قصص وروايات ايلاف الطيب

21 августа 2019 10:58

_غريبه جدا
سكتو مسافه حتي اتكلمت لين فجاه وبسرعه:رايان دنيا حيه
عاينت ليهو وملامحو بانت عليها الصدمه:دنيا ما ماتت بس داخله في غيبوبه وحالتها لا يعلم بها الا الله
_قال وهو بيغمض عيونو وبفتحها ولسه الصدمه باينه عليهو:ك..كيف يعني وليد وامك عارفين
_امي ما عارفه بس عارفين انا ووليد ونغم امي ما كلمناها علشان خايفين دنيا تموت لانو الدكتور قال حالتها صعبه وعايشه علي الاجهزه ما عايزين امي تتامل ساي
_في اي مستشفي??!
_نفس المستشفي الكنتا مرقده فيهو لما امي كانت مخطوفه
سكت وما رد عليها وعاين ليها وهو بيتامل في تفاصيلها عايز زول يقنعو انو البت دي عمرها 18 البيشوف المسئوليات والمشاكل الفيها بيقول عمرها كم وخمسين
كل البنات الفي عمرها بيكونو اكبر همومهم الميكب حقهم بس وشكلهم وفلان عمل لي وعلان قال لي بس هي غيرهم بتحاول بقدر الامكان تبرد النار الفي قلبها وتجيب حق ابوها وباقي عيلتها هو اكتر واحد عارف ابوها كان بيعني ليها شنو ماف زول في الدنيا دي بيسوي مرتبه ابوها عندها مهما حصل صغيره ومسئولياتها كبيره وكتيره
كل ما يتذكر حالها قبل سنتين ويتذكر حالها حاليا بيحن عليها بتحاول بقدر الامكان انها تدعي القوه بس جواها مكسوره
فاق علي نفسو لما عاينت ليهو وقالت بصوت ضعيف ومكسور:واجعني حال الخزلان يا رايان
"ختت ايدها في قلبها":حتي احلي احساس عند كل بت انا محرومه منو حتي محرم اني احب زيي زي اي بت متين كل دا ينتهي متين ماجد يحبني علشان تخلص كل المسرحيه دي متيييييين يارب











رجعت بيتهم بعد يوم.شغل مرهق كانت عيونها واقعه من التعب دخلت غرفتها وهي جاره رجلينها جر مشت علي جهه الغرفه الصغيره التابعه لي غرفتها كان فيها صور لي ماجد وكل افراد عيلتو ومشخبط كلام كتير في الحيط دخلت وقفلت الباب عليها مسكت واحده من صور ماجد وبدت تقطع في صورو بس ما جاها نفس الاحساس القديم لما كانت تبدا تقطع صورو قعدت في الارض وبدت تبكي وقفت علي حيلها بسرعه مشت علي جهه كنبه كبيييره في نهايه الغرفه فيها مجموعه من الاوراق والخطط فتحت الدرج طلعت علبه الالوان حقتها مع الفرشاه حقتها مشت بجهه الحائط القدامها وبدت ترسم ما كانت واعيه علي نفسها بتبكي وترسم سنتين من اخر مره رسمت اكتر من تلاته ساعات وهي بترسم تغمس الفرشاه في الالوان وترسم وشها اتملي اللوان رجعت لي وراء بخطي بطيئه وهي بتعاين للصوره الرسمتها وبتبتسم كانت الصوره لي ماجد قعدت في الارض بي تثاقل اتسندت براسها علي الارض وهي موجه جسمها علي جهه الرسمه ومبتسمه بس جواها حاسه بشي غريب دايما بذكرها بانو دا عدوها








في جانب ماجد رجع البيت هو ورهف كانت حالتها ماساويه سوزان من شافتهم جات جاريه عليهم وهي مفزوعه مسكت رهف وهي بتسالها لما ما لقت منها رد سالت ماجد ما حس بي نفسو الا وهو بيدفرها لما قربت تقع في الارض وساق رهف وطلع بيها علي غرفتها اداها عصير مع حبت مسكن وقعد معاها لحدي ما نامت


في جانب سوزان رجعت جلست في الكنبه فجاه ذكرياتها رجعت بيها لسنين لوراء.



.....يتبع.......


*اسفه لاني ما نزلتا الحلقه التانيه امس بس الليله باكد ليكم اني حانزلها تاني مواعيدنا كالاتي البارت الاول بينزل الصباح والتاني بينزل الساعه 8 مساء.*


#نهايه_البارت_الخامس عشر.

قصص وروايات ايلاف الطيب

20 августа 2019 09:18

مطعم والفندق بما انو بقي مالك نص المطعم عاينت لي نغم ونظراتها ليهو بتفكر في احساسها وهي واقفه قدام قاتل خطيبها وحبيبها وبي سببو ابوها مسجون ما حست بي نفسها الا وهي بتمشي عليهم جرت نغم من يدها تحت نظرات ماجد ودخلت بيها غرفه تبديل الملابس عاينو الاتنين لي بعض مسااااافه وما هي الا ثواني حتي نغم بدت تبكي حضنتها لين بسرعه وبدو يبكو هم.الاتنين بصوت واطي قعدو في الارض بعد ما فكو بعض لين استندت بي راسها في الحايط:في شي غلط يا نغم
عاينت لي نغم لقتها بتعاين ليها باستغراب بمعني كملي: بخصوص ماجد حاسه في شي غلط في القصه دي في حلقه مفقوده ماجد دا ما بيعرف امي حتي شفتيهو خاطر بي نفسو ومشي معانا لحدي مكان حابسين امي وساعدنا لحدي ما انقذناها ودا كلووو وهو ما بيعرف امي
_قولي انك.حبيتيهو وخلاص!!
_قالت بغضب وكانها بتحاول تنفي تهمه اتهمت بيها:لا يا نغم انتي مجنونه
_نسيتي انو خدع دنيا بي نفس الطريقه الاسي بيتعامل بيها معاكي دا مجرم يا لين الظاهر انك حتخلفي وعدك الوعدتيهو لي ابوكي واخوكي بس انا ما جاهزه اخلف الوعد الوعدتو لي حبيبي ولي ابوي المرمي في السجن منتظرك تجيبي ليهو حقو وامك ما شايفاها انتي ختي نفسك مكانها ولو لي ثانيه خسرت راجلها وتلاته من اولادها قبل ما تمشي بي وراء قلبك زي ما عملت اختك ودمرت عيلتنا كلها فكري في العواقب انتي شكلك حتعيدي نفس الحصل قبل سنتين وحتعملي نفس العملتو دنيا وحتحبيهو وتمشي وراء قلبك
_نغم اها كدي نقول انو خدع دنيا لانو عرف عندها قروش انا بيتي شافو بي عيونو حيخدعني لي
_ ابتسمت:ما قلتا ليكي حبيتيهو وحتعيدي غلط اختك لي عايزه تمشي للموت برجليكي لي عايزه تمشي بالطريق المليان شوك زي ما عملت دنيا وتدمري كل عيلتك عارفه الحلو في الموضوع شنو انكم اختين بتحبو نفس الشخصيه دنيا ماتت وفي قلبها ماجد وموتت معاها نص عيلتها وانتي حتموتي بطريقه ابشع من دنيا والمره دي حتموتي الجزء الباقي من عيلتك وتكملي الناقصه
_انتي عارفه انو دنيا ما ماتت
_اسي الحال الفيهو دنيا دا حال زول حي عباره عن.جثه بتتنفس بس ما اكتر
_.............
_لين ما تدمرينا حاولي سيطري علي نفسك وعلي مشاعرك وابعدي من ماجد وما تجري وراء قلبك
_قامت علي حيلها وقالت بغضب وصوت عالي :ما بحبو انا يا نغم والله ما بحب ماجد ارحميني

ما انتظرت ردها حتي مشت علي جهه الستاره المغطين بيها غرفه التبديل نظام باب وكده مجرد ما بعدتها اتسمرت في مكانها من الصدمه حاولت تبلع ريقها بس حاسه بثقل فظيع حتي ريقها ما عايز يتبلع:م ماجد


.....يتبع........

#نهايه_البارت_للرابع_عشر.

قصص وروايات ايلاف الطيب

19 августа 2019 14:29

السلام عليكم
بعتزر عن الغيبه الطويله دي بس كنتا ماره بظروف وما قدرتا انزل المهم باذن الله التنزيل حيرجع زي ما هو من الليله وحاحاول انزل اكتر من بارت في اليوم بس البارتات حتكون قصيره شويتين علشان اقدر انزل اكتر من واحد لانو عايزه اخلص من الفصل الاول قبل المدارس

*عايزه لي زول بيكتب خواطر لو ممكن يراسلني خااص*
@Elaf_altayeb

وشووكران وعفوا

قصص وروايات ايلاف الطيب

09 августа 2019 16:33

وشادن واحد
_ههههه شكلك ما حتنسي الموقف دا خالص يلا انا داخل علي اجتماع
_حاشتاق ليك برضو الاسبوع دا
_اساسا ما حتكوني فاضيه لانك حتكوني بتتشوي بقعده الدخان
_اعتبرها تعرصه وبالمناسبه بتكلم.معاك من قلب الحدث مرزوعه في الحفره وبتنجض
_يحليلك ياروحي يلا لي بعدين
_حاشتاق ليك برررضو
_اسبوع بس واكون قدامك وشهر بس وتكوني حلالي وتشوفيني لما تزهجي مني يلا بحبك وفي امان الله

قفل منها وهو بيبتسم فتح باب غرفه الاجتماعات وقع نظرو علي ابوهو المرمي في الارض ورقبتو بتنزف وهو مثبت نظراتو عليهو ومادي ايدو وكانو بيطلب مساعدتو رمي الورق وجري علي ابوهو بس ما هي الا ثواني حتي وقف مكانو وهو فاتح عيونو علي وسعهم مجرد ما حس بحاجه مولمه في صدرو واتحول قميصو الابيض لي احمر كانت رصاصه احترقت صدرو مباشره لي قلبو وماهي الا ثواني حتي وقع جثه هامده انتفض جسمو من الرصاصه الدخلت ليهو في بطنو ورصاصه تانيه في كليتو
ابتسم ابو ماجد وهو بيمشي علي جهه محمد ابو دنيا وخلاهو وطلع بعد ما اشر لي رجالو يكملو شغلهم معاهو ويرسلو الجثث البيت
مجرد ما طلع من المكتب بعد مرور زي ساعتين كده طلب من المساعد حقو يتصل بي ماجد
ابتسم المساعد وهو بيتصل علي ماجد وهو بيصرخ:اهل خطيبتك غدرو بينا كانو حيكتلوني ويكتلو ابوك اااااه ابوك بيموت ياماجد الحقنا يا ماجد
وضرب علي الطاوله بقوه علشان مامد يصدقو:اااااااي الحقني يا ماجد
مسك مسدسو واطلق رصاصه في الهواء:ابووك يا.ماجد الحقنا
....وقفل الخط......

دنيا كانت في المكتبه بتختار كتب لما اتصل بيها مدير اعمال ابوها وحكي ليها انو ماجد غدر بيهم هم (كلهم مفتكرين انو ماجد هو الكان ماسك الاجتماع بس الكان ماسكو ابوهو)

وقعت كتبها مجرد ما قال ليها وهو بيبكي:كتلو اخوكي يا دنيا كتلوهو  
جدعت التلفون وهي بترجف رفعتو لما لقت مكالمه من ماجد احمرت عيونها ردت جاها صوتو القوي:قابليني في****

طلعت بسرعه ركبت عربيتها كان في هواء  بشكل فظيع دليل علي انو المطره حتصب مشت علي المكان الوصفو ليها ماجد كان عبااره عن ارض زراعيه كده قاااااحله مافي اي اثر للحياه بس في ظلط وحتي فضلت في العربيه منتظره وهي بتبكي رفعت راسها لما سمعت صوت سيارتو الواقفه قدامها مباشره نزلت بسرعه حتي نست تقفل الباب وهو بنفس السرعه ماشين علي بعض بسررعه مجرد ما وقفو قدام بعض ما حست بيهو الا وهو بيخنقها:يا نصابه
_دفرتو من كتفو:يا حيوان يا مجرم لو عايز قروش كان تكلمني بديك قدر العايزو وزياده
_قطع كلامها:ابوكي النصاب وييييين هههههه ابي خلاص ماااات علشان تاني تحاولو تقربو ولا تلمسو شعره من ابوي
_شهقت بصوت عالي وهي بتضربو في صدرو وبتبكي بحرقه:ياخ حرام حرام عليك انا حبيتك اتحديت اهلي عشانك كنتا دايما بحكي لي اختي عنك ب.. بقول ليها انك بقيت كل اهلي وفي الاخير تخسرني اهلي يا حيوان بكرهك انا بكررررهك ياخي يتمتني يا ماجد خلاص بقيت يتيمه بسببك يا ماجد كسرتني وانا الكنتا فاكراك حيطتي البميل عليها لما اتكسر كسرتني يا ماجد خسرتني سندي يا ماحد ابووووووي
_شداها من شعرها بقوه وملامح وشو ما مبشره بالخير وهو بيقول بصوت عالي:دور القطه المغمضه دا ما لايق عليكي خااالص علي اساس ما عارفه ابوكي واخوكي اولاد ال****** عملو شنو
_وهي بتصرخ:ياخ انت ما انسان ياخ انت ما ماجد الانا حبيتو مستحييل تكون انت

لزتو منها ومشت علي عربيتها وهي بتبكي فضل واقف في مكانو وهو بعاين ليها وهي بتبعد اتذكر كلام مساعد ابوهو لما قال ليهو:كتلو ابوك

فكره انو ممكن يخسر ابوهو جننتو ما حس بي نفسو الا وهو بيمشي بسرعه مسكها من يدها مجرد ما التفتت عليهو مسكها من شعرها وهو بيقبلها في شفتها وكانو بيحاول بفرغ غضبو ولا شي من القبيل دا
بعدت عنو وهي بتاخد انفاسها ما وعت علي نفسها الا وهي بتغرز اصابعها في خدو دليل علي كف ومشت خلتو واقف متنح في مكانو ركبت عربيتها وهي بتبكي اكتر رفعت تلفونها اتصلت علي لين:
_قالت بصوت متشحرج وهي بتبكي بصوت عالي يقطع القلوب:لين القدر لعب معاي لعبه قذره يا لين كلامك طلع صح
_لين وهي بتحاول تهدي فيها وبلهجه حاده:اهدي وبطلي بكاء وفهميني الحاصل شنو
_قالت وهي يتمسح دموعها الما عايزه توقف بكف ايدها:ماجد يالين ماجد.... وبابا يالين دا كلو بسببي تعالي لي انا محتاجه ليكي يا لين
_بصوت هادئ:استغفري ربك واحكي الحاصل شنو والله انا ما فاهمه منك اي حرف انتي وين اسي
_سايقه العربيه وما عارفه نفسي ماشه وين يالين تعالي
_طيب انتي بس اهدي وكل شي حيكون بخير
_ماجد با لين ماجد....
صرخت بصوت مدوي لما شافت شاحنه كبيييره جايه عليها ومحمله بقطع حديديه

ماجد كان ماشي علي جهه عربيتو التفت بخلعه لما سمع صوت ارتطام عااااالي جدا عاين لي عربيه دنيا جري عليها بسرعه كانت دنيا مهروسه تحتها وبسرعه طلعها كانت شظايا الزجاج ماليا جسمها وفي واحده جنب رقبتها مسك ايدها وهو بيبوسها وبيحنسها تصحي خت ايدو في انفسها بس ما حس بانفاسها فضل يصرخ زي المجانين وهو بيهز ف

قصص وروايات ايلاف الطيب

09 августа 2019 16:33

~الفصل الاول~
#احببته_في_انتقامي
البارت الثالت عشر

كانت حاضنه امها شويه وسمعت صوت حركت الزناد عاينت وراها اتصدمت لما شافت عادل وراها ومصوب المسدس علي راسها وهي جالسه وهو واقف بحركه سريعه مسكت المسدس من ايدو بس قبل ما توجهو ناحيتو ضربها بوكس من امو لما رمت المسدس عاينت ليهو كان مثبت نظراتو علي المسدس جرو هم الاتنين مسكوهو في نفس الزمن فضلو يتصارعو فيهو وهي بتحاول تقلعو منو وهم ماسكينو علي فوق شويه وسمعت صوت وليد وامها وناس رهف وهم بيصرخو خايفين عليها وما هي الا ثواني من صرخه وليد حتي علي صوت اطلاق نار صرخت حنان بصوت عالي:ليييييين
رجعت لوراء بخطوات بطيئه والمسدس وقع في الارض بلعت ريقها وهي بتشوف عادل واقع في الارض وفي رصاصه في نص قلبو ما عرفت لي فجاه اتذكرت اخوها مومن كانت موتو بنفس الطريقه المات بيها عادل بس الغايات مختلفه......
حست بي وليد جاء عليها وحضنها من وراء وهو بيهمس في اضانها بكلمات بس ما فهمت منو اي شي رفعت ايدها وختتها في ايدو المحاوطها بيها وفكت نفسها منو عاينت ليهو مسافه وخلتهم وطلعت ركبت سياره ريان مرت زي ساعتين كده حتي طلعو ليها بره وليد جاء اتكل جنب الشباك اخد نفس عميق:
وليد:اتصرفنا مع يوسف قال هو الخيهتم بي موضوع عادل وانها قضيه دفاع عن النفس فما تخافي وغير كده هو الاطلق الرصاصه ما انتي
عاينت لي ماجد الكان واقف ورا وليد وابتسمت ابتسامه صفرا:منو القال ليك انا خايفه هو المفروض يخاف

ماجد افتكرها قاصده فادي.......
ركبو العربيات وناس يوسف فضلو في مكان الحادثه لحدي مايجي الاسعاف
عاين لي سياره ريان القدامهم وهو بيفكر في لين كيف قلبها قوي عمرو حياتو ما اتصور يرفع مسدس خلي يكتل زول لي وهله كده اتذكر دنيا يتختلف كل الاختلاف عن لين كانت مرحه وضعيفه وبتحتمي بغيرها بس لين قويه وعنيده ابتسم بهدو احساس غريب بدا يتكون ليهو اتجاه لين......
اخد نفس عميق وهو بيتذكر دنيا:

Flash Back:
نقزت لما شافتو اتحرك داخل المنتجع لي لحظه كانت عايزه تبكي وهي بتخوض صراع بينها ومشاعرها صرخت بصوت شبه عالي:وانا كمان بحبك
التفت ليها وهو مبتسم مشي ناحيتها:اوعديني انك تاني ما تلبسي شي غير العبايات
هزت راسها بالرفض:لا صعب والله
احتدت ملامحو:دنيا
هزت راسها مجامله:اوكي بحاول لاحظ قلتا بحاول
فضلو يتونسو مسافه مسك ايدها ومشي بيها علي اخر قنديل مسكوهو هم الاتنين وطيروهو لفوق سواء وهم بيضحكو...
قعدو اتونسو مساااافه واي زول رجع غرفتو
تاني يوم من الصباح دنيا صحت بدررري شديد لانو الليله عندهم مشروع جديد مع المجموعه لبست بنطلون جينز اسود وقميص رمادي اكمامو طويله ورفعت شعرها ذيل حصان وهي مطلعه شويه خصل واكتفت بي روج كبدي وطلعت مشت علي غرفه ماجد كان الباب مغتوح وماف اي زول غير ماجد النايم عفست ملامحها وهي بتشيل مخده من السرير التاني وتنزل فيهو ضرب بس لا حياه لمن تنادي ولا استغل بيها الشغله مشت المطبخ جات راجعه وهي شايله ليها جردل كبييير مليان مويه ونست انهم في مكان كلووو ثلوج والجو بارد والمويه حتاثر علي صحتو وشوووووو كبتها فوقو وجرت بره وهي بتضحك وسامعاهو جوه بيصرخ باسمها فضلت واقفه جنب الباب زي ربع ساعه كده حتي جاها طالع مشي من جنبها ولا عبرها حتي نظام زعلان وكده ضربتو في كتفو وهي عافسه ملامحها كان شكلها مضحك جدا ما قدر يستحمل فك ليك الضحكه
طلعو بره سوا مشو علي جهه مجموعتهم برنامج اليوم كان مشروع مناطيد دنيا عااايزه تموت فرح ركبو المنطاد ودنيا دي ما صدقت ختت ايدها في باندتها وفكت شعرها وهي بتضحك بمررح قبلت وراها مسكت ماجد لانو كان واقف وراء شويه وهي بتاشر ليهو علي المنظر كان حاجه كده من الموووت مع انهم حيموتو برد لانو ما لابسين جكتات
ماجد دا بس واقف ويحمر ليها منتظر ينزلو من المنطاد فضلو زي ربع ساعه كده حتي المنطاد هبط بيهم في المنتجع نزلت وهي خاته ايدينها في راسها زي الدايخه كده وهي بتضحك عاينت لي ماجد بلعت ريقها من نظراتو ليها فتحت خشمها ترد بس هو سبقها:لمتين حنفضل معلقين في السيره دي
_عفست ملامحها بضجر:ماجد
_للمره الالف قلتا ليكي ما تلبسي كده
_عاينت ليهو وقالت باستهزاء:ماجد انت ماليك اي حق انو تتحكم في لبسي انا عندي اب واخ هم اولي منك في النقطه دي
_بس حاليا انتي مرتبطه بي انا ولو ابوكي واخوكي ما شافو شغلهم معاكي انا لي كلام تاتي خالص معاكي
_لاحظ انها المره التانيه تطعن في شرفي وانا اسكت لو ملاحظ يعني
غمض عيونو وعض علي شفتو بندم ما كان منتبه لي كلامو:اسف حبيبتي بس والله بحس بنار في قلبي لما اشوفك كده ولا راجل تاني يشوف فيك اي شي انتي كده بتبيني انك متاحه لي جميع الرجال بس لو سترتي نفسك
(ومسك خصله من شعرها):ولميتي شعرك السمح دا امورنا حتظبط
عاينت ليهو بعيونها المحمره وخلتو ودخلت جوه وهي بتتكلم نع نفسها:قال بشوف شغلي معاكي قال عاقد علي وانا ما عارفه ان شاء الله  بمشي عريانه ما ليهو اي دخل فيني
وقفت لما حست بزول مسكها من يدها عاينت ليهو كان ماجد

