🌴تجمّع الزهراء ع العاشورائي🌴

16 июня 2024 22:19

😭😭😭😭😭😭😭😭😭😭😭😭😭😭😭😭😭😭😭😭😭
یرایح للحسین اویاك اومیلي

علی الشباچ گله العاگني حیلي

جسمي ما مشه بس روحي وادلیلي

بکل لوعة الفاگد چودرت یمه

✍️ام ضیغم المحنا
😭😭😭😭😭😭😭😭😭😭😭😭😭😭😭😭

🌴تجمّع الزهراء ع العاشورائي🌴

16 июня 2024 22:09

#قصائد_في_خدمة_الخطباء
#محرم_١٤٤٦
#الوصول_الى_كربلاء

(طور البحراني)

يا جدّي هذي كربلا أرض النّوايب
بهاي أَنْمنِع عنّ العذب ويَّه الأطايب

اهنا كلشي عنّه خبّرت يجري عليّه
اهنا توگع اصحابي يجدّي عْلى الوطيّه
اهنا إبني لاكبر أنظر دموعه جريّه
وگلبي يظل من الحزن والحسره نايب

ابهاي الأرض يوگع على التّربان جاسم
وبهاي عبدالله الطّفل ما يلگى راحم
اوعبّاس جسمه عْلى النّهر ما يبقى سالم
يوگع عضيدي وتبتدي أصعب مصايب

عين العقيله تالي تشهد جسمي مطروح
فوگ الأرض تنظرها كثره بيّه لجروح
والأصعبِ عْليها إذا شافتني مذبوح
الرّاس عْلى لِرماح وْجسد فوگ التّرايب


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 22:03

فمن كان يدّعي الاتباع والمحبّة للنبيّ صلى الله عليه وآله وسلم لا ينبغي أن يظلم ويكفّر غيره من المسلمين باسم النبيّ صلى الله عليه وآله وسلم الّذي قال الله عنه: ﴿وَمَا أَرْسَلْنَاكَ إِلَّا رَحْمَةً لِّلْعَالَمِينَ﴾28، وعلى المسلمين منع إساءة المنكرين لنبوّته صلى الله عليه وآله وسلم ، فكيف يقومون هم بالإساءة؟!


▪تمهيد للمصيبة

نعم،لقد ادعوا محبة النبي ص وقد آذوه عندما دفعوا مولاتنا فاطمة خلف الباب وكسروا ضلعها واسقطوا جنينها..اي محبة هذه..منعوها من البكاء على ابيها ..ثم لم يتبعوا اوامر الرسول   ص بما يختص بولاية امير المؤمنين علي ع ولم يكتفوا بذلك..بل سمموا الحسن المجتبى ع..   غدروا بالاماك  الحسين ع واخرجوه من مدينة جده رسول الله..ارادوا قتله اثناء ادائه

الحج ولو كان معلقا في استار الكعبة..ترك المدينة وتوجه قاصدا كربلاء ..
الى ان وصل الى كربلاء،توقف جواد الحسين ع..نهره لم ينتهر،بدل الفرس وكذلك لم يتحرك الى ان بدل سبعة افراس،عندها سأل الامام الحسين عليه السلام عن اسم الارض التي وصلوا اليها..قالوا تسمى نينوى،فسأل: ألها اسم اخر،قالوا تسمى شط الفرات،قال الها اسم اخر،قالوا تسمى الغاضرية،قال الها اسم اخر،قالوا تسمى كربلاء...
عندها تنفس الصعداء وقال:نعوذ بالله من الكرب والبلاء..

حطوا الرحال فذا محط رجالنا وخيامنا
وهنا تكون مصارع الشهداء
انزلوا ها هنا محط رحالنا

ها هنا تسفك دماؤنا..
ها هنا تسبى نساؤنا
ها هنا تحرق خيامنا. 


ومضت الليالي حتى كان ما اخبر به الحسين عليه السلام..من قتل وسفك دماء وحرق خيام ..هذا وزينب تجر اذيالها والفاطميات حولها..حائرات ..لا تدري  ماذا تفعل.. دخلت كربلاء في عز ووقار..حولها اخوتها وحُماتها ولكن اليوم لا ولي يدافع عنها ولا محامي ولا كفيل..وهي تستغيث ولا تغاث..راحت تنادي امها الزهراء وابيها علي ..نادت جدها رسول الله


تعالوا لابنكم غسلوه                         والكفن ويّاكم دجيبوه

وجيبوا قطن للجرح نشفوه                 وعلى اكتافكم لحسين شيلوه

وبهداي وسط القبر خلّوه


لكن لهفى نفسي لتلك الغريبة..فلا من مجيب يجيب دعواها..
لاذن بالجسد المطروح على تراب كربلاء..
رأتهُ بتلك الحالة حجرٌ قد صَكَّ جبينه
وسهمٌ أصابَ قلبه الشريف
والسّهام والنّبال تدميه
وهي تحاكيه ،تناديه ولا تسمعُ جوابا
العيون غائرة..~
والشّفاه ذابلة..~
والخدُّ تريب..~
والبدن سليب..~
صاحت واحسيناه واغريباه وأخاه
ليت الموت أعدمني الحياة:


ذَبلانه العُيون هواي
ولا يِقدر يحاكيها...~
قلبَه من السّهم مجروح
ولا يدري شْ حصل ليها...~
مفجوعه بسهام عيون
يأَشرون العِدى عليها...~
يا ريت الصابك بقلبك
صوبني يا بعد الروح...

وصلت تِحسب جروحَه
وتتمنى وداع أحباب...~
ولن شافت شمر جاها
وقلبها مِن الرُّعب ماطاب...~
عساها طالت اللّحظه
ولا شافت نحر منصاب...~
اخوها موسّد التربان
ودمعها عالولي مسفوح...


عرفنا اللّي يحضره الموت
يجي يَمّه هله و خلاّن...
هذا يسكب دموعه
وهاذي ترتّل القران...~
هذا يعدل برجليه
وذاك يوسّده باحزان...~
لكن خويه بو اليمّه
نايم عالثّرى مطروح...



ساعد الله قلب زينب  كيف تركت كربلاء بأية حالة.. راحت تودع جسد اخيها  وهي على ظهر الناقة..



تودع زينب المظلوم
من فوگ الهزل وتنوح

عنّك راحله بهاليوم
وجسمك بالفلا مطروح
             🔺🔺🔺
حال اختك يفت گلوب
تعال وشوف هالحاله

يمشوها الغرب بدروب
والدمعات همّاله

راسك عالرمح منصوب
وجسمك باقي برماله

وشيبك. بالدمه مخضوب
آه يا حسين يا مذبوح

               🔺🔺🔺
الله وياك يبن امي
لوحدي وفاگده الولیان

عفتک عالثری مرمي
بروحي هاجت الاحزان

راسك عالرمح دامي
وخضيب الشيب يا عطشان

دمعي عله الوجن سچاب
وگلبی علیک ضل ینوح
                 🔺🔺🔺
ردت انصب عزيه عليك
يخويه حسين منعوني

خذوني بالغصب عنك
ولارض الشام ودوني

انه اتمنيت اظل يمك
ولا منك يحرموني

ارويك بدموع العين 
وانشف دمك المسفوح

✍🏻خادمة آل محمد ص



ابيات الدعاء ونسألكم الدعاء
خلي قلبك مع ام المصائب زينب عليها السلام



ها يدنيا..ما رحمتي بهذا حالي
ها يدنيا..ساهرت كل الليالي
ها يدنيا..صرت حرمه بلايه والي
ها يدنيا..حالتي صعبه ورهيبه
ها يدنيا..زينب وأصبح غريبه
ها يدنيا..وعل هزل امشي سليبه
ها يدنيا..عفت اخوتي أعله الترايب
ها يدنيا..والگلب يا ويلّي ذائب
ها يدنيا..اسمي صار ام المصايب
ها يدنيا..زينب آنه وتعرفيني
ها يدنيا..ابد مابطّل ونيني
ها يدنيا..من الحزن دم تجري عيني


الشاعر محمد حسن ضيغم


مالي حمىً بعد الحماة بكربلا
فبمن الوذ وقد اتتني صعاب

يا الله

نسألكم الدعاء

🌴تجمّع الزهراء ع العاشورائي🌴

16 июня 2024 22:03

إذا كنّا حقّاً نحبّ الله بحيث ظهرت آثار ذلك الحبّ في أعمالنا وأخلاقنا، من خلال اتباع من فرض الله طاعته: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي﴾5، فإنّ الله تعالى سيحبّنا أيضاً بالمقابل: ﴿يُحْبِبْكُمُ اللّهُ﴾6، وسوف تظهر آثار حبّه لنا من خلال غفران الذنوب، وشمولنا برحمته الّتي وسعت كلّ شيء: ﴿

وَيَغْفِرْ لَكُم

ْ ذُنُوبَكُمْ وَاللّهُ غَفُورٌ رَّحِيمٌ﴾7، وهذا معنى شفاعة نبيّنا صلى الله عليه وآله وسلم.

