22633
@HxzEU1 https://t.me/hxzeu1 قناه نشر القصائد المنبريه
توديع المواكب
نتگابل نبچي اعله الرايه
شيعـود ايـام المـشايه
::::::::::::::::::::::::::::::
ويـن انروح باچر مـن تشيلون
يصحاب المواكب خاف تبطون
كـون اخـلافكم نعميهه العيون
مانتعب وحسين اويانه
اسياد العالم خلانه
شيعود ايام المشايه
:::::::::::::::::::::::::::::::::
أصعب يوم عـدنه ادخيل عباس
من تخلص الخدمه وترجع الناس
يـاريـت ابدربـهـم يـنـزع يـاس
مرسوم الزاير بعيوني
والرايه اترف فوگ امتوني
شيعود ايام المشايه
:::::::::::::::::::::::::::::::::::::::
من يفرغ الشارع تدمع العين
ننـشـد وينـهـم زوار الحسين
كل يوم اليمر محسوب سنتين
هلزاير ماننسه ايـامـه
هم يرجع ونبوس اجدامه
( شيعود ايام المشايه)
::::::::::::::::::::::::::::::::
گـوه افـراگـم ياريحت الهيل
كل ماطاح چادر ينهدم حيل
وحشه ابيوتنه امن ايچلچل اليل
ايام الخدمه اشينساها
مـو كل ابنادم يلگاها
شيعود ايام المشايه
فاخر علي الشبيبي
قلبي بحزن يكابر من شالوا الجوادر
ـــــــــــــــــ
جن اجنازة عمري انشال هذا الي حصل بية
من وحشة الطريق انشاف بعد الاربعينة
حيرة ام اولد مجتول ما تدري بطوارية
خلصت وانتهت يا حيف أجواء الحسينية
بهمومب ابقى حاير من شالوا الجوادر
ـــــــــــــــــ
شيعود السنة وينعاد يوم حسين ابو اليمة
وارجع واخدم الزوار من كل قلبي وبهمة
نعمه الله ابو السجاد ولازم نشكر النعمه
لمنه بالموكب هاي وهوه منهو الي يلمه
من داسته الحوافر من شالوا الجوادر
ـــــــــــــــــ
راح ارجع اعد ايام واقرة من الهجر اية
دنيا بلا ظهر عاشور ما تستاهل حجاية
ما فك حزني بس مجبور مو عن حاجة لو غاية
بس أمر الله واهل البيت طاعة ومفترض هاية
قلبي بجروحه صابر من شالوا الجوادر
ــــــــــــــــــ
مو هينة أودع ايام ما محسوبة من عمري
بعيوني الدمع مذبوح والله العالم بصبري
الجادر من انزله تكول جني نازل بقبري
خلصت ما اصدك شلون شبسرعه الزمن يسري
شيجيبة يومي باجر من شالوا الجوادر
ــــــــــــــــــ
خلصت وانتهى الموضوع بس ما خلصت الذكره
ابقى اعله العهد لحسين اني معاهد الزهرة
ما انسى الجره بعاشور ذيج المحنة بالصحرة
ما يطفي الزمان ضلوع بيهن تستعر جمرة
بقليبي يبقى حاضر من شالوا الجوادر
ــــــــــــــــــ
الشاعر زين العابدين الشمري
خويه جيتك كَـوم اليه
١📜
اجيتك مثل المضيعه
نبض كَـلبي وحروف اسمي
ماخذني التعب والحيل
ومن متني يصب دمي
اجيتك كلشي بيه ايصيح
آه اعليك يبن امي
آه // جانت امنيتي امن ارد الكَـبرك
آه // حلم يطلع ما امخلص عمرك
آه // ومن اجيك اتضمني خويه الصدرك
بعد حيلي رد عليه
٢📜📜
اجيتكً من بعد ضيمي
وحبال اليسر والطكَـ
اجيت اتعثر ابممشاي
كَـوه اعله الجدم اسحكَـ
من فاركَـتك الهل يوم
باحزاني عليك اشهكَـ
ريت // تنفض اتراب الكَـبر يا روحي
ريت // اتعاين الحالي وتهود نوحي
ريت // منك اسمع كلمه تشفي اجروحي
ياهو بعدك خويه اليه
٣📜📜📜
أجيت وجايبه وياي
راسك يا بعد عمري
بين اجفوفي شايلته
ودمعاتي عليه تجري
كَـضيت الدرب يحسين
حارسته مثل خدري
ليك // ما بقت بعيوني دمعه اجريهه
ليك // لو يصح بيدي العيون ابجيهه
ليك // روحي يبن الزهره فدوه افديهه
يا بو عبدالله ورقيه
٤📜📜📜📜
وصلت الأربعينك كَـوم
مشتاقتلك اهوايه
وي زوارك اليمشون
اجيت وشايله الرايه
ازورك والضعن وياي
إجاك بدمعه شجايه
كَـوم // اتلكَـه ضعني الجايك اويه احبابك
كَـوم // لا تخليني اعيش امصابك
كَـوم // لا تسد ابوجه زينب بابك
كَـوم لختك يل حميه
=======================
✍️🏻 كلمات #موسى_الخادم ٢٠٢٦
حياكم الله ... خدام الحسين
كواكم الله ... زوار الحسين
انه امشي وياكم
ادعي الله يرعاكم
خدام الحسين ....زوار الحسين
......
فاطمه الزهره الزجية انه امكم
امشي وي ممشاكم واتبع جدمكم
اابدفتري زوار متسجل اسمكم
وانتو يالخدام بعيوني شلتكم
والشاهد الله ... انه اشفعلكم
مو صعبه سهله ... كلحنطه المكم
للجنه وياكم
......
كل وكت دعواتي الكم يالحبايب
الله يكثر خيركم يهل المواكب
الله يبعد عنكم الشر والمصايب
ويفرج الهم عنكم ابطلعت الغايب
دعواتي الكم ... صبح ومسيه
يحفظ اهلكم ... رب البرية
يل حلوه ملكاكم
ادعي الله يرعاكم
.....
ها عساكم ما تعبتو يالغياره
الخطوه تنعد ابألف هاي الزياره
الف حجه والف عمرة بنتظاره
الزار كبر حسين هاي الكم بشاره
زوار الحسين ... حجاج اسمكم
ها يالمحبين ... الله يحبكم
يغفر خطاياكم
ادعي الله يرعاكم
.......
ابشاره ابشركم يخدامي الميامين
ابدال كل درهم تنفقونه للحسين
باجر ابجنه عدن اوفيكم الدين
وبجواري ايصير مسكنكم يطيبين
خدام الحسين ... موعدنه باجر
الكم يطيبن ... جنه اكابر
بجواري سكناكم
ادعي الله يرعاكم
......
زاير حسين الملائك يخدمونه
على طول الدرب همة ايدللونه
ابهله وياميت هله يستقبلونه
وابجر تسبيحهم يتقاسمونه
كلمن يزوره ... ماشي اعله رجله
ياخذله صوره ... جبريل اكله
ما انسه ذكراكم
......
وانتو يلخدام خدمتكم عظيمه
انبياء الله رادتها ابعزيمه
خلو خدمتكم على الفطره السليمه
مو شرط بهواي الاشويه الها قيمه
المايه تكفي .... مو شرط الهواي
الماي تكفي .... اتشربها مشاي
مشكوره مسعاكم
......
الحمدالله رب العالمين
اللهم صل على محمد وال محمد
موسى الخادم ....
ردت امن الشام ...
زينب المسبيه بدموع الحزن
ردت امن الشام ...
ابروس اهاليها التولوهم طعن
اه يازينب ....اه يازينب ... ....
......
ردت الحره العقيله بدمع العيون
شايله اهموم السبايه فوك الامتون
بحسرة المكسور خاطر صاحت ام عون
وين اخوتي الدللوني خل يشوفون
حالتي ياحال ...
الموت اخذكم مني خوتي راح اجن
ردت امن الشام ...
زينب المسبيه بدموع الحزن
......
ردتلهم زينب بصرخات الايتام
وابأثر جوياتها بنيران الاخيام
حيل ما ظل بيها كوه اتشيل الاجدام
اهواي مشوها العقيله الديرة الشام
ما رحمها البين ...
شاهده الاحبال واسياط المتن
درت امن الشام ...
زينب المسبيه بدموع الحزن
.....
رجعت الخوانه النامو بالكبور
من بعد غيبه طويله جتهم اتزور
جايبه اوياها الروس الذيج الانحور
الكطعوها بالسيوف بيوم عاشور
اوياها جابت ضيم ...
