الفن اليمني الاصيل

17 October 2026 22:23

🔥👇قنوات معتمدة من التلجرام👇🔥

إتصفح الاعلان أجمل قنوات تجد كل ماتريد هنا👇

kأسعار الذهب🥇💍 @Yemenis_Exchange

k📚روايات وقصص مميزة @storykaligi

kروايات يمنية @rewayatyamania

kارشيف روايات يمنية @archiveRY

kمستندات روايات @storykaligi_1

kبجنان صنعاني @bejnansanani

kاجمل الاغاني @sanaa25

kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen
kتاكسي رحال @Smatr_Rahal

kصنعاء القديمه @oldsana

kروياتي @az_m_2005

kأسعار العملات @Yemenis_Exchange

kقلب من ورق @galp_mn_warg

kعيون المهاء @mimim1212

kروايات يمنية
/channel/+Ecxq_OzMYh40M2E0

kسام ميوزك
/channel/+VZE56V6tQZ4hA4wQ

kقصص مميزة
/channel/+PWnpOoEFPIhNC6ak

kأسعار الذهب وصرف
/channel/+UzdbaRxU4lsMhaQd

━☆


للاشتراك ⇦ @STAR_TWASULBOT

للبحث عن قنوات من هنا @STARR_TWASULBOT

الفن اليمني الاصيل

16 October 2026 06:02

والرجال نزل، وانا اقتلبت من الكرسي الامامي لا عندها، وقلت: هاااه، هو انتي...؟!!! هو انتي..؟؟! الله لا سامحش!
وفتحت الباب وقد شنزل، وهي بتبكي وقالت: انا عند الله وعندك، اسمع مني وبعدا اذا انت تشتي تنزل نزلت..
قالت: ما عاد تشتي تقولي، تفعلي بي كذية، وتبخسي بوجهي عند اهلي وناسي، وتشهدي عليا زور وانا انقذتش في موقف شوعة قوي..!!
قالت: ما قدرتش اتكلم بالي حصل، مهددني بالقتل وحاجات ثانيه عتضر اهلي في شرفهم ، وهدداني انهو عيقتلك والكل لو ما قلتش الي يشتيه، وغصب عني فعلت كذية، انا اسفه
قلت لها: كان الموت اشرف لش من العيشة مع رجال مثل زوجش!
قالت: والله لو هو عليا اننا بنتمني الموت كل يوم، وما خلاني افعل هكذا الا لانه هددني بقتلك، وبشرف وسمعت اهلي فقلت ايش ذنبك بعد كل الي فعلته على شاني؟
قلت: طيب، اين اهلش؟ وكيف يسمحو لتافه هذا يفعل بش كذية؟
قلت: اسمعني، انا ابي من رداع وهو شيخ كبير، ومعي تسعه اخوه، والله ما يكفيهم يشربو من دمه لو يعرفو انهو حتى غثاني بكلمة
انا تزوجته قبل ثلاثه اشهر من وقت الحادثه الي حصلت في البدروم وقد عذبني وضربني وصورني فيديوهات، الله لا وراك وكل يوم يجي وهو سكران ومش بحسه ويفعل عمايله
واخر مره لما جاب اصحابه، وكان يشتي يصورني، على شان يبتز ابي
قلت لها: كيف يبتزه؟!
قالت: اصلا شركة الصرافة هي حق ابي، وزوجي معه نسبة ١٥ بالمية، فكان عيصورني هو واصحابه ... وقرحت البنت بكاء...
وقالت: ما علينا، على شان يبتز ابي يكتب الشركة كلها باسمه، وهو مخطط يسافر ويهرب من ابي واخوتي..
قلت لها: لعنة الله عليه وعلى طبعة وعلى اصحابة!
وذلحين انا مفعل جابريني..
ادت لي ذاكرة، قالت: الذاكرة هذه فيها كل الفيديوهات وكل شي بخصوص زوجي، اشتيك تسافر لا رداع وتمكن ابي وتكلمه بكل القصة، وخلي الباقي على ابي واخوتي، واعذرني على كل شي، انا اسفه..
قلت: بما اننتي بتخرجي وتسيري وتجي ليش ما تسيري لا بيت ابوش او تتصلي به او تكلميه حتى عن طريق صاحب التكس يعني حنبتي بهذا الشي ما بلا عن طريقي انا ..؟؟!
قالت: قالت هو مفهم ابي ان احنا مسافرين خارج اليمن قدلنا ثلاثه اشهر ، وشل تلفوني وما بنقدرش اخرج الا بمراقبه منه او من حارس الفله والسواق ، والله لا وراك كيف قدرت التقي بك اليوم وفي نفس الوقت انت فعلت معي خير واشتي ارد لك هذا الجميل فضروري انت الي توصل لا عند ابي ، وانت عتفهم قصدي مع الوقت ..
وخرجت من الشنطه حقها عشرة الف، طرحتها فوق المدكى حق السيارة، قالت: هذه اديها لصاحب التكس..
وخرجت الف دولار وقالت: هذه حق سفرك وصرفتك لا رداع
قلت: دخلي زلطش جيبش، والله ما اشل ريال
قالت: ماشي، لو تسمح
قلت لها: والله ما اشل ريال، سمعتي اليمين!
فتحت الباب، وقالت: قل لصاحب التكس شكراً خاطرك، ونزلت..
وصاحب التكس طلع، ابسر الزلط، قلت له: شلها، هذه حق مشاويرك..
رجعني لا بيتي، وصلت دبرت لي زلط وفتحت الذاكرة، وكان فيها مقاطع وحاجات يستحي الواحد يذكرها، مش مصدق ان به شخص يفعل بزوجته كذيه ويعذبها بتيه الطريقة ، ويتجرد عن رجولته وكل شرفه بسبب الفلوس قبحة الله ..
المهم، وتوكلت لا رداع، واتصلت برقم ابوها الي شليته منها، وقلت له: معك منير، اشتي اقابلك ضروري
قال: ارحب، في اي وقت
وشرح لي اين بيته..
وصلت، وبيته كبير، والحوش والمزارع حقه على مدد النظر، والسيارات والشاصات اخر موديل
دخلت لديوان، وعندهم ناس وضيوف ، تكلمنا شويه وتعرفنا ببعض
قال: علومك؟ ليش طلبت تقابلني؟
قلت له: الموضوع مقدرش اتكلم به الا معك ومع اولادك لوحدنا
والرجال شكله قبيلي عسر، واخوتها شكلهم رجال ياكلو الجبال
قال: ما عليك، اذا انت ضيفي اليوم
وجلست لا بعد العشاء، تعشينا ورجعنا نخزن من جديد، وجالس في الديوان انا وابوها واخوتها
وبدأت احكي لهم القصة، من يوم ما سمعت صياح بنتهم في البدروم، وهم كان يمسكو انفسهم بالقوة
وبعدين فتحت تلفوني اروي لهم المقطع الي صورته ويسمعو بنتهم بنفسهم
واحد من اخوتها معه قعشة وشكل دمه حامي، شل التلفون وقال: الان بتصله، والله لا اشرب من دمه!
وابوه قال: وقف، عنشرب من دمه بس بالعقل، كيف تتصل واختك تحت يده؟ اصبر، خلي ابن الاصول يكمل حديثه
ووصفت لهم شكل الاثنين اصحابه الي كانو معه..
واحد من اخوتها قال: اصبر
وقام يرويني صورة من عرس زوج اخته وجنبه الاثنين، قال: هم هولا؟
قلت له: ايوه
قال: يا بااه، هذا عامر صاحبه واسامه، والله ان دمهم دم حنش!
وكملت لهم القصة، وخرجت الذاكره وقلت للاب: افضل انك تشوف الي فيها وحدك، هذه الذاكرة قالت لي بنتك اوصلها لا عندك، وانت عتقوم بالباقي
والاب قال: وانا اقول من شهر اتصله اسال عن بنتي، وهو يقول مشغول مشغول، ويتكلم معي بطريقة غريبة، وطلع هذا كله على شان ينهب حقي، ويهتك عرضي، لا طلع مسافر ولا شي وحارمني من بنتي وهو يعذبها كل يوم ..

الفن اليمني الاصيل

15 October 2026 17:13

قال هل المسدس الي اطلقت منه الرصاص حقك ؟
قلت له لا حق صاحبي توفيق
قال هل لديك اقوال اخرى ..؟
قلت ايش من اقوال وايش من هدار ، انت بتدي لي قصة وحادثه ما حصلتش..!!!
التفت لاعند العسكري الي بيكتب المحضر قال قفل المحضر يا ابني وبصمه ، وقال للعسكري الثاني دخله الزنزانة ، وانت يا عسكري كمل اكتب التقرير سريع وحولهم لنيابه بسرعة قد شغلونا النيابة من الصبح ..
دخلت لزنزانه ولقيت توفيق وجمال نبعو بيسلمو عليا وبيطمنو ، قلت لهم ليش انتو محبوسين ، واين الرجال الي كونته بيقول الفندم يا توفيق انهو صاحب العمارة ، واين الاثنين الي كانو معه ؟ قال اجلس وشا افهمك ، ذلحين متهمين لنا ان احنا دخلنا نسرق البيت ، وصاحب العمارة قال كان معه زلط حق محلات الصرافة حقه داخل البدروم واحنا دخلنا نسرقه ، ولما سمعنا صاحب العمارة حاول يدافع على بيته و حصل الاشتباك ...
قلت ما بتقل يا توفيق ، وجمال هو الي سار يبلغ وجى بالطقم ، كيف عنسرق ونسير نبلغ ماهو الخبر الاخبل هذا ...؟!!
طيب اين البنت يا توفيق ، لو يحققو مع البنت عيتضح لهم كل شي ، قال المشكلة يا منير ان البنت طلعت زوجة الرجال ، وقالت كانت في شقتها هي وزوجها وسمعو قلفده ونزلو يبسرو ولقيونا وحصل الاشتباك ، وانا بنسمع توفيق لما سنبين شعر راسي مشنا قادر اصدق الكلام الي بنسمعه ، ما دريت الا والعسكري فتح الباب وكلبشونا ، وطلعونا فوق الدينة وخلفنا الطقومات وشلونا لنيابه ...

يتبع...



#قدر2
#منيرالنقيب
#منير_النقيب

الفن اليمني الاصيل

14 October 2026 23:41

اتصلي صاحبي توفيق ، هو معلم رنج ...
-الووو حيا يا توفيق كيف حالك
-نحمد الله يا منير ، اين انت ؟!
-في البيت ما في نفسك يا عزيزي
-هيا بكر غدوة جي معي معانا عمل نرنج عماره
-بس انت داري ان مابش معي خبره في الرنج
-اصلا ما لقيت احد من العمال ما معي الا جمال وقلت اديك معي نتساير ويقع لك قرشين وتساعدنا بالعمل
-خلاص سابر يا صديقي بعد صلاة الفجر وانا عندك
-سابر ...

بكرت وسرنا نشتغل والعمارة في مكان نائي مابش في الحي ذيك الا شوية بيوت عادهم بيعمروهن ، ولساعة ثنتين بعد نص الليل ، جلسنا نخزن شوية ونفتهن ، وبنتجابر ، قلت يا توفيق من هو صاحب العمارة هذه وماهو الجنان حقه بدأ يشطب الدور الاخير ، الناس يبدأو من نازل ، قال مدري من هو صاحبها يا منير ، انا اتصلي صاحبي الي تقاولها وقال اجي اشتغل ، وقالو ما نرنج الا الدور الاخير وبس ...
خيرة الله طيب اين سار الحارس حق العمارة طلع لنا الرنج في الصبح واختفى ؟! قال مدري لا ابسرناه وقت الغداء ولا وقت العشاء شكله ما بيجلسش في العمارة..
طيب ومن عيرسل لنا حق الشقى والصرفة ؟ قال قد رسل صاحبي المقاول حق صرفتنا اليوميه ، ولما نكمل العمل عيرسل لي باقي الحساب ، وجمال قال ذلحين الماء والشقارة كملت ، من عيسير يشتري لنا انا والله ما اسير قد تبهذلت لما سرت اشتري العشاء والقات، ومابش بقالة قريبه مابلا في نهاية الشارع ، وانا قلت ذلحين دورك يا توفيق ، قال نفعل قرعه ، فعلنا قرعه ولان حظي حالي طلعت القرعة عليا ، وقلت شنزل انا اشتري الماء والشقارة ، شليت السويس حق المتر وشليت المسدس حق توفيق ، قلت احتياط احنا في مكان خبت لا به شي ولا شي ، المهم نزلت وقدنا في الدور الرابع واتصلي توفيق وبنتجابر ، وبنقله كيف اديتو لي مفتاح المتر وانا ما بنقدرش اسوق مترات ، وبنضحك وصلت لدور الاول ، وابسرت باب البدروم مفتوح ، وقلت يا توفيق من فتح الباب حق البدروم ، قال مدري ، وبنبسر باب العمارة مفتوح والكل ، قربت شويه وبنبسر سيارة صالون لقزز اخر موديل مجنبة ، يا توفيق به لقزز اخر موديل مجنبه باب العمارة ، يمكن صاحب العمارة جى ودخل البدروم ، وفجأة سمعت صياح بنت من البدروم ، قربت من الباب حق البدروم ونزلت اول ثلاث درج ، وبنسمع صياح بنت بتقل فلتو لي يا عيااال الكلب فلتوني يووووه يماااااه ، قلت يا توفيق به صياح بنت في البدروم ، قال ايش من صياح يا منير شكلك قدنت طافي بسبب التينار ، قلت له اصه خليني اتاكد ، نزلت للبدروم وبنبسر به كراتين حق مواد بناء وبراميل رنج وعده ، وبه بلاط رخام مكرتن ، والبدروم كله ظلام ، وابسرت في طرف البدروم غرفة مدري من ولعها ، قربت وبنتشاقر ، وابسر ثلاثة اشخاص لابسين اثواب واكوات ، وقد شم البدروم ذيك عطر منهم ، ومخزنين وماسكين لبنت اثنين منهم ، وواحد ماسك تلفون بيصور ، وبيقول لها اصه يا بنت الكلب والله لا اربيش انتي وابوش ، وقال لخبرته الي ماسكين البنت ، خلسوها ثيابها كلها سررريع ، واحد منهم كان ضعيف البنيه والثاني سمين مرتاح شويه وكان لابس فوق كتفه بندق ، طرح البندق في الارض ونبع يمسك البنت يشتو يخلسوها ، والبنت بتصيح وتبكي ، وتوفيق بيقل في التلفون الووو الووو منير مابه اين انت وماهو الصياح هذا كله ، قلت بصوت واطي يا توفيق به ثلاثه في البدروم اختطفو بنت ويشتو يغتصبوها ، انزل سريع انت وجمال ، وقفلت التلفون ، ومشعت المسدس من خصري ، عمرته ودخلت ،وقلت وقفو يا عيال الكلب لو واحد يتحرك حرام لا اقتل ابوه ...

