5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
•●🏴 فاطمة آنه الحسن 🏴●•
● لطمية لإستشهاد الإمام الحسن المجتبی عليه السلام
● طور : سمعي يمه فاطمه
.
فاطمه آنا الحسن
ذاب قلبي امن المحن
جيتچ الليله ييمه چبدي مسموم
جيتچ الليله ييمه چبدي مسموم
〰〰〰〰〰〰
ذاب يا زهراء قلبي ، وذابت اوياه مهجتي
لو تشوفيني ييمه ، والله تصعب حالتي
باللبن سمتني جعده ، وقطعتها چبدتي
وادري متألم دليلچ ، هالمسيه لمحنتي
جيت يمه فاطمه
چبدتي متألمه
ووسط دلالي ييمه جمر مضروم
ووسط دلالي ييمه جمر مضروم
〰〰〰〰〰〰
جيت يمه استقبليني ، عندي يازهره كلام
وأدري يازهره يألمچ ، يمه يا بنت الكرام
آنا تدريني ييمه ، قلبي عن الفرح صام
لاچن بيا سبب نعشي ، يمه يرمونه بسهام
چبدي مو بس انمرد
چم سهم صاب الجسد
وجثتي ظلت يزهره تنزف ادموم
وجثتي ظلت يزهره تنزف ادموم
〰〰〰〰〰〰
بين جدي و بين قبرچ ، ردت يايمه اندفن
لبعد موتي ظل ييمه ، جاير اعليه الزمن
يمه منعوني أندفن ، يا زهره يم المؤتمن
مارعوا حرمة نبينا ، حاربونا أهل الفتن
ما كفی أهل الغدر
حاربوني بالقبر
ما كفاهم عمري كله اقضيته مهموم
ما كفاهم عمري كله اقضيته مهموم
〰〰〰〰〰〰
جيتچ بهاي المسيه ، يمه دلالي حزين
اشكثر مشتاق آنه والله ، يمه ذاهلني الحنين
جيتچ الليله ييمه ، أرد أساعد بالونين
أوياچ يا زهراء رايد ، أبچي لمصاب الحسين
لإخوتي انهل الدمع
وادري قلبچ منفجع
عالتريب الضامي دمعچ يجري كل يوم
عالتريب الضامي دمعچ يجري كل يوم
〰〰〰〰〰〰
جيت أشارك يمه دمعچ ، عالقضی دامي النحر
و أدري يايمه اعله اخوتي ، ايظل دليلچ مستعر
أدري يا زهراء ضلعچ ، يالحنينه منكسر
اهل دمعاتي اويه دمعچ ، يمه هالليله بقبر
وادري بجور الزمن
تالي واصحاب الفتن
ادري تالي ايظل ضريحي يمه مهدوم
ادري تالي ايظل ضريحي يمه مهدوم
〰〰〰〰〰〰
تمت بحمدالله تعالى
✒ بقلم / فاطمہ كريم
نسألكم الدعاء لتعجيل الفرج
للامام الحسن المجتبى عليه السلام
حاربتنه. انت واهم يازمن
ما هنتنه احنا خدام الحسن
نبقه ويّاه. ما نسيناه
................
لا خضوع /لا خنوع/ احنا اصحاب المبادئ والرساله
عدنا نور / للأمور / انفرزن ابين الهدايه والضلاله
احنا بعـــالم الاصـلاب. بايعنه النبي وآله
ومن آل النبي معروف منهاج الحسن شاله
كل مجدنه للحسن يبقه الفضل
معتقدنه. يازمن بي يكتمل
من تبعناه. ما نسيناه
...................
كل امام / ما يُلام / ألسّبب بالناس ما تعرف مقامه
يازمان / هذا چان / حال ناس الحسن ما سمعت كلامه
راد يقاتل الظلّام حتى يحرر الأمه
غدرت بالحسن كلها وظلو چم فرد يمه
من غدرهم گلبه چم مره انلچم
اعله منهم عايش جروح وألم
الله علّاه. ما نسيناه
.................
هسه غير / احنا خير / عدنا صح ذنوب بس هيهات نغدر
شما يكون/ ما نخون / للحسن خدام لو عالموت نعبر
اسمع يازمن وفهم خدامه ونظل خدام
قائدنه الحسن يبقه انطيعه ونرفض الظلّام
ما نعوفه. لا وحگ رب السمه
اي نشوفه. بالعلم حامي الحمه
ما تركناه. ما نسيناه
...................
مايموت/يبقه صوت/ضد عروش الباطل وحكم السلاطين
هالعظيم / من قديم / مهّد بفكره وذكائه لثورة حسين
اساس الثوره من ايده الحسن وحسين كمّلهه
لو عايش بدال حسين الحسن لاشك يواصلهه
آل اميه. عالحسن شنّو حرب
للمنيّــه عايش بوحده وغرب
وجهه لله. ما نسيناه
.......................
حاربــوه/ سمّمــوه / بيد جعده الطاغيه چبده تگطع
سمّه حار / يغلي نار / گطع اعضاء الحسن بالدم توزّع
يلوج امن الألم مسموم. حفيد المصطفه وابنه
مثل هالليله ابومحمد غمض للاخره جفنه
مشيّعينه ويلي بدموع الصبر
مفارگينه وهالو تراب الگبر
احنا ننعاه. ما نسيناه
سيد زيد الفحام
رجوع ضعن السبايا من الشام الى كربلاء
((وشالت حيل))
وصلت وكلشي صاير بختك محدب
وصلت وهالحبل ما فكني امـــچلب
المچتوفه رگبته يلچم لــــــــــو دار
الطفل لو طاح بـّرگبنه الحبل ينضب
رجعت وجفني لحضه خويه مانام
رجعت وطفله ضلت خويه بالشام
وشــــــــالت حيل خلت بيه الايام
رجعت محمله اجروح
عســــاها طلعت الروح
رجعت وحسبتي يفزعك بچينه
وشّل دمـعتي الشام
وحبلهم طگ بالعضام
ردت بيدك تفك حبل البدينه
يبن امي... يبن امي... يا خويه
ــــــــــــــــــــــــــــــــــــــــ
بيد الما يخاف الله الدنيه طيحتني
ديره الما حظت بال شوفه شافتني
بحــــلوگ الخلگ زينب صفت قصه
مچتوفه عله نوگ ابســــوگ طرتني
وين زينبكم يخويه وطبّت الاسواگ
نفس ديوانهم لــــــوعه الگلب ضاگ
الما شامر احــجاره بـــــچلمته طاگ
حچيهم چنه محچال
يّطگ ولا عــــله البال
وين سوگ المزدحم بي وگفونه
ختزينه بوگفت السوگ
علـــــــه العلويه متلوگ
مثل سلعه نضــــــــرهم بوگونه
يبن امي... يبن امي... يا خويه
ــــــــــــــــــــــــــــــــــــــــ
بكل ديره النطبها يـــــــــكّرر المشهد
بشام الآه باب الســــــوع ألي يشهد
نفس الوگفه عادوها خذونه ابسوگ
عيون البي احَــد ومضه سهم ينهد
نعرگ مستحه وساتر وجهنه اچفوف
سبي والضيم والممشـه شبعنه خوف
وهـاي الناس گامت عالسبايه اطوف
عطاشه ونمشي حفاي
وعلينه مـــــــنعو الماي
تنز أعله السياط التبچي عالي
لازم نبـــــچي بهدااي
علينه مشــــــوو الراي
هاذ حال الي تضل من غير والي
يبن امي... يبن امي... يا خويه
ــــــــــــــــــــــــــــــــــــــــ
اكبر لوعه ماهي اكبر من الشوگ
لا لــوعة سبينه ولا دخول السوگ
لهفه البيـه اكبر من سلف عطشان
ع ابن امي لشمر روحي امن لنوگ
وشّل حيل زينب عل مداليل
والفاگد هله يـــراد اله حيل
عيوني نهار تحرس ضلت وليل
شيهّود الشافت الخيل
بخوها ادوس كل حيل
صورة شوغته ضلت ع البال
الحملته يخجّل الجبال
اختـــكم صارت اخيال
عملت كربله چن رفگت احبال
يبن امي.. يبن امي... ياخويه
ــــــــــــــــــــــــــــــــــــــــ
تمت بفضلهم ص
ياسر الزيادي
يلغايب نشكي الصار
—————————-
يلغايب متَه وعدك يحل يومه
تظل روح المحب كل لحظة مهمومه
ينور الله املنه الطلعه محتومه
و تتكحل بيك الانظار
——————————————-
نندب سيدي و للجيه ندعيلك
عن ضيم الزمن نكباته نشكيلك
يكبر بينه جرحك باقي يحجيلك
متسرك هل الاخبار
—————————————
ياشوك الكلب محد عرف سره
غايب عنه ماشافه وبقه ينطره
قيس بعشكه ينقاس إبحر قطره
اعظم حُب الاسرار
————————————-
يوعد الله الوعد يومك فلا ننساه
يبس عود الزمن واتغير بمسراه
فلا طاب العمر بالغيبه لا والله
واعلينه الدهر جار
—————————————
ياطعم العمر المابي ذكر اسمك
كل يوم ويكبر بي جمر حلمك
تسر عين الخلك ويشع بسمه نجمك
تتلهف ليك الاحرار
—————————————
علي موفق القزاز
لسان حال مولاتنا زينب في الحسن عليهم السلام نعي ...
