7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عبدالله ماي العين امك انه امك
اكعد يبعد جـــلاي جيت انا يمك
*****
اكعد يماي العــين وفتح عيونك
ليش المنيه بساع غمضت جفونك
شتسوى بعد دنياي يوليدي دونك
وشيطفي جمر الاه شيطفي همك
*****
ماشوف عدهه ذات كوم اللعينه
بنبلة غدر ذبحوك كلهم ضغينه
ودمك رماه ليفوك عودك ولينه
وماوكع فوك الكاع عبدالله دمك
*****
ابجي ونوح اعليك وبكلبي حسره
وعبراتي لجلك دوم عبره اعله عبره
الفاكد عزيز الروح يبني شيصبره
احنلك حنين النوك وتمـــــنه اشمك
*****
عبدالله بيك البين بالطف فجعني
خله الحزن والاه بــــعدك اجني
اليوم المنيه وياي زيـــــدلي وني
ووجهي الطمه حيل لومرني اسمك
*****
مصابك يحز بالروح ومصاب الحسين
خلولي نص حشاي خولي جرحين
جرحك وجرح حسين صعبات الاثنين
وحالتي بعدك هاي جيت انا اعلمك
*****
المات ابنه بالدلال ناره سريه
يبقه يجر حسرات حد المــــــنيه
والونه اله اوي النوح تصبح سجيه
ريتك ترد لحظات وبصدري اضمك
*****
خادم اهل البيت / ابومحمد العاشور
[١١] ▪️قصيدة مولاتنا أمِّ البنين (عليها السلام)
عن الحسن بن خضر عن أبيه عن جعفر بن مُحَمَّد [الصادق] عليه السلام :بُكِيَ الحُسَينُ عليه السلام خَمسَ حِجَجٍ ، وكانَت اُمُّ جَعفَرٍ الكِلابِيَّةُ تَندُبُ الحُسَينَ عليه السلام وتَبكيهِ وقَد كُفَّ بَصَرُها..
الأمالي للشجري : ج ۱ ص ١٧٥ .
مَرْجعُ الدمعةِ بينَ العالمينْ
إنَّها فاطمةٌ أمُّ البنينْ
عينُها كُفَّتْ ، وهذي وحْدَها
عِبرةٌ بلْ عَبْرةٌ طولَ السنينْ !
جَسَّدتْ في وُلْدِها معْنى الظَّما
وحسينٌ وحْدَهُ الماءُ المَعِينْ
أرخصتْهُمْ للهدى في كربلا
فبجنبِ السبطِ ما كانَ ثمينْ
عينُها كُفَّتْ بما قدْ سمِعَتْ
ما بها لو نظرتْ حالَ الحسينْ ؟!
إنَّ وجهَ الشَّمسِ يا سيِّدَتي
بِحِجارٍ كسروا منهُ الجبينْ
إنَّ صدرَ العطفِ بل صدرَ السما
إرتقى أضلاعَهُ شمرُ اللعينْ
إنَّ رأسَ المجدِ أمسى في القنا
ونساهُ دونَ كهفٍ أوْ مُعينْ
هلْ نعى بشرٌ لكِ الخدر الذي
باتَ نهباً لأيادي السالبينْ ؟
هل نعى بشرٌ بناتِ المرتضى
ميِّتاتٍ بقيودِ الشاتمينْ ؟
آهِ لو شاهدتِ جهراً زينباً
أُدْخِلتْ في الشامِ قصرَ الشامتينْ
أُدْخِلتْ والرجسُ نشواناً دعا
أينَها بنتُ أميرِ المؤمنينْ ؟!
أعذريني ، وبحبلٍ شدَّها
فهوتْ بينَ جموعِ الظالمينْ
عبَسَ العبَّاسُ منْ فعلِ الخنا
آهِ لكنْ قطعوا منهُ اليمينْ ..
تمت بعناية الحجة عجل الله تعالى فرجه
الشاعر علي عسيلي العاملي
#قصيدة_أم_البنين
#محرم_١٤٤٦
#اللهم_عجل_لوليك_الفرج
السلام على فاطمة العليله
عافوني بغربتي يمهدي ودمعتي
ودموعك ودموعي دم تجري لعمتي
•••••••••••••
من طلع ضعن الهواشم والدمع مني يصب
خلصن ادموعي ولگيته ينزف ويبجي الگلب
ياالعايش اويانه بكل زمن ادري
إلك وحدك ياقائم اشتكي امري
لان مثلي اعله زينب دمعتك تجري
يمهدي
دمعاتي امجرحه عالنوگ الرايحه
وابابي لحبابي منتظره بلوعتي
•••••••••••••
فترة إلعافوني وانه جنت احس ابدمعتك
تدري لسه الدار وحشه وانت طالت غيبتك
داري بلا زلم بس انه اون فيها
يمهدي بكربله اندفنت اهاليها
ادور آثارهم أگعد اشم بيها
يمهدي
يا لعايش بالفله وديني لكربله
بچفوفك ودموعك انصبها إلخيمتي
•••••••••••••
عللهزل مچتوفه زينب راحت ابين الزلم
تنضرب والروس تهتز والمناحر تنلچم
تعاين عالجثث متوسده بغربه
تعاين عالحسين اهدومه متسلبه
بعد ذاك السهم شايل ثلث گلبه
گلبه يمهدي
يا المن دم دمعتك تجريها لعمتك
واسيني بجيني اشكيلك هضمتي
•••••••••••••
آه يا المهدي ورقيه بالخيام إلتحترگ
إلگال مامچويه كلها راح أگولن موصدگ
تركض عالجمر والشمس ظهريه
تضربها السياط وهيه مچويه
نادتهم بعد السوط مابيه
رقيه يمهدي
وعباس إعله النهر وحسين ابلا نحر
من وني ومن ونك مجلسنا إلعيلتي
•••••••••••••
من اجى الناعي وسمعته ايست من كل امل
الا انت ويمتى جيتك دمعتي تنادي العجل
عجل مابقى بالروح كل ونه
وابيت الزچيه يصير مجلسنه
صبح العاشر اعله حسين نتعنه
يمهدي
بكل من نمر لزهره ننتظر
وبونتك وبونتي وبونة جدتي
•••••••••••••
انتظر جيتك يمهدي اشعندي غير الانتظار
لهجتي وتسبيحي تدري من دعاء الندبه صار
اصليلك قضاء الحاجه كل ليله
متى الغايب يربي يصير تعجيله
عبد الله اريدن ماي اوديله
يمهدي
وبالشام اهناك اخت بحسرتها اني متت
وإلعمتي وإلإختي يالوعة حسرتي
•••••••••••••
الخادم
كريم التميمي
چنت ما اعطش اشوفك كافي
بچلمة الياخويه ارطب اشفافي
توني حسيت ابضماي
چلمة الياخويه ماي
يا ابو فاضل
.
