7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
بويه بويه
ليش حملت الاهل عني ومشيت
كلمات الشاعرة
ام زين العابدين اللامي
بصوت. (: مسلم المطيري)
قصيدة لفاطمة العليله ع السلام
خادمكم عبدالهادي العريفاوي
بويه عكبك وين اروح والظعن عني يروح مااظن تشفه الجروح للعليله
عني لو رحتوا منو اليسأل عليه
عن سفركم بويه سولفلي القضيه
يكلها يابويه نوينه الغاضريه
هذا أمر الله يفاطم مو بديه
تكله ياذيني البعد والظعن يمته ويرد
ماكو صبر ويستعد للعليله
---------------------------
من يمر بيه بعد وشكيله حالي
بويه معناها رحت افكد دلالي
من يباريني بعد جاوب سؤالي
شعندي بالدنيه بعد غيرك يغالي
لو مشوا عني الأهل مايظل عندي أمل
ريته يلفاها الأجل للعليله
---------------------------
دنيه وحشه بغيبتك بويه عليه
ديره وحشه لو لفت ليها المسيه
بويه اطلب خل تظل يمي رقيه
طفله هاي وبالسفر صعبه خطيه
من تطب سوح الحرب خوفي باجر تنضرب صعبه لجمات الكلب للعليه
----------------------------------
شعندي غيرك بويه ياسلوة حياتي
وبغيابك ادري تكثر نايباتي
بويه ريدن تبقه وحده من خواتي
وكلي كومي وياي حت البس عباتي
ادري بي كلبك سمح ترضه كلبي ينجرح
من يعايدها الصبح للعليله
-------------------------------
بعالم الرؤيا شفت اعظم فجيعه
جن اشوف بكربله جساد الصريعه
وبالطفوف كبالي محتاره الوديعه
وشفت ابو فاظل وكع صوب الشريعه
كلها نومه اعله الثرى والاجساد مطشره
شهل حلم ياهل ترى للعليله
--------------------------------
كبالي دخان الخيم بالطف عماني
كمت اصيحن يارقيه اختج اني
ليش ابوي الغالي نايم مااجاني
هاذ رؤياي الشفتها بالثواني
شفت نيران الخيم وشفت عالشاطي علم
جن حقيقه مو وهم للعليله
واتساب ٠٧٨١٠٥٥٢٥٥٧
------------------'-------------------------------#
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
كربله٠٠هاي المدينة بيتي
كربله٠٠هذا الأسم هويتي
للبيهه مدفون إنتمائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
من تسمع بهذا الإسم كربله كلبك ينعصر
تذكر حسين وهله ولفاجعتهم تنكسر
وبراسك اتدور اسئلة ماتنحسب مدري شكثر
محتاجله إتحس كل وكت من دونه مايسوه العمر
كربله٠٠حبهه لكيته إبدمي
كربله٠٠من عدها عرفو اسمي
لحسين ابو اليمه إنتمائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
صارت مزار لكل نبي وتحرسهه أملاك السمه
وكل زاير ايحصل اجر واسمه انرفع يم فاطمة
وعنوان للعز والشرف وانخطت اروع ملحمة
بترابهه حسين انذبح وانتصر عالسيف الدمه
كربله٠٠ياكلبي ليهه اتعنه
كربله٠٠المفروض اسمهه الجنه
وياهه ما اكطع لقائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
تذكار ظلت للمجد منجم بطولات الزلم
مقياس للحك والعدل للعاقل ولليفتهم
كل معلم ابطف كربله تاركله دور اشكد مهم
ومنين ما ادور الوجه يطلع إكبالي هالأسم
كربله٠٠ماينمحي إسمهه
كربله٠٠بدمه السبط رسمهه
يحسين هذا ايظل ندائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
باب الكرامات انفتح من مرقد حسين الضوه
كربله محتظنة الكبر وايفوح عطره اويه الهوه
بارينه منطيه منزله واسهله بترابه الدوه
واسرار مخفية اشكثر جاعلهه ربنه ابنينوى
كربله٠٠لله اصبحت طريقه
كربله٠٠مثل الشمس حقيقه
ابهاي الحقيقه الكه اكتفائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
بيهه اندفن ليث الحرب عباس ابو الغيره الوفي
وآنه افتخر خادم اله وللموت ثابت موقفي
جمرة مصابه ابمهجتي مشتعله ابد ما تنطفي
متمسك ابحب الكمر وبكربله آنه اكتفي
كربله٠٠باجر اجيهه زاير
كربله٠٠من اعظم الشعاير
ابجاه الكمر ارفع دعائي
واتسمه خادم كربلائي
هذا الإسم هويتي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
ياحسينُ ياحسين
=======================
نزفَ النحــــرُ دماء ياحسينُ ياحسين
نصبَ العرشُ عزاء ياحسينُ ياحسين
وعلا صوتُ السماء ياحسينُ ياحسين
و بكتــــــكَ الأنبياء ياحسينُ ياحسين
يا شهيــــــد كربلاء ياحسينُ ياحسين
أنت يانهجَ الوفـــاء ياحسينُ ياحسين
=======================
عالمٌ فيهِ نــتــيـــه ياحسينُ ياحسين
أنت للهادي شبيــه ياحسينُ ياحسين
أنت يا ســـــرُ أبيه ياحسينُ ياحسين
وجلال الله فيــــه ياحسينُ ياحسين
أجترى كيف السفيه ياحسينُ ياحسين
غضبَ اللهُ عليـــه ياحسينُ ياحسين
=======================
رأسُكَ مُــذ قطعوه ياحسينُ ياحسين
فوقَ رمـــحٍ رفعوه ياحسينُ ياحسين
لأبنِ هندٍ أخــــذوه ياحسينُ ياحسين
و لمن ضاع أبـــوه ياحسينُ ياحسين
نوركَ لـــن يطِفِئوه ياحسينُ ياحسين
نــــورُ حقٌ وجدوه ياحسينُ ياحسين
=======================
قبركَ مهدِ الســـلام ياحسينُ ياحسين
وبه يغفو الحمـــام ياحسينُ ياحسين
أينها تلك السهـــام ياحسينُ ياحسين
أين أسياف الضلام ياحسينُ ياحسين
قطعَ النحرُ الحسام ياحسينُ ياحسين
وخفى صوتُ اللئام ياحسينُ ياحسين
=======================
هوَ دمٌ قـــــد أُسيل ياحسينُ ياحسين
أم جراحات الخليل ياحسينُ ياحسين
زمـــزمٌ أم سلسبيل ياحسينُ ياحسين
