الواسطي
ـــــــــــــــــــــــــــــ
وين احباب كلبه تحضراليوم
من ثكل السلاسل متنه مالوم
مايعرف نهاره ولليله مظلوم
بطاموره وارض  ماشايف النوم
ينزف هالجبد ظل يجري ادموم
ميت بالسجن ياويلي مسموم

✍️ام زهراءالفاطميه

ـــــــــــــــــــــــــــــــ
بطاموره انسجن مايدري شصار.
ما يعرف الليل ويعرف انهار.
للمسموم وينه الياخذ الثار .
ومعصومه تون والدمع نثار .
واعليه الرضا كلبه يوج نار
نعزي فاطمه وحيدر الكرار .
✍🏾 آلاء الطائي
ـــــــــــــــــــــــــــــــــــــ
انعازي ابنيته ابدمعه جريه
على الي كضه ومااله جيه
اهذا ابن الفحل  كله حميه
عليه اليوم  تنعه الكاظميه
ونوله  ابحــزن يالجعفريه
شال ابن الديانه وهاي هيه
مسموم الولي  سوده عليه

ام ✍🏻زين العابدين لمحمداويه
ـــــــــــــــــــــــــــــ

ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 20/ رجب  / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

🌴تجمّع الزهراء ع العاشورائي🌴

01 февраля 2024 13:53

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ


درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

01 февраля 2024 13:51

#قصائد_النعي_الشعبي
#رقم_40

السيدة المعصومة (عليها السلام) ومصاب أبيها #الإمام_موسى_الكاظم (عليه السلام).
الخطيب الشيخ جاسم الكربلائي

ويـن الفاجـده والگلب هايم
تنعـه ويـاي  بدمـوعٍ  سواچم
نفزّع بالنواعي اشـبول هاشم
نگلهم بـالعجـل يهل المكارم
تره فوگ الجسر خلّوا الكاظم
والسـجّان مـتوليـه شــتـايم
خلصو اجنازته بسل الصوارم
وخل بغـداد تشهد والعوالم
تشيّع موسى بدموع الهواشم

مراثي الأطهار عليهم السلام

🌴تجمّع الزهراء ع العاشورائي🌴

01 февраля 2024 20:57

ابو ذيات للإمام الكاظم //ع//
على لسان الزهراء //ع//


أنــه الـزهره وزمــاني ويــاي  .. عاده
وصفتلي اويه الحزن والنوح ..  عاده
فــگــد مــوسـى عليــه الباب .. عاده

لــچــم ضلعي وســرت نيران بــيــه

                    *---------------*----------------*

بقضاء الـبــاري اسلّم  دوم ..  ورضه
وبچه الحالي سمه المعبود ..  ورضه
الــربط سـاگ الغريب بگيد ..  ورضه

عــاد امصيبة المــحــسـن عــلــيــه

                    *---------------*----------------*

اشوكت تظهر يمهدي امك ..  يسرها
روحــي الــفــرح ما لحظه ..  يسرها
الــرصــافـــه يجرح بگلبي ..  يسرها

العلّي خلوا نــعــش موسى رمــيــه

                    *---------------*----------------*

✍ بقلم خادم الحسين ع
     الشاعر رعد الچريخي

نعي


ويـنـه الـيـروح ويـگـطـع الـبـيـد
ويطـوي الفيافي ودرب الـبـعـيـد
ايحشّم هـلـه وكـومـه الاجـاويـد
ايگلهم  طـريـح الكاظـم اوحـيـد

بـالــچـن فـرد فـزعـه يـفـزعــون
ويَـمـه الاهـل كـلـهـم يحـضـرون
هـذا الـعـلـيـه اتــهــل الــعـيــون
وذاك الـيـشـيـلـه فـوگ الـمـتـون

الـيـمـه عـويـل الـنـعـش ينهـاب
وعازتهه عـازه ادمـوع الاحبـاب
نـنـصب عـزانـه بـهـذا الـمصـاب
لــمـــن يـجـي لــلــثـــار طَـلّاب