قصص وروايات ايلاف الطيب

04 августа 2019 19:21

ه باكيه:دي انا يا امي لين
قبل ما تسمع رد امها حتي ماجد فتح الباب فتحت الباب بسرعه دموعها نزلت مجرد ما شافت امها جرت ناحيتها فكت ليها الحبل الفي ايدها وما وعت علي نفسها تاني الا وهي بتحضنها بقوه وتبكي في حضنها وانها بتبوسها وبيبكو بصوت عالي

ماجد عاين ليهم وابتسم نقز لما حس بزول مسك ايدو عاين ليها كانت رهف اتصدم لما لقاها بتبكي ولما وشها حمر وبتعاين ليهو بنظراتها وكانها بتسالو «لي امنا ما كده??!
لي احنا ما عايشين حياه طبيعيه زي لين??!
لي حاسين انتا يتيمين بالرعم من انو اهلنا عايشين وامنا معانا في تفس البيت??!»
اسئله كتيره حساها من نظراتها ليهو بس هو زاتو من لما كان صغير بيسال نفسو كل الاسئله دي
مسكها وحضنها عليهو وهي بتبكي احساس مولم لما امك تكون عايشه معاك في نفس البيت بس برضو بتحس نفسك زي اليتيم عاين لي لوي وريان الحو داخلين وشافوهم ريان لما اتصدم لما شافها بتبكي وانشغلو كلهم مع رهف لدرجه ما انتبهو حتي للحاصل لما بعد رهف عاين لي عادل الموجه المسدس في وش لين


كانت حاضنه امها شويه وسمعت صوت حركت الزناد عاينت وراها اتصدمت لما شافت عادل وراها ومصوب المسدس علي راسها وهي جالسه وهو واقف بحركه سريعه مسكت المسدس من ايدو بس قبل ما توجهو ناحيتو ضربها بوكس من امو لما رمت المسدس عاينت ليهو كان مثبت نظراتو علي المسدس جرو هم الاتنين مسكوهو في نفس الزمن فضلو يتصارعو فيهو وهي بتحاول تقلعو منو وهم ماسكينو علي فوق شويه وسمعت صوت وليد وامها وناس رهف وهم بيصرخو خايفين عليها وما هي الا ثواني من صرخه وليد حتي علي صوت اطلاق نار صرخت حنان بصوت عالي:ليييييين


......يتبع.......

قصص وروايات ايلاف الطيب

04 августа 2019 19:21

                   ~الفصل الاول~

¤البارت الثاني عشر¤
_همس بخفوت من وقع الصدمات الوقع عليهو:كيف يعني قصدك شنو تجيبي حقهم???!
_وقفت علي حيلها اتكلت باصابعها علي الطربيزه الهم جالسين فيها ابتسمت بجنون وهي بتقول ليهو:حانتقم منهم
التفتت وهي ماشه منو فتحت عيونها علي وسعهم وانحبست انفاسها لما شافت ماجد ورهف ولوي وعهد واقفين وراها.......
عاينت لي ماجد الاتقدم ناحيتها وهو خاتي ايدو في جيبو ابتسم بهدوء بعد ما نزل راسو وبقي وشو مقابل لوشها قال بصوت خافت:اياً كان العايزه تنتقمي منو دا ما بتخافي انو تحبيهو او هو يحبك وبالذات لانك بتتحبي???!
اتنفست الصعداء يعني سمعو بس نهايه نقاشهم كانت عايزه ترد بس قاطعها صوت رنه التلفون كلهم سكتو رفعت التلفون وشافت كان رقم غريب بدت ترجف بخوف وهي بتحول نظراتها علي الموجودين وكلهم بيقولوا ليها ردي يا لين
واصواتهم مع بعض وهم بيضغطو عليها وترتها اكتر عاينت لي ماجد القلع منها التلفون واشر لي ريان يرسل للشرطه علشان يكونو مترقبين موقع المكالمه فتح المكبر ومسك التلفون وخلاهو مقابل ليها انتفض جسمها لما سمعت صوت فادي النشاز المقرف: اهلين بمدام فادي
_اخدت نفس عميق:اختصر وهات ذبدتك
_صرخ بغضب وهو بيضغط علي الكلمات:اووول حاجه اقفلي المكبر وابعدي من المعاك ديل
فتحو عيونهم علي وسعهم وهم بيتلفتو حوالينهم مسكت التلفون من ماجد بس هو ابي يفكو وخلاها توقف مكانها قلعتو مجرد ما سمعت صوت فادي وهو بيامرها:عارفاني ما بحب اعيد كلامي
خطفت التلفون من ماجد ومشت بيهو بعيد شويه عنهم اتكلت في الحائط تبع السطوح وهي بتبلع ريقها بخوف وبتحول نظراتها حوالين المكان عسي ولعلي تشوفو:
_ما تتلفتي ساي ما حتشوفيني لاني ما قريب ليكي يا قطه فاكراني متخلف ولا شنو اجيكم بي رجليني
_ما فهمتك!!!!!
_وحالتو بيقولو عليكي ذكيه بيراقبكم زول تاني وبيوريني كل حركاتكم يا مدااام فادي
_اسي انت اتصلتا علشان تمغصني فوق ما انا ممغوصه للمره المليون هات الخلاصه!!!!!

*قبلت وراها عاينت لي ريان الاشر ليها تكمل اكتر وتجرجرو في الكلام لحدي ما يترصدو مكان المكالمه اضافه لي انهم سامعين حديثهم لانو خاتين جهاز تعقب*
_قال بحنيه غير معهوده:لييييين يا بت انتي لي ما عايزه تفهمي انا بحبك والله بحبك جاهز اعمل اي شي علشان رضاكي
_فاكر لو خطفتا امي حارضي مثلا عارف بحركتك دي خليتني اكرهك اكتر
_يا بت انتي لي ما عايزه تفهمي والله بحبك ياخ لو عايزه اسي بعقد عليكي البت بتتمني شنو اكتر من راجل شاريها??!
بتتمني شنو اكتر من راجل يحفظها ويسترها??!
حتقولي لي قرايتي??!
طيب سوال شهادتك دي حتعملي بيها شنو مصيرك تتزوجي وشهادتك تروح في الف دهيه
_اخدت نفس عميق بعد ما قبلت علي ناس ماجد بي جسمها وهي بتتكل بي ايدها علي الحائط المتوسط الطول تبع السطوح وهي راسمه ابتسامه جميله ومثبته نظراتها علي ماجد البيعاين ليها ومنتظر يسمع ردها علي كلام فادي:للاسف دي صوره المره الانت راسمها في خيالك وللاسف مره تانيه انها ما بمواصفاتي ابدا!!!!!
مين القال ليك انو البت سترتها عند راجل???!
البت بالجد لو عايزه الستره لي نفسها مفروض تبعد من الرجال وليس يكون سترها عند رجال
المهم دا ما موضوعنا اتصلتا لي???!
_ليييين باختصار بعد خطفنا امك الليله كنتا بتكلم معاها كانت بتتوسلني بطريقه مثيره للشفقه اترجتني انها تشوفك بما انو الليله اخر يوم ليها اتزلت لي وفي النهايه انا انسان عندي قلب علشان كده حاديها فرصه تانيه لو عايزه تشوفي امك مره تانيه ما عندك غير حل واحد وانتي عارفاهو
_صرخت بقهر وهي بتقاطعو:مستحيييل اتزوجك فادي مستحيييل سامعني ولا لا بكرهك
_اخخخخ ما احلاها الجمله دي من خشمك الليله تقابليني في****** حانتظرك ومعاي الماذون مواعيدنا الساعه 9 جيتي جيتي ما جيتي عمي عادل الساعه 9 بالضبط حيفرغ المسدس في راس الوالده المصون

ما اداها فرصه حتي ترد عليهو وفقل الخط في وشها رجعت لوراء بخطوات بطيئه نقزت لما حست بشي وراها كان الحايطه غطط وشها بيديها وبدت تبكي بحرقه ماف زول فيهم مشي عليها لانو عارفين حالتها صعبه فضلت تبكي قرابت النص ساعه وبعدها مشت عليهم شالت جك المويه وغسلت وشها المحمر من البكاء عاينت لي ريان الجر ليها كرسي قعدت وهي مثبته نظراتها في ماجد نفسها اقوم تخنقو وتنتهي منو شويه كده وتلفون ريان اتصل اتكلم زي دقيقتين كده وقفل عاين لي لين وقال:الضابط طلب مننا نجي القسم
قامت بهدوء نزلت تحت وقفت جنب عربيه ريان شافتو جاي مع ناس ماجد ركبت عربيه ريان والباقين كلهم مع ماجد حست بالندم انها حكت لي ريان عاينت لي ايدو السايق بيها اصابعو كانت بترجف حتي من لحظه ركبو وهو ساكت اول مره تشوفو كده
_
_
_
_

وصلو القسم لقو الضابط واقف ليهم بره ومعاهو تاتشرين مليانين بالضباط بعد سلم عليهم قال ضابط يوسف وهو مثبت نظرو في ريان:اتبعنا مكان المكالمه وفي سيارتين اتقدمونا لي مكان الخطف يشوفو الاوضاع واحنا اسي حنلحقهم اولا ثانيا ماف بت حتعتب معانا دا لي

قصص وروايات ايلاف الطيب

02 августа 2019 13:25

لي كان بودي لو اشوفها قبل ما تموت خبر موتها كان بالنسبه لي زي الصاعقه لانو كان ليها فتره طويله جدا ما شافتها لانها في تركيا💔💔
اتزكرت لما اتصلت حكت ليهم عن ماجد وانهم عايزين يكملو سواء هي فرحت جدا نزلو تركيا وقابلت ماجد يوم التعارف للان ما قادره تصدق العملو فيهم بعد خطوبتهم قررو العيلتين يدمجو شركاتهم ويوحدوا اعمالهم وفي اخر يوم علشان الصفقه تتم وبدمجو الشركات غدروا بيهم بعد ما اخدو شركاتهم💔💔💔استغفرت وهي بتدعي ليها بالرحمه والمغفره وحسن السوال في القبر(ام ناس لين للان ما عارفه انو دنيا حيه ما كلموها لانو عارفين حاله دنيا حرجه وبينها وما بين الموت شعره وما عايزين امهم تتامل علي الفاضي وبعدين يخسرو دنيا وترجع لحالتها الاولي لما خسرتها💔💔)
لين:البت دي عندها حضور قوي حضور يخلي المكان يتملي بوجودها حتي لو كانت ساكته حضور ما شافتو الا عندها وعند ابوها
ابتسمت بخبث:الله يعينك يا ماجد علي المنتظرك
اتذكرها من وهي صغيره كانت تكبر قدامي كنت احسها تسابق الزمن...وسبقته....كنت احسها بتتحدي الزمن....وتفوز....كانت بتحركنا زي اللعبات عندها...واحنا غصبا عننا نسوي الهي عايزاهو....كانت اذا عايزه شي تلزق فيهو وغصب عننا نسويه بالرغم انو ما بتكون عايز تسويه الا هي تجبرك عضب عنك تسوي الهي عايزاهو من لحظه تعاين لي بعيونها ونظره الترجي فيهم كنتا انجبر اسوي الهي عايزاهو......كانت من هي صغيره لعوبه وحقها مابيضيع....وياويلو ويا سواد ليلو البيدوس ليها علي طرف😂😂😂....كل الاطفال كانو ييخافو منها رغم انهم اكبر منها بس هي كانت قويه وحقها ما يضيع ابدا.....عكس دنيا اليومها كلو لازقه فيني....ولو زول صرخ في دنيا علي طول بتبكي....عكس لين النادرا ما تبكي...
كان فيها شي غريب...كنتا بحس انو عندها قوه ما طبيعيه.....دائما اتجنب ازعلها من وهي صغيره بعمل ليها البتطلبو....كنت في كتير من الاحيان افضلها علي باقي عيالي.....كنت اخاف بمجرد ما هي تغضب.....لانها كانت بتذكرني بابوها....مع انها مابتشبه ابوها نهائيا.....بس نفس النظرات الحاده......نفس الغرور....وعزه النفس....اكتر من موقف حصل وهي كانت بتثبت لي فيهو انها زي ابوها واحد لما تغضب......
نصهم كان يتجنب لسانها الطويل واذا لسع العياذه بالله منو....ونصهم كان متيم بها...خاصه بملامح لين الحلوه لدرجه ما بتتقاوم....كانت كوبي مصغر مني...بس لين اتجاوزت جمالي بمراحل كبييييره....القوه والحيويه والنشاط والحده والذكاء اليشع من عيونها....شخصيتها القويه....وغرورها الكبير....وذكائها الحاد.....كان مخليها متميزه عن الكل....
ابتسمت بمحبه وهي بتكمل تفكير وبتردد في دواخلها:لعوبه وقويه ومغروره وذكيه وحقانيه....ما بتخلي حقها ابدا....ما تسامح ابدا...والخوف ما بتعرفو....والله حتتطلع كل شي من جوه عيونك يا ماجد...تربيتي...مافي مخلوق بيكسرك يا ماجد غير بتي.....من اللحظه دي حاسه بالشفقه ناحيتك......عمري حياتي ما اتمنيت اكون عدوه للين...حسب معرفتي ليها وباكتر من موقف صدمتني....كل ما اقول دا حد قوتها....تصدمني اكتر....منو البيكسر التاني يا ماجد؟!
انت ولا الربيتها انا؟!
(طبعا الكلام دا كلو هي بتقولو في سرها علشان كده الصيغه الاتكلمت بيها كانت مختلفهه وكانو هي البتحكي بتتكلم بصيغه انا لانو في سرها )

~.~.~.~.~.~.~.~.~.~.~
~.~.~.~.~.~.~.~.~.~.~
~.~~.~.~.~.~.~.~.~.~
~.~.~.~.~.~.~.~.~.~.~

فتحت عيونها ببط رجعت قفلتها تاني رمشت كم مره وهي بتحاول بتستوعب وين هي عاينت للبت البتنظف جنبها سالتها بهدوء وصوت هامس:انا وين؟!
ابتسمت بهدوء فتحت خشمها ترد بس قاطعها صوتو الخشن:اتفضلي اطلعي ياميرال لو خلصتي نظافه
عاينت لي ريان البيبتسم وجاي عليها:انتي حاليا في ضيافتي جبناك من المستشفي لي بيتي يا ريحانه
ضحكت لا اراديا لما ناداها بريحانه هو بيناديها بالاسم دا من لما كانو صغار لانها بتحب شجر الريحان واوراق الريحان وبتعشق اي شي ليهو علاقه بالريحان:ريحانه انتي ظالمه اخوكي عارفه هو للان ما غمض ليهو جفن وبيطلع كل يوم يفتش امك ما خلي مستشفي لا خلي مسجد وهو بيفتش عليها بالغتي في حقو
ابتسمت بالم وقبل ما ترد قاطعتها ميرال الخادمه:استاذ ريان لو ممكن تطلعو علشان انظف الغرفه؟!
صرخ في وشها بنفلذ صبر اعصابو بايظه بما فيهو الكفايه ومالقي غيرها يتفش فيهو:طيري تعالي نضفيها بعدين
ميرال:بس ماما عواطف قالت انظفها اسي
ريان بنرفزه:الجابك شغلك انا ولا امي انا صح فشنو اسمعي كلامي بخشم ساكت
لين:مالك هبيت فيها واكلتها بقشورها المسكينه بتنفذ اوامر امك
عاينت لي ميرال:خلاص اوكي اسي بنطلع

عاينت لي ريان واشرت ليهو انو يطلعو من الغرفه طلع بعد ما ادي تعليمات لي ميرال انو ماف زول يطلع ليهم فوق طلعو السطوح الجو كان خرااااافي عاين لي لين كانت شارده ولابسه ليها شال لافاهو حوالينها وشها ذابل بمعني الكلمه:شكلهم ما ناووين يتصلو
اتنهدت بضيق:الله ياخدك يا عادل ويوريني فيك يوم
ريان باستفسار:لين ممكن

قصص وروايات ايلاف الطيب

02 июня 2019 00:15

ها من جنب الدولاب وبدت تفتش هي:اقول طيري
ابتسمت لما لقت لبسه كويسه ودخلت الحمام عاينت ليها رهف وهي رافعه حاجبها:لين الله كم؟!
دا شنو البهدله دي.
قالت وعي بتلف حوالين نفسها وتتمعن في الفستان الابساهو:حراااام والله حلو
هزت رهف راسها بعجز:الله يطولك ياروح
كانت لابسه فستان اصفر مع بنطلون الجينز حقها كان شكلها شبه مبهدله😂
كانت طالعه وقفت علي صوت رهف:وين علي وين ماشه؟!
_والاكل حتعملو حبوبتك يعني
_لا يعني انتي نازله كده
_ايواه وفيها شنو
_اتكسري يا بتي علي الاقل ختي نقطه مكياج
عفست ملامحها بقرف:نعم ياروح امك!!
_يا لين ارحمي نفسك انتي بت اتطزبطي وخليكي زي البنات
_انا في شي جواي اسمو جعفر بيمنعني من البهدله دي
قالت باستنكار:بهدله؟
يالين الانتي فيهو دا ياهو البهدله علي اصولها
_رهف اختصري والله والله نقطه من الزفت دا ما اخت وانتهينا
_خلاص اسكتي وارح معاي
طلعوبره وهم بينزلوا في السلالم عضت لين علي شفتها وهي متردده:ر..رهف
_نعمين
_انتي العروس مفروض حاليا تكوني في الكوفير بتتجهزي للخطبه لي بتجهزي هنا وشغاله مع العمال وين امك؟!
ردت بهدوء: ماما سافرت عندها شغل مهم
كانت حاسه بالحزن من نبره صوتها معقول في ام ما بنحضر خطوبه بتها!!!
دخلت المطبخ وهي بتتحسبن في سرها علي سوزان.....
قضت قرابت الاربعه ساعات في المطبخ وهي شغاله ومن الصباح ما قابلت ماجد كان فاضل ليها بس الكيك قعدت في كرسي بي تعب وهي ناسيه الكيكه الفي الفرن بعد مسافه شمت ليها ريحه حاجه بتتحرق قامت بفزع وبحركه لا اراديه شالت الصينيه بي ايدها وحرقتها بس كان حرق بسيط وعادي بس حارقها ختتها في الطاوله وجرت بره المطبخ وهي بتهف علي ايدها وماشه غرفه رهف تشيل منها مرهم للحروق كانت طالعه السلالم بسرعه وقفت لما حست انها اضربت مع زول رجعت لوراء صرخت لما ضاقت رجلها علي السلم وكانت حتقع بس ربنا لطف......
عاينت ليهو بقهر لانو طقشها كانت ملامحو باهته والهالات حول عيونو حتي لحيتو زادت عن اول الظاهر انو من تعب تجهيزات الخطوبه
نزلت بصرها لما حست بنظراتو الحاده اتخطتو ومشت:ايدك مالا؟!
رفعت حاجبها باستنكار:بيهمك في شي؟!
ابتسم بارهاق:جعلك لهذا الحال واردي
حركت خشمها ترد بس قطعت كلامها علي صوت تسنيم الملو مياعه:مجوووودي🐸🐸
عاينت لي لين من فوق لي تحت:حبيبي مش اتفقنا تاني ما تقيف مع خطافه الرجال دي
فتحت عيونها علي وسعهم وهي بتستوعب كلامها:بشنو اتفضلتي؟!
خت ايدو في خشمو وهو بيمنع ضحكاتو وهم بيتناقرو مسك تسنيم ونزل بيها وهي لسه بتردح

جات مواعيد الخطوبه والبيت بداء يتملي بالناس انخفضت درجات الاضواء واتسلطت علي السلم التفت كل الموجودين لرهف النازله ومعاها عهد ولين كانت للابسه فستان بنفسجي اكتافو مكتمله وجاي علي جسمها اكتافو شفافه وفارده شعرها علي طولو واكتفت بمكياج بسيط وجميل
اما لين كانت لابسه فستان اسود اكمامو طويله عاكس عن لون بشرتها البيضاء ضيق من الخصر والصدر وفاااري من تحت وخاته شويه ميكب اظهر ملامحها الجميله ومحجبه ممكن نقول انها الوحيده الكانت محجبه احمرت خدودها من ما زاد جمالها من نظرات ماجد ليها......
كل الضيوف كانو بيمدحو في الطباخ وفي اكلو وبيشكروها وهي فرحااانه
لبسو الخواتم وبدت المباركات مشت علي جهه عهد ولوي وماجد اتكلمت مع عهد شويه ابتسمت بمضض لما لوي ضرب عهد بي كتفو وهو بيغمز ليها وبيقول:شويه وحنكون مكانهم وتكوني حلالي
امتقع وشها من كلامو وليد الليله صواميلو حتفك...

