2256
خادمكم ملا علي الشاوي للتواصل ali_20115
من سجن لسجن بيه ينقلون
وذا مالت الناكه تصب العيون
اذكر من خذوها بذيج الظعون
وحرم وطفال وياها يونون
الله يساعدج عمتي يم عون
=========
من سجن السجن دارتني ليام
ويكودوني زمرة كفر ظلّام
الله يساعد المسبيه للشام
حرمه احتارت بنسوان وايتام
ضلت على الناكة تغفه وتنام
==========
من سجن لسجن و عيوني تدمع
على الناكة الهزيله وانه اسمع
الشماته تصيح ماله اولاد تفزع
ذكرت الشام بيه الحجي يلسع
وحجاياتهم بالكلب تشلع
وضعن حسين ماله زلام تشفع
يا ليل السجـن يا ليـل ..بدرك ضايعـة اخباره
ولا صـوت المُناجاتــه...وعلـت ونة بوســط داره
•••••••••••••••
يليل البارحة الي چان .. يناچـي الله بدمع عينه
عَسـه ماشر عليه يا ليل ...گلــي اشماله والــينه
ظلامـك جَنه يخفي اجواب .. أخاف اخباره مو زينـة؟
گبل ساعات ون بهداي .... امنيـن الكاظم اونينه ؟
وبس البي ألـم بالروح .... يون وروحــه محتـارة
•••••••••••••••••
معـدوم البخـت بالنّـاس ... وعله نهر الله صـاروا سد
اشلون ابن الزجيـة ايبات ...بسجون العِــده مگيـــد
يليـل اجروح بينه اهواي.....وجمرة حِـزن ما تبــرد
بگلب الرضا الطف والشّام.. ..ارحم گلب أبو محمد
لا تكسر ظهر مكســـور .....بيش ايلاگـي خِطـاره ؟
•••••••••••••••
صَدگ يا ليـل هَذا الصّار .....غرّب موسى بن جعفر
ميِّـت بالسِّجــن مسمـوم .....وبي شوغات المَحيّـر
اشگـد لاع وشهـگ يا ليل ...المـا عنده أهل تحضــر
شمسويـة السلاســل بــي .... دمه اجفوفه ابعصرهن خَر
طريح أشرف بشـر عالگــاع .... محـد ينحب اكتــاره
••••••••••••••••••••
من ثگل السلاسل بي ..... شالوا نعشــه بالگــوّة
وعله ذاك الجســـر خلــوه .....طريــح وبي عطش خوة
إمام الرافضـة اعله الگــاع ....يصيـح الما إله مروة
تُـمـر بيه الخلگ وتــروح .... وشمّـوا ريحتـه الحلوة
اليسأل هالغريب امنيـن .... تظل ادمومه تجّـاره
••••••••••••••••••••••
من سـد الولـي عينــه .....فزت تبچي معصومـــة
تصيـح ابلوعة يا بويـه .... وگلبـها انترس بهمومه
البنية حنينة اهــواي .......تـحن للما درت يوميـــة
منتظــرة يــرد الراح ....... من افراگــه مآلومــة
ما تدري الأبــو مسمـوم ...وبچبـده اعتـلت ناره
••••••••••••••••••
ما تدري الأبـو اعله الگاع ... طريح ومحد ايحضـره
وبگيوده الولـي اموسّـد ..... ظل بعمامتـه الخضـرة
اشعطل هاشم وما جوه ..... وين اهله تجي تحضره
ابيا عين وگلب يا ناس ...... تشوف اوليدها الزهرة
وامس شاغت عله المذبوح ...وعله اوليداته وانصاره
اللّٰهم بغُربة آل محمد عجل لوليكَ الفَرجَ..
قاسم المالكي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
تجليبه للامام الكاظم ع
.
.
.
اشما ثگلت اهمومك حـَلها يم بابه
بــس اقـراله آ يحســين ومــصابه
***
الدنيـــا اوياك بالمگــلوبــي اذا تـــفتر
اوصيـــك ابوصيـه وابــــد ماتخـــسر
الباب الحاجه اگصد موسى ابن جعفر
يگظـــيها الـــك وانـــته علــى اعتـابه
***
بس نقي السريره وانــوي هالـــنيه
وحلـــفه بعـــمته زينـــب المسـبيه
عاتبـــنـــي اذا ماگــــال مگـــــظيه
ينطـــيك وابـــــد ماياخـذ احسابه
***
فتـــح گلـــبه گــبل بيبـــانه للوادم
ماينـــطي الخشن ينطيـــهم الناعم
الكرم من الحـسـن متوارثه الكاظم
الكل عنده سواسي الـغربه واحبابه
***
المتعسره قضيته ومالها كـل حل
وخايف ماي وجـها لو وگـع ينذل
خل يگصد الكاظم هيـــه تتـسهل
اشما كبرت زغيره يمـــه الطـلابه
***
ميـــقصر اويــــاك الكـــله حنـــيه
اذا تبــدي الكلام اويـــاه ابلـطميه
روحه وكــل احاسيسه حـسيــنيه
ولبو السجاد تبقه ادموعه سچابه
***
بس حــلفه بابو الســـجاد والشــبان
اتصير ادموع عينه بالصــحن نهـران
الهســه امن الخيم يستنشق الدخان
الله ايســـاعده وانــــفاســه لــــهابه
***
من وجهك الصــوب الكاظميه اتدير
بس انخه ابو الطلبه الكاظم ولتحير
ثــــق وداعــتك والــماتصير اتــصير
والتـــعـــبان يمـــه تنتــــهي اتعـــابه
***
الياهو الچـان مانگصد ابــــد داره
ولانوصل مضيف الطـــافيه نــاره
وادم احنه نمشــي الراعي البشاره
الابوه بالطف امعــزب حتى بثيابه
***
حيدر تركي الكربلائي
نعي للأمام الكاظم عليه السلام
نعش الغريب اعله الجسر ضال
ودم مو دمع عل من طرح سال
بسلسله مگيد فوگ الحبال
وحيده الجنازه اشلون تنشال
وين اليفزعوله ويشيعون
تريد الجنازه حلو المتون
يچوي الدمع لو ضل بلعيون
وين ال هاشم خل يحضرون
بل سجن عمره والضلم راح
اليشبه علي ماسعه يرتاح
الكاضم صبر بس شابع جراح
عل من ذبح وبراسه الرماح
ينوح اعله زينب كل حياته
الكاضم حنينه كل صفاته
ينهضم من كلمت شماته
وعل خيم يبچي الحد مماته
سلام البهادلي
@HxzEU1
#قناه_نشر_القصائد_المنبريه
طـلــبـه عـنــدي يـبـن حـمـاي الحـمـه //
خــادمـك سجـلـنـي يـا بــن فـاطـمــه //
...........................
خــادمـك سجــلني انـي ويـه الــخـــدم
اكــتـب اسمـي بـدفـتـرك يـابـو الـشـيـم
حـتـه مــا عـيـشـن يـبـو الـيـمــه بـنــدم
مــاي حـبـك مــا اريــد انــي الـضــمــه//
...........................