لم نــــــرى له مثيل ياحسينُ ياحسين
صارَ للحــــــقِ دليل ياحسينُ ياحسين
ذبحَ السيفُ الصقيل ياحسينُ ياحسين
=======================
يا أبي الظيمِ الحليم ياحسينُ ياحسين
خطبُكَ خطبٌ عظيم ياحسينُ ياحسين
قد بكـــــى له الكليم ياحسينُ ياحسين
والســراط المستقيم ياحسينُ ياحسين
أيها الجـــــرح الأليم ياحسينُ ياحسين
لم تــــــزل فينا تقيم ياحسينُ ياحسين
=======================
حسن بشير السوداني
#من_ديوان_فاتح_خيبر_ج١
قصيدة لإربعين الإمام علي (اشعطلك بالوادي)
❥━──➸➽❥❂❥━──➸➽❥❂
هاليوم اربعينك زينب اتنادي
بويه ياعلي اشعطلك بالوادي
❥━──➸➽❥❂❥━──➸➽❥❂
بويه شعطلك وتبعدت عني
اون عليك حيل وما بطل وني
عليك ابگه انوح وما افل حزني
يالرحت وعفتني تمرد افادي
❥━──➸➽❥❂❥━──➸➽❥❂
يالرحت وعفتني اخلافك شحالي
هاليوم اربعينك صار يالوالي
مهضوم الگلب وانشعب دلالي
ليلي ما انامه اوداعت الهادي
❥━──➸➽❥❂❥━──➸➽❥❂
خلافك ما انام الليل سهرانه
خلاني الوكت بجفاك حيرانه
غايب ليش هالغيبه يملفانه
نايم مادريت اخلافك شسادي
❥━──➸➽❥❂❥━──➸➽❥❂
نايم مادريت شصار بغيابك
يجي الخطار بوبه ويوگف ابابك
مهضومين كلهم ضلو احبابك
عليك اتنوح خواني اويلادي
❥━──➸➽❥❂❥━──➸➽❥❂
گلبي انكسر عگبك وانهدم حيلي
عليك ابگيت انوح وما نمت ليلي
انت الخيمه بعدك من يفييلي
ما تگعد تجيلي وتنظر السادي
❥━──➸➽❥❂❥━──➸➽❥❂
ما تگعد يوالي وتترك النومه
تره بتك يغالي اصبحت مهظومه
اون اعليك تدري وحيل مالومه
من يوم الخذاك يدفنك الحادي
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
القصيدة من ديوان 📚قربان الطف الجزء الاول
قصيدة لسان حال ام البنين بعد سفر أولادها إلى كربلاء(والله مره)
❥━──➸➽❥❂❥━──➸➽❥❂
والله مره ... فركة احباب النودهم
والله مره ... راحو ولينه شيردهم
والله مره والله مره
❥━──➸➽❥❂❥━──➸➽❥❂
سافروا لأرض المنيه وكلبي مهموم
نحل جسمي وعيني تبجي محاربه النوم
عالضعون التمشي ظلت روحي تحوم
وين يكضي الليل كلمن حيله مهدوم
البيت ظل وحشه علي ... من بعدهم منهو الي
والله مره والله مره
❥━──➸➽❥❂❥━──➸➽❥❂
ظلمه صارت دنيتي وبيتي عليه
ودعيت اولادي اوداع المنيه
ما اظن يردون اليه وهاي هيه
من سره بيهم الحادي ماله جيه
آ ييمه شيبت ... من الفراك تعذبت
والله مره والله مره
❥━──➸➽❥❂❥━──➸➽❥❂
عيوني تهمل من اصدن وانظر الباب
بصوت اصيحن ما ترجعولي يالاحباب
آه يا حسكم ييمه امن النزل غاب
عالدرب اكعد واناطر ماكو اجواب
وياي بتكم هل تون ... واذبلت من الحزن
والله مره والله مره
❥━──➸➽❥❂❥━──➸➽❥❂
ينهظم كلبي من اباوع للعليله
حنت لعبد الله واشتاكت تشيله
تنادي يالوالي اونتها ثكيله
تنحب بآهات والمدمع تسيله
طول عليها البعد ... زغيره ما تحمل فكد
والله مره والله مره
❥━──➸➽❥❂❥━──➸➽❥❂
آه منك يا زماني شكثر ناديت
واحرمت طفله من أهلها وشمعة طفيت
جروح خمسة من فكدهم بيه خليت
رجع اولادي يدهري ثكله ظليت
بحسره والهم والألم ... حزني واصل للعظم
والله مره والله مره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
*قصيدة للمسير الى كربلاء*
*القصيدة من ديوان عبرات وأنين جزء ٢*
❥━──➸➽❥❂❥━──➸➽❥❂
*يا حادي گلي وين ماشي بهاي الضعون*
*زينب حزينه ونشدتك وتهل العيون*
❥━──➸➽❥❂❥━──➸➽❥❂
يا حادي گلي وين ماخذنه ولينه
تنادي يبو السجاد خويه ماشي بينه
ماشين خويه لكربله وبيها سبينه
تبچي وتون ام الخدر وياها يبچون
❥━──➸➽❥❂❥━──➸➽❥❂
صاحت الحره بصوتها وتجذب العبره
گلبي نخمش من هالدرب والدمع يجره
ياخوي گلبي من الهظم شنهو اليصبره
زينب تون ونشدته وتهل العيون
❥━──➸➽❥❂❥━──➸➽❥❂
ماخذنه اخوي اليوم لأرض الغاضريه
وتدري يخويه هناك أظل وحدي سبيه
بعدك يبو السجاد من ينغر عليه
تبگه اعيالك بالفله خويه ويضيعون
❥━──➸➽❥❂❥━──➸➽❥❂
يا خويه گلي وين ماشين بحرمكم
فدوة تروح الكم يخال ابني اختكم
ولو بيدي وسط الروح يخواني اضمكم
خافن تتيهوني وعلى الغبره تنامون
❥━──➸➽❥❂❥━──➸➽❥❂
لأجلك أرخص الروح فدوة يا ابن امي
عگبك يبو السجاد يثگل علي همي
اندب واصيح بصوت وين الوالده امي
وين اهلي اهل المرجله خلهم يحظرون
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
جروح ليلى لاتندمل بفراق ولدها علي الأكبر/ع
يافرحة عيدي٠٠رايح من ايدي ٠٠مذبوح اوليدي
شصعب من هاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
اشوف٠٠دم نحرك عله الغبره
اشوف٠٠راسك منكطع نحره
اشوف٠٠كل طبره بأثر طبره٠٠اشوف
عطر الورد يايمه بانفاسك
ميت جسد ماميت احساسك
انته الحبيب العايش ابوجداني
يالماخذ افراحي وتركت احزاني
بجيت عيوني٠٠واتغير لوني٠٠واحجي اويه اظنوني
الصارت بلواي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
لكيت٠٠جرحك يلجم اجروحي
لكيت٠٠هم ويكبر ابروحي
لكيت٠٠غربة وفاجعة ونوحي٠٠لكيت
كلما اريد انظرلك اتحير
معقولة هذا اعله الثره الاكبر
من كل كتر تنزف يوجه الهادي
هذا نصيبي امن الدهر وامرادي
جا وين احلامي٠٠لو ذيج ايامي٠٠امكطع جدامي
ياضي عيناي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
اصيح٠٠يبني شمعظم امصابك
