1551
مولانا حکیم محمد فضولی شاعر قرن دهم کانال نشر اشعار تورکی،فارسی عربی مقالات اخبار مجالس فضولی راه ارتباطی: @bakhshihatef
🍂🌾🍂🌾
🌾🌸
🍂
🌾
خۏشامکیم دمبَدم گریانگؤزوم اۏل خاک پاداندیر
زیانی اۏلماز اۏل گؤز یاشینین کیم توتیاداندیر
دمادم مردم چشمیم، ایچر قان زلف و خالیندان
بلی اکثر معاشی اهل دریانین قاراداندیر
دئمه فرهادقانین تؤکموش آنجاق عشقشمشیری
منیم گؤر قانلی یاشیم کیم، بو هم اۏل ماجراداندیر
معنبر سونبولوندن آلمادان بو، اۏلمادیم رسوا
بو رسوالیق منه سندن دئییل، باد صباداندیر
حباب اشک ایچینده، موی ژولیدمده خوشحالم
باشیمدا بو همایون سایه اۏل عالی بناداندیر
وفا رسمین اونوتموشسان دئیه، اینجیمهزم زیرا
بو کیم مندن جفا کم ائیلمزسن هم، وفاداندیر
کمال حسن مشرب عالی اۏلماقدیر تعرُّضدن
ریا اهلینه هم، چۏخ اعتراض ائتمک هم ریاداندیر
فضولی تؤکمه چۏخ یاش احتیاط ائت، گئتمهسین ناگه
گؤزومدن سۆرمه کیم، خاک ره اهل صفاداندیر
#فضولی
@El_Oba
@hekim_fuzuli
🍂
🌾
🍂🌸
🌾🍂🌾🍂
سپهرین فارغم وصلینده ماه و آفتابیندان
غرض عید وصالیندیر بو آی و گۆن حسابیندان
#حکیم_فضولی
هر چاغینیز موتلو
فیطیر بایرامینیز قوتلو
اوروج ، ناماز ، چاغیریشلارینیز حاق قاپیسیندا قبول 🌹
┏━✨⚜️✨━┓
@El_Oba
┗━✨⚜️✨━┛
@hekim_fuzuli
✔️فضولی غزللری (12)
رمضان اولدو چكيب شاهد مئي پردهيه رو ،
مئي ايچون چنگ توتوب تعزيه ، آچدي گيسو
بيلدي مطرب كي نه دير حال ، گؤتوردو قوپوزو
بزم دن چكدي اياغيني صُـراحي و سبو
بزم قانوني پوزولدو ، نه ايچون چنگ ايله دف؟
يیغيليب ائتمهيه لر حاكم ائشيگينده غلو
رمضان آيي گـَرَگ آچيلا جنت قاپيسي ،
نه روا كيم ، اولا مئيخانه قاپیسي باغلو
فتح مئيخانه ايچون اوخوياليم فاتحه لر ،
اولا كيم اۆزوموزه آچيلا بير باغلي قاپو
آفتاب قدح ائتمز رمضان آيي طلوع ،
نه بلادير بيزه يارب ، نه قرا گۆندور بو؟
انتظار مئي گۆلگون ايله بايرام آيینا ،
باخه - باخه ائنهجك دير گؤزوموزه قارا سو
رمضان اولدو ، بودور وهمي فضولينين كيم ،
نئچه گۆن ايچمهيه مئي ، زهد ايله ناگه توتا خو.
🔵 رمضان اولدو چكيب شاهد مئي پردهيه رو ،
مئي ايچون چنگ توتوب تعزيه ، آچدي گيسو
رمضان : اوروجلوق آیی
شاهد : گوزل اوزلو. می شاهیده اوخشادیلیب
رو : اوز
اوز چکمک : پرده ده گیزلنمک، پرده یه گئتمک
چنگ : موسیقی آلتلریندن
گیسو : ساچ
گئچمیشده رمضان آیینا حرمت ایچین بو آی گلدیکده چنگ و سایره سیملی سازلارین بو آیدا سیملرینی آچیب یا کوکلرینی بوشالداردیلار کی بو بیت اونا اشاره سی وار .
گیسو آچماق : تعزیه و سوگواریدان کنایه دیر. بو مضمون کلاسیک ترک و فارس ادبیاتیندا چوخ ایشلنیلیب. خاقانی اوز اوغلونون مرثیه سینه گوره بئله یازیر :
گیسوان بافته چون خوشه چه دارید هنوز
بند هر خوشه که آن بافته تر بگشایید
گیسوی چنگ و رگ بازوی بربط بزنید
گریه از چشم نی تیز نگر بگشایید
کسان که در رمضان چنگ می شکستندی
نسیم گل بشنیدند و توبه بشکستند (سعدی)
🔵بيلدي مطرب كي نه دير حال گؤتوردو قوپوزو
بزم دن چكدي اياغيني صُـراحي و سبو
مطرب :مغنی، آواز اوخویان
قوپوز؛ موسیقی آلتی، آشیق سازی
گوتوردو قوپوزون؛ مجلیسدن چیخماق آنلامیندا
بزم : شراب مجلسی، ضیافت
آیاق چکمک : ترک ائیلمک
صراحی : شیشه دن اولان شراب قابی
آدم چو صراحی بود و روح چو می
قالب چو نی و روان صدائی در نی (خیام)
سبو : سفالدان اولان کوزه
🔵بزم قانوني پوزولدو نه ايچون چنگ ايله دف؟
يیغيليب ائتمهيه لر حاكم ائشيگينده غلو
قانون : قائده، یاسا
دف؛ موسیقی آلتی
غلو : بیر شئیده حددن آشماق، تجاوز حد، اعتراض ائتمک
🔵رمضان آيي گـَرَگ آچيلا جنت قاپيسي ،
نه روا كيم ، اولا مئيخانه قاپیسي باغلو
جنت : اوچماق، بهشت
نه روا ؛ نه ایچین
🔵فتح مئيخانه ايچون اوخوياليم فاتحه لر ،
اولا كيم اۆزوموزه آچيلا بير باغلي قاپو
فتح : آچیلیش
فاتحه : حمد سوره سی. بو سوره قورانین باشلانیشی اولدوغو ایچین فاتحه یا فاتحه الکتاب دا آدلانیلیر.
