5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الامام العسكري ع وولده المهدي عج ~لحن الخضيب ~ ♪
هالليلة ظلمة وموحشه وغربة وحزن وهموم
هالليلة مات العسكري ويلي قضى مسموم
شحال ابنه ويلي ودّعه وسال الدمع مسجوم
وبيده يشيل جنازته وحطه تحت التراب
يا امامي يا امامي يا امامي آه~
〰️〰️〰️〰️〰️
الله يعينه ودّعه والمهدي باحزانه
يجذب ونينه عالقضى وعيونه غدرانه
صاح بأمان الله بعد وگلبه بنيرانه
رحت وعفتني للحزن لا عمري بعدك طاب
آيبويه آيبويه آيبويه آه~
لحن الفراق الحسناوي
آيبويه … صعبه ساعة ودعتني
آيبويه … يتيمك وانت عفتني
آيبويه … صعبه بويه فارگتني
الله وياك… يا جرح كل العمر
الله وياك… بعدك يطول الصبر
الله وياك… وبيدي ادفنك بالگبر
خادمة آل محمد✍🏻
*وداع الامام العسكري لولده صاحب الزمان (عج)* لحن امانه هالوصيه
بدمعاته الجريه~
يِوَدعه بهالمسيه~
يگله يا حبيبي
دنت مني المنيه~
صار ينحب ينحب ينحب
وداع يصعب يصعب يصعيب
〰️〰️〰️〰️〰️
يگله بغربه بعدي~
تعيش انت يا مهدي~
العمر تقضي بمآسي
وسرّك يبني عندي
الك رايات رايات رايات
تريد ثارات ثارات ثارات
خادمة آل محمد✍🏻
*حال مولاتنا سكينة تخاطب سيد الشهداء الامام الحسين (ع)* يابويه يا بويه~ لحن حضريني يالزهره للشيخ المعاتيق♪
ودّعتك يامظلوم~ والدمعة بعيوني
ليت آنه ميته اليوم~ وما شالت ظعوني
*يابويه يا بويه~²يابويه يا بويه~²*
أمشي بيسر عنّك~ وجفني يهل عبره
وشلون أَوَدْعنّك~ وجسمك على الغبره
ودم النحر منّك~ ينزف دمه كثره
يا مخضّب بدمك ~ بيك آنه فجعوني
*يابويه يا بويه~²يابويه يا بويه~²*
وداعك ذبح روحي~ وخلّه الگلب مكسور
هجرك سبب نوحي~ ودمع الجفن منثور
بس زادت جروحي ~ شفت النحر منحور
مفجوعة بس انحب~ والدمعة بعيوني
خادمة آل محمد✍🏻
استشهد الامام الحسن العسكري ع
.
الحسن مضلوم واويلي
:::::-----:::::
عمت عيني يغالي حيلي هديته
على فراك وهجر لا وين تاليته
ويكلبي للدفن بجفاك وديته
تره فكدك هدم حيلي
.:::::-----:::::
الحسن مضلوم يا عالم مثل جده
صبري اعليك يصعب ينوصف حده
يغايب طال صبري شكثره يا بعده
ماغمض جفنها ولانمت ليلي
:::::-----:::::
وصبرنه اهوايه لاجن مانفع ذره
شكثر ون بدليلي صار والحسره
كلب مكسور تدري الكلب شيجبره
بحلات رسمك كام يوحيلي
:::::-----:::::
ذبل عود العمر والحيل مترادي
عله امصاب الامام وخلفت الهادي
عله حزني بقيت ونفس محتادي
افزمن نومتي بهموم تحجيلي
:::::-----:::::
نعصر كلبي مثل عصرات ضلع امك
اسولف بالحلم لمن خلص نجمك
يوحيلي بحلات انوم اشوف اسمك
مصايب بس اغمض بدت توميلي
:::::-----:::::
الزمان شلون ضالم غيير الواني
اخذ من الغوالي الوحدي خلاني
ويا دمي التعيش بوسط شرياني
ياعيني بدمع لفراك دم سيلي
:::::-----:::::
حسن صالح العيساوي
نعي الإمام المهدي ينعى والده العسكري عليهما السلام
يا ناس الابو توديعة يصعب
لظل طول العمر حزنان وانحب
يبوية عليك گلبي بنار عطب
اغسلنك واچفننك بدية
==================
احطك بالنعش يا بوية گوة
راح الچان الي بالضيج تچوة
ما لحگت يبوية الروح تروة
ادفننك وارد انصب عزية
==+================
لنوح ودمعي من العين ماجف
تصورت الغريب حسين بالطف
ابلا تغسيل لا بالچفن ينلف
ولا من شييعة بالغاضرية
==================
مصاب حسين ما مثلة جرة امصاب
يهون كل مصيبة بفگد الاحباب
غريب اعله الرمل واحبابة غياب
ثلث تيام عاري اعله الوطية
===================
حان أمر الجليل ابغيبتي انوب
وغيابي يطول ومدري چندوب
تتانيني تظل ملهوفة الگلوب
واظل انطر أمر رب البرية
==================
أسألكم الدعاء رائد الاسدي
*مآساة سكينة ع*
شفت المشاهد والصور ما مرّت على البال
شفته ذبّاحك والنحر وراسك على العسال
حاچيته والمدمع نهر من نوّخت الجمال
ينظر اليْ وانه بحبل مشدوده ايديّه
〰️〰️〰️〰️〰️
يجرحني بويه بالألم حادينا يشتمني
نظرة عيونه كالسهم نظراته تقتلني
بسوطه يجيني بالعجل يلوحه ويلوّعني
وانه اصرخ ومحّد فزع ويعاين عليّه
تگله/ لحن الفراق الحسناوي ♪
آيبويه~ ويالغرب دمعاتي تجري
آيبويه~ عالهزل محتاره بامري
آيبويه~ ليتك باحوالي تدري
مدلّلاتك~ صعبه بويه تنسبي
مدلّلاتك~ عليها آمر الناصبي
مدلّلاتك~ تمشي بولية أجنبي
خادمة آل محمد✍🏻
أن في دمعي يقين
جأتهُ من جرحِ الحُسين
اختلى وضعُ الكائناتِ
حزنهُ في العادياتِ......
..........يا أمامي....يا أمامي..........