اصيح٠٠ما اتحمل اغيابك
اصيح٠٠وحدي وضايع اجوابك٠٠اصيح
جنت ابسمه احلامي بدر عالي
من وجهك آخذ حيلي وآمالي
يوليدي احسك تمشي بين اضلوعي
وانته بظلام الليل أضوه اشموعي
لاجن ضيعتك٠٠بالطف ودعتك٠٠ميت رجعتك
ياسور احماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
انوح٠٠يبني وحالتي حالة
انوح٠٠حمره ادموعي همالة
انوح٠٠الموت لحالي اشوالة٠٠انوح
اتمنه روحي اتبعك وتطلع
ياريت اظل يمك وما ارجع
يايمه بالطف ضيعت اسنيني
ورافكني حزني والبجي واونيني
تسمع وناتي٠٠واعليك آهاتي٠٠ياسري وذاتي
وعمري ورجواي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
ذبيح٠٠هاي الحركه البكلبي
ذبيح٠٠ما وجد بعد دربي
ذبيح٠٠رايح يا الذ تعبي٠٠ذبيح
جابوك الي امكطع عله الخيمة
جم ساعة بعدك واكطع الهيمة
يايمه يم طولك ردت مذبوحة
جاكلبي يكطع ونته وكل نوحة
ياتعب اسنيني٠٠ما اشوف ابعيني٠٠ابغربه امخليني
ومابين اعداي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
الآن انكسر ظهري//ساعد الله قلبك يا اباعبدالله
صار الحمل ثكيل٠٠عالمشرعة الكفيل
اصعب خبر٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
بس الله يدري ابحالتي واليعلم
ركن الصبر من طاح اخوي اتهدم
معذور اذا جفني تفايض من دم
وبكلبي حزن الفاجعة كله التم
هدمني هالمصاب٠٠نورك يخويه غاب
والهم كبر٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
يافارس الطف مايشبهك فارس
يالماالك بارض الوغى منافس
هذا آنه يمك يابو فاضل جالس
ترضاهه زينب ماكو يمها حارس
كظ رايتك يخوي٠٠واسندني يبن ابوي
كلبي انفطر٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
بس غيره ينضح ياكمر جبينك
اشلون السهم ياخويه يطفي عينك
وابكترك ايسارك بكه ويمينك
واشظل بعد ياخويه بيني وبينك
من طاحت الجفوف٠٠شتظن بعد اشوف
ظهري انكسر٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
يا ابالفضل عكبك اظل اوحيدي
محني الظهر ودموعي تترس ايدي
يتركني وسفه ابكربله عضيدي
ياونه يادمعة لمصابه زيدي
حامل لوائي طاح٠٠من ايدي كلشي راح
موتك حضر٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
اشلون انقل لبت حيدره الرسالة
وانته الشهم عباس ابو البسالة
معقولة اكلهه اللازم الكفالة
ظل عالنهر والعلكمي بجالة
زينب يخويه هاي٠٠كل ظنهه انته جاي
جدمي عثر ٠٠طاح الكمر
عالمشرعة الكفيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
قتلت اباك الحسين بمقتلك ياشبيه الرسول/ص
طايح اعله الغبره يوليدي علي
كلشي راح وكلشي ما خليت إلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
ياحلاة ارسوم وجهك يولدي
يافرحتي المن وجودك تبتدي
صار وي موتك لقائي وموعدي
وآنه بين احزاني صرت وعاذلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
من وصلتك ياعلي شفت العجب
جسمك انظرله صبح اربا ارب
بويه ساعتهه الضوه ابعيني انحجب
ونار فكدك بيه ظلت تصطلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
ردت اشيلك ياعلي وكظني الألم
ماشفت من جسمك امجان السلم
اشلون اردن بيك يبني اعله الخيم
وامك اتريدك عدل ياكل هلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
بويه لميت السوالف والحجي
يبني والمسموح ظل بس البجي
حيلي هدمته عليمن انتجي
وآكف اعله مصابك ابون معتلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
يبني كلبي اوياك راح ومارجع
وكل عضو امن اعضاي حسيته انصدع
جن رسول الله اعله ارض الطف وكع
وكربله بدم جدي كلهه تمتلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٦-
اجروحي ما الهن بعد فكدك شفه
والفرح مامر عليه اولا لفه
ياعلي بعدك عله الدنيا العفه
وكون كبرك صار كبري ومنزلي
مذبوح٠٠٠٠٠٠٠٠٠٠٠٠٠٠٠٠آه يالولد
بلاروح٠٠٠٠٠٠٠٠٠٠٠٠٠٠٠آه يالولد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
فاطمة العليلة /ع تقول:
تره افراك الأهل شده وصدك كلفه
انفتح جرح الهجر ما اظن بعد يشفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
انه الطفلة العليله التكسر الخاطر
واكول اليوم اظن يلفوني لو باجر
لجن بس الدمع بعيوني ظل حاضر
ولا ادري ابدليلي لحدمن ايكابر
اريد اشتم عطركم ياهلي اتمنه
واريد اكطع بواجي عيوني والونه
ضكت مر الهجر مر وآنه ما اعرفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
اغص ابنايباتي واشهك ابحزني
واشوف الفركه شوج والبكلب بزني
هلي وكل ساعة طرواكم واجه وهزني
الفرح من دفتره يهالرحم جزني
اعيش ابمحنتي ومتكسر اجناحي
صحتكم والصده الجاوب عله اصياحي
صدك لاظل حلم يجمعنة لاصدفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
اسولف ويه روحي وروحي تعبانه
مثل ثكلة اعله ابنها اهواي حزنانه
تناشدني اعله اهلهه وهيه لهفانه
اشعجب كل الأهل ماهيه ويانه
هلج بالطف يروحي وهاذي مو سهلة
واجه الموت وبعد ماينطي اي مهلة
ردت كبل الأهل روحي تجي ابجفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
انه ابطرك النفس واضلوعي محنيه
واشوف اشموعي ذيج الحلوه مطفيه