العيله من تعطش تجيك
بجودها ادور عليك
تريد ترويها يبو فاضل عذب
وتگصد لشاطي الفرات
تجيب بالجربه الحياة
وطبة الكوثر على عيالك تطب
واني حسينك من چنت اضمه
اگصد شخصك اوگف يمه
ولو گتلك خويه بهالچلمه
اشرب ماي
يبو فاضل وارتوي من عيونك
چان موتني العطش من دونك
گوم ياحامل لواي
چلمة الياخويه ماي
يابو فاضل
.
من سمعت الصوت صاح
وشبچت عليك الرماح
خويه حسيت بعطش ماينوصف
لمن اني اوصلت ليك
ردت اگلك شنهو بيك
لگيت عامود الغدر خالع چتف
شمكسرها اسهام ابجسمك
شموصل للحافر دمك
ماي انته تطشر شيلمك
ياعباس
جيت عطشان وردت هالچلمه
گلي خويه بيها ابد ما اضمه
حسين منك راد هاي
چلمة الياخويه ماي
يابو فاضل
.
سهم عينك وصل وين
لهامتك وصَّل العين
شلون اجرن سهم واصل للعضم
من احركه بيه صوت
يگلي من اطلع يموت
ألعمود براسه بي كسر وهشم
ردت عيونك تنظر عيني
بچلمة ياخويه ترويني
حركها اشفافك حاچيني
يا رواي
كسرت ضهري وشمتت عدواني
مين اجيبن اخو مثلك ثاني
نار احس شمت هواي
چلمة الياخويه ماي
يا ابو فاضل
.
على گلبي حط اديك
ضامي شوفه اشگد عليك
لون چف سالم وما منگطع
من الضمه دلالي ذاب
حروفي من تطلع تراب
ومن اشوفك ارتوي حد الشبع
ارجع وحدي لصوب اخيامي
وتترك گلب الحبك ضامي
بچلمة خويه شد حزامي
يانوماس
ردت چلمة خويه ارجع بيها
ومنها كل اخيامنا اسگيهاز
ضامي عيالك وراي
چلمة الياخوي ماي
يابو فاضل
.
شلون يم زينب اروح
وبيدي من دم الجروح
خاف تتلگاني ولدمك تشم
روحها متعلگه بيك
خاف للشاطي تجيك
وهيه مثلي ترتوي بهاذا الاسم
چلمة ياخوي تكفينا
من حر هذا الطف تروينا
بياخويه الحره تلاگينه
تروينا
لما تلفظ اسم عباس الگمر
من عطش زينب احس ينبع نهر
گلي وياك اني جاي
چلمة الياخويه ماي
يبو فاضل
كريم التميمي
قصيدة تترجم غربة مولاتي زينب ع ✍✍
اليوم زينب غريبه غريبه
تصيح يا عظم المصيبه المصيبه
😭😭
اليوم زينب رايحه ويه الغرب
فاتت على حسين والمدمع يصب
والمتن اسود يويلي من الضرب
ظلت تنوح الحبيبه حبيبه
تصيح يا عظم المصيبه مصيبه
✍✍
اليوم زينب غريبه اشحالها
تنظر على الثرى ضل كفالها
مشمره بالحومه كل ارجالها
تصرخ الراح اشيجيبه اشيجيبه
تصيح يا عظم المصيبه المصيبه
✍✍
مرت الحره على جسم الغريب
وسفه يا خوي ه تكله يا الحبيب
نايم اعلى الوجه والمنحر خطيب
كوم يالزاجي حليبه حليبه
صيح يا عظم المصيبه مصيبه
✍✍
ليش نايم على الترب يا مهجتي
ليش خويه وياك فلت خوتي
كوم خويه وشوف عرجه ناكتي
والكلب زايد نحيبه نحيبه
تصيح يا عظم المصيبه المصيبه
✍✍
تكله ليش الخوه فلت يالحنين
اني زينب قوم ليه يا حسين
ليش نايم خويه ومغمض العين
وانه دمعاتي سجيبه سجيبه
تصيح يا عظم المصيبه المصيبه
✍✍
خويه من ضيم الكلب اعتب عليك
وانه ادري يا ابن امي مو بديك
خويه وصواب الحجر شمسوي بيك
والنحر ضايع طبيبه طبيبه
تصيح يا عظم المصيبه المصيبه
😭😭😭
تمت بحمد الله وتوفيقه بقلمي المتواضع خادمة الحسين ع أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام 🙏🙏
لحن (يـ ام البنين)
بصوت
ملا عباس مزهر
بصره
لحن(ياجواد المخيم)
بصوت
ملا صادق هاشم
بغداد
يَا شَهَرْ حِزْنِي وْمُصَابِي يَا حَنِينِي وْدَمْعِتِي
هَلَه بْعَاشُورِ الْنِّوَايِبْ هَلَه بْمَوْسِمْ خِدْمِتِي
-----------------------
مِنْ سَنَه لْجَيْتَكْ أَنَاطِرْ يَا حِزِنْ أَهْلِ السِّمَه
أَرْدَ ابَيِّضْ وَجْهِي تِدْرِي يَا شَهَرْ يَمْ فَاطِمَه
فَاطِمَه بِينِ الْمَجَالِسْ أَدْرِي بِيهَه هَايِمَه
وَآنَه لِعْيُونِ الزِّچِيَّه حَضَّرِتْ دِشْدَاشِتِي
-----------------------
دِنْيَه مَا بِيهَه مُحَرَّمْ وَالله مَا تِسْوَه أَبَدْ
وِالْگَلُبْ لَا مَا أَرِيدَه لُو عَلَى مْصَابَه بُرَدْ
