5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#ميمر
عد راسك زينب يحسين
كونك عدل حاجيني
ــــــــــــــــــــــــــــــــــــــــــــــــــ
يحسين اذا بعدك عدل جاوبني
ترضاها يبن امي الشمر يضربني
يشتمني جدام الخلگ ويسبني
جيت اشتكيلك ونخاك
خويه انهض وحاميني
ــــــــــــــــــــــــــــــــــــــــــــــــــ
انهض وشاهد لوعتي واهاتي
ركضو عليه من طحت شماتي
شبّو النار ابگلبي وبخيمــاتي
الحگ عليه اترجاك
لا ترحل وتجفيني
ــــــــــــــــــــــــــــــــــــــــــــــــــ
لا ترحل وبين العده اتخليني
زمرة اميه بغيبتك تــــوليني
ولضالم ايلوعيني ويأذيني
يتجاسر وبيه ايعيل
ونار الهضم تجويني
ــــــــــــــــــــــــــــــــــــــــــــــــــ
نار الهضم يا خويه تسعر بيه
وبحر الحزن ما ينگطع جاريه
ما ضل اخو عندي وألوّذ بفيّه
انطي الوجه بعدك وين
والمن اديرن عيني
ــــــــــــــــــــــــــــــــــــــــــــــــــ
المن اديرن عيني بعدك يحــــسين
ما خله وآلي ولا اهل ســهم البــين
غربه وشماته حاوطوني الصوبين
من باجر لقصر ايزيد
گوم الشمر تسبيني
ــــــــــــــــــــــــــــــــــــــــــــــــــ
من باجر اعله الهزّل ايركبوني
من يم جثثكم عمدن يمروني
وين الكلام اليجرح ايسمعوني
هاي السبيه يصيحون
ما عدها اهل يحسيني
✍️ علي كاظم المنصوري
•••~•••(•«﷽»•)•••~•••
"اللهم عجل لوليك المنتقم الفرج"
بديرت غرب يحــسين حرت بزماني
ماحمل الجمــــــــــــات فكدك عماني
فكدك گطع مكــــــفاي خلاني ماكوم
جندوب اعد لجمات وحسب بلهموم
من يومك وللــيوم گلبي انه ملجوم
ومحتاره بلحــسبات جندوب اعاني
كمت احسب الخطوات وفرك بديه
ومتوني كوه تشــــــيل هدم العليه
مكتوب اشوف الصار ومشي سبيه
ودرب السبي ياخــوي هل حيراني
موهودج مــــنجفاك علهزله ممشاي
وكل ساعه ويبدون يم راسك الماي
من ابجي ويظحكون خويه عله مبجاي
وعنك زماني بعيــــد وسفه وخذاني
من عمده جــاب الراس يمي ويدني
اتمنه اوصل لي وبــــــــهدمي اغطي
ينزف دمه ونحــــــتار شنهو النسوي
هذا الــــــــــــجره والصار والشيباني
شيبني خويه الصار من شفت اليتام
تبجي وتجر حــسرات علغبره وتنام
وتفز توالي اليل من كــــــــثر الوهام
وهذ الدرب يحــــــسين هل عذباني
ابو سلام الجابري
بالطفوف الحره الله يعينها
عل رمل عافت ذبيح حسيتها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
هاي زينب بت علي ام الصبر
هيه والأحزان توأم بالعمر
من هوان الدنيا حاديها الشمر
شلون زينب بت علي اميسرينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اطفال عطشانين ذبلوا كالورود
وٱل اميه اتجاوزو كل الحدود
يا گلبهم قاسي وكلهم جحود
ناس باعت كل قيمهه ودينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اتلوذ بيهه الحرم من هول الحرب
ولو گطرة ماي رادت للشرب
عل مخيم هجمت اخيول الغرب
وين آل المرتضى جا وينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اوف يا هول المصيبه يا بشر
عل رمال حسين محزوز النحر
والسهام الصوبت جسمه مطر
والضلع مكسور شافت عينها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
قصة الطف مؤلمه ما توصف
بيهه عبدالله انذبح نحره الترف
موقف ايهز الرواسي اشگد كلف
اشحال زينب سكته جان ونينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اصعب من الموت يا فگد الأهل
والمصاب أشأعظمه وجدآ جلل
والرضيع يشيب من هول الحصل
وبين اخوهه حالوا وما بينها
خادم اهل البيت ع
الشاعر ،،هادي الساعدي
,
آه منك يا زمن من محن انا المحن
انا زينب انا زينب
***
انا صاحبت المصايب يا علي بويه صحت
فاركت اغلى الحبايب بلحظه امي ودعت
والكلب بحزانه ذايب ذبل غصني وماطحت
ودعت اهلي الاطايب واين عن بنتك رحت
زين واشتم الهوه الجرحي ما يرهم دوه
انا زينب انا زينب
***
احسب أيام وليالي بلوعه خلصت العمر
ياهو يحمل ما جرالي احزان كل لحظه التمر
والوكت لا ما يبالي سلط اعلينه الكفر
بعد عزي وكل دلالي اميسر ه وعند الشمر
اللحظه احسنهه أبسنه ظهري احس بيه انحنه
انا زينب انا زينب
*****
انا والرضعان والهم صحت وينك يا اخي
النار تسعر بيه تلهم يوم للشام انسبي
وانت بألأيتام تعلم وتدري بالحاله انولي
برجعتك ياخويه تحلم تصيح وينه ما يجي
هذا صوت من الخيم وينه شيال العلم
انا زينب انا زينب
****
يا زمن مو كافي بسك خذت مني كل هلي
بعده أخضر جرح امسك حزني لا ما ينجلي
ليش ماتشرقلي شمسك اتعيد إ خواني الي
قاسي بكلشي احسك اهمومي بيه تعتلي
انظر اهلي مذبحين ولد امير المؤمنين
انا زينب انا زينب
****
هيه كل لحظه بحياتي من قسى بيه الوكت
اتبددت بيهه أمنياتي ياما ياما أتلوعت
قبل لاتدنى وفاتي صرعه إخواني شفت
ادعي الباري بصلاتي كون وياهم متت
ياحزن احمل بعد وراحو الجانو سند
انا زينب انا زينب
الشاعر//هادي الساعدي
جم مصيبة عيونـــــي شافت جم ذبح
روؤس اهل بيتي على أجتاف الرمح
عا لهزل يا جرح أشده
ونــــــامت الايتام گعده
العليل انــــــــــي وجرح فوگاه جرح
ـــــــــــــــــــــــــــــــ
للشام مشونه يــــــــا شيعــة أبهزل النوك
انه والروؤس اعله الرمــح طبينه للسوك
وتتجاســـر الوادم اعلينه بــگعب الارماح
ومن جان ابو فاضل ويانه خرسه الحلوك
والفرح بيـــن عليهم
