7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#شهادة_أمير_المؤمنين ع
#شهر_رمضان_١٤٤٥
لسان حال أمير المؤمنين (ع) مخاطباً ولده سيد الشهداء (ع) وهو يراه يطبّب جرحه..
(وزن الطويل)
أشوفكْ يَمّي يا وليدي.. تحْضرني يا ابو الاكبر
تعاين طَبرتي بكفّك.. وگلبك يرْجِفْ ويسْعر
تمسح دمي بدموعك.. وتْشدْ ْراسي المجروح
منْهو يشدْ ْعلى ْجراحك...وانت بكربلا مطروح
وحِيد ْبعاشر محرّم...ودمّك ْع الثرى مسفوح
هذا مقدّر ومكتوب.. واجب يابني تتصبّر
وگعت آنه في محرابي..بس ْانت على لِتراب
تتكاثر عليك الگوم...ماعندچ أهلْ واصحاب
وسهم ْمثلث بگلبك... ْجبينك بالحجر ينصاب
وصدْرك تْسحگه ْالخيول.. ضلوعك كلها تتكسّر
صوبِ الدّارْ تحِمْلُوني...يمّي تجْتمعْ ْالعيال
بسْ انتَ محدّ يمّك..جسمك عاري فوگ رمال
شمرْ يصعدْ على صدرك.. وراسك عالرمحْ ينشال
يومك أصعب الأيام...گلبي ْعليك يتحسّر
منال بجيجي
بين السماوات ناده المنادي
طر راس الاسلام سيف المرادي
_____
اهتزتلك السبعه وينادي جبريل
ركن الهدى اتهدم بالكوفه ياويل
الدنيا صفت حمره وي هامته تسيل
اقتربت الساعه وماالها تأجيل
ماضل وكت ليها
يفاركها واليها
بفراشه مطروح مبجي الاعادي
___
اشدد حيازيمك بيدك يبو تراب
ماهاين فراكك حتى اعله هالباب
وي اليتامه اعرض مارايد مصاب
يالجامع ايتامك يمفرق الاحزاب
الشاطر رأس مرحب
بعصابه متعصب
وتنعاه الاكوان سهلا ووادي
___
القالع حصن خيبر شايلته ناسه
ولحيته دم حمره من مجره راسه
الماعمره متطهر ياوسفه جاسه
طاح الهدى كله ركنه واساسه
واتيتمت كلها
الحيدر كبل ضلها
وانه بفگد حيدر اعلن حدادي
___
فزت ولامره يامولى خاسر
يالحته قباضك خليته حاير
يالميت وشامخ شمخة مناير
اكثر فقير انته تشرف الاكابر
مارد اليسأله
لو مو تجوع اهله
اتفاخر بحبه واعلن ودادي
___
طالب الصالحي
#الإمام_علي
جديد بمناسبة شهادة امير المؤمنين علي بن ابي طالب عليه السلام قصيدة بعنوان ( موتك فجعنا)
ينحب القرآن وينوح محراب الولي
فجعنا بشهر رمضان مصابك يا علي
مصابك يا علي فجعنا وذابت گلوب
وهاي اليتامه اعله بابك تحن وتلوب
تنادي يا علي بحرگه والدمع مصبوب
خلافك لليتم تبقى وبظيم الدهر تبتلي
▪️〰▪️〰▪️〰▪️〰▪️〰▪️〰
محرابك ينوح فگدك وعظم المصيبه
يا علي ينحب وادموعه تنزل سچيبه
وين البي چان يسجد بصلاته الحبيبه
يتيم بفگدك الدين مكلوم يا علي
▪️〰▪️〰▪️〰▪️〰▪️〰▪️〰
اظلم الكون بغيابك واتخلخل نظامه
وكلشي ينوح فگدك مثل نوح الحمامه
وجلست ابابك تنتحب كلها اليتامه
تلطم امصابك ومن دمه الدمع اتهلي
▪️〰▪️〰▪️〰▪️〰▪️〰▪️〰
واگفه ابابك يتامه ومحنيه الضلوع
تنادي يا علي بحزن واتهل الدموع
ولجل جيتك بالدرب شعلت شموع
يا حسافه عگب عينك هاليتامه تنولي
▪️〰▪️〰▪️〰▪️〰▪️〰▪️〰
وين يمصلي الليل رحلتك رحله طويله
زينب عگب عينك حملها منهو يشيله
من كفلت يحماي الدخيل بخدر العقيله
لو نادت بيوم يابويه منو يكفل محملي
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
راح ابونه .. راح ابونه
والاعادي يتمونه
@@@
هاللي وجهه يشع حنانه
خالي منه ضل مكانه
الچنه عنده كالأمانه
ايتامه تالي ايدورونه
راح ابونه
@@@
وينه هاللي عطفه لينه
چن غمامه اتصب علينه
وسفه بوالنظره الحنينه
هالاجل غمض عيونه
راح ابونه
@@@
الچنه نلعب يمه فرحه
وسفه ينزف دمه جرحه
وما نعاين تالي صبحه
وللمگابر يحملونه
راح ابونه
@@@
اعيالك احنه من نجيلك
انهض إلنه اشماله حيلك
تدري من وگف دليلك
ابفراگك عذبونه
راح ابونه
@@@
بونه راسك من تطبر
كلنه صحنه الله اكبر
وكل يتيم بدمعه يعثر
يصيح بويه وفجعونه
راح ابونه
@@@
هاليلمنه ابصدره ويده
ماكو نابض في وريده
يعني فارگنه الصميده
اوجه لصفر ماهو لونه
راح ابونه
@@@
تأخر وطول غيابه
جينه لحورها لعتابه
ومن سألنه وينه بابه
علي ردت يدفنونه
@@@
علي أحمد الحمود
٣٠-٣-٢٠٢٤
شهادة الامير ع
الوفاة
❇️ قصائد استشهاد الامام علي عليه السلام
تعَيد الناس كلها وتلبس جديد
وجمال الفرح تتنطر صباحه
وزينب راح ابوها وفرحة العيد
اخذهه اويا وعافلهه المناحة
اجاهه الموت فجأه بلا مواعيد
وعلى راس الابو خفگ جناحه
اجه سيف الجهاله يريد تجديد
بچف خاين طبر راس الفصاحة
طبر راس الغيور وسيد الصيد
وفتح للحسرة والاهات ساحه
ذبح خُضر الاماني بصُفرة البيد
ولبّس زينب من الهم وشاحه
على خدهه الدمع اصبح اخاديد
وبحشاهه الاجل غرّس رماحه
غزت ايام هيبتها التجاعيد
عليها الحزن من هبت رياحه
دفن حلم اليتامه بغير تعميد
بلحد نسيان واراه بجراحه
حيدر راح بعد الآه شتفيد
اذا وكت الفجر اعلن رواحه
................