مَجْلِسِ حْسِينِ شْحَلَاتَه عِنْدِي أَحْلَى مْنِ الشَّهَدْ
وَانْدِعِي بْهَايِ الْمَجَالِسْ تِنْكِتِبْلِي مُوتِتِي
-----------------------
مِنْ أَطُبِّ قْرَايَه چَنِّي ظَامِي بِالْمَايِ ارْتِوَه
چَنِّي مَخْنُوگِ وْعَزَاءَه يِنْفُخِ بْرِيْتِي هَوَه
يِنْگُلُبْ حَالِي مْنَ اشُوفَنْ لُونِ الَاحْمَرْ بِالضِّوَه
مُو بِدَيَّه دَمْعِي يِجْرِي هَمْ تِطُولَنْ صَفْنِتِي
-----------------------
عَايِشِ سْنِينِي عْلَه بَابَه خَادِمَه وْبِي أَفْتِخُرْ
فَتَّحِتْ عِينِي وْبِچِيتَه يَا شَهَرْ مِنِّ الزُّغُرْ
الْيِبْچِي لِحْسِينِ وْعِيَالَه وَالله مَبْخُوتِ شْكِثُرْ
وَآنَه بَسْ خِيمَةْ عَزَاءَه هِيَّه صَارَتْ خِيمِتِي
-----------------------
شْلُونَ اهِيدِ وْجَرْحِي يُبْرَه وْنَحْرَ ابُو الْيِمَّه نِزَفْ
وِالْعَطَشْ يَبَّسْ لَهَاتَه وْلُونَه يَا وَسْفَه اخْتِلَفْ
وِالصَّدُرْ بِخْيُولُ امَيَّه مْرَضْرَضِ وْحِيلِ انْخِسَفْ
حَگِّي مِنْ طَارِي الْحَوَافِرْ مَا أَبَطِّلْ وَنِّتِي
-----------------------
شْلُونَ اهِيدِ وْعِنْدِي زِينَبْ حُرْمَه طَاحَتْ بِالْفَلَه
مِنْ بَعَدْ عِينِ الْكِفَلْهَه يَسِّرُوهَه بْكَرْبَلَه
آهْ يَا گَلْبِ الْعَقِيلَه وِالسَّبِي نَارِ وْبَلَه
بِتْ عَلِي فُوگِ الْهِزِيلَه عَالْغَرِيبَه صَرْخِتِي
-----------------------
#إستقبال_محرم
#محرم_١٤٤٦هج
الشاعر حسن خنافر العاملي
اصعب شي يصير صار بخيامي
من شفته يلوع ذاب گدامي
عبدالله ينوح راد مي ظامي
@@@@@@@@@@@@@@@
كل هذه الصار وباقي مقاوم صبري
تره ونت اوليدي الضامي تگصر عمري
بين الراح ومايرجع حاير بمري
مضحيلي بچفه وعينه وطايح ظهري
حسيته يگول يگول. . تعذرني
ياصبر ايوب ايوب صبرني
جفك منك مگطوع يحزامي
اصعب شي يصير صار بخيامي
@@@@@@@@@@@@@@
شفتك عبدالله تريد الماي اضوگه
ونيت وجاي اسمع ونتك مخنوگه
وشبيده الناشف دم عل جف بعروگه
من طاح الكافل ضعنك ناخت نوگه
يوليدي تريد اتريد. مي عيني
بس كف النوح النوح. ياذيني
كل ثگل الكون اندار بجدامي
اصعب شي يصير صار بخيامي
@@@@@@@@@@@@@@
وجهك مصفر يوليدي وحاير بمرك
شلتك للماي بجفي وگطعو نحرك
يوميه تناغي وتضحك بحضان امك
بس الماخافو ربهم گصرو عمرك
دم نحرك سال سال بحظاني
سهمك ياريت ريت صاباني
گلت لمك هاج اخذه وليدج ضامي
اصعب شي يصير صار بخيامي
محمود رحيل التميمي
ندبة بالامام الجواد عليه السلام
لقضاء الحوائج
طور يسجلني
🤲🤲
ابو الهادي تعنيتك
تجبر گلبي حنيتك
اجر حسره
بحر جودك اتعنيته
ابابك دمعي هلّيته
اجر حسره
اجيت ودمعي بلعين
الك مدّيت اليدين
اجر حسره
🏴🏴
ٓاجيت وبلگلب حسره
دمعتي اعله الوجن جمره
همومي سيدي كثره
مولاي انظر لحالي
من الهم مافرغ بالي
من اول عمري للتالي
تعنيتك ابآهاتي
اهل بلباب دمعاتي
جبت مولاي حاجاتي
اجر حسره
اريدن حاجتي الليله
الحسبه صارت اطويله
اجر حسره
الليله امرادي تطّيني
لباچر لا تخليني
اجر حسره
اجيت بگلبي نارين
الك مديت اليدين
اجر حسره
🏴🏴
اجيت بدمعه سچابه
نار ضلوعي لهابه
مضيفك اگعد ابابه
اگعد گعدت مجدّي
غير الدمع ماعندي
باتت لوعتي بچبدي
ضيف آنه نزل عدّك
گلّي ابشر وماردّك
حاير لايذ بسدّك
اجر حسره
لجودك چفّي مدّيته
خالي حاشه ردّيته
اجر حسره
ارد بحاجه مگضيّه
وانفض هم ال اعليّه
اجر حسره
كفو يبن النيامين
الك مدّيت اليدين
اجر حسره
اجر حسره
🙏🙏
ام محمد الحجاج
انعاك من الطف متت ياسيدي بحسرتك
يطحن سنينك جن رحى وضل بيه اثر عبرتك
ياباقر آل المصطفى عشت الجرى اوي عمتك
تشاهد حرم يتراكضن
وضاع الضعن ماضل ضعن
منانه روحك ونگضت
عماتك بيوم اطلعن
وللضعن مال ضل بس عليله
وروحك تباري للعقيله
يا شيمتك العمتك تحمامي
