7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يــالكاظـــم تلــمــع أنــــوّارك
يــالكاظـــم تلــمــع أنـــــوّارك
*
أنــــوارك يــالكــاظــم تـلمـــع
شمــس الله چنـها مــن تطلــع
مـثـل حسـين بيــوم المصــرع
ميــت بــس قائــــد أنصــــارك
*
ميــت بس تــرهب عـــدوانك
خايــف من عنـــدك سجــانك
الـــراهب فعــلاً ظل عنوانـك
تــــرهبهـم ظلـــت إســــرارك
*
إســـــرارك ظلــت مكنــونـــه
يـــا نــور الـــرادو يطفــونــه
مسجـــون أعــدائه أيهـابونه
وسجانـــك مــرعوبه اكتـارك
*
ســجانــك هـــــارون الظــالـم
خايف مــن اسمـــك يالكاظـم
هيبــه التبــرالك مـــن هاشــم
هيبــة هاشــم تحچي إخبـارك
*
تحچي اخبارك مـا طخ هامـه
رافــض للجـــور وأيـــامــه
رغم السجن وذيــچ أعـوامـه
مــا غابــت شمـسك وأنـوارك
*
مــا غابـت شمــس الله الكبره
شمســك تزهــر يبن الــزهــره
وين الباغي أيشوف الحضره
ويشـــــاهــد لهــفــت زوارك
*
ينظــــر زوارك ويشـــوفــك
كعبـه وكلهـا بلهفه اتطـوفـك
نقسـم يــالكاظــم منعــوفـك
بگلب العاشگ صـــارت دارك
****
الشاعر
موسى البديري
لاستشهاد الْإِمَام مُوسَى بْنُ جَعْفَرٍ عَلَيْهِ السَّلَامُ
لِلْغَرِيب الْهَاشِمِيّ ( ملمع)
لِلْغَرِيب الْهَاشِمِيّ جُرْح قَلْبِي يَنْتَمِي
وانتسابي فِي الْهَوَى جَعْفَرِيُّ كاظِمِي
★★★★★
نحيبي ماگطعته عَلَى الگضه نَحْبَه
قرب جَوْهَرٌ ظميره انْتَمِي وَحِزْبِه
بِسِجْن مَهْجُورٌ صَابِرٌ ماهجر رَبِّه
عَلَى الصعبات رُوحَه بِكل وكت صَعْبَه
وَنَشِيد فِي فَمِي . لَم يُخالِف أَلَمِي
فانتسابي فِي الْهَوَى . جَعْفَرِيُّي كاظِمِي
★★★★★
حناله الگيد مِن شَافَه بِظَهْر مَحْنِي
گيود الجَرحَنَّه . أشگد تجرحَنَّي
بحياتي مِنْ عِظَمِ هظمه اشيفرحني
ولاچف الْفَرَح . أَطْلُب تصافحني
فِي كَرْيَّاتَ الدَّمِ . صَوْت جُرْحٍ فاطِمِي
فانتسابي فِي الْهَوَى جَعْفَرِيُّ كاظِمِي
★★★★★
عَلَى بَابِ الْحَوَايج عَيْنِي سچابه
وَمِثْل جرْح الْأَهْل عذبهم اغيابه
وسجان الوگف . يتنطر ابابه
خَايفٌ ثَوْرَة لاينشرها مِحْرَابه
فِي مَكَان مُظْلِمِ . ثُمّ قَيْدًا مِحْكَم
فانتسابي فِي الْهَوَى . جَعْفَرِيُّ كاظِمِي
★★★★★
الملاذي بِالشَّدَايد مِنْ تمْر شِدَّه
بيه مَرَّت نَوَابب ذوَّبَت چبده
بخدي كوْن دَمعَه اليحفر ابخده
بِسِجْن هَارُون ياحيف الْعُمْر عَدَّه
مِنْ عَدُوٍّ مُجْرِمِ . شَاكِيَّاً لِلْمُنْعَمِ
فانتسابي فِي الْهَوَى جَعْفَرِي كاظِمِي
★★★★★
ياباب الْحَوَايج لوتصد لِلْحَال
بضلوعي جَمْر وبگلبي هُم چتال
لمصابك حَزِينٌ ومدمعي هَمّال
ياچلمة عَزَاء التنحچي وتنگال
فِي الحنايا مَأْتَمِي . جِئْت هَذَا مَقدَمي
فانتسابي فِي الْهَوَى جَعْفَرِي كاظِمِي
الشاعر حسن لعيبي الحريشاوي
لاستشهاد الامام موسى بن جعفر
الكاظم عليه السلام
سلام الله على العالي مقامه
سلام الله على أنوار الامامه
★★★★★
يبو السجده الطويلة ودوم ذاكر
الوجيه الراكع الخالقه وشاكر
العابد كل وكت علبلوه صابر
عرف درب الشرف نار ومخاطر
بمطامير السجن خلصت أيامه
سلام الله على انوار الامامه
★★★★★
موسى البلسجن سطر ملاحم
من نسل الشرف أهل المكارم
باب الخير للحق. ومعالم
من عزمه ارتعد خايف الظالم
سلام الله على الدين وحسامه
سلام الله على انوار الامامه
★★★★★
يميدان الشرف يهزم الباطل
الظلام بليله لويلتم. جحافل
ميراهن على دينه. ويجامل
مقيد حزت چفوفه. السلاسل
سلام الله على التنزف أجدامه
سلام الله على انوار الامامه
★★★★★
رسم درب المجد إبن الاماجد
رغم شر المخالف. والمعاند
الظميره بلايه رحمه وگلب حاقد
سيف الكلمه. بالكلمه يجاهد
وسلام الله على جوهر كلامه
سلام الله على انوار الامامه
★★★★★
هذا ابن الاكارم والأطايب
التشهدله المشارق والمغارب
ميغطي البدر ليل الغياهب
ولاتمحي أثر منه. النواصب
سلام الله على روح الزعامه
سلام الله على انوار الامامه
★★★★★
وين اهل الغدر واهل الضمايم
لاضل مجد. الهم. لامعالم
چم ظالم يجي ويروح ظالم
يروحون وتضل امجاد هاشم
سلام الله عليه حد القيامه
سلام الله على انوار الامامه
الشاعر حسن لعيبي الحريشاوي
عليك الدمع ضــل يجري.. من انهار
يـمـن مــا تــعــرف بليلك.. من انهار
مصابك صــبــري أحسنه.. منه انهار
أشجنيت وعالجسر تـبـقــى رمــيــه
*-----------------*-----------------*
✍خادم موسى ابن جعفر ع
الشاعر رعد الجريخي
ابو ذيه بحق الامام الجواد ((ع))
يـمـن بـابـك گـضـه الحاجه.. مردهه
مـصـابـك بـالـحـزن روحـي.. مردهه
دنــيــه بـــدون خـدمـتـكـم.. مردهه
بـخـدامـتـكـم صـبـح عـنـوان إلـيــه
*---------------*---------------*
✍خادم موسى ابن جعفر ع
الشاعـر رعـد الجـريخـي
فـوگ الـجـسـر ضل بحـديـده
وكـومـه وهـلـه عـنـه بـعـيـده
ويـنـه الـتـعـنـه وشـاف حالـه
لـحـد نــعــه ولـحــد بـچـالــه
وحـشـه الجنازه المحد ألـهـه
بـس اربـعـه اتـولـو حـمـلـهـه
تدمي الدليل وعيب تـنـگـال
نـعـشـه يضل بـغـيـر حـمّـال
*-----------------------*------------------*
خادم موسى ابن جعفر ع
✍الشاعر رعد الجريخي
نعي بحق الامام الكاظم عليه السلام عن ابنته معصومة عليها السلام
متانيتك ترد للدار يا يوم
ييوية وفرگتك حرمتني النوم
وسل سلتني يا ريحتها الهدوم
ولا طارش يجي ويجيب العلوم
==============.==
خبر موتك يبوية من وصلني
فت الروح يا بوية وهضمني
تمنيت الگبر وياك طمني
ياوسفة الدهر منك حرمني
==================
البنية حنينة بهاي تدرون
يا ناس لونيني لا تلومون
عزيز الوالد واغلى من العيون
ليل انهار اخلصة شلون بشلون
===================
كأني بها تخاطب اخيها الامام الرضا عليه السلام وتقول له
شال بعيد يا راعي المحنة
يبو محمد نون ونة اعله ونة
ليالي السود من بعدة لفنة
من يوم المشى اظلم نزلنة
================
من غرب الوالد تاه مني الراي
ما يهنالي زاد ولا هنة الماي
ما شبعانة من ملگاك عيناي
اريدن شوفتك ما ريد دنياي
==================
بسجن طامورة من ذبه وخلاه
ما تعرف هلة وناسه وخلاه
لا حاظر ولد نعــشه وخلاه
يچلب بالنعش ويون لخية
أسالكم الدعاء رائد الاسدي
فزاعيه للكاظم ع
اليوم الكاظميه دكت اعلام
يبن جعفر تصيح وتلطم الهام
...............