خويه الحسن يابوعلي اشبيه
مطروح ارى وامّدده اديه
متغيره الوانه الولي اعليه
لونه خطف لوني الحسن ليه
يحسين اخويه لاتخليه
بالماي اخويه خلني ارويه
ضامي وضما ممكن مأذّيه
هاليوم طوله صايم افديه
اشمن يالحسن گلّي تعانيه
يومي گبل يومك ألاگيه
يبن امي جبدك خويه ترميه
ويلي عليك ابهالرزى البيه
مسموم اخويه ويلي اعليه
سمها العدا بعده توليه
بفطارك اصيامك تخليه
يابعد ابويه انت التسليه
خويه شملنا انت التباريه
لاتترك النا البيت وتجفيه
خويه عمدنا انت اليواسيه
خويه شملنا انت التباريه
✍️
علي الأحسائي
صفر ١٤٤٦هـ
جائــــــزه مـــــــــن أم الحسن مضمونه
لكل فـــــــــــــــــرد مد سفرته وماعونه
***
خبر هـــــــــــــــــــــذا انقله الكل الخَدَم
للسهر والجــــــــــــــاي يخْــــــدم للقِدَم
بأربعين حسين مــــــــــــــن أهل الشيَم
منين مـــــــــــــــا حل وإجه ايضيفونه
**
بعينها شــــــــــــــــــافت القَدَّم خدمته
وعـــــــــــــــن يقين أجزم تعنّت زارته
وياها سلطان الزمـــــــــــــــــان بهيبته
بكل مواكبنه تــــــــــــــــره يحضرونه
****
بعينهم شـــــــــــــافوا المواكب والكَرَم
البيها كــــــــــــــل أشكال وأنواع النِعَم
للوفــــــــــــــــــد والجاي يتلگه الحرَم
بلهفه يتلگـــــــــــــــــــــون للواسونه
*
سفـــــــــــره مدوها على طول الدرب
بيها چاي مهيّل ومــــــــــــاي الشرب
حتى يسهــــــــل للگصد كلشي صعب
ولينام بموكـــــــــــــــــــــــب يغطونه
****
بكل درب ممدوده سفــــــــره بكل زقاق
هذا جود وكرم كـــــــــــــل اهل العراق
لخدمة الزايـــــــــــر صبح عدهم سباق
بيا مدينه يفــــــــــــــــــــــوت يتلگونه
**
بيدها الزهـــــــــــــــره تجازي للحضر
بأربعيــــــــــــــن حسينها محني الظهر
أيقـــــــــــــــدّم الخدمه ابنهار وبالسحر
والسهر مـــــــــــــا غمض چفن عيونه
**
مو ضعف أضعاف مــــن عدها الجزاء
لكــــــــــل مواكبنه اللي خدمة وبسخاء
شمحله هـــــــــذا الأجر من خير النساء
بدنيته وأخرتـــــــــــــــــه تصبح عونه
****
مـــــــــــــــا تعوف الخَدَم هذا مستحيل
مسجّـــــــــــــل ومذخور كل هذا القليل
وبالحشر هيــــــــــــه المحامي والكفيل
لكل فـــــــــــــــــرد بالخدمه غيّر لونه
*
كل فرد مـــــــــــــــن المواكب تشكره
والتعـــــــــــــــــب والجهد هيه أتقدره
بدنيته يفــــــــــــــــوز ويفوز بمحشره
وكل اهــــــــــــــل بيت النبي يراعونه
****
بالحسن وأم الحسن وأهــــــــل الكساء
نسأل الباري يعجّــــــــــــــــــل باللقاء
بالوصي المذخــــــور خاتم الأوصياء
شيعته بهــــــــــــــــــــذا الأمر مفتونه
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء
يا خويه ردينه چا وين الهله ؟
*
ها يحسين اخيتك ظلت بحيره
بعدك سلبونه وهاي الچبيره
ما أگدر أگلك ها يبو الغيره
من ديره حرمكم تدخل الديره
والشام أذانه حملي وكمله
يا خويه ردينه چا وين الهله
***
وين اهل الحميه واهل الملاگه
ركض گلبي وسبگني وانه علناگه
زينب آنه اختكم والله مشتاگه
ميته من النهر من طول فراگه
عباس چا وينه اخيته امدلله
يا خويه ردينه چا وين الهله
*
مدري شلون عدله وهسه احاچيكم
مر ضيم العلي محد گعد بيكم
چثه اعله الرمل مو سهله اخليكم
واروح وي الذبحكم والتفت ليكم
چا ما گعدتولي مشيت امعلعله
يا خويه ردينه چا وين الهله
****
شميت التراب وهلصحت آنه
ليش حسين ما مدالي ذرعانه
شو ماكو الهلا ومسدوده بيبانه
اجيت من اليسر للخوه عطشانه
يمعدل الميله يراعي الأوله
يا خويه ردينه چا وين الهله
**
أروح اعله النهر واشبع لطم يمه
واگل للماي ماخذ مني يا زلمه ؟
اعطش يا نهر بس عندي الك ذمه
تروح الچف كفيلي هناك تشتمه
وتگله مشتاگه وچفك بسمله
يا خويه ردينه چا وين الهله
***
اريد ارتاح لحظه الشام أذاني
اگعدولي وحگ امي تعبت آني
اريد امشي اعله طولي الشيب غطاني
بلكي الطف حلم ما ماتو اخواني
لا شنهي حلمانه ميته بكربله
يا خويه ردينه چا وين الهله
كلمات الخادم / رعد الفريجي
*#شهادة_كريم_آل_البيت◼️*
*#المُجتبى_المَظلوم🖤*
واسوا البتولَ بسِبطِها الزّكِيِّ
بكَريمِ آلِ المُصطَفى النّبِيِّ
اليومَ كُلُّ الكونِ في حِدادٍ
روّى السّما مِن دَمعِهِ الشّجِيِّ
بالسُّمِّ يَقضي المُجتَبى شهيدًا
فعَزاؤُنا لِلمُرتَضى الوَصِيِّ
ولِخاتَمِ الرُّسُلِ الكِرامِ طُرًّا
ولِفاطِمٍ تبكي لِذا التّقِيِّ
يَنعاهُ جِبريلٌ بِجَمرِ شَجوٍ
يَتلو العَزاءَ بِدَمعِهِ الجَرِيِّ
لكأَنَّ رُكنَ الدّينِ هُدَّ حُزنًا
أَوّاهُ لِلمَظلومِ ذا النّقِيِّ
مَن لِلعقيلةِ بَعدَهُ كفيلٌ!