عيد وأطبول بأيديهم
أجروح اجيناهم ونظرتم ملح
ـــــــــــــــــــــــــــــــــ
من على السطوح اترامه علينه الاحجار
ضعن جنه بجـــــــــــف اميه مشتعل نار
وعبرة أطفال اتصارخ مــــــــــــن الالام
بغضاً بجدك يگلـــــــــــــــي اليطلب بثأر
وبالشمس وكفونه كلنه
الحد الغـــروب بعطشنه
بين واحد يضحك واحد فرح
ـــــــــــــــــــــــــــــــــــ
عيـد بيهه الشام صار بطبــة الروؤس
اليوگع من الرمح فوگه خيولهه أدوس
سهم خله بعينه خـاف ايشوف الاسياط
يـــــــا سلام الله على البلغيـرة متروس
صرنه بين الناس فرجه
نسوا طه ونســـو نهجه
ما شفت بوجوهم واحد سمح
ـــــــــــــــــــــــــــــــــــ
ويبس كلشي بـــروح عمتي من الالام
مــــــا طفت نيران همهه چنهه الخيام
أيبات بين ضلـــــوع زينب ليل الفراك
تــرمش عيون الشماته وترشك سهام
جروح صارن بالعقيلة
وابد مـــا صارت ذليلة
جبل وگفت وابد ما صارت سفح
ــــــــــــــــــــــــــــــــ
رجع صوت الثـورة يعلـــــة بدمعة العين
وويّه كـــــــــد كيدك ارتفعت لاء الحسين
ابمجلس الطاغي يزيد ادموعهه ام عون
لراية العباس لـــــــــــــزمت چنهه چفين
هذه زينب مـــــن يذله
وصاير العباس ضلهه
يا يزيد أسكت بعد لا تنفضح
ــــــــــــــــــــــــــــــــــــ
للگاصده الطـــــف للأجر صديت العيون
عاينت للرفض نــــــــزلت دمعة أم عون
والي عدهه الدين يسلــــــم يبقى شتكول
مـــــــــــا رايت الا جميل بضرب المتون
بلا سكيفه وبالخرابة
صار ديـن الله وكتابه
وللسبي ردوه بس طر اصبح
للخادم
ابو محمد الموالي
محرم 1445ه_2023م
قصائد السبي
عمت عيني تأذه حسين كلش
فوگ الرمح ظل الراس يرعش
مو سهله المصيبه ترى زينب غريبه
فوگ الرمح ظل الراس يرعش
★★★★★★★★★★★★★★؛
على راس الرمح راس الولي اتلوع
يشاهد خدر هاشم للسبي يطلع
تبلل رمحه من گد ما جره المدمع
خويه حسين بويه حسين ظل يسمع
متحير بقه شيسوي الحسين
لا رجلين عده ولا كو چفين
والجثه تريبه ترى زينب غريبه
فوگ الرمح ظل الراس يرعش
★★★★★★★★★★★★★★؛
على زينب بقت تتباوع انظاره
ويشيط الراس من تضربها الحجاره
سمع حجي العده وظل دمعه يتجاره
ما ظل عدها والي يشيل بتاره
ذاك حسين صاحو ذاك عباس
اضربوها السبايه حيل يا ناس
الكل واحد كتيبه ترى زينب غريبه
فوگ الرمح ظل الراس يرعش
★★★★★★★★★★★★★★؛
على طول الدرب ظل منشده باله
شيرتاح اليشاهد تنولي عياله
يشوف سياط تتگطع على اطفاله
من الصبح لليل الدمع فاله
شخلت بالسبط گوم آل اميه
وگباله يسحلوها رقيه
ما يفزع عجيبه ترى زينب غريبه
فوگ الرمح ظل الراس يرعش
★★★★★★★★★★★★★★؛
راس حسين ظل من كل جهه يفتر
مره الزينب يصد مره للخدر
بقت مفتوحه عينه يسدها ما يگدر
لأن بت علي تمشي برفگة العسكر
شلون يبات نايم جفن عينه
وطول الليل سهرانه الحنينه
يباري للسليبه ترى زينب غريبه
فوگ الرمح ظل الراس يرعش
★★★★★★★★★★★★★★؛
عزيزه الاخت عد اخوانها يا ناس
خصوصا مثل زينب بيها رفعة راس
چان حسين دوم يسولف العباس
ينجاس الهوى وزينبنه ما تنجاس
لكن من بعد ذبح الحبايب
صارت ماشيه وي الاجانب
مچتوفه الحبيبه ترى زينب غريبه
فوگ الرمح ظل الراس يرعش
★★★★★★★★★★★★★★؛
جعفر عطيه البزوني
#قصائد_للسبي
#طور_يابوفاظل
*ها يزينب.•.•.•والخيام بلا زلم*
*ها يزينب.•.•.•والجفوف بلاعلم*
*ها يزينب.•.•.•شلون حالج بالسبي*
*ها يزينب***ها يزينب*
✿────↻✿...✿↺────✿
✿────↻✿...✿↺────✿
طايح انته وبيك شفت انه الفجيعه
من المخيم شاهدت جثه صريعه
وبجبينه كافلي سهم الشريعه
عله حالي شاهدت تبجي الوديعه
*ومن ااشاهد.•.•.•جفه وي راسه وگع*
*ومن اااشاهد.•.•.•حافر بصدره انطبع*
*ومن ااشاهد.•.•.•خيمه انته والعبي*
✿────↻✿...✿↺────✿
من اشاهد عالوطيه الگاع حمره
بلحظه وحده اختل شعوري بيه جمره
وين ادور ياكفيلي وحرت بامره
حسين وحده بكربله ياخويه احظره
*واعدتني.•.•.• يبن حيدر يالفحل*
*واعدتني.•.•.•مايمرر زينب زعل*
*واعدتني.•.•.•لخدر باقي والنبي*
✿────↻✿...✿↺────✿
شحال گلبي يم كفيلي موذرينه
بعيني اشاهد مصرعه واسمع ونينه
والجفوف مگطعه تومي علينه
ياكفيلي شلون حالي ماتجينه
*والله كلفه.•.•.•بنار حرگوها الخيم*
والله كلفه.•.•.•والي مالها ااالحرم*
*والله كلفه.•.•.•امشي لۆاحبي حبي*
✿────↻✿...✿↺────✿
يابوفاظل والسهم من صابه عينك
والزنود مگطعه ا يسره ويمينك
ماگلت زينب تضل تسمع ونينك
حسره خويه بالگلب الله يعينك
*وانه وانته.•.•.•مثل شمعه وانطفت*
*وانه وانته.•.•.•روح وبلحظه انتهت*
*وانه وانته.•.•.•للخوه انته مطلبي*
✿────↻✿...✿↺────✿
ياكفيلي اعله النهر موراح اودعك
هاي اخر لحظه الي بيها ارد اشمك
موداع اختك يالكلف يااريت اضمك
موذر انته يالبطل ياهو ليغسلك
*ودعتكم.•.•.•يلي نمتوا عالترب*
*ودعتكم.•.•.• ماشيه وي الغرب*
*ودعتكم.•.•.•بيده يضرب الاجنبي*
✿────↻✿...✿↺────✿
✿────↻✿...✿↺────✿
#لايسمح_تغير_اسم_الشاعر
✍باقر جبار الشويلي
نعي للسبي جديد محرم ١٤٤٥
•••••••••••••☆••••••••••
أه يازينب أه يازينب ام المصائب
طول اختك المنشاف شافوه
واعله جفوفها الحبل لفوه
ومتني يخويه. بصوط ورموه
•••••••••••••☆••••••••••
يحسين بيه الدنيه. مالت
ايام خدري. وياك راحت
ام الخدر . ديوان. طبت
•••••••••••••☆••••••••••
هضيمه صرت. فرجه. للناس
من حسرتي تضيك النفاس
بيكم. جنت رافعه. الراس
