7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة بدون حرف الراء بحق العليلة
طول ياليل ابوداع الغالي
خاف ما اشوفة بعد للـتالي
------------------------------------------------
تجهزن كلهن خــــواتي وانة لا
واسـمع يكَلن لبــونة اختنة چا
شلون بيها ما بعد تحمل بلا
دمعة وهموم وسكَم چــــتالي
-----------------------------------------------
آه ياليـــل البُعد ليلك صعب
عذبتني وآه الك وسط الگلب
الدموع عليك من عيني تصب
كَامــــت ظنـوني تجول ابالي
------------------------------------------------
خاف لوعات الكَلب مايحتمل
لوعتي ظليت وحدي ابلا اهل
فوكَ دايي انوب حطيتوا علل
ما شفت ياليــل نوحي وحالي
------------------------------------------------
للصبح ما انام عيني شابحة
من يحين وداع كَلبي تذبحة
بوية من اتشيل بعدك نايحة
ابيتي مدفونة بغياب الوالي
------------------------------------------------
ياعلي انـــخاك وگفها الشــــمس
خل يطول الليل محزونة النفس
لا يجي المصباح خلها تنحبس
مظــــــلم البيـت بغــــيابة وخالي
------------------------------------------------
خاف عني ايشيل ويطول الامد
والزمان ايطـــول ويظل للابد
واكَعـــد انة اتناه ميعود بعد
الــــدمع يالـيل ظـل يــــحلالي
=================
أسالكم الدعاء رائد الاسدي
نعي للسيدة زينب عليها السلام
ونت وونتها ضعيفه
بليلة حزن كلش مخيفه
بت فاطمه الزهره الشريفه
بولية اعداها المايرحمون
ونت لخوها حسين ونت
بصوت الظليمه وليه حنت
سود الليالي بحزن جنت
خلت الحره تسيل العيون
سالت اعيون الحره زينب
وجن للدهر وياها مطلب
حسين انذبح والقلب عطب
وين الغيارى لهمها يجلون
خوف العدى يسمعون بيها
لو ونت وتندب وليها
زينب اعداها مناصبيها
عدوان ولذلها يريدون
يردون زينب كون تنذل
من بعد كافلها المعدل
درب النجف ياهوه يندل
اهل المروه الها يفزعون
درب النجف ياناس وينه
وصو لبو روح الحنبنه
كولوله ابنك ذابحينه
وضلت بناتك تجري الجفون
ضلن ينوحن وين اهلهن
والدهر اضنه يريد ذلهن
من راحو اهل الغيره عنهن
النار شبت بين الظعون
محمد النوري
بتوفيق الله وصاحب الزمان❤️
قصيدة : ها يــَجــابــر؟
ها يــَجابر.... ها يــَجابـر
دَمعي نازِل ..كَلبي صابِر
روحــي فِــجعَت ياوِلينـه
ويــنــها الزهَــرة وعَـلِينه
أحسين ماظَنتي ويِجينه
مِــنــذبِح جَــوه الحَوافـر
ها يــجابر هــا يــجابِــر
دمعي نازل ...كَلبي صابر
❀¸¸.•*¨*•.لٌبابة آل ياسين .•*¨*•.¸¸❀
ألشَمِــس ظِـهرية غابَـت
روحي ويَّه حسين لابَـت
أجروح تِنزف عين ذابت
شمعة جَن فوك المــكَابِر
ها يَجابر ...ها يَــجابـــِر
دمعي نازِل ..كَلُب صابِر
❀¸¸.•*¨*•.لٌبابة آل ياسين .•*¨*•.¸¸❀
كَبله مٌسلم جان حِيدر
طاح شَرهٌم باب خِيبر
جَن أسد بالغاب يزئَــر
بس غَدرهٌم مالَه دابِـر
ها يجــابــر ...ها يجــابـــر
دمعي يِنزِل كَــلبــي صابـر
❀¸¸.•*¨*•.لٌبابة آل ياسين .•*¨*•.¸¸❀
إل كِفل كَطْعٌوا جِفوفه
كَطِعوهَا إبلايا خٌــوفــه
جـان كَعبه وآنه اطوفه
زودي بِــيهــم لو أكـابِـر
ها يجابر ... هايـَجـابــر
دمعي نــازِل كَلبي صابِر
❀¸¸.•*¨*•.لٌبابة آل ياسين .•*¨*•.¸¸❀
والرِضــيــع أشلون نايـــِم
بالحضن نــوم الحَــمـايِــم
زهَرته وي النِده وصـايـِـم
مَنــحره هَــزهــا الــمـنابـر
ها يَــجابــر ها يــجابـر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
وِجه لكْبَر يل هِضــيمة
يٌمطر الدَم جَنه غــيمه...
أبلاشَرَف وبلايا شيمه
يِنــذبــِح إبــن الأكابِر
ها يجابر ...ها يــَجابـر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
إبن أخوية وليــدي قاسِم
بالحرب جَن خٌويه حاسِم
بالشجاعة وغِــيرة راسِـم
أغـــلـى لوحــة لـــلمعابِر
ها يجابر...ها يــجابـــر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
والـــعِلـيل أنجومَه طاحَـن
والـسِمـــا و الكَـاع نـاحَــن
ذكريــاته وروحـه صاحـَن...
حَـسرَة ياخويـة الخَواطِر
ها يجابر ..ها يجــابــِر
دمعي نازل كلبي صابر
❀¸¸.•*¨*•.لٌبابة آل ياسين .•*¨*•.¸¸❀
والخيِّــم نار ودٌخَــانــــه
أنريد عادل ماإجـــانــه
يمطٌر الخٌوف إبسِـمـانَــه
ضَعَن وتحٌوفه العَــساكِر
ها يجابر ...ها يــجـابر
دمعي نازل كلبي صَابر
❀¸¸.•*¨*•.لٌبابة آل ياسين .•*¨*•.¸¸❀
طاح راس الــخِير كِــلَــه
أحسين ماكو ظـلمة خَلّه
صَـــعِبــوها وهــي سَهلة
هذا امــام وذاك كــافــر
هــا يجابر هـــا يــجابــر
دمعي نازلي كلبي صابـر
❀¸¸.•*¨*•.لٌبابة آل ياسين .•*¨*•.¸¸❀
لٌـــبابة آلــ يـــاسين
من يديَّ ليد صاحب الزمان❤️
وزن: مدور مربع شبكه
#جديد
#الهلال ودخول محرم
طور : يا عيد الفطر ، ملا محمد الجنامي
https://youtu.be/kCeVZNCLd_o?si=HxA0ztENVDbEksa1
.
.