فما هو معنى الحبّ؟

معنى الحبّ

فالحبّ: هو الوداد والمحبّة8 والميل الشديد، ويُقابله البغض والتنفّر. والتحبّب هو إظهار الودّ والحبّ.

فالحبّ: هو الميل القلبيّ والباطنيّ نحو المحبوب، فلا يكون الشيء محبوباً إلاّ إذا

مالت النفس إليه. وهذا الميل ذو درجات ومراتب، فإذا قوي هذا الميل واشتدّ سُمّي عشقاً9.

أي أنّ الحبّ هو تعلّق خاصّ وانجذاب مخصوص شعوريّ بين الإنسان وبين كماله10.

فمحبّة العبد لله تعالى لِما أنّ الذّات الإلهيّة هي الكمال المطلق غير المتناهي، والإنسان مفطور على حبّ الكمال والميل نحو كماله المطلق، ولا يرضى بكمال محدود حتّى يطلب كمالاً آخر أشدّ وجوداً وأكثر كمالاً.

وأما محبّة الله عبده فلِما أنّ الذات تحبّ آثارها، وصاحب الكمالات والأسماء الحسنى يحبّ مظاهر كماله وتجلّيات أسمائه، وكلّما كان الأثر أكثر دلالةً على ذي الأثر، والمظاهر على الكامل المطلق، اشتدّ الحبّ، والأثر لا يكون أكثر دلالةً على الذات إلّا
بالطاعة والفناء بها، وكذا المظاهر والتجلّيات لا يشتدّ تجلّيها وظهورها إلّا بالقرب من المتجلّي والظاهر. فأحبّ الموجودات إلى الله تعالى هو أقربهم إليه من حيث الكمال والمظهريّة والتجلّي، وهو النبيّ الأكرم صلى الله عليه وآله وسلم.

درجات الحبّ

لمّا كان الحبّ عبارة عن تعلّق وجوديّ بين المحبّ والمحبوب، فهو يسري في جميع الموجودات، وهو من المفاهيم المشكّكة أي له مراتب متفاوتة من حيث الشدّة والضعف والدرجة والمرتبة، لذا مراتب الحبّ عديدة ويمكن ذكر بعضها:
الدرجة الأولى: وهي ادعاء الحبّ على مستوى اللسان. وهذا ليس حبّاً حقيقيّاً، وليس درجة أو مرتبة حقيقيّة.

الدرجة الثانية: وهي الحبّ بمعنى التعلّق القلبي والميل النفسيّ، وهذا قد يكون منشؤه العصبيّة والشعور بالانتماء، وليس هذا هو الحبّ المطلوب.

الدرجة الثالثة: الحبّ القلبيّ الحقيقيّ، بحيث يسري الحبّ من القلب إلى سائر الجوارح، فتظهر آثار هذا الحبّ في عمل الإنسان وأخلاقه وسيرته، وهذا هو الحبّ المطلوب.

وقد يشتدّ هذا الحبّ من خلال المتابعة والالتزام بالتعاليم النبويّة، حتّى يصير المحبوب مقدمّاً على الأولاد والعشيرة والممتلكات والتجارات وغير ذلك، قال تعالى: ﴿وَالَّذِينَ آمَنُواْ أَشَدُّ حُبًّا لِّلّهِ﴾11، وقال تعالى: ﴿لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ﴾12.


حب النبيّ صلى الله عليه وآله وسلم بالعمل بأخلاقه

لما كان النبيّ محمّد صلى الله عليه وآله وسلم حبيب الله تعالى, فكلّ من يدّعي المحبّة لله لزمه حبّ النبيّ صلى الله عليه وآله وسلم واتباعه -كما سبق, ومحبّته إنّما تكون بمتابعته وسلوك سبيله, قولاً وعملاً وخُلُقاً وسيرةً وعقيدةً، ولا تصدق دعوى المحبّة إلّا بهذا, فمن لم يكن له من أخلاقه وسيرته‏ صلى الله عليه وآله وسلم نصيب، لم يكن له من المحبّة نصيب، وإذا تابعه حقّ المتابعة ناسب باطنه وسرّه وقلبه ونفسه باطن النبيّ صلى الله عليه وآله وسلم وسرّه وقلبه ونفسه.


من تجلّيات الحبّ لرسول الله صلى الله عليه وآله وسلم

إنّش لحبّ رسول الله صلى الله عليه وآله وسلم تجلّيات وعلامات عدّة، منها:

1- طاعة الله والعمل الصالح الموصل لمحبّة الله
يقول الله تعالى: ﴿قُلْ أَطِيعُواْ اللّهَ وَالرَّسُولَ فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾13.

أي ما دمتم تدّعون الحبّ لله, إذاً اتبعوا أمر الله ورسوله صلى الله عليه وآله وسلم, وإن لم تفعلوا فلستم تحبّون الله, والله لا يحبّ هؤلاء ﴿فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾14.

ويستفاد من الآية أنّ إطاعة الله وإطاعة رسوله لا تنفصلان, وأن إطاعة الرسول صلى الله عليه وآله وسلم هي إطاعة الله, وإطاعة الله هي إطاعة رسول الله صلى الله عليه وآله وسلم.

ولطاعة الله والرسول صلى الله عليه وآله وسلم آثار عديدة، منها:
أ- دخول الجنّة، قال تعالى: ﴿وَمَن يُطِعِ اللّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ﴾15.

ب- مرافقة النبيّين عليهم السلام والصدّيقين والشهداء، قال تعالى: ﴿وَمَن يُطِعِ اللّهَ﴾.

🌴تجمّع الزهراء ع العاشورائي🌴

16 июня 2024 19:57

#قصائد_في_خدمة_الخطباء
#الوصول_إلى_كربلاء
#محرم_١٤٤٥

صورة شعرية: كأني بلسان خال الحسين عليه السلام لأخيه العباس عليه السلام عند وصولهم الى كربلاء.

(وزن الطويل)

يعباس انهض لزينب .. وانصب خويه خيمتها
واخذ بچفوفك ايديها .. والزمها بعبايَتها

١/ روح الها يبو فاضل .. بهاي الأرض خل تنزَل
وصّلها لَخيمتها .. تراها وْياك تتدلل
اجت مهيوبه يا عباس .. لچنها بْلا اهل ترحل
لو حل عاشر ويومه .. تضيع وتبدي غربتها

٢/هاليوم الخدر مكفول .. ومَحَّد يقترب منّه
بس يوم التطيح چفوف .. لا تسأل أبد عنّه
يِعين الله گلب زينب .. لو منها العدو تْدَنّه
تحتار بْجمع لاطفال .. وخلفها تصير ركضتها

٣/هاي الخيمه ما تبقى .. لن بيها تشب النار
وزينب بين خيمتها .. وبّين الشّمر تحتار
يگصدها وبديه السوط .. ويضربها وتصب اعبار
يا عباس دللها .. لن گربت مُصيبتها 


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 19:55

#طور_زينب_إجت_لحسينها
#الوصول_الى_كربلاء
#لسان حال السيدة زينب ع



حَط الظّعن برض البله
وقلبي برزايا  إمتلى
شنهو اليصير ابهالفله
مِنه تِفح ريحة جَلَل

صاحت له زينب يالولي
مو هذي ارضك بوعلي
بيها  الشّدايد  تِنجلي
بس همي يبقالي ويظل

بيها نجوم مطرّحه   
مطروحه ويلي مذبّحه
وراية خِدِرنه  سابحه  
ومن عِدنه مقطوع الأمل

بعيني اشوفه للمصاب
نومه اُخوتي اعالتّراب
وحنّة شباب و بس خضاب
واعجنها من فيض المُقل

ابقى واسير ابلا زلم
وشامت يهزّن بالعلم
منهو الكِفلها هالحَرَم ؟؟؟
شنهو أجاوب يالبطل


#واذا بها نظرت الى كافلها وكافل خدرها :

بداعة  ابونه حيدرة
وامُنه العزيزة الطّاهرة
ترضى أظل امّرمرة
وامشي سبيّه يالنفل

#آآآه يا عباس ارادا ان يهدئ من روعها وصار يتعذر منها ،،يقله :

سامحيني  .. لو صعدتي  .. عالهزيله بلا يمنتي
سامحيني .. لو نظرتي .. عالشّريعه ودم طبرتي
سامحيني .. وعذري ظرفي .. من تِجمد بعيني عبرتي
سامحيني  .. يالحبيبة  .. لا تّزيدي زينب حسرتي


🖊خادمة أبي الفضل

🌴تجمّع الزهراء ع العاشورائي🌴

16 июня 2024 19:54

#محرم_١٤٤٦
#الوصول_الى_كربلاء
#طور_الجفيري
#حالة_ السيدة_ زبنب ع وقد إستشعرت الخوف والخطر



شصاير دمعتي سايله
ظني وصلنا كربله
موعوده بيها من الصغر
شاهد حبايب بالفله

بيها الحزن بيها الألم
وقلبي على إخواني إنلجم
قالوا ارض كرب وبلا
منها أشم ريحة خيّم

من صغري وادري بالخبَر
ترويلي أمي عن نحَر
و روؤس الحبايب عالرمح
وأجملهم الكافل قمر

#شصار مولاتي يا زينب !!!!