•••••••••••••☆••••••••••
لهاي ابد. ماحاسبه حساب
وحدي اضلن بديرة اجناب
الماعدها. والي شلون تنهاب
•••••••••••••☆••••••••••
يحسين هاي منين . اجتني
المصايب حنت. ضهري وعمتني
جتالت. ابن. امي. مرافجتني
•••••••••••••☆••••••••••
بقلم العلوية ✍👆ام رائد زوين
🌟 *اعلان اداري* 🌟
*يستمر تجمّع الزهراء ع العاشورائي بإعلانه عن برنامجه لمحرم الحرام لسنة 2024*
سيتم نشر اغلب ما يخص
اليوم الثاني عشر (السبي والمسير)
مجالس نعي قصائد
*عظم الله أجورنا وأجوركم
🖤🌗🖤🌗🖤🌗

≡
بحث
قصيدة ادور اعليك يبن امي مكتوبة للرادود المرحوم ياسين الرميثي

ادور عليك يبن أمي
للرادود الحسيني ياسين الرميثي
^
^
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
**
جيتك من قلب مكسور أنه أختك المهضومة
جيت بروح لهفانه أدور عليك بالحومه
جيتك خويه حاجيني أعليك أمك المظلومة
وين بيا كتر مطروح جسمك هم بعد بي روح
يبن أمي صدك مذبوح وين الي ينظر لحالي
ويم جسمك يوديني
**
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
*
صدك نايم على التربان خويه وعلى وجه مقلوب
صدك سحكت عليك الخيل بالميدان من كل صوب
صدك خويه نزف دمك وكلبك بالسهم مصيوب
ولــمــن ياصــبي العين طلعت السهم يحسين
مــن كلبك طلع ثلثين وهذا السهم هو الحال
ما بينك وما بيني
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
****
حر وعطش وبجسمك ألف وتسعمية صواب
فوك جروحك ودمك قلبك بالســهم ينصاب
بعد شلون تتمــكن تنهضلي وترد جواب
وأدري ياضوه عيناي لو ما هل المصايب هاي
متقصر يخويه وياي وحاشاك بمثل هاليوم
محتاره تخليني
**
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
*
حالك هذا وأنته أنوب خويه أسمع بعد حالي
بأيتام وحـرم كـلــــبي تمحن وأنشده بالي
وين أنطي الوجه وانه أخوتي مذبحه أكبالي
وكلسا طفل من عندي يروح وينفطر جبدي
وأنه بكربله وحدي صواويني خذتها النار
والعيله وصواويني
*
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
*
هجمت فرد هجمه الخيل خويه وشبت النيران
وهامت عيلتك كلها من النيران للميدان
لجن ياضوه عيوني ضلت بالخيم رضعان
وأنه تمحنت بيها شلون النار أطب ليها
وأخلصها يواليها رضعانك بوسط النار
وانه العده مسلبيني
***
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
***
خويه محيره ضليت وأتلفت يمين يسار
أعوف الخيم رضعان تتحركـَ صغار كبار
أطب للنار أخلصها أخاف أنه أحتركـَ بالنار
والأيتام ملتمه هاي تصيح ياعمه وين حسين ابو اليمه
وهاي تصيح يازينب حر العطش ماذيني
*
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
****
رضعن تـضفط نيران وأيتام بحوافر خيل
ماتت بالسحك وعيال ماتت والدموع تسيل
وأنه وحيده مظلومه بيه بعد ماضل حيل
وعباس الاجيت ويه هسه من كمت أنخاه
أضن كلي يزينب أه عليج شبيدي يعيوني
يزينب وين جفيني
****
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
****
خذاك الدهر من عندي يخويه وأكَطعت بيه
مصايب كربله يحسين مدري أمنين أجت ليه
من الخدر والصيوان تــالــيه لــبـني أميه
هيجي الدهر خلاني وضيهم وقهر راواني
صرت من عكب ولياني أرد السوط بيساري
وأستر وجهي بيميني
*
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
*
ها شتكول يبن أمي ردلي بصوتك أجوابي
تقبل بعد أشكـيـلـك هضمي وجمرة امصابي
أنته بالسهم مصيوب وانه فراكك أصوابي
أنته بروحك بجسمك وانه مجرحه بهضمك
يخويه خلي اجي يمك أداوي جسمك بروحي
وانته بشوفتك داويني
**
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
*
يخويه ان جان ماعندك هـمــه تكوم لعيالك
لاتهتم يــاماي الـعين أنــه خلافك بدالك
أحمي عـيـلتك أنـــه يخويه واحرس أطفالك
لجن يحسين أخاف أعليك ضامي ومحد يرويك
خلي أعتني وأقصد ليك أقدم ألك ماي العين
وأشرب يابعد عيني
***
أدور عليك يبن امي ولا واحد يدليني
عاد أنته بضعيف الصوت يامظلوم حاجيني
***
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيده الى مولانا علي الأكبر سلام الله عليه
شبگة أوداع ویشم أولیده
یاهوی المتعدي مر بهیده
وداع..حبیب..زمان..عجیب
شبگة أوداع ویشم أولیده
.............
مثل غرگان چان یشم علي الأکبر
نفس ریحة محمد شمهه بالمنحر
نزاع وموت موش أوداع
نتصور
أبو الیمه شهگ من ودعه
وکبر
عاین بوجهه ورفعها یمینه
نشفت الدمعات شاف بعینه
دعاء..غریب..زمان..عجیب
شبگة أوداع ویشم أولیده
.................
علي الأکبر شمس بس ناویه عله غروب
ضوه خدوده شمع بأرض الطفوف یذوب
یحس بفراگ أبوه الفارگ المحبوب
بمدینة حزنه تایه والجروح أدروب
اجروح گلب حسین شیداویهه
جمرة وداع الضنه شیطفیهه
جمال..یغیب..زمان..عجیب
شبگة أوداع ویشم أولیده
...............
مشه بخطوات من یم خیمه
چن یسمع
دعاء أم الولد یبني بعلي
أمودع
یربي بداعت أم حسین بس یرجع
أشمن ریحته من أوداعه ما أشبع
گعدت بخیمه وتشم هدومه
أمه لیلی تعاین المضلومه
دموع..لهیب..زمان..عجیب
شبگة أوداع ویشم أولیده
...............
وگف میل الزمن من گام
یتقدم
ضمیر الکون کله یصد
عالمخیم
سکت حتى الحچي بس عینه تتکلم
بنظر عینه حلم رد وشمل
یلتم
بالحضن ضمته أمه تبوسه
دمعه نزلت بالرمش محبوسه
رحیل..رهیب..زمان..عجیب
شبگة أوداع ویشم أولیده
..............