عقيل الكاظمي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
حسين خويه گلي شيكول الطبيب
ايتام أجتنه وتنشد شولنه الحبيب
جرح أبوي شگال عنه
يطيب لو نكطع الظنه
حسين خويه
حسين خويه
* * * * * * * * ***
أطلع وشوف اليتامه أبابنـــــــه
أجوا من سمعوا مصاب الصابنه
كلهم يصيحون حبنه الجابنـــه
ينكسر كلبك الحال احبابنـــه
أطفال تسأل كام لوبعده جريــــــــح
الدنيه ضاكت والهوه أصبح شحيح
خويه وهواي أنسألنه
يطيب لو نكطع الظنه
حسين خويه
حسين خويه
* * * * * * * * ***
أجت غركانه اليتامه جفونها
وصعبـه ما أكدر أصد بعيونها
خويـــه نيتهم نوارس لونـــــها
حرت من سألوني صحته شلونها
اطفال ميحملون هالهم والمرار
آنه كسروا خاطري الكلش صغار
يريدون أخبار منه
يطيب لو نكطع الظنه
حسين خويه
حسين خويه
* * * * * * * * ***
من خبر ضربة علي بالكوفه طش
ركضه أجو ولشوفته كلهم عطش
صافي حبهم لا أبد مابيــه دغش
من شفتهم هرش دلاّلي انهـرش
شايلين جفوفهم نحو السمــــــاء
وتجري سيل دموعهم ويه الدعاء
ويونون شلون ونه
يطيب لو نكطع الظنه
حسين خويه
حسين خويه
* * * * * * * * ***
شاهدوني وبجوا وأتجهوا ألي
وهاچ كالوا والدمع سيل يهلي
لبن هذا أحنــه جبنــاه لعلي
فدوه أخذيه أمن أدينه للولي
كلنه جبنه وركضه جينه معتنين
من سمعنه يفيد أميـــرالمؤمنين
أخذيه إله يابعد أهلنه
يطيب لو نكطع الظنه
حسين خويه
حسين خويه
* * * * * * * * ***
كل يتيم مصاب حيدر هزه هز
وكل جرح رد وألجم هاليله فز
علي بكلوب اليتامه جرحه حز
وهمه عد حيدر ترى من ولده أعز
شكد معزه بكلبه شايل لليتيم
شكد يتامه علي معيشها بنعيم
ويه أبوي العشره جنه
يطيب لو نكطع الظنـــه
حسين خويه
حسين خويه
* * * * * * * * ***
علي ماينجب بعد مثلــه الزمن
وعلي قبله للّي توليـــــه المحن
عالفقير المرتضى من أهله أحن
وللّي ماعنــده وطن حيدر وطن
معزته بعز الهوه عند الفقيــــــر
وبعد لومات الهوه شنهي المصير
تموت وياه المحنه
يطيب لو نكطع الظنه
حسين خويه
حسين خويه
* * * * * * * * ***
سلام المشعل
سيدي يالمرتضى سيدي يالمرتضى
*
يالزرع عند اليتامه البسمـــه والحب والامل
جالمطر دمع اليتامه الليلـــــه بمصابك همل
يانهـج نهــج الحنان شلــــــون يخفيك الاجل
ياعلي أصبـــح حنانك ينضــرب بيـــه المثل
ومارضه أسم الحنان بغير شخصك مارضه
سيدي يالمرتضى سيدي يالمرتضى
*
ذبلت أوجــوه اليتامــه سيدي ذبلت ورد
ماتت البسمه الوحيده البيها جانت تنسعد
العايش بنعمة حنانك من تودعــه وتنفكد
لحظه مايهنه بحياتـــه لنه مثلك مايجـــد
مايجف دمــع اليفكدك والجفن ميغمضه
سيدي يالمرتضى سيدي يالمرتضى
*
وين من بعـــدك يحيـــدر يتجــــه وين اليتيم
ما ألـــه بس رحمــة الله والنعـــم بالله الرحيم
حالتــــه صعبـــه يحيدر وأنته في حاله عليم
تاره يبجي وتاره يلطم في هالامصاب الاليم
ونتـــه بفكدك صداها الليلــــه واصل للفضه
سيدي يالمرتضى سيدي يالمرتضى
*
يالولي بكل الخليقــــه مافـــرد مثلك صبر
منوجـــد مظلـــوم مثلك ياعلي بكل البشر
كل بني آدم صبرهـــا سيدي نقطـــه أبحر
وجالبحر صبرك يحيدر أنته عجبت الدهر
والزمن سهمه بدليلك عمل عملاته ومضه
سيدي يالمرتضى سيدي يالمرتضى
*
أبهالمصيبه يبو الحملـــه يساعد الله عيلتك
شحال كلب الحره زينب ياعلي من شافتك
شايلينك وأنتــــه دامي سابـــح بدم طبرتك
وحين جابوك العقيلـه أبلايـــه روح تعنتك
تصيـــح شيعوض حنانك ياعلي شيعوضه
سيدي يالمرتضى سيدي يالمرتضى
*
سلام المشعل
أشهد أنك يا علي حجه وفرض
أشهد أنك بالسمى ونور الارض
،،،،،،،،،،،،،،،،،،،،،،،،،،،،،،،،،،،،،،،
يا قسيم النار والجنه ونعم
يا علي الكرار فدوه لهلأسم
يا حقيقه بروحي ما صارت حلم
انته علمت الزلم معنى الزلم
وانته فهمت الگلب شنهي النبض
أشهد أنك بالسمى ونور الارض
،،،،،،،،،،،،،،،،،،،،،،،،،،،،،،،،،،،،،،
يا نبأ مذكور واضح بالكتاب
يلجمعت اثنين صعبن بالحساب
بالصلاه تنطي السأل يا بو تراب
راكع وتتصدق وچفك جواب
تريد اقره المائده ومنها اتعض
أشهد أنك بالسمى ونور الارض
،،،،،،،،،،،،،،،،،،،،،،،،،،،،،،،،،،،،،،،،،،،،
بسورة الاحزاب تصريح ودليل
الله طهركم بعد شحچي قليل
يا هوى الله شلون يرهملك بديل
والله دنيا بدونكم لازم تميل
الما يوالي المرتضى شفاده البغض
أشهد أنك بالسمى ونور الارض
،،،،،،،،،،،،،،،،،،،،،،،،،،،،،،،،،،،،،،،،،،
رادك الرحمن وأصدر ما يلي
انته ذو القربى وصبح واضح جلي
بالغدير المصطفى بأمر العلي
خله حيدر قائد وصار الولي
وما گدر ساعتهه حاقد يعترض
أشهد أنك بالسمى ونور الارض
،،،،،،،،،،،،،،،،،،،،،،،،،،،،،،،،،،،،،،،،،،،،،،،
اسمك بتوراة واسفار اليهود
واضح بأنجيل عيسى بلا قيود
قبل خلق الله لاركان الوجود
بالعرش مكتوب في ظل الخلود
يلقرضت الله وشچان القرض ؟
أشهد أنك بالسمى ونور الارض
كلمات الخادم / رعد الفريجي
🏴عن لسان العقيلة زينب ع المفجوعة بوالدها ..