وَقَفْ جَواده بو علي
وقاللي يختي اتمهلي
حتى انصب اخِيامِك عَدِل
بعيني أشوفِك كل هلي

#لا حول ولا قوة إلا بالله 💔


🖊خادمة أبي الفضل

🌴تجمّع الزهراء ع العاشورائي🌴

16 июня 2024 19:53

#قصائد_في_خدمة_الخطباء
#محرم_١٤٤٦
#الوصول_الى_كربلاء

[قصيدة عمودية]

وصلنا كربلا حُطّو الرِّحالا
صغارًا نُسوَةً شيبًا رجالا

هنا واللهِ موعدُنا جميعًا
نوَسَّدُ كلُّنا فيها الرِّمالا

هنا يهوي على الرّمضاء صحبي
فيُبكونَ الأسنَّةَ والنِّصالا

هنا لابني عليٍّ دون ذنبٍ
على وجه التُّراب أرى جمالا

وألقى قاسمًا جسدًا صريعًا
هلالًا بعدُ لم يبلُغ كمالا

وعبّاسٌ هناك بجنب نهر ال
فُراتِ أرى بِقِرْبَتِهِ النّبالا

وأسرعُ نحوَهُ كاللّيث فيهم
فأنظُرُ جودَهُ دَمًا اسْتَحالا

أقاتلُ بعدَهُ فردًا وحيدًا
وأُبكي حينما أهوي الجبالا

كأنّي ها هنا بالنَّحر يُفرى
كأنّي ها هنا بالدَّمّ سالا

#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 19:53

#قصائد_في_خدمة_الخطباء
#محرم_١٤٤٦
#الوصول_الى_كربلاء


(طور الجزع أو "ودعتچ وظهري انكسر")

١/حطّو الرِّحال بهالأرض وعدي
خبّرني عن طف كربلا جدّي
بْهاي افگد اصحابي وْيه كل وِلدي
واظلّ وْحيد

٢/اهنا طيحة الكافل تحيّرني
تكسرني وتخلّي الظّهر محني
هناكه الشّمر من بعده يذبحني
يحزّ الجيد!

٣/اهناكه المخيَّم يحترگ بالنّار
اهناكه يْتِسلّب للعقيله خْمار
اهْنا باليتامى وبالنسا تختار
وْحِزِنها يْزيد

#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 09:35

جرحهم يشعب لقلبي اه من فقد الاحباب
ياحسافه والف ياحيف يبقوا رميه بالرمال
▪️▪️▪️▪️▪️▪️
كم شباب وكم حبيب تفجعي قلبي عليه
هذا امخضب ابدمه وهذا مقطوعه يديه
لكن اعظمها مصيبه اللي راسه ماعليه
يبقى مرمي على الغبره مصيبته تهز الجبال
▪️▪️▪️▪️▪️▪️
وكافلي يبقى رميه بجانب نهر العلقمي
بالعمد مفضوخ راسه وسفه مايرجع الي
من عقب عينه بقينا ضايعين ابلا ولي
غابت ابدور التمام وانخسف داك الجمال

✍🏻*رباب الحبيب*
*ام سيد حيدر المعلم*
*******
زينب وصلت ،،بالهون نزلوها
عمتكم حنونه،، لا اتروعوها

ياشبان قوموا،،،، نزلوا العمه
جاء جسام ،،،،والأكبرابن عمه
راحوا للضعينه ،،، يمشوا ابهمه
والعباس وياهم،،، ينزلوها

زينب وصلت ،،بالهون نزلوها
عمتكم حنونه،، لاتروعوها

ابوفاضل شال السيف المذهب
قال انا اللي بانزّل الى زينب
هذي امدللتنا اتأمر وتتطلب
والشبان حول ،،الخدر صفوها

زينب وصلت ،،بالهون نزلوها
عمتكم حنونه،، لاتروعوها++

بالله اشلون ،،نزله تبهج الخاطر
هيد لا اتبيّن ياضحى عاشر
مدري اشلون تطلع بالحرم باچر
اخوة زينب ايروحوا ويخلوها

زينب وصلت ،،بالهون نزلوها
عمتكم حنونه،، لاتروعوها

عز اوفخر والكل يحلف ابهاالراس
ذيك اللي بأخوتها ،يحسدوها الناس
ساعه وحده،، ويصيروا جثث تنداس
واللي كافلنها خولي مو عباس
ايروح العز والعدوان يذلوها

زينب وصلت ،،بالهون نزلوها
عمتكم حنونه،، لاتروعوها

*الـــختـــام*

📍 الموالي يستبشر قلبه من يذكروا كربلاء ، الا الغريبه زينب من طبت كربلاء اضطرب قلبها، آه ..يا زينب

اضيوف عندج كربلايه استقبلينه
ابدور الهواشم انظري ويَّه ولينه

اضيوف عندج كربله هاي المسيه
اولاد طه المصطفى وامنه الزجيه
ليش اعله قاعج دمعتي ابعيني جريه
قلبي توجس من نزلنه الله يعينه

حطت اضعوني والقلب بيه تفرفر
جن اعله قاعج كربله عمري يتمرمر
وقلبي احسه ينهضم حيل ايتكسر
بهداي بالله اعله القلب يجرح ونينه

شبان لعيوني السعد لفادي فرحه
شوفتهم اتسر القلب واتداوي جرحه
هوجاس ياخذني باسى وكل ساع اطرحه
ابعينك ياربي هالزلم عترة نبينه

كربلايه. اضيوفج اولاد الزجيه
كربلايه. حطوا بقاعج مسيه
كربلايه. عينج اعليهم وصيه

كربلايه. خل يفيض الهم فراتج
كربلايه. وخل تظللهم جهاتج
كربلايه. نشري اعليهم عباتج

كربلايه. وصي شمس الله عليهم
كربلايه. وابهداوه من تجيهم
كربلايه. رحمة الله كلها بيهم

كربلايه. بالله لا تحمى شمسهم
كربلايه. ضيم عندج لا يمسهم
كربلايه. لا تغيرينه رسمهم
✍🏻بنت الشمري

📍وين المشتاق للوصول إلى كربلاء الحسين ؟
نتهيأ إلى ليلة مقيد الزوار بهذه الأبيات

ودي يا مظلوم أزورك والدمع مني يتجارى
لكن أسمي ماتسجل هالسنه بهاي الزياره
يامن ابچي من أذكر اسمك وبحياتي انت كلشي
ودي أزورك من قبل مايشيلوا نعشي
ودي أحمل رآيه بيدي ويه هالمشايه أمشي
بس آنه ماسجلوني بها السنه وش هالخساره
سيدي بيوم أربعينك من يمر ابقلبي حسره
ناس تمشي يم ضريحك تبچي وتسچب العبره
ودي وياهم اسافر لأجل أوآسي أمك الزهره

*أبيات التخليص*
هي كربلاء أرض المصائب والبلا
فيها سنُقتل صِبيةً ورجالاً

وبها لأجل الدين تُسبى زينبٌ
والشمر يشتم جدها والآلآ
*****
💔لك العزاء ياصاحب الزمان 💔

