5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لمولاي موسى ابن جعفر (ع)
لسان حال الزهراء (ع)
وا ويلاه يوليدي ••• وا ويلاه يوليدي
=====
انه امك يابن جعفر فاطمه لصحنك اجيت
ويه هل مشايه لجلك يمه مشايه مشـيـت
فوك شباجك اجيت بكسرت ضلوعي ونعيت
انه ويه احبابي يـمـه جوه كباتك بـجـيـت
وا ويلاه يوليدي ••• وا ويلاه يوليدي
=====
مو دمعتي تطيح لجلك لازم تطيح الـعـيـون
خلصت زهرت شبابك يا وسف بين السجون
امصابك اعله امك يموسى لا تضن يهده ويهون
اليله احمر صار لجلك يل وفي لون الجفون
وا ويلاه يوليدي ••• وا ويلاه يوليدي
=====
الك منصوبه المواكب يمه والمدمع يسيل
وشيعتك يا يمه كالت يسهل الدرب الطويل
وانه من الطف اجيتك جايبه جفوف الكفيل
وجبت من النجف دمعت حيدره حامي الدخيل
وا ويلاه يوليدي ••• وا ويلاه يوليدي
=====
جيتك ابسمار ضلعي يل متت ومكـيـديـك
دمي ينزف يمه اجيتك وانتا هم تنزف ايدك
حسين هم بلايه منحر وي انصاره يـجـيـك
ويمه من مشهد تعنه ابنك بدمعه عـليـك
وا ويلاه يوليدي ••• وا ويلاه يوليدي
=====
جيتك ومشتاكه يمه بكثر شوك ام الـبـنـين
ساعة الطول عليها بسفرته هناك الحسين
هيه صبرها دمعها واني صـبـرني الـونـيـن
كلبي بارض الكاضميه قبلي واصل للحنين
وا ويلاه يوليدي ••• وا ويلاه يوليدي
محمود محمد العطواني
لمولاي موسى ابن جعفر (ع)
وا كاضما وا ويلا
ـ
كصته جانت زركه من كثر السجود
وزركه هم جفوفه من ضب القيود
مات مسموم بسجون اللا رشيد
اعليه ينوح اليوم كل هذا الوجود
هذا الشيعوه ودمه بـجـفـوفـه
هم بالغربه مسلم جنه بالكوفه
على جسر الرصافه ـ انترك وبكل صلافه
وا كاضما وا ويلا
ـ
مات ما شيف حبايب لا شموس
شوكه جان لوجه سلطان النفوس
لهفته لمعصومه يشبكها يريد
مات بالحسره وحك ذيج الرؤس
كضم غيضه لجن ما كدر لشواكه
الرضا غالي عليه يا مصعب افراكه
الرضا يا ضيم فركاه ـ حتى احنه جربناه
وا كاضما وا ويلا
ـ
فدوه لو تنعمي لمصابه العيون
عمره خلص بالضلام وبالسجون
شوكه من يخنكة لحفاده الزغار
تطبك السبعه عليه طبك الجفون
الله يعينه ضيم مجلجل بكلبه
شوكه لولده جفه وجفه للغربه
من الغربه شيب ـ الله يعين زينب
وا كاضما وا ويلا
ـ
بالسجن وحده يشاهد بالضلام
دفعة الباب وحرك ذيج الخيام
وجده ابو السجاد وحده بلا معين
يشوفه عالغبره ذبيح بكل منام
يقارن ويه يروحه الخيل و السحكه
ويــه الـبـاب ذاكـه وقـوة الـطـبـكـه
ويفز كل يوم حلمان ـ يشوف حسين عطشان
وا كاضما وا ويلا
ـ
بالصلاه لو راد يقنت بالجفوف
منضر يكطع الكلب بيده يشوف
عشر اصابع ينضر بهذا العدد
الخيول العشره البارض الطفوف
واصابع يمنته امن يشوفها يذكر
محبس جده ذاك وكصة الخنصر
يفز من كلمة الماي ـ اثر بي تارك هواي
وا كاضما وا ويلا
محمود محمد العطواني
⬛️◼️القصيدة-5-◼️⬛️
يا كاظِمَ الغيّظِ عليكَ السلامْ
يا مألفَ الصبر ِ ونعم َالإمام ْ
ذُقتَ سجونَ الظلمِ في وحشةٍ
وما بها سوىٰ الأسىٰ والظلام ْ
مقامُكَ السامي عظيماً بدا
فهلْ تُرىٰ كَمَثلِ موسىٰ يُضام !
مقيد ٌ بين طواميرِهِم
ووضعُهُ ليسَ علىٰ ما يُرام ْ
جـيـئَ من البصرةِ قسراً به ِ
مُكَبلاً من دونِ أيّ ِ احترام ٌ
وظلَّ في بغدادَ في حَبسِهِم
عشرٌ مضت وقيلَ عشرونَ عام ْ
ماذنبُهُ يُبعَدُ عن أهلِه ِ
وحقدُ هارونَ عليه ِ سهام ْ
فأوعزَ الباغي لِــسنديّه ِ
لـِيُهلِكَ الطُهر َ بموت ٍ زُآم ُ
في رُطَب ٍ دسَّ لَـهُ سُُمّـهُ
ومِنهُ وآ ويلي أتاه ُالحِمام ْ
ومِن علىٰ الجسرِ يُرىٰ نَعشُهُ
يا ويحَهُم ويل ٌلهُم مِن لِئام ْ
لكِنّـهُ شَيـَّــعَــهُ شِيــعــةٌ
سبعونَ ألفاً طيبونَ كرام ْ
وفيهِمُ المفجوعُ ذاكَ الرضا
وقلبُهُ قد شَبَّ فيهِ الضّـِرام ْ
لئِن بكىٰ أباه ُ في حُـرقةٍ
لفقدِهِ بلَوعة ٍ لا يُلام ْ
#سمير_الصالحي
#النجف_الأشرف
🌑 نعي ــ نصاري
ينفع يوم الإستشهاد وليلة الوحشة مع ربط مصيبته ع بمصيبة جده الحسين ع ثم ذكر سبي السيدة زينب ع ..