كان بيعاين لي اختو بحنيه خلاص بقت مخطوبه وبقت عروس كان ملاحظ لي نظراتها وكانها بتفتش عن شي اكيد هي زيها زي كل البنات امنيتها انو امها تشاركها يوم خطوبتها نظراتها كانت مثبته علي الباب وكانها منتظره دخول امها في اي لحظه بينذبخ لما يشوفها كده ابتسم وهو بيشوف ام ريان واختو جو عليها باستها في راسها وهي بتزعرد وفرحانه وتشيل وتحضنها....

كان واقف جنب ماجد يعاين ليهو بنظرات كلها كره وحقد نفسو يكتلو ويخلص منو بس حيجي يوم وياخد حقو من جوه عيونو نقز علي ايد بتتخت في كتفو:لوي وين صافن اي ساعه بتكلم معاك
ابتسم بتوتر لي عهد:لا ماف حاجه
______________________________________________

في جانب حنان ام لين:

كامت جالسه في مصلايتها وهي بتسبح نقزت علي صوت فتح الباب عاينت لي عادل وفادي الجو داخلين وهو شايل عصايه تخينه صرخت لما ضربها بقوه في ظهرها ونزل فيها ضرب بالعصايه وهي بتصرخ باسم لين وتستنجد بيها بس ويييين
قامت علي حيلها وبسرعه جرت غرفه لين ادست وراء السرير كانت سامعه صوت خطواتو وهو جاي عليها مسكها من شعرها وشداها وقفها علي حيلها وشو مواجه لي وشها شداها من شعرها وهو بيجرها وراهو ضاق بيها الخناق بعدت ايدو من ايدها بقوه فادي عادل عاين ليها بنظرات ناريه ولزاها بقوه لدرجه انو راسها اضرب بطاوله الزجاجيه صرخت لما جاء عليها فادي وهو شايل سكينتو كانت بتعاين لي دمها بشويش وهي بتهمس باسم بتها وعادل جارها من شعرها ودمها مالي المكان وبعدها ما وع

قصص وروايات ايلاف الطيب

02 июня 2019 00:15

لين:ماف داعي
عاين ليها وكانو فهم قصدها:ما حتقدري لي كل دا براكي
التفتت وخلتو من دون ما ترد عليهو رجعت وهي لابسه ملابس نظافه وجاره قدامها عربه النظافه فيها كل المستلزمات الحتحتاجها..
ريان وماجد نزلو تحت...
ماجد: ريان اتصل بصحبتك دي ليها اكتر من 3 ساعات فوق
ريان بخوف:لا لا لا مستحيل بخاف تجدعني بالمكشاشه من فوق ما بتحب زول يقاطعها اثناء شغلها
_هي دائما عصبيه واخلاقها ضيقه كده؟!
انتهد بضيق:لا ابدا ماجد لين دي واحده من اطيب البنات القابلتهم متذكر لما كنا في المدرسه ما كانت بتصادق اولاد ولا بتتكلم معاهم وانا بصعوبه بااالغه حتي قدرتا اكون صديقها المقرب بس كل اللهي فيهو دا بسبب الحقير
قطع كلامو رنه تلفونو كانت رساله من لين بتطلب منهم يطلعو ليها فوق
(هو عارف بي قصه ناس لين وانو غدرو بيهم بس ما عارف منو بالضبط الغدر بيهم وما عارف انو ماجد.......
و هو كان عارف انو ماجد خاطب بت اسمها دنيا بس برضو ما عارفها دنيا اخت لين يعني هو ما ناقش حنانو)
طلعو السطوح كان كل شي نظيف ومرتب المسبح مليان مويه وكل شي جميل مرر اصبعو في طرف السياج وهو بيتحسس اصبعو:عملها نظيف بتستاهل زياده راتب
ريان بهحوم:اياااااك لو عايز ايدك ترجع ليك مقطوعه جرب انو تزيد ليها جنيه واحد حتعتبرها صدقه منك
وهي اساسا بتشتغل معاي لاني صديقها ما اكتر يعني ما بيهمها القروش...
_ما قادر افهم البت زي العجائر ما بتقدر تفهمهم
قطع كلامو صوت فتح باب المصعد وطلعت منو لين بعد ما استحمت وغيرت ملابسها كانت لافه شعرها المبلول بمنشفه ورديه وشكلها طفولي جدا
صفر ريان باعحاب لشغلها وهو بيعاين ليها وبيصفق...
انتقدمت منو بخطوات سريعه ضربتو في كتفو بقوه وهي بتقول بعتاب:انت...اخرس يا فوضوي.... المكان عامل وكانو اعصار تسونامي مر من هنا ليهو حق ابوك ما يخليك تمسك مسئوليه المطعم
مرر ايدو مكان الضربه ورد بتبرير:النظافه ما واحده من اولوياتي وهوياتي عايزاني اشيل مكشاشه واقيف انظف مثلا؟!
هزت راسها بفقدان امل:جعلك للساحق والماحق
ابتسم ماجد من قلبو عليهم عاملين زي ام بتشاكل ولدها الصغير لانو وسخ البيت😹😹🐸
بعد مسافه جلسو كلهم وقف ريان وهو بيقول:حابين تشربو شنو
لين: عصير فريز
ماجد:كبايه نسكافيه
هز راسو وطلع يجيب المشتريات
كان حاسي بنظراتها بتعاين ليهو بطرف عينها بادر هو بالكلام:رايك شنو تديني اقتراحات للسطوح ونضيف تعديلات للمطعم ما دام ريان حاله ميئوس منها
عاينت ليهو وهي بتحاول تكتم ضحكتها:المكان حيكون حلو لو جبنا لينا زهور طبيعيه وبغض التربه الرمليه
قاطعها وهو بيقول:ونزين المكان بلمبات صغيره ملونه
قالت بحماس:ايواه ونقلب المسبح لي حوض اسماك
__ونجيب بنات متخصصات بالمساج والمكان دا نقلبو وكانو شاطي تكون مسترخي وبيعملو ليك مساج
ابتسمت بحماس وهي بتصفق:ونشيل الاصايص والزهور الذابله ونزرع مكانها زهور جميله

اتناقشو مسااااااافه واتفقو انو حيضيفو كل الكلام القرروهو دا......





**
بدت اجازه السمستر الاول وتجهيزات المطعم والصيانه كلها اكتملت والفتره دي ماجد ولين اتقربو من بعض شويه بحكم انو شغلهم سواء كانت جالسه في غرفتها بكل اريحيه وهي بتتامل فرشاه الرسم تبعها في شي جواها بيحثها انها تقوم وتشد حيلها وترسم وقفت علي حيلها وقلبها طبول حاسه وكانو اول يوم ليها نقزت علي صوت رنه تلفونها ختت ايدها في قلبها بخوف مسكت التلفون كان اتصال من ريان بعدت التلفون من اضانها بسرعه من صرخاتو:ريان انت ما حتبطل عبط بعد كده بقيت عريس
_عريس ايه ولا ايه الخطبه حتتفركش
ضحكت وهي بتقول:لي مالك عملتا شنو؟!
_ما عملتا شي والله بس الطباخ اعتزر وقال ما حيجي ي لين
_وانت اسي متصل بي لي؟!😒
ضحك بعباطه:الصديق وقت الضيق
_خلاص اوكي جايه

فصلت منو ولبست عبايتها كلمت امها انها حتمشي خطوبه ريان وحتشرف علي الاكل
وصلت بيت ناس رهف ابتسمت وهي بتشوف الزينه الفي الحديقه وشجره الريحان مزينه بطريقه جميله وبره في جلوس جميل ومع كل جلوس في باقه ورد طبيعي دخلت جوه اتوسعت ابتسامتها وهي بتشوف الخدم في حركه دئوبه والزينه ماليه المكان والسلم مزين بي ورود طبيعيه جميله وقفت واحد من الخدم وسالتو من مكان المطبخ اشر ليها ومشت مكان ما اشر ليها دخلت كانو مركبين حلل كبيره وفي تلاته اولاد شباب وراجل عجوز كده قلعت عبايتها كانت لابسه بنطلون جينز اسود علي جسمها وقميص مخطط ابيض باسود وبدت تشتغل كانت مضايقه من نظرات الشباب ليها ادتهم نظره قويه وطلعت من المطبخ وهي بتفتش في رهف لمحتها واقفه مع واحده من الخدم فمشت عليها:رهف
التفتت ليها وابتسمت بفرح سلمت عليها:كنتا عايزه لي لبسه كويسه منك لانو مضايقه مع الاولاد الجوه ديل
هزت راسها رهف بتفهم ومسكتها من ايدها برفق وطلعت بيها فوق دخلو غرفه رهف جلست وهي بتشوفها بتحفر في دولابها رفعت حاجبها باستنكار لما طلعت ليها لبسه كانت بنطلون جينز مخطط وقميص ابيض:اسي الفرق بين لبستي ولبستك شنو!!!
ضحكت بعباطه:لين ملابسي كلها كده انا!!!
لزت

قصص وروايات ايلاف الطيب

02 июня 2019 00:15

بوي وينك شوف بتك ضعيفه ما ليها حيل
كان متمني يشوفك ويصبح بي وشك بعدتي عنو سنوات وفي الاخير مات من دون ما يشوفك يا دنيا ابونا مات يا دنيا قومي احضنيني شيلي الحجر الفي قلبي بي كلماتك
شهقت بصوت عالي وجسمها بيرجف:اذا ليكي رزقه بالدنيا دي حتعيشي ربنا يحي العظام وهي رميم
قالت جملتها الاخيره ودخلت في نوبه بكاء اسواء من الاول.....
فضلت تبكي لساعات عسي ولعلي دموعها تغسل الهموم الفي قلبها وتخفف عنها شويه من البتحس بيهو في كسر من الثانيه خسرت كل شي كانت بتبكي وهي بتردد جمل متقاطعه ما مفهومه: حاخد حقكم يا ابوي وحقك يا دنيا

{طبعا في ناس بقو ما فاهمين حاجه طيب يا حلوين دنيا اخت لين الاكبر منها واخوها الاتوفي مع ابوها دا ياهو يامن الكانت دنيا بتتكلم معاهو مكالمه في المترو....
ولو ملاحظين انو لين مرات بتقول «خسرنا كل حاجه بسبب قصه حبهم السخيفه دي»
يلا بي قصه حبهم دي قصدها ماجد ودنيا وقع ليكم؟!
غايتو بعد كلامي دا حيكون في ناس نقشو الحنك وفهمو الحاصل كووولو😂😂}

طلعت من عندها وهي بتستغفر ما عرفت كيف ولا كيف دخلت بيتهم ما انتبهت لي عادل وامها واخوها الكانو قاعدين وبيشربو جبنه وقفت بصوت عادل:يا بت الكلب انتي ردي السلام
بلع كلامو لما شاف نظرات لين الحاده:قلتا شنو؟!
كلمه واحده تقل فيها ادب معاي مايحصل ليك خير وابوي الذابح نفسك عليه ما عندي مشكله نشيلك ونختك معاهو في نفس القبر ونرتاح من خلقتك
صد وليد للناحيه التانيه وهو بيكتم ضحكاتو
تابعت كلامها بحده اكبر:السلام ما عايزه اسمعو منك تفهم ولا لا؟!
عادل بقهر:اي اضحك اضحك علي خيبتك في اختك الوسخه ترجع البيت الساعه 9 وانت اي اقعد اضحك
وليد بحده كل شي عندو الا اختو بعتبرها خط احمر:الظاهر انك بالجد مستعجل علي موتك
عادل بخوف من نظرات وليد عندهم نفس النظرات هو ولين نظراتهم حاده عاين لي حنان:سكتي اولادك ديل
حنان:خلاص يا لين ووليد اختشو.
عاينت لي امها بقهر لي دائما بتوقف مع عادل ضدهم خلتها ودخلت وهي بتتوعد في عادل





**

وقف راكان وهو بيصلح لبستو عاين لي اخوهو التوائم الجاء داخل وجلس في الكنبه مشي عليهو جلس جنبو عاين لي وشو كان لونو مخطوف:مالك عهد حاصل عليها حاجه؟!
هز راسو بالرفض وهو بيشد علي شعرو بقهر:لمتين حنكون عايشين كده يا راكان مره انت البتطلع ومره انا ماف واحد فينا عندو شخصيه بتعرف يعني شنو تكون عايش من دون شخصيه؟!
عاين ليهو بقهر زعلان علي حالهم شد علي قبضه ايدو بغضب: كل الاحنا فيهو وحاله ابونا والعذاب البنحسو كلو بسبب ماجد الشازلي وامو احنا هنا بنتجرع المر في كل ثانيه بنمر بيها بينما هم عايشين احلي عيشه
صرخ بغضب:مفروض احنا النكون عايشين مكانو وهو هنا عشنا طفوله مشرده ومشتته وكلو بسبب زفت ماجد وامو (دا انت عااااامل بلاوي يا ماجد)
قاطعو وعيونو مولعه شرر:وحيات ابونا الغالي يا راكان حقنا حنطلعو من جوه عيونهم والايام بيناتنا😨😨
___________________________________________

تاني يوم في الجامعه لين كانت واقفه مع ريان عفست ملامحها لما شافت ماجد ولوي وعهد ورهف جايين عليهم عاينت ليهو بقرف وصدت بوشها عنو....
ماجد ما عجبتو نظرات لين عاين ىيها بحده ووجه كلامو لريان وبنغزه:انت كيف بتستحمل تقيف مع الاشكال دي
التفتت ليهو لما عرفت انها المقصوده:انت متين حتبطل تتكلم بي تحت زي النسوان اتكلم عديل زي الخلقه والعالمين
ابتسم بهدوء:بس اظن انو كلامي موجه لي ريان
_حركات الشفع دي انت من زمن ما الناس خلوها
وبصوت مضحك وهي بتحاكيهو«كلامي مووجه لي ريان»
_عارفه اكبر غلط في حياتي شنو اني ساعدتك اليوم داك اقسم للان بعضي اصابعيني ندم علي فعلتي دي كان اخليهم يغتصبوك ياكلوك يعملو بيك العايزنو
اسي مفروض انك تكوني بتشكري وتمدحي وتهللي فيني مش
قاطعتو وهي مبتسمه بسخريه:يعني انت بتساعد الناس علشان يشكروك ويعظموك؟!
وكانو الله كاتب لي عمر جديد لما حضرتك ساعدتني بس للاسف حيجي يوم وتعضي يدك ندم بالجد لانك ساعدتني حتتمني لو انك كتلتني وارتحتا مني انت بحد زاتك
_لو علي اسي امسكك ادفنك مكان دنيا
ما كان منتبه لي كلامو بس جاتو فجاه احتدت ملامحها من كلامو: هو انت وعيلتك بتنفعو في شنو غير سفك الدماء وزي ما كتلتا..
كانت حتتهور وتخرب كل شي بلحظه واحده جهود اخوها وصبر امها باخذ حقهم سكتت لما حست بحاجه حااااره في وشها صرخت بصوت عالي ورجعت خطوات بطيئه لوراء اتكلت علي الحيط وهي مغطيه وشها ووقعت في الارض وهي مغطياهو
ماجد عاين لي تسنيم(تسنيم دي ياها حبيبتو الزمااااان ديك القالت ليهو رهف ما تخليها تقرب مني لو متذكرنها لو ما اتذكرتوها ارجعو البارت التاني)
بنظرات ثاقبه:انتي مجنونه
_لي تتكلم معاك كده؟!
طنشها وعاين لي لين الاتجمعو حولها ناس ريان وشويه طلبه بيحاولوا يخلوها تنزل ايدها من وشها مشي بجهتها وهوحاسي بتانيب الضمير علي حالها..
كانت جالسه في الارض وهي مغطيه وشها كان جلدها بيحرقها وحاسه بلسعات في خدوددها الانسان بطبيعتو لما يمر بيهو

قصص وروايات ايلاف الطيب

01 июня 2019 04:29

يلاااا حاولو حسو معاي الحكتبو ليكم دا
انو ابوك يقول ليكم انا ماشي اعيد لي امى واحضر عقد بت اخوي واتونس مع امي واخوانى شويه واجيكم طيب خلاس ي ابوى تمام في العافيه وربنا يستر عليك يلااااا هو سافر وقضى حاجاتو .وفي يوم اتصل عليها قال ليها جهزي الغدا انا في الشارع جاي عليكم يلا هي طلعت نجيب العيش من الفرم وهي راجعه ع البيت احساس انها حتلقاهو جا او حتنغدا معاهو سوا دا في حد زاتو كان احساس حلوووو بالنسبه ليها لانو من دون اخوانا بحبها وبتحبو شديد وهى ماشا ع البيت يلقاها واحد يقول ليها ي نسرين ابوكى مات هي دا كلام شنو مات كيف وبتين وهسه هو كان بيتكلم معاي وقال حيتغدى معاى مات بي حادث وهو جاي عليكم المهم حصل الحصل ورضينا بحكم ربنا وقولنا الحمدلله ونسرين واخوانا عانو م عانو من الم وفقد عظيم كانو بيتصبرو بي امهم البقت ليهم سند وام وابو يلااااا يتكرر نفس السيناريو بس في حته تانيه في مدينه تانيه بعد م طلعو من الابيض وجو الخرطوم عسي ولعل تغسل احزانهم شويه بس للاسف زاد الجراح وعاودت نفس الالم بس بي سينارو غير لانو الدنيا رمضان فهي جايه من الشغل وضربت ليها نهى بتها قالت ليها ى ماما جيبي لينا معاكى حاجه نخلطا الكلام دا كان يوم الاربعا الساعه 2ضهر وهى نازله وجات قاطعه النفق جات العربيه الما خلتا تصل بيتا الما خلتا تجيب لي نهى الخليط وبي نفس التلفون يتصلو عليهم ويقولو ليهم امكم عملت حادث وهسه هي في المستشفي يوم الخميس25رمضان المهم المنظر الله م وراكم ليو لا في عدو ولا حبيب احساس انك تمر بنفس الامتحان الصعب المر للمره التانيه وفي اعز زول بالجد حاجه بس الحمدلله ما كان في يدهم غير الدعاء والرجاء لرب العزه يلا الساعه 2الا ربع هى تعبت شدييييييييد والاطباء حاولو بقدر الامكان انو يخففو عليها لكن هيهات لانو خلاص ربنا اراد انو ياخد امانتو الساعه 2 يوم الجمعه اتخيلو هى صايمه فاتت زى م ابوهم فات لا وصت لاقالت فاتت خالتى كاكا المره العديله النضيفه الخجوله الصبوره ام الكل البتهدي الغير العيبه م بتطلع منها فاتت وحرقت قلوبنا عليها فاتت وخلتم من غير سند من غير ابو ومم غير ام
هى م اقدر اقول ليكم عنها شنو بالجد م قادره
كلكم بتكونوا قريتو رواياتها #نسرين_محمد_ادم عليكم تدعو ليها اول مره اطلب منكم طلب ادعو ليهم ربنا يصبرهم ى رب لانو بالجد امتحان صععب
انا لله وانا اليه راجعون
اللهم ارحمها برحمتك
اللهم اكرم نزلها
ووسع مدخلها
واغسلها بالماء والبرد
ى ارحم الراحمين
منقول