🌴تجمّع الزهراء ع العاشورائي🌴

13 июня 2024 22:45

أ و يجلا إبن طه من فنا بيت الحرام 
وهو سبط الهادي حتمًا والامام ابن الامام 
سوف ابكيه طريدًا خائفا بين الانام 
تارگًا مكة لما مكروها المجرمين 
@@@
سيد الجنات هذا وهدى خير الهدى 
يقطع الحج ليمضي نحو رمضاء الردى
سائرًا في خير ركبٍ من بهم يسمو الفدى
ركبهم كالنجم يمضي بين ضوئي فرقدين 
@@@
هجر الحج ليحي حج ايات السماء 
واتى الموت ملبٍ نحو فج كربلاء 
حيثما الغسل جروح نازفات بالدماء
ومسيل الغسل سيل من وريد الودجين 
@@@
قد نعاه البيت شجوًا عندما شاء الذهاب
وامال الركن حجرًا راثيا عظم المصاب 
اذ الى الذبح امالت نحرها خير رقاب 
يوم عاشورا اصطبارًا بصطلام الجحفلين
@@@
 ايه المسعى توارى تحت نبلٍ وسيوف 
واذكر الحوراء لما بين اجسادٍ تطوف 
والى العباس ترنوا وتنادي بالطفوف
يا اخي ادرك خيامًا كانت الحصن الحصين
@@@
حجر اسماعيل حجرا كن لمذبوح الوريد
عندما طاح ضميًا فوق رمضاء الصعيد 
ثم لبي وا غريبا وا ذبيحا وا شهيد 
جسمه المهشوم عارٍ وعلى الرمح الوتين 
@@@
زمزم العطشا بجود الفضل صوب العلقمي
عند كفي كافل الحورا بكفٍ يرتمي 
كيف اروى قالها والحر اضمى حرمي 
أ يُبل الريق مني والحيرا ضامئين
@@@  
علي أحمد الحمود 
١٣-٦-٢٠٢٤
الخروج من مكة

🌴تجمّع الزهراء ع العاشورائي🌴

13 июня 2024 22:39

#جديد_محرم_
#للشاعرة_ام_رائد_زوين

✿〰✿〰✿〰✿〰✿〰✿〰✿

قصيده مقدمه للعليله ع


انه وجروحي بقيت بدارهم

ونتظر  بالكن تمرني  خبارهم
✿〰✿〰✿〰✿〰✿〰✿〰✿

راحو احبابج يروحي  شيردهم

بعد. مايرجع. للديره.  ضعنهم

  للمنايه مشو. ايسي. منهم

عليج ياروحي يطول   غيابهم

✿〰✿〰✿〰✿〰✿〰✿〰✿

بقت  اطوف بخيالي ذكريات

هاعدل حسين هاياروحي مات

هابقت زينب متحتاره بيتيمات

شلون وحدها  تباري عيالهم
✿〰✿〰✿〰✿〰✿〰✿〰✿
بويه يحسين  دلالي  نصدع

ليش منكم ليه ماواحد رجع

النواظر دم  تهل لا مودمع


والجفو مادري شنهو  الصابهم
✿〰✿〰✿〰✿〰✿〰✿〰✿


خابت الامال  ليه   مايردون

رويحتي بغيابهم ها تقنع شلون

افراك  احبابي وابد  ميهون

بالدار ماشوفن   بعد  انوارهم
✿〰✿〰✿〰✿〰✿〰✿〰✿
شيرد السكنو بديره غريبه

عليج موهينه يروحي هالمصيبه

تعمي الناظر الدمعات السجيبه

شلون اصبر ومادري  حوالهم
✿〰✿〰✿〰✿〰✿〰✿〰✿
بقلم الشاعره ام رائد زوين

🌴تجمّع الزهراء ع العاشورائي🌴

13 июня 2024 22:14

#قصائد_في_خدمة_الخطباء
#محرم_١٤٤٦
#اليوم_الأول

(وزن النّصّاري)

١/عَلى نيّة مُواساةِ الزّچيّه
بْمُصاب حسين بارض الغاضريه
تِصُبّ دموع عين الجعفريّه
وتشبّ بْكل گلُب نار المُصيبَه

٢/نِحضَر كل سنه بْسودِ الملابس
وْنِحيي بالبَچي هاي المَجالس
نِبچي عْلى اللّي مات وْثغرَه يابس
وقَليله عليهْ دمعتنا السّچيبَه

٣/نِواسي فاطمه بالطّاح ظامي
وْمن كِثْرِ الطَّعَن كل جِسمَه دامي
كلمن لَجْله يِصرَخ "وا إمامي"
ويِسَمِّع فاطِمَه الزّهره نَحيبَه


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

13 июня 2024 21:06

برنامج محرم الحرام 1446 هـ

قصيدة بحق ام البنين ع (7)


الليله اجي زاير واقره الفاتحه
و كبرچ تبلله ادموعي الطايحه
لعالم اجروحج اسافر

……..

شد حيله بعيوني الدمع .. والروح الچ مشتاكه
والدنيه بيه اتمايلت. .جن هودج اعله الناكه
المهدي أنه ومن غربتي .. وي غربتچ اتلاكه
وسولفنه شلعان الگلب .. بحسينچ وبفراگه

اني وانتي بلا اهل ضلينه
كلمن ينام ودمعته بعينه
بجفني دمعي يبقى حاير

...................

كالولي عالباب انتهه عمرج وضهرج مايل
ومن لاح الحسين العطش صبح احساسج ذابل
تبجين وانتي بلا نفس وعالچفن دمعج سايل
وانه ابچي من دم عالنحر مثل البچه اعله الكافل


اليوم نتلاكه بدموع اثنينّه
ام وابنهه وننحب اعلى احسينّه
عشت عمري .. بكسر خاطر
............

لارض المدينه من اجت زينب وگلبج يسأل
هالضعن ليش ابلا زلم وعالنوگ مامش محمل
عالوجه طحتي من الهضم من سولفَت عالمقتل
ودم الحسين من الذبح والسحك بالطف وشل

الشمر ماكفا الحافر داسه
كبال علوياته شايل راسه
من جرحنه بيوم عاشر
...............

چان انتظارج بي حلم... ترجع ايام العشره
يلمكم حسين بخيمته ... چن سبحة امه الزهره
خلصتي عافيتج نذر ... بس ماكضت هالسفره
تاليهه طشرهه الوكت .. كلمن ورمحه ونحرهه

وانه بالدنيه انتظاري بلوعه
چن گلب مسجون چوه ضلوعه
عالمصايب .. بس اكابر
..............

بالعاده لو مات الولد .. بالدفن تحضر امه
ولو ماتت الام الابن .. يحضر بدمعه وهمه
نعشج طلع وبلا ولد .. عاف بدليلج لجمه
گلبج ياام الاربعه ... هالليله الله يرحمه

في امان الله ييمه ادعيلي
بالفرج هالغربه هدت حيلي
ب اه يومي. .. ودمع باجر
لعالم اجروحج اسافر

………

نسالكم الدعاء
حسين صادق العقابي

🌴تجمّع الزهراء ع العاشورائي🌴

13 июня 2024 21:06

1446 هـ

#قصيدة_ليلة_العاشر
كأني بالسيدة زينب تخاطب الحسين ع
و تقول

لا تفكّــــــر بالصَباح
نام يالغالي استراح
و عالحـــرم لا يظل بالك  
انه خيمتــــــهن بــــدالك
نام يالغالي استراح
ــــــــــــــــــــــــــــــــــــ
لا يظل بالـــــــك عليــــنه
            خوية و شما بينه صار
ربّنه يحــــــوينه ابرحمته
            و عينه ترعـــالي الزغار
عالخيـم كســرة ابنظرتك
            شنـهو يعـــــني بيها نار
أمْسَح ادمـــوعك يغــالي
           و  لا تــزودني انكــــسار

كربلا و شــــما تكون  
سهلة و لعينك تهون
و اختك اتعوضه دلالك
انه خيمتــــهن بـــدالك
نام يالغالي استراح
ــــــــــــــــــــــــــــــــــــ
شو دمعتـــــــك عاليتامة
               حسرة حسرة تنحدر
عالجمر لو حتى سحگوا
               يطفه تالــــيته الجمر
ابتســم راويني ثغــــــرك
              خويه و أكسـبّلك أجر
تدري بيَّه شگــــــد احبك
              و انكسر مـــن تنكسر

روحي تتحول سراب
من اشــوفك بالعذاب
يالحَنيـــن اذّاني حــــالك 
انــه خيمتــــــهن بـــدالك
نام يالغــالي استراح
ــــــــــــــــــــــــــــــــــــ
لا تظــــــل ابهذا وضعك
            و لحــــضن اختك تعال
وينه نحـرك ارد ابـوسه
            و ارد اشم عطر الجلال
خويه و امشينه لبناتك
            نقره ايـــــات الـــــدلال
قُل اعوذُ مــــن سبيهن
           و  قُل اعوذُ امن الحبال
          
