7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لحن (تقبلوني خادمه)
بصوت
سيد سلام الحسيني
كربلاء
لحن(منطيني خيمه)
بصوت
ملا حسن الزينبي
ناصريه
لحن (رد الرقيه)
بصوت
ملا ميثم الصافي
اهواز
🔶 #محرم_1446هـ
🔸 #لسان_حال_ام_البنين_ع
🔸 #نعي
لفــى الليــل يمــه وانتـو غيّـاب
تفت روح القلب فركــة الاحبــاب
أبد ما هوّدِّت عينـي على البــاب
┈┉┅━❀◕ـ◕❀◕ـ◕❀━┅┉┈
آنــه امكم يبعـد امكم يشبّــان
صرت مثل السجينة ابّين قضبان
صُبَح بيتي بعدكم بيت الاحـزان
┈┉┅━❀◕ـ◕❀◕ـ◕❀━┅┉┈
لـــوَن هــذا السفــر لَيّــه يردكــم
مــا ظــل القلب ينـدب بُعــدكـم
لكنّــي احس دهـــري حصدكــم
┈┉┅━❀◕ـ◕❀◕ـ◕❀━┅┉┈
حصدكم هذا دهــري وخـان بيــه
فزعتــوا فــزعــة وحــدة للمنيــة
وابدمكــم سقيتــــوا الغاضريــــة
┈┉┅━❀◕ـ◕❀◕ـ◕❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
#محرم_١٤٤٦
#طور_الجفيري
#الليلة_الاولى
#حالة الإمام المهدي عج في الليالي الأولى لشهر محرم
قوموا يا شيعة للحزن
واسود هِدمنا وهم نوّن
هالليلة بيها فاجعة
ومهدينه ندري اشقد يحنّ
دمعاته بخدوده جمر
يعاين هلاله لهالشهر
يعاين جسوم موذره
ويبكي الذبيح من النّحر
يقعد على المنبر يقول
إبكوا على سبط الرسول
دامي عفير اعلى الثرى
وبصدره داسته الخيول
يضج المكان ابصيحته (متى ؟؟؟)
من يبدي يوصف شيبته
دم وتَرابه مخضبه
وين اليعينه ابندبته
خادمة ابي الفضل
#هل من معين فأطيل معه العويل والبكاء، هل من جزوع فأساعد جزعه إذا خلا، هل قذيت عين فساعدتها عيني على القذى، هل إليك يا بن أحمد سبيل فتلقى، هل يتصل يومنا منك بعده فنحظى .. متى نرد مناهلك الرويه فنروى ، متى ننتفع من عذب مأئك فقد طال الصدى ، متى ترانا ونراك وقد نشرت لواء النصر ترى
متى تنادي يا أهل العالم انا الصمصام المنتقم 💔
# لطم
قاعد وين يالمهدي ابوسط المأتم
كم ونّه على جدك وهم بعد لاطم
تنوح المنذبح عطشان
مسلوب الردى عُريان
واخيامه التشتعل نيران .. وهم بعد لاطم
تروح المشرعة تنظر القطعوا كفوفه
تعاتب عمك الغافي وعينك ذروفه
زينب رايده الكافل
دخِيلك يا ابو فاضل
بمتنها السوط ترى نازل .. وعينك ذروفه
✍الشاعرة خادمة ابا الفضل
#متى تجلس عند قبر جدك بكربلاء و تنادي يا لثارات جدي الحسين .. وتسلم سلام تائق والهٍ مشتاق ونحن معك:
خلينه نزور اوياك ونحس طيبة انفاسك
يالمهدي ونصيح الآه نوكف كلنه حراسك
من تصيح آ يحسين دمعك يجري كالوديان
نسمع بالندب والنوح تنادي جدي ياعطشان
ولو تصرخ بإسم زينب منها امذبّحة الوليان
على ونة رقية اتذوب وسلب امخيم النسوان
🖊الشاعرة زينب الخفاجي
#طور الفراق
آيمهدي تفضل وإقره الزياره
آيمهدي ندري بِفأدك حراره
آيمهدي للأبد ما تُطفى ناره
آيمهدي تصرخ الشيعه محرم
آيمهدي بكل مكان و عِدنه مأتم
آيمهدي حقها عينك تهمل الدم
🖊خادمة ابي الفضل
#سيدي على من تهمل الدموع دماً .. اعلى ذبح الحسين ؟؟
ام اعلى رضه بالخيول الأعوجيه ؟؟
أم على راسه الذي ما وضع على حجر إلا سالت من تحته الدماء ؟؟
اما على كافل الخدر على شط العلقم ؟؟
بالله عليك على ما تبكي بدل الدموع دما :
دمعي الأصبه دموم للهاشميه
حزني عليها ايطول في الغاضريّه
مصيبة التشيب الراس حد المنيّه
هاذي النجيبه شلون تمشي سبيّه
حبل بإيدها القوم خلوا ورقيه
ما انسى يوم التل وديوان أميّه
وذاك اللعين يقول يالخارجيّه
#يروى نادى ذلك اللعين من هذه المتخفية عني ، جاوبته مولاتي زينب
خِفَت لوعة صدرها وخفت ونّتها
دارت للمدينة اتبوح حسرتها
لجدها المصطفى تشرح مصيبتها
مُصيبة المامثلها امصيبة بالإسلام
زينب بت علي وبمجلس الظلّام
نوايب هالدهر شدّن عليها احزام
🖊الشاعرة زينب الخفاجي
🔶 #محرم_1446هـ
🔶 حديث السيدة زينب مع اخيها العباس عليهما السلام
🔸 #طور_الفراق
هاذي عيني.. فدوة لعيــونك يخيــي
هاذي عيني.. يـالجنت ظلــي وفيــي
هاذي عيني.. خذها وارجع ليّه ضيي
┈┉┅━◕❀◕ـ◕❀◕ـ◕❀◕━┅┉┈
هاذي عيني.. تــرخص لعينك يغالــي
هاذي عيني.. ريت سهم البين اجالـي
هاذي عيني.. خذها رد و انظر لحالي
┈┉┅━◕❀◕ـ◕❀◕ـ◕❀◕━┅┉┈
مااشوفك.. غبت يــا كافـل ضعونــي
مااشوفك.. شنهــو قيمتهــا عيونــي
مااشوفك.. لـــو بــدالك طبّرونــــي
┈┉┅━◕❀◕ـ◕❀◕ـ◕❀◕━┅┉┈
ياهضيمة.. يـا گمــر و انت بجـلالك
ياهضيمة.. يا عجب غـايب جمـالك
ياهضيمة.. نـــــوم الِتــرايب حِــلالك
┈┉┅━◕❀◕ـ◕❀◕ـ◕❀◕━┅┉┈
📝 #الشاعرة_زينب_الخفاجي
📜 #اللهم_صل_على_محمد_وآله
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
صورة شعرية: كأني بمولاتي زينب عليها السلام عندما ساروا من المدينة، توجهت ناحية قبر امها الزهراء عليها السلام...