وسف عشرتنة صارت صفحة مطويه
ولا واحد اجاني وينشد اعليه
عرفت الباسفر يرجع بعد مده
وانه امن اهلي عليه محد اتعده
المرض والفركه جفه وشامتي ابجفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
حده الموت ابظعنكم كلشي هل واضح
بواجي امن الخيم كمت اسمع وصايح
يبويه وجني اشوفك عالرمل طايح
هظيمة ابدم وريدك فايض او سابح
يبويه وهالعمر بعدك فلا اريده
واشوفن كربله الماخذتك بعيده
صفكت اجفوف اديه وكلت الف وسفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
وداع ليلى والأكبر///
يوليدي العبره بأنفاسي وظل ما يطلع صوت
رايح يايمه وما اشوفك ماشي لصوب الموت
ولاتدري٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
ياسر فرحتي٠٠ارحم عبرتي
امك شافتك انته السند وإلهه التجيه
لا تمشي عني٠٠ يفضحني وني
تكسر خاطري وعين الشماته اتصد عليه
ابليلي ونهاري٠٠ظل دمعي جاري
وكتلك ياعلي ارجع الي محد اليه
مابيه اعوفك٠٠اتمنه اشوفك
ياماي وتبده اعله الرمل من بين اديه
يادم شرياني ودلالي يالغالي اترجاك
ارجع للخيمه ومر بيه ما اعيش بلياك
اختنك صدري٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
صوتك بأذاني٠٠شدني وخذاني
لسنين الربه ايام الصبه وذيج الليالي
من جنت اشمك٠٠انسه آنه يمك
جن طير وصفك جنحه ابسمه ولاح المعالي
ماكو بحلاتك٠٠يبني اشغلاتك
ابحلمي وصحوتي صبح ومسه دوم اعله بالي
تاليهه تمشي٠٠ومايبقه كلشي
لأمك ياعلي بس الدمع هذا البكالي
اشسويت ابحال امك يبني يالما تدري بهاي
جنت اتفي اعليه ابطولك هسه بلاي افياي
يكل عمري٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
ايدي اعله ضلعي٠٠وبللني دمعي
بعدك ماشفت حزني وجرح كلبي ومصابي
رجعلي روحي٠٠واكطعلي نوحي
من ساعة طلعتك ماطفت جمرة عذابي
التفكد ولدههه٠٠واشباكي عدهه
ارد اسمع جوابك ما اريد اسمع جوابي
ارجع يالأكبر٠٠لاتبطي اكثر
مدنكة ومن اشيلن راسي كون انته اعله بابي
لا تلجمني اكثر يوليدي ما احمل شوغات
وآنه اشما اشوفك يالأكبر ماترجع هيهات
خلص صبري٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
عايف ثنيتك٠٠امكطع لكيتك
جابوك ابحصيره لخيمتي وينزف وريدك
بيا عين اصدلك٠٠وياجرح اشدلك
وآنه ادري ييمه اشما اسوي ما افيدك
مارد دليلي٠٠هادملي حيلي
كظ ايدي مثل ما جنت امس ايدي اويه ايدك
مصابك ضهدني٠٠عنك بعدني
ردتك والأجل كبلي يبعد امك يريدك
حسبالي امن اتروح اتردلي يا اغله الاحباب
تالي بدرك عن عين امك بتراب الطف غاب
انشده فكري٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
ما اريد اودعك٠٠لو بيدي اتبعك
واحفرلي كبر واحد واطم روحي اويه روحك
هذا انته يمي٠٠بس جثه مرمي
كلي اشلون اصدلك يمه واحسبهن جروحك
ياضي عشرتي٠٠عود لكبرتي
ذاخرتك ذخر بس الأجل قرر يلوحك
آخر كلامي٠٠ظل كلبي دامي
وكل لحظة التمر ياسلوتي ابجي وانوحك
من تروح لكبرك يبني كلبي اوياك ايروح
وبعيني ايظل وجه الهادي وجهك يالمذبوح
انجتل ذخري ٠٠انكسر ظهري٠٠ابرمح دهري
ماشي لصوب الموت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت /ع/ميثم الخزاعي
نعي//زينب/ع/تخاطب الحسين/ع/وهو محزوز الوتين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما ادري ابدليلي جم الم هاج
موكد للحزن بضلوعي ظل واج
صباح وليل جفني ماغفه وحاج
يخويه لشوفتك بت علي تحتاج
إنكطع نحرك ومني كطع هروش
وقليل السده اعليه ابحسبتك موش
ردت الزم الموت ابجفي ما انوش
ولا عندي اليدافع عني وايحوش
يبو السجاد هزله النوك تنشاف
واليحدون بيهن وآدم اجلاف
بناتك من خوله وحرمله تخاف
محامل مايله والتهوه تنعاف
مره اصياحي عالي مره داني
ابكلاهن خويه جرحك مرداني
مره امسح دمعتي من رداني
ومره ابسده الوذ امن آل اميه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
قصيده بحق مولاتي العليله
/وزن القصيدة مثلث /هجري;
بويه بويه ليش حملت الأهل عني ومشيت
بويه بويه وبيــه أضنك يالولي ما حسبيت
غيــابكم والله عــذاب
روحي ماتحمل مصاب
بويه بويه بويه بويه
/////////////
بويه تانوني صحت ريضو بالضعون
وعالدرب ضلت وراكـم تربي العيون
المرض هدني يغـــــالي وغــير الون
شلون عفتوني عليله وعني ترحون
ادموعي سالت كلبي ذاب
روحي ما تحمل مصـــاب
بويه بويه بويه بويه
//////////////
ادري هالســـفره طويله وكلهه اخطار
وبيكـــم يغدرون والله ذوله الاشــرار
تنذبح برض الطفوف اخواني الاقمار
ويوم عاشـــر ما تضل للعيله أســـتار
ينــــذبح حلم الشــباب
روحي ما تحمل مصاب
بويه بويه بويه بويه
////////////
عمه شـو كلكــم رحلتو مــن نزلنه
بقت بس الذكريــات الكــــم يهلنه
كل مكان بعيني شوفن اصـور النه
من چنت اغفه بحضن اهل المحنه
بويه رجعولي الجـواب
روحي ماتحمل مصاب
بويه بويه بويه بويه
///////////
ونت النوگ اعله حالي وهلت ادمــوم
شفت بوجوه الفواطــم حرگه وهموم
ولني اسمع صوت اجاني بگلب مالوم
گلــي ارجعــي يالعليله وبســـچ أللوم
والله ميفيد العتـــــاب
روحي ماتحمل مصاب
بويه بويه بويه بويه
////////////
گلي يرجعلج علـي ويگرلج العـــــين