فاتحه فکرت و ختم سخن
نام خدای است بر او ختم کن (نظامی)
اوخویالیم فاتحه لر : بیر ایشین فاتحه سینی اوخوماق کنایه اولاراق بیر شئیدن ال اوزمک و بیر شئیین سونونا چاتماغا دئییلر
باغلی : قاپالی
🔵آفتاب قدح ائتمز رمضان آيي طلوع ،
نه بلادير بيزه يارب ، نه قرا گۆندور بو؟
آفتاب قدح : ادبیاتدا چوخ نمونه لر وار کی قدح گونشه بنزدیلیب
ماه شعبان منه از دست قدح کاین خورشید
از نظر تا شب عید رمضان خواهد شد (حافظ)
قارا گون : پیس گون، یامان گون
🔵انتظار مئي گۆلگون ايله بايرام آيینا ،
باخه - باخه ائنهجك دير گؤزوموزه قارا سو
گلگون : قیرمیزی
بایرام آیی : فطر بایرامی، شوال آیی
ائنه جک؛ گله جک
قاراسو : گوز خسته لیکلریندن کی کور اولماغا باعث اولار
🔵رمضان اولدو ، بودور وهمي فضولينين كيم ،
نئچه گۆن ايچمهيه مئي ، زهد ايله ناگه توتا خو
وهم : گمان، قورخو
زهد؛ پارسایی ، تقوا
توتا خو : عادت ائلیه
آنلام : رمضان آیی اولدو و فضولینین قورخوسو بودور کی نئچه گون می ایچمه یه و ریاکارلیق اهلیندن اولا.
#علی_ماوی
@hekim_fuzuli ||فضولی مکتبی 📚
شمع شام فرقتم،صبح وصالی نئیلیرم؟
بولموشام یانماقدا بیرحال اؤزگه حالی نئیلیرم؟
غیره عرض ائت هرنه اسبابینکی وار ای دهر دون!
منکی اهل ذوقم اسباب ملالی نئیلیرم؟
یوخ عجب گر مال رغبت،مولکه قیلماق اِلتفات
من گدای کوی عشقم مُلک و مالی نئیلیرم؟
احتمال هجر تشویشینه دَیمز ذوق وصل
وصل کیم وار اوندا هیجران احتمالی نئیلیرم؟
اهل حالم،دئمه بُت وصفین منه ای بُتپرست
حالی بیلمز دلبر صاحب جمالی نئیلیرم؟
نخل قددین ایستیرم کی اوندان بلادیر حاصلیم
باخمازام شمشاده بَر وئرمز نهالی نئیلیرم؟
ای"فضولی"!قیل کمال عقل کسبین یوخسا من
کامل عشقم داخی اؤزگه کمالی نئیلیرم؟
#مولانامحمدفضولی
@hekim_fuzuli
كوهكندن گؤرۆنۆر کوهدا آثار هنوز،
اۏل نه بنزر بنه، آنېن اثری وار هنوز.
چكدی مجنون آياغېن باديهدن، ليك وئرير،
قانلې گۆللر، آياغېندان چكيلن خار هنوز.
وادی عشقده سئودا ايله سرگشته ايديم،
گلمهدن گردشه بو گنبد دوّار هنوز!
نقطهی خالېنا باغلانمېش ايدی جان و کؤنۆل،
گزمهدن دايرهی دُورده پرگار هنوز.
ماهه چكديم شب هجران عَلمِ شعلهی آه،
آه کيم اۏلمادې اۏل ماه خبردار هنوز.
نالهی زارېم ايله خلقه حرام اۏلدو يوخو،
قارا بختيم يوخودان اۏلمادې بيدار هنوز.
مرهمِ وصلی ايله بولدو قمو درده دوا،
بو فضولي المِ هجر ايله بيمار هنوز.
#حکیم_ملا_محمد_فضولی
@hekim_fuzuli
خم آچېلدېقجا زُلفۆندن بلا و محنتيم آرتېر،
بِحمدالله کی عُمرۆم اوزانېر، جمعيتيم آرتېر!
دئمن اسگيك بنی تدريج ايله ياقوت اۏلان داشدان،
بۏياندېقجا جگر قانايله، قدر و قيمتيم آرتېر.
توتا گؤر گؤز يۏلون ای اشك! کيم تمكينيم اسگيكدير،
بو صورتخانهنين گؤردۆکجه نقشين، حيرتيم آرتېر!
مريض درد عشقم، ترك عالمدير مُراديم، کيم،
بو ناخوش مُلکده أڲلنديڲيمجه، محنتيم آرتېر.
بۆکۆلدۆ قامتيم حسرت يۆکۆندن، وه! کی عالمده،
اۆميديم اسگيليب، هرلحظه يۆزبين حسرتيم آرتېر.
نه شربت دير غمين کيم، ايچديڲيمجه اسگيلير صبريم،
نه سحر ائيلهر رخون کیم باخدېغېمجا رغبتيم آرتېر.