(طور الجفيري)
١/ودّعتچ الله يامْ حسن
دهري عَلَيْ صَبّ المِحَن
راح امشي واترك هالوطن
وارجع لچن متغيّره
٢/أرجع ولا عباس الي
لا عندي جاسم لا علي
عالغبره اعوف آنه الولي
مسلوب دامي منحره
٣/أرجعلچ ومحني الظّهَر
وبمتني للتعذيب اثَر
وبروحي بس لوعه وقهَر
لكن أرد مِتصبّره
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
صورة شعرية: لسان حال الزهراء عليها السلام لولدها الحسين عليه السلام..
راح اجيلك يا حبيبي وما أعوفك
ويّه زينب أگصد المصرع واطوفك
بيدي اجمّع خنصرك يابني وچُفوفك
واگعد گبالك واشد بيديّه لجروح
أحني أضلاعي عْلى أضلاعك يروحي
بلچن جروحك تداويها جُروحي
فوگ نحرك راح اعلّي يابني نوحي
وابقى أصرخ آه يوليدي يمذبوح
صدرك عْلَيَّه أسِنْدَنَّه وأشمّه
لكن الرّاس شْيْوصِّل إيدي يمّه؟!
عالرُّمح بعيوني اشوفه يْسيل دمّه!
والطم عْلى ضلوعي والزم لجلك النّوح
#عظم_الله_أجوركم ◾️
فاطمة علي رزق
اسألكم الدعاء
ثوب الخدم لبسته عمري ألك نذرته
حبيبي يا حسين
...........................................
يا أول حلـم عشته ويه أنفاسي قافلته
تمشي والعمر يمشــي بأمان الله وأمانك
عالفطرة أنولد حبك خير وعافية دربك
يالمغركني خيرك من رحت فدوه الحنانك
يحسين الكلب غيرك فـــــلا يهوه
ولولا خدمتك فلسين مـــــــا يسوه
أشلون أنساك وأنسه أيامك الحلوه
كل عاشور أحس كلبــي أنولد توه
بكل مجلس وعزية أسمك صبح هوية
حبيبي يا حسين
.........................................................
يالمالك هوه أنفاسي رفعت بخدمتك راسي
وأحس روحي ملك عايش وقور وكلي هيبه
حلمي شما عتك يكبر وبثياب الخدم أفخر
وأني شعندي غيرك يا نبض كلبــــي وحبيبه
لحد كطع النفس يحسين ما اعوفك
وأضل خادم ألك ومعزب أضيوفك
يابو الخير خيـرك رحمة وأجفوفك
كعبة وتحرم الحجـــاج أذا أتطوفك
أسمك حرز كتبته وسط الجفن رسمته
حبيبي يا حسين
..................................................
يالرسمك وسط عيني شنهو تريد سويني
عبدك أنه عبدك وأفتخر تقبلني عبدك
ثوب الخدمة فصلته وبالدم عهدي وقعته
يالمالكني غيرك ما ألي بهالدنيا بعدك
أذا تطردنــي ألمن واتجه لا وين
يالماخذني منـــي يالسكنت العين
عدل ميت أضل خادم ألك يحسين
مثل حمزه ومثل عبد الرضا وياسين
لآخر نفس ندائي حسيني كربلائي
حبيبي يا حسين
.............................................
خادم أسمي واتشرف بيه جمرة من الطف
وأبخدي أنرسم دمعة طفل قـــدم وريده
بعيوني الدمـــــع يقره نار وخيمــة مستعره
وما بين الزلم زينب بقت تركض وحيده
خلص عمري أعله بابك أشتعل شمعه
لا فاكد أخـــــــــــو لا من ردت فزعه
نعم الله عليك الطم وأهـــــــــــل دمعه
كون أضلوعي أكسرهن ألــــــك وانعه
واعلن ألك ولائي يا عزوتي ورجائي
حبيبي يا حسين
.......................................................
يالما صح بشر مثلك أمشي أعمى واندلك
أشتمك هوه وشفتك ضوه اينورلي دربي
وشما أبتعد عنـــــــك أرد وبدمعي أحشمنك
واتكلي هلا وميــــــة هلا وتغفرلي ذنبي
يبو كلب الوسيع الما نسه أحبابه
يمن كـــل عله تشفه بشمة أترابه
يا شيــــخ السلف ويفض الطلابه
الملك والعنده حاجه يوكــف أبابه
حاشه اليجي وتعوفه تترس هلا جفوفه
حبيبي يا حسين
........................................
خادم خدمة الحسين
الشاعر
محمد الموالي
يا اللهي الليله هاي الليله
يا اللهي ارزقني بس ابچيله
هيچ واحضر مجلسه
انه والله اتنفسه
يا الهي يا الهي
---------------------
ربي ما اريد بحياتي لا غنى ولا منزله
كون اصير تراب يسحگني اليزور ابكربله
هيچ وانذر عيني تجري وكل دموعي مسبله
رتبة الخادم عظيمه وياهو يگدر يوصله
راسي مرفوع بخدمته وشاني عالي
هوه غير الله بعظمته يگله غالي
ربي وفق دمعتي
علحسين وحسرتي
چفوفي من تلطم حزن تحچيله
يا اللهي ارزقني بس ابچيله
-----------------------
وين ماكو ادموع امشي وعالمجالس من اطب
عطر من الجنه اشمه ونار چنهه من الحرب
اسمع اصوات اليتامى وزينب بوليت غرب
ومنظر شگد ردت اوصفه وما گدرت شگد صعب
علنحر طفله وتصيح شبيك بابا
أگعد البحماك راحت للخرابه
رجلي مچويه بچمر
وعمتي واليهه الشمر
العين حمره ولا علي وتشكيله
يا اللهي ارزقني بس ابچيله
-------------------------
مجلس حسين اليحضره بكل نفس ياخذ أجر
دمعة عيون الموالي اتطفي نيران وجمر
هناك لا تحزن يشيعي ولا تخاف من الگبر
عيونك مغمضهه لكن من تشم ذاك العطر
گول اجاك حسين لو اهلك تعوفك
جاب دمعة عينك ولطمة چفوفك
خلهن بگبرك حرز
بالقيامه ومن تفز
صيح خادم للحسين دخيله
يا اللهي ارزقني بس ابچيله
-----------------------------
بروحي جمره اعلى العقيله وعليتامى وما طفت
لهسه ممصدگ سبوهه وعلهزل زينب مشت
يعني يا عالم رقيه اعلى النحر ماتت ؟ غفت ؟
يا رباب شلون حالچ ويا عبد الله انتهت !