عله جسرالرصافه النعش خلوه
لفته شيعته وعل الروس شالوه
سبعين الف بالآهات شيعوه
ودمعات الحزن منهم جريه
لچن ياوسف هذا الجده ماصار
يويلي بكربله ذبحوه الاشرار
جسمه بالفله خلوه طشار
ومحد من هله انصب عزيه
لحد غسله و لگبره شاله
ثلث تيام محد تدناله
ولحد يدفنه ومحد بچاله
وينوح اعليه ويواسي الزچيه
صدگ يابوالرضا صعبه وعجيبه
عمتك تنسبي والله مصيبه
عگب عباس مفجوعه وغريبه
لارض الشام ودوهه سبيه
صحيح بسجن ومگيد بالحديد
برطب سمك الطاغي وچتلك يريد
بس زينب يسيره بمجلس يزيد
خلاف حسين تدخل دار اميه
#سمير_الصالحي
#النجف_الأشرف
(نعي )إلى سيدي ومولای باب الحوائج الإمام موسى بن جعفر عليه السلام
*
من دار المدينه يهاجر الدين
لدار أهل الظلم بيدين سجان
يوادع أهله وأولاده الميامين
وتضج المدينه بضجة أحزان
وصيه الكم يبويه وهذا الوداع
ابوكم راح يرحل بيد طغيان
ترى بعد السفر ماترجع الروح
يبويه اتحزمو لهجمت العدوان
راح انطش يبويه وهذا الفراك
ونصبح غربه بويه أبين الأوطان
*
حيف أعلى الزمان بأهله لو دار
صعب كلش زمانك لمن يدير
يسكن بالقصور أقوام ظلام
ويحط موسى بن جعفر بالمطامير
بطاموره الإمام وأهله غياب
لصوب أهله يويلي إعيونه ادير
مقيد بالحديد وسجن هارون
وعليه لا مو جديدة هالمسامير
من سجن لسجن دولابه دوار
من البصرة حد السندي تدبير
لحد ما كالو أعلى الجسر مسموم
الما عنده عشيره لنخوته اتغير
**
كل يوم اعلى باب الحق يردون
أهل الجور بانواع العناوين
على موسى بن جعفر تحزن الروح
وتسيل ادموع من جور السلاطين
اويلي اعله الجسر خلوه مطروح
وين أهلك يبعد اصبحو وين
غريب أنت وعليك التمت جروح
ياوسفه يبن سيد الاكوان
*
محمد دعبل النوري
(يا باب الحوائج)
فـوك الـجـسـر يـاشيـعـه مـحـد حـضـر تـشـييـعه
الكاظم وحيده اجنازته مـاكـو عـشـيـره الشالتــه
. . *---------------*---------------*
مــاكـو أهــل يـمـه وأجـت تشيله
بـيـن الـعـده ومـحـد رفــع عويله
فـوگ الـغـرب والـسـم مــرد دليله
يحجي الحزن عن قصّته الطويله
هـاي الـسـنـن والـعـاده
الـمـيـت تـشيـله أولاده
ضـل الغـريب بحسرتـه
. . *---------------*---------------*
نـعـشـه بـقـه بـغـربـه وثكل حديده
ياهـو اليـشـيـلـه وكـل هـلـه بـعيده
مرضوضه ساگه وجامعه اعله أيده
هذا الورث سجدت علي الصـمـيـده
يـبـچـي الحديـد الحاله
والــسـم مـــــرد دلالـــه
بسجنه النواصب سمّته
. . *---------------*---------------*
الميت تجي وتحضر أله الـعـشـيـره
وفوگ الچتف يحله النـعش مسيره
وجنازة الكاظم بقت صعبه وچبيره
يضج بالعويل الحالته لبگلبه غـيـره
بساگه الحديد وبيده
أهله وعمامه أبعـيـده
تدمي النواضر قصته
. . *---------------*---------------*
ساگه وصـل گيد العده العـظـمـهـه
الكاظم صـبر وشگد مـحـن کظمهه
أتگطع الگلب قصته وجرح هظمهه
صـبّـت عـلـيـه اهـل الحـقـد ظلمهه
تجري الغيور عيونه
بس اربعه أيحملونه
بحزانه مات وغربته
. . *---------------*---------------*
مـات بسجن بين العده ضـحـيـه
وذاك الوكت مـحـد نـصـب عزيه
يـم الجـسـر ضـل النـعـش رميـه
فجعت تـره أمـلاك الـسمه الرزيه
الليله فاضت روحــــه
مات وبعدهه اجروحه
حـيـل الـسـلاسـل أذته
. . *---------------*---------------*
أتحمله بس هل أربعه عجيبه
وين الرضا يحظر الـه بنحيبه
ليش الجنازه أبلا اهل غـريبه
ماكو بجي وواحد رفع نحيبه
وحده وبعيده أدياره
وين اليوصل أخباره
هيچ المصايب خلته
. . *---------------*---------------*
✍ خادم موسى بن جعفر ع
الشاعر رعد الجريخي
نعي بحق الامام الغريب موسى الكاظم(ع)
العشيره للوكت تـــراد عـــازتهه صـــدگ عـــازه
اليموت ابين غربــه اشلون ياهو ايشيل لجنازه
مهيوب الهله ايحضرن وتشيّعه بهيبته اعــزازه
اخوته وكـــل اهـــل بيته بحمله اتگوم تتوازه
*---------------*----------------*
ويلي الغربت المسموم مـــحــد غمض عيونه
وإمـــام الــرافضـه هـــذا ثلاثه اللي يحملونه
أجيب منين اهــل بيته وخلي الكل يشيعونه
ويرفرف بيرغ الاحزان ودفنت عِــز يدفنونه
*---------------*----------------*
وحــشــه اجــنـازتـه ياحيف ماواحد حضر يمه
المــثـلـه كون يــتــشــيــع وتوكفله الزلم حزمه
هــذا ايــغــمــض عيونه وذاكــه ايــردد بأسمه
لچن شلفايده المسموم طرحوا عالجسر جسمه
بحديد مرضرضه ساكه ويذكرنه بأبـــو اليـمــه
*---------------*----------------*
✍ خادم موسى ابن جعفر ع
الشاعر رعد الجريخي
زيارة موسى بن جعفر (عليه السلام)
مواكبنه مواكبنه.. مواكبنه بنيناهه
والمشايه ياموسى.. على حبك خدمناهه
ــــــــــــــــــــــــــــــــــــــ
مواكبنه الحسينيه..هيچ اتصيح يوميه
هله ابزوار ابن جعفر..والغيره جواديه
تعالو واكلو من زاده.. وخل تتباهه بغداده
من بطن السجن چفه.. يوزع الكم امراده
يبو طلبه يبوطلبه.. والرايه رفعناهه
والمشايه ياموسى.. على حبك خدمناهه
ــــــــــــــــــــــــــــــــــــــ
مواكبنه الف نعمه.. من الله وصدگ رحمه
حتى الشايب اويانه.. يتنافس عله الخدمه
تعبنه ابخدمتك راحه.. كلمن لابس اوشاحه
مثل الصگر واحدنه.. ابد مايتعب اجناحه
ابعز البرد مانمنه.. وجم ليله السهرناهه
والمشايه ياموسى.. على حبك خدمناهه
ــــــــــــــــــــــــــــــــــــــ
مواكب بيهه الف حوبه... فواتح چنهه منصوبه
والخطوات عدالله.. الخطوه بالف محسوبه
يمن اسست منهجنه.. يگاظي كل حوائجنه
اذا نبرد تدفينه.. واذا مرضه تعالجنه
مدامعنه مدامعنه.. بس يمك بجيناهه
والمشايه ياموسى.. على حبك خدمناهه
ــــــــــــــــــــــــــــــــــــــ
طريقك كله مشايه.. يالگبتك امضوايه
قصر هارون چاوينه.. والمن رفت الرايه
چبيره ابدربك السفره.. صواني اتشبع الفقره
