7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يگلبي بلوعه للمحسن وُمُسجد
الباري للوحي اليهبط وِمَسجد
علی اعتاب الصفت كعبة وَمَسجد
لل احزان بليالي الفاطمية
الجناسات
للمحسن وامه اسجد .. للمحسن وامه اسجد
ايماء له ان يسجد .. وُمه اسجد
المسجد .. وَ مسجد
ام محمد الحجاج
هوسات الى الزهراء ((ع)) اليلة ستشهادهه
امي حملت وانه انرهن حيلي
للغرب ضعنهه صحت ياويلي
حرام الجان غمضت ونمت اليلي
((اليله الزهر/ امغرب حاديهه))
ابليل اضلم يوسفه من سروبيهه
وصوب المكبره امي شال حاديهه
يادفانهه حط عينك عليهه
((بهداي امشو يادفانه ))
يمه المكبره مكروه طاريهه
محمله ام الوفه ونامت براضيهه
وين الكابلتني و لطمت عليهه
((تستاهل دم نبجي عليهه))
عيني على الحنينه تبجي دموم
نامت بالكبر والكبر ميشوم
عافاهه ورجع حيدر الجيدوم
((حيدر ينحب ويون اعليها))
ابو الحسنين ودعهه بالتراب
ومن عدهه الكلب يازينب نصاب
منهه ايس يوسفه داحي الباب
((حيدر كطعاهه/ الضنه منهه))
لخادمة ((ع ))العلويه ام اياد لا يجوز حذف الاسم
هالخدمه صارت للخلگ نعمه
خير متاع الاخره الخــــــدمه
~
هاي.. نعمه من ربنا
هاي.. يابشر حــــبنا
هاي.. هيه مذهـــبنا
بالحشر چفة الخدمه اشگد ثگيله
ايبرد اجهنم دمعنه الي نـــــــسيله
الخادم اتحظره الزچيه وتعــتنيله
واحنه غير الزهره ماعدنه وسيله
كون العمر وي فاطمه انختمه
خير متاع الاخـــره الخــــدمه
~
ريت.. الها نتــــوفق
ريت..ابحبها نتوثق
ريت.. صكنه يتصدق
عدنا بالتاريخ اسامي عالميه
الناس تدّاول اسمهم كل مسيه
مثل قنبر من خدم حامي الحميه
والله يرحم فضه خادمة الزچيه
والصفه نيته يرتقي بِسمـــه
خير متاع الاخره الخــــدمه
~
كون.. نعتني اعنايه
كون.. نــــرفع الرايه
كون.. نوصل الغايه
واحـنه واحـدنه تضل كل امنياته
ابخدمة اهل البيت تخلص كل حياته
الچان بالدنيا الخدامه من صفاته
ابخدمة الزهراء يبـــقه الحد مماته
يرضي الزچيه هذا كــل همه
خير متاع الاخره الخــــدمه
~
نور.. تقبل الزهره
نور.. خدمة العتره
نور.. وافهم العِبره
راحـه نفسيه الخدامه للموالي
الف هنياله الصبح خادم مثالي
ولو سمع مغرض حچه لامايبالي
النيه خدمة فاطمه اول وتالي
بالخدمه يبقى منطي هالكلمه
خـــير متاع الاخره الخــــدمه
~
دوم.. ماتـــــركناها
دوم.. عشنه وياها
دوم.. رتبه شلناها
راحة الدارين هالخدمه العظيمه
الف هنياله الوفه الزهره الكريمه
الخدمه ياوادم تراها اكبر غنيمه
ياهظيمه الي خسرها ياهظيمه
الزلمه ابخدمته ينحسب زلمه
خـــير متاع الاخره الخـــدمه
~
صوت.. ننطي للغايب
صوت.. شاب والشايب
صوت.. الطلعته انراقب
ندعي بارينا يعجل في ظهوره
ابهل مجالس نرتجي المهدي حظوره
ايكحل اعيون الخدم من فيض نوره
الكربلاء نگصد سوه حسينه نزوره
يمته ابـــــــظهوره ينقذ الامه
خـــير متاع الاخره الخـــدمه
~
حيدر بشار الدراجي
عـلى الغـيره يـهاشم هایبتکم
وانا اعرفها الکتـايب هايبتكم
العلی الناگه یسیره هایه‌بتکم
ظعنها وروسکم یحدن سویه
هادي الامغيطي البوغبيش
اشنفع ويه الدهر يحسين لمنه
شـمـلنـه اتـطـشر ومـافـاد لمنه
گبل كل فزعه چنه انروح لمنه
وهـسه اشـلـون نـفزع یــانویه
هادي الامغيطي البوغبيش
الجفن ماینشف امن الصار یمه
وکل ساعه یصیح الحـسن یمه
اشحـال الــذي ايــسطرون یمه
والــدته وتطــيح اعلى الوطيه
هادي الامغيطي البوغبيش
موشح للزهراء عليها السلام (وانتي بعيده)
اشلون اطب للدار وانتي بعيده
افراگج ايبز الگلب ماريده
يعمي شوف العين ويبز الگلب
ماردت فرگاچ يايمه صعب
من اصد الحجرتچ دمعي يصب
وجرحي يسعر ياضماد ايفيده
اشلون اطب للدار وانتي بعيده
وي جرح فرگاچ يرهم ياضماد
يمه راح اگضي العمر نوح وسواد
ليش شلتي وعود اريدچ للشداد
وليش عفتيني يتيمه اوحيده
اشلون اطب للدار وانتي بعيده
ليش عفتيني يتيمه وضايعه
شيحمل افراگچ مصيبه وفاجعه
وين صوتچ راح خليني اسمعه
شلچ بنوم الگبر والبيده
اشلون اطب للدار وانتي بعيده