******
الدمعه بعيوني وطن وجروحي عنوان
وانه عاشرت المصايب خيمة اشجان
نهر من الحزن جايب ثوب الاحزان
عمري سولف كربله يشرح لي الاضعان
دمعة حزن
صب الجفن.........والونه بظلوعي
گلبي انطعن
بسم الحسن......اجريهن ادموعي
في .....فؤادي والآنين
جأته من جرحِ الحسين
لوعتي في النايباتِ
حزنهُ في العادياتِ
*******
شلون حسرة فاطمه ودمع الرزيه
امنين ما تمشي جرح باب المنيه
آه من طف المصايب تبچي هيه
اليوم ونتهه صفت بس عسكريه
دهشه السمه
شفنه الضمه..........يحچيلي احزانه
عشره ودمع
ما ظل ظلع...........يرويلي اشجانه
بان لي كهفُ السنين
جأته من جرحِ الحسين
سرمدياً في سُماتي
حزنهُ في العادياتِ
******
انه ابن بيت العزاء وتحچي العيون
أبصم ابهاي الوثيقه ودمع الجفون
راسم اجروح النوايب كربله اضعون
والله معذور اليحبهم عگله مجنون
باب الجرح
حزن الصبح ......ذابحني ابجروحه
عشت المحن
غربة وطن........يرسملي اطروحه
نعشُ روحي تهوي أين
جأته من جرحِ الحسين
أن دمعي في صلاتي
حزنهُ في العادياتِ
*******جروحي ما خلصت تراها وحال الهموم
طبع بيه النوح ماخذ سهر النجوم
وشحلات الخدمه عندي صدري مختوم
بالطم گضيته عمري ابچفي مرسوم
كلشي اندهش
يبجي العرش......لمصيبة المسموم
القائم يون
صوت الحزن ....وبحسرة المچلوم
في دموعي كلُ حين
جأته من جرحِ الحسين
يا لها في الذارياتِ
حزنهُ في العادياتِ
*******
عاشرت بيت المصايب دمعة العين
صعبه توديع ابو المهدي بنارها البين
گاعد المهدي ونسأله لوعتك وين
گال كلها هونت بس ذبحة احسين
مات الحسن
بجور الزمن..........والونه لمصابه
حزن السمه
يا فاطمه.........تواسيهه احبابه
عنده ذي عرش مكين
جأته من جرح الحسين
صرحهُ في المكرماتِ
حزنهُ في العادياتِ
******
تمت بعون الله تعالى الشاعر_يوسف_الفتلاوي
▪️راية احزانه▪️
في استشهاد الامام العسكري عليه السلام
بيت الهاشمي هليوم رافع راية احزانه
شال العسكري مسموم خالي هلمسا امچانه
————
نوح وفرگه واموادع ماتنحمل هالليله
شايل ياجبير البيت شال امعدل الميله
ماكمّل ثلاث اعقود ليش وهدّموا حيله
وابورد العمر توه المن هالدهر خانه
————
ياشيعه ثمان ايام املوّع سمّه اكليبه
روحه تنازع وتطلع يا معظمها لمصيبه
ويايوم الوداع اشلون كلشي ينادي بِمْغيبه
ظلمه والحزن خيّم اختلفت هلمسا الوانه
————-
شايل وابورد عمره ويلي حسرة اشبابه
ينعونه ابونين ونوح اوليده واهله واحبابه
اشلون ايجهّزه المهدي وگلبه يجرحه اغيابه
وحده ويلي ايعوفه وروحه الروحه لهفانه
——-
بعده لاحضن يلگاه بعده الوحده چتاله
بعده تبتدي الغيبه وحمله ايشيله إلحاله
الله ايعينه من غسّل ابوه وللقبر شاله
وسد بيده الغالي وبيده حلّه إلثامه
——
بس ياويلي عالمذبوح ناره تجوي مستعره
ذبحوه والف مره من گبل يحز نحره
واتروح وترد لخيول عشره اتكسّر ابصدره
مايشبه مصابه امصاب روحه ابهمه رويانه
———
#بنت_الشمري
لمقام مولاي الامام الحسن العسكري عليه السلام
الابوذيه
علسور الكَلب طيف الحزن عس كر
وهجم جن جيش من اهموم عسكر
لفكَد ايمام مات بطرف عسكر
بغدر الي بجبينه الكفر سمّه
هذاك المعتمد شيطان سمّه
اوحاله الحقد عالحسن سمّه
سَمّ العسكري وبسقر عسكر
القصيده****
غاب الكرى عن ناظري = دمعي جرى للعسكري
فالارض تبكي والسماءْ - لبن الهداة الاولياءْ
غاب الكرى دمعي جرى = للعسكري للعسكري
*****
بهاليوم الحزن ينعاد واحزان الكلب كثره
جم هم والم جم بيه لوعه وآه جم حسره
لحزن المصطفى المختار للكرّار للزهره
لألمهم والذي شافوه من امصايب العتره
مافارقَ الحزنُ الفؤادْ =بل فارقَ العينَ الرقادْ
ابكي وهذا مذهبي - في كل يومٍ للنبيْ
قطعاً درى دمعي جرى = للعسكري للعسكري
******
من سن الغدر قانون طاغي اتسمه امير الشام
جنود من العسل تحميه لاسيف ورمح واسهام
ولن هذا النهج شو صار سلاح بيمنة الحكام
لجل تحمي كراسي الجور كَضت عل العتره هالظلام
هذا سلاح ُ الغادرينْ = قتلٌ سيخفى لايَبينْ
إن يَخفى عن عين ِالانامْ - فهناك عينٌ لاتنامْ
ربٌ يرى دمعي جرى = للعسكري للعسكري
******
بغدر حاقد غشوم بسم منية اشرف الامه
وابن اشرف بشر بالكون رسول الخير والرحمه
الحسن ماكمل اتلاثين وسرى السم بنبض دمه
عجيب الحقد من هالناس ظلام يورث الظلمه
الرجسُ لا يرضى الطهور - لا تقبلُ الظلماتُ نور
السمُ سيفٌ ماضيا = زحْفَ الظلامِ على الضيا
ليلٌ سرى دمعي جرى = للعسكري للعسكري
***
شظن المعتمد ينجيه دينه ودين اسلافه
الابد ما امنوا بالله بس بكرسي الخلافه
باجر من يصير احساب يشوف المابشر شافه
ويعاين كل جرم سواه والسم الذي دافه
جاءَ الامامَ بسُمهِ حرمَ الورى من علمه
فيهِ الاناسيْ رزقُها - والشمسُ فيه شروقُها
بين الورى دمعي جرى = للعسكري للعسكري
*****
يويلي على الحسن مسموم ويجود بروحه للباري
بأشد منظر يودع الحين بالام ودمع جاري
يدير بعينه للموعود وجنه ايكَله اخذ ثاري
وجن السان حاله يكول نارك اشد لو ناري
نارين في قلبِ الولي - بهِما الاحبةُ تصطلي
نار الفراقِ تزيدهُ = الماً وتلك تبيدهُ
أنْ تسعَرا دمعي جرى = للعسكري للعسكري
*****
رحل عن عالم الاجساد عمود الدين والتقوه
ابو محمد صبح مفكود حليف الغيره والنخوه
وبدفنه اندفن وياه علم وجود ومروه
ينوح المنتظر ينعاه بوجن بالمدمع تروه
فلكَ العزا ياسيدي - اسمع عزايَ ومقصدي
لو عنكمُ الخلقُ انزوى = فلكم ودادي والهوى
وبلا مِرا دمعي جرى = للعسكري للعسكري
****
مثل عوده النقي مظلوم ومثل اجداده مظلومين