🏴تغيب شلون يابويه و تخليني
🏴حزنانه وعليك ايكت دمع عيني
دمع عيني يسيل وحالتي حاله
محشومه چنت ومدللـه ابجاله
گلبي من القهر مگطوعة اماله
يخيمه الچانت بظلهه تفييني
المثلك ماحصل والد ابد بالكون
ينورعيوني وبموتك طفت لعيون
كل واحدمن اولادك صبح محزون
افراگك بالگلب نيرانه تچويني
حنين انته علي وشيعوض اغيابك
خلافك گلي شيصبرها احبابك
وهذي ايتامك تناطر عله بابك
اجت للدار اواسيهه وتواسيني
افطرت گبل الخلگ ياحيدر الكرار
ومصابك كلف مثله ابد ماصار
ياشهر الصيام اشخلَفِت آثار
تلوعني بقت أيامي وسنيني
علي باچر يجيني العيد وانته بعيد
والناس بفرح واحنه حزننه يزيد
ما اريد اليعايدنه ابد ما اريد
اريد الوادم بموتك تعزيني
نظل بعدك ترانه بحيره يالوالي
فگدناك بعجل ياوالدي الغالي
وزينب آني لوتدري اشجره لحالي
مِكِـدره وصورتك هيه التبچيني
#سمير_الصالحي
#البصرة_الفيحاء
هوسات للامير علي ع
.
.
حيدر ابدونك فلا تكمل صلاة ولا يكمل دين دونك حيدره
انته مشيت الزلم مثل السراط لزمتهم حيدر ابأيدك سره
والله ياحيدر علي محتار بيك انته كلي بيك هم طلكت مره
انته راضي بطبرتك راضي تموت و حتى تاخذ فوز دنيه الاخره
ابن ملجم ابد ما يصعب عليك ابجف يمينك جنت تكدر تشطره
وما رديت اعليه الموتك جنت متاني
.
.
ابن ملجم غدر ما كابلك حيدر
حكه بهاي يدري اعليك ما يكدر
لذالك ماكدر وجه بوجه مولاي
موت احمر يعرفك يا اسد خيبر
جي شالن خيبر بجفوفه
.
.
بطبر هامت مطبوره هامتنه
ضلمه اعليك يابو حسين دنيتنه
اخلافك يا علي الانذال حكمتنه
يحلال المشاكل شوف حالتنه
يا حيدر كونك تدرينه
.
علي وكت الفجر ما نسمع اذانه
يمدوخ اليحبه و ذهل عدوانه
تعال وشوف شنهي الصار ويانه
كلها الناس ضلت بيك حيرانه
ما صدك مخلوق بطينه
.
.
حسن صالح العيساوي
والله مظلوم يحيدر. والله مظلوم
هموم بهموم حياته هموم بهموم
والله صبر الشايله الجبل ما يتحمله
والله مظلوم
،،،،،،،،،،،،،،،، ،،،،،،،
من عهد فجر الرساله ماترك حظن النبي
هو أول من تبلغ بالزغر يحبي حبي
منه ماخذ كل صفاته بطل مغوار وأبي
ماسجد والله ال صنم هذا حيدر والنعم
والله مظلوم
،،،،،،،،،،،،،،،،،،،،،،
عاش ويه النبي قصه بيها انواع الاسه
شايل الدين اعلا راسه حته محد يلمسه
اتحمل اهات ومآسي لجل دينه وأسسه
بالصبر وصاه محمد زوجه خير النسه
ياعلي اوصيك الصبر وادري گلبك ينفطر
والله مظلوم
،،،،، ،،،،،،،،،،،،،،،
وبغدير الخم حجاها ورفع ايدك ياعلي
هاي خاتمت الرساله حيدر اتنصب ولي
لكن الحاقد يهني وبالخفاء يگول الي
داخل بليس بكيانه وفوك راسه معتلي
ومن بعد موت النبي اتقمصاها الاجنبي
والله مظلوم
،،،،،،،،،،،،،،، ،،،،،،،،،،،
ذوله اصحاب السقيفه الحاربو ال الرسول
ذوله فعلتهم سخيفه ذوله وكفتهم تطول
غصبوا. احقوق الخلافه وكسروا إظلوع البتول
جنود للشيطان صارو نفذوله شمايكول
أبو مره الوقحي من فعلهم مستحي
والله مظلوم
،،،،،،،،،،،،،،،،،،،،،،،،
طبو الدار الأمامه بليله سوده ومظلمه
صگطوا محسن صريع بلاخجل لامرحمه
حرگوا الدار بحقدهم نار شبت للسمه
نزل جبرائيل يهتف فاطمه يافاطمه
والله. لگلبها گلب بت محمد تنظرب
والله مظلوم
،،،،،،،،،،،،،،،،،،،،،،،،،
جندوا ابليس عدهم دربوه اعلا الحقد
من دخل مسجد الكوفه ابن ملجم يرتعد
شاف ابو الحسنين راكع شاف مولانه سجد
جرد الملعون سيفه سيفه بالهمه گعد
انت مصيوب وصحت وخالق الكعبه فزت
والله مظلوم
،،،،،،،،،،،،،،،،،،،،،،،،،،،
خادم الحسين عبدالكاظم الجابري
بين مولاي الحسين وابيه علي ابن ابي طالب عليهما السلام
بعدني اشتاگ الك سكته
يل ماتدري بالعفته
مكسور وخذاني الشوگ
يم گبرك حجي اتركته
رد ارسايل اعيوني
مو فضحني اجفوني
سير يمي لو بس طيف
الشماته ومايعذروني
نده يحجايت الينراد نص الگيض
دوه ياشوفت المفگود وين يهيض
وانه بكلهن متانيك
مشتاگ لحجي طاريك
يلي البيه ماضن بيك
بلكهن هسه متلعثم
فاگد شوگ وفاگد ام
وفاگد ابوه لجرحي يلم
علي بويه ... علي
.............................................................
شرايت حچي الوادم
وجرحي وحزني متوالم
يمهباب العذب ينراد
حيل الفرگتك لازم
يحس الميت بربعه
شلون اليمه من ظلعه
من ذاك صباح الله
لحد اخر حجي الشمعه
ادريبك تحس بيه دگوم وياي
لخاطر زينب الشيلتها نكعت ماي
لخاطر گلبي وربه
الفاكد ينقري گلبه
يتيه بالمشي دربه
وحگ امي وحجي العصره
صفت عين التحب حمره
وباجر ينسحگ صدره
علي بويه ... علي
...................................
عيني وگلبي يبچن دم
وكاعد يمك املثم
افراك الماعلي تعيوب
اشواية الله لو عل سم
يندهوني واصيحن رد
وفز والگه الصور تنعد
حرورت روحي من فرگاه
الجمر وبنص هوه ابرد
باجر وحدي والشمات تتمرجل
وعله زينب حجي الطابوگ يتمحجل
يصيرن كلهن ابفركاك
وكلنه ننولي بلياك
شنهي الضله اخذني وياك
موزر والطم من الشوگ
وكل اليوم اليمر مخنوگ
ناطور الدمع مبيوگ
علي بويه ... علي
........................................