شلون عريس انذبح بالغاضريه
الله لا ينطيهه جسام المنيه
علي الاكبر من وگع
بصدره چم حافر ركع
يا دموع اتطيح وتكفيله
يا اللهي ارزقني بس ابچيله
---------------------------
هوه مو مجلس أشوفه وتنجمع وادم سوى
لا اشوف الزهره هايه وتنطي حاجات ودوى
لهسه عباس وچفوفه وگلبه ضامي وما روى
الا من نبچي اعلى زينب يرجع يشم الهوى
هذا مجلس وابو صالح والله بيه
عجل الله الدمع منه وعليه
يا امامي المنتظر
والله مخنوگه البشر
الحيل انته وياهو يترك حيله
يا اللهي ارزقني بس ابچيله
---------------------------
ربي لا تحرمني منه وكون اظل بخدمته
بالمجالس والمواكب گلبي تنزل دمعته
كل محرم من يجيني انا اعلگ رايته
وانا وصيت بمماتي وهو كلمن ساعته
راية حسين الچفن لازم تصير
حتى ما يوصلني منكر لا نكير
درعي ما توصلني نار
گبري بس جنه وخضار
الدمعه لحسين العذاب تشيله
يا اللهي ارزقني بس ابچيله
كلمات الخادم / رعد الفريجي
یحسین یاراعی الشیم
والخیم حرگوها
زینب لفت وتنادی
یحسین شوف اشسادی
واطفالکم بلوادی
تندب یروح الهادی
یحسین یلبیک الفخر
یحسین والیمته الصبر
خویه انتهتک منی الخدر
ما ادری لاوین افتکر
یحسین امشی الجثتک
مدری اصبر عیلتک
یحسین ترضه غیرتک
ذوبت گلبی ونتک
اتگله یبن حیدر علی
واشلون ابگه ابلاولی
واسکینه ترضه تنولی
منهو الیباری المحملی
او زینب بگت متحیره
صاحت یسبع الگنطره
اتنامون خویه اعلی الثره
ترضون امشی امیسره
عباس والله اتمحنت
اسهام البیها اتصوبت
یاریت صابتنی او متت
یاحیرتی ما حسبت
اتنامون کلکم علترب
واصیرن ابولیة غرب
غريبه والمدمع يصب
اسودن امتوني أمن الضرب
خويه يراعي المرجله
انهض أو شوف العايله
الكل منها هامت بلفله
موش انه بيك امكفله
ايست من راعي الوفه
صاحت ابروح لاهفه
ياشبه جدنه المصطفى
علهظم جفنك شو غفه
بلكفر ماعندك خبر
يامن الچبد امک ثمر
یلتشبه السید البشر
اگعد یمن لمک ذخر
انهض او جرد الصارم
علترب لتضل نایم
ومک دمعها ساجم
صدت النوبه الجاسم
یعمه واشهل نومه
بن سعد امرگومه
ومک بگت مظلومه
وتنادی او مهظومه
چا وین عریس الحسن
صاحت یبن محیی السنن
اوبیک خیبت المظن
خلیتنی ابجور ومحن
والحرم سلبوها
والخیم حرگوها
کلمات واداء الرادود الحسيني
ابوجليل الدردوشي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
بعیونی بعیونی من ترحل یطفه الشوف
بعیونی بعیونی اگرب من رمشی الخوف
خوفی اعلی اولیدی
یبنی او مو بیدی
عشت یبنی الفرح والنوح
تسیل ادموعک ابعینی
أو ضد ریح الیجی اشموعک
عشت ما بینک اوبینی
ازرعت هرشک سهم بلروح
او عشگ سهمک گلب طینی
اومثل دمعه الچواها الهم
یلکبر ناری تبچینی
دمعاتی دمعاتی من ابچی اتسیل اعیون
دمعاتی دمعاتی چن سوط ابگلب امتون بدموعی گیدی یبنی او مو بیدی
إذا راید تفارجنی یلکبر لا تروح ابساع
اریدن منک اشبع شوف وبعینی اطم الوداع
انه ابروحی کرهت احشای چی جبتک گبر للگاع
یلکبر من رسول الله أحبک چی حملت اطباع
من ترحل من ترحل یرحل طاها أمن الکون
من ترحل من ترحل یولیدی اتعودهم اشلون
الویلک جیدی یبنی او مو بیدی
طلع هودج باسم امک یلکبر ونته راعیه
أو علی هودجها یولیدی علم زودک کسر فیه
علی الهزل عجب تقبل یلکبر تمشی مسبیه
ولا من المعزه اضل یلکبر لمک اشویه
ذلونی ذلونی یولیدی الهودج وین
ذلونی ذلونی خلونی ابشوف العین
امن العز تجریدی یبنی او مو بیدی
بیت ابحیرتی بینی علیک ابگطعة انفاسك
يبني ابجسمك ارگبتک بت لورافگت راسک
یبنی أؤمن شفت امک سبیه اشصار بحساسک
شفت راسک یدگ للگاع ابرمحه أو چن زعل جاسک
ایبنی ایبنی الامک دنیت اوداع
ایبنی ایبنی راسک من لاح الگاع
وتگلیلی هیدی یبنی او مو بیدی
یبنی او من رجعنه اشلون رجعتنه المدینتنه
اگولن ما رجعنه احیاء اگول امن السبی متنه
وحگ راسک نظل للموت ما ننسه مصیبتنه
یلکبر والی ذبحتکم مثلکم یبنی ذبحتنه
حد موتی حدموتی انظر راسک مگطوع
حد موتی حدموتی من عینی اتسیل ادموع
عاشوری ابعیدی یبنی او مو بیدی
الی الموفق ابن الزهراء سید رضا القارونی
وأداء الرادود ابو جليل دردوشي
للشاعر الموفق فلاح طالب الماجدي بصوت حسين عدنان الكوبعي