چۏخ اۏلدوقجا غم و درديم ره عشق ايچره خوشحالام،
فضولي شاد اۏلوب شكر ائتمهييممی؟ نعمتيم آرتېر!
#حکیم_ملا_محمد_فضولی
@hekim_fuzuli
منده مجنوندان فزون عاشیقلیک استعدادی وار
عاشق صادق منم، مجنونون آنجاق آدی وار!
نولا قان تؤکمکده ماهر اولسا چشمیم مردمی
نطفهی قابل دورور غمزهن کیمی اوستادی وار!
قیل تفاخر کیم سنینده وار منیم تک عاشیقین
لیلینین مجنونو، شیرینین اگر فرهادی وار
اهل تمکینم، منی بنزتمه ای گول بولبوله
درده یوخ صبری اونون هر لحظه مین فریادی وار
اؤیله بد حالم کی احوالیم گؤرنده شاد اولور
هر کیمین کیم دور جوروندن دلِ ناشادی وار
گزمه ای کؤنلوم قوشو غافل فضای عشقده
کیم بو صحرانین گذرگاهیندا چوخ صیادی وار
ای فضولی! عشق منع ین قیلما ناصحدن قبول
عقل تدبیری دیر اول، سانما کی بیر بُنیادی وار
#ملا_محمد_فضولی
@hekim_fuzuli
کانال اشعار شاه اسمعیل ختایی.
بیزیمله ایلگی یۏل: 👈 @NoyaTurk
ارتباط با ادمین : @NoyaTurk
Şah İsmail Xətai Şe'rlərinin axağı
/channel/Xatayisheri
گؤروب مهلک منیم چئورمده بحر عشق طغیانین
قاچیب بیر داغه چیخدی کوهکن قورتارماغا جانین
بوراخمیش ایتلرینه پاره-پاره کؤنلومو اول مه
اولاشدیرمیش کسیب ارباب استحقاقه ، قوربانین
بنیم چاک گریبانیم گؤروب عیب ائیلهمز اول کیم
گؤرر سر مست چیخدیقدا اونو چاک گریبانین
کؤنول غم همدمیمدیر قانین ای گؤز مردمو،ایچمه
بیلیرسن قانه قاندیر، غم سنه قویماز اونون قانین
گؤزون کیم گوشهی محراب توتموش دین قیلیر یغما
بو مولکون ائتمک اولماز فرق کافردن مسلمانین
گؤزوم مردملرین چوخدان قیلیرلار دعویِ عشقین
نه حاجت یاشلاربن سورماق،آنارلار نوح طوفانین
فضولی چکمه یارین اوخلارین هر لحظه یارهندن
سنه می قالدی چکمک هر زامان بیر یار هجرانین؟
#ملا_محمد_فضولی
@hekim_fuzuli
ساچین اندیشهسی تحریک زنجیر جنونومدور
گئجهنیز گؤزل
@mollafuzuli
فضولی اوکولو
دکتر فرمان فرضی نین آچیقلاماسینان
ایکینجی جلسه نین سس فایلی 👆👆👆
دگیلسن چوخدان ای گردون! جهان سئیرینده یولداشیم
نولا خم اولسا قدیم ، سندن آرتیق دیر بنیم یاشیم؟
ترازوی عیار محنتم بازار عشق ایچره،
گؤزوم هردم دولوب، بین داشا هر ساعت ده یر باشیم.
سرشکیم آل، باغریم پاره، بیر کوه بلایام کیم
همیشه لاله و لعل ایله رنگیندیر ایچیم داشیم.
بنا مانند بیر دیوانه صورت باغلاماز، گویا
قلم سیندیردی، تصویریم چکندن سونرا نقاشیم!
فضولی! خازن گنج وفایام اول سببدندیر
گهرلر تؤکدو اسراف ایله بو چشم گهر پاشیم
#حکیم_فضولی
@hekim_fuzuli
1-فضولی بغدادی، شاعرالحسین (ع)
(حکیم ملا محمد فضولی بغدادی نین، یاشامینا و شعرلرینه قیسا بیر باخیش)
شاهین مرادی
شوبهه سیز، اونونجو یوز ایل لیگین بؤیوک دانشمندلرین دن و عاریف لرین دن بیری ملا محمد بن ملا سلیمان بغدادی دیر کی "فضولی" تخللوصو ایله تانینیب.
فضولی شاه اسماعیل صفوی ایله بیر عصرده یاشاییب و شاه اسماعیلا اوره یینده چوخلو حؤرمت بسله ییب و حدیقه السعدا کیتابین شاه اسماعیلا اتحاف ائدیب.
فضولی تشیع مکتبینده بؤیویوب و باشا چاتیب و عرفانی و قرآنی و فلسفه و کلام و معارف علم لرینده نظرصاحیب لرین دن تانینیب. نئجه کی قالدیغی اثر لر بو سؤزه شاهید دیر.
شاعیرین یاشامی:
محمد بن سلیمان بغدادی آذربایجانین «بیات» آدلانان طایفه لرین دن ایدی. بو طایفه آذربایجان دان ، عراق اؤلکه سینه کؤچموش و عراق ین "حله" شهرینده اوتراق ائتمیش.
فضولی نین دوغولان یئر و تاریخینده هئچ بیر اتفاق نظر یوخدور آنجاق عهدی بغدادی نین یازدیغینا عایید، چوخلو ائحتیماللا، 890- ه.ق ایلینده، بغداد شهرینده دونیایا گؤز آچیب.
دئییلن لره عایید، حکیم فضولی نین آتاسی، ملا سلیمان حلی، "حله" شهری نین بؤیوک موفتی لرین دن ساییلیب و بو اوزدن فضولی، مذهبی و علم مکتبینده اولان بیر عاییله ده بؤیویوب-باشا چاتیب.