رايد ابــچـي سـيـدي عـلـه مصـيــبـتـك
اشــلـون فـوك الـكـاع صـارت طيحـتـك
والـحـجـر يـحسـيـن صـوب جـبـهـتــك
بـچـت بـمـصابك يـبـو الـيـمه الـسـمـه //
...........................
خــد مــتـك مــولاي نــعــمــه لـلــبــشــر
وانـــت شـامـخ سيـدي بـطـول الــدهـــر
الـمـايـعــرف حــســـيـن بالـنـعـمـه كــفــر
بـاقــي اســمـك والـمـواقــف ســـالـمـه //
...........................
رايـد احـظـر بالـعـزه وكــضــي الــعـمـر
وابـچـي عــالحـره الـمـشـت فوك الجمر
وادري تـحـضـرني بـمــمــاتــي بـالــگـبـر
حــاشـه تـنـسـاني يـراعـي الــغــانـمـه //
...........................
حـاشـه تـنسـانـي يـبـن حـامي الـدخيل
انـي ضـايـع وانــت يـحــسيـن الـدلـيـل
اشـلـون بـيـه والحـمـل أصـبـح ثـچـيـل
مـاكــو غـيـرك يـحـظـر لـهـل موزمـه //
...........................
مـاتــرد طــلاب يـــم بـابـك يـصــــيــح
أدخـيـل عـنــدك واكـف بــنـص الضـريح
لا تـخـلي بـشـــاربــك حـمـلـي يـطــيــح
انـي اجـيـتـك والـدمـع يـجـري دمــه //
..........................
الشاعر خالد جودي العارضي
@HxzEU1
#قناه_نشر_القصائد_المنبريه
ياشيال نعش الكاظم ◾️ياشيال نعش الكاظم
____
بهداي النعش لمن تشيلونه
خاف امن السلاسل توجعه امتونه
جان ايون لمن غمضهن اعيونه
تمنيت الهواشم لو يحضرونه
ياشيال نعش الكاظم ◾️ياشيال نعش الكاظم
____
هاي اجنازته اعله الراس شيلوها
صعبه اعله الجسر لا لا تعوفوها
هاي الوادم التنتظره شوفوها
خلوها تودعه احبابه خلوها
ياشيال نعش الكاظم ◾️ياشيال نعش الكاظم
____
ياموسئ ابن جعفر عاين اعلينه
اجه موعد رجعتك واحنه تانينه
اتوقعناك سالم من ترد لينه
ماندري بنعش محمول والينه
ياشيال نعش الكاظم ◾️ياشيال نعش الكاظم
____
جانت شيعتك مولاي منتظره
گلب الشيعه لجلك مشتعل جمره
ماردناهه تخلص سيدي العشره
كون اترد علينه ابداعت الزهره
ياشيال نعش الكاظم ◾️ياشيال نعش الكاظم
____
ردناهه فرح ماردنه نبجيلك
جنه بالصلاه يوميه ندعيلك
كون ترد علينه سيدي دخيلك
ماندري السلاسل هدمت حيلك
ياشيال نعش الكاظم ◾️ياشيال نعش الكاظم
____
📝احمد البغدادي
@HxzEU1
#قناه_نشر_القصائد_المنبريه
لمولاي الغريب أبا الرضا (صلوات الله عليه)
___
غـريـبـه جـنازته جـا لـيـش خـلـوهـا
___
من سجن لسجن عايش بطامورة
دمه يطيح ويلي ورجله مكسورة
الكاظم من ونينه تـنـرسم صورة
صورة طفلة الخيل بين سـحـگـوهـا
___
يذكر عمته من تتراكض بـهـيمـة
السجن عنده يهون بحرگة الخيمة
يا ركضت العاشر منهه كل ضيمة
ينحب عـلـى المن الـمـاي حـرمـوهـا
___
ينوح حسين ابد مـاراح مـن باله
ظل مطروح ليش ومـحـد الشاله
باجر عـالـجـسـر هـم محد بحاله
مامش ناس يـم جـثـتـه يـبـچـوهـا
___
وحيد ابن الاطايب مـالـه عكازة
بس المـالـه أهل للناس اله عازة
فشله تحشم الوادم علـى جنازة
لَـتـخـلوهـا مثل حسين شـيـعـوهـا
___
گضّى الوكت كله الروح مهضومه
بـالتابوت هـم تـتـنـازف دمـومـه
من ذيج السلاسل ويلي ملجومه
فـتحوها الجنازة ومـنّـه شـيـلـوهـا
___
خادم الحسين محمد منير المياحي
امــگـيــد والـجــدم گـوه .. تجاره
ودمـع الـجـفـن لمصابـك .. تجاره
المناحه اعليك يالكاظـم .. تجاره
وتبيّض الـوجـه گـدام الـزچـيـه
*----------------------*----------------*
خادم موسى ابن جعفر ع
✍الشاعر رعد الجريخي
مو على اگيود وسجن دمعاته
ما نسـه الكـاظم ابــد عـمّاته
وا اماماه .. وا اماماه
……………………………………………………………
اتودعه معصومه ابمدامع حايره
انعرضت أگباله العليله الطاهره
عل درب تگعد لبوها اتناطره
ابذكرياته الليل تبقى مساهره
دوم مشتاگه لدفو احجاياته
مانسه الكـاظم ابـد عـمّاته
وا اماماه .. وا اماماه
……………………………………………………………
الكاظم وفروه من سجن السجن
هم سبي ولا واحد اعليه اليحن
وبخياله اتعيش دوم ام الحزن
يذكر السوگ ويظل يدمي الجفن
على زينب يشمر حجاراته
ما نسـه الكاظم ابد عـمّاته
وا اماماه .. وا اماماه
……………………………………………………………
ليل ونهار الدمع عالخد يهل
هالحديد ايذكره بجتاف الحبل
وحده من وحده الحبل فوك الهزل
كلهن ايطيحن اذا مال الحِمل
خشن وصلت للعظم شدّاته
مانسـه الكاظم ابـد عمّـاته
وا اماماه .. وا اماماه
……………………………………………………………
سجن وحشه وليل ما شايف كمر
باله راح الليلة الحادي عشر
حرم بالهيمه و رعب صار السهر
زينب ادير ابوجها اعل النهر
وين ابو فاضل يجي الخيّاته
ما نسه الكاظم ابـد عمّاته
وا اماماه .. وا اماماه
……………………………………………………………
السندي مثل الشمر عار ابلا نسب
يجرح الكاظم بسم فاطم يسب
سوط نفسه ونفس متن المنضرب
سوط و لـ أم الحسن كاسر گلب
اشد من كسر ضلع ضرباته
ما نسه الكاظم ابد عمّاته
وا اماماه .. وا اماماه
……………………………………………………………
ابلايه فرشه وعل ترايب كعدته
للخرابه اتذكر وهل دمعته
امترّبه ايشاهد عباية عمته
يذكر ارقيه و ابوها الشافته
الراس لبنيته وشبح نظراته
مانـسه الكاظم ابد عمّاته
وا اماماه .. وا اماماه
……………………………………………………………
✍️ ( سيد خضر الزاملي )
@HxzEU1
#قناه_نشر_القصائد_المنبريه
موشح للإمام موسى بن جعفر عليه السلام
وين عن موسى بن جعفر شيعته
ليش ما حضرت تشيل جنازته
٠٠٠٠
ليش ما حضرت تشوفه بيا وضع
امگيّد ودم الجرح ما ينگطع
ميت ومسموم چبده المنصدِع
لا أهل لا من عشيره الحضرته
٠٠٠
لا أهل لا من عشيره التنتفض
جنازته المطروحه ظلت عالارض
نادوا عليها بحقد أهل البغُض
مات امام الرافضه وما شالته
٠٠٠٠
مات امام الرافضه صاح اللعين
السندي بن شاهك على موسى الحزين
آل هاشم عن ابنهم موسى وين
ليش ما حضروا لموسى ابغربته
٠٠٠٠٠٠
ليش ما حضروا لموسى المنسجن
مات مسموم وجرح گلبه الحزن
خلص عمره لهله ولبيته يحن
بسجن تحت الكاع تهمل دمعته
٠٠٠٠٠
بسجن تحت الكاع عاش بلا ضوه
كل وكت مخنوك صدره بلا هوه
امگيّدينه بسلسله وبيها انچوه
لحدما مات الامام ابحسرته
٠٠٠٠٠
لحدما مات الامام ابن النبي
بسجن هارون اللعين الناصبي
مات مسموم الغريب الطالبي
بأمر من هارون سمّو چبدته
٠٠٠٠٠٠
بأمر من هارون شالوه للجسر
حجة الله موسى بچفوف الأسر
حقد ابن شاهك مثل حقد الشمر
ما رحم حال الامام ابمحنته
سيد زيد الفحام ~~~~~
@HxzEU1
#قناه_نشر_القصائد_المنبريه
#للامام_الكاظم_عليه_السلام
بين السجـــون المُظلمة
مكسورة دخلت فاطمة
تعبانة گد ما دوّرت بالطـــف مطاعين
و هالمرة مفجوعة ابوَلَد بين الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
اتعنـــت ابمــوكب دمــع.