رايت العباس خييها المندفن
ردت امن الشام ....
زينب المسبيه بدموع الحزن
.......
يم اهلها الحره نزلت حاسره الراس
وطلعت جف الكفاله وراس عباس
صاحت بصوت الحزن اكعد ينوماس
هذا راسك جبته رد شوفك و الانفاس
الخاطر الجويات ...
انفض اترابات كبرك يافطن
ردت امن الشام ...
زينب المسبيه بدموع الحزن
......
حال زينب بجه املاك السموات
يم كبر الحسين كعدت تنشدت ابيات
اه يبن امي تصيح المنذبح مات
اعليك لاخر عمري ما تنشف الدمعات
ويلي عل المذبوح ...
عدها ماظل صوت من كد ما تون
ردت امن الشام ....
زينب المسبيه بدموع الحزن
......
من بعد ما تعبت امن الحن واللونين
كعدت تسولف على اخوتها الميامين
عالخرابة واعلى طبتها الدواوين
نوبه للعباس تحجي وانوبه لحسين
سولفت ما صار ....
وختمت القصه برقيه ام الحزن
...
الحمدالله رب العالمين
اللهم صل على محمد وال محمد
موسى الخادم
.
.......
احبك من هيام وعشكها الجروح البيك
وزاعلت المنام كمت اسهر انه بطاريك
يا جروحي الما تطيب
يا حبيبي وياطبيب // حُسين ياحُسين
////////////////////1
بحضرتك. مثل طير واكضي عمري عليك احوم بحضرتك.
اختصرتك. عشكي الأول وانت عايش بيه دوم اختصرتك.
علمتني شلون احبك من صدك
ومن محبتك اعرفت معنى العشك
ومن حياتي احذفت كلمة سحك من عشكتك.
يا اصعب قرار من تعشك شخص مذبوح
تعيش الانكسار بس تذكر مصابه تنوح
من خيالي ماتغيب
يا حبيبي وياطبيب // حُسين ياحُسين
/////////////////2
علمتني. ما ازاعل واحد ايلومني عله حُبك علمتني.
عودتني. ما اجامل وابقه دوم انه عله دربك عودتني.
ما اجامل انته للعالم طبيب
ما اجامل انته مأوى للغريب
ياحسين اشكد احس مني قريب وقربتني.
سلطان الحياة سميتك اليه دوم
ياماي الفرات عطشت الاحبة بيوم
الاحبة ضل غريب
يا حبيبي وياطبيب // حُسين ياحُسين
//////////////////////////////3
ابحياتي. كلشي ما املك يغالي بس ملكتك ابحياتي.
حد مماتي. ما اعوفك وبقه دوم انه بخدمتك حد مماتي.
لليحبك اسمعت تصبح درع
ولجله تحضر من يصير يوم الفزع
وعمت عينه الماتصب لجلك دمع ياغلاتي.
ليلي ويالنهار اردد بس حروف حسين
وسألها الصحار زينب والخيم جا وين
بكلبي كل ذكره تصيب
يا حبيبي وياطبيب // حُسين ياحُسين
//////////////////////////4
ما تعوفه. اليعتنيلك وبلهفته ايشم ترابك ما تعوفه.
ما يخوفه. كبره هذه الرخص الدمعة امصابك ما يخوفه.
انت مبدأ ياحبيبي مو خيال
وانت واضح نورك مكمل الهلال
المشه بدربك سيدي يعرف الحلال وبحروفه.
يردد بالحروف من باله العطش ميروح
ويذكرها الجفوف ويذم كل نهر مجروح
من دليلي اشكد قريب
يا حبيبي وياطبيب // حُسين ياحُسين
//////////////////////////5
ما يهمني. كمت احسك انت تمشي وي دمي ما يهمني.
هايه عيني. اذا مو لجلك تعاين خلها تعمي هايه عيني.
يالمكحل العين يالكلك ذهب
وصار حبك سيدي اعظم نسب
اذا مو لجلك ابد نشرب عذب ياسنيني.
ناذرها السنين لجلك ياسواد العين
وياخذني الحنين وابجي مجلسك يحسين
امجلسك اسمع نحيب
يا حبيبي وياطبيب // حُسين ياحُسين
///////////////////
سعد الزيدي
ابوذيه مشطّر للإمام الحسين عليه السلام ..
بحبك كل موالي الشوگ
" جنّه "
واسـمـك صـار من النـار
" جُنه "
((يبسمة عمـري والونّـه
و هـواي الما أمِــل منّــه
تجـيـك وشـايله الحِـنّــه
وتحنّي اچفوفـك الجنـه ))
واذا رادت الجـنــه تـطــب
" جنّه "
تجي الجنه وتطب للغاضريه
***
✍️سعد هادي الشمري✍️
ميمر للامام الرضا (ع)
لجل الرضا بهذا اليوم نبچي ونون خلينه
١
لجل الرضا هالليله نجري الدمعه
خدامه احنه بهل مصاب وننعه
بصوت الحزن لمن نصيح ايسمعه
بمجلس عزائك هاليوم اتعنينه ياوالينه
٢
اتحملت كل جور الزمن والايام
بالغربه قاسيت وحملت الآلام
تالي يجازوك بغدر هالظلام
واحنه بمصابك مولاي بالدمعه لجلك جينه
٣
مجلس عزائك بالدموع انحضره
ونبصم الك ياسيدي بالعشره
ترضه علينه انريد من الزهره
رغم البعد بالدمعات صحنه والك نادينه
٤
نادينه خدام الرضا بدمعتنه
جينه وتعنينه اله بلمتنه
لهفتنه نحضر للعزه خلتنه
انجدد عهد هذا اليوم من كثر شوگ البينه
٥
المايحضر الليله ويعزي خسران
بليلة مصابك بالدمع ياسلطان
نبصملك احنه جينه ياعالي الشان
وعالبصمه احنه مخلين شاهد الك مهدينه
٦
اسم الرضا دام وبقه بذكرانه
من عالم الذر عاش هوه ويانه
لمن نريده انصيح يامولانه
ينطينه مولانه هواي لو ما اله اتعنينه
٧
نختم اله بدمعتنه بس احچايه
بجمرة مصابه خلي يسمع هايه
وفايه اله طول العمر وفايه
بسم الرضا احنه الخدام اتشرفنه واتعلينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ابيات نعي
اجيت عليك ادور خويه يحسين
وجدمي من التعب مابي خطوتين
التظيع اخوتهه ضايع شوفهه العين
ابليل وغربه حيره تلتجهه وين
اخوي من الظهر بلحافر انداس
شفت احسين ظل جثه بلأ راس
الخيل الفوگه ابد ماعدهن احساس
والطف بس شماته بلايه حراس
تمنيت انذبح من شفته مذبوح
طايح علترب ظل شابع جروح
اخو زينب صفه عله الترب مطروح
مطبور ابنحر بي فاظت الروح
من خيامه بچي ركظن بناته
الحسين ابذبح خلصت حياته
يباوع للخيم ساعت مماته
تحرگ بلخيم شفنه الشماته
لگنه من السحگ متساوي علگاع
تموت زينبك ساعات الوداع
عليهه ابكربله حته الهوه ظاع
ماصدگ الخوه خلصت ابساع
سلام البهادلي
رد الضعن وين اخونه العباس
......................
يابو فاضل عازت اختك الك يا كفالهه
بالمشي محنيه زينب يالكفيل اشحالهه
من تغمض اعيون زينب موتك اتراوالهه
زينب مشت والحرم وياهه
وردت الك تعثر ابممشاهه
وين الوكت من متت وداهه
شالت هضم زينبك ماينقاس
.................
حيهم العباس وينه حشمت مهضومه
وينه اليخبر كفيلي لايطول النومه
انه ام خدر من مشه هضموني
مثل الجمر صايراني اعيون
ضنتي امن ارد كل هلي يلاگوني
وينه الگمر وين راعي النوماس
..............
فزعه يالعباس فزعه اگعد اتلگاني
جيت لرض الغاضريه والحزن عنواني
بعد مابيه اعله فگدك وادري ماتنساني
يالواعدت گوم وفي
اوعودك
فوگ النهر ادري خويه ازنودك
رد للخصم خلهه تحجي ابزودك
لكفو البيه گوم وفي ازعودك
رد يالفحل بينه شمتانه
الناس
....................