فلتو للبنت ،وقد هي بشعرها بعدو من فوقها البرقع والطرحه ، كلهم وقفو وبيبسروني وهم مفجوعين ومستغربين ، والسمين نبع يشتي يشل البندق ، ضربت رصاصه لا جنبه ، قلت والله لو تتحرك لا اقتل ابوك ساع الكلب يا نذل ، وتلفوني بيرن ، قلت للبنت سعليش جي لا عندي وهي جالسه في الزوه بتبكي وبتلطم نفسها وتخبط ركبها ، والي كان ماسك التلفون ، كان شكله سكران مشو بحسه ، قال من انت يا ابن الكلب وكيف دخلت لا هنيه ، قلت له اصه لسمع نخس حرام لا اطرحها وسط عيونك ، ابسرت لتلفون حقي وانا بنقرب طريق البندق وبنقلهم يرجعو ، فتحت التلفون وتوفيق بيصيح مااابه يا منير اين انت ، قلت انزل يا ابن الكلب انت وجمال للبدروم سريع ، ما دريت الا والي كان ماسك تلفونه لما مشع المسدس وضرب ثلاث او اربع رصاص لا عندي ...

يتبع...



#قدر1
#منيرالنقيب
#منير_النقيب

الفن اليمني الاصيل

15 September 2026 23:22

قنوات مهمة ومميزة في التلجرام🔥👌

kسام ميوزك
/channel/+VZE56V6tQZ4hA4wQ

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

━☆

الفن اليمني الاصيل

09 September 2026 21:04

قنوات مهمة ومميزة في التلجرام🔥👌

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

kأسعار الذهب وصرف
/channel/+UzdbaRxU4lsMhaQd

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

05 September 2026 20:39

تنوووويه للأعضاء الكرام

اشتي أقل لكم اني مش أنا الكاتب/منير النقيب أنا بين انقل لكم الروايات حقه من حسابه الشخصي من فيس بوك
هذا توضيح عشان المصداقيه وعشان مايحصل سوء فهم او شي او تقليل في حق الأخ/منير النقيب
وسبق وان قد اتكلمت في هذا الموضوع من قبل

وتحياتي واحترامي لكم

الفن اليمني الاصيل

05 September 2026 14:32

المحتجزين ..
وقفت سيارتي في مكان بعيد من مكان الحادثة ، وطلعت مع صاحب متر ، سرت للفلة الي كان فيها لطفي ، فتحت الفلاشة وكان فيها ما يقارب ، خمس مية مقطع فيديو ، والي ابسرته يشيب الراس ، وكلهن مقاطع يتم بثهن في النت المظلم ، حق الناس الامراض نفساً ، الي يبسر قتل اشخاص بطرق مجنونه ، او اغتصاب عجوز ، او تصوير ثلاثه او اربعه مجانين ، وهم فوق رجال كبير في السن ، ولقطات للاتجار بالاعضاء وغيرها الكثير ، قمت رسلت للخمسه الارقام الي شليتهن من تلفون صاحب التكس ، اسمعو كل الي حصل في المشفى ما يعتبر شي امام التسجيلات الي معي ، وبه ناس مهمين قوي ، مصورين ، لو انشر عتقتلب الموازين كلها ، معاكم لساعة تسع الليل ، وابسر لطفي عندي ولا انتو اخبر ...

ومنتظر وانا بنقلب المقاطع والساعة تسع الليل تلفوني رن من رقم غريب ..

-الووو ..من معي ..
سمعت صوت مره
-ايوه تصدق انا معجبه بعقليتك وشجاعتك ، ولو لا اعجابي بكل الي عملته كنت كل نص ساعة برسلك قطعه من جسم صاحبك لطفي ، بس صاحبك طلع شهم ورافض يكلمنا اي شي عنك ، وحتى تلفونه قام بتكسيرة قبل ما يتم القبض عليه ..
-اهاااه يا مرحبا بالزعيمة والراس الاكبر لكل هذا ..
-اسمعني انا ما يمشيش معي التهديد وكل الي سويته في المشفى ما يهمنيش ، بس المقاطع الي معك ، اشتيك تسلمهن للمكان الفلاني في خلال نص ساعة ، وصاحبك لطفي ، عتلاقيه في الفلة الي تم اخذه منها في خلال نص ساعة .. واسمعني انا قادره اخفيك من على وجه الارض ، انت وكل اهلك واهل صاحبك ، في لمح البصر ، ولا تفرح بالترند الي انت مسويه ، بس برجع اقلك ، انت اثرت اعجابي بالي سويته وبعقليتك ، فلذالك اعتبر ان سكوتي هدية مني لك ...

وقفلت الخط في وجهي..
قمت خرجت من الفلة وانتظرت في مكان بعيد بنراقب ..

ومابش عشرين دقيقه وصلت صالون سوداء وقفت امام الفله ونزل لطفي منها ، والصالون مشيت ، ولطفي دخل للفله ، انتظرت عشر دقايق وجيت من خلف الفله وطلعت من السور ودخلت لا عند لطفي ، وقدهو مضروب وفيه اثار تعذيب ، قمت شليته وخرجنا من الباب الخلفي للفلة ..
وتلفوني رن من نفس الرقم حق الزعيمه ...
-الووو
-عشر دقايق والفلاشة تحطها في المكان الي قلت لك عليه ...

وقفلت في وجهي ..

انا قد سويت نسخه للفلاشه ..وخبيتها ، طرحت لطفي في العيادة واتصلت لاخوه يجي عنده ، وسرت طرحت الفلاشة في المكان الي قالت عليه ، وكنت اراقب من بعيد من عيجي يشل الفلاشة ، وشفت السيارة الكهربائية البيضاء حق الزعيمة وقفت ، ونزلت بنفسها شلت الفلاشة ، وما حسيت الا بخبطه في خلف راسي لما فقدت الوعي .

انتهى#
#للأيجار5
#منيرالنقيب
#منير_النقيب

الفن اليمني الاصيل

05 September 2026 14:25

-ايش يقرب لك الشيبه ..؟
-اخي اسمه احمد هو اخي يا ابني قد القبيلة كلها قلبت عليهم الدنيا
-اسمع يا اخي اشتيكم تجو وانتو مسلحين لا صنعاء عنلتقي في جولة عصر في الستين ..
-ولمه نجي مسلحين يا ابني ما بتقل كلامك غريب ..!
-يا اخي باختصار اخوك وزوجته تم خطفهم من عصابة جو لستين انت وكما قدرت وبسلاحكم ، ولما توصلو شا افهمكم كل شي .. وانتبه تبلغ بالموضوع ..
حسيت الرجال عقلة كبير وبيسايرني في كلامي مسايرة وقال
-حاضر تمام يا ابني ، ساعة ونلتقي لا جولة عصر .. وانت ايش اسمك ، ومن اين انت ..؟
-لما تجي يا حج شا اقلك خاطرك ..

وجالس منتظر فوق سيارتي وبنتابع مقطع الفيديو الي نشرته البنت ، واصحابي ما قصرو ، وانتشر الفيديو بشكل كبير وقده ترند ، هجوم مسلح على احد المنازل واختطاف صاحب المنزل من قبل جماعة مجهوله ...

يتبع...



#للأيجار4
#منيرالنقيب
#منير_النقيب

الفن اليمني الاصيل

04 September 2026 18:15

قلت لها حلو لو نوصل للفلاشة هذه ، عنقلب الموضوع رأي عام ، وهكذا عيتم انهاء العصابة على مسامع الناس كلهم ، انتي الان تكلميني اين مكان الغرفة هذه وخلي الباقي عليا ..

قالت يا مجنون لو ترجع للمشفى ، بعد الي حصل ويكتشفو اننا هربت ، عيقتلوك ومش بعيد ذلحين قالبين الدنيا عليا ..
قلت ذلحين ادخلي نامي وارتاحي ، وبكره عنكمل كلامنا ، خرجت من الشقة وطلعت شقة اخي وجالس طول الليل اتواصل مع خبرة ، ومشهورين بنسال لو انا اشتي خبر يطلع رأي عام ايش اسوي ، بس الكل بيسال ايش الموضوع ، والكل بيخاف ويقلك مش كل خبر يطلع الا اذا كان بالصدفه ولا صاحب الخبر بيروح في ستين داهيه ...

طرحت التلفون ورقدت قد اهلكني العملاق صاحب التكس ، وما قمت اليوم الثاني الا على اتصال صاحبي لطفي ..
-هاه لطفي ..
-ياخي المدبر هذا شغلني ابغى موية ابغى اكل ، وانا مابش معي حق حبه شقارة ..
-ههههه شويه واجي بالغدا والاكل ،ولا يهمك يا لطفي
-ادي نص ذبيحه للجني هذا ما عيملي بطنه قلي ..
-خاطرك يا لطفي

قفلت التلفون ، وفتحت الفيس على خبر ضياع اثنين شيبات رجال وزوجته قد به اكثر من منشور على الخبر هذا واركز على الصورة واكتشف انهو الشيبه الي وصلته هو وزوجته للمشفى ، قمت من مكاني وبنبسر صورة الشيبة وبنقرأء منشور انهم ضايعين قدلهم ثلاثه ايام .. لما دخن راسي ...

يتبع...

#للأيجار3
#منيرالنقيب
#منير_النقيب

الفن اليمني الاصيل

04 September 2026 18:15

غطيت على وجهي بالشال وطرحت المسدس في يدي وخطيت طريق التكس ، قربت منه وهو منزل الفريم ، وبيشرب دخان ، وصلت فتحت الباب على طول ، ووجهت المسدس لا راسة ، قلت له اسمع قلدني الله لو تتحرك لا اطرح ابوها في راسك ويا قاتل يا مقتول ..

قلي بلهجة سعودية مكسرة ، ويش تبى ..ويش تبى .. وقد بيقرب يده للخانه حق المدكى يشتي يخرج المسدس ، طرحت المسدس في جبهته وبندهفه ، وقلت انت بتسمعني والله لا اقتلك ، انبع للكرسي الثاني سريع ، قال طيب ..طيب حاول تهدأ .. من انت ويش تبي مني ، قلت بنقلك انبع ، اول ما نبع للكرسي الثاني طرحت ركبتي على الكرسي حق السواق ودخلت فتحت الخانة ، حق المدكى ، وفيها مسدس ومركب فيه كاتم صوت ، الرجال كان جثة ومليان ، عملاق ..
شليت مسدسه ، طرحت مسدسي في خصري وعشقت مسدسه ، قلت ترفع صوتك او تفعل اي حركة شقتلك ولحد عيسمع شي ، قال يا اخي تبى فلوس بعطيك اي شي تبيه خذه ، تبي المسدس خذه ، قلت مش وقت تبي وتبو هذه الساع بنقلك اهدأ ، قربت منه وفعلت له خبطه بقفى المسدس في راسة قصدي انهو عيدوخ على طول مثل ما بنبسر في الافلام ..

بس الرجال مسك على راسه ، ودهفني بيد لما كان عيرجمني لا خارج السيارة ، وفتح الباب الي عنده ويشتي يخرج من السيارة ، وانا نبعت امسكه من الفنيلة الي لابس لها ، وانا بنقول سرحتك يا منير جيت تهازر العملاق هذا لو يفعلك لكمة لا تجلس مدوخ ثلاثه اشهر ، وقد قلبي بيدق قوي وانا بنتهازر انا وهو ، ويدي الي فيها المسدس مخبي لها لا خلف ضهري ، وقد بنقول ذلحين عيشل عليا المسدس ، ويطفحني ..
ما دريت الا لما جت البنت من الباب الي عند الرجال ، وضربت له ابره في كتفة ، الرجال اقتلب ودهفها لما رجمها للارض والابره اكتسرت في كتفة، وجالس بنتهازر انا وهو ، وقدنا من داخلي بنقرح بكاء باقي شوية ودايلة المسدس واقله افعل مشتيت يا مدبر انا تعبت ...
، ما دريت الا والرجال بتقل المقاومه حقه ، وعيونه بتغمض وفقد الوعي ، خرجت من السيارة وفيني فرحة ما يعلم بها الا الله ، بنبسر هل قد به احد من الحاره سمعنا ، ومابش احد جريت لا عند البنت ، وبنقلها ما بينش ...؟!
قالت ولا شي ، قلت لها يلاه ادخلي هاتي امش واختش وجي سريع هذه سيارتي ، قالت عيقتلونا ..عيقتلونا ، قلت لها اصه مش وقت الهدار هذا افعلي الي قلت لش ، قالت حاضر ..حاضر..
وجريت لا بيتها ، وانا قربت السيارة حقي لا جنب التكس ، وسرت اجحبل الرجال ، وبالقوه قدرت اطلعه للخانة حق سيارتي ، كتفته وربطته بالشال حقي وكان معي حبل في الخانة ، ونبعت لا فوق سيارته شليت تلفونه من الدعسة حق السواق ، وكان التلفون مفتوح ، سجلت ما يقارب اربعه الى خمسه ارقام وكان منهن اراقام سعوديه ، فتحت قائمة البرامج الحديثة ومعه برنامج لونه اخضر وازرق ، وكان فيه رسايل بكل تحركاته واين عيسير وما يفعل صورتهن بتلفوني ، كملت وطرحت التلفون فوق التكس ، وامنت التكس وطلعت فوق سيارتي ، خرجت البنت مع امها واختها ، ومعاهن ثلاث شنطات ، وطلعين فوق السيارة ، وانطلقت من الحارة تيك ، والبنت بتبكي مع امها واختها الصغيرة ، قلت لهن خلاص لا تخافين ولا شي ، والبنت قالت صاحب التكس عيتواصل معاهم ، ويدرو اين احنا ، عيقتلونا ..عيقتلونا .. قلت لها اصه ، لا تجننينيش ، قدنا ميت تعب وضهري عيكتسر من الثور هذا وانا قد ورطت نفسي معش ومشنا داري من انتي او ما قصتكم ، لكن ذلحين ما عدبش معش حل الا اننتي تمشي بعدي ، قالت حاضر تمام انا بعدك ، واسفة حين دخلتك في هذه المشاكل ..
وصلت لا بيتي انا واخي المزوج البيت ثلاثه ادوار ، دخلت للحوش واتصلت لا اخي ينزل ، وقلت للبنت كم مدة المخدر الي ضربته لرجال ،قالت ليش قلت لها كلميني وبس ، قالت من ساعتين الى ثلاث ساعات اذا محد فوقه ، قلت يلاه انزلين ودخلتهن في الشقه الي انا عايش فيها ، واخي نزل كلمته ان هولا اهل واحد من خبرتي هو ساكن في عدن ، واهله وصلو بهذا الوقت عيجلسين عندنا لا بكرة لما استاجر لهن فندق ، قال تمام ، قلت له انتبه يخرجين ..؟ قال اين عيخرجين هذه الساع ..؟! قلت المهم خلي باب البيت الرئيسي مقفل ، قال ما يسبرش قلت افهم يا اخي ، قال وانت اين عتسير قلت معي عمل اكمله وشرجع ، قال سابر ، قلت للبنت لا تتكلم بشي ، واذا نزلت زوجة اخي تقول انهن من عدن واخوهن صاحبي ، وخرجت ..
اتصلت لصاحبي لطفي ، واحد من الجن ، جالس في فلة بيحرسها ، واكثر الوقت بنخزن انا وهو فيها ، قلت له شوية وشوصل لك افتح لي البوابه ادخل السيارة قال يا منير خليها خارج ما فيني من قام ، قلت له ضروري قال سابر ، دخلت السيارة للحوش حق الفلة وقلت له هيا جي شل معي ، وفتحت الخانه ، اول ما ابسر الرجال مكتف قال اعوذبالله وهذا من هو يا منير هيا ما قد به للجنان حقك ..؟!! قلت له مش وقت جي ندخله للبدروم ، وبعدا شا اجابرك ، قال ما يشل الثور هذا بكله منينه اديته يا منير ، قلت يا لطفي كيف منينه اديته سعم اننا اديت لك هديه ، شل معي ، دخلناه للبدروم وسط غرفة وهو مربط ، وقفلنا