يَهلال المُحـــرّم لا تجينه
ما خليت والله اعزاز لينه
يَهلال الحزن كل أهلي ميتين
ومن كثر البواچي ما بُگت عين
____
هليت يا شهر الحزن .. يا ريت أبد ما هليت
وابطلعتك چم هدّمت .. يهلال لينه چم بيت
چم غالي من عدنه خّذِت .. لَيّه إخو ما خليت
ميته عساني أو لا يِهل .. اهلالك عليه يا ريت
شتذكّر وأنا الما ناسيه ابيوم
بالخيل اسحگوا جثة المظلوم
بعيني شفته محزوز الوريدين
يَهلال الحزن كل أهلي ميتين
___
شتذكّر او آنه الشفت .. كل أهلي بالطف صرعه
بعيني نظرت لكافلي .. واچفوف اديه متگطعه
وجســــام بالدم حنته .. طَفّوله ويلي الشمعه
وشفت الرباب اعله الولد .. اتلوليه مره وتنعه
وليله اتجمّع ابجثة الأكبر
يهلال وبعد شحچيلك أكثر
بنفس اليوم أنظرهم مطاعين
يَهلال الحزن كل أهلي ميتين
___
يهلال وابگلبي جرح .. حين اصعدت على التل
ابحيرة دليلي ألتفت .. بلكت مكانــــه أنـــــدل
حمره أشوفنها السمه ..وبگلبي أحس المقتــــل
ابن أمي ما يرجع بعد .. إشما أنــــادي وأســـأل
عميه العين ريت أو لا أصد ليه
فوگ الرمح لن راســــه امعلگيه
اهنا ناديت آيا خويه يحسين
يَهلال الحزن كل أهلي ميتين
___
يهلال أو هم تدري بعد .. عگب أهلي والله بحالي
زينــــب وأروح اميســـره .. ما چــــان ايمر اببالي
بنت الأميـــر وفـاطمـــه .. فوگ الهزيـــله تــالــــي
ايدخلوني ديــوان الرجس .. وراس الغريب اگبالي
آيهــــلال مِنِّ اتمر عليــــه
شنهو الظل بعد يهلال بيه
كل دُور الأهل يَهلال خالين
يَهلال الحزن كل أهلي ميتين
___
تمت ببركات مولاتي العقيلة زينب عليها السلام
#فاطمة_كريم
٢٠٢٤ م
لحن (وين الدموع)
بصوت
ملا حسين السوداني
كربلاء
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لزلوها المعاره زلزلوها 2
مثل ريح وطك سعف
محد بطوله وكف
زلزلوها المعاره زلزلوها
.
.
نزل بيها الموت الاحمر حارت منين المفر
قائد العام انطه فتوه الشهم كض بيده الامر
لمهم بجف الشجاعه و ذبهم بوادي سقر
سرب مثل الكطته فرت لو طرك جنحه الصكر
اليوم يوم المرجله
قرو طف البسمله
حاوشوها العساكر حاوشوها
.
.
رسمو الخطه سويه تقسموها اعله الحرف
يبدي بيها ابو فاضل يبدي راح امن الالف
البا بوابت عضيده النصر وياهم حلف
الجيم معناه جماعه من يطبهم جن عصف
الحا لحسين النصر
الخا خالد كل دهر
قسموها سويه تقسموها
.
.
الله يستر عينه عمره من زعل هزاها هز
شاف اخيه حسين واكف شد عليها ورتجز
الما يمل منها الطلابه اخو زينب ما عجز
ضلت الروس اتطافر وهك بيها بسيفه حز
نار وكباله حطب
يوم ابو فاضل غضب
حاوطوها الوسيعه حاوطوها
.
.
كسرو اضهور الاصايل من بالملاعب هوسو
شمر الخاجي اعله متنه صاح الاكبر و عتنو
الصعيبه تريد الاهلها وكفو لا ما قصرو
اثنين بنص جاسموها حصه حصه امن اعتنو
ذبو الشرجي شمال
لحضة الصار القتال
سابكوها المنيه سابكوها
.
.
من نزل ليث الهواشم خيل صعدت عالزلم
شبه وي الذهب صارو فرغ من دمه الجسم
عبست اوجوه الاعادي اخو زينب مبتسم
شد عليها لزم سيفه و شال بالطف العلم
حسين بس عاين اله
بجفه داخت كربله
فرحوها الحزينه فرحوها
.
.
حسن صالح العيساوي
يعبدالله ابدمع نصبح بهنبات
وبچلاي السهم نايم بهنبات
واحد ونگطع تدري بهنبات
احشاي ولابگت كل روح بيه
،،،،،،،،،،،،،،،
اليالي اشكثر بجفاك يارت
عليّ وبالبدمه الاجفون يارت
يعبدالله السهم لچلاي يارت
اندار ولا خبر موتك عليه
،،،،،،،،،،،،،،،
عليه اظلم نهار الطف بيندار
وحيده والعگل عگبك بيندار
الضماك اليوم ما يحصل بيندار
العذب وسگوك بسهام المنيه
،،،،،،،،،،،،،،
تاره اعله الدرب عيني وتاره
المهدك بس سهم تنظر وتاره
يعبد الله الگلب تدري وتاره
انگطعت وي گطع نحرك سويه
،،،،،،،،،،،،،،
روحي اعله رضيع شكثر لابت
وگلبي ما بگتله انياط لابت
لا عمر الاريده ايطول لابيت
بعد اهلي الگضوا بل غاضريه
،،،،،،،،،،،،،،
نشف ماي الفرات اسگوك بسهام
يشمامه وعفت بل روح بسهام
على الناگه الدليل اعليك بسهام
شمر بالسوط صار اجوابه أليه
،،،،،،،،،،،،،،،،
لخادم خدمة الحسين ع
ابو عمار الدراجي
درس الخدم ....نهج وعلم
وأرسم الك .... لوحه وقيم
حسين اليسجل الخدام
يبصم اله عباسه
*******
كون اليخدمك سيدي من يقره
يعيش التواضع ما يدور شهره
اخلاق عنده من يجي عالفطره
هنياله من الزهره حصل نظره
بالك تزل ......عنه وتمل
عن جنته.....گطع الوصل
اترك مذمتك يفلان
بالغيبه گاطع راسه
*******
تكثر اجروحك سيدي بالغيبه
حاير فلان اليوم منهو انجيبه
عوف التفاخر والحچي والريبه
سهمك مثلث بالگلب وتصيبه
عوف الفتن .....درب العلن
خلي الأدب ....طول الزمن
مالك علاقه بالناس
الخادم جرحت احساسه
*******
معروف خادم للحسين يريده
كاتب عليه وفه العهد بوريده
هذا الحچي يوميه صار انعيده
بس المذمه والحقد تأكيده
عوف الوهم ...عايش عدم
تالي الأمر .......تصبح ندم
ليش التكبر مغرور
تتحسر عله أنفاسه
*******
عوف الرياء بخدمتك وتحله
باب التواضع لا تسده وخله
بالك تطيح بهالزلل والذله
بس الحسين ايوفقك وتتعله
خلي الدرس....مثل الشمس
عن معرفه ...... زكي النفس
واصل خدمتك بخلاص
تاج المحبه بساسه
*******
مالك علاقه منهو يصعد منبر
خلي يقينك بالعزه من يحضر
يجوز كاعد بالركن بو الأكبر
صفيهه نيتك لا تعاند اكثر
صفي الكلب ... شايل ذنب
عيش العمر ....بجمل درب
بخلاقك اتعيش انسان
يحله بحلات الياسه
*******
خلي تواضع جانبك بالمقياس
عوف الجوارح لاتلوم الاحساس
بالك تزعل ام الحسن والعباس
بالمنبر وتنزل تره باول ساس
خلي الوفه.....اجمل صفه
غذي النفس... ...بالمعرفه
ليش الفتن والتسقيط
فرق الذهب والماسه
*******
ايام مرت والزمن نفسه يدور
تطلع شواذ القاعده من الدستور
مغرور ابالك توصل الخط النور
باچر يجينه وتنفي همك عاشور
شلون اقتنع......تنفي الظلع
منه ابتده.......مجره الدمع
تدري بجرحنه مكشوف
تتعمد عله امساسه
*********
تمت بعون الله وبركاته
خادمكم..يوسف الفتلاوي
ياحسين ياحبيبي الازلي
ياحسين ياحسين ابن علي
… ………………….…………………………
فتشت عيني اعلى حبك
وصار الك گلبي انقياده
ورضعت من امي حزنك
شاهد الطيب الولاده
بالمهد طفك حفظته
وياهو بسمك يمي ناده
من كثر يحسين دمعي
گماطي ينگع والوساده
ياحسين يابعد روحي وهلي
ياحسين ياحسين ابن علي
…………………………………………
بگلبي يحسين انته تدري
مااريد بحزني سمعه
حبي مو يم المصالح
حته اريد بحبي رفعه
انه مو بسنين كابر
انه اعد اسنيني دمعه
عمري يعبر نوح يمكن
لو سمعت الناعي ينعه
ياحسين انه بس حزنك الي
ياحسين ياحسين ابن علي
… ………………….………………………….