اليوم يالعباس اجينه والهضم ماذينه
كون ما ترجع يكافل عدمن اتخلينه
بجت حته الناگه تدري من بواجي اسكينه
نوم اللحد مايوالم زودك
عندك عهد كوم وفي وعودك
يل بالوفه شاهدات ازنودك
من تنخي اعلينه يندار الراس
..................
جيتك ابيا حال اجيتك يالكفلت اضعوني
صاير ابلون العبايه يابو فاضل لوني
راسمه اعله الخد دمعتي ابكثرما بجوني
جيت ابهضم زابره ومشتاگه
موت الاخو بينه نار افراگه
من انشد دمعتي السباگه
يابو الوفه الكله غيره واحساس
خادم اهل البيت علي الزرگاني
يتل الزينبي قبس موسى النبي
يمك كلم الله النبي موسى وذب عصاته
ــــــــــــــــــ
يتل بداعة الماشافت اخوتها
خادمها واسئلك عن ظلامتها
اريدك يا ترب تحجيلي قصتها
غريبة وتكسر الخاطر مصيبتها
اريدك تحجي عن مصايبها المحن
أصعب يا رزية ويا مصاب بكل صفاتة
ــــــــــــــــــ
جاوبني بصراحة بحرگة جاوبني
من اذكرها ليش الدمعه تسبگني
وليش اني ضميري أشعر يأنبني
وليش من الالم قلبي يعذبني
عذاب الي يون جمر جنة الحزن
ياهو احترك اخيام المصيبة بنص رأتة
ــــــــــــــــــ
عوف ابياتي كلها وجاوب بهمة
من اصعدت متنك صعدت بهمة
جانت تنتظر يرجع ابو اليمة؟
لو جانت تريد تروح وتلمة
جسد منه انتثر عليه حافر عثر
وأصبح كل كتر قطعة وتوذر كل جهاتة
ــــــــــــــــــ
موسى النبي بسدك يحجي وي ربة
وجان النبض خايف دمه البقلبة
بس من يمشي ما مرعوب من دربة
زينب عبرت الخمسين بالغربة
يتيمة بلا اهل ولا واحد سئل
جانت بين اهلها ويخلص اليوم شحلاتة
ــــــــــــــــــ
يا تل الحزن ما تبرد الجمرة
يمك حدبت سلطانة العترة
ورقة من الالم من توگع وصفرة
زينب هاية يا تل ضنوة الزهرة
گضت متأملة عزيزة فاطمة
بيها الشام ما خلة عليها بمعضلاتة
ــــــــــــــــــ
موسى يريد نار يدفي عايلتة
وزينب كل خيمها بنار متهفتة
ظلت بس رماد بهمية وبسكتة
وكلها تلوذ بيها الوجع كاظمته
وجعها بلا جرح مثل راس برمح
ما مر كل بشر يشبه حزنها بكل حياتة
ــــــــــــــــــ
قصة موسى تعرف عنها والسيرة
يتوجة بعصاتة تعينة بالحيرة
تتوجة اعله اخوها ذاك ابو الغيرة
بس يا صوب وجه الحاير يديرة
جنب شاطي النهر كسر منها الظهر
والموقف صعب تنظر بقت عين الشماتة
ــــــــــــــــــ
الشاعر زين العابدين الشمري
بعد سبــيّ الضعينة ،،،،، رجعنه للمدينة
مايتوصف الحال ،،،،، بس نسوان واطفال
رجعنه للمدينة .... رجعنه للمدينة
++++++++++++++++++++++
رجعنه للمدينة بحــال يكسر واهس الملكه
منتظرينه من ايام عليهم طالــــت الفركـــه
ردينه بألم وجروح امـــــــل مابينه للشبكه
يا طفـــــــــلة اليلزموها تكلهم اخ محتركه
هلي بتكم غريبة ،،،، خذت حيلي المصيبة
يريت العمر ماطال ،،،،، بس نسوان واطفال
رجعنه للمدينة .... رجعنه للمدينة
+++++++++++++++++++++++
هلي لـــــــو تبجي دم عيني مـا تنلام ابد عيني
اعلى وجه الكاع شافته طريح مسلب حسيني
ردت اوصـــــــله واشتمه الـــــــوادم ماتخليني
اركـض عالجمر والسوط مثل الجمره يجويني
صدك زادت بلوتي ،،،، وتعب كلبي اعلى اخوتي
بقيت بعازة ارجال ،،،، بس نسوان واطفال
رجعنه للمدينة .... رجعنه للمدينة
++++++++++++++++++++++++
خل احجيلكم عالضيم مـــن ناخ الضعن يمهم
هناك اهل الرسايل ذيـــج سيوف تحولوا كلهم
هلي حـتى الطفل ذبحوه ولا واحد سلم منهم
تاليها خــذوني الشام وصــــــرت انه اسيرتهم
تمنيت الهواشم ،،،، تجي تشوف العمايم
فوك ارماح تنشال ،،،، بس نسوان واطفال
رجعنه للمدينة .... رجعنه للمدينة
+++++++++++++++++++++++++
وصــلت الشام اه يالشام دخلته ابحسره وبمدمع
احشــــــــم اخواني مذبوحين والمذبوح مايرجع
تلكونه بشتم واحــــجار وكلــــــبي بحركته اتلوع
من كد الهظم والضــيم راد مــــــــــن الضلع يطلع
هواشم ماكو يمي ،،،، الغريبه هناكه اسمي
صدك بيه الدهر مال ،،،، بس نسوان واطفال
رجعنه للمدينة .... رجعنه للمدينة
+++++++++++++++++++++++++
ملجومه مـــن اجيت الكم ويامعضمها هاللجمه
وين الحيـــــد والصنديد انداس ابكربله جسمه
لحـد ينشد اعــــــلى حـسين عفته سابح ابدمه
جـــــرحنه هناك جان الماي وكلها تصيح ياعمه
عطشنه هناكه كلنه ،،،، النهر ذبّح زلمنه
هدمنه مثل الاجبال ،،،، بس نسوان واطفال
رجعنه للمدينة .... رجعنه للمدينة
+++++++++++++++++++++++++
خادم القصيدة
عزيز المياحي
@HxzEU1
يحسين اجت گوم واتلگه ام عون
.................
يا ابو الاكبر الحره ردت ومهمومه
اگعد اتلگه خواتك لاتطول النومه
گوم واتلگه زينب جايه ومهضومه
فگ الگبر گوم واتلگاهه
زينب لفت والحرم وياهه
ضيمه الدهر من غبت رواهه
لون العبي والوجه نفس اللون
....................
من تعبهه گوه تمشي وماتشيل اجدامهه
هاي زينبكم الجانت مااتنزل هامهه
اجت ومتعبهه وكتك روسكم جدامهه
چان الوحي زينب ايمر بيهه
هسه مشت والشمر حاديهه
حچي الخلگ مو حبل ياذيهه
شبعت هظم خافكم ما تدرون
....................
فزعه يبن الزهره فزعه زينب اتلگوهه
ركبوهه الناگه هزله وبالغصب مشوهه
الگبل ماشافو خدرهه من متت شافوهه
بين الزلم بت علي محتاره
ومثل الخيم الدليل ابناره
وين الذي نحلف ابتتاره
صعبه المره كون اهلهه ايغيبون
.......................
گبلما توصل الگبرك طاحت امن الناگه
زينب الكم ياوليهه عودت مشتاگه
اتصيح الحسين الكتلني وعذباني افراگه
ماينحمل فگد اخوي امصابه
موت وهضم من يطول اغيابه
وسط الگلب بالدليل اصوابه
حالي ابهضم كون عني اتروحون
..................
حسين يابعد الاوده وبعد عمر وروحي
تدري بغيابك يغالي ماح وسط اجروحي
ماعرفت النوم بعدك لا افارگ نوحي
واليوم اجه الضعن بيه اعيالي
ومن السبي جيتي الك يالغالي
ياحيرتي بالحرم واطفالي
يم الگبر هوو كلهم يبجون
...................