*--------------------*--------------------*

✍خادم موسى ابن جعفر
الشاعر رعد الجريخي

🌴تجمّع الزهراء ع العاشورائي🌴

01 февраля 2024 20:56

استشهاد الامام الكاظم ع


ليلة فرج بس شايل امصاب
ثاري جروحك فتحة الباب
يالكاظم ابالك يمر  ضلع الزچيه المنكسر
****
ندري نوعين المدامع   للفرح لو للحزن
انته اول من جمعهن   ذني ضدين بسجن
ابين فكة باب سجنك  زاحمك دمع اليون
اتذكرت چلمه أليمه  الزهره موجوده وإن

مو هل سلاسل تلچم الروح
ثاري لچمتك فاطمه اتنوح
والالمك اكثر امر  ضلع الزچيه المنكسر
****
بفتحة الباب المنيه  هذا مو شيئٍ جديد
امن انفتح باب الزچيه  بالضلع نام الحديد
ما يهمك موتك انته  ذاك جسرك مو بعيد
ما ردت تبچي اعله حالك  تبچي عالزهره تريد

شفت الجسر بس درت العيون
بلكت هلك يمك يمرون
عينك تصب دمع اشكثر  ضلع الزچيه المنكسر
****
بعدك بوضع السلاسل  والنعش يمك حظر
عظم چفك لوله گلبك  ياهو اولها انفطر
اقتنع لو گتلي ضلعك  گبل هذني انكسر
كل جرح شلته يغالي  بفاطمه الزهره انحصر

ما تاخذ انته بس نصيبك
لابد جرح فاطم يصيبك
حگه الجزع من يستمر  ضلع الزچيه المنكسر
****
خلصت انفاسك ولكن  ما خلص دمعك بعد
ملتقانه بيوم جمعه  الشيعتك منطي وعد
عالنعش كاتب عباره  يُمه يالزهره مدد
حتى من تبچي الغياره  اتصيح فاطم للابد

آه الضلع والشيعه تقره
رايدها كل مأتم تذكره
ما ينسي طول العمر  ضلع الزچيه المنكسر
****
امن اعتنه اوليدك يغسلك  غسلك بس منفجع
فاضت عيونه ولكن  ما يجبرك كل دمع
بداخلك يسمع انينك  إلضلع اخ الضلع
بگد عمر فاطم كأنك  گتله وج يمي شمع

بلحدك تريد اتعيش الالام
ازغيره الزچيه بعمر الاحلام
لا والله ما ينفع صبر  ضلع الزچيه المنكسر
****


الشاعر اياد الديراوي

🌴تجمّع الزهراء ع العاشورائي🌴

01 февраля 2024 20:56

امصيبة الكـــــاظم مصيبه
هم مثل عمته الغـــــــريبه
جتفو ايده بسـلاســــــــل
وبالگب كاظـــــم نحـــيبه

بطاموره كل عمــره كضا
وسفه بسجن يابو الرضا
سابع امـــام اعله الارض
بسـَم الغــــدر تالي حضا

ويلي اعله ابن جعفـــر المسموم
مضلوم خلـص عمـــــره مضلوم
خلصت حيـاته بسجــن ويـــلاه
بطــــــامورة الاحــــزان مهمـوم

علئ الغريــــب واويـــلاه
ـــــــــــــــــــــــــــــــــــــــــ
عايــف  الكــــاظم مصابه
وسجنه واگيوده واعذابه 
وهوه بالطـــاموره يـذكـر
عمته زينــب والخــــرابه

بطامــورة السنــدي اشكثر
يبجي اعله عمته ام الخدر
ياويلي زينب بت علـــــــي
عالهزله راحــــــــت لليسر

ويلي اعله زينب بالسجن صاح
الشافت وليها حسين من طاح
اشكد عظيمه مصيبتج هـــــاي
مسبيه رحتي وهمه برمــــــاح