قصص وروايات ايلاف الطيب

30 мая 2019 20:59

معاها من حنيه وعطف علي الحيوانات انسانه طموجه وبتثبت وجودها مكان تكون تواجدها.....
حتي نقاشهم القبيل اثبت ليهو قدر شنو هي زوله طموحه ومحاربه اتحدت اهلها علشان حلمها زفر بضيق فيها صفه ما بتعجبو انها غير محتشمه وملابسها كلها ضيقه وما بتوحي بانها سودانيه.......
وصلو بعد مده عاين بالشباك الجنب دنيا كان كل شي عباره عن ثلوج ابتسم بهدوء وهو بيعاين ليها نطت من مكانها وهي بتتفقد في شنطتها وطلعت ليها جكت فوشي تخين مع طاقيه حمرا ضحك بشده وهو بيعاين لي طاقيتها كانت زي طاقيه بابا نويل الحمراء....
هو ما كان حاسب حساب انو حيمشو اماكن ولا جبال ثلجيه بس للضمان كان جايب جكت مطري تخين اسود طلعو حاجاتهم لبسوها وبدلوا جزمهم ولبسو جونتياتهم ونزلو جنب الباب تبع الباص كان واقف راجل بيديك عصايه بتساعدك انو تمشي في الثلج....
غمضو عيونهم لما جسو بنسمه هواء باااارده جمدت اطرافهم عاين ليها كانت ماسكه في في طرف جاكيتو وهي بترجف من البرد مشو مسافه ما طويله شديد وقفو لفوق تله جبيله منحدره تحتها مباشره بس بعيد شويه في المنتجع تلخينزلو فيهو عاينت للناس اي جوز طلعو مزلج التزلج وعلشان يختصرو الطريق علي نفسهم بدو يتزلجو للمنتجع....
هز راسو بالرفض وهو بيشوف لمعه في عيونها دليل علي انو نفسها تجرب ما انتظرت جوابو حتي طلعت مزلاجها ونزلت وهي بتصرخ بصوت عااالي ضحك علي هبالتها وطلع المزلاج تبعو ونزل بوراها كان وراها بشويه سامعها بتصرخ بتقول «انا حاقع»
وقدر ما حاول يضحك مع البرد ما قدر يضحك وصلو قريب لي مطب المنتجع ودنيا ما عرفت كيف توقف وقعت ومزلاجها طير ليها التلج الاتراكم فيها وقفت وهي بتنفض نفسها وشعرها كان شكلها اجمل من جميله مع شعرها المغطيهو التلج وبشرتها المحمره من التلوج مع طاقيه بابا نويل كان شكلها طفولي......
دخلو المنتجع واتقسمو لغرفهم تاني يوم صحي بيها وهي فوق راسو وشايله المخده وبتضرب فيهو عاين للولدين المعاهو في الغرفه وهم بيعاينو ليها وبيتوسوسو وبسرعه مسك ايديها الاتنين بايد واحده وجراها عليهو وهمس في اضانها:اطلعي وتاني اياكي تجي هنا
فكت ايدها منو وهي زامه شفتها وببتحسس ايدها الاحمرت بسبب مسكتو صرخت بصوت طفولي ودموعها في عيونها:مااااجد
وطلعت بسرعه وهي بتضرب الارض بغضب عاين ليها ورجع بنظرو للولدين المتابعينها بنظراتهم المقززه دخل اخد شاااور ساخن وطلع ليها كانت واقفه جنب الشقه وهي متكله علي الحيط ومربعه يدينها حوط رقبتها بايدو وهو بيقرصها في خدودها وبيراضي فيها لحدي ما ضحكت وطلعو...
نزلو تحت حامو مساااافه لفت نظرهم ساحه التزلج عاين لي دنيا الجرت قلعت جزمتها ولبست حذاء تزاج لونو وردي واشرت ليهو جاء اخد واحد بالون الازرق ودخلو الساحه كانت بتتزلج بخفه وحركات متقنه وكانها متدربه مشي علي جههتها وهو بيتزلج وهي كانت فاكراهو جاي يطقشها ففقدت توزانها وطقشتو ووقعو عاينت ليهو بعتاب نظام انت الوقعتني ضحك بشده علي نظراتها قام ومد ليها ايدو مسكتو ووقفت علي حيلها وبدو يتزلجو من اول وجديد.....
قضو فتره العطله دي كلها واتقربو من بعض جدا حتي انفصلو عن شله دنيا وبقو بيتجولو سواء كان بيشوف نظرات الغيره لما يقيف ويتكلم مع بنات غيرها بتمسكو منهم ما كانت بتحب تشوفو مع بت غيرها حتي مره اتشاكلت معاهو علشان ضحك مع بت وكل مره بيقول ليها بتغاري وهي بتنكر
كان يوم الفلنتاين وبالاحري عيد الحب🐸🐸🐍
مكان ما تقبل بتلاقي اتنين سواء عاين ليها كانت ماشه بهدوء وهي بتعاين حولينها والمنتجع مزين ببالونات حمراء كانت شامه الوضع جدا قبلت عليهو قالت وكانها بتحاول توصل ليهو فكره بطريقه غير مباشره:عارف حاجه يا ماجد...
بيقولوا البيعترفو بحبهم لبعض بيوم عيد الحب علاقتهم بتدوم
قطعت كلامها وهي بتعضي شفتها دا شنو الكلام البتقولوا دا
عاين ليها وضحك من القلب:بالجد اول مره اسمع بالحاجه دي بس كويس والله علشان اقدر اعترف لي ايلينا واضمن اننا حندوم سواء
عاينت ليهو وهي فاتحه عيونها علي وسعهم ضربتو بقوه في كتفو واتخطو ومشت وقفت لما مسك ايدها وجراها عليهو برفق وهمس في اضانها بحاجه خلتها تبتسم لا اراديا حركت راسها بايجاب ومشت خلتو...
تابعها بنظراتو لحد مادخلت المصعد ومشي خلاها....
كانت السماء مغيمه مع الجو البارد دا حتي القمر ما ظاهر شديد عاينت لي ماجد الواقف بعيد منها وهو مرجع يدينو لوراء ظهرو مشت عليهو بخطوات بطيئه ابتسمت لما اتذكرت قبيل لما همس ليها وطلب منها تقابلو هنا وتلبس ليها عبايه وتتحجب كان طلبو غريب بس نفزتو من سكات.....
التفت لما حس بيها جايه عليهو كانت لابسه عبايه بنيه خليجيه ورابطه حزام العبايه وطرحتها بالون البني بس ما مكوزاها مشي عليها بهدوء رفع ايدو في طرحتها كانت رافعه شعرها كعكه وجزء من سبيبات شعرها كانت متنافره من الكعكه مرر سبابتو في غرتها وهو بيرجع شعرتها لخلف اذنها وهي تحت وقع الصدمه رفع طرحتها وطبقها وكوزها ليها بس ما قدر يظبطها اشر براسو عاينت مكان اشر اتسعت ابتسامتها وخلتو واتقدم

قصص وروايات ايلاف الطيب

29 мая 2019 08:49

دا شنو كلامك البتقولو دا اه كدي عيدو انت اتجنيت
عاين ليها:لين اعيد واكرر ما عايز انتقم من عائله الشازلي وطلعيني من الخطه دي!!!!
عاينت ليهو بغضب:علشان الزفته الاسمها عهد دي صح خلاص يا وليد قربنا للنهايه معقول تنسي ابوك يا وليد علشان بت كيف تنسي اخوك.... نسيت كيف كتلوهم بوحشيه يا وليد
ضربتو في صدرو وما منتبهه لي كلامها:الله ينعلك يا وليد تبيعنا علشان بت الله يلعنك
كملت كلامها وهي بتلزو بره علي الشارع:اذن خلاص امشي ليها الباب بيوسع لجمل بس تاني لسانك ما بناطق لساني ولا بتعرفني ولا بعرفك ولا عندك اخت اسمها لين تنساني خااالص....
ما بصدق تبيع اهلك ياوليد الله ينعلك
سكتت لما حست بايدو بتنطبع في خدها تحت نظرات حنان امهم قال بصوت عالي:لين انتي منو علشان تنتقمي؟!
يا لين الله كبير وبياخد حقنا ماف داعي لكل الدرامات دي سامعاني وامسحي فكره انك تنتقمي دي من راسك
رفعت راسها وهي بترجع شعرها الاتناثر في وشها بسبب الكف الاخدتو:وعزت وجلال الله بدونك او معاك انا حاكمل البديتو مستحيل اسمح للزمن يعيد نفسو من قبل خسرنا ابونا بسبب قصه حبهم الملعونه واسي علشان حبك للزفته عهد عايزني اتخلي عن حقي وحق ابوي لو كده اعتبر انك انضميت لعائله الشازلي يا وليد وماف بينا شي الا القصاص
عاين لي امو الجالسه بهدوء وهي ماسكه سبحتها وبتسبح:اتكلمي مع بتك خليها تنعدل😠😠
عاينت لي لين ولي وليد اول مره تشوف وليد يرفع ايدو في وش لين مشت علي جهه لين لفتتها عليها كانت بترجف من البكاء:لو مشيتي بطريق اخوكي لا بتعرفي ولا انا امك يا لين ماف زول غيرك حيجيب لي حق ولدي وراجلي قلبي للان محروق علي جناي المات عريس في عز شبابو اياكي تميلي عن طريقك
حضنت امها وهي بتبكي بصوت عالي واصوات شهقاتها ماليه المكان مشي عليهم وليد خضن امو واختو وهو بيستغفر ربو لي وهله كان حينقض عهدو القطعو مع نفسو......

_____________________________________________

مره شهرين علي الجامعه وامتحانات لين بعد اسبوع كانت كالعاده جالسه تحت شجره الريحان مع ايمان وبيدرسو قطع دراستهم صوت رهف:السلام عليكم
رفعت راسها وعاينت ليها هي ولوي وردت بدون نفس:
لين:وعليكم السلام
_لين الامتحانات فاضل عليها اسبوع بس زي ما انتي عارفه فرجاء خااااص لو ممكن تجي تدرسيني في البيت لانو في الجامعه مع المحاضرات ما حنقدر
_نسيتي اخوكي متوقعه منو يقابلني ويستقبلني بطوق ورود اكيد حيعمل معاي مشكله
ردت رهف بتوتر:لا ماجد موافق وهو القال لي اكلمك لانو عرف انك شاطره وكده صح لوي
قرصتو رهف في ايدو بدون ما تنتبه لين رد بتوتر:ا..ايواه
ابتسمت بفرح فرصه وجات لعندها خطتها علي وشك انها تكتمل كان اكبر عقبه كيف تدخل بيت ماجد بس رهف قدمت ليها الطريقه علي طبق من ذهب مستحيل تضيع الفرصه ردت بسرعه قبل ما تغير رهف رايها:خلاص بجيكي اليوم الساعه 4 رايك؟!
هزت راسها رهف بعد ما كتبت ليها عنوان بيتهم في الشيت حق لين:دا العنوان
وخلتها ومشت بعد ما شكرتها ابتسمت لين بهدوء هم وانزاح عن قلبها اخيييرا....


Cut🌚:


﴿طلب صغير جدا يا جماعه قبل ختام البارت:
حابه منكم تدعو لي صحبتي مريضه كانسر ادعو ليها تقوم بالسلامه ليها ولي كل اخوانا مرضي السرطان...
ادعو ليها لانها بالجد محتاجه اكبر كميه من الدعوات ودعوه 40 شخص مستجابه☺﴾



مقدما شكر خاص لي بهجه البتساعدني في الخواطر لفيوهات كبيييره ليكي تسلمي كتير❤❤💝


{يا جماعه حابه انبهكم علي حاجه انا لو فضل التفاعل كده حاضطرا اوقف الروايه لانو ماف تفاعل خليكم من نم واب والملصقات دي وقولوا لي ارائكم بصراحه💔💔
يعني سهر ليالي واجي القي تعليقات بسيطه يعني لي كده لو الروايه ما حلوه ولا عاجباكم كلموني وانا بوقف!!!!!!}



يلا لي باكر باذن الله🍂.
بختم حلقتنا بالصلاه عالنبي💜🍃.

قصص وروايات ايلاف الطيب

29 мая 2019 08:49

Flash Back:

ابتسم بهدوء بعد ما اتفق مع دنيا يتقابلو في الرحله جاء يوم الرحله اتصل بيها وكلمتو عن مكان حيتقابلو ومن هناك حيركبو باص سياحي وقف بسيارتو مكان مفروض يكون الباص السياحي عاين حولينو كان في شله بنات واولاد بس دنيا ما معاهم عاين للبت الخدوريه الجايه عليهو سلمت عليهو وساقتو باتجاه الشله الظاهر دنيا موصياها عليهو سلم عليهم ظريفين جدا التفت وراهو لما سمع صرخاتهم وكانو مثبتين نظراتهم وراهو عاين ليها وابتسم لا اراديا وهو بيشوف دنيا وكالعاده بكامل اناقتها وهي جايه عليهم كانت لابسه بنطلون جينز اسود جاي علي جسمها وقميص فوشي من الشيفون ومزينه يدينها باساور جميله ولابسه حجل وصوتو شبه عالي وسادله شعرها علي طولو في ظهرها وماسكه جزء من شعرها ورابطاهو لوراء بمشبك اسود ومطلعه خصلاتها ولابسه طاقيه كبيييره نوع الطواقي السترو هات ديلاك ولابسه سلسل خناق علي رقبتها لونو اسود فيهو فيونكه بيضاء في النص وروج كبدي ولمسات كحل بسيطه من ما زاد من جمال عيونها الزرقاء وشبط زاحف ابيض وشنطه ظهر فيها ملابسها وشنطه تاني صغيره
ابتسم وهو بيشوفها بتصرخ وبتسلم علي صحباتها وهي بتحضنهم واحده وراء التانيه سلمت عليهم كلهم وجات عليهو مدت ايدها بهدوء وسلمت عليهو وهي راسمه ابتسامه جميله وعرفتو علي اصحابها اتنين منهم سودانيين بت وولد وواحد ايطالي واربعه اتراك بتين وولدين وصاحبهم ازرقاني كده من البرازيل كانو كلهم كده عشره🐸🐸ركبو الباص هو فكر الرحله حتكون ممله نسبه لانهم عباره عن عشره تنفار بس كان غلطان ياخ ما خلو غنيه ما غنوها والبرازيلي داك اكتر واحد مهيجهم بيغني راب بطريقه ابداع ابتسم لي دنيا الفي نصهم وهي بتصفق وبيتصفر بمرح عاين للبت السودانيه الجات قعدت جنبو وهي شايله علبه عصير ليها وليهو مسكها منها وهو بيبتسم بهدوء قعدت جنبو وهي بتتونس معاهو كان بيسترق النظرات لدنيا وهي بتعاين ليهم بنظرات ناريه قطع نظراتو صوت البت الجنبو وهي بتبتسم بهدوء بعد ما اخدت رشفه من عصيرها:عاجباك للدرجه دي!!
كح من الهجمه واحمر وشو عاين ليها:ما فهمتك قصدك منو؟!
اشرت براسها علي دنيا:دنيا!!
ابتسم بهدوء وهو بيمشي ايدو في شعرو:وفي زول ما بيعجب بيها معقول بس كلها علي بعضها بتنحب
عاينت ليهو وضحكت:لي الله وقعاد المظله(وانا معاكي😩)

بعد مسافه نزلو كان في باصات كتييره مشي علي دنيا نكزها في كتفها التفتت عليهو وهي رافعه حاجبها:دنيا رحلتكم وين؟!
ابتسمت وهي بتضرب جبهتها بكفها:ياااا نسيت اكلمك طيب يا ماجد رحلتنا بتبداء من هنا يادابها
سكتت عاين ليها طلعت شنطه ظهرها وطلعت منها ورقه كبيره ملفوفه وختت الشنطه في الارض مسكت طرف من الورقه وفتحتها وهو مسك الطرف التاني كانت مرسوم لبرنامج الرحله اشرت باصبعها علي حته معينه وهي بتقول:
اول شي حنركب الباصات دي وحنتوزع لمجموعات كل مجموعه في باص وكل مجموعه بتتكون من سته اعضاء تلاته بنات وتلاته اولاد حننزل في منتجع اسمو منتجع اولوداغ حنتقسم كل مجموعه في جناحين البنات في جناح والاولاد في جناح
هز راسو وهو بيقول بسخريه:دي اعتبترها رحله يعني
ضربتو في كتفو بخفه:اصبر اكمل كلامي المنتجع دا منتجع ثلجي يعني في وسط الثلوج مكان ما تقبل حتلقي ثلوج فيهو برامج كتيييره وممتعه
فردت اصابع ايدها التانيه وهي بتحسب ليهو البرامج:اولا في مسابقات بين المجموعات وحنتزلج في التلال وفي جوه المنتجع مطاعم واماكن للعب التنس وحنركب المنطاد اتخيل معاي الشكل من فوق حتكون حاجه وووواوووو وقصص كتيره وزي بناء رجل ثلخ والي اخرو  بعدها حنمشي منتجع تاني وحيكون فيهو برنامج تاني حنركب باخره وكده
طوت الخارطه وهي بتردف:هو مشوار طويل انتظر وشوف
وغمزت ليهو
ابتسم علي حركتها عاينو لي مقدم الاكل الجاء عليهم وهو شايل اسكريم توت اخدت واحده وهو اخد وكملو طريقهم قالت وهي بتاخد من اسكريم التوت:تصدق حاجه يا ماجد من طفولتي وانا بحلم ازور جبال الهملايا بس ربنا ما كتب نصيب علشان كده بحاول اغطي الثغره دي باني ازور اماكن ثلجيه تانيه فاهمني انت صح.
ابتسم بالم:اكيد لانو نفس الشعور عارفه انو حلمي انو اكون كابتن طيران بس انجبرتا ادرس اداره اعمال
زفرت بضيق:اوامر السيد ابوك صح؟!
صراحه كده لو قلنا نفكر بواقعيه بتلاحظ انو دائما ما بقول دائما غالبا الاهل بيوقفو في طريق احلامنا وامانينا وطموحاتنا مثلا لو الشاب اختار عروس ولا بت بحبها اهلوا بيرفضو وبيقولو لا عروستك نحنا بنختارها ليك ودا سائد جدا بالذات في مجتمعنا السوداني!!!!
في مشكله في الاهالي انهم فاكرين النجاح بيكون عباره عن نجاح اكاديمي لا اكتر ولا اقل يعني اذا انت ناجح اكاديميا حتضمن مستقبلك دا الهم فاكرينو بعيدا عن احلامنا وطموحاتنا
عاين ليها بانزعاج ما عجبو كلامها:لي كده يا دنيا انا ابوي ما لوي يدي وجبرني صح انو ضغط علي وشد الخناق جدا بس كان دائما بيقول لي لو عايز تقري هندسه طيران اقري ما بمنعك
عاينت ليهو وعيونها مرغرغه بالدموع:انا ما بتكلم كلامي دا ساي انت كولد

قصص وروايات ايلاف الطيب

21 августа 2019 10:58

~الفصل الاول~
#احببته_في_انتقامي.
°البارت الخامس عشر°


احبك واكرهك..تبا لحماقه اصابعي حين تعبث بحبر سطورك لاعيش تناقضات عشقي فاحبك اكثر يا احمق.
#لين
_______________________________________________