الخاطري كفـي الدمع يخت الميامين
دموعچ يذبحن ذبح مثل السجاجين
هذا حكــم الله يبــويه وانتي تدرين
بكربله انشوف الصعاب
روحي ماتحمل مصـاب
بويه بويه بويه بويه
////////////
روحـــي راحت بالضعن ترعه المداليل
تعثر النوگ انه اخــــاف وبيهن اتمييل
حته مـــــن يوگع طفل أنـــده يالكفيل
وفرش افرش للهواشم من يجي الليل
وللرضــــيع وللربـــاب
روحي ماتحمل مصاب
بويه بويه بويه بويه
//////////
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه،
الفاتحه الى روح والدي،ووالدتي،💔💔
الى أهل العزاء
خذوا هذا النداء
من أهل الجحيم الصوت مسموع
الى اهل المجالس وأهل الدموع
تطفى بدمعه هالنار
لو ماشين زوار الى أهل العزاء
*****
من أهل الندم صرخه عظيمه
عذاب النار لحظاته أليمه
غضب رب العباد وسوء الاعمال
وجريمه الما تصح منهه جريمه
غرتنه الحياة وچنه عدلين
ما چنه انتصور يوم ميتين
الخساره الكبرى چان يصير كل عام
ولا مره حضرنه المجلس حسين
الخدم هسه بأمان
في اعلى الجنان
كل دمعه بأجرهه اتطفي نيران
الما يبچي اعله زينب هذا خسران
الصاح بحرگه وبآه
يدخل جنة الله الى أهل العزاء
**
اغيثونه ( بدمع ) لا (دمعه وحده )
لا بس (حسره ) شده النار شده
أهدونه نفس من مجلس حسين
اذا يوصل تشمه النار تهده
وين اهل المجالس قربه لله
علينه تصدقوا بنص چلمة آلاه
اذا آه وقصدهه خيام الحسين
تطفي أچم جهنم هذا شفناه
وضح يوم الحساب
ثواب وهم عقاب
دمعتك في يمينك والف علخير
هنيئآ يا حسيني وتشفع تصير
الباچي بيوم عاشور
يشوف حسين ويزور الى أهل العزاء
**
يزوار الحسين أهل الحميه
يمن عدكم ختم من الزچيه
اذكرونه (بزياره) (بركعه) (تسبيح)
حدر قبة شهيد الغاضرية
ترانه من العذاب ارواحنه تصيح
سراط المستقيم وخوف والريح
الما لازم ضريح حسين ميفوت
لو عابد دهر ما يعبر يطيح
ندم آه ونحيب
الما زار الحبيب
شفيع الناس دنيا وآخره أوموت
راسه اعله الرمح بس واضح الصوت
اهلا يا موالين
انه الحاميكم حسين الى أهل العزاء
*
شفنه احنه العجب كل العجائب
تعوفك كل هلك لا يبقه صاحب
بيوم المحشر ومجموعة تنشاف
تعرفوهم منو ؟ أهل المواكب
نفس همت گبل لو مدو الزاد
يعرفون الحسيني هناكه تعداد
بثواب الكافل يوزعون بالماي
حتى بجنة الله الخدمه تنعاد
تحية أحترام
يخدام الامام
واحنه من العطش ما نگدر نشوف
البعيد من الخدامه تعوفه الچفوف
حاله يكون يا حال
ذنوبه بثگل الجبال الى اهل العزاء
****
مشو للجنه بأعداد الغفيره
لا هيه تظاهر لا مسيره
رغم لبسو سواد اوجوهم نور
رفعو لافته اتعيش الأميره
خدم زينب هذوله الدگو أصدور
هيئات اللطم ودموع عاشور
ترف أعلامهم للجنه ماشين
سعيهم للحسين المات منحور
يدخلون بنشيد
مولانه نريد
نشوفك وانته يحسين النريده
يجي العباس ردنه انقبل أيده
دنيا ومن خدمناك
ونريد نكون وياك الى أهل العزاء
✍️✍️ رعد الفريجي
#رثاء_الراحلين_وحزن_الفاقدين
دمعي بشَوقٍ لا يزالُ يسيل ُ
والحزنُ من بعدِ الفراقِ طويل ُ
وأنا الذي سلبَ التسَهّدُ نومَتي
والجسمُ بعدَ الراحلينَ عليل ُ
لا خيرَ في الدنيا خلافَ أحبتي
إذ إنَّ رُزء َ غِيابِهِم لجليل ُ
🏴أبوذية
خبر لفراگهم گلبي ويا هم
وبگيت اسحن صبر ولهم ويا هَم
أروحن ريت يا عالم وياهم
واموتن بلكت يسمعون بيه
#سمير_الصالحي
#النجف_الأشرف
#ليلة_1_ذي_القعدة_1445هـ
#ليلة_الجمعة_9_5_2024هـ
فزاعيه لاربعين الامام علي عليه السلام
✍🏻✍🏻✍🏻
اليله اربعينك. ياعلي داحي الباب
ابشده طايح. جايلك طلااب
✍🏻✍🏻✍🏻
صار أربعين وجيت ليكم عناي
اه ياعلي لا ترد تعرف منواي
عندي قضيه وكلفيتك بهاي
يسمونه. حلال الصعبه
✍🏻✍🏻✍🏻
حلال المشاكل جيت اندبنه
عندي مشكله ودواي اريدنه
بالزهره الزجيه اليله احلفنه
وحلفيته. بالضلوع الزهره
✍🏻✍🏻✍🏻
نعازي الزهره هليله والحسين
وزينب خل تعزيهه النساوين
وينك يالمحب اجريهه العين
المولانه. هليهه الدمعه✍️✍️✍️
تلوك الدمعه لحيدر الكرار
الله يساعدج زينب عله الصار
فاگد ابو حسين ويستعر نار
زينب بمصابه. نعازيهه
✍🏻✍🏻✍🏻
نعازيهه بحزن وبنوح وبونه
تكول ام الخدر مابعد اندهنه
راحت عزوتي وارح خيمتنه
من يومه. الهيبه نشالت
✍🏻✍🏻✍🏻
تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر
#من_ديوان_فاتح_خيبر_ج١
فزاعيه لأربعين الإمام علي (وام الحزن مهظومه)
❥━──➸➽❥❂❥━──➸➽❥❂
صار اربعينك ياعلي
وام الحزن مهضومه
❥━──➸➽❥❂❥━──➸➽❥❂
مهظومه وتهل الدمع
وتگول دلالي انفجع
الوالي راح ومارجع
ضليت اون من يومه
❥━──➸➽❥❂❥━──➸➽❥❂
ضليت اون من فرگته
اليوم روحي رادته
كلساع اشم اعمامته
واذكر هذيج ارسومه
❥━──➸➽❥❂❥━──➸➽❥❂
اذكر ارسومه وانتحب
انمرد گلبي وانشعب
اشلون عالهامه انضرب
ضلت تسيل ادمومه
❥━──➸➽❥❂❥━──➸➽❥❂
ادمومه ضلت سايلة
بغيابه تبچي العايلة
وبجاله چنت امدللة
هسه اصبحت مالومه
❥━──➸➽❥❂❥━──➸➽❥❂
مالومه روحي صبحت
العيد اجاني وفرفحت
يابويه ماتگعد صحت
اصرخ واشم اهدومه
❥━──➸➽❥❂❥━──➸➽❥❂
اصرخ ومابطل البچي
للمگبره شال الزجي
عدمن اخلافه اشتچي
من الدهر واعلومه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
#من_ديوان_مسير_الفواطم_ج٥
قصيدة للمسير الى كربلاء(شايل رايته الخضره)*