شلچ بنوم الرمل والمگبره
يومچ يبز الگلب ويفطره
وبضواچ الدار چانت مزهره
والتموت امه بعد شيهيده
اشلون اطب للدار وانتي بعيده
التموت امه بعد ماينجبر
ينهدم حيله ويطيح وينكسر
ايساعده الله النزلاها بالگبر
يلطم وغير اللطم مابيده
اشلون اطب للدار وانتي بعيده
يلطم بعبرات ويصيح بونين
شالت وشيجيبهه ام گلب الحنين
ٱه يالصابو ضلعهه الظالمين
والصواب البالضلع شيفيده
اشلون اطب للدار وانتي بعيده
اشلون ضلع الطاهره گولن يطيب
شافت المحسن وگع فوگ اللهيب
ماتت وحيدر علي صبح غريب
بس ينوحون الحسن وعضيده
اشلون اطب للدار وانتي بعيده
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
شد حيلك يداحي الباب .. الحزنك والدمع حضره
هاي آخر ليالي وياك .. راح اتودع الزهره
✳✳✳
زهرة عمرك الزهراء .. منك تنگطع گوه
ياحيدر اوياها تروح .. كل ايامك الحلوه
تفاحة محمد هاي .. بعدها عمرك شيسوه
تدري الفرگه يابوحسين .. صعبه وظهرك تكسره
✳✳✳
حبيبة گلبك ام احسين .. يابوحسين داويها
شمسوي بصدرها الباب .. كلش حيل ماذيها
توجع لجمة البسمار .. ماتبرد يواليها
شمعة بيتك ابلا نور .. شلعت عينها السطره
✳✳✳
بعد جم يوم ياكرار .. راح تشيل عن دارك
تشكي اهمومك اليابير .. بعد وتحفظ اسرارك
احسب ياعلي من اليوم .. بس لاحزان خطارك
تدفن فرحتك ياحيف .. وجرح دلالك شكبره
✳✳✳
تدفنها وترد للبيت .. بس من ترجع شترجع
دافن كوكب الزهراء .. بوجهك ياشمس تطلع
تطب للبيت من ياباب .. تشوف آثارها وتسمع
زينب وين امي تصيح .. وبطور الحسن تقره
✳✳✳
والمحسن يبوالمحسن .. كبل لا تكله اسم الله
مستشهد يحيدر طاح .. واعليه الوحي صله
فاتحتك جبيره تصير .. تفكد بت رسول الله
وبعد ماظن يصير افياي .. الك لو طاحت الشجره
✳✳✳
علي حسين المنصوري
الشاعر الحسيني ظاهر حبيب الهليجي (للسيدة فاطمة الزهراء ع)
وداعاً فاطمه الزهره
وداعاً فاطمه الزهره
*
الله وياج رحتي وضلعج امهشم
حدر الگاع ما يبطل نزيفه الدم
وجرحج للحشر مولاتي مايلتم
عله أصحاب السقيفه لا ولايبره
وداعاً فاطمه الزهره
*
رحتي وريحت الدخان بثيابج
وبگلبج سعير النار من بابج
ولحد هسه دموعج تشكي بعتابج
والمحسن مصابه بداخلج جمره
*
غفت عينج غضب من ذاك اولهم
وذاك الي هجم عل دار صاحبهم
تظل مشؤمه للتاريخ سيرتهم
غايتهم نوايا السوء للعتره
وداعاً فاطمه الزهره
*
حرگوا بابج وبابج بقه قبله
عليه مكتوب كلا كلا للذله
اليريد الحق يقره وهوه يندله
وتاريخ المزيف ينتهي امره
وداعاُ فاطمه الزهره
*
ظلموج بقساوه صحبة المظهر
ولا راعوا أحاديث النبي الاطهر
المعروفه فدك موروثه للكوثر
اولهم اخذها وأتضح غدره
وداعاً فاطمه الزهره
*
وحگ حيدر علي يابظعة المختار
عهد يبقه الدمع لمصيبتج مدرار
وعله مصابج نخلي عل صدر آثار
الجفوف الأيد تبقه علصدر ذكره
وداعاً فاطمه الزهره
*
يظل ضلعج ألم بينه أعله طول البين
ماننساه للمحشر وحك حسين
وألج مهما نقدم احنه المقصرين
اشفعي بيوم نار الباري مستعره
وداعاً فاطمه الزهره
#طور_إسمع_عتابي
#الهجوم على دار السيدة الزهراء ع
#لسان حال الزهراء ع
نار اعلى بابي
والزَم حِجابي
آ يا مُصابي
خانوا الوصيّه
بابي ادفعوها
بنار احرَقوها
ضلوعي اعصِروها
وادفع بديّه
ل محسن عويلي
يا عيني سِيلي
هدّمُولي حِيلي
طِحَت بوطيّه
الحاقِد هِضَمني
مْنِبني حَرَمني( مْنِبني _ من إبني)
وقَنفُذْ لِطَمني
اش أذى بيّه
نفس النّواصِب
بطفّ النّوايب
تِذبَح حبايب
في الغاضريّه
🖊️خادمة أبي الفضل
دار النبي
هاجموا دار النبي وحرگوها
وفاطمه تحت الظلع صابوها
صابوا البضعه عجب تحت الظلع
نسوا عنج فاطمة شگـال الشـرع
شوصى ابو ابراهيم گومه و الجمع
بسرعه ليش اوصيتك نكروها
ـــــــــــــــــــــــــــــــــــــــــــــ
وين غايب ياعلي فحل الفحول
بيوم نادت فاطمه الزهره البتول
ادري يابو حسين وصاك الرسـول
فلـــذالك فاطــــمة غــدروهــا
ـــــــــــــــــــــــــــــــــــــــــــــــــ