من بالخيم ماضل علم ومحامي
__
نيران شبت بالخيم وحترگت الطفوله
باربع سنين اتكفلت من ناخت الحموله
وتدري الحچي ماينحچي ولهذا ماتگوله
بعينك شفت سبيي الدلال
وبيدك تشد ذيچ الحبال
بكل عگده روحك تنعگد
تنسى وتمر عينك خيال
وتعاين العمتك سبيه
تبجيلك وتبچي الرقيه
نفس العمر ونفس الجمر سحكته
وبنينوه الرمل الچوه ركضته
__
معصوم چفك ونعصم بحبل الرزيه تالي
وعينك تصب لجل الحُسين ولزينبك تلالي
غالي البقه فوگ الثره والعلهزيله غالي
بين الحرم بين الحُسين
ضلت الك مشبوحه عين
تبقى لون تمشي بيسر
ياحيرتك تگصد لوين
ياهضمة وداع الغوالي
وياهضمة الصعدن عوالي
خدر النبي يمشي لسبي حرامات
وتغربن بيه المشن يتيمات
__
ياهضمة ايام السبي واكلفهن الخرابه
امن تشوف خل مات اعله خل لمن ندبله بابه
دار الوكت بآل النبي ياجرحك وعذابه
وتحملت درب اليسر
وعانيت بس جان الكسر
لمن شفت تالي الضعن
بنسوانه يدخل للقصر
ذباحك الشام ومراره
وهم ذابحك قصر الاماره
فتر الزمن وماضل وطن لعفافه
وبالطالبي يحكم دعي حسافه
__
طلابكم چنه العطش والسم گضه الهواشم
تتجرع بسم الزمن وتنحب على الفواطم
تالي انگضه نحبك چتل وهل عاده عالضياغم
والسم طفه ذاك الحسن
البرسومك وسد الجفن
واشوه ألك شيعه احضرت
وجنازه ناحت بالدفن
ميت لچن دمعك يلالي
عالضل طريح اتلث ليالي
محد دفن وبلا چفن حُسينآه
اهل القرى الدفنت ترى اويلآه
__
حسين سعد البهادلي
_شهادة مولاي الباقر عليه السلام
▪️دار احزان▪️
فزاعيه
في نزول كربلاء
ونت الليله العقيله
من وصلنه كربلايه
————
ونت ابدمعه شجيه
آه يايمه الزجيه
هاي ارض الغاضريه
دار احزان وبلايه
———-
شيل عنها يبو اسكينه
والنهر اسمع ونينه
بيها شو روحي حزينه
وجنها إالعزي النهايه
———-
بيها مكتوبه النوايب
كلها آلام ومصايب
منها قلبي خويه ذايب
وهاي ياخوي البدايه
———
قلبي يمه الله اليعينه
مصرعه ايخطه ابيمينه
ايغمض بهالقاع عينه
وكلها تتذبح ضمايه
————
شيل عنها آيغالي
كدرت كربله بالي
شيل ياعزي ودلالي
بيها لاحتلي المنايه
————
#بنت_الشمري
▪️أرض المنيه▪️
في نزول كربلاء
نزلونه الغاضريه
ودمعة اعيوني جريه
جنها هاي ارض المنيه
ودار الفراق
———-
اسم الله ياروحي عليهم لاتونين
هيبة الهادي اشوفن ويّه ابو حسين
وين مااصدن نجوم اتفرّح العين
هذا بو الاكبر شمسهم ويّه إلحنين
امعلگه بيهم ياروحي
فرحتي همّ اويه نوحي
جنها هاي ارض المنيه ودار الفراق
—————
ياهوا هونك عليهم كلهم احنان
والله اجابلهم وقلبي بعده لهفان
خاف شمسج ياسما اتغيّر هالالوان
حدرج اضمايا اشوف ابلايه اكفان
سولفت روحي مصايب
هنانه نبديها النوايب
جنها هاي ارض المنيه ودار الفراق
——
علي وي جسام حولي جنهم اورود
يمه واسم الله الشفايف ويّ الخدود
هم يفطرها الضما واتْغَيْر إلجلود
يازماني بالهضم وشمالك اتجود
ياصبر روحي الشجيه
يمه وينج يالزجيه
جنها هاي ارض المنيه ودار الفراق
———-
فدوه لعيونه كفيلي وفدوه للروح
اتصدن اعيونه عليه ايردلي وا يروح
مدري اشماله دليلي ايصد له واينوح
جنها يا زهره المنايا اعلينه اتلوح
عميه كون اعيوني يمه
اشلون احمل زهره همه
جنها هاي ارض المنيه
ودار الفراق
————
آه يمه وين اروح انشوفه دامي
بأخر انفاس المنيه ايصيح ظامي
آه ياسهم المثلث صدره رامي
والشمر يمه يحزه ابسيف أمامي
وتسحگ الخيل اعله صدره
كل عطم يمه تكسره
جنها هاي ارض المنيه ودار الفراق
————
شيل يابعد العقيله ابروحي اشلون
عفيه ظل الحيل خويه وظلت اعيون
فطرت قلبي طفوفك قبل ماتكون
امشي مسبيه يخويه وقبلي تمشون
امشي والروس انظر الها
كلشي روحي ظن كِتَلْها
جنها هاي ارض المنيه ودار الفراق
————-
بنت الشمري
٢٠٢٤
#جديد
#النزول_بكربلاء
#فزاعية + طور : حسين ذب اعمامته
.
.
للطف أبو اليمه وصل
حيّاك صاحت كربله
__
بيها نزل وي عيلته
وويّاه نزلوا صُحبته
لأرض اللي بيها ذبحته
ويدري بهضمها والبله
__
أرض المنـايا نـادتـه
وبالدمعه چنها حيِّته
واستبشرت من نزلته
هالشرف وين اتحَصِّله
__
چن نادته أرض الطهر
ومن عنده ظلت تعتذر
واتگله مو طبعي الغدر
بس هالفجيعه امسجله
__
موعوده بيّه الفاجعه
وبارضي تصير الواقعه
وتُبگه الجُسوم امگطعه
واتظل دِماكم سايــله
__
اعذرني يبن المصطفه
لو شمع جسام انطفه
ورُگبة رضيعك نازفه
وجثة علي متفصله
__
اعذرني لو شفت الگمر
مذبـوح طايـح عالنهـر
ولو صرت مكسور الظهر
وشفت الأهالي امچتله
__
اعذرني يبن الطاهره
لو صار جسمك عالثره
وصدرك الخيل اتكسره
وبالغصب زينب راحله
__
تمت ببركات مولاي الحسين عليه السلام
٢٠٢٤ م
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
١٠٩٤- كربلاء 👇
عن علي بن الحسين (ع) في قوله تعالى : (فَحَمَلَتۡهُ فَٱنتَبَذَتۡ بِهِۦ مَكَانٗا قَصِيّٗا)«١» قال : خرجت مريم من دمشق حتى اتت كربلاء فوضعته في موضع قبر الحسين عليه السلام ثم رجعت من ليلتها.«٢»
العـــــوالم لولا ذكر الطف مكاناً
وگبر حسین قد اصبح مكان أن
بعيسى انتبذت مريــــــم مكاناً
قصياً يعني وادي الغـــــــاضريه
✍ فراس المحمداوي
«١» سورة مريم / الآية ٢٢
«٢» وسائل الشيعة للحر العاملي ج١٠ ص٤٠٥
نضره من عينك يبو فاضل
----------------------
كبل اديه جيدي مديته الـــــــك
سيدي بنظرت عطف اتأملـك
الماتمد جفك إله ضاع وهلــك
باسم زينب والحسين اتوسلـك
مدلي جفينـــك يبو فاضل
---------------------
شلون اعزيكم بلا رخصه تصـح
بغير لطفك دمعت الناعي تشـــح
شلون اعيش الواقعه الكلهه ذبـح
انطيني من دمعت عيونك ياسمح
وابجي لحسينــك يبوفاضل
---------------------
اقسم عليك بضلوع الطاهــــــــره
خادم اقبلني يبن سيد الـــــــــورى
دمعي ما يكفي عله ابو اليمه جره
خلي نحري ينجوي لحز منحـــره
ونوحي لجبينــــك يبو فاضل
-----------------------
امس زينب جابت الجـــود واجت
وعلى مهرت غيرتك رايه اعتلت
ولمن الجربه عليها اتاخـــــــرت
عيالك بصبر العقيله اتصبــــرت
ونادتك وينك يبو فاضل
--------------------
بين مارحت وبكه حر الضمـــه
ويارقيه لشوفتك متعلمــــــــــــه
مادرت عل مشرعه جف انرمه
وباليسر طفله غريبه بلا حمـــه
تخاف تشكيلــك يبو فاضل
---------------------
نحر عبد الله اعتله عليه السهــــم
حسين ماضله عضيد ابهل الخيم
وسهم المثلث ترك جبده خـــــذم
ودار الك عينه يشيال العلــــــــم
وبيده يوميلـــك يبو فاضل
---------------------
وزينب وماسولف اعليهه اشجره
خاف اجرح بيك غيرت حيـــدره
ركبت الهزل يسبع الكنطــــــــره
وعرضه ﻻنظار الخلك المخـدره
المتن يحجيلك يبو فاضل
------------------
نذرت عيني ودمعي وانذرت العمر
وسمت من لوعت الطف الصـــــدر
انجان مااخدمك اشفرقي من الشمر
واني كل مجلس متاني وانتظـــــــر
بدمعي اناديلــــك يبو فاضل
كريم التميمي
حاجيني يا علي الأكبر
حاجيني يا علي الأكبر
........
حسين شافه من وگع من مهرته
سيوف وارماح وسهام اتلگته
حسين ابو يركض طلع من خيمته
شاف خياله عليه ملتمه
حاجيني يا علي الأكبر
حاجيني يا علي الأكبر
..............
شاهد الخياله ملتمه عليه
من السيوف ايشاگف الأكبر بديه
جالاسد راح ابو اليمه معتنيه
طاح من مهره على ابنه ايشمه
حاجيني يا علي الأكبر
حاجيني يا علي الأكبر
................
ياجرح يمسح ويترك ياجرح
يا سهم منه يطلعه ويارمح
والعطش جرحه صعب ماينمسح
طلب ماي وماي ماصح يمه
حاجيني يا علي الأكبر
حاجيني يا علي الأكبر
..........
يگلي احسن ناظري يبني انطفه
واني اشوف أعضاء جسمك نازفه
من بعد نورك يشبه المصطفى
على الدنيا العفى بعدك عتمه
حاجيني يا علي الأكبر
حاجيني يا علي الأكبر
.........
شلون شال ابنه عليه ضهر انكسر
شلون لم جسمه وعلي صاير وذر
خاف راسه يميل خنجر بالنحر
شلون ابوه ايوصله لخيَّمه
حاجيني يا علي الأكبر
حاجيني يا علي الأكبر
..........
من وصل خله علي ابنه ابخيمته
وين زينب صاح زينب سمعته
شلون لو امه يزينب شافته
واسي امه من تشوفه بدمه
حاجيني يا علي الأكبر
حاجيني يا علي الأكبر
........
ليلى تعثر بالدمع كل سا تطيح
بلكي تلگي علي مابي شي جريح
شافته يبني علي گامت تصيح
امين ماتلزم ابنها اتلجمه
حاجيني يا علي الأكبر
حاجيني يا علي الأكبر
كريم التميمي
#محرم_١٤٤٦
#ليلة_الأصحاب
#قصيدة_عمودية
ومضى البواسلُ عانقوا سُوحَ الرَّدى
أرواحُهم لِمودّةِ الآلِ الفدا
وقضَوا عُطاشى والحسينُ فراتُهم
يسقيهُمُ طه على حوضٍ غدا
سجدَ الوفاءُ معظِّمًا لوفائِهم
لبَّوْا نداءَ السّبطِ ما قبل النِّدا
شيخٌ حبيبٌ، دونَ درعٍ عابسٌ
والحرُّ خيّرَ نفسَهُ، واستشهدَ
وبريرُ وابنُ القينِ، بشرٌ، مسلمٌ
كلٌّ هوى طوعَ المنونِ ممدّدا
ساروا وسار القلبُ يبكي خلفهم
حُزنًا على من ظلّ فردًا أوحدَا
ما من محامٍ عنه بينَ أميّةٍ
مُستَوحدًا وإليه تزدلفُ العدا
نادى ألا من ناصرٍ بين الوغى
ردّت عليه سيوفُهم، دوّى الصّدى
لا شيء يشبهه جريحًا شامخًا
من كربلا بثّ الكرامةَ في المدى
#ليلة_الأنصار
#كتابات_حسينية
عشق الرضا
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
مرقدك جنة حياتي...ياابن خير العباد
انته بالدنيه أنيسي..وشافعي بيوم المعاد
گبتك اتوزع حوائج..بوبك اتوزع مراد
العشگ باب الرضه اسمه..والرزق باب الجواد
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
يالرضه اشمحله ابضريحك ..من اقيمن مجلسي
واقره بالطور العراقي..واقره طور الفارسي
الطوسي بابه اشگد احبه..واحب باب الطبرسي
ذكريات اهواي اليه.. اشگد صور ماتنسي
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
أنه احبك بالعراقي.. يابعد روحي وهلي
وحته بالايراني اگلك.. علي يامولاه علي
ياهواك الهسه اشمه... ومالي انفاسي ملي
اهناك اي تومان اصرفه... في ألف يرجع الي
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
شعبك الزوار وانته..ايها الضامن رئيس
هاك اخذ ايامي كلهه.. انطيني بس يوم الخميس
بالخميس احسين ازوره.. وابقه بالمرقد جليس
احسين للخادم مهابه..وانته للعاشگ انيس
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
لو گرب موعد وداعك.. يحرگ ابگلبي الفراق
ويبتدي العد التصاعد..للدمع والاشتياق
والتفت عالگبه وانظر..للجدار وللرواق
مدري في ايران اظلن..مدري ارجع للعراق
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
مرقد الكاظم ازوره.. هذا أمام الرافضه
واشتبه باسمه واگولن..السلامُ عالرضه
والشمس تطلع واشوفك..انته شمس الموعظه
ياسعد بخته اليحبك..وابشبگ بابك حظه
ياعلي بن موسى 00 ياعلي بن موسى 00 ياسلطان
ــــــــــــــــــــــــــــــــــــــ
ريحة اذنوبي بضريحك..تنگلب ريحة ورد
شمسك التحرگ وجودي.. بيهه احس نسمة برد
مثل ابوالصلت الخواجه..كون أظل يمك عبد
لومثل دعبل الشاعر.. اقره وانته اتگلي اعد
ياعلي بن موسى 00 ياعلي بن موسى 00 ياسلطان
محمد الجماسي
#اللهم_عجل_لوليك_الفرج
((يَـ ام البنين))
بالضماير عايشه يَـ أم البنين
"""""""""""""""""""""""""""""""""""''''''''''
بالضماير عايشه بنــص النفوس
وجدمچ يخضر ورد لمن يدوس
مدرسه بالتضحيه وام الـدروس
وراحو اولادچ وصرتي ام الونين
بــــالضماير عــايشه يَـ ام البنين
"""""""""""""""""""""""""""""""""""''''''''''
درس انتي للنســـــــاء المكرمات
من عرفتي اجسام ولدچ عاريات
ابن حذلم گـــــــالج يمكن ممات
وگلتي فدوه الاربعه لَـ أسم الحسين
بــــــالضماير عــــــايشه يـ ام البنين
"""""""""""""""""""""""""""""""""""''''''''''
آه يـــــــا أم البنين انتي الوفه
بسمچ المعلول يرجعله الشفه
وبسمچ البردان يجراله الدفه
اباب بيتچ منجمع كل الحنين
بالضماير عــايشه يَـ ام البـنين
"""""""""""""""""""""""""""""""""""''''''''''
احنه محتارين بس عـــندچ حلول
فــــدوه دلينه عــــلى كَـــبر البتول
شكثر محتاره ترى اصحاب العقول
انريد كَبر الطاهره وكَبر الجنين
بــالضماير عــايشه يـــــام البنين
"""""""""""""""""""""""""""""""""""''''''''''
انتي وسط المهجه وبنص العيون
يـــــالملكتينا يمـــــن كَلبج حنون
وبسمچ الغـــــياب والزهره يجون
لو عمر صارلهم وكومةّ سنين
بالضماير عــايشه يَـ ام البنين
عبد زينب
محمد الابراهيمي
((ياجواد المخَيم))
ياجـــــواد المخَيم انته دمعةّ محرم
انته گلب العطاشه انته گــلبك تيتم
شـــاب وشَيبت من دمعةّ العين
كل لحضه التمر بلسانك حسين
عشـــرينك عفتـــهن وين مولاي
أضن ويه السـبي ودعتّ السنين
عباده ودين وأحكام
وتدگ بيبــان الايتام
وتگلهم عمـتي تروح
سبيه تدخـــل الشام
جَوآد الدمعه مولاي ...
"""""""""""""""""""""""""""""""""""''''''''''
يچفوف العطيه يروح الحـيدريه
يبستان المودات حروفك أحمديه
اكيــــاس العطايه فوگ المتون
من درب الدرب ومنديه العيون
بثوآب حسين چنت تــوزع الزاد
وتنعه العمتك والفقـــره يبچون
عمتي ام عون شافت
رقيـــه شلون طاحت
عــلى اوداج القداسه
بس شمــتها مـــــاتت
جَوآد الدمعه مولاي ...
"""""""""""""""""""""""""""""""""""''''''''''
طف من المحاچي يعقوب البواچي
مــــا تحـــمل أذنها مسلوبه التراچي
على الطف يبدي يومك والدمع حار
لَحَــــــد مـــــاينتهي بالشــام الحجار
هـــــواي چفـــــوف ماتتحمل أحبال
ومچــــويات هــــنه أچفــوف الزغار
تلوع وصبـــرك يلـــوع
وتلطم فوگ الضـــلوع
عمــــاتــــــي سبــــيات
عطش والهزله والجوع
جَوآد الدمعه مولاي ...
"""""""""""""""""""""""""""""""""""''''''''''
يـــــاشهيد المدامع ياجواد المواجع
ركض أبلايه جدوى وترسم بالاصابع
جـــدي سلبوا مـــــن چفه خنصر
وحوافر صارت أعله ضلوعه وتمر
عــــــدل ويــدير طــــرفه للمخيم
علــــى المكتوب يحمد الله يشكر
سهم صـــدره تعده
وثلم يانــاس چبده
اثنعش طگه يطگو
رمح صــاير يسنده
جَوآد الدمعه مولاي ...
"""""""""""""""""""""""""""""""""""''''''''''
ويــــــلي مــــاتروه وحط اتراب تچوه
يريد يشوف الخيام وحتى الشوف گوه
يريد يشوف وأوضـاعه عصيبه
على التل يسمع تنادي الغريبه
اذا تگدر تگــوم تشوف الخيام
ترى خيامك يبــو الغيره نهيبه
شمــــر ويـــــلي تربع
بصـــدره وگام يگطع
بنحره ودمه عطشان
نحــــر جـــدي تبضع
جَوآد الدمعه مولاي ...
عبد زينب
محمد الابراهيمي
الابوذيه للامام الحسين ع
اخيول وبالركض عالمات... فرت
اخبار أبن النبي بالكون ... فرت
منعوه من عذب من نهر ... فرت
ظامي هاالسبط ماشرب ميه
الجناسات
الاول: ركضت فرت
الثاني: فرت بالكون
الثالث: نهر الفرات
خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/1
٢٣ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج
شهادة الامام الجواد عليه السلام
عگيلي
🏴🏴
باخر لحظه يدير عيونه
واتمنه اخوانه يحضرونه
🏴🏴
وحده يون بدار الغربه
من حر السم يابس گلبه
يدير عيونه ومحد گربه
مصفر وجهه اتغيّر لونه
🏴🏴
للقبله اندار اخر لحظه
وبدموعه ال تجّاره توضّه
زار حسين وخلّص فرضه
وزار المسبيه المحزونه
🏴🏴
بت المأمون الغدّاره
عافتّه ايون وحده بداره
ضامي وگلبه يفور بناره
مارحمت حاله الملعونه
🏴🏴
باب الدار اعليه قفلتّه
ويلاه يمصاب العملتّه
ينازع ومّدد خلّتّه
لاخلّت شيعه يداوونه
🏴🏴
مايمه احّد فاضت روحه
محّد سد عينه المفتوحه
رايد ابنه وظلت مشبوحه
واخوان بموته يغمضونه
🏴🏴
بس طير يرف بجنحانه
وينوح امگابل جثمانه
ماتندل الشيعه مچانه
نعش المسموم يشيعونه
🏴🏴
لا حول ولاقوة الا بالله العلي العظيم
عظم الله لنا ولكم الاجر
ام محمد الحجاج
قصيدة " عظيمة الخاتمة "
#السيدة_زينب
لحن / باسم الكربلائي يكرهوني و احبك
قصيدة رئيسية + نزلة
ــــــــــــــــــــــــــــــــــــــــــــــــــ.
أخوتي الما مثلهم ... أقدم شكري إلهم
فدو خدري بدمه - عظيمة الخاتمة
بالطْفوف - بالطفوف
ــــــــــــــــــــــــــــــــــــــــــــــــــ.
أنه الحره العقيله اخت الحْسين
و الي اخوان اربعه ولد ام البْنين
يضمّوني اخْوِتي بنص محجر العين
وعلي اخواني شكثر إلهم عَلَيْ دين
خمسه همّه و يا كثرهم - زينب اغله من عمرهم
وعلي الواحد عشيره ... حنين و كلّه غيره
مثل حامي الحمه - عظيمه الخاتمه / بالطْفوف
ــــــــــــــــــــــــــــــــــــــــــــــــــ.١
شحلات اخوان عباس الشفيّه
عَلَيْ چانو أحن من الزچيّه
شكثر وصّتهم ام عباس بيّه
وْ فدوني بروحهم بالغاضريّه
جعفر و عثمان اخوتي - من عگبهم أرجه موتي
وْ رحل عبدالله عنّي ... عليهم يعله ونّي
جثث متخذِّمه - عظيمه الخاتمه / بالطْفوف
ــــــــــــــــــــــــــــــــــــــــــــــــــ.٢
العطش كفّالي بالطف گال ابيده
واجيب العلگمي لبنت الصميده
الْعساكر عالنهر چانت عديده
عمت عين ايدي گالَوْ گطعَوْ ايده
الدنيه سوده بلا كفيلي - تسعر الجمره بدليلي
بَلا يْساره و يمينه ... عمت عيني اعله عينه
على الشاطي انرمه - عظيمه الخاتمه / بالطْفوف
ــــــــــــــــــــــــــــــــــــــــــــــــــ.٣
والحسين و نعم ما مرّه قصّر
يگلّي خدرچ اغله من الاكبر
وگع بالغاضريّه بْلايه منحر
حْرِگَوْ خيمتنه عگبه وِنْتِيَسّر
شگد اخوتي دلِّلوني - من عگبهم يسِّروني
والتْوِن اعله اخوها ... بالسْياط اضرِبَوها
غريبه بْلا حمه - عظيمه الخاتمه / بالطْفوف
ــــــــــــــــــــــــــــــــــــــــــــــــــ.٤
درس للخوّه ضل عايش ذِكُرهم
أخوتي القدِّمَوْ ليَّه عمرهم
إلٰهي بالحشر يرفع گَدُرهم
الزچيه فاطمه هْناك تْحَضرهم
تشكر الضحّه بطفوفه - و الگمر ترفع چِفوفه
يمينه وي شماله ... إلى الباري تعالى
تْحَضَرهم فاطمه - عظيمه الخاتمه / بالطْفوف
ــــــــــــــــــــــــــــــــــــــــــــــــــ.٥
علي جبار الخفاجي
#جديد
#النزول_بكربلاء
طور : شال الشهيد حسين
.
.
بطف كربله هاليوم .. نزلوا بني هاشم
ودمع العقيله لاح .. فوگ الوجن ساجم
حطّــوا أهاليـــها .. وبَنّوها لخيمــهم
وابعين زينب چن .. لاحت مصارعهم
بهاي الأرض تدري .. لن ينسفك دمهم
ومحد يظل ليها .. ايرد للوطن سالم
بهاي الأرض موعود .. من گبل ميلاده
ينذبح بيها حسين .. وي جملة أولاده
وكلها ضحايا اتصير .. وما تسلم الساده
وكلمن ابفيض ادماه .. فوگ الترب نايم
بهاي الأرض تدري .. كل الأهل يرحون
وعالغبره تتگطع .. ومحد يظل لأم عون
والروس فوگ ارماح .. جيش العدو ايرفعون
واگبالها اعداها .. اتهوس بالإعمايم
ويوم اهدعش بالويل .. للغربه تتيسر
وتركب هزيل النوگ .. وسفه بِنِت حيدر
عنهم غصب تمشي .. وتبگه الجثث بالبر
ويحفر متنها السوط .. وما بيهم الراحم
تتيســـر الحــره .. وعــنِّ الأهــل تِبْعــد
اتشوف المرار أشكال .. من عالهزل تصعد
بضيم الخرابه اشلون .. بت فاطمه تگعد
واتروح للشامات .. وتدخل على الظالم
____
تمت ببركات مولاتي العقيلة زينب عليها السلام
#فاطمة_كريم
٢٠٢٤ م
▪️نزّل الخاتونه▪️
في نزول كربلاء
نزّل اضعونه وصاح الوالي
يبو فاضل نزل الخاتونه
——
صاح ابو الاكبر ونادى اعضيده
اعيوني افرشهن ابهاي البيده
نزل الخاتونه خويه ابهيده
وشوف محملها يخويه اشلونه
————
امدلله تدري يخويه بيها
اعيونك الثنتين خلها اعليها
انخاف اختنه امن الهوا ياذيها
لاتخلّي المحمل ايهزونه
————
سور شبان الهواشم خلها
خويه لا ينشاف طول و ظلها
فدوه اعيوني وبنيني كلها
ولا طرفها خويه ايشوفونه
———-
نزل الخاتون خويه بيدك
تدري بيها يا نفلنه اتريدك
اتصيح فدوه الك انا ولاعضيدك
خويه يادرة علي المكنونه
———
تدري بيها يبو الغيره امدلله
خاف من بعدك تصير امعلله
تدري جبناها يخويه الكربله
ومن بعد عزك تظل محزونه
——-
#بنت_الشمري
٢٠٢٤
▪️حطينه▪️
في نزول كربلاء
طور تعبانه ايوب الفريحي
رابط الطور : https://youtu.be/6vOiPH4xWkI?si=5Fwlb8C081QTeSSg
حطينه يزهره يمه للضعن حطينه
بنّينه الخيام كلها ابكربله بنّينه
ونينه روحي ودليلي والنَفَس ونينه
قلبي ابهضم ناح اهنا تبده إلحراج
اهنا تشوفين مذبوحه الافراح
يالغالي ياخويه
———-
لعيوني هاي المنايا لوّحن لعيوني
ايخلوني كلهم ذبايح بالفلا ايخلوني
ايهضموني بعد المعزه وهيبتي ايهضموني
دار الذبح هاي ومايبگه روّاي
كلهم يروحون اعمن يعيناي
——-
يالغالي ون القلب ويّه الهوه يالغالي
احوالي شومن نزلنه اتغيرت احوالي
بس هالي دمعي على اخدودي يظل بس هالي
اتروح الاصحاب وماتبگه احباب
واتسولف القاع نجم الفرح غاب
————
يذبحوني اهنا تأشر يالولي يذبحوني
يرموني بسيوف وارماح الحقد يرموني
ايروّني بدماي وادماكم تره ايروني
تتلوى بضْماك وتتروه بدماك
واعيوني اتشوف سهم العدا ارداك
يالغالي ياخويه
——-
ترسمها بيدك اماكن الذبح ترسمها
تفهمها واسوالف الريح الاجت تفهمها
تِألَمها ياخوي روحي هالارض تألمها
اهنا توّنون خويه وتظلّون
بالحر ذبايح احملهن اشلون
يالغالي ياخويه
—————
#بنت_الشمري
٢٠٢٤
#جديد
#النزول_بكربلاء
وزن : التجليبه
.
.
اليوم بكربله ضعن المجد يِنزل
وباگي أيــام معدودات للمقتل
اليوم بكربله ينزل ضعن هاشم
وبگلب العقيــله الله العــــالِــم
تدعي ابكل وكت عساه يظل سالم
حسين ابن النبي والحزن يتبدل
اليوم بكربله نبني الخِيم كلها
بهيبه وابأمان اعيــون كافلها
لكن عگبه ياهو اللي يِظل إلها
ومن هاللحظه أيام الخطر تِجبل
باگي أيــام معدوده اعله فجعتنه
واعلينه العده ايحرگوها خيمتنه
وانشاهد على التربــــان إخوتنه
ويا گلب لجــرحهم والله يِــتحمل
چم يوم ويِحِـل العاشر وظهـــره
والمــاصار بينه ابهالأرض يِجــره
ابلا روس الغــوالي كلها عالغبــره
ووين حسيــن بيهم والله ما نندل
وعنهم بالغصــب يا ويلي نتيسر
وايمنعونه عنهم باچـــــر العسكر
واتظل الجثث مطروحه وسْط البر
ومن يمهم نظل ، الجيش ما يِقبل
____
تمت ببركات مولاتي زينب عليها السلام
#فاطمة_كريم
٢٠٢٤ م
الكاظميه .. نوركم ضواهه ..
الكاظميه .. بيكم شمحلاهه ..
..............................
بالجوادين شحلات الكاظميه
نورها ماينطفي صبح ومسيه
ألف هنياله اليزور بصافي نيه
بالصلاة أعله النبي ودمعه جريه
الكاظميه .. بهالأسم نتباهه ..
..............................
المناير والكبب تضوي وتلالي
هله بالزوار أسمع صوت عالي
لو وصل للكاظميه كل موالي
شما تعب ياخذ مراده بيده تالي
الكاظميه .. شكد حلو ملكاهه
................................
لو وصل باب المراد يطفي ناره
الزاير بدمعه وحزن يقره الزياره
بلهفة العاشك يجي الطال أنتظاره
تريد تشبع شوف عينه من المناره
الكاظميه .. زياره يتمناهه
...............................
خاف أموت وهاي الزياره الأخيره
أشبك الشباج و أتنسم عبيره
لا أخو الينفع ولا تنفع عشيره
بالشفاعه أحظه و أبد ما تبقه حيره
الكاظميه .. ما أمّل طرواهه
..............................
هو بس باب المراد وماله ثاني
مو علك ينطيك حاجات وأماني
كاصد وهذا العشك جمره وجواني
كل سنه لو ما زرت ميت عساني
الكاظميه .. الكلب يهواهه
................................
الكاظميه هيه عنواني وهويتي
خادم وماريد جاه ويعله صيتي
و لا أدور كاميره وتنشر قضيتي
آنه كل مجلس حسيني أعتبره بيتي
الكاظميه .. هله بالوالاها
................................
حيدر مطر العبادي