باوع حالي الگاظي
جنك علجفه راضي
يملح الله شفهات الكون
سوالفنه اصبحت ماضي
مو من طبعك اجافي
الگبر مايمنع اتوافي
يالمعلمني ملگه الشوگ
اجيتك راكض و حافي
فز لاگيني واشهك شبگت مغربين
صدگ تحجيها مالك رده يم حسين
صدگ تاليها صارت هاي
اتيه بالمشه وياي
اغص گمت بلذيذ الماي
اجيت اتجه علعباس
گعدنه وراس طخ براس
افا وابساط الله انداس
علي بويه ..... علي
................................................
ضلي من الحزن ينشاف
هلگد ماصرت شفاف
ورگه وهلخذاني الريح
المثلي شتعتقد ينعاف
عفتني وكل فرض حاصل
وشيبي الجفني هلواصل
الدمع بلل لهات الماي
من نگط حچي العاذل
ذبلن بالبجي الجانن دفوا موردات
قابل ناسي والوادم تصرخ مات
تذبح هاي الحجايه
للفاگدله تجايه
يهضمت شكلي بمرايه
تغيرت وبهت لوني
اخوتي ومايعرفوني
الفاكد يسموني
علي بويه .... علي
..............................................
الاقل شرفاً
كرار اللامي
#ياعلي
قصيده للامام علي عليه السلام تنقري بعدت اطوار ☄️
كون مرني البين لحظة موتك
ياعلي ولا شفت مر تابوتك
⊰᯽⊱┈──❊╌─┈⊰᯽⊱
هيه يادنيه تمر ماكو علي
الليل يبجي دموع ونجومه تهلي
ناحت الوديان ياحيدر الي
يوم انادي وماتردلي بصوتك
⊰᯽⊱┈──❊╌─┈⊰᯽⊱
طاحت بهاليوم السبع الشداد
الكون معلن لابس ثياب الحداد
بكلبي هذا الضيم يا بو العتره زاد
اوياك اخذ هالروح بويه امروتك
⊰᯽⊱┈──❊╌─┈⊰᯽⊱
غاب صوتك عني ياشمة الهوه
ابحنانك احس دلالي ارتوه
ليش عني تغيب مو جنه سوه
خيم اليله الظلام بيوتك
⊰᯽⊱┈──❊╌─┈⊰᯽⊱
راسي المفجوع هوه المنطبر
خلاف عينك بعد مايسوه العمر
بدمعي احاجي الروح ونده بالصبر
ياصبر عالصار لم ابتوتك
⊰᯽⊱┈──❊╌─┈⊰᯽⊱
ابتراب الگبر عينك ناعسه
ودنيتي بحزان صارت مشمسه
توسلت بالموت خذني هالمسه
ياحليم الروح ماهي اعهودك
⊰᯽⊱┈──❊╌─┈⊰᯽⊱
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
عندما قرب الاجل لامير المؤمنين ع طلب من الحاضرين الخروج والبقاء لولد فاطمه ع فخرجوا وقام العباس ع معهم فقال له امير المؤمنين ع
وين رايح/انت مضمون الوصيه
وين رايح/يانظر عين الزچيه
انت نفس حسينها
يابو فاضل عينها
+++++++++
ياكتله امن الاحساس/ماقصدك يعباس/
يبو الرايه.بالحچايه.اقصد تطلع الناس
طالع يالگمر وين/يهدل ظهر الاحسين/
اعز غالي.عله اعيالي.وانت الفاطمه العين
تعال ارجع عيون حسين بچتافك تصيح ارجع
اول ماگمت عباس زينب هلت المدمع
مو من جرحي من ونيت الحالت زينب اتوجع
كون تدري/اشوصت الزهره بچفوفك
كون تدري/ماتت وتتمنه شوفك
اسرار بينك بينها
يابو فاضل عينها
****
غالي بروحتك هاي/تسمع ارجع اهواي/
امن الخيمه. ينادونك.ارجعك واترك الماي
لرجع تفرق اهناك/سكنه بطاسه تتناك/
يتعثر .يجي حسينك.يمتد يبني وياك
يل كلشي انته ذاك اليوم يطيح بوگعتك كلشي
عاين جرحي راسك هيچ والدم جامد برمشي
بس انه امن اجاني حسين مو محني وگدر يمشي
ومو غريبه/هسه زينب لو عفتها
ومو غريبه/اهناك تذكرني بوكتها
امدلـله امركضينها
يابو فاضل عينها
+++++++++++
ابدي اوصيَتي بيك/واولهم احاچيك/
ثگيله وانت گد الها امانه رايد انطيك
خدر اختك تحاميه/بعيونك تخليه/
حد ما بالسهم عينك يسر ودروبه تمشيه
تعال اگبالي ياعباس ارفع عينك ابعيني
چف ام الخدر ييدك لزمه وچلمه تنطيني
حد ما توگع الچفين يحترگن صواويني
انه يمها/ليلة الوحشه امن اجيها
انه يمها /ياكل بروحي حجيها
حرگو اصواوينها
يابو فاضل عينها
+++++++++++
كلما الها صديت/زينب منها ونيت/
يوحشتها.يضل خالي.لام لا ابو البيت
باچر تطلع الروح/اختك تبقى للنوح/
عن اعظم.جرح بالطف.احچي وكلشي مسموح
شوفت عينك المجروح الجرحه مابقت چاره
لعياله يدير العين ويكشف بالحچي اسراره
بالطف لا اخو الحمّاي وبعيلتها محتاره
كلها يمك/غربة ارقيه وضماها
كلها يمك/التركض وسوط بگفاها
ابسطره لمأذينها
يابو فاضل عينها
+++++++++
باقي كلمه تنگال/انه بنعشي انشال/
تشيعوني وتدفنوني ولا ابقى اعله لرمال
تدفنوني وتردون/گلي بزينب شلون
يم اختك يبو فاضل عليه لاتنوحون
يبني اعرف شعورك زين ترى فگد الابو يكتل
انته لو بچو عباس دمعه اعليه لاتهمل
تحسب زينب الف حساب من تسمع بچيك ايحل
لاتسمعك/اخفي عن زينب ونينك
لاتسمعك/احضن الحره بيمنك
انحرح بونينها
يابو فاضل عينها
ثائر الربيعي
اول القوم اسلام واول صنديد جرد فقاره وفوک رافع هامه
الله العلي اختاره العلي بهاي الگاع وايدها بالنصره الترف اعلامه
فارس بدر ويطول شرحك بالجيش نكتفي بمحد مارجف كدامه
دخيلك يبو الحسنين
مامنك انت ثنين
يالهيبتك ترعب
يمفرق الصفين
__
لو عجت ودگت طبلها الفرسان تدخلها صنتت خوف من تدخلها
فقارك الفاتح ذراعاته يريد يحضنها موت وابد مايمهلها
اول علي بكل الميادين يفوز شرق وغرب روح كلها اسئلها
بيده الشمس ردها
بس هو اوحدها
ابطال العرب لمن
برزتله شردها
__
بمحرابه حيدر يسمونه البكاء بس بالحرب ضحاك ومبجيها
يم اليتامه اترف..ترف بس بالجيش صولاته ياهو ابن امه الي يلاكيها
معروف بالكر ما..اله من اشباه واحد علي و '..وحده تفرد بيها
هذا ابن ابي طالب
ليث الوغى الغالب
تخضع الكل يمه
من شابها لشايب
__
هزبر وخلف بالميادين ابطال وبكربله ماقصر و ترباته