اليوم اسود عله الكاظم علمها
طلعت فاره وشدت حزمها
عله المسجون ونتها والمها
(عله مصابه / اليلة تنوح)
................
لبن الزود متعنيه واجت ليه
تدك عالراس والحيدر تعازيه
تشيع اجنازته وتهوس عليه
(وتبجيله / تشيع الحيد)
..............
الك تنشال يبن الحيد رايات
يم بابك تعلي اليوم صرخات
تدك هاماتها عل بالسجن مات
(يم بابه / اليلة تعنت)
... ........
تعنت شيعته وتصيح ويلاه
تنصب ماتمه وتعيد ذكراه
الكاظم بالدمع هاليوم تنعاه
(يعازونه / المهدي عليك)
..............
يالكاظم عليك اتون الاحباب
حزينه ودكت الرايه عله الباب
الك شيعه التون يانسل الاطياب
( اليوم عليه / شالت رايه )
✍أم زينب كربلاء غير مبري الذمه من يأخذ الكلام اويحذف الإسم من كتاب ماسي ام البنين الجزء الثاني
القصيدة "ثكَيلة "للامام الكاظم ع (ماينسجن)
الشاعرة "فاطمة هاشم الحسيني
.
علكاظم المدمع طاح
جناز جا ياهو الراح
حضروه ياريت اثنين
زهرتنه والغالي حسين
⊱━━⊰✾ياصاحب الزمان✾⊱━━⊰
ماينسجن حر الهوى
بالظلمة ميضيع الضوى
عاش امتداد النينوى
لجروح ابو اليمه دوى
سموه ناس ابلا دين
حضروه ياريت ثنين
⊱━━⊰✾ياصاحب الزمان✾⊱━━⊰
اشما ينكتم يقوى الألم
مايكتب الحسرة القلم
بكَلب النبي خلو سهم
كل حيله لوليده انهدم
لوليده دمعات العين
حضروه ياريت ثنين
⊱━━⊰✾ياصاحب الزمان✾⊱━━⊰
ويه النبي نعيش الحزن
من شجرته كَطعو غصن
كل مايمر طاري السجن
نذكر مصابه احنه ونون
ماينمحي ذكره سنين
حضروه ياريت ثنين
⊱━━⊰✾ياصاحب الزمان✾⊱━━⊰
الما شايل بكَلبه حقد
اليم اسمه خجلان الورد
سموله عدوانه الجبد
رغم السجن شاع المجد
ماينخفي عرفو زين
حضروه ياريت ثنين
⊱━━⊰✾ياصاحب الزمان✾⊱━━⊰
خافو لأن اسمه رمز
بيا ساعة والغافل يفز
سوو فعلهم عن عجز
يدرونه للعالم كنز
بعصره شبه نلكَه منين
حضروه ياريت ثنين
في ذكراى شهادة أبوطالب عليه السلام...
بأولاده أبوطالب
يضحّي للنبي الهادي
وكافر مات مو مسلم
عداوه في الملا اتنادي
🏴🏴
شنو الدافع لبوالزهره
عياله بوعلي ايقدم
إذا كان ابن اخو يعني
بأبنائه نرى يسهم
عقيل و جعفر وطالب
واخوهم حيدر ابن العم
أبوطالب يسهّرهم
وينام المصطفى عادي
🏴🏴
شعابه تشهد وتروي
تفاصيل الحدث لينا
ثلاث اسنين يتحاصر
بأهله ايحامي هادينا
بعد مالافته وضعت
قريش اتحاربه ابدينا
وعمه المصطفى ابنفسه
وعياله في الشعب فادي
🏴🏴
تريد اتقتله ابوالزهره
سمع بذنه ابوطالب
واصر بحماه متفاني
ومنامه هالسهر سالب
نباتات الأرض تاكل
من العوزه بني غالب
نهار وليل بالموقف
لجل نصره من الغادي
🏴🏴
على هذا حقد تحكم
على حيدر أبو كافر
مئات الشعر في حقه
النبي ودينه إلى شاهر
حروفه تشهد ايمانه
ودواوينه إلى الناكر
أضف تاريخه في الموقف
إذا جينه إلى الوادي
🏴🏴
يصيح ابعالي صوته الها
أبد ماتوصلو كتره
أنا ويا رسول الله
لحد ماتوسّد الحفره
علم عنده من الوالد
لعبد عبدالمطلب أمره
نبي الأمه الذي عنده
شفيع الناس والهادي
🏴🏴
على اجفون النبي حسره
على افراگه الذي يحمل
بمقايرها الحجون امسه
أبوطالب دمع يهمل
أبد ماينسه تربيته
وتضحيته في كل معضل
على قبره بقه ليله
نبينا والگلب صادي
✍️
علي الأحسائي
رجب ١٤٤٥هـ
قصيدة للامام موسى أبن جعفر ع
موشح
ليش أبوطلبه السناسل وسط أديه
هذا جده المصطفى النمشي بحچيه
&&&&&&&&&
عذبوه أهل الرده ماكو رحم
بين حيطان أربعة ودموعه دم
قاضي الحاجات منبع للعلم
فوگ كل هذا يويلي ساميه
أم حيدر العبادي ناصريه
«»«»»«»»»
بالشمس موسى الكظيم اشكد ظلُم
الجابته احماميل ياحكم الخصُم
ومن بعد ذيجه
طواميرالهضم
عالجسر ياويل شيعه ترتجيه
ام حسين المحمداويه
«»«»»«»«
فوك سم العده امزنجل بالحديد
وحّده من مات عن اهله بعيد
شالته الكلهه حقد تنگط صديد
بالشمس خلته ويلي ومن يجيه
✍ام مرتضى الخزرجي
«»«»»«»»«»
هذا ابن جعفر نسل طه النبي
ابياذنب سمته ايادي الناصبي
وحزنت اعليه والدت جده الابي
فاطمه الزهرا ياويلي عليه
✍️ام عدنان سياحي
«»«»»»«»«»««
ياظلم شاف وعذاب ابن الفحول
هاذا بن حامي الحمه جده الرسول
لطمت الخدين بالفجعه البتول
عالكضه عمره هضم ومزنجليه
✍ام اسعد الشمري
«»«»»»«»«»««
ليش هارون النذل لاماخجل
لو بطل مايغدر وجان ارتجل
شيعته لليوم عاشت بالوجل
تندعي منّ ابوطلبه وتنخه بيه
✍️☘️ام فراس الساعدي ☘️
«»«»»««»
عالجسر شمروه جنازه ومضه
وشيعته عالراس تلطم بالفضه
تندب بصوت الرزيه ياقضه
المكتوب موسى امزنجليه
✍خادمه ام الحسن
ام مهدي الفرطوسيه
«»»»»»»»»
تمت باقلام رابطة الجفوف السخيه
واسجيناه 💔
🎤عصام المحمداوي
🖊️عباس فاضل الشمري
قصيدة لمولانه موسى بن جعفر عليه السلام لسان حال ااسيده معصومه عليه السلام وزن هجري
~
بعيد دربي وما وصلته وسفه ابوي البالسجن
گلبي محتام اعله شوفه ومنسحن كلبي سحن
عيني تربي علدرب
مناطره جيت المحب
ودعي يالهي وربي گلبي اعليه ممتحن
☆ــــــــ☆💔¤(๏❀💔๏)¤☆ــــــــ☆
ممتحن كلبي يالاهي وبيدك انته هل أمر
اسنين متغيب الوالي وحتئ ماضلي صبر
اسمع يكولون يطلع الجمعه في وقت الضهر
لچن وسفه وياخساره ابسجنه خلص هل عمر
ادموع من ادموم اهل
امصابه والله موسهل
ادعي يالهي وربي گلبي اعليه ممتحن
ام✍🏻 زين العابدين لمحمداويه
☆ــــــــ💔☆¤(๏❀๏)¤☆ــــــــ☆
خلص عمره ابسجن اظلم كوه يشتم الهوه
شنو ذنبه ابن جعفر الظهر من عنده الوه
اسنين وبزنزانه ظلمه وأبد ما شايف ضوه
اشكد ضلم تحمل العتره
گلبي عل الوالي انچوه
حرب شدو هل كفر
من عمر حد الشمر
ادعي يالهي وربي كلبي اعليه ممتحن
ام✍🏻 رحمه الگاظميه
☆ــــــــ💔☆¤(๏❀๏)¤☆ــــــــ☆
بعيد دربي ماحضرته بالمنازع والممات
عادت اليگرب وداعه ولده تحضر والبنات
ونته وحدك بيد ضالم والجفوف مسنسلات
ومن بعد فگدك يغالي بويه ماتسوه الحيات
بويه شلي بدنيتي
رت اشوفك منيتي
ادعي يالهي وربي گلبي عليه ممتحن
ام ✍🏻منتظر لاسدي
☆ــــــــ💔☆¤(๏❀๏)¤☆ــــــــ☆
جيت اشوف الچبد ونعه گالوو بسم منفطر
دربي بعيد وجيته نشيعه الضل علجسر
وين ابوي والكسر ظهري طول اعليه الهجر
صوتي ياريته يسمعه
گبل ليضمه الگبر
تصيح معصومة بحزن
مسمم بقعر السجن
ادعي يا لاهي وربي گلبي، اعليه ممتحن
ام وليــ✍️ـد الموسوي
☆ــــــــ☆💔¤(๏❀๏)¤☆ــــــــ☆
سنين وانت ابين غربه وانه احسن بالضياع
شلون ماشــوفك يبويه حتى ساعات الوداع
منهدم حيلي وانادي ردلي ياحــــلو الطباع
تعوفني مكسوره خاطـر تالي و تضمك الگاع
صدگ ماترجع بعد
رحت عني بلا وعد
ادعي ياالهي وربي گلبي اعليه ممتحن
ام علي البابلي
☆ــــــــ☆💔¤(๏❀๏)¤☆ــــــــ☆
كثر ما شلت ايدي ونخه ما بقه بالسمه باب
ابكل وكت صبح او مسيه وانتظر ربي جواب
يرجع الوالي عليه وينتهي ذاك الغياب
والسجن ينفتح بابه وننسه ايام العذاب
اعيوني مالحضه غفن
تالـي يطلعلـي ابچفن
ادعي يالهي وربي گلبي اعليه ممتحن
خادمة آل البيت ع
☆ــــــــ💔☆¤(๏❀๏)¤☆ــــــــ☆
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 22/ رجب / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
اسْتِشْهَاد الْإِمَام مُوسَى
بْنُ جَعْفَرٍ عَلَيْهِ السَّلَامُ عَلَى وَزْنِ
ياقاروره لباسم الكربلائي
عَلَى الكاظم نَزَف جَرْحِي
وَمِثْل لَيْلِي غَدَه صُبّحِي
أوْنٌ وابچي لِمُصَابِه عَلَى الطُّولِ عَذَابِه
عَلَى الكاظم
★★★★★
للعايش بِلَيْل السِّجْن مامر عَلَى عُيُونَه الضوه
غُرْبَة وَلَيَالِي مُوحِشَة دَلَالَّة بالفرگه انچوه
سَدُّوا عَلَى أَحْبَابِه الدَّرْب أَحْبَابٌ الْمِثْل شَمّ أَلْهَوَةٌ
حَدَّه أُنْمَلَة كَأْس الصَّبْر مَرّ الصَّبْر مِنْه ارتوه
أَلْف لَوْعَه وَأَلَّف حَسْبَه صَعُب يُوصَل مُحِبٌّ دَرْبَه
أَهْل ماكو وگرابه عَلَى الطُّولِ عَذَابِه
عَلَى الكاظم
★★★★★
يَأْبُو الرِّضَا كَيْل وطُفَح مَرَّت عَلَيْك شگد مِحَن
غَيْظ وَحَسَد مِنْهُم شفْت حَدّ ماجزه حَدَّهَا الْفِتَن
عِلْمَك رُمْح صَاب الْجَهْل وَغَيَّر مَقَايِيس الزَّمَن
اسنينك مطامير وَحُبِس اخمسطعش وَأَكْثَر گظن
سُجِن مُظْلِم ولامثله وَأَشَدّ مِنْهُم عَلَيْك أَهْلِه
بِشْر صَارَت اذيابه عَلَى الطُّولِ عَذَابِه
عَلَى الكاظم
★★★★★
رحْلَه حزْن ماتنتهي اتذوب الصَّخْرِ مِنْ تنذكر
مَنْ هَجَرَ گالوا علنبي وَخَدّ الزجيه ينسطر
وَمَطْلُوبٌ ابوالحمله عَلِيّ رَاس الشَّرِيعَه ينطبر
ومسموم ياجبد الْحَسَن ماعافته چفوف الْغَدْر
وابواليمه اگطعوا نَحَرَه عَلَيْه أَصْبَح حزْن عُمْرَة
وَسَجَن فُولاَذ بَابَه عَلَى الطُّولِ عَذَابِه
★★★★★
رادت طَوَاغِيت الْعَصْر عَمْدًا تذَلّ بَيْتِ الشّرَفِ
جَوْر ومظامين الْحِقْد كُلّ خافِي مَنْ عَدَّهَا انْكَشَف
بِعَزْم الصَّبْر وَالْمَعْرِفَه بعاصفهم اليجري وگف
ماهادن بِيَوْم وَخَضَع لارك ولاخاف وَضَعَّف
بَدَوّ بِالظَّنّ عَلَى التُّهْمَةِ يَظَلّ رادوا وَسَط ظَلْمَة
سجِن مِثْل الخرَابَة عَلَى الطُّولِ عَذَابِه
عَلَى الكاظم
★★★★★
بَاب الْحَوَائِج سَيِّدِي مِنْهُم عَذَابٌ شگد شفت
رَغِم العوادي وَالظُّلْم نَهْج النَّبِيّ ثَابِت ردَّت
صَبَر الْحُسَيْن بكربله لِكُلّ نَائِبُه صَابِرٌ چنت
الطَّاغِي مِشِّه وَأَصْبَح عَدَم وانته البقيت وَي الْوَكْت
صِفَةٌ الطَّاغِي خَبَر تَالِي وَنَجْم انْتَه تَظَل عَالِي
رَغِم جَيْش ورقابه عَلَى الطُّولِ عَذَابِه
عَلَى الكاظم
الشاعر حسن لعيبي الحريشاوي
دموعي ابهل مسيه .. لامام الرافضيه
_____
تهل عيني دمعها
او تضل روحي ابوجعها
ابن جعفر فجعها غريب
عليه روحي رهينه
اون واذكر ونينه
ابسجن مظلم ولينه غريب
مثل جمره ابدليلي يا خلگ تسعر
اون ون الحمام لموسى ابن جعفر
ابطوامير الارض حي او يدفنوه
مثله عل بلا أيوب ما يگدر
اشد من المنيه لامام الرافضيه
_____
الرشيد اعليه تماده
سجن موسى ابعناده
او ذبل عوده او تراده نحيل
مثل امه الزچيه
يون ابكل مسيه
ابقيود الناصبيه نحيل
أَكل ايده الحديد او ماكل اجدامه
مامش كل دوه الي يسكن الآمه
ايتسله بل نعي و قرايه لحسين
واهو امقيد تشوفه يلطم الهامه
عله الراحت سبيه لامام الرافضيه
_____
الك يبقه انتمائي
الك وني او بكائي
يبن جعغر عزائي يدوم
شعائرنه او مشينه
مواكبنه او بچينه
رزق منك بدينه يدوم
يمشعل للهدايه او تگصده الوادم
حروف اسمك احبها والله يل كاظم
بدر غاله الخسوف او غايب الليله
صرت أول ضوه ابنص الگبر نايم
توسدها الوطيه لامام الرافضيه
_____
يبن بيت الرساله
يمن كلشي بچاله
غريب او هاذه حاله حرام
حزن گلبك شوصفه
زمانه اوياه ميصفه
امام او هيچي يصفه حرام
توصفك يا قصيده او يا نعي كافي
يمن جفنك صفه منّ الدمع صافي
عود امن اشجره مگطوع ياوسفه
عله ادياره يحن او ساعه ماغافي
يريد اهل الحميه لامام الرافضيه
_____
الك دمعي اسيله
يبو طلبه الوسيله
او قليله اتضل قليله الدموع
لون حد المنيه
ابنوايح وابعزيه
فلا توفي القضيه الدموع
مثل يعگوب لو ابچيلك امقصّر
يمن بيك الجروح امحفره اتحفّر
وابن شاهك عليك اليامر او ينهه
بس هاي الدليلك كافيه اتفسّر
عظيمه هل رزيه لامام الرافضيه
_____
يبعد امي او ابويه
الك عهدن عليه
فلا عوف العزيه محال
يموسى انعه مصابك
واهل دمعي اعله بابك
يماكو من عذابك محال
حسينيه الك بضلوعي ابنيها
اقرايات او لطم يل كاظم امليها
ما يوم اليمر الا اون لجلك
او لجلك هل عيون امن البچي اعميها
عسن ترضه الزچيه لامام الرافضيه
_____
ابو فاطمة الطائي
الشاعر الحسيني ظاهر حبيب الهليجي (للامام موسى الكاظم ع)
مايهمني الموت و للكاظم اجيت
انه أخوف الخوف مشاي اعتنيت
هذ عهدآ بلوفاء قد كتبنا بلدماء
*
عادو التاريخ بينه ينذبح كلمـن يـــــــــــــزور
وصارت الحبكم ضريـبه ندفع اجفوف ونحور
وحنه وقعنه بدمانه سيدي لگبـرك نــــــــذور
والله يا موسى بن جعفر ثابتين شمـا تـــــدور
غصت الكاع بجثثنه من ألعده
لاوحقـــك مانهـاب اهـل الرده
نحن اهلآ للفداء هذاعهدآ بلدماء
*
امس يم جسر الايمه نزلت املاك السمــه
تهاوت اعله الماي جنها عل ضحايه مألمـــه
والشمس غطت ظواهه والكواكب مظلمـــه
والنهر ناح ويجرفه وموجه اصبح بلدمــه
صحنه يابــن جعفــر انريــد العـــــذر
واجب احنه نموت كلنه أعله الجسر
منى قد دو النداء هذا عهدآ بلدماء بروحي اجيت
**
روحي توصل كبل جدمي توصل بلهفه وحنين
كلبي يا موﻻي لجلك ينبض بنوح وانيــــــــن
وعيني لو وشل دمعه ابجي يم گبرك العيـــــن
يا كظيم الغيظ عذرن عذرن احنه مقصريــــن
واللـه كلنه نروح فــدوه لكبتــك
صوت هادر بلحزن من شيعتــك
في الخطا صوت الفداء هذا عهدآ بلدماء بروحي اجيت
*
من اجيلك يبن جعفر دمعي وي نگل الجــــدم
بيا حزن اوصلك انه اوصل وكلبي حمــــــــم
ياغريب امصابك اصعب بلسجن شفت الالـــم
والرشيد وابن شائك والسجن اصبح عدم
ياغريب بصبرك انذل الرشيـد
بيده موبيدك صبح كيد الحديد
ياسليل الانبياء هذا عهدآ بلدماء بروحي اجيت
*
يا أسد بغداد يبقه گبرك يشـع للابــــــــــد
والمشه وسار بطريقه حتمآ ينول السعـــد
الرشيد وسجنه وينه هو واعوانه انفقـــد
الكم التاريخ ناده يابني حيــــدر عهــــــــد
يابنـي هاشـم يظـل الكـم اكيد
ويفضح بافعال هارون ويزيد
وبتدى من كربلاء هذا عهدآ بلدماء بروحي اجيت
هذه القصيده كتبت بعد فاجعة جسر الائمه التي راح ظحيتها المئات من شيعة وزوار موسى ين جعفــر ع
أبكي على بابِ الرجـا بالسجنِ واويــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه
* * *
يسلطان الصبر والنـوح والـدمعــه
ويا سابع أمـام أتنوح ألك سبعـــه
يـا ســر الإلــه ومنهجـــه وشـرعه
عليك أملاك تنحب والعرش ينعه
العرشُ ينعى فقدكَ بالنـــوحِ والأمـلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر
* * *
دمعـــات الجفـــــن تتفايض بعبــره
ولو حسره گضت نورث ألف حسره
للگضّــه بضلامــات الســجن عمــره
تسعـــر للأبـد مـــا بـردت الجمــــره
جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر
* * *
يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه
البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجــنٌ تكـــدّر ينعى أبنَ جعفر
*
يا وارث علــي ويــه الزچيـــه أمـــك
شابهــت الحسن يــا سـيدي بسمـــك
وثلث أيام مثل حسين ظل جسـمـك
بقيــود العلــيل أصبــــح نـزف دمـك
نفس القيودِ تشابهت في معصمِ السجاد
قد قيدوا كـف الهدى بالسجن في بغداد
قيــــدٌ تكــرر ينعى أبن جعفر
* * *
يا مسمـــوم مثلك بالسجـــن سمـوه
وعدوانه بقيوده يـــا وسف شالـــوه
بچفوفه السناسل عالجســر خـلــوه
ونادو بالنعش بس أهله مــا حضروه
هــــذا وريثُ محمدٍ هــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر
* * *
مسجون الدمع حزنك كتبله أفراج
يا بحر الصبر صـار الدمــع أمــواج
يا باب الحوائـــج جيتك ومحتـاج
وليا بــاب تگصد سيدي الأفــــواج
باب الحوائج والرجا جئناك بالحاجات
والدمعُ منـا أنهراً يجـري مــع العبـرات
قلـــبٌ تفطـــر ينعى أبنَ جعفر
* * **
لشاعر
موسى البديري
قصیده في حق استشهاد الأمام موسي الکاظم علیه السلام
ارد احچي عن کل الجراله
التکسر ظهر هیه اعتقاله
ضاعت علیه اخباره بالگلب ظلت ناره
****
انه المعصومه و صرت دمعي اسیله
گمت ابچي اعله الأبو مثل العلیله
من مشه الکاظم گمت بس اندعیله
یمته یرجع صاحب السجده الطویله
اشبیدي ابعدو من المدینه
عشت ابغیابه بس حزینه
اعلیه بقت انظاره بالگلب ظلت ناره
****
یم گبر جده یصلي ابدمع العیون
الأعتقاله اخذوه شفته بمر هارون
اچفوفه گدام الخلگ وسفه یگیدون
الغایه عدهم عن حیاته کون ینهون
و آنه شفت ذیچ المصیبه
الکاظم یجرونه عجیبه
بعدوه عن ادیاره بالگلب ظلت ناره
**
من المدینه الکاظم ابأحقاد طلعوه
ابسجن مظلم والدي گالولي خلوه
عن احبابه و شیعته ابسرداب اخفوه
اُمر تالي الطاغي ویلي وسفه سموه
گالولي صایر لونه اصفر
و آنه صحت الله و اکبر
دمعتي بس مدراره بالگلب ظلت ناره
**
غاب عن عیني الحنین ارباطعش عام
گمت ادوره ابیقضتی و حته بالأحلام
گلت لابد انظره یوم من الأیام
انه المعصومه و عشت کل عمري آلام
گالولي أیسي و لا تنشدین
و آنه اعله نار انتظره للحین
اتنطره و محتاره بالگلب ظلت ناره
***
آنه ویه الرضا نبچي لیل و انهار
وین ابونه صار ما نعرف بالأخبار
ابحال ابونه مادرینه اشصار ماصار
عالدرب مشبوحه ظلت کل الأنظار
ظلینه نشکي ابدمع الأحساس
فرگة ابونه ایشیب الراس
ابداره بقت آثاره بالگلب ظلت ناره
**
هاذه ابویه الغالي مشتاگه الحنانه
المثله ما واحد یجي ایعوض مکانه
گمت احسب یمته الــ موعد لقانه
لچن لا دهري الرحمني و لا زمانه
گالولي نوحي و حزنچ ازداد
والدچ مات ابأرض بغداد
غابت علیه انواره بالگلب ظلت ناره
***
نعشه گالو شالته اربع حمامیل
و الجنازه اویه الهوه یاحیرتي اتمیل
الطمت راسي و الدمع من دم بقه ایسیل
صحت مایرجع الچان الحملي ایشیل
گالولي نعشه ظل عله الگاع
اتمنیت اشوفه و اشبع اوداع
تالي ابگبر یتواره بالگلب ظلت ناره
***
لخادم الحسين علي فلاح الواسطي
20رجب
1445
لاستشهاد الامام موسى بن جعفر الكاظم عليه السلام (وزن تجليبه )
ماتبطل نيراني التسعر
لجل مصابك يابن جعفر
★★★★★
مثل صبح البعيد اعليك يوميه
بعيده الراحه عني وماتمر بيه
ومثل سجنك المظلم كل نواحييه
اللوعه خَيَّمَت بالروح ليليه
ذابت روحي وگلبي تفطر
لجل مصابك يابن جعفر
★★★★★
السجن بغداد فعلاً خاسر الجابك
يقل شانك يريد ومحد ايهابك
بيك الناس هامت صاروا احبابك
والحاجات كلها تنگضي ابابك
هلناس اتنوح وتتحسر
لجل مصابك يابن جعفر
★★★★★
فوگ خمسطعش عام اصبحت مسجون
آلام السجن لجل الديانه اتهون
بالسم ترجم احقاد الامس هارون
على الكاظم اليحقد يحقد على الكون
مظلم لون الدنيا أَتَغَيَّر
لجل مصابك يابن جعفر
★★★★★
لجروحك اجروحي لوحملهن زاد
اشتوفي اجروح گلبي يا أسد بغداد
دون انوارك الصوبين ماتنراد
ياباب الحوايچ مگصد الوِفَّادِ
تعبر حَدَّها جروحي وتكثر
لجل مصابك يابن جعفر
★★★★★
بيبان السجن مايوم مفتوحه
عينك علأهل مولاي مشبوحه
وجَيَّتهُم الك مابعد مسموحه
وسفه اجنازتك علجسر مطروحه
وگفت حيره افلاك التفتر
لجل مصابك يابن جعفر
الشاعر حسن لعيبي الحريشاوي
بحق الأمام الكاظم //ع//
بالباري عندك صله ** كعبه صــرت للمله
عمرك خلص بــالسجن
بــس حصلت منزلـــــه
*--------------*---------------*
ضنهم يضمك سجن بس أشيضمه الضـــوه
مـــوتـــك زرعلك عمر بدمع المحبه ارتـــوه
لا ضــل رشيد ومُلك ضلت حضرتـــك دوه
گبتك تنوّر ذهب وقصر اليـــضـــدك هـــوه
مثلك مــنــو زيارتـه * مـأوه البشر حضرته
صح جثتك مسلسله
*--------------*---------------*
زنـــزانـــه چانت الك صبح ومسه مظلمــه
صـارت مناره وگُبب بيهه البشر هـــايـــمـه
جـــنـــة عـــدن روضتك رغماً على الظالمه
اهـــل الارض والسمه تتباهه الك خــادمـه
دمع المحب شاهده * صــوت العزه يردده
يـــومــك مثل كربله
*--------------*---------------*
قصتك تحير العقل طـــول الـــزمن مفـرده
بيهه الامـــيــر انعدم والبسجن ســـيــــــده
هـــذا اليريد المجد يبقى المجد شـــاهــده
ثـــورة صبر ثورتك لأهـــل القيم خـــالـــده
عظمى وتضل فاجعه * يجري الجفن مـدمعه
تشيع الك مـــاحـــلــه
*--------------*---------------*
نـــدري اليموت بغرب محد يضل يذكـره
وانـــت بغربتك صرت تكصد اله الحايره
تتعنه بـــان وبني يـم حضرتك زايـــــــره
بــاب الحوائـــج صبح بابك منو الينــكره
كلمن اجــــه بمطلبه * ودمـــع الحـزن قربه
الحزنك عويله اعتله
*--------------*---------------*
جسر الرصافه انعرف يـــوم النعش شـــــرّفه
ودجله وي عينك غفت ومعنى الحزن تعرفـه
كـــل شي انطفه بغيبتك بس نورك الما طـفـه
بـدمـك رسمت الدرب محد كـــدر حرّفـــــــــه
شامخ يضل منهجه * رغـــم اليروح واجه
بموتك غـفـت بسمله
*--------------*---------------*
رادوا تموت بغرب ومـــا تحضرك رافضه
ربــك رفعلك ذكـــر غصبا على المارضـــه
مـــأتم تقيمه الارض ومأتم تقيمه الفضـه
الصابر بقه ومحتسب رب العُلى يعوضه
منعوا عليك الــهـــوه * صــرت بغربتك ضوه
صعبه الجـــره اتخيله
*--------------*---------------*
✍ خادم موسى ابن جعفر ع
الشاعر رعد الجريخي
القصيدة "ثكَيلة "الامام الكاظم ع (ياسجان)
الشاعرة "فاطمة هاشم الحسيني
ياسجان الوليد ليش مثكَل الكَيد
جيته وكَلبي خلصان
انه امه يسجان
ليش مثكَل الكَيد
⊱━━⊰✾ياصاحب الزمان✾⊱━━⊰
يهد الحيل حاله ولا رحمته
عجيبه مو بشر ؟ماتشعر انته
كَلي بيا ذنب ابني السجنته
ليش ابين حيطان انه امه يسجان
⊱━━⊰✾ياصاحب الزمان✾⊱━━⊰
ليش اعله الولد واكف حراسه
هاي اعمامة الهادي اعله راسه
كون اتعاملة بحب وقداسه
كون بطيب واحسان انه امه يسجان
⊱━━⊰✾ياصاحب الزمان✾⊱━━⊰
هذا البلخلق ماكو مثيله
شمسوي بسجن حكَ دمعي اسيله
انه امه وعليه انحب نحيله
ليش ابجفه نيشان انه امه يسجان
⊱━━⊰✾ياصاحب الزمان✾⊱━━⊰
مظلوم نسجن هاي الحقيقه
نوره ولا طفه و واضح بريقه
ذكر الباري ماعافه دقيقه
شاكر رغم الاحزان انه امه يسجان
⊱━━⊰✾ياصاحب الزمان✾⊱━━⊰
رغم ظلمة وسجن فارض حضوره
الربه بكل ثقه موكل اموره
حسو عيشته اتشكل خطورة
حقد سموه عدوان انه امه يسجان
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
وين اهل الشرف وين وين الهاشميين
عل جسر نعش ابن جعفر
محد التشييعه يحضر
واغريباه واسجيناه
__________
وين يشيوخ العشيره وينه بيرغكم الاخضر
گومو او فوگ العمايم شيّعو موسى ابن جعغر
نعشه يشده البال ياحال حاله ابهل مسيه
عگب ضيم او عذابات ابسم مات إمام الرافضيه
عمر مسجون گضاه والآه بقت حد المنيه
آلآم او عذابات موسى بالسجن مات
آه يا گلبه التصدع
ابهل مطامير ايتلوع
واغريباه واسجيناه
__________
يا هظيمه ابهل مسيه سممو روحه الحنينه
چن حمام الدوح ونّه او محد اليرحم ونينه
من سجن السجن صار يندار بيد الناصبيه
مدري ابيش مطلوب وايلوب صباح او مغربيه
گضه بين المطامير چن بير سجن تحت الوطيه
حسره ايشم الانفاس سجنه ايشيب الراس
والسجن بابه توصد
اشهل مصيبه الله او لحد
واغريباه واسجيناه
__________
امسمم الكاظم يساده او بالسجن مردو چبدته
والسلاسل موتنه او نابت الغيد ابرگبته
مات او هو مشدود بقيود الله اشمصيبه
امام النصبّه الله ويلاه يضل جثه غريبه
اعليه وگفو يشمتون . يشتمون نور الله اوحبيبه
امصابه ايهدم الحيل مثل الداسته الخيل
اجنازه ما واحد حملها
ولحد ابدمعه غسلها
واغريباه واسجيناه
__________
موسى ابن جعفر هظيمه اجنازته لا ما رعوها
ابلا وقار او لا مهابه جثته من طلعوها
عجيبه سيد الكون واشلون حماميل التشيله
وين اهله المايمين . مبعدين ما واحد يجيله
عشيره ماله واصحاب . مو ذاب يا وادم دليله
او هو بالنعش ناح مات او ماهو مرتاح
عل جسر خلو يشيعه
والامر محد يشيعه
واغريباه واسجيناه
__________
لا تخلونه يهاشم مثل ضامي الغاضريه
اتلثتيام احسين عاري جسمه ضل اعله الوطيه
موش ابعيده بغداد يسياد للكاظم تعنو
شيلو نعشه ابساع يسباع او بالدمعات اغسلو
ادفنو المات مسموم . مهموم بل حسرات ادفنو
فلو اقيدوه بهداي رشو گبره بل ماي
واقرو ابكتره العزيه
العمته الراحت سبيه
واغريباه واسجيناه
__________
ادفنو الكاظم يساده او خل مدامعكم جريه
شوفو آثار البدينه واذكرو احبال السبيه
نفس آثار القيود بقن سود ابعمتكم يساده
لان ما عدها كفال بل حبال حاديها تماده
الموسى والها هل نوح . والروح دمعتها عباده
اشحلاة الدمعه والآه الموسى او عمته اوياه
انعه الهم كل حياتي
واندب ابساعة وفاتي
واغريباه واسجيناه
__________
ابو فاطمة الطائي
أخذو مرادكم من باب المراد
… .....
يزوار الگصدتوا الكاظميه
لبو طلبه تعنيتوا بقظيه
قدم حاجتك يم الثنيه
تعنيتوا وجيتوا الاسد بغداد
……
يالمعنين يم باب النشامه
مايخسر تره اليگصد امامه
الكرامه هناك تلگون الكرامه
ذوله اهل الكرم واصحاب الامجاد
… .. .
يزوار الذي روحه نحيله
اجينه البابه كلنه نشتكيله
ثجيله جروحنه وعدك جليله
وغيرك مامشينه الواحد وفاد
…… ..
يعنايه لعد باب المصيبه
حبيب وزاير اتعنه حبيه
البعيده اعلينه گدامك جريبه
من زادك نريد انحصل الزاد
……
يهل ماشين لولاد الرساله
الحضره اصيح يالزاير تعاله
امامك عزب ابماله وحلاله
ما رجع طلب من زوده وزاد
.……
يمن زوار للحضره الچبيره
ابو الگبتين المفارگ عشيره
شماتطلب على الكاظم زغيره
كرامه من الله وارثها من الاجداد
……
علي الحاج الصبيحاوي
احجيلي يالزنزانه.. عما جرى بمولانه
هم يعذبونه..وتدمع اعيونه
الكاظم اشلونه
احجيلي يالزنزانه
...
يالساده الباب ابوجه كلمن يزوره
والسندي كل يوم ابعذاب ايشوفه صوره
يتعمد ايسب فاطمه ويجرح شعوره
اشلون الكمر بالسلسله ايكيدون نوره
كليلي شنهي أخباره
هم شفتي واحد زاره
خنكته الغربه..يا وجع كلبه
ياهو الامعذبه
احجيلي يالزنزانه
...
يمكن متر واشويه سردابج قياسه
ولمن يصلي بالسكف يلطم راسه
وامسلسلينه وعالسجن حطو حراسه
ولا خلو الموسى احترام ولا قداسه
ثكل الحديد ايلجمه
عالثوب يابس دمه
عايش الوحده..وطول المده
اشصاير بجبده
احجيلي يالزنزانه
....
سجانه باوقات الصلاه كالو يخبره
كل عمره ليل ولا شمس طبتله مره
ياهو السمع جوه الأرض مسجونه حظره
وايسبح الشيب ابلحيته شعره شعره
هذا الإمام العابد
نص عمره يمكن ساجد
يتوضه بدموعه.. أخباره مكطوعه
الازياره ممنوعه
احجيلي يالزنزانه
....
لعياله يمكن لو كثر شوكه وحنانه
ايسافر بروحه والجسم يبقه بمكانه
هذا اليسمونه كبل سيد زمانه
اخمسطعش عام ولاخبر منه اجانه
للباري رافع ايده
يوم النجاة ايريده
روحه مشتاكه.. يصعب افراكه
وانجرح ساگه
احجيلي يالزنزانه
....
جان بدعائه اينادي يارب البريه
يالخلصت ذاالنون فك اقيود اديه
لن اجه الطارش بالبشاره الموسويه
ابن سويد جابلكم خبر يالرافضيه
يطرق ابواب الشيعه
والخبر كام ايذيعه
اينادي بالدمعه..الموعد الجمعه
حانت الطلعه
احجيلي يالزنزانه
....
واتجمعو شيعة علي الجية وليهم
عالجسر وايرفن بيارغهم بديهم
لن الجنازه أمن السجن طلعت عليهم
واتلگو ابن الزهره هالليله ابجيهم
وابغربة استشهاده
لا اهله لا اولاده
سابع العتره.. ياكبر كسره
عن عظم صبره
احجيلي يالزنزانه
...
محمد الجماسي
بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م
يالكاظم المظلوم زوار اجت هاليوم
للكاظميّه بهاي الرزيّه
لموتك گلبها هموم زوار اجت هاليوم
..........