و چف اديها اعله الضلع
بكل زمان و كل مكــــــان امضيعة آُولاد
ابنينوه شاغت خيم
و بالمدينة عدها دم
و هالاجتها و منها اخــــذت حصّة بغداد
ابنار بــــاب و نــار خيـــمة دمها محــروگ
كسرة للعصرهة ابضلــــعها و كسرة للنوگ
و لطمة من قنفذ اجتها و لطمة من سوگ
مرعوبة مــــــن چلمة وأَن
و تخاف من باب السجِن
متكترة عنه لا عليــــها ادفعه الايدين
و هالمرة مفجوعة ابوَلَد بين الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
محمّلة اجروح و هضم
كل جرح كســـرة عظم
يوم واحد فاطمة مــــا مستراحة
لون الأبيض ام حسن
شــــافته بس بالچفن
عدلة ميـتة لابسة اهدوم النياحة
مخَرَّط ابچف النـــــــواحي دوم خدها
و غير ذاك الثـــوب الأسود ماكو عدها
ورثته ضنوتها زيــــــنب مــــــن بعدها
يومية منها ايطگ غصِن
يومية مثكـــــــولة ابأبِن
دخلت خرابات و بعـد دخلت دواوين
و هالمرة مفجوعة ابوَلَد بين الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
هيه كل أُم تنسعِد
من يسِعدون اِلوِلِد
شحالها او بزغر إبن فاجعها بسمار
واگع الها چـم متِن
شابعة سَم و طعِن
و ايدها متعلمة ويلي اطفي بالنار
هيه مــو هيه الأبنها بـــاقي وحده
شافته و الاعــــوجية فــوگة شَدّة
و لملمتله اتـــراب ناعم جوّه خده
شهگت عليه من كل جرح
شهـــگة سبيـــــــات لرمح
الف و تسعمية جـــرح مجروح الاحسين
و هالمرة مفجـــوعة ابوَلَد بيــن الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
لاگته و گامــــت تحِن
و هزَّت اركان السجِن
حسرة شمرتها اعله حسرة و نشغت الآه
موسى ابن جعفر دره
حضرت امه الطاهرة
بلا شعـــــــور و گلـــــها يُمة وآ حسيناه
يُمة گالتله الســـــجن شمسوي گيده
گلها يُمة فـــــدوه چفي لخنصر ايده
و فدوة معصـــومة لرقية و لحميدة
هينة السـلاسل تنحمل
كل بالي يم ذاك الحبل
گالتله من عنده الگـلب ضاگ الآمَّرين
و هالمرة مفجوعة ابوَلَد بين الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
صح بعــيد اعله الاهل
يُمة بس نعشي انحمل
و ما يهمني اجنازتي شايلها حمَّال
عالاقـــل عنـــــدي چِفَن
و بالعجل جسمي اندفَن
مو ثلث تيام عاري فــوگ الارمال
يوم جــدي احسين محد بِينه شافه
يُمة و الطف مو مثل جسر الرصافة
ما ألحــــگه او بينّه ابعيدة المسافة
چن گاع متفطر عِطَش
و الرمــح صايرله نعَش
بعد الحوافر عالارض سحگنّه رجلين
و هالمرة مفجوعة ابوَلَد بين الزنازين
مكسورة دخلت فاطمة
ـــــــــــــــــــــــــــــــــــــــــ ـــــــ
الحمدلله
#علي_حسين_الكناني
@HxzEU1
#قناه_نشر_القصائد_المنبريه
ابوذيه
اجـروح الـســاگ تـنـزف مـه .. وَدّيت
ابسجنـك والـرسـالـه صـنـت .. وَدّيت
يبن جعفر علي ابـن اسـوَيَـد .. وَدّيت
وبـَلّـغ شـيــعـتـك يـوم الـرزيـه
*------------------------*---------------------*
خادم موسى ابن جعفر ع
✍الشاعر رعد الجريخي
نعي للأمام الكاظم عليه السلام
نعش الغريب اعله الجسر ضال
ودم مو دمع عل من طرح سال
بسلسله مگيد فوگ الحبال
وحيده الجنازه اشلون تنشال
وين اليفزعوله ويشيعون
تريد الجنازه حلو المتون
يچوي الدمع لو ضل بلعيون
وين ال هاشم خل يحضرون
بل سجن عمره والضلم راح
اليشبه علي ماسعه يرتاح
الكاضم صبر بس شابع جراح
عل من ذبح وبراسه الرماح
ينوح اعله زينب كل حياته
الكاضم حنينه كل صفاته
ينهضم من كلمت شماته
وعل خيم يبچي الحد مماته
سلام البهادلي
@HxzEU1
#قناه_نشر_القصائد_المنبريه
جفوف الـرافضـيه ..... بــرض الكاظـمـية
جـينه انشـيعه الــيوم
موسى بسجنه مسموم
جفوف الـرافضـيه
.............................
موعدنه صار عله الجسر والشيعه كلها اتاني
منتظره تطلع ياضوه واحد يـبـشـر الـثــانـي
بلهفة العاشك ننـتظر هذا العشك روحـانـي
أشكر الباري بكل فرض من شيعتك خـلانـي
نــتـأمـل يـجـيـنه .... ويــرد للـمـديــنه
عــاش بـغــربه محـروم
موسى بسجنه مسموم
جفوف الـرافضـيه
.............................
