7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ضجه المدينه بالخبر هذي المسيه
صادق بني طه النبي جاته المنيه
@@@
خلونه انودعه بالدمع مولانه جعفر
وفوگ النعش ننثر ورد للبدر الازهر
ماهي طبيعي موتته وبالسم اتفطر
يالله نگوم انشيعه ابهاي الرزيه
@@@
ابهاي الرزيه كل نجم ماشع ابنوره
وگلب الهدايه لفرگته باتت مكسوره
وروح الموالي للحزن صارت مأسوره
للصادق موته منطفي نجم الثريه
@@@
كل جعفري الليله ارتفع عالي نحيبه
ويواسي امه فاطمه ابهاي المصيبه
شرع الله وفقها والعلم بعده غريبه
راح اللذي لنهج الهدى رايه وهويه
@@@
شيبة محمد شيبته والوجه الازهر
وسفه على جذع النعش دلال الكوثر
ركن الهدايه لفرگته چن جده حيدر
طاح انهدم چن طيحته لطه وصيه
@@@
لما البقيع استقبله بدموع العتره
وطلعت تون ابفرگته محنيه الزهره
وظلت تون او تنتحب وتنوح ابگبره
وتنادي فگدك يالضنه يصعب عليه
@@@
ياجعفر الصادق الك هالليله جينه
نلطم ونبچي مصيبتك يالغالي اعلينه
ياراعي گبر المنهدم واضريحك وينه
گبرك بلا قبه وصحن فوگ الوطيه
@@@
علي أحمد الحمود
١-٥-٢٠٢٤
شهادة الصادق ع
ما
*امامنا الصادق ع كان يزور جده الحسين ع ويحثّ على زيارته واقامة مآتم العزاء عليه هنا يصور الشاعر قدوم مولانا الصادق لزيارة قبر الحسين ع يگله*
زاير للشهيد حسين والعبرات سيّاله
يوصل مرقده الطاهر يعفر خده برماله
يشمن تربة المظلوم ويبچي لگطعة اوصاله
ويذكر منحره الدامي ظامي منذبح جده
〰️〰️〰️〰️〰️
من يوصل الى الحضرة يسمع نايحة ببابه
كنها ام الضلع مكسور تون وتنوح لمصابه
تبچي عالنحر مگطوع والدمعات سچابه
تنادي يبني يا عطشان يالمذبوح من رِرده
〰️〰️〰️〰️〰️
يگعد يمها عالتربان وتشيل ترابه بيديها
تبچي المنذبح عطشان والونّات تبديها
تعاين صدرهِ المكسور وتنسى كل ألم بيها
تسلم عالنحر دامي المأتم تنصبه عنده
وا يلي على المذبوح عالمذبوح واويلاه²
خادمة آل محمد✍
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#قصيدة_الرساله
•••
الصادق أيلون صورها...وتچوي دمه
كربلاء عايش عمــرها...وهــيه هـمـه
مـاتطفه الأسباب...ياجــرح الأحباب
•••
بيته نار وكل حــــرگ يوگف يتاني
أباب بيته ودمـــــعته أتاذن چـواني
الصادق أسنينه خيــــم والهم أماني
وصارت امنيته أحترگ بيته ويعاني
وركضت الطف من ذكرها...كلها حكمــــه
ونچفت روحــــــه ويلمها...ويبچي أسمه
وخجلان الأتراب...ياجرح الأحباب
•••
عاش بالطف مرتين وحــــــــيله منهد
والعبايه التحترگ سواهـــــــــــا مرقد
وركضت أبنياته هـــــيه أبروحه تشهد
جرح حاضن جــرح گلي شلون يضمد
ويارقيه أيكض أسمها...بروحه ثلمه
أيخــاف لاتوگع لزمها...الدنيه ضلمه
بوكعتها أله أصواب...ياجرح الأحباب
•••
ماأحتار أبروحه مــن يخلص حــرگها
والوجــــــع بي رايه ويرفرف صـدگها
يرسم الطـــــــــــف ويرد تلگاه شبگها
بدمعة أعيونه الـــعزيزه آشگد عشگها
ومجلسه للطف خدمها...ودمـعه نعـمه
والمواكب شد عزمهــا...وشفنه خدمه
وضل جرحه ماطاب...ياجرح الأحباب
•••
وصل ألنه شلـــون نعشگ حتى نفهم
ياحقيقه كربلـــــه البيهه الحچي أنلم
وين مـــــــــانندل عزاء أنشوفه معلم
واليدگ صدره أعله جده يشوفه سلم
واللطم ياخـــــــذ ختمها...الهيه حلمــــه
والجنه شدت كل حزمها...حسين رحمه
والدمعه بحساب.. ياجرح الأحباب
•••
مـجلس الصادق يوحـــد كلشي بينه
والشعائر سالـــــــــــفت وادم حزينه
حسين ميعوف اليحبه وتبچي عينه
والرسالـــه البيهه دمعه آشگد حنينه
والرساله أتشيل همها...وسرها كلمه
ومابرد مكتوب دمـها...خــــل نفهمه
بدر العلم غاب...ياجرح الأحباب
•••
خادم أهل البيت،،ع،،
أبوحسين السرگودي...
يعباس. يعباس. يعباس. وداعاً ياالگمر
**
يبو فاضل بدت رحلة سبينه
بچينه والنهر يبچي البچينه
رجعنه بلا شراع ولا سفينه
يبو الخوه العظيمه الما مثلها
زينب رادتك ما ترجعلها
السوالف حلوه عنك مانملها
كسرت الفاگدله غالي مايطيبها الدمع
وانه طبع الماي طبعي ابچي بس ماانسمع
اشما اديرن وجهي كترك گلبي احسن ينشلع
چن اهلال. چن اهلال. چن اهلال..
صبح خويه الضهر
**
بعدنه بعازتك ياعز خواتك
امس عباس ويانه اشحلاتك
حنين وحيل توجع ذكرياتك
وحشه الدنيا بعدك تدري هيه
خذاك الموت مني وانت إليه
مدري منين اجتني الغاضريه
وحشتك محد يسدها انت يانبض الگلب
خويه بس كلمة الوينك خلصت بيها الدرب
مو صعب لو روحي راحت لكن افراگك صعب
اسيرات ،اسيرات،اسيرات،،يودينه القدر
**
حسافه تضل يبو الغيره ورانه
تمنينه يهل شايل لوانه
العزيز يعيش ونموت بمكانه
الك برواحنه حسره شكبرها
رقيه بفرگتك ميته اعتبرها
مثل قطرت مطر نازل عمرها
والله يا عباس بعدك ابد مانهنه ونعن
الما تموتها المصيبه تموت من كثر الحزن
والهزيل علينه تصفن يابو فاضل من نحن
غريبات ،غريبات،غريبات،،تعبنه من السهر
**
اثر من رايتك باقي اعله هامي
كفيلي وهيبتي وبيرغ عمامي
يعباس اسمك محلي الأسامي
فريده خوتك ضلت فريده
يكاتب عاالنهر اجمل قصيده
يكافل شوفتك صارت بعيده
لخوتك تعجز الدنيا ماتعاود مرتين
هاذي النسميها خوه خوتك وي الحسين
الوفه بچفك كتبته وانت ما عندك ادين !!!