الگلي مكان الولاده
مذبحك يحسين اخبره
ولسئل عل مهنه شنهي
مقتلك ياروحي اقره
وليناشد يمتى صاير
من رجع محبوبي مهره
سرجه مگلوب اعلى زينب
وبالدمه ملطخ تنظره
ياحسين يامهر صاحت خلي
ياحسين ياحسين ابن علي
……………………………………………
كل شي لو سويت لاجلك
گلبي ماوفاك احسبه
وكلمن يحب يمتنه
يجري بيه مثل ليحبه
بس انه شفتي طريه
يلي شفتك جنهه خشبه
سلبو ثوبك حبيبي
وثوبي ياهو ليسلبه
ياحسين ريت مثلك مقتلي
ياحسين ياحسين ابن علي
… ………………….………………………….
شرد اجازي من جروحك
حزني مايوفيلك اشعر
بس دمع وشگد ملامه
عذرن بحبك مقصر
حته بالچف الطملك
وسفه مامگطوع خنصر
عالرمح راسك حبيبي
شرد اوفي من اطبر
ياحسين انه بجروحك شلي
ياحسين ياحسين ابن علي
… ………………….………………………….
وينه عاشورك عليه
ماچوت بيه الظهيره
لمثلي جسمه شلون صاحي
ونته جسمك بالحصيره
حرم ماعندي سبوهه
ولا اخت عندي يسيره
وختك اعلى الهزله وسفه
بسبي من ديره اعلى ديره
ياحسين مابگه لزينب ولي
ياحسين ياحسين ابن علي
… ………………….………………………….
خادمكم قاسم المالكي
السيدة الزهراء عليها الصلاة والسلام في مجالس العزاء
----------------------------------------------
يمكم تراني وحيلي تعبان
بهاي المجالس گلبي نيران
أم الحسن ها يلتواسوني
هوه آنه يمكم دمعه تلگوني
****
ياهو اليواسيني اعله ابني
ياهو اليطيب اضلوعي ذني
ضلوع الحسين الموتني
تحت التراب وعذبني
اباب المجالس يمكم انعه
ياهو اليهل لوليدي دمعه
مو مهم ضلعي المهم ضلعه
من صاح بس انه الاسمعه
يهل العزاء النوح مريود
والدمعه حگهه الجنه وتزود
باحساسكم لمن تشوفوني
هوه آنه يمكم دمعه تلگوني
***
وينه اليساعدني اعله هايه
شبعت حرگ ذيچ العبايه
ضيم الكفل ضيم السبايه
ودعنه يم الماي رايه
الطم يشيعي اليوم علراس
زينب بقت من دون عباس
رايه وچفوف شلون تنداس
المفروض چف النعمه ينباس
شافوهه زينب وسفه وشلون
هاي الگبل متشوفهه عيون
يا حال زينب طيح امتوني
هوه آنه يمكم دمعه تلگوني
***
مشتعل مثل الموگد بليل
ميت يگلبي وضيمك يعيل
تمرني الهلا مرت مچاتيل
تاخذ مناحه وآه وتشيل
كلما ينوح الناعي باسمه
تاخذني روحي وحيل اشمه
واذكر مصابه وفيض دمه
واركض واريد الگاه والمه
حسين الغريب الفوگه الحجار
مو داري وجت روحي بالنار
والموت بين بيه بعيوني
هوه آنه يمكم دمعه تلگوني
***
شوغة مصاب الطف چبيره
من النحر حد الاسيره
تبدي وصعب نلگى الاخيره
زلمتنه ملموم بحصيره
ذاك الگمر متوسد تراب
مو بالغيوم من الطعن غاب
ويلاه يصدره الصار محراب
خيل ورماح وعالرمل ذاب
وجفوف منه بعيد بالگاع
طاحن يوسفه وصار الوداع
سموني ام عباس سموني
هوه آنه يمكم دمعه تلگوني
**
بالدنيا هم بالاخره وياي
انتم واهلكم فزتو بهاي
تدرون دمعه بمجلس دواي
وزعو بثواب وليدي الماي
انتم بچيتو بگلب محروگ
علدخلوهه الشام والسوگ
علصعدت لوحدهه علنوگ
علعبره ذيچ بصدر مخنوگ
واسيتو گلبي بحرگ الخيام
كل الاجر الكم يخدام
الف انعم الله يلتعزوني
هو آنه يمكم دمعه تلگوني
***
كلمات الخادم / رعد الفريجي
ثوابها الى روح والدتي
#جديد
#الهلا ودخول محرم
.
.
مجاريد :
الليله الإمام المهدي محزون
ومن دم يويلي ايهل الإعيون
وگلبه من الأحزان مطعون
وهاي المسيه ابحالته اشلون
لابس سَواده وگلبه حاير
وابباله تمر أهوال عاشر
جده الغريب ابلايه ناصر
واتدوسه يا ويلي الحوافر
اهلال الحزن والدمعه والنوح
اعليه المسيه ايجدد اجروح
بمصاب جده المات مذبوح
ولليسر عگبه زينب اتروح
شهر الحزن شهر العزيه
بفـاده تـارك چـم أذيـه
اجروح الگضوا بالغاضريه
وعمْته اللي ودوها سبيه
أبوذية :
بگلبك چم عزا ناصب وماتم
يَمن كل عمرك امحرم وماتم
عسى لهلال لا يِكمل وماتم
ولا تسمع خذوا زينب سبيه
_
تمت ببركات المولى صاحب الزمان
#فاطمة_كريم
٢٠٢٤ م
خويه .. بيّه اشعمل شاطي النهر
خويه .. وصوبه انوسد خد الگمر
خويه .. وظهري على كتره انكسر
خويه .. خويه
@@@
الخوه رابط بالموده .. تربط الروح والخلايا
عالاخوه
ولو فگد أخ لاخيه .. يحني لضلوع بالرزايه
عالاخوه
وانته ياكافل خيامي .. وياعضيدي للنهايه
عالاخوه
…
وافي .. من اطلعت للمشرعه
وافي .. وچبدك عطش متگطعه
وافي .. ومايه فلا ريجك حدر .. خويه
@@@
اسمعك تنخه وتنادي .. امن الشريعه يا اخويه
گطعوني
شحالي تدري من سمعتك .. يابوفاضل بالرزيه
گطعوني
تيهت دربي ابدموعي .. شصار بيه بهذي جيه
گطعوني
…
اركض .. رايد اجي يمك عجل
اركض .. يمكن بگه لروحي امل
اركض .. واصرخ يابن خير العمل .. خويه
@@@
الشاطي بمواجه بوفاضل .. من دماءك لونه احمر مايه يبچي
ابصفحه رايه بيها چفك .. ويّه جودك بس تفطر مايه يبچي
سهم هالجربه ألمني .. وسهم جفنك بيّه اثر مايه يبچي
…
سهمك .. اظلم علي شرق وغرب
سهمك .. مو بالجفن صاب الگلب
سهمك .. احنالي ظهري بالحرب .. خويه
@@@
ألثم اچفوفك ونادي .. ياحبيبي يابوفاضل
بالشريعه
حرت اداوي جرح راسك .. لوچفوفك ياللي كافل بالشريعه
سهم عينك شاليشلعه .. وابعيونك حده مايل
بالشريعه
…
احچي .. لا تسكت ابهذا الوضع
احچي .. وخلي النفس لا ينگطع
احچي .. ماترحم اعيون الفزع .. خويه
@@@
اسمع العدوان ضحكت .. وانا ابچي وهيه فرحه بالشماته
گالوا العباس ميت .. بلا رايه دامي جرحه
بالشماته
والحسين ابوحده محني .. للمخيم اتوچه رمحه بالشماته
…
راجع .. للحوره بس محني ويحن
راجع .. مكسور ظهره امن الحزن
راجع .. بمصيبته لمن يون .. خويه
@@@
علي أحمد الحمود
٢٤-٥-٢٠٢٤
مصرع العباس ع
محرم ١٤٤٦
#جديد
#الهلال ودخول محرم
فزاعية + أطوار نصف البحر الطويل
.