شو رجع دمعك يسيل 
ويـــنّه او ويـن الهزيل
لا تهم و شما جـــــــرالك
انــــه خيمتــــــهن بدالك         
نام يالغالي استراح              
ــــــــــــــــــــــــــــــــــــ
اقره بعيونك ســـــــــوالف
          منّـــك اسمعــــــهن اريد
شبيها يا خــوية الشــريعة
         و منّها ليــش اترد وحيد
ابدمعتــك مرسومة جربة 
         و راية طاحت مـن بعيد
الله ليــــــگول و دخيــــله
         ذنّي بــس لا للعـــــضيد

كافي لا مـاريـد اشوف
كافل اخته ابلا چفوف
خوية ضــــــم عنّي خيالك
انــــه خيمتــــهن بــــــدالك
نام يالغالي استراح
ــــــــــــــــــــــــــــــــــــ
شوية عينك خلها تغمض
               خويه و ادخل للخـــــيام
نـــــــام حتى ابليـل باچر
               احنه هـــــم نگـــــدر ننام
بالصـــــــلاة و بالعــــبادة
               نگضي شوط امن الظلام
و لو جِسر جنـــدي يرده
               علي الســــجاد الامــــــام              

باچـــر انه و البنات
وين ما نتعـب نبات
صبري هذا مــن خلالك
انه خيمتـــهن بـــــدالك
نام يالغالي استراح      
ــــــــــــــــــــــــــــــــــــ
كافي خوية ارتاح كافي
                 مــــــا بقه شَــي للصُبـح
ضُمّه حيلك خاف باچر
                راح تتـــــــعب بالــــذبح
و انه گتـــــــلك لا يهمك
                عوفه لام عــــون الجرح
و لا تعاين عالهـــــــزيلة
                و انته صاعد عالـــــرمح

إلرمـــح ما بي امان 
گلبه ميت من زمان
خوية لو فــوگــانه شالك
انه خيمتـــــهن بــــدالك
نايم يالغالي استراح
ــــــــــــــــــــــــــــــــــــ
الحمدلله
#علي_حسين_الكناني

🌴تجمّع الزهراء ع العاشورائي🌴

16 июня 2024 22:09

#قصائد_في_خدمة_الخطباء
#محرم_١٤٤٦
#تلبيات_الحسين(عليه السلام)

(وزن الطويل)

رافع إيده للمعبود .. يلبّي والدّمع بالعين
حبيبك آنه يا ربّي .. يربّ حسين آنه حسين

أطوف ببيتك وأدعي .. ما لَبّي مثل هالنّاس
تَلبِيْتي بأهل بيتي .. باصحابي وعلي وعباس
ألبّي بالجسد عالگاع .. وبْراس الرِّماح الرّاس
ألبّي بْرضَّةَ اضلاعي .. وگطْعِ يْساري وَيْ لِيْمين

لبيك بعلي الأكبر .. دامي وجسمه كلّه جروح
لبيك بجسد جاسم .. گبالي ممدّد بلا روح
لبيك بْأبو فاضل .. على شاطي النهر مطروح
لبيك برضيعي اللي .. أشوفه منگطع لِوْتين

لبّيك بْسَبي زينب .. وچفوف اليِگَيْدوها
وِبْكثرةْ بواچيها .. وْبِحبالِ اليِشِدّوها
بگلبها ال عالنّياگ يْذوب .. لو عنّي يِبعدوها
لبّيك بمَشي للشّام .. وبنوح وبچي وِوْنين


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 22:08

#قصائد_في_خدمة_الخطباء
#محرم_١٤٤٦
#الوصول_الى_كربلاء

[قصيدة عمودية]

قم يا رسولَ اللهِ هذي كربلا
وهنا علينا في غدٍ يقعُ البلا

هذي رمالٌ فوقها كَتبَ القضا
حُطَّ الرّحالَ أيا حسينُ لِتُقتَلا

قم يا رسول الله وانظر حالَنا
طيفُ المنايا نحوَنا قد أقبلا

في هذه أخبَرتني سأميلُ عن
ظهرِ الجوادِ إذا البلاءُ تنزَّلا

في هذه جسمي تُقطّعهُ السّيوفُ
وثمَّ يبقى بالدّماء مُرمّلا

جدّاهُ في هذي سيَقطعُ شمرُهم
رأسي ويُرفعُ بالرّماح مطوَّلا

وإلى العقيلةِ سوف يقصدُ شامتًا
جدّاهُ أدركها إذا ما عجَّلا

إن جاءَ بالنّيران نحوَ خيامها
والقلبُ منها بافتجاعٍ أعولا

وإذا على متنٍ لها أهوى السّياطَ
وإن بكت من ضربه لو أثقلا

جدّاهُ هذي كربلاءُ وهذه
فيها الزمانُ لنا المصارعَ قد تلا


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 22:03

ج- الفوز، قال تعالى: ﴿وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُوْلَئِكَ هُمُ الْفَائِزُونَ﴾16.

2- العمل بتعاليم وآداب الإسلام
فإنّ من علامة المحبّ العمل بما يحبّه محبوبه ويقرّبه منه، روى جابر عن أبي جعفر عليه السلام قال: قال لي: "يا جابر أيكتفي من ينتحل التشيّع أن يقول بحبّنا أهل البيت، فوالله ما شيعتنا إلّا من اتقى الله وأطاعه، وما كانوا يعرفون يا جابر إلّا بالتواضع والتخشّع والأمانة، وكثر

ة ذكر الله والصوم

والصلاة والبر بالوالدين، والتعاهد للجيران من الفقراء وأهل المسكنة والغارمين والأيتام، وصدق الحديث وتلاوة القرآن، وكفّ الألسن عن الناس إلّا من خير، وكانوا أمناء عشائرهم في الأشياء".

قال جابر: فقلت: يا ابن رسول الله ما نعرف اليوم أحداً بهذه الصفة، فقال: "يا جابر لا تذهبنّ بك المذاهب حسب الرجل أن يقول: أحبّ عليّاً وأتولاه ثمّ لا يكون مع ذلك فعّالاً؟ فلو قال: إنّي أحبّ رسول الله، فرسول الله صلى الله عليه وآله وسلم خيرٌ من عليّ عليه السلام ، ثمّ لا يتّبع سيرته ولا يعمل بسنّته، ما نفعه حبّه إيّاه شيئاً، فاتقوا الله واعملوا لما عند الله، ليس بين الله وبين أحد قرابة، أحبّ العباد إلى الله عزّ وجلّ (وأكرمهم عليه) أتقاهم وأعملهم بطاعته، يا جابر والله ما يتقرّب إلى الله تبارك وتعالى إلّا بالطاعة وما معنا براءة من النار ولا على الله لأحد من حجّة، من كان لله مطيعاً فهو لنا وليّ، ومن كان لله عاصياً فهو لنا عدوّ، وما تنال ولايتنا إلّا بالعمل والورع"17.

يقول الإمام الخميني قدس سره: "إنّ ادعاء المحبّة من دون دليل وبيّنة لا يكون مقبولاً، إذ لا يمكن أن أكون صديقك وأضمر لك الحبّ والإخلاص، ثمّ أقوم بكلّ ما هو مناقض لرغباتك وأهدافك. إنّ شجرة المحبّة تنتج وتثمر في الإنسان المحبّ، والعمل حسب درجة المحبّة ومستواها. فإذا لم تحمل تلك الشجرة هذه الثمرة فلا بدّ من معرفة أنّها لم تكن محبّة حقيقيّة، وإنّما هي محبّة وهميّة.. فمحبّ أهل البيت عليهم السلام هو الّذي يشاركهم في أهدافهم، ويعمل على ضوء أخبارهم وآثارهم... وإنّ المؤمن إذا لم يعمل بمتطلّبات الإيمان وما تستدعيه محبّة الله وأوليائه، لما كان مؤمناً ومحبّاً، وإنّ هذا الإيمان الشكليّ والمحبّة الجوفاء من دون جوهر ومضمون"18.

3- زيارة رسول الله صلى الله عليه وآله وسلم
لا يخفى على أحد ما للزيارة من ترسيخ علاقة أو ارتباط وتعلّق بمن نزوره، فكيف لو كان رسول الله صلى الله عليه وآله وسلم ، فإنّه الوسيلة إلى الله والشعيرة الّتي أُمرنا بتعظيمها: ﴿ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ﴾19.