يوفاي ،يوفاي،يوفاي،يمن صيتك عبر
**
غرايب عيلتك صارو غرايب
وخواتك گعدوهن باالخرايب
لو عبدالله باقي يصير شايب
على ضيم اليمر بينه جزعنه
الهوى النشتمه صار بلايه معنه
الخرابه بلاسگف بيها نجمعنه
باالاهات ،باالاهات،باالاهات،،گضيناه هاالسفر
سعد العبودي
لاستشهاد الامام جعفر الصادق عليه السلام
تبعت الناس الضلال اشبيها
عافت الدين ونهج واليها
★★★★★
مبتلي بدنيا غريبه وناسها
ملل غداره عجيبه اجناسها
الجاهليه تلتهب بانفاسها
حال مؤسف حدمن ايوديها
★★★★★
شاف زمره ماتصون الابرياء
وأبد متقدر تعاليم السماء
علرعيه صبت انواع البلاء
وصابر الصادق على تاليها
★★★★★
ظلم واستبداد يملي كل كتر
وكل فقير يعيش گلبه منكسر
دولة الاسلام. بچفوف الغدر
صار ضدها الينحسب راعيها
★★★★★
للتراحم ناده مابين البشر
وترك وسط گلوبهم اطيب أثر
من الضلاله للعلم بيهم عبر
يريد للخير الخلگ يهديها
★★★★★
عانى من اهل الظلم جور ومحن
وشاف تهويل وعذابات وفتن
عاش ايامه بزمن اصعب زمن
الوادم الجاهل صفه ايدليها
★★★★★
رغم كل شر بنى الصادق دولته
وبرهن الهم ماتصح بس حكمته
وفقهه واحكامه ومعالم سيرته
والشريعه من الخلل حاميها
★★★★★
عاصر اديان وتعاليم وملل
انحرفت بلاعلم عن خير العمل
بلا اراده رادوا ابنادم يظل
وبظلام الدرب من يمشيها
★★★★★
من زمان الغيض حادي اگلوبهم
الوفه والاخلاص مو من ثوبهم
السم نهج ال الغدر واسلوبهم
مهجه بلسم. راحت الباريها
الشاعرحسن لعيبي الحريشاوي
قصيدة للزوار الذين يذهبون لزيارة السيدة زينب عليها السلام لقضاء الحوائج
يم المصايب وصلت احبابچ
تطلب حوائجها وتــدكَ بابچ
===============
ريحت اخوتچ جبنا ويانة
من ارض العراق وكلها حزنانة
لگبرچ تحن الروح ولهانة
وبلهفة جينا نقبل اعتابچ
=================
نقسم عليچ بفاطمة الزهرة
منچ علينا تلطفي بنضرة
چنها الجنان نشاهد الحضرة
خطار اجينا نعزي بمصابچ
=================
انمشي الكفيل ورايتة وجودة
چفوف التحبچ ليچ ممدودة
بجاهچ افتحي ابواب مسدودة
ومسرور يرجع دوم طلابچ
================
الشيعي عطر حسين بثيابة
بلهــفة يجيـــچ ونار لهابة
انمشي الحسين اعليچ ومصابة
تطين كلمن يگصد ترابچ
=================
بعيدة المسافة وليچ حنينة
لمينة كل اشواگنا وجينة
منچ حوائج تطلب ايدينة
سجلي الحوائج كلها بكتابچ
=================
ناخذ سلام نوصلة لخوانچ
ونسولفلهم قصة احزانچ
من المصايب ذبلت الوانچ
ومحملين انروح بعتابچ
================
اسالكم الدعاء رائد الاسدي
حضرت الزهره الزچیه
بالمصیبه الصـــــادقيه
ـــــــــــــــــــــــــــــــــــ
من تجي محنيه يوجــعها ضلعها
والوِلدها الزهره ماينشف دمــعها
تحضر الهاي المجالس من طبعها
الله يلـعــن كــلمن آذاها وفجعها
الليله دمعتهه جــــريه
بالمصیبه الصـــــادقيه
ـــــــــــــــــــــــــــــــــــ
فــاطمه جابت عمرها بالمناحه
مـاتت ومن المحن مامستراحه
ياگلبها الماشفه وتنزف جراحه
عذبوها والعُمـــر ماشاف راحه
تبچي والــــونه شجيه
بالمصیبه الصـــــادقيه
ـــــــــــــــــــــــــــــــــــ
اجت هاي الليله يـم خامس ولدها
والمدامع تحفر بأطــــــراف خـدها
بالچبد مسمــــوم ومصابه ضهدها
بغدرته المنصور چن صوب چبدها
تحملت جـــــور واذيه
بالمصیبه الصـــــادقيه
ـــــــــــــــــــــــــــــــــــ
الليله جفن الزهره مانشفت دموعه
شـافت ابعين المصاب شلون لوعه
باب ابنها الصادق احترگت جذوعه
لچن خلف الباب ماكـــسرو ضلوعه
اتكــــــــررت اول رزيه
بالمصیبه الصـــــادقيه
ـــــــــــــــــــــــــــــــــــ
من تروح الگبره تشبع ضيم چنها
تشوفه مهــــدوم ويرد ليها حزنها
امن الحزن اسود تره صاير جِفنها
ميته وتنوح الفگــــــد جعفر ابنها
انعــادت اعليهه المنيه
بالمصیبه الصـــــادقيه
ـــــــــــــــــــــــــــــــــــ
وسفه وافـــاه الاجل مولاي مسموم
جعفر الصــــادق رحل لاچنه مظلوم
لاچن اتخف خل اگولن هاي الاهموم
مو مثل جده گضه مسلوب الاهدوم
صور يوم الغـــــاضريه
بالمصیبه الصـــــادقيه
ـــــــــــــــــــــــــــــــــــ
مات ابو الكاظم وشــالوه الگرايب
مــو مثل جده البقه فوگ الترايب
حرمه مـاعنده مشت بين الاجانب
وطفله ماعنده تبات ابنص خرايب
وابد مـــــــاشفنه رقيه
بالمصیبه الصـــــادقيه
ـــــــــــــــــــــــــــــــــــ
حيدر بشار الدراجي
قريبآ أخدم الزهره
محرم گمت اشم عطره
اعلگ رايتي وهم احضر اقرايه
واتاني الاربعين وامشي مشايه
قريبآ
****
أشمن كربله ،، گمر وي قافله
رماح وسلسله وخيمات ورمال
حرگ توه ابتده ،، بخيام الصامده
بده المجلس بده وذبحوه الخيال
عطش بس ما يحب الماي
عطش صدري اللطم يمناي
كلام عيوني والله هواي
محرم من بعيد وجاي