.
اهلال الفاجعه والنوح .. بيه تبدي عزيتنه
اهلال الفاجعه والهم
اهلال الواقعه والدم
بيه كل الحزن خيّم
وبيه تبدي مصيبتنه
بيه أعظم جرح وامصاب
وچم شاب اليروح او شاب
وگلب أم الحزن بيه ذاب
وبيه انعلّي صيحتنه
شهر اليخنگ الأنفاس
بيه يتصوب العباس
وبيه الينگطع چم راس
اعليهم آيا فجعتنه
بيه يبدي العزا والنوح
بيه نلطم على المذبوح
بيه اجروح فوگ اجروح
ما تِكفيها دمعتنه
بيه نلبس ثِياب السود
وبيه انعزي الموعود
باليِگضي ابغُرب مَيعود
اعليه اتزيد ونتنه
ما مثله مُصاب الصار
راسه اعله الرمح يندار
اعليه لو نبچي ليل انهار
ما توفيه عبرتنه
شهر الونه والأحزان
بيه راس الولي بسنان
وزينب تدخل الديوان
اعليها آيا حرگتنه
_
#فاطمة_كريم
٢٠٢٤ م
▪️راوي بالدما▪️
في استهلال محرم الحرام ونشر الزهره
لقميص الحسين عليه السلام
▪️وزن المجرشه▪️
نشرت قميصه فاطمه
اأحمر وراوي بالدمه
————
هاي الزجيه ناشره ثوب الحسين ابكربله
بيديها يتگاطر دمه وتصيح وينه الون اله
وين اليواسي ابدمعته وهمه على همي اعتله
مكسور قلبي والضلع واعله بنيني ناحله
واتصيح لعيوني العمه
احمر وراوي بالدمه
————
هالليله مولاتي تون وتنشر قميص الفاجعه
شوفوه بالله ياخلگ يرويها هاي الواقعه
قميصه رويان ابدما وروحي ابحزنها ناگعه
يمصابه هز كون ووصل حتى السماء السابعه
نشرت قميصه بالسمه
احمر وراوي بالدمه
———-
شوفوه بالله ظل كتر سالم ولا صابه جرح
يحجي القميص الفاجعه واضح ولا حاجة شرح
اجروح من فوگ الجرح اموذر ياروحي منطرح
رويان ناگع بالدما اعيوني عليه من دم تسح
امسلب على الحر انرمه
احمر وراوي بالدمه
——-
وين اليواسي ابونته واعليه لطم راس وصدر
اموذر ياشيعه بالفلا وابنينه حوله ابكل كتر
اجابل الينعى عليه وروحي تون اعله النحر
ولو قال خيل الداسته قلبي يفطرنه القهر
راسي وضلعي الطمه
احمر وراوي بالدمه
———
ام وتراني فاگده وامصابه مامثله جره
ماخلوا ابروحه ابد روح وعظام امكسره
يم النهر ظامي يموت اشفاته ودليله امفطره
خلوني الطم له واون والطم على اخته اميسره
تبقه دمعتي ساجمه
احمر وراوي بالدمه
—————-
بنت الشمري
٢٠٢٤
سرى ضعن الفواطم حمل وشال
مصيبتهم مصيبه تهدم الجبال
......................................
مشى ضعن الغريبه بليله ظلمه
لاخوان تمشى وياها زحمه
بس اطفال تحدي بلايه زلمه
عافن عل شريعه هناك خيال
.........................................
راح الحيل منها وتهمل العين
من شافت اخوها بلايه جفين
احتارت وين تنطي الوجه لا وين
تروح ويه الضعن من غير كفال
............................................
صوت اصياطهم هزهز الكونين
من ضربو رقيه أكبال الحسين
تاهت بالفله هاي النساوين
حسين اعله الرمح ينضر للعيال
.................................
سارت بالضعن بنت الأجاويد
فوگ الهزل تمشي ومدري شتريد
مغربه بت علي والحبل بالأيد
من عظم المصيبه شيب البال
.....................................
غصب راحت الحرة وكوه للشام
وعافت نعش أخوها مترس أسهام
تعاين عل رمح والكلب محتام
تروح مجتفه وبيديها الحبال
....................................
غصب تمشي الغريبه وبالگلب نار
اثر ضرب الصياط وحرگ الزغار
تريد اليحدي بيها وياخذ الثار
لا والي البقه والدمع همال
..................................
خادم خدمة الحسين
الشاعر
محمد الموالي
يمحمد تعبنه هواي مسبيات ردينه
لا عباسنه ولا حسين ماتو كل اهالينه
*
هاي منين ؟ زينب هاي !