مشه ومن ألألم گلب أمه ضل ینزف
یحاچي بروحه هونك یا حبل لتلف
عله أچفوف أمی هونك لو شمر یچتف
عله فراگي شفت گلب أمي وهوه یرف
رایح الجدي ییمه أشکیله
مودعه بالله رحلتي طویله
صریع..سلیب..زمان..عجیب
شبگة أوداع ویشم أولیده
علاء المیاحي
ما صارت كَبل لا شافت العين
ميت ينسحكَ بالخيل يحسين
يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه
حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه
كلشي البيك ما ظل مثل ما جان
اهواي اتغيرت ارسومك يعطشان
يخوية .... الحجر فاتح هامك
يخوية .... اكبال عين ايتامك
..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه
راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه
جم شامت نظرت ابهايه عيناي
شابع ضحك ويه الرايح اويه الجاي
يخوية ... وانت تخفي الامك
يخوية ... اكبال عين ايتامك
...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه
بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه
قميصك جابته الخيل اعله الاخيام
وخفت لا تطلع وتنظرله الايتام
يخوية ... سلبو هندامك
يخوية ... اكبال عين ايتامك
4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي
مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي
برماح وسيوف اهوايه مطعون
وعشر اخيول سحكَت ليك الامتون
يخوية .... فرهدوهه ايامك
يخوية .... اكبال عين ايتامك
....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري
شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري
هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك
كلمات ✍️ موسى الخادم
ليلة الوحشة
حركوها الخيام. صحراء وضلام
گامت عالتراب. اطفالك تنام
٠٠٠٠٠٠٠٠٠٠٠٠٠٠٠٠٠٠٠
علي يا حاضر الشدات تحضر من يندبونك
بويه بكربله شصاير. تعال وشوف بعيونك
حسين مگطع ومذبوح. بسيوف اليبغضونك
تجي الليله لحراستهم حرم وطفال يردونك
ياحامي الدخيل. مذبوح الكفيل
ماظل هاشمي بس هذا العليل
٠٠٠٠٠٠٠٠٠٠٠٠٠٠٠٠٠٠٠٠٠
يبويه طفالي ترجف خوف. من نار وهجوم الخيل
بعدنه بهالرعب والنار. يا حيدر وجانه الليل
من يحرس يتامه حسين. وآنه بلا فكر لا حيل
احضر يا علي احضر. اصيحن والدموع تسيل
يا حيـدر تعـال. احرس هالعيال
مرعوبة وتنوح من عكب الدلال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعال وشوف ذاك حسين. بويه موسّد التربان
عاري بلا دفن مذبوح. دامي وسلبته العدوان
بحوافر خيلهم سحگوه. تشـفّـوا بي بني سفيان
حرت امشي لخوي حسين لو ابقه احرس النسوان
بالطف الشهيد. يمك مو بعيد
مسلوب الرداء. محزوز الوريد
٠٠٠٠٠٠٠٠٠٠٠٠٠٠٠٠
يبويه ولو گلت عباس. كفيلج وينه ما يفزع
ظل عله النهر مذبوح. بسيوف العده اتكطّع
چفوفه مگطعه وبالعين. سهم الجربه ما يطلع
تعال احرسنه يابوحسين. صدك معقوله ما تسمع
ليلة وحشه هاي. لا عز لا حماي
لا كافل اشوف. لا گمره بسماي
٠٠٠٠٠٠٠٠٠٠٠٠٠٠٠٠٠
من صوب الغري لن صوت. آنه الليله احرسكم
يزينـب والـــدج يمـج. علي وماواحد يمسكم
بالعز والشرف والنور. من يكدر ينافسكم
يزينب صبروا لا تشكون. الله بنفسه قدّسكم
نصبر عالبلاء. مضمون الجزاء
لاشك ما يضيع. يم رب السماء
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#ثكيل منبريه
اشلون المّك يامـــن امـطـشـر ابـكل الـغاضـريه
اشلون المّك حسين يالسحگت عليك الاعوجيه
•••••••••••••••••••••••••••••
آنا زينــب ياخـــو زينـــب يالعـفـتـني
ليك اجيت وطابع السوط اعله متني
وفـــــوگ آلامـــــي انت اكــثر ألمتني
اشلـــــون الـمّـك يالمطشر حــيــرتني
صار جسمك وصله وصله يالاخو فوگ الوطيه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
عـفـت الـعـيال واجـــيـتـك يابـو الاكـبر
مره اگوم امشي اعله طـولي ومره اعثر
وتــــدري گاع الطـف يخويه كلها عسكر
والعـيــــون اعليه كلها يـبـــن حـــــيـدر
يـمـن دمــك سال فوگ الرمل واختلطن سويه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
من گبل لا اشــــوفك اني هيـچـي صاير
ريتـها مـعـمـيه يبـــن أُمــــي الـنــــواضر
يبو الـيمه بيك شمـســــويه الحــــــوافر
اكسرت ضهري ابهذا حـــالك مو الخاطر
حـــرت يمك مدري ابچي اعليك مدري ابچي عليه
اشلون المّك حـــسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
يا عـــزيز الزهـــــــره يالحـيـرني وضعك
اشلون جــسمك يكتمل لـــو رت اجمعك
يبقـى عايــــــز راسـك وعــــايز اصـبعك
يمــي كلك مستحــــيل اگــــــدر ارجعك
وحتى عضمك طحن مطحون ابحوافر خيل أُميه
اشلــــون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
يا چـــبـيـر الــــسـاده يالطاهـــــر حليبك
ليش بالــــــــدم والتــراب امغطى شيبك
يالرحــــــت من بين اديه امنــين اجيبك
ولا طـبـيـب ايفيــــدك ويحـضــر طبيبك
ارده اشمك بس ششمك وانت كل وصله ابنويه
اشلون المّك حسين يالسحگت عليك الاعوجيه
ـــــــــــــــــــــــــــــــــــــــــــــــــــــــــــــــ
اعــــــذرني يالغالي اذا عـــــنك خــذوني
وبالحـــــبــــل غــــصـباً عــــليه چتفوني
خويه مجبــــــوره امشي عنك يا اعيوني
وبربعـــــيـنك انــــي اردلك لــــــو سبوني
ويبقى اسمك على الساني ينــــــذكر واني سبيه
اشلون الـمّك حسين يالسحگت عليك الاعوجيه
ــــــــــــــــــــــ
لخادم الحسين ع الشاعر /
سيد محمد السعبري .