وقد ورد في فضل وثواب زيارة النبيّ صلى الله عليه وآله وسلم روايات عدّة، منها ما عن الإمام الرضا عليه السلام: يا أبا الصلت إنّ الله فضّل نبيّه محمّداً صلى الله عليه وآله وسلم على جميع خلقه من النبيّين والملائكة، وجعل طاعته طاعته، ومتابعته متابعته، وزيارته في الدنيا والآخرة زيارته، فقال: ﴿مَّنْ يُطِعِ الرَّسُولَ فَقَدْ أَطَاعَ اللّهَ﴾20، وعن: ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ﴾21، وقال رسول الله صلى الله عليه وآله وسلم: "من زارني في حياتي أو بعد موتي فقد زار الله"22.

وعن الإمام أبي عبد الله عليه السلام قال: "قال رسول الله صلى الله عليه وآله وسلم: من أتاني زائراً كنت شفيعه يوم القيامة"23.

وعن الإمام أبي عبد الله عليه السلام قال: "بينا الحسين بن عليّ في حجر رسول الله صلى الله عليه وآله وسلم إذ رفع رأسه فقال: يا أبه ما لمن زارك بعد موتك؟ فقال: يا بنيّ من أتاني زائراً بعد موتي فله الجنّة، ومن أتى أباك زائراً بعد موته فله الجنّة، ومن أتى أخاك زائراً بعد موته فله الجنّة. ومن أتاك زائراً بعد موتك فله الجنّة"24.

عن الإمام محمّد بن عليّ بن الحسين عليهم السلام قال: "قال رسول الله صلى الله عليه وآله وسلم: من زارني أو زار أحداً من ذريّتي زرته يوم القيامة فأنقذته من أهوالها"25.

4- دفع الأذى عنه صلى الله عليه وآله وسلم
يقول صلى الله عليه وآله وسلم: "ما أوذي نبيّ مثل ما أوذيت"26.

فقد نال صلى الله عليه وآله وسلم من أمّته- أعمّ من كفّارهم ومؤمنيهم ومنافقيهم- من المصائب والمحن وأنواع الزجر والأذى ما ليس في وسع أحد أن يتحمّله إلّا نفسه الشريفة27.

وهو - أرواحنا فداه - ما زال يتمّ توجيه الأذى والإساءة إليه حتّى بعد رحيله صلى الله عليه وآله وسلم ، كما في زماننا هذا، سواء من قبل أعدائه أم من قبل بعض ممّن يدّعون اتباعه ومحبّته.

وكذلك ما نال عترته صلى الله عليه وآله وسلم وأهل بيته بعد ارتحاله من قتل وظلم وجور.

🌴تجمّع الزهراء ع العاشورائي🌴

16 июня 2024 22:03

🏴قسم المنبر الحسيني
🏴مجلس الوصول الى كربلاء
(محرم-١٤٤٠)
#محرم_النزول
▪المقدمة
▪القصيدة


يا محنةً خشعت لها الأرزاءُ
وتواضعت لجلالها العلياءُ

عجزت عقول الخلق عن إدراكها
فطغى سكوتٌ والسكوت رثاءُ

هي محنة السبط الغريب وقد أتى
ارض الطفوف وأهلُه النجباءُ

فتوقفت خيلٌ لهم عن سيرها
تأبى مسيراً فالمُرادُ بقاءُ

ناداهم أيّ البقاعِ بقاعنا؟؟
قالوا له تتعدد الآراءُ

ألغاضريةُ والطفوف ونينوى
أو كربلاءُ فكلها اسماءُ

نادى اذاً هي كربلا فتهيأوا
كربٌ عظيمٌ ها هنا وبلاءُ

فهنا سنُذبح يا رفاق ومن هنا
تُسبى النساءُ وزينب الحوراءُ

وهنا سنُترَك دون غسل في العرا
ورؤوسنا يلهو بها السفهاء

بالهمسِ يوصي أختَه سبطُ الهدى
صبراً اذا ما جاءَ عاشوراءُ

فستُحملين بلا دثارٍ في الملا
والكل ينظر والرؤى استهزاءُ

وتُرحَّلين الى قصور أمية
لتسبَّ فيها فاطمُ الزهراءُ

فلتصبري يا بنت حيدر إنه
قدرٌ بأسفار البلا وقضاء...

شاء الإله بأن يراكِ سبيةً
ويرى رضيعي ضرّجتهُ دماءُ

ويرى وحوش الليل تشرب من دمي
فيقامُ لي عند البتول عزاءُ

--------------------------

◼نعي

خويه يازينب لارض الحزن جينا
حضري ثياب السود البسيهم اعلينه

يم الخدر يختي بهالبقعة مدفننا
وواجب عليه اوصيچ ياخويه واتمنى
اصبري يبعد الروح ابداعة الزهره امنا
ساعة تشوفينا محزوزة ارگبنا

وعباس من تلگيه امگطّعه ادينه
السهم لتجيسيه متوسّط بعينه


من تنظري جثتي ياخويه مرميه
خايف  على گلبچ لاتنظري اليه
داري الخدر خويه وعينچ على ارقيه
امسحي دمعتها من تبچي اعليه

والليل لو چلچل خايف تجي لينه
واحنه جثث عالگاع بالدما امغسلينه


خويه يازينب لارض الحزن جينا
حضري ثياب السود البسيهم اعلينه

يم الخدر يختي بهالبقعة مدفننا
وواجب عليه اوصيچ ياخويه واتمنى
اصبري يبعد الروح ابداعة الزهره امنا
ساعة تشوفينا محزوزة ارگبنا

وعباس من تلگيه امگطّعه ادينه
السهم لتجيسيه متوسّط بعينه



لحن الجفيري

وصلت عزيزة حيدره
لارض الطفوف مخدره
تنحب تنادي مكدره
وعيونه ظلت سايله...

تذكر وصايا أم الحسن
صبري يا بنتي عالمحن
بالطف عذابات و شجن
ودمعة بجفنها هامله...

.اقعد يصاحب كل فخر
عيني انعمت ها يالقمر
خويه يا بن فارس مضر
طمّن دليل  العايله..

ش رايده زينب؟؟

خوفي من الحادي عشر
وحدي اظل بهالخطر
ظهري على اخواني انكسر
وادعي ودموعي سايلة...

بيها اشوف آنه المصاب
مطعون اخويه ومنصاب
بنظرة الخدر هم ينصاب
يضربوني وانا مدلله...

آه يا كربله آه  كربله
يمشّونا حسارى بالفله
يا مهدي إظهر للملا
وتأخذ بثار العايله...


آه يا كربله..آه يا كربله

➖➖➖➖➖➖➖

- -أبو ذية:
الدهر شتت شملنه اومن يلمه
افراك الوطن دلالي من يلمه
ريحانة رسول الله من يلمه
طلع خايف مشه للغاضريه
➖➖➖➖➖➖➖➖

▪ المحاضرة

📚شبكة المعارف الاسلامية

يقول الله تعالى في محكم كتابه: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ ذُنُوبَكُمْ وَاللّهُ غَفُورٌ رَّحِيمٌ * قُلْ أَطِيعُواْ اللّهَ وَالرَّسُولَ فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾1


ورد في سبب النزول أنّه ادعى جمع من الحاضرين في مجلس رسول الله صلى الله عليه وآله وسلم أنّهم يحبّون الله، مع أنّ العمل بتعاليم الله كان أقلّ ظهوراً في أعمالهم. فنزلت هاتان الآيتان بشأنهم2.

تقول الآية أنّ الحبّ لا يكون بالارتباط والميل القلبيّ فحسب، بل يجب أن تظهر آثاره في عمل الإنسان. فإنّ دعوى الحبّ لله إذا كانت صادقة ينبغي أن تظهر وتتجلّى في أعمال الشخص الّذي يدّعيه، هل يتبع النبيّ صلى الله عليه وآله وسلم حقّاً أم لا: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي﴾3.

فإنّ من آثار الحبّ واقعاً ميل وانجذاب المحبّ نحو المحبوب، في أقواله وأفعاله وأعماله، بحيث يستجيب المحبّ للمحبوب في كلّ أوامره ونواهيه، وإلّا لو كان المحبّ للمحبوب عاصياً ومتمرّداً، فهذه علامة على أنّ حبّه غير حقيقيّ بل ادعائيّ لا يتجاوز لسانه.

وهذا ليس خاصّاً بمن نزلت فيهم الآيتان، بل يعمّ جميع العصور والشعوب، فإنّ الذّين يدّعون محبّة النبيّ صلى الله عليه وآله وسلم والأئمّة عليهم السلام والمجاهدين والشهداء والصالحين والمتّقين, ولكنّ أعمالهم أبعد ما تكون عن مشابهة أولئك, هم كاذبون.