خادم اهل البيت علي الزرگاني
هواي عدنه ذنوب ويحطهه الدمع
للعليه من كل كتر دار الفزِع
اَلعَطَش ينحب و ابد ما ينسمع ،، حُسين
الوحده ما بين العساكر والأجل
حاوطه ودمعه اعله اهل بيته نزل
والله دمعة مجلسه خير العمل ،، يقين
خلي روحك والدمع متعاشره
وخاطرك خليه العاشِر كاسره
حسين طاح من السرج احفظهه هاي
وخيل غاير سحگـ صدره بحافره
حْسين ،، صيح وانعى بمأتمه
حسين ،، و اشكي حرگـ امخيمه
حسين ،، شفه فطرهه الظمه
على مثل الحُسين فليبكِ الباكون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
للنجاة اعظم سفينه بكل زمن
حتى يستنقذنه حط نحره الثمن
مُفترَض نشهگـ حُسين ابلا وطن ،، غريب
الله خلاه مَنجى من اعظم ذنِب
بس خدمته مْن المناقب تنحسب
ماي ربه شلون ما ضاگـ العَذِب ،، عجيب
گِلّه عفواً يبو النفس الراضيه
وانطي حيلك للرِماح العاليه
كلشي لا يوصل محرم والبتول
تلگه عينك من دموعك خاليه
الماي ،، من تِشربه تذكره
الماي،، ما غسل دم منحره
الماي ،، شاف طيحت خنصره
على مثل الحُسين فليبكِ الباكون
،،،،،،،،،،،،،،،،،،،،،،،،،،،،،،،،،،،،،،،،،،،،،
ماكو بينه انسان ما مرّه الغلط
والذنب وي كل مضامينه اختلط
كلشي يرحل تبقى دمعاتك فقط ،، اكيد
هيه الترجعك لكونك تبتِعِد
للعليه عسكرهم يروح ويرِد
من جديد بكل محرم تنولد ،، يريد
إنسى ذنبك واحچي عن السامعه
وگول وسفه اربات حيدر طالعه
وخلي يحفر عالوجه دمع اليسيل
راجعه من الشام زينب راجعه
هواي ،، احچي عن ذاك السِدَه
هواي ،، لوم گطرات النِده
هواي ،، إسمع اخته تناشـِده
على مثل الحُسين فليَبكِ الباكون
،،،،،،،،،،،،،،،،،،،،،،،،،،،،،،،،،،،،،
إكتب حروفه الخضيبه بكل ألم
و اْرسِم الشاطي وعلى جروفه العلم
لو تفوتك دمعه ما ينفع ندم ،، تِضيع
حسين شوفه لوحده من تطبگـ جفِن
عيش للطف منكسِر كسرَت غصِن
خل يشوف احساسك الطايح يون ،، صريع
شيل صورة كربلا وعاشوره
وخل روحك للظعن منذوره
انت ما تدري بدمعتك من تِطيح
تگول يا ام الحسن ماجوره
عوف ،، كل خسارات الزمن
عوف ،، و اتجه لإم الحسن
عوف ،، كلشي بس هو الوطن
على مثل الحُسين فليبكِ الباكون
علي قاطع البهادلي
قصيدة استشهاد الامام الرضا ع
للمسموم •••• للمظلوم
دوم اعيوني هماله
ـ••••••••••••••••••••••••••••••ـ
لمصاب الرضا هاليوم ـ ظهري امن الالم محني
وياظلم الغريب هواي ـ بالـدلال جارحــــــــــــني
مثل جــده وابو سمو ـ وليل امصــابه ذابحني
ضل بروحي عايش دوم ـ يماسيني ويصـــبحني
ليل انهار ••• يلهب نار
گلبي وحالته حاله
ـ••••••••••••••••••••••••••••••ـ
بيـت الحـزن مو بالگاع ـ اله ابنـص الگلـب باني
وهذا مأتمه المنصوب ـ صبح موسوعة احزاني
لبو محمد لطمت الراس ـ ودمعي مبلل اجفاني
وما يبرد لهيب احشـاي ـ ومصـابه اهواي آذاني
مات وحيد ••• وهله ابعيد
وغاب امن السمه اهلاله
ـ••••••••••••••••••••••••••••••ـ
ابكسرة خاطر المولاي ـ اهيم اشما قره الناعي
وعيني ابكثر ماتبچيه ـ صــارت للدمـــع ســاعي
اريد الطم ابحرگه اعليه ـ لحد ماكسر اضــلاعي
فقط بس هالخدامه اتصير ـ بدرب الاخره امتاعي
اه اعليه ••• ماناسيه
دوم ابچيله وقراله
ـ••••••••••••••••••••••••••••••ـ
الحزن ناصب بروحي شراع ـ ويطوف ابحر نوحي
ومثل حركة اخيام حسين ـ حارگ خيم بجروحي
احمرار اعيوني والحسرات ـ كلها لغربته توحي
لبومحمد اشما ونيت ـ ابد ماتكتفي روحي
حسرة وآه ••• يا فــــرگاه
بيه فرحانه عذاله
ـ••••••••••••••••••••••••••••••ـ
لجده وكل اهل بيته ـ القتل والسم صبح عاده
وبومحمد وحيد بطوس ـ ضل ساعة استشهاده
خطر جان لبني العباس ـ شافو كثره وفاده
لذالك قررو ينهو ـ الان شغلتهم امجاده
والمأمون ••• هل ملعون
هوه الصار چتاله
ـ••••••••••••••••••••••••••••••ـ
✍الخادم
كامل السعيدي
اصــف ابــن بـرخـيا الحـير
أعقول البشر
مايوصل الفاطمة لو عاش
طول الدهر
وين الگايل حضرت لولاله
::::::::::::::::؛؛:
خاف ابصاط انطواله اصـــف بهل ملحمة
ينطوي الكون اعله ديها مـن تأشر
فاطمة
واصــف وعفريته ذاكّ وعينه ضلت المظلمة
فاطمة دنياها تضوي بوجه حماي
الحمة
والخلق أنـس ويجنها
يخـــــــدماً راداً ابنها
فاطمة الزهرة بجفنها
تلگى الكبار
جان الوجــود بابهه واگف حرس
ومن عطرها الهوى ياخذله نفس
هاي الجانت للكون هلاله
وين الگايل حضرت لولاله
::::::::::::::::؛؛:
فاطمة اتجــيب البواطن اقل من طبگت رمش
وعجبة من بلقيس عدهـم اصف يجيب العرش
وياسليمان ويقـصته الرادت بمـــوقف تطش
ويجــعل الذلة بإهلـها گالت ومنـــهه أندهش
ربنا مــــن صلى عليها
والعجائب تحت اديهه
الصارت امٌ لــــي أبيها
ليل ونهار
فاطمة بعـــين النبوة أكبر حلم
اوبلصلاب الشامخة نعـم النعم
واصف قصتج مرسومة باله
ويــن الگايل حضرت لولاله
::::::::::::::::؛؛:
بلحيا مرتيـــــن ردت وحــده يوم
الواقعة
وثاني مرة عله المهدي يـوم تجري
الفاجعة
وعلحياة الزهرة هـــيج بكـل زمان
أموزعة
بيها أســــرار القلاقل فاطمة هـل
جامعة
هي مو شغلت عواطف
يذمهه ويقدسلي اصف
فاطمـة بكـل المواقف
هي تذكار
فاطمة حضرت تره بگطع النحر
وبموتت سليمان اصـف ماحضر
فاطم شدت جرحه ودلاله
ويـن الگايل حضرت لولاله
::::::::::::::::؛؛:
الگالوا باصف عجيبة ويملك ســرار العلم
بعالـم الذر الزجية وشــايله بجفهه
القلم
وكل نواميـس الطبيعة تكونت مـن
الخيم
والقوانين العجيبة أســـتاذها راعي العلم
وفاطمة ســر العجائب
وتعرف بدرب الكواكب
وبيتهه علـــم المناقب
والفلك صار
بالحـــــديث الله يخصهه بإيته
والغز هذه الكون فاطم كشفته
هذه المصدر هاك استدلاله
ويـــن الگايل حضرت لولاله
::::::::::::::::؛؛:
كل علـــــوم الجاذبــــية بابها هل
مستقر
وفاطمة جدت هذاك النطق اهناك الحجر
وكل حروف الأبجدية بيها من اسمج
نضر
اصــــف وكل اليشوفه شافته بلمح البصر
فاطمة شجان بعقلهه
كلعلوم الــــــي بعلها
بلعلــــم محد وصلها
علم وأسرار
وخاف علم الفسلجة هسه انكشف
جان خادم عــــــــد بعلها وانعرف
لهذ الكائــن يوگفله جلاله
وين الگايل حضرت لولاله
::::::::::::::::؛؛:
الشاعر محمد البنداوي
ظعني راجع
🍂🍂🍂🍂
ظعني راجع للمدينة
من بعد رحلة حزينة
بعد المن راجعين
لا كفيلي ولا حسين — ظعني راجع
———————
وين كلي ليا ارض ملهوف تحدي
ما ترد احبابي لو تعرف تودي
وين ما خذني وبعد يا دار عندي
شرد أگل لدارهم رديت وحدي
والله اخافن ،،،، انسئل جا وين اخوتج
احجي زينب ،،،، خاف واحد سمع صوتج
شحجي عن ذيج الليالي
وعالترب روس الغوالي
شلون تحلالي السنين !!