على الغريـــب واويــــــــلاه
ــــــــــــــــــــــــــــــــــــــــــــ
منجـــرح گلبـه اعله زينب
بمحــنته وعليـــها ينحــب
ما مفارك بــــــاله منظـــر
عمته مجلس غربه تچهب

ماصايــــره ابـال النبــي
علويـه ماخـوذه بســبي
عد الهــواشم ضل جرح
ماطاب جـرح ام العبـي

مهضومه زينب طبت السوگ
ياوسفه صعدت هــزّل النوگ
مجروح امامك عالجره وصار
ومحروگ گلبه اعليها محروگ

على الغريـــــب واويـــــلاه
ـــــــــــــــــــــــــــــــــــــــــــ
عالــــــهواشـم هايـه صعبه
اطب حرمهم ســوگ غـربه
طبن الشـــــــام العــــلاوي
اليستمعها يوجـــــعه گلبه

ومّصيبة الكــــاظم مثــل
عمته الي صعدت عالهزل
هيه الخرايب هم سجــن
واثنيــــنهم نفـس الحـبل

هيه المصيبه امصيبة ام عون
باقي المصايب سهله واتهـون
مو هينه زينب حتى تنشــاف
الصار اويه زينب يدمي الاعيون

على الغريـــــب واويـــــلاه
ــــــــــــــــــــــــــــــــــــــــــــــــ
ويلي بسموم المنيـه
خلصو ولد الزجـــيه
مالت الدنيه بأهلنه
من رزيه لحـد رزيه

ياويلي من ضلم الدهــر
معصوم وبســـم انغــدر
هذا الغريب امن استمع
يعصرني گلبي من القهر

وين اهله راحو خل يحضرون
الصاحو گبــل خلهم يشوفون 
هذا ابن جعفـــــر أسد بغــداد
افترت الدنيـــه اوينه هـارون

علي الغريـــب واويـــــــلاه
ــــــــــــــــــــــــــــــــــــــــــــــــــ
محمد المشعلاوي

🌴تجمّع الزهراء ع العاشورائي🌴

01 февраля 2024 20:55

على المسموم... هاشم ما تفزعون
====================
تغسلونة وتچفنونة وتشيعون..

على اچتاف الولد نشعة يشيلون..

على التابوت كون اهلة اليونون..

ويم اجنازتة اخوانة ينحبون..

اللحگولة يخوتة موش تبطون..

ياحيف الدهر بالكاظم ايخون..

غريب ويا حسافة ايموت مسجون..

ناحل والوجه متـــــغير اللون..

حماميل اربعة نعشة يحملون..

موش انتم على العيلة تنامون..

حگها لو تصب من دم العيون..

================

أسالكم الدعاء رائد الاسدي

🌴تجمّع الزهراء ع العاشورائي🌴

01 февраля 2024 20:54

هوسات للأمام الگاظم ع للحوائج



هنا يلي تريد مراد اتعنه لموس ابن جعفر
ميردك أبد خجلان ولا يخليك تتحسر
جرب واعتنيله بيوم واكصد كلبك  مطهر
وحلفه بغربته وگيده وگل ظيم العليه المر
((والحاجه أبابه يگظيهه))

•───✧◐🕊🌻🕊◐✧───•

ياموس ابن جعفر جيت عندي هموم
وگل همي المرض مولاي يامسموم
ويادكتور اگصده يحير مامعلوم
اظن ادواي عندك واني اجيت الليوم
((جيتك مولاي اتشافيني))

•───✧◐🕊🌻🕊◐✧───•

دعوتي للحشد والجيش يامولاي
تنصرهم أريدك بالشدايد هاي
حتى يضل ضريحك شامغ ابدنياي
گفوا منك يگاظم بالوعد وفاي
((والحشد الشعبي تنصرونه))