علي ايعزبلنه يم بابك.. وتطبخ فاطمه الزهره
هله بولدي هله بولدي.. تگولنه سمعناهه
والمشايه ياموسى.. على حبك خدمناهه
ــــــــــــــــــــــــــــــــــــــ
مشي الگبرك تعنينه.. علگ بالحضره شدينه
لطمنه والرضه حاضر.. وايسجل باسامينه
وصلناك وتنفسنه.. وشد الحيل عابسنه
ابصحنك سيدي الكاظم.. اشگد حلوه مجالسنه
والاجنازه والاجنازه.. فوگ الروس شلناهه
والمشايه ياموسى.. على حبك خدمناهه
ــــــــــــــــــــــــــــــــــــــ
اجينه الصحنك انزوره.. نطهر ارواحنه ابنوره
عهد وياك مانرجع.. رغم الظالم وجوره
نتحده التحدانه.. وبصحنك يمولانه
نسويهه مجالسنه.. المهدي حاضر اويانه
ابوصالح ابوصالح.. بيه الشيعه تتباهه
والمشايه ياموسى.. على حبك خدمناهه
محمد الجماسي
#اللهم_عجل_لوليك_الفرج
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
جنوبية🔥
#موسى_ابن_جعفر_🔥
#النعي_
عمت عين الطوامير وطواغيها
جانت مظلمة ونورك امضويها
هله بنوماس بغداد وضواحيها
يريسان الروافض وانته حاميها
ـــــــــــ❋❋❋ ـــــــــــ
النزله_
وللريسان تحلاله القيادات
ياراهب الك هيبة العراضات
ـــــــــــ❋❋❋ ـــــــــــ
ونت شيعتك وتصيح مهضومه
مر ماينجرع يالكاظم ويومه
اگلوب الحبتك ياحيد مهدومه
((من يومه//الشيعي امكدر))
ـــــــــــ❋❋❋ ـــــــــــ
طلعتلك عراضه ابروح شيعيه
جوادر والمواكب الك ثوريه
نوح الكاظمية اعليك ليليه
((احداد اعليك// امخليته ))
ـــــــــــ❋❋❋ ـــــــــــ
جم بيرغ الك مرفوع چم رايه
وچم جادر الك منصوب وقرايه
وچم موكب اجه مشاي عنايه
((وخطينا// اسمك عالموكب))
ـــــــــــ❋❋❋ ـــــــــــ
لأسد بغداد منصوبه جوادرنه
لراهب آل هاشم تحله هالونه
اهديب وعالكلايف دوم احطنه
((نزامط بيه//اسمك يالكاظم))
ـــــــــــ❋❋❋ ـــــــــــ
ازامط بيك والحاجات يم بابك
اعرفنك اصيل وتكرم احبابك
اجيتك يابوطلبه ورايده اجوابك
((وشديته// البيرغ باسمك))
ـــــــــــ❋❋❋ ـــــــــــ
تمت بعون الله وتوفيقه
بقلم /✍️ ام ذو الفقار إسراء اللامي
غير مبري الذمه من يجرد اسمي من القصيدة او ينسب الكلام لغير شاعرة
خصيمه ابا الفضل العباس ع
العمل مهدات لصاحب الزمان ((عج))
واويـــلاه يمسمـــوم واويـــلاه
واويـــلاه يمسمـــوم. واويـــلاه
****
آه يــا مسمــوم يــا عظم المصاب
بسجن أظلم گضه يا وسفه الشباب
واليصد لموسى ينظر بـس ثيــــاب
نحل جسمه من القيود الضالمـــه
***
آه يــــا مسموم آه يـــــــــا محنته
آه يــــا صبره وعظيم مصيبتــــه
گيدو يسراه حيـــــــــــــف ليمنته
شابهه السجاد گيده والدمــــــــه
****
آه يـا مسمــوم يــا كهــف الصبـــر
شيعته بيا حــــــــال ظلت تنتظــر
سمعت أجنازه يوسفه أعلى الجسر
نعش أبن جعفر أعلى الجسر أنرمه
***
آه يـــــــــا مسموم محد گبّلـــــــه
ولا غمضله أعيونه واحد من هله
مثل حال حسين وحـــده بكر بله
وهوه سبط الهادي وأمــه فاطمه
***
آه يا مسموم مـــــــــن إلا رشيـد
گبله يــا ميت مسلسل بالحديـد
صار للأحرار أسمه أروع نشيــد
ونور صحنه يصعد لحد السمـــه
***
آه يا مسمــوم يا كعبــــــــــة محن
بصبرك أنذلت تـــراهي أهل الفتن
إلك بغداد أصبحت حضره وصحن
أبذّله ذيـــــــچ أعداك ضلت نايمه
****
شعر
موسى البديري
قصيدة للكاظم ع
للكاظميـــــــــــه اليوم مشايـــــــــــه
جف لزم سبحه وجف لزم رايـــــــــه
✏️✏️✏️✏️✏️✏️✏️✏️✏️✏️✏️1
للكاظميـــــــــــه الاجو يمشــــــــون
ابشوفتهم احنه انكحل العيـــــــون
خلي اليصــــورون وينشــــــــــرون
للكاظميـــــــــــه اتروح عنايــــــــــه
✏️✏️✏️✏️✏️✏️✏️✏️✏️✏️✏️2
للكاظميـــــــــــه الماجــــه ينــــــدم
جنت البـــــــاري وبيــــها نلتـــــــــم
روح الــــــزم الشبــــاج وشتـــــــــم
عطر الزجيـــه وبيــــها الكفايــــــــه
✏️✏️✏️✏️✏️✏️✏️✏️✏️✏️✏️3
من تشتــــم الشبــــــاك وتگــــــول
عــــطـرك يگوم الجاي مشلـــــــول
شافيــــنـي يابن فحل الفحـــــــول
جيــــتك وريدن منــــك ادوايــــــه
✏️✏️✏️✏️✏️✏️✏️✏️✏️✏️✏️4
جيتــــك وحلفك ببـوحزاميـــــــــن
الحمـزة عمـك وبــــوالحسنيــــــــن
مــاريد ارد والـدمــــعه بالعيـــــــن
مگظيه گلي وحاجتــــك هايــــــــه
✏️✏️✏️✏️✏️✏️✏️✏️✏️✏️✏️5
مگظيه گلي وحاجتــــك هــــــــاي
معقوله ارد الجـاي مــشـــــــــــــاي
ياهلابيك امنيــــــن ماجــــــــــــاي
امن وخـذها مني احجايـــــــــــــه
✏️✏️✏️✏️✏️✏️✏️✏️✏️✏️✏️6
امن وخـــــــذها حجايه منــــــــــي
كلما ردتلك حاجــــــه مــــرنــــــــي
العن يزيــــــــد الذبح عــــمــــــــــي
وجــــدي ورضيعه الماتو مايـــــــه
✏️✏️✏️✏️✏️✏️✏️✏️✏️✏️✏️7
وجدي ورضيعه ماأرد واحــــــــــد
ياخذها بيده حاجته اوزايــــــــــد
لاكن اريـــــــــــده يلعن الحاقــــــد
الخله اهلي بلطف عالمسنايـــــــــه
✏️✏️✏️✏️✏️✏️✏️✏️✏️✏️✏️
#الشكرلله خادم الزهراء ع ملا علي
#نسالكم_الدعاء10 ✍ - 2024
✏️✏️✏️✏️✏️✏️✏️✏️✏️✏️✏️
🕊💦🖤💦🕊
*
#نسالكم_الدعاء
جديد ان شاء الله
لاتشيعون النعش لمن يجون اولاده
… ..
هذا الغريب المنشمر
موسى ابن جعفر عالجسر
مظلوم گضاه العمر
لاتشيعون النعش لمن يجون اولاده
…… ..
مسجون گضه دنيته
تكسر الخاطر حالته
مسموم صارت موتته
لاتشيعون النعش لمن يجون اولاده
… ..
بين الحديد وسلسله
خلصت حياته امعلعله
ياهو اليچفنه وغسله
لاتشيعون النعش لمن يجون اولاده
……
وين الولد والرافظه
خلهم يترسون الفضه
خل يحضر اليوم الرضا
لاتشيعون النعش لمن يجون اولاده
……
موسى بن جعفر وحده
جثه وغريبه امدده
يتشمت اعليه العده
لاتشيعون النعش لمن يجون اولاده
…..
مامش ولد وتشيعه
بالغربه عاشت فاجعه
وين الرضا يهل مدمعه
لاتشيعون النعش لمن يجون اولاده
…..