اولاد فاطم علي بيهم ينشاف والهم العباس اخفگن ريشاته
ونعم من روح النبي المانجزيه للي وصلن حدنه وجزن زيناته
ينراد بحر اوصاف
مو بشر كله الطاف
الله اصطفاه للناس
مامثله ابد ينشاف
__
طالب الصالحي
مُصِيبَه يَا عَلِي فَگْدَكْ مُصِيبَه
جَرِحْ رَاسَكْ وِسَفْ أَيَّسْ طَبِيبَه
عَلَى الطَّبْرَه...الْگَلُبْ جَمْرَه...وَلَا يُبْرَه
-----------------------
حَيَارَه بْطِيحِتَكْ تِدْرِي حَيَارَه
عَلَى خَدْنَه دَمِعْ لُوعَه تِجَارَه
دَمِعْ حَسْرَه...الْگَلُبْ جَمْرَه...وَلَا يُبْرَه
-----------------------
بُگِينَه بْلَا ضِوَه بَعْدَكْ بُگِينَه
فِجِيعَه وْنَايِبَه حَلَّتْ عَلِينَه
يَبُو الْعِتْرَه...الْگَلُبْ جَمْرَه...وَلَا يُبْرَه
-----------------------
هَضِيمَه فَرْگَةِ الْوَالِدْ هَضِيمَه
عُگُبْ عِينَه يِتِيمِ بْصَفْ يِتِيمَه
يِهِلْ عَبْرَه...الْگَلُبْ جَمْرَه...وَلَا يُبْرَه
-----------------------
رِزِيَّه تِكْسِرِ الْخَاطِرْ رِزِيَّه
مِشَه عَنَّه عَلِي حَامِي الْحَمِيَّه
ذِبَلْ عُمْرَه...الْگَلُبْ جَمْرَه...وَلَا يُبْرَه
-----------------------
#الليالي_العلوية
الشاعر حسن خنافر العاملي
❇️ ابوذية لاستشهاد الامام امير المؤمنين علي بن ابي طالب عليه السلام
يمن سيفك لجل هالدين محراب
وشبيهك بطل بالميدان محراب
منو مثلك يتيمك صار محراب
وصلاتك يا علي بعدك سبية
..........
#عقيل_الكاظمي
#الامام_علي
جديد بمناسبة شهادة امير المؤمنين علي بن ابي طالب عليه السلام قصيدة بعنوان (لا ترحل يغالي)
جينه ننشد وين يامصلي الليل
المن اتعوف اليتامه يحماي الدخيل
يا علي لو عزمت ترحل يغالي
وصي بينه يا ولينه اباچي الليالي
ايتامك ياعلي نتوسل بدمع اليلالي
لا تعوفنه يلولي يا حيدر ادخيل
▪️〰▪️〰▪️〰▪️〰▪️〰▪️〰
افتح عيونك ياعلي ولا تغمضها
لو غمضت عيونك هاليتامه من يلمها
بعدك غريبه بالدهر يفجع وضعها
تناجيك يا حيدر والمدمع ايسيل
▪️〰▪️〰▪️〰▪️〰▪️〰▪️〰
گوم يا علي ولا تفجع اگلوب اليتامه
جالسه ابابك تنتحب مثل الحمامه
الدهر من هسه ياعلي سدد اسهامه
عگب عينك يا علي بيها الزمان يعيل
▪️〰▪️〰▪️〰▪️〰▪️〰▪️〰
يا علي اعله بابك كلها وگفت تنوح
ومن الحزن ياحيد الگلب مجروح
اتصدع گلبهم ياعلي وذابت الروح
وزينب تسمع اصياحهم يسري بالليل
▪️〰▪️〰▪️〰▪️〰▪️〰▪️〰
بكثر صياحهم يا علي محنيه الضلوع
ذابوا ابابك يحيدر مثل ذوب الشموع
كسروا گلب زينب ياعلي وهلت دموع
دموع ممزوجه بدماها وتبده الحيل
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
نعي ليلة عشرين
مولاتي العقيلة تنشد الامام الحسن عليهما السلام عن حال ابوها
😭😭
مجردات
الليله يبو محمد ابونه
دمه گضه ومخطوف لونه
والورم نازل عله عيونه
اضماد جرحه تفتحونه
شوفوه يبعد اختك شلونه
ماجوره گلهه يمحزونه
هاي المصيبه تريد عونه
لاهو ايتخيّط ويخيطونه
ولاهو ايتاوه ويداونه
ولا تصح طيبه ويطيبونه
🏴🏴
غميچ جرحه وعيب يشفه
يم عون ماتنفع الوسفه
طبرة ابونه حيل كلفه
من سمعته كضّته رجفه
وصفجت نِدم چفه اعله چفه
ماظل للمساچين ملفه
انوب اليتامه وين تلفه
بويه العدو بينه تشفّه
🏴🏴
خويه گضت روحي المِلومه
ياريت يومي گبل يومه
امچيده طبرته وامسمومه
وشّلت من هامته ادمومه
مامش رجه ونرتجي گومه
متراديه كلش اعلومه
ماسلهم او لا هنه بنومه
گلهه المحتّم لو يسومه
اشريه بروحي يمهضومه
🏴🏴
لاحول ولاقوة الا بالله العلي العظيم
ام محمد الحجاج
يحسين راح الغالي منّه
يبن امي لاتنشدني عنّه
ايّس بعد مايرجع الراح
دفنوه خيمه الي تلمنه
بسّك لاتناشد عنّه حيدر راح
الماي الّي تبدّه يصعب اترده
مو بس حيدر اتوسّد بكَبره هناك
زينب اختك وياه اسكنت لحده
يحسين خويه كَلبي مكسور
يحسين خويه اتهدّم السور
ــــــــــــــــ
ادريك مثلي العلي اشتاكَيت
والحضن ابوي الليله حنّيت
ياوحشة المدفون ابوهه
عليها تحس اتهدّم البيت
جندوب انظر ادموعك تضل اتسيل
كافي حسين مو تدري انهدم حيلي
امسح دمعتك لو دمعتي احتاريت
نام وخلني وحدي اشبع بجي بليلي
يحسين خويه كَلبي مكسور
يحسين خويه اتهدّم السور
ــــــــــــــــ
مدنّك الراس شلون تاليك
حاجيني فدوه من احاجيك
كّوه ارد اصبر الكَلب علراح
وأرجع الضيمي من اصد ليك
ليش اتصيح بويه وهوّه ماموجود
وبعينك شفت من شيّعوأ نعشه
تدريبه علي مدفون جا المن
تاخذ تربه والمحرابه تتمشه
يحسين خويه كَلبي مكسور
يحسين خويه اتهدّم السور
ــــــــــــــــ
ياخويه صرنه احنه يتامه
والليل هيهات آنه انامه
ياجرح كَلبي المابعد طاب
عكَب الدعيناله بسلامه
راح الجان كل مصباح يتعنّه
بيني وبينك شمحلاته مكَعاده
ومن يلفي الحسن يمّنه نشوفه يكَوم
حنين وبيده يجمع ايد اولاده
يحسين خويه كَلبي مكسور
يحسين خويه اتهدّم السور
ــــــــــــــــ
هل محنه عشناهه سويه
ونعيش طف الغاضريه
وبالعاشر اتضل انت مذبوح
وعالناكَه آنه امشي سبيه
بلا راس وتريد اتكَوم بس اتطيح
صعبه اتشوف زينب تركض وتعثر
صدرك منسحكَ وضلوعك الطشّار
صارن اكثر من العايله البلبر
يحسين خويه كَلبي مكسور
يحسين خويه اتهدّم السور
ــــــــــــــــ
الشاعر محمد حسن ضيغم