فضولی، ایلک تحصیلاتین آتاسی نین یانیندا اؤیره نیب. حکیم فضولی نین باشقا اوستادلارین دان، ملا رحمت اللهی آد آپاریب لار.
دوقتور حسین محمدزاده صدیقین یازدیغینا رغمن، حکیم فضولی نین باشقا تحصیلاتین دان هئچ بیر بیلگی الده یوخ، آنجاق یاراتدیغی اثرلرین دن بو قده ر اله گلیرکی، زمانه نین راییج علم لری یعنی (فیقه، منطیق، فلسفه، حدیث، تفسیر، کلام، ریاضی و طب) ایله یاخشی تانیشلیغی و بعضی علم لرده اوستادلیغی وار ایمیش، اؤزللیک له کلام علمینده کی بو حاق دا بیر کیتاب یازمیش (مطلع الاعتقاد فی معرفه المبدا و المعاد).
بعضی تذکره لرده "فضلی" آدیندا بیر شاعیر دن، حکیم محمد فضولی نین اوغلو آد آپاریلیب.
رحمتلیک محمد علی تربیت اونون حاققیندا بیر لطیفه نقل ائدیب، یازیر:
«... 988 نجی تاریخینده، عیسوی لر قارا پاپاق و یهودیلر قیرمیزی پاپاق شوعارین سئچیب و باشا قویدولار. عیسوی لر، قزلباش لاری انتقادا توتوب و بئله یازیرلار:
دوققوز یوز سکسن سکیزده،
ایام بو سرّی ائیلهدی فاش:
گئیدی باشینا قیزیل یهودی،
یعنی کی: یهوددور قیزیلباش!
شأنی تکلو جوابیندا دئییر:
چوخ ائتمه فضولی اوغلو فضلی،
عالمده قیزیلباش آدینی فاش!
ایندی بئله گر گؤیه دَه چیخسان،
باغدادا گلیب گیرهر قیزیلباش»
فضولی نین وفات ایلی نین باره سینده ده دوزگون بیلگی لر الده یوخدور. عهدی بغدادی، کی فضولی ایله بیر شهر و بیر عصرده یاشاییب، و صفوی دؤورونده بؤیوک تذکره یازانلاردان اولوب، بو اولو شاعیرین وفات ایلین 963 ه.ق و وفاتی نین دلیلین، طاعون مریض لیگی یازیب. بعضی لرده ده 970 ه.ق یازیلیب.
فضولی نین وصیتی ایله، کربلا شهرینده امام حسین(ع) حرمی نین جواریندا دفن ائدیرلر. 400 ایل دن آرتیق فضولی نین قبری، حسینی زائرلر طرفیندن زیارت اولونوب آنجاق 1975 نجی میلادی ایلینده امام حسین حرمی نین دؤوره سینده اولان خیاوان لارین تعریضینه خاطیر، فضولی نین قبری "قدس حسینی سئرگی سی" نین محوطه سینه آپاریلیب و باش داشی نین اوستونده عربی دیلی ایله ایضاح یازیلیب و ایندی ده، ادب سئور انسان لار، کربلا شهرینده بیر چوخلو آختاریش دان سونرا، فضولی نین قبرین زیارت ائدیرلر.
تورک ادبیاتیندا، فضولی نین نقشی
حکیم محمد فضولی بغدادی، اوچ دیلده یازیب-یارالدان شاعیر تانینیب و اتفاق لا هر اوچ دیلده، شعرلری دیللر ازبری اولوب. البته بو شاعیرین بؤیوک هونری و اولو دوشونجه لری چوخلو آنا دیلینده نمود تاپیب و حکیم فضولی آذربایجان تاریخینده رقیب سیز و چوخلو علم و ادب اهلی نین دئدیک لرینه رغمن، تاریخ بویو، تورک دیلی نین أن بؤیوک شاعیری دیر.
اوستاد شهریار، فضولی نین فضل و هونر مقامیندا بئله قلم وورور:
فارسی، ترکی، عربی ده نه فضاییل وار ایمیش
کی فضولی کیمی بیر شاعر فاضیل دوغولور.
شاعیرین تایسیز استعدادی و نبوغ لا دولو اثرلری، ادبیات و عرفان ساحه سینده، موسلمان لارین ادبی تاریخینده فضولی دن سبک صاحیب لی و فیکری لحاظین دان ائتکیلی بیر شاعیر تؤره دیب و چوخلو اثرلری گئرچک دن شورلو و شاشیردیجی دیر.
حکیم فضولی نین، پیغمبر اکرم (ص) و اونون اهل بئیتینه یازدیغی منظوم و منثور یازی لارا عایید، کئچمیش ده "کربلا شاعیری" و "شاعر الحسین (ع)" لقبی وئریب لر.
2-فضولی بغدادی، شاعر الحسین (ع)
فضولی نین اهل بئیت حاققیندا یازدیغی شعرلردن ایکی بند مشهور ترکیب بند دن گتیریریک و سونوندا سو قصیده سی ایله سونا چاتدیریریق:
@hekim_fuzuli
أَشْرَقَت مِن فلکِ اَلبهجةِ شمسٍ وَ لَها
مَلأ العالَمُ نوراً و سرواً و بِها
چیخدی بیر گۆن کی ضیاسیندا تمامی رُسُل
اولدو محو اؤیلهکی خورشید ضیاسیندا سُها
اولدو بازار جهان رونقی بیر دُرِّ یتیم
کی دئییل ایکی جهان حاصلی اۏل دُرّه بها
رُتبهےِ حکمت معراج کمالینه گؤره
حُکما فرقهسی دون، فلسفه جمعی سُفها
نئجه تقریر ائلهییم وصفینی بیر شاهین کیم
اۏنا وصّاف اۏلا یاسین و مُعرِّف طاها
اے فضولی رَهِ شرعینی توت اۏل راهبرین
بو طریق ایله، ضلالتدن اؤزون ائیله رها
حضرت محمد رسولالله و امام صادق دؤغوم گۆنون بۆتون مسلمان خلقینه و اونلاری سئون انسانلارا اۆرکدن تبریک دئییریک .