كانت نظراتو غريبه حست وكانو سمع حاجه اشر ليها تمشي علي شغلها ومشي هو قعد في كنبه كده مراقبهم وخاتي ايدو تحت خدو وكانو بيفكر في حاجه ابتسم بهدو لما اتذكر الكلام السمعو من لين اخر جمله قالتها لما كانت بتنفي حبها ليهو وهي طالعه عاين لي ريان الجاء داخل ومعاهو لوي وعهد ورهف ثبت نظراتو في لوي البيعاين علي جهه لين وهو جاي عليهم وبيعاين ليها قعدو معاهو وماف واحد فيهم اتكلم ولا فتح خشمو ما انو في العاده دايما رايان هو البيمسك الجلسه وبيضحكم:
ماجد:ريان انت الايامات دي مالك
ريان "وهو بيرفع حاجبو باستغراب":لي مالي??!
رهف:كلنا لاحظنا لتغيرك في الفتره الاخيره
عاين ليها بنظرات قويه من دون ما يرد ليها عاين لي لين الجايه عليهم وهي شايله ورقه في يدها شكلها عايزه تسالهم من حاجه عاين ليها بنظرات قويه مجرد ما وصلت عندهم خت ايدو مكان خاتم الخطبه حقو وهو لسه مثبت نظراتو فيها هي عرفت حيعمل شنو نظراتو ليها وكانو بيقول ليها نفس العملو ماجد في اختك انا حاعمل نفس الشي بي اختو بس بطريقتي الخاصه
صرخت فيهو بصوت عالي حست وكانو ما في وعيو ندمت لانها كلمتو وهي عارفه هو بحب رهف قدر شنو:ر ريان لا
كلهم عاينو ليها لما اتكلمت بس سرعان ما قبلو علي ريان لما سمعو صوت حاجه قويه عاينو مكان يدو الضرب بيها علي الطاوله وحركها باتجاه رهف مجرد ما رفع يدو ظهر خاتم الخطوبه حقو رهف وشها حمر ودموعها في طرف عيونها ابتسمت من بين دموعها:رايان الخاتم ماعاجبك ولا شنو لو عايز ممكن نشوف خواتم تانيه??!
_ربع يدينو وهو بيدعي البرود رغم انو جواهو بيتقطع:لا البيناتنا انتهي
رفعت راسها ببط وكانها بتحاول تستوعب كلامو عاينت لي ماجد المسك يدها واتكلم بهدو:اختي ما لعبه في يدك
سكت لما حس بحاجه دافيه في يدو كانت دمعه من رهف عاين ليها كانت مثبته نظراتها في رايان وكانها بتستنجدو وبتتوسلو بنظراتها ما حس بنفسو الا وهو واقف علي حيلو مسك رايان من ياقه قميصو بس قبل ما يضربو حتي رهف مسكتو وهي بتبعدو عنو جلس في مكانو وهو بيتبادل نظرات ناريه مع رايان:
عهد:طيب انت ورينا سبب مقنع يخليك تفسخ خطوبتك بيها
_ثبت نظراتو في ماجد وابتسم بسخريه:مزاج مليت منها
هنا رهف وكانو كشحو فيها مويه سخنه غطت وشها بيدينها وبدت تبكي بطريقه فظييييعه وبتشهق ختت ايدها في بطنها وتكلت راسها في الكنبه وهي لسه بتشهق وتبكي ماجد رفع ليها راسها وتكلها عليهو
اما الباقين بس كانو مثبتين انظارهم في رايان البقي وشو احمر عاين لي لين المبتسمه وبوراها بشويه كانت واقفه نغم وكمان مبتسمه عرف انو العملو ما ضاع عالفاضي...
لين عاينت لي ماجد ما حست بالدمعه النزلت في خدها لما اتذكرت جملتو لما قال"اختي ما لعبه في يدك"
قربت تصرخ فيهو وتقول ليهو يعني دنيا لعبه في يدك كلمتو كانت عاديه بس جرحتها طول الفتره الفاتت كانت بتلوم في دنيا كيف هي تحب واحد وحش زي ماجد بس بعد الكركبه البتحصل جواها من تشوفو تاني ما بتقدر تلومها ابدا مهما حاولت توصف احساسها ما حتقدر بس بعد جملتو الاخيره القالها دي عرفت انها وقعت نفسها الاحساس الحستو مع جملتو دي قدر ما جرحتها قدر ما كونت داخلها احساس بهيج
فاقت من افكارها علي صوت شهقات رهف العاليه ضربت خدها بسرعه وهي بتوعي نفسها عفست ملامحها بغضب وهي بتسال نفسها
كيف بتحبي الدمر عيلتك??!
كيف بتحبي الكتل ابوكي وسندك??!
هزت راسها ببط وهي مغمضه عيونها ومردده جواها«دا غلط حبك واحاسيسك دي كلهااا غلط»
مجرد ما فتحت عيونها وقع نظرها علي رايان القام من مكانو وطلع بره خلتهم وجرت بوراهو كان واقف بره وهو خاتي ايدو في وشو وهو بيستغفر ختت ايدها في كتفو رفع راسو بعد مسافه عيونو كانت محمره بشكل فظيع بس بعد دا كلو ابتسم ليها بهدو:حقكم حيرجع ليكم صدقيني
_حست انو مجروح بس ما عايز يبين ليها:رايان ما مجبور تدخل نفسك في القصه دي
_خلاص حاجه وانتهت
_طيب ورهف??!
_الكاتبو الله بيبقي يا ريحانه
قال جملتو وابتسم وهي ابتسمت ليهو اتكلو الاتنين علي الحيط الوراهم وقعدو في الارض:
رايان:الدنيا دي غريبه كيف اسي منو الكان متخيل ماجد بالحقاره دي
_رايان عايزه اقول ليك حاجه بس اوعدني انو يكون سر بيناتنا
_اها قولي بوعدك
_ماجد
_مالو
_شبكت اصابعها ببعض بتوتر:طول عمري بلوم في دنيا كيف قدرت تحب واحد زي دا بس ما عارفت الاحساس الغريب البحس بيهو لما اشوفو من لما ساعدنا ننقذ امي ما عارفه مالي والحصل لي
_ابتسم بهدو:يعني ريحانه حبت
_بس دا غلط ما حاقدر احب الانسان الاختي كانت خاتاهو في قلبها ما بقدر
_طول عمرك وانتي بتتحكمي في كل شي بيخصك بس للاسف قلبك دا بالذات ما بتقدري تتحكمي فيهو
_بس مفروض ماجد هو اليحبني
_لي هو بالذات
_قالت بصوت واطي:الخطه كده
_ما قلتا ليكي الدنيا دي غريبه

قصص وروايات ايلاف الطيب

20 августа 2019 09:18

الفصل الاول
#احببته_في_انتقامي
-١٤-
قطع كلامو لما حس بزول مسكو من رقبتو بوراء ماحس الا بشي حاد في رقبتو والدم الملي ملابسو عاين لي ابو ماجد بنظرات متوسله ووقع وهو مغشي عليهو عاين لي ولدو الجاء داخل وكانو بيقول ليهو اهرب ياولدي نزلت دمعه من عينو مجرد ما شافو مرمي جنبو والدم سايل من قميصو غمض عيونو وهو بسمع صوت اطلاق رصاصتين في جسم ولدو
ماجد ما وعي علي نفسو الا لما وصلو بيت ناس لين وفاق من ذكرياتو عاين للحي حقهم ولي بيتهم بالاخص عفس ملامحو بضجر بيتهم حالتو ماساويه
دخلو جوه وقعدو مع ناس لين شويه وماجد طول القعده مثبت نظراتو في لين بيبتسم لحظه تبتسم لا اراديا كان حاسي باحساس غريب لما اذكر دنيا كانت عايزه تسمي اول بيبي ليهم لين بقي بينو وبين نفسو يحاول يقنع نفسو انو دي مجرد صدفه
عاين لي لوي الكان مثبت نظراتو فيها نظراتو كانت غريبه بس طنش الموضوع بعد مسااافه كده قامو طلعو لوي طوالي دور عربيتو ومشي من دون ما ينطق حرف حتي ماجد ركب سيارتو مع عهد ورهف لانو حيوصل عهد بيتهم ما انتبه لي نظرات ريان الكان بيناظرهك لحدي ما ركب عربيتو ومشي استغفر ربو هو التاني وركب عربيتو ومشي
_في جاني لوي_

وصل الفلا تبعو نزل مجرد ما بركن عربيتو ودخل جوه بسرعه عاين لي ابوهو النايم في السرير بتعب والممرضه بتصلح في اجهزتو عاين لي توئمو الجالس في الكنبه واشر ليهو يطلعو بره طلعو في الممر اتكلم لوي وقال بصوت هادي:انا بحبها
توئمو:ما فهمتك
لوي:انا بحبها دي عايزه ليها اتنين تلاته???!
التوام:باستهتار:وهو انت بتعرف تحب ولا عندك مشاعر بالله اها بتحب منو??!
لوي:حاتجاوز كلامك دا
التوام:طيب بتحب منو??!
لوي:ما حتصدقني انتا لكين
التوام:اهااا انجز
لوي:بحب لين!!!
التوام:قطب حاجبينو بي تعجب:راكان انت مجنون
(علشان ما تلخبطو اوضح ليكم لوي عندو توامو اسمو راكان ييتشابهو تشابه كربوووني مره بيطلع لوي ومره بيطلع راكان اسي البيقول انا بحب لين دا راكان التوام التاني)

_شايفني بهظر انت??!
_اها اسي والحل??!
_......
_احنا بالطريقه دي ياراكان ما حنقدر ننتقم.من.ماجد فاهمني انت شوف انا اسي بحب عهد من كنا اطفال بس اسي دايس علي قلبي بس علشان نكمل البديناهو وما نخزل ابونا
"مسكو من يدو مشي بيهو علي جهه غرفه ابوهو فتح الباب واشر علي ابوهو المتسطح في السرير عباره عن جثه بس نحيييف وفي جهاز اكسجين في خشمو"

شايف الراقد دا دا ابونا نسيت اننا وعدناهو نرجع حقو يا راكان نسيت اننا وعدناهو نجيب حقو من سوزان"ام ماجد" وولدها

راكان سكت وما رد ليهو لانو عارف انو كلام اخوهو كلو صاح مهما حاول ينكر الحاجه دي بس ام ماجد هي السبب في حاله ابوهو همس بي صوت خافت وبنبره مليئه بالانكسار وهو بيرفع راسو براحه وبيعاين لي لوي:*بس ما تنسي انها امنا عايزنا ننتقم من المره الولدتنا*💔💔💔

هنا لوي سكت ما قدر يقول ولا حرف💔💔💔

*بعد مرور شهر*

ام لين دخلوها العده بما انها ارمله والشرطه قبضت علي فادي وحكمو عليهو بالسجن لخمس سنوات وعادل اتوفي وقرار المحكمه لي لين انها تدفع كفاله لانو كان دفاع عن النفس
في الفتره الاخيره لين وماجد بقو مقربين شويتين
لين جات داخله الجامعه وهي متوتره موووت لانو الليله نتائج امتحان السمستر الاول شويه وعايزه تبكي مشت علي جهه الائحه وقبل تصلها ايمان جات جاريه عليها وحضنتها:مبروووك يا لين جيتي تانيه الدفعه

فكتها وجرت علي جهه الائحه شافت اول الدفعه منو وهي التانيه طوالي من دون ما تحس دموعها نزلت طول عمرها وهي محتله المركز الاول في اي شي مشت علي جهه شجره الريحان قعدت وهي مربعه يدينها ومحركه رجلها بتوتر ودموعها حالفه ما تقيف مسحت دموعها لما شافت ناس ماجد جايين ابتسمت لرهف بمجامله لما حضنتها وهي بتبارك ليها مسكتها من خدها ورفعت ليها راسها:لين انتي كنتي بتبكي??!
رايان:بيكون علشان جات التانيه
رهف:واااي ليكي حق تفرحي وتبكي فرح ياخي مبروك والله
ضحك.ريان ضحكه استهتار وهو بيحاكي رهف بطريقه مضحكه:ليكي حق تفرحي قال هي بتبكي علشان جات التانيه المخلوقه القدامك دي طول عمرها متعوده علي المركز الاول في كل شي
ماجد عاين ليها بي حيره عاين لي رهف المثبته نظراتها في ريان كانت بتناظرو بي طريقه غربيه حتي هو لاحظ لي تغير ريان معاهم في الفتره الاخيره بالذات مع رهف زفر بضيق وخلاهم ومشي

نهايه اليوم لين رجعت بيتهم مشت علي جهه غرفتها استحمت وبدلت ملابسها لبست ليها عبايه عاديه وطرحه كبديه وطلعت علي المطعم الطريق كلو وهي بتفكر في ماجد هو اساسا ما بيعرف امها بس برضو ساعدهم ما قادره تنسي الموقف داك نهائي حاسه انو خطف امها كان لي خير انو تجيها اشاره عن ماجد حست انو في شي غلط حصل قبل سنتين بس شنو??!
دا اول سوال طرحتو علي نفسها.....
في حلقه مفقوده في القصه الحصلت قبل سنتين ماجد الاتعرفت عليهو الفتره دي مستحيل يقدر ياذي مخلوق خلي يقتل اكتر من اربعه اشخاص وبس علشان قروش
دخلت المطعم.شافتو واقف مع نغم وبيتكلمو في موضوع ال

قصص وروايات ايلاف الطيب

09 августа 2019 16:33

يها ويبكي ايواه يبكي وهو بينده باسمها

من وقع الصدمه حتي ما انتبه لي ابوه الكان واقف بعيد منهم لبس نظارتو وابتسم مجرد ما اتاكد انو دنيا ماتت جاهو اتصال من واحد من مساعدينو:واحده من بنات محمد تقريبا اسمها شادن حاليا ماشه علي المحكمه عايزه ترفع قضيه نعمل ليها شنو
_قال وهو بيميل رقبتو العملت صوت زي طق كده:اكتلوها ووليد دا البتقدو اعملوهو فيهو اسجنوهو ان شاء الله بس ما يعتب باب المحكمه
وقفل علي كده وهو بيسترجع خطتو:من لما عرف انو اهل دنيا اغنياء خطرت في بالو فكره انو دي الطريقه الوحيده علشان يسدد ديونو وينقذ نفسو اتفق مع ابو دنيا علي دمج الشركات كان مفروض يحضر الاجتماع ماجد بس اداهو شغل تاني وقال هو الحيهتم بامور الاجتماع اول ما دخلو الاجتماع بعد توقيع الاوراق وقف ابو دنيا وابو ماجد اتصافحو حضنو بعض
ابو ماجد:وين مومن??!
_بيتكلم مكالمه اسي جاي
قطع كلامو لما حس بزول مسكو من رقبتو بوراء ماحس الا بشي حاد في رقبتو والدم الملي ملابسو عاين لي ابو ماجد بنظرات متوسله ووقع وهو مغشي عليهو عاين لي ولدو الجاء داخل وكانو بيقول ليهو اهرب ياولدي نزلت دمعه من عينو مجرد ما شافو مرمي جنبو والدم سايل من قميصو غمض عيونو وهو بسمع صوت اطلاق رصاصتين في جسم ولدو

......يتبع........

_____________________________________

اولا شي حابه اعتزر عن اهمالي في تنزيل البارتات في اخر يومين بس كان وفاه ود عمتي الله يرحمو ويغفر ليهو

*وشكر خااااااااص لي كل الناس القلقو علي وكانو بيراسلوني فتره انقطاعي دي ويطمنو علي لاااف ليكم*

#تنبيه:
عارفه البارت دا شويه ملخبط لانو مفروض يكون ماجد هو البيتذكر وفي حاجات كده غربيه زي لما ابوهو يتذكر الخطه والحاجات دي ممكن تقولو انها ما فلاش باك ممكن تقولو انها عباره عن تكمله لي قصه ناس ماحد ودنيا وكده احنا خلصنا من ماجد ودنيا نهائيا تاني ماف فلاش باك ولفه الراس دي كلها


*معليش لو البارت قصير بس بوعدكم بالتعويض*

قصص وروايات ايلاف الطيب

09 августа 2019 16:33

واقف ومبتسم قالت والعبره خانقاها:لو عايز تحبني وانا كده اهلا وسهلا لو عايز تفرض نفسك علي وتغير فيني حاجات من طبعي فما دنيا البتتغير علشان زول
_ابتسم:ولا عشاني
_ابتسمت:ولا علشان اي زول
_خلاص والله اسف بعتزر منك بس يادنيا كدي نحسبها دينيا وبالعقل كده انتي مسلمه لبس زي الفي جسمك دا م صح ولا ما كده ما مفروض تلبسي كده الا قدام راجلك بس
فضلت مركزه في كلمه «راجلك»دي وما ركذت في باقي كلانو ابتسمت واتوردو خدودها اللحظه دي حبتو حب ما عادي حب حتي هو ما حيتخيلو نادرا ما تلقي راجل يغير عليكي بالشكل دا وعت علي نفسها لما قال ليها:فهمتيني يا دنيا
هزت راسها ايجاب بحماقه وهي فاتحه خشمها ساي وخلتو ومشت علي غرفتها
مرت ايامهم حلوه مع بعض وشويه شويه دنيا بدت تحسن لبسها كانت بتهبلو بي تصرفاتها الطفوليه ولما يزعل منها بتجيب شرابها وشرابو تختهم جنب بعض وتعمل حركات جنووونيه بمعني الكلمه العحبو فيها اكتر حبها لقراءه الروايات بتعشقها عشششق رجع بيتهم وهو ميييت فرح وسبحان الله اليوم داك كان يوم ممطر بشكل خيالي كان قاعد يتونس مع رهف ويحكي ليها عن دنيا اللهفه الكانت في عيونو وهو بيحكي ليها ويتمتم مرات فرحتها مشت عملت نسكافيه ليهم الاتنين وجابت معاها الجيتار حقو وحلفتو يالف اغنيه لي دنيا فضل اسبوووع كامل يالف ليها اغنيه والاسبوع دا كلو ما قابلها ولا برد علي مكالماتها ومسجاتها كان يوم اتنين اتفق معاها يتقابلو كان الصباحيييه كده والاجواء حلوووه ومبهجه واقف وهو متكل علي سيارتو منتظرها عدل وقفتو مجرد ما شافها كانت لابسه فستان اسود تحت الركبه بشويه اكمامو طويله ضيق من الصدر والخصر وفاري من تحت بس ما فاري شديييد وعامله ميكب خفيف وجميل كان باين من ملامحها انو في شي مضايقها اول ما وصلتو قبل السلام حتي:لي اسبوع كامل بتصل بيك لي بتطنش مكالماتي فاكرني لعبه عندك وفت تعوزني تتصل بي يا ماجد
_انتي كدي اهدي عندي ليكي مفاجاه
_انا الحافاجئك يا جميل انتا بكره حارجع السودان اتشاكلنا مع بابا وجبروني ارجع يعني لحدي هنا واحنا خلاص انتهينا اصلا كنتا عارفاك بتلعب بي وعايزني تمضيه وقت بس انا بالجد حبيتك علشان كده كنتا دايما بطنش الافكار السلبيه البتخطر لي
وخلتو ومشت من دون ما تسمع ردو حتي كلامها نرفزو وجننو بطريقه ما عاديه مسك تلفونو اتصل رد بعد جرسين قال مجرد ما وصلو صوت ابوهو:يا حاج اسمعني انا بحب لي بت وعايز اتقدم ليها
_بس انت لسه صغير اتخرج اول بعداك تعال فتش وراء الفارغه قال بحب قال
_نكمل كلامنا في البيت

رجع البيت وهو عارف انو حيلقي ابوهو هناك وصل البيت دخل جوه وتوقعاتو كانت صحيحه ميه بالميه لقي ابوهو قاعد ومنتظرو سلم عليهو في راسو وقعد جنبو:اسمها منو??!
_دنيا المغربي
ابوهو من سمع الاسم ظهرت لمعه في عيونو:خلاص يا ولدي الله يوفقك ما بقيف في طريقك انا
قام باسو في راسو وطلع غرفتو وهو مستغرب ابوهو وافق بسرعه كده لي اتصل بي دنيا بس ما بترد تاتي اتصل بتفصل في وشو اتصل تاني حتي ياداب ردت:ما انا البلعب بي بنات الناس وانا كمان عندي اخت والما برضاهو في اخوات غيري ما برضاهو في اختي اسي كلمتا الحاج يا دنيا انا عايزك مرتي وحلالي ولو ممكن ترسلي لي رقم ابوكي اسي
طبعا زولتنا من الصدمه بس قضتها صواريخ وبكاء وكل شويتين تقول ليهو بحبك تاني تاخد بكيتها وصواريخها وتاني تقول ليهو بحبك وعلي هذا المنوال قضو ليلتهم وهم مبسوطين ويا دنيا ما فيكي الا ماحد ودنيا قضو المكالمه كلها ضحك وحتي فكرو في اسماء اولادهم:
_عايزه لو جبنا بت نسميها لين(انتو كدي عرسو اول الجني هين)
_واشمعنا لين لا حتكون رهف
_لييين يعني ليييين
_ايش المميز في الاسم دا يعني
_لانو اسم زوله مقربه لي