❥━──➸➽❥❂❥━──➸➽❥❂
متعني الحرب عباس
شايل رايته الخضره
❥━──➸➽❥❂❥━──➸➽❥❂
تعنه الكربله بزوده
شايل رايته وجوده
والبيرغ على زنوده
وبيده يباري الحره
❥━──➸➽❥❂❥━──➸➽❥❂
بيده الگمر يحميهه
وحدها ما يخليهه
يعاينها ويباريهه
ينطيها الولي عمره
❥━──➸➽❥❂❥━──➸➽❥❂
بيده الگمر ماخذها
من ودعت گبر جدها
والدمعه على خدها
تون وبالگلب حسره
❥━──➸➽❥❂❥━──➸➽❥❂
تون وتگله رجعني
لارض الكدر ماخذني
اخافنك تضيعني
وگلبي عليك شيصبره
❥━──➸➽❥❂❥━──➸➽❥❂
شيصير الگلب شيهيد
يالغيرك ابد ما اريد
ردني للوطن يا حيد
ما اتحمل الكسره
❥━──➸➽❥❂❥━──➸➽❥
عگبك ينكسر ظهري
انت هيبتي وخدري
لوكت الموزمه ذخري
تنام شلون عالغبره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
#من_ديوان_مسير_الفواطم_ج٥
*قصيدة للمسير الى كربلاء(ودعنه الاوطان)*
❥━──➸➽❥❂❥━──➸➽❥❂
ودعنه الاوطان ... ودعنه الاوطان
ودعنه گبرچ فاطمه
والدمعه صبت من دمه
والگلب حزنان ... ودعنه الاوطان
❥━──➸➽❥❂❥━──➸➽❥❂
ودعنه كبرج يم حسن يمه وبچينه
وسدينه بيبان النزل كلنه ومشينه
تعنيه لطف كربله وعفنه المدينه
وعباس گايد ناگتي ويحدي الضعينه
عباس اخذني لكربله
ومنه المدامع هامله
وحسين حيران ... ودعنه الاوطان
❥━──➸➽❥❂❥━──➸➽❥❂
حيران الحسين السبط والدمع بالعين
يعاين علي طول الدرب واعله النسواين
گلي يخويه تصبري ولا لا تخافين
گلته خويه خايفه لا يغدر البين
وياه طلعت بهيبتي
وما ادري يمته رجعتي
وي آل عدنان ... ودعنه الاوطان
❥━──➸➽❥❂❥━──➸➽❥❂
ما ادري يمته رجعتي يبن امي للدار
حاچيته جاوبني وحچه والدمع نثار
گلي اليصير بكربله وخبرني بالصار
تشوفينه باچر عالثره والگلب محتار
اشوفيني نايم عالثره
وعباس اديه مبتره
ونايم بتربان ... ودعنه الاوطان
❥━──➸➽❥❂❥━──➸➽❥❂
تشوفينه نايم عالثره بوسطة الحومه
مطبورة منه هامته وتنزف دمومه
احا يعملة كربله واحا ييومه
يغدرونه الگوم الكفر الشاعت علومه
بعامود راسه ينضرب
المعروف ساعات الحرب
وتنسبي النسوان ... ودعنه الاوطان
❥━──➸➽❥❂❥━──➸➽❥❂
للكوفه يسبون الحرم ويچتفوها
واطفال ما تحمل تعب ويعذبوها
وبنتي رقيه تنضرب ويسلبوها
كفار ما عدهم رحم ما يرحموها
وانتِ اسيره اعله الهزل
وايديچ مچتوفه بحبل
وبعازة اخوان ... ودعنه الاوطان
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
*من ديوان📚 مسير الفواطم لارض المظالم الجزء الاول*
*قصيدة للمسير الى كربلاء(آه يالاولاد)*
❥━──➸➽❥❂❥━──➸➽❥❂
لسان حال مولاتنا ام البنين عندما ودعوها اولادها وسارو الى ارض كربلاء تگول:
ودعوني وسافروا ... وللمنيه حملوا
آه يالاولاد آه يالاولاد
❥━──➸➽❥❂❥━──➸➽❥❂
ودعوني وسافروا للغاضريه
وبگت دمعاتي عله خدي جريه
رحتو كلكم واضن متردون اليه
توادعت وياكم اوداع المنيه
هذا اضن آخر وداع ... صرت احسن بالضياع
آه يالاولاد آه يالاولاد
❥━──➸➽❥❂❥━──➸➽❥❂
روحي صارت ضايعه من ودعتكم
ريت بوداع المنيه ما شفتكم
وريت لارض الغاضريه رافگتكم
من الزغر يولادي انه ما فارگتكم
ريت رافگت الضعن ... گلبي بآلاه امتحن
آه يالاولاد آه يالاولاد
❥━──➸➽❥❂❥━──➸➽❥❂
گلبي محزون النوايب تعبنه
البيت ضلمه وخالي من اهل المحنه
انه والطفله العليله نجر ونه
عله العتبه ننتظر تلفون النه
بعتبة الباب انتظر ... الگلب يتلاهب جمر
آه يالاولاد آه يالاولاد
❥━──➸➽❥❂❥━──➸➽❥❂
الگلب يتلاهب جمر ويريد الاحباب
راحو وخلو عيوني تربي عالباب
مر ابد ما ينحمل يفراگ الاطياب
آه يا عظم الرزيه وعظم المصاب
آه يا عظم البله ... منين اجتني كربله
آه يالاولاد آه يالاولاد
❥━──➸➽❥❂❥━──➸➽❥❂
منين اجتني كربله واخذتلي الاحنان
وخذت مني حسين ويه گمر عدنان
نعصر گلبي وخايفه انه على النسوان
من مشه وحمل ضعنهم حيلي ركدان
راح حيلي والگلب ... عليه فرگاهم صعب
آه يالاولاد آه يالاولاد
❥━──➸➽❥❂❥━──➸➽❥❂
*بقلم ✍ شاعرة اهل البيت ع*
*العلوية مريم النور نسألكم الدعاء الفاتحه الى روح اختي ولأمواتكم غير مبري الذمه من يحذف الاسم او يأخذ الكلمات:🍃*
فاطمة الزهراء/ع تطلب من خدام الحسين/ع/طلب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعالو لمجلس ابني اوليدي مذبوح
نتذكر مصابه ونبجي وانوح
نقره وتهمل العين٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
من ينعقد مجلس لبني ياناس
اتعنه ابدمع والطم عله الراس
مره حسين اصيح ومره عباس
ومن اتلفظ اسمه اشهك بالانفاس
لبسو الثوب الاسود وابجوا وياي
آنه ام الذبيح الماشرب ماي
كلبي صوبه البين٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
هله ابكل واحد ابمجلسنة موجود
يقره ابصوته ينعه ايصير رادود
يوزع ماي شاعر يبقه شادود
واكرمه العله حسين ابدمعته ايجود
راس ابني انكطع وانحز وريده
وردوا منه كطعوا خنصر ايده
جيش اندار صوبين ٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
احب دمع النواظر لبني لو طاح
واحب الزاير لكبره اذا راح
اشوف اجروح ابو السجاد ترتاح
اذا صار ابعزاءه ملتقى ارواح
ما انسه اليذكره ودمعه سجاب
وافرح باليشاركني بالمصاب
ماكلتولي بعدين ٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