الفن اليمني الاصيل

03 September 2026 21:30

عند الباب ، ومابش خمس دقايق ، ووصلين ما يقارب خمس سيارات اخر موديل ونزلو منها كم من مرتاح ، كان يوصلو بأوقات متقاربه ، ودخلو للمسشتفى ، ومابش نص ساعة ، وخرجو كلهم ، وفي الاخير المره صاحبت السيارة الكهربائية ، شغلت السيارة ومشيت ، وانا شغلت سياراتي قلت اراقبها ، ما دريت الا لما نزلت الممرضة الي كتبت لي الرقم ،نزلت بعدهم على طول ، وسنبت باب المستشفى ، وصل لا عندها تكس ، وطلعت معه ، قلت الاحق الممرضة وخلاص ، وصلنا لصافية ، ونزلت البنت والتكس مشي شوية وجنب منتظر ، البنت اول ما دخلت البيت فعلت لي رسالة ..(اذا شفت رسالتي رد عليا برسالة ) ..رديت عليها ( ايوة موجود ، من انتي وايش الي بيحصل ومابه داخل المستشفى هذا ..؟) ردت عليا ، (انا الان في بيتي ، معي بس نص ساعة ، وارجع للمستشفى ، بيتي في الصافية ، عتقدر تمر لا عندي الان بس انتبه به صاحب تكس بيراقبني ..) رديت عليها ( على فكرة انا امام بيتش ، ومراقب لش من المستشفى لا هنية ، وليش صاحب التكس مراقب لش ..؟ ) ..
اتصلت لي اتصال ..
-الوووو ، سمعتها وهي بتبكي وتقول
-ايوة معك يا اخي اسالك بالله انت جنب بيتي ..؟!
-قلت ايوه ليش مابه خير ..؟
-لك الحمد ياربي لك الحمد يالله ..اسمعني انا اول ما امشي اشتي منك خدمة ، امي كبيرة في السن ومعي اختي الصغيرة عمرها عشر سنوات ، اول ما امشي انا والتكس اشتيك تشلهم ، وتستاجر لهم في بيت ثاني ، وامي عتجيب لك الفلوس قد فهمتها بكل شي .. لو تسمح يا اخي
-قلت وليش هذا كله وكيف استاجر لهم ليش مابة ..؟!!
-انا وامي واختي مهددات بالقتل ، وانا بنشتغل معاهم وبنسوي كل الي يشتوه على شان ما يقتلوش احد كون افهم ..
-ايش افهم وانتي ليش ملزمة ترجعي للمستشفى جي معانا وخلاص ..! وكيف مهددين لكم بالقتل ..!!
-كيف اجي معك وصاحب التكس هو منهم ومعه سلاح يمكن يقتلنا كلنا ..
-اسمعي انتي مالكش دخل ، انا شتصرف معه انتي اتجهزي انتي واختش وامش ، عدشلكن الكل ...
وقفلت الخط وهي بتقل ماشي ..ماشي الله يحفظك ماااشي...

عشقت المسدس وطرحته في خصري فوق العسيب ، ونزلت طريق صاحب التكس...

يتبع...

الليله عنكمل القصة ، اصبرو كل ما اكمل اكتب بنشر على طول لما نكمل القصة ...



#للأيجار2
#منيرالنقيب
#منير_النقيب

الفن اليمني الاصيل

01 September 2026 06:23

اين الممرضين والدكاتره ..؟؟!! اين الموظفين ، وانت مالك مبهرر ، اين الناس ، قال وهو متوتر ، هااه ..هاااه ممممابش احد ، لو تسمح اخرجو وشلها مستشفى ثاني ، قلت كيف مابش احد مستشفى طويل عريض ومابش احد ، ورجعت اصيح ، ياخبره معانا حالة مستعجله يااااايه ، والحارس قال ، بنقلك يا اخي سيرو مستشفى ثاني مابش احد هنية ، طرحت يدي على كتفه ودهفته شويه يبعد من امامي ، وجالس بنصيح ، والحارس مسكني وبيقل يا اخي انت بتفهم بنقلك مابش احد ، قلت له انت اخبل ، انا لاول مره ابسر مستشفى فاتح ومابش فيه احد ، كنتو عتقفلوه ، وبعد يدك لا اكسرها ، وقربت لدرج بنصيح لا طالع ، ما دريت الا لما نزل دكتور لابس بالطو ابيض ونظارة ، وعمره في الخمسينات ،وقال خير يا ابني مابه ..؟! قلت له معانا مره نكعت من الجباء وفيها كسور ، والمسوم هذا بيقل مابش احد في المستشفى ، ابسرت الحارس وقدهو مصفر ، وقال لدكتور والله انهو ما رضي يفهم بنقله مابش احد مابش احد ، وهو جالس يصيح وبالقوة دخل ..؟ انا استغربت من الحارس ومن كلامه ومستغرب ليش خاف لا هذه الدرجة وبيحاول يبرر دخولنا للمستشفى ...!!!! والدكتور قلي اعذرة يا ابني ، عاده موظف جديد ، وبهرر لا فوق الحارس قله ارجع مكانك ، وبعدين شا اوريك عملك ، ومشي معي للغرفة ، وبيفحص المره وزوجها جنبها ، وانا واقف عند باب الغرفة ، وبنقول لدكتور هيا ما بينها ، قال اصبر خليني افحصها ، قلت لشيبة خليك جنب زوجتك وانا شرجع ، رجعت بندور يمين وشمال اشتي حمام ، قد شقرح شواخ ، ومابش ولا حمام ، ومشتيش ارجع اسال الحارس المسوم هذا عيقلي مابش حمام اخرج شخ خارج ، طلعت لدور الثاني ، وانا بنشم عطور كأننا دخلت قاعة اعراس ، وكان تصميم المستشفى هذا غريب ، غرف وممرات ساع المتاهه ، وصلت وبه باب قبالي فتحته ، ولقيت ممر كبير وطويل امامي ، وفيه غرف في اليمين والشمال ، مشيت وانا بندور حمام او لوحه تدل على مكان الحمام ، فتحت غرفة ، ولقيت داخلها ، خمسة اطفال اعمارهم ، من الست سنوات الى التسع ، جالسين فوق كراسي ، طارحين يداتهم على افخاذهم كلهم بنفس الحركة ، كأنهم مش حقيقيين ..! وكل واحد بيبسر الثاني ، قلت لهم من انتو وما بتفعلو هانا وحدكم ، بس ولا واحد رد عليا او حتى ابسر لا عندي ، ساع المبنجين ووعيهم مش موجود، قربت من اول واحد مسكته في كتفه وقلت له اين باباه يا بطل وما بتفعل ..؟! بس ما رضيش يجاوبني او حتى يبسرني ، وانا قد الشواخ ضايقني قوي ، قلت لهم اصبرو شويه وشرجع لكم ، ابسر ايش قصتكم وقصة المستشفى الغريب ذيه ، خرجت من الغرفة وبنمشي في الممر وابسرت لوحة حمام في الغرفه الي نهاية الممر ، وانا ماشي ما دريت الا لما افتتحت باب غرفة من خلفي على يميني ، وخرجين منها ما يقارب ثمان بنات في العشرينات من اعمارهن ، منهن فاتشات وممكيجات ومنهن ملثمات والبوالط حدث ولا حرج كأنهن خرجين من قاعة عرس ، وبيتكلمين ويضيحكين بيناتهن البين ، وماشيات طريق الخروج والنزول من الدور الثاني ، وانا ملتفت بنبسرهن سكته ، رجعت بنمشي بسرعة طريق الحمام ، دخلت الحمام ، وقضيت حاجتي ، وانا بنفكر في الاطفال ، والبنات هولا ، طيب ليش مابش احد في المستشفى ، وماهو هذا كله به حاجات غريبه قوي ، كملت وخرجت من الحمام وانا ماشي بنفكر ادخل الغرفة الي خرجين البنات منها ، ما دريت الا لما افتتحت غرفة ، على يساري ، وابسر ممرضة لابسة بالطو ابيض ، صغيرة في السن يمكن ما قد وصلتش العشرين من عمرها ، مسكتني وسحبتني للغرفة وقفلت ..
قلت لها مالش ..! مااابه يا اختي سحبت يدي منها وقلت فلتي لي ..قالت وهي بتبكي ومفجوعة ، لو تسمح رحلك من هنيه ، حاول تخرج من المستشفى سررريع ، ومسكت يدي ومعاها قلم ، وكتبت رقم في كف يدي ، وانا مطنن مشنا مستوعب ايش الي بيحصل ، قلت لها ماااابه لا تقرحوليش فيوز هنيه ...؟؟!!!! قالت مابش وقت بنقلك رحلك ، واتصلي على الرقم هذا وانا شا افهمك ، انا فدالك يا اخي ما عدبش امل قبالي الا انت ، اسالك بالله تنقذنا من هنيه ،وانتبه تكلم احد انك شفتني ...! وفلتت للي وخرجت من الغرفة وهي بتجري ، وانا مطنن بقعتي بنبسر لرقم الي في كف يدي ..
خرجت من الغرفة اشتي اصيح لها توضح لي مابه ، والبنت اختفت ما عدبش لها وجود ، رجعت بنصيح وبنفتح الغرف ابسر في اي غرفة دخلت ، رجعت ذكرت الغرفة الي فيها الاطفال ، مشيت طريق الغرفة ، ما دريت الا لما طلعو ثلاثه عسكر موجهين السلاح لا عندي وبيصيحو وقف مكانك ..وقف مكانك ومسكوني ...

يتبع...

#للأيجار١
#منيرالنقيب
#منير_النقيب

الفن اليمني الاصيل

28 August 2026 11:56

وبعدها بيوم ، سمعنا بموت شخصية مهمه ومشهوره قوي في اليمن تمت تصفيته داخل بيته مع كل المرافقين الي معه ، ولقو جثة مره والكل ، بس ما تمش التصريح عن هويتها ...

انا استمريت انا وخبرتي ، وبننجز مهمه بعد الثانية ، كبرت الناس الي بيشتغلو معي اصبحنا قوة ضاربة ، وباقي ما يقارب نص الخطط الي حصلتهن داخل الصندوق ، وبعد سنتين ، وانا في روسيا ، خرجت من البيت الي ساكن فيه ، وطلعت سيارتي ، ولقيت ظرف فوق الكرسي فيه نفس الرمز ، فتحته سريع وانا بنتلفت يمين وشمال ومكتوب فيه ( منير كنت واثقه انك با تحقق كل الي سويته .. شكرا لقبولك العمل مع نفسك ...دخان).

انتهى#
#دخان5
#منيرالنقيب
#منير_النقيب

الفن اليمني الاصيل

28 August 2026 11:56

وصلت لا بعد مطعم نجوم الشام واتصلت لعثمان ...
-عثمان انا شا اهون واشتيك تمشي قبالي لا بعد جسر دار سلم وانتظرني
-حاضر من عيني ..