علي الحاج الصبييحاوي
اسْتِشْهَاد الْإِمَام مُوسَى
بْنُ جَعْفَرٍ عَلَيْهِ السَّلَامُ عَلَى وَزْنِ
ياقاروره لباسم الكربلائي
عَلَى الكاظم نَزَف جَرْحِي
وَمِثْل لَيْلِي غَدَه صُبّحِي
أوْنٌ وابچي لِمُصَابِه عَلَى الطُّولِ عَذَابِه
عَلَى الكاظم
★★★★★
للعايش بِلَيْل السِّجْن مامر عَلَى عُيُونَه الضوه
غُرْبَة وَلَيَالِي مُوحِشَة دَلَالَّة بالفرگه انچوه
سَدُّوا عَلَى أَحْبَابِه الدَّرْب أَحْبَابٌ الْمِثْل شَمّ أَلْهَوَةٌ
حَدَّه أُنْمَلَة كَأْس الصَّبْر مَرّ الصَّبْر مِنْه ارتوه
أَلْف لَوْعَه وَأَلَّف حَسْبَه صَعُب يُوصَل مُحِبٌّ دَرْبَه
أَهْل ماكو وگرابه عَلَى الطُّولِ عَذَابِه
عَلَى الكاظم
★★★★★
يَأْبُو الرِّضَا كَيْل وطُفَح مَرَّت عَلَيْك شگد مِحَن
غَيْظ وَحَسَد مِنْهُم شفْت حَدّ ماجزه حَدَّهَا الْفِتَن
عِلْمَك رُمْح صَاب الْجَهْل وَغَيَّر مَقَايِيس الزَّمَن
اسنينك مطامير وَحُبِس اخمسطعش وَأَكْثَر گظن
سُجِن مُظْلِم ولامثله وَأَشَدّ مِنْهُم عَلَيْك أَهْلِه
بِشْر صَارَت اذيابه عَلَى الطُّولِ عَذَابِه
عَلَى الكاظم
★★★★★
رحْلَه حزْن ماتنتهي اتذوب الصَّخْرِ مِنْ تنذكر
مَنْ هَجَرَ گالوا علنبي وَخَدّ الزجيه ينسطر
وَمَطْلُوبٌ ابوالحمله عَلِيّ رَاس الشَّرِيعَه ينطبر
ومسموم ياجبد الْحَسَن ماعافته چفوف الْغَدْر
وابواليمه اگطعوا نَحَرَه عَلَيْه أَصْبَح حزْن عُمْرَة
وَسَجَن فُولاَذ بَابَه عَلَى الطُّولِ عَذَابِه
★★★★★
رادت طَوَاغِيت الْعَصْر عَمْدًا تذَلّ بَيْتِ الشّرَفِ
جَوْر ومظامين الْحِقْد كُلّ خافِي مَنْ عَدَّهَا انْكَشَف
بِعَزْم الصَّبْر وَالْمَعْرِفَه بعاصفهم اليجري وگف
ماهادن بِيَوْم وَخَضَع لارك ولاخاف وَضَعَّف
بَدَوّ بِالظَّنّ عَلَى التُّهْمَةِ يَظَلّ رادوا وَسَط ظَلْمَة
سجِن مِثْل الخرَابَة عَلَى الطُّولِ عَذَابِه
عَلَى الكاظم
★★★★★
بَاب الْحَوَائِج سَيِّدِي مِنْهُم عَذَابٌ شگد شفت
رَغِم العوادي وَالظُّلْم نَهْج النَّبِيّ ثَابِت ردَّت
صَبَر الْحُسَيْن بكربله لِكُلّ نَائِبُه صَابِرٌ چنت
الطَّاغِي مِشِّه وَأَصْبَح عَدَم وانته البقيت وَي الْوَكْت
صِفَةٌ الطَّاغِي خَبَر تَالِي وَنَجْم انْتَه تَظَل عَالِي
رَغِم جَيْش ورقابه عَلَى الطُّولِ عَذَابِه
عَلَى الكاظم
الشاعر حسن لعيبي الحريشاوي
لاستشهاد الامام موسى بن جعفر
الكاظم عليه السلام (وزن الحدي +هوسات )
بحسراتي وبدمع اليصب
شماطال ويطول الدرب
(دموعي تسابگ جدمي يلكاظم جيتك مشاي )
★★★★★
تبدّه وطفح كيل الحقد بعد التجسس والرصد
من شمّوا اطياب الورد من بيت معروف المجد
كل النوايا والقصد عن مبدئ الحق يبتعد
(الرايح صوب الجنه شلون يهاب من الصعبات )
★★★★★
للباري ضحّاه العمر شمامرت ايام وتمر
مثل القبض بيده الجمر دين الله لازم ينتصر
من المهد حد الگبر وجه الله رايد لااجر
(يمك تشفه اجروحي انته اموصف بالكلفات )
★★★★★
انحز الجلد بان العظم بقيود ضكّاها الخصم
المقصود موسى ينهظم وابسط حقوقه ينحرم
من كثرة قيود وظلم هاذي تقاليد الحكم
(الظالم وين الظالم انته ابجنه وهوه ابنار )
★★★★★
للكاظم امشي بحسرتي تشعل ابناري دمعتي
شماطال دربي وغربتي وبعيده عنه ولايتي
زيارته صارت غايتي تسبيح نوحي و خطوتي
(وحبك مايتوصف وسط العين وفوگ الراس )
★★★★★
ابطاموره يلعمرك كضه وجدمك القيد امرضرضه طبعك جبل يابو الرضا صابر على حكم القضا
للناس تنطي الموعظه وترضه اذا ربك رضا
(شلون من اذكر يومك يوم الحسره البچه الكون)
★★★★★
شابهت طه ابغايتك وعيسى المسيح بسيرتك
يلمثل موسى بسطوتك لقمان انته ابحكمتك
الظالم تعب من طيبتك قاصد تعيش ابغربتك
(خل يسمعنه الحاقد حبك دم البلشريان )
الشاعر حسن لعيبي الحريشاوي
اليوم موسى الكاظم اندگ بابه
انريد مهدينه يجي امن اغيابه
ــــــــــــــــــــــــــــــــــــــ
عدنه يم باب الحوائج غايه
انريد يظهر قائد المشايه
ايجهز الجيش ويشيل الرايه
الدنيه غابه وهوه سبع الغابه
ــــــــــــــــــــــــــــــــــــــ
گالو الدگ باب موسى الكاظم
مايرد فشلان يفرح لازم
رايدين احنه ظهور القائم
انصير خدامه ونبوس اترابه
ــــــــــــــــــــــــــــــــــــــ
چم علي بن سويد بينه ايتاني
ايصيح ياربي الصبر چواني