محرم ،، دمعتي وعمري واحساسي اولائي
محرم ،، آنه العبد الحسيني الكربلائي
قريبآ اكسر اضلوعي
ويظل عاشور موضوعي
انه بكل المجالس رافع الرايه
واتاني الاربعين وامشي مشايه
قريبآ
*
يرايات وخيم ،، ونظر راح بسهم
وطفل مات انحرم والمهد تابوت
يزينب والنهر ،، وضعن ما بي گمر
يلچمات الشهر يا ضيم البيوت
وصل يم النبض عاشور
عيون الشيعه گام تفور
يتامى اعله الخيام اتدور
الحسين بكربله المنحور
اللهي ،، دعيتك تبقى حد الموت ناري
اللهي ،، على الخلوهه تركض بالبراري
قريبآ ابچي لسكينه
وادگ صدري اعله والينه
على النحر الشريف العلى مسنايه
واتاني الاربعين وامشي مشايه
قريبآ
****
سواد بكل درب ،،، دمع لحسين اصب
على الراس الترب وبچفي زنجيل
ثواب بيمنتي ،، واوزع دمعتي
خدمتك دنيتي يا روحي والحيل
مجالس كل مكان تصير
هنا الجنه اقترب لتحير
الحسين الخير كل الخير
لطم ، ذكرى، وجزع ، تطبير
احبك ،، حسين بكل نفس وبكل دقيقه
احبك ،، وهم عمري واشوفنك حقيقه
قريبا بيدي زنجيلي
واخلص باللطم ليلي
حسين ارتاح وابچي لهاي الحچايه
واتاني الاربعين وامشي مشايه
قريبآ
*
احضر موكبي ،، يخيمة زينبي
وأذل الناصبي واهتف حسينااااه
الشوارع تنملي ،، بخدم زينب علي
واگلهه ادللي وأصرخ علياااااه
نصب من العيون الزاد
هله بزوار ابو السجاد
شرف هالخدمه يلوٌفاد
تفضل والاجر ينعاد
شفاعه ،، طريق حسين للجنه مساره
شفاعه ،، ابد منضيع ما نبقى حيارى
قريبآ امشي للجنه
بتراب الزاير اتحنه
اروح الكربله وهيه الي الغايه
واتاني الاربعين وامشي مشايه
قريبآ
****
ضريح وملحمه ،، نهر ذل الضمى
لحضرتك قادمه الارواح مولاي
زياره الجامعه ،،، ودموع النافعه
بقلوب الخاشعه الحنتلك هواي
تجيك امحدبه ألولايات
تطوف بآااخ وبدمعات
حسين انته العشگ والذات
يأهدى واعظم الرايات
تعبنه ،، يروح وينتهي بشبگة ترابك
تعبنه ،، يبعد العافيه وبينه مصابك
قريبآ من يشاء النه
العظيم وندخل الجنه
حتي بجنة الله نروح عنايه
واتاني الاربعين وامشي مشايه
قريبآ
كلمات الخادم / رعد الفريجي
انتي ياهي ،، خيمه ؟ دمعه ؟ ليل ؟ نار ؟
انتي ياهي ،، عمه انتي ؟ شنهي صار ؟
راجعتلي حسين وينه
احچي يم روح الحنينه انتي ياهي
،،،،،،،،،،،،،،،،،،،،،،،،،
انتي ليل ؟ ،،،، راجع بوكت الصبح
انتي آه ،،،، بشر متغطي بجرح
صعبه هاي ،،،، عدله وبگلبچ رمح
عمه آخ ،،،، ميته گاعچ والفلح
لچمه ،، بيه ،،، من شفت محنيه عمتي
ميته ،، چنهه ،، وانه اصيح العافيه انتي
روحي ،، شنهي ،، وطن ليش شلون متي
ماكو ،، صوتچ ،، بالكلام شبيچ حرتي ؟
عدله ميته ؟،، أني ،، أسأل ،، اهلي وين
عدله ميته ؟ ،، عمه،، احچي،، والحسين
بعده ما بين علينه
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
زينب آه ،، عمه شو خالي الضعن
وين ابوي ،، والدموع اتسابگن
راح اموت ،، شو خواتي ما اجن
شنهي وين ،، شو دموعج طولن
گولي ،، عمه،، وين ابوي وكل زلمنه
موتي ،، روحي ،، لا صدگ طايح علمنه
وينچ ،، وسفه ،، بعد ما يلتم شملنه
دمعه ،، تجري ،، كلشي راح وما سلمنه
راح اموتن ،، وحدي ،، لحدي ،، بلا تراب
راح اموتن ،، عني،، راحو ،، گلبي ذاب
عمه شو ظلمه المدينه
احجي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عمه ليش ،، دمعچ يسولف خبر
شنهي صار ،، شو رجعتي بلا گمر ؟
احچي خاف ،، زعلچ ذاك النهر
انتي غيم ،، بچفچ يعيش المطر
كافل ،، وينه ،، شو رجعتي بلا حمايه
جوده ،، مايه ،، وعينه وچفوفه البدايه
دمعه ،، تخنگ ،، نزلت ابخد السبايه
كتبت ،، كلمه ،، چانت هناك النهايه
وسفه وسفه ،، جرحه ،، باقي ،، وعمري راح
وسفه وسفه ،، عايش ،، گلبي ،، وهوه طاح
ابو فاضل ما يجينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،
شو تراب ،، فوگ راسچ والعباه
والچفوف ،، أثر بيهن احچي ها ؟
وين اخوي ،، الطفل عبد الله شجاه ؟
مهده وين ،، مات ؟ ياهو الموتاه ؟
وجهه ،، گمره ،،چان بس يغفى اعله أيدي
خويه ،، وينك ،، زيدي يا دمعاتي زيدي
حيره ،، والله ،، يا سهم يذبح وريدي
تركه ،، لحظه ،، ليش ميت يا وحيدي
أمه أمه ،، ماتت ،، عاشت ،،، من تشوف
أمه امه ،، نحرة ،، دمه ،، تبچي خوف
وهيه هم سمعت ونينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
يا طفوف ،، گلبي منچ مختنگ
وين اروح ،، ماتت الناس الصدگ
عل الفرات ،، سحگو الما ينسحگ
والخيام ،، لهسه گالو تحترگ
وانتي ،، عمتي ،،لو گبر يمشي اعله طوله
راحو ،، منچ ،، يا حچي الما بيه أگوله
عينچ ،، شافت ،،امگطعه چفوف الرجوله
الله ،، ايعينچ ،، ميت العام وفصوله
من رجعتي ،، وحدچ ، صعبه ،، بلا كفيل
من رجعتي ،، گبالچ ،، حاير ،، بس عليل
امگيد ويكتل ونينه
احچي يم روح الحنينه انتي ياهي
كلمات خادم الحسين
رعد الفريجي
في شهادة الإمام جعفر الصادق عليه السلام ...