اي خويه انوليت هواي
شنهي الصار ؟ مات حسين
عباس انذبح علماي
عبد الله بسهم ذبحوه
يشرب ماي ما خلوه
ست شهور ما رحموه
لأمه بلا نفس ردوه
يمحمد ،، حوافر خيل
يمحمد ،، تدوس الهيل
يمحمد ،، سهم عباس
يمحمد ،، يشيب الراس
چفينه وعلم ممدود طفو بالسهم عينه
لا عباسنه ولا حسين ماتو كل اهالينه
**
كلشي ويانه بالطف مات
حنة جاسم الدمعات
رمله اتشوفه دمه يفور
صاحت ها يعلويات
هذا وليدي أموت وياه
تربان الحرب غطاه
مذبوح النحر ويلاه
ميت صعبه تترجاه
يمحمد ،، ذبيح الشاب
يمحمد ،، غطاه تراب
يمحمد ،، عطش وسيوف
يمحمد ،، بعد شنشوف
عريس ودماه اتسيل راح وما رجع لينه
لا عباسنه ولا حسين ماتو كل اهالينه
*
صاحو بالخيم فرهود
وآنه أركض وارد اردود
تعثر طفله طفله اتطيح
وين الفزعه يابو الزود
ضاع اچم طفل وانداس
شنهي النومه يا عباس
نار التحرگ الانفاس
من شفت الولي بلا راس
يمحمد ،، سكينه تنوح
يمحمد ،، گمر مذبوح
يمحمد ،، شتم وحبال
يمحمد ،، عدونه شگال
هاي الخارجيه شلون هاي الچلمه تاذينه
لا عباسنه ولا حسين ماتو كل اهالينه
*
من هم كربله وللشام
نمشي وروسهم گدام
راس حسين ظل ناطور
لحظه اعله الرمح ما نام
من بعيد شفته أندار
راس حسين شنهي الصار
ها خويه الولي محتار
اي خويه أنضربنه حجار
يمحمد ،، صعب ممشاي
يمحمد ،، كرهنه الماي
يمحمد ،، وصلنه الشام
يمحمد ،، حرم وايتام
طبتنه القصر متصير لو عباس حادينه
لا عباسنه ولا حسين ماتو كل اهالينه
****
مرو زينب اعله السوگ
هزل يبن ابوي النوگ
زينب بت علي بيا حال
والهدم العَلّيّ محروگ
ندعي الشمس كون تغيب
وجروح المتون اتطيب
عيون الناس خويه اتصيب
فشل يا خويه زحمه وعيب
يمحمد ،، حرم تنشاف
يمحمد ،، يتامه اتخاف
يمحمد ،، تون وتموت
يمحمد ،، بچي بلا صوت
صاير كل بچينه بليل بس دمعات رجعينه
لا عباسنه ولا حسين ماتو كل اهالينه
✍️ رعد الفريجي
فزاعية لبداية محرم (والبيوت مفتوحه)
اليوم الروايه امعلگه
والبيوت مفتوحه
نسوان حزنانه وزلم
كل بيت يخفگ بي علم
لحسين نذكر ياالم
بدموعنه المسفوحه
واجب علينه هالدمع
ولحسين نلطم عالضلع
ماننسه عباس السبع
ودم هامته واجروحه
ماننسه چفه وهامته
عباس حلوه وگفته
ولحسين تلطم شيعته
هيهات تگطع نوحه
للموت ننصب ماتمه
ونعازي امه فاطمه
ضلت عيونه امسلهمه
ولم الحزن مشبوحه
شابح الزينب عينه
ومره يصد لسكينه
وامصيبته تبچينه
عطشان راحت روحه
عطشان گطعو منحره
وعظامه كلهه امكسره
واتصيح بت الطاهره
يالخوتك مملوحه
يالخوتهه بيهه وفه
بعدك عله الدنيه عفه
جرح البراسك ماشفه
واجنازتك مطروحه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
((تغطيت بجرح))
تغطيت بجرح هجـرك
نمت وعيوني مختنگه
بويه احلامــــي نادلي
بدَت يافـــاطمه الفـرگه
بدت يافاطمه احزانچ
خواتچ راحن اخـوانچ
غريــبه صــار عنوانچ .. غريبه
"""""""""""""""""""""""""""''''''''''''"""""""
من صِفنتّ دمعتي الآخـر المحمل
مـــن رديت بابـــي والاثـــر وشــــل
بقت بس عين تنضر مالگيت الحل
مريضه وإيدي ترجف والـدمع بــلل
ويهَ الدمع چم ذكرى شالت عيني
أهنا يصلي أهنانه چــان حسـيني
بنبضات الگــــلب ونه
تطلـــع ويه كــــل دگه
بويه احلامــــي نادلي
بدَت يافـــاطمه الفـرگه
غفت ياچلمه بلسانچ
وسالت نبرةّ ألــوانچ
غريــبه صار عنوانچ .. غريبه
"""""""""""""""""""""""""""''''''''''''"""""""
مر بـــيه الزمـــن وآنـــــه بفرد ذكره
غروب الدنيا كلها وجرحي شيفسره
يجيني الليل عبره وتـــــاكل بعـــبره
وتمر بحلامي بويه طـايــــح بغـــبره
بويه الحلم شادهني وآنه أعليله
ياهو الادگ بابــه واروح اشكيله
يمر نحرك على عيوني
وتمر الخيل والسحگه
بويه احلامــــي نادلي
بدَت يافـــاطمه الفـرگه
يزينب وين صـيوانچ
حتى الخيل عدوانچ
غريــبه صار عنوانچ .. غريبه
"""""""""""""""""""""""""""''''''''''''"""""""
افك بابي وأناطر وآنــــه بالدمعه
وصوت يصيح بذني مابعد رجعه
المفارگ عزيــــزه بــــونته تسمعه
المفارگ حبيبه تعرفه مـــن طبعه
ورگه بهواك العالي صاير حالي
غيابك يبــــــويه بالفعل چتالي
أحس النــار بچفوفي
وخواتي بويه محترگه
بويه احلامــــي نادلي
بدَت يافـــاطمه الفـرگه
يروحي حان ميحانچ
هــــذا الموت بركانچ
غريــبه صــار عنوانچ .. غريبه
"""""""""""""""""""""""""""''''''''''''"""""""
مابسچ يروحي هيـــــدي يـاروحي
ثگيله احزانچ وماتنحصي جروحي
يباب البيت صاير يفتهم نــــــوحي
وحسينچ غـده ياروحي مذبــوحي
باب الجرح هم ينتضر ويتاني
ملَــلّـتـه من كثر النشد ويعاني
أدور ويني چا وينك
وين ألگاني ويـن ألگه
بويه احلامــــي نادلي
بدَت يافـــاطمه الفـرگه
عطش وميبس اغصانچ
وماتت شجرةّ اشجـانچ
غريــبه صــار عنـــوانچ .. غريبه
عبد زينب
محمد الابراهيمي
((وين الدموع))
هذا محرم ويــــن الدمـوع
كَون اليحب يصير مفجوع
هاي الزجيه وتنشر الثـوب
وتصيح يبني حسين وتلوع
هايه وتصيح حسين مطـروح
مــن القــفى يانــاس مذبـوح
وعــــــياله بيــن الخيل والنار
وصوت العقيله بضيم مبحوح
من النار .. ركض ويل عل الگاع طيحتهم
من الخيل .. بچي وخوف بالضياع طشتهم
مـولاتي .. دمـعاتي .. للضامي
يازهراء .. حسراتي .. بيــــامي
"""""""""""""""""""""""""""""""""""''''''''''
هـــــذا محرم والعزه وين
باچر يطب الكربله حسين
باچر يدگ خـــــيام العيال