•───✧◐🕊🌻🕊◐✧───•


يالگاظم اليه عتاب عندك جيت اعتبنك
يسموني احبابك اني خادمتك
الفوطه تنعگد لو أردد ابأسمك
واخجل من يگلولي يمله ادعيلنه يمك
ادري امقصره أني أوياك وجيت الليوم احلفنك
أحلفك بالرضا المسموم الحوائج رايده منك
((حاجات احبابك تقضيهه))

•───✧◐🕊🌻🕊◐✧───•

هوسات قفله

((مسموم الكاظم لطميله))
((والماونوله نون  عليه))
((نعازيهه/معصومه الليوم))

بقلم المله والشاعره ام علي الإماره
غير مبري الذمه اليحذف اسم الشاعره وينسب الكلام له

🌴تجمّع الزهراء ع العاشورائي🌴

01 февраля 2024 20:51

ماشايف سجن يبجي عله مسجون
الحديد اعليه بچه مــو بس العيون

عله ياجــرح يغفه الكاظم يحير
مـــن مجافه اهـله من الطوامير
مــــا صارت الطوگ بمنحر اندار
جا بس ببن جعفر هيجي ايصير

شما طـــال الوكت يكبر
الجرح بعيون ابن جفعر
مــــن كثر الحديد البي
عله الگــــومه فلا يكدر
"" "" "" "" "" "
لحسرة كلبه كامــت تنحب الريح
گضه سجنه يـــون ون المجاريح

ياريت السجن بي باب واعتاب
حــــــطوه بسجن يتناثر اتراب
مــــــــــن كثر الاذيه والعذابات
ضـــل يتمنه موته بين الاغراب

زمن مابي عدل حاكم
النـــــاس أتايد الضالم
الرحمه تنجرح جاليش
مـــــــحد طلع الكاظم
"" "" "" "" ""
خياله ينجرح لــــــو ع النهر فات
چي ذبحو اجداده انترس لوعات

قصة كــــــربله تچوي بضميره
وبس هذا الجرح ماعنده غيره
الله ايساعده مــــا بين الگيود
فاگد مو شخص فـاگد عشيره

مــــــا شايف ويتذكر
عمره شما ذكر يگصر
كلبه من الحزن خيمه
وماتطفه لــــون وجـر
"" "" "" "" "
چثه منسلسله عــله جسر بغداد
غريب واهله عــــــنه كلهم ابعاد

اجه الدكتور يفحص حاله من كام
كــــــــلهم كلبه واگف مـــــن الالم
كل دكه مـــن كلبه كــربله اتصيح
والمأثر بکلبه حــــــــــــرگ الخيام

الفرج كال الهم الجمعه
الموالي استقبله بدمعه
يابشـــــر اليجيله هناك
وعله جثته بحزن ينعه
"" "" "" "" ""
خادم القصيده
عزيز المياحي

🌴تجمّع الزهراء ع العاشورائي🌴

01 февраля 2024 20:49

ليش كل هذا الصبر ..وهل عذاب بهل عمر
شوكت لمصابه انكسر ..ولجرحه مانام

شوكت اعيشن غربته..واعرف المن دمعته
شلون عاش بحسرته.. ١٤ عام

اختنگ نور الله وطفه بين الطوامير
شنهي اعرف عن مصابه وكلي تقصير
ليش حدب ظهره من سجن اشجره عليه
وجانت الحرية موت وعمره اگصير

يسئلمن المحتار..عليها اشصار..ما نعلم بالسجون
ليش الجدم مرضوض..وعليه مفروض ..سلاسلهم يخلون
امن السجن لو سجان..طبع نيشان..مرسوم اعله العيون

وآه ويلي يامولاي..يبن جعفر اويلآه
____

أله بس اقره السلام..وجاهل بحقه امام
روحي ماليها الظلام..وضايع قراري

على المحروم الشمس..المثلي جا يمتى يحس
ويعتذر عن الامس..شيكفي اعتذاري

ريت احس بالام كلبه وحشة اليل
ليش شاب وما يعينه صاير الحيل
يوم عاشر عايش  اباله  والخيام
نارها تحرگ ابروحه وهدت الخيل