قتل العسكري باحقاد ناس الماتعرف الدين
بس الخفف مصابه حظه بتغسيل وبتكفين
وعنده الي غمضله العين مو مثل الغريب حسين
اهٍ لجدكَ في الطفوف - نهباً مضى لضبا السيوف
الرأسُ مقطوعٌ خضيبْ - والجسمُ مسلوبٌ تريبْ
فوقَ الثرى دمعي جرى = للعسكري للعسكري
*****
الاعجب من بعد ميتين عام والف عدوانه
التدافع عن بني العباس وتمدح كَوم فسدانه
بأسم المعتمد عادت من احفاد غلمانه
الماعرفو اصلهم وين أجوا فجرو بنيانه
ذا الحقدُ ما المقصودُ فيهْ - قبرَ الزكيِ او ابيهْ
القصد يبدو للرسول = مذ احرقوا بيت البتولْ
فصمُوا العُرى دمعي جرى = للعسكري للعسكري
*****
قاسم آل واعي الرميثي
ليلة حزن كلشي يون
ونفجع كلب ام الحسن
للعسكري الزهرة اتنوح وتلطم اجت ويانه
ــــــــــــــــــــــــــــــــــــــــــــــــــــــــــــــــــــــ
ليله الزجيه حضرت بحسرتها
وللعسكري حمره جرت دمعتها
اتذوب الصخر ام الحسن ونتها
بعبره حجت يمه وبجت
وعلى الضلع هيه انتجت
تلطم بحركه ام حسين عل عسكري حزنانه
ــــــــــــــــــــــــــــــــــــــــــــــــــــــــــــــــــــــ
محنيه ويلي فاطمه ومنكسره
وكصدتت تون للعسكري بسامره
يايمه ضلت تنتحب يم كبره
متعلعله راحت له
والدمعه من دم هامله
مات ابني مسموم اتصيح بسامره مات اهنانه
ــــــــــــــــــــــــــــــــــــــــــــــــــــــــــــــــــــــ
هاي العضيمه الماترد السائل
اتوجهلها ودمعك ايصب سايل
حلفها كلها عليج جف الكافل
رايد دمع يم الضلع
وللحسن خليني انفجع
وفقني اخدمه بكل عام يافاطمه السلطانه
ــــــــــــــــــــــــــــــــــــــــــــــــــــــــــــــــــــــ
موت الحسن خله ام حسن مهضومه
مكسوره تنحب فاطمه المضلومه
ويلي على الروحه كضت مسمومه
المدمع يصب بكسرت كلب
فكد ابو المهدي شكد صعب
مثلج تره يم حسين فكد الحسن اذانه
ــــــــــــــــــــــــــــــــــــــــــــــــــــــــــــــــــــــ
هاذه الحسن هاذه الزكي الطاهر
لمصابه واجب كون نعمي الناضر
مهضوم ابو المهدي عله يوم العاشر
يبجي بألم الحرك الخيم
ومن السبي كلبه انهضم
مهضوم ابو المهدي هواي من السبي وحزانه
ــــــــــــــــــــــــــــــــــــــــــــــــــــــــــــــــــــــ
موت الحسن حسره وتكطع انفاسي
والمصيبته حك لو يشيب راسي
العن يربي الحاكم العباسي
حكمه صدر ونطه الأمر
بسم الحسن ابن الطهر
ليرحمه الله ادعي بصوت كلمن قتل مولانه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
ذكری اسقاط المحسن عليه السلام
🏴🏴
لمولاتي فاطمة الزهراء عليها السلام لما هجموا على دارها ودفعوا الباب ووقعت الى الأرض
شيله
محسن وگع مني شلون ---- شيله؟
شي النار اليّه اجت---- شيله
جيبيلي يفضه وياچ شيله
الف محسن الطاح اعله الوطيّة
......
.....
لسان حال مولاتي زينب عليها السلام
وحگ العمره تسع شهور .. ما تم
الچ بالگلب يم الحسن .. ماتم
عگبچ صار يمه البيت .. ماتم(دار للايتام )
يتيمه واليتامه تلوذ بيه
.....
.....
ام محمد الحجاج
العبادي
زينب عوّدت من بعد الغياب
دخلت دار اخوها بدمع سچاب
لطمت عله الخديد
تنادي خويه يحسين
دخلت دار اخوها بدمع سچاب
...............
آيمصابكم ياوحشة الدار
شيسوي الفلك دورته لو دار
چن الغرّبو ويانه خطار
شعلو بالگلب من راحو النار
مضت ذيچ الليالي والجمع راح
بعد ماظن يردون
سلبو نوم العيون
ياعظم الرزيه وعظم المصاب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين تنادي خويه يحسين
دخلت دار اخوها بدمع سچاب)
................
بگه بس الصده يرجع عليه
وين ديارنا الچانت زهيه
بيها اتفكر واصفگ بديه
راح الخيمه لي واگعد بفيه
راحت من مشه وياه الافراح
راح الچان الي سور
سكن وسفه بالگبور
انعاه بحزن وبگلب عطاب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين تنادي خويه يحسين
دخلت دار اخوها بدمع سچاب)
............
بعد هيهات لينه السافر يعود
وترد ايامنه وياهم ردود
الطم عل صدر نوبه عله الخدود
عمود البيت اخوي الچان مفگود
يطيح البيت منه العمد لوطاح
ترك چم جرح بينه
بعَجَل راحت سنينه
سهم فراگهم چتال لوصاب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين تنادي خويه يحسين
دخلت دار اخوها بدمع سچاب)
.. ...........
فگد الاهل بالامثال غربه
الفگد مثلي بعد ميشوف دربه
ضربني هل دهر ضربه عله ضربه
جرحني وخله بالدلال حربه
وياهم راحت وعافتنا الارواح
فگد الاخو چتال
اليعَدلِ الحمل لو مال
شحال الودعتهم تحت التراب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين
تنادي خويه يحسين
دخلت دار اخوها بدمع سچاب)
..........
ايامحنة الراحو اهلها
من بعد الدلال الوكت ذلها
الدار بلا نزل منهو يصلها
اشتگول الفگدت اخوتها واملها
اليرد روحي اخوي باسمي لوصاح
تموت الاخت لومات
شبعت بعده اهات
الگلب لجل العزيز الروح ينعاب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين
تنادي خويه يحسين
دخلت دار اخوها بدمع سچاب)
.........
شلون اهجع بعد عينك يرجواي
وشوفن بس خيالك عايش وياي
يمن فگدك بنه بنص الگلب داي
يلي تگطعت ماشارب الماي
عليك يدوس خويه الجاي والراح
عيني بعد متنام
وعاين هاي الايتام
جرح بيه بگه يحسين ماطاب
دخلت دار اخوها بدمع سچاب
(زينب عوّدت من بعد الغياب
دخلت دار اخوها بدمع سچاب
لطمت عله الخدين
تنادي خويه يحسين
دخلت دار اخوها بدمع سچاب)
...........
ش عبدالامير المنصوري
الامام العسكري عليه السلام
أنت المعزى سيدي. ياصاحب الزمان
**
اليوم ابوك العسكري عن داره راحل
البيت چنه يطيح اذا راعيه شايل
باالمدامع جينه نبعثلك رسايل
دنگينه ابابه چن روس السنابل
فاح العطر من مرقده. كنفحت الجنان
**
هاي فاتحته وجينه بعبره ليها
چنه نتمنه نشوفك انت بيها
اليله دارك للسمه يوصل بچيها
والامام العسكري مايرد ليها
هذا الرحيل المرتقب.هليله وكته حان
هاالمسه سامره اضلم كل سماهه
اليله حدر الگاع يتواره ضواهه
جنازت المسموم ياهو الشيعاهه
بذاك عمرك تنحب وتمشي وراهه
تبچي المصيبة والدك ياسيد الحنان
**
اليله گلبك يابو صالح تدوي ناره
لوالدك ويانه من تقره الزياره
يبقه يتلاله الدمع مثل المناره
ويلي عاالمسموم تجرح هاالعباره
ثامن ربيع بكل الم. يذكرها كل لسان
**
هسه وين بياكتر تصبح گعدتك
ياغريب من البشر يشبه غربتك
الون الاحمر تره يذكرنه بدمعتك
ياشمسنه بلهفه نتنطر طلعتك
ماضل امان ولا امن.بس قربك الامان
**
سعد العبودي
للعسكري دموع . تشبه بجي العاشر
بس يفرق السم . عن سحگت الحافر
ضيم وسبي ونار
،،،،،،،،،،،،،،،،،،،،،
ال هاشم كلها غربه وحسره والام
يحترگ گلبه اليعيش بنار الخيام
العسكري بأخر حياته وأيده عالهام
كل جرح معصوم لازم مصدره الشام
جبده المسموم بالحيره ايلوم
ينحب عالعين المتروسه دموم
بالغربة حيران . الماتبرد اجروحه
كل همه بحسين . مامهتم ابروحه
وبعمته محتار
ضيم وسبي ونار
،،،،،،،،،،،،،،،،،،،،،
العسكري جابو طبيبه الجرحه جرحين
شيوجعك گلاله يوجع گلبي الحسين
جبدي لو طفيته ناره وبردت سنين
ياهو اليطفيها نار البل صواوين
خليني ابنار السحگتها زغار
مايبرد يوم گلبي المحتار
دمعاته بالعين . والحسره بحساسه
نبضاته خيمات . والعاشر انفاسه
ضلمه بقه الدار
ضيم وسبي ونار
،،،،،،،،،،،،،،،،،،،،،
فاتح اعيونه الحنين و باخر الروح
يدري لوغمض ام بيته للسبي تروح
ال هاشم كل حجيهم طبعه مملوح
هسه بالغربه السوالف كلهن اجروح
يعرف لوغاب ماتبقه احباب
ام بيته تروح ويسبوها اجناب
ياحيرت الروح . من تلفض انفاسك
وتعوف الحباب . وتفارگ احساسك
جروح السبي كبار
ضيم وسبي ونار
،،،،،،،،،،،،،،،،،،،،،،،،،
الحسن محتار بجراحه وحيله خلصان
باجر المهدي ابدمعته اخلافه حيران
الورد لو سگايه عافه يموت ذبلان
اليفگد الوالد تره متسنده حيطان
الوالد لو راح ميرجعه اصياح
المهدي الهل يوم ماضن مرتاح
يالعسكري شلون . بالمهدي والحيره
زغير العمر ليش . بس كسرته جبيره
مكسوره الاقمار
ضيم وسبي ونار
،،،،،،،،،،،،،،،،،،،،،،،،،
المات بفراشه اهون امن المات مسحوگ
مايباوع تطلع اخته ابحيره عالنوگ
الگبر اهون من يتامه التدخل بسوگ
الجسمه مامحروگ تلگه گلبه محروگ
دمعه وحسرات عيون وشمات
بالشام شلون المسبيه اتبات
ياغربت ام عون . المتجتفه ايديها
ناگتها ياناس . شامتها حاديها
شتفيد العذار
ضيم وسبي ونار
ابوفايز الرافضي
الفاتحه على روح والدي
قصيدة ندبه للأمام المهدي عج
من ديوان #مواجع_الطف_الجزء_الأول
{ اندبك ياأمامي }
اندبك ياامامي الحجه مولاي
طالت غيبتك ياسيدي اهواااي
اندبك كل مسيه
متى الطلعه البهيه
طالت غيبتك ياسيدي هوااي
•───✧◐◐✧───•
كل يوم اليمر ننتظرك بشوك
على فراكك حبيبي الكلب محروك
منتظريك تطلع تاخذ احكوك
ثار الزهره وحسين
تاخذهن يالحنين
من فركاك بينه زايد الداي
طالت غيبتك ياسيدي هوااي
•───✧◐◐✧───•
العيشه بغيبتك مولاي مره
بوسط اصدورنه مكسوره عبره
يمك كل عملنه وانت ادره
تدري شصار بينه
وتسمع لو نخينه
بس يمك حبيبي شاغل الراي
طالت غيبتك ياسيدي هوااي
•───✧◐◐✧───•
سراب الدنيا بغيابك يمهدي
حياة بلا وجودك مرض معدي
عايش باانتظارك ماكو عندي
بس انت الأتانيك
بروحي سيدي اشريك
نفرح لو طلعت وتكسر اعداي
طالت غيبتك ياسيدي هوااي
•───✧◐◐✧───•
حلات الدنيا انت تكون موجود
وتزهي بطلتك وايامك تعود
انت بكل وكت مولاي مريود
وكتنه يريد والي
وغيرك ماكو غالي
وجودك سيدي ينورها دنياي
طالت غيبتك ياسيدي هوااي
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
اجه الموت ...عليك وما حضرتك
اجه الموت.....يبويه وماحضنتك
بويه والدمعه دمه
وياي تنحب فاطمه
****
انه المهدي اجيتك.......يبويه ودمعي هامل
صباح الخنگه بيتك........صفت غربه المنازل
مسا الخير اعتنيتك........تظل بس الارامل
اشوف الطف ثنيتك......يشيعك ابوفاضل
على الاه......ينادي بعالي صوته
على الاه.........ولا موقف يفوته
تنحني اكباله السمه
وياي تنحب فاطمه
***
عليك اتهدم الحيل.......صعب هجرك يغالي
الحزن شد المراسيل.....اجاني وبيتي خالي
اعليه اظلم الليل........بقى بس دمعي هالي
السمه بفراكك اتميل....الجرح بعدك صفالي
بلياك.........اعيش ايامي غربه
بلياك ....وحكك دمعي اصبه
شوف روحي الهايمه
وياي تنحب فاطمه
***
حمام البيت ينعاك........تون بداره خرسه
تحن وتريد وياك......تكول اخلافه شنسه
وحكك كلشي ناداك....تغيب بداري شمسه
يويلي طاغي سماك....يلوج بحسره نفسه
يمسموم........عليك الدنيا تنحب
يمسموم......تواسي عمتي زينب
العسكري بصوته ارتمه
وياي تنحب فاطمه
****
عجيبه بيتي خالي ......تعودت انه اشوفك
انهدم نص حيلي تالي .اظل احسب طيوفك
ابويه هوايه غالي...صعوبه اشلون اعوفك
الهجر غربه صفالي...الجرح ماظن يروفك
بالاحزان.......اعاتب دهري خاين
بالاحزان....صرت بالدمعه اعاين
حيره وكت الموزمه
وياي تنحب فاطمه
****
صعب هجر الحبايب ..تظل سامره تنعه
بدونك كلشي غايب .السمه مزروعه دمعه
وحكك كلبي ذايب..واشوفه بحيره وضعه
يدنيا شكد عجايب....تموت بداري شمعه
اويلاه........عذابي من المأسي
اويلاه......اشوفن شيب راسي
يا جرح بيه احتمه
وياي تنحب فاطمه
****
يبويه آخر مسيه ......وداعك بي غيابي
انهدم بيتي عليه......وحس لحظة عذابي
الدمع يحجي الرزيه.....مصابك دم مصابي
انحنت شفت الزجيه....بدت تسمع عتابي
وداعا......وصل موسم بكائي
وداعا.......بده مجلس عزائي
حضر حماي الحمه
وياي تنحب فاطمه
****
تمت بعون الله
خادمكم...... يوسف الفتلاوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
أبو ذيات في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ
تِحِضرَك فاطِمة الزهرة لَوَنهَه
تُوِن وِجــبَال تِتفَطّر لَوَنهَه
تِــشاهِد حَالَك ٱتغَيّر لَوَنهَه
يِگطّع چَبدِتَك سِمّ المِنيّة
ـــــــــــــــــــــــــــــــــــــــــــــــــــــــــــــــ
شتِريدِ الدنيا مِن عِندك وَشِلهَه
سِمهَه ٱحشَاك گطّعهَه وَشَلهَه
وخَلّص حَتّى مِن عَيني وَشِلهَه
وبُقَت بَس بالدّمه ٱعيوني جِرِيّة
ـــــــــــــــــــــــــــــــــــــــــــــــــــــــــــــــ
إلَك ما أبخَل بحَــسرَة وَجِرهَا
مُصابَك جَمرَةِ ضلوعي وَجَرهَا
عَليك الدمعة مَذروفة وَجِرهَا
ٱنكتَب باللّوح يَم رَبّ البَرِيّة
ـــــــــــــــــــــــــــــــــــــــــــــــــــــــــــــــ
**
هوسات في شهادة الإمام العسكري عليه السلام.
ـــــــــــــــــــــــــــــــــــــــــــــــــــــــــــــــ
وَسفة ٱبن النجابة والشرف ظلموه
ما رَاعَــوا گرابة جَدّه وحِـشموه
سَليل الدّين أهـــل الجور سَمّوه
مصدوع الدِين وأركانَه
ـــــــــــــــــــــــــــــــــــــــــــــــــــــــــــــــ
وعلى امصابه الملائك تِهمِل العَبرَة
وَبو صـــالِح دِلِيله يِلهَب بجَمرة
ضَـــــجّت بالألم والدمعة سَامَرّا
ولِبسَت ثوب اسود حَزنانة
ـــــــــــــــــــــــــــــــــــــــــــــــــــــــــــــــ
إبن حَيدر علي باب العِلِم مظلوم
ودَارَه مظلمة وبالوَنّة هذا اليوم
طايِح يا وسافة والچبِد مسموم
وظَل خالِي وموحِش دِيوانَه .
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
نعي بحق الامام الحسن العسكري عليه السلام لسان حال شيعته ومحبيه
اتنوح الاملاك. وي المهدي گام تنوح الاملاك
يا نار فرگاك. تسعر بالكلب يا نار فرگاك
للروح فتاك. يمصاب الابو للروح فتاك
مهموم بجفاك..يظل طول العمر مهموم بجفاك
===================
عنة الابو راح.. يعينة الله الذي عنه الابو راح
مايوم يرتاح.. مجروح الگلب ما يوم يرتاح
ما يگطع نياح.. ولفگد الابو ما يگطع نياح
المهدي من صاح ِ.. يا بوية شكبرها المهدي من صاح
===================
گلبك يكسرة.. لو راح الابو گلبك يكسرة
بالروح حسرة.. فگدك يالحسن بالروح حسرة
بالبيت عطرة.. نشتم كل وكت بالبيت عطرة
مكسور ظهرة.. الفاگد ايو مكسور ظهرة
==================
يا ابو المحنة.. غايب يالحسن يا ابو المحنة
طشر شملنة.. يا حيف الدهر طشر شملنة
ايغيب عنة .. يا وسفة الحنين ايغيب عنة
لجلك حزنة.. ننثر بالدمع لجلك حزنة
===================
أسالكم الدعاء رائد الاسدي
يبچي الموالي اليوم ويصيح
هب الحزن وي هبت الريح
يل عسكري يل عسكري
*****
دمعات جبناهه اعله بابك
تشرح بكل حسره مصابك
اجروح طحنه مثل الموات
ونرجع احياء بشم ترابك
هسه الامام اگليبه موجوع
وبيت ابوه ويهل الدموع
مفجوع يل عسكري مفجوع
جرحك ترى بل روح يفتر
ودلالي بيه النار تسعر
يل عسكري يل عسكري
****
خلهه اتعنه اليوم زوار
اليوم اعله بابك كلهه خطار
لبيك صاحت سيدي اليوم
وي ابنك احنه ناخذ الثار
عجل تصيح المهدي مولاي
زاد الحقد ما ضل بعد راي
الباطل تأيده الناس الهواي
ما تبرد ومتعوبه الكلوب
ننشر سواد بكل الدروب
يل عسكري يل عسكري
*****
هسه الموالي هواي مشتاگ
صعب البعد شيحمله الفراگ
ملهوفه شيعت علي وحسين
ضاگ النفس والشوفتك طاگ
كون احنه هسه مثل الطيور
وكل ساعه فوگ الكبه نزور
ونذكر الطف وذيج النحور
دمعه نصير بروح ملهوف
كون اعله بابك نزحف زحوف
يل عسكري يل عسكري
******
تكتل كتل لحضات الغروب
محبوب ومفارگله محبوب
المهدي حاضر هسه متعوب
جنه بسهم يا ناس مصيوب
يل عسكري لبنك عزانه
والمهدي هسه يتلكانه
من كربله مجروح اجانه
محمل اجانه ضيم عاشور
ياهو اليعينه المهدي مكسور
يل عسكري يل عسكري
****
انصار ابنك جتك اليوم
تهيل الدمع وتشگ الهدوم
يومك صبح حسرات وهموم
يل الحسن ضل مهدينه ملجوم
للعسكري هاي المواكب
يخدم الزاير حتى شايب
عجل ضهور ابنه نطالب
سامره خل تتحضر بهاي
جبنه الحزن وهمومنه هواي
يل عسكري يل عسكري
الخادم. حيدر ناجي الدراجي
عظم الله لك الاجر أمامي المنتظر
،،،،،،،،،،،،،،،،،،،،،،،،،،،،،،،،،،،،،،
اليوم سامراء يلمهدي حزينه
چنهه ارض گبور ما چنهه المدينه
آه يسم العسكري شمسوي بينه
وسفه ابونه يموت ويغمضهه عينه
يا مصيبه فرگته
والدموع اتعنته
كلها تنعه بصوت واحد كلهه صارت عيلته
عظم الله لك الاجر امامي المنتظر
،،،،،،،،،،،،،،،،،،،،،،،،،،،،،،،،،،،،،،
يابو صالح سيدي الله اليعينك
وانت خمس اعوام ما عبرت سنينك
دنيا بيهه الظالم وما يهوى دينك
وهذا ابوك بلا نفس وگبال عينك
غمض عيونه ورحل
حان من عنده الاجل
الله يجبر كسر گلبك هلمصايب من حمل
عظم الله لك الاجر امامي المنتظر
،،،،،،،،،،،،،،،،،،،،،،،،،،،،،،،،،،،،،،،،،،،،
ما نعوفك سيدي لا يا هوانه
احنه نعتبرك يبو صالح امانه
انته من حسين وحسين الحيانه
احنه اهل الزود مو اهل الخيانه
بالمصايب والشدد
نبقى الكم للابد
ترخص ارواح الاسمكم بعد نفديكم بعد
عظم الله لك الاجر امامي المنتظر
،،،،،،،،،،،،،،،،،،،،،،،،،،،،،،،،،،،،،،
هالجموع اليوم مجتمعه اعلى بابك
كلشي والله يهون بس شدة غيابك
فدوه كلنه نروح يلمهدي لترابك
يمتى تظهر والارض تكمل نصابك
والجيوش الحاقده
تنحنيلك هامده
ننتظر موعد ظهورك بالسيوف الصامده
عظم الله لك الاجر امامي المنتظر
،،،،،،،،،،،،،،،،،،،،،،،،،،،،،،،،،،،،،،،،،،،
يبدي صوت الثار بارض الغاضريه
يرجع بهاي الچفوف الهاشميه
المهدي قائد للجيوش الحيدريه
ثوره المظلوم ثورة عالميه
والرجال بأمرتك
كلهه تنصر دولتك
تنتهي الرايات كلهه وانته تعلى رايتك
عظم الله لك الاجر امامي المنتظر
كلمات الخادم/ رعد الفريجي
اجه الموت ...عليك وما حضرتك
اجه الموت.....يبويه وماحضنتك
بويه والدمعه دمه
وياي تنحب فاطمه
********
انه المهدي اجيتك.......يبويه ودمعي هامل
صباح الخنگه بيتك........صفت غربه المنازل
مسا الخير اعتنيتك........تظل بس الارامل
اشوف الطف ثنيتك......يشيعك ابوفاضل
على الاه......ينادي بعالي صوته
على الاه.........ولا موقف يفوته
تنحني اكباله السمه
وياي تنحب فاطمه
*******
عليك اتهدم الحيل.......صعب هجرك يغالي
الحزن شد المراسيل.....اجاني وبيتي خالي
اعليه اظلم الليل........بقى بس دمعي هالي
السمه بفراكك اتميل....الجرح بعدك صفالي
بلياك.........اعيش ايامي غربه
بلياك ....وحكك دمعي اصبه
شوف روحي الهايمه
وياي تنحب فاطمه
*******
حمام البيت ينعاك........تون بداره خرسه
تحن وتريد وياك......تكول اخلافه شنسه
وحكك كلشي ناداك....تغيب بداري شمسه
يويلي طاغي سماك....يلوج بحسره نفسه
يمسموم........عليك الدنيا تنحب
يمسموم......تواسي عمتي زينب
العسكري بصوته ارتمه
وياي تنحب فاطمه
********
عجيبه بيتي خالي ......تعودت انه اشوفك
انهدم نص حيلي تالي .اظل احسب طيوفك
ابويه هوايه غالي...صعوبه اشلون اعوفك
الهجر غربه صفالي...الجرح ماظن يروفك
بالاحزان.......اعاتب دهري خاين
بالاحزان....صرت بالدمعه اعاين
حيره وكت الموزمه
وياي تنحب فاطمه
********
صعب هجر الحبايب ..تظل سامره تنعه
بدونك كلشي غايب .السمه مزروعه دمعه
وحكك كلبي ذايب..واشوفه بحيره وضعه
يدنيا شكد عجايب....تموت بداري شمعه
اويلاه........عذابي من المأسي
اويلاه......اشوفن شيب راسي
يا جرح بيه احتمه
وياي تنحب فاطمه
********
يبويه آخر مسيه ......وداعك بي غيابي
انهدم بيتي عليه......وحس لحظة عذابي
الدمع يحجي الرزيه.....مصابك دم مصابي
انحنت شفت الزجيه....بدت تسمع عتابي
وداعا......وصل موسم بكائي
وداعا.......بده مجلس عزائي
حضر حماي الحمه
وياي تنحب فاطمه
********
تمت بعون الله
خادمكم...... يوسف الفتلاوي
#جديد
في استشهاد السيدة #سكينة عليها السلام
وزن : الفائزي
.
.
هالليله أوّدع دنيتي بس يبگه بيه
جرح الگلب "من گالوا اعليّه سبيه"
هالليله أوّدع دنيتي الراوتني أحزان
ما مرت اعله الإنس ما مرت على الجان
ومسبيه تاليها ادخلت يا ويلي ديوان
ويتفرج اعليه غدى ابن الدعيـــه
هالليله أمــوت وتبگه بيه ذکـرياتي
الخلتني كل ليله انتظر ساعه مماتي
بعد الأبـو وامصيبته شِلّي ابحيــاتي
كل لحظه أذكر مصرعه وعيني جريه
آنه اللي طايح عالترب شافته اعيوني
واسمعته حين الگال يا شيعه اذكروني
وكل ما شربتوا الماي نوحوا واندبوني
ظامي يشيعه وما شرب گطرة أُميه
هالليله أموت وينختم بأحزاني عمري
وأنتظـر شـوفــة والـدي الليـله بگبـري
وأحچیله عن ضيم اليسر واهموم دهري
واحچیله عن حرگ الخيـــم بالغاضريه
____
تمت ببركات مولاتي سكينة سلام الله علیها
#فاطمة_كريم
٢٠٢٤ م
جديد ربيع الأول١٤٤٦هـ
رجوع السبايا للمدينة
العليلة وأمّ البنين وبشر بن حذلم
تـــنـــشـــد فاطمه ويّا أمّ لبنين
ياناعي الأهل باقي الأهل وين
يالنَعْيَك فجعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الخلاّني بـويه ابعلّتي ونــوح وقهر
من رحل مانمت ليلي وعاشرت همّ اوسهر
صـــوتـــك بـهـاليوم دوّى بالمدينه شالخبر
بالله بشّرني بقدومه وقــلّــي جاني يابِشِر
متحيّر بقى شيقلها شيصيح
ردّو للوطن لـــو هـم مذابيح
متغيّر وضعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
قلها سمعي يـالـحزينه والدمع عالخد جرى
بكربلا خـلّـوه ضـامـي والشمر حـــز منحره
لـــچ رجع ضعن المهابه بـــس تغيّر منظره
اميسّره أصبح إسمها القبل چان امخدّره
عـن زيــنـب جوابي يالتنشدين
بغير حسين ردّت إخت لحسين
متشتّت جمعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
تلطم اعــلــى الراس يمها إجت أمّ الأربعه
قلها عباسچ چفوفه اعــلـى النهر متقطّعه
مــو لـجــل ذبحة بنيها خــر طفلها من نعه
تدري معناها بواليمّه راسه الطاغي ارفعه
صاحوله نريد انروح يمهم
قلهم بالحزن نصبو خيمهم
لـلــونّــه تبعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
فاطمه الزينب تعنّت يــمــهـا بالآه اصرخت
عــمّـــه ياريحة أبويه وللصدر إلها احضنت
چنّه مـــو كامل عــددكم منهو اللّي ماإجت
بالخرابه إختچ رقيّه اهناك عفناها وقضت
وعبدالله الرضيع الـقــوم ذبحوه
وصوت المنسمع يا بنتي سمعوه
بس نسوه رجعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
عندي يــم لبنين حضري زينب اتصيح بنحيب
يُـمَّــــه ضمّيني أريـــدن أبچي لمصاب السليب
الماتم الأوّل أقيمه بـلا ضرب لـــجـــل الغريب
عظّمت ليها أجرها بصاحب الشيب الخضيب
بحسينچ يازينب آنـه أعزيچ
وبالعباس واسيني وواسيچ
مانقطع جزعنا بالحسره اجتمعنا
ياناعي الأهل باقي الأهل وين
ـــــــــــــــــــــــــــــــــ
تمت بحمد الله ومنّه ٣٠ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا
الهجوم علی دار الزهراء عليها السلام
واسقاط المحسن عليه السلام
🏴🏴
الزهره بت رسول الله
خلف الباب عصروها
🏴🏴
لاذت للستر عنهم
ضربوها كفر چنهم
اللهم العنهم
عله سوايت السووها
🏴🏴
الزهره ضلعها انرض
خلف الباب تتمخّض
فلان بعملته ابغض
طاها وبنته ضربوها
🏴🏴
سگط محسنهه من عدهه
اجت فضه تساعدهه
تحضنها وتسنّدهه
وتصبّر الهظموها
🏴🏴
تبچي وشابگه المحسن
مكسورة ضلع وتون
اتشم اجنينهه وتحن
من اضناها حرموها
🏴🏴
تگله بيا ذنب چتلوك
ياضي عيني شيطلبوك
تكبر يبني ماخلوك
فرحة گلبي سلبوها
🏴🏴
لا گمّطت لا لوليت
لاهزيت لاناغيت
يلمحسن اباب البيت
كل آمالي ذبحوها
🏴🏴
عظم الله لنا ولكم الاجر
ام محمد الحجاج
▪️واويلاه يابويه ▪️
لسان حال السيده سكينه عليها السلام
عند رؤية والدها في العاشر من محرم
طور: مظلومه يا زينب
الملا محمد بو جباره
https://youtu.be/7H4nX5x7CXA?si=PLLsoxgXAxlwPGLq
واويلاه يابويه
واويلاه يا بويه
—-
طايح عالترابه
من دمه خضابه
عميه اعليه عيوني
سلبوهن ثيابه
——-
ماتخلص يَنوحي
شفته آيروحي
تسحگ صدره لخيول
شيطّيب جروحي
——-
شفته اينادي عطشان
صاير صدره ميدان
قلبي وعظمه مكسور
وشبّت روحي نيران
——-
ماتت روحي ويّاه
نبضةْ قلبي تنعاه
واعله الغالي ياناس
آهين والف آه
—-
ابلحظه اتغير الكون
ريت وعميه العيون
اشلون وبس اشوفه
الف وميه مطعون
——-
امصابه ايلّوّع الروح
طاح وروحي اتنوح
آيالغالي بويه
جسمك كله مجروح
——
ريت وروحي تفداك
وراحت بويه وياك
العز شال ودلالي
وصرت ابولية اعداك
——
لمصابك روحي ونها
العمر يبگضي ابحزنها
امصايب مو مصيبه
هضمي يحچي عنها
——
#بنت_الشمري
٢٠٢٤
🏴 شهادة الإمام أبي محمد الحسن بن علي الزكي العسكري(ع) 8 ربيع 1 سنة 260هـ مسموماً في السجن على يد المعتمد اللعين، وله من العمر 28 سنة، وقد دُفن في بيته بمدينة سامراء بجوار أبيه الإمام علي الهادي(ع)
أعظم الله أجورنا وأجوركم .
⬛️◼️القصيدة-1-◼️⬛️
إن ضِقتَ ذرعاً والبلاءُ دَهاكا
والدهرُ في نصلِ الهمومِ رَماكا
أُقصُد لسامِرا وعَجّل نحوَها
كيما يزولَ الكربُ مِن بَلواكا
فالقبةُ البيضاءُ عانَقَت السَّما
كالشمسِ يُحيي نورُها الأفلاكا
ولَئِن أصِبتَ بعلةٍ بادِر لها
فهُناكَ عندَ الهادِييّنِ شِفاكا
فيها الزكيُ العسكريُ ووالدُ
المهديِِّ فاطلُب آنذاكَ قِراكا
وهوَ الوصيُ خليفةُ الهادي بهِ
وبفضلهِ الباري الجليلُ هَداكا
ومعاجزٌ ظهرَت لهُ قد أذهلَت
كلَّ العقُولِ وفاقَتِ الإدراكا
لكنَّ حِقدَّ الظالمينَ أضَرَهُ
لعنَ الإلٰٓهُ الباغيَ الأفاكا
كم مرةٍ ذاقَ السجونَ وشايةً
لِدماهُ رامُوا حينَذاكَ سِفاكا
ويلٌ لِمعتَمدِ الخيانةِ غالَهُ
وسَقاهُ سِراً سُمَّهُ الفَتاكا
إذ فَتَّ أحشاءَ الإمامِ وهكذا
يَقضي غَريباً نائِياً مِن ذاكا
وعليهِ بالأحزانِ ناحَ ملائِكٌ
وكذا السمآ قد أظهرَت إرباكا
والحجةُ المهديُ نادى يا أبي
نفسي وكلُ العالمينَ فِداكا
ياوالدي أفجعتَني وبِوَحدَتي
سأظَّلُ طولَ العُمرِ في ذِكراكا
وأنا اليتيمُ بِغُربةٍ بينَ العِدا
أشكوُ الفراقَ وكيفَ لي أنساكا !
حتى المعادِ لأُحيّيَنَ مآتِما ً
تَبكي الحسينَ و حينَها أنعاكا
#سمير_الصالحي
#النجف_الأشرف
🏴حجة الله اليوم مفجوع ووحيد
🏴لجل سم العسكري همومه تزيد
نار البگلبك يمهدي المنتظر
هايجه وماخمدت بطول الدهر
ياصور تحملهه عينك ياصور
واهلك المابين مسموم وشهيد
گوم سل السيف يبن المرتضه
ياصبر تحمل صبرنه مو گضه
أخذ ثار اليوم وي ثار المضه
مدري يومك صار لو يومك بعيد
مااصدگ تنسه عصر الطاهره
ضلوع امك ياحسافه مكسره
لو چتل محسن وذاك الي جره
بعد شرويلك وما ودي اعيد
ارد اذكرك سيدي بجدك حسين
بكربله عاري ومگطوع الوتين
شلون تتحمل الم هاي السنين
مااظن تصبر وروحك ما تهيد
والدك هليوم مسموم ورحل
عگب ضيم العمر مظلوم انچتل
شاب وثلاثين عمره الما وصل
والارض حزنانه ولفگده تميد
يابوصالح صعبه تفگد والدك
على الغسل والچفن منهو الساعدك
باللحد نزلته ويلي لوحدك
عله مصابه دموعك تذّوب الحديد
بعمر خمس سنين وتفارك ابوك
ولا اخّي عندك تشد ظهرك باخوك
يتيم وأهل الباطل الي حاربوك
بيك يتشمتون ظل بلا عضيد
دارك بسامره وحشه ومظلمه
وياك تبچي وبالفگد متألمه
والملايك تلطم وتنعه السمه
شيعتك منتظره وليومك تريد
#سمير_الصالحي
#النجف_الاشرف
**البيت 7 ألحقه الأخ الأديب
السيد سجاد الحسيني الجمازي
بالقصيدة (بتصرّف)
مالت دنياي وفرهدنه البين
زينب لاوين ترحل يحسين
......................................................
عفتك خويه مدري أشلون مشيت وخطن أجدامي
أمشي وكٌلشي يمشي وياي شوكي وجرحي وأحلامي
وآنه بكل خطوه أتعثر وأرجع أشتــم عطرك هيل
من طر فجر الله الحد مــا بين نجمك آه يسهيل
عطشانه وحيلي أتطشر حرمة وتركض نص الليل
بعدك يحسين وكـــــل عمري دمعه وآهات او ويل
ما جن خمسين عمري طفين
زينب لا ويــن ترحل يحسين
.........................................................
أخذني الشوك مدري الوين خويه وتاهت أفكاري
شفت روحــي أعله كبرك ماي تتبده وتشب ناري
شميت أترابك يبن أمـــــــي وحسيتك هم عطشان
يا وسفه لو جنت وياهم جــــــــــــا وصيت الدفان
جا كتله أمن الدوس بصدرك صاير صدرك ميدان
وتلث تيام أعله الغبره باقـــــــــــــي أوسد التربان
جثه بـلا راس عفتك بعدين
زينب لا وين ترحل يحسين
.........................................................
لملمت الجروح وجيت أودعك وأمشـي مكسوره
أمشي وخويه جني أهلال بكل خطوه ألك صوره
مره أرسم شاطي أعله أجروفه فارس ريشاته أكبار
طايح عطشان ومتوذر وبجوده حلــــــــم أصغار
ومره أرسم خيمات أطفالك ويلــــي وتاكلها النار
ومره أرسم نسوانك تركض حفاي وبيها شصار
وأرسم عباس راس وجفين
زينب لا وين ترحل يحسين
.........................................................
مثل ما جيت من الشام رحت أمشي بنساوينك
واكعد كعدة المكسور وأضــــل أفكد حياطينك
أحسب للباقي من عمري تخلص وأتلاكه وياك
وترجع كعدتنه ولمتنه وترجــــــع زينب بحماك
عهد الله يحسين وزينب مالحضــــــة بيوم أنساك
باجر لو بيه أيمر موتــــــــي شايل تابوتي ألكاك
حتى لو طيف وأتكحل العين
زينب لا وين ترحل يحسين
.........................................................
جبت كل ذكرياتي وياي يحسين وكمت كوه
أسولفهن سوالف شوك وأتحسر علـى الخوه
وي أم عباس شما أكعد يعرض كدامي الماي
وأتكلــــــي عباس شسوه ويصب مدمع عيناي
كلتلها الطف جان شويه وعباسج جان أهواي
ما قصر يا يمه وحكج وفـــــــه بعهوده وياي
ونقره بكل ليل سورة ياسين
زينب لا وين ترحل يحسين
..................................................
خادم خدمة الحسين
الشاعر
محمد الموالي
قصيدة بحق الامام الحسن العسكري عليه السلام
يمة يا مضلوم صاحت فاطمة
عليك سامرة حزينة ومضلمة
===================
انصاب گلبي من سمعت مصيبتك
والطم اعله الراس فوكَ جنازتك
ريت مشلولة ادين السمتك
نار بالدلال ضلت مضرمة
===================
نور سامرة انطفة واصبح ظلام
يمة ما رحموك اولاد الحرام
يالحسن يمة صعب هذا الكلام
اتلوج بالسم والطغات امنعمة
===================
بالحزن متروس گلبي يالحسن
شوفني بيا حال انعاك بشجن
ضلوعي چن اليوم هذا اتكسرن
مو دمع لحلك تصب عيني دمة
===================
انصب الماتم واون ليل ونهار
واحزن وانعاك وبدلالي نار
يامصيبة ايشيب من عدها الزغار
حالك ايبچي الارض وي السمة
====================
راحوا الاولاد لو سم لو چتل
المُعين اللَّه گلبي شيحتمل
بيك يتشفى النذل ابن النذل
ايريد يطفي النور والله ايتممة
===================
يمة يالمهدي الابو يحني الضهر
سهمة بالدلال صاباك وعبر
عظم الله اجرك ييمة المنتضر
جيت اواسي ابهالمصيبة المؤلمة
====================
أسألكم الدعاء رائد الاسدي
ياصاحب الزمان
من تجري دموعك تذكر المن ياجرح
عالزهره وضلعهه لو على المات بذبح
---------------------------
انته يالمهدي دموعك من تهل
كلشي مخلوق اعله دمعك ينسأل
ياهو الاصعب حتى ينقاس السهل
ضلع امك فاطمه اوموت الطفل
يالصبحك نوايح ولمسه تكضي دمع
تندب اه يجدي واه ياذاك الضلع
---------------------------
عمرك وجرحك مثل جرف ونهر
اصواب امك فاطمه كسرة ضهر
لو تون لحسين محزوز النحر
الداسته الخيل وبقه ابلايه اثر
مشتركه بجروحك باب وخيام ولوه
ومن تذكر رزيه ابصدرك ايشح الهوه
---------------------------
جرح الاطفال وحرگ ذيج الخيم
وطيحت العباس من طاح العلم
وركضت النسوان مذعوره ابهيم
هنه ذني الخلن ابعينك سهم
من تذرف دموعك امخالط ادموعك دمه
وحزانك چبيره ماتلم ارض اوسمه
---------------------------
يامصيبه الي تزيد محنتك
ويابو صالح ليش حمره دمعتك
هم شفت ضعن السبايه وعمتك
عالمهازل ذيج صارت غربتك
مقروحه جفونك من يجي ابالك امر
تندب اه يزينب اشلون تمشين ابيسر
---------------------------
من اميره زينب اتروح ابيسر
وهاي ترست گلبك اجروح اشكثر
وعله ديران الشماته من تمر
هاي خلت گلبك ايساوي الجمر
يابو الدنيا كلهه وگلبك اتخذم خذم
بس الله اليعينك عالمصايب والالم
---------------------------
علي سليم الحسناوي
للصحن جينه. نواسي مهدينه
العسكري بيده. ايسجل اسامينه
***
الخدمه نوعيه بيها روحيه ابدار الامام
نرفع الرايه واحنه وفايه بهذا المقام
اليوم كردوس الخدم رافع شعاره
والتحيه تختلف جوه المناره
عالامام نسلم ونقره الزياره
نقترب منه وهوه يقبلنه
بالصحن نشتم ريحت الجنه
***
كل ايادينه بيد مهدينه نبع الحنان
سيد النعمه وعطره نشتمه بهذا المكان
من نطب سامره ياخذنه العشك وين
وشحلات الهوه يم العسكريين
ما يرد خالي اليدك باب الامامين
اشمحله سامره الناضر تسره
وحلف المهدي خادم الحضره
**
كل سنه نعاهد حضرت القائد ونحي العزاء
بالصحن نصطف وخدم نتشرف الراعي العطاء
الرايه هاي المنتظر يشرف عليها
يعني عطر العسكري موجود بيها
بعلي الهادي ونرجس احنه مزوريها
تبقه رايتنه رمز خدمتنه
بدار ابو صالح تعله صيحتنه
**
كل سنه وكل عام تلتم الخدام بوسط الرواق
وللضريح نصد ولحضه من نبعد نموت اشتياق
ونرجع نطوف الكبر ويزيد حبنه
بالامام المهدي متعلك كلبنه
يمته يوم الثار يالغايب ندبنه
دوم ندعيله وكلشي نحجيله
صاحب المرقد ويانه كل ليله
**
الارض سامره تحضر الزهره والهم تنوح
تنصب الماتم والدمع من دم وتبدي الجروح
تعتني يم الامامين الحزينه
اتنادي يبني توني اجيت امن المدينه
تصيح ليش اوليدي جبده مسممينه
عالولد تنعه وتذرف الدمعه
وتدري بالمهدي منكسر ضلعه
*
تمت
تحسين الخفاجي