42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
#نعي
مولاتي العقيلة على هزل النياق
تندب كفيلها أبا الفضل العباس
روحي فداهما وتقول :
وينـك يسـايـگ ناگـتـي ، ويالناشر اعليه الواك
واتكفلت ضعـني وگلت ، ما اطلع الا آنـه وياك
شوف الحبل والسلسله،شمسويه بمتوني اعداك
يالما بـعـد جـابت اخـو ، مثلك وطلـگـت دنياك
ويـنك يـشـيال العـلـم ،زيـنـب تصـيح وتنـتـخي
ماعـدهـا غـيـرك يالگـمر، فيّ وسـتر بيه تنـتچي
ماصايـره بزينب گـبل،وآدم غــرب بيها اتـحـدي
والچانو اطراف الزلم شاخو على اسياد الحچي
ومـتـعـمـد الـحـادي يـمـر ،يـمـهـا ويشــتم بـيـهـا
ويحرگ گـلب زيـنـب صدگ ،من ينـشـتم واليها
ومن تسـمع الشتمه الحرم، تصفگ وسـف بديهـا
اخـلافـك يـسـبـع الگـنـطـره، جار الشـمـر عليـهـا
والكـتل زيـنـب يالگمر ،الـحـادي مـن طر السوگ
وبلا هـوادج وبسـتر ،وانت اعرف ابمشي النوگ
والـكـوفـه كلهم شمات ،خاف وتلظ بيهه حلوگ
وبين الأجـانـب يالگمر ،وگـفـتـهه ماظنها اتلـوگ
واحـد على الثاني ايهمس. هـاي المن المچتوفه
الـفـرحـانـه واتـدگ بالطبل. لاگتـهـا أهـل الكوفه
هاي المخليه ابكل گلب.حسره على ظلهايشوفه
زينب السايل رد إلـه . وسـفـه وصـفـگ بچفوفه
يالـسـايـگ إظعون اليـسر ،ونـي ابمسيرك بهداي
تـعـبـانـه ماتـــدري الـحـرم ،وايام مـاشـربـة ماي
لاتـوگـف ابـحـر الشمس ،دورلنـه يالحادي افياي
كـلـهـن ثواكـل هالـحـرم ،واطـفـال تدري الـوياي
نسألكم الدعاء
السيد حسين الياسري
#اللهم_عجل_لوليك_الفرج
هاي زينب ياهو چان ينولها؟
شلون بأرض الطف تميل حمولها
_
أحمولها مالت بأرض طف الكدر
ونالها چَف الهظُم عگب الگمر
تسهر ويه دموعها وهذا السهر
بلا خيّمها والدمع محصولها
_
شلون هذا الضيم عالحره سده
من خدرها للمشي ويه العده
ياهو من اخوتها يمها تناشده
حسره عدها الخويه وين تگولها
_
ياهي مثل ام الحزن شالت حمل
ياهي عاشت حره ويشدها الحبل
ياهي كل أخوانها خلصو چتل
ياهي عافت عالترب مكتولها
_
هاي زينب والمدامع هامله
ثاكله ومتكفله أشچم ثاكله
شخلت بحال العقيله كربله
خذت كل قوتها منها وحولها
_
خذت قوتها لمن راح العضيد
الچان گبل الچلمه يعرفها شتريد
صوبوها من تصوب بالحديد
وعذبوها من أجته خيولها
_
آه يا دولابه شيراوي الزمن
خله بت الزهره محتاره بضعن
يا وطن يرحم گلبها يا وطن
يسد عينه وما يعاين طولها
_
سيد مرتضى الياسري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ريت لا ولدتني امي ولا صرت
من الهظيمة انا چم مرة متت
صارت قصص وياي...بس المنيه دواي
..........