مرت الايام ودنيا نزلت السودان وابو ماجد نزل السودان واساسا اعمامو عايشين في السودان اتقدمو لي دنيا وتمت خطبتهم رسميا بس لين ما قدرت تحضر الحطوبه ماجد كان مصر يقلبوهو عقد حتي اهل دنيا وافقو بس ابوهو رفض وبشششده انو بس تكون مجرد خطوبه اتفقو ابو دنيا الي هو ابو لين وابو ماجد انو يدمجو شركاتهم مع بعض وكذا والفتره ديك ابو ماجد كان ماري بظغوطات ماديه واحتمال كبيير انو يدخل السجن وابو دنيا كان طوق نجاه ليهو بس هو خطتو كانت اكبر من كده رجع تركيا تاني وطلب من ابو دنيا انو يجي تركيا علشان يوقعو عقود الاندماج سافرت العيله كلها قضو ايام حلوه في تركيا وجاء اليوم الموعود ابو دنيا اسمو محمد المغربي
المهم محمد ومومن مشو علي الشركه كان في مجموعه من الرجال منتظرنهم سلمو عليهم ودخلو الشركه وهم داخلين علي غرفه الاجتماعات كده تلفون مومن رنه استاذن منهم ورد كانت نغم خطيبتو:صباحااااتك.عثل
_صباحاتكم انتو ناس السودان
_اها يا عريس حتنزل السودان متين???!
_ضحك:اديني اسبوع بس يا عروس
_واااي انت جاااادي قالو لي ما حتحي الا اسبوع العرس بحبك ياخ والله بحبك
_وانا كمان بحبك الله يشهد مكانتك في قلبي
_اسكت تتذكر زمان قبل نرتبط كنتا بتقول لي مكانتك في قلبي زي لين ودنيا

قصص وروايات ايلاف الطيب

08 августа 2019 10:59

السلام عليكم
بعتزر عن عدم انتظامي في تنزيل الحلقات في اليومين الفاتو جراء لوفاه ود عمتي (ادعو له بالرحمه والمغفره) بس بحاول بقدر الامكان انزل حلقه اليوم

قصص وروايات ايلاف الطيب

04 августа 2019 19:21

سلامه الموجودين
كمل كلامو وعاين لي لين
ولين ولا كانو بيتكلمو معاها مشت علي اول تاتشر فتحت الباب وركبت قدام مع السواق بسكوت ضابط يوسف مشي عليها فتح الباب وهو بيامرها تنزل والله وكانو بياذن في مالطه عاينت ليهو بنظرات حاده:دي امي وانا اولي منكم انتو كلكم
ضابط يوسف:خلاص امشي انتي بدل مننا ما احسن
_يا شيح انت زي ما سمعتا في المكالمه انو فادي اداني مهله لي الساعه 9 وفاضل 6 ساعات بس فانجز
اتكلمو كتير وهي محجره راسها في الاخير قالو يسوقوها ناس رهف حلفو الا يمشو رهف ركبت مع ريان ولوي وعهد مع ماجد ولين في التاتشر😂😂😂😹💔

الطريق كلو ريان ما اتكلم معاها حتي هي استغربت للان ما قادر يصدق انو ناس رهف كتلو اهل لين شادن ودنيا ومومن كانو زي اصحابو اصحابو شنو ياخ كانو زي الاخوان زفر بضيص افكارو ملخبطه قطع شرودو لما حس بيهم وقفو
نزلو كلهم لما الطريق بقت وعره وماف مجال لدخول عربيات لانو الطريق ضيق

نزلت بهدو وهي بتتمعن المكان كان كلو عباره عن اشجار عاينت لي يوسف البدا يتكلم:حنمشي قريب للمكان المحتجزين فيهو امك ما حنتحرك الا بعد المغرب علشان الظلام وما حيحسو بينا كده
_بس كده حتكون محتاج ساعتين بس علشان تنقذوها ناسين كلام فادي انتو
_ساعتين كفايه وزياده كمان
نزلو كلهم حتي الشرطين كانت هي وماجد ماشين سواء وكل مايجو جنب غصن شجره مايله يرفعها ليها علشان تمر بتحيرها شخصيتو المتناقضه دي بتحس بيهو طيب مع انها عدوتو وبيكرها واكتر من مره دخلت معاهو في نقاشات حاده ومهينه لرجولتو ما بيعرف شي عنها غير انها صحبه ريان البيخليهو يعمل دا كلو شنو وحتي ريان كلمها انو كان حارسها في المستشفي معاهم مستغربه كيف ولد زيهو ممكن يقتل ناس كيف واحد زيو بيقدر ييتم عائله كامله??!....
يحرق حشي ام علي اولادها??!...
كيف واحد بشخصيتو الهادئه والطيبه دي بيقدر يكتل حبيبتو واهلها??!
كيف واحد زيو ممكن يقتل مراه حامل??!
عاينت ليهو من جهه واحده كانت ملامحو هادئه حست بقبضه في قلبها لي وهله حست انو في شي غلط حست وكانو في حلقه مفقوده
حولت نظرها لي ريان ورهف والقصادهم بس وراهم بشويه رهف بتحاول تتكلم مع ريان وهو ولا شغال بيها حتي حست بيها وكانها حتبكي من نظراتها ليهو عرفت انو رهف بتموت في ريان رهف ما ليها ذنب هي لي تدخلها وتخليها واحده من ضحايا المجزره والحرب الحاصله بينها وبين ماجد قررت بانو اول ما تنحل قصه امها حتتكلم مع ريان بموضوع رهف بس هي متاكده انو ما حيسمع كلامها لانو دنيا كانت صحبتو زيها واحد

حست بالدموع بتتجمع في عيونها واجعها حال الغدر تعبت من حالتهم كل يوم مشكله اخدت تفس تهدي نفسها عسي ولعلي الهواء الاتنفستو يطفي النار الشاعله جواها عاينت ليهو وهي خاته ايدها في مكان قلبها نفسها تسالو اسئله كتيييره اولها لي عملتا كده في دنيا??!


وصلو قريب لمكان حابسين امها اتقدمت شويه بعدت الاشجار المغطياهم عاينت للبيت الخشبي القدامها بيت قديم حتي انو شويه ويقع من شدت ما قديم كان فيهو حراسه بسيطه عرفت انو عادل وفادي قروشهم.ما كفت علشان يجيبو حراس اكتر رجعت وجلست تحت شجره كبييره قعدو قرابه الساعتين كده اتذكرت وليد مشت لي ريان وكلمتو يتصل بيهو يجيهم هنا يمكن يحصلهم ويساعدهم ورجعت مكانها شويه والواطه مغربت اتيممو وصلو المغرب البنات براهم والرجال براهم دعت من كل قلبها لي امها وختمت دعواتها وهي بتدعي ربها انو ياخد ماجد ويعذبو زي ما عذبها
شويه واتجمعو كلهم حول يوسف البدا يشرح الخطه وهو ماسك عصايه وبيرسم في الارض:البيت محاوط بي سبعه حراس مسلحين واحنا كلنا من دون البنات 17 واحد واكترنا مسلحين لانكم يا شباب ما حتشيلو اسلحه حنحاوط المكان وانتو يا بنات حتفضلو هنا
عاين لي لين:كلامي دا مفهوم
ابتسمت بتحدي ومسكت منو العصايه حقتو مسحت الخطه الهو رسمها في الرمل بي رجلها وابتدت ترسم خطتها:بما اننا 20 بي انا ورهف وعهد وهم سبعه بس فحتفوز الغالبيه طبعا اوريكم الخطه حتكون كيف انت مش قلتا انو عندكم قوات مشت قبلنا علشان تتفقد المكان في حال كان في اي خطر انت حتدي اشاره لي رجالك الفي الناحيه التانيه يهجمو عليهم وانتا ورجالك حتتحركو تهجمو معاهم كده رجال عادل حيتشتتو انا ورهف وعهد حنتسلل بينكم بهدوء ونفتح الباب ونطلع امي
ابتسم ماجد علي فكرتها وذكائها شويه كده ويوسف ادي اشاره لي رجالو البجهه التانيه انو يتحركو وما هي الا ثواني حتي هجمو عليهم واتحركات قوات يوسف مع ناس ماجد ووليد لسه ما ظهر لما حست انو الاوضاع هديت نزلت من الحافه هي ورهف وعهد ببراحه مشو علي جهه الباب كان مقفول بطبله عضت علي شفتها وهي بتفتش علي حاجه تضرب بيها الطبله لانها قديمه وحتتكسر بالساهل لمحت ليها حجر كبير شالتو بالرجاله وهي بتضرب الباب بس حلف ما يتكسر شويه وحست بي زول وراها كان ماجد مسك منها الحجر وضرب للطبله بي قوه بس ما اتكسرت ضربها مره تانيه بس برضو لا شويه كده وسمعت صوت امها الخايف من الناحيه التانيه:مين??!

قالت بصوت عالي نسبيا وبنبر

قصص وروايات ايلاف الطيب

02 августа 2019 13:25

سوال؟!
هزت راسها بايجاب من دون ما تتكلم
_لين انا اخر مره خليتكم المتزكرو انو اختك دنيا كانت حتتخطب ولا اتخطبت واخوكي كان عريس واختك شادين كانت حامل في الشهر التامن ووليد عايز يمسك فرعكم الفي السودان وانتي فتحتي متحف لرسوماتك ومخططه تكتبي كتاب لو متذكره مره قلتي لي كده وابوكي عايز يدمج شركاتو مع اهل خطيب دنيا
اجي القي ابوك واخوك وشادين ودنيا متوفين الله يرحمهم واعلنتوا افلاسكم وامك متزوجه راجل تاني لا وكمان خايب وسكير وفوق دا كلو اسي خطفها واخوكي علي حسب العرفتو من ماجد انو وليد طلع بيشتغل مع ماجد صراحه كده انا ما فاهم اي شي كنتو وين وبقيتو وين اشرحي لي فهميني حاجه يا لين سكوتك دا ياهو المخوفني في شنو؟!
رفعت حاجبها وهي بتتسم بطريقه مستفزه قالت بضجر وهي بتعاين ليهو من فوق لي تحت:عامل فيها ما عارف يا رياااان الشااازلي دور القطه المغمضه دا مش لايق عليك خالص فبطل تمثيل
_ببرود وهو بيتجاهل نظراتها:طيب رايك شنو تفتحي للقطه المغمضه دي عيونها لانو بالجد عيونها مغمضه!!!!!
عاينت ليهو وابتسمت يعني ريان ماليهو دخل بالمذبحه العملوها عائله الشازلي باهلها:لو حكيت ليك ما حتصدق حرف واحد وحتخرب علي كل حاجه فشنو احسن انت تسكت وانا اسكت
عفس ملامحو بضجر:لين ما تجننيني ما تديني كلام ناقص فهميني حاصل شنو؟!
_دا ما وقتو يا ريان!!!
ضرب الطاوله بقوه لما خلعها واتكلم بنفاذ صبر:لين احكي وما تجننيني
صرخت بقهر:عايزني اقول شنو يعني عايزني اقول ليك ماجد ود عمك كتل اهلي بسبب ماجد حاليا احنا قاعدين القعده دي ومنتظرين اتصال عادل علشان يهددنا ويسمعنا فارغه بسببو احنا اعلنا افلاسنا تصدق هو زاتو خطيب دنيا غدر بيها وبينا يوم دمج الشركات كتلوهم وشادين
شدت علي قبضتها وهي مغمضه عيونها ما قدرت تكمل وهي بتتذكر كيف ماتت شادين اتنهدت بضيق:الما عندهم رحمه ضربوها بعربيه اتخيل بس السياره جات طالعه فوقها وملامحها ما بتتشاف بس لحمه علي عضم بصعوبه بالغه قدرو يطلعو بتها ما عاشت غير تمنيه شهور وكلهم في الحجر الصحي وفورا اتوفت💔💔💔
عايزني اقول ليك شنو تاني
_فتح عيونو باستنكار:ريحانه دا ما وقت هظارك
_صرخت فيهو:اسي في نظرك انا بهظر يعني ايواه كل الاحنا فيهو حاليا بسبب ماجد الشازلي
_ابتسم بهدوء:لو قلتا ليكي صدقتا حرف واحد من كلامك اكون كذبتا عارفه ليه؟!
لاني بعرف ماجد حق المعرفه ياخ ماجد دا ما بياذي نمله خلي يقتل ناس
_قالت وهي بتضغط علي الكلمات:دا كان تفكير كل الناس عنو وكل القابلوهو وتفكيرنا احنا عنو وتفكير دنيا عنو بس هو طلع غير كل المتوقع خليني انا احكي ليك وكلامي دا ما ساي بي دلائل
رفعت اصبعها السبابه وهي بتحسب قالت بنبره باكيه:اولا ابوي ويامن عارفهم ماتو كيف??!
مشو اجتماع مع عائله الشازلي علشان يدمجو الشركات وكان الاجتماع مع ماااااجد الشازلي خدعهم وخلاهم يوقعو علي اوراق التنازل عن كل نصيبهم وشركاتهم حتي الفلا الفي تركيا كل شي وبعدها غدرو بيهم وكتلوهم يا ريان وما اكتفو بكده بس الفو قصص وطلعو اشاعات عن يامن انو متزوج عرفي وعندو ابن غير شرعي وسيرتنا بقت في كل لسان
عضت علي شفتها ودموها ماخده مجراها علي خدودها:شادين اختي كانت حامل ياخ حتي ما حنو علي جنينها الفي بطنها قتلوهو قبل ما يشوف حاجه في الدنيا ضربتها حافله تابعه لسواق مستاجر من قبل عائله الشازلي ودا كلو لانها كانت عايزه ترفع فيهم قضيه
دنيا اكتر واحده اتجرحت ياخ خسرت ابوها واخوها واختها بسبب حب حياتها ياما كانت بتقول لي ماجد دا من لحظه عرفتو عرفتا معني العائله!!!!!!!
الكانت فاكراهو عائلتها خسرها كل عائلتها اتخيل العذاب العاشتو كانت بتموت موووت عايشه صراع نفسي مع نفسها وتانيب الضمير وانها كانت السبب لدرجه حاوله كذا مره تنتحر ما قدرت تعيش مع تانيب الضمير يا ريان وبعد دا كلو اتخيل منو الكتلها???!
ابتسمت بالم:ولد عمك المصون ضرب سيارتها ما تفتح عيونك كده ضربها بعربيتو هو كمان تصدق???!
ووليد لفقو عليهو تهم ودخلوهو السجن وبعد طلاااع روح حتي طلعوهو
حتي الشركه الحاليا شغال فيها ماجد دي حقتنا احنا واياك تنكر اها في دلائل اكتر من كده???!
ولا امي المتصبره بي منتظراني اجيب حق عيالها بكاها كل ليله علي اولادها ياخ خسرت راجلها وتلاته قطع من قلبها في كسر من الثانيه يا ريان انا الوحيده الطلعتا من المذبحه دي سالمه لانهم ما بيعرفو انو دنيا عندها اخت اسمها لين ولا بيعرفرني ولا قابلوني حتي الخطوبه ما قدرتا احضرها علشان كده انا الوحيده الطلعتا منها وانا الوحيده الحاجيب حقهم ريان انا وبس
_همس بخفوت من وقع الصدمات الوقع عليهو:كيف يعني قصدك شنو تجيبي حقهم???!
_وقفت علي حيلها اتكلت باصابعها علي الطربيزه الهم جالسين فيها ابتسمت بجنون وهي بتقول ليهو:حانتقم منهم
التفتت وهي ماشه منو فتحت عيونها علي وسعهم وانحبست انفاسها لما شافت ماجد ورهف ولوي وعهد واقفين وراها وباين الصدمه في وشهم
عاينت لي ماجد الاتقدم ناحيتها بلعت ريقها بخوف واطرافها بترجف.....

قصص وروايات ايلاف الطيب

02 августа 2019 13:25

❄الفصل الاول❄

💞البارت الحادي عشر💞.

رجعت البيت بعد الحفله كانت فرحانه جدا وصلها ريان ودخل معاها يسلم علي امها ووليد استغربت لما لقت باب البيت مفتوح دخلت بسرعه وقفت بفزع كان كل شي خراب ومكسر عاينت للدماء الماليه الارض بصدمه نقزت علي ايد ريان وهو بياشر
ليها بايدو البترجف علي المروحه والحيطه رفعت نظرها ببط صرخت بصوت عالي وما هي الا دقائق حتي وقعت مغمي عليها من المنظر الشافتو......

وليد ليهو تلاته يوم بيفتش في امو ما خلي مكان ما بحت فيهو ونوم حتي ما نام خلال كل الفتره دي كانت نفسيتو في الحضيض خصوصا انو اختو ليها ليها يومين فاقده الوعي في المستشفي كان خايف يقدم شكوي للشرطي والخطفوها يعرفو وياذوها لامو خصوصا انو حاسي بنفسو مراقب الايام دي...........
اليوم داك بيتو في المستشفي هو وناس ماجد كانو حارسيين لين...
وليد حالتو كل ما ليها بتتراجع من سئ لاسواء بس بيتصبر لانو ما عندو حل غير الصبر وخاصه انو اختو محتاجاهو جدا.....
كان بيعاين لي ماجد وبيتبعوا في خطواتو في اي مكان بيمشيهو في المستشفي لانو في لحظه فزع جابو لين في نفس المستشفي المدخلين فيهو دنيا وخايف باي طريقه كده ولا كده يمشي بجنب غرفتها ولا يدخلها بالغلط وهكذا دا كلو احتياط والا كل البيخططو ليهو من سنتين💔💔💔.....

فتحت عيونها بسبب اشعه الشمس المسلطه في وشها عقدت حاجبيها باستغراب وين هي؟!
كل شي عباره عن ابيض في ازرق غظضت عيونها وفتحتها وهي بتتذكر لما هي وريان دخلو البيت الحائط كلو كلن عباره عن دم فكره انو ممكن تطون دماء امها بتذبحها💔💔 وقع نظرها علي وليد المتسطح في الكنبه واخر راحه ونومه وعهد ورهف في الكنبه التانيه ونايمين عاينت لي وليد بنظرات مميته امو ما معروف اراضيها وهو هنا متسطح ولا همو وكانو الدنيا سايبه عند حضرتو...
بحركه لا اراديه ضربت الادويه والاجهزه الجنبها ووقعت الادويه طلعت صوت عالي وليد وناس رهف قامو مخلوعين لين بدت تصرخ باعلي صوت وهي بتنبز في وليد قرب منها بفزع وهو بيحاول يحضنها بس هي بتبعدو عنها في اللحظه دي جو داخلين ناس ماجد ولوي وريان وهم شايلين اكياسةفيها اكل لين ضربت وليد كف وهي بتصرخ فيهو:يا خايب يا الما بتشبه الرجال امك مفقوده وانت هنا نايم ولا همك
مسك ايديها الاتنين بايد واحده وضماها عليهو وهو بيربت علي كتفها وهي بتبكي بحرقه اشر لرهف تمشي تنادي الدكتور طلعو هي وعهد وبعد دقيقتين رجعو مع دكتور حسام اداها حقنه مهدئه وما هي الا دقائق حتي رجعت نامت من اول وجديد

بعد نامت وليد رجع قعد في الكنبه وهو ما قادر يشيل انفاسو رفع راسو بحركه جنبو كان ماجد مد ليهو علبه فيها نسكافيه مسكها منو وطلع وهو بيتذكر في اختو.........
ماجد عاين لي لين ابتسم بهدو وهو بيعاين ليها نايمه بسكووون

****

**

**

**

**
**

في جانب حنان ام لين:

فتحت عيونها بشويش عاينت للمكان بتفحص
غمضت عيونها حاسه بالصداع حيشق راسها نصفين عاينت حوالينها للمكان الهي فيهو كان اشبه بقبو كل شي فيهو خراااابه حاولت تقوم عاينت لي رجلينها المربطين ونفس الشي يدينها نزلت دمعه علي خدها وهي بتتذكر عيالها واحد وراء التاني اولهم يامن كبير البيت كانت بتحبو حب مبالغ لانو البكر كان السند لي ابوهو واخوانو كان عريس لما اتكتل اتذكرت انها كانت لحدي يوم الخطوبه حقتو هو ونغم بتحاول تمنعوا لانها عارفه عن اضرار زواج الاهل يمكن الاطفال يجو معاقين ولا صم وبكم علشان كده حاولت بقدر الامكان تمنعو هي كانت زيها زي اي ام عايزه الخير لي جناها خطبها وحتي بعد الخطبه هي مصره تخليهو يفركش الخطوبه يوم ودو الشيله برضووو هي لسه مصره انو الزيجه ما تتم لييين ما جاء يوم وهم في نص نقاشهم دا مسكها من ايدها قعدها:يا يمه يا غلاي انتي عايزه تشوفيتي عريس وتزفيني وتفرحي بي صح؟!
_ايواه بس ما مع نغم يا وليدي نغم بت عمك وزواج الاهل كعب وبيجيب مشاكل في الانجاب و....
قاطعها:وانا غير نغم ما بعرس اسي كان عايزه اتصل عليها اقول ليها انا فركشتا الخطوبه حاعمل دا كلو علشان رضاكي يا غلاي لانو ما بيهون علي زعلك بس خليكي عارفه وختي المعلومه دي في راسك ما تجيني يوم تقولي لي بت هناي ولا تعال العرس دا اختار ليك عروسه وكلام فاضي اتفقنا؟!
ابتسمت وهي بتتذكر بتها شادين كانت خبيثه ولعوبه بس برضو طيبانه وبتريد اخوانها وبالذات لين بتحبها مووت غمضت عيونها باسي وهي بتتذكر كيف كانت موتتها مخزيه💔💔😢
بعدها وليد من لما كان صغير كان انطوائي وما بتكلم مع زول وطوول اليوم لازق فيها حتي كلام ما يتكلم الا بعد كبر ووعي بقي اكتر شي متلصق بي لين كانت علاقتهم ما طبيعيه فيها شي فريد واي زول بيشوفهم بيتكلم عنهم

ابتسمت بهدوء لما اتذكرت دنيا وهي بتتكلم مع نفسها:
بتها دنيا💔مشتاقه ليها شديييد مع انها هي سبب كل المعاناه البنمرو بيها حاليا بس ما بقدر الومها لانو الحب ما عيب ولا حرام علشان ازعل منها الحرام انها حبت الشخص الغلط وبسببو اتيتمو اولادي وبسببو خسرت راجلي وعيا

قصص وروايات ايلاف الطيب

02 июня 2019 00:15

ت علي اي شي





**

رجعت البيت بعد الحفله كانت فرحانه جدا وصلها ريان ودخل معاها يسلم علي امها ووليد استغربت لما لقت باب البيت مفتوح دخلت بسرعه وقفت بفزع كان كل شي خراب ومكسر عاينت للدماء الماليه الارض بصدمه نقزت علي ايد ريان وهو بياشر
ليها بايدو البترجف علي المروحه والحيطه رفعت نظرها ببط صرخت بصوت عالي وما هي الا دقائق حتي وقعت مغمي عليها من المنظر الشافتو......