أَوصى لِعبّاسَ الأخِ الوَفِيِّ
بِحِماكَ زينبُ يا حبيبَ قلبي
فلتَسقِها مِن مائِكَ الرّوِيِّ
لٰكِن على رَمضاءِ كربلاءٍ
فسَتَرتَوي مِن كفِّكَ الدّمِيِّ!
وحُسَينٌ يَحضُنُ رأسَكَ المُشَظّى
تلقى المُنى مِن ثَغرِهِ الظّمِيِّ
*#أعظم_اللّٰه_أجورَكم🏴*
*زينب الموسوي*
*#بنت_الزهراء*
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لحن(يعيل الشوگ)
بصوت
ملا عباس الخيگاني
ناصريه _ فهود
- كعدية- الى خدام الحسين عليه السلام-
-شكرآ يخدام- شهر صفر-1446-
هاي دمعات المجالس حُسينية
الله يحفظكم يخدام الزجيه
فاطمة بكسرة ظلعها - عالحُسين يهل دمعها
كون يخلص كل عمرنه غاضريه
-------------------------
السيدة الزهراء تحضر للمجالس وبدمعها
آه يحسين ومصابه تصيح وبكسرة ظلعها
عالذبيح الضامي نحره هواي متغير وضعها
كل دمعه بعيون السِمه - تحتفظ بيها فاطمة
تنطفي نار الحاطمة - واليواسيها بفجعها
فاطمة تنادي الف شكرآ يخدام
عله الشاعر عله الملا عله اللطام
شكر خاص وللمواكب - عينها اعليكم تراقب
شهر عاشور وصفر ننحب سويه
------------------------
التكله الزهره شكرآ هاي ياناس شكبرها
مو مهم العدد عدها هيه محتاره بكسرها
وين ما تسمع الناعي عالحُسين ويا صبرها
اليخدم احسين تسجله - بس كون جرحه كربله
وتكره طبع كل حرمله - عاليجامل في امرها
الخادم تعرفه بجروحه بس للحسين
فشله من الزهره من تشوف وجهين
الينطرد ياناس زحمه - مايشم ريحة الخدمه
الف هنياله الرِضت عنه الزجيه
-----------------------
هالله هالله بالخدامه لازم نحافظ عليهه
الدنيه والله بغير خدمة شلون تسوه نعيش بيهه
الخير من باب ابوفاضل ابد ما خاب اليجيهه
عيون الكفيل اعله الخَدّم - والنعم من راعي العلم
والرحمة من باب الخيم - فاز كلمن يعتنيهه
ابو فاضل عالمجالس أيُّها الناس
الشايل بكلبه دغش يزعل العباس
لو زعل صاحب الجفين - ننحرم من باب الحسين
الخير كلّه من كفيل الهاشميه
-------------------------
احنه لو ما ابو اليِمّه منهو غيره يشترينه
شما خِدمنه شما لِطمنه والله منوفي ببجينه
الخيل داست عله صدره وبالحوافر ساحكينه
وظلوع صدره امهشِمه - ومحترك حتى امخيِمه
منوفي قطره من الدمه - حسين ابو الروح الحنينه
الله يتقبل عملنه بجاه الحسين
غير هاي الخدمه ابد ما نسوه فلسين
والشرف بس الخدامه - غدآ تنفع بالقيامه
كون يرضى اعلينه ونحلفه برقية
-------------------------
ان شاء الله عالعهد احنه وخيمة الخدمة تِلمنه
ان شاء الله من البواجي ابد ما يبرد دمعنه
ان شاء الله كل عام احنه عالخيم ينزف جرحنه
عالمنذبح نجري الدمع - يوم الحشر يصبح شمع
بهاي المجالس ننجِمع - والحُسين يِلم شمِلنه
كون يخلص كل عمرنه بالمآتم
ياشرف بعده شرف كلمة الخادم
صعبه هالكلمه ثكيله - غيره ماعدنه وسيله
والتجارة فقط بس بهل القضية
-------------------------
الخادم _ ابو فدك الشامي ✍🏻
على طور قصيدة ( هاي دار النوايب عتبوها )
التي قرأها المرحوم حمزه الزغير
فزاعية للأمام الحسن عليه السلام ( كون اليوجعك بيه )
زينب ياعضيدي اتصيح
كون اليوجعك بيه
كون السم مرد چبدي
ماخله الدهر عندي
امي اوالدي وجدي
مشو ماردو اعليه
شو گطعو فرد گطعه
ويومك چمل الفجعه
باچر وجهك انودعه
وبيتك ينگشع فيه
بيتك ينگشع ضله
امصابك حيل ماخله
وياك السمر يحله
ماتحله الفراگيه
افراگك مو سهل تدري
جمر حدر الضلع يسري
انت احزام البضهري
نار اجفاك سعريه
نار اجفاك تچويني
بضلوعي وشراييني
ادخليك لاتخليني
تاني وريض شويه
اروح اوياك ريضلي
ولاشوف النزل يخلي
هم ترجع بعد گلي
لو مالك بعد جيه
الك جيه يوالينه
لو ننصب تعازينه
ابن امك تهل عينه
ينوح اعليك يوميه
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
يااول كسره ابظهري..بطشتك چبدك لو نحري
…
يالحسن عاين حالي
طفك لو طفي اگبالي
الغالي ميودع غالي
يسري وياه من يسري
……
يااول گطع احزامي
واول اخ بأيامي
چبدك طايح گدامي
يامبدء ضيمي وكسري
… ..
ياأخ فراگ الخوه
يالحالك بينه شسوه
صار وداعك بالگوه
ياولية حزني ودهري
…..
يالحسن فگدك بينه
خله اجروح اتانينه
كلشي وياك امودعينه
والمدمع من دم يجري
…… .