باچر الحـيره تشيب العين
باچـــــــر عقيلةّ آلــ عدنان
تسمع سوالف مال عطشان
باچـــر عيال حسين بالهيم
تركض وگلب الحره لهـفان
الجرح موت .. مداليل تجي الخيل ملهوفه
الجرح موت .. الجمر نار هل الناس مچتوفه
ياجمـره .. ياعـــبره .. بالـخدر
ياطيحه .. ياصيحه .. من تعثر
"""""""""""""""""""""""""""""""""""''''''''''
هذا محرم بالفعل كــــون
ياريت هيج ونبچي العيون
مو بس مـدامع عالعفيفات
نلطم بحسره فوگ المتون
هذا قميص حسين مسـلوب
جابته الزهره بدمه مخضوب
تعثر ويمها المهدي مجــروح
ويصيح فوگ الوجه مگـلوب
الدمع دم .. يبجي هواي والعيون حيرانه
الدمع دم .. الجرح ماي والضنون عطشانه
ياضـيمه .. اعله الخيمه .. المحروگه
والحيره .. بتعـــــــــبيره .. مخنــوگه
"""""""""""""""""""""""""""""""""""''''''''''
ياهو اليواسي الزهره يانـاس
ياهَو اليصير بدمعه نبـــراس
جابت وياها جفوف بالشوگ
وي القميص چفوف عــباس
مهجةّ الزهره خلصت بــآه
ومن المصيبه تصيح ويلاه
عباس يبني الضعن چاوين
جاوين يبني الضعن الگــاه
الضعن راح .. سبايه عالنوگ يوليـدي
الضعن راح .. بالسياط يعباس يوليدي
مچتـوفات .. تعـــبانات .. عالهزله
عطشانات .. محروگات .. عالهزله
"""""""""""""""""""""""""""""""""""''''''''''
هذا محرم يخـــتلف حـيل
كون اللطـم بحوافر الخيل
مانهجع ولاتسكت دمـــــوع
والعشگ مايعرف صبح ليل
كون اليحب بروحه الــونين
والدمعه ترسم نحر الحسين
نثبت وجود حسين مذبــوح
ولازم مجالس عبر الســـنين
عزائات .. عله حسين والاهات مسموعه
عزائات .. عالنوگ والجـــــروح بضلوعه
يامـــــولاي .. عـــلى الماي .. دمعـاتي
جرح نوگ .. جرح السوگ .. صيحاتي
عبد زينب
محمد الابراهيمي
فَاطِمَه بْهَالِّليلَه مَحْنِيَّةْ ظَهَرْ
تِعْتِبِ وْأَذَّاهَه يَا وَسْفَه الْقَهَرْ
يَا شَهَرْ عَاشُورْ مَا مِثْلَكْ شَهَرْ
هْلَالَكِ يْهَيِّجْ مُصَابِي وْلُوعِتِي
-----------------------
يَا شَهَرْ أَحْزَانِي وَآلَامِ الْگَلُبْ
بِيكَ ابُو الْيِمَّه يِطِيحِ عْلَه التُّرُبْ
يِنْذِبِحْ ظَامِي وْدِمَه نَحْرَه تِصُبْ
وَآنَه لِمْصَابَه أَهِلَّنْ دَمْعِتِي
-----------------------
رَاحَ اشُوفِ حْسِينِي جِثَّه مْخَضَّبَه
وِالْخُيُولِ الْأَعْوَجِيَّه تْگَلُّبَه
مِنْ بَعَدْ مُوتَه الْأَعَادِي تْسَلِّبَه
عَارِي يُبْگَه عَالتَّرَايِبْ مُهْجِتِي
-----------------------
يَا شَهَرْ بِيكِ الْگُمَرْ رَاعِي الْعَلَمْ
يُوگَعِ وْعِينَه يِطَفِّيهَه السَّهَمْ
خْلَافَ ابُو فَاضِلْ يِسَلْبُونِ الْحَرَمْ
وْتِنْسِبِي بِينِ الْأَجَانِبْ عِيلِتِي
-----------------------
يَا شَهَرْ لَا تُبْگَه خِيمَه وْلَا سِتِرْ
لَا دَلَالِ وْلَا عَفَافِ وْلَا خِدِرْ
بِتْ عَلِي بَاچِرْ يِعَايِنْهَه الشِّمِرْ
بْلَا أَهَلْ مَحَّدْ يِحَامِي بْنَيِّتِي
-----------------------
يَا شَهَرْ طَارِي السَّبِي يْشَيْبِ الطِّفِلْ
شْلُونْ زِينَبْ تِمْشِي وِبْوِلْيَةْ نَذِلْ
عَالْهِزِيلَه يْچَتِّفُوهَه بِالْحَبِلْ
عَالْغَرِيبَه رَاحَ امُوتِ بْحَسْرِتِي
-----------------------
#الليلة_الأولى
#محرم_١٤٤٦هج
الشاعر حسن خنافر العاملي
#محرم_1446
#قصيدة_رباعية
#الليلة_الأولى
كتبت بفضل تراب كربلاء ورعاية صاحب الأمر عجل الله فرجه
يرجى بعد إذن حضرتكم في حال الاستفادة إفادتنا بالتسجيل لتمام الفائدة
١/ جدِّد عزاءَ الفجرِ وانحب بالدمِ
واندُب جزوعًا كالإمامِ القائمِ
فالشمسُ ما طَلعت لصبحِ محرَّم
في كربلا سكنت وحولَها أنجمُ
٢/ هٰذي الليالي العشرِ جاءت بالأسى
والشفعُ والوترُ افتجاعًا تُكتسا
فالليلُ مهمومًا شكى وتنفسا
والصبحُ في ثوبِ المراثي يُحرِمُ
٣/ مِن أينَ أبدأُ بالمراثي بل لأين
أنعى غريبَ الطفِّ مولايَ الحسين؟
أيَرى أخاهُ مجدَّلًا دونَ اليدين؟
ويرى سكينةَ بالسياطِ تُورَّمُ؟
٤/ نادى "ألا من ناصرٍ" ولَكَم يرى
أوفى الصحابِ مخضبين على الثرى
كلُّ الهواشمِ يلحقونَ الأكبرا
حتى الرضيعُ بسهمِ حرملةْ يُفطَمُ
٥/ أيرى اليتامى تحتمي بالعمَّةِ؟
أم زينبٌ تُطفي لهيبَ الخيمةِ؟
قد سيّرت وإذا شكت: "واغوثتي"
شُتمَ الحسين كذا وتُشتم فاطمُ
٦/ آهٍ لها كل الرزايا تنظرُ
جسمُ الإمامِ على الثرى يتوذَّرُ
وعظامُه بالخيلِ سحقًا تُكسرُ
ودماؤه سالت أهَل ذي زمزمُ؟
٧/ سل عينَها بالدمِّ لاذت دامعةْ
إذ شاهدَت عنُقَ الإمامةِ لامعةْ
فيها بغلٍ تُستشدُّ الجامعةْ
هل هكذا السجادُ ظُلمًا يُسجَمُ؟
#في_خدمة_الخطباء
✍️ قمر حسين
نسألكم الدعاء
آنه الوالده والگلب مجروح
واضل ابچي عله ابني المات مذبوح
آنه الوالده الما خاف وَنهه
مصيبة كربله اتهيِّج حِزنهه
تون وَيَّه اليونُّون اعله ابنهه
تحب البالمجالس يبچي واينوح
وَنَّي امن النوايب أبد ماهاد
واصيح ابصوت آه يافگد الاولاد
نوحي اعله الغريب حسين يزداد
عريان وعلى التربان مطروح
من اسمع الناعي ايگول ويلاه
ونه ابگبري واصيحن واحسيناه
واسرِع للعزه بالحسره والآه
ونظر عيني يضل عالعزه مشبوح
يجبر خاطري اليجري دمعته
ويواسيني عله حسين وغربته
وما تبرد عله زينب حرگته
ودمعه اعله الغريبه دوم مسفوح
تهد الحيل آه يا نار الاخيام
واعظم كل مصيبه مصيبة الشام
أول تالي زينب بين ضلام
ويتفرج عليهه اليجي ويروح
سيد علي الموسوي
#اللهم_عجل_لوليك_الفرج
#جديد
#قميص_الحسين
وزن : #الفائزي
.