ورد عن الإمام الصادق عليه السلام أنّه قال: "ما أحبّ الله عزّ وجلّ من عصاه".

ثمّ قرأ الأبيات:
تعصي الإله وأنت تظهر حبّه                  هذا لعمرك في الفعال بديع
لو كان حبّك صادقاً لأطعته                    إنّ المحبّ لمن يحبّ مطيع4

🌴تجمّع الزهراء ع العاشورائي🌴

16 июня 2024 19:56

#في_الخدمة_المقدسة
#محرم_١٤٤٥ #نعي

(الوصول إلى كربلاء)

وصلت كربلا زينب .. وعليها بدت الهموم
شاهدها أبو فاضل .. وقلها ما تخافي دوم
آنه كافلك يختي .. وما عوفك بعد هاليوم

بعيوني يبت حيدر
أحرس خيمة الخدّر
وادفع عنكم العسكر

نادي بو الفضل عباس .. عند الحاجة تلقينه

&&&
لكن سامحي عيوني، لو غابت ضهر عاشر
ولو شافوكِ يا زينب، ظليتي بلا ناصر
ولو ناديتِ يا عباسْ، وما قلك بعد حاضر

عذريني أجيكي منين؟
وآنه مقطع الإيدين
والسهم انحفر بالعين

عذريني يا أغلى الناس .. وربي قلبك يعينه
&&&
وعذريني بعد يختي، لو مَشّوكِ مسبيه
وضربو متنكِ بْالِسياط، وعينك تعتني ليّه
تناجيني يا بو فاضل، الشمر يأشّر عليَّ

وعالرمح اعتلى راسي
تشوفه عينك يقاسي
لو قلتي يا عباسي

شاب بصرختك هالراس .. وسالت دمعته بعينه

#زينب_فياض

🌴تجمّع الزهراء ع العاشورائي🌴

16 июня 2024 19:55

#جديد
هوسات طور : سحگته الخياله
#النزول_بكربلاء
.
.
عثر مهر الغريب وبانت الكسره
وعُرف بالأرض هاذي ينگطع نحره
والخيل اعله صدره تسحگ وظهره

( وتنهضم زينب .. واويلي اعله زينب )
.
.
نزلنه كربله وبانت مصايبنه
هاي الأرض بيها اتموت إخوتنه
وبيها تحترگ واتطيح خيمتنه

( آيا هيبتنه .. باچر يِسْلبونه )
.
.
نزلنه ونزلة الگشره يخال ابني
ومن هالليله احس خويه تودعني
وأظل بعدك غريبه وتنضرب متني

( وأمشي للكوفه .. يا خويه أسيره )
__
#فاطمة_كريم

🌴تجمّع الزهراء ع العاشورائي🌴

16 июня 2024 19:53

نعي نزول الامام الحسين عليه السلام في كربلاء

حين الوصل ضعن الحسين لكربله
گال ابواليمه ما اسم هاي الفله
گالوله ارض الغاضريه ونينوه
گال منعدهه احس گلبي انجوه
ها هنا حطو الرحال من السفر
ياصحبتي وياهلي وكل الفخر
هنا يحل بينه المصاب من الكفر
سمعو اوصيكم جميعن بالصبر
بالطفوف تسيل منعدنه الدموم
والحرم واطفال محتاره وتحوم
الروس مرفوعه برماح العاليات
والنسه يسبوهه وسط النايبات
.............................................
خادمكم مالك السعيدي

🌴تجمّع الزهراء ع العاشورائي🌴

16 июня 2024 19:53

#قصائد_في_خدمة_الخطباء
#محرم_١٤٤٦
#الوصول_الى_كربلاء

(طور الجفيري)

١/ اهنا توگع رجالي وتطيح
طيحة ذبيح بْصَف ذبيح
كل واحد بإسمه أصيح
وامشيله مكروب وحزين

٢/اهنا مصرع اولادي يصير
وانظرهم اشلاء وأحير
عندي فلا يبقى نصير
وحدي ابقى واصفگ بالايدين

٣/اهنا يثخنوني بالجروح
حدما تظلّ بجسمي روح
يْلوح الجواد شما ألوح
بس هوّه يبگالي معين

٤/بترابي لمّن أعتفر
يتعنّه ويْجيني الشّمر
تالي يْتربَّع عالصدر
رغم انّه يدريني الحسين

٥/اهنا يرتعب گلب الحرم
وتحترگن عليهن خيم
سلب وسبي ضرب وألم
وزينب تصيح اطفالي وين!


#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

16 июня 2024 19:53

نعي
في نزول كربلاء


#مجردات

حين الوصلها دار إلكروب
وسدوا عليهم كل الدروب
ناده ودمع العين مسچوب
اهنا نَزِلْنَه  وهذا مكتوب
منها المنيه وماكو مهروب
اهنا ذبحنه ودمنه مطلوب
والله و وليكم ثوبه مسلوب
كل المهج عطشانه واتذوب
واهنا طفلنه ايهيم مرعوب
ايشوف المخيم نار ملهوب
————
#حدي
حين الوصلنه إلكربله    صاح الولي هذا النزل
واهنا محط ارحالنه     وموضع ذبحنه والچتل
بدمانه تروى هالارض     ولقبورنه هذا المحل
————
#مجردات

لسان حال السيده زينب حين نزول كربلاء

وكأني بها تقول

ابهيده يروحي ولاتونين
خافن يسمعه اونينج حسين
يفطّر دليله وگلب إلحْنين
منزل مصايب والله ايعين

منزل مصاب وجن رزايا
اتحوم اعله روحي هالمنايا
وكلهم اشوفنهم ضمايا
وحمره بدماهم هالروايا

صاح القلب ياخوي متشيل
طاح وركد من اختك الحيل
ظامي الدليل ادمومك اتسيل
وشمر وخولي باختك ايعيل
————-
#بنت_الشمري

🌴تجمّع الزهراء ع العاشورائي🌴

14 июня 2024 14:40

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ


اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

🌴تجمّع الزهراء ع العاشورائي🌴

13 июня 2024 22:39

✿

   ابو ذيه ونعي للعليله ع


وره ضعون الاهل العين تربه

هدم حيلي جفاهم صرت تربه

التضل بلا اهل شلون تربه

تون صبح ومسه ونه شجيه
✿〰✿〰✿〰✿〰✿〰✿〰

وره ضعون الاهل تربي العيون

جفوني  وبعد  ليه   مايردون

بقيت انده  وراهم  مايسمعون

مرض وفراك حيل اوجر بيه
✿〰✿〰✿〰✿〰✿〰✿〰

جفوني الاهل  ودلالي  نطر

تحن روحتي  لشوفة ابو الاكبر

لجيتهم بقيت متانيه وانطر

هلي كلهم جفوني وبعدو عليه

✿〰✿〰✿〰✿〰✿〰✿〰

مشاكه لحنانه الروح ملهوفه

مايرجع بعد وتكحل بشوفه

تناشدني  عله الغايب ضيوفه

شكلهم راح مايرجع بعد ليه

✿〰✿〰✿〰✿〰✿〰✿〰

اسد الباب لومفتوحه اخليهه

غايب مايرد للدار  راعيهه

تعزيني داره مدري اعزيهه

تذوب الروح لمن يمر طاريه
✿〰✿〰✿〰✿〰✿〰✿〰

بقلم الشاعره ام رائد زوين

🌴تجمّع الزهراء ع العاشورائي🌴

13 июня 2024 22:38

#قصيده_رئيسيه_للعليله ع


مايرد غايب دمع/ لاوحق كسر الضلع
حمل ضعنهم  / بعد شيردهم

خلافهم صعب. الوضع


───✤◐►🖤◄◐✤───
لون صبيتن دمع يعيون  خنياب

ما تكحلجن بعد  شوفت  الحباب

النواظر  لا  تضل  مشبوحه للباب

يطول سفرهم/ احباب النودهم

عليهم دليلي. منصدع



───✤◐►🖤◄◐✤───
بيهم شكد اتوسلت اوماخذوني

بخاطري  هلي كسرو  تعذروني

كلمه ضلي يالعليله   سمعوني

وحدي بقيت بدارهم/ مادري شنهو خبارهم

      صوتي بعد ماينسمع

───✤◐►🖤◄◐✤───
بعدهم الديران وحشتها رهيبه

اليواسي  غربتي منين اجيبه

لدربهم ضلت عيوني   مريبه

عيني ع الباب. منتظره الحباب

شلون روحي. تقتنع

───✤◐►🖤◄◐✤───
انتظر طارش من هلي يوصلني

عليهم ولالحضه. بطل  وني

غيابهم هد. حيلي.  وعادمني

ماضن يردون    خابت الضنون

ولاواحد. عليه. رجع

───✤◐►🖤◄◐✤───
تستجن شلون المايمها اهلهه

الحزن بجفاهم هدهه وكتلهه

خبر منهم  العليله  ماوصلهه

اشهون هالمصيله.   تضل الدمعه سجيبه

ماينحمل هذا. الوضع



───✤◐►🖤◄◐✤───
بقلم العلويه الشاعره ام رائد زوين

───✤◐►🖤◄◐✤───

🌴تجمّع الزهراء ع العاشورائي🌴

13 июня 2024 22:13

#قصائد_في_خدمة_الخطباء
#محرم_١٤٤٦
#اليوم_الأول

[قصيدة عمودية]