والنور رادو ينحجب والدنيا وحشه وظلمه
والديـن ما رادو يضل والــهـم تصير الكـلمه
تــموت العداله وتــندفن هـارون أصبح همه
اشما مر سحاب عله الشمس باجر ترد مبتسمه
باجـر من يـفـيده ..... هـارون وعبيده
نســل الـهــادي مضلوم
موسى بسجنه مسموم
جفوف الـرافضـيه
.....................................
جـم ظـالم المر عالارض وملوك عاشو بيها
جانــو يحكمـون البــشر مـاحسبو لباريـهــا
اقصور وجيوش وخدم مرعب يمر طاريها
مـاتــو مثل مــوت الشجـر للــنار كـل تاليها
ضل خـالـي مكانه.... مـايــرجـع زمـانـه
جــرح الشيــعه ملـجوم
موسى بسجنه مسـموم
جفوف الـرافضـيه
.......................................
مسموم أمام الرافضه والناعي صاح بصوته
ماطلع موسى من السجن ويونس طلع من حوته
شيــعوا سليل المرتضى وبهـيده وي تابوته
كسرة ضهــر هذا الخبر لمن سمعنه بموته
بلحظاته الاخيره .... لاوالي وعـشـيره
مـن يــجليــها الهموم
مـوسى بسجـنه مسموم
جفوف الـرافضـيه
...................................
هذا العهد من شيعتك مولاي يبن الزهره
كل ما يمر بينه الزمن يومك بدمعه نذكره
ونحمله نعشك عالمتن والنار بينه اموجره
يومك مثل طف كربله واجب علينه انحضره
مانـنـسا مـصابك ..... نبـقه انـشم ترابـك
جرحك بـيـنـه لـلـدوم
موسى بسجنه مسموم
جفوف الـرافضـيه
.............................
الشاعر خالد جودي العارضي
((الغريب منين))
تدري الغريب منين
أبن الذبيح حــسين
وعمه الفده الچفين .. للخيمات
أهــله صـفو بــرماح
وعــماته ويّ ذبـــاح
يبچن بدون أصـياح .. تـعـبانات
مسير الليـل .. هـد الحيل .. وايـتام
ضــــيـم وآه .. واويـــــــلاه .. ضــلام
هاي النوگ .. هذا السوگ .. والشام
مثل عــماته مسجون .. ابا الرضا
بسناسل صار مرهون .. ابا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
موسى أبن جعفر ضاع
بطاموره جــوه الــگاع
مـــات أبــــدون أوداع .. للأولاد
لا قـــاسم الحاضر
ومعصومه وتناطر
وذاك الـرضا يناضر .. للميعاد
غربه ونـوح .. روحـه أتروح .. ويـآه
بويه يصيح .. نــوبه إيطـيح .. ويلاه
نوبه أدموع .. محنيّ ضلوع .. بــالآه
غده مسموم مگتول .. أبا الرضا
حديد وگيـد معقول .. أبا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
جرح بنعش مسجون
وصــار بصفــار اللون
مو أهله بي يحــدون .. للتغسيل
تـــالي أجــوله الناس
وصار النعش عالراس
شيعه وعشگـــ نبراس .. مثل السيل
لا تـشـيـيــع .. لاتـــــوديع .. يحسين
لادمــعـــات .. لاحسرات .. و ونـين
جرح الراس .. والعـباس .. لاويـــن
الكاظم عنده تشييع .. ابا الرضا
غسل وأكفان توديع .. ابا الرضا
چبيره أمصيبةّ الكاظم .. چبيره
"""""""""""""""""""""""""""""""""""''''''''''
الكاظم گضه مخنوگ
گــيد وغـده مـشـبوگ
بس طفله ماتت شوگ .. فوگ الراس
طفله وتريد حسين
وعـمتها صبت عين
وتجيبه ألــها مـنين .. يـــا عــبـــاس
رقيه أتموت .. ناصيّ الصوت .. حسرات
حسرةّ ويــل .. حــسرةّ خــيل .. آهــــات
ضيم أهواي .. مــامـــش ماي .. ويــلات
مـــاتـت وانتها اليآس .. أبا الرضا
طاحت دمعه عالراس .. أبا الرضا
چبيره أمصيبةّ الكاظم .. چبيره
عبد زينب
محمد الابراهيمي
@HxzEU1
#قناه_نشر_القصائد_المنبريه
تديـــــر بيا نـــضر وألمن تديره
تصب الدمعه باللحضه الاخيره
حوافر گيدك يسحگن بالچفوف
نوبه اتصيح اسيره ونوبه اميره
نوبه تصيح صعدت فوگ الهزيل
نـــــوبه تصــــيح عثرتها چبيره
تريد عيونك اتسدهن لحـــــد ما
تــوزع روحك دموع بحصيره
يالمتاني الرضا جمره وبالچفوف
مولاي السجن حيره اعله حيره
يهتز القـــــــفل وجروحك تهــيج
وحيطان اربعه يفسرن مصيره
ها يــــا عمتي واسيــــتچ هـــواي
هــــــــم مثلچ بگـيت بغير ديره
هم مثلچ السوط بـــروحي مطـــبوع
وأحس الروح چن رگضت زغيره
الطبيب الشاف سِمي بچبدي موجود
بـس ماشاف بيـــه چم اسيره
عشت والنوگ تركض وانه بالــــگيد
وجمــرات الخيم بيه سعيره
ها يــــــاعــمتي بالغـــــربه ضليت
چـــــه گلولي بالغربه الاميره
عبد زينب
محمد الابراهيمي
#أبوذيات #ندبة
بنفسي المِنّه لحظه .. ما خِلينه
وخِل غيره بعمُرنه .. ما خلينه
ما ظل باب يعتب .. ماخَلّينه
الّا وبي ندبناك بشچيه
على ابواب الأيمه اسمك .. ندبناه
ويمهدي شلون آه تدري .. ندبنه آه
مثل والد عَمَه ويسمع .. نده ابناه
غرگ ويصيح بويه الحگ عليه
ياسر حسن
جمادى الاولى
#اللهم_عجل_لوليك_الفرج
باچر كلنه بالمحشر
امانة موسى ابن جعفر
..............
باجر من يصير احساب كل الوادم اتحضره
توگع عالسراط الناس باچر كلها متحيره
بس الشيعي ما يرتاب لا يتحير ابأمره
موسى الكاظم ايلاگيه من هالمأزق ايعبره
امْن يَمه لاتحتار
جلدك ماتمسه النار
بيده ايعبرك المعبر
...........
باچر بالگبر مولاك تلگا قبلك اينطرك
معصوم ويزورك راح جنه ينحسب گبرك
عن هالليله والوحشه الكاظم باچر ايصبرك
ما ينساها الك والله لطمت وجهك اوصدرك
هنيالك اذا معصوم
يحضر گبرك بهاليوم
امن بالقبر يحضر
............
امن بيده كلشي وروح اضمنلك ترد سالم
انته بصاية المسموم عيش ابنعمة الكاظم
من تگصدله بالحاجات ما ترجع ابد نادم
ربك للشدد خلا باب الحاجه للوادم
امن ما تضل وحدك
تلگه الكاضم بسدك
كلشي بزوده يتيسر
.........