@hekim_fuzuli
محفل ادبی_عرفانی #موغان با محوریت #فضولیخوانی
#فضولی
#حمیدرضا_حسینی
@Fuzuli_mughan
@El_Oba
20 اردیبهشت
آنیم گونو؟
یا دوغوم گونو؟؟
فضولی اوچون آنیم گونو اولماسی چوخ گؤزل بیر ایشدیر
آمما فضولینی نئچه نفره مصادره ائدیب اونا سندسیز دوغوم گونو یازماق سادجه بیزه ضربه وورور.
گونوموزده ، پان ایرانیستلر هر لحظه چالیشیرلار کی فضولینی پان ایرانیست جبههسینده اویناتسینلار
بیزیم اؤز نفرلریمیزسه اؤزوموزه ضربه وورورلار.
اونوتمایاق هم ایراندا،هم آذربایجان جمهوریتینده همده تورکیه ده فضولی بارهسینده مینلرجه کتابلار یازیلمیش و بونلارین هئچ بیریسینده فضولی اوچون تقویمده دوغوم یا اؤلوم گونو يازيلماييب (بیزیم بیلدیگیمیز قدر یوخدور،واردیرسا گوندرین بیزه).
اوندان علاوه فضولی زامانینداکی یایغین تقویم، قمری تقویم ایدی .
قمری تقویم ، جلالی یا گونش تقویمینه نیسبت هر ایل ۱۰ گون دهییشلیر و قمری تقویمدهکی بیر موناسیبتین شمسی تقویمده ثابت بیر گون اولماسی گولونج بیر حال یارالدیر.
هر حالدا اردیبهشت آیینین ۲۰سی فضولینین آنیم گونو سئچیله بیلر آمما بو گونو فضولینین دوغوم گونو دییهرک پان ایرانیستلرین الینه آتو وئرمهیک.
"ساققالیمیزا گولمهسینلر داها"
مولانا محمد فضولی بیر ائل شاعریدیر، اودور کی ایشلهتدیگی سؤزلر سهلوممتنع اولاراق هامی آنلاییر.
بیز بوردا ائل سؤزلرینی بو شاعرین سؤزلرینده ایزلهییب بیر نئچه شعرلرینده عموماً غزللرینده چیخارتمیشیق:
👇🍀🔅🔅🍀👇
منه دئرلردی #ائل کیم، بیر ملک دیر سئودیگین امّا
گؤرنلر من فقیره، گؤیدن انمیش بیر بلا دئرلر
ــــــــــ
#ائل طعنهسیندن ایستهرم اول کویه گئتمهیم
اؤز اختیاریم ایله منی قویما ای جنون.
ــــــــــ
درد و غم پنهانیم فهم ائتدی #ائل آهیمدان
یۆز آه کی، فاش اولدو درد و غم پنهانی.
ــــــــــ
کئچدی میخانهدن #ائل، مست می عشقین اۏلۇب
نه ملکسن کی، خراب ائتدین ائوین شیطانین؟
ــــــــــ
دئمیش هر غنچهیه عاشقلیگیم رازیْن صبا ، دئرلر
#ائل آغزیْن توُتماق اوْلماز، قوْرخورام ای گۆل سنه دئرلر.
ــــــــــ
اسیر درد عشق و مست جام شوق چوْخ ، امّا
بیزیک مشهور اوْلان، لیلی سنه، مجنون منه دئرلر.
ــــــــــ
کؤنۆلده مين غميمواردېر کی پنهان ائيلهمک اۏلماز،
بو هم بير غم کی #ائل طعنيندن افغان ائيلهمک اۏلماز.
ــــــــــــــــــــ
بنی ذکر ائتمز #ائل، افسانهی مجنونا مايلدير،
نه بنزر اۏل بانا، دردی آنېن تقريره قابلدير.
ــــــــــــــــــــ
کئچدی میخانهدن ائل، مست می عشقین اۏلۇب
نه ملکسن کی، خراب ائتدین ائوین شیطانین؟
ــــــــــــــــــــ
صبريم آلېب فلک منه يۆز بين بلا وئرير،
آز اۏلسا بير متاع، آنا #ائل چۏخ بها وئرير.
ــــــــــــــــــــ
دۆشدۆم بلای عشقه خردمند عصر ايكن،
#ائل شیمدی مندن آلدېغې پندی، منه وئرير!
ــــــــــــــــــــ
ای فضولي! جمع اۏلور پيوسته #ائل نظّارهمه،
عرصهی دشت جنون، صحرای محشردير بانا!
ــــــــــــــــــــ
عاقبت رسوای اۏلوب بن تك دۆشر #ائل آغزېنا،
کيم کی بير سرمست ساقی لعل خندانېن سئور.
ــــــــــــــــــــ
رُخون اۆزره خط سرشکیمی، دفعات ایله قلمِ مژهم
رقم ائتدیگیچون #ائل اوخویوب بیلیر اولدو راز نهانیمی.
ــــــــــــــــــــ
جلوه ائیلر ماه نو، #ائل قارشیسیندا شام عید
سن گیریب اورتایا قاشین گؤستر، اول توتسون کنار.