لا كفيلي ولا حسين — ظعني راجع
———————-
حكي ما اطبن يعمه للمدينة
خاف شامت ينظر بعينه علينة
وبعد اثار السبي لسَّه بادينة
عمه نص الليل مشيها الظعينة
صعبه صعبه،،،، عمه نظرات العواذل
تدري بيها ،،،،اشد من طعن العواسل
من وكع كافل خواته
قصرت طولي الشماته
بيش ارد الشامتين
لا كفيلي ولا حسين — ظعني راجع
———————-
شلون لو جتني العليلة بذاك الونين
وين يا عمه دكولي عفتي الحسين
وين عمي وأوين اخوتي والطفل وين
شلون عفتيهم يعمه ان جان ميتين
خاف تسال ،،،، عن رقية وعن اخوهه
شرد اگلها ،،،،اشسوت الخيل بابوهه
عمه ماتت كل اهلنه
و اه يا حرگت خيمنه
عمه رحنه مجتفين
لا كفيلي ولا حسين — ظعني راجع
———————-
شلون اعيش بدار ما بيها رقية
وجنت اشمن بيها عطر امي الزجية
شلون لو مره ابحلم نادت علية
عمه ليش لوحدي ردي اليَّة
عمه ابشري ،،،، ليمج اتردني المنية
تالي عمري ،،،، هم ارد يمج سبية
صبري صبري يا رقية
اكبالج اتصير البنية
عمه غربه الكبتين
لا كفيلي ولا حسين — ظعني راجع
———————-
فُكَّن البيبان هاي ام الأنين
اجت تنشد عل الكمر وذيج البنين
خاف ما بيضوا صفحتي يم الحسين
وخاف عباس الكمر عز الادين
يخت الحسين ،،،كولي يازينب دخليج
ياضوه العين ،،، كون ما قصر كفيلج
خاف ويه حسينه قصر
وخاف من عندج تعذر
وحدي واشكف بالادين
لا كفيلي ولا حسين — ظعني راجع
———————-
شلون يهنه العيش من بعد الاطايب
وانه بيمن يا زمن لو ردت أعاتب
شلون اهل الله جثث فوك الترايب
وانه امشي وي شمر والله عجايب
شرد أعاتب ،،،، هالمصايب النه عادة
احنه ندري ،،،، تاج من الله الشهادة
حسين صوت يعيش بيه
عطر أشمه بكل مسية
والله خانكني الحنين
لا كفيلي ولا حسين — ظعني راجع
ابو علي
عبد الحسن القريشي
مواكبنه يبو السجاد شلناها
وزينبكم بعد ياهو ايتلگاها
~
زيـنـب من تـجي بـالاربـعيـنـيــــه
ابضعن مهيوب للطف كله قدسيه
تـگـعـد ويـن ماضلت حـسيـنـيـــه
كلها عزّلت وسفه وغلگناها
~
بت شيخ العرب ياهو اليجاريها
وعلى امصابك يبو اليمه يعزيها
ردت للطفوف اليـسر ماذيــــــها
ابمرد الروس زينب گوه ممشاها
~
الدرب وحشه اعله ضعنك ياابو اليمه
ولاضلت مواكب لاخيم خدمه
تتلگه العقيله وتنحب ابـهــمـه
اولا نسوان ضلت تلطم اوياها
~
تـعبـانـــه العقيله وحـيـل مابيها
تجي من اليسر والتعب ماذيها
ويـاهو اللي يــگابـلها ويواسيها
ويجابرهه وينشف ادموع عيناها
~
الموكب من يعزّل تبدي كسرتنه
وتغيم اوجوهنا وتهيج حسرتنه
اويه الخدمه وسافه تگظي عشرتنه
ودمعتنه ابعلگ اخضر مسحناها
~
راح انضل يبـو الاكـبـر نـعـد ايـام
لجواء اربعينك كل سنه وكل عام
مـنـك نـطـلـب الــــتوفيق للخدام
ودنيا واخره ابخدمِتك نتباها
~
حيدر بشار الدراجي
ارد أسألك ...ان جان تسمحلي يغالي
ارد أسالك ... لوكضت هاي الليالي
تستقر يالمهدي وين
من تخلص الاربعين
.....
ياسيدي المهدي اسألك ... لوكفت المواكب
رحلك تشده الياوطن ... ماالك بيت وصاحب
اتودع احسين ابيا وضع ... يا صاحب المصايب
اعتقد مكسور الظهر ... مو شاب ترجع شايب
محني ظهرك ... ترجع ومكسور خاطر
محني ظهرك ... كلشي يخلص وي باجر
وحدك ومالك معين
من تخلص الاربعين
. .....
ياصاحب الثار الذي ... ماناسي لحضه ثاره
ترجع ابيا كسرت كلب ...من تخلص الزياره
كل خادم ايرد الهله ... كل زاير ايرد داره
وانت تروح الياكتر .... دم دمعتك تتجاره
تمشي وين ... من تخلص المغربية
تمشي وين ... وي ختام اخر عزيه
اتصيح يهلي امودعين
من تخلص الاربعين
......
تخدم بموكب وحدك ... لو اكو من يعينك
ومن ياخذك حيل التعب ... هم كلي تغمض عينك
تخدم ابيا ديرة غرب ... خلصت هاي سنينك
اتوزع ثوابك دمعتك ... لو نوحك اونينك
مستعر نار ... كلبك العظم المصيبه
مستعر نار .... على الشيبات الخضيبه
انهارك وليلك حزين
......
اعذرني أسألك سيدي ... ابدمعاتي الجرية
يايوم تمشي الكربله ... وتوصل ابيا مسيه
تمشي اعله طولك سيدي ...لو تمشي عل عوجيه
ضامي تطب الحضرته ... لو شارب انت امية
يم الحسين .... توصل ابيا حال كلي
يم الحسين .... تبجي تكعد لو تصلي
لو تكظيها ونين
من تخلص الاربعين
......
كل البيوت امفتحه ... تستقبلك مهدينه
ابكيفك اختار الي تحب ... لا تمشي وتخلينه
انمشي عليك ام الحسن ... نسمة هوه مربينه
طاري غيابك موسهل ... ما ينحمل ياذينه
ابقى لتروح .... من تخلصها الزياره
ابقى لتروح .... الخاطر ادموع الغياره
اعليك نادينه بحنين
.....
كل يوم عشرين بصفر ... جرحك تزيد اللامه
معروف مولاي السبب ... جي تخلص الخدامه
مجلس عزائك تعقده ... الوحدك بلا لطامه
بس دمعتك بيه اتحضر ... والرايه والعمامه
مجلس النوح .... سيدي الوحدك تقيمه
مجلس النوح .... بس دموعك بي تيمه
الوحدك تبجي سنين
....
ياخدمه اقرب سيدي ... الكلبك اسألك بيها
اقسم عليك ابفاطمه ... سولفها لا تخفيها
الماي ابثواب المنذبح ... لو غيرها الهاويها
ياخدمة بيها منشغل ... وياك اخذني ليها
اتوزع الماي .... ابثواب حسين جدك
اتوزع الماي .... وانت دمعك فوك خدك
اتصيح عطشان الحسين
........
كلمات
موسى الخادم
علي بصوت ... علي بصوت ... ناداكم
يخدام ... يخدام ... حياكم
....1....
علي من ارض النجف ... هلا بحبابي هتف ....
للحسين انطيتو جف .... وراية
راح اذيع اعله المله ... الكم بطف كربله...
كل عزية مسجله .... واقراية
خدم يا نعمه الخدم ... بيكم امباهي الامم ...
حسين صورتكم رسم ... مشاية
بالعيون ... بالعيون .... شفناكم
علي بصوت ... علي بصوت ... ناداكم
....2....
منزلتكم مفخره ... يم حسين امقدرة ...
بدنيته والاخرة ... احبابه
امه بيكم تفتخر ... تدعي الكم كل فجر ...
يالطمتو اعله الصدر .... بمصابه
كلشي يم ام الحسن ... ما يضيع ابهل الزمن ....