.
الليله القميص البِدِّمه تنشره الزهره
ويبدي العزا والنوح لمصيبة العشره
يبدي العزا من تنشره ويتگاطر ابدم
وكل ناحيـه يمليـها بأحزانـه محـرم
هذا قميـص الصـدره بالحافر تهشم
والخيل ردت تالي يا ويلي اعله ظهره
هـذا قـميـص الصـوّبـوا بالسـهـم گلبـه
وذبحوا رضيعه وكل هله وخوته وصحبه
عطشان مات وما سگوه لو حتى شربه
عطشان او ظل الماي يجري والله كتره
هذا قميص البي دِمه من جسم الأكبر
حين اللي شاله وجسمه عالغبره تنثّر
وبيه دم نحر جسام ويّه دم الأصغر
مذبوح ظامي ما شرب لو حتى گطره
هذا القميص البيه دِمه چفين عباس
ودم عينه المصيوبه ويّه طبره الراس
ودم صدره تالي هالذي بالخيل ينداس
مثل أمه تالي مو ضلع ينهشم صدره
هذا قميص البيه كل اجروح الإحسين
ابعين البصيره ننظره مو شوفة العين
وأعظم مصيبه اللي عليها انزيد الإونين
ابعين الگلب لو شفنه بيه ادموم نحره
__
تمت ببركات مولاتي الزهراء عليها السلام
#فاطمة_كريم
٢٠٢٤ م
ويلي يمه ويلي ويلي
ويلي يمه ويلي ويلي
**
يبن روحي ،، ويغالي
يعافيتي ،،، ودلالي
يا يمه العطش إذاك مو وكته
بيد حسين شفتك والوجه درته
صوب خيام بيهن تكتل السكته
بيهن انته بس يوليدي وين انته
يعبد الله ،، ست دموع وجروح
يعبد الله ،، عمرك نسمه ويروح
يعبد الله ،، ونك ياخذ الروح
رحت عطشااااان ،، ترد تعباااااااان
ونينك هاااااااد ،، صرت ذبلااااان
ويلي يمه ويلي ويلي
ويلي يمه ويلي ويلي
**
عمت عيني ،، غريبه
الگلب رايح ،، حبيبه
وراك عيوني راحن وانه بخيامي
ها بعدك عدل عبد الله يلضامي
بده الموت بچفوفي ومر على اعضامي
يماخذ روح أمك لا ترد دامي
يعبد الله ،، خَلّص شوف العيون
يعبد الله ،، تخنگ چلمة (شلون)
يعبد الله ،، يعايش فوگ المتون
اصيح اعليييك ،، نفس ما بييييك
اروح وياااااااك ،، العطش ماذيييك
ويلي يمه ويلي ويلي
**
ترد يبني ،، واشوفك
واقبلهن ،، چفوفك
رجعت وگلبي مات بساعة الشفتك
نبله ابمنحرك يوليدي ذابحتك
وگعت اعله الوطيه وبالدمع شلتك
ردتك بس تباوع ليه بس ردتك
يعبد الله ،، سهمك حيل أذاك
يعبد الله ،، ما تاخذني وياك
يعبد الله ،، أگعد وفّي لرباك
حظن تابووووت ،،، تخلص الصوووت
بعد المن ،، نظل ببيوووووت
ويلي يمه ويلي ويلي
ويلي يمه ويلي ويلي
**
متت يمه ،، حياتي
وصل بعدك ،، مماتي
الوليلك بچي وما اريد اودعنك
تعال بحظني يلما ينشبع منك
ميت بس عدل يوليدي اشوفنك
عيونك غمضتهن ها متت چنك ؟
يعبد الله ،، افتح عينك وشوف
يعبد الله ،، حيلي ولوني مخطوف
يعبد الله ،، ياهو ايشيل الچفوف
متت وياااااك ،، يبعد اربااااااك
احلف الموت ،، اريد ويااااااك
ويلي يمه ويلي ويلي
ويلي يمه ويلي ويلي
***
مهد خالي ،، بدونك
أيا وحشة ،، عيونك
ياهو العرف قدرك يلحفظتك سر
على فراگ الولد يا والده التصبر
أم المنذبح بله شبعد تنطر ؟
هي النبله بله شجابهه اعله الدر ؟
يعبد الله ،، وسفه وبالثرى تنام
يعبد الله ،، ما تجمعنه الايام
يعبد الله ،، ورانه طلابة الشام
نروح بعيييد ،، يو جه العييييد
بلا ولياااااان ،، بدينه الگيييد
ويلي يمه ويلي ويلي
ويلي يمه ويلي ويلي
خادم أهل البيت عليهم السلام
الشاعر رعد الفريجي
.
اللهم عَجَّل لوليك الفرج وأبلغه عنا السلام
لمناسبة قرب حلول شهر محرم الحرام قصيدة الاشتياق لصاحب الزمان عجل الله فرجه
**
شيصير لو ويانه تگعد
الغيبه الطويله تريد موعد
حتى اليسافر مده ويرد
مهدي يمهدي مولاي مهدي
***
صفنة مگابر وحشة بيوت
رجفت وداع بظهر تابوت
بها يا علي نتنفس نعيش
نتعب سنه ونطٌلع الصوت
عاشور اجانه ونسأل شلون
مهدينه وينه الظهره مطعون
بيا مجلس بيا دمعه يا آه
كثر البواچي ايخرب العيون
هم ينتچي ولحضات يهده
ضيم الطفوف دموع خده
كل ذكرياته هموم شده
مهدي يمهدي مولاي مهدي
***
يلشايل الطف عينك متاع
عايش غريب ومحني الاضلاع
نشتاگ الك ونريدك اتعود
مامش مطر ومتانيه الگاع
بساعة المغرب حيرة احساس
تلتم سوية وتگعد الناس
كلمن يرد لهله وهلك وين
ندري الجواب ايشل الانفاس
يم الحسين أتصير لچمه
عبد الله لو رايد تشمه
اگطع نزيفه وفيض دمه
مهدي يمهدي مولاي مهدي
*
خانگ هواك هناك دخان
وركضة سبايا بجدم تعبان
لهسه بخيمكم تلهب بنار
لا ماي يفزع كلشي عطشان
تشوف الصبح و الليل المصاب
والصار يوم العصره والباب
طيحت كفيل بدون الچفوف
وحسين صار ابكربله تراب
نفس الوجع كل يوم نفسه
من ياهي يا مولانه تنسى
كل الضماير موت خرسه
مهدي يمهدي مولاي مهدي
****
اهلا وسهلا نكتب بشوگ
والفرح من العين مبيوگ
ننتظرك بكل جمعه مولاي
يلفي السبت والعمر مخنوگ
دمع انتظارك ينزل أمطار
يمتى الفرج يا صاحب الدار
مسجد السهله ايحظنك يريد
صاحب ثنيه وكلنه خطار
بالكوفه منبر فوگه تخطب
بثار الحسين هناك تطلب
صب الدمع علمحسن اتصب
مهدي يمهدي مولاي مهدي
***
بس مر علينه الدنيا صحره
واتصدق اعله الكون نظره
انت الدوى الموصوف للناس
حبك عجيب (احساس) (فطره)
الدنيا بغيابك دنية دموع
بس انتظارك عدنه موضوع
بس الله يدري بحاله كل يوم
لل بذنه يسمع كسر الضلوع
نبقى اعله موعد ترجعلنه
واقعنه يا حبنه وحلمنه
نعرفهه بس انته التلمنه
مهدي يمهدي مولاي مهدي
كلمات الخادم/ رعد الفريجي
ثوابها الى روح والدتي
#جديد
#الهلال ودخول محرم
وزن : البحر الطويل
تقرأ القصيدة بجميع أطوار البحر الطويل + تقرأ في النعي بطور : لفى عاشور + التغريد الحزين
.