وين البوجهه ضوه رباني
المهدي مامعقوله ينسه احبابه
ــــــــــــــــــــــــــــــــــــــ
اليوم يم باب الامام الرافضه
اتصيح سهلنه الامر يابوالرضه
يللي ساگك بالحديد امرضرضه
ويومك ايفت الفؤاد امصابه
ــــــــــــــــــــــــــــــــــــــ
انريد الابشاره تعبنه امن السؤال
سيدي ولا تنطي للشامت مجال
ندعي من الله العظيم الـمتعال
ايعجلنه بالفرج واسبابه
ــــــــــــــــــــــــــــــــــــــ
الدنيه ظلمه وبس ابوصالح ضوه
خل يمر عالمختنگ نسمة هوه
واستقرت وين بالمهدي النوه
المثله ماجابت ابد جيابه
ــــــــــــــــــــــــــــــــــــــ
ناس گالو بدعويه قصته
وناسه سموهه خرافه غيبته
وين ابوصـالح يبين حوبته
ابسطرة ايده ويخرس الجذابه
محمد الجماسي
#اللهم_عجل_لوليك_الفرج
اهوازي
لمولاي موسى ابن جعفر (ع)
حيهم يا نسل عدنان چفو الدله و المـوگد
عدكم بالغرب صنديد حيف بسلسله مگيد
ـ
اسرجوها الاصيل ذيج حيهم يا نسل هاشم
بسجن اللا رشيد هناك مات امسمم الكاظم
يل ما منكم انتو بيوم واحد على الذل نـايـم
موسى اعله الجسر يا حيف يا بزرت علي موسد
ـ
وين الساده هذا اليوم الاخضر وينه بـيـرغـهـم
عميد الساده الف يا حيف راح وشال من عدهم
عراضه خـلـهم يـسـون ويـنـصـبـون جـادرهـم
عدهم ثار يم هارون وهذا الثار ما يبرد
ـ
لعنت الله على هارون مخلي الضوه بـطـامـوره
باجر تِصلي بيه النار امن المصحف سجن سوره
ايـرتـل بـيـها جبرائيل ومـن عـدهـا اخـذ نـوره
والكاظم يشع بالنور وارثها مِن اب وجد
ـ
فاكد خيمته بـهـل يوم الله يـسـاعـد الـضـامـن
يكلك يا عزيز الـــروح فـكـدك عـل وجـه بـايـن
ومعصومه ذبحها الشوك ولدروب اليجي تعاين
الله يعينها بفركاك والله يعين ابو محمد
ـ
گيد الكاظـم يذكره بگيد المشت مسبيـه
سجنه اعليها كضا نوح سواه جن حسينيه
تره ابغداد نوحه يزيد ودمعته كـربـلائـيـه
والسم من وصل جبده ويلي اعله النحر ردد
محمود محمد العطواني
لمولاي موسى ابن جعفر (ع)
اسد بغداد يستقبل المشايه
ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته
والحاجات ترد مكضيه
ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر
والمعلول هنا يتعالج
ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون
كبته تصيح اهلاً يالزاير
ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه
شلون نعوف الكاضم وسفه
ـ
علينه اجداد اضنهم ما يعرفونه
وعوفو المشي يا شيعه يحاجونه
واحنه البعث ما كدروا يمنعونه
مجانين الحسين احنه يسمونه
وام حسين حيهم صاحت
محمود محمد العطواني
▪️قصيدة لطم
في استشهاد الامام الكاظم عليه السلام
أيها الموالي ، نعم .. صدِّقْ ، هذه حالُ إمامِك الكاظم (عليه السلام) أثناء الوضوء ..
صدِّقْ فهذا راهِبُ الهُداةْ
يستصعبُ الوضوءَ للصلاةْ
إنْ حرَّكَ الزنودْ
تهوي بها القيودْ
في أَسْرِهِ ، ضاقتْ به الحياةْ ..
١/"عشرونَ" رَطْلاً مِنْ حديدٍ بَلْ يزيدُ
شُدَّتْ على مَنْ باسمِهِ لانَ الحديدُ !
يَشْكُو أذاها : مِعْصَمٌ ، ساقٌ ، وجِيدُ !
رضَّتْ ، وحزَّتْ، كَسَرتْ ، قُلْ ما تُريدُ..
ليتَ شِعري
وهْوَ في قيدِ الطُّغاةِ … كيفَ ينهَضْ ؟
ليتَ شِعري
لوضوءٍ وصلاةِ… كيفَ ينْهَضْ ؟
آهٍ تَراهُ قامَ باتِّكاءْ
شِبراً فشِبراً سارَ بانحناءْ
بِمشْيِهِ البطيءْ
يستهزئُ المُسيءْ
في قهْرِهِ ! ضاقتْ بهِ الحياةْ
٢/أمسى خليلُ الضوءِ منْ دونِ خليلِ
يمشي، يميلُ مثلَ سَعْفَةِ النَّخيلِ !
ورغمَ ذا إنْ صاحَ : يا حامي الدخيلِ
يضربُهُ السِّنديُّ بالسَّوطِ الثقيلِ
فينادي :
"يا أبا الغوثِ أَغِثني"…يا عليُّ
فينادي
لِأُصلِّي اسودَّ متني…يا عليُّ
لهفي لهُ ، قدْ أكمَلَ المسيرْ
"بحسبيَ اللهُ هُوَ النصيرْ"
يا غُرْبَةَ الإمامْ
في نَفَقِ الظَّلامْ
بِعُسْرِهِ ، ضاقتْ بهِ الحياةْ
٣/هذا الذي في صدرهِ ضمَّ السَّماءَا
لا لمْ يجِدْ بالبابِ ضوْءاً أوْ هَوَاءَا
لوْ شاءَ أنْ يرتاحَ ذاك الرجسُ جاءا
وأوجعَ الخدَّينِ باللَّطْمِ اعتداءا
حينَ يُلطَمْ
عينُهُ الحمراءُ تدعو…آهِ فاطمْ
حينَ يُلطَمْ
باسمِها يُنْثَرُ دمْعُ…آهِ فاطمْ
وظهْرُهُ كحالةِ الركوعْ
هل كانَ يشكو الكسرَ في الضلوعْ ؟!
فيكملُ الطريقْ
ضيقاً تلاهُ ضيقْ
بإثْرِهِ ، ضاقتْ بهِ الحياةْ !