ـــــــــــــــ
رُخون اۆزره خط سرشکیمی، دفعات ایله قلمِ مژهم
رقم ائتدیگیچون #ائل اوخویوب بیلیر اولدو راز نهانیمی.
ــــــــ♻️🔅 ۱۴۰۰.۰۱.۲۱🔅♻️ـــــــــ
توپلایان: #ایمان_بهشتی_مغانلو
┏━✨⚜️✨━┓
@El_Oba
┗━✨⚜️✨━┛
/channel/hekim_fuzuli/1201
منه باد صبا اول سرو گلرخدان، خبر وئرمز
آچیلماز غنچهیِ بختیم اومیدیم نخلی، بَر وئرمز
تؤكوب گؤز ياشيني سنسيز، هلاكيم ايستهرم امّا
اجل پئیکینه سئیل اشک گردابی گُذر وئرمز
گؤزومده مسكن ائت, خار مُژهمدن، احتراز ائتمه
گۆلِ خندانه سوردوم خاره، يار اولماق ضرر وئرمز
اگر جان آلماق ایستهرسن, تنیمدن تیغينى كسمه
كي پژمرده نهاله وئرميينجه سو، ثمر وئرمز
قياس ائت شمعدن, وهم ائيله چرخین اینقلابیندان
کیم , اول باش آلماغا قصد ائتميينجه، تاجِ زر وئرمز
بلا ضمنين ده راحت اولدوغون اظهار ائدر خلقه
فلك , بيهوده خار خشكدن گلبرگِ تر وئرمز
فضولي, دهردن كام آلماق اولماز، اولمادان گریان
صدف سو آلمایینجا، ابر نیساندان گؤهر وئرمز.
✍مولانا #محمد_فضولي
سسلندیرَن: #ائلآی_بهشتی
┏━✨⚜️✨━┓
@El_Oba
┗━✨⚜️✨━┛
اۏل پريوش کيم ملاحت مُلکۆنۆن سلطانېدېر،
حكم آنېن حُکمۆدۆرۆر، فرمان آنېن فرمانېدېر.
سۆردۆ مجنون نوبتين، شيمدی بنم رسوای عشق،
دۏغرو دئرلر هر زمان بير عاشقين دُورانېدېر!
لحظه- لحظه کؤنلۆم ائويندن شررلردير چېخان،
قطره- قطره گؤز تؤکن سانمان سرشكيم قانېدېر.
چاکلار جسميمده، تيغ عشقدن عيب ائتمهنيز،
کيم جنون گلزارینين بونلار گۆل خندانېدېر.
ای فضولي! اۏلا کيم رحم ائده يار افغانېنا،
آغلاغېل زار، آنجا کيم زار آغلاماق امكانېدېر.
#حکیم_ملا_محمد_فضولی
@hekim_fuzuli
اۏلور قدّيم دو تا عشقين يۏلوندا بير بلا گؤرگج،
طريق اهلينه عادتدير تواضع، آشنا گؤرگج!
نهانی عشقينی گر بيلسه عالم دودِ آهېمدان،
عجب يۏخ آيم گُمانِ گنج ائدهر خلق، اژدها گؤرگج!
فزون اۏلدوقجا عشقين، گرم اۏلور اشكيم بو گؤزلردن،
اگر چه سو بُرودت آسبينی ائيلهر، هوا گؤرگج.
اۏخون، هر لحظه آيم باغرېم دلر، کؤنلۆم قېلار افغان،
بعينه اؤيله آيم فرياد ائدهر ايتلر، گدا گؤرگج!
٥ رواجِ نقد، نقشِ سكّهدندير، نۏلا غدر ائتسه،
بنه ائل جسم عريانېمدا نقش بوريا گؤرگج؟
بنِ درويشه ائل هم جۏر ائدر، سن جۏر قېلدېقجا،
آيم ائيلهر ظُلم منعين پادشاهېم، سن روا گؤرگج!
فضولينی ياشېر، ای ضعف! مهوشلر جفاسېندان،
آی مهوشلر قېلېرلار بين جفا، بير مبتلا گؤرگج!
#حکیم_ملا_محمد_فضولی
@hekim_fuzuli
عرض روخسار ائت بو گون ای مه گُم اولسون گؤیده گون
اؤيله کیم انجم اولور گون عرض رخسار ائیلهگج
▪️
باغری بوتونلر بنا طعنه ائدرلر مدام
حالیمی شرح ائتمهیه بیر جیگری پاره یوخ
▪️
افندیم پادیشاهیمسان،کیمه واریب ائدیم شیکوه
بنا چوخ ظولم ائتدین،سنا سندن شیکایت وار
▪️
بو غملر کیم بنیم واردیر،بعیرین باشینا قویسان
چیخار کافر جهنمدن،گولر اهل عذاب اوینار
▪️
مشک چین آواره اولموشدور وطندن بن گیبی
قانسو شوخون بیلمزم زولف پریشانین گؤروب
▪️
یوخ اؤزوندن خبری کیم کی گلیر دونیایه
بزمدن دیشره قوماز پیر موغان هوشیاری
#فضولی_بابا
#تک_بیت
@hekim_fuzuli
رمضان اۏلدو، چكيب شاهد مِی پردهیه رو،
مِی اۆچۆن چنگ توتوب تعزيه، آچدې گيسو!
بيلدی مطرب کی نهدير حال، گؤتۆردۆ قۏپوزون،
بزمدن چكدی ایاغېنې صراحی و سبو.
بزم قانونو پۏزولدو، نه اۆچۆن چنگ ايله دف،
يېغېلېب ائتمهيهلر حاکم ائشيڲينده غلو؟
فتح ميخانه اۆچۆن اۏخويالېم فاتحهلر،
اۏلا کيم اۆزۆمۆزه آچېلا بير باغلې قاپو!