وصلت لا شارع الخمسين ووقفت الباص ، وشليت الظرف ابسر ما فيه ، فتحت الورقة ، مكتوب فيها ( بعد ما تخبي الباص ، سير للبيت الي جيت لي فيه وانا لقيتك ، ادخل من الحوش وعتلاقي حمام منفصل بعد بيت المحراس ، ادخل الحمام ، وخلف الباب ، عتلاقي مراية ابعدها عتلاقي صندوق اسود شل الصندوق وارجع .. وبعدها انتظر مني اتصال ، اذا لقيت احد في البيت ، يا اما تقتله او هو الي با يقتلك ...)
طرحت الورقة وقلت ايوة يا منير والهدار ، انا ابسرت طقومات عسكر ماشيات طريق البيت ذيك ، كيف لو وصلت وبه عسكر ما شفعل ..؟!
عثمان اتصلي وقال منير انا منتظر بعد الجسر حق دار سلم ، قلت له شوية واكون عندك ، وصلت لا عند عثمان ووقفنا في مكان مابش فيه احد ، وحملنا الدباب حق اخوه ، كملت وقلت لعثمان يتواصل مع طلال يبسر ما فعل ويرجع للمقر حقنا ، وانا شليت الدباب ، وسرت اخفي الشوايل مكان ما اخفيت الشنطة الي شليناها من البنك ، وقلت شا اسير لا بيت المره وحدي مشتيش اورط احد من خبرتي ، وصلت على الساعة ثنتين وعشرين دقيقة ، وصلت وبنراقب من بعيد مابش لا سيارات ولا به احد جنب البيت او حوله والبيت كله طافي ، مشيت من بعيد لا خلف البيت ، وطلعت من فوق السور للحوش ، وصلت للحمام وخلف المراية لقيت الصندوق وكان شكلة غريب قوي ، ورجعت لا نفس المكان واخفيت الصندوق ، وصلت للحارة الي فيها المقر حقنا ، وابسر ثنتين صوالين سود مدرعات ما شيات من جنبي وهن مغلقات طبلون ، وبنسمع ضرب رصاص ، طرحت رجلي على الدباب ذيك ، ولحقت الصوالين ، وصلين لا قبال المقر وجنبين ونزل من فوقهن ما يقارب سته اشخاص مسلحين ، وكان قد به صالون مجنبه قبال البيت من قبل ، وبيضربو رصاص على البيت ، ما عاد دريت مفعل ، نزلت من فوق الدباب سريع ، وبنبسر عادهم مشتبكين مع خبرتي ، وبنبسر واحد متمترس فوق الجباء وبيرمي عليهم ، قلت اكيد هذا محمد ، حاولت اتصلهم بس محد بيرد عليا ، بدأت اضرب عليهم من الخلف ، وهم ارتبشو ما توقعوش ان به احد عيجي من الخلف ، وبنبسر قد منهم بيرتجمو للارض ، محمد كان يقنصهم قنص ، ثلاثه بنشتبك معاهم ، وابسرت الباقيين اقتحمو البيت ودخلو ، للحوش ، وما سمعت الا انفجار قنبلة لما طلع الغبار ملان الشارع ، صيحت بكل صوووتي ، عثمااااان ياااااعثمااان ، وانا بنجري وبنرامي بالمسدس حقي ، واطرحت رصاصه في ذراعي لما نكع (سقط)من يدي المسدس وقلت خلاص هذه قدهي النهايه ، ما سمعت الا بضرب رصاص من خلفي ، ثلاث طلقات لا اكثر وابسرت الثلاثه ارتجمو للارض كان تطرح الرصاصة في الراس او الوجه ، اقتلب وابسر المره وهي بالبالطو ، ولابسه فوقها واقي لرصاص ، وقالت منير انت بخير ..؟ قلت ايوه ، قالت اوقف وخليك بعدي ، دخلنا للحوش وبنبسر الجثث مراجمات وبنصيح بكل صوتي يا عثمان يا محمد يا طلال ، وسمعت محمد من راس الجباء بيصيح سعليك يا منير كلنا بخير ، قالت البنت ، الان يا منير قل لصحابك يخرجو من البيت ، ويكسرو تلفوناتهم ، دخلت سريع وهي واقفه في الحوش ، قلت لهم اخرجو من البيت سريع ، وتنطلقو للبيت الي قلت لكم ، نختفي فيه في حال حصل شي او عرفو موقعنا وكسرو التلفونات وخلوهن هنيه ، وانا بنجابرهم ما دريت الا والبنت خلفي ، قالت منير هيا انت جي معي ، قلت لها اين عنسير ..؟! قالت مابش وقت ذلحين بنقلك جي بعدي ، قلت لعبد الحق شل قلافدك ، وعنتواصل بالتلفونات الجداد تمام ، قال تمام ...
خرجت وطلعت مع البنت فوق سيارتها ، وقد بنحس اننا بنسوم والدم بيخرج من يدي ، والبنت بتسوق ، وفوق حضنها لابتوب ومدري ما بتبعسس فيه ، قلت لها من انتي ومن هم هولا وكيف درو اين موقعنا ، قصدي انهم تبعش ..!!
قالت ماشي هولا تبع الشخص الي دخل الفيروس ، عرف بالموضوع ولاحق بعده لما عرف القواطر تبع منهن ، وصح انك ذكي خليت صاحبك طلال ينتحل شخصيه تاجر واسم جديد ، بس كان معك ثغره في احد زياراته لتاجر هذا احد الكيمرات صورت ملامحه ، اما كيف عرفو موقعكم ، عرفوهن يوم ما تواجدتو في بيتي ، واكثر ما زعلهم انك غيرت الشنطة ، قلت لها طيب من هم هولا وانتي تبعهم او ماهو الخبر ...؟! قالت اسمع انا موجوده في اليمن اكثر من خمس سنوات وقد فعلت عمليات ومهام اكثر مما تتخيل ، طبعا مذكرش من انا او ايش اسمي او من اهلي ، كل الي اذكره ، اننا اسمي معاهم دخان ، مذكرش اي شي الا اننا بنشتغل تبعهم من قبل تسع سنوات ، وكان اي شي يقولوه كنت افعله ، للان ما عرفت من هم ، بس من سنتين ، ساع الي جمعت حسي ، وكان اي خطه اعرفها عليهم كنت اقوم بافشالها بدون ما يعرفو ، لا يوم ما لقيتك انت ..

الفن اليمني الاصيل

16 October 2026 06:02

يلاه يا رجال، اشتي اقل شي خمسين شاص وسيارات برجالها وسلاحها تتجهز امام بيتي في خلال نص ساعة
وفعلا في خلال ساعة وقد به اكثر من سبعين شاص برجالها وسلاحها، وقمنا توكلنا لا صنعاء.. كنا نوصل لنقاط العسكرية يخرج الشيخ بطاقة ويقول الموكب تبعي ويخلونا نمشي
وصلنا، وسار الاخ الكبير مع جماعته يدي اصحاب زوج اخته، واحنا تحركنا طريق بيت الرجال..
وطلع بيته فله كبيرة في حدة، وصل الاب وصدم البوابه صدم، ودخلنا
والرجال كان مخزن في الديوان، عاده وقف يشوف مابه، ما درى الا ورداع كلها في الحوش
ودخلنا، والشيخ قال: وقفو يا رجال، محد با يدخل الا انا وابن الاصول هذا واولادي، ولما يوصل ابني الكبير يدخل مع الي معه
دخلنا، وما دريت الا لما نبعت البنت من الصاله تحضن ابوها، وابوها بيحضنها وهو بيدمع، وقال: اطلعي فوق السيارة يا بنتي وانتظري
دخلنا، والرجال مقعي فمه ومش مصدق الي بيبسره
نبعو اخوتها ضربوه بالبنادق، لما طرحوه للارض كان باقي شويه ويموت من كثر الضرب، غيرو ملامح وجهه في لحظات
وشوية ووصل اخوهم الكبير، واصحاب الرجال الاثنين معه قدهم مضروبين ضرب كفار
وجلسو الثلاثه جنب بعض، زوج بنته ما عاد كان يقدر يتكلم من كثر الضرب، وقله: طلق بنتي يا كلب!
الرجال طلق، وما سمعت الا صوت البنادق، رصصو الثلاثه، رجعوهم مشن، وخرجو من البيت
وانا قد بطوني في القاع، مشنا مصدق الي بنبسره
الشيخ قلي: يوصلوك الرجال لا بيتك، واحنا با ننتظر الدولة، وانتظر مني اتصال
قلت: سابر يا شيخ، بس قتلتو ثلاثه اشخاص، كيف عتتخارجو؟
قال: يا ابني، شرع الله ان الرجال له حق يدافع عن عرضه وماله، واحنا طبقنا كلام الله، انت امشي وخلي الباقي على الله
ومشيت.
وبعد اربعه ايام، اتصلي الشيخ ابو البنت الساعة ثمان الليل، قال: اسمع يا ابني، بكره الساعه تسع الصباح اشتيك تجمع كل اهلك وعزوتك وناسك واهل الحي الي انت عايش فيه، واحنا با نجيك نرضيك ونرد اعتبارك امام القاصي والداني، يا اصيل يا ابن الاصول
قلت: مابش داعي يا شيخ
قال: الخبر قده معك، الساعة تسع واحنا امام بيتك، في امان الله
قمت جابرت ابي بالموضوع كله، قال: ولا رضيت ترحلك يا ابني؟ ما ذلحين قدفيها قتل!
قلت: قدحنا في الوسط يا باه، بلغ الناس كلهم
والساعة تصح الصباح وصل الشيخ بموكب مهيب، معاهم ما يقارب ١٥ ثور، وصلو بزامل والي بيضرب رصاص في الجو
المهم، قامت الدنيا في ثواني، ووصلو على طول الجزر بينزلو الاثوار ويذبحو
وكبيرنا الي عقلناه، بيحاول يوقفهم، والشيخ بيقول: اذبح المساكين، كثير وفضل الله اكثر، اليوم با يشبع القاصي والداني
وفعلن ردو لي اعتبار فوق اعتباري ، لو انا رئيس دولة ما يجيني هذا الحكم بكلة..
ووسط الناس قال الشيخ: الاصيل هذا ابن الاصول، اذا هو موافق فانا اتشرف بنسبته وازوجه بنتي
قلت: موافق ونص
وزوجني بنته، وكتب الشركة نصها باسمي واسم بنته والنص الثاني بأسمه ، بعد ما اشترى نصيب طليق بنته المقتول..
ومن يومها عايش شيخ، وكل شخص بيشوفني بنضرة بطل وابن اصول
الحمد لله، الخير وفعل الخير عمره ما يضيع
لا تصدقو من يقلك افعل خير تلقي شر، هذه عبارة تافهه شيطانيه تبعدنا عن فعل الخير.
افعل الخير اين ما لقيته، وانتبه تندم ولو للحظه عليه، والله با يرسلك جنوده ويضاعف لك الخير ويدي رزقك بطريقه عمرك ما فكرت بها او بما لم يتخيله عقلك.

انتهى ....

#قدر3
#منيرالنقيب
#منير_النقيب

الفن اليمني الاصيل

16 October 2026 06:02

ما دريت الا والعسكري فتح باب السجن وكلبشونا، وطلعونا فوق الدينة، وخلفنا الطقومات، وشلونا لنيابه...
قلت: ايش السرعه هذه؟
وفي النيابة كانو يحققو معانا وهم منحازين لطرف الرجال صاحب العمارة، وبيعيدو لي نفس السيناريو..
قلت: احنا عمال بنرنج، واسألو المقاول فلان هو الي ادالنا العمل..
قالو: ايوه كنتو بترنجو، بس لما عرفتو ان الرجال معه شركة صرافة، وان معه زلط في البدروم، قررتو تسرقوها..
قلت :طيب، اين الرجال؟ ليش مشو محبوس مثلنا يا فندم؟!
قال: في المستشفى، وكيف نحبسة وانت حاولت تقتله في بيته؟!
قلت: طيب، وهو حاول يقتلني، بتبسر العمليه في كتفي او ماشي!
المهم، وكل ما حققو معي كل ما ورطونا اكثر، وبعد ثلاثه ايام حولونا للمحكمه.
وانا وتوفيق وجمال مكلبشين بالبدلات الزرق، ما دريت الا لما دخل الرجال وهو بالعكازات، وجنبه البنت الي كانو خاطفين لها لا داخل المحكمة...
وبدا القاضي يساله، وقال: كنت انا وزوجتي في بيتي، وداري ان العمال بيرنجو في الدور الاخير للعمارة حقي، بس تفاجأت لما سمعت باب البدروم بيترزوع، قمت شليت سلاحي ونزلت انا وزوجتي، وابسرت هذا الشخص وهو بيحاول يفتح المخزن في البدروم، وحصل الاشتباك.
وانا صيحت بكل صوتي : الله يلعن الكذابين!
والقاضي صيح فوقي وقال: اصه، لسمع نخس!
قلت: يا قاضي ، كان هو واصحابه يشتو يغتصبو البنت..! وذلحين بيقول انها زوجته ..!
القاضي قال: بنقلك اصه، انت شكلك صعلوك...
وانا قرح قلبي، قلت: قد جيبك دافي يا قاضي!
قال: وهذه تهمه نظيفها لملفك، ولا يهمك يا دافي...
وبدأ يسال البنت، واتفاجأ ان البنت قالت: ايوه، هذا زوجي، وحصل على ما قلك زوجي.
والرجال قال: للامانة يا قاضي، انا اتهم هذا الشخص لحاله، الاثنين الي معه كانو طالع بيشتغلو ونزلو لما سمعو الرصاص، وكثر الله خيرهم، هم الي بلغو...
وقتها عرفت ان الزلط هي القاضي والمحامي والكل في الكل، واننا تورطت، ومهما حاولت ابرر محد عيسمعني..
واحتبست انا وتوفيق وجمال، وبعد شهر تم الافراج عن توفيق وجمال بعد جلستين في المحكمه، وانا ما زالت مسجون، لا حول لي ولا قوة..
وبعد ثلاثه اشهر وانا محبوس ومش قادر اصدق انها طلعت زوجته، ومعقول احد يفعل بزوجته هكذا؟ طيب، ليش البنت شهدت ضدي بعد الي فعله زوجها بها؟ وليش تورطني بعد الي فعلته على شانها؟
خرجت لزيارة، وابي بيقلي: اسمع يا ابني، قد جى لا عندي شخص، وادى زلط ودفع تكاليف علاج الرجال وتعويض له، وقد سرنا نحكم الرجال ونرضيه لا بيته، وعفا بعد ما دخلنا ناس، وحكم علينا حكم قبلي، وعيفعل تنازل، وبعد اسبوع معك جلسة، وعتتقفل القضية، وان شاء الله تخرج..
قلت له: من هو الرجال هذا يا باه؟
قال: معرفش، بيقل انهو فاعل خير..
قلت: كيف تسيرو تحكمو الرجال يا باه؟ انا ما غلطتش!
قال: اصه، بنقلك لسمع نخس، افعل ما قلت لك، ومشو عليك، المهم تخرج يا ابني...
قلت: سابر يا اباه..
وفعلا بعد اسبوعين خرجت وانا مغلوب على امري..
وبعد اسبوع من خروجي من السجن، وانا بنسأل ابي: اين الرجال الي دفع الفلوس وتحمل كل شي وخرجني من السجن؟
قال ابي: مدري يا ابني، ما نعرف منه الا رقمه هذا، وقال ما يشتيش احد يعرفه، هو فاعل خير ما يشتيش اجره يضيع...
وانا كل ما اتصل بالرقم يطلع مغلق..
خرجت الساعة ١١ الضهر للبقالة، ما دريت الا ورجال بيقلي: انت منير صح؟
قلت له: ايوة..! خير من انت ؟
قال: اسمع، انا الي خرجتك من الحبس..
قلت: يا حيا بك، اين انت يا رجال؟ تعبت وانا بندورك، اشتي اشكرك وما قدرتش اوصلك..
قال: اسمع يا ابني، مشو انا صاحب الفضل هذا ، انا مجرد صاحب تكس، وصاحب الفضل هذا قلي اجي اوصلك لا عنده..
قلت: من هو؟
قال: مقدرش اقلك، هو ذلحين منتظر لك في سيتي مارت، وانا مجرد صاحب تكس، عتجي معي اوصلك لا عنده..؟
كنت مستغرب من كلام الرجال، ومستغرب ليش صاحب الفضل هذا منتظرني في سيتي مارت، بس انا متجمل منه واشتي التقي به..
قلت له: يلاه، وصلني لا عنده..
وطلعت مع الرجال فوق التكس، وبنساله من هو هذا الي ساعدني ..