/channel/kasaedalatharDaygham
حن وبجه محرابه كلبه أنكسر بمصابه
هالليله مالوم هالليله مالوم
*
أهل الحقد شر البشــــــر كوم الرجس في هالشهر
حنوا للأصنـــــــام
برمضان وبوكت السحر في ليلة التاسع عشــــــر
طبروه الاســــــلام
القرآن في راسه أنطبـــر وتنزف بكت كل السور
وي علي الضرغام
مفخرة الاسلام أنغـــــدر دمه جرى فارس مضر
جرحــــــوه الظلام
مسجد الكوفه تصدع وّن وبجه هل مدمع
هالليله مالوم هالليله مالوم
*
الهندس تجاسر عالكمر وسيف الظلم عالحق جسر
صوّب الايمان
هالفعل منهم من بــــدر ودم راس ابوالحمله أنهمر
ناحت الاكوان
هالفاجعه تصدع الحجر وبكل كلب تركت أثـــــــر
للهم والاحزان
دمع النبي وآلــه الغــــرر سال وجرى وبالخد حفــر
بطبـرة القرآن
بيت الله ينزف دمه وكل نبي يبجي يمه
هالليله مالوم هالليله مالوم
*
فعلوهــا عبّاد الوثــن وضربوا حبيب المؤتمــــن
حيدره الكرار
جبريل دمعاتــه جرن بصوته صرخ يا أبا الحسن
يا أخا المختار
ياعلــي ياعالــي يمن طوع أمرك نعرفه الزمـــن
ياحامي الجار
من غدرتك أهل الفتن يالمرتضى الكون أنرجـــن
بيه العزه صار
الحسره بأثرها حسره وكل عبره تسبك عبره
هالليله مالوم هالليله مالوم
*
المحراب بالضربه أنفجع وبسيف المرادي أنصدع
ويحسه طبراه
من شاف سلطان الــورع مطبـــور يتنازف وكـــع
ناده وآويـــلآه
من سال دم راسه دمـــــع أتعلــــه ونينـــه وأنسمـع
ياعلــــي ناداه
يبجي غده وصوته ارتفـع لاماصبـــــر لاماهجــــع
آه بأثـــــــر آه
يشتم غده بدم راسه ويتبرك بأنفاســــــــه
هالليله مالوم هالليله مالوم
*
ويلاه من فعـــل العـــــده أهل الظلاله أهل الرده
فجعوا الكونين
كل الرســــل متجســـــده بمسجد الكوفــه موسده
وتندب يبو حسين
بسابع سمه صوت وصده أملاك السمـــاء تردده
آه ياضوه العين
أمن نهدمت أركان الهـده مفجوع كل شيعي غده
شل مهجته البين
شمس العدل حجبوها وظلمه الارض خلوها
هالليله مالوم هالليله مالوم
*
سلام المشعل
نعي لاستشهاد الامام علي علية الصلاة والسلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا ليل طول باچر اونين
وجه الصبح ويطيح ابو حسين
يلدنيا ها يلماخذه الزين
بصاحب الغيره وين تردين
گلبه لصلاته وعينه لسماه
فرض الممات الليله صلاه
واملاك سجدت شفنه وياه
ويلاه رايح بويه ويلاه
يا باب هلمره تمنعه
طلعت ولينه بدون رجعه
صوت الطيور الي نسمعه
معروفه علكرار تنعه
راح الحنين اوعيني تربيه
كون الابو بالروح أخليه
تمنيت ساعتهه اندفن بيه
من الغدر چا وين أوديه
يا علي بويه الفجر لا هل
ساعه وگلب زينب تعلعل
صوت السمه بنبرة المقتل
ياجرح حيدر صعبه ينشل
ثگلت جدامي وطحت بالبيت
يم والدي هسه تمنيت
واخواني راحو وانه ونيت
جيبولي ابوي هواي حنيت
ظليت اناطر وانه بالباب
بلكت عطر من عد الاحباب
بلكت يرد سالم ابو حسين
ما بينه حيل لهذا المصاب
من بعيد شفت اخواني وياه
حسين بيسرته وحسن يمناه
من عمت عيني ويا الف آه
حيدر يون غرگان بدماه
هابويه سالم يلسلامه
شو كلهه دم حمره العمامه
جاوبني بس حسره بكلامه
يساعدكم الله يليتامى
لا بويه لا فدوه رحتلك
لتگول هيچي بوجه بنتك
اندارلك فدوه وسلامات
لا يلهوى ظل اعله بختك
لتون مثل ما أمي ونت
وادري شكثر امي تأذت
خلت كسر بالروح خلت
لتگلي اصبري وبعد خلصت
محتاجتك والدنيا صعبه
باچر يحيدر تدري غربه
الماله ظهر يطي الوجه وين
والدنيا كلهه تريد حربه
مو بس أبو لا انته كلشي
انته الامان الفوگ رمشي
خلينه كلنه وياك نمشي
ها يلحنين الفارگتنه
بنتك واريدك رد عليه
دموعي تهل واتوصي بيه
خل نتفق ابقه انه وياك
لو موتنه يصبح سويه
كلمات الخادم
رعد الفريجي
🌑نعي. ـــ مجردات
لفانه الطبيب وشاف حاله
وعاين طَـبُرتـَه والجراله
جس الجرح بيده وبچاله
ومنه وسف خابت آماله
🏴قيل أن أمير المؤمنين ع ساعة الوصية والوداع وضع يد زينب ع بيد العباس ع :
بُني هذه وديعتي عندك
الامام ع
ياعباس ياحامي الشريعه
أوصيك بوصيه سريعه
زينب تره عندك وديعه
أمري وبعد لازم تطيعه
والوعد ما اظنك تضيعه
وحسين اخيك لا تبيعه
جواب
يابوي لاتوصيني باختي
هونك تره نزلت دمعتي
آنه ابنك ومعروف بختي
والماي اجيبنه بجربتي
ولعيونهه لفدي رگبتي
وحسين يتذكر وگفتي
وادريه مايحمل فرگتي
#سمير_الصالحي
#البصرة_الفيحاء
🏴 العقيلة زينب ع مع والدها ع
آآ يحيدر
يالچنت خيمه علينه
آآ يحيدر
شلون ترحل ياولينه
آآ يحيدر
الكوفه تبچي والمدينه
آآ يحيدر
أيتامك ابابك تناطر
آآ يحيدر
تناشدك لا لا تسافر
آآ يحيدر
نضيع لو طر فجر باچر
آآ يحيدر
وسفه يا صل الحرايب
آآ يحيدر
بسيفك تبيّد الكتايب
آآ يحيدر
جسمك بهالليله ذايب
آآ يحيدر
ياعلي لخاطر الزهره
آآ يحيدر
بلچن تصدلي بنظره
آآ يحيدر
والله خنگتني العبره
آآ يحيدر
مدري يابويه اشجرالك
آآ يحيدر
الموت ياحيف اعتنالك
آآ يحيدر
ريت يلفيني ابدالك
آآ يحيدر
شنهو سويته ويه دهري
آآ يحيدر
بالمصايب يگضي عمري
آآ يحيدر
زينب ومهدوم صبري
#سمير_الصالحي
#النجف_الأشرف
مملوك... أنه العلي مملوك... وذكر أسمه عباده
مذهول.. حاشه أدركه العقول.. سيد على الساده
معروف.. أسمه يخوف الخوف.. وذل شكثر قاده