بيْن طلابك هلك ثمرة جلوسك
حيرة الناس ارفعت وفرة دروسك
حب وتقدير العطاك
نحضر الصادق عزاك
🏴🏴
الخافي من علم النبي آله تبينه
غيرنا في الخافي ضيّعها سنينه
سيدي لك جعفر الصادق مدينه
كم رواياتك أنارتها هلينه
بد أيمتنا العظام انت ابنهلنا
انت لكثر في الأحاديث الوصلنا
حب وتقدير الوفاك
نحضر الصادق عزاك
🏴🏴
غيرنا يمشي ابظنونه في المسائل
ماوصل له كلَّ شي من طه جاهل
وهذي ثمرتها الوصيّه باله ناصل
مانخبطّ في العقيده في المعاضل
في صراطه المستقيم انظل ثوابت
ليش لن جذر الوصيّه ابعرقي نابت
كلي يانهري هواك
نحضر الصادق عزاك
🏴🏴
تشهد الاربع مدارس لك مرامي
مارأت أعلم أحد منك إمامي
كيف ماتكون اعلم ابفكري وكلامي
ومن علم جدك رسول الله النا تامي
عن أبائك عن رسول الله نبينا
عن أمين الوحي عن ربنا ألينا
بالسند تنقل ضواك
نحضر الصادق عزاك
🏴🏴
علم طب وهندسه فقه وسياسه
فيزياء وكيميا واحيا ابكياسه
كل مجال ومنَكَ علمه ومنَكَ اساسه
وكلَّ طالب يأتي مفتوحه الدراسه
وين تحتار التتبعك في المعارف
عمرك السبعين يامولايه شارف
وبعدك اتصب الضناك
نحضر الصادق عزاك
🏴🏴
وماتركت الشيعي وصّيته في جدك
يحيي مجلس الحسين اتحثه بعدك
بالدمع وانت في مأتم له اعله خدك
قائمه بسمه أبوالسجاد عندك
لين لك آخر نفس بالغ في مبلغ
نذكر اوصاتك ياوالينا ونبلغ
سيّدي خالد وصاك
نحضر الصادق عزاك
🏴🏴
في حرگ دارك من المنصور تبكي
اخيام ابوالسجاد في الموقف وتبكي
كيف من حر اللهب أطفاله تبكي
وفي وجه ذيج البراري اتصيح وتشكي
جثه منحوره وسليبه وكلّها دم
اعله الوجه ملطومه تشكيه الفواطم
سيدي نوحي ولاك
نحضر الصادق عزاك
✍️
علي الأحسائي
شوال ١٤٤٥هـ
في حرق دار الامام جعفر الصادق
واستشهاده عليه السلام
شوكت ترتاح يايوم يبو الكاظم يمظلوم
شفت بعيالك اصار يوم الحرگوا الدار
يبو الكاظم يمظلوم
★★★★★
بدارك وجت النار ابصلاتك چنت مشغول
جريمه وبيها ابعاد حاير عنها شتگول
جريمه وفعل مقصود ظالم عنها مسئول
جريمة والنشد ضاع طلع فاعلها مجهول
صفت معروفه الاسباب القصد من هذا الارهاب
حقدهم على الكرار يوم الحرگوا الدار
يبو الكاظم يمظلوم
★★★★★
عيالك بالذعر ليش وسط دارك يركظون
صفوا من شبت النار امان الله يدورون
ينطون الوجه وين على ياكتر يرحون
گلت عن كربلا اليوم هذي شدتي اتهون
تصبر هذا وي ذاك وتدري بغاية اعداك
شعدهم بعد ياثار يوم الحرگوا الدار
يبو الكاظم يمظلوم
★★★★★
غدت مرعوبة العيال تروح بياكتر وين
يذكرونك بالخيام وحال اعيال الحسين
حر وعطش وسهام والعدوان صوبين
مصيبه اتشيب الراس أتذَوَّب الگلب والعين
للطف الفكر راح على المذبوح من طاح
رادوا كون تحتار يوم الحرگوا الدار
يبو الكاظم يمظلوم
★★★★★
تطفي النار ظليت عزم چفك كرامات
وگلت للنار يانار برد صيري وسلامات
تهدي حال الاطفال وتصبرهم ابچلمات
حسافه لوعه بالروح تلج بالعين دمعات
ذكرت اعيال الطفوف سبايا بهظم وبخوف
الجيش عليهم اندار يوم الحرگوا الدار
يبو الكاظم يمظلوم
★★★★★
يجعفر بين عدوان عمر خلصته بهموم
شفت جور السلاطين يبو الكاظم يمظلوم
بعلمك زين يدرون مكانك علو النجوم
ابد متبدل الحال بقه ثار الحقد دوم
خطه وبيها تصريح بالسم نجمك ايطيح
وهذا طبع الاشرار يوم الحرگوا الدار
يبو الكاظم يمظلوم
الشاعر حسن لعيبي الحريشاوي
نواعي في التوسل بمولانا الإمام جعفر الصادق عليه السلام
.
.
● طور : يا رايح تزور حسين + لفی عاشور
يمهدوم الگبر أنخاك .. وأريدن نظرة من عينك
أردن نفحة من جودك .. وأريد اتمد إلي ايدينك
ابحگ اللي عليه كل يوم .. دمع عيناك واونينك
اجبر گلبي المكسور .. خاطر سيدي احسينك
فرحني يبو الكاظم .. خاطر أمك الزهره
واكتبلي المسه أرجع .. ومن عندك نِلِت نظره
لا تنساني هالليله .. عليك بصاحب الطبره
يمولانه تعب گلبي .. أريدن حالي اتغيْره
آه يا مولاي آه يا مولاي آه يا مولاي آه
آه يا مولاي آه يا مولاي آه يا مولاي آه
● طور : مالي غيرك
أنخى جيتك .. سيدي وبروحي حسره
أنخى جيتك .. ارزقني يا مولاي نظره
أنخى جيتك .. خاطر المكسور صدره
يا إمامي .. لا تردني هالمسيه
يا إمامي .. ابحگ شهيد الغاضريه
يا إمامي .. الليله فرحني بعطيه
● طور : يمه أنا زينب
اليگصد الصادق .. حاشه يرد مهموم
باب الفرج بابه .. لكل حاير ومحروم
حاشه يخيب اللي .. ابدمعه تعناله
متحير وجرحه .. وسط الگلب شاله
وآنه المسه بجرحي .. جيت بدمع مسجوم
باب الفرج بابه .. لكل حاير ومحروم
جيتك يماي العين .. ومني الگلب حاير
وحاشه يبو الكاظم .. تكسرلي الخاطر
وأدري أبد ما خاب .. من ناده يا مسموم
باب الفرج بابه .. لكل حاير ومحروم
● طور : يا صاحب الزمان مولاي عذراً سيدي
مدد مدد مدد .. يا صادق العتره مدد
يمهدوم الگبر .. اشتاگ الگلب لزيارتك
يا سيدي بحلم .. يمته اشاهد قبتك
وعلى بابك اطيح .. بلهفه أقبل عتبتك
واشمها سيدي .. بروحي الغريبه تربتك
اعله شباجك اطوف .. واشكي هُمومي بحضرتك
وأگلك سيدي .. أنا الفقير لنظرتك
مدد مدد مدد .. يا صادق العتره مدد
رايدها مسحتك .. تشفي دليلي المنكسر
وحق غربة البقيع .. محتاج إلك والله شكثر
لحنانك سيدي .. اخذني يا نعم الذخر
وتِشافي يمينتك .. اجروحي اذا اعليه تمر
يالصادق انتظر .. نفحة عطاءك انتظر
لتردني هالمسه .. ابحگ اللي ما عدها گبر
_
تمت بحمد الله تعالى
#فاطمة_كريم
٦ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
🏴 الزهراء عليها السلام تنعى الإمام الصادق عليه السلام 🏴
مجاريد :
نص الليل جيت ويجري دمعي
واتعثر وإيدي اعله ضلعي
جيت اعله گبرك يمه انعي
جيتك او أجري ادموعي من دم
واشوف ابچبدتك شمسوي السَم
واشوف اشكثر دلالك تألم
نصاري :
چنت كل ليله اسمْعك تون لحسين
وتِسليني ييمه ابدمعة العين
وتبچي لزينب وحرگ الصواوين
وخافي صوتك الليله عليه
ألف ويلاه يالصادق يمسموم
يالطول العمر لحسين مآلوم
يا يمه عليك الگلب ملچوم
وتظل اعليك دمعاتي جريه
يَیُمه امصيبتك والله مصيبه
ومو راسي الکلب والله تِشيبه
يَیُمه القلب ما بطل نحيبه
وكل صبح ومسه عندي عزيه
ما واحد سِلَم يا يمه منكم
وكل ليله أون يا يمه إلكم
خان الدهر شتت شملكم
چتل واسموم وآلام وأذيه
أبوذية :
يا ريت
عليك الدنيا آيا يمه يا ريت
وألِف ونّه عليك اليوم يا ريت
بعجل يظهر ابو الثارات يا ريت
ويِشيِّد گبرك وينصب عزيه
_
تمت بحمد الله تعالى