حيرة البي نخوة حيرة وحيل ما عنده
غيرتي تهدني ولكن بدفعة اتبده
يمي ليطگ بخواتي ومحد يرده
بيه فزعة وحيل ماكو بالحبل مچتفوه أدية
السوط نفسه الي ضربني يضرب سكينة ورقية
دمي مو من السلاسل من ظهر
بكثر ما افرك چفوفي من القهر
وحدي وشماته هواي...بس المنية دواي
..... ..
ألتفت عنهن خواتي وما أصدلهن
وجوهن متروسة غربة الحيرة تكتلهن
گبال ناس و على ناگه شلون صعدتهن
يا هو يرضاها اعله روحه يمشي وي كتال اخوته
اليسوه والما يسوه بيهم يم خواتي رفع صوته
شوغة گطعت گلبي وحسرة النفس
گبالي يتمرجل على اخواتي الحرس
وبسوطه رايح جاي...بس المنية دواي
......
اه يا ضيم الخرابة شسوت بحالي
لا ستر لا باب بيها والسگف خالي
وناس من كل صوب هدت تنظر عيالي
الصار بالشام لخواتي لا حچي ولا يخطر ببال
مدللات حسين تالي ينامن وتچتفهن حبال
يفيّين لوحده لون رادت تنام
خاف تنظر ليها أولاد الحرام
الشامت أجه عناي...بس المنية دواي
........
طبت الديوان كلفة وصعبة أحچيها
من هوان الدنيا سكنة ينحچي بيها
خادمة يريدوها وسفة هاي تاليها
بالقصر من وگفونا وناس من كل بلد حضرت
من حچو يمي بأسمها دنگت من عندي خجلت
بالعقيلة احتمت يمي ما أجت
من عليها أشرّو مني استحت
كسرت گفاي بهاي...بس المنية دواي
مرتضى الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
طبيت الشام
طبيت الشام وبلا حماي
عني ينشدون بت حيدر هاي
وبغربتها بدون اخوتها بت حيدر هاي
* *
طبينا للشام بحزن جرونا خدّر السبي
حومر معاصمنا الحبل ومن الشمس حمره العبي
واتشاگف اطفالي بذعر حدر الفواطم تختبي
بين التلسّع منكبه وبين التعلعل ويحبي
وانه بحسرات بين النضرات
وحدي بلا عون بين الشمات
والدمعتها بدون اخوتها بت حيدر هاي
* *
اسماء تحفر بالگلب ذكرى حزينه وموجعه
باب اسمه للفگدت ولي يرجعها للطف مسمعه
ساعات ياخذني الذهن يم الحسين ومصرعه
ساعات اروح لكافلي واتمنى اضل عالمشرعه
ومن اللچمات ذاك المصباح
بباب الساعات عيد وافراح
والطبتها بدون اخوتها بت حيدر هاي * *
وعلى الغنايم خوفتي تتناهش چفوف الطمع
ايتامي خوفها الصخب واندهشت بهالمجتمع
واحد يجروه من جهه وثاني انشتم جده سمع
ضل الضعن بمعاتته ينطش جهه ورد انجمع
ولمن طبيت للمجلس اريد
شافاني وگام ينشدني يزيد
وبعزتها بدون اخوتها بت حيدر هاي
* *
يضرب ثنايا ابن النبي يجرح ارسومه وشفته
ويفتر على روس اخوتي ينشد عن اهله وصحبته
ياهو البرزله وتعبه وياهو الاختص بذبحته
وعباس ياهو الوذره وشلون طاحت رايته
ضل يحجي وياي عن الرواي
ذبحوه عطشان بارواگ الماي
شمسكتها بدون اخوتها بت حيدر هاي