Читать полностью…
قصيدة علي الاكبر ع
طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°
هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر
صوته شِبه الزلزله ـ وياحـــــلاة اعلومه
كله غيره ومرجله ـ وحان بالطف يومه
°°°°°°°°°°°°°°°°°°°°
ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل
مـــات كلمن قاتَـلَه ـ وذل يزيــــد وگومه
كله غيـره ومرجله ـ وحان بالطف يومه
°°°°°°°°°°°°°°°°°°°°
غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه
الگابله اليوم ابتله ـ روحــه تبقه تلومه
كله غيره ومرجله ـ وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت
بيرغه ابچـفه عِلَه ـ ومايهاب اخصومه
كله غيره ومرجله ـ وحان بالطف يومه
°°°°°°°°°°°°°°°°°°°°°
ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه اومن يقاتل يفني ابن غانم نوه
ونطلق مثل الشراره السلِم من سيفه انجوه
نينوى صـارت اله ـ والحـرب محسومه
كله غيره ومرجله ـ وحان بالطف يومه
°°°°°°°°°°°°°°°°°°
✍الخادم
كامل السعيدي
((تقبلوني خادمه))
يـــــا آلـَ بيتِ فــاطمه
هـل تقبلوني خــادمه
ياغوث يادار الشــرف
يامسكن تزوره السمه
خضر على بيوت الشعر ورد العشگـ
وفرحانه خيمات البدوّ
بكل خطوه اموتن ياعلي ثم اختــنگـ
واتنفـــــس بحبك دفوّ
جابوني اهـلي الديرتك يبن الصـدگـ
والگــــــايد الهــودچ ابوّ
مبتشـــره يـــابيت النبــي ودمه
امــ البنيـــن وأسمـــــي يتــسمه
بس بيه خوفه وذمــه من ذمــه
خــــاف آنه أقصر مره بالخدمه
هل تقبلوني خادمه ..
"""""""""""""""""""""""""""""""""""''''''''''
ذرني اعله شاطيك عشگ
حــــتى من اخضر احترگ
ياحيــدر ارزقنــــي هـــوى
وارزقني حب حتى اختنگ
مابين صدرك والنفس گلبي ارتهن
وعبـــــاس احس بدمعتي
يـــــــاغربةّ الضايع أنـــه بعازةّ وطن
وضيعني اوفــــــ بحسرتي
هــــــل تقبلوني خادمه ها يالحسن
وبس نضره اريدن حصتي
غرگانه يانسمةّ هوى اقبلني
يالراضي الله أعليك كلمني
حيرني بالحب يالحسن وآنه
منكـــم اريد الحيــره حيرني
هل تقبلوني خادمه ..
"""""""""""""""""""""""""""""""""""''''''''''
حــــاچيني يــــاشيخ السلف
يـــــم بابـــك وگـــلبي رجف
من عيني ظل يجري العشگـ
مثل الهوى وصــوت السعف
متروسه حُب يابو الحسن مسني الهوى
وطير الگــلب رف بالجنح
هسه اعــــرفت وين الگمر وين الضوى
هسه اعرفت ويــن الصبح
يــادار بــــــي حتى الدوى يشمكم دوى
وهذا اليحب طبعه الجرح
فرحانه روحي بخدمةّ العتره
وياداركم زهـره بوسط زهـره
زينــب ييمه بهاي اسمحـيلي
ادخل البيتچ والعمـــر سفره
هل تقبلوني خادمه ..
"""""""""""""""""""""""""""""""""""''''''''''
للمنسي يالبيتك ذكر
للمـــيت يصـير العمر
بعتابك يعيش الــورد
ومـــزاود بحبك عطر
عوز الغريب الماحضه بچلمةّ هلا
يحسين اخدمك وافتـخر
وبضعنك امشي لو ردتني الكربله
ومبخوته لو دست الـجمر
اجــبر خـــواطر تنكــــسر بالعايله
وافرش حدر ضعنك عمر
دلــــوني بيـــكم آنــــه شرايه
عطشانه وانتم للعشـــگـ مايه
روحـــي اعله منـواكم اخليها
ماعندي غايه وخدمتي الغايه
هل تقبلوني خادمه ..
عبد زينب
محمد الابراهيمي
((منطيني خيمه))
لو عمري يگضي .. عثــره اعله عثره
مـــا انسه امامي .. المنطــيني عمره
ومنطيني خيمه .. وركــض اليـتـيمه
ورحــله النهيبه .. وخيل اعله صدره
مجلس الضامي عـزيز وبيش ابدلنه
بگلبي منبر ياحسين وكــون احملنه
المايحب الدمعه اعذره ومــا أكلمنه
للحبيب حسين يرخص دمعي أهلنه
ماعندي الغير
محبـــوبي اول تالي
محبوبي الخير
بس هوه شاغل بالي
حسين ...
"""""""""""""""""""""""""""""""""""''''''''''
احضر مجـــالس .. وألطـم مصابي
وجرحي بدمعتي .. ولوعه بخطابي
وحـــرگه بدليلي .. وأصـــرخ يويلي
واگـــضي حياتي .. وانـــزف شبابي
كل شبابي بخدمةّ الحب كل مضاميني
مشتريني وغالي سعري حسين شـاريني
ماتــــركني من اطيحن هــــوه يحـديني
غير ابو السجاد عشگي حسين يحسيني
وبّفــــيه انام
بس فيه خيمه اعلينه
وبظل اخيام
ويحــــــبنه ما ناسينه
حسين ...