لو جار الزمن وياك لو كثرت مأسيه
روح اگصد اسد بغداد واشكي المعضله ابْفيه
الكاظم مايرد محتاج يَمه الحاجْه مگضيه
للذريه باب امراد فاتح ينطي ذريه
يمسح دمعك ابچفه
الكاظم صاحب الكلفه
اتمسك بي فلا تخسر
.........
علتك صعبه من اتصير احذر بالك اتملها
التصعب على الدكتور عدنه الكاظم ايحلها
لا تشكيله عن البيك هوه الوحده يندلها
يگضي الحاجه والعباس بس العتبه توصلها
تكضي اوداعت الزهره
بس تدخله بالحضره
الكاظم ينجد المضطر
.........
اخدم وامشي واللطم دوم وابچي وانحب هوايه
بلكي بدفتره يخليك وي جوگة المشايه
ينطر كل سنه المسموم شيعه تزوره وفايه
الكاظم ما يرد محتاج يتنعاله بالرايه
ربك رازقك خدمه
لازم تشكر النعمه
بهاي الخدمه ماتزغر
.........
#عباس_هابيل_الزينبي
#الليالي_الكاظميه
@HxzEU1
#قناه_نشر_القصائد_المنبريه
راية و قبتين ورحمه واسعه
وبصحنك عجيب. منارات اربعه
_
يالكاظم هوه. يا بلسم دوه عالگبه ضوه
رب الاحساس
يالصحنك ذهب يلم الشعب. وماكو تعب
بوجه الناس
گبرك بوصله يحل المشكله ماكو المعضله
مثل العباس
انت العاصمه. انت المحكمه. وامك فاطمه
تنحط عالراس
نورك بالسماء. الحد السابعه
وبصحنك عجيب. منارات اربعه
____
تتنفس رغد وطولك اسد. وعطرك بعد
من النعناع
ياگلب الارض بطول وعرض انت اصلن نبض
الهايه. الگاع
مو مثل البشر. احله من الگمر. بوجهك عبر
اعيونه اوساع
سجان الغدر. الماله گبر. ولا اله ذكر
تبخر ضاع
شامخ كالاسد رغم الفاجعه
وبصحنك عجيب. منارات اربعه
__
ينزلك ملك. ويصعد ملك انخلقت الك
اصلن بغداد
انُسك سبحتك. الما عافتك امصلايتك
من السجاد
يالوجهك سمح. احله من الصبح. اتنگط ملح
ياملح الزاد
يالشايل حزن. وگلبك يحن. ومن السجن
وتنطي امراد
تنطي مو غريب السائل تسمعه
وبصحنك عجيب. منارات اربعه
__
يوسف مادره. عن سجنك تره. . يكسر خاطره
سجن المعصوم
بطاموره. افه سيد الطائفه عصرك ماوفه
محني من تگوم
راهب كل زمن. وسجنك ثمن . تحرر وطن .
تعبة اهموم
يا صرخة قهر. اتفجر الصخر اتذوب الحجر
من المسموم
السندي وينه صار. اسمه وموقعه
وبصحنك عجيب. منارات اربعه
____
بوابك انه. ردت ابكل سنه. هاي اعظم مُنه
منك مولاي
حلمي مصاحبك. اصبح حاجبك اني بشاربك
افزعلي بهاي
امنتك گلب اتعلمه الدرب. او الكم يحب
لله هواي
جونك انقبل. عبدك مامل. اترجه الوصل
خادم وفاي
توبة حر اجيك لا مترجعه
وبصحنك عجيب. منارات اربعه
للشاعر محمد الظالمي
@HxzEU1
#قناه_نشر_القصائد_المنبريه
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
بشحة الأنــصار واليحجي يـمــــوت
ناس من الخوف غطــاها السـكوت
اونـــار كبــــره ويا رجل بيها يفــوت
وآل هاشم للعدل خلوله صــــوت
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
موسى ابن جعفر وكف ضد الطغاة
ويه اهل الظلم يرفضـها الحـــــياة
الموت بدروب الحقــيقه أكبر نجاة
عدل يبقه وخـــــالـــد بوجه الممات
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
مـــا يــعيـش النور ويه اهل الظــلام
اوما يعيش الغدر ويه اهـــل السلام
او ما يعيش غراب وي طير الـــحمـام
يانــسل طـــاهر يابن خــيـــر الأنـــــام
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
نور صارو للوجود بــــكــــل وقــــت
اشلون اوصفهم تره صعبه اوحــرت
يعجز لساني بوصــــفهـم لو كـــــلت
واني احــس مــقـصـر بصوتي صحت
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
لجــل دين الباري مسموم بسجــن
ونزلن ادموع الحزن فوگ الجفـــن
يابو طلبه اليــوم كل شيعي يـحـــــن
وكـــل دلــــيـل بيومك بحرگه يــــــون
يامسجون يابو الرضا
يا مسموم يابو الرضــا
ـــــــــــــــــــــــــــــــــــــــــــ
الشاعر خالد جودي العارضي
@HxzEU1
#قناه_نشر_القصائد_المنبريه
كأن خواطر فاطمة المعصومة تتكلم مع ابيها الكاظم عليهم السلام من شدة الحزن والانتظار ولوعة الهجران ووحشة الايام
طفلة واكفة اعله الباب
شوررر
ــــــــــــــــــ
غريب وبالسجن وانه قليبي اليحن
مثل الطير فاگد عشه ويلوب
عشت كل المحن انا مضيعة الوطن
ودور نبضه الك ما بين الاقلوب
صورة موت بين العين طفلة واكفة اعله الباب
يرسم دمعي جيتك صار من يطيح فوگ تراب
ضلت عالطريق الروح تنظر رجعت الغياب
العمر يمشي مثل الاغيوم بوية
افكار شغلت بالي وتحوم بوية
لو يضل من الروح بس يوم بوية
يابوية منهو الينشف دمعتي
طفه الوكت ناري حسرة بشمعتي
___
جرح فوگ الجرح مثل راس برمح
مصيبة تروح بية وترجع تعود
شكثر بية حجي ونهر من البجي
من يفهم اقليبي وحزنة اليزود
بوية العافية بلاياك مثل الهوة ومر بشباك
كلها تريد منك حيل محد اجة وكلك هاك
هاي الدنيا تعگد بيك مثل اعلوگ بالشباك
الصفنة من تموت شتصير بوية
قلبي دلو وعايش على البير بوية
جنحي انكسر مايگدر يطير بوية
اتحضرت روحي بوية المنية
شوكت الفرج بوية ترجع اليه
___
حياتي المظلمة حزينة ومؤلمة
من گد الكأبة تضيگالانفاس
شكبرها العاطفة ولابية اكتفه
هذا الدهر حاضر بين الاحساس
هاي الدنيا ظلمة تصير من يموتلك فانوس
يشيخ الهندس اعله النور ضيجة اعله النفاهة ادوس
خيط الضوة شگد مغرور من الظلمة ما محروس
يابوية حزني شسوة بالعين بوية
بية الوجع يتعده الونين بوية
اني العليلة وانتة الحسين بوية