صار الجسم نحلان..اوجه ذبلان..جن فاطم صفى خيال
ومن حقه هم ممنوع ..وحنى الضلوع..وحاله صار ياحال
جا وين الينشدون..سجن هارون..ظهر مولانا بيه مال

وآه ويلي يامولاي..يبن جعفر اويلآه
____

لغيره ما صب الدمع..لغيره المن انفجع
كون الطمله ضلع..مولاي هل يوم

ال عالارض سبل اديه..انعى كل عمري عليه
شوكت احس نار الي بيه ..التجرع اسموم

لا اهل يمه وكضه من غير تغسيل
راح مجتول وعكس كل المجاتيل
محد ايطالب بدمه تكول مطلوب
وشيخ هاشم ما يصحله اربع محاميل

ملت محاميله..والتشيله ..غرب وين اليشيعون
عالجسر ضل نعشه..وعليه وحشه..يريد اهله يحضرون
لا شيعته حضروا..وعليه لطموا..ودمع تتجاره العيون

وآه ويلي يامولاي..يبن جعفر اويلآه
_____

اليوم يخلص كل عذاب..وللفرج ينفتح باب
وصار موعد للمصاب..اكبر حسافه

جنازه مو سالم طلع..رجع بس ميت رجع
جثه عالگاع انوضع..بجسر الرصافه

يعاينه  رادو  طبيب  وايعرف  البيه
ليش  متغير  اللون  وشنهي  ماذيه
صاح  اذا  عنده  اهل  تحضرله  ابساع
تشوف منهو بسم غصب هل ميت ساگيه

وتطالب بدمه..ولد عمه..الهواشم خل تشب نار
الماسكتو بعيله..تجي تشيله..وتشاهد للجرى وصار
وين ابنه المهدي..امن السندي..يجي ويطالب الثار

وآه ويلي يامولاي..يبن جعفر اويلآه
_____

يا امام الرافضا..جيت احلفك بالرضا
چفي ابد لا ترفضا..وانفي رقادي

لجرحك ارد اني اغترب..بدونك يضيع الدرب
انت دين وديني حب..انطيني مرادي

هاك ادي وحطلي من قيدك يمولاي
فاكد الراي واجيت الصاحب الراي
اعليك امشي القاسم ومعصومه وانخاك
اتگودني من العدم واللزملي يمناي

اليلزمكم اتلزمه..وللخدمه..تفك للمضطر الباب
ياموسى بن جعفر..إنه المضطر..دخيلك يبن الاطياب
سائل طرق بابك..وعلى مصابك..انذرت كل عمري ينصاب

وآه ويلي يامولاي ..يبن جعفر اويلآ
____

حسين سعد البهادلي

🌴تجمّع الزهراء ع العاشورائي🌴

01 февраля 2024 20:48

المستهل(( فزاعيه))