قال: الصدق يا ابني، هي بنت، وصلتها مشوار يوم وكلمتني بالقصة الي حصلت لكم، ومعرفش عنها اي شي، وقالت اساعدها في الموضوع وانا ساعدتها..
قلت له: طيب، من هي البنت هذه؟ معك رقمها؟ اين بيتها؟
قال: معرفش عنها شي، بتقلي كل يوم اثنين، القيها لاحده جوار الجندول على الساعة تسع الصباح، هذه هي الطريقة الوحيدة الي بنلتقي بها معاها، والي قالت لي اجي لك واوصلك لا عندها..
قلت له: سابر.. وانا مش مطمن للموضوع
شليت تلفوني وفتحت الكيمرة وفعلت تسجيل فيديو، وطرحت التلفون في جيب الثوب حقي على شان اصور وأوثق اي شي عيحصل...
وصلنا لا عند سيتي مارت، وقفنا، ما دريت الا لما جت البنت وطلعت في الخلف، وقالت لرجال صاحب التكس : لو تسمح يا عم محمد، انزل وخلينا وحدنا...

الفن اليمني الاصيل

15 October 2026 17:13

ما دريت الا والي كان ماسك تلفونه لما مشع المسدس وضرب ثلاث او اربع رصاص لا عندي اطرحت واحده في كتفي ، وانا على طول ضربت رصاصه واطرحت في فخذة رجم المسدس وانتذق للارض ، والاثنين الي معه هربو على طول ، والبنت بتصيح بكل صوتها وبتبكي ، والرجال ماسك فخذه وبيصيح والله لا اقتلك والله لا اقتلك ، قربت لا عنده وسحبت المسدس من جنبه برجلي لا طرف الغرفة ، وبنقله مكانك الثانيه شطرحها وسط جبهتك ، وهو بيصيح ويقول والله ما ترحلك وبيسب ، قربت لا عند البنت وبنقلها سعليش لا تفتجعيش وقد يدي بترتعش بكلها والدم بينزل بسبب الرصاصة الي دخلت في كتفي ، وسمعت توفيق وجمال وهم بيصيحو قلت يا تووفيييق جو جو احنا في الغرفة المسرجة ، دخلو وهم بيلاحقو انفاسهم وقد توفيق مصفر من الفجيعة ، وبيبسر الرجال جالس في الارض وقد الثوب حقه كله احمر ، وانا قد الفنيلة الي فوقي كلها دم وماسك كتفي ، وبيبسرو البنت وهي بتبكي وتصيح ، قاال مممااابه مااوقع يااامنير ووومن هو هذا ومن هي تيه مماااوقع؟؟!!!

والرجال قال اهاااه يعني انتو عصابة والله ما راحت لكم ، وشل تلفونه من الارض وبيتصل ، وبيقول الووووو جو الان للعمارة سريع يا عيال الكلب سريع به عصابة في عمارتي ..
وتوفيق وجمال متسمرين بقعتهم ، قلت يا توفيق باقي اثنين هربو لما اشتبكنا بالرصاص ابسرتهم ؟!! قااال هاااه.. ماااشي ما ابسرت احد ..!
قلت يا جمال انبع فوق المتر لا اقرب قسم وبلغ وجي بالعسكر لا هنيه اقطب ، وخرجت مفتاح المتر من جيبي ورجمته لا عنده ، قال حاضر ..حاضر .. وشل المفتاح وخرج ،
وقلت يا توفيق شل الشال من فوق الرجال واربط له فخذة لا عاد يموت المدبر هذا ، هيااا اقطب تحرك ، قال ناهي ..ناهي يا منير يا الله خارجنا من الودافه هذه ، قرب لا عند الرجال والرجال دهفه قال لا تقرب والله لا اطعن ابوك ومشع الجنبية ، قلت خلاص ابرد لك منه يا توفيق ، اتصل للمقاول صاحبك ، وقله يبلغ صاحب العمارة ، بالموضوع ، وقدنا بنحس بدوخه ، جلست وقلت لتوفيق ، شل الطرحه حق البنت ومكنها تتستر ، وتوفيق قرب لا عندي بيبسر الكون ، قلت سعليك ما فيني شي ، قال الدم بيخرج من خلف كتفك والكل ، قلت له اكيد دخلت الرصاصة وخرجت المهم قوم شل المسدس حق الرجال وشل البندق ، وانتبه لما يوصل جمال ، واتصله ابسر ما قد فعل ، انا قد بنحس نفسي شا ادوخ في اي لحظه.. وفقدت الوعي ...

فتحت عيوني وقدنا فوق الطقم ، وبنبسر عسكر وتوفيق وجمال وبيتصايحو وبنسمع صوت الونان حق الطقم وواحد من العسكر بيقول ايوه ..ايوه يا فندم متحركين للمستشفى نسعف الجرحى ، وفقدت الوعي مره ثانية ، مافتحت عيوني الا وانا فوق السرير في المستشفى داخل غرفة ، وبنبسر عند الباب اثنين عسكر وابي واخوتي يشتو يدخلو ابي بيقل للعسكري ، خليني ادخل اطمن على ابني والعسكري قال يا حج ممنوعة الزيارة الله يحفظك ، به قضية شروع في قتل وبه مصابين ...
وكان عاد تاثير البنج فيني بعد العملية ، ما دريت الا لما غمضين عيوني ، والساعة تسع الصباح فتحت عيوني ، وبنبسر الدكتور بيبعد المغذية وبيقل للعسكري ، نص ساعة وشلوه قد وضعه تمام ، الرصاصة دخلت وخرجت ومابش اي اكسار او اي اصابه خطيرة ، وبنبسر ابي واخوتي عند الباب بيحاولو يبسروني ، والدكتور كتب في ورقة العلاج وخرج ومكن ابي الورقة ، وانا جلست وبعد ما يقارب عشر دقايق العسكري بيقلي كيف قدنت ..عتقدر تمشي ؟ قلت له ايوه انا بخير ، اتصل وقال ذلحين عنخرج المتهم الثالث ونجي للقسم يا فندم ، طرح الكلابش في يدي ويده وقال هيا قوم ، قمت خرجت وابي قد في يده الكيس الي فيهن العلاجات ، وقال كيف قدنت يا ابني هاه امسك العلاج ، قلت له سعليك يا اباه انا بخير ، اين توفيق وجمال ؟ قال في القسم ، قلي ما وقع يا ابني؟ ، والعسكري ، بيقل يا حج مش وقت بنقلك الحقنا للقسم ، وابي قال لا اخي الكبير ، صفي الحساب مع المستشفى ولحقنا للقسم ، وصلت للقسم ومدير القسم مراعي ، قال اجلس وقال للعسكري افتح تحقيق معه بسرعة وفي التحقيق قال ، ايش علاقتك مع المجني عليه ، قلت له انا المجني عليه مالك يا فندم ؟؟! قال من وين تعرف صاحب العمارة ؟ قلت له معرفش صاحب العمارة ثانيا اين صاحب العمارة اشتي ابسرة ، قال عاد البنج ماثر عليك ، صاحب العمارة الي كونته في فخذة ، ومتهم لك انت واصحابك بسرقة البيت ، وانت اطلقت عليه الرصاص وهو بيحاول يدافع عن بيته ، ضحكت وانا مستغرب ومش مستوعب الكلام الي بنسمعه ، قلت يا فندم كانو ثلاثه اشخاص واختطفو بنت وكانو يشتو يغتصبوها وواحد بيصور بتلفونه ، ايش من سرقة وايش من جنان ، قال هل تعرف زوجة المجني عليه ؟؟
قلت له لا من وين اعرفها ..!!!

الفن اليمني الاصيل

14 October 2026 00:18

https://thebestegypt.com/nominee/2374


اللي يحب أبو ريان يتكرم مشكور أنه يصوت له ❤️😘

الفن اليمني الاصيل

10 September 2026 21:16

قنوات مهمة ومميزة في التلجرام🔥👌

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

06 September 2026 22:23

قنوات مهمة في التلجرام🔥👌


kروايات يمنية
/channel/+Ecxq_OzMYh40M2E0

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kسام ميوزك
/channel/+VZE56V6tQZ4hA4wQ

━☆

الفن اليمني الاصيل

05 September 2026 14:34

وهذه نهاية القصة ،،، خليتها نهاية مفتوحه وغامضة اطرافها شوية ،، في حال اشتغل الهاجس قد ربما نفعل منها جزء ثاني في القريب العاجل ...

اتمنى ان القصة اعجبتكم ،،،
احترامي للجميع

#منير_النقيب
#منيرالنقيب
#للأيجار

الفن اليمني الاصيل

05 September 2026 14:32

جلست لساعة ثنتين ونص الضهر وانا منتظر فوق السيارة امام بيتنا وسلاحي معي..
وكل حسي في صاحبي لطفي ما قد فعلو به .. بس بما ان محد قد جى لا بيتنا فلطفي اكيد ما قد ادالهمش اي معلومه عني وهكذا جالس افكر ...

قدنا ميت جوع ، وشميت الغداء فوق السيارة شليت الغداء وتغديت ، وبدأت اخزن ، واخي كل شوية يتصلي يسألني ما ابه واين انا ، واقله بندور لطفي لما اروح شا افهمك ، وشوية ويتصلي اخو الشيبه المخطوف ويقلي اين انت واقلة كما قدك في جولة عصر اتصلي ، خزنت شوية .. واتصلت للبنت ..
-اسمعيني اشتي اشتري كيمرة البسها على راسي ساع الكشاف واشتيها ترتبط بالتلفون الي شفتح به الحساب على شان اصور بث مباشر .. رسلي لي اسم الكيمره ونوعها اسير اشتريها ..
-طيب تمام ، بس كلمني ما عتفعل ..؟!
-شفضحهم امام الناس كلهم ، اشتي استغل ان مقطع الفيديو حق اختطاف صاحبي قدهو ترند ونخلي الناس تتابع الحساب وينتظرو ايش با يحصل ..
-ماقلت.. الي خطفوه في مقطع الفيديو هو صاحبك ..!!
-ايوه ..
-كيف وصلو له طيب وكيف تورط معاهم ..
-مش وقت انتي افعلي الي قلت لش ورسلي لي اسم الكيمرة ، واشتي منش تجهزي منشور ثاني ، تربطي فقدان الشيبة وزوجته باختطاف صاحبي من البيت تمام .. ولما اتصلش تنشري ..تنشري على طول
-حاضر تمام

قفلت وجالس مخزن ومنتظر ، سرت اشتري الكيمرة ، و انطلقت طريق المستشفى وبنراقب من بعيد ، ولقيت اثنين طقوم سود خصوصي فوقهن ما يقارب ثمانيه اشخاص لابسين اثواب وجواكت ومسلحين ، افتهم لي انهم جو تعزيز للمشفى اذا عيحصل اي شي ، والساعة اربع اتصلي اخو الشيبة ..
-الووو ..هاااه يا ابني اين انت..؟ قدحنا في جولة عصر طريق الستين ..
-انتظروني يا حج انا شوية واوصل لا عندكم ...

قفلت وشغلت سيارتي وانطلقت لا جولة عصر .. نزلت وابسر اربع سيارات وفيهن ما يقارب ١٤ شخص مسلحين كلهم .. قربت منهم واتصلت لاخو الشيبه ، اول ما ابسرته رفع التلفون ، قفلت الاتصال وقربت لا عنده ..
السلام عليكم يا حج ، ابسرني وقال وعليكم السلام ، وخبرته كلهم حوشو لا عندي ، قلت انزل نجلس في الرصيف وعدجابرك بكل شي ، وكلمتهم بالقصة من بدايتها ،ورويت لهم مقطع الفيديو حق اختطاف صاحبي والكل ، ووضحت لهم ان المتورطين في هذه العصابه ناس ثقال قوي ، وما ينفعش نبلغ ، اخو الشيبه قال طيب اين المستشفى هذا ، قلت له ، عنتحرك الان للمشفى ، بس ضروري تتبعو الخطه الي قلت لكم ، وانا قد شليت الكيمرة وجهزت اموري ما عنقدر نتخارج من المدبرين هولا الا بقضية رأي عام ، قال اخو الشيبه بعدك يا ابني هيا نتوكل ..
تحركت فوق سيارتي واخو الشيبه واثنين من جماعته معي فوق السيارة والباقيين لحقونا فوق السيارات حقهم ، اتصلت للبنت ، تنشر المنشور الثاني ، وتكتب في المنشور انتظرو بث مباشر للمكان السري للعصابة وهو عباره عن مستشفى .. وفتحت الحساب بتلفوني وجهزت الكيمرة ..

وصلنا لا قبال المستشفى وقلت لهم الطقمين هولا اكيد تبعهم ، الان عننزل ، عيمنعونا من الدخله اتهازرو معاهم ، وانا شدخل وسط الحوشة للمستشفى ، وانا بنصور ، ضروري اوصل لا غرفة السرفر حق الكيمرات ، وانتو اذا قدرتو تدخلو ، انزلو للبدروم عتلاقو ما يقارب اربعين شخص محتجز ، ومن ضمنهم اخوك يا حج وزوجته ..