"""""""""""""""""""""""""""""""""""''''''''''
الهزله بصفـنتي .. وأنصب دمعتي
واشهگ حسافه .. احبال بحسرتي
اخت الأمــــامه .. مــــــو بالسلامه
بسوط وشماته .. وتفـــــزع عبرتي
ياعبــرتي افــــــزعي للسموها مسبيه
وهيه بت المصطفى المعروفه علويه
ياعبرتي اليوم ضجي بدمعچ اليچوي
هاي زينب والشــماته تصـيح محنـيه
وبقصر الشوم
طبت عقيلةّ حيدرى
والناس اتلوم
وبيا هضيمه أميسرى
حسين ...
"""""""""""""""""""""""""""""""""""''''''''''
ضلمه الخرابه .. وطفله تريده
تصرخ يـــــبابا .. وتشـم وريده
هيه المصـيبه .. عيـله وغريبه
دروبك يبـويه .. صارت بعيده
يابعيد الدرب بــويه الحگ الحــالي
فراگك الخلاني اهيم وصار چـــالي
ويني ويـــــن السبيه والحجر يــرمي
كون ميته بسحگ حافر بويه اشوالي
يابويه شلون
آنـــــه التگلي مدلله
بيه وتدرون
صارت دمعتي سايله
حسين ...
عبد زينب
محمد الابراهيمي
((رد الرقيه))
عشگك چواني مــو جمر .. شمسوي بيه
ليمت تمر كـــافي الهجر .. رد الـــــرقيه
اه .. كافي هجرانك
اه .. گلبي عطشانك ..
كــل باچر إيمر وانتضر ويتعده بـاچــر
والساعه بفراگ اليحب تكـسر خـواطر
علمني أنام من التعب شو گمت أساهر
ليش بحلم شوغه وتمر چندوب أكابــر
ياحلمي لتعوف الجرح .. بكبر الخرابا
وبجرحي لترش المـلح .. رجعـلي بابا
آه .. خـالي أمچـانك
آه .. گلبي عطشانك
"""""""""""""""""""""""""""""""""""'''''''''''
فَزت دمــعتي وتنــدبك .. محبوبي اريده
وروحي الكسيره تطلبك .. ادري بعيـــده
آه .. بويه وجـــدانك
آه .. گلبي عطشانك
وطشت المنيه من حضر طشت المنيه
ولن راس ابـــوها وبالـــدمع وتگـله لَيه
حاچـــــيني يـــابعد العمر آنـــــــه رقيه
آنــه رقيه لا گبــــل هــــــسه سبيـــــــه
شو ساكت ومالك خلگ .. افتــح عيونك
هجرك حرگ گلبي حرگ .. وثلمةّ سنـونك
آه .. كسرو اسنـانك
آه .. گلبي عطشانك
"""""""""""""""""""""""""""""""""""'''''''''''
كضني بخيالك يانبع .. وعيشني ذاتك
مـــوتني يابويه الدمع .. بـــويه وغلاتك
آه .. تمـــرد احزانك
آه .. گلبي عطشانك
يابويه اخــذني ما اضل ماتسوه اضلــن
مـــوتني بعيـــــونك ألم وخليني أونــن
خليني أغفه بعالـمك بس ابقه أحنـــن
موتني يم نحرك عطش وعيوني يمشن
ماريد أعيشن بالندم .. يابويه اخذني
واليــنذبح مو ألا دم .. حبــك ذبحني
آه .. ضمني بحضانك
آه .. گلبــي عطشانك
"""""""""""""""""""""""""""""""""""'''''''''''
ماتت رقيه بياهضم .. مــاتت رقيه
وزينب گلبها بيالطم .. تگلها شبديه
آه .. خــويه ولسانك
آه .. گلبي عطشانك
يبست مثل ورگــةّ عـنب ياراس ابوها
والصفنه ودموع العشـگ مـن گلبـوها
تشكيله راحت عالسبي ومن سلبــوها
ونار والمخيم والركض ومن أضربوها
لازم يموت ألـــي يحب .. هيچ النهايه
والبي شجون وينتحب .. بعيـونه رايه
آه .. زينب بشـــانك
آه .. گلبي عطشانك
عبد زينب
محمد الابراهيمي
📝 #محرم_1446هـ
😔 كأني بزينب ع ذهبت للحسين روحي فداه رأته مقلوب على وجهه وراسه مقطوع وشافت راسه وعينه تنظر لها كأني بها تكلمه...
💠 #جفيري
يامـــا نبينــــا قبّـــلك
باهى الخلايق والمـــلك
الأجلك اتــدُور الفــلك
واليوم اشوفك منذبح
ــــــــــ ❖ ❖ ❖ ـــــــــــ
صدرك يخويـه يالأبـيّ
لازال بــي عطــر النبــي
هسه يدوسـه الناصبــي
يالسابح ابدمك سبــح
ــــــــــ ❖ ❖ ❖ ـــــــــــ
قلبك حمل علم السمه
و اسرار امنــا فاطمــة
واليــوم ذابــل بالضمــه
حامل جرح فوك الجرح
ــــــــــ ❖ ❖ ❖ ـــــــــــ
💠 #مجاريد
ياروح النبي وخـامس العتــرة
منــو تجــرّأ على راسك يبتــره
مــا راعــوا قلب امــك الزهــرة
ـــــــــــــــ ❖ ❖ ❖ ــــــــــــــــ
هاي اعضاء جسمك آه يحسين
كل عضو ابنويّــه ياضوه العين
قلبك بالسهم مكسوم نصيــن
ـــــــــــــــ ❖ ❖ ❖ ــــــــــــــــ
ياضامي العطش فطّر الجبــدك
مثل دمعك علينا الفطر خــدّك
خصيم اعداك طه النبي جـدك
ـــــــــــــــ ❖ ❖ ❖ ــــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
🔶 قسـ ( #المشاركات ) ـم 🔶
🔸 #الصوتيات_والمرئيات 🔸
┈┉┅━◕❀ـ◕ـ❀◕━┅┉┈
هاذي عيني..
فدوة لعيــونك يخيــي
هاذي عيني..
يـالجنت ظلــي وفيــي
هاذي عيني..