٤/إذْ يصِلُ الوضوءَ يُبْكي المَشْرِقَيْنِ
لمّا يرى الماءَ جَرِيّاً كاللُّجَيْنِ (كالفضَّة)
فَيَغْسِلُ الوجهَ بِدَمْعِ المُقْلَتَيْنِ
منادياً : آهٍ على جدِّي الحُسينِ
واحُسينا
بدمِ القلبِ توضَّا…وَهْوَ ظامي
واحسينا
فهوى للهِ أرْضا…وهْوَ ظامي
موسى يرى بالماءِ كربلاءْ
والشمرُ يسقي السبطَ بالدماءْ
قدْ عاشَ في نحيبْ
لجدِّهِ التَّريبْ
لعَشْرِهِ ، ضاقتْ بهِ الحياةْ
٥/يعودُ موسى صابراً يحكي الجدارا
يا سجنُ قدْ ذكَّرْتني ركْبَ الأُسارى
ذكَّرْتني بزينبٍ تحمي الصغارا
في خِرْبَةٍ محتارةً بينَ حَيارى
مثلَ زينبْ
بقيودٍ واغترابِ…سيُصلِّي
مثْلَ زينبْ
فوقَ دمعٍ وتُرابِ…سيُصلِّي
في الفرْضِ يدعو اللهَ للخلاصْ
صارتْ ثواني العُمْرِ كالقِصاصْ
إشتاقَ للإلهْ
حتى إذا دعاهْ
بِصَبْرِهِ ، ضاقتْ بهِ الحياةْ
تمت بعناية الحجة (عجل الله فرجه)
الشاعر علي عسيلي العاملي
#الامام_الكاظم
#اللهم_عجل_لوليك_الفرج
بحق غريب السجون //ع
يمسموم چــبــدك لـيــش يتگطع يمسموم
وانــت الــوحــدك يــالــوالــي مــهــضــوم
والله لــشــيــعــتــك زيـّـــــدت الــهــمــوم
*--------------*---------------*
ابچي لمصابك بالحزن وفيض الدمع تجاره
بطاموره ظلمه تعذبت ليلك مــثــل نــهـاره
تتنطر لمــوتـك يــجــي ويــن اهلك الغياره
صعبه اليموت بغربتـه ومــحــد يمر ديــاره
العتاب شيفيد الـزمان اوْيــاه العتاب
خــلاك بــحــزن عينك عــلــى الـبـاب
اهلك مــا تــجــيــك وكــلــهــه غياب
*--------------*---------------*
چبدك تگطع سيدي بسجن العده وضلامه
اليحتضر باخر نفس تحضر هــله وعمامه
هــــذا الينوح بفرگته وذاك بــدمــع كلامه
وانت الوحيد بغربته صــار الصبر وسـامه
يگولون غريب الوادم وتصعب يگولون
بــحــضــان الاجــل وتْــديــر العــيــون
چــانــت مُــنـْـيــتَــك اهلك يحضــرون
*--------------*---------------*
بحزنك بقيت ومحتسب وهضم الزمن رهنته
يالعاشرت سجن الظــلــم واتحملت غــربــتــه
گــيــد الحديد الگيدك باصعب وضــع حملتــه
القــدوه صـــرت الشيعيتك والهالدرب رسمته
يعاديك ليش الظالم بحقده يعاديك
والسجن السجن ظــلـمــاً يـــوديــك
يــعــرف هــيــبــتــك واكثر يـأذيـك
*--------------*---------------*
اليقترب منه الاجــل عطف الـولـد يريــده
ابنه اليغمضله الجفن ويوسده اعله ايــده
شحال القيود الأذته وينظر بقه الحديــده
ياهو اليخفف لوعته وعنه الاهــل بعيــده
بالدموع اليمه احباب يتغسل بالدموع
واتــشــيــعــه الغــوالــي ابين الجموع
وبليلة وحـشــتــه تــشــعــل شــمــوع
*--------------*---------------*
نعشك وسف يين النبي محد اجـه ويشيله
وين الصميده ويحضرك دمع الجفن يسيله
خلصت حياتك بالسجن صــبرك منو مثيله
حزنك كظمته بداخلك مــاكــو ابــد وسيله
يمولاي نارك هـــاي مـــا تطفه يمولاي
لـــهـــبـــت بالكلب ومعاشره احــشاي
لمصابـك امـــوت وتجري عـــيـــنـــاي
*--------------*---------------*
الليلة مفجوع الفلك بأصعب واشد رزيه
نعزي طه وحيدره وننعه النعي الـــزجيه
بثقل الحديد اتشيعت وانت اكـرم البريه
ضلت دموع الرافضه فوك الجفن جــريه
علامات تركت بالوجه والخد علامات
شيعوك الـــغـــرب مـــو مثل الاموات
شـــيــرد الــزمــان ويــرجــع الــفــات
*--------------*---------------*
✍ خادم موسى ابن جعفر ع
الشاعر رعد الجريخي
ياهلا ياهلا .. بزوار موسىٰ والجواد
…..
فرشنه أچوادر الخدمه
علينه هبّت النعمه
يچنها .. أيام أبو اليمه ، المشي لـ أعتابه
المشي عالحُب كسر فيّه
وشعلنه الروح جمرّيه
ونشم بيها أربعينه ، يذرة أترابه
الموكب مقدس عدنه
يلمنه أكثر من أهلنه
بنص رحمته أنشملنه ، أهلنه الموكب
بي ملحة السوالف
تسكّت حچي المضايف
الأعمىٰ ودليله شايف ، دليل اللي يحب
ياهلا ياهلا .. بزوار موسىٰ والجواد
…..
طلع من الگلب نبضه
وحل ويـ المشي فرضه
ذهب حُبهُم شنو الفضه ، حنينه يجبره
شفته يمشي ومبعثر
وفضولي أستجوباني أكثر
وين ؟ لموسىٰ بن جعفر ، لعطر الزهره
ليش أبتسم ؟ أثاري
حب خدمتي وسماري
وصوتي أخذ قراري .. هلا بالزاير
عطر اليجي ونشمه
بالريه يبقىٰ ذمه
العام اليجي نلمه ، ويـ لمة الچادر
ياهلا ياهلا .. بزوار موسىٰ والجواد
…..
اليجينه ندلله بخيره
أنتباهي مالفت غيره
غربه أحنه وأبو الديره ، اليزور الكاظم
عطشنه أهواي هالمره
وطفح بينه حچي الجمره
نحب الخدمه والزهره ، ونخدمك لازم
ماعدنه مستحيله
وتأمرنه بالثگيله
الزاير علم نشيله ، نحب أنخدمه
جربنه من تجينه
يجيس الگلب حچينه
وحتى الهوىٰ اللي بينه ، عليك أنگسمه
ياهلا ياهلا .. بزوار موسى والجواد
…..
كبرنه بعالم عيونه
وغزر بينه ماعونه
الخير اللي تشوفونه ، من أدينه أنطانه
دليل اليعشگ الغُربه
تلگه بوصله بگلبه
يمشي مغمض بدربه ، ويعرّف أمچانه
مو غربه لليحبهم
الغربه للتركهم
واسع ترا دربهم ، بوسع رحمتهم
العفيه التجينه منّه
بيها متلگه منَّه
روانه من ذبلنه ، الحدم شملتهم
ياهلا ياهلا .. بزوار موسى والجواد
…..
الگلب ملك الدمع عشته
ويمه گلبي دورته
لگيته وعفته ماشلته ، نذرت جروحي
من أدگن بابه وأحچيله
وأنعي بگلبي وأبچيله
متمر عالجرح ليله ، يطيب روحي
وتوصل مشي لحضرته
ودمعك اله نگلته
وبيا حزنه وصفته ، أعله قاضي الحاجه
أتچوه بجمر حنينه
وأذكر ثگل ونينه
لله ترا السفينه ، ترد محتاجه
ياهلا ياهلا .. بزوار موسى والجواد
…..
عبد الرحمن حميد الفضلي
اخذوني وياكم يزوار
ادخل ضريحه وتبرد النار
...
اخذوني وأخذوا ادموع العيون
خلوني أطوف اوي اليطوفون
موسى بن جعفر جان مسجون
وهسه اسد بغدادكم صار
...
اخذوني يم عطاي الامراد
اطبخ واوزع للخدم زاد
حيهم اصيحن هايلاولاد
الكاظم وحيد ورايد انصار
...
خلوني يم الحظره ياناس
لازملي ريشه وابقه كناس
خدمة الكاظم تاج عالراس
هذا ابوالملكه المالح الحار
...
مشتاكه روحي للجوادين
بشوفة كببهم تفرح العين
امجدي على باب الامامين
حالف اضلن ليل وانهار
...
اشلون الشمس يدفنهه سرداب
وايضل وحيد ابعازة احباب
الله فتحله للفرج باب
ومن كل بقاع الدنيه ينزار
....
للكاظميه الليله عناي
وي المواكب امشي مشاي
شايل الرايه وابني وياي
وانعوف اهلنه وكل الاديار
...
محمد الجماسي
موسى ابن جعفر عالجسر
وين الذي ايشيعونه
…….
اتنگب انگاب الفاتحه
واللبس بواچي النايحه
جثت عزيز الرايحه
وكل اهله ميودعونه
…… .
خل نعتنيله ابشوغته
ودموم نبچي البلوته
ذبوها ذب اجنازته
فوگ الجسر تلگونه
…….