* *
ويگلي شفتي الله شصنع گلت الجميل بصنعته
گال الحسين عله الرمح گلت الكمال برفعته
كد واسعه وايامك عدد واجموعك انت مشتته
ولو ضيگت بيه الارض تورثها باچر شيعته
يتغنه يريد تشهدله اجداد
ياخذ ثارات. من العبّاد
وبخطبتها بدون اخوتها بت حيدر هاي
* *
لخادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
آيـه الشـام وصـوابه
الذابح اسمي يم بابه
دخلنه ولاچن أبيا حـال آيه الشام وصوابه
يـم بابك بسمنه انگـال آيه الشام وصوابه
گضينه وما گضت لحبال آيه الشام وصوابه
واجتنه أعيون نشابه
آيـه الشـام وصـوابه
يغثني لـو حجـوا طـاريك آيه الشام وصوابه
ميتـه ولا دخلتـي اعليك آيه الشام وصوابه
بسبينه معيده كل البيك آيه الشام وصوابه
وجدمي البابك اشجابه
آيـه الـشـام وصـوابـه
اشلون أطب الك خدَّر آيه الشام وصوابه
ومـا بيك اليحب حيدر آيه الشام وصوابه
اعيون اهلـك علّي تفتر آيه الشام وصوابه
گـاعك هاي لـو غابه…؟
آيـه الشـام وصـوابه
عيـون اهـلك ذبـح تـذبح آيه الشام وصوابه
الضحكه بنص عزه تجرح آيه الشام وصوابه
ليـش بـدم هـلـي تـفـرح آيه الشام وصوابه
وگلبي الهسه بمصابه
آيـه الـشـام وصـوابه
بصُفـر شو ناسك امعيدين آيه الشام وصوابه
وأحنه إمـن الحزن گاضين آيه الشام وصوابه
محـد هَمَـه چتـل احسين آيه الشام وصوابه
ولـحد شـاد انگـابه
آيـه الشـام وصـوابه
هوان الدنيا أطب گاعك آيه الشام وصوابه
ومـامش زينه بطبـاعك آيه الشام وصوابه
سبيه اتصيحلي اتباعك آيه الشام وصوابه
وآنه ادموعي سچابه
آيـه الشـام وصـوابه
اليطبلك مـابظهره اخـوان آيه الشام وصوابه
يـطـب بـحبـاله للـديـوان آيه الشام وصوابه
وأبـوي العل خلگ سلطان آيه الشام وصوابه
مـاكو الخدره طلآبه
آيـه الشـام وصـوابه
الطبالك ضعن سـاده آيه الشام وصوابه
وگاعك موش مگعاده آيه الشام وصوابه
رااااح الـچــان رداده آيه الشام وصوابه
وصفى بجفوف سلابه
آيـه الشـام وصـوابه
هـاشم تـدري مـا تـدري آيه الشام وصوابه
اباب الساعه ضل خدري آيه الشام وصوابه
وكسـرو جلمتي وظهـري آيه الشام وصوابه
ومالت تدري عصابه
آيـه الشـام وصـوابه
عـلّي ويـن أهـلي يـنغـرون آيه الشام وصوابه
وعلي بالضيم هسه ام عون آيه الشام وصوابه
غـربـه بـضعـنـي يـفـتـرون آيه الشام وصوابه
بـهـزل بدلوا ارچابه
آيـه الشـام وصـوابه
محمد الربيعي
#نعي
لدخول الضعن للشام
ضيجه درابين الشماته
وطب ضعن الحسين بخواته
عليهم جريب الرمح يلااح
ومن ينطگ يشوفن بناته
يحسين گلبي احترگ يحسين
يمشي الضعن وامچتف ايدين
فرحانه كلهه حسين مذبوح
ونمشي احنه سكته ودمعه بالعين