آنه ام الغريب الراسه مكطوع
ذاك الكسروا من صدره الضلوع
ضامي إمسلب ومذبوح وايلوع
لما صوته انكطع ماعاد مسموع
اشلون ابكربله ايضل ابني عطشان
وابكتره الفرات اتلزمه عدوان
جانت هاي الك وين ٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
باجر بالقيامة اذكركم اهناك
اكله لخادم ابني الزهره وياك
اخذ صك الشفاعة ابيمنتك هاك
ذاكرنه ابدمعتك عيب ننساك
كل واحد حضر مجلس يشيعة
بالمحشر اصيرله الشفيعة
واوفي لشيعتي الدين٠٠٠٠مات ابكربله حسين
نتذكر مصابه ونبجي وانوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
هكذا كان نداء خدمة الأمام الحسين/ع
نواسي البضعة٠٠ابنوح ودمعة٠٠بهاي المجالس
نلتم نحضر٠٠يم المنبر٠٠واحنه العوابس
ماتنشف دمعات العين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
ابدمع ساجم٠٠اجه الخادم٠٠عله المأتم
ولا يكطع٠٠تره المدمع٠٠تفايض دم
لبسنه اسود٠٠حزنه اشتد٠٠والك نلتم
حجه اعلينه٠٠الخسر دينه٠٠ولانهتم
نمشي ابدربك٠٠نطلب كربك٠٠يبن الزجيه
نلطم نبجي٠٠بيومك نحجي٠٠انته الهويه
لامره انكول ومرتين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
ابضمايرنة٠٠ومشاعرنة٠٠لكينه اسمك
العده انكله٠٠الحسين اغله٠٠انتصر دمك
العزه انحضره٠٠والك نقره٠٠رغم خصمك
ابعشك صحنة٠٠نريد احنه٠٠نظل يمك
ياخيمتنة٠٠احفظ لمتنه٠٠وسجل الاسامي
انته القدوه٠٠لحبك نهوه٠٠وكل شيعي ضامي
يالما منك والله اثنين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
ابكطع نحرك٠٠جبل صبرك٠٠ثبت بالطف
الى الباري٠٠صبح جاري٠٠نهر ماجف
وجه للحك٠٠شمس واشرك٠٠وجه مصحف
العزاء ارتج٠٠ضجيج ابحج٠٠ثكل ماخف
انشيل الرايه٠٠ابكل اقرايه٠٠وباقي عزانه
نرخص كلشي٠٠لطفك نمشي٠٠حبك دعانه
ولو الله ايمدنه ابعمرين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
المحب حاضر٠٠والك ناصر٠٠وحك جدك
ولانبعد ٠٠عله الموعد٠٠نجي انكصدك
ينور الكل٠٠بدونه انظل٠٠منو ابكدك
يبو الغيره٠٠وضوه الديره٠٠الكلب ودك
اوياك انوافي٠٠وحبك كافي٠٠مانلكه مثله
انته الأول٠٠لا ماتنمل٠٠كل ليله احله
وعنك مايبعدنه البين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
نجي انزورك٠٠نحب نورك٠٠بدر ساطع
الكلب ودك٠٠حضر عندك٠٠والك طالع
بجه ليومك٠٠عله اهمومك٠٠ولا كاطع
يون سكته٠٠عليك انته٠٠ابحزن كابع
حبك نعمه٠٠وانته الرحمه٠٠يارحمة الله
الزاير كبرك٠٠دوم ابذكرك٠٠بالحضره صله
هذا الفايز بالدارين٠٠وانظل خدامك يحسين
واحنه العوابس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
زينب /ع /تنعى الحسين /ع/في العاشر من المحرم
بعد المقتل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
وآحسينا٠٠وآحسين
هذا ابوالسجاد مكطوع النحر٠٠وآحسينا وآحسين
كل ضلع بالطف لبو اليمه انكسر٠٠وآحسينا وآحسين
خنصر ايده ماسلم هم انبتر٠٠وآحسينا وآحسين
آين طه عنه اين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
جسمه من كل صوب يتفايض دمه٠٠وآحسينا وآحسين
جبده ظل مفطور من حر الضمه٠٠وآحسينا وآحسين
اشلون لو شافته امي فاطمة٠٠وآحسينا وآحسين
لتعالت كلمتين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
صدره وي ظهره تساوه امن السحك٠٠وآحسينا وآحسين
ومدري من حسين كطعوا جم عرك٠٠وآحسينا وآحسين
فوك هذا إخيام زينب تحترك٠٠وآحسينا وآحسين
قتلوه مرتين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
ليش مرمي اعله الثره بحر الشمس٠٠وآحسينا وآحسين
وابنبل طول ابوالاكبر ينترس٠٠وآحسينا وآحسين
الماي عن اطفاله بالطف ينحبس٠٠وآحسينا وآحسين
وآفر في الضفتين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
ثوبه من بعد الجتل ليش انسلب٠٠وآحسينا وآحسين
وجسمه بخيول اعوجيه وانسحب٠٠وآحسينا وآحسين
حته صيوانه مشوله وانهب٠٠وآحسينا وآحسين
لوعتي في الخافقين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٦-
خويه راح اتعنه صوب المشرعة٠٠وآحسينا وآحسين
ادري بالعباس جثته اموزعة٠٠وآحسينا وآحسين
والله مدري اشلون اصد لمصرعة٠٠وآحسينا وآحسين
قطعوا منه اليدين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٧-
وسفه مثلك ينذبح وانته الأبي٠٠وآحسينا وآحسين
ويحدي بظعون الهواشم اجنبي٠٠وآحسينا وآحسين
بت علي الكرار عكبك تنسبي٠٠وآحسينا وآحسين
وبكتك كل عين٠٠وآحسينا وآحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
جروح الحسين/ع تكلمت وآعباسا
بدر الهواشم٠٠٠عالغبره نايم
عباس اخوج اعله النهر مكطوع الزنود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
يزينب من تعنيته لكيته اعله النهر طايح
شسولفج يبت حيدر واخوج ابدمه ظل سابح
سواد ابعيني ظل يفتر ولاظل شي بعد واضح
واريد احجيلج اشكلي كلامه جان الي جارح
سمعي اشحجالي٠٠٠٠٠٠٠٠٠٠راعي المعالي
كل جلمة بجت ناظري وظل كلبي ممرود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
يكلي لا تحز راسي لمن يحضرني ابو اليمه
مايعرفني آنه حسين كاعد وانتحب يمه
ابسهم عين انطفت منه وعين اعليهه ظل دمه