دع عنك صفوَ العيشِ دع عنكَ المنامْ
واسكب دموع الحزن في الشَّهرِ الحرامْ

هذا المُحرّمُ في السَّماءِ هلالُهُ
قد صوّرَ المأساةَ في صدر الظّلامْ

فكأنّهُ رسمَ المصارعَ كلَّها
وكأنّهُ من خلفها رسمَ الخيامْ

أضحى سُكونُ اللّيلِ بعضَ نياحةٍ
لجروحِ جسمٍ لم تَذُق بعدُ الْتِآمْ

لفرارِ أيتامٍ وسلبِ عقيلةٍ
وصهيل خيلٍ أرعبت آلَ الكرامْ

فهنا من النّيران فرّت طفلةٌ
وهناكَ أخرى تتّقي سوطَ اللّئامْ

بكتِ النّساءُ فضجَّ كلُّ الكون بال
آهاتِ إذ نزلَ البلاءُ على الأنامْ

ومشت عزيزةُ حيدرٍ بين الملا
قسرًا إلى كوفانَ ثمَّ إلى الشِّآمْ

لا يومَ في دهرِ المَصائبِ كالّذي
فيهِ غدَت زينُ النّساءِ بلا مُحامْ

حقٌّ على كلّ الوجودِ رثاؤها
حقٌّ بكاءُ المؤمنينَ على الدّوامْ



#عظم_الله_أجوركم ◾️

فاطمة علي رزق
اسألكم الدعاء

🌴تجمّع الزهراء ع العاشورائي🌴

13 июня 2024 21:06

برنامج محرم الحرام 1446 هــ

قصيدة بحق العليلة ع (5)

لو صحت بويه الصده اسمع يجاوب راح
والدي ناعي الحزن ساعة غيابك صاح

كلبه الحنيّن رحل. مابقه بس الامل.
من غيابك صاح

………

عايش بين جفوني. ومتعودات عيوني
صوره بعيني ومن حبه تحضنه الجفنين

عيوني كبال عيونه. لوني يشبه لونه
وحتى شفافي ولاتطبك لو كلت حسين

متعوب من هذا الوكت. بس شحلاته
ويموت بالدنيا على. طاري بناته

لو طلع ساعه ورجع كتله الغياب هواي
ومن اجيبن ماي اله يتحسر اعله الماي

كباله اموت من الخجل. مابقه بس الامل
من غيابك صاح

………

يسولف لو صاح اسمي. تذكريني بوجه امي
راحت يبنيتي وعافتنه ايتام زغار

عن الطف يحچيلي. يصبرني ويدعيلي
اول مره أحسّن كلبي هواي احتار

صاح استعدو للسفر. وحسره بدليله
من كتله اروح آنه اسمعت. لا يالعليله

اتسائلت ليش وشفت ويه الجواب دموع
انتي اسمچ فاطمه الوادم تكسر ضلوع

حيلي وي دمعي نزل. مابقه بس الامل. من وداعك صاح

…….

كلت اكسر خاطرهم. ويحنون لبتهم
من خذت هدومي ونمت بهودج عباس

من طر فجر الفركه. چا مت من الحرگه
نزلوني ويدرون بكلبي شكد حساس

ودعت ابوي وچا وكف. دلالي نبضه
الشبگه الاخيره لو سنه. تمر چنهه لحظه

من مشه الحادي صحت ها ياهلي تردون
كلهه سكته بس شفت نازل دمع ام عون

كلبي رف جفني ذبل. مابقه بس الامل
من وداعك صاح

…….

بهالوحشه المو سهله. لاميته ولاعدله
يابيت اهلي اسأل وين ايامي الحلوات

راحو عالباب اكتب. احچي ويامن واعتب
وفركاهم يوجع كلبي وحچي الشمات

يامغرب بلايه دمع. ياليل انامه
يايوم اكلهم حمدُ لله عالسلامه

كلشي ظل بلا طعم بس ظل طعم فرگاه
مابقه بس النفس كلشي خذاه وياه

جاوبت كلمن سأل. مابقه بس الامل. من وداع صاح

……..

وين سنيني الحلوه. بيهم جانت تسوه
يادنيا ولو رجعو للملكه انطي عيون

لكن آ يادهري. كاسر كلبي وظهري
انا لله ومدري بروحي انه شلون

ابچي وامل من البچي. وشيفيد نوحي
مكتوب الي بعمري التعب. خلصانه روحي

من يكله بفركته راح العليله تموت
لا يجي خافن يجي يلكاني بالتابوت

قصتي وكل الحصل. مابقه بس الامل.
من غيابك صاح

…….

نسألكم الدعاء
حسين صادق العقابي

🌴تجمّع الزهراء ع العاشورائي🌴

13 июня 2024 21:04

#شور_للعليلة



أنا وحسين عين بعين صرنا ودمعت عيونه
ما جنت ادري كلمن بي مرض اهله يعوفونه
الما يأخذ بجفها حسين منوه الياخذ بجفها
ضعن نظراته بس عالكاع مدنگ حتى ميمونه

ابو فاضل بچه شفته
ما باوعلي من صحته
مديت ايدي وي گلبي
وضم چفه الگبل بسته

چَلبت بجدام حسين بس ما رضه ياخذني
ارجع وارد اركض حيل ام عون لو ردتني
تتلفت اعليه النوگ بچيتها وبچتني
.
.
.
اول مره اشوف اهلي يوازوني على ادموعي
ومن اسمع بكلمة خيل احس تتكسر اضلوعي
بأمر حسين كلها تروح جبير ازغير ما يبقى
طلع حتى الضوه البالبيت واني وحدي عافوني

إخذوني اگللهم 
وعافوني ومشو كلهم
حتى اعبايت الزهره
اخذوها وبچيت الهم

شما اسدن بجفي البيت تنفتح كل بيبانه
وادموعي تكتب عالگاع بتكم ترا تعبانه
ازحف ازحوف وي النوگ لو كالوا امشي ويانه
.
.
.
.
أنه الما راضيه وزعلان گلبي بهاي طلعتهم
الزلم غيم عليها الموت اظن بس روس رجعتهم
نحر عبدالله مدري شبي مثل وجهي انخطف لونه
اطيح اگبالهم ضليت وتطيح اگبالي دمعتهم


شَرَبت الطفل بيدي
يگلي عايني اوريدي
صاح حسين من شافه
آه يا بويا يوليدي


شما صَعِد اهدومي حسين ينزلها من الناگه
ما گدر ياخذني وياه وما اگدر اعله افراگه
بيا اله كلشي يكول  مشتاگه اضل مشتاگه
.
.
.
.
نِثرت اثار رجل حسين على وجهي وعلى احجابي
رَكْضت خايف اركض ليه  من يندگ علي بابي
التجاعيد البوجهي تكول شفه من العطش ذبلت
من گطعتهم لهل اليوم على شدتهن اثيابي


وعلى رجعتهم أمن أسأل
متاعي وَحَده ينحل
احلم بالضعن حاير
يشبهني وعلي معلعل


واحلم بواحد عطشان وتحاوطه الخياله
ايد بضهر ايد بسيف ويتلفت اعله لعياله
يفزع بربعه الميتين وولا واحد اليبراله
.
.
.
.
بهدوء الليل اسمع صوت يشبه ممشه خيل البر
بحوافرهن تصدرَ أصوات مثل قاروره تتكسر
واشم دخان مال اخيام  محترگه وبشر تركض
واشوف اجفوق مگطوعات وخيام محاوطه بعسكر

ومره احلم ضعن مسبي
وروس مگطعه وتربي
اعله حرمه جبيره مجتوفه
واصيح اسم الله من گلبي

بالحلم واحساسي يگول چن هالمره علويه
تشبه العمْتي ويا ناس بس عَمْتي ما مچويه
مو عمِتي هاي ام عون هاي المره محنيه


عبدالله الشويلي