خذها وارجع ليّه ضيي
🔉 بصوت الملا كرار الطائي
✍ الشاعرة زينب الخفاجي
#مجالس_محرم_الحرام_١٤٤٦هـ
💫💫
كل المجالس مدارس .. ومعلم الغيره عابس
والمدرسة حبك سعه .. يتخرج من الجامعه
ثوب الشهاده لابس
🔹🔹🔹🔹🔹🔹🔹🔹
عدنه احنه يحسين المجالس هيبه
المنبر درسنه الاول وترتيبه
مجلسنه لا مو للهو وللغيبه
الينحرف عن الطريق انجيبه
عن توبة الحر الدرس .. وعن وهب العاف العرس
ثوب الشهاده لابس
🔹🔹🔹🔹🔹
من صف الاول ندرس انسانيه
واحدنه كون اخلاقه قرآنيه
الدار دار الخدمة الحسينيه
الدور المواكب عالدرب مبنيه
وبجنوني اصيرن رسام .. وماارسم اعليك اسهام
ثوب الشهاده لابس
🔹🔹🔹🔹
بقسم الوفه استاذ الوفاء العباس
مو عالمعدل ياخذ على الاحساس
يسلم الوثيقه اكبال كل هاي الناس
طف كربله الهاي الشباب المقياس
نفكر وتكتب لاقلام .. من الخيمه طالع جسام
ثوب الشهاده لابس
🔹🔹🔹🔹🔹
من جامعة حبك يااجمل دكتور
ظلمه الحياة وبس طريقك بي نور
المكسور گلبه تطيبه انتَ المكسور
ياخذ دواه من صيدلية عاشور
وعلاجه مجاني يصير .. بدموع عينه التفسير
ثوب الشهاده لابس
🔹🔹🔹🔹
يالمنبرك سر الحياة انشوفه
وسر الضوه عين الگمر وجفوفه
بكل المراحل نعبر من نطوفه
من اول رسالة مسلم البالكوفه
لحد المخيم والنار .. والينجح يصيح الثار
ثوب الشهاده لابس
🔹🔹🔹🔹🔹
علي حسين المنصوري
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
لسان حال رسول الله صلى الله عليه وآله لولده الحسين عليه السلام عندما جاء مودّعًا قبره الشريف..
(طور "منين اجيلك دربك منين" للشيخ زمان الحسناوي)
إلك بالدنيا يوم وإسمه عاشر
وارض لازم تروح الها وتسافر
الك يوليدي موعد وي بُقُعتَك
والك جنه تحصّلها بذبحتك
على التربان لا بد تبقى جثتك
وتسحگها أميه بالحوافر!
إلك بالطّف رمُح بيهِ انتَه موعود
عَليه راسك يصير بّين لحشود
والك إخت التّعاينله وْيَه لجنود
وعَليها تهجم رجال وعساكر
إلك بالطف خيم موعوده بالنار
والك نسوان بالأطفال تحتار
يمر عليك يوم المثله ما صار
ولا مثله على النسوان صاير
#عظم_الله_أجوركم ◾️
فاطمة علي رزق
اسألكم الدعاء
لينك الطور
https://youtu.be/EXGYaiPnnf4?si=WaQTlJLTFPkSU7bm
#قصائد_في_خدمة_الخطباء
#اليوم_الثاني
#وداع_المدينة
#محرم_١٤٤٦
[قصيدة عمودية]
على قبر البتولِ علا النّداءُ
أنا المظلومُ فارتفع البكاءُ
أنا الإبنُ الحبيبُ أنا حسينٌ
أنا من هدَّ أركاني البلاءُ
أيا أمّاهُ قومي ودّعيني
فقد خطّ الرّحيلَ ليَ القضاءُ
سأمضي في ظلام الليلِ هذا
لِتُستَرَ عن أعاديَّ النِّساءُ
سأصحبُ جُلَّ أهلي ذاكَ وحيٌ
إلى رؤيايَ ألقتهُ السّماءُ
فإنَّ الله شاء لنا بلاءً
وإنَّ اللهَ يفعلُ ما يشاءُ
إلى أرض الطفوفِ يكون سعيي
فأيّامي هناكَ لها انقضاءُ
سأبقى مفردًا فيها وحيدًا
ويُرهقُني الهجومُ والاِعتداءُ
سأهوي عن جوادٍ يومَ قتلي
لهُ وجهٌ تخضّبُهُ الدّماءُ
أيا زهراءُ للتّوديعِ قومي
فدونَ الرّأسِ يختلفُ اللِّقاءُ
#عظم_الله_أجوركم ◾️
فاطمة علي رزق
اسألكم الدعاء
هل محرم يمه گومي من التراب
يمه سوي قرايه لحسين وثواب
هل محرم ،، هل محرم يمه يمه
-------------------------------------------
يمه زينب راح توصل گومي زينب هل أجت
يمه ادري الگبر غربه گوه حيلچ يلبخَت
هل أجت زينب واهلهه
يمه زحمه من الكفلهه
راح تنشد شرد أگلهه
يمه يمه
وينها الچانت تجينه ؟
بثوب الاسود تعتنينه ؟
تبچي بذيال الضعينه
يمه يمه
عمت عيني الزينب وحالة رقيه
هاي چانت چلمتچ يلرافضيه
يمه يا لون الحزن بالغاضريه
ردي مو كل عام بديارچ عزيه
سُفره أم عباس ودموع المصاب
يمه سوي قرايه لحسين وثواب
هل محرم ،، هل محرم يمه يمه
----------------------------------------
يمه هم تبچين هسه لو سمعتي ابكربله
هم تلطمين اعله خدچ علنحر والعايله
هناك هم يصير مجلس ؟
بالظلام وحيل هندس
واليموت شلون ؟ شيحس ؟
يمه يمه
بالگبر وحشه ومصيبه
لا حبيب اليم حبيبه
اخ يا أمي الغريبه
يمه يمه
يمه انشدچ هم بعد عينچ تلالي
لو سمعتي حسين ظل بالحومه تالي
هم بچيتي لضعن زينب صار خالي
يمه غالي حسين عندچ حيل غالي
يمه بعدچ بالحزن سود الثياب
يمه سوي قرايه لحسين وثواب
هل محرم ،، هل محرم يمه يمه
------------------------------------
انتي علمتيني انوحن علحسين بكل سنه
من الزغر صوتچ يلولي بطور فاگد للضنه
بحظنچ وأسمع بواچي
وين راحن هالمحاچي
يمه بعدچ كلشي باچي
يمه يمه
علسياط ابظهر طفله
علذبيح أگبال اهله
علرضيع أبنحره نبله
يمه يمه
يمه أگعدي انريد مجلس وانتي يمنه
انريد حظنچ كون صوتچ مو تعبنه