صوتي ودمعتي اهنانه محبوس
اوعيد الشام ابطبت الروس
يمشي الضعن مثكول مهظوم
بس الشوارع زينة متروس
امشي گوه موش ابرضاتي
وثگلن على اختك نايباتي
بت فاطمه وابحبل انگاد
الما بين اخيالي ابحياتي
شماته ما بيهم غياره
يمشي الضعن خلص نهاره
فرنه اعله وادم تطلب ابثار
ما بين اليهود ونصاره
واباب ساعات الرزيه
لاذت سبيه بسد سبيه
فرحانه وگفت تضحك الناس
بالشمس ضعن الهاشميه
وانوب مشوهه النساوين
من الخرايب للدواوين
اطب حرم مچتوفه بحبال
وي خدر زينب هلسبي امنين
يحسين گلب الحره ممرود
من شفت تنطگ شفتك بعود
احترگ گلبي وگتله ياريت
چف الگمر عباس موجود
علي الحميداوي
#اللهم_عجل_لوليك_الفرج
دخول الضعن الى الشام 😭
گربنه من القصر وبعيني شفته
وكلها تصيح وصلت وصلت اخته
چنها الناس متحضر اليه
وفزت عازت العباس بيه
ــــــــــــــــــــــــــــــــــــــــــــــ
المذبح خدري بينه الحادي گرب .. واتمايل عله النوگ
والف حسبه تجيني الطبت الشام..وگلبي وجدمي محروگ
وآنه فاجده ومكسوره ويريد .. حيل الطبته السوگ
واحير بحسبتي وندار للراس .. واشوفه برمحه مخنوگ
اجتنا منين ماچانت عله البال
بعد ذاك الدلال اوصل لهل حال
وطول اخواني يتبدل بالرماح
واسمي بسوگ وبحس عالي ينصاح
ــــــــــــــــــــــــــــــــــــــــــــــ
اعله راگ الشام واسمع دگ الطبول .. وتدگ بگلبي چنها
واگل للناكه ارحمي بحالي انتي ... وخطوتج گصري منها
مانحمل بعد وحدتنه لسا ... بعدها ازرك متنها
وكَتلت احسين بعده اخضر جرحها .. كلف كلش حزنها
وبچي اعله حسين ماخلصن بعدهن
يهد الحيل مو هين فگدهن
لطم والله لعمر لو يگضي كله
ماتنسد لبو السجاد خله
ــــــــــــــــــــــــــــــــــــــــــــــ
ملچومه بكثر ما مالت النوگ .. ومامش للوجع حد
وروحي تروح لو گالو سبيه .. وعازت موتي تشتد
تميل النوگ واحتار انه اكض بيش ..وچفي برگبتي انشد
وتاخذ گلبي وي كل ميله منها .. من اطيح شلون اصعد
وبسم عباس اسبح جبته دربي
معلگ عل رمح وي راسه گلبي
وي كل ميله اصيح الحگ عليه
واحس بدفو زنوده يتچي اليه
ــــــــــــــــــــــــــــــــــــــــــــــ
وللديوان وصل بيه جرحي .. وخدري نلچم گلبه
طحت وباد حيلي بعتبت الباب .. حرت شلون اطبه
زينب انه وموش اولام ديوان .. چبيره وحيل صعبه
اخجل وي هلي كون اگعد بيوم ... مو مگعاد غربه
طلعت روحي وانه بعتبة الباب
شحال الضعن عل ديوان لو طاب
وبس نسوان ضعني وكلها ثكله
وحچي العدوان ماواحد يحمله
ــــــــــــــــــــــــــــــــــــــــــــــ
طبيت انه اخ ولمن طبيت .. وبده مگاطف حچيهم