يابوية ردلي كلام اعله صوتي
هجرك يگلي يبوية دموتي
___
اعتمادا عالجرح اليفگد ينذبح
يبوية من الحزن فاطمتكتموت
تموت من الضمه تعطشك فاطمة
تروي بشوفتك وتعيش عالصوت
بوية العذب للعطشان جنة مئوة من النار
مثل العايش بصحراء ماعنده وتجي خطار
هيجي وترد يابو الخير افرش هالطريق ازهار
دزلي رسالة وي الهوه الهاب بوية
حتلو تدزلي جلمة اعتاب بوية
موتني بعدك والله الاغياب بوية
مكتوب دزلي امان اعله روحي
اطمن ويهده همي وجروحي
___
ولا جلمة خبر تهدي من السهر
ولا لحضه نمت مشبوحة الانظار
القلق ينهي الامل ولاعندك اهل
حتى يعود طارش جايب اخبار
زاجل دزلي بي مكتوب انته هنانه لو بالموت
ليش اني سئلت الكاع ماردت علية بصوت
خشبت بابي هم تنشاف ماجابت خبر تابوت
بية الحزن متعدي الاحدود بوية
ادري بسجن يالحضه وتعود بوية
صبري نفذ والفكر مشدود بوية
يالعازتك بية اشوفك حبيبي
مسلوبة روحي واموت بنحيبي
___
زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
على لحن قصيده (الم سبي حرم). باسم الكربلائي. كلمات سيد علي خالد المهناوي
جَه‍ل ضلم قتل. سمم والله هل النسل
جرائم شرد اعد والله كثره
حزينه اخباري ماتسر. جنازة موسى على الجسر
امشي وعنتي وزور قبره
@@@@@@@@@@#@@@@@@@@@
بقت شيعه وتون. وعلى الكاظم تحن. مصيبه
انجمع احلى لقاء. لبن موسى العطاء. عجيبه
مشه المهدي ترى. مع الزاير سره. لحبيبه
مثل جده الحسن. ترى جبده نفطن. رهيبه
جدم. سبك جدم. مشا وعالي العلم
كلها توجهت وتريد نضره
لبن موسى اعتني. علي وياكم علي
امشى وعتني وزور قبره
@@@@@@@@@@@@@@@@@@@
حضى الزارالضريح. مثل جده الذببح. اشاره
عتنت كلها الجموع. ل أبو طلبه بخشوع. المناره
اسد نعم الاسد. لزواره انطه وعد زياره.
ترى الموكب ملا. بالزاير الف هلا عباره
اعنت بقت علت. قصائد شيعتك حجت
سحوف انسير له مخنوك عبره
امشىي وناذر العمر. صبح ضحى وضهر
امشي وعنتي وزور قبره
@@@@@@@@@@@@@@@@@@@@@@
ابن حامي الحمه. والله جبدته مسمه. نشاهد
تضل ذكرى بسجن. السجن يبقى يون. يعابد
يضل شامخ علم. يعجز وصفه بالقلم. يصامد
اله الكل عنت. أه. الكاظم صرخت. شواهد
حلال علهم اللعن هارون وزمرة الفتن
نلعنهم ترى وي همنا وصفه
مجانه ينزف الحديد. بيد السيد الشهيد
امشي وعنتي وزور قبره
@@@@@@@@@@@@@@@@@@@@@
غريب وضل بلا أهل. نضرب بيه المثل. . يراهب
بلا تكفين ولاغسل. مشهد وكف العقل نعاتب
منع منى الوصل. هارون الكافر النذل. يعاقب
يا أبن جعفر اصيح. على الجسر طريح. عجائب
ضلت تبجي فاطمه. الليله الدنيه مضلمه
نصبت مأتم وتلطم الزهره
اخص الكاظم بسلام. وي الزاير بكلام
امشي وعنتي وزور قبره
قصيدة (خيرة الله) بحق الامام الكاظم عليه السلام
خيرة الله سجينا عجبي
كاظمُ الغيظ امام المتقين
=================
صابرا محتسبا في سجنهِ
يعبد الله اراد كل حين..
===============
راهبُ الــ آل وابن المصطفى
في قعور السجن كيف ابن الامين...
=================
لم تقل الارض شخصا مثله
في زمان كان للناس المعين...
=================
بالقيوذ كُبـــــلت ايدٍ له
ينقل بين سجون الظالمين
=================
من له جدٌ كموسى في الورى
عجبا لما قضى ظلما سجين،،،
================
امه الزهراء عالٍ قدرها
وهو الرابع من ولد الحسين...
=================
نوره من نور ال المصطفى
وعلي جده الحق المبين
=================
اصطفاه الله يحيي امره
صوت حق كان بهدي العالمين
==================
موسى في السجن غريبا وحدهُ
كل شيعيٌ له القلب حزين
==================
أسالكم الدعاء رائد الاسدي
@HxzEU1
#قناه_نشر_القصائد_المنبريه
الامام موسى بن جعفر عليه السلام
بجروح السجن
ودموع الحزن
يبچي لعمّته الراحت سبيه
٠٠٠٠٠٠
بسجن موسى بن جعفر غابت علومه
ومن گيد السلاسل تنزف دمومه
رغم هاي الجروح وروحه مالومه
ينوح على المشت للشام مهضومه
بگيد السلسله
يذكر كربله
وينصب مأتم بسجن المنيه
٠٠٠٠٠
بسجن طاموره ظلمه وتخنك بروحه
موسى الكاظم ودم تنزف جروحه
لچن مو للجراله ونّته ونوحه
على الراحت سبي دمعاته مسفوحه
يذكر عمّته
وسالت دمعته
مچتوفه بحبل بين آل اميه
٠٠٠٠٠٠٠٠٠٠
بسجن هارون موسى الكاظم اتعذّب
ساجد وبسجوده الظالم اتعجّب
بظلام الليل يبچي الكاظم وينحب
على المسبية عمته الطاهره زينب
كلما ينجرح
يتذكّر رمح
شايل راس ابن حامي الحميه
٠٠٠٠٠٠٠٠٠
خافوا من علومه ونهجه وفكاره
ظنّوا بالسجن يطفون انواره
لأن يدرون الله الخالق اختاره
خليفة طه جده بعلمه وسراره
بعلمه وحكمته
فارض هيبته
كلها تهابه شيج الجعفريه
٠٠٠٠٠٠٠
عكب كلّ الجراله الظالم يسمّه
مات الكاظم ومحّد حضر يمّه
بنعش مسموم شالوا للجسر جسمه
بلا تشييع منعو شيعته تلزمه
مجروح شكثُر
من سم الغدُر
گطّع چبدته سمّ المنيه
٠٠٠٠٠٠٠
فزعت شيعته من سمعت اخباره
صارت كل أهل بغداد انصاره
بين اليبچي بين يطالب بثاره
شالوا نعش موسى الكاظم لداره
نصبو مأتَمَه
عَزّو فاطمه
راحوا للرضا بأمر الوصيه
سيد زيد الفحام ~~~~~~~
@HxzEU1
#قناه_نشر_القصائد_المنبريه
لسان حال مولاي باب الحوائج يخاطب سيدي ومولاي اباعبدالله الحسين عليهم السلام
=====
بكلشي واسيتك. وانزف جروح
التحرگ بگلبي اني مامذبوح
الظلمه وي السلسله عَيِشَتني كربله
هايجدي هايجدي
==========