ياضلعي الماعافاني
الخاويته وهم خاواني
فگدك طگني واذاني
ماكفه الفگدك صبري
……
ياگلبي الهم خاويته
موحش دارك طبيته
حزامك مفرد خليته
چم اخ اتاني عمري
……
علي الحاج الصبيحاوي
موشح لمولاي الحسن ع
ناحت السبع الشداد الهل مصاب
عزوا جسام الشهم شيخ الشباب
=====================
عظم الله اجرك يجاسم بالجره
والـدمـع للـمجـتبى الليـلة جـره
انقيـم هـذا الـعـزه اليوم الآخره
والحزن للخدمتك صاير خضاب
=====================
دارت اعـليه النوايـب والمـحن
والحضرته سيدي انوح بشجن
إلخـيانـه والـغـدر لـيـه اوصـلن
چبده من السم وسف ياحيف ذاب
=====================
شلون حال ام الخدر يـوم الهجر
شلون حال حسين گلبه من جمر
الما يـعزي المصطفى مـالـه عـذر
خـل يحـضر للـنبي باچـر جـواب
=====================
گوموا لطموا عالصدر يهل العزاء
انّـصبت الليله الفواتـح بـالسـماء
بـيـهـا الــيـعـــزبـون كـل الأنـبياء
كلها تبچـي يا كبـر هـذا الصِواب
=====================
باتـت الدمـعه عـلـى خـد الايتـام
كافي زينب من وراچ انوب شام
عـالإمـام المجـتبـى اللـيله سـلام
الله لا يجـعل غـداً دونـه حجاب
=====================
ذكره حي سيد شباب اهل الجنان
اليوم منصوب الـعـزاء بكـل مكان
ندعي من الله وعلي راعي الزمان
يظهر ويبدي عصـر يـوم الحساب
=====================
غصباً اعله اخشوم ذيچ الحاقده
ويّــه ابـو صـالح انـشـيّـد مرقـده
والزيـاره اتصـيـر بـاچـر حـاشـده
گلب كل شيعي وموالي يُستطاب
=====================
12/8/2024.يوم الاثنين
7/صفر الخير 1446 هـ
#الشاعر_الميرزا_محمد_الساعدي
قصيده اهديها لمولاي الحسن
__^_
يامسموم كونك حاضر اليوم
تجي وتشوف اخياتك يمظلوم
خويه يالحسن وينك يامهيوب
تعال وشوف اخيك طاح مصيوب
ظل اعله الرمل وتاج منهوب
خذوهه عمامة الهادي يجيدوم./
خويه طاح اخيك والكمر غاب
العباس نغدرياخويه ونصاب
سبع الكنطره يخويه منهاب
غدروه العده وراس مهشوم/
: خويه محضرت جاسم ولاجيت
من دمه النزف خويه تنحنيت
بعرسه صرخت ياخويه وبجيت
وجابوه يتنكط جسمه ادموم/
يخويه لوتجي وشوف الايتام
يبو الغيره يالمشيم يضرغام
واحدهم ابد ما غمض نام
ضرب سياطهم شككه الهدوم/
ناعيه الخيام*
ام فاطمة الزهراء
شهادة الإمام الحسن عليه السلام
نظمت في ١٤٤٤/٢/١هـ
صاحت أم عباس والضلع محني
آه لمصابك يالحسن يابني
يَمَّه طاحت بالحنين
وعظّمت أجر الحسين
****
اتعنّت الدار الإمامه ابهمها أمّ الأربعه
تسحب أذيال المصيبه وسمعت الناعي نعه
وشافت أبواب النوايب في دربها امشرّعه
جيّت الأم الولدها جات إله ابهالفاجعه
وقفت اعلى الباب إلهم تنادي
هذا أعز عندي ترى امن أولادي
شالجرى ببن الأمين ؟
وعظّمت أجر الحسين
****
دخلت أم لبنين داره اتشوف شنهي حالته
شافته امسجّى بفراشه وفت قلبها شوفته
وعاينت كل أهل بيته بالمناحه حاطته
ونّت ابونّه شديده حين سمعت ونّته
بالله خلّوني اتفقّد اوليدي
حاله خلاّني أصفق ابإيدي
روحي تفداه والبنين
وعظّمت أجر الحسين
****
يم ابو محمد بالمها قعدت أم عباس
مرّه يغشى اعليه او مرّه يفيق ابوالنوماس
منخطف لونك تقله آه ياراعي الباس
قلها يايمّه سقوني سمهم الأرجاس
ها يادهر الشوم لاتدق بابي
لاتصوّبني باوّل أحبابي
خل إلي هالسلوتين
وعظّمت أجر الحسين
****
ساعه وامن أمّ البنين ارتفعت الأنّه
الذي سمّك إمامي بالحقد سمنه
امصابك الظهر الإمامه يالسبط أحنه
اويا العرش صرخته لجلك إعتلت منّه
ويلي يامولاي لقلبك المنضام
وبالجسم شايل واشكثر آلام
سمّ او طعن الظالمين
وعظّمت أجر الحسين
****
بقى ابخدها الدمع يجري فاطمه عنده
صرخت ياشدّه المثلها ماتمر شدّه
بالطشت حين اللّي شافت قطع من چبده
منظره يشده البالي وللحشى ايمرده
ضاقت أنفاسك يابوالحنيّه
وعالسما عيني ظلّت اربيّه
أشكوا فعل الحاقدين
وعظّمت أجر الحسين
****
ياوسف قرّب رحيله اوحانت الفرقه
وغمض اعيونه اوتودعه بروح مختنقه
بحضن أم لبنين زينب تنحب ابشهقه
اتقلها راح الحسن خويه يمّه ابحرقه
ولزم ظهر احسين بوالفضل بيده
اوظل ينوح اوياه لفقدة اعضيده
مات عزّ المؤمنين
وعظّمت أجر الحسين
****
الظلم لاحق ياويلي حتى تشييع الإمام
ماكفى تلويعه بالسم منعوا الدفنه اللئام
يم قبر جدّه اوتعالت صرخه ضد الإهتضام
ليش أبو محمد تصوّب نعشه ياقوم ابسهام ؟
وشافت أم لبنين أمّه الزهره
وراحت اوياها تجذب الحسره
واعلى قبره نادبين
وعظّمت أجر الحسين
****
تمت بحمد الله ومنّه
في 1444/2/5هـ
نظم خادم السيدة الزهراء عليها السلام
ياسين جواد العبد الرضا
#جديد_صفر _١٤٤٤هـ
#قصائد_الاربعينية
35_قصيدة(جبته راساك بديه جبته راساك)
جـبـتـه راســاك بـــديــــه جـبـتـه راســاك
وراس الـحـسـيــن الـشـهـيـد
جـبـتـه انـا اخـتـك مـن يـزيـد
جـبـتـه راســاك بـــديــــه جـبـتـه راســاك
❀......❀......❀......❀......❀1
جبت راسك من يزيد وگتله تعرف كـافـلـي
لوله چف عباس تحلم تسبي زينب بت علي
ترك جسمه وماتركني عالرمح ضل يبرا الـي
والله لــوحــي ماأجـيـك
ثـق يـحـط راسـك بـديـك
جـبـتـه راســاك بـــديــــه جـبـتـه راســاك
❀......❀......❀......❀......❀2
گتله راس حسين جيبه بسرعه لااغظب تره
ورده صـطـرك موبـديـه براس سبع الگنطره
انـطـا لبـوالبـاقر وجينه وكل عذر ماظل تره
يـل جــبـــــتــهــــه الكـربلـه
گــوم ردهـــه الــعــايــلـــه
جـبـتـه راســاك بـــديــــه جـبـتـه راســاك
❀......❀......❀......❀......❀3
زرنـه ابـو السجاد كلنه وكلنه جينه انـزورك
خلصت دور الـكـفـالـه وجيـت اسلمك دورك
وياك اجيت امن المدينه شلون ارد مندونك
وامــك اتـانــيـــــك اكـيــــــد
شـوفـتـك عدهه احـلـه عـيـد
جـبـتـه راســاك بـــديــــه جـبـتـه راســاك
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء35✍
❀......❀......❀......❀......❀
🕊🎶🖤🎶🕊
فزاعي للاربعين... رجوع الضعن ودخوله ارض الكرب والبلاء...