والصدق كانو اسماخ ، ومشو بعدي يا بها يا عليها ..
وصلنا لا باب المستشفى وجماعتهم ابسرونا ونبعو يمنعونا وانا بنصور بث مباشر ، والمشاهدات بالالاف .. دخلت من وسطهم ، وجريت لدور الثالث ، نفس المكان الي شرحت لي البنت ، وصلت لا غرفة السرفر ولقيتها مفتوحه ، وبنشم اسبورت ، ادخل وابسر الدكتور قد بيرش الغرفة بالاسبورت يشتي يحرق السرفر بالغرفة كلها ، زبطته في ضهره لما نكع للارض ،وهو ابن الكلب ولع في الغرفة واشتعلت نبعت لا خلف السرفر ، وسحبت الفلاشة حق البنت سريع ، وجهت سلاحي لا فوق الدكتور وقلت له امشي قبالي ، وفجأة سمعت ضرب رصاص نازل ، قلت اكيد اشتبكو ، والدكتور قال اقسم بالله انك تورطت انت وكل شخص تعرفة والموت نهايتكم ، قلت له اصة يا نذل امشي سكته ، ودخلته احد الغرف وقفلت ، وانا بنتكلم في البث المباشر ، اين حجزت الدكتور ، واصوات ضرب الرصاص بيزيد ، جريت للبدروم ، وقد به من جماعت اخو الشيبه في البدروم ، وصلنا وبه زنزانه كبيرة ، وفيها المحتجزين ، العجايز لوحدهن والشيبات والمجانين لوحدهم ، ولقينا الشيبه وزوجته ، بس لطفي مش موجود بين المحتجزين ، قد المشاهدات في البث ميات الالاف ، طفيت الكيمرة ، وانسحبت سكته من المستشفى ، اول ما خرجت وبنجري طريق سيارتي ، وقد الناس كلهم محوشين باب المستشفى وبه ما يقارب ثلاثه اشخاص مقتولين وسط الشارع ، وقد طقومات العسكر من الدولة وصلت ، طلعت فوق سيارتي وانطلقت ، وقد به اتصالات لا رقمي من ناس كثير ارقام معروفه وارقام غير معروفه ، وفي خلال نص ساعة اصبح البث ترند عالمي ، وحدث لاول مره يحصل في اليمن ، كان به تفاعل من الناس والجهات المختصه كبير قوي ، بس للاسف انا ما حصلتش لطفي بين الناس

الفن اليمني الاصيل

05 September 2026 14:25

شليت الرقم المعروض في المنشور الي اعلنو عنه عن ضياع الشيبة وزوجته ، ونزلت لا عند البنت ، سألتها اين مكان السرفر ، قالت في الدور الثالث ، وشرحت لي المكان بالضبط ، اديت لها تلفون ، وقلت لها تفتح صفحات في جميع التواصل الاجتماعي ، وترسلي الروابط حقهن لا عندي ..

وقلت لها اسمعيني ، الصفحات الي عتسويهن ، مشتيش احد يقدر يعرف اين موقع صاحب الصفحات ، انتي امن سبراني واكيد عندش خبرة في هذا المجال ، قالت ايوه من صغري وانا اعشق البرامج واختراقهن ، ولا تقلق ، واقدر أيضاً الغي موقع تواجد رقم تلفونك ، ومحد يقدر يعرف الرقم هذا تبع من ، قلت لها حلو جداً، قالت الان ايش با نسوي ، ضروري تستاجر لنا بيت ، قلت انتظري لما ارجع وبعدين با افهمش ايش با نسوي ..

وقمت خرجت من البيت ، سرت شليت قات وغداء لي ولصاحبي لطفي ، ولصاحب التكس المحبوس عندنا ، وصلت لا جنب الفلة الي بيحرسها لطفي واتصلت له يخرج يشل معي الغداء ، بس كان تلفونه مغلق ، استغربت لاول مره في حياتي اتصل لتلفون لطفي ويطلع مغلق ، نزلت من فوق سيارتي بسرعة ، وصلت لا عند البوابه ولقيت البوابه مفتوحه ومردوده ردد ، لما نكعين بطوني للقع ، دخلت جري للغرفة وانا بنصيح بكل صوتي .. لطفي يااااااالطفي .. بس ما بش له وجود ، نزلت سريع للبدروم ، وابسر الغرفة الي حاجزين فيها صاحب التكس قد الباب مفتوح ، وصاحب التكس مابش له وجود ، رجعت ساع المجنون وفي الحوش على الدرج لقيت دم في الارض ، والغرفة الي بيجلس فيها لطفي قدهي مجعوثة قوي وبه ضربات رصاص على الجدار والزجاج حق الطاقة مكسر ، وبه معابر رصاص في الارض على باب الغرفة وباب الدرج ، فتحت الشاشة الي فيها كيمرات المراقبة ، وبنبسر ما سجلين الكيمرات ، وابسر ثنتين سيارات واحده راف فور مرشوشة ببخاخ اسود ، والثانية فيتارا قديم ، ونزلو سته مسلحين ، صدمو البوابه ودخلو ، ولطفي اشتبك معاهم ، وجلسو يرتمو ، وواحد منهم تصوب ، وفجأة دخلو لا داخل ، ثلاثه منهم مسكو لطفي وشلوه والباقيين خرجو صاحب التكس ، صورت المشاهد بتلفوني ، وحسيت الدم في جسمي بكله تكهرب ، وجلست على ركبي ، والدموع حانبات في عيوني ، وبنقول ما فعلت يا منير ، ودفت بصاحبك ، وشلوه ، ويعلم الله ذلحين قد قتلوه او ماشي ، ضروري اتصل لا اخي يفرغ البيت سريع لا عاد يقع بهم شي ولا شي ، خرجت من الفلة ساع المجنون ، وانا بنتصل لا اخي ...
-الووو
-اسمعني يا اخي شل زوجتك والنسوان الي في شقتي واخرج من البيت سرررريع ..
-ليش يا منير مابه لا تقلقني ..؟!!
-به مشكله كبيرة يا اخي شرجع اجابرك قد خطفو صاحبي لطفي ..
- مابتقل ..! ماهي المشكلة ومن خطفه ، وليش خايف علينا قلي يا اخي مابه انت والجنان حقك ..
-قوى يا اخي الله يحفظك ، ذلحين قوم اخرجو من البيت كلكم ، وسيرو بيت جدي لما اتصلك وافهمك كل شي ..
-سابر يا اخي ما عترضاش ترحلك من المشاكل ، وهذه المره وصلت مشاكلك لاعند اهل بيتك ، بس لما نلتقي عنتفاهم .. خاطرك ..

قفلت واتصلت للبنت ...
_الووو اسمعيني با ارسل لش مقطع فيديو اشتيش تنشريه في الصفحات الي فتحتيهن ..
-طيب بس عادنا بنجهزهن .. وما عنستفيد شي الصفحات جداد يعني محد عيبسرهن ..!
-انتي كمل جهزيهن وانشري ورسلي الروابط ، وانا معي اصحاب مالهم شي في التواصل الاجتماعي شا اخليهم يشاركو المقطع لما ينتشر سريع ..واتجهزي انتي وامش واختش ، اخي عيشلكم معه
-اين عيشلنا ..؟!!
-بيت جدي بيتنا مشو امن ..
-ليش كلمني ما فعلت وايش حصل ..؟
-مش وقت عنلتقي في بيت جدي ونتكلم ..خاطرش .. وهاه اسمعيني شفري رقمي والغي خاصية تتبع الموقع فيه .. الان اول ما تكملي افعلي لي رساله ان رقمي جاهز ..خاطرش

قفلت وانا بنسوق ساع المجنون ، وكل حسي عند لطفي ، اين شلوه عيال الكلب ، وانطلقت طريق المستشفى ، وانا بنفكر ، وبعد ما هدأت شويه قلت مالك يا منير ..! اين عتسير ، ما ينفعش تتصرف اي تصرف وانت بالحاله تيه ضروري تهدأ .. وقفت السيارة ، واتصلت للخبره الي معاهم صفحات قويه في التواصل الاجتماعي وكلمتهم اننا بنشر مقطع من صفحات جديده واشتيهم يفعلو له مشاركة ..
رجعت شغلت سيارتي ، وانطلقت لا جنب بيتنا جنبت بعيد ومنتظر اي شخص يقرب من البيت يعتبر غريم .. وصلتني رساله من البنت ..(رقمك جاهز ورسلت لك روابط الصفحات وشبدأ انشر الان ) ..
رسلت الروابط للخبره الي اتصلت لهم ، وقلت ضروري تشاركو الان مسألة حياة او موت .. قالو تمام ..

طلعت رقم صاحب المنشور الي فيه فقدان الشيبة وزوجته .. واتصلت ...

-الوووو من معي ..؟
-اسمعني انا داري اين مكان الشيبة وزوجته ..!!
-اين هم يا ابني قد قلبنا عليهم الدنيا ومن انت ..واين مكانك ..؟!! وانا اجيلك الان ..

الفن اليمني الاصيل

04 September 2026 18:15

الغرفة ، وجابرت صاحبي لطفي بكل شي ، قلت اديله ماء واكل ، وانتبه له لما ارجع ، قال هذا لو يقوم يا منير لا يخرب الباب ويطفحني قال انتبه له ..! ، قلت خلي سلاحك معك ، قال لا تقلق انت رحلك وكمل عملك وبعدا عنتجابر ..

شغلت سيارتي ومتحرك طريق بيتنا ، وانا قدنا داري اننا متورط في مشكله اكبر مني ، ويعلم الله ايش نهايتها ، والبنت فعلت لي رسالة ( اذا تلفون صاحب التكس معك تخلص منه ..) رديت عليها (لا لا مشو معي شوية واوصل لا عندكم ...)
وصلت ودقدقت باب شقتي ،والبنت فتحت لي دخلت لصالة ، وقالت امها واختها راقدات ، قلت لها ايش القصة ومن انتي ومن هم اصحاب المستشفى وكيف تورطتي معاهم ، وايش عرفش اننا ضروري اتخلص من تلفون صاحب التكس ؟؟؟
قالت انا تخصصي امن سبراني مش تمريض ، قدمت على وظيفة اعلنو عنها في احد المواقع ، وقابلت الدكتور فتحي في المستشفى ، وقال عيوظفني تمريض ، قلت له مش تخصصي قال عادي ، بعد ما اكتشف ان احنا مقطوعين من شجرة ، ابي كان وحيد ابوه وامه ، ومابش معه الا اخ قدله مغترب عشرين سنه ما يتواصلوش وما نعرفش عنه شي ، وامي أيضاً مقطوعة من شجرة ، كان معاها امها واخوها وقد توفو وهم من عدن بالفعل ...

قلت ايوه ، قالت خلوني ابصم على عقد مكتوب فيه للأيجار ..
قلت كيف يعني ، قالت انت بتأجر حياتك كلها لهم ، لما تنفذ كل شي يطلبوه منك ، او يصفوك انت وعائلتك كلها ، طبعاً بعد المقابلة حجزوني بالمشفى لمدة اسبوع كامل ، عندهم ، ودربوني على حقن الابر والمخدر وغيره ، قلت ايوه وامش ما فعلت لما اختفيتي ، قالت امي طريحة الفراش صاحبة مرض مثل ما بتشوف ، ما رجعت عندها الا وقدهم عيجننو ، قلت طيب ومن هم الاطفال الي بالمشفى والبنات الممكيجات ، وليش المشفى فاضي ، قالت المشفى هو بس ستار للي بيفعلوه على شان محد يشك ، قلت كيف يعني وضحي لي ..!!

، قالت هم شبكه ، والزعيمة مره في يدها كمن هو ، وبينفذو كل شي تطلبة ، اما البنات الي شفتهن عادهن جين من السعودية ، تم تدريبهن وتعليمهن وذلحين يدخلين في اليمن ينفذين الخطط الي عليهن ، قلت وماهن الخطط ..؟!
قالت الي هن صغار في السن يدخلوهن عدت جامعات ، ويدرسين ويدو لهن شقق وسيارات ويعيشين بفهنه خرجات وسهرات وغيرها ، ويسحبين من طالبات الجامعات كما سحبين يدخلنهن هذا السوق بالقوة او يورطنهن بالادمان في المخدرات او الصور والفضايح ، وحتى بيستهدفو بنات مسؤولين على شان يتم الضغط عليهم والكل ..
قلت لها طيب وكيف بيستدرجين البنات هولا ..
قالت تبدأ بحبوب يدين لهن وقت المذاكره والبنات تدمن ، وبعدها لما تطلب منها تقلها ادالي فلان اطلبي منه ، ولما تطلب من فلان يدي لها ، وكلهم طلاب في الجامعه ، وهكذا يسحبو البنات ، وبعدا جي عندنا حفله ، ولما تسير اي بنت ، يفعلو لها مخدر او منوم في الاكل والشرب ، ويصورين او يقوم الولد الي بيورد الحبوب بالتصوير والابتزاز ، وهكذا ، والي قدهي كبيرة في السن خرجات وتصوير ، مطاعم كافيهات وغيرها ، ويقومين بالنشر ، والي يتابعهن من البنات يقولين هي تيه العيشة والفهنه فيتمنين يسايرين امثالهن او يتشبهين بهن ...
كانت البنت تجابرني وشعر جسمي كله يسنب معقوله كل هذا التخطيط والانحطاط علينا ، حرب من كل الجهات الي نتوقعها وما نتوقعها ..
طيب والاطفال ايش قصتهم ..؟؟!

قالت ما قدناش متاكده بس اضن ، بيتم حقنهم بأبر تخليهم مش بوعيهم ، وبعدين يتم تدريسهم وتعليمهم مشنا داريه على ايش ويتم ادخالهم للمدارس ...

قلت يعني حتى اطفالنا الي في المدارس مستهدفين يا ليلاه ..

طيب اين اهل هولا الاطفال وكيف يرضو بهذا الشي ..؟!
قالت مشنا داريه بس اكيد ما بيستهدفو الا الناس الي مابش معاهم اهل وضعفاء يقدرو يفعلو بهم الي يشتوه مثل حالاتي ، واكيد الا غلب بسبب المادة ..

قلت لها ايش من مادة الي عتخليني افعل بأبني كذيه هذا كلام فاضي ..

قالت الحاجة تخلي الناس تفعل حاجات محد يتوقعها ...

قلت والمستشفى ذلحين ايش داخله ، قالت البدروم قد فيه ما يقارب خمسين شخص منهم كبار السن ومنهم عجايز شحاتات ، ومنهم مجانين ، مشنا عارفة ليش حاجزين لهم ..!