#فاطمة_كريم
٦ / ٢٠٢١ م
يابن الحسن روحي فداك
متى ترانا ونراك
@@@
غايب لچن بالروح حاضر
تنتظرك ابلهفه الخواطر
…
ابعيني نورك .. شمس وتحجب في غمام السمه
ابعيني نورك .. ياشوگ ينبض في خلايه الدمه
ابعيني نورك .. محفوظ بجفوني ييوسف فاطمه
ابعيني نورك .. ابعيني نورك
…
الشوقُ ذابَ في سناكْ
متى ترانا ونراك
@@@
خلص تره المحبوب عمره
وعيونه من الندبه حمره
…
يمته تظهر .. كل جمعه نندب والصبر ما وهن
يمته تظهر .. ترى شبعنه من جروح الفتن
يمته تظهر .. ياحجة الله سيدي ابن الحسن
يمته تظهر .. يمته تظهر
…
في مكةٍ فرفع لواك
متى ترانا ونراك
@@@
برضوى ام طوى المدينه
وينه مكانك گلي وينه
…
لو بلطفوف .. يانور الله وياجماله الصبيح
لو بلطفوف .. عد جدك الضامي تلم بالضريح
لو بلطفوف .. تنعه مصيبة هالغريب الذبيح
لو بلطفوف .. لو بلطفوف
…
ممدودة تدعو يداك
متى ترانا ونراك
@@@
علي أحمد الحمود
٢٩-٤-٢٠٢٤
الامام المهدي
ندبه
الشريعه والعلم ينعه وگبر هادينه والمنبر
على امصيبه تهز الكون أليمه من فقد جعفر
آيا مسموم .. آيا مظلوم
@@@
على صادق بني الزهره يلوج الدين بعلومه
وينوح الهادي في گبره لبن بالباب مهشومه
انفگد شمس الضحه واللي گضه واحشاءه مسمومه
غمض عينه ومضه چنه ابوه وچبده مسمومه
…
حزن مرسوم .. على المسموم .. مولانه
الالم رمحه .. نزف جرحه .. وآذانه
…
مصيبه جددت احزان من الاطهار و العتره
وفگد جعفر حنه بالنوح ضلع مكسور للزهره
جرح ملچوم .. آيا مظلوم
@@@
تعيش الدنيه بحزانه وتون ابذاكرة فگده
وصفت روح الالم تنعه امام اتفتت چبده
مصيبه حاضره وتبقه جرح مايبره بالمده
ابد ماهو سهل ياناس لامام اتوسد ابلحده
…
خليفه چان .. من الديان .. وحي ناطق
الفقه ينعاه .. ويصيح أبآه .. على الصادق
…
ابنعش ينشال سليل الال ابد والله مو سهله
ولا يم جده چن عمه گبر بالغرقد اتخله
گضه محروم .. آيا مظلوم
@@@
بوادم گطعت گلبه ومعاناته بلا تقدير
مثل جده اذا يشكي ابهمومه يمتلي چم بير
بني اميّه وبني العباس دسايسها خطرها اكبير
مذاهب سوت ابضده وخططها ابكل دناء ادير
…
صبر گلبه .. ألم غربه .. جمر بالنار
رغم لنصار .. ولا له صار .. غيور ايغار
…
اليگولوا كلنه انصارك ولك شيعه اسقطت بالدور
فلا يفدوا اذا گلهم فدا ليه ادخلوا التنور
من اللي ايلوم .. آيا مظلوم
@@@
امام اورتبته امن الله ودليل ابعصمته افعاله
بوعبدالله ومنو مثله ابزمانه طابت اخصاله
الى ان غمض اعيونه غريب بهالبشر حاله
طبگ جفنه ورحل لاچن رحل مفتوته دلاله
…
بعزاه الكون .. سواد اللون .. توديعه
عليه العين .. تصب نهرين .. بالشيعه
…
ابد ميهون لعد محبوب اذا يفگدله محبوبه
وعلى ذكره وفاته الآه وسط كل روح مكتوبه
بعزاءه انگوم .. آيا مظلوم
@@@
ترى موكافي للصادق فقط ننصبله كل مأتم
ولا كافي على امصابه ابلطم والنوح نتألم
ترى گبره يهالشيعه وضريحه امهدم او اظلم
من اميه عام هالحاله بلا فازع اله اتحزم
…
بلايا اقباب .. حجر واتراب .. هالغرقد
متى هالحال .. على الآمال .. يتشيد
…
حجج من هدم القبه ضعيفه امن الظلم اظلم
اذا لطه تشع گبه چليش الغرقد امهدم
لمته مهدوم .. آيا مظلوم
@@@
علي أحمد الحمود
٣٠-٤-٢٠٢٤
شهادة الصادق ع
#ابوذيات
لسيدي ومولاي الأمام جعفر الصادق
(عليه السلام) :
بديه النار اطفيها •• وألمها
حرگ داري سلب روحي •• والمها
حرت بـ الـ لا اخو وياها •• ولا امها
ومتت من اذكرت ركضه رقية
بناتي بدارهن فرن •• ووراهن
ولا شاااااامت نظر الهن •• وراهن
لجن عمااااتي من ركضن •• وووراهن
جمر وحجار يتگاطف سويه
خالد عبدالساده البدیری
#اللهم_عجل_لوليك_الفرج
قصیده في حق استشهاد الأمام جعفر الصادق علیه السلام
ادموع عینك فاطمیه اجروح گلبك زینبیه
یالصادق اسنینك عزاء
و انفاس عمرك کربلاء
*****
اجروح گلبك سیدي اینزفن حنین
شایل ابروحك ألم طول السنین
و اعله اهلك تنعه بدموع و أنین
راحن اعیونك مثل ام البنین
تبچي یالصادق علیهم و الزمن شمسوي بیهم
من ونتك تنعه السماء
و انفاس عمرك کربلاء
*****
المنزلك النار طبت یالأمام
اتذکرت طف کربله و حرگ الخیام
و الدخان ابیتك امسوي ظلام
اتذکرت لیل اهدعش یبن الکرام
دمعتك رسمت مناحر والعده و ذیچ العساکر
و اعله الأرض سالت دماء
و انفاس عمرك کربلاء
***
سیدي یالصادق و عندك بنات
چانن ابیتك تره و امخدرات
اشحال عماتك بقن متحیرات
ابیوم عاشور الظهر متسلبات
فرن ابذیج البراري عثرن ابحَر الظهاري
و ایحشمن ابراعي اللواء
و انفاس عمرك کربلاء
**
شي اکیداً من شفت خوف العیال
تطرح ابروحك گمت ذاکه السؤال
کلها صاحت بویه یالصادق تعال
لچن ما ضربوهم ابسوط الرجال
ابد ماراحن عله النوگ و الأشد ماطبن السوگ
ما شافن انواع البلاء
و انفاس عمرك کربلاء
***
صح علیك احرگو یالصادق الباب
دمعتك ظلت جریه اعله المصاب
لچن ما طایح چنت فوگ التراب
او لا بقیت امحیر ابدم الخضاب
حسین جدك دارو اعلیه ینزف و تتراجف ایدیه
ظل عاري وحده بالعراء
و انفاس عمرك کربلاء
*****
صح متت مسموم و گلبك منجسم
ونته یالصادق و چبدك منخذم
المهدي باچر راح یظهر ینتقم
رایته تصعد لحد ظهر النجم
مرقدك یبني ابجهوده انشالله نصبح جنوده
یتعاله من عدنه البکاء
و انفاس عمرك کربلاء
*****
لخادم الحسين علي فلاح الواسطي
20شوال
1445
أبوذيات الأمام الصادق،،ع،،
---------
غــزاك الشيب مــاخــلــــه شعرباك
أســـــود والوجــع نفســـه شعرباك
يصـادق لــوردت أعــــرب شعرباك
نحــر والرمـح بچه أزغر سبيه
-----------
لحـــــــد الأن چـــف والحـزن داراك
أعله أچفه ومثل ويعت شاب داراك
أنشــــــدك مــــــن ولتهه النار داراك
بالك هـــــــم مـــشه للغاضريه
----------
أبنيتك هــــــم بچيتلهه بدمعاك
أعله همهه والحزن بين بدمعاك
شنهـــــو الرايده ورادك بدمعاك
تزور حـسين جدك كل مسيه
----------
البقيع الهســه نسمع صـوت ضل بيه
نحـــيب وللحـزن موجــــود ضلْ بيه
وسف دين اليحرسه أهواي ضل بيه
أبهـــــدم أگبوركـم يبن الزچيه
----------
بين الحـــــر فرق والچان ماحار
وطفح ذنب اليضدكم حارماحار
مايعـــــــــرف گبركم مثل ماحار
عرف قيمة الـــــدره الهاشميه
---------
✍️أبوحسين السرگودي...🕊️🕊️🕊️
الشاعر الحسيني ظاهر حبيب الهليجي (للامام الصادق ع)
ويه النسيم الهاب نرسل عزيه
للصادق المظلوم نسل الزجيه
*.