وحك جفين الرسن ... بعتابه
يضل دوم ... يضل دوم ... ذكراكم
علي بصوت ... علي بصوت ... ناداكم
.....3.....
يالخدمتو ابن الولي ...بشارة الكم من علي ...
بيدي همكم ينجلي ....انخوني
دعوه الكم ما ترد ... صك ضمان الكم بعد ...
حاضر الكم بالشدد ... تلكوني
ما اضيعلكم تعب .... ما اردلكم طلب ...
هذا عنوان انكتب ... بعيوني
بدي هاي ... بدي هاي ... حاجاتكم
علي بصوت ... علي بصوت ... ناداكم
....4 .....
كل شخص موكب بنه ... منه اتشكر انه ...
وبيده اخلي جم ضنه ... يخدمونه
صيته يوصل للنجم ... خادم حسين الشهم ...
منكتب اول اسم ... ... تلكونه
كل ثواب اعله السبط ... انحط تحت صاحبه خط .... كطرة المي عدنه شط ... لعيونه
بالكلوب .... بالكلوب .... شلناكم
علي بصوت ... علي بصوت ... ناداكم
.....5.....
باجر بيوم الحشر ... كل فعلكم ينذكر ...
ثوب خدمتكم عطر ... لنفاسي
مني اسمع يالمحب ... كل تعبكم منحسب ...
كل صرفكم منكتب ... ما ناسي
رغم انف الناصبي ... شافع الكم كل نبي ...
وفاطمه وام العبي ... وعباسي
يل الاحباب ... يل الاحباب .... وياكم
علي بصوت ... علي بصوت ... ناداكم
.....
تمت
الحمدالله رب العالمين
اللهم صل على محمد وآل محمد
موسى الخادم
﴿گعديه﴾ على طريقة قصيدة
دنياك .. عندك فاكره وتدري بخبرها
للمرحوم عميد الرواديد الحاج جاسم النويني
____
عاشور .. يا خدّام ابو الاكبر أمانه
العالم رِخصَت ادموم .. خاطر صرخته اتدّوم
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°°°°°°°
ملحمة عاشور دامت ترتوي بدم المناحر
ربنه شاء ايتم ذكرهه رغم اَنِف كل طاغي جائر
وسَلَف ما ننسه فضلهم ماتو وأحيو شعائر
لحسين صارو سِلسله
نحْر ابنحَر متواصله
كل ارض صارت كربله
وصار في كل يوم عاشر
مشكور .. كلمن مات وبموته حِيانه
هذا اليفدي العيون .. وذاك المات مسجون
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°°°°°°°
لاجل عاشور الكرامه ولاجل مضمونه ايتخلّد
چم حُسيني بعصر اميه عن هله وناسه تِبَعّد
عن "عطيه العَوفي" اقره العاش كل عمره مُشرّد
بـ الاربعين ازيارته
وجمرة العاشر خلته
"الحجاج" ينتف لحيته
وأُمَر أنْ بالسوط يُجلَد
منذور .. دمّه حتّى ماتبرد دمانه
متموت العزيات .. وايام الزيارات
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°°°°°°°
الينوي چان اعله الزياره للخطر روحه يعِدهه
لو يرد لو ينطي عمره لبني العباس وحقدهه
القَررت تگطع ايادي ومشت ناس ونِطَت يَدهه
لكربله لو زاير عِزَم
يتباره وي اهله الذِمَم
بهالدرب چم غالي انعدَم
بموقفه الزهره سَعَدهه
مأجور .. تگله يالردت ترفع لوانه
بالمحشر اجازيك .. من الكوثر اروّيك
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°
فتره عاشرنه بعمرنه حاكم وزمره لئيمه
چان ذكر حسين عدهم يُعتبر اكبر جريمه
سجن تعذيب ومشانق الحظر مأتم او يقيمه
الزمره اويه طاغيهه انتهت
مدّه وعلينه عاودت
ارهاب يا ما فجرت
وعشنه يوميه هضيمه
وانزور .. مشّايه وبقه عامر عزانه
لا تنسون الايام .. شگد راوونه آلام
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°°°°°°°°
هالمجالس والمواكب للبشر اعظم هِدايه
وبصعوبه وصلت النه على اجراحات الضحايه
كون من نحچي بشأنهه نخشع ونقراهه آيه
هالفرصه لازم تُستغَل
نصدق ونخلص بالعمل
انحافظ عليهه من الجدل
ونلتم بصافي النوايه
جمهور .. بس حسين يرضه كل رجانه
خوّان ايد بالإيد .. شهره وسمعه منريد
يا خدّام ابو الاكبر أمانه
°°°°°°°°°°°°°°°°°°°°°°°°°°°°°°°°°°°°°
يخوتي عدنه مصيبه نعوف كل شي ونجزع الهه
زينب بظهريه سوده صرعه شافت كل اهلهه
حرگو اخيمهه عليهه وصعدت اتلوع اعله تَلهه
شبچت العشره وانحنت
صاحت تره الخيل اعتنت
﴿ولحدود المخيم دنت﴾
*وتقرأ مابدا لك من ابيات نعي بعد اخر بيت دون الرجوع الى المستهل
ياسر حسن
رديـــــنه عالناگة بدرب
من عنده ملچوم الگلب .. مابـي محنه
فــــدوه التعــب كله الك
بس رايده خويه اوصلك .. يابعد اهلنه
..
من بعيد/كمت اصيح/جيتك يابو الملگه الحلو
رد عليّ/يا حســــــين/زينب تــــرى ابعازة اخو
الماله اهـــل/مــــن يضيــــع/اليستقبله بله منو
..
هالرديت .. والشوغه بيه
ويـن حسين .. والد رقيه
من الشام .. ارد اشتكيلك
طبيت اله .. وردني سبيه
++++++++++++++++
جيتك بعد ضيم اليسر
وابمية رشـــــيت الگبر .. وضليت اشمك
يابن امي فز من نومتك
مــو كافي طالت غيبتك .. مشتاگه اضمك
..
من اختنگ/چنت اجيك/ مــــــن عنـدي ينزاح الالم
اتطــــــشرت/ يالحنين / وحضنك خذاه مني السهم
هــسه اجيت/بيه هـــــم/ ومخنوگه مـــن گد الهظم
..
حگه يموت .. اليفگد اخوته
ليش يعيش .. واخوانه موته
وين الحيد .. فارگنـي منكم
واليفــارگ .. تگبـــــــر بلوته
+++++++++++++++++
مشتاگه اجيت لخوتك
يالعطشتني لــــــرايتك .. عباس وينك
ياخويه لا تنسى الربه
ولا تنسى ايــام الصبه .. افتحلي عينك
..
ابچي ليش/ ماكو ايد / تمسح دمعتي ابكربله
انه هيــج/بيه صـــار/مــوش انه چنت امدلله
مـــو عتاب/راح امــوت / صعبه عليه المسأله
..
تبچي العين .. محد مسحها
مامش ايـــد .. تهود جرحها
يا عبــــــاس .. اگعد حبيبي
اختك هـاي .. فراگك ذبحها
+++++++++++++++++
الاكبر اجته امــه تون
والقاسم امه بيا حزن .. ماتگـدر تصيح
ذبحتني اه يأم الولد
لهسه تـــدور ع المهد .. واتگوم وتطيح
..
بالحـــــــــرگ .. مـــــــــهده راح .. واللهُ اكبر يالحرگ
يالرباب .. كـــــــافي اگـــول .. ابنـــچ لگيتي وانشبگ
شحال اخوي .. عالتراب .. ثوبه انسلب فوگ السحگ
..