✵⊚≍❊(🩸)✵⊚≍❊

اليوم ابو الرضا بالمگبره ايبات
الله وياك يربات النجيبــــــــات

اليوم ابو الرضا بالمگبره ايبات

✵⊚≍❊(🩸)✵⊚≍❊

ابوج اليوم معصومه بالگبـــور

ماجوره عليه يم گلب مكسور

نصبيله لعزه يالمات مغـــــدور

ها يمعدله وبت الشريفات

*ام رقـــــــــ✍️ـيه الموسوي*

✵⊚≍❊(🩸)✵⊚≍❊

الشيعه امحزمه وكلهم يلطمون

لجلك يالامام اتهل العـــــــــيون

تستاهل عراضه ودك المتــــون

اسد بغداد ياباب المــــــــرادات

*ام احمـــــــــ✍️ـد الساعدي*

✵⊚≍❊(🩸)✵⊚≍❊

معصومه علیچ احزام شدیت

النایم عالجسر اعـلیه  ونـــیت

اسمـع باللطم ونات یـــــاریت

اینام ابمگبره واعلیه حسفات

*ام مهــــــــــ✍️ـدی امجدم*

✵⊚≍❊(🩸)✵⊚≍❊

الشيعه تجر عليه اليــــوم ونه

على الميت غريب الدمع اهلنه

مات من الاهل مگطـــوع ظنه

نعشك عالجسر يبن الكلافـات

*ام مصــــــــــ✍️ـطفى ناصريه*

✵⊚≍❊(🩸)✵⊚≍❊

اعلنه حداد اليوم انه وخادم

وشما اسوي للمسموم مانادم

باجر بالحشر يوگفلي ياوادم

هيهات ايتبره منه هيهــــــات

*ام احمــــــــ✍️ـد الساعدي*

✵⊚≍❊(🩸)✵⊚≍❊

مايتبره مولانه هذاك اليــــــوم

بس اقسم عليه بجده المظلوم

يفزع بالحشر الكاظم المسموم

اسد بغداد  ياقاضي  الحاجات

*مريــــــــــــ✍️ـم الحجيمي*

✵⊚≍❊(🩸)✵⊚≍❊

تمت بفضل الله باقلام شاعرات رابطة ذبيح الغاضريه ونسالكم الدعاء
➖➖➖ياحسين➖➖➖

🌴تجمّع الزهراء ع العاشورائي🌴

01 февраля 2024 20:33

بصوت. مسلم المطيري

الما لاگي دواه وحاير، بطبه

كلمات الشاعر
حسين عبدالله المعيبد

🌴تجمّع الزهراء ع العاشورائي🌴

01 февраля 2024 20:32

▪️في استشهاد الإمام الكاظم عليه السلام


رفقاً بفاطِمَ أيُّها الجِسْرُ
فمُصَابُ موسى ما له جبرُ

ماذا تُحدِّثُ؟ والمصائبُ جمَّةٌ
ولِوَقْدِها وسْطَ الحشا جَمْرُ

أعَنِ الوفودِ عليْكَ أقْبَلَ جَمْعُهُمْ؟
قَدْ لفَّهُمْ بَعْدَ الأسى بِشْرُ

لكنَّهُمْ سُرعانَ ما فُجِعوا بِهِ
في السِّجنِ غَالَ جَمالَهُ الغَدْرُ

أم هلْ سَتُنْبينا بحالَةِ ميِّتٍ
ألقيدُ غلَّ يديْهِ والقَهْرُ؟

وبِساقِِهِ حلقُ الحديدِ تآزرتْ
وكأَنْ لَهَا مَعَ ساقِهِ ثأْرُ

يا جِسْرُ لا تَذْكُرْ نِداءَ هَوانِهم
فَلَهُ يئِنُّ الدِّينُ والطُّهْرُ

واذكرْ غداةَ علا النِّدا في طَيْبَةٍ
ألْيَوْمَ ماتَ العِزُّ والفَخْرُ!

فأتى الرِّضا ينعى أباه بِعَوْلَةٍ
وجَرَتْ عليْكَ دُمُوعُهُ الحُمْرُ

ألْفاهُ مطروحاً بدا في ساقِهِ
رضٌّ ويصهرُ وجْهَهُ الحرُّ

في خدِّهِ سَوْطٌ..فدَتْهُ حُشاشتي
هلْ كانَ في أضلاعِهِ كَسْرُ؟

إِنْ كُنْتَ يا جِسْرُ اصطبرتَ لرزْئِهِ
فلِجدِّهِ لا يصْبِرُ الصَّبْرُ

لمّا أتى السجّادُ يقصد كربلا
حيْثُ الوُحُوشُ تنوْحُ والطَّيْرُ

فرآهُ مُلقىً في العراءِ معفّراً
قَدْ وزَّعَتْهُ البيضُ والسُّمْرُ

منْ نحْرِهِ ناداهُ يا زيْنَ الوَرَى..
للهِ ماذا يطلبُ النَّحْرُ؟!