وارجف مستحه وترجف بناتي .. ومامش غيره بيهم
وسوط اعيوني هد حيل طولي ..اشد من سوط اديهم
الله يعين گلبي الگعد وي ناس .. دمه اخواني بعبيهم 💔
وعرگت روسه اهلنا علينا غيره😭
وچانت حيره السجاد حيره
عليل وماكو حيل وعنه يشگف
ولا عدوانه من اسياطها تكف
ــــــــــــــــــــــــــــــــــــــــــــــ
وي كل چلمه صاحو وين زينب .. وبيه يفز رمح چان
حچيهم لچم روحي وجره دمعي .. وحط بگلبي نيشان
اوف شلون اخت عباس ياناس .. تطب بوسط ديوان
يضل ياهو اليجي يطيح دمعته ... هذه الماله خوان
واغشي من الفشل وجهي بديه
وشيفيد الزلم داير عليه
الم نسواني مدري طولي المه
مثل الشمعه خلصن لچمه لچمه
امير علي
#اللهم_عجل_لوليك_الفرج
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
من البحر الى النحر"" قصه عشك عجيبة
زاير ترك كل لأهل"""" رايد يجي الحبيبه
وكاتب بدمه الشعار
احنه خدام المزار
@@@@@
رافع الرايه نصر
زاير وكلبه جمر
تارك الدنيا وأجة بضلوعة ينشاف ل كسر
مايهمه شما حصل
والمهم عنده وصل
تجري عينه عل سبي وحسين مذبوح نقتل
هذا المشي بيه الفخر" "بس الحسيني يحبه
والمامشه دور عذر "" صوجة تلكاه كلبه
كلبه مابيه اي قرار "" احنه خدام المزار
@@@@@@
هذا المشي عنده لغز
واليهتظم شافة حرز
هاي مو عاده نعم هذا حب بينه ركز
نتعب نطب البحر
نمشي عل طوله هل شهر
نمشي لحسين لطهر ونت ضل شابع قهر
احنه نمشي برجلنه شدخلك حاجينه
وسمعها هاي الكلمه دوم انت ماتعنينه
ونمشي بحر النهار"" احنه خدام المزار
@@@@@
رغم من نمشي اله
وتعب واصل مرحله
مانجازي أي ضلع بالحافر نداس وبله
صيحة هايه لل أبد
غيره ماعدنه بعد
هو بس هذا الحبيب حزام تجاية وسند
نبقى نضل طول العمر مشايه لحسين لذخر
هذا العشك هوه رزق مو على كلها يمر
احنه بعيونه نجار
@@@@@
هذا أجمل معتقد
احلى من ذوق الشهد
كلها مذلوله الشعوب واحنه اتباعة عمد
شيعة يامحله الاسم
واصل الصيت النجم
خل يحاربنه الرجس مايكدر الخايب زلم
أهلها احنه الهيبه تعلم العايل درس
؛من يشوف لاسد ثعلب يلزم لسانه لخرس؛
؛يمنه هل عالم زغار واحنه خدام المزار
@@@@@
نواصل احنه بالدرب
والدمع يجري ويصب
عدنه والي بصحاري ميت وضامي لكلب
كطره ماحصل عذب
حصل النار التشب
وسط دلاله الشهيد بحجر ضل هم ينضرب
هذا الشمر حزر النحر ناده أنه لذبحته
يذبح يريد صياحة بالخيمه زينب اخته
ويلاه الدهر جار احنه خدام المزار
@@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يـنـايـم عـالـثـره الـحـگ يـعـبـاس
خـذوني ميسره الـحـگ يـعـبـاس
.......................................