حتى باوقات الدمع نحتاج لمنه
تالي هذا الموت من عندچ حرمنه
اه يا أم الهلا فگدچ عذاب
يمه سوي قرايه لحسين وثواب
هل محرم،، هل محرم يمه يمه
-----------------------------------------
هل محرم وانه وحدي ميته يلكلچ صدگ
ياهو ينعى اعله السبايه لو صبح يوم الطبگ
ياهو ينحب علعقيله
وللحسين وللعليله
ماتت الدمعه الثگيله
يمه يمه
راحت وياچ المحنه
يمه منتظرين كلنه
شنهي مامش يعني ضنه ؟
يمه يمه
لو صبح عاشور والمقتل نسمعه
نصير لحسين الغريب المات دمعه
بليلة الوحشه وعلى العباس ننعه
نروح يم گبرچ نخلي العين شمعه
يحلى يم گبرچ دمعنه وي العتاب
يمه سوي قرايه لحسين وثواب
هل محرم ،، هل محرم يمه يمه
---------------------------------------
وتقرب ايام الزياره والمواكب تنصب
وينچ انتي الخدمه حانت گومي يمشيبه الگلب
يذكر الموكب خدمتچ
والتعب ذاك أوگفتچ
هالسنه وسفه خسرتچ
يمه يمه
هالسنه اخدم بدالچ
يلي چف الموت شالچ
نكبر ونبقى جهالچ
يمه يمه
شما كبرنه ازغار يمچ يلحنينه
ميته بس چفچ نحسه يكض ادينه
نامي يمه ارتاحي يلبالچ علينه
هاي خدمتنه الچ لا كلشي بينه
واحنه المقصرين لو صار الحساب
يمه سوي قرايه لحسين وثواب
هل محرم ،، هل محرم يمه يمه
كلمات الخادم / رعد الفريجي
16 / 5 / 2024 الخميس
ثوابها الى روح والدتي
اذا دفنوني عنــــي تروح الاحبــــاب
واظل بلا ضوه بهالبيــــــت لا باب
..................................................
اذا خلصت حياتي وزارني الموت ويسكن ونيني
اذا ما بيه حيل اتنفس شلون واهلي مگابليـني ؟
لا مال اليفيد ولا ولد بيه يوم التطفى عيـــني
اصيح وصوتي ما يطلع والاحباب جثه موسديني
واغمض عيني يمهم
واسمع بس لطمهم
واموت وراح اتاني بگبري الحساب
واظل بلا ضوه بهالبيــــــت لا باب
**
اذا علمغتسل والجسد مطروح واحس الصار بيـــه
هواي ذنوب حتى الماي لو طاح ناره تصب عليه
بهاي اللحظه يحضر شخص من نور ويكلهم اليه
هذا الجــان خادم وانا الحسين متمسه الاذيــه
يجي ويگلي لتخاف
الطاف بگبري ينطاف
جنت تحضر عزائي بگلبك صـواب
واظل بلا ضوه بهالبيــــــت لا باب
*
بهذاك اللحد انزل وحدي والروح تدمع بالنــدامه
وعليه تراب گبري جبال لو طاح واشعر بالقيـامه
واظل بوحشه لكن يرجع النور ويـكمل كــلامه
ابد منعوف شيعي يحب الحسين ومــوالي لأمامه
أمن باقي ويـــاك
وحگ زينب حضرناك
الواسى الزهره والله يحـظنه التراب
واظل بلا ضوه بهالبيــــــت لا باب
***
يتركوني الاهل والصحبه والناس وادير هناك عيني
گبل لا اندبه يحضر هو وفاي يوصلني ويجيــني
اخو زينب وحك زينب والخيام ما تــــــرضى بونيـني
صدري انه التحنى بلطم عاشور واصرخ يا حسيــني
تحط چفك عليه
وارد گبل المنيه
وارد اكتبهه زيــــــنب وارسم حجاب
واظل بلا ضوه بهالبيـــــــــت لا باب
**
واحن لحظن امي بذيج الكبور وابرد واعتنيــهه
بس انه بلحد وبچفني مشدود روحي شلون بيــهه
ويجيني الصوت لا تحزن انا هنا لان خادم بنيــهه
يگلي الراس أرفعه الزهره تحميك وتعوضك عليهه
الواسى بگطع الجفوف
ابد ما يوصله الخوف
انه ام عباس وام حسيـــــن الاطياب
واظل بلا ضوه بهالبيــــــــت لا باب
كلمات الخادم / رعــــد الفريـجي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
نزال//علي الأكبر/ع
كبرت الله اكبر٠٠٠٠٠٠٠٠٠٠٠٠٠٠٠٠بالحرب هذا آنه الأكبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
نبضت الغيره ابوريدي وبالمعاره إيصير عيدي
هذا سيف الموت بيدي فوك روس إعداي كبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
الا اشوفكم عجايب من اصول اهزم كتايب
آنه فارسهه الحرايب راح اعيد امجاد خيبر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
بالله والهادي إعتصامي عن امامي وديني احامي
واخطف الروس بحسامي عالزلم بالحومه اكدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
آنه اول هاشمي انزل عالمناية بزودي مجبل
حملة الكرار احمل وادخل ابكلب المعسكر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
للجحافل آنه طالع وابكطع هالروس طامع
ساعة وابعزم الله راجع منتصر هيهات اخسر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٦-
آنه صنديد الملاحم ماتخوفني الصوارم
جبته إلك راس ابن غانم آنه شمرة جدي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
الرادود الحسینی ابوجلیل دردوشی:
ادخل ادخيل طول ياليل
طول ياليل اليله
خل تشبع شوف العيله
ادخيل ادخيل طول ياليل
طول ياليل الأحزان