ليله الأمام انصاب بلسم يشيعه
بأمر البغي المنصور هاي الصنيعه
داعر بني العباس راعي الشنيعه
متوارثين احقاد من ال أميه
*.
ياصادق الايمان جبدك تخذم
جن وانس تنعاك والدمعه من دم
طير السمه واشجار لجله أتألم
وتنوح آله الأملاك واهل البريه
*.
ياسادس الاطهار يامنبع الدين
يلماصرت وعاض يم السلاطين
ظل منهجك هيهات للذله كل حين
ياجعفر ومثواك جنه زهيه
*
يارايه ضد الجور من ال هاشم
جفك ابد حاشاه صافحله حاكم
ولابايع الطغيان واهلل المظالم
لن أصلك امن حسين والغاضريه
*
يا جهبذ الاعلام واهل الموده
لحقبة بني العباس فكرك تصده
حاربت ذاك الفاح ظلمه اوتعده
والثمن لجل للدين روحك هديه
*
▪️قلبي مهضوم ▪️
لاستشهاد الامام جعفر الصادق عليه السلام
قلبي مهضوم يايمه قلبي مهضوم
ليش مسموم ياجعفر ليش مسموم
امصيبتك يمه اهضمتني
عذبتني ومرمرتني
ليش مسموم يا جعفر ليش مسموم
————
يمه ياجعفر عليمن يذبحونك
يمه شمسوي ابدليلك يجرحونك
ليش ياقلب الزجيه ايلوعونك
وانت ريحة طه وابنه يَعرفونك
مايهابون نبينه مايهابون (٢)
لوعوه ولوعوني
يمه بيكم عذبوني
ليش مسموم ياجعفر ليش مسموم
———
يمه اشوف اجنازتك واتروح روحي
اصفر اللون وتهيجها جروحي
امفطره اشفاتك واون ويزيد نوحي
كلهم اضمايا ودموعي هيّ بوحي
ليش عطشان ياجعفر ليش عطشان(٢)
يمه لوعوتوا دليلي
والمصايب خذت حيلي
ليش مسموم ياجعفر ليش مسموم
————
يمه بعده امصاب ابوك اللوّعاني
عذّب الروح وحزن روحي سگاني
ابلايا راس اشلون اشوفه هل گضاني
وانت اتنازع دليلك شب چواني
مايرحمون بنيني مايرحمون (٢)
يمه عنك ناشدوني
روحي والدمعه بعيوني
ليش مسموم ياجعفر ليش مسموم
————
آه ياجرح البنين الدوّه نيران
والله نساني الضلع جددلي الاحزان
كل ولد ميت اشوف الوانه الوان
وللحسين القلب يمه والله لهفان
اعله لحسين ونيني اعله لحسين (٢)
امصيبته هيّ العمتني
نار بفادي وجوتني
ليش مسموم ياجعفر ليش مسموم
————
بنت الشمري
يلي حاسب روحك اعالصادق
صير قيس و للشعائر عاشق
…………………………………………………………
للمجالس صح حضورك مستحب
بس على العشّاق عالاحوط وجب
عندك ايمام التوذر وانسلب
وانت ما تحضر تخاف من التعب
راسه ظل عالرمح لجلك عالق
صير قيس و للشعائر عاشق
…………………………………………………………
اسمع اشكال والك ماظل عذر
قالَ هلْ تحيونَ للآلِ الذكر
ولله احب ذوله اليلطمون اشكثر
ذوله شالوا عن درب زينب جمر
صوت وبحب الهواشم ناطق
صير قيس و للشعائر عاشق
…………………………………………………………
شفتو من داعش لراضيكم سحگ
الخدم هي العشگت ازمور التفگ
للسواتر واحد الواحد سبگ
من زناجيل اللطم شدوا علگ
جيش لرگاب النواصب ساحق
صير قيس و للشعائر عاشق
…………………………………………………………
للفواتح دوم ما گاطع جدم
للبعيده تروح متروس ابعزم
بس فواتح فاطمه الهن ما تهم
مو فلوس ابدمعه تكتبلك اسم
بين ذيج وهاي شوف الفارق
صير قيس و للشعائر عاشق
…………………………………………………………
بالمواكب مصنع الغيره انوجد
هيبه سوّت للخدم هيبة اسد
ابكلبه چانون اعله زينب ما خمد
راسه مثل الكمر حار وما برد
ملك يل خطواته بيهن واثق
صير قيس و للشعائر عاشق
…………………………………………………………
العازه الك ياخوي مو لم الحسن
شلون بيك بيوم معشر والمحن
لا اديك التشهد ابرده الطمن
عيون للحركوا خيمهن ما بچن
ليش لقراية بنيني اتفارق
صير قيس و للشعائر عاشق
…………………………………………………………
اذا ماخذ هل قرار وما تجي
چفنه شرك لا تأذينه ابحچي
بكل وقاحه وعل مساند منتچي
للرياء اتگول كل هذا البچي
انت گاع واحنه نجم الطارق
صير قيس و للشعائر عاشق
…………………………………………………………
✍️ ( سيد خضر الزاملي )
⬛️🔳القصيدة-4-🔳⬛️
لاتـَلُم ْ فالمصابُ أبكىٰ عُيوني
بانَ منهُ السوادُ فوقَ جُفوني
صادقُ الطاهرينَ يَقضي شهيداً
بعدَ سُمِِّ العِدا وحقدٍ دفين ِ
جعفرٌ لم يزلْ كنجم ٍ تلالا
نورهُ ظاهر ٌ علىٰ الخافِقين ِ
إذ لهُ في العلومِ شأنٌ عظيمٌ
لتِفيضَ الأفكار ُ في كلِِّ حين ِِ
يُستَقىٰ العلمُ منهُ غضّاً طرياً
فهوَ بينَ الأمواجِ مثلَّ سَفين ِ
بينَ أيدِ الشقيِِّ يُوليهِ شتماً
لِـيُذيقَ الإمام َ ريبَ المنون ِ
غالَـهُ في الخفآءِ شُلّت يداه ُ
كيفَّ سّمَّ الخؤونُ خيرَ أمين ِ
وعليهِ الأهلونَ باتوُا حَيارىٰ
بينَ باك ٍ نعىٰ وبينَ حزين ِ
وسميُ الكليمِ موسىٰ رَثاهُ
بدموعٍ ولوعةٍ وحنين ِ
#سمير_الصالحي
#النجف_الأشرف
🌑 نعي __ موشح
اليوم مات العلم والعالم فجيع
خلي تفزع كل بني هاشم سريع
جعفر الصادق گضه بسمٍ نجيع
ودارت عليه كل هله و احبابه
واحد يسبل ايديه ويجَبله
اواحد يغمض عيونه اويِعدِله
بيده الكاظم الگام يغسله
ظل يلوج وعبرته سچابه
بس ابو السجاد ياويلي عليه
ماگرب يمه ولي وادنه ليه
يغمض عيونه ويمددله ايديه
يامصيبه الزادت اعله امصابه
#سمير_الصالحي
#النجف_الأشرف
#سمير_الصالحي
#النجف_الأشرف
لاستشهاد الامام الصادق عليه السلام
موووت ،، كلهن سنينك
موووت ،، ربك ايعينك
تتذكر الطف والسبي
والنار وخيام وعبي ويلي
*
عمره دمعاته
ويه صفناته
الصادق ونوحه
يحچي مآساته
تمر كل الليالي وعينه هماله
وتظل صورة المنحر شاله احواله
جسد مطروح بالطف جوه خياله
چف يم النهر وعيون تبراله
موووت ،، ذبحو حسينك
موووت ،، ربك ايعينك
تتذكر الطف والسبي
والنار وخيام وعبي ويلي
**
يا بچي احساسك
يحرگ انفاسك
خيمة ايتامك
شيبت راسك
كل طبگت چفن يتصور المنظر
ويشوف الحيره طبت خيمة الخدر
نار بكل كتر خوف وسبي وي الحر
بين التنشتم بين بحبل تنجر
موووت ،، يلأخو وينك
موووت ،، ربك ايعينك
تتذكر الطف والسبي
والنار وخيام وعبي ويلي
*
علنهر صوره
رايه منحوره
جربه عطشانه
وطفله مكسوره
كفيل اعله الشريعه هناك ما يرجع
تحت ذيچ الحوافر وسفه يتوزع
وي روح الگمر روح الحرم تطلع
مو ماي الدمى من الجرف ظل ينبع
موووت ،، آه يچفينك
موووت ،، ربك ايعينك
تتذكر الطف والسبي
والنار وخيام وعبي ويلي
*
خيمه بردانه
طفله تعبانه
تحچي مهضومه
محد ويانه
يا حال اليتيم ومات كل الحگ
الما عنده أبو ليش برمح ينطگ
مو من البچي من الخوف صار ازرگ
الصفحه البيضه ليش بحقد تتشگگ
موووت ،، واحنه ناسينك
موووت ،، ربك ايعينك
تتذكر الطف والسبي
والنار وخيام وعبي ويلي
*
صادق الدمعه
هم الك رجعه ؟
بدولة القائم
صوتك نسمعه
تطالب بالضلوع بخيل مسحوگه
رمح شال الوجود وحرمه مخنوگه
سبايا بلا كفيل وخيمه محروگه
طفله اتشم ابوهه وانتهت فوگه
موووت ،، كربله بعينك
موووت ،، ربك ايعينك
تتذكر الطف والسبي
والنار وخيام وعبي ويلي
كلمات الخادم / رعد الفريجي
فزاعيه
في مصاب الامام الصادق عليه السلام
صاحت فاطمه الزهره
يالصادق ياضي عيني
——-
سمك يمه عذبني
وآنه ابقبري لوعني
امصابك يمه يفجعني
جمره ابقلبي تجويني
———
مايكفي العمر لوعوك
وامرار وغصص ضوْكوك
اعليمن يالولد سموك
عالي اعليكم اونيني
——-
ظني قلبه مو رويان
مثل الظامي ظل عطشان
واعليه القلب لهفان
آيا لوعة ابنيني
———
شدنه اللطم وياي
دوم امقابله النعاي
ماهود ابد مبجاي
بالونه تسريني
———
ام وفاقده تدرين
ما يهمد مسيل العين
انعى الغالي ابني احسين
اون اعليه تدريني
———-
بنت الشمري
آ يالدهر .. چبده انفطر
ابن النبي مولانه
@@@
رمز الطاهره والتقى والعفه
مولانه جعفر هالمسه يتوفه
متسمم الليله وغمضها ألطرفه
…
ابسم الدعي .. صار النعي
اظلم حزن دنيانه
@@@
ابذكرى وفاة الصادق او توديعه
هالليله قيموا للعزه ياشيعه
او واسوها امه الطاهره لوديعه
…
بيها الگلب .. دم منخضب
ضنوه وغمض اجفانه
@@@
شيخ الايمه الصادق بهالعتره
من الظلم مات ابچبد منفطره
وتحضر عزاءه ابهالليالي الزهره
…
ابظهر انحنه .. تبچي ضنه
ابجمر الحزن خلانه
@@@
هيبة محمد وي علي بوجوده
حسره نشوفن جثته ممدوده
وايدينه بخيوط الچفن مشدوده
…
ضي المقل .. لحده نزل
اوسط اللحد لدفانه
@@@
ناح الحلم وي منبره والابرار
وناح گبر طه نبينه المختار
وارث علم ويه كنوز الاسرار
…
ماضل بعد .. بدر السعد
وكل شيعته بحزانه
@@@
روح القدس لجله عله صوته وناح
سيد المذاهب جعفر الليله راح
والجعفريه ابفرگده اتلوج اجراح
…
صبر انفتل .. ابسم انقتل
واتغيرت الوانه
@@@
لانه ادى للهدى كل دوره
وترجم معاني مأوله ابكل سوره
راد الظلم تالي ويطفي نوره
…
ونوره الوفي .. ماينطفي
لربنه وعد قرآنه
@@@
للصادق اغتالوا لچن مايدرون
بالخيبه تالي هالطغات ايردون
لو فتوا چبده ولو ضريحه ايهدمون
…
شامخ يضل .. قمة جبل
ضد كل دعي وطغيانه
@@@
علي أحمد الحمود
٢٩-٤-٢٠٢٤
شهادة الصادق ع
دمعي جاري
اشيطفي ناري
جنها داري / الغاضريه
بيتي يلهب
وآنه انحب
لعمتي زينب / هالمسيه
جعفر الصادق تراني / بيه إرحم يازماني / سهمك الماضي رماني _ وصحت ويلي
مافِتر نوحي اونيني / من السهر ذبلانه عيني
حزني اطول من سنيني / وصحت ويلي
هيه حيره امنين ابدي / من أ ميه جرحي يدي
خلت دموعي اعله خدي / وصحت ويلي
جاس المر جرعته من بني العباس
وعله جر النفس خلو عليّ حرّاس
ماكو لحظه _ جفني اغمضه _ وكلبي نبضه _ من لهيبه
الراحه دمعه _ وعمري شمعه _ المن أنعه _ ليا مصيبه
****
ماشفت بالدنيه راحه / عمري خلصته مناحه
حلمي مذبوح بصباحه / آه يروحي
شالت اهموم ومصايب / كلبي من احزانه ذايب
نكلة اجدامي متاعب / آه يروحي
امن المدينه غصبن اطلع / ودعتها وعيني تدمع
الكوفه والنوب الها ارجع / آه يروحي
هالدنيه بغدرها والله معروفه
وبأجدادي شنسه شعملت الكوفه
بغربه حيره _ ابلا عشيره _ وجهي اديره _ الجدي حيدر
حامي جاره _ بذولفقاره_ يطر مزاره _ ولِّيه يحضر
*
حاوطو داري بحقدهم / وجمعوا ابابي حطبهم
أطفي بالنار او اكلهم / شنهو ذنبي
لأن آني ابن الزجيه / يحترك بيتي عليه
محد ليفزع اليه / شنهو ذنبي
والحرم مرعوبه ركضت / وحده تبجي وحده عثرت
بالجمر ايدي تجوّت / شنهو ذنبي