الـحـگ خـويـه يا عباس يا حامي الضعينه
تـرضـاهـا الـزلـم والـخـيـل تتراڪض علينه
نـتـحـمـل يـطـگـنـا الـسـوط و يـورم اديـنه
بـس الـخـوف مـن الـنـار لا تـحـرگ عـبـينه
ويــن اطــفــالـي اوديـهـم
مــن الــنــار افــر بـــيــهـم
حـار الــرمــل يــچــويـهـم
خـويـه وچـم طفل فوگ الجمر داس
يـنـايـم عــالــثــره الـحـگ يــعــبـاس
😭😭😭😭😭😭
الـمـريـه الـچـبـيـره شـلـون يا عباس تنسب
ومن الركض والطيحات حتى الزلمه يتعب
بـڪل عـثـره اصـحـيـن آخ يا ڪفال زينب
حتى برمشي طالع شيب مو بس راسي شيب
بـالـخـميسن عمـر اخـتـك
چـنــت مــددلـه بــخـتـك
خـويـه اعـذرنـي عـاتبتك
شـمـر وحـرمـلــه صـارولــي حـراس
يـنــايـم عـالـثـره الـحـگ يـعــبــاس
😭😭😭😭😭😭😭
خـويـه بـراسـك يـهـوسـون مـن جابوه اليه
صـاحـوا زينب مـن اليوم صار اسمچ سبيه
بـهـذا الـمـوقـف تـمـنـيـت تـاخـذنـي الـمنيه
ولا امـشـي بـيـسـر عـالـنـوگ ويـجرون بيه
عــلــويـه ويـشــتــمــونـي
مـن ابـچــي يــطــگـونــي
راسـك شـفـتـه بـعـيـونـي
لـو طـگـنـي الـشـمـر يـتـلـفـت الـراس
يـنـايـم عــالــثـره الــحـگ يــعــبــاس
😭😭😭😭😭😭😭
آه الـشـام خـويـه الـشـام مـو ديـرة اهـلـنـه
تـلـگـونـه بـعـصـي وحـجـار اول مـا وصلنه
مـا رحـمـونـه يـا عـبـاس مـا بـيـهـم مـحنه
يابو الغيره طبت السوگ منها شگد فشلنه
تــالـــيــهــا يــوالــيــنــه
لــلــديــوان طــبـــيــنــه
ولـد الـتـنـضـر عــلـيــنـه
چـم عـلـويـه صـارت فـرحه لـلـنـاس
يـنـايـم عــالــثـره الـحـگ يــعــبــاس
............................................
الشاعر_محمد_الجماسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
معادنهم كشفها.. حقيقتهم عرفها
الما عدهم امانة نيتهم خيانة.
؟..
الحسن ثاني خليفة أمر الله امنصبه
لرسول السبط الأكبر يعني أول مرتبه
حجة اقيامة و قعودة على الناس أموجبه
عصمته مأيدها ربنا أبد ما بيها خَبه
من باب الشريعة ... ال واجب نطيعه
الباعوها الديانة. . نيتهم خيانة
@@@@@
جانت الشيعة قليلة إلي نغدر و إلي نسجن
الكوفة مو كلها روافض جانت بوكت الحسن
بيها ألد اعداء حيدر الحقد بيهم مندفن
و بيها البايع ضميرة شيمته غدر و طعن
إل بجيشة نواصب... مو لجلة تحارب
الما طاعوا لسانه ... نيتهم خيانة
@@@@
الحسن غاية اصلاحه تبين بهل اتفاق
جانت اشروطه عظيمة كشفته وجه النفاق
يدري بي سلطان جائر لا يمان و لا خلاق
حتى ما توهم الأمة الجان نايم هسه فاق
إل ينقض عهودة .. كذاب بوعودة
و السووله اعانه ... نيتهم خيانة
@@@@@@
و الحسن و الله انظلم بين جهال العباد
غرة عيون الزجية اجروح قلبه بلا ضماد
رادو اصحاب الخيانة الحسن للباغي يقاد
بس ابى الله ورسوله من فعلهم هل احقاد
يعزه الله و خزاهم ... ذوله طمع عماهم
عرفهم بمتحانه .... نيتهم خيانة
@@@@@
خمس مرات يتسمم ويشفه بأذن الله العليم
لكن المرة الاخيرة جان سم كلش اليم
گطع احشاء اويلي و طاح يا شيعة الكريم
الحسين انكسر ظهره يبجي وبروحه يهيم
يگله يا اميري... خويه ياجبيري
إل رادو اذانه... نيتهم خيانة
@@@