يا موسى بن جعفر اجت يا سيدي يالكاظم
الزاير يگصدك بالمشي بهمّه و عزيمه قادم
بهاي المسيره الخالده باقي رغم كل لائم
وشما يقدم لو نطه لجلك ابد ما نادم
ايحسّ بفخر موجود عقله بأمر معگود
فكره و إراده بيها اعتقاده
لموتك گلبها هموم زوار اجت هاليوم
..........
متحزّمه يا بالرضا هاي الجموع الزوار
من كل مكان و گصدتك لا ما تردها الاخطار
وتحمل عقيده ثابته ونهج و معارف و افكار
بحبّ و ولائك تستمر بيها امامي احرار
نذرو الك لسنين للدوم مفتخرين
يبقى بثباته بهايه صفاته
لموتك گلبها هموم زوار اجت هاليوم
..........
خمسة و عشرين برجب وبكل سنه مشايه
هالشيعه لجلك سيدي يا يالرضا وفايه
لزيارتك ولمرقدك عدهم عظيمه الغايه
باقي الموالي معتقد هاي القضيّه و غايه
موقف ثبت بالروح بعمره يظل ميروح
بحسره و أنينه قدّم سنينه
لموتك گلبها هموم زوار اجت هاليوم
..........
يا كاظم الغيظ الولي كل شيعتك متوحدين
رغم التعب لجلك فده بهاي المسيره ماشين
من اول اسنين العمر لجلك امامي امضحين
اتحسّ ابقصور شما الك تنطي و تقدم اسنين
تفدي و تقدم اعمار يبن النبي المختار
وكلها ذكرها لجلك أمرها
لموتك گلبها هموم زوار اجت هاليوم
..........
للكاظميّه و اعتنو بهاي الزياره مولاي
بلهفه تزورك گاصده كل شيعي بيهم وفاي
وفّو عهدهم ما تزل عن العقيده و الراي
روح و گلب بي معتقد لزيارتك حين الجاي
يا يالرضا تدريه گلب الموالي شبيه
يسري بدمانه لجلك ولانه
لموتك گلبها هموم زوار اجت هاليوم
..........
بين البشر من كل صنف ديني الشخص لو مُلحد
شيعه نفسها ما أجد هيچي بشر تتوحّد
رُغم الخلافات التُمر كلها الضريحك تگصد
ابنِيّه و عقيده ثابته وحبهم فلا يتحدّد
لكل المذاهب و الدين نفس اليزورك وين
بس شيعتك هاي عدها الصفه و راي
لموتك گلبها هموم زوار اجت هاليوم
..........
خلها الديانات الذي بهذا الأمر متعجبه
من كل دول لجلك إجت لا ما تحسّب صعبه
لگبرك تزوره بهالأمر عدها أراده و رغبه
لو ما تزورك سيدي اتحس بالحزن و الغربه
روح و گلبها اوياك بالدم فخر يفداك
كلمن يواليك بيها يحيّك
لموتك گلبها هموم زوار اجت هاليوم
..........
من يوم موتك بالغدر كل شيعتك متحدّه
درب النجاة امن الخطر بيك الأمن معتقده
مثل الجبل صبر المُحب قوّه و ثبات العنده
رغم العده بكيده و حقد رايد يمنعنه ايردّه
هذا الامر معروف ثابت يظل موصوف
كلمن تعنّه وبگلبه ونّه
لموتك گلبها هموم زوار اجت هاليوم
..........
مهيمن يوسف الموسوي
٢١ رجب ١٤٤٥هـ
٢٠٢٤/٢/٢م يوم الجمعة ١١:١٧م
🔻أستشهاد الامام
موسى ابن جعفر عليه السلام 💔
ـــــــــــــــــ ❁ ❁ ❁ ــــــــــــــــــ
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
حراس خلــو عالسجن وانه بظلم سجنوني
ما ادري ليلي من الصبح بس بظلام عيوني
والگيد بجفوفي يحــز شمسوي ويگيدوني
موسى امام الرافظه الكاظم انــه يسموني
يـاناس كل هـذا الضوه ماشوفه
عيني عله شوية شمس ملهوفه
محرومه عيني من ضوه دنيايه
تارك نفس وسط السجن ذكرايه
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
طير انه مكسور الجنح وين اليضمد جروحي
صرخه بدليلي وتنسمع وهمومي تمرد روحي
ادعي بصلاتي للفرج وابچي وازيــد بنــوحي
الجمعه موعدنه گرب ياروحي ســرچ بوحي
الاحباب توكف عالجسر منتظره
يردون من ذاك الوجه بس نظره
بس جثه من راحولك ولاگينك
امگيــد وتنـــزف دمــه چفينك
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
الليل يخلص بالدمع عالخـــد تسيــل دموعي
وعظامي لو لاحت برد صلت عليه ظلوعي
ظيم وقهر انه احملت محــد يهـــدي بروعي
انــه ارهب وما انرهب شجرة امامه فروعي
انطيته علمي للرضا مـــن بعــدي
وانه ابقه بديار الغرب ظل لحدي
وصيتــه بالشيعــه يظل يرعاهم
ويتحمــل انــواع الظلم ويـــاهم
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
ميت انـــه وگيد الظلم طابع اثر من دمي
ماواحد يفك جثتي بگيودي اظلـن مرمي
ماكفت سنين السجن وليل العذاب وهمي
عافوني جثه مگيد ومحد يمـر مـــن يمي
ظليــت وبحــر الشمس عافـوني
بحســرة ضوه ظليتي آ يعيــوني
ماشفتي كل هذا العمر بس ظلمه
چـــان الضوه بزنزانته كــل حلمه
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
مات الحلم بيه اندفن وانـه اندفنت بگبــري
فروني من سجن لسجن ضلو حياره بصبري
مــن شحت ايـام العمر ودريت خلص عمري
كلتلهم الموعد گرب بموتي الفرج انــه ادري
من ابنعش فوگ الجسر شالوني
هاي الابد ماچانت اعله ضنوني
جثــه امــام الرافضـه يشيعونها
بظهر الحماميـل الظهر يـرمونها
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
ياناس من حان الفرج بعدي السجن ظل خالي
كــل ظنكم الموعــد اجـه متانيـن جيت الغالي
رايح انــه ويبقـــه السجن يــردد صدى اقوالي
عنــدي علــم مــن النبــي واســم يظـل بالعالي
معروف مــن خيــر البشــر ابائي
بصبري وصمودي ارعبت اعدائي
غدروني بالسم وبسجن سجنوني
وحرموني من شم الهوه حرموني
واسجيناه ............ واسجيناه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
لودهاك الحزن لووكتك تعسر
لوتحزم دهرك ودولابه يفتر
ولوامل عندك تباعد لوتاخر
ولوعلل صارت حياتك غصب تكثر
ولوشمل عنك تفرق لوتطشر
ولو سماك ضيج وسط العين تصغر
ولوعليك الدنيا والعالم تغير
روح يم باب الحوايج عنده احضر
حاجتك مكضية يم موسى بن جعفر
الشاعر حسن لعيبي الحريشاوي
اداء ---الرادود كرار الطائي
ابيات عگيلي لشهادة الامام الكاظم عليه السلام
ميت لو حي امعذبينه
مسموم او نعشه امقيدينه
______
آ يمصاب المامش مثله
يمصاب الكاظم شيحمله
ما خله ادموع ابهل مقله
ما يبرد لو دم ابچينه
مسموم او نعشه امقيدينه
______
اجنازة موسى الكاظم انعه
غصه او عبره اوحسره او دمعه
چا حمال النعشه ايطلعه !!!