وبسترك خليني ارتاح
مادام احذالي الوليان
ماريدن يطلع مصباح
ارحم ياليل ابحالي
خل اگعد یم الوالی
من هم البیه احچیله
طول یا لیل الیله
ودخیل ودخیل
یالیل أو وکتک حساس
لو طر اصباحک ماشین
خل نتروه امن العباس
شوف اونتروه من احسین
ابطرة فجرك افگدهم
خاف الله أولا تبعدهم
المن تالیها اشکیله
طول یا لیل الیله
وادخیل ادخیل
المن یالیل اشکی الحال
حرمه أو غریبه أویه الناس
حملی اشیعدله لو مال
ومنین اجیب العباس
انخامن أو یتنخه
ایشد الحمل لورخه
ایتچیله لو بیه میله
طول یالیل الیله
ودخیل ادخیل
المن یلیل أو رمله
ویاها تگصی الایام
اومنواها مابین اهله
جسام ینزف جسام
العرسه عمامه اتحفه
مو للرماح اتزفه
أو سمر الجنه ایغنیله
طول یا لیل الیله
ودخیل ادخیل
بالله یا لیل او گلی
اعلی الهادی کون اتصلی
الاکبر البیه متحلی
باچرک بیه شیخلی
یتگطع اربا اربا
أو یتعفر أبها التربه
ارحم ابحالة ليله
طول ياليل اليله
ودخیل ادخیل
من کلمات وألحان وأداء الرادود ابوجليل دردوشي
مولاي الغريب مولاي الغريب
٠٠٠٠ ٠٠ ٠٠٠٠
جيتك سيدي ندمان اجيتك
خايف وامنت لمن الكيتك
يشراي الحجي وماي العيون
اقبلني عبد عندك نخيتك
لو مامجلسك يحسين مدري بيا درب ضايع
يمشبعني خيرك خير ونته ماي ماشابع
مامثلك شفت مذبوح بخدمته كل بشر طامع
يل بصدرك تروك الخيل ورمح من الضهر طالع
عيشني بحلم بيه الجمت اجروحك
وصيرن بالعشك يحسين مذبوحك
وكون الخيل تركض فوك صدري الخيل
واشوف اشلون طلعت سيدي روحك
مولاي الغريب مولاي الغريب
٠٠٠٠ ٠٠ ٠٠٠٠
غوتني الدنيه عنك تيهتني
العالم ثاني ماعرفه خذتني
وكضيت اسنين عمري بلايه عنوان
وصرت انسان من جفك الزمني
جنت ضايع بلا عنوان الخادم صار عنواني
عشگتك من ذبح يحسين وكلشي عليك حسداني
من اطبن للحسينيات امك كاعده تاني
هله باليبجي عله ابني تصيح وهاجت احزاني
امك فاطمه ومن تنشد عليه
وينه اليبجي للعطشان يوميه
مدري شكبر حضي يصير
يامولاي
اتمنه بمجلسك موجود اليليه
مولاي الغريب مولاي الغريب
٠٠٠٠ ٠٠ ٠٠٠
كضيت ايام عمري عنك بعيد
تقبل توبتي يبن الاجاويد
خليني عبد عندك يلحسين
ونفذ كلشي مني سيدي تريد
ماي لوجه جبته وجيت وادري ماتفشلني
سنين العمر راحت وين هاي دموعي تسلني
ندمان شكثر ندمان هاي الدنيه غرتني
رغم ماشايل من اجروح بس حبك يدللني
أمير وتستمع يحسين كلماتي
بس انته الوحيد اليشري دمعاتي
هاي الناس موش حنان مومثلك
يل تنطي اجر أضعاف خطواتي
مولاي الغريب
مولاي الغريب
٠٠٠٠ ٠٠ ٠٠٠٠
انه الغلطان من ياهي اعتذر الك
اجيت اتؤسلك عن ذنبي اكلك
خل عيني تهل دوم عله طاريك
يل من طيني كلشي حته طفلك
يل مضحي عله مودي عزاز وانه لمامضحيلك
امن عليك يامولاي كون بمجلس ابجياك
عمر كله گضه تقصير دخيلك سيدي دخيلك
اماره النفس بالسوه ومن يامعضله اشكيلك
اخذها الكربله وعيشها بلعاشر
عسه غفله ويجيها تايه الحفر
وتشوف جروح كلبك يلحنين شلون
وعينك صوب زينب سيدي تناظر
مولاي الغريب مولاي الغريب
خام اهل البيت ع
فلاح طالب الماجدي
#
يامن راد يوسف مـــن مغيبه
سالم للخيــــام اوليدي جيبه
ربــي ألطف عليه
رجع اوليدي اليه
*
يربي ابجــاه كلمن عنــــده يمك
جاه. اليــــوم اريد اوليدي منك
مترجع الداعــي انعـــــرف عنك
ضميته حــــــــرز بالـروح اسمك
اترجــــــــاك يــا خــالق السبعه
من ارض المعاره اوليدي رجعه
يـا رب البريــــــه
رجع اوليدي اليه
**
تغير وجــه ابوه حســــــين شفته
شنهو الصـار وي ابنــــــــي سئلته
گلي ادعي العلي ايصيب ابضربته
بـــرز بكـــر ابن غانــــم ليه لمحته
هد حيلي ولچــــم گلبي ابكلامه
ادعــــي ايعـــود الاكبر بالسلامه
وضمه ابـين اديه
رجع اوليدي اليه
*
ابني وعندي غالي وهوه ضخري
ربيتــــــــه ونطيته اسنين عمري
ردته ايضل سنــــــد ليـــام كبري
وردته ايهيل بيــــده اتراب گبري
جيـــــت اتوسـلك يـارب الاكوان
رجع يوسفي وخل انسه الاحزان
بعـده اشلون بيه
رجع اوليدي اليه
**
حيل اتعذبت مــــن ضيــــم دنياي
ردت اوليدي عنــــي ايشيل بلواي
حيـــل ارتـــاح كـون الاكبـر اوياي
وبوادي الطفــوف ايصيرلي افياي
يلچمني الگلـــب لو لحـــضه عفته
وسفه ايضــــيع كل تعــبي التعبته
برض الغاظـــريه
رجع اوليدي اليه
****
ابني افتخــــر وتبــــاهه ابشبابه
بلله اشلون اتحمــــــــــل غيـابه
ربي ادخيل مــن جمرة مصـــابه
ماضلـي صبر وجرع عــــــــذابه
فكري احتـــــار وتعــــذب دليلي
مـابيــــــه احتمل فرگـت خليلي
ردت انضل سويه
رجـــــع ابني اليه
*
الخادم
كامل السعيدي