يشهد التاريخ مهشوم الصدر
ويلي واويلاه من اهل الغدر
الخاين يجــــازيه الله بالحشر
شلون بت المصطفى تسطروها
ـــــــــــــــــــــــــــــــــــــــــــــ
انخبطت الدمعات وي فيض الدمه
عين تدمـــــع عين صاباها العمه
اه ... والبسمـار عـذب فـاطـمـة
وطاح طفل الطاهره وحرموها
ـــــــــــــــــــــــــــــــــــــــــــــــ
زينب تنادي يايمه امصيبتچ
ما جرت عالناس والله قصتچ
لاتخــــلينه يايمـــــــه امروتچ
الروح ما تحمل ترا يهجــروها
ـــــــــــــــــــــــــــــــــــــــــــــــ
اليوم كل شيعي لبس ثوب الحزن
حاضر التشـــــــــــيع حاضر بالدفن
ابد مايــــــخسر عليچ اللي يـــــــون
انتي رحــــــــــــمة ومرحمة يسموها
ـــــــــــــــــــــــــــــــــــــــــــــــــــــــ
اسئلچ يادار وين امنه مشت
و العيون امن البچي اعليها عمت
الشيعه تسئل وين گبرچ حشمــت
وين اهـــل ام الحـــــسن دفنوها
الشاعر .. فاروق الغنامي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
وَقَفتْ وَطَاحَتْ ثمَّ هاجَ بِقلبِهَا
حُزنٌ عَجِيبٌ مِنْ روايةِ كَربِهَا
لمّا نَعَى النَاعِيْ وَصَاحَ بِقُربِهَا
(يا أهل يثرب لا مقام لكم بها
قتلَ الحسينُ فأدمعي مدرارُ)
____
قَالَتْ أَبِشْرُ لِمَ المَلَا تَتَفَرَّجُ ؟
وَحُسَينُ أينَ، عَلَيَّ لِمْ لَمْ يَعرَجُ؟
فإذا يقولُ لَهَا بصوتٍ يَنشِجُ
(الجسم منه بكربلاء مضرجُ
والرأس منه على القناة يدارُ)!
#ياسين_التوبي
عظم الله لنا و لكم الأجر الأجر وأحسن العزاء بمناسبة استشهاد السيدة ام البنين عليها السلام
#النجف_الاشرف
بهاي المجالس والعزاء
يالمهدي نسألك الدعاء
ـــــــــــــــــــــــــــــــــــ
يالحبك ظل ساكن كل هاي المهج
وبأسمك مــولانا كل شيعي ابتهج
وندعيلك كل ليله ابتعجيل الفرج
يالتدري بدنيانه مـــــــاليهه الهرج
بيدك مفــــاتيح السماء
يالمهدي نسألك الدعاء
ـــــــــــــــــــــــــــــــــــ
ابكل جمعه يالغايب ننطيك العهد
ونبايع ونعــــــــــاهد مانخلف أبد
وندعي الله ايثبتنه بهـذا المعتقد
وخسران العن دربك مـولانا ابتعد
ننخــــاك ياباب الرجاء
يالمهدي نسألك الدعاء
ـــــــــــــــــــــــــــــــــــ
بمجلسنه المتواضـــــع نتمنى تِمُر
اتمر بينه وانفاسك للمجلس عطر
لـــــو نعلم لاوینك گاعـــد مستقر
ونصلي للباري سجـــــدات الشكر
ننتظـــــرك بدمعة بكاء
يالمهدي نسألك الدعاء
ـــــــــــــــــــــــــــــــــــ
هالمجلس كالحضره وجامع شيعتك
ياســــاعه مولانا ننظـــــــر حضرتك
وعالمنبر يالحجه نسمــــــع خطبتك
اشتاگينه تدرينا اهـــــــواي الجيتك
وبيمينك ايرف اللــواء
يالمهدي نسألك الدعاء
ـــــــــــــــــــــــــــــــــــ
يالگلبك لحسينك دامي ومنفجع
وتندبه كل ساعه وتهـــــل الدمع
من الحافر يالمهدي ماضل بي ضلع
والخاتم بچفوفه راح اويه الصبع
نقسم عليك بكــــربلاء
يالمهدي نسألك الدعاء
ـــــــــــــــــــــــــــــــــــ
حيدر بشار الدراجي
كعديه للسيده الزهراء (ع)
ماراعو أبد الله وكتابه
وسفه من نسميهم صحابه
ظالم جاب ظالم
كسرو ضلع فاطم
وسفه من نسميهم صحابه
١
هجمو اعله البيت زمره بيت وحي الله ونبيه
بيت بي كل الملائك تنزل وتاخذ تحيه
بيت بي وصه محمد وما احترموها الوصيه
داسو البيت وعتبته
زمره بجهل من دخلته
دوست بخت يادوسته
بيت حيدر والزچيه
بيت الوحي ماراعو حرمته
ناس اشرار داسوها العتبته
مابيهم مسالم
كسرو ضلع فاطم
وسفه من نسميهم صحابه
٢
لعد بيت الزهره وادم حضرت بخسه وعماله
وهذا بيت الزهره هذا بيت من الله كماله
ولو ردت تأكيد مني يعني بيت النبي وآله
جابو حقدهم والحطب
ياللأسف ياللعجب
والسبب معروف السبب
من اجل ضرب الرساله
ليلة فاطمه ليله رهيبه
شكو اكبر بعد من هالمصيبه
ذوله مو أوادم
كسرو ضلع فاطم
وسفه من نسميهم صحابه
٣
طاحت وتنحب الزهره اتشوفها وميسر وضعها
بين دفعه وبين عصره
طاحت ولزمت ضلعها
الطاغي خلف الباب واكف بالحقد لمن دمعها
وامتدت اچفوف الغدر
مابين لحظات الصبر
والزهره لازم وتنعصر
انعصرت وهلت دمعها
ايده انشلت الطاغي انضربها
ليش الزهره صوبها بگلبها
واتريد العلايم
كسرو ضلع فاطم
وسفه من نسميهم صحابه
٤
بين دمعه وبين حيره وبين الآم المصايب
وبين دفعه وبين لوعه
وبين اسرار وعجايب
طاحت وطيحتها طيحه والگلب ياوسفه ذايب
ما راعو املاك السمه
ذوله العصابه المجرمه
بالباب عصرو فاطمه
والمن اتوجه تعاتب
لعنان السمه رفعت نظرها
تشكي الباري من ذاك السطرها
ذوله اهل الظلايم
كسرو ضلع فاطم
وسفه من نسميهم صحابه
٥
اخر احزان المصيبه واخر احداث القضيه
اتموت معلوله بقهرها بحزن وهموم واذيه
دخلو اعليها العصابه
بأسف هجمه ناصبيه
دخلو عليها بيا وضع
ماراعوا احكام الشرع
وداسو على أشرف ضلع
ورحلت الليله الزجيه
املاك السمه الليله بحزنها
للزهره تون هيه وبنها
شر الدنيه دايم
كسرو ضلع فاطم
وسفه من نسميهم صحابه
المصيبه
هاي اخر ليله جانت بين حيدر والزجيه
يودع ابدمعات عينه فاطمه هاي المسيه
راحت وأخذت وياها ذكرياته بكل عزيه
وحيدر بقه يهل الدمع
عايش حياته بيا وضع
بين الآلم بين الضلع
من يصد للباب ينظر نار احزانه الشجيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
لطمية ختامية لنهاية العزاء من ديوان معاني الحزن الجزء الثاني ( عوانه ولطم زين )
الزهره اتريد ... عوانه ولطم زين
لمصاب الحسن وامصاب الحسين
وللعباس ضل بدون چفين
وراسه بالعمد مطبور نصين
عمت عين السهم صاباه بالعين
زينب صبحت بين الملاعين
اتلم اطفال واتباري النساوين
وين تبات مهجومه الصواوين
محد گالهه شعندچ تحشمين
تصيح بصوت يخواني الشياهين
للجلسات راحت والدواوين
يگلهه ايزيد چا ذيچ الزلم وين
رضوا للشام مسبيه تطبين
هضمنهه وعمنهه امصايب البين
وخلت عالرمل واحد وسبعين
حيل اوياها الطمي لاتبردين
لطمنه اسنين مارجعوا الميتين
باچر بالگبر وحدچ تضلين
ماواحد يسمعج من تصيحين
بس واحد يحضرچ من تخافين
يحضرج حيدر الكرار ابو حسين
( حتى الجوه الگاع يصيح ادخيلك حيدر )
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
حان الوداع ... يا علي يا با الحسن
......
١؛؛؛؛؛؛؛؛
امسح يا علي ادموعك
كاسر كَـلبي موضوعك
دير العين إليه
بطل يا شهم ونك
مو بيدي ابتعد عنك
محسومه القضيه
مو سهل البُعد ادري
يابو اعيالي يا عمري
بس شنهو البديه
موتي كَـرب يابا الحسن ودعني
بيدك اريدن يا علي اتشيعني
والكسرو اظلوعي متحضر دفني
حان الوداع ... غطي وجهي بالجفن
حان الوداع ... يا علي يابا الحسن
......
٢؛؛؛؛؛؛؛؛؛؛
اصبر يا علي الموتي
ساعت ينكَـطع صوتي
غطني بالعبايه
لتّبين أبد كسرك
زينب واكَـفه اتنظرك
يا حيدر ورايه
هَون امصيبتي اعليهه
صير ام وأبو ليهه
يالبيك الكفايه
زينب امانت فاطمه يحيدر
أوصيك بيهه وانت كَـدهه واكثر
طبعك حنين وبيك اظلن افخر
حان الوداع .... فاركَـنه هالزمن
حان الوداع .... يا علي يابا الحسن
......
٣؛؛؛؛؛؛؛؛؛؛؛؛؛
يا حيدر يضي عيني
حالك حيل ماذيني
يا نبع الأماني
ما متعوده يالغالي
هيج انظرلك اكَـبالي
يا حجة زماني
اصبر يا بعد حيلي
وراكم دفنتي ابليلي
ميته الليله اني
تكَـصر حياته المنه كسرو ضلعه
هذا الخبر يصعب عليك اتسمعه
ادري ولكن عمري ما بي رجعه
حان الوداع .... اشموع ايامي طفن
حان الوداع .... يا علي يابا الحسن
......
٤؛؛؛؛؛؛؛؛؛؛
تدريني اعشكَـ احروفك
لو صح بيدي ما عوفك
بس هذا قدرنه
انه أدخل الكَـبري
وانت يا بعد عمري
اتخلص العمر حنه
وحشه اسنينك ادريهه
من بعدي وتكَـضيهه
ونه ابأثر ونه
صعبه ادري مو هين وداع الزهره
شكرآ الك ما قصرت بل مره
خلصت حياتي اوياك بجمل عشره
حان الوداع .... هنه ساعات البقن
حان الوداع .... يا علي يابا الحسن
.......؛؛؛؛؛؛؛؛؛................
✍️🏻 كلمات موسى الخادم
فقد الزهراء عليها السلام
لسان حال مولاتنا زينب عليها السلام
بين الحين والحين تذهب لباب الدار تری اثار الدماء لاتزال علی الجدار
كاني بها ..
هاي آثار دم امي العله الباب
هذا رماد شيلتهه البلعتاب
🏴🏴
صوب الباب اروحن وكت الغروب
چن طير وغريب ايحوم بالبوب
للبسمار اصد وروحي اتلوب
صاير ملتوي چي بلضلع طاب
هذا رماد شيلتهه البلعتاب
🏴🏴
بلمغرب حزنهه يثگل الروح
اريدن حيل للونات والنوح
عله امي الماتت اتون امن لجروح
غميجات او ولا منهن جرح طاب
هذا رماد شيلتهه البلعتاب
🏴🏴
تگضي المغربيه وخييم الليل
لادمعه التظل او لايظل حيل
ليل الفاگد امه يوجع اطويل
كلش يوجعني الليال الغياب
هذا رماد شيلتهه البلعتاب
🏴🏴
يفلشن حيل روحي ليال الفراگ
لوجه امي وسوالفهه الگلب طاگ
مرورة فرگه ومرورة يتم ضاگ
ال امه اتروح يبگه بعازة احباب
هذا رماد شيلتهه البلعتاب
🏴🏴
بيّه جروح بس بچفچ تهيد
بوجهچ چنت الآگي بكل صبح عيد
من دنياي غيرچ كلشي ماريد
جمر الباب بعده بگلبي لهاب
هذا رماد شيلتهه البلعتاب
هاي آثار دم امي العله الباب
يازهراء
لعن الله الاول والثاني
ومن تبعهم من الاوّلين والٓاخِرين
عظم الله لنا ولكم الاجر ياموالين
ام محمد الحجاج
مقطع صوتي من حيدر بشار الدراجي
Читать полностью…
أبيات #نعي لمولاتنا
الزهراء عليها السلام 🌹
.
.
يشح عنّه الصبر للگلبه مكسور
و بجمـر الغضى للدوم مجمور
مشتاگ الگلب يحضرلچ يزور
لچن ظل النظـر يتلفت يـدور
گبرچ مختفي من دون الگبور
................
................
بگت يايمه تعصف بينه الاشواگ
وما نحمل يزهـره اعليچ الفراگ
علـى اغيابـچ گلبنـه بنار خفّاگ
كلـف صبره الذي دلّالـه يشتاگ
وما تشفى ييمه اجروح الغماگ
................
................
نريـد انــزور و انقيــم العزيــه
علـى مصابـچ يزهـره بهالرزيـه
نصيح بصوت و انسمـع البريـه
تـرى كسروا ضلع ليـهـا الزچيـه
وطفل بالعصره يوگع عالوطيه
................
................
الگلب مجمـور ما يبـرد غليله
وتظل روح الحسن دونچ عليله
مُصابــچ ما نسينــاه يالجليلــه
وعلي مفجوع لدموع العقيلـه
وحسيـن الدمـع أحمر يسيله
................
................
بليل أظلم يزهره انشال تابوت
و علي من الرزايا گلبه مفتوت
ينادي منفجـع وبعالـي الصوت
حسافه يالزچيه ياخـذچ مـوت
وبيتچ محترگ من دون البيوت
................
................
✍🏼 علي نوري الحلفي
يااخر البدور
عجل لنا الظهور عجل لنا الظهور
*
يمته مولاي الفرج يبن الحسن
تمادت اعلينه الكفر واهل الفتن
صافحوا مرحب ترى بهذا الزمن
وغيروا ياسيدى كل السنن
قد قطعو النحور عجل لنا الظهور
*
غيروا سنة نبينا ومايريد
وانت تعلم بالجري وعلي شهيد
عالمنابر صعدت الجانت عبيد
فلا بهم غيور عجل لنا الظهور
*
يابو صالح كلمة الحق كلمتك
وهيبة الكرار هيه هيبتك
تعلم بكل جمعه ننطر جيتك
وبدعاء الندبه ندعي لرجعتك
وجودك سرور عجل لنا الظهور
*
انت ثار الله ياابن الطاهرات
همومك بكد الجبال الراسيات
يعينك الباري اعله هاي المعضلات
وعينك تشوف الظلم من الطغاة
كلهم غرور عجل لنا الظهور
*
رايتك راية كفيل العايله
الك ضمها الكمر في طف كربله
من تجي ترفعها يابو المرجله
بيمنتك يللي تعدل المايله
ياحر ياصبور عجل لنا الظهور
*
الحاربو جدك على المرتضى
تدري بيهم هجموا اعله الرافضه
سل حسامك والجمعهم رضرضه
والعداله انشرها في أرض وفضا
لك العين تدور عجل لنا الظهور
*
ابومحمد العاشور (07810010732)
لزم گلبي الدهر وبنار وياه
وكل ناعي اليوم ونيت وياه
اطبگ كل ثلث حسرات وياه ( وي آه )
هجم بيتي شكثر آهات بيه
✍شاعرة اهل البيت
ام ريام دخيل الركابي
الضلع بالـعصره انكسر
وكلبي حـسيته انفـطر
ما رحـم حـالي الـدهـر...........ودعتها
==============================================================================
1️⃣
كـسرت اضـلـوع الـزجـيه حـولت بأحـوالي
حـايـط وبـاب وشـمـاتـه وغـربـه تـتـراوالي
ايدي فوك ضـلوعي احطها والحزن يبرالي
منكسر ظـهري بمشيتي وكل صورها ابالي
~~~
كلشي ضيعته ورحل
راجـــع ودافــن أهـل
انـحـنه اليـوم الـظـهر ..........ودعتها
==========================
2️⃣
الـناس تـدري اباب خيـبر عـاليه ومرفـوعه
بجفي هندسة الحرايب وأصبحت مقلوعه
هسـه تاليـها انكـساري بدمعتي المفـجوعه
فاطـمة يا وسـفه صـارت بابـها المـدفوعـه
~~~
من بجت عيني بدمه
يعـني مـاتـت فاطـمه
وكل جـرح هاج وكبر..........ودعتها
==========================
3️⃣
حـامي جاري يلقـبوني وبالـشدد ما عوفه
وبالحرايب عالي صوتي وبالعساكر خوفه
وصوت فاطم من سمعته عذبتني حروفه
وما حضرت وياها اسند والكسر ما شوفه
~~~
ويعله ونـهـا وينـسمع
تصيح يا فـضه بدمع
وشـكـثر شـايـف قـهر...........ودعتها
=========================
4️⃣
صـرت حـلال المـشـاكل بالـصبر كاضـيها
وبالحـرب شاهـد زماني الضربة ما ثنيـها
ايدي مـجتـوفه شفـتها والحـزن غاطـيها
من مـحمد هالوصيه صعبه اخـالف بـيها
~~~
وناري تـسعر بالكـلب
كلشي يا عالم صعب
وكلبي عالـفركه صبر...........ودعتها
=========================
5️⃣
اخـتلف كلشـي ابـسفرها حالتي والواني
اغسل بدمـعي وسـولف والصـبر عنواني
والضلع مكسور اشوفه اتعثرت بأحزاني
ينتهي عمري بجـفاها ويبقه كلبي يعاني
~~~
راحت وعافت حـجي
وترسـت دياري بجـي
ابخـدها عـاينـته الاثر..........ودعتها
=========================
6️⃣
ايدي من حفرت گبرها كوه اشم انفاسي
وكل مصايبها الشـفتها تـجرح باحساسي
شيـب حـسره عـليها وكـله ابيـض راسي
ابليلة الوحـشه كعدنا ويا عـتبنه القاسي
~~~
راحت الـجانت ضوه
وبـعد ما نرجـع سوه
ويا حزن بينه استقر...........ودعتها
=======================================
محمد خشان ✍️
=======================================
فائزي لشهادة الزهراء عليها السلام نعي جبرائيل عليه السلام
جبريل ينعى بالسماوات العليه
وا ويلي ماتت بضعة الهادي الزچيه
جبريل نادى والدمع يا حيف مدرار
ياملاك قوموا بالعزا الحضرة المختار
ماتت الزهره والفلك مثل الرحى دار
ماتت وابوها المصطفى ناصب عزيه
ناصب عزيه بالقبر أحمد الهادي
يجري على البضعه دمع عينه وينادي
هاليوم ذابت يا خلق مهجة افادي
مفجوع قلبه المصطفى خير البريه
ناصب عزيه المصطفى بهاي الفجيعه
بقبره يون ويصيح والمهجه وجيعه
ويقول ماتت بالغدر بنتي الوديعه
ماتت الزهره من ضرب ذاك الدعيه
عاشت كئيبه ويكسر الخاطر وضعها
ولليوم من ضرب الكفر ماخف وجعها
وماتت ابعصر الباب وبكسرة ضلعها
ياحيف ودمعتها على الوجنه جريه
ماجت عليها بالبچا سبع الأراضين
يقولون ماتت يا وسف أم الميامين
وتيتموا بعد الوديعه الحسن وحسين
وزينب الحره امخدرة حامي الحميه
بضعة رسول الله ترى ماتت يالملاك
وتزلزل العالم ياويلي والعرش باك
وضجة يتاماها عليها امعطله افلاك
والكل ينادي ردي يايمه عليه
يكسر الخاطر حال زينب وامِ كلثوم
اما حسن وحسين يبچوا بدمع مسجوم
ينادوا عسى امنا بالسلامه لينا تقوم
ومنها عسى مايقترب طير المنيه
وحال الوصي الكرار مثله ما جرى حال
نوبٍ يون للغاليه ونوبٍ للطفال
يبچي ولا چنه البطل خواض لاجال
ونار الحزن تسعر وسط قلبه لظيه
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي وذويه مع الصلوات
لطميه للزهراء عليها السلام
المستهل
جينه انصيح - يازهره يمظلومه
ضلعج منكسر ومبينه اورومه
🩸🩸🩸🩸🩸🩸🩸🩸
جينه للعزه انعازي ابنيتهه
امها من الصبح شالو جنازتهه
وبليل الدفن ماندري دفنتهه
{ امضيعينه / الكبر اعلينه }
🩸🩸🩸🩸🩸🩸🩸🩸
شالت والبنيه اتنوح حزنانه
ناحت عالزچيه وحيل تعبانه
تكول امنه الحنينه نريدها ويانه
{ احنه بعوز الها / ردوها }
🩸🩸🩸🩸🩸🩸🩸🩸
مكسوره مشت لمحمد اليله
هضماها عدوها هل شفه اغليله
هاي ام الحسن خلوها اعليله
{ وتون ماكالت / كسروني }
🩸🩸🩸🩸🩸🩸🩸🩸
اذاها العدو ولضلع هل كسرو
صطروها اعله خدها والابو اذو
اوصطرو عينها والدمه يصب خلو
{ والباب اعليها / دفعوها }
🩸🩸🩸🩸🩸🩸🩸🩸
يمحمد يبويه اتكله كسروني
مكسورة ضلع يابوي خلوني
هجمو فوك داري ابصدري اذوني
{ يابويه ابنيتك / مكسوره }
🩸🩸🩸🩸🩸🩸🩸🩸
مكسوره اجيت والعين صطروها
ماكالو وديعه الباب دفعوها
اوبتك يا رسول اومايشيعوها
{ ولزهره اتون / ماشيعوها }
🩸🩸🩸🩸🩸🩸🩸🩸
تمت بعون الله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
من كالوا وأن لليوم ياناس
كل ليله أون مجروحة احساس
كسروا ضلعي بالباب
محسن فوك الاعتاب
اجوا البابي بس ماجابوا الخير ....اجوا بنار تلهب
يطلع خلي حيدر هذا تحذير ...لا والباري نغضب
لذت بالباب آنه...ستر الله وحنانه...بس طاغي زمانه
دفعها وهو يضحك
الزهره هنانه اسمع ...لجن بالقوه يدفع....وأنه هَليت مدمع
طحت وي طيحة الحك
بجيت أنه بنت طه نبيهم
شنهو الصار وابليس بحجيهم
مو هين هالصواب
محسن فوك الاعتاب
دمايه سالت وعالكاع اوكع...بعد مابيه كل حيل
وفوك الكسره اجاني بهذا حالي....وسطرني عالوجه حيل
ضربني وطحت للكاع....حرت من كثر الاوجاع....دين الهادي منباع....الجانوا صحبه باعوا
اجوني حسن وحسين ...وأنه دمعاتي بالعين ...احاول اخفي الونين ...فوگي اولادي طاحوا
اعليهم خوفي لا واحد يجيهم
ماهمي الضلع همب عليهم
يامعظم هالمصاب
محسن فوك الاعتاب
حسن يحسين اصيحن سندوني....علي مجتوف اشوفه
للمسجد خذوا حته يبايع.....يمه شلون اعوفه
نلحكه يله يمه ...علي مهدور دمه....النبينه ابن عمه...لجن ماراعوا الدين
مشيتي خطوه واوكع....وانهض لاجله ارجع...احاول بلكي يرجع.....ولي الله وحبيبه
اجاني بسوط عبده ...يكلي امر عنده...يرجعني وتعده
عَليه جن غريبه
يضربني بسياطه ضرب الاعداء
واكله طافي أنه تره الزهراء
المن ابدي العتاب
محسن فوك الاعتاب
صحت اكشف غطائي وخافت الناس...وعلي كلي اصبري
لحد ما حيدره ردالي للبيت ....وأنه مكسور ظهري
رجع بس خدي مسطور....خفيته جفي مجمور...الضلع من عندي مكسور....شلون اخفي دمعتي
اصلي ودمعي يجري .... خسف بسمار صدري....انذبح ياناس عمري ...جبيره شكد كسرتي
اخفي عني علي بس ولي يدرون
وكلما التفهت الهم ينوحون
شلون بهظم الاحباب
محسن فوك الاعتاب
اخيرا اجه يومي وباجر ارتاح....واخلص من وجعتي
قريت المحكم وما ضلت انفاس..واجت لحظه منيتي
اجوا اولادي يمي. ..اسمعت حاجيني يَمي...الحسن اشكبره همي... يتيم بزغري اصيرن
وبجه حسين بدمعته...امي امي ميته ..لعلي راح بحسرته
لعي بالموت احيرن
من شاف الحسين بدمع ينحب
علي طاح اعله وجهه وضعه يصعب
اخيرا جوه التراب
محسن فوك الاعتاب
تم بحمد الله تعالى
محمد حامد الأسدي
كلميني فاطمة.. انا علي
يغص الفاگد بصوره مو الا بشراب الماي
يخنگه الجان اله نسمه ويحرگة الي جان افياي
الفکد يكسر موازين العمر كله ويسوي الشويه هواي
يخلي الجان اله بكلشي مشوره وراي يصفگ بيده تايه راي
كلميني فاطمة.. انا علي
الج بين الضلوع يفز الف نتاك بيه لجمه
الج وين والج ياحيف الج ياروحي يايمه
علي تكلف تفاصيلج لو وجهج ردت رسمه
بي سطره وطبع جف جور بي عين ادمعت هضمه
كلميني فاطمة.. انا علي
يزهرة روحي يمراية علي البيها يشوف الكون
يضحكة بيت مات البيت وصار بغربته مدفون
بيه ساعة مناحة وليل عتب واولاد يتباجون
اليوديني الج لو طيف اصيرله شكثر ممنون
كلميني فاطمة.. انا علي
انغبگ وجهج يلب حشاي وطك ضلعج كصب ناعم
شكد لاحج لهيب النار النفس دخان يترادم
مامشيوفه يالدفعوج مثلج ماكو من ادم
وهسه اعله اللسن ينكال طبو واضربو فاطم
كلميني فاطمة.. انا علي
بيت الله انرفع شبرين من كال ال و ان ادفع
حرمة بلا خمار تصيح الحگ ياعلي واسمع
غضب رب العرش الها من محسن بده يوكع
عين الدنيا كلها دموع لمن فاطمه تدمع
كلميني فاطمة.. انا علي
__
طالب الصالحي
مقطع صوتي من حيدر بشار الدراجي
Читать полностью…
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
مولاتي الزهراء. ع
اتذكرتك فوگي الباب من دفعوها
عيني بچف ياعباس من سطروها
دمعاتي نهر
وينك يالگمر
من سطروها
+++++++++
زينب يمه هالمكتوب وصليه للگمر تالي
الى حضرة ابو النوماس عباس الوفي الغالي
خلني ابالك اعله الماي مثل ماجيتني ابالي
كلمن بچه زينب غاد يبني اعتبره چتالي
ضلعي ومحسن والعين هاي اخباري
ياعباس اعله الماي تاخذ ثاري
كاتلني القهر
وينك يالگمر
من سطروها
++++++++
مابين الحيا والموت وامشاهگ عله النسمه
انوي يا علي وما صيح ما اتمالك الچلمه
گلت هيچ الگمر عباس زينب باچر اتحشمه
مو بضلاعي لا لعيون التوجعني ترى الحشمه
اشگف عن عيني صواب صرت بحيره
لو الزم طرف حجاب يابو الغيره
وزينب عالاثر
وينك يالگمر
من سطروها
++++++++++
شحچي وعمري ياعباس چان 18 بعده
شده الحايط بمگفاي وعالباب الرفس شده
محسن مختنگ وياي مثلي حيل ماعنده
اوگع وانهض وعالگاع جمره بچفي تتعده
تطلع واترد بيه الروح واتمناها
ماترجع بس زينب اه يامبچاها
صوت اختك ظهر
وينك يالگمر
من سطروها
++++++++
صحت يا فضه مدي الايد من الگاع گوميني
ماشوف الدرب لاوين ماضل كل ضوه بعيني
زينب لاتجي وياچ وعن حسين ضميني
لو گال شعجب ممشاچ محني انتي وگفيني
ماريد انظر كون حسين دمعه بعينه
ناديله امك هسه بخير وتطمنينه
لا يحني الظهر
وينك يالگمر
من سطروها
+++++++++
بفراش المرض لويات واوجاعي تگلبني
حسين او لو نظر مبچاي نظراته تعذبني
عطشانه يگلي وگام بچفوفه يشربني
واگله دِين الك وياي ارجعه كون الك يبني
يم راسك يبني بيوم هم تلگاني
مو ماي اهناك ارويك دمع احزاني
لو شفت النحر
وينك يالگمر
من سطروها
+++++++
ثائر الربيعي
فضلج على راسي
يا أغله كل ناسي
ملَّكتج أنفاسي .... يا فاطمه
................................
١؛؛؛؛؛؛؛؛
ابحقج اشما ردت اسولف ... أشعر ابتقصيري
من بديت اخدم حضرتج ... إبتدأ تقديري
خيرج امغركَـني خيرج ... كله منج خيري
واعله نهجج اني باقي .... ما يهم تكفيري
ميهمني كل لايم
بس أنتي يا فاطم
بيج الكَـلب هايم ... يا فاطمه
.................
٢؛؛؛؛؛؛؛
انعم الله دوم اردد ... لحضه ما عفتني
والخدمتج يالأميره .. ابليله مِن جبتيني
اشلون اسددلج اديوني ... ما تكفي اسنيني
كلشي ما أستاهل انه ... وانتي وفقتيني
ما تنحسب هيه
افضالج اعليه
كَـد هوا البلريه ... يافاطمه
.............
٣؛؛؛؛؛؛؛؛؛؛
اني كلي اذنوب وانتي .. عني متخليتي
واقرب الناس الاليه ... هجر هجرت بيتي
شرد اجازيج واكَـلج ... وانتي روحي احييتي
فاطمه مولاتي شكراً ... مثلي من لفيتي
ميت جنت اني
عايش شخص ثاني
بس عطفج احياني ....يافاطمه
...................
٤؛؛؛؛؛؛؛
جنت وين اوين هسه ... بفضل عطفج فاطم
زاد قدري وأحترامي ... ابين هاي الوادم
وين ما حطت ركابي ... هلا بجيت الخادم
أستمع هالصوت بذني ... ودمعي ينزل لازم
كَـبلج منو ابحالي
هسه اصبحت غالي
كل ناسي تبرالي .... يافاطمه
.........................
٥؛؛؛؛؛؛؛؛؛؛؛
ما أعوفنج يزهره ... الدنيه لو ملكوني
سمعا وطاعه اكَـلج ... والعده ايسمعوني
على نحري السيف واصرخ ... أنتي نور اعيوني
فاطمه أبقى أردد ... ساعت ايذبحوني
يافاطمه ابموتي
عالي يضل صوتي
منج خذت قوتي .... يافاطمه
.............؛؛؛؛؛؛؛؛............
✍️ كلمات موسى الخادم
لبيك يا ثار الله ... يَعلو النِدَاء
............
١؛؛؛؛؛
باجر يسوي اسوايه ... بالحارب الزهره
والأول اويه الثاني ... يصلب على الشجره
ثاراته ما ينساهه .... بسم الظلع تبدي
ثورة غضب فقاره ... سطره ابأثر سطره
ثورة غضب ... تمحي الكفر ... ماكو اليفر .. منهه
مد البصر ... كد الأرض... طول بعرض ... حدهه
لبيك ياثار الله .... حان اللِقَاء
.................
٢؛؛؛؛؛؛؛؛؛؛؛
باجر يشوف الظالم... حدت غضب سيفه
وما يترك ابهل الدنيه ... واحد ذبح ضيفه
راية نصر مرفوعه ... بسمه ترف عالي
كلشي يصير ابأمره ... يمشي وعلى كيفه
كَـول وفعل ... قائد كلف .. ما ينوصف .. عزمه
كلهه تفر .. من غزرته .. ومن صولته . وإسمه
لبيك ياثار الله ... رفَ اللِوَاء
............
٣؛؛؛؛؛؛؛؛
باجر يعيد بجفه .... خيبر على الظالم
وباب الكفر يقلعهه ... بسم ام حسن فاطم
ما ينفع ابساعتهه ... لا توبه لا اسف
كلمن ظلم فاطمته .... ما يرحمه القائم
باجر يجي ... ابن الحسن ... لام الحسن ... يثأر
يا ويله من ... شب الحطب .. قد عاده رب ...
حيدر
لبيك يا ثار الله .... ثأر الدِماء
...................
٤؛؛؛؛؛؛؛؛؛؛
باجر عزيز الزهره ... منقذ يجي الناسه
والعاده شيعة جده ... مخليهم ابراسه
يا ويله كلمن حاقد .... راضي بكسر أمه
من صولته ما يخلص ... والخلق عباسه
مثل الوصي ... بيده يذل... اهل الجمل ... باجر
راية نصر .... يوم الفرج ... تحمل نهج ... عاشر
لبيك ياثار الله ... نَهجُ السَمَاء
...........
٥؛؛؛؛؛؛؛؛؛؛؛
باجر يأسس دوله ... بيهه العدل واضح
ما بيهه ضيجت خلكَـه ... بيهه الفكر سارح
والمهدي حاكم شعبه ... الواحد يحب واحد
كل حق يرده الأهله .... ما يبقى حق طايح
والمحكمه ... ابنص كربله... ايخبر المله .. المهدي
واول حُكُم ... كَسر الضلع ... حُكمه بدمع .. يبدي
لبيك ياثار الله ... في كربلاء
............؛؛؛؛؛؛؛؛؛؛؛..............
✍️ كلمات موسى الخادم