Cut😝:

*اعزروني البارت ما طويل شديد زي ماوعدتكم😣😟*

#نهايه_البارت_العاشر👡.
بختم كلامي بالصلاه علي النبي عليه افضل الصلاه واتم التسليم💜👣.

قصص وروايات ايلاف الطيب

02 июня 2019 00:15

موقف واحد سئ بيستذكر كل المواقف السابقه لي وهله عقلها استذكر كل شي لحظات كتل ابوها واخوها اهانات ماجد ليها وطعنو في تربيتها وشرفها عادل البيضرب امها واختها دنيا العايشه علي اجهزتها كل شي انعرض قدامها وكانو شريط سينمائي
اتنهدت بضيق من حياتها وهي بتسمح لدموعها بالنزول......
مهما حاولت تظهر حدتها والكره لمن حولها بس في الاخير في داخلها في قلب كسير مجروح!!
قلب مذبوح من غدر الحوالينو!!!!
اختها دنيا كانت عايشه زي اليتيمه مع انو اهلها عايشين مشرده في بلاد تانيه كانت دائما تقول ليها انها بتحس نفسها يتيمه وماف زول بيحس بيها بس من لما قابلت ماجد واحتواها حست بطعم العائله لاول مره!!!!

اختها حبتهم من كل قلبها......حاولت تعوض بيهم يتمها ووحدتها!!!!
بس خذلوها💔💔
بتفكر في المعاناه المرت بيها اختها.....
ما هي اقل منها بشي عدم وجود ابوها سندها الحائط البتميل عليهو حاسه وكانها في غيبوبه وحتصحي ودا كلو حيكون حلم.....
زادت دموعها وحالها يشكي..
ما اصعب حال اليتيم!!
اخذت نفس عميق وايام الماضي تلاحقها...
يذبحها حال الخذلان من ريان وهي تتذكر انو من عائلتهم نفسها تصرخ وتقول«ليه خذلتني»
ما محتاحه زول!!
لكن المشاعر الجواها مستحيل تنساها شعور الحقد محي كل شعور تاني بداخلها....
حتي لو دفنتها حتحي من جديد.....
مستحيل تنسي لانها
«مظلوووومه»

كانت سامعه اصوات الحاولينها انتشلها من افكارها صوتو الخشن:يا بت نزلي ايدك
فجاه حست بزول مسك ايديها الاتنين عاينت ليهم كلهم مخلوعين منها كانت شايفه الحاجه دي في عيونهم ونظراتهم عاينت لي ماجد الماسك ايدها كانت نظراتو اقل من عاديه وكانو بيحاول يحسسها انو ما فيها شي.....

ماجد مسك ايدها بقوه وبعدها عن وشها عاين ليها واتقمص البرود كان وشها محمر وخدودها وجبهتها اتملكو اللون الاحمر وفي بعض الحبوب الحمراء الصغيره كانت حالتها مزريه بالمقارنه ما بين شكلها الطبيعي وحاليا
ريان:حاخدها المستشفي
ماجد:لا انا بوديها
قطع كلامو علي صوتها:لو هو الحيوديني رجلي تنقطع وما ادخل المسشفي
صرخ ماجد بي نفاذ صبر:اقول احسن تخرسي عندك عين تتكلمي بعد الخرابيش الفي وشك دي
وقفت مع ريان وهي متجاهله كلامو ونظرات الحوالينها اتلثمت بي طرحتها وطلعت لحدي ما وصلو العربيه
وصلو المستشفي نزلو ودخلو لي دكتور بشره وصف ليها بعض الكريمات وموڤ نسبه لي انو انكب في وشها مويه سخنه هيجت ليها وشها وقالو ليها اقل شي شهر ووشها بيرجع لو انتظمت بالكريمات وما طلعت لمده شهر رجعو العربيه كان الصمت مخيم علي المكان لحد ما اتكلم ريان:والحل مع امتحاناتك
ردت ببرود:بتنقب
هز راسو بتفهم:لين مالك مع ماجد ودي شنو حكايه انو ساعدك دي؟!
_دا واحد متخلف ساي ما تهتم لكلامو
_المهم يا لين نصيحه مني ليكي ابعدي عن ماجد صح انو طيب وخلوق بس احسن ليكي تتقي شرو
ابتسمت بسخريه: للاسف كلامك جاء في وقت متاخر بس حاليا ياريت تخليهو هو اليتقي شري
وصدت بوشها للناحيه التانيه.......

~.~.~.~.~~.~.~.~.~.~.~.~.~.~.~.~.~.~.~~.~.~.~.~.~.~.~.~.~.~.~
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

مر شهر علي الجامعه وانتهت فتره الامتحانات بخيرها وشرها لين كانت مداومه في العلاجات من دون اي تقصير واتحسنت بشرتها نوعا ما..... اتنقبت لي فتره ما هي بالطويله ووقفت النقاب بشرتها اتحسنت لي درجه طلعت من البيت وهي ماشه علي المطعم دخلت ارتعبت من حال المطعم كان هادئي جدا اتذكرت انو الليله عندهم صيانه للمطعم والنادلات عندهم اجازه
عاينت لي ريان الجالس في كرسي وجنبو زول بس كان مديها ظهرو وفارشين قدامهم مخطط الصيانه الحيصينوها للمطعم عاينت لي ريان الاتقدم منها اول ما انتبه لي وجودها سلم عليها عاينت لي الزول المديها ظهرو فتحت عيونها علي وسعهم لما التفت ليها:انت!!!😵😵
قاطعها ريان وهو بيقول بتوتر:لين طبعا حكيت ليكي قبل كده انو ابوي قال ما حاديك اوراق ملكيه المطعم والفندق لحدي ما تلقي ليك زول يشاركك في ملكيه المطعم ويشتري نصو وتكونو متشاركين وما لقيت زول غير ماجد واشتري نصو
وقبل ما يكمل كلامو قاطعتو بحده:قصدك اني بشتغل تحت امرتو حاليا
ريان وهو بيبلع ريقو بتوتر:ايواه بالضبط
هزت راسها بي تفهم وعاينت لي ماجد الاتكلم:وين باقي النادلات؟!
عاينت لي ريان الختا ايدو في شعرو بي توتر وهو بيضحك بعباطه:اداهم اجازه مدفوعه الاجر مسافه ما تخلص التجهيزات
ماجد:وانتي
لين:انا ممنوعه من الصرف وما معاهم لو اخدتا اجازه حضرتو بيطردني
هز راسو بتفهم:اوكي حنبداء من وين
لين:من السطح لانو حالتو ماساويه
ماجد:احسن نطلع ونشوف كده احسن
فتح باب المصعد وطلعو منو ريان وماجد ولين عاين ماجد للسطح كانا حالتو مزريه وسخان وسخ مباااالغ وبعض الزهور وذبلت كان في مسبح في النص ووسخان جدا حتي انو محمل طفيليات ولا الشي اللونو اخضر البطلع في مويه المطره ما قادره استذكر اسمو اعزروني😂😂

طلع تلفونو من جيبو وهو بيقول ببرود:حاتصل بي فريق عمل خاص عندنا في الشركه وحينظفو المكان
قاطعو صوت

قصص وروايات ايلاف الطيب

02 июня 2019 00:15

❄الفصل الاول❄

💞البارت العاشر💞.
💕احببته في انتقامي💕.
📝:ايلاف الطيب💝.

(سُبحان الله .
‏• الحمدلله .
‏• لا اله الا الله .
‏• الله أكبـر .
‏• أستغفــرالله .
‏• لاحول ولا قوة الا بالله .
‏• سُبحان الله وبحمده .
‏• سُبحان الله العظيم .
‏• اللهم صلِّ وسلم على مُحمد)






{ما زلت احبكي رغم كرهكي لي ولكن ليس باليد حيله حبكي يكبر في داخلي كالسرطان.....لين💔}

قطع كلامو لما حس باصابعها بنتطبع في خدو دليل علي كف رفع راسو ببط وهو بيستوعب انها ادتو كف بس قبل ما يستوعب حتي لصقت ليهو كف تاني..
عاينت ليهو وعيونها بتشعل جمر:اذا بتفكر مره تانيه تمد ايدك او تغلط علي بالكلام كان او حتي بالنظرات ما بكون مسئوله عن عاقبه افعالي
وبنهره:فاهم
صرخت بصوت مدوي مجرد ما دفن ايدو في شعرها وهو بيشد شعرها وبيلف شعرها في ايدو مما خلاها تصرخ وتتاوه بالم......
وبحركه لا اراديه رفعت ايدها ختتها في ايدو وهي بتحاول تبعد ايدو عن شعرها شداهو بقوه اكتر لدرجه انو اتساقطت بعض من خصلات شعرها صرخت بصوت عالي من شدو وهو بيجرها بي وراهو زي الكلبه نزل بيها السلالم وبتنزل السلالم سلمتين سلمتين وهي خاته ايدها في ايدو وبتخربشو بي اظافرينها عسي ولعلي يفكها بس لا حياه لمن تنادي وصلو نهايه السلالم اتعترت وقعت في الارض رجع شداها بقوه من شعرها صرخت بقوه صرخه مليئه ذل وانكسار عاينت ليهو بعيونها السوداء بينما هو عيونو كانت محمره من الغضب وانفاسو بتطلع بسرعه ضربت ايدو بقووه شديده ولزتو منها صرخت بصوت عالي:ما تمد ايدك يا حيوان ما بترجع ليك تاني
رفع راسو يمسكها تاني بس اتصعق من الكف الوصلو منها عاين حولينو كان رهف وامو والخدم كلهم موجودين اهانتو وكسرت هيبتو قدامهم وبحركه لا اراديه مسكها من شعرها تاني وجدعها في الارض عاين ليها بنظرات ناريه كان اقل مايقال عنو في اللحظه دي وحش عاين ليها بنظرات كما لو انها شي مقزز وهو بيعيف منها قرب منها بخطوات متساقله....
كانت بتحاول تستوعب الحصل رفعت راسها لما حست بيهو ناظرتو بنظرات لو كانت بتكتل هو حاليا مفروض يكون جثه هامده غمضت عيونها وهي بتسمع كلامو: اذا بتفكري مره تانيه تعيدي حركتك دي ما بكون مسئول من عاقبه الحاعملو فيكي.
قطع كلامو صوت رهف المدافعه:لا يا ماجد انا القلتا ليها تجيني و...
قاطعها وهو بيصرخ في وشها بصوت عالي:اذا بتفكري مره تانيه تتكلمي معاها يارهف ما برحمك سامعاني
ابعدي من البت دي واحده قليله الادب ساي ما عندها شغله غير تلحق الرجال
عاين لي لين:قولي لي ابوكي الزفت قالو ليك انت ما عرفتا؛تربيني علشان كده ادفني واكسب حسنه انك كتلتني وانتهيت من شري علي الرجال علي الاقل يكون كسب حسنات لانو اكيد حسناتو معدمومه ما دام انتي بتو
عاينت ليهو بنظرات قاتله ضربتو بي رجلها في ركبتو بس هو ما اتحرك ساكن بس زاد سواد عيونو:دي المره التالته تطعن في شرفي واذا فاكر اني لاحقاك اسال اختك هي قالت لي شنو...
اه انا اساسا لي ببرر لي واحد ما عندو اي ادب زيك بس والله والله والله ثلاثه يا ماجد الشازلي نهايتك لو ما كانت تحت يدي يبقي ابوي متبري مني
ضحك بسخريه علي كلامها:انتي بتتواعدي وتتحلفي انك حتدمريني انا ستات الشاي الزيك ديل بدوسهم بي رجلي وبمشي﴿من يضحك اولا يبكي اخيرا🌚🌚ولا ما كده يا قماعه🐸🐸💔﴾

وقفت علي حيلها بمساعده الخدم ليها شالت عبايتها من رهف وهي بتعاين ليها بنظرات مليئه كره عاينت لي ماجد ابتسمت بمضض:الاحسن انك ما تستبق الاحداث وتخلي الايام هي التحكم بيناتنا

والتفتت وطلعت بخطوات واثقه..
طلعت وهي تحس نفسها بقايا رماد
وبكل سهوله طار مع الريح
مسحت دمعه نزلت غصب عنها
اصعب شعور انو تكون منبوذ ومهان
شدت علي قبضه ايدها وغمضت عيونها بالم
اخدت نفس وهي تحاول تكون طبيعيه
حتكتم كل شي في قلبها وما حتخلي زول يشمت فيها بس لمتين؟!








دخلت لين المستشفي مشت علي جهه غرفه دكتور حسام دقت الباب ودخلت بعد ما سمعت الاذن لدخولها دكتور حسام استغرب الجاب لين شنو ابتسم وهو بيرحب فيها جلست مقابل ليهو اخدت نفس وهي بتتكلم بصوت متشحرج حاولت تخفي نبره البكاء الفي صوتها بابتسامتها بس ما نجحت:ماف اي جديد ولا اخبار مطمنه
هز راسو بالرفض:للاسف لسه في غيبوبتها وعايشه علي الاجهزه
نزلت دمعتها غصب عنها:لو سمحتها حابه اشوفها
هز راسو بايجاب طلع وهي طلعت بي وراهو وقف بيها قدام غرفه واشر ليها وخلاها ومشي

دخلت الغرفه بهدوء اتقدمت لين بعدم تصديق عاينت ليها كانت عباره عن جثه محاوطاها اجهزه حتي ملامحها ما باينه ولونها مايل للازرق مشت علي جهه سريرها وهي خاته ايدها في خشمها بعدم تصديق جلست بانهيار في الكرسي الجنب سريرها الطبي عاينت ليها وهي بتقول بنبره رجاء:مشتاقه ليكي فوق ما تتصوري اشتقتا لي مشاكلنا سواء لما تهبشي حاجاتي اشتقتا لي كل شي بيجمعني بيكي...
ختت ايدها في يدها الفيها درب ودفنت راسها في السرير وانفجرت في بكاء مرير:كان متلهف لي شوفتك
وبنبره ضعيفه:ا

قصص وروايات ايلاف الطيب

30 мая 2019 20:59

ت ناحيه القناديل المثبته في الارض كانو عباره عن خمسه قناديل مضيئه ﴿ما عارفه اشرح ليكم القناديل دي كيف🐸🐸وانا زاتي ما متاكده لو دا المصطلح حقها وانو بيقولو ليها قناديل مضيئه بس سمعتا انو دا اسمها....
فشنو بحاول انزل صوره ليها﴾

مسكت واحد ورفعتو لفوووق وهي واقفه علي اطراف اصابعينها صرخت لي ماجد وهي بتصفق بمرح:طااااار يا ماجد
ضحك من قلبو علي حركتها الطفوليه فكر بعد لبسها للعبايه ممكن توعي اكتر بس شكلو جنها دا شي ثابت معاها
اتقدم منها ورفع قنديل وطيرو لفوق لحد ما كملو اربع قناديل وفاضل واحد مسكتو بسرعه علشان تطيرو هي اول وهي ميته فرح بس وقفت لما مسكها ومسك منها القنديل عاينت ليهو وهو بيتنحنح وكانو عندو كلام عايز يقولوا فكت طرحتها وهي بتصلحها تاني بترتيب عاين ليها وعجبتو حركتها وكانو بحركتها دي فجرت كل الاحاسيس العندهو ولا اراديا همس ليها بخفوت: بحبك (يحبك برص عااااد😑🐍)
امتقع وشها من كلامو حاولت تغير الموضوع بس سبقها هو:قلتا ليكي بحبك يادنيا
وقف مسااافه منتظر ردها بس ما وصلو رد التف وخلاها واقفه.....
كانت منزله راسها بتستوعب في كلامو عاينت ليعبايتها واتذكرت انو وصاها تلبس لبس محتشم لانو ما عايز زول غيرو يشوف مفاتنها كيف تضيع من يدها فرصه لراجل حب فيها حشمتها اكتر مفاتنها....
نقزت لما شافتو اتحرك داخل المنتجع لي لحظه كانت عايزه تبكي وهي بتخوض صراع بينها ومشاعرها صرخت بصوت شبه عالي:وانا كمان بحبك
التفت ليها وهو مبتسم مشي ناحيتها:اوعديني انك تاني ما تلبسي شي غير العبايات
هزت راسها بالرفض:لا صعب والله
احتدت ملامحو:دنيا
هزت راسها مجامله:اوكي بحاول لاحظ قلتا بحاول
فضلو يتونسو مسافه مسك ايدها ومشي بيها علي اخر قنديل مسكوهو هم الاتنين وطيروهو لفوق سواء وهم بيضحكو...

********
******
********
******
********
******
********
******
********
قطع افكارو صوت فتح الباب عاين للبت الجات داخله ما كانت واضحه بسبب الضلام عفس ملامحو بقرف وهو بيهمس بصوت شبه عالي:ليين

_________________________

طلعت من غرفه رهف وهي بتتجول في البيت لازم تحفظ كل زوايه في البيت كانت بتفتح الغرف غرفه غرفه بتديها طله وبتتخارج لحد ما وصلت لغرفه لون بابها مختلف عن الباقين كان لونو اسود جاها فضول تعرف في شنو جواها فتحت الباب بهدوء كانت الغرفه ظلام وباااارده والاجواء مرعبه اتجمدت اطارفها وصرخت بصوت عالي مجرد ما سمعت زول بينطق باسمها...
سكتت لما اتولع النور عاينت لي ماجد البيعاين ليها باستغراب صرخت وهي بتغطي عيونها وتلتفت للجهه التانيه وتصرخ:البس قميصك يا متخلف

عاين ليها وبسرعه مسك قميصو لبسو والشياطين بتلعب في راسو شن جابها بيتهم بعد دا كلو اتاكد ميه ميه انها ملاحقاهو مشي علي ناحيتها مسكها من ايدها ولفتها عليهو بخشونه....
كانت بتعاين ليهو بصدمه لما مسكها نفضت ايدو منها بقرف اكره ما بتكره انو راجل يمد ايدو ويلمسها وبالذات واحد من افراد عائله الشازلي الهي ما بتطيق وجودهم حتي تسمح ليهو انو يمسكها كمان ناظرتو بنظرات لو كانت بتكل كان كتلتو حركت خشمها تتكلم قاطعها صوتو وهو بيقول:خييير بشنو صافنه مضيعه حاجه في وشي
عفست ملامحها بقرف:ايواه مضيعه نعالي قلتا بلقاهم في وشك😑😑(عفييت منك😹😹)
استفزتو جملتها  قال بسخريه:وهو انتي عندك عين تتكلمي لاحقه الرجال يمين شمال فاكره بانو كان لحقتيني كده بلتفت ليك هو انا الزيك ديل بدوسهم تحت رجلي وبكمل طريقي اسي في زمتك انا الراجل الكم تسكيهو وتجري وراهو اصلا حركاتك من اول يوم حسيت بيها حركات بنات ما مودبات واهلهم ما عرفو يربوهم الدليل قبل فتره كنتي مع تلاته رجال في الجزء الخلفي و....
قطع كلامو لما حس باصابعها بنتطبع في خدو دليل علي كف رفع راسو ببط وهو بيستوعب انها ادتو كف بس قبل ما يستوعب حتي لصقت ليهو كف تاني..
عاينت ليهو وعيونها بتشعل جمر:اذا بتفكر مره تانيه تمد ايدك او تغلط علي بالكلام كان او حتي بالنظرات ما بكون مسئوله عن عاقبه افعالي
وبنهره:فاهم
صرخت بصوت مدوي مجرد ما دفن ايدو في شعرها وهو بيشد شعرها وبيلف شعرها في ايدو مما خلاها تصرخ وتتاوه بالم..........