ريت نموت .. كافي نعاني
هيج نگول .. واحد للثاني
مكسورين .. كسره چبيره
بلي حسين .. مـر يازماني
+++++++++++++++++
خادم القصيدة
عزيز المياحي
@HxzEU1
هلا بضيه هلا بضيه
حلو ابحسنه ومعانيه
گمر وعيونه گمريه . هله وميت هله
جمال يغازل حروفه
زليخه يتموت اذى تشوفه
تضل مجلبه بجفوفه . كفيل المرجله
ابوفاضل سبع
ابوفاضل يشع
ابوغيره وكلف
ابوفاضل برع
يابالفضل يابالفضل
،،،،،،،،،،،،،،،،،،،،،،،،،،،،،،،،،
جمال الله جمال الله
عليه نور العرش صله
ملك وزغر عبد ل الله . عضيم المعرفه
يهابونه يهابونه
دخيل حساسه وعيونه
علي وطالع يشوفونه . جميل بكل صفه
ابوفاضل ضوه
ابوفاضل هوه
اخو زينب عطر
ابوفاضل دوه
يابالفضل يابالفضل
،،،،،،،،،،،،،،،،،،،،،،،،،،،،،،،،،،،
گمر ضاوي گمر ضاوي
طلع من الخيم وداوي
يخييم عالنهر ناوي . ولا همه الخطر
يجيب الشاطي لخيامه
گمر مادنگ الهامه
دخلها وضيگ الثامه . هلا بزود الگمر
ابوفاضل فحل
ابوفاضل جبل
ابو وگفه اوفي
ابوفاضل نزل
يابالفضل يابالفضل
،،،،،،،،،،،،،،،،،،،،،،،،،،،،،،،،،،،،،،،
ابو الكلفه ابو الكلفه
يشيل العالم ابجفه
يكض الشاطي ويجتفه . يجيبه الخيمته
دخيل جفوفه وحساسه
دخيل الغيره البراسه
دخيل النبره بنفاسه . دخيل امروته
ابوفاضل صعب
ابوفاضل گلب
ابوفاضل عشگ
ابوفاضل حرب
يابوفاضل يابوفاضل
العبد
ابوفايز الرافضي
فزاعيات الاربعينيه
اجيتك يل اخو بالاربعينيه
محتاره ابزماني ومشي محنيه
اعذره الماعرفني اشبيه مابيه
گوم اگعد وشوف اشصاير ابحالي
جبت الدرب احسب خطوه للناگه
لريحتكم يخوتي والله مشتاگه
افتحوا اگبوركم خلونه نتلاگه
تره چلمت الخويه شحت اعليه
زينب ماهي زينب يوم عفتوهه
من اليسر تعبت گعدو عينوهه
الماتنشتم وسفه العده شتموهه
وتبات ابخرابه الشمر خلاهه
نياشين الصياط اتضل عله متوني
ومن ابچي عليكم مايخلوني
من حچي الشماته تدمع اعيوني
كلما صحت خويه ابتسمو اگبالي
لاتنشدني عن ارقيه موتوهه
برگبتهه حبل ملتف وخنگوهه
مو مالت اصياط وحيل جلدوهه
ثگيل الصوط يكسير چم ضلع بيهه
بيه اجروح ماتنعد وعدنهه
خليني اعله گبرك روحي اذبنهه
عله شوفتكم الحسرات اجرنهه
يسموني الغريبه وماتو اخواني
سلام البهادلي
فتحت عزاء / السيدة زينب كانها تشرح وتشكي عدم معرفة محمد ابن الحنفية لها
ــــــــــــــــــ
المصايب... غيرتني
اخوي... وماعرفني
ــــــــــــــــــ
اجيت وكربلة مغيرة حياتي
اجيت اترابة متروسة عباتي
بعد حرگ الخيم گعدة صلاتي
علم ربي بجروحي ونايباتي
ركض بالطف گضت اجمع بناتي
بحرم متكفلة واحرس خواتي
الكفالة... تعبتني
اخوي... وماعرفني
ــــــــــــــــــ
قبل قتل اخوتي جنت الاميرة
لجن هسة صفيت اني الاسيرة
اجيت مدللة وما عندي حيرة
رجعت مدوهنة بحيرة جبيرة
حزن قلبي ولا يوجد نضيرة
إذا بالطف الي ماتت عشيرة
عشيرة... وفارگتني
اخوي... وماعرفني
ــــــــــــــــــ
وسافة بنت علي وامشي سبية
على الهزل رحت لأرض المنية
عليّ بالغربة صاحوا خارجية
تعبت من الشتايم والاذية
بحبل للهودج مجتفين ادية
انا الشام شعمل وشخلة بية
الرزاية... دوهنتني
اخوي... وماعرفني
ــــــــــــــــــ
لمن صاحوا علية طلعوها
واحرگوا كل قلبها براس اخوها
اشتموا فاطمة وسبو ابوها
بحجر نادوا عالناس اضربوها
بخرابة وي اليتامى واسجنوها
بنت حيدر يعالم عذبوها
بعد كل الهظمني
اخوي... وماعرفني
ــــــــــــــــــ
اخوي محمد بكل الجرالي
سأل عني لان متغيرة حالي
على الشاطي عفت عزي ودلالي
اجيت مدوهنه ومشغولة بالي
عفتها مصرعة أجساد الغوالي
ضعن من اخوتي بالرجعة خالي
رجعتي.. الموتتني
اخوي... وماعرفني
ــــــــــــــــــ
انا حسين الغريب منين اجيبة
وراوي حالتي بأخته الحبيبة
علية مرت امصايب عصيبة
بعد كل الجرة اصبح غريبة
نهر من الجفن دمعي ونحيبة
اخوي وما عرفني من المصيبة
سأل گدامي عني
اخوي... وماعرفني
ــــــــــــــــــ
الشاعر زين العابدين الشمري
نزله الامام الرضا (ع)
بگلب مالوم ننادي بگلب مالوم
هذا صوت الرافـضه
الليله مسموم الرضا
بگلب مالوم ننادي بگلب مالوم
يبو محمد هاك اسمع نادتك كل شيعتك
لجلك الارواح فدوه الذوبتها محبتك
صرخه مابين الضماير عشت بيها بغربتك
چنت بين اشرار تدري تدري سمو چبدتك
على المسموم يويلي على المسموم
والرحل شيعــوضـه
الليله مسموم الرضا
بگلب مالوم ننادي بگلب مالوم
عالبعد وتصيح كلها الشيعه بدموع وألم
قسم ماننساك احنه وعد من عدنه قسم
نعم للموت احنه نبقه وياك ونردد نعم
حتى مانبقه نحير وبعدك انحس بعدم
بدمع وهموم نصيح بدمع وهموم
ينادي كل سهم المضه
الليله مسموم الــرضا
بگلب مالوم ننادي بگلب مالوم
وبصبرنه انداوي جرحك يبو محمد والصبر
ينفع بيوم الشدايد لو تداركنه الامر
ياهو مثلك وبشهاده ضحه للدين العمر
شلون والمثلك يويلي تالي بالسم ينغدر
كلنه هاليوم نعزي كلنه هاليوم
اليخدم هنانه حضـه
الليله مسموم الرضا
بگلب مالوم ننادي بگلب مالوم
نذكر بدمعت مصابك وبگلبنه چم جرح
لأن عشت ابين ناس وياها مافاد النصح
ماتدور جنه چانت چانت اتدور ربح
مايطول ليل ناسك يطلع اعليهـم صبح
وانته للدوم تنور انته للدوم
تالي بالغــربه گضــه
الليله مسموم الرضا
بگلب مالوم ننادي بگلب مالوم
يل وداعك نار تسعر بالضماير لاهبه
وهاي الگلوب التنادي بكل محبتك ذايبه
احنه خدام ابو محمد انريد احنه انطالبه
من نخدمه نرجه منه انول حسن العاقبه
ينزل ادموم دمعنه ينزل ادموم
سلم الامـــر القـضـه
الليله مسموم الرضا
بگلب مالوم ننادي بگلب مالوم
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
اليسافر غيـر اهله تفگده
ويتلگونه ابــــدرب الرده
رديت مــوش انه
من الضيم تعبانه .. رديت
++++++++++++++++
1
مـــن ابعيد شفنه اگبور
عبــــالك امـــس عاشور .. زاد الهم
هاي الطاحت مـن النوگ
وذيج اتطشرت من فوگ .. ما تلتم
..
ضعـن لچمات
شـبع شوغات
رجــع منكوب
الامل بي مات
..
هـــــنا ردينه لنفس الديره
الماخلت حلم اعله ازغيره
ويــــزيد مبچانه
من الضيم تعبانه .. رديت
++++++++++++++++
2
رجعنه وچانت الخطوه
نجرها مـــن التعب گوه .. بينه جروح
بعـــدها اثار ادينه هناك
مــــــن يا خــويه لميناك .. يـا مذبوح
..
اصيــــح حسين
وتهــــــــل العين
يرد بس صوتي
كلكـــــــم ميتين
..
زينب مـحد يستقبلها
هاي التلچمها وتكتلها
محــــــــد تلگانه
من الضيم تعبانه .. رديت
+++++++++++++++++
3
اجيت وبيدي جبت الروس
الامس فوگاها خيل اتدوس .. وانه احتار
تـــراب الطف اخذته اوياي
ورجعت وبعده فوگ اعباي .. من الصار
..