.
سلام الله على اجروحك .. يمهدي وجفنك المقروح
سلام الله على گلبك .. اشكثر يا سيدي مجروح
آه يا مولاي .. آه يا مولاي .. آه يا مولاي .. آه
____
إجه امحرم يبو صالح .. ويعين الباري دلالك
عليك ايجدد اجروحك .. ويغيّر بالحزن حالك
يمهدي وچم صور تفجع .. يرجّعها على بالك
صورة چم طفل عطشان .. وصورة چم طفل مذبوح
____
وبعد صورة گمر طايح .. گمر مگطوعه چفينه
مصيوب ابعَمَد راسه .. وسهم نابت وَسَط عينه
وأظنّك بالخيم تسمع .. يمهدي ونّة اسكينه
تبچي مره عالعباس .. ومره اعله الرضيع اتنوح
____
اببالك چم شباب الراح .. يمهدي وراحت اسنينه
هذا الوذّروا جسمه .. والله لوالده ايعينه
وذاك امن العرس محروم .. بدِمه حنوها چفينه
ابدال الزفه والحنه .. دمّه اعله الثرى مسفوح
____
وبعد أعظم مصيبه اعليك .. تشاهد جدك وصبره
گبل ما ينذبح بالسيف .. تدوسه ويلي العشره
وتالي اعله الثرى مگلوب .. يمهدي ينگطع نحره
وعلى راس الرمح راسه .. اگبال الهاشميه ايلوح
____
تمت ببركات مولاي صاحب الزمان عجل الله تعالى فرجه الشريف
#فاطمة_كريم
الجمعة ٢٤ / ٥ / ٢٠٢٤ م
گالها المولى الرضا يابن شبيب
ابيوم لول من هلال امحرمه
انكنت باكي فابكي عالشيب الخضيب
يوم عاشر والدمه ترس السمه
لحزنك ابمطروح عالغبره سليب
خلي جاري العين عالوجنه همه
اجره الجنات والرحمه نصيب
كلمن ايواسي الوديعه فاطمه
ترى مذبوح انگتل جدي الغريب
منسحن گلبه انفطر من الضمه
حاطته بسيوفها مثل الكثيب
بوادي رمضه وخيلها متزاحمه
الا من ناصر ولا واحد مجيب
وحوله انصاره جثث متلملمه
احتار مابين الذبح فوگ اللهيب
وبين خدر ايظل عيال اميتمه
بالله يا ريان كثر بالنحيب
على منحور وعظامه امهشمه
ما على من يبكي للهادي الحبيب
لو عمى لعيون لوم اللايمه
گول ليتي جنبه بالعاشر گريب
تنال اجره وابمناك الغانمه
عادي من عادانه يا ابن شبيب
وسالم اللي بالمحبه انسالمه
@@@
علي أحمد الحمود
١٩-٥-٢٠٢٤
نبطي
١ محرم
الهلال
#جديد
#الهلال ودخول محرم
وزن : التجليبه ( مربوعه )
.
.
حطّينه السواد ابكل مجالسنه
واعله احسين ننصبها فواتحنه
حطينه السواد وبانت الكسره
ومن هالليله كل لحظه إله نقره
وبالدمعات ننطر فاطمه الزهره
تحضر للعزا وتسمع صوايحنه
نستقبل محرم بالعزا والنوح
عدنه اكبر عزيه للگضه مذبوح
ولو تطلع عليه امن الحزن هالروح
ما يكفي حزننه امصابه جارحنه
ما يكفـــي حزننه للگضـــه مظلــوم
ومن شرب العذب ياويلي ظل محروم
وابخيل اعوجيـــه صدره ظل مهشوم
كون انمـــوت لجله من نوايــحنه
ليل انهار نقره ونلطم الهامه
شهر احسين هذا وبانت أيامه
آيــمصيبته ويا لوعة أيتـــامه
نظل نبچي عليه ابكل جوارحنه
___
#فاطمة_كريم
٢٠٢٤ م
عالغبره نايم ويون اخوي من الألم
عالغبره نايم ويكلي شيطلع السهم
شكد سحكت عليه الخيل ومن صدره اسمعه ايون حيل
****
مرمي اخوي عله الترب والتمت الخيل عليه
ياناس جابنه سحك وما ظل ضلع سالم بيه
عطشان وبحر الشمس وميه محد ينطيه
هذا اليطعنه بالرمح وذاك اليرفسه برجليه
بالحر ينازع وضايع عليه حته الهوه
بالحر ينازع وبخده جم مره انجوه
دمه يصب شبه السيل ومن صدره اسمعه ايون حيل
*
نايم لكيته عله الوجه وشكد يون من صدره
كلبته ولكَيت السهم ياناس وكاسر ظهره
وباوعت لن حافر فرس بضلوعه تارك حفره
وحته الأصابع ياخلك بيديه شفت مو عشره
تسعه الأصابع وكوه الهوه يتنفسه
تسعه الأصابع ومن أيده باكَو محبسه
منهم شفت خويه الويل ومن صدره اسمعه ايون حيل
***
اهواي مطعون برمح من كل كتر ينزف جان
مايكدر ايكوم وشفت حط خده فوك التربان
بحر السمومه شو نمت خويه شكثر جا تعبان
باوع لي ودموعه جرن وكلي يزينب عطشان
اميه رايد من العطش ريجي يبس
اميه رايد اجروح دلالي انترس
بعيني السمه صارت ليل ومن صدره اسمعه ايون حيل
***
خويه عليه تأخرت وحيل انشغل بالي عليك
ألكيتك تون عله الثره وما تكدر تمد رجليك
لا عندي شربت ماي إلك ولا عندي وصله تغطيك
كون الله لا ينطي السهم عالهوه اتدور مخليك
من الحوافر ارسومك الحلوه اتغيرن
من الحوافر اضلوعك ادري تكسرن
ايجر النفس مابيه حيل ومن صدره اسمعه ايون حيل
****
اشمالها الخيل بقصد كامن عليه ايسحكَن
ما ظل صدر عنده شفت اضلوعه عله ظهره انطبكَن
ويكلي راسي والجسد ساعه وبعد يفتركَن
وبعدي يخويه تحضري عليج الخيم يحتركَن
ياخويه كومي ساعه ويجي ليه الشمر
ياخويه كومي رايح يعذبني شكثر
عنه كَمت دمعي ايسيل ومن صدره اسمعه ايون حيل
***
من بعيد اباوع والشمر بسيفه اعتناله ورمحه
تربع على صدره وصحت لا يا شمر لتذبحه
خايب درحمه وبالرمح لتخلي راسه تجرحه
ولترفعه بيدك يم طفل ابنيته خاف تلمحه
عنده يتامه من تذبحه تذبح جم طفل
عنده يتامه مو مال تصعد عالهزل
توكع اذا ناكَه تميل ومن صدره اسمعه ايون حيل
*
تمت
ميثم العمري