ـــــــــــــــــــــــــــــــــــــــــــــــــــــــــــــــ
•••~•••(•«﷽»•)•••~•••
"اللهم عجل لوليك المنتقم الفرج"
الف انعم الله اعليك يابو اليمه
يزل جدمي وانت تجيبني الهل خدمه
ــــــــــــــــــ
يل جاذبية حبك اتحير اعقول
حبك جذبني وهذا كلش معقول
هنياله يوم الصرت عندك مقبول
ترد اليحبّك ليك لو زل جدمه
ـــــــــــــــــ
شكرا الك كلش قليل احچيهه
المفروض عيني المحنتك اعميهه
يم جدمك الروح ابلاش انطيهه
اشكبره حضي وبسمك آنه اتسمّه
ــــــــــــــــــــ
يمك رسى كَليبي وفجت بشواكَك
يلّي بدليلك شلت كل عشاكَك
فراك الخلكَ سهله الذبحني افركَك
والهجر يذبح ياحسين بسهمه
ــــــــــــــــ
يطشّرني وكتي وترجع انت تلمني
ومن حزني ليك اتريد ما تحرمني
لو زرت احس الصدرك انت اتضمني
وبتربتك عطرك حسين اشتمّه
ــــــــــــــــــ
تقبلني خادم هاي والله جبيره
رغم اليخدمك ماخلص تقصيره
بدونك احس دنياي حيل ازغيره
ياربي دوم اعلينه هاي النعمه
ـــــــــــــــ
خبزة حلال الخدمه ما تتلوّث
وجيل وبعد جيل ابفخر تتوارث
عاقبتي حر ماريدهه ابن الاشعث
تفتحلي بابك ها يباب الرحمه
ــــــــــــــــ
خل صدري اخسفه ابمجسلك يامولاي
وعيب استلذ بالماي وانت بلاماي
يل نمت عاري اعله الرمل ماكو فياي
فدوه آنه اروحن ليك اسهل چلمه
ـــــــــــــــــــ
الشاعر محمد حسن ضيغم
/channel/kasaedalatharDaygham
قصائد ليلة 12 (السبي)
يا أمة ا لاسلام زينب سبيه
اخذوهه لرض الشام زينب سبيه
******
يا غيره هاي ودين يرضى ألفعلهم
زمره هذوله أوغاد واضح أثرهم
من يا صلب واجداد راجع أصلهم
سووهه هل الظلام زينب سبيه
اخذوهه لرض الشام زينب سبيه
*****
.الوالده الزهراء وحيدر ابوهه
وجدهه النبي المختار لا ما رعوهه
شنهو الذنب بحبال من كيدوهه
هذا الفعل اجرام زينب سبيه
******
اجفوف الكمر عل كاع ظلت كطيعه
والعلم ظل والجود يم الشريعه
زينب فكرهه اهناك يا للفجيعه
يا فعلة الاقزام زينب سبيه
*******
يروي لنه التاريخ عن المئاسي
ومن الظلم والجور زينب تقاسي
فدوه لسمهه اتروح كل هلي وناسي
بنت حيدر المقدام زينب سبيه
******
اتسكت طفل حيران لو طفل عطشان
والحادي بيهه يسير والفكر حيران
شافت مرار وظيم هاي أم الاحزان
موسوعه للألام زينب سبيه
بنت حيدر المقدام زينب سبيه
الشاعر // هادي الساعدي
نعي زينب ع
ملجومه روحي تريد اهلهه
وفراگهم عذبهه سلهه
ما ينحمل هذا الجرى ألهه
جف الحنين امگطعينه
صاب السهم يا ناس عينه
شبعت قهر روحي الحنينه
يأم الحسن موحش دربنه
وفوگ الهزل أسره ركبنه
خشبه الجيد مي ما شربنه
صاب السهم عبدالله صابه
وصار الموت يا يمه شرابه
گلبي أنفطر زادوا عذابه
من ديره الديره مشينه
وعيون الغرب تنظر علينه
وحز الحبل اجفوف ادينه
وين الشهم كافل أخيته
بس النفس من دونه ميته
أنه انتظر للحين جيته
الشاعر ،هادي الساعدي
هاي زينب رايده كفالها
من سباها و الشمر يبرالها
يحرك براسه الكفيل
من دمع اخته يسيل
ماتسرك زينبك أحوالها
————————————-
هاي زينب رايده يكوم الكمر
يشوف حال الحشمت فارس مضر
شلون بيه وفاركك عني الدهر
خويه عفتك نايم بكتر النهر
العمد هشم يخويه اجبينك
وبسهم طفوا تراهم عينك
كطعوا منك جفوف
وبالسبي زينب تشوف
ماتسرك زينبك أحوالها
—————————————
ركبونه خلاف عينك عالهزل
شكد هزيله ناكتي يابو الفضل
اليحدي بينه إبلا مُروه ولا اصل
خوية هل جلماتهم ما تنحمل
تدريِّ ابطول السبي يشتمونه
واحنه ربات السمه يدرونه
بس هضم هذا المسير
شكوتي لرب القدير
ماتسرك زينبك أحوالها
————————————
يابعد اختك تعدّل محملي
عالكفاله دمعتي اظل تصطلي
ونتي يمك شفت من تعتلي
لجن خويه هيبتي هيبة علي
اني بنت الإدحه بيبانهم
ماثنه عزمي ابد طغيانهم
مفخره وعز وآباء
ترجمتها كربلاء
ماتسرك زينبك أحوالها
—————————————
هل الاميره الماشيه بهيئة وَحيِّ
مايذل والله ابد كل طالبي
هيه زينب تبقه زينب بالسبي
كل وثن هي اهدمت كل ناصبي
و ابثبات الفاطمي ذلتهم
ذوله أشباه الزلم شافتهم
مايرف جفن الجبال
جلمة أشباه الرجال
ماتسرك زينبك أحوالها
————————————
اجساد تنهشه غدت هاي الرماح
وتشتم اثياب البقت تنزف جراح
بحضرة الليل انذبح نحر الصباح
اعله زينب انكتب ما تستراح
بحيره زينب تلتفت لإخوانها
إبتدت محنتها بدمع أحزانها
الصبر ماله مثيل
والدهر بيها يعيل
ماتسرك زينبك أحوالها
———————————-
تفصل العباس لوعات السنين
دللتها زينبك ها يلحنين
ردت ابوسك هشمو حته الجبين
بعيني كتلي بالسهم طفوها عين
للشام عدوانك يخي ودوني
و بقصر ابن الدعيِّ وكفوني
ماثنه عزمي يزيد
لمبدئي ابدًا أَحيد
ماتسرك زينبك أحوالها
علي موفق القزاز
محرم 1445ه_2023م
قصيده للسبي (فزاعيات)
مشت مسبيه يعباس الاميره
★★★★★★★★★★★★★؛
مسبيه مشت اختك يعباس
مچتوفه وعليها تباوع الناس
الچنت حارسها وسط عيونك شلون
عدوانك الصارو يمها حراس
هاي تاليها بت حيدر اسيره
★★★★★★★★★★★★★؛
چنت تمسح اثر رجل العقيله
اخبرك صعّدوها اعله الهزيله
من فراگكم صارت بلا حيل
حتى الدمع ما بيها تسيله
مكسور الظهر بغياب حاميها
★★★★★★★★★★★★★؛
شسوت بختك بلياك الايام
يطگها السوط من الكوفه للشام
من چفوفها ظل ينگط الدم
ترى شد الحبل واصل للعظام
بحبال شدوها اخيتك يالگمر
★★★★★★★★★★★★★؛
محتاره بقت وشلون بيها
بين عيال اخوها وبسبيها
بيها لاذت الاطفال من صوب
ومن صوب الشمر يفتر عليها
دارت اعليها كل سياط اميه
★★★★★★★★★★★★★؛
چفوف ارقيه ما تتحمل ارباط
ومن آذانها مسلوبه الأقراط
طفله مدلله بعمر اربع سنين
ما تگدر على طگات السياط
من ديره لديره الطفله فرّوها
★★★★★★★★★★★★★؛
جعفر عطيه البزوني
محرم 1445ه_2023م
قصيده للسبي (نزله)
زينب بسبيچ ثبتي افعالچ
بدليتي الدور وي كفالچ
العزم وياچ انولد انتي المخلفچ اسد
يا زينب يا زينب
★★★★★★★★★★★★★★★؛
من طلعتي بالسبي فوگ الهزل
ضيوف عدچ سلسله وسوط وحبل
من كثر ما رحبيتي بالضيوف
السوط كل لحظه يجيلچ من نذل
السوط فوگ المتن خلاله اثر
وبرگبتچ سلسة حفرت حفر
الحبل بجفوفچ گعد انتي المخلفچ اسد
يا زينب يا زينب
★★★★★★★★★★★★★★★؛
صحتي عالنسوان لتخافن تره
بيه وبزين العباد المفخره
هوه ياهو اليوصل ويگرب علي
غير اخت عباس سبع الگنطره
والنعم بت الشهامه والأصل
بيچ عباس الگمر باقي عدل
اسمچ بأسمه انعجد انتي المخلفچ اسد
يا زينب يا زينب
★★★★★★★★★★★★★★★؛
رغم ما خيل وزلم يمچ ركض
الراس ظل مرفوع ما طخ للارض
والزمختي بوجهه من گرّب عليچ
گلبه من ساعتها ظل ما بيه نبض
انتي بلسانچ تحديتي الخطر
كلمتچ چن سطره يسطرها الگمر
عنج العسكر شهد انتي المخلفچ اسد
يا زينب يا زينب
★★★★★★★★★★★★★★★؛
رحتي للكوفه ودخلتي للقصر
وعلميتهم درس نصر الاسر
صاح ابن زياد ويرجفن اديه
اخذوها للشام انفضحنه يا شمر
عد ربعنه راح كلنه ننفضح
هاي كلمتها تظل تذبح ذبح
منچ الطاغي ارتعد انتي المخلفچ اسد
يا زينب يا زينب
★★★★★★★★★★★★★★★؛
خيطيتي احلوگهم بت حيدره
گامو يدورون كلمه مشتره
صاحو شهالبلوه وشهالمعضله
منين جبتوها علينه هالمره
هيبتچ هيبة علي گدامهم
رجفو وظلت تطگ اعظامهم
حيله ما عدهم بعد انتي المخلفچ اسد
يا زينب يا زينب
★★★★★★★★★★★★★★★؛
همه حسبو يذلونچ من سبوچ
منهو جدچ ما درو منهو ابوچ
بيمنتچ عباس وبراسچ حسين
تورطو من كربله من طلعوچ
جبل ما هزتچ نفحات الهوه
رغم ما ذبحو هلچ كلهم سوه
چنتي للنسوه وتد انتي المخلفچ اسد
يا زينب يا زينب
★★★★★★★★★★★★★★★؛
جعفر عطيه البزوني
محرم 1444ه_2022م
قصيده للسبي
اويلاه يا زينب اويلاه يا زينب
★★★★★★★★★★★★★★★؛
الچانت اميره مدلله وتتباها
عالعز ابوها من زغر رباها
الما واحد اباب البيت شافاها
صاحت اميه ميسره جبناها
بسياطهم تتعذب اويلاه يا زينب
★★★★★★★★★★★★★★★؛
الچان ابو فاضل لازم بإيدينها
بحبال خشنه مربطه چفينها
الضم راسه امس هسه يدور وينها
والسطر امها رد سطرها بعينها
بالدم ظهرها اتخضب اويلاه يا زينب
★★★★★★★★★★★★★★★؛
آلام زينب عالجسم تترامه
واللي گلبها زيداله الامه
جاها اللعين الخارج من اسلامه
رايد سكينه الحرمته خدامه
هذا المصاب الاصعب اويلاه يا زينب
★★★★★★★★★★★★★★★؛
ا يا گلب زينب اشاف وقاسه
بعد الأمان الچان وي عباسه
من شافو حسين انتهت انفاسه
اللابد بحفره گام طلّع راسه
بالگلب نار وتلهب اويلاه يا زينب
★★★★★★★★★★★★★★★؛
رغم المصيبه ورغم كل الصابها
زينب تظل هيه ويظل احجابها
ان چان وي اهلها ان جان وي اجنابها
ما تذل هيهات اليذل سلّابها
حتى وإن تتسلب اويلاه يا زينب
★★★★★★★★★★★★★★★؛
بيها شموخ الدين بيها إشراقه
رايه وتظل راية علي خفاقه
طاقه وتظل متجدده هالطاقه
وينتصر دين الله وتذل سراقه
والنصر هوه المطلب اويلاه يا زينب
★★★★★★★★★★★★★★★؛
جعفر عطيه البزوني
نعي للسبي درب الشام جديد محرم ١٤٤٥
•••••••••••••☆••••••••••
ساعد الله قلب زينب ع
تكول درب الشام والله هضمنه
اسويت بينه. يدرب الشام
شوج وحجر. والتحدي ظلام
من المشي تعبت الايتام
ماكو. استراحه تمشي ايام
•••••••••••••☆••••••••••
درب الشام. فياي مابي
مثل الجمر الريح تجوي
بحر وشمس ايتام تمشي
ورمل الصحاري اعليها يذري
•••••••••••••☆••••••••••
طول الدرب. اصياط وصياح
يحسين ماخلو يتاماكم ترتاح
بحبل ينعت التعبان لوطاح
وشدهني يخويه صوت النياح
•••••••••••••☆••••••••••
طول الدرب. طيحه عالطيحه
ياهو. الزمه . وياهو . اصيحه
وانه. فحطني التعب. مامستريحه
من. ولياي مابكت ريحه
•••••••••••••☆••••••••••
منين. اجيب. الينغر. علينه
بس الغرب يحدون بينه
من الفشل . نستر. بدينه
يهلنه. شلون. وليه. نولينه
•••••••••••••☆••••••••••
يمشون. بينه. ليل. ونهار
ماتحمل تعب ايتامنه زغار
مورمه. اجدامها الله اكبر
والحيل هده. العطش والحر
•••••••••••••☆••••••••••
بقلم العلوية ✍👆ام رائد زوين
شفت بعيني الماشافنه عيون
حسين اكًبالي وبنحره يذبحون
امنعهم ما اگدر
ودلالي يتفطر
..........
روحي تحومي ظلت يمه مثل الطير
ليش حسين وياه كل هذا الظيم ايصير
بيهه ترامي وبيهه الوهكت بيه تطبير
محتاره بنظرات عيوني وين تدير
واسمع وادم صاحت حيل ..
خل ندوسه بهاي الخيل
گطعو راسه وبجسمه يسحگون
وبطاري ام عون اسمعهم يحجون
خدري التايه بالبر
امنعهم ما اگدر
.......................
شابت عيني لمن شفته بهذا الحال
خيل التدبج ظلت فوكه بلامهوال
ماعافنه الحد ماصار وصال وصال
تطشر جسمه بهاي الصحره وماينشال
لمن گطعوا راس حسين
ياهو اليلزم دمع العين
من هل منظر ماظلت لي عيون
مصيبه ومنهه يهتز عرش الكون
بالحافر يتكسر
امنعهم مااگدر
...................