قلت لها ضروري نبلغ بهذه العصابة الموضوع اكبر مما كنت اتوقع ..
قالت انت مجنون بنقلك في يدها رجال كبار ومهمين يعني لو تبلغ با يخفوك انت وبلاغك ..

قلت طيب وايش الحل ، قالت اسمع انا بعد ما حجزوني وشلو تلفوني ، ما عاد معي الا هذا التلفون الصغير كان حق امي ، وبنشلة خفيه معي ، وانا عندي خبره كبيرة في اختراق برامج النظام والكيمرات ، وقد طرحت فلاشه في السرفر ، حق كيمرات المراقبه للمستشفى ، ودخولي للغرفة هذه كلفني الكثير ، الفلاشة مسجل فيها كل شي ، بس ما عاد قدرتش ادخل اسحب الفلاشة ..

قلت يعني فيها مقاطع لكل غرف المستشفى ، قالت ايوه بيسجلو كل شي على شان يرسلوه لمدري من في الخارج او لزعيمه حقهم..

الفن اليمني الاصيل

03 September 2026 23:24

قنوات مهمة في التلجرام🔥👌

kأسعار الذهب وصرف
/channel/+UzdbaRxU4lsMhaQd

kقصص مميزة
/channel/+PWnpOoEFPIhNC6ak

kروايات يمنية
/channel/+Ecxq_OzMYh40M2E0


kسام ميوزك
/channel/+VZE56V6tQZ4hA4wQ

━☆

الفن اليمني الاصيل

03 September 2026 21:30

مابه يا خبرة ..؟ خير ..

مسكوني العسكر من يداتي واحد من اليمين والثاني من الشمال والثالث واقف خلفي وموجه السلاح لا ضهري ، بنقلكم مابه ما فعلت ..! واحد قال ما طلعك لا هنيه وكيف دخلت ؟؟ قلت ماهو كيف دخلت هذا مستشفى ..!!ومعي حاله اسعفناها للمستشفى ..! مالكم لو انا قاتل ما تفعلو كذية ...!، قال بنقلك امشي سكته ، ونزلنا لدور الاول ، بنقلهم المريض تبعي في الغرفة هذه, قالو امشي ، ومشوني عكس الطريق حق الغرفة ودخلوني في غرفة مابش فيها احد الا مكتب وكراسي ، وقفلو الباب، رجعت ادقدق الباب مابه يا خبرة ياااية ، خرجت تلفوني وعادنا اشتي ارسل الموقع الي انا فيه لا عند اخي ، وارجع اتصله ، ما دريت الا لما الدكتور فتح الباب ودخل لا عندي ، ابسرته وبنقله ماهي المعالمة تيه..!!، كيف تحجزوني في الغرفة تية بدون سبب ، قال بكل برود اجلس وشا افهمك ، جلست ..
قال .. أن الشيبة زوج الحالة ، قدم شكوى انك صدمت زوجته ، والاجراءات حق المستشفى نحجزك انت وسيارتك لما يحقق معك البحث ، قلت له لا تصدق ابوه انا لقيته في خط سفر وانا راجع لا صنعاء وقال زوجته نكعت من الجباء وذلحين بيتهمني انا ...؟؟!، اين هو ابن الكلب هذا وانا شتفاهم معه وسنبت ..!!
الدكتور قال اجلس يا ابني انا بعد ما فحصت الحاله وشخصتها اتضح لي انها إصابة سقوط من مكان مرتفع مش حادث سير، والمشكلة المستشفى تبعنا عادة في مرحلة تشتطيب ، فانا قد سويت لهم نقل لا مستشفى ثاني ، واخليت مسؤوليتك الكاملة ، لانك ابن ناس وفعلت خير ، قلت له تسلم يا دكتور الله يحفظك ، هيا ابسر من بعض ناس تفعله خير ، يجي يدخلك في هدار وداوي... ، الدكتور قال طيب ، شسألك سؤال واتمنى انك تجاوبني بكل صدق ، قلي ايش طلعك لدور الثاني ، وايش الي حصلته او من قابلت ..؟ افتجعت من سؤال الدكتور وقلت له .. هااااه .. كنت اشتي اقضي حاجتي وبندور حمام ، وطلعت لدور الثاني ولقيت الحمام كملت اقضي حاجتي وعلى خرجتي لقيت العسكر مسكوني وحجزوني في الغرفة بدون سبب ..
قال متاكد ما شفتش اي شي غريب في الدور الثاني ..؟؟!
قلت له ايش قصدك بالغريب ..! وضح لي يا دكتور ...؟؟ ودخلت يدي لا جيبي لا عاد يبسر الرقم ، قال خلاص ..خلاص يا ابني نعتذر عن سوء الفهم تقدر تتوكل ، قلت له سابر ..
بس يا دكتور ممكن تقلي لا اي مستشفى نقلت الحالة ، قال بنقلك روح يا ابني وهو مبهرر عيونه ومشي من جنبي ..
قلت خير ..خير ..
قمت خرجت من المستشفى وقد ابسرت للغرفة الي كان فيها الحاله ، وما عدبش فيها احد ، شغلت السيارة ومشيت ، وانا بنفكر هل صدق نقل الحالة لا مستشفى ثاني ، وليش طيب كان مفجوع اننا قابلت احد في الدور الثاني ، طيب من هم الاطفال ، وليش كانو بتيك الحالة ، طيب من هن البنات وايش اللبس والمكياج الي فوقهن ، ومن وين ضهرو العسكر وكيف اختفو ، طيب ليش مابش احد في المستشفى هذا ، ومن هي الدكتورة الي مسكتني ..؟؟؟!!، وذكرت الرقم شليت التلفون ، واتصلت على الرقم الي كتبته الدكتوره او الممرضه في يدي ، بس كان التلفون مغلق جنبت السيارة ، ودخلت ابحث اذا به واتس على الرقم بس مابش وكاشف الارقام ما طلع لي شي ، دورت وجنبت السيارة بعيد من المستشفى وجالس اراقب ، ايحين عتخرج الممرضة هذه ، وجلست للفجر ، بس مابش احد دخل وخرج من المستشفى ذيك ، ما بلا دباب ابيض مصندق ، دخل من الطوارئ وجلس ما يقارب نص ساعة وخرج ، والساعة ست الصباح ، قام الحارس قفل الابواب حق المستشفى وجلس داخل المستشفى ، شغلت سياراتي وروحت ، وانا كل تفكيري في الي حصل والي داخل المستشفى ، وبنلوم نفسي ليش ما راقبتش صاحب الدباب ، يمكن حملو الاطفال داخلة ، رقدت وطرحت التلفون جنبي ، قمت الساعة ١٢ الضهر ، ابسر قد معي اكثر من سبع مكالمات لم يرد عليهن من نفس الرقم الي كتبته البنت في يدي ، ورساله مكتوب فيها ( انتبه تكلم احد بالي حصل معك في المستشفى ، اول ما تشوف التلفون اتصلي واذا حصلت رقمي مغلق ، انتظر لما اتصلك انا ) ...
قمت اتصل والرقم مغلق ، قلت ايوه يا منير والحنبه ، ذلحين ماهو هذا كله ، اسير ابلغ وخلاص ، بس ما ينفعش هولا شكل يدهم في كل مكان والبلاغ حقي لا يهش ولا ينش ، قمت تغديت ولبست خرجت شليت قاتي ، وانطلقت للمستشفى ذيه ، اوصل وهو مقفل ، ومابش جنبه محلات ، مابلا ورشة نجارة على بعد ما يقارب مياتين الى ثلاثمية متر ، سرت اساله بنقلة حق من المستشفى هذا ، وليش مقفل ..؟ قال مدري قدلهم هكذا ثلاثه اشهر يفتحو بالعشي ، يقولو عادهم يجهزوه ، قلت سابر ، جنبت بعيد من المستشفى ومخزن ، لساعة عشر الليل ، ابسر الحارس بيفتح الابواب من داخل وجلس فوق الكرسي طبيعي ولا كأن به شي ، انتظرت وانا بنفكر الف فكرة ، قد سلاحي جنبي ومستعد لأي شي ، اشتي اوصل لخيط وبعدا يحصل ايش ما حصل ، وصلت سيارة كهربائية مرتفعه نفس الصوالين ، اخر موديل بيضاء ، وجنبت باب المستشفى ، نزلت مره شكلها مهمه قوي البالطو حقها شكله خليجي ، ومعاها اثنين مرافقين ، هي دخلت للمستشفى والمرافقين واقفين

الفن اليمني الاصيل

01 September 2026 06:23

اخر الليل وانا على خط سفر فوق سيارتي راجع من البلاد كنت في عرس ، مخزن ومكيف ، وقدنا قريب من صنعاء وفجأة ابسر رجال وسط الخط ، في الخمسينات من عمره ، لابس ثوب ابيض لا نص سيقانه ، وعسيب ويلق بني ، وماسك لشال حقه ورافع ليداته وبيصيح بحجر الله وقف بحجر الله وقف ، مسكت بريك وعيني على المراية بنبسر لحد يجي من الخلف ويصدمنا ، شغلت الغمازات حق السيارة ، وماسك لسكان بنبسر لا عند الرجال قد طاير لي التخديرة ، وهو بيأشر لي لا طرف الخط على يسارة ، وابسر مرة لابسة زنه سوداء ومقرمه ، لبس من حق القرى ، وهو بيصيح يا منعاه اسعف المره ، ويقرب لاعند المره ويرجع لا نص الخط ، التفت يمين وشمال ، وانا في طريق مقطوعة مابش فيها احد ، وقلت بيني وبين نفسي ، ماشي يا منير لا تنزلش انت داري اكبر خطأ تفعله انك توقف لأي شخص وانت على طريق سفر ، هذا كمين ويمكن يقتلوك ويشلو السيارة والله محد يلقي جثتك ، تقرص العافية ورحلك ، لفيت السكان شوية من قبال الشخص هذا وبدأت امشي بالسيارة ، وهو بيخبط الكبوت حق السيارة ، ونبع للفريم الي عندي وبيخبط الفريم ، وبيقول بحجر الله اسعف مرتي نكعت من الجباء انا لي منعك افعل خير المره عتموت ، وهو بيبكي ، وبيحرك السماطه حقه بيده وبيقول ، بحجر الله هذا جاهي عندك يا ابني افعل خير انا لي منعك ، وانا بنمشي ، وقلت وخر يا حج لا تتعور ، ومشيت من جنبه ، بنسوق السيارة دلا (سرعة خفيفة) وانا بنشوف الشيبه من المراية وهو بيصيح لي ويتراشيني (يترجاني) اوقف لما ابسرته جلس على ركبة وهو بيصيح يالله ..يالله ، اثر فيني قوي وما قدرتش اتخطى الموضوع ، رفعت رجلي من دعسة البترول ، وبنكلم نفسي ، مالك يا منير ..؟! الرجال مرته مصابة وعتموت ، والرجال قد رجم جاهه الله لا عندك تسعف مرته ، وانت عترحلك بكل برود ...!! وقف وانزل اسعف المره ،ما عيقع بك هو خير ..! والصوت الثاني الي داخلي قال ، يا منير بنقلك هذا كمين ، وهذا كله فلم على سب توقف وتنزل من فوق السيارة ، وعيخرجو المسلحين يقتلو افكارك ، واصل ورحلك ، واذا هي مصابة صدق كان احد عيسعفها من اهل القرية ، ولا اقلك عتجي سيارة غيرك ويسعفها ، رحلك مشنت ناقص هدار وداوي ، والصوت الاول قال خلاص رحلك بس رويني كيف عتتخطى الموضوع هذا وعيجلس يأنبك ضميرك طول عمرك ..!
وقفت السيارة وقلت هي موته واحدة ، وانا ناوي افعل خير ، والباري ما عيفلتنيش ، عشقت ريوس روجعت لا عند الرجال وانا بنبسره من المراية قام من وسط الخط وجرى لا عند مرته وبيحاول يشلها ، وقفت جنبهم ونزلت ، وهو بيقول ، الله يجبر خاطرك يا ابني ، الله يحفظك ، قربت وشليت المره المصابه معه ، طلعتها في الكرسي الخلفي ، وهو طلع جنبها ، طلعت فوق سيارتي وانطلقت ، والرجال بيدعي لي وهو بيبكي ولا وقف الدعاء ومرته جالسة تأن وهي متوجعه ، قلت له خير يا حج ما حصل للمره ..؟ قال نكعت (سقطت) من الجباء يا ابني ، قلت اين قريتكم وليش ما يسعفوها من القرية ، قال يا ابني بيتنا منفصل مابش ولا احد جنبنا ، ومعي شاص قديم ، نزل بها ابني لاصنعاء ، ما دريت مفعل تحملتها للخط قلت اوقف اي سيارة توصلني لا صنعاء نسعفها لا اي مستشفى ، والحمد لله الباري رسلك يا ابني ، الله لا رواك اي ضيق ويجعل قبولك بين الناس اين ما سرت ، قلت الله المستعان يا حج مابه شي ، عاد الناس لبعضها ، وقلت لزوجته ، ما بينش يا امه ما بيوجعش ، قالت بصوت كله وجع ، ارجلي يا ابني مكسرات ، وضهري كله مقدرش اتحرك ، قلت سعليش شوية ونوصل المستشفى وربي عيلطف بش ، قالت الله ينجيك من عذابه ، ورجعت تأن ، وانا بنسوق ، وعين على الخط ، والعين الثانيه بنبسر لا عندهم من المراية ، وانا مراعي ايحين الشيبة يخرج مسدس ويقل وقف على جنب ، ويطرح الرصاصة خلف راسي ، او يخرج سكينه ، ويطعني في رقبتي على طول ، وارجع اقول ماشي يا منير قد مشيت خيرات من مكان ما شليتهم لو هو كمين ، ان قد فعلو شي ، هولا مساكين ، زيدت سرعتي ، لما وصلت صنعاء ، وبندور على اقرب مستشفى ، وابسرت مستشفى اربعه ادوار ، لاول مره ابسرة ومابش فيه حوش ، وصلت جنبت امام باب المستشفى ، نزلت من فوق السيارة وبنصيح للحارس الي جالس باب المستشفى ، يا عزي لو تسمح ادي نقالة ، معنا حاله مستعجله ، وفتحت الباب الخلفي حق السيارة ، وبنقل للحج انزل شل معي ، وبنحاول انا والشيبه نشل زوجته ، وبنصيح للحارس ، يدي نقاله ، والحارس واقف ماسك البندق ، وهو مبهرر لا عندي ، وبنقله مالك متسمر مكانك ...!! تحرك .. شليت المره وخطيت للمستشفى والشيبه بعدي ، وصلت لا عند الحارس وهو عاده مبهرر كأنه ابسر جن ، قلت له مالك مسوم بنقلك ادي نقاله معانا مرض يا مريض ، ودخلت للمستشفى ، وبنصيح يا جماعة اين الدكاتره يااايه ، وابسر للمكتب حق الاستقبال ومابش فيه احد ، تلفت يمين شمال ، ابسرت غرفة فيها ثلاثه اسره ، دخلت وطرحت العجوز فوق سرير ، وقلت لشيبه اجلس معاها شبسر دكتور ، اول ما خرجت من الغرفة ابسر الحارس قبالي ، قلت له مال المستشفى فاضي