يحسين گوم وشوف بيه شصاير
مصايب الـــــــ بيه توازي الحافر
الله يشهد ردت اموتن من اجيت
عادت ابـــــــگلبي صورها العاشر
واحد گطع صبعك واحد راسك
واحد اجه بخيول عشره وداسك
أركض والخيل اترد بيه... أركض والخيل
ـــــــــــــــــــــــــــــــــــــــــــــــ
ما تدري ياهي الأجت تنحب يمك
أنگطعت انــــفاسي وأجيت اشتمك
خـــويه يالعــــــريان جبت اهدومك
وجبــــــت راسك يلى فز من نومتك
وين الله تگعد خـــــويه واگعد يمك
يلّ تارسه الـــــــگاع الخيول ابدمك
جسمك عالبر مطشرينه... جسمك عالبر
ـــــــــــــــــــــــــــــــــــــــــــــــــ
يحسين خويه هواي هـــــــدن حيلي
سبــــي وناگه وســـــــوگ منهن ويلي
يهون كلشي وگــــــــلت لجل اعيـونك
مثل ما حاچـــــــــيك أنتــــه احچيلي
شمرت روحي من الهزل من جيتك
فـــــزلي بعد اختك ترى شتاگيتلك
أگعد يحسين تلگانـــي... أگعد يحسين
ــــــــــــــــــــــــــــــــــــــــــــــ
نهاري أمشي وليلي كلـــــه نايحه
وعل هزل بسمك نصبــت الفاتحه
شما بچيت وصاح مـا ريدن ونين
سـوطه يتلوى عل ضهر الصـايحه
لو تشوف اسكينه صـوبك ركضت
حافــــر ايِذبها اعلهَ حــــافر ضلت
طاحت يحسين الحگ بيها... طاحت يحسين
ـــــــــــــــــــــــــــــــــــــ
تمت بفضلهم وعطائهم ص
المقصر
✍️ياسر الزيادي
لاستشهاد الامام الحسن بن علي المجتبى عليه السلام (وزن النايل )
بين الحرب والصلح شايل عذاب وجرح
تحمل عذاب والم. لأجل الشرف والقيم
شايل عذاب وجرح
★★★★★
من طه شايل طبع للناس رايد نفع
والخير ماينگطع يلردت لمّت ربع
ولبليس شر يندفع جيب البعد يقتنع
بين العزم والصبر واهات مثل الجمر
ذاب الگلب ونهظم. لأجل الشرف والقيم
شايل عذاب وجرح
★★★★★
ابن الشمس والبدر. اگباله الصبر ينكسر
ماهاب شده و عسر ولاراد منهم اجر
ماخله عدهم عذر يدري الطبايع غدر
صالح وعنده هدف الوادم تعيش بشرف
وهذا المهم والأهم. لأجل الشرف والقيم
شايل عذاب وجرح
★★★★★
ماجامل اليعترض والي اجاه ابرفض
ايريد يحيي الفرض وللناس دم ينحفظ
ميريد فوك الارض حقد وضلاله وبغض
واجه ألف مشكله. وهلامر يتحمله
هلحال لمن رهم. لأجل الشرف والقيم
شايل عذاب وجرح
★★★★★
يانور من الازل سيفك غضب لونزل
بالنهروان اشعمل ماخله الهم بطل
بصفين سيفك دخل اعليهم هلاك واجل
يلصالحت عن فكر متريد دم ينهدر
منبعك جود وكرم. لأجل الشرف والقيم
شايل عذاب وجرح
★★★★★
هلحال والله عجب طعنوك طعنة غضب التمت عليك العرب رحلك حسافه انسلب
المن توجه العتب. للماله أصل وحسب
دين الله لاينفجع. ونسل النبي ينگطع
اتحملت جور الذمم. لأجل الشرف والقيم
شايل عذاب وجرح
الشاعر حسن لعيبي الحريشاوي
#قصائد_في_خدمة_الخطباء
#شهادة_الإمام_الحسن_المجتبى(عليه السلام)
#صفر_١٤٤٦
صورة شعرية: لسان حال العقيلة زينب عليها السلام لأمها الزهراء عليها السلام...
گومي عينيني ييمه .. عْلى الحسن وِمْصيبِتَه
صعبه هالليله عليّه .. يالحنينه فرگِتَه
گومي شوفي شلون إبنچ .. وجهه منّ السّم ذِبَل
وشوفي كسرةْ ظهري يَمّه .. ودمع لحسين الهِمَل
گلّي يا زينب تعالي .. ودّعيني بالعجل
يعني راح الحسن منّي .. وعنّي غابت رأفِته
گومي شوفي شلون حاله .. وشوفي طشت الكله دم
شوفي حاله اللي تغير .. والترسلي گلبي هم
گومي يا يمه وانظري .. شسوه بالغالي الألم
ممدد گبالي يعاني .. بس عليّه نظرِتَه
ضمنيِ لْصدره ودموعه .. سالت وطال الونين
گلي من بعدي يزينب .. چم ألم تتحمّلين
صبري ياختي عْلى المصايب .. يوم للطف تطلعين
صبري لو بارض المصيبه .. حسين حزَّوْا رُگبِتَه
#عظم_الله_أجوركم ◾️
فاطمة علي رزق
اسألكم الدعاء
يا حبيبي حسين..عالعهد نبقه ألك وفايـه
يا حبيبي حسين..يله يالزاير نشيل الرايا
......................................
بيرغ الخدمة أعتله..يا هلا وكل الهلا..خطوة خطوة أمسجله..خادم أبن الزهرة
اليمشي واليخدم سوه..ألضوه أيماشي الضوه..عندي أعز أمن الهوه..خادم أبن الزهرة
رفت الرايـــا ونبض شوكه الكلب
وزحفت المشايا من شرق وغرب
أتحزم وشد عزمك وأطوي الدرب
حان ميعاد المشي هـــــــا يالمحب
من كل مدينه..مشايا أجيــــــنه..للحبيب الغالي
العز والكرامة..ودرب السلامة..للحبيب الغالي
يا حبيبي حسين..بدت تدوي روجة المشايا
يا حبيبي حسين..يله يالزاير نشيــــل الرايا
..............................................
حان ميعاد الفرض..أطوي بيبان الأرض..شيعته طول وعرض..تعتني للحضرة
ثورة العز والمجد..أبتدت وألها أستعد..بــــــسمل وأقــــره الحمد..تعتني للحضرة
ذوب وأتسودن أبعشكه وابتلي
كبلك آنه أتسودنت آنه وهلـــي
حسين حبه حب ألآهي أوأزلي
فاطمة أتجازيك ويحضرك علي
أنوي الزيارة..تلكي البشارة..أعتنيله وزوره
فاتحلك أيده..أخذ التــــــريده..أعتنيله وزوره
يا حبيبي حسين..خدمته عزوه أوكرامه وثايه
يا حبيبي حسين..يله يالزاير نشيــــــــل الرايا
.........................................................
حسين قاموس الكرم..دربه عالفطرة أنرسم..خير وشمحلى الخدم..تخدم وعالفطرة
أهنانه موكب ينصب..أهناك موقف ينكتب..شيبه توكف عالدرب..تخدم وعالفطرة
الشايب بعوجيته يتلكه اليجـــي
والهلا وحياك والصوت الشجي
أتفضل أهنانه يزاير يرتجــــــي
هذا زاد حسين ويسولف بجـــي
ومفتوحه داره..ورافع شعاره..يا هلا وحياهم
اتفضل يزاير..ملـــح الشعائر..يا هلا وحياهم
يا حبيبي حسين..الزوار أجت من كل كتر عنايه
يا حبيبي حسين..يله يالزاير نشيــــــــــــل الرايا
........................................................
المين ما جان أعتنه..أهلاً وسهلاً موطنه..ها هي دياراً آمنه..بيها شيخ الديره
تلكه لحسين وهيبتًه..العباس رافع رايتًه..فاتح مضيفه وحضرته..بيها شيخ الديره
فارت ادلاله وترس جوده وحضر
ومد سفرته أمن البحر ألــى النحر
خطوة خطوة ويــــاك عباس الكمر
يكرم الــــــزوار من ضهر الضهر
وأمعزبه الأكبر..وجاسم تصور..واكف الخطاره
وعبدالله جابه..يوزع ثوابـــــــــه..واكف الخطاره
يا حبيبي حسين..عطشان وأيوزع ثوابه ومايه
يا حبيبي حسين..يله يالزاير نشيـــــــــل الرايا
.........................................................
المشي تطهير النفس..ينطـــي للعالم درس..النايم بحر الشمس..بابه باب الرحمه
من تجي بعزه وفخر..وفكره وأحكام وعِبر..حسين والله يا بشر..بابه باب الرحمه
كونك أمن أتزوره صادق ملتزم
بالمشي كونك وقـــــور ومحتشم
زينب أمن الشام أجت عندك علم
جابت الروس وأجـــت كلها عزم
حسين الوسيله..من تعتنيلــه..بالحشر يبرالك
مشيك تجاره..ما بيه خساره..بالحشر يبرالك
يا حبيبي حسين..تبدي ألــــى مالا نهايه
يا حبيبي حسين..يله يالزاير نشيل الرايا
.........................................................
خادم خدمة الحسين
الشاعر
محمد الموالي
اليوم اجيتك زايره
متعوبه خويه وحايره
أگعد يكافل خويه اگعد يكافل
**
زينب لفت محتاره
وحيل الدمع يتجاره
ياهو اليرد خطاره ؟ ،، گوم اعله حيلك
چا غير تتلگوني !!
تعرفوني متعرفوني ؟
اي خويه هايه عيوني گوم اعله حيلك
جيت وي دموع المشايه
وابچي من تصد عيني الرايه
مشتاگه العباس هوايه
وينك يبعد عيوني
حاچيني تدري شلوني
أگعد يكافل خويه اگعد يكافل
***
ردينه وشردينه
فوگ الگبر ونينه
يا بو الفضل حاچينه يمك گعدنه
وين الهلا شضماهه ؟
من ريت اموت وياهه
خوتنه يا محلاهه يمك گعدنه
يتراب الغطيت اخواني
گللهم ليهسه أتاني
متعوبه ومتغيره الواني
حد موتي ما انساهم
واتمنى هسه وياهم
اگعد يكافل خويه أگعد يكافل
****
كل عام ويه ايتامك
انحب وأون گدامك
بعيوني چنهه اسهامك يابو الحميه
أمشيلك بدمعاتي
وأتعثر بخطواتي
اسمع يخويه الآتي يابو الحميه
ماتت بت حسين الهيبه
بالشام الشفناه امصيبه
فوگ الشيبه تموت الطيبه
بس العبايه ويايه
وچم دمعه ومصلايه
اگعد يكافل خويه اگعد يكافل
*
بالحضره اصيحن وينك
غير اهلك امتانينك
من فدوه اروح العينك عينك عليه
نرلني من الناگه
وداعت علي مشتاگه
ما صدگت نتلاگه عينك عليه
مد چفوفك رحب بينه
ما مشتاگ اتشوف سكينه ؟
يم شباچك هل ونينه
بيني الكلام وبينك
بيوم السبي مضيعينك
اگعد يكافل خويه أگعد يكافل
****
مجلسنه يم چفوفك
جيناك حتى انشوفك
مو مال خويه انعوفك وانته الجبتنه
لو تنهض اتودينه
لو يمك اتخلينه
يلطولك امتانينه وانته الجبتنه
ما نگدر نترك ديوانك
ولا نگدر نحملهه احزانك
هذا الماي البلطف خانك
والتله ذيچ ونوحي
وهنانه طلعت روحي
أگعد يكافل خويه أگعد يكافل
كلمات الخادم / رعد الفريجي
(مية هله بالزوار) لزيارة الاربعين
مية هله بالزوار
مية هله بالزوار
★★★★★
أهلا وسهلاً بيكم.
يَخوانَّه أنحييكم
وبعيونه انخليكم.
انتم اهل موخطار
مية هله بالزوار
★★★★★
حيكم يخوتي حيكم.
شتردون حاضر يمكم
بنص العيون انحطكم.
انتم لبو اليمه انصار
مية هله بالزوار
★★★★★
مية هله بهلْجَيَّه .
حاجاتكم مگضيه
خدمات مجانيه.
خدامكم ليل انهار
مية هله بالزوار
★★★★★
هاي المواكب الكم.
والنه الشرف نخدمكم
ابروحتكم وجيتكم.
ونگول بالخدمه وصار
مية هله بالزوار
★★★★★
الزاير نزيد أكرامه.
طول الدرب خدامه
نمسح اتراب اجدامه.
الماشي بطريق الاحرار
مية هله بالزوار
★★★★★
مية هله بملگاكم.
روح وگلب وياكم
ايشرفنه نتلگاكم.
اي وحك رب الكرار
مية هله بالزوار
★★★★★
الكربله يلماشيين.
ادعونه يم حسين
لزواره احنه امعزبين.
وگلوبنه الهم دار
مية هله بالزوار
الشاعر حسن لعيبي الحريشاوي
لاستشهاد الإمام الحسن المجتبى عليه السلام ( عگيلي )
تچوي حسين الدمعه بخده
علخلوه. امگطَّع چبده
★★★★★
بخد حسين المدمع جمره
مفارگ چن حيدر والزهره
فگد الغالي الكاسر ظهره
دنيا وصارت لوعه وحسره
ماتسوه ولاتنفع. بعده
تچوي حسين الدمعه بخده
★★★★★
حسين شلون اخته ايخبرها
خايف لايكسر خاطرها
عن چبده السم اموذرها
وادم مايسلم من شرها
نفس الناس الغدرت جده
تچوي حسين الدمعه بخده
★★★★★
شِدَّه افراگك يابومحمد
جمر غيابك ماظن يبرد
نزلت دمعة زينب علخد
صاحت چبدك خويه اتمرد
ياماي من اچفوفي اتبده
تچوي حسين الدمعه بخده
★★★★★
حسين بنعشه الجده اتعنه
ماخلوه يم. جده ايدفنه
صاروا همه اصحاب المِنَّه
نعشه إسهام الشر غطنه
وظالم بالسب حيل اتعدَّه
تچوي حسين الدمعه بخده
★★★★★
صعبه اتمر من بعد الصعبه
الشر يوم. اتجمع. حزبه
فوض امره حسين الربه
صاح ونار اتوجر گلبه
فراگك يابومحمد شِدَّه
تچوي حسين الدمعه بخده
★★★★★
يبن امي بيش يطلبونك
شذنب العندك ويسمونك
وعن جدك تالي ايبعدونك
بنار السم. متغير لونك
ايعاقب الله ويلعن جعده
تچوي حسين الدمعه بخده
الشاعر حسن لعيبي الحريشاوي
((يعيل الشوگ))
بجروحـــــي يعيل الشوگ
كون أسبگ ركاض النوگ
اريد اشكيلك اعله السوگ
ونار الخـيمه والمحـــروگ .. دلالي
اريد اشكيلك مــــن الشام
خلــــــونه بخـــــــرابه انام
وحگ عيناك موش أسلام
ولاعـــدهم رحــــم بيـــتام .. يالوالي
اريد اشكيلك اشصار بضعنه
يطشرنه الجمر سوط اليلمنه
بناتك يابعد روحي يالحسين
يبچن حيل ويصيحن أهـــلنه
واويـــــلاه اجينه
أگعد داوي أدينه
يبو روح الحنينه .. الحنينه
اجينه بس شجينه
الغربه تحدي بينه
ومايخلص بچـينه .. بچينه
حسينآ خويه خويه ...
"""""""""""""""""""""""""""""""""""''''''''''
يابُعد الدرب واشــــتاگ
اجيتك والنفس خــناگ
اسيرن والگلب حـــراگ
الضعن كله الك مشتاگ .. يبونه
أسم الشـام عاش وياي
خويه الشام صار هواي
گوم أگعد بعد عيـــناي
تهت يحسين وين ألواي .. وخونه
مصيــــبه وماتكـــــلمني مصيبه
أخيتــــك ياعــــــزيز الله غريبه
گلت من ارجع أخواني يگعدون
ويتلـــــگوني بـــــزينب حبــــيبه
ولا واحد گعــــدلي
اصيح ودمعي يهلي
بعد بالروح شلـــــي .. شلي
بعد ياروحي روحي
وخل تكثر جروحي
ولا تبطل يــــنوحي .. ينوحي
حسينآ خويه خويه ...
"""""""""""""""""""""""""""""""""""''''''''''
جريحه والهجر يســري
يجرني للگــــــبر عمري
وسوالف ضامه بصدري
يكونك تدري يالتـــدري .. بعذابي
بعذابي تدري وأشكيلك
دمع من عيني أوديــلك
چنت بحبالي أوميـــلك
الرمح يحسين يحچيلك .. مصابي
يبن خــــــير الزلم خير البرايه
خـــــدر الله ويسمـــونه سبايه
بناتك خويه مشتاگات يحسين
ولازم عمهن وبچــــــفوفه رايه
اذا مو عمنه حاضر
عمه نموت باچــــر
وخل تعمه النواضر .. النواضر
اذا لاگـــانه ابــــونه
ننســــه السلــــبونه
المهم شوفتّ عيونه .. عيونه
حسينآ خويه خويه ...
"""""""""""""""""""""""""""""""""""''''''''''
اجيتك من جـــرح جلاد
گوم أگعد يبـــــو السجاد
تعال وخل تجـــي الاولاد
الگلب ياخويه طولك راد .. تجيله
طولك خل يمر عالحال
حتى أنسه بديه أحبـــال
وماگول الشمر وشـــگال
دمع لا مايمر عــــــــالبال .. أسيله
اذا تگعدلي ما گلك سبونه
أگلك كرمونه وضـــــيفونه
من گنالهم حيدر أبـــــــونه
على ريش النعامه گعدونه
أذا شفتك يغـــالي
يصير بخير حــالي
وراسي يصير عالي .. عالي
اذا شفـــتك يروحي
يضيع بروحي نوحي
ويهودن جـــــروحي .. جروحي
حسينآ خويه خويه ...
"""""""""""""""""""""""""""""""""""''''''''''
شنهي الرآي هسه شلون
يبو أرقيه تراني أم عـون
خل أحچيلك المضمون
وغلاتك مـا بگليّ أمتون .. وأديه
سوط الاول إيطگ حيل
سوط الثاني چنه الخيل
ضلمه من خذونه بلــيل
وياحيل الركض ياحــيل .. وأذيه
أجيتك من بعد يسـري جريحه
من شفت النحر وآنـــه طريحه
ذبيحه من رحت وبصف ذبيحه
تعبنه واليطگنه مـــــــا نصيحه
غريبه وأهــلي ميتين
اجيتك خويه يحسين
ما أدري الــدرب وين .. الدرب وين
وياشيخ العشـيره
يمدفون بحصيره
اجيتك آنه أسيره .. آنه أسيره
حسينآ خويه خويه ...
عبد زينب
محمد الابراهيمي
عله الخدمه تعودنـه
بصغرنه وحب أبو اليمه أنزرع بينه
عله الخدمه تعودنـه
كبرنه وخذنه هـالورثـه أمن أهالينه
--------***--------
وعـينـه وشفنـه أهلنـه كلها مشايـه
بصغرنه وشفنه أمنـه تخيط برايـه
ونـوزع الماي مانعرف شنـو الغايـه
وكبرنـه وأفتهمنـه وصرنـه وفـايـه
وحفظناها عـقايدنـه
وأسم حـسيـن يـجرحـنـه ويبچينـه
--------***--------
أهلـنـه العلمونـه الخدمـه وأتـهـمنـه
وأسم زينب نحسه يمشي وي دمنه
بشهـر عـاشـور أبـونـه نـذكـر أيلمنـه
ويـشغل چـان يحـسيـن بضمايـرنـه
اليناشدنه دمع خدنه
يـجـاوب عـنـه لــو رايـد أسامـيـنـه
--------***--------
بـصغرنـه بكل محرم نسمع المقتل
وشنو قـصة الـرايـه وكربلـه نسأل
عرفنه الخوه ثـوب يلبسه المعدل
ويضحي الأخ لخيـه بـذله مايقبل
أبو فاضل مثل عدنه
مثـل للـخـوه مكتـوب بـدمـه عينـه
--------***--------
ورثـناهـا الخدامـه وأصبحت تعويد
نـحبها بـگـد كـرهـنـه للشمـر ويـزيد
ومـن أول محرم نحـط إيـد أبـ إيـد
ولبسنه الليل مثل المات أبوها بعيد
عمرنه الغالي ماردنـه
عمرنه يروح ألف فدوه لأبـو سكينه
--------***--------
عـرفـنـه الديـن رايـد تـضـحيـه وهمـه
وسمعنـه الحب شعـور يـولـد الـرحمه
شكـثـر دورنـه يـوم الچـنـه بـالضلـمـه
ولگينه حسين رحمه وحبه چـن نعمه
عله أعتابـه تـوسدنـه
العشگ يم بابـه ياخـذنـه ويـوديـنه
--------***--------
وعينـه بنص مـواكبنـه وقـصايدها
نشوف الناس فقره وعـوز جـاردها
ركض تركض توزع العدها ماعـدها
عـرفنـه حسين ثـوره وربنـه أيـدها
ومـواقـفنـه تخلدنـه
مـثل صحبانـه مـن ينجاب طـارينه
--------***--------
للشاعر الحسيني علي القريشي
فزاعية للأمام الحسن عليه السلام ( مهدوم صبح حيله )
شنهالونين الموش عالي
يمرد بگلبي ويشل حالي
سمعت الحسن ينده تعالي
من ودعاني انشده بالي
( نزلة الفزاعية )
مايگدر ايگوم الحسن
مهدوم صبح حيله
ياحيف گلبه ماسلم
بالسم تگطع وانهشم
هاذه الشهم وابن الشهم
ياعين دم ابچيله
ابچيله دم اعله الدمع
هاذه السبع وابن السبع
من عنده گلبي ماشبع
وايروح عني الليله
ايروح عني الهيبه
واتطول هاي الغيبه
ماضن يرد شيجيبه
لو يتم امداليله
لو يتماهم مايرد
يبچون بته والولد
اينام باچر باللحد
ياهو الحملنه ايشيله
ياهو اليشيل اهمومنه
لو شيعو جيدومنه
الليله يحرم نومنه
سهرانه كلهه العيله
سهرانه كلهه اعياله
وعيونهم هماله
الليله يصعب حاله
وابن امه ايتچيله
تچاله اخيه ومدده
يوم الحسن ماله جده
الحادي بضعونه حده
طول العمر ونيله
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
مولاتي زينب ع تتكلم مع مولاي الحسن المجتبى ع فتقول
الزمن يبن امي غدار.. بـعـدك أظـلـم الـدار
عگـبك مـا يظـل راي
يبو محمد يرجـواي...الزمن يبن امي غدار
======================
اذا عـنـي رحـت يعـنـي الـحـزن گرب
واذا عينك بچت يعني الوضع أصعب
سمعتك تحچي باچر وجهه يتخضب
صرت للـموت بعد هذا الحچي أقرب
واشوف الحيد حزنان..يگله اشبگني بردان
لترحل خويه بهداي
يبو محمد يرجـواي.. الزمن يبن امي غدار
======================
وسف تنسم يخويه وينمرد چبدك
يا سِـباح گـلـبي النـوح حـل بعـدك
لجـلـك دمعـته نـزلـت اظـن جـدك
لحد آخر نفـس وفـيت كل وعـدك
عليك النايحه اتگوم... الك هالموت مقسوم
يرفعة راسي مولاي..
يبو محمد يرجـواي.. الزمن يبن امي غدار
======================
سوالف موت ظل ايسولف اويانه
يگـل لحسـين مـحـد يـبـقـه ويانه
يبعد الروح اشوف الزهره حزنانه
والموت اعله أخـذك سرفن اردانه
تسحگك باچر الخيل.. سمعته وما بقه الحيل
أشوف الموت عناي
يبو محمد يرجـواي.. الزمن يبن امي غدار
======================
صدگ خويه الحچيته صار واتحقق
اهـواي الباطل وشفت الوحيد الحق
يكون اتشوف روح المرتضـى تُـزهق
بـيـن الـخــيـل تتـعـاگـب ولا أشـفـق
علينا الحاقد انـدار... بخيامي سـعـر نار
چـثـيـر الـصـار ويـاي
يـبو محـمـد يرجـواي.. الزمن يبن امي غدار
======================
مـا ظـل دار هـا يالمجـتبى مـا نـاح
تعال وشوف اظلم صـبّح المصـباح
الضايـعله أخـو يالـغـالي مـا يـرتـاح
عمود البيت انته البيت عگبك طاح
چم شيبه كريمه... تلطم يا هضيمه
راحـل نـور عـيـناي
يبو محمد يرجـواي.. الزمن يبن امي غدار
======================
4/8/2024 يوم الاحد
28/محرم الحرام 1446 هـ
#الشاعر_الميرزا_محمد_الساعدي
حالك موسهل
يميدان النبل
يوجع كل گلب
بس المستهل
مظلوم بحياتك عشت مظلوم
كعبت حزن طافت بيك الهموم
توجع كل گلب مولاي مسموم
ممرود الچبد والجسد ملچوم
يومك كربله
فجعت العايله
جدك عنده ثار
مولاي العجل
/////
بدفنك مارضو يم جدك اتصير
مكانك هذا لكن دفنو الغير
حقد صفين بين ماله تفسير
غير انت الحسن بجفوفك الخير
خيرك ماخرب
علمت العرب
من خانو علي
سهمك هل وصل
/////
خامس بالخلافه انعدك اشلون
ياثاني الذهب وتكحل العيون
الرابع بالكسا خلهم يعرفون
اليقين هواي يفرق عن الضنون
يوصفك ياوصف
نوكف ب الأف
تاريخ مجد
يشع منه الامل
/////
يقين ومعتقد من دفعت الباب
چعده كملت للراده خطاب
من يوم السقيفه وذيج الاصحاب
مخطط للحسن بچد ينصاب
مسموم الحسن
من ذاك الزمن
يم صوب النهر
مخطط للكفل
/////
گالو عل حسن موگد الاسلام
يرمون بحجر وبيوتهم جام
اهل كفر ونفاق وربهم اصنام
عفن تاريخهم من تقرآ بالثام
باجر والامس
نلقنهم درس
من ظهر الظهر
بالنطفه الخلل
مهند الشمري
ويلي اعليك يبن امي يادمع الذي ايردك
لو ما تشبه القرأن جا ما كطعو جبدك
.......
ياخويه الحسن سموك وانه اتكطعت جبدي
رايح وين اخذني وياك غيرك جم حسن عندي
ما استاهل انه افرك بعدك وين اضل وحدي
من هسا الطفوف اتقوم و زينب باليسر تبدي
حار السم خويه اعليك بلجن دمعتي اتبردك
لو ما تشبه القرأن جا ما كطعو جبدك
.......
باجر لو يمر عاشور الزم ظهري واتحير
ردتك للخيم حماي لمن تهجم العسكر
ردتك عون اليه اتصير وي عباس المشكر
شمحله الطف لونك بي ما يتكطع الاكبر
بغضا بمك الزهراء وبحيدر علي و ضدك
لو ما تشبه القرأن جا ما كطعو جبدك
.....
جبدك بالطشت هاليوم وراسي بالطشت باجر
مرتين انكتبلي الموت مره وياك اضل حاير
ومره بعاشر بعاشور صدري ايهشمه الحافر
ساعتها العيال اتيه واهنا لوعة العاشر
لو تحظر يخويه وياي زينب تحتمي ابسدك
لو ما تشبه القرأن جا ما كطعو جبدك
....
ياريحة ابونه الحيد وابوجهك علي انشوفه
اشعنده السهم وياي حته النعش ميعوفه
نعشك بالسهم يرموه وراسي بحجر بالكوفه
وبعين الكفيل اينام سهم وينكطع شوفه
وياهو الي يحشمك كوم لو من كبرك ايكعدك
لو ما تشبه القرأن جا ما كطعو جبدك
.....
باجر تنكطع جفين ايسار الكافل ويمناه
يالحسن لون وياه محد يجرء ويدناه
عندك خل نصير اجنود والطف نختصر ملكاه
مَلك اعله الخيام اتصير و زينب تطمئن والله
بعناد النبي وجبريل ماخلو نفس عندك
لو ما تشبه القرأن جا ما كطعو جبدك
.......
بمعركة الضماير جان سيفك بالحرب وحده
والوادم شراها ابليس سمعو كل حجي العنده
بس صوتك ولاسمعوه ماي ابكربله اتبده
و من فجعت محمد بيك مدري اشحصلت جعده
من شافو محمد بيك كالو بغضا ابجدك
لو ما تشبه القرأن جا ما كطعو جبدك
......زهير الابراهيمي