امن اخيك شنهي التريده يشمني كال واشتمه
يمك عضيدك٠٠٠٠٠٠٠٠٠٠٠٠٠٠٠٠٠لاتمشي اريدك
هذا آنه يمك منطرح وبطولي ممدود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
تشابكنه ابدمع جاري يخويه واسمع اونينه
وردت لخيامي اجيبنه امتنع والمستحه ابعينه
يكلي اوياك ما ارجع تراني امواعد اسكينه
ويكلي هذا عباسك صريع ويمه جفينه
تتركني وحدي٠٠٠٠٠٠٠٠٠٠٠٠٠٠٠٠وبس انته عندي
كتله وسكت راعي الوفه وفاي العهود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
يزينب وآخر احجايه الحجاهه اهواي تكسرني
يكلي او وصل لزينب سلامي وخلهه تعذرني
ويكلي ادري ابدمعهه ايطيح كلما هيه تذكرني
ويكلي الحمد لله وجيت وكت الموت تحضرني
شوغة ابدليلج٠٠٠٠٠٠٠٠٠٠٠٠٠٠٠٠٠طايح كفيلج
مانلكه مثل امروته اولا مثله موجود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
وغلاتج من تركته وجيت ابجي وحسرتي ابصدري
يزينب من وكع عباس خويه آنه انكسر ظهري
يخويه وعظم الله اجرج بهاي الفاجعة واجري
وبعد كل حيله ماعندي اللآهي فوضت امري
هاي المصيبة٠٠٠٠٠٠٠٠٠٠٠٠٠٠٠٠٠صعبة وعجيبة
لا كافل اليرجع بعد لا اخيج ايعود
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
هل شهر عاشور والمدمع جره
وجمرة امصابة ابمهجنة اموجره
اعله حسين٠٠٠٠٠٠٠٠٠٠٠٠٠٠٠نهمل دمع
اعله حسين٠٠٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
مانشف دمع النواظر لا كطع
والحزن بعيونة اشكبره انطبع
الليله كل خادم لبو اليمه انفجع
مانسه حسين ومصابه ومنبره
اعله حسين٠٠٠٠٠٠٠٠٠٠٠٠٠٠٠خل ننصدع
اعله حسين٠٠٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
هذا يوم حسين مذبوح الطفوف
والتكطع جسمه بأرماح وسيوف
كون غير امصابه مانقبل نشوف
هذا لجل الدين قدم منحره
اعله حسين٠٠٠٠٠٠٠٠٠٠٠٠٠٠٠٠٠حك ننفجع
اعله حسين٠٠٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
حسين لوما دمه بأرض الطف نزف
عن مساره جان الاسلام انحرف
اولا مخطط أهل الأحقاد انكشف
الحاربو بغضا اله ولحيدره
اعله حسين٠٠٠٠٠٠٠٠٠٠٠٠٠٠٠٠٠٠٠٠٠نكروا شرع
اعله حسين٠٠٠٠٠٠٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
حسين للإصلاح اجه ومو للحرب
لاجن الوادم تدور اوياه غلب
واشكثر ودوله الآف الكتب
كلهه طلعت مو صحيحة امزوره
اعله حسين٠٠٠٠٠٠٠٠٠٠٠٠٠٠٠٠ماهم ربع
اعله حسين٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
نحلف ابجف ذاك عباس الكمر
نبقه خدامك وهذا اكبر فخر
وكلمن الليله بجالك ماخسر
البايعك يربح ابدنيا وآخره
اعله حسين٠٠٠٠٠٠٠٠٠٠٠٠٠٠٠٠٠٠٠٠نوكف درع
اعله حسين٠٠٠٠٠٠٠٠٠٠٠٠٠٠٠٠٠محني الضلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
نعي//فاطمة العليلة
تره حمول الهجر كلش ثكيله
ويحمل افراكم مابيه حيله
ولا واحد سمعني واشتكيله
هلي شو صارت الغيبة طويله
بويه حسين ماتكصدني وتعود
تعال وشوف كلبي شلون ممرود
ليالي اجفاك بويه وداعتك سود
تمنيت بحلم والكاك موجود
لو بيدي اعتنيكم حافيه اركاض
بس المرض بيه مجلب وكاض
واطلابه سفركم بعده ما فاض
الفرح زاعلني وابعد عني واختاض
الدمع دم سال من عيني ويهلاي
ولا مرتاحة من زغري ويهلاي
كلت بالظعن عود امشي ويهلاي
مشوا وآنه المرض ظل يمشي بيه
هواكم ينعش انفاسي ومرضاي
اعله عيني وراحتي وياكم ومرضاي
سفركم سبب هالعلة ومرضاي
تجون ابره بقيتو المرض بيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي
الأكبر///ع
طايح الأكبر٠٠ما اصدله اكدر٠٠حيلي مهدوم٠٠حيلي مهدوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
وآلد ومتعني لابنه ويدري بابنه منذبح
واشعر ابكل خطوه صوبك انطعن طعنة رمح
امغمض اعيونك يغالي ابكل كتر منك جرح
موقف امصابك ضهدني وصعبه موتك ينشرح
ياعلي الغالي٠٠انذبحت آمالي٠٠بويه مهظوم٠٠بويه مهظوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
وين طولك ذاك يبني البشمس يكسرلي في
ياوجه طه امن اشوفه وجان بين عيوني ضي
يبني مدري اشلون اجيتك عايش وهالباقي حي
من طحت يبني وغلاتك كلبي جن طايح بادي
تلجم اجروحي٠٠جن خذت روحي٠٠ياعلي كوم٠٠ياعلي كوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
امك اتنطرك يالاكبر كاعده وهل تنتظر
تدري ولهانه اعله جيتك جنهه عود ومنكسر
اشلون اوديك الهه ميت مو سهل هذا الامر
لا اكدر من غيرك ارجع لا انه اكدر اعتذر
اشينطق الساني٠٠وامك اتاني٠٠رايده اعلوم٠٠رايده اعلوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
الدنيا من نورك ضواهه وهيه ظلمة ابلا ضوه
ياعلي ومن نار فكدك والله دلالي انجوه
جدمي يوم الشاف طولك طايح اوياك التوه
يبني ومصابك خنكني وضيع اعليه الهوه
ياضوه عيوني٠٠خابت اظنوني٠٠كلبي ملجوم٠٠كلبي ملجوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
ردت اشربك ماي بالطف بويه لاجن ما حصل
وكبلي سيف الموت جاسك يبني للمنحر وصل
بلا كلب ظليت يمك جنه عن صدري انفصل
ياعلي وعالم شعوري ابعالمك شفته اتصل
ياوجه طه٠٠البيك اتباهه٠٠شحجي هاليوم٠٠شحجي هاليوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت/ع/ميثم الخزاعي