هالموقف نظرته او هاجت احزاني
أخذني الكربله العاشور وداني
بيتي شفته _ الطف ذكرته _ حزني عفته _ والجرالي
جم يتيمه _ ابلايه خيمه _ والهضيمه _ ابلايه والي
****
الجره اعليه يشيعه / خذني يم أرض الفجيعه
اذكر حسين اورضيعه /وابدي انحب
والكمر بيّن خسوفه / عالنهر طاحن جفوفه
عليّ راح ابنبله شوفه / وابدي انحب
والشباب اليّ تعفّر /جسمه عالغبره تطشر
جن رسول الله توذر / وابدي انحب
ياعريس هذا للجفن يلبس
عليّه طشت سيوف ابدال الملّبس
آه يعمتي _ وشحملتي _ الكافل انتي _ صبرج آيه
وعالهزيله _يالعقيله _ مو قليله _ جنتي رايه
***
إجرعت سم المنيه /وضاكت الوسعه عليه
ظلت ادموعي جريه / هايشيعه
كمت الوج اوجهي اصفر/ جن احس جبدي توذر
كلبي من السم تفطر / ها يشيعه
بس اكولن هيِّن امري / الشمر ماحزلي نحري
الخيل ماداستلي صدري / هايشيعه
ولاجسمي ثلث تيام عالغبره
ولانسواني راحت ياخلك أسره
ماإجوني _ سلّبوني _وتركوني _ عالترايب
الماي اشربه _ والله صعبه _وجدي كلبه _ بحره ذايب
***
خادم الحسين عليه السلام
علي الطيار الكربلائي
٢٠٢٤/٤/٢٥
١٦ شوال ١٤٤٥
شهادة الإمام الصادق عليه السلام
طور : إنتي أمي وعدة أطوار أخرى ..
.
.
أمك الزهره واجيتك .. أبچي عند اجنازتك
آه يالصادق ييمه .. مرمرتني امصيبتك
عالنعش يبني أنوح .. وزادت اعليه الجُروح
أمك الزهره واجيتك .. أبچي يمك يالولد
خامس أولادي ييمه .. وتنذبح بالسم بعد
ما سفت راحه بحياتك .. او لا شفت يبني السعد
چم مُصيبه شاهدتها .. وتالي صارت ذبحتك
عالنعش يبني أنوح .. وزادت اعليه الجُروح
چم مُصیبه شاهدتها .. واذْكرِت طف كربله
دارك اعليك احرگوها .. وروعوها العايله
بيهم اتذكرت زينب .. والمدامع سايله
واذْكرِت بابي ومُصابي .. ولَيَّه زادت لوعتك
عالنعش يبني أنوح .. وزادت اعليه الجُروح
وهالمسيه يا حبيبي .. ايمددونك بالگبر
ويلي لعمرك ييمه .. طَفَّوا اسنين العمر
احضرك هالليله يبني .. وأنسى يا يمه الكسر
المهم ابروحي اضمك .. يبني واحضر دفنتك
عالنعش يبني أنوح .. وزادت اعليه الجُروح
____
#فاطمة_كريم
🏴 ذكريات المصاب 🏴
● في استشهاد قائد المذهب الإمام جعفر الصادق عليه السلام ●
● وزن {البحر الطويل} ، تقرأ كنعي بطور {لفى عاشور} ، وتقرأ كلطمية بعدة أطوار أخرى ..
.
.
.
آه يمولاي .. آه يمولاي .. آه يمولاي .. آه
آه يمولاي .. آه يمولاي .. آه يمولاي .. آه
〰〰〰〰〰
صدق چبدك يوالينه .. مسمومه وتشب نيران
صدق مآلوم يالصادق .. ومن اسمومك صرت وجعان
لكن جثتك مولاي .. ما ظلت على التربان
ولا داسوا على صدرك .. خيالة بني سفيان
〰〰〰〰
صدق ميت غدر مظلوم .. بس ظل راسك امچانه
ما قطعوه ولا رفعوه .. اعله روس ارماح عدوانه
ولا سلبوها ايتامك .. وفرت كلها فزعانه
أويلي يامصاب احسين .. عليه تنحب يمولانه
〰〰〰〰
وبعد أذكر يبو الكاظم .. صدق حرقوا عليك الدار
وفرت تركض اعيالك .. مرعوبه بحريق النار
لكن مو مثل لحسين .. جرى اعليه الذي ماصار
حرقوا خيمته وأهله .. يضربوها العدا الأشرار
〰〰〰〰
ما فرت إلك طفله .. تركض و الجمر مضروم
و إجت محروقه رجليها .. يم جسمك تگلك قوم
ولا اتشوفك بليه راس .. وجسمك صبغته لدموم
أويلي لمحنة الطفله .. رقيه ومحنة المظلوم
〰〰〰〰
تمت بحمد الله تعالی
بقلم / فاطمہ كريم
نسألكم الدعاء لتعجيل الفرج
يا أباعبـــــــــــــــدالله
الفاتحة مع الصلوات إلى روح والدي
لاستشهاد الامام جعفر الصادق عليه السلام
(وزن شيعتي)
يبن خير الانبياء انته مدرسة العطاء
سيدي جعفر الصادق
★★★★★
المنهج الفكري واساسه وكل مضامين العقيده
اتراجعت عنه المذاهب مذهب الطلعه الرشيده
والمناهج خبر صارت عن نهج طه بعيده
وهذا نهجك من محمد ورايد ال الله يريده
والأصل من كربلاء انته مدرسة العطاء
سيدي جعفر الصادق
★★★★★
عجزت اعلام المذاهب تشهد اعليها المواقف
تحچي عن منطق وحكمه ويلحچي غيرك سوالف
أول وماغيرك أول قدت ميدان المعارف
عشت بانفاس أحمديه الك مَيَّالَه العواطف
وللعلم رافع لواء انته مدرسة العطاء
سيدي جعفر الصادق
★★★★★
جعفر الصادق أمامي ياامام الجعفريه
ياغياث الدين انته وحجة الله على البريه
اتحملت زمره لئيمه تريد حكم الجاهليه
رادوا ايزيحون عنهم نور من حامي الحميه
رغم كل هذا العداء انته مدرسة العطاء
سيدي جعفر الصادق
★★★★★
تسع مرات المنافق حاول أيذَبَّل او رودك
من خطر اصبح عليهم يا ابوالكاظم وجودك
غاضهم علمك الزاهر وفكرك وكثرة سجودك
صار اسمك رعب إلهم حيَّر الظالم خلودك
قدمت روحك فداء انته مدرسة العطاء
سيدي جعفر الصادق
★★★★★
مره يتجسس بغفله الظالم أيدَوَّر أخبارك
ومره يرسلك مجادل مافهم حجة اسرارك
ومره يختبرك ابماله وماعرف قوة قرارك
ومره لمن عجز عنك شعل بالنيران دارك
وأبد ماهزك بلاء انته مدرسة العطاء
سيدي جعفر الصادق
الشاعر حسن لعيبي الحريشاوي