وسِّدْ على صَدْرِي رضيعاً ظامِئاً
لهفي عَلَيْهِ وهلْ لَهُ صدْرُ؟!

الشاعر علي عسيلي العاملي

#الامام_الكاظم
#اللهم_عجل_لوليك_الفرج

🌴تجمّع الزهراء ع العاشورائي🌴

01 февраля 2024 20:32

اويلاه اويلاه ضلت اجنازه ابلاهل
.
ما نصف وياك الدهر
بالسجن كضيت العمر
شكثر ضلماك القدر

على الاه على الاه  من الطفوله للاجل
.
الكاظم الغيظ بغربته
محد حضرله ابدفنته
اجفوف الغريبه الشالته

داحي الباب داحي الباب  اشلون دلاله احتمل
.
بغداد من طبهم خبر
الجيت الجنازه تنتضر
من الفجر فوك الجسر

عل مضلوم عل مضلوم  عيونهم من دم تهل
.
وين الغياره اهل الرحم
مات العلم واهل العلم
غايب  كمرنه و النجم

رايح وين رايح وين من الاهل محد سأل
.
باب الحوائج شيعتك
هل يوم كلها اتعنتك
حركت كلبهم جمرتك

تبجي العين تبجي العين دم الحمر منها نزل
.
شفت منها بس الم
دنياك ما بيها رحم
حيلك يمسموم نهدم

مومليت مو مليت صارت حياتك بس ملل
.
.
حسن صالح العيساوي

🌴تجمّع الزهراء ع العاشورائي🌴

01 февраля 2024 20:31

#جديد 🔥🔥🔥

#لموسى_ابن_جعفر_

🔥جنوبية🔥

ـــــــــــ❋❋❋ ـــــــــــ
عجب عباس دمك ماطلب بيه
بالهدات  ابو فاضل دخليه

ـــــــــــ❋❋❋ ـــــــــــ

هدم حيله السجن ابن اليرهبون
ملفوف بعباتة وحمره العيون
امكيد ياوسف وين اليهدون
((فك اگيوده//عباس احضر))

ـــــــــــ❋❋❋ ـــــــــــ

فك  الگيد وامشي وياه دفان
دارت عين كاظمنه اعله الحنان
يغدرونك وسف واهلك الشجعان
((اتعنه الكافل//دفانه ))

ـــــــــــ❋❋❋ ـــــــــــ

اخذ ثار الاسد واتمركز اليوم
ليش عالجسر خلوا المسموم
شلون بلانعش وبطرك الهدوم
((صفيها// بغداد بچفك))

ـــــــــــ❋❋❋ ـــــــــــ


امام الرافضه عباس مغدور
وينك يالبجفك تعدل الشور
تدري الحيد ياعباس مشمور
((الكاظم مات//بحسراته))

ـــــــــــ❋❋❋ ـــــــــــ

زعل عباس واتنگب عالخيل
گال اليوم كل بغداد ترحيل
بتوابيت ودمائهم لازم تسيل
((يفنيها//لوصال الكافل ))

ـــــــــــ❋❋❋ ـــــــــــ
تمت بعون الله وتوفيقه🧿
بقلم ✍️

#الشاعرة_أم_ذوالفقار_إسراء_اللامي


غير مبري الذمة من يجرد اسمي من القصيدة او ينسبها لغير شاعرة مشكول الذمة وخصيمة ابا الفضل ع




العمل مهدات لصاحب الزمان عج

🌴تجمّع الزهراء ع العاشورائي🌴

01 февраля 2024 19:58

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ


درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

01 февраля 2024 13:51

ويـن الفاجـده والگلب هايم

بصوت الخطيب الشيخ ميثم الديري

🌴تجمّع الزهراء ع العاشورائي🌴

01 февраля 2024 13:49

‌‌‏‌‏آه يحزني

بصوت الخطيب الشيخ باقر الدراجي