وابظهر الجسر امخلينه
مسموم او نعشه امقيدينه
______
اربع حمالين اتشيله
او هو الشيخ الماكو امثيله
المن نشكي ابهاي الليله
واحنه المتغيّب والينه
مسموم او نعشه امقيدينه
______
بدموع التهمل ناشدنه
المن نشكي اهموم العدنه
عن امصاب الي ضاهدنه
چن يعگوب احنه الونينه
مسموم او نعشه امقيدينه
______
مثل اجنازة موسى الكاظم
لا شافت لا سمعت وادم
ميت . بس ماعافه الحاكم
زنجيل او قيد ابأيدينه
مسموم او نعشه امقيدينه
______
لطرافه الگيد امرضرهن
بالتابوت او ينزف دمهن
ما واحد عنه ايوخرهن
او لا واحد لنكسرت عينه
مسموم او نعشه امقيدينه
______
ممنوع اتمر يمه الشيعه
ممنوع الكاظم تشييعه
اوحيد ما يمه امن أُربيعه
ما ادري اشذنبه او جافينه
مسموم او نعشه امقيدينه
______
موسى الكاظم كلفه اجروحه
بل سم لاجت ويلا روحه
وامست مهجوره او مذبوحه
ابتابوته او حيف املوعينه
مسموم او نعشه امقيدينه
______
ما كفاهم سجنه او هظمه
نص عمره امگضيه ابسِگمه
او نص ابهل طاموره الظلمه
عشرين او ازيد نافينه
مسموم او نعشه امقيدينه
______
مو كافي اعليه الزنزانه
مو كافي اجروحه او احزانه
بل سم يل ذبلتو الوانه
ما خفتو امن الله امعذبينه
مسموم او نعشه امقيدينه
______
ابو فاطمة الطائي
لشهادة سيدي ومولاي موسى ابن جعغر سلام الله عليه
إِمامٌ عِندَ ذِي العرِش مكينُ
سَليلَ النورِ والحبلُ المتينُ
عَجيبّ ياصُروفَ الدهرِ صِدقاََ
أموسى في المطاميرِ سجينُ؟؟
_______
أناشد والدمع بعيوني هل مدرار
يا دهري ابن جعفر تطلبه ابثار ؟
نص عمره ضل مسجون نص اكدار
ضلام او ما يعرف الليل من لنهار
ابصدره لوعته او دمعاته جمرة نار
رهينٌ تحتَ اطباقِ الضلامُ
بها ذاقَ المرارةِ والحِمامُ
لَهُ الجُدرانُ ضجّت في بكاءِِ
أموسى في المطامير سجين؟؟
_______
على موسى ابن جعفر الف ويلاه
غريب او من هله محد تعنه او جاه
ينعى من الم قيد الذي أذاه
هيج حزنه والطف كربلا وداه
ذكر عمته او سبيها والدمع اجراه
بِهِ للطّفِ قد سارَ الخيالُ
رأىَ طَوداً تُقيدهُ الحِبالُ
أذنْ نفسُ القُيودِ فَناشِدوها
أموسى في المطامير سجين؟؟
_______
ابغياهب هل سجن موسى ضلم محكوم
من شم الهوه يا شيعته محروم
ابسجن مثل اللحد حسره عليه ايگوم
او عليه سجان واگف يشبه الجاثوم
سطر وجهه او أثر هل سطره يجري ادموم
كَما خدُّ البتولةِ يصفعوهُ
بِنفسِ الكفِّ موسى يلطِموهُ
وَعادت فاطِمُ الزهرا تُنادي
أموسى في المطامير سجين؟؟
_______
اذا سجانه ابن شاهك سليل ارجاس
اذن چا موسى صبره ابيا صبر ينقاس
عليه والله حري ايشيب الگلب و الراس
(القل هو ) ابسجن واليسجنه الخناس
ولا چنّه امام الجن وامام الناس
حليفُ الوحيُ والآيآتِ طرّاً
سقاهُ الدَّهرَ مِن كأسيّهِ مُرّا
ألا أمّن يُجيبُ القلبَ هذا
أموسى في المطامير سجين؟؟
_______
مو مثله كليم الله تحمل جور
ولا مثله عند يعگوب گلب مكسور
غده كعبه او عليه النايبات اتدور
هم مسجون هم مچتوف هم مسطور
او ذبل عوده غريب امسمم امغدور
غريبٌ ليسَ يشبهَهُ غريبُ
لهُ اللّوحُ وما فيهِ كَئيبُ
تَنَزّل وَحيهُ حُزناً بَليغا
أموسى في المطامير سجين؟؟
_______
والأعظم حزن. وازيد يطر اگلوب
نعشه اعله الجسر ضل الوكت لغروب
مثل احسين يوم الجسمه ضل مسلوب
صريع او بل نعش ياويلي گلبه ايلوب
عدل ميت عليه القيد چن مكتوب
قَتيلٌ والسلاسِلُ في يديهِ
أيا حُزني . أيا وجدي عليهِ
دُموعي فيهُ لا لنْ تَطفي ناري
أموسى في المطامير سجين؟؟
_______
ابو فاطمة الطائي
امصيبة الكـــــاظم مصيبه
هم مثل عمته الغـــــــريبه
جتفو ايده بسـلاســــــــل
وبالگب كاظـــــم نحـــيبه
بطاموره كل عمــره كضا
وسفه بسجن يابو الرضا
سابع امـــام اعله الارض
بسـَم الغــــدر تالي حضا
ويلي اعله ابن جعفـــر المسموم
مضلوم خلـص عمـــــره مضلوم
خلصت حيـاته بسجــن ويـــلاه
بطــــــامورة الاحــــزان مهمـوم
علئ الغريــــب واويـــلاه
ـــــــــــــــــــــــــــــــــــــــــ
عايــف الكــــاظم مصابه
وسجنه واگيوده واعذابه
وهوه بالطـــاموره يـذكـر
عمته زينــب والخــــرابه
بطامــورة السنــدي اشكثر
يبجي اعله عمته ام الخدر
ياويلي زينب بت علـــــــي
عالهزله راحــــــــت لليسر
ويلي اعله زينب بالسجن صاح
الشافت وليها حسين من طاح
اشكد عظيمه مصيبتج هـــــاي
مسبيه رحتي وهمه برمــــــاح
على الغريـــب واويــــــــلاه
ــــــــــــــــــــــــــــــــــــــــــــ
منجـــرح گلبـه اعله زينب
بمحــنته وعليـــها ينحــب
ما مفارك بــــــاله منظـــر
عمته مجلس غربه تچهب
ماصايــــره ابـال النبــي
علويـه ماخـوذه بســبي
عد الهــواشم ضل جرح
ماطاب جـرح ام العبـي
مهضومه زينب طبت السوگ
ياوسفه صعدت هــزّل النوگ
مجروح امامك عالجره وصار
ومحروگ گلبه اعليها محروگ
على الغريـــــب واويـــــلاه
ـــــــــــــــــــــــــــــــــــــــــــ
عالــــــهواشـم هايـه صعبه
اطب حرمهم ســوگ غـربه
طبن الشـــــــام العــــلاوي
اليستمعها يوجـــــعه گلبه
ومّصيبة الكــــاظم مثــل
عمته الي صعدت عالهزل
هيه الخرايب هم سجــن
واثنيــــنهم نفـس الحـبل
هيه المصيبه امصيبة ام عون
باقي المصايب سهله واتهـون
مو هينه زينب حتى تنشــاف
الصار اويه زينب يدمي الاعيون
على الغريـــــب واويـــــلاه
ــــــــــــــــــــــــــــــــــــــــــــــــ
ويلي بسموم المنيـه
خلصو ولد الزجـــيه
مالت الدنيه بأهلنه
من رزيه لحـد رزيه
ياويلي من ضلم الدهــر
معصوم وبســـم انغــدر
هذا الغريب امن استمع
يعصرني گلبي من القهر
وين اهله راحو خل يحضرون
الصاحو گبــل خلهم يشوفون
هذا ابن جعفـــــر أسد بغــداد
افترت الدنيـــه اوينه هـارون
علي الغريـــب واويـــــــلاه
ــــــــــــــــــــــــــــــــــــــــــــــــــ
محمد المشعلاوي