~Cut~😆:

#نهايه_البارت_التاسع🌸💀.

لي باكر باذن الله
بختم حلقتنا بالصلاه عالحبيب عليه افضل الصلاه واتم التسليم❤☺.

قصص وروايات ايلاف الطيب

30 мая 2019 20:59

               ❄الفصل الاول❄

💞البارت التاسع💞.
💕احببته في انتقامي💕.
📝:ايلاف الطيب💝.

﴿اصعب شي في الدنيا ان تجلس مع نفسك فلا تجدها......
ظلل العباره لكي تقراها وتفهمها......ماجد﴾

ابتسمت بفرح فرصه وجات لعندها خطتها علي وشك انها تكتمل كان اكبر عقبه كيف تدخل بيت ماجد بس رهف قدمت ليها الطريقه علي طبق من ذهب مستحيل تضيع الفرصه ردت بسرعه قبل ما تغير رهف رايها:خلاص بجيكي اليوم الساعه 4 رايك؟!
هزت راسها رهف بعد ما كتبت ليها عنوان بيتهم في الشيت حق لين:دا العنوان
وخلتها ومشت بعد ما شكرتها ابتسمت لين بهدوء هم وانزاح عن قلبها اخيييرا....

اتصلت بوليد كلمتو انها الليله حتتاخر بس ما كلمو انها ماشه بيت ماجد الشازلي لانها متاكده انو هيمنعها......

عاينت لي الورقه الفي يدها وهي بتعاين للبيت القدامها وهي فاتحه عيونها علي وسعهم ياخ دا مش بيت دا اقل ما يقال عنو قصر كان عباره عن قصر كبير وواسع ممتد علي الارض وماخد مساحه كبيره دخلت وهي لسه متامله في القصر دخلت الحديقه الواسعه الجميله وفي ممر بيفصل بين كل جهه وكل ممر بيمتد علي حوافه ورود طبيعيه بشتي الالوان وفي نهايه الممر نافوره مويه كبيييره مدرجه بالدرجات وبتتغير لون المويه كل ثواني.....
وجهه من الحديقه جلسات مكونه من طاولات وكراسي من خشب الصندل الراقي وبكل جهه في ارجوحات جميله وكل ارجوحه وممتد علي كل ارجوحه نباتات ملتفه
لا اراديا دخلت الحديقه ومشت هلي الجزء الخلفي اتسعت ابتسامتها وهي بتشوف اسطبل كبير وفي بعض الاحصنه طلعت من الاسطبل وحايمه بره جدعت شنطتها وجرت علي جهه الاحصنه وهي بتحسس الاحصنه عشقها في الدنيا الاحصنه لمحت ليها حصان بني مشت عليهو وهي بتتلاعب بي ايدها وبتمشيها في شعرو وهي بتضحك بمرح التفتت لما سمعت صوت من وراها عاينت ليها كانت بت وشكلها خادمه كانت لابسه فستان ابيض فوق الركبه ربع كم وفي النص رابطه مريله في نصها لونها اسود وعامله شعرها ضنب حصان.....
_زميله الانسه رهف؟!
هزت راسها بايجاب واكتفت بالابتسام.
عاينت ليها لما اشرت ليها انو تجي وراها رفعت شنطتها واتبعتاها بصمت عاينت لي البيت مجرد ما دخلو كان جميل جمال غير طبيعي والخدم كانو زي النحل بلبسهم الموحد...
بالصاله....كلها بالاوان الذهبي والابيض والجدران مطليه بلون ابيض نااااااصع ومزخرفه زخرفات جميله بالون الذهبي

......الصاله مقسمه لقسمين.........
قسم كل الكنبات بالابيض الناصع والمخدات بالذهبي الامع
التحف والمذهريات والطاولات كلها كانت بالون الذهبي الامع
القسم الثاني....
كل كنبه من اللون الذهبي والمخدات بالون الابيض الناصع والتحف والمذهريات بالابيض
الالوان بس معكوسه.......
وساعه عالحيطه اخدت مساحه عالجدار....
والثريات المتدليه من اعلي لي اسفل
يتوسط القسمين سلم كبير وواسع ممتد للصاله العلويه المكونه من كنبات بتلون الابيض.....
قطع تاملها صوت رهف الجات جاريه بسرعه من السلم ومن دون اي كلمه بسرعه مسكت ايدها وجرت بيها في السلالم وهي بتصرخ للخادمه تجيب الضيافه فوق...
طلعو السلم البيحتاج لي ساعتين في دقيقتين جرت بيها في ممر طويل ودخلت ليها بواحد تاني وبسرعه فتحت الباب ودخلت وخلتها فقلت الباب واتكلت فيهو بظهرها وهي بتتنفس بضيق وخاته ايدها في قلبها:
لين وهي بتتنفس بسرعه رفعت حاجبها ما عجبها استقبال رهف:وعليكم السلام ورحمه الله وبركاته
عاينت ليها رهف وابتسمت سلمت عليها وجلسو في الجلوس الخاص بغرفه رهف بعد مسافه دخلت الخادمه وقدمت الضيافه عاينت لي رهف البتتكلم معاها: لو عايزه ممكن تقلعي عبايتك عادي ماف زول بيدخل هنا.
هزت راسها بهدوء وقلعت عبايتها ورخت علي طرحتها وبدو يشرحو.....

         ================
         ================

دخل البيت طلع علي غرفتو بعد ماكلم الخادم انو ماف زول يزهجو لانو جاء صدع دخل غرفتو اخد شاور وطلع وهو لابس تشيرت ابيض ربع كم مع بنطلون بيتي اسود شغل المكيف فتح درج الكومودينه طلع حبه للصداع بلعها مع مويه وقلع قميصو وجدعو جنبو وطفي النور ورقد بس نهائي النوم ما جاهو غمض عيونو وهو بيزفر بضيق الصداع حيشق راسو عمض عيونو ابتسم بهدوء وهو بيتذكرها:

Flash Back😑:

طلعو الباص حقهم جلس جنب دنيا وهي جلست جنب الشباك عاين ليها كانت مركبه السماعات في اضانها ومسترخيه بي كل راحتها نكزها في كتفها برفق طلعت سماعتها وعاينت ليهو وهي بتهز راسها وبترفع جاجبها بمعني في شنو:
_ما صح تسمعي اغاني في السفر.
عاينت ليهو وابتسمت بهدوء مسكتو من قميصو وجرتو عليها وطلعت واحده من سماعاتها وركبتها ليهو في اضانو هز راسو بي تفهم لما سمع ايات قرانيه...
بعدت يدها علشان ترجع سماعتها لاضانها بس هو ضغط علي ايدها لما حس بيها حتشيل السماعه وهو بيهز ليها راسو بمعني خليها فضلت هي مركبه واحده وهو مركب واحده ورجعت بنظرها للشارع بشرود وهو بيتاملها بهدوء فيها هدوء غير طبيعي ما بينكر انو من لما شافها اعجب بيها...
فيها كل الصفات البيتمناها في البت النفسو يكمل

قصص وروايات ايلاف الطيب

29 мая 2019 08:49

يا ماجد ماف زول بيمشي كلمتو عليك خالص لانك راجل
بينما احنا كبنات حياتنا بيختاروها اهالينا نادر ما تلقي بت بتدرس خارج السودان نادر ما تلقي بت تكون شغاله كابتن طيران صح ولا ما صح؟!
قالت وهي بتضغط علي كلمتها:لانو وبصراحه كل شي مقصور بس للشباب
سكتت ما قدرت تكمل خايفه تخونها دمعه وتتعدي خدودها وتثبت ضعفها اخدت نفس عميق عسي تطفي النار الشاعله جوه قلبها
_انتي حلمك تقري هندسه طيران؟!
ابتسمت بالم وهي بتقول بصوت متشحرج:اهو قلتها بعضمت لسانك حلمك في فرق ما بين الحلم والحقيقه تصدق اني برضو من طفولتي كان حلمي اقري هندسه اختي الكبيره شادين وكل بنات عيلتي في صغرهم كانو بيلعبو بي لعبات البنات باربي وفله وكده الا انا كنتا دائما بصر يشترو لي لعبه الطياره
اهلي عايزني ادرس طب كانو بيشترو لي لعبات الدكاتره نظام اعرف انو اللعبه دي ياها مستقبلي كنتا ببكي زي المجنونه الا يشترو لي لعبه طيارات حتي مومن اخوي حاول يغير لي الفكره واخواني الباقين لي اخر وهله ابوي وافق وقرر يسجلني هندسه علشان اكمل حلمي بس اختي شادين نسبه لانها البكر كان عندها معزه خاصه عند ابوي لعبه بافكارو وعقلو لحدي ما منعني ادرس هندسه علشان كده بكرها
عاين ليها وزم شفتو:انا ماف زول جبرني بس ابوي الاشغال حتكون كتيره عليهو فهمتيني؟!
زفرت بضيق وهي بتجدع علبه الايسكريم بتضرب كفيها ببعض واتقدمتو بخطوات بسيطه ومشت علي جهه الراجل البوزعهم في مجموعات وطلع انها هي وماجد في نفس المجموعه عاينت ليهو وهي بتلعب بحواجبها علشان طلعو سواء

**
****
**
****
**
****
**
****
**
****
**

قطع ذكرياتو لما حس بحركه جنبو عاين مكان كانت قاعده لين استغرب لما ما كانت قاعده جنبو عاين قدامو كانت واقفه بعيد منو بشويه خطوات وهي فارده ايديها علي وسعهم ومغمضه عيونها وبترجع راسها لوراء وقطرات المطر بتنزل عليها بغزاره ابتسم وهو بيناظرها وكانها بتحاول تفرغ شي بدواخلها قام من مكانو وهو بينسحب بهدوء بس وقف علي صوتها الهادي عاين ليها وابتسم لا اراديا..
قالت بتردد:اممم حبيت اشكرك وكده وبالجد....
رفعت حاجبها بصدمه وقطعت لما خلاها وكمل طريقو ضربت رجلها في الارض بغضب ما خلت لفظ وما قالتو ليهو😹😹😹......

__________________________________________

في مكان اخر:

نزل من سيارته نظر الي الرجلان الذان يقفان قرب البوابه الذهبيه الكبيره اعطاهما اشاره بفتحها فتحاها بدون تردد دخل عبر البوابه الذهبيه الكبيره وهو يجول بنظره حول الحديقه صعد السلالم بهدوء وقف امام غرفه لها باب اسود اللون طرق الباب بهدوء دخل بعد ما ان سمع الاذن لدخوله نظر الي الممرضه الجديده التي تجلس قرب فراش فيه رجل كبير في السن
ابتسم علي نظراتها وهي تحول نظرها بينها وبين اخيه الذي يجلس في الاريكه يبدو انها مصدومه من تشابههما تقدم من الرجل الذي علي الفراش وهو يتجاهل نظراتها المصدومه!!!!
قبل يده بحنيه:كيفك يا الغالي عساك بخير؟!
ابتسم بذبول مما اظهر تجاعيده التي خلفها الكبر في السن:بخير دامك بخير يا ولدي الله يديك الصحه والعافيه انت وتوامك
عاين ليهو وهو بيسلم عليهو في راسو بيحب دعواتو الصادقه انسان طيب جدا..
_الله يعافيك يا الغالي
عاين للممرضه:كيف صحتو؟!
عاينت ليهو وقالت بتردد وهي بتبلع ريقها:الحمد لله في تحسن العلاج بدا يسري مفعولوا
هز براسو ومشي علي جهه المرايه وهو بيصلح كف قميصو ابتسم لما عاين للمرايه وظهر توامو من وراء كتفو وعن مدي التشابه البينهم كان واقف وراء كتفو وهو مبتسم ضربو في كتفو:اخبارك؟!
عاين ليهو وهو بيبتسم:انت كيفك؟!
اشر براسو بخفه عالممرضه من دون ما تنتبه:كلي علي بعضي تمام
وضحك
_استغفر الله منك لو عليك تفتح بيت دعاره هنا

~.~.~.~.~
~.~.~.~.~.~
~.~.~.~.~.~.ّ~
~.~.~.~.~.~.~.~
~.~.~.~.~.~.~.~.~
~.~.~.~.~.~.~.~
~.~.~.~.~.~.~
~.~.~.~.~.~

دخل بيت ناس ماجد متفقين هو وناس ريان يقضو الليله عند ماجد اتقابل في الباب مع رهف سلم عليها وسالها من ناس ماجد ودخل وهو داخل الصاله لمح سوزان ام ناس ماجد الجالسه في جلوس الصاله وفارشه رسمات لتصاميمها علي الطاوله عاينت ليهو بنظرات مشمئزه مشي عليها مسك كبايه النسكافيه وكشحها في رسوماتها رفعت راسها وعاينت ليهو بصدمه وسرعان ما مدت ايدها عايزه تضربو بس وقفت لما مسك ايدها وهو بيشد عليها وعصرها بقوه وهي عافسه ملامحها بالم قال بشراسه:حدك اياكي تحاولي تخطي علي ولا حتي بنظراتك
فكه ايدها بقرف وهو بيناظرها بنظرات لو كانت بتكتل كان كتلتها
واتخطاها وطلع غرفه ماجد وهوومولع من الغضب

﴿تنبيه للناس الملخبطين:
*سوزان دي ام ناس ماجد ورهف
*وعادل دا راجل ام لين السكير الكان في البارت الاول
*اما فادي دا ولد اخو عادل﴾

***************************************

ضربتو في صدرو بغضب واردفت ضربتها بضربات تانيه مسك ايديها الاتنين بايد واحده وهو بيصرخ:ليييييين كفي
قالت بغضب ووشها احمر:حسبي الله علي شيطانك ياوليد

قصص وروايات ايلاف الطيب

29 мая 2019 08:49

                  ❄الفصل الاول❄

💞البارت الثامن💞.
💕احببته في انتقامي💕.
📝:ايلاف الطيب💝.

﴿-سأبقى بانتظار يومٍ جميل صنعتُه في مخيلتي اصنع في قلبي المحطم حلما ✨....~دنيا~﴾

فتح الباب بهدوء عاين للشباك الكبير فتحو اكتر لمح راجلين واقفين لابسين اسود وبنيتهم قويه كانت ملابسهم مبعثره وفي اثار حمراء في وشهم فتح الباب اكتر لتظهر ليهو لين وهي محشوره في نص الراجلين وسحاب عبايتها مفتوح وطرحتها مرميه في الارض وشعرها منسدل علي طولو في ظهرها ووشها مليان خدوش وكدمات في كل انحاء جسمها وواحد من الرجال مصوب سكين علي رقبتها..........
ابتسم بخبث ابتسامه اظهرت اسنانو البيضاء المنتظمه:للان حابه تكملي بدور صعبه المنال.
بغضب وصدرها بيعلو وبيهبط وهي بتناظرو بتحدي والشرر يطلع من عيونها تفت في وشو: انت واحد حقير تفووو عليك
مسح وشو بقرف واتقدم من الراجل قلع منو السكينه والغضب معمي علي عيونو.....
عمضت عيونها بالم خلاص دي اخر لحظاتها حتموت بسبب قيس بسببو ما حتكمل انتقامها فتحت عيونها بهدوء لما ما حست بشي عاينت مكان كان موجود قيس لقتو مختفي التفتت مكان الصوت كان مرمي في الارض جنب الحيطه وماجد ظاغط وشو مع الحيط ووشو الوان من الضرب وهو بيشدو من ظهرو
بينما هي كانت في عالمها الانتقامي سبحان الله هي اسي تفكر تنتقم منو وهو ساعدها قطع افكارها صوتو الخشن وهو بيقول بنبره هادئه وهو مثبت نظرو في الراجل المصوب سكين في رقبتها:قول ليهم يبعدو عنها
قيس بخوف وبكلمات متقاطعه:خلو الحقيره دي واطلعو
لين وماجد في نفس اللحظه صرخو بشراسه:منو الحقير؟!
عاين ليهم بفذع من صرختهم جري بسرعه وراء رجالو مجرد ما ماجد فكاهو وبعد ايدو عنو بقرف مشي عليها عاين ليها كانت قاعده في الارض بتاخد انفاسها غمضت عيونها بقهر لما سمعتو رفعت راسها من الارض وعاين ليهو بجمود.....
عاين ليها لما رفعت راسها وخصلات شعرها الناعم مغطيه عينها اليمين ووشها وانفها محمرين وعيونها فيها دموع بتحاول تتماسك قدامو الظاهر مط شفتو بسخريه طلع منديلو مداهو ليها واشر علي جهه رقبتها في جرح بسيط نازف رفع حاجبو بضيق من تاففها فيهو:ما تتاففي جعلك للساحق والماحق
انصبغ وشو من الاحراج لما طنشتو وكانو ما موجود قامت علي حيلها صلحت سحاب عبايتها العالق مشت علي جهه طرحتها وهي بتتجول بعيونها عن مكان باندتها ما عندها خلق تقعد هنا ولا لحظه زفرت بضيق وطلعت بحركات بطيئه من دون ما تغطي شعرها حتي وصلت لحد الباب بخطواتها البطيئه مسكت المقبض وعايزه تطلع وقفت مكانها لما حست بزول قفل علي الباب بقوه:ختي الزفت دا براسك يقلع راسك يا قليله الادب
زفرت بضيق ما عندها حيل تتحاوش ولا تدخل في مشاكل معاهو هزت راسها وبطاعه وختت الطرحه في راسها باهمال وعاينت ليهو وهي وعيونعا غرقانه بالدموع بمعني «خلاص ارتحتا».
مط شفتو بتقييم وهو بيتسم بسخريه علي شكلها والدموع ماليه عيونها ما بيعرف لي بنبسط لما يشوفها مقهوره وحزينه استغفر بداخلو منها طلع وراها ما عرف متين نزل المطر بالغزاره دي عاين ليها كانت ماشه جنبو بهدوء نفسو يدخل عقلها يعرف بشنو بتفكر عاين ليها وابتسم شبح ابتسامه وهو بيتامل فيها لاول مره ينتبه لجمالها عاين لي شعرها الاسود الاتبلل بمويه المطر واتلصق في خدها المحمر من البكاء كان سامع اصوات اسنانها وهي بتضارب مع بعضها من البرد وشفتيها اتملكت اللون الاحمر الدموي ودموعها مختلطه مع المطر عاين ليها لا اراديا قال ما شاء الله بداخلو فيها جمال ما طبيعي حواجبها ورموشها كثيفين لدرجه بتلفت الانظار وبشرتها بيضاء لوهله خطرت في بالو فكره يربتط معاها بس سرعان ما نزل راسو لما عاينت ليهو وهو بيعض شفتو السفليه بيمنع ضحكاتو من فكرتو السخيفه.....
جلسو في جلوس تحت شجره الريحان رجعت براسها لوراء وهي بتغرق في افكارها كانت الشجره حاجبه عنهم المطر بس في شويه قطرات بتتساقط في خدها ووشها كانت منتبه لي نظراتو وهم ماشين حتي احمرار خدودها كان بسبب نظراتو ما بتقدر تنكر انها بدت تعحب بيهو بتعحبها شخصيه الاولاد الزيو غمضت عيونها بشده مستحيل تفكر فيهو حتي تفكر فيهو كيف وبسببو خسرت اهم شي في حياتها....
زفرت بضيق لازم تقعد قعده مع نفسها تفكر في حياتها زفرت بضيق متمنيه تفتح عيونها وتكتشف انو كل دا كابوس تصحي كل يوم علي صوت ابوها وهو بيحثها علشان تمشي المتحف او علي اخوها وهو بيخت المخده في وشها وبيضربها بيها علشان يصحيها ابتسمت بالم بس تاني وييييين قمت الانهيار لما تتمني انو حياتك تكون عباره عن حلم اوكابوس ممكن في لحظه تصحي علي واقعها الغير الجميل وحلمها المستحيل.....
غمضت عيونها وهي بتتذكر لما مشت ترجع الفرشه وجاتها بت قالت ليها انو ايمان بتناديها في الدور الخلفي مشت وانصدمت بي وجود قيس حاولت بقدر الامكان انها تضربو او تعمل اي شي تبعدو عنها بس كان بالمرصاد ليها هو ورجالو اصلا ما قرب منها......
عاين ليها بضجر وهي مرجعه راسها لوراء عمل نفس حركتها ورجع راسو لوراء وبذكرياتو لسنتين لوراء: