9954
#شعر_بدوي_مدح_فراق #منوعات_اسلاميات_حزينه للمشاركه او للاسفسار تواصل عبر البوت للمحضورين @Hoo_oobotَ ╔═════━ஜ۩ஜ━═════╗ الخاص ╚═════━ஜ۩ஜ━═════╝
تدري من اللي عاش بالوقت مرتاح
ولاشال من حمل الليالي ولا طن
طول العمر مرتاح من وين ماراح
اللي ضميره بالبشر يحسن الظن
خل البشر تذكرك بالخير والطيـب
السمـعـة الـزيـنـه رصيد و غنيمه
أن جيت تلقى المسهلا والتراحيب
وأن غبت تمدحك النفوس الكريمه
خلك على كل المخاليق غالي
بالبعد عنهم واحترامك لنفسك
واكرم رفيقك لا حصلك مجالي
وان شان طبعك مايزينك لبسك
يالله تجبر خواطرنا وتغنينا
من العالم الي دايم توجعنا.
كريم النوايا ما يبي للجميل ردود
يحده على درب الصخا طيب عاداته
وإن شفت بين النّاس فتنة وتشهير
إلجم لسانك قـَبـل لا يــنـعـثـربـك
عريب المجاني ما يقرب من المنقود
ذلوله عن دروب الخطا والوطا بركا
وضعيف الروابع ترثة الشايب المعقود
يحسب المراجل كيف يسبق على المركا
يامحللين الهرج للهرج نقاد
وافضل مكانه للمودب سكوته
بعض الاوادم باول الهرج ينقاد
واصبح كما الكوره وكلاً يشوته
عندي على بعض العلاقات تشطيب
بعض أصـدقاي اللي تغيّر شطبته
من لا حسبنـي في كبار المــواجيب
طـال الزمـــن والا قصـر ما حسبته
الجَناب السمح .. والوَجه الحَياوي
والكَلام الذَرب .. والنَفس النقيّة
والعَقل .. والدين .. والكَف الرهاوي
سَبع .. تَفرض لك حضور وقابليّة
أبنصحك عن خايبين المجاليس
عاشر حكيم الراي والنذل خلــه
رجل ليا جيته هروجه مفاليس
ورجل ليا جيته أبد ما تملــــه
رجل يهدم دنيته بالوساويس
ورجل يعقد الراي ورجل يحلــه
ورجل حياته كل أبوها عواكيس
ورجل حياته مثل ما قيل فلــه
عندما تنكسر المرايا..
حتى الوجوه الطيبة تتشوّه!
•
يا أهل الحزن والياس والحظ الأغبر
علاجكم .. موجود .. بين الصلوات
اللي فهم ..... وش يعني : الله أكبر
كل الأمور .. تصير عنده .. سهالات..👌🏻
ما خاب منهو يحسن الظن بالله
وما ضاق صدرٍ يذكر الله دايم
آمـا تجي حكمة تغلب على آلصمت
ولا إلـتزم بالصمت وآلصمت حكمه.
بين القرايب لاتكابر وتغتر
والجار لاتهضم حقوقه ولو جار
ياللي تقول نواجه الشر بالشر
قل للمطافي تطفي النار بالنار
أحذر تغش الناس لو كان غشوك
غادر بصمت وخل خاطرك صافي
والدرب خله سمح لا تزرعه شوك
يمكن يجيبك يوم وتمر حافي
يفرجهِا رب كريم عزيز الجّاه
يعلم بهِا يوم ضاقت الوسيعّه .
لاتشتكي للناس من ضيق الأوضاع
أكسب غناة النفس لو نممٌت جايع
ادمح خطا المخطين والحي لـ الحيّ
ما فيه درب إلاّ وفيه انحرافه
واذا اختلفت أنت ورفيقك على شيّ
فكّر .. وتدري انه على شي تافه
لـمتابعيني قدر لو ما تكلمت
وبالقلب شي ما نطق به لساني
ٰ
للي يتفاعل او يتابعني بصمت
شكري وتقديري وجل امتناني
ترى الحياء راعيه لو مامعه عرف
حياه بين الناس يرفع مقامه
َ
حتى لو انه لاحكو مانطق حرف
يجمّله صمته وقلة كلامه
مَن يحط أذنه على كل سَماعة
جات فرقا ما بَعدها تجمّاعي
إن تجمّعنا على العز والطاعة
وإن تفرقنا فجوج الله وّساعي
حنــا لنـــا شيـمه وقيمه وناموس
نبدي بهــا مـــع الوجيه الفليحه
اما يطــاولنا علـــى الـطايله روس
والا لحــد يحسـب علـينا مطيحه
من طاح بيدين السراحين مفروس
لو يتبع الصيحه ثمانين صيحه
نجامل العامل من القوس للقوس
لكن ترى بعض الخطا ما نبيحه
رجل إذا شفته تعوذ من ابليس
ورجل تشوف بوجهه الخير كله
ورجل يعكر دنيته بالدنافيس
ورجل به الأيام عيت تحلــــه
رجل كلامه مثل ضرب الدبابيس
ورجل كلامه ما يجي فيه زلــــه
ورجل لاجل ربعه يجيب النواميس
ورجل يجيب الكارثه والمذلــــه
يکفينا الله شر من فيهم الشر
ويعطينا الله خيـر مـن فيهم
ياللي تبي الطيب ومعانق الطيب
ثلاث سجلها وطبق سندها
كرامه الجيران ونطح المواجيب
ويمناك للمحتاج ابذل جهدها .