ياهو الظل من اخوانه خاطر انخاه
سلبوها اثيابه ابن الزهره ومحد رحماه
انادي بصوتي هنا يل عباس هناه
اخوك وحيد وياسيف اليوصل طكاه
صار الهم مرمه ونيشان
ياهو اليفزع للقران
فوكا جروحه بسهام يصوبون
ماكو بجسمه ولاشي مامطعون
ومن الخيل تطشر
امنعهم مااگدر
٠٠٠٠ ٠٠ ٠٠٠٠
مثل عيوني ياهل وادم محد شاف
هذا ابن أمي جا ليش مسلب ينعاف
حر الدنيه ومايفزع
في الصفصاف
صاير كعبه ولاحافر
عليه ماطاف
بياحيل اتوجه بياحيل
صارت ظلمه وجل الليل
راح حسين وبطفاله يروعون
وادم بالطف بسياط يواسون
مارحموهه الخدر
امنعهم ما اگدر
٠٠٠٠ ٠٠ ٠٠٠٠
تعنيته بليل وسمعته يجرحن جلمات
خويه اكعد ماظلت خيمه
وبيهه انبات
هاي الهيمه الما ترحم
بالعلويات
گطعو راسك وتسمينه المسبيات
راسك فوگ الرمح يلوح
ياروح التصبر ياروح
گبال اسكينه ورقيه
يهوسون
اتطيح وهمه يحسين يضحكون
شيبك صاير احمر
امنعهم ما اگدر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
واحسين واحسين واحسين
@@@@@@@@@@@@@@@@
نبضات كلبي امرافس الخيل
اكرهنه النهار اندور الليل
والحيل راح ابكربله الحيل
ابكربله صارت شحة احساس
ماتت ضمايرهه تره الناس
صارت اسباع اخلاف عباس
آه-- بدو حلمنه
وحركو خيمنه
وذبحو زلمنه--أبطف كربله
آه--نار بخيامي
وغاب المحامي
وبن امي ضامي--وليه انوله
واحسين واحسين واحسين
@@@@@@@@@@@@@@@@
هي الخيول تريد حيلين
تسحك اخواني وهم ميتين
افترن وداسن صدر الحسين
ردن علينه والخيم نار
اترسنه الصحاري والرمل حار
جا هذا حك الجار عالجار
وين--جا وين أخوتي
اتهزهم نخوتي
وبعالي صوتي--الهم صحت
وين--طشن بناتي
وسلبو خواتي
ريت بحياتي--لا طولت
واحسين واحسين واحسين
@@@@@@@@@@@@@@@@
شالفايده اشما صحنه ونصيح
وفوك الثره اخواني مذابيح
نعثر ابحبل الخيمة ونطيح
يهل المحنه اتصيح نسوان
كل وحده عدهه احزام خوان
للخيل صار حسين ميدان
طاح--سور الفواطم
شيخ الهواشم
عالغبره نايم--يا للألم
طاح--والخيل اجتنه
ولية ولتنه
أشكد روعتنه--وسحكت حرم
واحسين واحسين واحسين
@@@@@@@@@@@@@@@@
بالطف ركضنه والحمل مال
يحسين خويه اجروحنه اثكال
اهموم العلينه اتهد الجبال
ابضرب السياط اشكد يلحون
حد ما تروت دم المتون
كلهه تصيح الطاحت ام عون
طاح--حيلي ونكلته
طولي وسترته
بسوط الشكفته--جفي انكسر
طاح دمعي اعله طولي
من باوعولي
اشكد أشرولي--اخت الكمر
واحسين واحسين واحسين
@@@@@@@@@@@@@@@@
يحسين صحنه ابعازتك كوم
مسلوب خويه اضلوع وهدوم
اعله الخيمة صار العسكر يحوم
العسكر سلبنه ونومه الحيود
انمردت مهج يحسين وجبود
جابو احبال الخشنه وكيود
هان--صوط الضربني
بس الهضمني
لمن شتمني--وسبني الشمر
هان--طعن الخناجر
سحك الحوافر
بس وسفه باجر--طبت القصر
واحسين واحسين واحسين
@@@@@@@@@@@@@@@@
حسين باهض الحلفي
*لما مروا بحرائر رسول الله على اجساد الشهداء ع زينب ودعت ابو فاضل وداع مفجع بعد اجت لبو فاضل تشتكليه* ~ لحن اسمع عتابي~
يالودّعتني~ رحت وعفتني
اختك بـ حيره ~ السوط على متني
اجيت الشريعه ~ ياخو الوديعه
يفجعني منظر~ چفوف الگطيعه
صعبه عليّه ~ امشي سبيه
گالوا على اختك ~ بس خارجية
يا خويه حيره~ آنه الأميره
ما عندي محمل~ امشي أسيره
ويضرب بناتي~ ويلطم خواتي
واتعثر امشي ~ ويجذب عباتي
ما ظلّت رجال~ تكفل هالعيال
بس انه وحدي ~ وما عندي كفّال
داروا علينه~ ومسلّبينه
بين الأجانب~ ومشتّمينه
ما جيت اعاتب~ ولا بخدر اطالب
ترضاها امشي ~ بين الأجانب
ترضاها عباس لا والله ما ترضاها يبو فاضل~
نادها عباس ~
يختي اعذريني~ السهم في عيني
گطعو يساري وگطعو يميني
خادمة آل محمد✍
من بعد ذاك الدلال وفيَ الاخيام
افــرش بسد الهزل خويه وانــام
كلها عمه اتصيح ودموعي تسيل
راسك مـــن الـرمح ودالي سلام
عيني مـــا فارگت رمحك
وعـيــن لسكينـه ورقـيــه
يشتعل من دمعي جرحك
لا تبــاوع خـويـــــه لـيــه
هم شفتني من طحت ... امــروتـك لا تـلتفـت
يلچمك حسين الرمح
عـدلــه زينب لا تضن ... ميته بـس گلبي يـون
خويه ميته من الذبح
اه يحسين يـاخـويـه
((ہہ᯽★★★᯽★★★᯽ہہ))
متت مـــن شفت العشيره عـ الرماح
عــوفـنـي بهمي يخويه انت استراح
لا يضل بالك عليه ام عــــون مـاتت
ميته انـه وياك مـــــن حامينه طـاح
لا تـفكــر خـــويــه بيـه
احسبنـي ميته بكربـلـه
امــــر الله مـو بـيـديــه
مـــــــا اضـــل امـــدلله
عليه لو محد نشد ... خويـه مـا اعتب ابد
ابروحي اعاتب ياهلي
راسك بشمس الضهر ... مــــا افيله اعتذر
أيسي گالـــو بت علي
اه يحسين يـاخـويـه
((ہہ᯽★★★᯽★★★᯽ہہ))
منين مـــــــــا التفت گـدامــي وراي
عليه كلها تصيح عمه اشويه مـــــاي
بهيده أسَكت واحد او واحد يصيح
هـــــــاي عمه الناس شتسوي بگفاي
الماي حيره منين اجيبه
راح ســگـــاي العطـــش
انــــــه يـاعمه غـــريـبـه
ومتت من يوم اهدعش
عمه وين انه ابوي ... عمه جيبيلي اخــوي
شصار گلب ام الخدر
مو سهل يقنع طفل ... وايده مچتوفه بحبل
وامـــــه دمعتها تخر
اه يحسين يـاخـويـه
((ہہ᯽★★★᯽★★★᯽ہہ))
خـويــه ممشه النـوگ تعبني صحت
بـــدمع عيني وخايفه اعليك التفت
حـار رمحك لـو بــــرد مـــن الـدمــع
خـويـه جدام الـزلـم حـافـي اطلعت
حافي اطلع و انه اميره
اگبــــال شمات ورجـس
انــه بـت ذيــچ العشيره
الـشــيخهم رد الشـمـس
وينكم يـ اهل الشيم ... طحت من طاح العلم
انشاف طولي وهيبته
انـــه زينب يــاهلــي ... الشــاد شيلتها عــلــي
وحـزمـــانــي بصايته
اه يحسين يـاخـويـه
((ہہ᯽★★★᯽★★★᯽ہہ))
للخادم
مـقتـدى سـالـم
#عگيلي
عباس اعيالك سلبوها
عوف النهر يابه الفضل ردلينه
رد بالعجل شوف الذي حل بينه
شوف الشمر سوطه ايتلوه اعلينه
لحك عالنسوه ايضربوها
•••••••••••••••••••••••••••
من الرعب جم طفل هج ابها البر
فكدوا أملهم بيك ضنوة حيدر
لحك عليهم مو وكت تتعذر
موحته الرضع ذبحوها
——————————————
لحك عله سكينه ورباب وجلثم
من الضرب وحدتنه بس تتألم
وانته الذخر ضمك ابونه الهالهم
تقبل للخدر يسبوها
•••••••••••••••••••••
وكت الذي حسين انذبح روعونه
وبلا رحم جند الدعي جتفونه
وبلا خيام ولا ستر خلونه
خويه الحرمات انتهكوها
————————————
يابه الفضل وين الوعد ما ترجع
عوف الشريعة واترك ارض المصرع
تدري بأخوك حسين جسمه اتكطع
واضلوعه أعدائك رضوها
•••••••••••••••••••••••
ما ترجع اتشاهد مهد عبد الله
ماضنك اتلحك عليه توصله
وناره مثل نار الخيم متصله
شيطفي اخيامك حركوها
————————————-
تصرخ رقيه تنادي ياعمي وين
عفت الحرم بيده العده وتعرف زين
من كربلا للكوفه تمشي وبعدين
يم طاغي الشام ايودوها
خادم الزهراء (ع) ابو زهراء صالح الحلي
٢٥ رمضان ١٤٣٠هـ
•••~•••(•«﷽»•)•••~•••
"اللهم عجل لوليك المنتقم الفرج"
#شور كعديه
يبعد اجـروح البـ زينب اجـيتك والـوجـع عفته
وغلات الشيله خويه حسين گلبي اعليك وگفته
مـا شـيـبنـي ذاك الـتل الـمـشيـبني بـس انـته
من تالي الـوكت ويـاي حسين وما يعرف اخته
امــوت احــســن ولا شـفـتـك
اگـبـالــك مـا تـعــرف اخــتـك
يـعـطـشـان اعـله ظـيـم الماي
كـــون ابـــروحــي شـربــتــك
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
شبيدي ويمك امن اتلوج كون ابـ گلبي اليوجعك
وحگ الراحن اوي الخـيل مامش ماي چا شبعك
تـأشـرلـي واعـرف البـيـك لا نـحرك ولا صـبعـك
واموتن حرگه من اتگول ااخ ام عـون مـن ضلعك
يـبــوو فـي الـسـتــر فــوگــاي
وســفـه ومــا عــلــيك افـيـاي
احــتـرگ گـلبـي يـشـيخ اخـتك
ضــامـي ومـا سـگـوك ابـمــاي
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
يـبو طول الـيسد الـغيم طـولك هـاذه كـاسـرني
اشـتگـلي يا وجع يـحسين وانـته الـهوه يـوجعني
وحك الركضن ابـ حيلك يـحـيلي وانـوخــذ مـنـي
اهـزك بلـكـت الله اتـگوم وابگـومـك تـگـومـنـي
خـذه حـيلي الـتعـب يـحـسـين
وحــالــي اخــلافــك اولا زيــن
جـاسـانـي العـطـش والـخـوف
مــن گـالـو هــلـچ مـيــتـٰـيــن
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
حسين ابيا علي انهضلي عليك وگـلبي يوگف راح
مـا گلك خـيم طـاحـت بـس حـيلـي اگـلك طاح
ملت ياخويه كـ الجربه كثر ماگمت اكض اصفاح
اخـت المـيت الـوادم تـگـلي اشـلون بـعد ارتاح
وحــلـيــب الــزهـره تـعـبـانـه
وعـلـيـك اهـوايـه عـطــشــانـه
مـره اچـبـيـره وچـبـيـر الـطـف
شــصـيــرن چــا بــــعــد انــه
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
اول مـره اشـوف حـسيــن وادم مــا يـحـبـونـك
يـنعمتنه وفـياظ الـخير مـوش ابـخـير يـردونـك
ابد مـو خـوش هـالـوادم وحـنين الله يـعرفـونك
خلـوني اركـض اعـله الـتل حتـه اهـناا يموتونـك
يـمــتـعـوب ابـ گـطــيـع الـحـر
شــهـفـي وابـــسـمــوم الــبــر
اعـوفــك يا چـــبـيــري اشـلـون
ولا دونـــــــــك اروح اگـــــــدر
گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
سجاد ابراهيم الكعبي
ـــــــــــــــــــــــ••❃••ـــــــــــــــــــــــ
•••~•••(•«﷽»•)•••~•••
"اللهم عجل لوليك المنتقم الفرج"
و بدأت الليلـه قصـة من الصبـر عنوانهـا
"زينـب"
#محرم_2024
#ليلة_١١_محرم_١٤٤٦هـ
#ليلة_الوحشة
ياهـو اهـون بـيـنـهـم يأم الخدر
بين حادي النوگ و الحادي عشر
عگب خدرج ذاك يا بنـــت العله
ياهـو اهــون جان و الاعظم بله
ظلمة الــحــــادي عشر في كربله
لو الحادي اليمشي بدروب اليسر
ياهو اهون گولي يا بنت الكرام
حادي ليله أعليج يكسر بالظلام
لو الحادي اليحرگ بناره الخيام
فرق بين اليبني و اليهدم ستر
حادي جان وياج جايبته القيم
أوياج لم اطفالج و لمها الحرم
لو الجان اعليج و بضدج شهم
ياهو اهــون عقب عباس القمر
حادي جان وياج للمصرع يروح
بسكته بين عداج عنج ما يبوح
و حادي لو شافج سببلج جروح
يسب ابوج وفاطمة وخير البشر
حادي جلجل جان بمصابج يحس
خاف جسم حسين تأذيه الشمس
لـــــو الفوگ الصدر بالحافر رفس
الغطه اهــون لو الداس اعالصدر
الحادي الخلاج ليـلــــه وي الأهل
وي اخوج حسين وعضيده الكفل
لو الحادي الياخذج فـــــوگ الهزل
و يــــــمــر بيج عناد من يم النهر
حادي ليلـه يطول اهون من صبح
بي تشوفي حسين راس اعالرمح
و للـيـســـر تمشين مـن بـعد الذبح
مـــن بــــعـــد عباس حاديكم زجر
صعب ليل الحادي بس باجر صعب
من يضل أحسين نايم عـــله الترب
شحال زينب باجـــر بديرة غــــرب
بـيـن حادي و حادي خلاها الدهـر
كلمات: عباس شريف الخفاجي