آفتابِ قدح ائتمز رمضان آيې طلوع،
نه بلادېر بيزه، يارب! نه قرا گۆندۆر بو؟
انتظار مِی گۆلرنگ ايله بايرام آيېنا،
باخا- باخا ائنهجكدير گؤزۆمۆزه قارا سو.
رمضان اۏلدو بودور وهمی فضولينين کیم،
نئچه گۆن ايچمهيه مئی زهد ايله ناگه توتا خو.
#حکیم_فضولی
@hekim_fuzuli
# هنوز
ایکی غزل #حکیم_ملامحمدفضولی دن:
#غزل
کوهکندن گؤرونور کوهده آثار هنوز
اول نه بنزر بنا، آنون اثری وار هنوز
چکدی مجنون ایاغین بادیه دن لیک وئرور
قانلو گوللر ایاغیندن چکیلن خار هنوز
وادی عشقده سودا ایله سرگشته ایدیم
گلمه دن گردشه بو گنبد دوار هنوز
نقطه خالینه باغلانمیش ایدی جان و کؤنول
گزمه دن دایره دورده پرگار هنوز
ماهه چکدیم شب هجران عَلَمِ شعله ی آه
آه کیم اولمادی اول ماه خبردار هنوز
ناله ی زارم ایله خلقه حرام اولدی یوقو
قره بختیم یوقودن اولمادی بیدار هنوز.
مرهم وصلی ایله بولدی قمو درده دوا
بو #فضولی اَلَمِ هجر ایله بیمار هنوز
# غزل
ﻋﺎﻟﻢ ﺍﻭﻟﺪی ﺷﺎﺩ ﺳﻨﺪﻥ بن ﺍﺳﻴﺮ ﻏﻢ ﻫﻨﻮﺯ
ﻋﺎﻟﻢ ﺍﺋﺘﺪﻱ ﺗﺮﻙ ﻏﻢ، بنده ﻏﻢ ﻋﺎﻟﻢ ﻫﻨﻮﺯ
ﺟﺎﻥ ﺑﺎﻏﻴﺸﻼﺭﺩی ﻟﺒﻴﻦ ﺍﻇﻬﺎﺭ ﮔﻔﺘﺎ ائیله ﻳﻴﺐ
ﻭﻭﺭﻣﺎﺩﻥ ﻋﻴﺴﻲ لبیﺟﺎﻥ ﺑﺨﺸﻠﻴﻚ ﺩﻥ ﺩﻡ ﻫﻨﻮﺯ
ﺳﺠﺪﻩ ﮔﺎﻩ ﺍﺋﺘﻤﻴﺸﺪی ﻋﺸﻖ ﺍهلی ﻗﺎﺷﻴﻦ ﻣﺤﺮﺍﺑﻴﻨﻲ
قیلمدن ﺧﻴﻞ ﻣﻼﺋﻚ ﺳﺠﺪﻩ ی ﺁﺩﻡ ﻫﻨﻮﺯ
ﺟﺴﻤﻪ ﺗﻴﻐﻴﻦ ﺟﺎﻧﻪ ﭘﻴﻜﺎﻧﻴﻦ ﺭﻭﺍﻥ ﺍﺋﺘﻤﻴﺸﺪﻱ ﺣﻜﻢ
ﺟﺴﻢ ﺍﻳﻠﻪ ﺟﺎﻥ ﺍﺭﺗﺒﺎﻃﻲ ﺍﻭﻟﻤﺎﺩﻥ ﻣﺤﻜﻢ ﻫﻨﻮﺯ
ﺍی #ﻓﻀﻮﻟﻲ ائیلدی ﻫﺮ ﺩﺭﺩﻩ ﺩﺭﻣﺎﻥ ﺍﻭﻝ ﻃﺒﻴﺐ
ﺗﻚ بنیم ﺩﺭﺩﻳﻢ ﺩﻳﺮ ﺁﻧﺠﻕ ﺑﻮلمه ین ﻣﺮﻫﻢ ﻫﻨﻮﺯ.
#ملا_محمد_فضولی
@hekim_fuzuli
فضولی مکتبینده ۲ ایلدن آرتیق سئوگی و هوسایله چالیشدیق
آمما حایاتین بیزه یاراتدیغی مسئلهلردن دولایی حقیقتا واختیمیز اولمور
بیزلرین یانیندا اولدوغونوز اوچون میننتدارلیغیمیزی بیلدیریریک
و فضولی مکتبینین هم اینستاقرام صحفهسینده همی ده تئلئقرام کانالیندا بیزلره یاردیم ائتمک ایستهینلرین الیندن اؤپوروک.
ایلگی یولو
@shahin_hashimii
گؤزۆمۆن قانې ايله سينهمی آل ائتديم کيم،
آلتِ صنعت اۏلا اۏل بت بیپروايا.
@mollafuzuli
https://www.instagram.com/p/B2tuEniF1FF/?igshid=c61mv4s1ccrh
دوستلار قاتیلا بیلرلر
@hekim_fuzuli
ای شمع بزم بارگه کبریا حسین!
بیرینجی بند:
ماه محرم اولدی مسرّت حرامدیر
ماتم بو گون شریعته بیر احترامدیر
تجدید ماتم شهدا نفعسیز دئییل
غفلتسرای دهرده تنبیه عامدیر
غوغای کربلا خبرین سهل سانما کیم
نقص وفای دهره دلیل تمامدیر
هر درّ اشک کیم تؤکولور ذکر آل ایله
سیاره ی سپهر علوّ مقامدیر
هر مدّ آه کیم چکیلور اهل بیت ایچون
مفتاح باب روضه ی دارالسلامدیر
شاد اولماسین بو واقعه دن شاد اولان کؤنول
بیر دم ملال و غصه دن آزاد اولان کؤنول
دؤردونجو بند
ای دردپرور الم کربلا حسین!