من باب جرحي المنفتح ظلت توج نيراني
ليليه اشوفن كربله ينفتح باب احزاني
سجني الخرابه المظلمه لعماتي بيها متاني
اذكر مصيبة عمتي كل مانذل سباني
بالسجن اصرخ تجري العيون
حالتج صعبه. عمه يم عون
وبيا خرابه نازله. عَيِشَتني كربله
هايجدي هايجدي
==========
ياجدي ليلي من يمر بيه الهوه خانگني
بگلبي الحزن نام استقر وبكل وكت رافگني
بس البقت وحده وردت بيها القهر حارگني
ياجدي اني بالسجن الحافر ولا ساحگني
جدي واسيتك. بهايه اتعذر
صدري ياوسفه . صاحي متكسر
دم دمعتي هالهامله. عَيِشَتني كربله
هايجدي. هايجدي
==========
مثلك يجدي بغربتي وبلا اهل خلوني
امسي وأصَبّحْ بالسجن حيل العده اذوني
بعيالي ماادري شصفه ولاهمه هم يدروني
وفوگ الهزل ظلمة الوكت وبيا درب ودوني
عيالي مومثلك. جدي سلبوها
بنت ماعندي. بسوط ضربوها
راحت سبي هالعايله. عَيِشَتني كربله
==========
فوگ الهزل مجتوف انه وبكل درب اتعذب
ولحالتي مااون ابد ابجي اعل عَمتي زينب
ماعندي اخو مذبوح انه گلب العقيله شيب
اخوتها كلهم عالترب او والدها حيدر ينسب
انحب لعمتي. وگلبي يتألم
نار اللي بگلبي نار الإمخيم
حرگ الخيم هالمسأله. عَيِشَتني كربله
==========
سم الجبد طر الجبد خلاني حيل اتحسر
من اذكرت جبدك متت واشعر بحالي اتغير
امثلث سهم بيك شعمل ياجدي ياابو الاكبر
تشهك ألم تشهك تعب وجبدك اشوفه اتوذر
عالرمل نايم. جدي ياوسفه
جبدك بجرحه. ابد مايشفه
صابك سهم من حرمله. عَيِشَتني كربله
==========
نعشي انحمل فوگ المتن لكن جرحلي احساسي
نعشك حصيرة من اذكره تختنك حيل انفاسي
نعشي انحمل بين الاهل بتشيعي حظرت ناسي
لامنجرح لامنطبر وبجسمي خلوا راسي
جسمك بهيمه. وعالرمح راسك
هضمه ياجدي. وينه عباسك
راسك رمح هلشايله. عَيِشَتني كربله
هايجدي. هايجدي
==========
علي النائلي
@HxzEU1
#قناه_نشر_القصائد_المنبريه
صرختنه بأسم ابو الرضا وويلاه يالكاظم
بالنعش ساگه مرضرضه وويلاه يالكاظم
*---------------*----------------*
محد اجاه وشيعــــــــــه وويلاه يالكاظم
ولا ناعي يـم جسمه نعه وويلاه يالكاظم
هاليوم يـوم الفاجعــــــه وويلاه يالكاظم
بـَـچّــه السماء السابعــــه وويلاه يالكاظم
انــصــيــح رغم المارضه وويلاه يالكاظم
*---------------*----------------*
يا قصه تشبه قصـتــــه وويلاه يالكاظم
بسَم الاعادي وغـربـتــه وويلاه يالكاظم
والجسـر شــال اجنازتـه وويلاه يالكاظم
شيعو النعش يـا شيعتـه وويلاه يالكاظم
بَچّه الارض واهل الفضه وويلاه يالكاظم
*---------------*----------------*
مات بغربته وحـــــده وويلاه يالكاظم
صــوت العزاء نــردده وويلاه يالكاظم
چبده السموم تـمــرده وويلاه يالكاظم
بين العصابه الحاقـده وويلاه يالكاظم
ما چنه جده المرتضى وويلاه يالكاظم
*---------------*----------------*
يومه يشابه كـربـلــــه وويلاه يالكاظم
جثته بحديد مسلسله وويلاه يالكاظم
يالشيعي حاله اتخيلـه وويلاه يالكاظم
لا يمه ناسه ولا هــلــه وويلاه يالكاظم
وسم الاعادي بي مضه وويلاه يالكاظم
*---------------*----------------*
النعش عالجسر انـرمـه وويلاه يالكاظم
ساكه بحديد مهشمـــه وويلاه يالكاظم
بحقد الطغات الظالـمـه وويلاه يالكاظم
انعزي جده وفــاطمـــه وويلاه يالكاظم
نصبت عزيه الـرافضــه وويلاه يالكاظم
*---------------*----------------*
انـواره غابت والضـوه وويلاه يالكاظم
لمصابه خل نلطم سوه وويلاه يالكاظم
السمّه مـا فــاد الـــدوه وويلاه يالكاظم
وبسجنه حرموه الهـوه وويلاه يالكاظم
بدمعه هنياله الحــضـه وويلاه يالكاظم
*---------------*----------------*
✍ خادم موسى ابن جعفر ع
الشاعر رعد الچريخي
استشهاد الامام الكاظم ع
سلاسل بيدك وعشت بظلام
عله جروحك يمولاي السلام
****
يا غريب بنص قيودك والظلام اصبح وطن
دمعت عيونك اسيره والهوه اوياك انسجن
عندك آهات اشكبرها فوگ صدرك غيّمن
مو سنه وسنتين جرحك جرحك بگد الزمن
مِحِنْتك ما يوصفها الكلام
عله جروحك يمولاي السلام
****
يا سلام الله اعله گلبك الما حضه برحمة بشر
مو كأن جدك محمد اشماله وياك الدهر
النبي أيوب حتما حاشه گدك ما صبر
المحنتك يبن الزچيه ناح وانطر الحجر
سنينك عالحجر خلصت تنام
عله جروحك يمولاي السلام
****
دمعت احبابك جريه هاك اخذ كل الدمع
الليله من دون اليالي الك ونه تنسمع
فوگ ما بالظلمه عايش چبدك بسم ينگطع
حگها لگلوب المصابك يبن جعفر تنفجع
الك دمعتنه يا سابع امام
عله جروحك يمولاي السلام
****
دم چبدتك يبن جعفر ويه الدموع انمزج
ضاگت الوسعه وقرارك تلتقي برب الحجج
بيوم جمعه الشيعه تنطر وفرفحت كل المهج
من كثر ما محنه شايف موتك اتسمي فرج
جسر بغداد ياموسى الختام
عله جروحك يمولاي السلام
****
موعدك محد يخلفه للجسر كلها اعتنت
ما لگوك احبابك انته منطرح نعشك لگت
ويه دمعات الغياره السمه كلها بچت
ميت ولابس قيودك شمسك اهناك انطفت
عله جسرك مدامعها ازدحام
عله جروحك يمولاي السلام
****
الشاعر اياد الديراوي
@HxzEU1
#قناه_نشر_القصائد_المنبريه
#قصيدة_للامام_الكاظم_عليه_السلام
كأني بالامام الكاظم عليه السلام
ذِكَر عمته و دمعت اعيونه الحنين
و لخدرها. سوّه مجلس عالحسين
حافظ ابگلبه القصـيدة
يلطـم و سلــسلة بيده
عالحسين عالحسين
