روايات يمنية📚🇾🇪

24 февраля 2025 19:53

.

البـارت 475 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


في بيت أبو همدان

أم همدان ترحب بهم فااارحة: حيااااا حياااااااا نور البيت والله

روان حطت الحلويات و حضنتها: منور بأهله الحمدلله على سلامتش يا خالة

أم همدان بحب: الله يسلمش يا عيوني

أم روان حضنتها: ألف الحمدلله على سلامتش يا غالية

أم همدان: الله يسلمكم ياااارب
وبلهفة وعيونها تداور على بنتها: وينها نجاة ما جت؟!!

روان: نجاة الآن مداومة في المستشفى معاها جلسة مع أبنش همدان تكملها و أبي يجيبها

أم همدان دمعت عيونها كيف بنتها تعالج إبنها بدون ما يعرفوا إنهم أخوة: وأنا كيف أشكرها والله لو أدي لها عيوني إنها قليلة

روان مسحت دموعها: هذا واجب نجاة ولو

زكريا و هيثم دخلوا بالمصروف: أمااااه

أم همدان بسرعة: لا تدخلوش ضيوفنا هنا

روان قامت: أيش من ضيوف الله المستعان صوت أكياس بيدهم

أم همدان: أيوة سارو جابوا مصروف عشان يطبخوا

روان أبتسمت: الله المستعان قلنا محناش ضيوف خليهم يدخلوهم المطبخ و أنا و أمي بنطبخ لما تجي نجاة و نتساعد

أم همدان برفض: لا لا لا ما يسبرش....

قاطعتها أم روان إللي خرجت لعندهم: الله يرضى عليكم يا عيالي حطوهم بالمطبخ و أنا و بناتي عندخل ونطبخ

هيثم: لا الله المستعان يا خالة أنتو إرتاحوا

أم روان: لا و الله ما تعسو و إحنا موجودات ولا عتغثونا و تزاعلونا

زكريا: لا و الله ما نرضاها، طيب وإحنا بنخرج عشان تشلوا راحتكم

أم روان: الله يرضى عليكم

الشباب حطو المصاريف و خرجوا وروان و أم روان دخلين المطبخ

@rewayatyamania المصدر الأول للروايات

في مستشفى أبو روان

جلس همدان في زاوية الكنب، نظره يشوف على نقطة بعيدة، وجهه شاحب و عيونه غارقة بظلام اليأس، يده ترتجف بشكل لا إرادي، و جسده واضح من ملامحه و كأنه يحمل هم ثقيل ما يقدرش الخلاص منه، و نجاة جالسة قباله، تحاول إنها تكسر الصمت إللي هو فيه و بدأت حتى تجاوب

همدان بصوت مبحوح ومتقطع: أحس إن أنا داخل دوامة ما تنتهيش، كأن كل الأصوات اللي في رأسي تقيدني، صوت أمير و صوت أمي، يحاكوني من حاجات مقدرش أهرب منها

نجاة بتعاطف و حزم: فاهمة إن هذا صعب يا همدان ، لكن أعرف أنك مش لوحدك، أنا هنا عشان أساعدك إنك تفهم بكل ما يحصل بداخلك، وعلى إنو نلاقي طريقة تخرج من هذه الوساوس إللي تتعبك و الظلام إللي بداخلك، قاتل كل شي داخلك يا همدان

همدان بإنفعال: لكن كيف؟ كيف تشتيني إنو أقاتل أشباح أشوفها وماهيش موجودة مش هذا كلامكم؟! كيف أبعد هذيك الأصوات اللي ما تتركنيش و تمزقني تمزيق يا نجاة

نجاة بصوت هادئ: الأصوات كأنها حقيقية، مش هكذا؟ وكأنها تهمس لك بالأسرار، لكنها جزء من مرضك، وهي ماهيش إلا جزء منك ، و إحنا ضروري نعرف كيف نميز هذه الأصوات، الأصوات الداخلية مع صوتك الحقيقي

همدان همس بحزن: أحياناً مقدرش أميز بينهم أحس إننا أخسر نفسي، و أحياناً إن روحي تخرج و أموت على شوية شوية

نجاة تشجعه: أنت قوي، همدان أنت هنا تتكلم معي الآن، وهذا بحد ذاته دليل على شجاعتك، خلينا نبدأ مع بعض خطوة بخطوة، و نرجع نسيطر على حياتك الطبيعية حياتك الحقيقة، اللي مافيهاش أوهام، مافيهاش الآم

همدان قام و وجهه شاااحب و ملامحه باهتة و حركاته ضايعة: لا يا نجاة لا أنا أشتي أبقى مع هذا المرض، أنا أشتي أمير، و حياة فيها أمير، الحياة الحقيقية مافيهاش صاحبي الحقيقي

نجاة فرحت من كلامه عرفت بأنه في أولى خطوات التشافي تعرف تماماً إنه بيكون في تراجع بس هذه الخطوة مهمة ليستوعب مرضه: طيب همدان، خلينا الآن بوصلك لغرفتك بعدين نتكلم

همدان أشر بمعنى تمام، و الممرضين هم يوصلوا المرضى بس نجاة دائماً توصل همدان عشان تطمن على هاني و العكس توصل هاني عشان تطمن على همدان ، وصلت همدان لما جلس فوق سريره

هاني شافها وقام بلهفة: نجاة جت لي فكرة الفصل الثاني

نجاة فرحت: الله اليوم بقرأ بقية الرواية، طيب بالليل تكتبها بعد الجلسة الآن جمع أفكارك ولا تتعب نفسك تفكير كل شي حبة حبة دلا دلا لما تنجح

هاني متحمس يشوف إصدار كتابه: بنجح و أنتي معي

نجاة فرحت و قشننتتت من كلمته و خرجت طلبت من أبوها يوصلها لبيت أبو همدان
.
.
في بيت أبو هند

البنات في المطبخ داليا مهتمة بطبخ ما يحبه إياد و رانيا ما يحبه ياسر ، والكل يجهز من ألذ الأطباق من فرحتهم ، أما رامي و حسام بيتصدقوا شكر لله ، والبقية يقرأوا القرآن

في المطبخ

سارة حطت البيتزا وطلعت دقت الغرفة

يزن: إدخل

سارة دخلت ويزن أبتسم

يزن: مافيش داعي تكوني تدقي أنا زوجك

سارة بدون نفس: ولو زوجي، يلا كل فعلت لك بيتزا كمل و اشرب علاجك

يزن عقد حواجبه: صايم، كم شجلس أفطر

سارة بعزم: لما تكمل علاجك يلا

يزن: بشربه بعد المغرب

سارة صاحت: يززززن

يزن.....



/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:51

.

البـارت 473 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو ياسر شاف أبوه: خلاص يا باه لا تخسر أحفادك

الحج صالح بجدية كبيرة: خلاص كل واحد حر بحياته ، بس سارة على موتي تتزوج يزن

الكل أقتهر والحج صالح عزم قراره بأن يزن يطلق سارة، وطلع لعند يزن
.
.
في غرفة أم حسام

رامي حب ركب أمه بدموع: يماه أنا فدالش إرضي عليا و على روان البنت مالها ذنب، الذنب ذنب قلبي اللي حبها

أم حسام مسحت رأس إبنها وتبكي: الله يرضى عليك يا ولدي و يرضى على روان
.
.
في غرفة يزن

سارة دخلت: أيش في يا جد؟

الحج صالح شاف يزن: طلقها الآن

سارة أقتهرت و يزن ماسك أعصابه

يزن: ماناش مطلق

الحج صالح عصببب: يزززززن طلقها


"عندما نبض قلبي في حبك ، لم يسأل حينها عن اصلك، لم يخبرني بحقيقة من تكون، فقط حبك لانك من استحقيته فلا حدود لقلبي لا قبيلة ولا اصول، حدود قلبي انت وليس سواك....."

سارة صرخت: لااااا ما بيطلقش
وبقوة: مش عندك مافيش بنات يتطلقين، و أنا بنت من هذه العائلة يعني ما بتطلق

الحج صالح بعزم: بتطلقي

سارة بهدوء: طيب حسام يطلق آسيا بعدين يزن يطلقني

الحج صالح صاح: حسام غير يزن

سارة بقوة: يزن رجال و حسام صايع، عندكم عادي صايع بس قبيلي، لكن مزين محترم ماشي؟!

ضحكت بسخرية: مجتمع من ساسه لرأسه مريض، و أنا برضي قلبي ما برضيش مجتمع مريض

الحج صالح أعطاها كففف: قدش قليلة أدب زيادة على اللزوم

سارة نزلت دموعها و يزن قام وقف قدامه

يزن بقهررر العاااالم: أحترمتك، رغم تجريحك لي، و جلست أحترمك طول عمري حتى لما كنت ما أعرفك ، و بقيت أحترمك حتى الآن، بس تمد يدك على مرتي بوجودي والله و بالله يا جد ما أحترم لا كبير و لا صغير، والله لغثيك يا جد خلي ما تبقى بيننا من شوية إحترام و إلا والله بشلها و ما تعرفوا وينها، قدها المرة الثانية والاخيرة لو تتكرر اقسم بالله بنسى الاحترام وصلة القرابة والعمر كمان

الحج صالح نزل و هو يفكر كيف يخليه يطلقها

يزن قفى و حبها: والله لو ماهو جدي إني دفنته

سارة نزلت وهي تبكي وعادها مجروحة من يزن


@rewayatyamania المصدر الأول للروايات

في اليوم الثاني

جان و لينا و يارا صحوا، و حروقهم البليغة جابت نتيجتها ندمهم إنهم لعبو بشرف داليا

فيكتور قرب من جان: لن ألف و أدور معك، فقط أود منك التنازل عن إياد و ياسر و أعدك حينها سأحميك لأن يزن متوعد بقتلك فأنا سأخبئكم و إن لم تتنازل سأخبر يزن عن مكانك

خاف جان من كذبة فيكتور و دخل الضابط و معه مترجم و عملوا التنازل بطريقة رسمية ونفس الأسلوب أستخدمه مع يارا ولينا و الكل تنازل

خرج الضابط و أبو ياسر و أبو هاني و أبو إياد منتظرين

أبو إياد: هاه قول لنا تنازلوا؟؟

الضابط فارح: الحمدلله تنازلوا و اليوم بخرجهم

أبو إياد و أبو ياسر فرحوا و راحوا يبشرو أهل البيت

فيكتور خرج: هل ممكن أن أطلب منك شيئاً؟

المترجم يترجم بينهم

الضابط: تفضل

فيكتور: لا تخرجهم اليوم سأخبرك متى

الضابط إستغرب: لمَ؟

فيكتور: لا أود إقحام أصدقائي بالمشاكل سيقتلونهم حتماً ، جوازاتهم جاهزة ستقلع بهم طائرتهم للسفر غداً

الضابط شاف كذا أفضل: حسناً أتفق معك

خرج الضابط و فيكتور تواصل مع يزن طمنه إنه فعل مثل ما قال له ومنع خروجهم إلا بعد ما يسفرهم
.
.
في بيت أبو هند

وصل خبر خروج إياد و ياسر من السجن، كانت داليا أول من سمع الخبر، طلعت سككككتة و فارحة بتطير بشرت سارة و رانيا و آسيا، والكل و أعتلت زغاااريدد الفررررحة ملان البيت

داليا و الدموع مليان عيونها: يا الله، ما كنت مصدقة إنو يجي هذا اليوم... إياد و ياسر رجعوا لنا ، وإياد إياد خلاص تخلص من الأنذال وبنعيش بأمان بعيد عنهم و أخيراً
زاد بكاها بقوووووة: أقسم بالله أحس إني بحلم والله العظيم أحس إني بحلللمممم يا الله، خلصناااا خلصناااا

سارة حضنت داليا بقوة: الحمد لله خلاص، إنتهى الكابوس، و بيرجع البيت زي زمان، إياد و ياسر رجعوا يا داليا ربي عوضك و جبر قلبك، كل مخاوفك أنتهت و إياد ما تركك

رانيا بكيت من الفرحة بنفس الوقت تتنبع وتصفق و أم هاني مسكتها و حضنتها فارحة لبنتها

آسيا تنفست بعمق و كأنها تحاول إستيعاب الخبر: اللهم لك الحمد يا الله، اللهم لك الحمد نجيت أخي و ولد عمي، يا الله خلصنا من هم كبببيييير

أم إياد تبكي و تمسح دموعها: يا رب شكرك و حمدك، هذا ضنايا رجعوا لي سالم هو و ياسر قلبي ما عاد يحتمل، أشتي أشوفه الآن والله العظيم

هند ترجف من البكاء والفرحة: اليوم ما حد يقول لي إسكتي، اليوم يوم فرح عيالنا رجعوا لنا رجعععووووا

أم هاني فرحت للكل: الله فرجها، الله فرجها، الله يبعد عنهم كل شر، الفرحة ملت قلوبنا يارب حمدك وشكرك

أم حسام حطت يدها على قلبها براحة: يا رب، شوفوا الفرح في عيون.......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:49

.

البـارت 471 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


إنقضت لحظات طويلة، لكنه لم يستطع أن ينطق بكلمة، كانت الصدمة تعصف به، وكان قلبه يضرب بشدة في صدره و كأنها محاكمة داخليه لا تنتهي، كلما حاول أن ينطق، كانت الكلمات تختنق في حلقه ، وكأنها تقاوم الخروج من فمه ، و لكن لم يكن بحاجة للكلمات، كانت العيون تروي كل شيء......

قالت زوجته أخيراً، بصوتٍ خافت، مملوء بالندم: " أنا... أنا آسفة، لكن هذا ما حدث، لم أستطع أن أتحكم في مشاعري"

كان قلبه يحترق ، تلك الكلمات التي لم يكن يريد أن يسمعها ، تلك الكلمات التي كانت تأخذ كل ما تبقى له من أمل، كيف يمكن لحياة كاملة أن تنهار بهذه السهولة؟ كيف يمكن للثقة أن تتحول إلى مجرد وهم؟

أغمض عينيه لفترة طويلة، وكأن محاولة الهروب من الواقع ستكون هي الحل، لكن الواقع كان يلاحقه، يضربه من كل زاوية ، في تلك اللحظة، أدرك أن وجعه ليس فقط من الخيانة نفسها ، بل من أن الروح التي كانت ملاذه أصبحت الآن بعيدة ، ضائعة في مكان لا يعرفه......

لم يكن يعرف كيف سيتعامل مع هذا الألم، كانت الخيانة بالنسبة له ليست مجرد جسد آخر في حياة زوجته ، بل كانت تدميراً لعالمه الداخلي ، كيف يمكن للإنسان أن يثق مجدداً بعد أن يُمزق قلبه بهذا الشكل؟ كيف يمكن للروح التي كانت مكتملة أن تنكسر فجأة؟.....

لكن في تلك الليلة ، بين جدرانٍ قاتمة، بدأ يشعر بشيء آخر يندمج مع وجعه، العتمة التي كانت تملأ قلبه أصبحت أكثر كثافة، لقد أصبحت جزءاً من خيباته، ولكن ربما، ربما تكون هذه العتمة هي طريقه للخلاص......

ولم يقل شيئاً، فقط أغلق الباب خلفه، وترك الخيانة تظل عالقة في الهواء، كألمٍ لن يشفى.

أنتهت من قراءة السطور و دموعها أنسابت في أوراق كتب فيها مشاعر حبها الأول و الأخير، غلقت الدفتر و في نفسها وعد تخرجه من وجعه


@rewayatyamania المصدر الأول للروايات

في بيت أبو هند

أتصلوا لأبو هاني من مركز الشرطة وراح بدون ما يكلم أحد عشان ما يقلقوا واللي فيهم مكفيهم

في غرفة داليا

سارة دخلت فارحة وتتنبع: بناااات بنااااات بناااااات

آسيا و رانيا و داليا شافنها و نكزين: أيش فيي؟

سارة بحماس وفرح تتنبع: جان و لينا و يارا عايشين عايشين يعني مافيش إعدام

البنات تنابعين يصحين بفرح لدرجة وصلت أصواتهن للشارع والحج صالح طلع لهن

الحج صالح رزع الباب بالباكورة: ماااهوووو به للجنننااااان؟

البنات سكتين وجلسين بخوف بنفس الوقت كاتمات ضحكتهن و الحج صالح بنفسه يدخل يكسرهن بس محترم وجود داليا

داليا بهمس: كملي

سارة: وسمعت يزن بيقول عالجوهم عشان يتخفف الحكم

البنات تنابعين لحضن سارة لما خنقوها

رانيا قامت ترقص وتتخيبل والبنات يضحكين
.
.
هند بكت: اللهم لك الحمد و لك الشكر اللهم لك الحمد ولك الشكر

أم إياد: الحمدلله كنت بخسر أبني للمرة الثانية بس الحمدلله
.
.
في المتجر

روان: رامي بأيش تفكر؟

رامي صحي من تفكيره: أفكر بالنذل اللي حرق بيتنا منو اللي بيعاديني؟

قطع صوتهم رنة تلفون المتجر و رامي رد وقبل ما يتكلم تكلم المتصل

وليد: حرقت البيت و بكرة أقتله يا روان

رامي أستغرب وفتح سبيكر

وليد: والله لحرق كل من يقرب منش مش بس هو، هو وكل عائلته، و هذا الحرق بس تهديد عشان رامي يفلتش

روان أنصدمت و سووومت: وليد يا كلللببببب

رامي شاف روان وفتح عيونه: طلللعتتتت أنت يا حيوان

رامي خاف و غلق و رامي خرج زي المجنون رايح لبيت وليد

روان خافت عليه وصاحت: رررااااميييي راااامممييي لا تروووووح راااامييييييي

سحبت تلفونها و أتصلت لآسيا

روان تبكي: آسيا

آسيا خافت: مالش أيش في؟

روان زاد بكاها: إللي حرق البيت طلع وليد يا آسيا وليد، و رامي عرف و جنن ساير لعنده خلي العيال يلحقوه أنا فدالش وليد نذل الآن بيغدره غدر

آسيا خافت و غلقت ولأول مرة تتنازل وتتصل لحسام

حسام رد فااارح: حياااا بعيوني

آسيا صاحت: عمممى يعمي عيووونك، وينك يا شيييخ؟

حسام خاف: عند زياد ليش أيش في؟

آسيا: تارك البيت، وأنت عارف بمصايبنا، ياسر و إياد في السجن، يزن تاعب، هاني في المستشفى، على من راكن أنت ؟

حسام فزع: مالهم إياد وياسر ليش محبوسين وما به؟

آسيا: مششششش وقت الآن إلحق أخوك ساير لعند وليد هو اللي حرق البيت

حسام جنن غلق التلفون و نبع لخارج: زياد إلحقني

زياد خرج بعده و لحقوا بعد رآمي
.
.
عند ملاك

شافت زياد غلق فجأة و ضاقت، هو الشخص الوحيد المتبقي لها والمهتم فيها في وسط إهمال كل من حولها لها
.
.
في مركز الشرطة

أبو هاني: أيش في؟

الضابط: أعتقلنا أبو أسامة، مسكوه شرطة ذمار و حولوه لصنعاء، و خليناه يعترف باللي فعله لبنتك و حفيدك و أكد على أقوال سارة، وقع على هذه الأوراق وفي وقت المحاكمة بيطلبوا سارة......




📚 @rewayatyamania  🇾🇪

روايات يمنية📚🇾🇪

24 февраля 2025 19:33

.

البـارت 469 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رجعت اليمن و عشت براحة إني تخلصت من كل شي لما يوم وصلني فيديو وتهديد أنصدددمتتت أنا والله ما دخلت......

ما قدرت تكمل كلامها إلا و أنهااااارت و إياد رفض إنها تكمل وطلب يعدموه ولا يضغطوها تتكلم عن شي يحرقه و يحرقها

الضابط حس دمه يفور: شلي الفلاشات التهديد إللي وصلت لش ولخطيبك و أدخلي عند الضابطة وريها

داليا نفذت و بعد دقائق خرجت مع الضابطة

الضابطة: يا فندم التهديد صح، والبنت من خلال الفيديو فعلاً كانت مخدرة و مالها أي ذنب، والمتهم حاول يصحيها بس لأنها مخدرة ما صحيت، سترها ببردة من حق الطيق و خرجها من الغرفة

الضابط تنهد: الموضوع مسألة شرف بيخفف عليكم العقوبة أقل شي بتنسجنوا سبع ثمان سنوات إذا ما كان إعدام ، لو ماتو الثلاثة بيحكم فيهم إعدام

الكل خافوا و داليا بكيت بقووووة و أبو إياد حضنها يهديها

الحج صالح مقهوووور إنه كسرها وكسر إياد إنهم يفسخوا، لأول مرة يندم على شي و على قرار، بنت يتيمة ما أحد معاها تعرضت لتحرشات و إتهامات قتل وكمان شرف وكلها باااااطلة كبر إياد في عيونه قووووي

شلو داليا و روحوا و إياد و ياسر دخلوا للسجن
.
.
في بيت أبو هند

كلموهم بكل شي حصل و أستثنوا الفيديوهات وغرفة الدعارة لأن إياد أمنهم محد يعرف بهذا الموضوع و تبقى داليا شامخة بحياة نقية تستاهلها، رانيا و هند و آسيا و أم إياد أكثر من بكي و أنهاروا والكل رغم قهرهم و وجعهم إلا أنو يحاولوا يخفف عليهم
.
.
في مركز الشرطة

فيكتور راح لعند الضابط وأضاف دليل على كلام داليا و إياد وهو الفيديو اللي لما جان قتل العجوز و تحرش بداليا مما قوى أدلة قضيتهم ورفقها بملف القضية
.
.
في مستشفى أبو روان

هاني دخل و نجاة أبتسمت له و أشرت له يجلس وجلس قدامها

نجاة: هلا هاني، كيف حالك اليوم؟

هاني بضياع: بصراحة، مش عارف أجاوبك، ماناش حاسس إني بخير ولا قادر أفهم إيش اللي حصل معي للآن

نجاة: فاهمة لك، كل شي بالنسبة لك مشوش وفيها وجع كبير، الخيانة خصوصاً لما تكون من شخص قريب منك، بتسبب أثر عميق ، تقدر تكلمني أكثر عن اللي مريت فيه؟

هاني يأخذ نفس عميق وقد أرتاح لوجود نجاة والكلام معاها: لقيت مرتي... معاها زوج أختي، يعني... شيء ماكنتش أتخيله، دايماً كنت أفكر إننا عائلة متماسكة، فجأة كل حاجة بقيت كذبة، مش قادر أصدق إن الإثنين هذولا خانوني وخانوا أختي بالشكل هذا ، منظرهم المقزز ما غاب من عيوني


@rewayatyamania المصدر الأول للروايات

نجاة أقتهرت: أقدر أفهم كم هو صعب عليك، إنك تحس إن الناس القريبين منك خانوا ثقتك و حبك وما بادلوا مشاعر الحب بالحب هذا إحساس مؤلم يحرق الروح و القلب فاهمة وجعك و إحتراق روحك و قلبك، طيب لما حصل الموقف هذا إيش كانت أول أفكارك أو مشاعرك؟

هاني بدأ يستسلم لكل مشاعره: كنت أحس إني في كابوس، في البداية ما صدقتش، لكن فجأة تحول كل شي لرغبة في القتل و الدم وما هدأت إلا لما قتلته وكنت ناوي أقتلها بس هربت، وعايش بذنب

نجاة تطمنه: طبيعي جداً يكون عندك ردة فعل توصل للقتل، العقل في اللحظات هذه بتحاول تحمينا من الصدمة ولو كان بالقتل لا إرادي، هاني لا تحس بالذنب هم ما حسو بالذنب لما خانوك

هاني شافها و الكلمة ريحت روحه

نجاة: هل تفتكر إيش إللي ممكن يساعدك تتعامل مع اللي مريت فيه؟

هاني: مش عارف، أوقات أحس إني أشتي أنسى كل حاجة وأبدأ من جديد لكن هذا كمان مش سهل، وأوقات ثانية أفكر في سارة، بس إياد معاها الآن

نجاة: فاهمة صعوبة إللي تعيشه، و إنك تشتي تلاقي طريقة تهدي فيها ألمك، بس كمان مهم ندور على طرق صحية تساعدك تتعامل مع الغضب و الألم من غير ما يكون فيه ضرر لك أو لغيرك، طيب إيش الشي اللي تحسه ممكن يكون بداية جيدة لك، حتى لو كان حاجة بسيطة؟

هاني بدأت ترجع له روح الشغف: يمكن أبدأ أفكر كيف أعيش لنفسي شوية، أهتم بحياتي بعيد عن كل اللي حصل، دايماً كنت أحط العائلة في الأول، يمكن الوقت جاء عشان أفكر في نفسي

نجاة فرحت: هذا الصح، إنك تلاقي مساحة لنفسك وتدي لنفسك حقك في الشفاء بعيد عن الضغوطات اللي كانت عليك، طيب في حاجات معينة تحب تركز عليها في حياتك الشخصية؟ يمكن تكون هوايات، أصدقاء ، أو حتى طموحات مؤجلة؟

هاني أبتسم بخجل: أفكر أكتب، كنت أتمنى أكون كاتب، و بطلته عشان الشغل والمسؤوليات، ومن جلستي بالمستشفى أحس الخيال تطور عندي، معي فكرة رواية أشتي أكتبها

نجاة فرحت بقوووة: ممتاز يا هاني، هذا بداية ممتازة، إسترجاع الشغف والهوايات ممكن يساعدك تلاقي توازن داخلي بعيد عن الألم اللي حسيته، وأكيد وجودك وسط عائلتك بيكون دعم كبير لك، يلا إبداء وأنا معك

هاني:؟!!!

نجاة خرجت دفتر و قلم جابت له عشان يكتب: يلا معك ساعتين اكتب.....


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:31

.

البـارت 467 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


صوتها مخنوق، متقطع بين الكلمات كأنها تخرج آلام السنين دفعة واحدة، تشوف عيون زوجها، تداور على جواب: ك...كيف.... بنتي..... كيف..... يا..... عبدالله..... كيف...... هانت على كامل.... هانت دمووع أم..... هانت عليه حلمنا في بنتنا...... هنت على أم روان..... آااااااه

أبو همدان بدموع: لا أم روان و روان مش عارفات بشي، هذا السر كان مدفون بقلب كامل لوحده

نزلت الدموع من عيون أم همدان أكثر، و كأن كل ألم السنوات الماضية و أشتياقها وحرقتها قد لقيت طريقها لتفيض أخيراً، بكت بعمممققق، مخلوط بالسعادة وعدم الإستيعاب، تحاول التقاط أنفاسها وهي تمسح دموعها اللي ما توقفت

في هذه اللحظة قرب زكريا، وقد أنتفخت عيونه من البكاء وهو يحاول يتماسك

زكريا بصوت مرتجف: مستحيل... كيف عشنا كل هذه السنين و إحنا مفكرين ماتت وعايشين مع وجع أمي؟ أيش هذا اللي تقوله يا باه، و مننننن نجاااااة اللي حاول أخي همدان يقتلها قدام عيوني، إللي حط المشرط على رقبتتهااا!!؟

هيثم قرب، وحضن أمه والفرحة ملت قلبه، و الدموع ملان عيونه: شفتي يمه الله جبر قلبك و قلوبنا

أم همدان غلبها الشوق لتحضن قطعة من قلبها : وديني، وديني لعندها، وديني أحضضضنننن بنتي و أرجع رووووحي ودددددددييييني

أبو همدان برفض: لا مش الآن، لو رحتي الآن البنت بتنصدم و يمكن ما تتقبلنا و تمرض مرض نفسي، و أنو نخسرها بعد همدان، و أم روان و روان نفس الشي أنا كلمتك عشان تستعدي بأي يوم بجيب لك بنتنا لحضنك

زكريا يهدي أمه: يمه كلام أبي صح، تحملتي كثير سنوات بدونها أصبري باقي القليل وهانت

أم همدان بكت بقوة: كييييف تطلبوا من أم تصبببر كييييف كيييييف؟؟

هيثم: يا باه أمي لقت بنتها بعد سنوووووات من حسرة خلاص معي حل مناسب

الكل سمعوا له بإنتباه

هيثم: خلونا نعزمهم عندنا و أمي تقدر تشوف نجاة و تحضنها بدون ما تقول لها إنها بنتنا

زكريا: وهذا حل

أبو همدان: خلاص بكلم كامل بس أمكم تاعبة عن العزومة

زكريا: الله المستعان و إحنا ايش نفعل


@rewayatyamania المصدر الأول للروايات

أبو همدان وافق: خلاص تمام هكذا
.
.
في بيت لينا

إياد يدق بقوووة و لينا و يارا خايفات ما فتحين لكن إياد حاول يكسر الباب على جية ياسر ترك جان فوق السيارة و أمن السيارة و نزل كسر مع إياد الباب لما إفتتح و إياد دخل وياسر سار سحب جان و دخله لبيت لينا

إياد مسك يارا و ربطها بشاله، و لينا حاولت تخرج بس ياسر قطع طريقها

ياسر بعصبية: بدون ما أمد يدي خليش هادئة

إياد جاء من وراها و ربطها جنب يارا، مسك جان و ضربه قتله ضرب لما غرقه بالدم

إياد يضربه بقوووة: هذه الضربات لأنك مددت يدك على داليا
وضربه أكثر: وذلك لانك عيشتها برعب
و ضربه بعنننف و ياسر متشفي: وذلك لأنك أذيتني با أحب الناس إلي ونعتها بجميلتك....

ضربه لما معاد قدر يقوم وقربه منهن بقرف

لينا بكت: إياد بترجاك

إياد صرخ: ويينننن الفيديوهات

لينا: كلون كلون بصندوق

إياد صرخ صرخة بثت فيهم الرعب: أييينننن الصندووووق

يارا: بالغرفة رمز الصندوق......

سار إياد فتح الرمز شاف عدة فلاشات جنن لأي درجة وصلت إحتياطاتهم و خرج

إياد زبط يارا لما صاحت بكل وجع رجع زبط لينا

إياد بحقد: باقي فيديوهات ثانية بأي مكان؟؟

لينا الرعب خلاها تندم إنها ما صدقت إياد إنه بيحرقهم: أي لسه باقي نسخة واحدة عندو لجان

إياد سحب جان و ضربه: أين النسخة التي لديك؟

جان خرج فلاشة من جيب صغير في الجاكت و مكنه

إياد بتهديد: هل لا يزال هناك المزيد مخبأ؟؟

جان بألم: لا أقسم لك بأنه لا يوجد

إياد وقف وحط الفلاشات في الأرض و سار جاب دبة بترول سكبه فوق الفلاشات و فوقهم و خرج هو و ياسر ، إياد خرج الكيس إللي فيه الملابس إللي لبسوه لداليا و أحرق الكيس وأول ما ولع رجمه لداخل لعندهم و أشتبت النار سمعوا صياحهم

يارا تبكي وتصيح: لك منشااان الله يا إياااااد لا تحرقنيييي كنا بنحب بعض إياااااااااااااااد

جان: أيهااا المجانييين أرجوووووكم أنقذوا حياتنا، لا تفلتوا بعملتكم هذه إياااااااااااااااد ياااااااااااااسر آااااااااااااااااه

لينا: أنحرررررقت إلحقنيييي لك أنا زوجته لأخوك يزززن ما راح يسامحكم إياااااااااااااااد ياااااااااسر من شاااان الله

الثلاثة يرتفع صياحهم و جننانهم و إياد أرتااااح راحة غير طبيعية و روحوا هو و ياسر
.
.
فيكتور و رواد وصلوا و الكل فزعوا و فيكتور دخل أنقذ الكل و طفاهم من النار و بمساعدة رواد خرجوهم و هم محروقين حروق من الدرجة الثالثة جت سيارة الإسعاف و تصرفت....

يزن أتصل: أخبرني فيكتور مالذي حدث؟

فيكتور مقهور: لم أستطيع الوصول في وقت أبكر ، لكنهم ما زالوا على قيد الحياة و حروقهم........


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:29

.

البـارت 465 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


إياد: خليك أنت تاعب أنا بلحقهم

أول ما وصلت دقت الباب وفتحت لها يارا ، و داليا هجمت طوالي على يارا و ضربتها و يااسر يصيح لداليا وهو مش قادر يمسكها يوقفها

ياسر: دااليا فلتيها إحنا جيينا نتفااهم دااليااااا

داليا تضرب يارا بكل قوة عندها و إلتفت على جية لينا و مسكتها ضربتها بقووة

داليا بعصبية: أققسم بالله العظيم لو ما تخرجوا الفيديوهات الآن والله إن دماركن على يدي و شتواصل مع أهلش يا لينا

لينا: أنتي مو قادرة توصلي لأهلي

داليا بتهديد: بوصل لهم والله العظيم بوصل لهم عشان إياد أنا بفعللل كل شيء واللي ما تتوقعوه

ياارا غارت بقووة و هي أصلا مقهورة منها فمسكتها و تهجمين عليها هي و لينا بنفس اللحظة دخل إياد طووالي و سحب داليا من بينهم و حطها خلفه و بكلل قووته وهو مش وااعي أبداا ضررب يارا و لينا كل وحده كف قوي لأنهن مدين يدهن على داليا

إياد بتهديد : و الله و بعزة و جلالة الله لو تمدين يدكن عليها إننا بوريكن

لينا شافت لعنده: أيه لكان شوف اليوم كيف الفيديو راح ينتشر

إياد بتوعد: هكذا يا لينا؟؟

لينا بتهديد: أي بس نص ساعة والفيديو بكل مكان
.
.
في مستشفى أبو روان

دخل أبو همدان لمكتب أبو روان

أبو همدان بجدية كبيرة: ياخي ذلحين أيش القصة ليشش أشوفك تتهرب منني؟؟

أبو روان: أيش في ؟

أبو همدان: أيش حصل بالخطبة ليش ما ترد لي بنجي نخطب؟ لأن قد أم همدان قامت بالسلامة الحمد لله و إحنا بصراحة نشتي نخطب خلينا نتم الأمور لأن والله العظيم نفسنا بالبنت

@rewayatyamania المصدر الأول للروايات

أبو روان: أنت بتبسر عاد همدان مش هو حق خطبة لما يخرج همدان سهل

أبو همدان: لا أنا أشتي أبني يخرج و هو خاطب نجاة ، أنا أشتي نجاة علشان تعالجه وهي تعرف أن هذا الأدمي بيكون خطيبها

أبو روان وهو تحت ضغغط كبيير: لا ما بتتم الخطببة

أبو همدان بنفس صياحه: ليييش ليشش اقنعني؟؟؟

أبووو رواان خلاص فقد أعصااابه و ماعاد يتحممل : لأن نجاااة بنتتتكككك بننننتكككك

سكت أبو همدان، وكأن الزمن توقف، وبقيت الكلمة معلقة في الهواء بينهم رفع عيونه ببطء يشوف وجه أبو روان، في نظرة تجمع بين الدهشة والصدمة، وكأن عقله يرفض تصديق ما سمع ، هز رأسه و كأنه مش مستوعب

أبو همدان بصوت خاااافت و مهتز: نجاة... بنتي؟!! عايشة؟!!! ككيف كييييف!!!؟؟

أبو روان غمض عيونه بقهر كيف بلحظة ضغط قال شي مش لازم يقوله جلس وحط يده المرتجفة على جبينه وكإن الكلمة خرجت روحه ، رفع رأسه وشافه: أيوة، عايشة يا أبو همدان، وأنا ما أقول إلا الحقيقة

بدأت يد أبو همدان ترتجف، و حس الدنيا تدور من حوله: كيف عايشة؟!! كيف... كيف مرت السنين وأنا عايش و مفكر إنها ماتت؟ قل لي كيييف ما عرفت، كييييف فاتتني كل هذه السنين و أنا مش عااارف كييييف!؟؟

أبو روان أستسلم تكلم بكل شي حصل يوم ولادة نجاة وكيف حاولوا يقتلوا نجاة وهو بدل نجاة ببنته الميتة......الخ

الدموع تساقطت من عيونه بدون ما توقف، دموع خليط من الفرحة و الألم، من الحنين المفقود و الغضب المكبوت على أبو روان ،  عيونه تشوف للسقف، وكأنه يشوف بنته ترجع له من مكان بعيد، رجع له الزمن الذي فقده و يبعث في روحه ما كان قد إنطفى

وبصوت مكسور من صديقه: يا الله... بنتي اللي أحسبها ماتت و دفنتها بييييدي و يدك يوم كانت بنت يووووم وعشت على وجع ذكرى هذاك اليوم كل هذا العمررر الطووويل ، طلعت عايشة؟ بعد كل شي، بعد كل ألم حسيت به وأنا أمنيتي بنتت بنتتتت
إرتجف صوته وكيانه مهزوز: كككييف كييييف قدرت قوووول لي كيييييف؟

أبو روان يحاول يهديه، لكن ما قدرش يمنعه من الإنهيااار بينما هو يحتاج من يهدي روحه هذه الساعة

أبو همدان غرق في بحر من الذكريات، عاش أحلامه الصغيرة اللي كان قد بناها لبنته، بعد ما تدمرت كلها لما دفنها و عايش بظنه إنها ماتت، والآن بعد كل هذه السنين يقول له بأن بنته عايشة ، بدأ يسيطر على نفسه شوية، وأخذ نفس عميق كأنه يحاول أنه يستوعب الواقع الجديد

أبو همدان همس وهو يمسح دموعه: وينها يا كامل؟ خليني أشوفها، ضروري أضمها و أحس إنها حية قدامي… أشتي أشوف بنتي

قام بصعوبة من مكانه، مستعد يروح يشوفها، مستعد يواجه أحلام قديمة تلبستها الحقيقة، و مستعد يعيش لحظة لقاء بعد ما شافها بعيدة و مستحيلة

أبو روان يبست أرجله ، خاف يشلو منه بنته، أرتفعت صوت أنفاسه حاول يهدي نفسه: ما أنصحك الآن يا عبدالله، لا تخلي العاطفة تنسيك إنك دكتور نفس.....

أبو همدان خبط الماسة بيده بقووووة وبغضضضب: ناااااسي، ناااااسي من أنا وأيش أنا، مشتيش هذه اللحظة غير إني أشووف بنتي اللي حرمتني منها و أحضننها و أحضنننهاااا يا كاااامل

أبو روان بخوف شديد......

/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:27

.

البـارت 463 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


اسيناد خرجت وبيدها ملعقة الطبخ: ايش في ماله رواد هكذا يرزع الباب

ابو إسيناد جلس بقهر: سرنا لمكان عمل ابو رفأ وطلبنا البنت بس رفض لانهم مكارمة

ام رواد اقتهرت: ولا عيقتنع

اسيناد تنهدت بقهر: انا دارية كيف اقنعه

ومكنتها الملعقة: كملي بدلي شوية وارجع

ام إسيناد دخلت المطبخ وإسيناد دخلت عند أخوها

اسيناد جلست جنبه: ما عتقتنعش

رواد: ولا شقتنع الا لما يرضى أبوها واتزوجها

أسيناد: يا رواد أنت وريتني مره صور لك أنت و الشلة الصحبة اللي فعلتها جديده؟

رواد استغرب: مالهم؟

أسيناد : أسكه وريني الصورة

إستغرب بقوه: الآن وقتش يا أسيناد؟؟

أسيناد بإصرار : أمانه ورييني

خرج رواد تلفونه ووراها : هااه شوفي

أسيناد كبرت لعند صورة حسام : أصلا ما تشلش رفأ أحسن لك

رواد بإستغراب منها: ليش؟

أسيناد : تحب هذه الشلة أصحابك؟؟

رواد: أيوة طبيعي أصحابي و أخواني هذولا

أسيناد: طيب بس رفأ كانت حبيبة حسام

إنصدم رواد: كيف كيفف؟؟

أسيناد: كانت حبيبة حسام بس خلاص أحسن عشان ما تشوفهاش حبيبة صاحبك

رواد بجدية: إذا كان ماضي أنا ما يهمنيش يا أسيناد ، إذا إنفصلوا ما يهمنيش إذا حسام ما عاد يشتيها ما يهمنيش ، بعدين حسام كيف بيتزوجها مش على أساس أنها مكرمانيه؟!

أسيناد تقنعه: أصلاً هو هذا الذي منع حسام و خلاه ما يتقدمش لها لأن هي مكرمانيه

رواد جنن و ما عرف أيش يعمل أو كيف يتصرف ، مسك مفاتيحه وخرجه
.
.

بعد شوية وصل لشارع بيت الحج صالح يشتي يشوف حسام و يكلمه و إنصدم لما شاف البيت مهدووم و محترق و حالته حاله ، إتصل لعند حسام و حسام كلمه عن موقعهم ووين هم و راح بسرعه لهم

وصل و نزل و أول ما سلم عليه

رواد: أيش فيي أيش حصل أحد تضرر؟؟


@rewayatyamania المصدر الأول للروايات

حسام يطمنه:  مالك صلي على رسول الله لا تقلقش هو إبن خالي يزن الذي على أساس إنه إياد طلع يزن ، المهم قصة طويله بس إنه الذي تعرف على إنه إياد تضرر

رواد قلق :  ماله  أبسر لي طريق أبسر لي طريق أشتي أدخل أبسره

شاف له حسام الطريق و طلعوا لعند يزن

رواد بقلق: إياد مدري يزن كيفك كيف تحس؟؟

يزن يطمنه: الحمد لله الحمد لله لاتقلق أنا بخير  تسلم يا غالي ما تقصرش

رواد كان يشتي يكلم حسام بس ما قدرش لأن يزن يكون أخو زوجة حسام ، أشر له و خرجوا عشان يتكلموا لحالهم

حسام: خير مافي أقلقتني؟؟

رواد:  أنا تقدمت لبنت

حسام فرح: ماشاء الله ، الله يسعدك  يااارب ويوفقك و يكتب لك الخير

رواد: بس حصل شيء

حسام أستغرب: أيش حصل؟

رواد: أشتي أتاكد منك من حاجه قبل ما أتزوج بهذي البنت

حسام استغرب: ليش أيش في يا رواد؟؟

رواد: البنت إللي تقدمت لها  هي صاحبة كريمتي و هذه البنت أكتشفت إنها  رفأ ، رفأ حبيبتك اللي كنت أنت وهي تحبوا بعض!

حسام إنصدم إن رفأ  تكون صاحبة أخت رواد: لا تقلقش يا غالي سير أخطبها

رواد: كيف مقلقش؟؟

حسام يطمنه بصدق: والله مافي بقلبي شيء ، أنا البنت هذه نسيتها ، صح إن أنا حبيتها بيوم من الأيام  بس والله العظيم نسيتها و أنا أحب مرتي و أشوف مرتي بين عيوني و ما عاد أشوف  أحد غيرها و ما فيش بيننا أنا هي أي حاجة و قد لي مدة طويلة من تركتها يعني إنفصلنا من زماان من لما تزوجت إنفصلنا و ما تكلمنا

كذب هذه الكذبة بخصوص تواصلهم و إنه إنقطع من لما تزوج  عشان ما يفضحش رفأ ، ورواد و ما يرجعش يذلها و ما حب يرخصها أمام رواد إنها بقيت على تواصل معه من بعد الزواج فهو يشتي يكبر رفأ بعيون رواد فكذب هذه الكذبة أما باقي كلامه عن إنه ما عاد يحبها و يحب آسيا فهو صادق فيه و لأن رفأ قد كانت تحبه و يحبها في يوم من الأيام تمنى لها الخير و حب يشوفها مع إنسان يصونها مو شخص يسترخصها

رواد ارتاح: ارتحت ربي يسعدك

حسام: ويسعدك ويتم لك النصيب، يلا اطلع اليوم العشاء عندنا

رواد انحرج: والله ما ينفع اردك بس اعذرني، فيكتور عندي

حسام: تعال انت وفيكتور

رواد: لا والله قد البيت كلفوا أنفسهم عشانه مره ثانية ان شاء الله

حسام: ان شاء الله

تركه رواد وراح
.
.
بعد العشاء

سارة مدت له العلاج: بالعافية

يزن ترك القلص: الله يعافيش

سارة مشيت بدون ما تشوفه بس يزن كان اسرع ومسك يدها عشان يكلمها ويحاول يعتذر منها بس ما لحق الا والحج صالح دخل

الحج صالح صاح بعصبية: فلللتتتت يدها فلللتتتت

سارة خافت وشدت على يد يزن ويزن قام ووقف قدامها وخباها وراه

الحج صالح دخل بعصاته: كييييفففف تمسك يدها انت مش في امريكككاااا

يزن بهدوء: ليش حد قال لك انو في امريكا كنا نمسك يدات البنات؟!

الحج صالح ضربه بعصاته: وايش فعلت الآن

يزن مسك العصاء: مسكت يد مرتي

الحج صالح انصددددم: من من

يزن بثقة: مرتي......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

24 февраля 2025 19:25

.

البـارت 461 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


سارة صاحت: مافيش بيننا أنا و أنت أي أتفاق ، لعلمك  يا يزن ، أنت جرحتني،  أنت خدعتني  ، أنت كذبت عليا ، أنا كنت عايشة معك طووول هذيك السنين بوهم و كذب، كله ما يهمنيشش ، لكن أنا حبييتك يااا ييززن حببييتك و أنت ما جيييت تقوول ليي أيحيين كنتت بتقوول ليي ، أنااا الآن معرفشش من حبييت أناا حبيييت يييزنن و لااا حبيييت إياااد

يزن اقتهر: حبييتييني أناا من مااا كنت إياااد و لا يززن حبييتينيي أناا

سارة هزرت يدها: من أنت أصلاااً من أنتتتت ييزنن و لاإياااد أنااا مش فااهمممة أناا عاايششة بكذذببة أنااا عششت بووهمم ، أنا جببت للك مشاااعري و سللمتت للكك شعوووري و قلللبيي ، و أنت جالس تكذذب علييا و تخدععنيي لليشش ليشش ، على الأقلل كننتت تكلمممنيي ، أنت خطبتني و على أساااس أنا مخطوبة لإياد أنت مش دااري بالجررح و القههر الذي فعلته فييني و خليتنني أجييب لدالييا كللام  ما تستحقشش دالييا إنهاا تسمعهااا ، أنت داري إنناا جرحتها أكثررر من أيي إنسااان ليششش قهررتنني و خليييتننيي أقهرررهاا ، ليش بهذااك اليوم لماا صييحت وقلللت للك برررر لييي برررر ليي ، ليشش ما بررت لييي و فهمتتنيي كاانت قدداممك فررصة كاانت قددامكك فررصة أنك تكلمنيي بس أنت لاا فضضلتت أننك  تسسكتت و ستتمرر بكذذببك عليييا لييشش ليييش؟؟؟

يزن بصدق: مشش بهذذه السهولة ياا ساارة أناا خفف لو تكللمت إنكك تفللتييني

سارة زاد صياحها: ولووو ولوو كنتت تقوول ولا إنكك تعييش معيي بككذببة ، إن حننا نتركك بععض و إن إحناا نعييش بكذذببة ، أيشش هذذا أنتت أيشش مفككرر هذه مش موضوع عاديي إحنا بمسألة حياااة حيياااة يا ييزن ما ينفععش نكوون في كذذبة و خدعة ، أناا مستحيييل اساامحكك يياا ييزن مستحييل كان قدامك كثيير كثيير فرص إنك تكلمنني بس أنت فضلت السكووت و فضلت تكون مستغفللني لولا اللي حصلل ولوولا الحرريق كاان للاان مستممر في كذببك صحح ؟؟؟ و الله أعللم لويين كنت بتووصلل يمكن كنت ناوي تستمر و تتزوجي كمان بكذب و خداع

يزن: لا يا ساارة لا والله أنا كنت ناوي أقول بس قللت لك كنت خاايف كنتت خاايف تفلتتيييني و كللهم يفللتووني لأني أنا ييزن أناا ييزن أبن المزيينة و أناا الأبن و الحفيد المنبوووذ كنت خاايف إن جديي و عميي يجبروونا نفسخخ و يمنعوني منك والله يا ساارة

سارة: مالك أي عذر يا يزن مالك أي عذر

و تحركت عشان تخرج بس رجع مسكها: افهمييني يااساارةة



@rewayatyamania المصدر الأول للروايات

سارة دهفته: ما فيش بييني وبينك يا ييزن أيي تفااهم أخرررج من عندددي اخرررررررررجج من عندددييي

يزن خرج و ما حب إن يضغط عليها أكثر و هو مقهوور ويجرر أرجلله جرر ، كل اللي كان خاييف منه الآن يتحقق و يخسر أهم الأشخاص بحيياته ، أما سارة فجلست على الأرض وهي تببكي بقههر كبيير إنه كيف خدعها و كذب علييها كل هذه السنين

داليا دخلت بسرعة وحضنت سارة: اهدئي يا عيوني اهدئي خلاص ياروحي فديتش

سارة تبكي بقووووة: انا جررحتشش جبت لش كلام ، انا انا اتهمممتتتكككك وتكلمت علييييششش بسببب هذذذه الكذبة والله العظظظظيم ما اسااامححح نفسي لو امووووت

وببكاء اكثر شدت على داليا بقوووة وانهيار: ساامحييينييي والله العظظيييم بسبببهممم بسبببهمممم يا داليا والله بسبببهممم كسررررو قلللبييييي وخلوني متوووقعة الخيانة من الكل ، جرحووووني أسامة والهنوووف لما معااااد اشوف كل شي الا خييياااانة وانخذذذال والله ما كاااان قصدي كلللله من حررررقة قلللبييييي ظللللمتتتتتش ظظظلللمممتتتتش

داليا ضمتها وبكيت: انسي ياروحي انسي كلنا كنا ينفعل نفس الشي لو انحطينا بهذا الموقف، وهذا غلطي لاني كذبت عليش وما قدرت ابرر لش الحقيقة، وانتي ما ظلمتيني جلستي تطلبي مني تبرير وتفسير بس انا غلقت كل الأبواب قدامش وما خليتش تشوفي الا باب الخيانة

سارة منهارة: مش غلطك هذا غلطي غلطي اني.....

داليا مسحت على ظهرها: انسي ، انتي صديقتي المقربة واختي وبنكون سلايف بالمستقبل مقدرش ازعل منش يا عيوني

سارة ضمتها وبكيت في حضنها لما ارتاحت
.
.
في فجر اليوم الثاني

.....: ياسر

ياسر شافه وفرح: أميييير

أمير اشر له: لا تقوم ولا تجي عندي انا شاجي لعندك

قرب منه وجلس وابتسم: مبارك عقد الزواج والله العظيم فرحت لك

ياسر اقتهر: كيف فرحت يا أمير انا فرحتي مكسورة كيف اتزوج بنت يحبها صاحبي

أمير يطمنه: ياسر انت حاربت وكنت بتشلها عليا غصب عني، ايش فرقت الآن اني مت ومش قادر تنساها وتشوف حبي فيها؟! ياسر اليوم جيت عشان اقول لك اقسم بالله ابي مرتاح وافتهنت وروحي إرتاحت بعد ماعقد برانيا، لو جلست تعاملها هذه المعاملة انا ما بكون مرتاح واني تركتها بالدنيا لواحد......




📚 @rewayatyamania  🇾🇪

روايات يمنية📚🇾🇪

23 февраля 2025 22:12

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kمصممه جرافيكس @gjknbmk

https://t.me/joinchat/AAAAAD1p6TqBBTyITQumpA

/channel/+Ecxq_OzMYh40M2E0

kنكت سام صنعاء😆👇
https://t.me/joinchat/WU4ZscEyGaeyQqSr

k👇أجمل الأغاني في التلجرام😍
/channel/+VZE56V6tQZ4hA4wQ
━☆


للاشتراك ⇦ @STAR_TWASULBOT

روايات يمنية📚🇾🇪

23 февраля 2025 20:35

.

البـارت 460 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


نزلت سارة للصالة وهي تبكي كان موجود عمها وأبوها: لو سمحتم لو سمحتم كلموا جددي لا يضغط عليااا لأنه و الله العظيم لو زيد فيها إنه عيقتلني لأني أنا مش ساكتة ولا بسكت على أي تصرف بيفعله لو يكلفه روحي و هذه الخطبة أنا ما شفسخهاش وزواجي من إيا..... من يزن بيتم


سارة قالت كلامها و مشت قبل لا تسمع ردهم أو أي سؤال بيقولوه ، أبو ياسر و أبو هاني فارحين إن سارة متمسكة بيزن ولا فسخت الخطوبة  بالرغم من الكذبة اللي فعلها ، و عارفين إنها مجروحة من يزن جرح كبييير، فجأة شافوا أبوهم نزل وهو معصصصب و خرج للجامع ورزع الباب بعده

أبو إياد خرج: خير ماقد به؟

أبو هاني: كيف الآن نفعل ؟

أبو ياسر: مابلا إلا نعقد لهم

أبو إياد فهم: والأحسن لو يكون خفاء من أبي

أبو ياسر: إذن إتوكلوا على الله

بعد العشاء وقد فطروا
.
.
الكل رقدوا في همومهم وبعدها قاموا كل واحد على روتينه لبعد العشاء

أبو ياسر غمز لأبو إياد و أبو إياد راح و شل أبوه و خرجه على أساس يلوي فيه و يخلي أبوه يتشتت و ينسى قليل من المشاكل والهم اللي يمروا فيه و يشغله

أبو ياسر و أبو هاني أجتمعوا بالشباب: إسمعوا الآن جدكم يشتي يفسخ خطوبة يزن وسارة وإحنا بنوقف هذا الشي بحالة واحد بس

يزن بإهتمام: أيش!؟

أبو هاني: اليوم نعقد لكم ، الليلة والآن 

حسام: وجدي؟!

أبو هاني: شله خالك شرف يلوي فيه و يشغله، وإحنا بنعقد لكم

الشباب فرحوا و يزن ما أعترض: موافقين وذلحينا

أبو هاني: مستعدين! نصيح للشيخ

ياسر: بالنسبة لنا نحنا الشباب مستعدين، لكن زيدوا كلموا البنات

رامي: وأنت يا إياد أعقد

إياد برفض: لا لا ما شعقدش

حسام: لييش خطبتم مع بعض إعقدوا مع بعض  وإتزوجوا مع بعض

إياد: لا لا أنا مابتزوجش معاهم، أنا مابتزوجش إلا من بعد ما أنفذ وعد أنا قطعته

الكل بإهتمام: أيش هذا الوعد ؟

@rewayatyamania المصدر الأول للروايات

إياد أكتفى بالسكوت، يزن و ياسر خافوا وأفتجعوا من اللي ممكن يفعله

إياد بداخله حرقة قلب وبينه وبين نفسه: ما بتزوجش داليا إلا وأخذ حقها من الذي فعلوه فيها وما بعقدش على داليا إلا وانفذ كل الوعود اللي وعدها واحرق جان و لينا و يارا

الكل يحاول يقنعه بس ماقدروا الأمر قطعي عنده و متمسك بقراره و يتزوجوا و ما يكونش بينهم الحواجز اللي داليا مستنفرة منه لأنه يشتي يعقد لداليا و يعرفها إنه هو السند والظهر لها بدون أي حواجز يقدر يكون معاها بدون ماتحس إنه جان و لينا وويارا بينهم
.
.

أبو هاني و ابو ياسر راحوا للبنات و كلموهم
و ما أعترضوا البنات و خصوصاً سارة لأنها تشتي تعقد و تقدر تتفاهم مع يزن براحتها بدون ما جدها يجبرها أو أي حد يضغط عليها إنها تفسخ

الشباب راحوا يجيبوا الشيخ و البنات متوترات، راحوا جابوا الشيخ وعقدوا لسارة و يزن أول شي وهم الأهم إللي بدأوا العقد فيهم ، عشان لو جاء الحج صالح يكونوا قد تموا العقد ، و بعدين رجعوا يعقدوا لياسر و رانيا

رانيا صح عقدت بس من داخلها ماكانت مرتاحة بس بنفس الوقت إنه وضعها هي وياسر مش مريح لها، حتى ياسر و بلحظة العقد يشوف أمير قدامه و مش قادر يشوف أي حاجة و لا يحس بأي فرحة بس أمير قدامه

بالنسبة ليزن وسارة، يزن فااارح إنه سارة حقه و ملكه و ضمن حقه و ضمن إن سارة له والآن لو تنطبق السماء على الأرض ما يطلقها و مايتركها لأي حد هذه البنت مثل ما دافعت عليه و منعت فسخ الخطوبة بيدافع عليها بكل ما يملك من قوة وما بيطلقش أبددداً و إنه يتمسك فيها، الكل خرجوا و باركوا و هنوا بعض، والزغاريد ملوا المكان

يزن وقف و هو يتوجع

الشباب: ليش قمت إرتاح

يزن: دام هي عقيدتي بروح أتفاهم معاها وأقدر أفهمها وضعي

منعوه ويصيحوا عليه: بترجع تتفاهم معاها مش وقت

يزن بعناد: لا والله بتفاهم معاها وما بخليها ترقد زاعلة

يزن راح للغرفة اللي فيها البنات و سارة و دق الباب و سمحين له يدخل

يزن شافها: سارة أشتي أكلمك

سارة برفض بدون ما تشوفه: حالياً مفيش بيني و بينك أي كلام، بنتفاهم أنا و أنت من بعد العرس

يزن بعناد: لا بنتفاهم الآن

سارة عصبت: لا بنتفاهم بعدييين

يزن شاف لعند البنات داليا و آسيا ورانيا: ممكن تخلنا لحالنا

البنات قامين و خلوهم لحالهم بالغرفة بحكم إنهم عقدوا، خرجين وغلقن الباب وراهن ، سارة قامت كانت تشتي تخرج وراهن ، بس يزن مسكها و رجعها

سارة بعصبية : أنت مجنوون؟؟ بعديين كيف تجيي و أنت رجلك كلها حروق و مجروحة؟؟؟

يزن مش مهتم: ما يهمنيش، اللي يهمني الآن نسد أنا و أنتي و نتفق

سارة صاحت: مافيش بيننا أنا و أنت أي أتفاق ، لعلمك  يا يزن ، أنت جرحتني،  أنت خدعتني  ، أنت كذبت عليا ، أنا كنت عايشة معك طوووول.....


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

23 февраля 2025 20:34

.

البـارت 458 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح بعصبية: ممنوووع تشوفهااا ومن اليوم مش أنت خطيبها ولاشي إنسى حاجة إسمها سارة

يزن معند يشتي ينزل يشوفها للمطبخ
الكل مسكوه عشان ماتنكسر كلمة الحج صالح وعشان رجله المليانة بالحروق

يزن الخوف مسيطر عليه وبإنفعال: فلتوووني مش فاهمييين أيش أنا اللي أمررر فيه لو سمحتتم خمس دقائق بسسس

إياد وياسر: وعدد إنك تشوفها،... بس أنت إجلس

يزن بدأ يعصب دهفهم و ترك الكل ونزل يشوف سارة للمطبخ بس مالقيها، طلع والشباب بعده

إياد بقلة صبر: إجلسسس هنا ، إرتاح بنطلع نشوفها مش وقت الآن 

طلع إياد و ياسر و رامي للغرفة و يسمعوا بس سارة وبكهاها

سارة: ماتوووو ماتووووو أناااا دارية ماتوووو

ياسر: سارررة مالك ؟

إياد: مالها؟!

آسيا: ماقدرنا نهديها ولا رضت تقتنع إن يزن وأمي عايشين

ياسر: سارة والله العظيم إنهم عايشين

سارة تهتز: ماااات ماااااات، ماتوووو فلتووووني و سارووووا عند إياد أنا داااارية

إياد نفخ: لا حول ولا قوة إلا بالله العلي العظيم
سارة إهدأي وصلي على رسول الله ، والله إن يزن عايش، إستوعبييي يزن عايش وهذا هو نازل إنزلي شوفي


سارة ونوبة الهلع و تذكر الحريق و الإنفجار وتذكر كيف يزن وعمتها ماخرجوا : ماتوووو ماتووووو

أم حسام: يابنتي لا عاد تخليه يشوفك هكذا بتية الحالة الولد مافيه إلا العافية اللي فيه مكفيه

الكل يحاول يهديها

رانيا بعصبية راحت لطمتها كف عشان تستوعب اللي حصل ولكن سارة لا رد ماسكة براسها: ماااات ماااااات ماتوووو ماتوووو

آسيا صيحت عليها: ساااارة إستوعبي هم أمي وأخي لو ماتو بكون منهارة أخص مننككك

سارة ولا كأنهم جنبه يكلموها

آسيا آخر حل عندها: إتصلوا بنجاة 

رامي أتصل لنجاة

نجاة ردت: هلا رامي؟

رامي: أمم نجاة فاضية تجي لبيت جدي ، اعرف انه قرب وقت السحور بس ضروري والله

نجاة: طيب بكمل شغلي وتعال لي للبيت

رامي: تمام

رامي راح يجيب نجاة وفهمها حالة سارة

@rewayatyamania المصدر الأول للروايات

دخلت نجاة لغرفة البنات

جلست هي و سارة لوحدهم الكل خرج و
البنات نزلوا المطبخ يصلحين السحور والعيال عند يزن

يزن: ها كيفها ؟

ياسر: مافيهاش شي

إياد: لا تقلق يايزن خليها براحتها

يزن: وينها؟!

ياسر: بالمطبخ مشغولة مع داليا والبنات

يزن ما أرتاح للموضوع أبداً قام بينزل للمطبخ الكل حاول يمنعه و هو دهفهم ونزل بالرغم الألم اللي فيه من الحروق إلا إنه نزل يزن للمطبخ شاف داليا و آسيا و رانيا، وسارة  مش موجودة 

يزن تجمعوا الدموع في عيونه: وين سارة!؟

البنات كل من تشوف لعند الثانية وساكتات

يزن بقلة صبر: لا تجننوني قولوا وين سارة ؟؟
.
.
عند نجاة بغرفة سارة

سارة: ماتوووو ماتووووو خلاااااص ماتوووو ساروا بعد إياد

نجاة: سارة محد ماااات محد ماااات كلهم موجودين إنزلي حتى وشوفي

سارة تصيح بهستيرية: ماتووووو ماتوووووو أنا شفت لمن البيت حرق و أنفجروا و إياد وعمتي ماخرجووو ماخرجوووو تكذبوا عليا لييييش

يزن سمع صوت سارة، وطلع يجري للغرفة و دق الباب

نجاة نزلت البرقع و يزن دخل و إنصدم من منظر سارة

نجاة مسكت عرق يد سارة اليمين تحاول تهديها

يزن مفجوع: خير يا نجاة مالها!؟

نجاة: مثل ماتشوف

يزن أقتهر عليها وسارة بس تنطق: مات ماات ماات ماتووو ماتوووو ماتووووو ماتوووووو

نجاة: ياسارة يا حبيتي ماماتووش هذا هو يزن عايش ولا فيه شي ماماتش هذا هو جنبش

يزن أدرك أيش فيها سارة إن قصدها إنهو مات، تدمرت حالة يزن و تدمر ماتبقى منه أتمنى لو كان مات و لا خرج من المستشفى ولا يشوف سارة بهذه الحالة: وخري يا نجاة

نجاة وخرت و يزن جاء و جلس قدامها مقابل لعيونها

سارة تشوف يزن: مات ماا مااا.....

سارة سكتتت ولا عاد طلعت كلمة منها ، و هدأت

يزن بصوت مرتعش: سارة أنا عايش

سارة مش مستوعبة شي وبدون ادراك تسلسلت يدها و مسكت خد يزن تشتي تتأكد هل فعلاً عايش وإلا لا
  
يزن نزلوا دموعه وهو يشوف لحالتها

سارة ساااكتة ولا أدت أي ردة فعل

نجاة فرحت إن في إستجابة: خلااص هذا إللي أنا أشتيه، ممكن الآن تخرج يايزن عشان أشوف عملي،

يزن قام و ظهره مثقللل بالهموم و قلبه مليااان ماعرف من وين يلاقيها وإلا من ويين مقهوور و مددمرر بقووة على سارة

نجاة جلست و هي تدلك عروق يد سارة و تحضنها و تهديها و تقرأ بعض آيات من القرآن الكريم

نجاة بكلام حنون و مطمن: شفتي ياعيوني ياسارة يزن عائش مستحيل يفلتك بالأخير أنتي روحه و قلبه و عيونه و خطيبته مستحيييل يزن يفلتك شفتي مافلتك، فأنتي ماتفلتيه بهذه الحالة

سارة أرتاحت وخفت الرجفة اللي كانت مسيطرة عليها

نجاة أرتاحت و بدأت تعالجها بطريقتها

أبو إياد جالس عند.....





📚 @rewayatyamania  🇾🇪

روايات يمنية📚🇾🇪

23 февраля 2025 20:33

.

البـارت 456 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر مكن عمه الورقة: قطعت ورقة الفحص
ومكنه دبوس طبي معقم ومثل الدباسة: وهذا شليته جديد عشان ما يستخدموش اللي بيفحصوا فيها باقي المرضى عشان يخرجوا الدم من اصبعها

ابو هاني: يلا بنحطا

إياد: بعد ما تكمل بيجلس وقت لما تطلع النتيجة، خلي رانيا تجي لهنا بحاجتها

ابو هاني: طيب

راحوا عملوا الفحص وبعد ١٠ دقائق رجعوا

إياد فهم رانيا كل شي: معتمد عليش يا رانيا وإحنا بندخل معش عشان تبطل إحراج مننا بعد الموقف

رانيا حاسة بالذنب: طيب

دخلوا الكل لعند داليا

رانيا مسكتها بهدوء: داليا

داليا شافتها واستغربت كيف تكلمها بهدوء بعد المشكلة: اهلين رانيا

رانيا بندم: انا آسفة يا داليا ما كناش نعرف انو خطيبك هو إياد، وخطيب سارة يزن

داليا عقدت حواجبها وتوترت: كيف!

رانيا: احنا عرفنا كل الحقيقة
وبدأت تشرح كل شي لداليا

رانيا بترجي: ومن اقرب صديقة لسارة غيرك، قومي يا داليا عشان سارة بحاجتك

داليا جننت: كييييف وقع كل هذا وانا آخر من يعرف ليييششش محد كلمني

ياسر: انتي تاعبة واللي فيش مكفيش

داليا قامت: ويزن ويزن وعمتي رقية كيفهم

إياد: كلهم بخير

داليا: اشتي اسير ابسرهم

خرجوا معاها وداليا دخلت تطمن على عمتها لما اتطمنت وارتاحت بعدين راحت لعند يزن وخرجت

إياد: اليوم بيفعلوا عزومة عشان خروجهم والكل في البيت بحاجتك

داليا بصدق: مستحيل عاد اجلس في المستشفى دقيقة واحدة

ابو هاني جاء بالفحص: طلع نتيجة الفحص

الكل شافوا لعنده متوترين لكن التوتر والخوف بقلب ياسر غير

رانيا بهبالة: ايش طلع فيني السكر؟! فوق ما انا سكرة البيت بيكون فيني السكر حلا + حلا يعني الله يرحمكم بجلطكم في يوم

الكل ضحكوا بدون شعور على هبالتها وكيف قالبة الموضوع مزح وهبال رغم جدية الموضوع


@rewayatyamania المصدر الأول للروايات

ابو هاني ابتسم بفرحة: الحمدلله كانت اعراض السكر بس المرض مش موجود

داليا حضنت رانيا ورانيا نزلت دموعها براحة شافت ياسر كيف حاضن إياد ومبتسم بكل قوته وابتسمت بدون شعور

إياد: الآن تجهزي يا داليا خلينا نروح عشان العصر بيخرجوهم

داليا خلست روب المرضى ولبست البالطو وخرجوا من المستشفى مع ابو هاني وإياد اما ياسر بقي
.
.
في بيت ابو هند

الكل قامين يحضنين داليا ويتحمدين على سلامتها

داليا بقهر: كيف حصل كل هذا من سببه

ام حسام: مدري يا بنتي الله اعلم من وراه

ام هاني بقلق: رانيا ايش قالوا

رانيا بثقة: كيف سكر يوقع فيه السكر ما يجيش الحمدلله الفحوصات سليمة

ام هاني وام حسام وهند وآسيا حضنوها

داليا: وين سارة

آسيا بغرفتك

داليا تركتهم وراحت للغرفة شافت حالتها وزاد خوفها: سارة

راحت لعندها وحضنتها ونزلت دموعها: سارة اهدئي

سارة تهتز: ماتو ماتو

داليا: لا حول ولا قوة الا بالله محد مات يا عيوني

آسيا دخلت: داليا هيا ياسر اتصل قال احتمال يخرجوهم قبل العصر

داليا قامت وحسها عند سارة: طيب هيا
.
.
في العصر

في بيت أبو هند

خرجوا الكل من المستشفى و فعلوا إستقبال و ضيافة على سلامتهم و خروجهم من المستشفى، و عزموا فيكتور و رواد ، و زكريا و أبو همدان و هيثم و أبو روان و زياد

في المطبخ

داليا: يا ربي كل الضيوف جووو و إحنا عاد احنا ما خلصنا و جهزنا كل شيء

رانيا متعكفة: آسيا لو خلصتي اللي عندش تعالي ساعديني

آسيا: لا والله عادنا ما خلصت

روان نفضت يدها: يلا أنا بجي كملت اللي بيدي

دخلت أم هاني: آسيا بنتك تبكي قومي رضعيها و نيميها

آسيا شوية و تبكي: يااربييي كنت نااقصة عاده ما خللصتتت شغلي

نجاة مسكت اللي بيد آسيا: خلاص خلاص أنا بكمل بدلك روحي لبنتك

على خرجة آسيا سمعت إياد يصيح: يلا استعجلوا جهزتوا ولا عاده باقي ربع ساعة للاذان؟؟

آسيا بتنبيه: شوف نصيحة من أختك أوقف هنا و ريع أو روح و ريع خارج لان لو سمعتك واحدة من اللي في المطبخ و أنت تستعجلهن إحتمال يهجمن عليك بلي بيدهن فلا تتهور و راعي شوية

و راحت و إياد ضحك من كلامها و تحذيرها له

بعد شوية خلصوا كل شيء و قدموا الشباب للرجال و الضيوف ، و قدمين البنات للنسوان
.
.

وبعد  العشاء و الكل مجتمعين

الحج صالح: الآن أبسروا لنا عمال و مقاولين يعمروا لنا البيت

أبو هاني: خلاص أنا كلمت عمال و بيبدوا إن شاء الله

الحج صالح:  لا أنا مشتيش عمال وبس أنا أشتي يتعمر البيت بسرعة جيبوا عمال خيرات و مقاولين ينجزوا الشغل بسرعة أنا ما اشتيش أجلس هنا زياادة

و كان يقصد إنه ما يشتي يجلس مع يزن في نفس المكان و الكل فهم

أبو هاني: أبشر ياباه ولا يهمك من الصباح بكرا باجيب أضعاف العمال و أكلم المقاولين و إن شاء الله  كل شيء بيتم بسرعة وبيعمروا البيت باقرب وقت

مر الوقت والكل مع الضيوف......





📚 @rewayatyamania  🇾🇪

روايات يمنية📚🇾🇪

23 февраля 2025 20:31

.

البـارت 454 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


عند ياسر

قدام غرفة يزن يراقبه منتظر متى يصحى، اما إياد عند امه يكلمها ويوانسها
.
.
في بيت ابو هند

رانيا بهم كبير: آسيا والله ما ندرى وين نودي وجوهنا من داليا، البنت تحب خطيبها وإحنا قصدنا انها تحب خطيب سارة

آسيا مقهورة عليها: وإحنا ايش عرفنا بالحقيقة بنعرف بأنفسنا ان كل واحد منتحل شخصية الثاني

رانيا بقهر: على الاقل انتي ما سمعتيها حتى كلمة واحدة لكن انا وسارة قهرنا البنت وصلت للمستشفى

آسيا: كل شي بيتصلح يا رانيا لا تقلقي
.
.
في الفندق

روحوا أم أسيناد و أسيناد و رواد كان منتظرهم حتى ما راح للشغل و منتظرهم على أحر من الجمر ، نبع لعندهم

رواد : أيش  قالو أيش حصل أيش قالوا لكم ؟؟

أسيناد : إهدأ إهدأ مالك صلي على رسول الله

أم أسيناد ضابحة : مافيش نصيب يا إبني

رواد إنكسرر و شاف لعندهم : ليش ليش مافيش نصيب يمه أيش السبب؟؟

أسيناد :  لأنهم مكارمه حرازين مكارمه و المكارمه ما يتزوجوش إلا بيناتهم

رواد فهم عليها و ضببح بقووة وتركهم و دخل لغرفته ، أسيناد ما حبت تتركه راحت لعنده و دخلت وجلست جنبه تقنعه انو مافيش نصيب


@rewayatyamania المصدر الأول للروايات

.
.
في المستشفى

ابو إياد عند الطاقة وياسر جنب يزن وأبو ياسر يمشي سيرة رجعة داخل الغرفة

يزن فتح عيونه جلس ثواني مش فاهم شي وبعدها تذكر كل شي

يزن بخوف: امي كيف امي

ياسر فرح: يزن كيفك تحس بوجع

ابو إياد قدم وطرف عيونه مدمعة: اللهم لك الحمد، الحمدلله على سلامتك يا ولدي

ابو ياسر: شاسير اكلم الدكتور
وخرج

يزن بخوف: امي يا ياسر

ياسر يطمنه: بخير والله لا تقلق

إياد دخل فارح: يزن

يزن شافه: كيف امي يا إياد

إياد بصدق: بخير عادها كانت تسأل عليك

إياد بتعب: اشتي اقوم اشوفها

ابو إياد: ما تقدرش يبني قاع ارجلك محروق

إياد: انا شاخليها تجي

الدكتور دخل: اخرجوا عشان افحصه

خرجوا وأبو ياسر اتصل لابو هاني ان يزن صحي
.
.
في بيت ابو هند

ابو هاني فرح وطلع للدرجان وصاح: يزن صحي

هند قامت ونزلت دموعها بفرح: صحي

آسيا حضنت رانيا ونزلت دموعها: اللهم لك الحمد

وصاحت: يا عم انا فدالك وديني عنده

ابو هاني: البسي انتي وعمتش هند وهيا خطينا احنا وحسام ورامي، رانيا ابسري سارة وحاولي تفهميها ان عمتها ويزن صحيو

رانيا: طيب

آسيا وهند يتجهزين ورانيا دخلت لعند سارة

رانيا مسكت سارة وبهدوء: سارة يا عيوني يزن وعمتي قامو

سارة تحت نوبتها: ماتو ماتو

رانيا اقتهرت: لا حول ولا قوة الا بالله
.
.
في المستشفى

دخل إياد و معه البقيه لغرفة يزن عشان يسلموا عليه و يحمدوا على سلامته

هند جلست جنبه و مسكت يده و حبتها و دموعها نزلت: الله لا يورينا فيك شر يا غالي

يزن ابتسم لها بتعب: لا تقلقي أنا بخير

رامي: يلا خليك قوي عشان ترجع لنا سريع

حسام: لا تطول اشتقنا لك وعاد بيني وبينك حساب طويل ما بعديش الضرب اللي ضربتني هو قبل ما تدخل المستشفى

إبتسم يزن وتحولت ابتسامته لضحكة من كلام حسام: إن شاء الله

أبو ياسر: يلا احنا نخرج و نخليه يرتاح

خرجوا كلهم عدا آسيا اللي جلست و حطت رأسها على صدرة هي تبكي

يزن حط يده على راسها رغم كل الحروق اللي فيه و مسح عليها: مالك يا روح أخوش

آسيا رفعت رأسها و شافت لعنده وزاد بكاها: و الله بقلبي كنت حاسه إنك يزن كنت حاسه إنك أخي الذي أنا أحبه

وبندم: أنا آسفه على كلل لحظه بعدت عنك فيها وعاملتك بسوء و آسفه على كلل كلمة جارحة قلتها لك و آسفه على كل تصرفااتي مععك ، كنت معيي نععم الأخ و أنا عاملتك بكلل سوء و جرحتك بالكلام و الافعاالل  آسفه آسفهه يا يززن آسفه أنا والله نادمة على كل شيء نادمة على كل حرف قلته لك و على كل تصرف و كل اللحظات اللي أحتجتني فيها جنبك بس كنت بعيده عنك بعكسك أنت اللي كنت معي بكلل لحظة وكلللل مشكلة و تحملتني و تحملت غثايا و مشاكلي و كلامي وكلل تصرفاتي آسفة آسفة يا اخي انا حتى بموت اهلك ما وقفت معك ولا بمرضك كنت اكابر و مبتعده عنك لكنك آسفة والله العظيم اني كارهه نفسي على كل اللي فعلته فيك

يزن حضنها و حب رأسها و مسك يدها و باسها و شاف الأسوارة

يزن ابتسم: هذه الأسوارة اللي عادها موجودة بيدك للآن هذه عندي أهم من كل الكلمات اللي قلتيها الآن ، أهم من كل المواقف اللي حصلت بيننا ، هذه الأسوارة ما دام هي عادي بيدك هذا يعني أنو كلل شيء فعلتيه و كل كلمة جرحتيني فيها ما تنعني لي ولا حاجة

و رجع باس رأسها و كمل: أنتي أختي الوحيدة يا نور عيني لو ما وقفت معك انتي و كنت معك أنتي و سمعت لك أنتي لمن بأسمع أنتي اختي اللي أنتظرت أشوفك سنين الحمد لله شفتك فلا تتوقعي إني ممكن أزعل من تصرفك أو كلامك أو أي شيء لان.......





📚 @rewayatyamania  🇾🇪

روايات يمنية📚🇾🇪

23 февраля 2025 20:29

.

البـارت 452 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


إياد شافهن: يزن و أمي بخيرين الحمدلله

آسيا ما رمشت خلاص تأكدت من شكوكها بشكل نهائي وأم هاني حست دخان يخرج من جسمها من اللي تسمعه

حسام قلق عليها: آسيا مالش؟

آسيا دخلت بصدمة من شكوكها اللي كانت خايفة منه ما جابت أي ردة فعل

نجاة وروان بعد ما تطمنين طلعين عشان الكل يشل راحته

إياد بقلق: أنتين أيش جابكن كيف عرفتين؟؟ وداليا و ينها

آسيا تحت تأثير الصدمة: داليا في البيت تاعبة

إياد: ما خرجت ابداً؟

آسيا أشرت بمعنى لا

إياد تنهد وشاف ياسر: تعال معي

ياسر أشر بمعنى يلا وخرجوا

خرجوا وأبو إياد مركز على أخته راح لعندها

ابو إياد مسك يدها: مالش هكذا ساكتة وهادئة يا عائشة

ام حسام ما ردت واكتفت بالبكاء
.
.
في الفندق

رواد جالس يحوم حول أسيناد و هي تجهز الحلويات و تفعلهن و أمها تفعل العشاء

رواد: باقي حاجة ناقص حاجة؟

أسيناد ضبحت منه: رواااد  يعني أنت دائما ما تسألناش و لا تهتم إذا ناقص حاجة ولا شيء لكن اليوم أشغلتني

رواد يسلك: لا بس عشان الناس ميقولوش إن إحنا نقصنا شي ولا شي

أسيناد : ما عليك ما بتنقص ولا حاااجة مجهزيين كل شيء أنتت بسس أخررج من عنديي

ومسكت السكين اللي كان جنبها : و إلا والله لأفعلك ذبيحه لهم

رواد ضحك و خرج ، وبعد شوية ما قدر و رجع دخل و أسيناد أول ما شافته شلت لفة المناديل اللي كانت على الماسة قدامها و رجمته بها و هو خرج بسرعة و هو يضحك بصوت عالي

وبعد وقت جهزوا كل شيء لخطبة رواد كانوا مستعدين عشان يروحوا يتقدموا لرفأ و يجيبوا لها كلمة

@rewayatyamania المصدر الأول للروايات

في بيت أبو أمير

ملاك متضايقة بقووة و حزيينة و جالسة تتذكر ذكرياتها مع أخوها و دموعها تنزل ، لقيت نفسها في محادثة زياد اللي كانوا يتكلموا عن أمير وكل شي يخص أمير

زياد بتردد: عاد امش تعاملش بقسوة؟؟

سكتت ملاك و ما جاوبت

زياد يطمنها: يا ملاك أنا عارف بكل شي ، أنا مشتيش إن أنتي تخبي ما بقلبش لأن قد كلمني أمير بكل حاجة ، أعتبري أنو أمير موجود و تكلمي عادي و أنا بسمعش

ملاك أرتاحت من كلامه و إن أمير كان يوثق فيه و كلمه بكل شيء فجلست تكلمه بكل شيء و أيش فعلت أمها معاها ، و قدها كل ما فضيت جلست تكلم زياد و أصبح شخص قريب منها جدااً ووثق فيه من ثقة أخوها أمير فيه
.
.
في بيت ابو هند

إياد تعب دقدقة بالباب: ما بتردش كيف ادخل انا الآن

ياسر جلس: اطلع من فوق اكتافي

طلع إياد وياسر وقف لما مسك نهاية السور تسلق ونبع لداخل لما نكع فتح الباب لياسر وصلوا للباب الداخلي فتحه بالمفتاح اللي معه وطلعوا لغرفة داليا

إياد يدق بقوة: داليا افتتتحي

ويحاول بالمغلق قوي: افتحي ولا شكسر الباب

ياسر بخوف: اكسر الباب عاد البنت لقبل فترة حاولت تنتحر اكسر

إياد خاف فعلاً لو فعلت بنفسها شي كسروا الباب الاثنين لما وصلوا لنص الغرفة

ياسر قفى بدون ما يبسرها وإياد قرب منها وتحمد الله انها مسترة

إياد بخوف: البنت محمممرة

ياسر قرب وشافها: اسكة افحصها

إياد حس عروقها تنبض وارتاح حط إصبعه عند انفها: نفسها حاااامي

حس رأسها: البنت حمه نار

خرج جاب خرقة وماء وبدأ يخرق لها وياسر جاب قلص ماء مده لإياد وإياد رفع رأس داليا وشربها وهي مغمى عليها حاولوا يصحوها بس ما صحت

ياسر قلق عليها: نشلها المستشفى

إياد خايف عليها بيجنن: شغل السيارة شغل

ياسر نزل يشغل السيارة وإياد اطرح تحت الامر الواقع شلها وودوها المستشفى
.
.
في المستشفى

داليا فتحت عيونها بتعب لقيت إياد وياسر جنبها رجعت غلقت عيونها

الدكتورة دخلت: اخرجوا عشان اقدر اخذ راحتي بعلاجها

ياسر وإياد خرجوا والدكتورة بدأت تقيس حمه الصدر والظهر ووراء رقبتها

داليا فتحت عيونها ونزلت دموعها

الدكتورة: الحمدلله على السلامة

داليا بكت وبترجي: يا دكتورة اشتي اجلس هنا فترة الله يخليش قولي لهم اني احتاج رقود مشتيش اروح

الدكتورة انصدمت من طلبها: طيب ارتاحي الآن ولا تقلقي ما بتروحي

داليا إرتاحت غمضت عيونها ورجعت في سبات

الدكتورة خرجت و سارت لمكتبها و الشباب بعدها

إياد بقلق: ايش فيها يا دكتورة

الدكتورة: حمه شديدة داخلية وخارجية وهبوط حاد حاد جداً لانها لها يومين بدون أكل او شرب ، حتى صابها جفاف اجلسوا ، بكلمكم

إياد و ياسر جلسوا وهم باشد قلقهم

الدكتورة: البنت تتعرض للضرب والاضطهاد؟؟

ياسر جنن: مستحيل هذه البنت بالذات حاطين لها بين عيوننا

إياد جمد من سؤالها: ليش هذا السؤال يا دكتورة

الدكتورة: المريضة صحيت

ياسر و إياد فرحوا ومنتظرين لها تكمل كلامها

الدكتورة: بس طلبت اكذب عليكم بانها تحتاج لرقود ، وكانت تبكي باين الخوف ما تشتيش تروح

إياد اقتهر: طيب يا دكتورة تقدري تخليها يومين.....





📚 @rewayatyamania  🇾🇪

روايات يمنية📚🇾🇪

23 февраля 2025 14:49

.

البـارت 450 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ياسر بخوف: أيش يا دكتور؟

الدكتور: البنت مصفررررة وكل العلامات تدل على إنها بتصاب بمرض السكر وإن شاء الله ما تصاب فيه و يكون علامات خائبة لكن والله ما أقول خير بعد يومين بنعل لها فحص ونتأكد والله أعلم متى تصحى

ياسر ما تحمل الخبر و أرتزح على الجدر و أبو هاني جلس مهدود القوة بدون أي روح و حسام معاد دري من يقوي فيهم
.
.
في قسم الحروق

الدكتور اللي عند يزن خرج والكل قاموا لعنده

الدكتور: الولد تعرض لحروق في يداته و رجله وظهره وصدره بس مش خطيرة قوي وعالجناها بس فيه جروح عميقة بسبب زجاج وبسبب ما تناكع عليه جسمه كله جروح وبإذن الله ما عليه خطر بس يحتاج لوقت عشان يتعافى

الكل حمدو ربهم و إياد جلس بعد رعب شديد وشكل أمه و خاله وخالته في عيونه من الحروق الموضوع عنده فوبيا ويتكرر نفس الشيء مع أمه الثانية حس بضيق ضييييق بتخرج روحه من أعراض الفوبيا خرج عشان محد يحس عليه كالعادة هو الكتوم اللي يتحمل كل شي لحاله سار للحوش وحاول يأخذ نفس بس بدون فائدة الدنيا تدور من حوله شافه طبيب سنده و إياد دوخ على كتفه صيح لبعض ممرضين دخلوه وعالجوه
.
.
روان غلقت وبكيت بقوة لما الكل ماتت اعصابهم من بكاها

روان ببكاء: يالله اللهم لك الحمد اللهم لك الحمد خالة رقية ويزن بخير

آسيا نزلت دموعها: بحجر الله يا روان

روان زاد بكاها: أقسم بالله إنهم بخير والله إنهم بخير ومش بخطر حتى عادو أبي طمني الآن

آسيا سجدت وأم هاني ضمت بنتها أكثر وتبكي و أم حسام بكت بعد صمت طوووويل ونجاة وأخيراً تنفست براحة

نجاة مسكت يد سارة: سارة يا روحي يزن وعمتش بخيرين بخيرين

سارة:.......

نجاة حبت يد سارة: أنا فدالش يا سارة أنتي تسمعي أيش أقول

سارة:......

نجاة طلعتها وبدلت لها لأن رامي حممها عشان تصحى من نوبة الهلع بس ما صحت منها للآن


@rewayatyamania المصدر الأول للروايات

في المستشفى

صحى و شافه قدامه

ياسر بتعب: الحمدلله على سلامتك يكفي يا إياد كل واحد فيكم يفجعني من شق أنت وعمتي و يزن وسارة وأنتم بالذات أغلا ناسي

إياد قام بتعب: ما قالو مالها رانيا؟؟

ياسر رجع إياد مكانه: أنت إرتاح الآن ما عليك من شي
.
.
رامي في الحوش مع اعمامه شرح لهم كل شي

أبو إياد: إيه والله هذا اللي حصل وكأن المقصود يحرق قلب رامي مش بيتنا إحنا كنا مع رامي راقدين وقمنا من الإتصال اللي جاله

أبو ياسر شوية ويجنن: رااااميي!!!! رامي اللي ما يعاديه حشرة وكل الناس يحبوه يطلع له غريم الآن!!؟

أبو هاني: ومش أي غريم ، هذا الغريم فيه خبث العالم يعني لا رامي ولا كل عائلته بنكون بخير

أبو ياسر بتفكير: أقسم بالله إنه شي يشيب بالرأس من اللي بيعادي رامي منننن؟؟!

رامي بتوعد وحقد: من ما كان والله لخليه يخرج حليب أمه من بطنه ومانا رامي إبن أيوب إذا ما حرقته

أبو ياسر: خلينا نروح الآن نقدم بلاغ لما نعرف من الفاعل

أبو هاني: روح أنت ورامي ، أنا و شرف بنبقى هنا قد الكل أضعف من الثاني اليوم

أبو ياسر وقف: طيب أنا ما كلمت ياسر على أمه كلموه عشان ينزل عندها

أبو إياد: ولا يهمك

راحوا رامي و خاله والبقية طلعوا
.
.
ياسر و إياد خرجوا ولقيوهم قدامهم

أبو هاني: إنزل عند أمك

ياسر إستغرب: أمي؟!!

أبو إياد: أيوة أمك نازل قسم الطوارئ تاعبة

شاف الدنيا تدور من حوله هاجمته الدوخة و السمع و البصر ضعفوا عنده و نبضات قلبه بدأت تختفي على من يقلق ولا على من خلاص كل اللي يحبهم و يغليهم كل واحد في مكان وتاعب إياد سنده و نزلوا

ياسر جلس جنب أمه و نزلت دموعه: مالها؟

الممرضة: بإذن الله مافيها إلا العافية، هبطت من الفجيعة و أصابها هبوط حاد جداً لكن لا تقلقوا إن شاء الله قريب و تصحى

هند فتحت عيونها شوية حست بيد ماسك يدها التفتت بتعب شافته قدامها يبكي

هند بتعب: يزن و رقية؟

ياسر شافها تغيرت ملامحه والبسمة شقت وجهه: كلهم بخير يا غالية كلهم بخير

هند بكيت: تكذب عليا صح تكذب؟

ياسر حبها أكثر و يطمنها: والله إنهم بخير والله

هند شافت لعند إياد

إياد إبتسم بوسط تعبه: والله إنهم بخير

هند إرتاحت لإبتسامتهم هي حافظة للثلاثة حفظ مغيب يعني لو كان حصل شي بالذات بيزن مستحيل يبتسموا حتى

الممرضة: لو سمحتم أجمعوا كل العائلة اللي ما تلقوا أي علاج

ياسر وقف: طيب

و شاف أمه: بنرجع يا غالية

هند أشرت له بمعنى تمام ، و الشباب خرجوا يجمعوا العائلة بس ما لاقو رامي و أبو ياسر فإنتظروا لهم
.
.
في مستشفى أبو روان

هاني حس بقلق كبير على نجاة هي موعدها في رمضان من الساعة ٨ الصباح للساعة ١٢ وبعدين من الساعة ٨ الليل للساعة ٢ الفجر ، وما يبدأ دوامها إلا وزارتهم ورسمت إبتسامة ونشرت الطمئنينة في قلبه اليوم وينها رغم......


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

24 февраля 2025 19:52

.

البـارت 474 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أم حسام حطت يدها على قلبها براحة: يا رب، شوفوا الفرح في عيون الأمهات، الله يجبر قلوبكن
.
.
الحج صالح برضا و ثباث: الحمد لله الذي لا يحمد على مكروه سواه، الحمد لله إللي صبرنا ونلنا، و الظلم ما بيدوم

رامي و حسام طلعوا عند يزن يبشروه

رامي يرقص و يتخيبل: إياد و ياسر بيخرجوا من السجن بيخرجو

حسام دخل نبعة: مبرررووووك يا نسب الغوالي خارجين

يزن أبتسم على هبالتهم وهو أصلاً مخطط كل شي مع فيكتور ، و شكر الله كثير على وجود فيكتور في اليمن بذات بهذا الوقت لأنه أنجز عنه اللي كان بيعمله بوقت هو مجروح و محروق و حركته صعبه
.
.
في السجن

ياسر ضحك: خطبنا و أفتهنا و قبل عرسنا إنسجنا

إياد ضحك من ضحكته: و أنت حد قال لك تجي معي للمصيبة؟

ياسر بصدق: أجي معك للموت مش للمصيبة

إياد بحسرة: أااخخخخ إنغدرنا منهم حرقناهم قلنا نرتاح، وصلنا إنغدرنا من روحنا الثالثة ، من يزن

إياد وياسر ضحكوا بقوة من إللي فعله يزن و بنفسهم يقتلوه
.
.
في بيت أبو هند

الكل يراقب شافوا أبو ياسر و أبو إياد نزلوا والشباب معاهم الكل نزلوا لعنده يشوفوا أيش الخبر

الحج صالح: ليش لوحدكم وينهم عيالكم؟؟

أبو إياد: والله يا باه قالوا بكرة بيخرجوهم مش اليوم، لما يكملوا إجراءات التنازل

الحج صالح: خير إن شاء الله

طلعين متحلطمات بنفس الوقت فارحات و يخططين أيش يفعلين لهم بكرة
.
.
في بيت أبو روان

أبو روان جلس: بكرة إحنا معزومين في بيت عبدالله لا تفعلوش عشاء إفعلين حلويات وشلنه معاكن

أم روان أستغربت: يوه عادها خرجت من المستشفى كيف يعزمونا أو عتقوم تطبخ هي؟

أبو روان: روحوا زوروها و أوديكم من بدري تطبخين أنتين عشان لا تتعب نفسها

روان و نجاة: حاضر

أبو روان شاف روان: أيش قصة وليد ، روان زواجك من رامي مستحيلة لو أضطر أقطع هذيك العائلة بكلها

وشاف نجاة: ومن بكرة تحولي هاني عندي أنتي أبتعدي عنه معاد بتعالجيه

نجاة أقتهرت: كيف يا باه، أنت تعرف إن هاني بدأ يستجيب للعلاج معي و أنا مستحيل أتركه الآن

أبو روان عصب: بتتركيه يا نجاة

نجاة بعناد: والله ما أتركه

تركتهم وطلعت و هي تبكي

@rewayatyamania المصدر الأول للروايات

أم روان: يا بنتي باقي ساعة للسحور

نجاة دخلت و غلقت الباب بقوة: مشتيش

روان مغبونة: أيش دخل علاج نجاة بهاني بقصتي مع رامي يا باه؟

أبو روان مقهور: لأن هاني مهتم بنجاة لو غابت يشغل الأطباء عشانها، و إذا تعلق فيها مستحيل أجيب لهم نجاة و هم رافضينك

قام وهو ضابح و روان متماسكة تحاول ما تبكي قدام أمها
.
.
في صباح العاشر من رمضان

فيكتور تواصل مع ضباط أمريكيين في عدن جو على أساس سياح و هم في مهمة رجوع جان و لينا و يارا وسجنهم في أمريكا

دخل لعند جان شافه متجهز على أساس لسفر، ولعند يارا نفس الشي
مستعدين للهرب من تهديد يزن و الخوف بعد إللي فعله إياد المسكين فكيف بيكون يزن العصبي، خرج من عند يارا و دخل لغرفة لينا فتح عيونه و مكانها فاضي لف حول الغرفة يداورها مش موجودة خرج من الغرفة كلم رواد و بدأوا يداورو عليها بدون فائدة ، طلعوا لغرفة المراقبة شافوا من الكيمرات رجعوا للوراء للممرات ، خروج لينا من المستشفى لساحة المستشفى ومن ساحة المستشفى لخارج المستشفى و هروبها....

فيكتور حمر من الغضب شل تلفونه و أتصل: لينا هربت

يزن نكز: ما الذي تقوله فيكتور، يجب أن تجدها لما ستهرب وهي تعرف بتهديدي، يبدو أن برأسها شيئاً ما

فيكتور يحاول يهدأ: أين سأجدها و لم يتبقى أمامي سوى نصف ساعة؟؟

يزن غلق عيونه بقهر: إذاً إسمعني جيداً، إذهب بجان و يارا ، لينا ستظهر ، لن تستطيع أن تختبئ و تختفي في أرض ليست بأرضها، خذهما و أذهب

فيكتور: حسناً

راح خرج جان و يارا وخرجوا من المستشفى لفوق سيارة رواد

يارا بخوف: أين هي لينا؟

فيكتور شافهم: لقد هربت و أنا قدمت واجبي لحمايتكم ، ولكن هي ستلقى حتفها ، يزن يبحث عنها

جان ضحك بسخرية: تلك الساذجة متخليه عن ما تبقى من حياتها ، لقد تخلصوا من جميع الفيديوهات ما الذي ستفعله؟

يارا فهمت ما برأس لينا: حسناً ليس لنا علاقة بها ما زلنا نريد حياتنا أليس هذا التشوه كافياً لقد ذهب جمالي سدى

رواد تحرك لعند خاله، طلعوا مع خاله فيكتور و جان و يارا و سافروا لعدن
.
.
عند لينا

لينا تراقب بيت أبو هند طبعاً يعرفوه بسبب الفيديوهات إللي وصلوها كهدايا: أيه لكن حبيبي يزن ، خلصتو من الفيديوهات و بدك تخلص مني و تتجوزا لسارة، لا ما حزرت، راح أخرب لك حياتك....
.
.
مر الوقت ، و نجاة راحت المستشفى عشان تبدأ الجلسة الخامسة مع همدان، و أبو روان وصل روان و زوجته عشان يطبخين هن و يساعدين أم همدان
.
.
في بيت أبو همدان

أم همدان ترحب بهم......





📚 @rewayatyamania  🇾🇪

روايات يمنية📚🇾🇪

24 февраля 2025 19:50

.

البـارت 472 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الضابط: أعتقلنا أبو أسامة، مسكوه شرطة ذمار و حولوه لصنعاء، و خليناه يعترف باللي فعله لبنتك و حفيدك و أكد على أقوال سارة، وقع على هذه الأوراق وفي وقت المحاكمة بيطلبوا سارة لتقدم شكوتها و بإذن الله يأخذ جزاته

أبو هاني فرح ووقع و خرج بسرعة عشان يبشر بنته
.
.
في حارة وليد

رامي يدق الباب بقوة و وليد هرب من فوق سطح بيتهم لسطح بيت جيرانهم وهكذا من سطح لسطح لما خرج من الحارة

رامي بكل عصبية: لو إبنك رجاااال يخرج ويخلينا نتقاتل من رجال لرجال مش يهدد مكالف ويجي يحرق الدنيا والناس رقاد تفوووووو على تربية شوارع ما تعرف تطلع رجال

أبو وليد قدم بيضرب رامي بس حسام كان أسرع جاء من وراء أخوه و زبط أبو وليد لما رقده

رامي شافه: أيش عرفك؟

حسام: كلمتني آسيا

زياد بتهديد: تقرب نحرقك قبل ولدك خليك بعيد و ولدك بنعرف نوصل له

تركوه و راحوا لعند روان شلوها و راحوا قدموا شكوة في وليد وتم الإعتماد وليد ملاحق و مطالب من الدولة
.
.
في بيت أبو هند

أبو هاني جمع الكل و بدأ يتكلم: أتصلوا لي من مركز الشرطة رحت وأنهم مكسو أبو أسامة و بيحولوه للمحكمة قريب

سارة بقزازة : الله يلحقه بولده

آسيا ورانيا: يااارب

هند: خلاص بيشل جزاته باللي فعله فيش

الكل: إن شاء الله

يزن و حقد العالم في قلبه: ليت و مسكته أنا والله ما تكفيني روحه

أم إياد: هيا الحمدلله إنك ما مسكته أنت

الحج صالح: فين قدهم ببناء البيت؟

أبو هاني: قد كملو الدور الأول كامل
.
.
في مستشفى أبو روان

أبو همدان دخل مكتب أبو روان: بكرة تعالوا أنت و الأهل عندنا معزومين في ضيافتنا

أبو روان شافه بخوف

أبو همدان: لا تفتجع مش مستعدين نخسر البنت، بس أمها تشتي تشوفها

أبو روان أشر بمعنى تمام و أبو همدان خرج
.
.
في بيت أبو هند

الحج صالح عصب: و عاااادك ناوي تخططبهاااا؟؟؟

رامي ماسك أعصابه: أيوة

حسام: يا جد أيش دخل البنت؟

الحج صالح زاد عصبيته: كييييف أيش دخلللها زواجهم يعني عائلتنا طول عمرها بتكون بخطر


@rewayatyamania المصدر الأول للروايات


أم حسام بغضب مكتوم : يعني معقول يا رامي؟ تطلب مننا نوافق على زواجك من وحدة مطلقة و كمان أكبر منك؟ أيش الناس بيقولوا علينا؟ و أيش مستقبلها معاك؟

رامي حاول يهدأ نفسه و حاول يجي لهم بالحسنى بدون عصبية

رامي بهدوء بس مصمم: يمه روان إنسانة طيبة، و أنا اللي أخترتها و أحبها، العمر ما يهمنيش، و أنتي تعرفي هذا الشي، ليش تكونوا ضدي بدون سبب مقنع؟؟

الحج صالح أرتفع صوته: فكرتك أكبر من هذه السخافات ، تطرح كل عائلتك بخطر عشان حبببككككك؟؟!!! هذا عااااار عاااااااار عليك تتزوج بنت مططلللقة و أكبر منكككك

رامي بقههههر: عار؟؟ روان ما فعللت شي غلط، اللي وقع معاها قسمة و نصيب، ما لهاش ذنب فيه، ليش تظلموها و تظلموني معاها؟ ليش ما تهتموا إلا بالمظاهر و كلام الناس و راجمين قلبي بدون ما تعبروه و تهمووووا الناس أكثر من إبنكم؟!

أم حسام بعصبية: أنا تعبت و ربيتك و شقيت عشان أشوفك مرتاح ، مش عشان تشوفني أم و تتركني عشانها ، وبعدين إحنا الكبار هنا ، و أنت ضروري تسمعنا ، شوف البيت إللي حرقوه بسببك و بسبب هذا التفكير المجنون! شوووف البيت من خرج منه من الموت و كنا بنمووووت كلنا مش بس خالتك و يزن

رامي بهدوء و عيونه مليانة وجع و خيبة منهم: طيب أنا اللي بتحمل نتيجة قراري، خلوني أحاول أثبت لكم إنها إنسانة تستحق ، العمر والطلاق ما بيوقفوش بيننا، وبثبت لكم هذا الشيء

الحج صالح فار دمه من الغضب: مفيش حاجة إسمها خلوني أثبت ، الكلمة الأخيرة عندنا، وزواجك من روان مرفوض مرفوض

ابو إياد بإعتراض: بس بسسسسس، الولد بيتزوج خلووووه بحاله يكفي تحكم يكككفيييي

الحج صالح صرخ: وتموت كل العائلة عشان عيونه و عيون روان؟؟؟؟

رامي شافهم بثقة: بتخلص من وليد، و أسلمه للشرطة بعدها بنكون بأمان وقتها أوعدوني تخطبوا لي روان؟

الحج صالح و أم حسام سكتوا

رامي بجدية: عمرها كبير و مطلقة ما يهمنيش، و بتزوجها غصببب لو هذا عذركم، بس وليد بتخلص منه بعدين تزوجوني بها

أم حسام: لا

رامي شافها: إذا رافضة تبري مني يمه

الكل أنصدموا من كلامه و أم حسام نزلت دموعها

رامي مقهور: يا روان يا أقسم بالله ما أتزوج غيرها و تظلميني بحياتي كلها

أم حسام زاد بكاها من كلامه: طيب يا رامي إمسك وليد و أنا أخطبها لك

الكل فرحووووا معادا الحج صالح

الحج صالح عصب: عااااائشة!

أم حسام بكت: لا يا باه لا، أنا ما بخسر إبني مثل ما أنت خسرت شرف، و رقية خسرت إياد ، أنا مش قادرة أخسر ولدي

ِ طلعت و هي تبكي ورامي طلع بعدها يراضيها

أبو ياسر شاف أبوه: خلاص يا باه لا تخسر أحفادك

الحج صالح بجدية كبيرة: خلاص.......




📚 @rewayatyamania  🇾🇪

روايات يمنية📚🇾🇪

24 февраля 2025 19:34

.

البـارت 470 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


نجاة خرجت دفتر و قلم جابت له عشان يكتب: يلا معك ساعتين إكتب لي بداية الرواية اللي بتكتبها

هاني بدأ يكتب و نجاة تعمل نفسها منشغلة و هي تراقبه بدون ما ينتبه
.
.
في المستشفى

الدكتور شاف لرواد: الحمدلله عايشين

رواد أرتاح عشان ياسر و إياد: اللهم لك الحمد

الدكتور: حروقهم من الدرجة الثالثة، بنعمل لهم عمليات تجميل فيما بعد

رواد: إن شاء الله

كلم فيكتور و فيكتور فرح وكلم يزن
.
.
في بيت أبو هند

الكل وقف و راحوا لعند يزن ساعدوه وجلسوه معاهم

أبو إياد عصب: أنت تشتي تجنني رجلللكككك محروووقة كيف تمشي ما تشتيش تتعالج؟؟

يزن حس رجله تلهببب لإنه ضغط عليها بالمشي: أشتي أكلمكم ضروري

أبو ياسر: بتقول لنا و إحنا بنجي لعندك

يزن: مش وقت الصياح الآن، جان و لينا و يارا عايشين

الكل فرررحووووووا إن إياد و ياسر نجو من حكم الإعدام

يزن: في المستشفى هم فيكتور و رواد دفعوا تكاليف المستشفى بإسم أبي وعمي علي و السندات عندهم، والآن روحوا إهتموا بهم ويحتاجوا لعمليات تجميل إدفعوها لهم، والسندات قدموها و أضيفوها لملف القضية بيخفف الحكم بشكلللل كبيييير

الكل فرحووووا والدنيا ما وسعتهم

أبو إياد وقف: رايح الآن

أبو ياسر لحقه: جايي معاك

يزن شاف جده و الحج صالح قلب وجهه ويزن أقتهر
.
.
في مستشفى أبو روان

هاني أبتسم لها: كملت

نجاة قامت شلت الدفتر و قرأت البداية

وشدها عنوان الرواية


@rewayatyamania المصدر الأول للروايات

عنوان الرواية " أصوات الغدر"

عنوان الفصل الأول "يوميات من عتمة الروح"

لم أكن أعرف أن للثقة خيوط هشة، تربط أرواحنا ببعضها مثل خيط عنكبوت ينسجه القدر ، كأن كل إبتسامة ، كل كلمة ، كل لمسة كانت حبلاً يُشدّ حول رقبتي ببطء شديد ، ظننت أن الحب يحررنا ، و أن الثقة حصن منيع، يا لي من أحمق...

أجلس هنا، وحيداً في غرفة لا تملك سوى صدى أنفاسي، وقد أصبحت كل كلمة نطقتها لكِ خنجراً، و غرستِه أنتِ ببرود في صدري ، عقلي يصفني بالجنون، يقول لي أنه ليس لكِ يد في خيانتي ، لكنّ جسدي يرفض تصديقه ، أسمع الأصوات تهمس لي، تذكرني بكل تفاصيل الغدر، أصبح كل شيء قاتماً ، حتى ذكرياتنا تبدوا الآن كفيلم رعب مُمجّد....

أتساءل، هل كنتِ تضحكين في سرّكِ عندما أضع رأسي على كتفكِ؟

وصلت نجاة لهنا وما قدرت تكمل غلقت الدفتر و حست روحها بتخرج وهو يكتب عليها، و كيف بدأ يعبر لما كان قريب منها حست بغيرة أحرقتها، لأول مرة هو المريض الأول اللي ما قدرت تكمل تشوف نشاطه و هواياته

هاني أستغرب: نجاة مالك؟

نجاة تمسك صوت بكاها و حابسة دموعها وبغصة: هذاااا الإبدااااع والوصف من أول رواية لك؟!!! هاني أنت مستوعب إنك بتكون أفضل كاتب باليمن؟

هاني فرح وحس قلبه فراشات: صدق يا نجاة؟

نجاة أبتسمت: والله العظيم وهذا رهان بيننا يلا تعالج بسرعة عشان تكمل هذه الرواية ونصدرها كتاب بعد ما تخرج

هاني فرح و لقي معنى للحياة و شغف جديد عشان يتعالج و يحقق حلم كان في إنتظاره

نجاة رجعت لمكتبها تجرأت و فتحت الدفتر تكمل تقرأ ما كتبه الآن هي لوحدها وإن ضعفت وبكت هي محررة

بين سطور هاني.....

كانت السماء في تلك الليلة غائمة، كأنها تتآمر مع قلبه المكسور، في الزمان الذي مضى، كان يعتقد أن الحب هو ما يبني الجسور بين الناس، و أن الإخلاص هو السلسلة التي لا يمكن كسرها، لكنه الآن وهو واقف أمام الباب المغلق لشقته ، لا يعرف كيف يخطوا الخطوة التالية، فجأة سمع صوتها من داخل المنزل، صوت زوجته، تضحك مع شخص آخر.....

لكم كانت تلك الضحكة ثقيلة على قلبه، و كأنها رصاصات صغيرة تمزق ما تبقى من روحه، كان صوتها مألوفاً ، لكنه الآن أصبح يراوده شعور غريب من الغربة، كانت تلك الضحكة التي طالما أحبها، تغلف الآن بغرابة غير مريحة ، شيء من الخيانة كان يلوح في الأفق.....

دفع الباب بيده المرتجفة و دخل بهدوء، ولكن عينيه كانتا تبحثان عن شيء لا يريد أن يراه، في تلك الزاوية من الغرفة، كان هناك رجل آخر، رجل لا يعرفه، لكنه كان يعلم في أعماقه أنه كان هو الشخص الذي كانت زوجته تتهامس معه منذ أسابيع ، تلك اللحظة كانت كالسقوط في هاوية، وكأن الأرض أبتلعت قدميه في لحظة واحدة.....
لم يكن بحاجة إلى كلمات، لأن الخيانة كانت واضحة في كل شيء ، في طريقة و قوفها بجانب هذا الرجل، في تلك النظرة التي تبادلها معه ، في كيف أن جسدها كان يبتعد عنه ليقترب منها ، كان يرى في عينيها ما لم يكن يراه من قبل ، الخيانة ليست مجرد فعل، بل هي روح جديدة تجسدت في شخص آخر......

إنقضت لحظات طويلة، لكنه لم يستطع أن ينطق بكلمة، كانت الصدمة تعصف به، وكان قلبه يضرب بشدة في صدره و كأنها محاكمة داخليه لا تنتهي، كلما حاول أن ينطق......


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

24 февраля 2025 19:32

.

البـارت 468 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


فيكتور مقهور: لم أستطيع الوصول في وقت أبكر ، لكنهم ما زالوا على قيد الحياة و حروقهم بلغية تم نقلهم إلى المستشفى

يزن جنن غلق و حاول يتواصل مع إياد وياسر ما ردوا
.
.
في بيت أبو هند

إياد و ياسر وصلوا و طلعوا لعند يزن

إياد عمل رسالة لداليا تروح لعندهم و دخلوا

يزن شافهم و وقف: مجانين أرتحتتتووووا بعد ما حرقتوهم؟؟

داليا دخلت: أيش في؟

إياد أبتسم: أيوة أرتحت

شاف داليا وكأنه أنتصر بصنع حياة لها: خلاص الفيديوهات كلها أحترقت مافيش داعي تقلقي من شي

داليا بكت من الفرحة و بداية شعور الأمان: مننن صددددق من صددددددق يا إياد؟

إياد شاف فرحتها و تفتحت الحياة بعيونه إنه نفذ وعده إللي قطعه بالسر لها: أيوة من صدق

يزن بعصبية: حرق الفيديوهات و أحرقهم

داليا تجمممدددت وخافت: كيييييف، أيييشششش تقوووول من أحرق ؟

يزن: أحرق جان و لينا و يارا

داليا أنصدددمتتتتت: أيييشششش ؟؟
نزلت دموعها: أيييش فعلت يا إياد أحرقت البنت إللي تحبها، و زوجة أخوك ، وصاااحببببك؟؟

إياد براحة: لا أحرقت كل من مسو شرفي و عرضي والحرق قليل عليهم

داليا تشنجت و صاحت: مجنننوووون أنتتتت مجنوووووون كييييف أحررقتتتهمممم وتسير الآن للسجن أو إعدام

إياد: ما يهم اللي يهم إنك تعيشي بأمان

داليا جننت وبكيت: عشششاااان هذا الأمان كم مررررات بتنسجن كممم مراااات بتروح للمووووت كممممممم مشششتتتيييششش هذا الأماااااان ما أشتتتتيييييه

إياد: بس أنا أشتيه

@rewayatyamania المصدر الأول للروايات

سمعوا صوت سيارة الشرطة و دقوا الباب فتح لهم أبو إياد

الشرطي: جينا بأمر إنو نشل إياد و ياسر لمركز الشرطة

أبو إياد أستغرب وخاف: ليش أيش فعلوا؟

الشرطي: ما بنجلس نتكلم هنا جو للمركز و بنتكلم بكل شي الآن صيح لهم

أبو إياد دخل و كلمهم والكل خافوا أيش فعلوا من مصيبة

رانيا دخلت لعندهم وبدموع: إياد ياسر الشرطة جو يشلوكم

داليا جننت و زاد بكاها: شششفتتتت شفتتتتتت

رانيا صاحت: أيييششش فعلللتوووو أيييششش ؟؟

إياد مسك رأسه بصداع: أيش عرفهم

والتفتو الإثنين لعند يزن

يزن بجدية: أنا بلغتهم، إنزلوا

إياد و ياسر أقتهههروووووا منه أشد القهر ونزلوا وهند و أم إياد والكل يسأل أيش في شلوهم و راحوا للمركز و أبو ياسر و أبو هاني والحج صالح والكل لحقوهم

داليا نزلت و رانيا بعدها وكل واحدة قلقة وتبكي على خطيبها بس بكاء داليا وخوفها أضعاف مضاعفة لأنها تعرف خطورة الجريمة إللي فعلوها
.
.
عند يزن

أتصل: مرحباً فيكتور، لقد فعلت ما طلبته مني من أجل أن لا يهربوا، و تخفف العقوبة عليهما، عليك الآن أن تنفذ الوعد الذي قطعته لي

فيكتور أرتاح: لا تقلق يا صديقي أعدك بأني سأخرجهما على الفور فقط أمهلني بعض الوقت وسيعودا إياد و ياسر إلى المنزل

يزن أرتاح وغلق تلفونه وراضي أتم الرضأ باللي فعلوه ياسر و إياد ، والخطة إللي فعلها هو و فيكتور عشان يخرجوهم بدون أضرار و تضيع سنوات من عمرهم في السجن
.
.
في قسم الشرطة

أبو ياسر مصدددوم: كييييف أحرقتوا جان ولينا ويارا لييييششششش؟؟

الحج صالح بعصبية: أيييششش السبب ولا قد الإجرام في عروووقكم

إياد بثقة: السبب إنهم ضروني بشرفي وعرضي

أبو ياسر جلس: فهمونا أيش حصل؟

إياد و ياسر كلموا الضابط عن كل شي و البقية يسمعوا ما توقعوا الموضوع هكذا والشباب كاتمين لما تصرفوا من حالهم و الضابط طلب دليل و إياد طلب من أبوه يجيب داليا و يجيب الفلاشة إللي وصلت له و وصلت لداليا و فعلاً أبو إياد نفذ راح جاب داليا و الفلاشات

الضابط: تكلمي

داليا أنهارت بالبكاء: بعد موت أمي وأبي، جان أستغل إياد و خدره و جابه للبيت مخدر من النوم، وهذاك اليوم حاول......

زاد بكاها بدون ما تقدر تكمل

إياد قواها: تكلمي أنا معك

داليا أرتاحت شوية و أشرت بمعنى تمام: حاول يغتصبني، هربت و عشت بغابة تحت حماية عجوز لشهههوووور لما حصلني قتل العجوز و رجم التهمة عليا، خلاني أعيش ببيته عشان لو مسكوني الشرطة بيعدموني  و هددني بعدة تهديدات..

الضابط أقتهر: كملي

داليا تحاول تكون قوية: لما يوم لقيت لينا و يارا عنده في البيت و عرفوا إني موجودة أستغربت إنهن ما وصلين لإياد مكاني، و يوم قمت من النوم و أنا في وسط بيتي خرجت لقيت إياد ما كنت أعرف أيش وصلني لعنده أستغربت ، و إياد كتم سري صانني و صان شرفي و عرضي حتى مني صانني،  وفي يوم قال لي جان أعرف مكان أبوش و معي دليل على تبرئته من تهمة قتل أمك و عمك و عمتك و أنا رحت يومها تعرضت كمان للتحرش وقتلته و إياد شل مني التهمة بس الحمدلله عاش، رجعت اليمن و عشت براحة إني تخلصت من كل شي لما يوم وصلني فيديو وتهديد أنصدددمتتت أنا والله ما دخلت......




📚 @rewayatyamania  🇾🇪

روايات يمنية📚🇾🇪

24 февраля 2025 19:30

.

البـارت 466 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو همدان خبط الماسة بيده بقووووة وبغضضضب: ناااااسي، ناااااسي من أنا وأيش أنا، مشتيش هذه اللحظة غير إني أشووف بنتي اللي حرمتني منها و أحضننها و أحضنننهاااا يا كاااامل

أبو روان بخوف شديد مش مستعد: مش الآن تعرف كيف الصدمات بتتعب بنتك و زوجتك وأخوتها

وبقهر أكبر: و مرتي و روان

أبو همدان جلس وللحظة بكي بدون شعور حس قلبه إنتفخ لما ضيق على صدره معاد قدر يحدد شعوره

أبو روان بترجي: مش بيوم و ليلة، مش بيوم وليلة يا عبدالله، خليها بالتدريج لا تخسر بنتك بعد همدان
.
.
في بيت لينا

لينا: أي بس نص ساعة و الفيديو بكل مكان

إياد بتهديد: هذا إذا لحقتوا

شاف لياسر و داليا: هيا

داليا بخوف هز قلبها: إياد بتنشر

إياد يطمنها: وعد ما ينتشر

خرجوا و هو كاتم غضبه و ياسر ملاحظ لكن خوف داليا ما خلاها تلاحظ وصلوا و نزلوا و إياد طلع لعند أخوه

إياد باين عليه العصبية: خلونا مع يزن لحالنا

آسيا و رامي و أبو ياسر و هند و رانيا خرجوا و ياسر دخل بس لأن إياد يعتبر ياسر الروح الثلاثة واللي ما يفترقوا ما أنزعج من وجوده

يزن: إياد مالك؟

إياد بغضب وعصبية: يزن حلل لي دم لينا حلل لي دمههاااا يا يزن حلل لي قتلها

يزن خاف على أخوه: لا ما بحللش لك مجنون أنت

إياد وقف و صرخ: إذاً بينننني و بينننكككك مركز شرطة و محكمة واللي لك مني شله يا أخي يفداك ، أنا قاتلها قااااااتلها

خرج بكل عصبيته و راح لغرفته شل الملابس إللي لبسوه لداليا و خرج

يزن قام بخوف يلحقه و ياسر مسكه

ياسر عصب: لينا هددته نص ساعة الفيديو منشووور

يزن شاف لياسر وجمد: أيييششش؟!

ياسر بكل عصبيته: إللي ما رضيت تتتحححلل له قتلهاااا جالسة تلعب بشرررففففك و عرضضضضككك يا يززززن

يزن صرخ: ما رضيييت عشان لا يروح بداهية و هي ما تستاهل،
هي تروح بستييين ألف داهية

@rewayatyamania المصدر الأول للروايات

خرج تلفونه واتصل: ويننننكككك؟

إياد: رايح أحرق زوووجتتك والله لحرقهاااا والله

يزن: أنا بجيب لك جان شحرقهم معك، و نروح الإثنين للموت

إياد: لاااا أنت مجروووح و رجلك محروووقة لا تجننني لا تجنننننيييي

يزن بعصبية: لا رجلي ولا جسمي فيها ربع حروووق قلبببيي

إياد غلق بوجهه و كله ثقة بياسر

يزن ضبح: غلق بوجهي

ياسر جلسه: أنت في رجلك ديدان ما تقدرش تقررر رجلللك محروووقة

يزن نفخ بضبح: أووووووف ياسر وخر من قدامي

ياسر بوعد: توثق بي و أنا أخوك؟

يزن: إيه والله، بس فلتني

ياسر: أقسم بالله بسير أسحب له جان و أحرقهم و أعتبر أنت سرت و هذا وعد ، إتفقنا؟؟

يزن هدء: و أدبرك أنت بمصايب

ياسر خرج: لا تقلق

غلق على يزن و يزن ضبح ، ياسر حذر الكل محد يفتح له لأنه يشتي يخرج والكل عشان مصلحة يزن وتعبه محد فتح له و ياسر خرج راح لشقة جان

يزن عمل رسالة لفيكتور و فيكتور أستلم الرسالة وما فهمش العنوان

يزن إتصل له: فيكتور أرسلت لك عنوان منزل لينا اذهب و أمنع إياد و ياسر من أن يقوما بفعل مصيبة

فيكتور خاف: حسنًا سأخذ رواد و نذهب

يزن: حسنًا عجل لا تتأخر يا صديقي

فيكتور غلق و تواصل مع رواد يجي له بحكم إنه ما يعرفش صنعاء فرواد بيعرف يوصله
.
.
في شقة جان

ياسر دق الباب بقوة و جان فتح و أول ما فتح تلقى لكمة رقدته و ياسر جاء من وراه و قيده ربطه بالشال بقوة ما يقدر يفتك منها

جان بوجع: ما الذي تفعله يا صديقي؟

ياسر وقفه و هزره ورص أسنانه: علي اللعنه لأني كنت صديقك ذات يوم هيا تحرك أمامي

دهفه لخارج و غلق الباب وسحب جان لفوق السيارة و أنطلق لبيت لينا
.
.
وكأن الحياة قد عادت من جديد، كزهرة أزهرت بعد سنين من الشتاء البارد ، كطائر أنتفض بجناحيه بعد طول غياب ، يحلق في سماء رحبة بلا حدود، كأن كل الأشياء التي كانت خامدة، قد بدأت تزدهر بحيوية و أمل، كأن النفس قد إستيقظت من سباتها العميق، تستنشق هواءً عذباً مشبعاً بالفرح الذي كاد أن يُنسى


أم همدان في زاوية الغرفة، تشوف وجه زوجها و ملامحه و هو يسرد عليها كل اللي عرفه ، دموعها تنزل بصمت على خدها، يدها ترتعش و صوت بكاها مكتتتتوم مش مستوعبة أبداً اللي تسمعه وكيف بنتها عايشه وهي بكت ليالي و سنين على  إنهم دفنوها بدون ما تحضنها أو حتى تشم ريحتها و تشوفها، فجأة بنتها عايشة و مش أي بنت، البنت إللي تحبها و تتمناها زوجة لواحد من عيالها

أم همدان بكت بقوووة و ارتجف كل جسمها: كككييف، كيييييف بنتي نجااااة يا عبدالله كييييف لا تجنننييي، كيييييف عااااايشة بنتي كييييييف و أنت حررررمتتتتني حتى من شووووفتتتهاااا وأنت دفنتها ما خليتني أحضنننهااااا أيييشششش تقووووول أيييشششش ؟؟؟

صوتها مخنوق، متقطع بين الكلمات كأنها تخرج آلام السنين دفعة واحدة، تشوف......




📚 @rewayatyamania  🇾🇪

روايات يمنية📚🇾🇪

24 февраля 2025 19:28

.

البـارت 464 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح انصددددم: من من

يزن بثقة: مرتي

الحج صالح صاح: من مرتتتكككك مننننن

يزن: سارة مرتي وعقدنا امس

الحج صالح تركهم ونزل يصيح

ابو إياد وابو ياسر وابو هاني: ايش في يا باه مالك تصيح

الحج صالح بعصبية: من عقد لهم ومتى عقدو لهم

ابو ياسر: امس الشباب طلبوا عقد والبنات وافقين عقدنا لهم

الحج صالح صرخ: وباااامرررررر مننننننن

ابو إياد: انت تخلي الواحد يتزوج من وراك من كثر ما تتحكم فيهم وترجع تقول بامر من، كله من تحت رأسك انك تفرض الكل على ما تشتي انت

الحج صالح صاح: حفيدتي ما تتزوج بابن مزينة

ابو إياد صاح: حفيدتك تزوجت بابني، ولو تشتي اللغة اللي انت تفهم فيها ف ابني يحمل لقبي يعني ابني سيد جيزه من جيزك ومكانته من مكانتك

الحج صالح جلس ويده ترجف من الغضب: وإياد عقد

الكل: لا

الحج صالح ارتاح عشان على الاقل يفسخ خطبة داليا من إياد
.
.
سارة تركت يد يزن: لو تشتي شي صيح لي

ونزلت قبل ما يرد ويزن جلس مقهور من جده
.
.
مر وقت اجتمعوا فيه وهدأ الحج صالح

الحج صالح قرب لعند إياد و هو يحس بالذنب و الندم إنه ضيعه و أبعده عنه ، قرب و كان يشتي يحضنه: حفيدي

إياد طوالي  بعد ورفع يده و ما خلى الحج صالح يحضنه ، الكل إنصدموا و إنقهروا من حركة إياد

إياد بقهر: أنا مش حفيدك ، أنت بيداتك الثنتين رجمتني

الحج صالح: يا ولدي خلينا نصلح الذي حصل و نتصالح

إياد برفض: لا ما بيتصلح مافيش حاجة بتتصلح و مافيش حاجة بعد ما تنكسر تتصلح و ترجع نفس أول

الحج صالح: لا بترجع أنت أولتك و أخرتك حفيدي و حتى لو أنكرت أنت حفيدي ، و بيتصلح كل شيء و بترجع و بزوجك

إياد اقتهر: ما برجع ، و بتزوجني؟؟ لا أنا بزوج نفسي بنفسي و أبي موجود لو في أحد بيزوجني

الحج صالح: لا أنت ما تتزوج المزينة ، أنت حفيدي حفيدي ما يتزوج من المزينة ، أفسخ الخطوبة

إياد بعصبية: سلامااات أنا مش متقبلك عشان أنت تجي تتأمر و تتكبر عليا و تتحكم فيني و تقولي لا تتزوج هذا و أفعل هذا؟؟

الحج صالح اقهر:  إيااااد أنا أكلمك أنت ما بتتزوجهاااش هذه لقبهاا بنت مزييينة

إياد صاح: أنا ميهمنيشششش ميهمنيششش أنا الذي يهمني داليا و شتزوجهااا و أصلا أنااا مش متقبلللك فأنت ما تهمنيييش و لا كلامك ورااايك يهمننييي ، خليييك في حالللك و خليينيي في حااليي الله يستر عليك ، قدنا مش معترف فيك وأنت لا تعترف فيني و لا تدخلش بزواجتي

و خرج و صرع الباب بعده



@rewayatyamania المصدر الأول للروايات

داليا كانت تسمع النقاش و الكلام اللي حصل هي وسارة و آسيا و رانيا ، بكت و سارة مسحت دموعها و حضنتها

سارة: ما عليش منه يكفي أنو إياد شاريش ، و يكفي إنو مش راضي يسمع حتى كلام أحد و كاسر عين الكل عشان عيونش هذه ، فلا تخليش هذه العيون تبكي و ينزل دمعها

جلسوا البنات معها يهدوهاا و بذات سارة اللي تعتبر صديقتها المقربة رغم كل المواقف اللي حصلت بينهن

داليا زاد بكاها: بس أنا مشتيش أفعل مشاكل لإياد مع عائلته أنا أشتي أفسخ الخطوبه

سارة عصبت:  دااالياا مشتيشش أضربشش أيش تفسخي خطوبة ما تفسخي خطوبة ، الادمي تررك  الكل و فعل كل شيء عشانش أنتي الآن جاية تتركيه؟؟ صلى على رسول الله ، و قدري موقفه و قدري الذي فعله و قدري الصياح الذي صايحه هو وجدي

رانيا: أيوة يا داليا إياد وقف ضد كلمة جدي و ضد كل شيء عشانك، فلا تكسريه و تقولي أشتي أفسخ

آسيا: ما عليش من جدي يا داليا ، جدي هو هكذا ما يرضاش على اي شي طول عمره هكذا ، شفتي كيف كان يغصب يزن و سارة ينهوا اللي بينهم لوما عقدوا ، ما عليش منه المهم إياد أخي اللي شاريش

هدات داليا  من كلامهن و مواساتهن و هي في حضن سارة

آسيا: خلاص لا تفكري بالموضوع
وتنهدت: الله يهديه كان بيعقد كمان مع الشباب ويتخارج بس لا مابلا ينفذ وعده اللي محد داري ماهو

داليا قلقت: ايش من وعد

آسيا فهمتها كيف الشباب حاولوا يقنعوه يعقد وهو رفض بسبب وعد يجهلوه وداليا شكت وخافت لبست البالطو والطرحة و خرجت بسرعة لعند ياسر

عرفت بالذي يفكر فيه إياد و خافت على إيااد كثيير ، و ما تشتيش إيااد يتضرر أكثر بسببها

داليا بخوف: إستحلفتك بالله هو طلب أطلبه منك يا ياسر وصلني لبيت لينا و يارا

ياسر إفتجع من طلبها: ليشش أيش في؟

داليا تبكي: أنا استحلفتك بالله يا يااسر و الله ما بفعل حاجة بس أنا أشتي أخارج إياد لو سمحت أنت مش دراي بالذي يفكر فيه إياد

ياسر مقهور: إلا أنا داري

داليا بترجي: خلاص شلني عشان أنا و أنت ننقذ إياد

شلها ياسر و راحوا لبيت لينا و يارا

يزن و إياد شافوهم و هم خارجين ، كان يزن بيلحقهم بس وقفه إياد

إياد: خليك أنت تاعب أنا بلحقهم

أول ما وصلت دقت الباب وفتحت.......




📚 @rewayatyamania  🇾🇪

روايات يمنية📚🇾🇪

24 февраля 2025 19:26

.

البـارت 462 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أمير يطمنه: ياسر انت حاربت وكنت بتشلها عليا غصب عني، ايش فرقت الآن اني مت ومش قادر تنساها وتشوف حبي فيها؟! ياسر اليوم جيت عشان اقول لك اقسم بالله ابي مرتاح وافتهنت وروحي إرتاحت بعد ماعقد برانيا، لو جلست تعاملها هذه المعاملة انا ما بكون مرتاح واني تركتها بالدنيا لواحد ضعيف وما يستاهلها، وروحي بتعيش في الجنة ومش مرتاح لو شلها غيرك، انت قلت اذا مش أمير فهو ياسر، واذا مش ياسر فهو أمير، شاكون اكثر راحة وفي نعيم اذا صالحتها واعتذرت منها، انا مرتاح والله وراحتي ناقصها زواجك انت ورانيا وانكم بتعيشو بسعادة ولا تنسى انت وعدني اول من يستلم دعوة عرسكم هو اناا، صلح كل شي يا ياسر

مشي وياسر يصيح بعده باسمه

ياسر مقهور: أمير،.... أمير..... أمير خليني اودعك...... اميييررر

رامي مقهور: ياسر اصحى

ياسر صحي ويلتقط انفاسه: أمير

رامي دمعت عيونه: الله يرحمه، اذكر الله وارجع ارقد

ياسر رجع يرقد لما إذن ظهر وقام وصلى

ياسر فوق سجادته واخيراً زفر نفس عميق براحة وابتسم: اذاً العجوز هذاك كمل ال ١٥ جزء

قام وكله فرح ونشاط وحيوية، روح للبيت كان بيطلع عند يزن شاف المطبخ فيه البنات يصلحين الحلويات

رانيا التفتت وشافته وياسر عمل بيده قلب لها وابتسم

رانيا مصدددومة ايش هذا التغيير المفاجئ

ياسر غمز لها وطلع

رانيا سومت: بنات ماله ياسر

البنات التفتين وما شافين شي: وينه ياسر

رانيا بقهر: كنت اتخيله

آسيا ضحكت: الحب زاد عليش

داليا وسارة: ههههههههههه
.
.
في غرفة يزن

يزن يضحك: مالك اليوم

ياسر فارح: مرتاااااح

إياد: الله يريح عليك

ياسر: يارب، إياد


@rewayatyamania المصدر الأول للروايات

اياد: مابه

ياسر بحماس: اشتي اشوف رانيا لحالها

الشباب شافوه: !!!!

ياسر شافهم: مالكم تشوفوني هكذا اشتي اكلم مرتي

إياد: كلمها وانا ايش دخلني

ياسر: يزن ما يقدرش يساعدني ياخي ساعدني

إياد نفخ: طيب عتجلس تهرمني انا عارف ما معي

تركه ونزل: رانيا

رانيا شافته: ايش

إياد بتردد: اشتيش بموضوع لوحدش

داليا مسكت الحلا اللي تصلحه رانيا: جاوبي وانا شاكمل

رانيا خرجت ولحقت بعد إياد

آسيا شافتها: ما تغاريش على إياد

داليا بصدق: شاغار عليه من كل بنات العالم، الا من رانيا وسارة

آسيا وسارة ابتسمين
.
.
إياد دخل غرفة داليا وسارة: تعالي

رانيا دخلت: ايش في

ياسر دخل بعدها: تسلم كسروا رجلك

إياد خرج وضرب ظهر ياسر وغلق الباب

ياسر يتحلف فيه: لو راحت لك فانا امك

رانيا تجمدت مكانها: ياسر ايش تشتي

ياسر قرب منها: اشتي أكلمك

رانيا: في معي عمل في المطبخ

ياسر مسكها وحضنها على طول

رانيا تجمممددت حست قلبها بيوقف استوعبت ودهفته: مجنننوووون انت

ياسر ابتسم: مرتي

رانيا اقتهرت: مرتك بس ما قد تعرسناش للجنان، وبعدين من وين لوين قدك بتحبني

ياسر عقد حواجبه: الجاهل والكبير والصغير والشيبة والشباب والنساء والرجال والعالم كله يعرفوا اني احبك وانتي عادش تعرفي

رانيا بقهر وسخرية: وذكرت انك تحبني الآن اخطى من قبال وجهي

ياسر مسكها وبصدق: رانيا انا آسف على كل شي

رانيا دمعت عيونها بقهر: لا مش آسف بيوم انت لك شهور قاهرني

ياسر بصدق: واليوم جيت اعتذر، رانيا مات عليا أمير وانتي تعرفي صداقتي بامير وحبي له، اعرف مالش ذنب بموته بس والله قلبي مجروح ومريت بوقت صعب اذا ما تحملتيني انتي منو بيتحملني

رانيا ضعفت: بتحملك بكل شي يا ياسر بس انت قسيت عليا قوي

ياسر مسك يدها وحبها: وجيت لش معتذر، سامحيني والله لو ارضيش بكل جاهة اليمن، وتعرفيني كم جمعت قبائل من قبل عشان عيونش بس

رانيا ضعفت وابتسمت: خلاص رضيت وسامحتك

ياسر فرح وحضنها وكان يلف فيها ملان الغرفة ورانيا منحرجة وخايفة احد يدخل ويشوفهم

ياسر تركها وحبها بخدها: احبش يا رنوني

رانيا دهفته: الله يقلعك عتصوم

وهربت لخارج الغرفة وياسر ارتاح انه خلاص كل اللي كان بينه وبين رانيا راح
.
.
عند رانيا

في المطبخ كل ما ذكرت انحرجت وحمرت والبنات ركزين عليها

سارة بمعراصة: رانيا فيش حساسية لما كل شوية تحمري

داليا وآسيا كاتمات ضحكتهن لان إياد كلمهن عشان داليا ما تغار او تتحسس

رانيا انحرجت اكثر: لا بس احس بحمى

آسيا بدأت تقطع: تعرفي وينه ياسر بيجيب مكيف ولا يمسش حمى

سارة وداليا ضحكين ورانيا شلت الملعقة ورجمت آسيا

آسيا تضحك بوجع: كسروا يدش

رانيا مسكت السكين ووجهته للبنات بتهديد: هو عمل إياد، بس عاد اسمع تعليق شذبحكن واذبح ياسر وإياد معاكن

البنات كاتمات ضحكتهن وكل شوية يرجمين لها بكلمه
.
.
في الفندق

رواد روح ودخل غرفته غلق الباب رزعه رزع

اسيناد خرجت وبيدها ملعقة الطبخ: ايش في ماله رواد هكذا يرزع الباب

ابو إسيناد جلس.....





📚 @rewayatyamania  🇾🇪

روايات يمنية📚🇾🇪

23 февраля 2025 22:55

/channel/+VZE56V6tQZ4hA4wQ

روايات يمنية📚🇾🇪

23 февраля 2025 20:35

💜

بـارتـات يـومنا الاحــد 👆🏻😍

روايات يمنية📚🇾🇪

23 февраля 2025 20:34

.

البـارت 459 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


نجاة أرتاحت و بدأت تعالجها بطريقتها

أبو إياد جالس عند أم إياد و يحاول إنه يأكلها بالصميل، أستسلمت أم إياد و أكلت وجاب لها العلاج، و أم إياد تشوفه بنص عين

أبو إياد فهم عليها و إبتسم: أيووة عنيد وما تغيرت، وبجلس جنبك ولا بفلتك

أم إياد أكتفت بالسكوت والشي الوحيد اللي تعطيه شرف هو نظرات العتاب وبس بالرغم من إهتمامه بها

شرف جلس جنب أم إياد فعل لها المرهم بمساعدة آسيا و تطمن عليها لما نامت و خرج

آسيا و رانيا و داليا جالسات بالمطبخ  يفعلين السحور فجأة ثنتين  دخلين داليا شافتهم وقامت تحضنها: مش مصدقة الحمد لله إنك قمتي

سارة بكل هدوء: بساعدكم بالعشاء

دخلت المطبخ و فعلت العشاء والكل مراقب لها وفاارح إنها خرجت من حالتها، بس سارة هاااادئة بشكل كبييير ولا طلعت كلمة

نجاة أعتذرت منهم و روحت البيت عشان تساعد أمها و روان بالسحور، وتنام ساعتين قبل دوامها بالمستشفى

داليا فعلت الشربة و سكبت لداخل طاستين: آسيا شلي هذه لأخوش و لأمش

سارة: من أخوها

داليا: يزن

سارة: أممم آسيا أنتي طلعي لعمتي وأنا بطلع لإيا.... أقصد يزن

آسيا فرحت: تمام، أووف نسيت أمي رقدت الآن خلاص الصبح لما تصحى

سارة شلت الشربة و طلعت أما يزن جالس

الحج صالح شافها وطلع بعدها، دخلت سارة للغرفة و طرحت الشربة فوق الماسة: يلا قوم كُل

يزن بالرغم مايشتي يأكل بس لما شاف سارة طلعت هي و خرجت من غرفتها و جابت له الشربة لعنده كابر الوجع و قام طوالي بيأكل، يزن حاول يكلمها و سارة متجنبة تشوف لعنده

يزن: شوفي لعندي، سارة أنا آسف، أنا خدعتش

سارة تتجنب: الآن مش وقت كُل عشان تشرب علاجك

يزن حب يتحجج بالحروق اللي بجسمه و يداته وأستغلهم: طيب قربي الشربة مابعرفش أكل شوفي كيف حالتي


@rewayatyamania المصدر الأول للروايات

سارة نفخت وأجت تقرب الشربة لعنده، الحج صالح دخل طوالي للغرفة وأخذ سارة من يدها وبعدها عن يزن

الحج صالح بأمر: خلاااص إبتعدي عنه، هذا الولد ولا عاد له أي مكان بيننا ولا أي مكان في حياتش

الحج صالح مسك يدها و بيخلسها الدبلة والمحبس

سارة طوالي هزرت يدها، وما خلته يأخذ الدبلة و المحبس، والحج صالح و يزن يشوفوها بإستغراب

دخلوا الشباب للغرفة لأنهم شافوا جدهم لحق سارة خايفين ليفعل مشكلة

سارة بحدة: أنا ما شبعدش الدبلة والمحبس

الحج صالح: أنتي ياسارة مابتتزوجيش مُزين

سارة شافت لعند جدها بقوووة و بتمرررد: هذا الدبلة والمحبس ما ببعدهم أبداً

الحج صالح: ماعاد بش شي يربطش فيه بتفسخي هذي الخطبة من هذا المُزين

سارة بعناد: مابفسخش الخطبة، وهذا المُزين خطيبي ، و أنا و خطيبي نسد و محد له دخل فينا ، وإن شاء الله قريب بيكون زوجي و بنسد براحتنا ووقتها محد له دخل فينا لا أنت ولا أي حد غيرك وما بسمحش لأي حد يدخل فينا، أدخلتوا بعلاقات الكل بس أنا لااا، أنا و هووو الوحيدين اللي لنا دخل بعلاقتنا و أنا وهوو بنسد

الحج صالح عصب منها و عطاها كف لما خلاها تفلت للأرض ، الكل شهق ورانيا نبعت لعندها يزن عصب ووقف ياسر راح لعنده لا يتهووور

الحج صالح صاح لما صوته ملى المكان: أتمرررردتي يا سارررة هااااا مافييش عندي بنات يعصوا كلااامي تفهممممي ؟؟

سارة من كثر الوجع اللي حصل معاها من كثر ما أنجرحت من أسامة و الهنوف واللي مرررت فيه قوووت شخصيتها كثييير و اصبحت تهم بس نفسها و حقها و مالها دخل بالبقية ولا هي عاد تستني رضا أي أحد على حساب حياتها وراحتها، قامت من الأرض بمساعدة رانيا

سارة بقوة: أيوووة أتمررردت أيوووووة جنبك واحدة مشي جاااهلة و أنا ماناش ضعيفة و ذليلة بسمح لأي حد يدخل فيني و أعيش شي مش طايقته ولا أشتيه، ولو تكون أنت أو أبي أو أي شخص يوقف قدام راحتي لأمسحه وما أعطيه أي إعتبار و حتى لو رفضتم زواجنا، بنتزوج غصب عن الكل، هزرت نفسها من يد رانيا و مشت

الكل متفاااجئ من سارة الهادئة اللي كانت تقدم كل شي على حساب سعادتها اللي ماكان يهون عليها خاطر أحد اليوم لمن هانت عند الكل حبت تأخذ حقها بيدها، مستغربين من وين جت لها هذه القووة

يزن ريحه كلااامها كثيير، و قلبه فراشات إنه مافسخت الخطوبة، وكيف دافعت عليه، أدرك يزن إنه حاجة كبييرة بنظر سارة وما أحتاج حتى يبرر أو يدافع عن علاقتهم لأنها وفت وكفت ، يزنن يشووف للشباب وهو فااارح و ممنووون من سارة الكل بادله الإبتسامة والفرحة ماعدا الحج صالح إللي كان بصدمة من رد سارة وأدرك إنه اليوم ضعيف و قوته وسلطته  ماعاد تفيد بشي حس نفسسه صغييير بعد تمررد و كلام سارة أنسحب من بينهم بهدوء

نزلت سارة للصالة وهي تبكي كان موجود عمها و أبوها: لو سمحتم لو سمحتم كلموا جددي لا يضغط عليااا لأنه.......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

23 февраля 2025 20:33

.

البـارت 457 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو هاني: أبشر ياباه ولا يهمك من الصباح بكرا باجيب أضعاف العمال و أكلم المقاولين و إن شاء الله  كل شيء بيتم بسرعة وبيعمروا البيت باقرب وقت

مر الوقت والكل مع الضيوف لما روحوا وبقيو بس اهل البيت واخيراً بيقدروا يشوفوا يزن وامه

الحج صالح ، متجنب تواجد يزن و اتطمن عليه من بعيد لبعيد ، في الوقت إللي محد مركز عليه يشوف لملامحه يحفظهم حفظ ، و في داخله منهار عليه و يشتي يحضنه و من خارجه مكاابر و يتصنع الزعل، الحج صالح مش مستوعب إن اللي حبه أكثر واحد و اللي كسر كلمته أكثر من مرة عشانه يطلع حفيده إللي مارضاش يتقبله، أخذ موقف من الكل ومنتظر متى يكمل تصليح بيته بحيث يقدر يرجع بدون مايتواجد مع يزن بنفس البيت

الكل حول يزن و أم إياد و يتحمدوا لهم بالسلامة

ام هاني تبكي: الحمد لله اللي شفتك قدامي سالم غانم يا ولدي

يزن كان يتوجع من الحروق و رغم الألم اللي يحسه إلا إنه محسس الكل إنه بخير عشان لا يقلقهم: أنا فدالش ياعمة إن شاء الله مايقع فيني حاجة و إن شاء الله ما فيني إلا العافيه

يزن يتلفت: وين سارة؟! كيفها ؟

الكل لا رد

يزن بإستغراب: مالكم ماتردو؟!

إياد يطمنه: مابلا مشغولة

يزن: غريبة أنا خرجت من المستشفى و سارة ماتجي و تتحمد لي بالسلامة، أيش في يا إياد!؟

إياد يشوف يزن بنظرات مش مفهومة، الحج صالح شافهم بنظرة غضب و إستحقار: قله يا إياد!؟

يزن فتح عيونه وشاف إياد بمعنى أيش في!؟

أبو إياد: زاعلين

يزن حمررر وجههه من الخجل والخوف وكل المشاعر تجمعت بنفس اللحظة وبانوا بوجهه، يزن أدرك إنه خسر كل شي، الكل ساكتين ويشوفوه بس عيون، وبنظرات مكسورة شاف لإياد: عشان هكذا سارة ماتشتي تشوفني

إياد: لا لا والله ما بحسها وحتى مش متقبلة هذا الموضوع

يزن: كان ماهووو وينهااا؟

إياد رفع أكتافه بمعنى مدري: فوق جالسة مع البنات

@rewayatyamania المصدر الأول للروايات

يزن رجع يشوف لرامي و حسام وخايف من ردة فعلهم خايف مايتقبلوه أو يفلتوه بعد كذبته خايف يخسرهم

رامي فهم عليه وراح جلس عنده ومسكه من كتفه: إياد يزن مايهمناش، لا تقلق أنت إبن خالنا إللي نفديه بأرواحنا و نحنا نعرفك من أنت ونعرف من تكون

يزن جبل من الهموم و أنزاح من فوق صدره ريحه كلام رامي

حسام جلس جنبه: كنت يزن أو إياد أنت الشخص اللي بتقتلني وأقتلك وما نسمح للغريب ينزل ولا قطرة دم مننا كل مننا يفدي الثاني

يزن أبتسم له

حسام يكمل: المهم إن أنت الشخص اللي جالس شوكة بحلقي ومانسد أبداً ههههههههه و أنت الشخص اللي متحلف تقتلني قوم بالسلامة و أقتلني مثل ما أشتيت

الكل ضحكوا من كلام حسام

يزن شاف عمه أبو هاني بخوف بحكم أنه أبو خطيبته، أنه هذا الإنسان إذا ما تقبله بيشل عليه سارة

أبو هاني يبتسم له: كيف أنت يا ولدي ؟

يزن يحس من كلامه بالغرابة مش عارف إنه معه أو ضده متقبل له أو لا

أبو هاني: الحمد لله إنك قمت لنا بالسلامة، قم بخير عشان نعرس لك

يزن أرتاح وما قدر يستحمل و فتح يده و حضن عمه وبكي من قلبه خلى الكل يبكي ويتأثر من بكاه وأولهم الحج صالح اللي صوت بكاه نخز له صدره بس يكااابر شعوره

أبو هاني تركه لمن أرتاح: بس والله يا يزن إننا عتبانين عليك و على هذه الكذبة ، بالأول و الأخير عيشتنا هذه المدة كلها إنك إياد وتطلع يزن ، لمتى ياولدي كنت بتخبي ، حبل الكذب قصير

يزن: حقكم عليا كلكم ، ما لقيت أي طريقة أعيش بينكم إلا هذه الطريقة ، ولمن كسبتكم خفت لا أخسرركم خفت ما تتقبلووني

الحج صالح يشوفهم بحدة: مافيش عرس ، وأنا حفيدتي ما بتتزوج بإبن مزينة

أبو إياد بحدة: مش إبن سحر لوحدها هو إبني وحفيدك إن رضيت أو لا
.
.
سارة بغرفتها تبكي بهستيرية: ماتووووو ماتووووو أنا دارررية ماتوووووو كل اللي أحبهمممم يروحوا عليااااا أنا دارررية


داليا مسكتها و تهديها و سارة ماسكة أذانها و ماتشتي تركز معاها كل إللي تعرفه إن يزن و أم إياد ماتوو: سارة إهدأي والله ما ماتووو ماماتووو إهدأييي

أم حسام: يابنتي قد جاؤوا إنزلي شوفيهم

سارة تصيح: أصصصصص أصصصصص ماتوووو ماتووووووو أنزل أيشششش أشوووف جثثهمممم ؟؟
.
.
في الصالة تحت

أبو هاني يغمز ليزن و أبو إياد بمعنى طنشوه
يزن طنشه و داخله خوووف وقلق ويفكر كيف يرجع يكسب جده و رضاه

يزن شاف لياسر: كيفها سارة أشتي أطمن عليها ؟


يزن يرجع يشوف لعمه: يا عم كيفها سارة؟

أبو هاني: لا تقلق بس تاعبة شوية مش قليل اللي مرينا فيه

يزن يشتي يطمن يشتي يعرف موقفها ردة فعلها بعد إنكشاف الحقيقة: طيب أشتي أشوفها

الحج صالح بعصبية: ممنوووع تشوفهااا ومن اليوم مش أنت خطيبها ولاشي إنسى حاجة إسمها سارة

يزن معند يشتي ينزل يشوفها للمطبخ
الكل.....

/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

23 февраля 2025 20:32

.

البـارت 455 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ورجع باس رأسها وكمل: أنتي أختي الوحيدة يا نور عيني لو ما وقفت معك انتي و كنت معك أنتي و سمعت لك أنتي لمن بأسمع أنتي اختي اللي أنتظرت أشوفك سنين الحمد لله شفتك فلا تتوقعي إني ممكن أزعل من تصرفك أو كلامك أو أي شيء لان والله كل شيء مر و إنتهى عندي يا روح أخوش

آسيا ضمته: ربي يديمك لي يا سندي وعزوتي

يزن بحنية: ويديمش لي يا اعتزازي وفخري

جلست آسيا شوية عند أخوها يزن ، بعدها خرجت و راحت هي و إياد لعند أمها و دخلت و سلمت عليها هي و إياد

آسيا دخلت وجلست جنب امها: كيفك

أم إياد و هي تبكي: سامحيني  يا آسيا أنا ما أشتيش أموت و أنتي ما سامحتيني ، ما حسيتي كيف شعوري أنا كنت شأموت و أنا ظلمت بنتي و بنتي ما سامحتني ، أنا غلطانة أنا غلطت بحقش أنا صدقت  حسام و أديب  وما صدقتش أنا ما أستاهلش إننا أكون أم ما أستااهللللششش

آسيا تبكي بقوه و حضنت أمها: سامحتش يمه سامحتش أنا مقددررش أزعل منش أنا بس أخذت منش موقف مش أني زعلت منش لان أنتي قهرتيني بس خلاص ننسى كل حاجة واللي فات مات المهم عندي انش تكوني بخير مقدرش أشوفك الا بخير

ام إياد بكيت من الفرحة ان بنتها سامحتها: الله يرضى عليش يا بنتي

إياد قرب لعند أمه و مسك يدها و حبها: الحمد لله على سلامتش يمه

أم إياد بإستغراب: يزن!

إياد بهدوؤ: لا ماناش يزن يمه أنا إياد أنا أبنك ، أبنك الذي حملتيه 9 إشهر ، أبنش الذي شلوه من حضنش و عمره أربع سنوات أنا أبنش أبنش يمه

رقيه بكت بقوة إكثر و إياد مسح دموعها وهو مقهوور

أم إياد مش مستوعبة: كيف كيف؟

إياد: سامحيني يمه لأن أنا ما قدرتش أجي لليمن و يزن إنتحل شخصيتي و جاء بدالي ، بس أنا ابنش أناا أنا أبنشش يمه

أم إياد حضنته و هي منهارة بقوة : والله إني كنت حاسة كنت حاسة معك بالأمومه أكثر من ما أحسها مع يزن حتى قلتها لك بأول كلام بيننا كنت حاسة كنت حااسة أنك ولددي

و ضمته بقووة أكثر و هي مش مهتمة لا لجروحها ولا لحروقها وما اهتمت إن حضنها له بياثر على جروحها ولا على شيء ما همهااش غير إنهاا تحضن أبنها و إن أبنها يسامحها

آسيا اقتهرت: مالش يمه تبكي هكذا إهدئي

أم إياد: يعني الولد اللي يعاملني كأني أمه و اللي أنقذني هو يزن هو إبن سحر يعني بالأخير أنا قدرت أرجع دين سحر ، يعني يزن متقبلني و معتبرني إن أنا أمه ، قدرت أني أوفي ديني لسحرر

إياد يطمنها: أيوه هو يزن يمه


@rewayatyamania المصدر الأول للروايات

أم إياد فرحت: يعني هو عارف أني مش أمه و هو مش إبني و أعطاني كلل هذا الحب و فداني بروحه لا لا هو ابني والله إبني إنه إبني و بستمر أشوف إنه أبني أنا مش أبن سحرر ، كييفوو كيفوو الآن هو بخيير صح؟

آسيا و إياد: أي بخير بخير أصلا جينا من عنده و هو بخير و جروحه بتتشافى بس يشتي لها وقت بس، وكان يشتي يجي يشوفك بس منعناه لان أرجله محروقة

ام إياد قامت بتعب: شلوني لعنده شلوني

شلوها لغرفة يزن دخلوها لجنبه

ام إياد بدموع: يزن ولدي

يزن مسك يدها وحبها: كيفش يمه طمنيني عليش

ام إياد بحب: بخير يا عيون امك، بفضل الله ثم بفضلك

يزن بخوف: اماه عرفتي اني مش ابنك....

ام إياد قاطعته: والله لو العالم بكله يرفض انك مش ابني ، انت بتبقى ابني اللي اشوف العالم في عيونه

يزن ارتاح من جهه امه وبقلبه خوف العالم من البقية بالذات سارة، خايف من الخسارة خايف ان هذه هي نقطة النهاية

إياد ابتسم: الحمدلله
وشاف آسيا: وانتي تكرهي إياد، اليوم عرفتي اني مش يزن اللي تحبيه واني إياد اللي تكرهيه

آسيا حضنته: وانك إياد اللي فداني وحماني وانغرست فيه الطعنة بدالي، وانك إياد اللي تفتحت جروحك وانت ترجع لي اعتباري وكرامتي، وانت إياد اللي سندني وعوضتني عن كل لحظة احتجتك فيه

إياد ضم آسيا وابتسم براحة انه تسامح مع امه وأخته وانتهى حقد السنين

ام إياد شافتهم وهي فارحة: رجعوني غرفتي خلو أخوكم يرتاح

شلوها ويزن فارح انه شاف أخوته وامه هكذا بس بداخله قلق كبير وعميق

.
.
في صباح اليوم الثاني

ابو هاني يصحي رانيا: رانيا هيا قومي معش فحص

رانيا قامت بكسل: طيب يلا

قامت وتجهزت وراحت للمستشفى مع أبوها
.
.
في المستشفى

ياسر: قالوا اليوم الليل بيخرجوهم من المستشفى، خلاص ضروري تكلم داليا

إياد تنهد: طيب شاكلمها ، قد جت رانيا

ياسر: لا عادهم في الطريق

إياد: لما تجي رانيا تكلمها هي افضل، داليا عادها محرجة مني

ياسر عدل وقفته: هذا رانيا وصلت

ابو هاني وقف: كيف داليا ويزن ورقية

اياد: الحمدلله كلهم بخير

ياسر مكن عمه الورقة: قطعت ورقة الفحص
ومكنه دبوس طبي معقم ومثل الدباسة: وهذا شليته جديد عشان ما يستخدموش اللي بيفحصوا فيها باقي المرضى عشان يخرجوا الدم من اصبعها....


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

23 февраля 2025 20:30

.

البـارت 453 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الدكتورة: بس طلبت اكذب عليكم بانها تحتاج لرقود ، وكانت تبكي باين الخوف ما تشتيش تروح

إياد اقتهر: طيب يا دكتورة تقدري تخليها يومين رقود وانا بدفع كل تكاليف الغرفة واي شي تحتاجه

الدكتورة: ان شاء الله بنقدر ، بس اذا احتجنا الغرفة بتواصل معاكم ما بقدر اخليها

ياسر شكرها وخرجوا

ياسر: مالها داليا؟!!!!

إياد: مستحية بعد موقفها مع سارة معاد تقدر تشوف احد كانها فعلت شي كبير

ياسر اقتتهرر: طيب بس الآن ترتاح قد الكل يعرف الحقيقة

إياد: لا ما بنقولش لها اللي فيها مكفيها لما يخرجوا يزن وامي بنخرجها

.
.
في بيت ابو روان

الكل نام بعد تعب معادا سارة اللي ما زالت تحت نوبة الهلع.....
وفي المستشفى إياد رقد فوق الكرسي وياسر دفاه بالجاكت ورجع رقد
.
.
في العصر وبعد ما خلصوا صلاة العصر

الشرطة ما زالت تداور على اي دليل وما لقيو اي اثر
وبنات كامل يصلحين عشاء والدنيا هدوووووء
.
.
الكل على سفرة العشاء يأكلوا من حال أرواحهم ما قدروش يأكلوا سواء لبعد العشاء والكل راحوا بيت ابو هند
.
.
في بيت ابو روان

ابو روان: نجاة انتي ارتاحي اليوم قدش مصفرة من الفجيعة ، انا بروح المستشفى

نجاة اشرت بمعنى تمام وأبو روان راح للمستشفى


@rewayatyamania المصدر الأول للروايات

في المستشفى

ابو ياسر: ايش يا دكتور

الدكتور: رانيا صحيت والحمدلله قدها احسن

الكل: الحمدلله

الدكتور: تقدرو تخرجوها لكن بعد يومين رجعوها عشان نفعل لها فحص السكر

الكل: ان شاء الله

ابو هاني دخل شل بنته وروحها خلا البنات يطلعنها وهو في الدور الاول عشانه مطلق مرته
.
.
عند قسم الحروق

الدكتور: بإذن الله بكرة تخرج المريضة، اما يزن عاده ما صحي دعواتكم له واحنا بشهر فضيل استغلوها بالدعوات والصدقات عشان ربي يقومهم بالسلامة

ابو إياد: ان شاء الله

فعلا نفذو ودعو ربهم وتصدقوا بما اتاهم الله من رزقه
.
.
في بيت ابو هند

رانيا خايفة على سارة: مالها سارة

آسيا تنهدت: على وضعها هذا من لما انفجر البيت

رانيا زاد خوفها: طيب فعلتوا لها شي؟؟

ام هاني: لا والله كان يقول ابوش بيشلها معاد شلها

الحج صالح طلع: سارة هدأت سارة

الكل: لا

الحج صالح: لبسوها يشلها أبوها للمستشفى

لبسوها وشلوها للمستشفى
.
.
عند داليا

شافت للسقف ودموعها تنزل، تحس بحرقة قلب يحرق كل شي فيها والموقف اللي تعرضت له تتمنى تموت بهذه اللحظة ولا تشوف إياد اللي عرف انها تحبه بهذه الطريقة

الدكتورة دخلت: داليا كيفك تحسنتي

داليا بشحوب: الحمدلله

الدكتورة مدت لها الأكل: قومي كلي إياد جاب لك بيتزا بالدجاج قال انك تحبيها

داليا فارحة لاهتمامه بس وجعها اكبر: طيب

قامت وبدأت تأكل
.
.
عند سارة

الدكتور شاف ابو هاني بيأس: البنت بنوبة خوف ورعب يعني ما نقدرش نفعل لها شي ، الا لما تهدأ من نفسها، الله يقومها لكم بالسلامة

ابو هاني: يارب

جلس جنب بنته مقهوووور حضنها وروحها للبيت وكلمهم ما قال الدكتور

ام هاني: لا حول ولا قوة إلا بالله العلي العظيم، وكيف بتهدأ وهي ما تجيب اي ردة فعل على كلامنا

رانيا سارت جنبها: سارة تسمعيني

سارة ترجف: ماتو ماتو

آسيا بقهر: لا اله الا الله، البنت ما تنطق غير هذه الكلمة
.
.
في الليل

راحوا أسيناد و أم أسيناد لبيت رفأ

دخلوا و إستقبلوهن و بعد السلام و الكلام و السؤال عن الحال و الأحوال

أم أسيناد: والله يا أم رفأ إحنا اليوم جينا طالبين القرب منكم و إبننا رواد راغب ببنتكم رفأ و نشوف لو في بيننا نصيب

أم رفأ: و الله و النعم فيكم و في مناسبتكم و من يحصل له إنو يناسبكم و يرفض ، و إحنا والله العظيم نتمنى إنو بنتنا تكون  من نصيب إبنكم  بس للأسف المفروض أنكم عارفين إنحنا مكارمه

أم أسيناد بإستغراب: كيف يعني أن أنتوا مكارمه؟!

أم رفأ :  إحنا مكارمه يعني ما نزوجش إلا بيننا البيين يعني ما تخرج إلا لمكرماني ما نتزوجش من خارج المكارمه أبداً

أم أسيناد شافت لعند أسيناد بإنكسار  ، و أسيناد أبتسمت لرفأ

بعد شوية من الكلام والمجابر خرجين أم أسيناد و أسيناد ، و رفأ لحقت بعد أسيناد

رفأ: أسيناد لا تزعليش مني

أسيناد : لا لا ليش أزعل منش؟ أنا كنت عارفخ بهذه النقطة بس ما قلتش لرواد لاني دارية رواد ما بيقتنعش لو قلت له هكذا و جينا و أنا عارفه إن هذا بيكون الرد و لا تقلقي يا عيوني ولا تفكري إن أنا أزعل منش أصلا أنتي أيش دخلش بالأخير  إحنا صحبات  سواء حصل نصيب  أو ما حصلش ، أنتي بتبقي أقرب صاحبة لي

حضنتها رفأ و راحت أسيناد و أمها و رفأ دخلت لغرفتها تبكي لانو  من داخلها تشتي رواد ، إذا ما كانش حسام فهي بداخلها تشتي رواد و هذا يعتبر الكسر الثاني لها
.
.
عند ياسر

قدام غرفة يزن يراقبه.....

/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

23 февраля 2025 20:28

.

البـارت 451 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


هاني حس بقلق كبير على نجاة هي موعدها في رمضان من الساعة ٨ الصباح للساعة ١٢ وبعدين من الساعة ٨ الليل للساعة ٢ الفجر ، وما يبدأ دوامها إلا وزارتهم ورسمت إبتسامة ونشرت الطمئنينة في قلبه اليوم وينها رغم ما يعرف الساعة بس الحس عنده عالي بالوقت ، حس بشي غريب في غيابها إنه مش مرتاح إنه يشتي يشوفها محتاج لطمئنينة قلب بشوفتها ووجودها أعتاد عليها وغيابها ضيعه حس بضياع و إنه تايهه و بفراغ فراغ كبيييير

عند همدان

يشوف أمير قدامه و دموع تنزل بدون ما يتكلم ووجهه شاحب وعيونه فيها حزن العالم حضن نفسه يحاول يهدي نفسه حس فيه هاني وراح حضن صاحبه خلاه يبكي بهدوء لما غلبه النوم
.
.
في المستشفى

الكل مجتمعين والتفتو لما جو

أبو هاني: ما فعلتم؟

أبو ياسر ضحك: قد القسم يعرفوني أشد معرفة قد أنا وهم خبرة من كثر ما دخلنا لعندهم هذه الشهور

الكل ضحك بدون شعور

رامي: قدمنا بلاغ إذا في جديد بنتواصل

إياد عدل وقفته: خلوكم مجتمعين بكلم الممرضة اللي طلبت الكل

نزل كلمها وجمعت بعض الممرضين معاها وطلعوا بدئوا يفحصوا ضغط الكل وكمان يفعلوا لهم بعض الفحوصات اللازمة ، ولآن الكل في هبوط كبير أجبروهم على الفطر و جابوا لهم مغذيات الكل بدون إستثناء وكلهم في غرفة واحدة

أبو روان بهمس: أبوك من لما عرف إن ولدك اللي عنده هو يزن ولا عاد تكلم إلا لما سأل عن حالهم

أبو إياد: هذا الهدوء ما قبل العاصفة

ضحكوا بدون ما يحسوا و كتموا ضحكتهم على طول


@rewayatyamania المصدر الأول للروايات

الكل في الحارة

الجهال فوق البيت يشوفوا ، فضول الجهال المعتاد ، الرجال في الشارع كل واحد يتكلم كيف كان في بيته وكيف حصل معاهم وكيف أرتعبوا واللي يقول اسعفنا من البيت فلان وفلان لان الفجيعة كانت كبيرة ، النسوان في كل بيت مجتمع عندهن بعض نسوان الحارة يتكلمين ، وللأسف أغلب الحارة فاطرين على الفاضي اليوم بس شربوا ماء وحاجات ترفع لهم الضغط من بعد الفجيعة ، وبعض الإعلاميين جو متأخر عملوا تغطية إعلامية حول الحادثة و راحوا

أما في بيت أبو روان ، الكل حالتهم العن من ثاني لكن الكل حسهم عند سارة إللي للآن ما إستوعبت شي غير إن البيت إنفجر بعمتها ويزن

آسيا قامت تشل بنتها و وِد هربت وجهها وحضنت أم هاني

آسيا إقتهرت: زاعلة من أمش يا روح أمش

أم هاني حاضنة وِد: الله يهديش يا آسيا الله يهديش وأنتي ضربتيها قوي

آسيا بكيت قوي: كانت أعصابي تالفة يا عمة والله ماهو بقصدي

شلت بنتها و وِد بكيت قوووي رجعت شلتها روان وسكتتها

آسيا مقهورة: طيب أشتي أرضعها

روان شافتها بنص عين: لا والله يا شيخة مابلا تمرضيها شوفي كيف حالتش ، أنا شفعل لها أي شي تأكله

أم روان: ما عتفعلي لها البيت مافيه جهال أو عتسيري تفعلي لها رز وهي صغيرة

روان: شطلع ألبس و أشتري لها بسكوت و أفعل لها

لبست وشلت البنت معاها أشترت بسكوت وعصائر عشان الكل يشرب وشلت شكلاتات روحت للبيت جابتهم لنجاة تغصبهم عشان يرتفع الهبوط ودخلت تسوي أكل لوِد وتأكلها
.
.
في المستشفى

الدكتور دخل للغرفة اللي الكل فيها: كيفكم الآن؟

الكل: الحمدلله

الدكتور: روحوا و أرتاحوا ولا تقلقوا الدنيا سلامات، يزن و رقية ورانيا بيبقوا بالمستشفى أما هند تقدرو تخرجوها، مافيش داعي لحد يجلس هنا لان وضعكم كلكم يحتاج للراحة إحنا هنا مع عائلتكم وكأنها عائلتنا ما بنقصر وإذا في شي ضروري بنتواصل معاكم

الكل بردود مختلفة: تسلم..... والنعم...... فوق عيننا الخ......

أبو هاني: فين بنروح بيتنا قده رماد وركام

أبو روان إستغربت من كلامه: الله المستعان وبيتي ما يفعل إذا ما وسعكم البيت الكبير بتوسعكم قلوبنا

أبو إياد: تسلم والله ما تقصر
وشاف الكل: بيت عمي موجود

أبو ياسر: أيوة بنروح بيت عمي لما نبسر بيت أو أي حل

أبو روان: والله ما تطبو على الأقل اليوم عندنا تشوفوا كيف الكل تاعب من بيهتم فيكم

الكل ممنونين لأبو روان خرجوا مع بعض أهالي الحارة وتحمدو على سلامتهم خرجوا أم هند و أتحركوا لبيت أبو روان
.
.
في الحارة

الكل وصلوا ونزلوا من السيارات وهند دخلت على طول ، و أهل الحارة تنابعوا يسلموا عليهم ويتطمنوا على الكل وعلى يزن و رقية ويسلموا عليهم

آسيا حضنت هند و بكت: الحمدلله أنش بخير كيف البقية طمنونا؟

أبو ياسر: يالله يالله

أبو روان شايف الكل بالبوالط ومسترين: أدخلواا أدخلوا

دخلوا وهم ماسكين للحج صالح و جلسوه

آسيا ببكاء: قواء طمنونا كيف أمي كيفو إياد؟

الحج صالح شافها بقهر: قولي كيفو يزن مش إياد

آسيا وأم هاني: !!؟

إياد شافهن: يزن و أمي بخيرين الحمدلله

آسيا ما رمشت خلاص تأكدت من شكوكها بشكل نهائي وأم هاني حست دخان يخرج من جسمها من اللي تسمعه.......





📚 @rewayatyamania  🇾🇪

روايات يمنية📚🇾🇪

23 февраля 2025 14:48

.

البـارت 449 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الأطباء أسرعوا بالنقالة شلو يزن وعلى طول دخلوه لقسم الحرائق شافوا حروقه وجروحه دخلوه على طول لقسم العمليات و إياد قدام الغرفة اللي فيها يزن يلف ويدور مهدود القوة شوية وسمع ضجة شاف أبوه وياسر يجروا بعد نقالة أمه اللي دخلوها للغرفة الثانية

أبو إياد جلس وكل جسمه يرتجف: يالله

ياسر يهديه وهو يحتاج من يهدي نفسه: لا تقلق يا عم لا تقلق
.
.
في قسم الطوارئ

دكتورات مجتمعات فوق رانيا كل شوية وتجي واحدة تحاول تصحيها بس بدون فائدة

دخل دكتور شاطر: أسكه بعدين

الدكتورات بعدين والدكتور قبصها في عروق رقبتها بدون فائدة و حاول بكل الطرق

أبو هاني دموعه ما وقفوا: مال البنت يا دكتور؟

الدكتور: لا حول ولا قوة الا بالله، البنت أفتجعت بقووووة الرعب سيطر عليها بضطر انقلها من الطوارئ للعناية

طلب من بعض الطبيبات يطلعوها ويجهزوا بعض الأشياء اللي يحتاجها
.
.
عند هند.....

أبو ياسر ورامي عندها منتظرين لها متى تصحى

رامي: لما تصحى طمني بسير أشوف إياد.... قصدي يزن وخالتي رقية

راح لقسم الحرائق
.
.
في بيت أبو هند

أم هاني نزلت لابسة و بيدها وِد رجمت لآسيا البالطوا: محد يرد بسرعة البسي خطينا

آسيا معاد تتحمل قلبها بينفجر لبست وشلت ليث خرجين و أستأجرين تكسي و راحين للبيت

التكسي وقف حاسبنه و نزلين جمدددين وهن يشوفين بيتهن في الأرض تراب و رماد وحجار وخشب وطيق بيوت الحارة مكسرة والزجاج ملان الدنيا وبعض البيوت مهدم أجزاء منهم وبيت أبو روان مكسر طيقهم و الباب حقهم في الأرض و نص السور فتات

أم هاني صاحت: ماااهوووو هذاااااا؟؟

آسيا فقدت سيطرتها على نفسها: أيييشششش فييي أاايييششش أيييششش وقعععع مع
أههللليييي

روان سمعت صوتها ما دريت كيف خرجت: آسيا



@rewayatyamania المصدر الأول للروايات

أم هاني بكت بقوووة وحرررقة: بننناتتتييي عممييي و أختتييي والبقية ما حصصللل يا روان؟

روان تهديهم: تعالوا تعالوا الكل بخير لا تفتجعوا الكل بخير

آسيا وأم هاني بكيين براحة دخلين لبيت أبو روان تجمدين أول ما شافين سارة

آسيا نبعت تحضنها: سااارة مااالش؟

سارة ترجف ولا ترمش ، وعيونها ما تتحرك

أم هاني فلتت وِد سارت لعند بنتها حضنتها و هي تبكي وتحاول تثبتها

أم هاني بجنون: بسم الله عليش يا بننتييي بسم الله علليش سارة يمه لا تحرقي قلبي عليش أنا فدالش تحاكي إهدئي ليش هكذا ترتعشي يمه

سارة مكانها وبين عيونها يزن و عمتها بس الأكثر يزن.....
.
.
في المستشفى

الدكتور اللي عند رقية خرج والكل التمو حوله

أبو روان: أيش يا دكتور طمنا؟

الدكتور إبتسم: الحمدلله قدرنا ننقذها بالنسبة للحروق هي من الدرجة الثانية مافيش أي قلق مراهم و حاجات طفيفة وبترجع مثل قبل كان تعبها إنها أستنشقت دخان كثير وكمان بعض الاعراض اللي ما تقلق

الكل حمد ربه وشكره و إياد وابوه نزلت دموع قليل من الراحة بعد كومة من الخوف والرعب

أبو ياسر شاف أخوه: ورانيا كيف؟

أبو هاني بخنقة: رانيا ما صحيت الدكتور مش مطمن لوضعها

ياسر عاده عرف و خاف: مابه خير مالها رانيا مالها؟؟

حسام: دوخت وبكل الطرق محد قدر يصحيها

ياسر جنن: كييف محد قدر يصححيههاااا مستشفى بطوووول و عرررض على الفاااضي

إياد يهديه: إهدأ يا ياسر بتصحى إهدأ

ياسر وقف: وينها يا حسام؟

حسام دله و ياسر راح لعندها بسرعة يسارع نبضات قلبه
.
.
عند الحج صالح

فتح عيونه و محد عنده طلب من الأطباء يشلوه لقسم الحروق و الأطباء نفذو شلوه بكرسي متحرك والمغذية معلقة

الحج صالح بقلق: كيف رقية و يزن؟

أبو روان: مرة إبنك الحمدلله بخير بس تصحى، لكن يزن للآن مافيش أي خبر

الحج صالح ما قدر يخفي قلقه على رقية و يزن
.
.
في بيت ابو روان

آسيا تبكي و دموعها تنزل و شفايفها تررججف بقووووة

روان تبكي عليها: أكيد إنهم بخير يا روحي

آسيا إنهارت: أمي وأخي يا روان أمي و أخي
وصاحت ببكاء: اااااامييييي يا روووووان أاااميييي اخييييي يا روان اااخيييي أاااخيييييي

أرتجمت بحضن روان تبكي و الكل من بكاها أحترقت قلوبهم

أم روان مدت لأم حسام ماء: أشربي

أم حسام بدون روح: لا صايمة

أم روان مكنتها القلص: صوم أيش الله يحفظش قد كل الحارة فاطرين اليوم، لا يكلف الله نفسًا إلا وسعها ، عنرجع نقضي عتمرضي خوف و رعب وصيام أشربي

روان شربت آسيا اللي إنهارت من البكاء ماء و جلست تمسح على شعرها لما هدأت

نجاة تبكي وحسها عند الكل وشافت سارة خايفة لو دخلت نوبة هلع صعب تقدر تخرج منها
.
.
في المستشفى

خرج الدكتور ووجهه ما يبشر بالخير

ياسر بخوف: أيش يا دكتور؟

الدكتور: البنت مصفررررة وكل العلامات تدل على إنها بتصاب بمرض السكر وإن شاء الله ما تصاب فيه و يكون علامات خائبة.....


/channel/+Ecxq_OzMYh40M2E0



📚 @rewayatyamania  🇾🇪