أبو المعموره--- أمشي بأمره وبشوره
دستور الله دستوره
مثله ماكو أسطوره--- علي الأول
منو يحده--- هوا شكبره وشگده
خلاس الزلم وحده
دخيل الحرز البزنده--- هوا الأكمل
علي علي... أدخيل رب الزلم والحربيه
علي علي... الروح تخشع من يمر طاريه
__
محلاه.. من نوره الله سواه.. من أصياره كامل
صنديد ... عنده المعركه عيد.. ذباح الجحافل
ملگاه... محد گدر يدناه .. وبظهره أبو فاضل
دخيل عيونه---العالي والزلم دونه
الأنس والجن يهابونه
أمبچي القاده بفنونه--- علي القسور
هلا بصيته---علي وشمحله تسميته
الله أنطه لعلي بيته
محد مثل شخصيته--- أذا زمجر
علي علي.. ماكو زلمه يلاگي حيدر غاضب
علي علي.. بظهرة أبو فاضل أوياه أيحارب
_
ممسوس.. بذات العلي القدوس.. من نور الجلاله
مضمون ... أمره وسره مكنون... عند الله كماله
مفهوم... أول باقي لليوم.... بالحب والبساله
أشعظم شانه--- سر مكنون عنوانه
محد يترس أمچانه
أذا سرفنهن اردانه---منو يگدره
عله الوادم--- هوا القاضي والحاكم
وبعشگه صرت هايم
بچفه لو حچه الصارم---منو يعبره
علي علي... هواي ما يتعددن صولاته
علي علي ...وأبد لا ما ينحصن ضرباته
_
مهيوب.. چفه قالع البوب .. بصبع شال خيبر
بالعين .. لا مره ولا أثنين.. رد الشمس حيدر
ضحاك.. وكت العركه عراك .. هو علي القسور
تشب ناره---أذا يغتاض فقاره
يشيل الباب وأسواره
خيبر مو عله أگداره---علي أكبر
الكلف زوده---الجمل والخندق أشهوده
ياهو اليگرب احدوده
اليسطره يثلم اخدوده--- شديد الكر
علي علي .. من يكر كلشي يفر گدامه
علي علي .. أدخيله لو ضب عصبته وحزامه
___
✍️حسين حمدان الدلفي
جديد نعي للإمام علي عليه السلام عن اولاده
كأني بالامام الحسين عليه السلام ينعى اباه
===================
يعينه الله اليشيل ابأيدة ابية
على امتونة ويون ونة شجية
غرب للنجف وسفة الشفية
لجيم النوح والدمعة جرية
احنن ليك يالمبعد علية
=================
الإمام الحسن عليه السلام
==================
غبت والبيت صار اظلم علينة
احنن لك يبو روح الحنينة
نصفجلك اسف بثنين ادينة
بغيابك فلا يگطع بچينة
شگل للي يگلي العود وينة
===================
السيدة زينب عليها السلام
================
سكن بارض النجف يا وسفة ابونة
يبو وجه الحلو يا محلة لونة
صعب بوية العزيز ايفارگونة
ايتامك يبوية ايناشدونة
وتذرف بالدمع لجلك عيونة
=================
ابا الفضل العباس عليه السلام
==================
ربيت وتعبت اعلينة برباك
يبوية اليوم رايح الله وياك
نشتاكَ لضحتك ولمُحياك
تمرد بالگلب يا بوية فرگاك
يطيب الذات بوية ما نسيناك
================
أسالكم الدعاء رائد الاسدي
#ختم المجلس الشهاده امام علی(ع)
هذه الوداع یا علی هالیله
امودع الله علی حامی ادخیله
-------------------------------------
نزلت املاك السمه التوديعه
صرخت الحره وتهل الدمعه
هاليتامه الفگده ظلت مُفجعه
تلطم عالراس كل العيله
-------------------------------------
تبجي اعياله و تنادي يالولي
بعدك ابناتك يبويه تنولي
گوم و حاجيني يا بعد هلي
وحدها والمدمع دم اتسيله
-------------------------------------
تنادي بعدك نظل ايتامه
حيف اصواب العدو عالهامه
تون الشیعه الفگد ایمامه
كل واحد منهم رايح حيله
-------------------------------------
التمت الشيعه اتودعه و تنوح
يا ابو الايتام بعدك وين نروح
يلوجودك يلولي تطيب الجروح
والفكده تلطم و كل تنعيله
-------------------------------------
تمت بعون الله
✍ #علویه ام فاضل
❌غیر مبری الذمه یحذف او یغیر الاسم❌
تهدمت والله اركان الهدی
جرح امير المؤمنين عليه السلام
🏴🏴
👇👇👇
انطبر حماي الحمه بمحرابه
ونگعن بدمه اليسيل ثيابه
واويلاه واويلاه
🏴🏴
هو ساجد واللعين ابن اللعين
فلگ راسه او وصلت لنص الجبين
بالسجود انصاب امير المؤمنين
وهدّم اركان الاسلام اصوابه
واويلاه واويلاه
🏴🏴
الاسلام الطاح لو طاح الولي
ركن من اركان دين الله علي
بسيفه كل باطل ومنكر ينجلي
علي ساس الدين واصله وبابه
واويلاه واويلاه
🏴🏴
انشلت ايدك يبن ملجم ماگلت ؟
بطبرة الكرار سبعه زلزلت
الی يوم الدين لعنه حصّلت
من رسول الله وهله واصحابه
واويلاه واويلاه
🏴🏴
ناده والكعبه فزت حين الهوه
يعرف ال جرحه ولاينفع دوه
الحسن وحسين من شالوه سوه
صرخه بالمسجد دوت يايابه
واويلاه واويلاه
🏴🏴
خاف لن زينب تشاهد حالته
گال نزلوني وتهدّه بمشيته
والعقيله شلون ملگه اتلگته
بالونين ودمعت السچابه
واويلاه واويلاه
🏴🏴
اسم ياكهف اليتامه والخدر
ماسمعنه مصحف الله ينطبر
ينزف القرآن لو دمك يخر
والوحي ينعه اعله ذبح اكتابه
واويلاه واويلاه
🏴🏴
رباطات
ميته او لا اشوفك // دمك بطولك
🏴🏴
مفرّع ليش بويه // وين العمامه
🏴🏴
عمت عين ابن مجلم // يطبر الهامه
🏴🏴
عسه الكوفه بهلهه // انگلب عاليها
🏴🏴
بعدني مانسيت امي // ويچملوني
🏴🏴
عظم الله اجورنا واجوركم
ام محمد الحجاج
قصيدة للإمام علي عليه السلام حال اليتيم
حاچيه اليتيم ابحسرته ايلوع
حط چفك عليه ونشف الدموع
منه راحت الروح
ملح يلچم بالجروح
يم بابك وگف محنيه الضلوع
حط چفك عليه ونشف الدموع
........................................