شدو المحازم للجره
نار المواگد ساعره
جنازتنه حيل امرمره
مات ابسجن تدرونه
… .
حضروا المواكب هالمسه
تلطم زلم ويه النسه
ماتنفع الليت وعسه
مات الذي تردونه
…… ..
منگب يليل الفاجعه
ومحد حضرله ايودعه
كل شيعي يرخص مدمعه
وينصب عزه بعيونه
…… .
مشونه نواسي كل هله
نبچي بواچي كربله
وانصيح اخ السلسله
للكاظم احنه امشونه
… ..
علي الحاج الصبييحاوي
مولاي يا موسى ابن جعفر
نـيـرانـه الــحــزن بـالــروح .. وجها
وأنـه الـحـايـر وجـاك اليوم .. وجها
الــغـيـرك مـا يـرخـص مـاي .. وجها
اعله بابك بس وكفتي وهاي هيه
*--------------------------*-------------------*
خادم موسى ابن جعفر ع
✍الشاعر رعد الجريخي
حتى النعش يبجي وحيل مكسور
نعي بحق الامام الكاظم عليه السلام
الـلّٰـه أكـبـر........ مـوسـى ابـنَ جـعـفـر
=========================
الجمعه موعدنا يشيعه عالجسر نحضر مدد
لا تـقـصـرون بـمـجـيكـم لا تـحـدون الـعـدد
الموسى خلينه انتعنه انصيرله سيف وسند
يا هـارون.... نكـسر خشم العادانه
ما يدرون.... نلوي اذراع الـلاوانـه
الـلّٰـه أكـبـر........ والــلــونُ أحـــمـــر
=========================
تحضر اتشيّع الكاظم كل أهـل بيـت النبي
وتگصد السلبوا أهلها وحادي بيها الأجنبي
زينب اليوم ابحديها تحدي وتعـيـد السبي
وبّــغـداد...... مجلس وتحضره الزهره
كلمن راد...... يحضر يـاخـذ بـي أجـره
الـلّٰـه أكـبـر........ قـــد صــاح حــيــدر
=========================
نـعـش مـولانـا تسـيـر اويـاه كـل الانـبـياء
يـوم سـمـوا ابن جعفر صـار چـنـه كـربلاء
وينها العافت الدنيا وگصدت اتقيم العزاء
واسـتنـفار...... تعلن لجل ابن الهادي
يــا ســتـار......حـتى الامـلاك اتنادي
الـلّٰـه أكـبـر........ ألــصـبــح أســفــر
=========================
ويـن اصـحـاب المجالس ويـن اصحاب الوعي
الليله أرض الكاظمـية استقـبلت مـوكـب نـعـي
بيه معصومه اعله راسه اتنادي عالدنيا اسمعي
هذا الراح...... ألله امبارك بافعاله
وين الناح..... لبن الصادق هنياله
الـلّٰـه أكـبـر........ والــدمــــع كــبــر
=========================
يـاهـلا بكلـمـن تـعـنه وممشه گاضيه الدرب
شيعي والأعداء حـيدر عالن الموقف حرب
والگصد باب الحوائج مـا يظل عـنده كـرُب
والمـحـتـاج....... يگصد يم باب امراده
يـاخــذ بـاج....... خـادم هــاي الـوفـاده
الـلّٰـه أكـبـر........ أمـــراً تــيــسّــر
=========================
27/1/2024.يوم السبت
15/رجب الأصب 1445 هـ
#الشاعر_الميرزا_محمد_الساعدي
لمولاي الإمام الكاظم عليه السلام
::::
كُون ازُورَك . وانه بچفوفي الحَديد
كُون ازُورَك . تِجلِد بظَهري العَبـيد
يابَاب الحَوائج
*
كُون ازورَك وآنه لِـگـيُود بإديـَّـه
تنزِف اجرُوحي دِمَه وتِملي الوطِيه
كُون ماشَـايف شَـمس أَلله الزهِـيَّه
امخَلِّص اسنِين العمر سِجن وأذيـَّـه
وعَمدَه اَلِچـمَه . جَرحي حَته ايظل جِديد
كُون ازُورَك . وانه بچفوفي الحَديد
يابَاب الحَوائج
*
كُون ازورُك وانه ماشَايف عِـيَالي
حَفـنَة اسنين اوبُعِــدهُم شِـدَه بَالي
وكُون ماأعرُف نَهاري امنِ اللّيالي
وجُبَّه خَشنه اتصِير كِل مَالي وحَلالي
ماأريدَه . دُونَك العَـيش الرَغِـيد
كُون ازُورَك . وانه بچفوفي الحَديد
يابَاب الحَوائج
*
شلون يمشِي المُحِب وايقَابِل حَبيبَه
ومايحِـسِ ابوَنِّـته وعُـظم المُصيبه
شلُون ماينغـَـر الحرِّيتـَـه السَـليبه
ومايعِيش الحَـاله وايشَـارِك نَحيبه
ايحِّني بَابَه . ابفِيض مِن نَزف الوَريد
كُون ازُورَك . وانه بچفوفي الحَديد
يابَاب الحَوائج
*
أمشي وَنَّي امتَاعِي والدَمعات قُـوتي
حَافيه اجدَامي وأَثَـر دَم ابخِطُـوتي
وَيَّه كل شَهـﮔـة نَفِس يترَاوَه مُوتي
وشَتِم سَجَّاني غِلَب صُوته اعلى صُوتي
النَشغه مِنِّي . اتدَلِّـي گَصَّاد البعِـيد
كُون ازُورَك . وانه بچفوفي الحَديد
يابَاب الحَوائج
***
لمَّن اُوصَل صَـحنَك وأَنوِي الزيَـاره
إيدِي اَمِدَّنهَـا وافُـك چَف الفقَـاره
قِـبلِـتي أسـتَـقبِلها وانظِـر للمَـناره
ويسكِن اِلوَن والگلب ياخِذ قَرَاره
ومِن امُوتَن . بهَالوضِع ربحِي الأكِيد
كُون ازُورَك . وانه بچفوفي الحَديد
يابَاب الحَوائج
------------------------
لقمان البدران
كضه عمره بالسجن
شاف اشكال الطعن
موسى من بيت العلم
موسى من بيت العلم
*
مشونه للكاظم نشيعه مشونه ندفن جثته
الكضه عمره بالسجون لعن الله الضلمته
وينها الشيعه تحضره وخل تشيل اجنازته
يوم جمعه بيها نحضر كل موالي وصحبته
يوم جمعه بالفجر
كتلته اجفوف الغدر
يحني بفراكه الضهر
موسى من بيت العلم
*
هذا من بيت الرساله الزهره امه الطاهره
جايه اتشوف المصيبه وابدفنته تحضره
الشال راسه علم طه والشجاعه الحيدره
اليوم فت السم جبته ابن قالع خيبره
مات مسموم العلم
الشاف انوع الضلم
حيله ياوسفه انهدم
موسى من بيت العلم
*
بيش يا خايب تطلبه ليش هيج اتعذبه
والك يا هارون ويلك ديين الكم تطلبه
باجر بيوم الحساب شراح الله اجاوبه
دنيه و الغايب كمرها ويا شمسها غايبه
كمر غايب والشمس
ضايك بريتي انفس
علم من حيدر درس
موسى من بيت العلم
*
الله خصه بالفصاحه ما يخص بيها بشر
حيف ياوسفه يموسى ترمي فوك الجسر
ناحت املاك السماء وبجت عين المنتضر
يبجب جبريل المصابك سيدي يبن الطهر
اضلم اعلينه الضهر
غيبن الشمس وبدر
يوم من مات الطهر
موسى من بيت العلم