عثـرت اهواي
وانه ابـلا ماي
الخيـــم تلهب
و ادور رآي
..
هذا مـن العاشر ظل بيه
وظـــــل يتبرك بالعلويه
مــــــا راح ويانه
من الضيم تعبانه .. رديت
+++++++++++++++++
4
خل احجيلك اعلى الضيم
الغربه اتصول واحنه نهيم .. نص السوگ
شمس الشام تطلب ثار
عليّ مــن كل كتر تندار .. يا مسحوگ
..
الاخــــو ينراد
يأبـــو السجاد
تگشـر اوجـوه
شمسهــم غـاد
..
بالفــــي نگعــد ما خلونه
اليگعد بالسوط يگومونه
العيـــــون ذبلانه
من الضيم تعبانه .. رديت
+++++++++++++++++
5
حسين اعذرني بس بهاي
رقـــــيه مـــا جبتها وياي .. تعرف ليش
شافت راسك المذبوح
واستفحل عليها النوح .. صعبه تعيش
..
بقــــت تبچيك
وتصيح اشبيك
صدمهــا الراس
كتـــــــلها البيك
صاحت بويه وما كملتها
ماتت غصــت بحجايتها
وهـــناك واهنانه
من الضيم تعبانه .. رديت
+++++++++++++++++
خادم القصيدة
عزيز المياحي
@HxzEU1
ردينه من درب اليسر
مهضومات ياخويه
،،،،،،،،،،،،،،،،،،،،،،،،،،،،،،
الجانن عزيزات مداليل النبي
ردن غريبات متربات العبي
تعبهن الضيم سبيهن والدرب
تتمايل النوگ اجت من السبي
يحسين زينب هايه گبرانه عگبك شيبت
مامش رقيه وياها دفنتها بالشام واجت
ردت ام عون بحيره والحيل خلص بالدرب
وتصيح ها يالساده نسوانكم مهضومه اجت
،،،،،،،،،،،،،،،،،،،،،،،،،،،،،،،،،،،،،،،،،
من غربت الشام علاويكم اجن
وعليكم حزام خطيه تحزمن
زينب والايتام وضعهن يختلف
مگابل يالحسين عليك تگابلن
يوم اربعينك هاذه وتستاهل الخوه لطم
لو ما الفگد خوانها جا زينب المن تنهضم
ام عون اجت نعايه وتعبانه من ذاك السبي
فراگ الأهل ماذيها حگها اذى كسرت عضم
،،،،،،،،،،،،،،،،،،،،،،،،،،،،،،،،،،،،،،،
ردن والعيون امغورگها البجي
ياهضمت ام عون عليمن تنتجي
ركضت للگبور يعثرها الهوى
صاحت يخوان الزوم الكم اجي
هاي الفواجد هايه هاضمهن فراگ الأهل
ياحيل باقي عليهن والحيل بالفرگه نهل
بالشام مامش عافيه ضلت عله النسوه تره
من العين نزلت حيره موبس دمع منهن نزل
،،،،،،،،،،،،،،،،،،،،،،،،،،،،،،،،،،،،،،،
وينك يعباس تصيح ام الخدر
مشيب الراس اجت من اليسر
يالمالك جفوف تلگاها بهضم
تعنتلك ركاض تنوح وتنهطر
عباس يافي روحي تلگاني يابيرغ هلي
ياخويه اريد اشكيلك عالصاير خلافك الي
محتاجه نضرت عينك وانه عرف بعينك سهم
ياخويه ما مرتاحه من السبي وداعت علي
ابوفايز الرافضي
قصيدة الامام الرضا ع
عيني اشتاقت تشــــــوف المناره
وبـاب الرضـا اقـــــــــــره الزيـاره
ــ⊱☆☆❀☆☆⊰ــ
مشـــهد حيل مشـــــــــتاق اعتنيها
مـــــــــولاي الرضـا موجـــــــود بيها
واللـه زيـارته ابروحــــي اشــــــتريها
وتبــــــرك اريدن مـــــــن مـــزاره
ــ⊱☆☆❀☆☆⊰ــ
ما تبـــرد ابگلـبي احــــرورة الشوگ
ورتاح امن اطب حضرت المعشوگ
ما يحــــــتاج اشـــد بيبــــانه بعلوگ
ينطـــــيني الاريــــده ابلا خســـاره
ــ⊱☆☆❀☆☆⊰ــ
بـاب الحـاجه هـوه اليسـعد الناس
بالراحه ابضريحه ايحيطك احساس
هوه الضـــــــامن البي نرفع الراس
كلش تطمـــــئن يمه الحيـــــــاره
ــ⊱☆☆❀☆☆⊰ــ
للعشاگ صـــــــاير صـــحنه عنـوان
تتوافــــد عليــــــه امنــــين ماچـان
كل محتاج يرجــــــــــــع منه مليان
امشـــــــــــــرع للكرم بيبان داره
ــ⊱☆☆❀☆☆⊰ــ
ادعـــي اللـه يحـقق طلبــــــتي هاي
وگصــد للرضا امـــن البيت مشاي
مشــــــــــتاق الگلب لزيارته اهواي
وبشــــــــــوفة المرقد تطفه ناره
ــ⊱☆☆❀☆☆⊰ــ
✍الخادم
كامل السعيدي
.. (شهادة الامام الرضا ع)
اجــت يـم الرضا اللـيلـه بكـسرهـا فاطمه الزهـره
لأرض طوس اعتنت تنحب عله بنها الثامن بعبره
غريباً وا غريبا .. غريباً وا غريبا
……………………………
ارض طوس اعتنت ليها الحزينه الطاهره البضعه
تـولـول بالحـزن وتصـب عله سطرتها دمه الدمعه
وبصـوت القـهـر واشجـان گـامـت فـاطـمـه تـنـعـه
آه يـبـنــي الـگـضـه مسـمـوم نحـبـه وبغـرب عمره
غريباً وا غريبا .. غريباً وا غريبا
……………………………
گـعـدت يـم ابنـها اتنـوح بحـظنـها رادت اتـوسده
ولنـها تصدلـه وتـشـوفـه زراگ السـم طعـن خـده
وگـام من الألـم ينـزف دم حـلـگـه ولفـض چـبـده
والزهـره تصدلـه ولــن تـلـطـم خـدهـا بـالحـسره
غريباً وا غريبا .. غريباً وا غريبا
……………………………
بـزويـه تـكـتـرت فاطـم ودمعـها گـامت اتـصبه
هــواي اتـألـمـت هـيـه خـطـره حـالـتـه وصعـبه
ياوسفـه الرضا عـمـره بسم يخلـص عگب غربه
غريـب وحالـتـه الصعـبه كـل خاطر تـره تكسره
غريباً وا غريبا .. غريباً وا غريبا
……………………………
والاصعب من جرح سمه وداعه لذيچه عايلته
بنـظـراتـه يـودعـهـم وادمـوعــه تصب سكـتـه
وعـبـره بصوتـه طلـعـها سلام الفـاطمه اخـته
بعـيـده عـنـه معصومه ماگـدرت تجي تحضره
غريباً وا غريبا .. غريباً وا غريبا
……………………………
هنـانه تـذكـرت حالـه الزهـره وصاحت وناحت
وداع حـسيـنـهـا وزيـنـب لـمـن للـيـسـر راحـت
الاخت عالناگه اتودعه اخوها وبالهضم صاحت
اودعـك واني مچـتـوفه يمن نايم على الغـبـره
غريباً وا غريبا .. غريباً وا غريبا
……………………………
الرضا يسمع ونين امه الزچيه وصبت اعيونـه
ييـمه يگـلـها انعـيلي عـالسـلـبـوهـن اضعـونـه
اريـدن مجـلـس بصوتـچ وعـيالي يسمـعـونـه
يـيمه مجـلسچ هـذا يـضل طـول العمـر ذكـره
غريباً وا غريبا .. غريباً وا غريبا
……………………………
اقريـلي عله الذبحـو رضيعـه بالسهم عـطشان
وهوه عله الرمح راسه وجسمه موسد التربان
وحريمه بهـيمـه تـتراكض الهـن مابقه صيوان
ستر ماظل ظهـر عاشر بخـيمـهن نـار متوجره
غريباً وا غريبا .. غريباً وا غريبا
عقيل الحسناوي..
@HxzEU1
#قناه_نشر_القصائد_المنبريه
#الناشر_مصطفى_المياحي