غابت راحته من شاهد الراس
ينظر طبرتك وتخنگه الانفاس
همس بذنك يبوية اگطع الياس
لو ترجع ترى مجروح الاحساس
الاذان وصوته مبحوح
ملح يلچم بالجروح
يدعي الله يحفظك چفه مرفوع
حط چفك عليه ونشف الدموع
✍🏻زينب الواسطي
................................
يدعي الباري ينهض بالسلامه
وتخلص من علي هاي الغمامه
ويرجع حيدره وترجع ايامه
تدعي بالفرج كلها ايتامه
يتيم وعاشك النوح
ملح يالجم بالجروح
ينادي ياعلي وبصوت مسموع
حط چفك عليه ونشف الدموع
ام زين العابدين لمحمداويه
................................
ينادي يالوصي بدمعات العيون
اجت ليك اليتامه ابكلب محزون
جابتلك لبن تدعي المكنون
إلهي يا إلـٰه القلم والنون
شافت دمه مسفوح
ملح يلجم بالجروح
وينك گوم ليهم سكّن الروع
حط چفك عليه ونشف الدموع
ام ✍🏻رحمه الگاظميه
................................
شلون تعوفنه وانت املنه.
وينك يا علينه انصيح كلنه.
ايتام وعله ايدك تعلمنه.
شلون نعيش دونك والله حرنه.
وبحسراتنا انبوح
ملح يلچم بالجروح
وعليك اليتامه ياعلي تلوع.
حط چفك عليه ونشف الدموع
✍🏾 الاء الطائي
................................
حزين الكون كله يا امامي
يشوف المرتضى بمحرابه دامي
واولاده عليه الدمع هامي
ابنه ايصيح سودة أمست ايامي
موته ابعينه ايلوح
ملح يلتچم بالجروح
بناته اعليه تبچي ابگلب موجوع
حط چفك عليه ونشف الدموع
خادمة اهل البيت عليهم السلام العلويه ام سيد مهدي الموسوي
................................
حط چفك ترى محتاجك اليوم
تدريه اليتيم البويه محروم
بس لله يباوع والك للدوم
تشبع كل يجوع الزاد محروم
بعدك زايد النوح
ملح يلچم بالجروح
كل اللي يحبك گلبه مفجوع
حط چفك عليه ونشف الدموع
✍️ام صادق المنصوري
................................
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /19/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
جرح الامير عليه السلام
يابو فاضل حيل ما مرتاحه
عن ابوي اشگالك جراحه
ليش/نزّلت النظر
ليش/ساكت يالگمر
يابو فاضل
+++++++++
تفضـح الساكت دموعـه اشما تماثل بالصـبر
ليش بعد اعيوني اشوفك بنظرة اعيونك كسِر
مو عله خدودك تهلـها تشمر ادموعك شـَمِر
حسره لبصدرك چبيره عــن سؤالي اعتذر
السكته ياعباس هدت حيلي
شگالك جراحه عنه احچيلي
ليش/لو بالمختصر
ليش/ ساكت يالگمر
يابو فاضل
+++++++++
مثلي منتظره اعله بابه ايتامه تسأل بالحسن
مـن بچه بوجه اليتامه اتبدت الطوس اللبن
شافني وصد وجهه عني مني نظراته استحن
قرّبت وجهي اعله وجهه ادموعه بعيوني جرن
ساكت ودنّگ الي حب راسي
اتيتمت يعني فهمها حساسي
ليش/حسيت بخطر
ليش/ساكت يالگمر
يابو فاضل
+++++++
حسين اخوكم ما اجاني ولا سأل عني شعجب
ما إله مهجـه دمعتـي ايصدها والهذا السبب
من صحتلك هذا صوته اعرفته كل حيله نحب
من زغر روحه حنينه مني مايحمل عتب
دمعت حسين شكبرها ابعينه
تروح روحي لو سمعت اونينه
ليش/صوته بي اثر
ليش/ساكت يالگمر
يابو فاضل
++++++++
هسّه لو امي الزچيه يم ابونه اتدلـله
اتلـِم جرح راسه بترافة بأيدها لمعدله
من يشم ريحتها يصحه العافيه ترجع اله
تراب لو بس من گبرها بجرح ابونه اننّزله
من يشم عطر امي ترجع روحه
هيه بلسم چانت اعله جروحه
ليش/خاطرها انكسر
ليش/ساكت يالگمر
يابو فاضل
++++++++
عنـدي كلمـه اوياك لازم يم ابونه نجتمع
خدري اسأله عن مصيره والوصيته نستمع
چفك ايحطهه اعله چفي واعرف الچف ينگطع
واصبح الجراحه آنه زنودك اغسلهه بدمع
واشيشد چفوفك اعله زنودك
لوجرح راسك اضمده بجودك
ليش/اعتب عالنهر
ليش/ساكت يالگمر
يابو فاضل
++++++++++
هسّه اسألك عـن ابونه جاوبتني بالصدگ
امأ مّنه مابيـن اخـوتي ويّـه حيدر افترگ
مايصعدوني اعله هزله وبيتي هم مامحترگ
بكربله اسألمن عليكم وسوط بمتوني يدگ
بهيمه ابـات الوحّدي چم ليله
بروحي محتاره وحراسة عيله
ليش/اگضيه بسهر
ليش ساكت يالگمر
يابو فاضل
ثائر الربيعي