*
كام صلاها الفريضه بعينه ماشاف الضوه
خلصاها بل زنازن لا شمس بيها وهوه
من ضلمهم تعب حاله حته دلاله انجوه
امتداد القتل ثابت بالضلم كلهم سوه
مثل حيدر والحسن
احلامه بالضلم كضن
مات مسموم ويون
موسى بن بيت العلم
*
حسن صالح العيساوي
ياامامي ابن جعفر وزن المجرشه
ياامامي ابن جعفر ياامامي
گلبي دامي لمصابك گلبي دامي
زيارتك خير وشفه والعلم والمعرفه
ياامامي ابن جعفر ياامامي
★★★★★
الخرايب جنه صارت غيريت الوانها
صفت محراب العباده حيرت سجانها
وعلميت الخلگ كلها الدين يرفع شانها
ونقمه تتحول النعمه كل عبد ماصانها
يبن باء البسمله والطفوف وكربله
ياامامي ابن جعفر ياامامي
گلبي دامي لمصابك گلبي دامي
★★★★★
بطل ميدانك الكلمه اعداك لوشنت حرب
منتصر يبن المعارف وسط حومتهم تطب
خسروا الدنيا بأهلها المَشَّوا الدنيا برعب
ورابح الدارين انته يحچي تاريخ الكتب
العدو غافل لودره انت جدك حيدره
ياامامي ابن جعفر ياامامي
گلبي دامي لمصابك گلبي دامي
★★★★★
مثلك احبابك ابغربه تنتظر لم الشمل
وطعم نار الفرگه يچوي حيل يكتل موسهل
ذنبك ابن النبي الهادي معرفه وحكمة وأصل
الچتلك الظالم يحاول من الخيانه مايمل
ومايمل من الغدر لونسولف علجسر
ياامامي ابن جعفر ياامامي
گلبي دامي لمصابك گلبي دامي
★★★★★
الجسر يشهد عذابه بعد لوعات السجن
غصن من شجرة محمد صار مكسور الغصن
وين اليحضرون عنده لاعمام ولا أبن
منهو اليغمض أعيونه ومنهو يتوله الدفن
نحبك البلسم گضه سيدي يابو الرضا
ياامامي ابن جعفر ياامامي
گلبي دامي لمصابك گلبي دامي
★★★★★
شيعتك للكاظميه تعتني يابوالرضا
كل سنه الزوار تكثر مو مثل عام المضه
شلون ماواحد يحبك وانته نور المرتضى
انته ياباب الحوايچ ياامام الرافضه
علمتنه على الرفض وعلى الظالم نعترض
ياامامي ابن جعفر ياامامي
گلبي دامي لمصابك گلبي دامي
الشاعر حسن لعيبي الحريشاوي
عن استشهاد الامام موسى بن جعفر الكاظم عليه السلام
ياهو للمدينه يروح يگصدها
يخّبر آل هاشم راح سيّدها
وين اهل البواتر ساكته شعدها
چبده السم گضاها وحيل مرّدها
من سجن السجن ماخوذ عابدها
وفوگ الحال طاغي چفوفه گيدها
بمطامير وليالي المر يكابدها
طريح على الجسر والجمعه موعدها
جثه بلاچفن محد وصل حدها
طريح بلاعشيرة الينحمي أبسدها
ولااجروحه الغميجة احد يبّردها
مشبوحه النواظر ياهو الي يسدها
ياهو بثاره يطلب والعده ايّردها
وسيوف الغضب يسرع يجردها
وجوه الشر ولامن دمعه البخدها
جيتهم شماته انعرف مگصدها
ياهو للمدينه يروح يگصدها
يخبّر ال هاشم راح سيدها
الشاعر حسن لعيبي الحريشاوي
قصيدة رثاء الإمام موسى بن جعفر
ع السلام
خادمكم عبدالهادى العريفاوي
‐--------------------
دمع الأحزان الليله عنوان الكاظميه
وعدنه مذبوح نكصد انروح الغاضريه
وموسى ابنا جعفر نور الحسين
---‐----------------------
العمر كضيته بالسجن بطاموره يبني مندفن والزهره سلواها الحزن
مسجون وليدي بطاموره
ياخوفي ماشوفك بعد جيتك ييمه اعله الوعد بس الله يوليدي السند
الله يلعن اهل الشورى
أمك فاطمه تناديك وينك يبني حاجيني
هالليله اشوفك كون وارجع يبني لحسيني
ازور اولادي يايمه كل واحد يناديني
بس المهدي اشوفنه كل ساعه يحاجيني
امشي لاوين سامره يبني مازرتها
واكصد الشام زينب هناكه عفتها
موسى ابنا جعفر نور الحسين
-------------------------------
منرض البقيع امك اجت لهاي المصيبه اتألمت اعله مصابك عيوني جرت
يالصبرك صاير عنوانك
انه البتول الطاهره مايخفه عن عيني اشجره والجبده ادري موذره
ماوصلوا يوليدي اخوانك
وشفتك عالجسر يبني ونته بسلسله مكيد
الكاظم بالسجن مسموم ويلي وجبدك اتمرد
واللعنه عله هارون وبظلمه تعده الحد
حالك حال ابو اليمه فوك الترب تتمدد
وتدري بحسين ياويلي عالطف ومصابه
ابني مذبوح وظل الجسد فوك الترابه
موسى ابنا جعفر نور الحسين
--------------'--------------'
مكيد ييمه اعله الجسر وكليبي يبني منكسر ضدنه الحقد شو مستمر زمرة هارون الملعونه
اكعد يبن خير العمل يبني كرب ليك الأجل لااخوه عندك لااهل
والكاظم كون يشوفونه
يالكاظم دريت شصار بالطف ومحاريه
ذبحوا كل بني هاشم فوك الترب مرميه
وعمتك عالهزل زينب لراضي الشام مسبيه
وتصيح بصوت ياعباس وينك تفزع اعليه
فك الاحبال خويه بحبل مجتوفه ادينه
وهاي الأيتام بطف كربله صارت رهينه
موسى ابنا جعفر نور الحسين
------------------------
ياويلي موسى وغربته محد حضرها اجنازته شو غربه وادم شالته والشيعه لفكدك مهظومه
يوليدي سولفلي اشجره يالجبدتك متوذره من الزمره هاي الكافره
زمرة احقاد ومشؤومه
شيعه ونلهج بطرواك ياويلي عله المسموم
امر الله صدر بسمك وتدري بهل الأمر محتوم
كل عام اليمر ذكراك ننصب عزه للمظلوم
يابو الرضا مكيدينك وجبدك سيدي مالوم
ننصب عزاء في كل مكان الليله ننعاه
نور الجليل سابع أمام الباري خلاه
موسى ابنا جعفر نور الحسين
--------------'-------------
ياسيدي يابو الرضا يبن الإمام المرتضى وتنادي كل الرافظه
سجلنه بدفتر خدامك
انته الشفيع لامتك والأمه حقا شيعتك ملهوفه جت لزيارتك يالعايش عمرك بالامك
سورة قل هو مولاي وباءالبسمله انته
يانور وسطع من نور نورك والله ماعفته
معناها بظلام انعيش بنورك كلشي نورته
وبالمحشر شفيع الناس وبيدك امري سلمته
ياالاوصياء عنوان الشفاعه بالحشر
والمبغضين في جهنم زمرة الكفر
موسى ابنا جعفر نور الحسين
------------'------------