ای کربلا بلالرینه مبتلا حسین
غم پاره پاره باغرینی یاندوردی داغیله
ای لاله ی حدیقه ی آل عبا، حسین
یاغدی ووجودونو غم ظلمت سرای دهر
ای شمع بزم بارگه کبریا حسین
دور فلک ایچیردی سنه کاسه - کاسه قان
ای تشنه ی حرارت برق بلا حسین
یاد ائت «فضولی»، آل عبا حالین ائیله آه
کیم برق آهله یاغیلیر خرمن گناه.
سو قصیده سی
ساچما اى گؤز اشکدن کؤنلومده کى اودلاره، سو،
کیم بو دنلى توتوشان اودلاره، قیلماز چاره سو.
آبگوندور گنبد دوّار رنگى، بیلمه زم
یا محیط اولموش گؤزومدن، گنبد دوّاره سو؟
ذؤوق تیغیندن عجب یوخ اولسا کؤنلوم چاک - چاک
کیم مرور ایلن بوراخیر رخنه لر دیواره سو.
وهم ایلن سؤیلر دل مجروح پیکانین سؤزون،
احتیاط ایله ن ایچر هر کیمده اولسا یاره، سو.
سویا وئرسین باغبان گلزارى، زحمت چکمه سین،
بیر گول آچیلماز یوزون تک، وئرسه مین گلزاره سو!
اوخشادا بیلمز غوبارینى محرّر، خطّینه
خامه تک باخماقدان ائنسه گؤزلرینه قاره سو.
عارضین یادیله نمناک اولسا موژگانیم، نولا؟
ضایع اولماز گول تمنّاسیله وئرمک خاره سو!
غم گونو ائتمه دل بیماردان تیغین دریغ،
خئیردیر وئرمک قارانقو گئجه ده بیماره، سو.
ایسته پیکانین کؤنول، هجرینده شؤقوم ساکن ائت،
سوسوزام، بیرکز بو صحرادا بنیمچون آره سو.
بن لبین مشتاقییام، زهّاد کوثر طالبى،
نئته کیم مسته مى ایچمک خوش گلیر، هشیاره سو!
روضه ى کویونا هردم دورماییب ائیلر گذار،
عاشق اولموش غالبا، اول سرو خوشرفتاره سو.
سویولون اول کویدان توپراق اولوب توتسام گره ک،
چون رقیبیمدیر داخى اول کویه قویمان واره سو!
دستبوسو آرزوسو ایله گر اؤلسم، دوستلار!
کوزه ائیلین توپراغیم، سونون اونونلایاره، سو.
سرو سرکشلیک قیلیر قُمرى نیازیندان، مگر
دامنین توتا آیاغینا دوشه، یالواره، سو!
ایچمک ایستر بولبولون قانین مگر بیر رنگ ایله،
گول بوداغی نین مزاجینه گیره قورتاره سو!
طینت پاکینى روشن قیلمیش اهل عالمه
اقتدا قیلمیش طریق احمد مختاره سو.
سید نوع بشر، دریاى دُرّ اصطفا
کیم سپیبدیر معجزاتى، آتشِ اشراره سو.
قیلماق ایچون تازه،گلزار نبوّت رونقین
معجزوندن ائیله میش اظهار سنگ خاره سو.
مُعجزى بیر بحر بى پایان ایمیش عالمده کیم
یئتمیش آندان بین- بین آتشخانه ى کفاره سو.
حئیرت ایلن بارماغین دیشلر کیم ائتسه استماع
بارماغیندان وئردیگى شدت گونو انصاره سو
دوستو گر زهرمار ایچسه، اولور آب حیات،
خصمى سو ایچسه، دؤنر البته زهرِ ماره سو
ائیله میش هر قطره دن مین بحر رحمت موج خیز،
ال سونوب اورقاج وضو ایچون گول رخساره سو.
خاک پایینه یئتم دئر، عُمرلردیر متصل،
باشینى داشدان-داشا اوروب گزر آواره سو.
ذره- ذره خاک درگاهینا ایستر ساللانیر
دؤنمز اُول درگاهدان، گر اولسا پاره- پاره سو!
ذکر نعتین وِردینى، درمان بیلیر اهل خطا،
ائیله کیم دفع خمار ایچون وئره مئیخواره سو.
یا حبیب اللَّه! یا خیر البشر! مشتاقینام،
ائیله کیم لبتشنه لر یانیب دیلر همواره سو!
سنسن اول بحر کرامت، کیم شب معراجدا،
شبنم فیضین یئتیرمیش ثابت و سیّاره سو.
چشمه ی خورشیددن هر دم زُلالِ فیض ائنر،
حاجت اولسا مرقدین تجدید ائدن معماره سو.
بیم دوزخ، نار غم سالمیش دل سوزانیما،
وار اومیدیم ابر احسانین سَپه اول ناره سو.
یُمن نعتیندن گُهر اولموش فضولی سؤزلرى،
ابر نیساندان دؤنن تک لؤلؤى شهواره سو.
خواب غفلتدن اولان، بیدار اولاندا روز حشر،
اشک حسرتدن تؤکنده دیدهى بیداره سو
اومدوغوم اول دور کى روز حشر محروم اولمایام،
چشمه ى وصلین وئره من تشنه ى دیداره، سو.
#حکیم_فضولی
#شاهین_مورادی
@hekim_fuzuli