ــــــــــــــــــــــــــــــــــــــــ ــــــــ
ينحب إمــــــام الرافـــــضة. ابطامورة وَحدَه
و لكربــــــلة دگ و لِطَــــــم بچفـــوفه خـده
مجلس عـــــــزه بالمُعتــَـقل. هالليــــلة عنـده
مهضومة روحه او بالخيم محـروگة چبده
چف يمنته مـــــن ينظره
يـــذكر حبيبه و خنصره
مـــن دمه نَضْفو محبسه
و انعـرض للبـــيع و شَرَه
الشذرة طاحت. فوگ اصبعه العاف اديه
الها شـــــــــالوا و الصِبِع سحـــگوا عليه
لوعة الخنصر شديدة
يلطم و سلـسلة بيده
عالحسين عالحسين
ــــــــــــــــــــــــــــــــــــــــــــــــ
گيــــد ابرگبته و فرفحت روحه الحزينة
مو جاره لا سابـــع سجن يســمع ونيــنه
جدَّه بطَرَف ســن الرمح ماكوله عيــنه
وجهه حــلو بـس الحجر. خَرَّب جبـــينه
شمس الله حارگته الشمِس
عطشان بـــس شابــع رفِس
طفهم چبـــيرة و جثـــــــته
ترستــــها يالـــــــوادم تَرِس
ضلع واصـــل. منّه يم نـوگ السبي
و ضلع زاحف صـوب تــل الزينبي
و ضلع شابك چف عضيده
يلـــــــطم و سلــسله بيده
عالحسين عالحسين
ــــــــــــــــــــــــــــــــــــــــــــــــ
مــن والده الكـــاظم خَـــبَر من زغره سامــــع
چبد ابو اليمة اويه السهم . ثلثيـنه طــــــــالع
الحــافر غِده فــوگ الصـدر. رايــــــــح و راجع
و الشيب مــو بس اختضب. لا شيــــــبه واگع
مجــهولة صـــارت جِثته
زرگة اعله حمــرة جبهته
مو هوه شـــو چنه صبح
شلون اخته زينب عرفته
شباقي منه . شخلت الحافر عليه
بس گلبها. زينـــب الـــدّلاها بيه
دم طفل باقي اعله جِيده
يلطم و سلــــــسلة بايده
عالحسين عالحسين
ــــــــــــــــــــــــــــــــــــــــــــــــ
راهب بني هاشــــم سِجَد. سجدة طويلة
و من رفع راسه رد لـِــطَم. لجل العــقيلة
من دم متن عمته انصبغ. ظـــهر الهـزيلة
و همزين ظــــلت باليسر. فــوگاها شيلة
كلشي انسلب منها غصب
ابحـــــــجة غنيمة للحرب
باگوا غــــــراض ام الخدر
و اتقاسمـــــــوهن بالدرب
بس عباية. عافوا اعليها صدگ
ما خذوها. لان مآخِذها الحرگ
چا خذوها لـو جديدة
يلطم و سلسلة بايده
عالحسين. عالحسين
ــــــــــــــــــــــــــــــــــــــــــــــــ
من سوطهم آ يالقــــــهر دم يصــب كــله
و امن الحديد امرضرضه و مكسورة رجله
كل ذَنّي بي مــــــــا أثّرَن . و جروحه سهـلة
بـــــس الخــرابة الأذِّتــه و رَبَتّله عِــــــلَّه
عمَّاته ركبــــــــن عالهزل
هذا الصدگ ما ينـــحمل
بيا سلسلة يحـــس بالألم
و زينب اكل چفها الحبل
ياهوه يرضه. عمته بالشارع تبات
يسب ابوها. شكو واحد منها فات
شحالها و ظلت وحيدة
يلطم و سلــسلة بايده
عالحسين عالحسين
ــــــــــــــــــــــــــــــــــــــــــــــــ
ظل ينحب و لا مـــــا سكت و تصب دمعته
و نــــاح لرقية مــــــــن ذِكَر معصـومة بنته
فَزّن حيــــاطين الســــجن من گد شهگته
منـــها التــراچي امســــلبه يدريـها عمـته
برجليها ظـل شوك و جمر
شـما بابا صــرخت تنسطر
زغيرة بعدها اعله الهـضم
مو مال شــــــام و لا يسر
كل جسمها. چَوّته نــار الخيـــــــم
و الخـــرابة. هواية نزفت بيها دم
بالطشت طاحت شهيدة
يلــطم و سلـــسلة بيـده
عالحسين عالحسين
ــــــــــــــــــــــــــــــــــــــــــــــــ
الحمدلله
#علي_حسين_الكناني
@HxzEU1
#قناه_نشر_القصائد_المنبريه
لحن (تدري الغريب)
بصوت
ملا كرار الكناني
ديالى_ مندلي
القصيده على طور ... يا محله الوداع ابهل مسية ...
اليوم اتعنت ارض الكاظميه ... الحره الهاشميه
تشيع الكاظم ابدمعه جريه
..............؛؛؛؛؛؛؛؛؛؛؛؛؛.................
١؛////////////
من شام الغرب للسممو جبده ... جيتهه العقيله
كَـايدهه الحزن وامبين اعليهه... مفجوعه و عليله
نيران الخيم ما خلت ابزينب .. حيل البي تجيله
اجت تمشي وتعثر .... لعد موسى ابن جعفر
تتوجه اعله عكازه السبيه
.......////////////////////////...........
٢؛/////////
غريبه وللغريب اتعنت الليله ... بدموع الخضيبه
العبايه امتربه والونه مسموعه ... عالمات بنحيبه
وصلتله بهضم وبحاله متعوبه .. مصيبتهه مصيبه
نظرت ويلي حاله .... بغرب محد بجاله
غريب ابلا اهل وكت المنيه
................./////////////////...........
٣؛؛؛؛؛/////////
يم باب الحوائج موسى ابن جعفر .. ماهود بجيهه
شافت بالحديد امكَـيده اجفوفه.. واتذكرت سبيهه
عادت كربله اعليهه ومصيبتهه... والكَـيد البيديهه
السلاسل هيه هيه .... الكَـادتهه سبيه
امكَـيد بيهه امام الرافضيه
................/////////////////........
٤؛؛؛؛؛////////
مشت خلف الجنازه ابكسرت الخاطر ... بل ممشه اتِعَثر
على المات بسجن دمعتهه سجابه ... تصيح الله أكبر
السجن نفس الخرابه موحشه وضلمه ... ياموسى ابن جعفر
غريب اويه الغريبه ..... تلاكَـو بالمصيبه
على جسر الهضم بالكاظميه
..............////////////////////............
٥؛؛؛؛؛/////////////////
الله يساعد المهدي على جروحه... ماتنعد جثيره
يخلص من مصيبه ويبدي بمصيبه ... حيره ايامه حيره
روحه اشكَـالت ابساعت نظر عمته ... تنوح ابهل ظهيره
يم بدر الإمامه .... سلطان الكرامه
السمو جبدته بهاي المسيه
.....................؛؛؛؛؛؛؛؛؛؛؛؛؛؛؛؛؛؛؛...............
✍️🏻 كلمات موسى الخادم
@HxzEU1
#قناه_نشر_القصائد_المنبريه