الفن اليمني الاصيل

28 August 2026 11:56

طيب وانا من وين عرفتيني ، وليش اخترتيني بالذات ، قالت شفت لك موقف اعجبني قبل سته اشهر ومن يومها وانا بنراقبك ، طبعا الجماعه هذه كانت تكلفني بمهمات وتكلفني اختار اشخاص ينفذوها وبعد ما ينفذوها يخلوني اقوم بتصفيه هذا الشخص وكل شي يتعلق به ، انا حاولت كثير امسك عليهم خيط ، بس هم محترفين وشباكهم واسعه فوق ما تتخيل ، انت كانت مهمتك واحده تدخل البنك واقتلك ، بس انا جبت لك المهام الثانيه مني انا ، لانك ذكي وقلبك قوي بطريقة ما كنت اتخيلها ، انت تجرأت واخفيت عليهم شنطه ، وطرحت ناس يراقبو ، وفوق هذا اخذت صور اشخاص مهمين من جماعتهم ، هم للان ما يعرفوكش ولا يعرفو عنك شي ، هم بيضنو اننا الي بنسوي هذا كله ، ولذالك قررو تصفيتي ، وما عيوقفوش الا لما يتاكدو اننا مت ، قلت لها طيب بتقولي ان اي شخص ينفذ المهام بتقومي بتصفيته ، وكيف اقنعتيهم اننتي قتلتيني بعد ما نفذت المهمه ، قالت انا اخذت صورة شخص قُتل قبل يومين من قبل ما اتصلك ، وزورت اسمه وهويته ومكان سكنه ، على اساس انهو انت وبعد ما انت نفذت المهمه ، رسلت لهم صورة الشخص وهو مقتول ، قلت طيب وذلحين ايش الحل ، بما انهم عرفو صورة طلال ، وعرفو مكان المقر حقنا ، فانا واصحابي كلنا في خطر ، قالت اطمن هذا مش عملهم ، هم مش اغبياء لدرجة هذه ..هذا عمل الشخص الي حمل الفيروس لليمن ، قلت لها يعني تشتي تقولي ان هذا الشخص ما قد كلمهمش ، قالت اكيد لا ، لانه عارف اذا تكلم ، با يقتلوه في نفس اللحظة ، قلت حلو اذا ضروري نوصل لشخص هذا ونقتله قبل ما يقتلنا ...
قالت وهذه هي المهمه الاخيرة الي با نسويها انا وانت بعد ما اعالج جرحك ، والصندوق الي معك ، ما يفتتح الا براس التمثال الي جبته لك ، عتلاقي فيه مخططات لهم يشتو ينفذوها في اليمن ، انا مطمنه انك موجود انت واصحابك ، واكيد عتقوم بافشالها كلها ، واستغل ان محد يعرفكم العب على هذا الشي انتبه تضهرو امام احد ، والي انت لقيته في الباص ، خليه معك ، على شان تقدر تستمر وتدمر كل مخطط لهم ، والشنطه الي انت شليتها هل قد شفت ايش داخلها ..؟! قلت لها ماشي عادنا ما قد شفت شي ، قالت خلاص ، انا واثقه انك لما تعرف ايش داخلها با تتصرف صح ، طبعاً ما رضيت اساعدك في مهمة الفيروس لاننا مشتيش احد يتدخل او يعرفك عن طريقي ، وقفت السيارة ، ونزلت طلعت في الخلف شلت من الخانة شنطة أسعاف صغيرة واقلت لي ارجع للكرسي الي بالخلف ، رجعت ، وبنشوفها ، بتحاول تخرج الرصاصة من يدي ، وبتعالجني ، وحقنتني بأبرة ، وهي بتقل ، بما ان به مثلك في اليمن ، فمحد عيقدر لها مهما طال مكرهم او اشتد خبثهم ، انا عن نفسي معرفش ليش سويت هكذا يمكن انا من اليمن ، الله واعلم ، ولا تقلقش الشخص الي حمل الفيروس والي يعتبر التهديد الوحيد لك انت واصحابك ، اعتبره ميت ، ويمكن هذا اخر لقاء بيننا ، كانت تتكلم وانا بنحس جسمي ثقيل قوي ، وعيوني بتغمض بالقوة ، كنت ابسرها ساع الخيال ، وفقدت الوعي ، صحيت وانا بنسمع رنة التلفون الجديد الي شليته من عبد الحق .. والسيارة حامية والشمس قوية ...
-هاااه يا عبد الحق
-الووو منير بتسمعني .. اين انت شبعنا لك اتصالات موتنا خوف وقلق عليك ..!!
رفعت راسي بنبسر من الفريم حق السيارة .. اشتي اعرف اين انا وابسرت ذراعي مربطه بالشاش ،
قلت له ..
-طيب ومالك ما تعرف اين موقعي من التلفون
-قال مقدرش اشغل اي برنامج كنت اشتغل عليه لا عاد يعرفو اين موقعنا الجديد ، ذلحين قلي اين انت وعنجي لك ...
-لا تقلقش يا عبد الحق انا شوية واجي لا عندكم ، المهم انتو كلكم بخير ..؟!
-ايوه يا منير به شضيتين من القنبلة في ساق عثمان ، وقد شغل افكارنا على ان الثوب الثاني حقه تخزق ..
-لا تضحكنيش يا جني يلاه قفل وانا شا اجي لكم ...

قمت ونبعت للكرسي حق السواق وشغلت السيارة ونزلت الفريم يدخل شوية هواء ، وبنجابر نفسي ، ليش البنت هذه فعلت كذية ، تخلت عن كل شي في لمح البصر مع ان القوة كانت في يدها وتقدر تفعل اي شي ، وتشغل ناس تحت يدها ، طيب ليش ساعدتني انا واصحابي ، وكانت تكلمني بكل فخر والدموع في عيونها ، انا كنت اضن ان المال والقوة هي ذروة المبتغا لاي شخص واذا ملكهن ما عاد يشتي شي من الدنيا غير انه يحافظ عليهن ، طيب انا كنت شخص بسيط لا اهش ولا انش كيف لما وصلت انا لا هذه المرحلة وفعلت هذا كله ، معقوله لاننا لقيت ضغط عليا وتهديد بقتل اهلي ، معقوله الناس اذا وصلو لنفس مرحلة الضغط الي وصلتها عيفعلو حاجات عمرهم ما كانو يتوقعو انهم يفعلوها .... سؤال محد عيلاقي اجابته ، الا اذا عاش نفس الي انا عشته ، طيب اصحابي ايش الي حفزهم انهم يوقفو معي ، هل بسبب المال وبس ، ولا بسبب انهم بيشوفو ما بش طعم للعيشه الي بيتكرر فيها نفس الروتين ، كل سؤال اغرب من الثاني ، بيثبت ان الانسان فعلا كان اكثر جدلا ...

الفن اليمني الاصيل

28 August 2026 11:56

الساعة 11 منتصف الليل ، ررن تلفوني من رقم غريب ...

-الووو من معي ..؟
-منير اسمعني ، اشتيك الان تخرج تسير لتحرير .. عتلاقي في الموقف حق الميدان باص سوزوكي ابيض مصندق كله ، وعتلاقي المفتاح حقه فوق العجله الاماميه على يمينك ، شل الباص بالي فيه واخفيه في مكان محد يعرفه لا من اهلك او من اصحابك ..
-لحظه ..لحظة ، اين انتي مختفيه وكيف تاخرتي في ارسال المهمه الثالثه ، وكيف تقولي مهمتي اقتلش ، وذلحين بتقولي مدري مفعل ..!! بنقلش من انتو وما تشتو مني ..؟!
-يامنير مابش وقت ذلحين انا شا اوضح لك كل حاجة ، وعتلاقي به رسالة مطروحه فوق كرسي السوق ، بعد ما تخفي الباص بالي فيه نفذ الي مكتوب بالرسالة .. وانتبه تخرج الان ومعك تلفون ، اطرح كل التلفونات واخرج ...!
ـطيب وليش افعل هذا....

وتقفل الخط في وجهي ، اشتي ارجع اتصل بس التلفون مغلق ، قلت يا عبد الحق شوف لي التلفون هذا اين موقعه وباسم من هو .. قال هات الرقم وخلي الباقي عليا ..

رجعت افكر مال البنت هذه وايش هدفها ، وايش داخل الباص ، وليش تشتيني اخفيه ، بدون محد يعرف ، وايش كان قصدها لما قالت اخرج بدون تلفونات ...؟!!! غريبة يا منير من صوت البنت حسيت انها متوتره وما عدبش نبرة الثقة الي كنت اسمعها في صوتها من قبل ، لاول مره احسها خايفة ومشي مسيطره ، صح انا اطمنت لها بعد العملية حق الفيروس ، لكن ولو ضروري يا منير تاخذ حذرك ، رجعت قلت هيامه يا عبد الحق لين وصلت ..؟ قال مابش بيانات لرقم هذا ولا كأنه تسجل في قاعدة بيانات شركة الاتصالات ، يعني يحتاج له وقت كبير لما اخرج لك خبرة ، قلت هيا اسمعوني ، كل واحد يطرح تلفونه، وهات لنا يا عبد الحق التلفونات الجداد والارقام الجداد ، الي قلت اننت شفرتهن ومستحيل احد يقدر يعرف اين موقعهن ، وقلت طلال وعثمان كل واحد يشل تلفون وسلاحه وجو معي ، ومحمد وعلي ، اجلسو عند عبد الحق ، اذا حسيتو به شي غلط اتصلو بلغوني على طول ، عبد الحق قال اين عتسيرو يا منير ، قلت له شا اقلك لما ارجع ، خرجنا للحوش ، وقلت اسمعوني ، طلال انت تطلع فوق السيارة وسير لا ميدان التحرير ، وتنتظر مني اتصال ، وانا شركب مع صاحب متر ، وانت يا عثمان ، سير ادي الدباب المصندق حق اخوك ، وجنبه في السبعين وانتظر اتصالي ، عثمان قال ليش ما به يا منير ، قلت البنت اتصلت لي اسير اشل باص واخفيه بالي داخله بدون محد يعرف ، وانا شفعل كذية بس اذا هم بيراقبونا عنضيعهم ومحد عيعرف من صدق اين شخفيه ، يلاه توكلو ، خرجت وركبت مع صاحب متر ، وصلت لتحرير ، واتصلت لطلال يقرب من المكان الي فيه الباص بدون ما ينزل من فوق السيارة ، قربت لا عند التاير الي على يميني ولقيت المفتاح ، وعثمان اتصلي قال انا في السبعين فوق الدباب ، قلت له انتظر مكانك ، عتبسرني فوق باص ابيض ماشي ومسرع شتصلك تمشي بعدي وشا اقلك ما تفعل بعدها ، قال حاضر ، قفلت التلفون ، فتحت باب الباص ولقيت الورقة ، في ظرف فيه نفس الرمز ، طلعت واقتلبت ابسر ايش داخل الباص ، وبنبسر شوايل مركزات ومربطات مديت يدي لا شواله بنحاول افتح او اقطع الحبل بس ما قدرتش ، حاولت افتح شويه من راس الشواله ، وابسرت طبع دولارات ، لما سنبين شعر راسي ، الباص ملان لا ابوه شوايل ، ومابش فيه كراسي في الخلف ، من عشر الى اثنعشر شواله ، امد يدي وبنتحسس الشوايل الي جنبهن ، وحسيت شواله فيها حاجه قاسية ، حاولت اسحبها لا عندي وفتحت من راسها وانها ملان سبايك ذهب ، من كثر الخوف حسيت جسمي كله بيرتعش ، السبايك الذهب عمري ما قد ابسرتهن على ارض الواقع ، التفت ، على طول لسكان وشغلت الباص سريع ، واتصلت لطلال...

-طلال اسمعني اشتيك تمشي بعدي على طول ولا تسمح لاي سيارة تدخل بيننا ..
-حاضر يا منير ، قلي ما داخل الباص ..؟!
-لو اقلك لا تقرح بكاء مش وقت ذلحين ، اشتيك تلحقني لما نوصل شارع كلية الشرطه ، واتسبب بحادث بحيث تمنع حركة مرور السيارات استغل الشارع لانه ضيق ..
-تمام يا منير بس ليش ..؟!
-على شان اذا به سيارة بتراقبنا او شي ، انت تقطع عليها الخط ، وهكذا شقدر اهرب ونضيعهم ..
-هاااه افتهم لي ولا يهمك يا عمنا ...

مشينا وعند شارع كلية الشرطه ، ابسر من المراية طلال تسبب بالحادث ، لما قطع الشارع حتى المتر ما يقدرش يمشي وانا طرحت رجلي على البترول وانطلقت ، واتصلت لعثمان ...

-عثمان شويه وعتبسر باص ابيض مصندق ماشي مسرع من السبعين اشتيك تلحقني على طول
-حاضر يا منير ولا يهمك
قفلت واتصلت لعبد الحق قلت له يتصل لحسين صاحب المتر الي راقب لي الأرضية.. وقلة
-حسين اسمعني ، اشتيك تجي لا بعد جسر دار سلم ، عتلاقي باص ابيض اطلع فوقه ، وشله للميدان حق التحرير ، وانزل من فوقه وخلي المفتاح معك ..

طيب حاضر يا منير ، بس ليش ما تتصله انت ، قلت يا عبده مشتيش اتصل لحد من هذا الرقم ، قال يا اخي انا افدي العقل الي معك ..