جاوبه بدمعة عيونه يومك الكله حزن
أنا بين اهلي و ناسي و أنت غربة بلا وطن
انا صح جبدي تمزق انت صدرك ينسحن
جرحة الخنجر برجلي جسمك مترس طعن
شلون امنا تشوفك... مذبوح بطفوفك
اليحجون بكفانه... نيتهم خيانة
@@@@
الشاعر الميرزا مرتضى
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#تراث #نعي
لعند الشام من لاحت علايم
حنت زينب او باجي الفواطم
شافن من بُعد لمة الوادم
او عليها الحزن بغيومه تلملم
ونت زينب و گامت تنادي
علیک اقسم ابجدنه النبي الهادي
عنه الروس طلعها يحادي
او على اضعون الحرم خلها اتجدم
يحادي هاليساره اعطف عليها
او لا تمشي بطريج العام بيها
ترانه الشام بس ما نصل ليها
علينه الناس من كل كتر تلتم
يحادي عاين الهاي الروايه
لفت و تريد تتلگه السبايه
علينه اهون وحگ الله المنايه
او من عدها الشماته اصعب او اعظم
يحادي عاين الحال اليساره
بیش امن الخلگ هاي انتواره
خاف اعلى الضعينه اتصير داره
وارامل عالمهازل تصرخ او يتم
طب للشام ظعن اليسر مصباح
والمبشر لعند ايزيدها راح
صعد فوگ الگصر مطرب او مرتاح
او من شاف الضعن كام ايتبسم
صارت عالضعينه الوادم أصفوف
امحنيه أچفوفها وادگ بلدفوف
او زین اعبادها بالحبل مچتوف
تهل عينه أو يتمنه المحتم
يشوف أهل الشماته اتشوف العيال
وهيه اعلى الهزل مجتوفه بلحبال
گصد يمه سهل و الدمع همال
حب ایده او على السجاد سلم
تفكر له السهل والحيل بايد
يصح عندک یگله ثوب زايد
الحديد الرگبتي يا سهل چايد
جرحها او گام منها ينضح الدم
من طوگ الحديد ايسيل دمي
و عاين للحرم و يزود همي
عسن يا ريت لا ولدتني أمي
او يراني ايزيد بالذله الموسم
عگب ما سكن هضل الناس والويد
او گضت بيهم الوادم فرحة العيد
خذوا كل اليساره المجلس ايزيد
وهو اعلى التخت وبها النصر مغرم
ابراسه التاج و بها النصر فرحان
ويمه جاعد أعلى التخت مروان
لمن عاين الذلة النسوان
گام النغل بأسلافه ايترنم
صاح الرأس وينه أو حين شافه
هتف بالثار و تذکر اسلافه
شال العود و يجلب شفافه
أو يضرب گام من عنده المبسم
الشاعر المرحوم
السيد عبد الحسين الشرع
#اللهم_عجل_لوليك_الفرج
ليل وغُرب
ليل وغرب- ظلمه الدرب
وبهيمه ونيت
راحوا هَلك- بالدنيا الك
ماباقي اثر بيت
حزنك عُمر- دمعك جمر
بالهم تغطيت
تصد وين.
ياغريب وماكو واحد من هله
تصد وين.
شگد خذت منكم يهاشم كربلا
تصد وين.
حتى الأطفال وذبحهم حرمله
والهيمه حارت بنسوانك
والوادم فرهدوا ديوانك
وضعونك يابو صالح راحت
ميسوره تمشي وي عدوانك
////////////////////////////////////
جفنك نشف- عودك رجف
ماشارب الماي
عاشر مضى - دخيل الرضا
اشرب يمولاي
ماكافي ون- راح الظعن
ماظل بعد راي
ظعن راح.
واليتامه تراكضت من كل كتر
ظعن راح.
والحرم محتاره لو صار العصر
ظعن راح.
لاتدوّر سكنه يحديها الشمر
عطشانه ركضت ومشدوهه
عالناگه بالحبل چتفوها
ميسوره ويلّي بت الهادي
لا عمها شافته ولا بوها
/////////////////////////////////////
شايب صرت- واتمرمرت
من ذكر الأحباب
عندك نسا- بذاك المسا
يحدوهنّٓ اغراب
حگك حرت - عود أصبحت
وتسترك ثياب
للظعون.
ليل ونهار الدمع منك يكت
للظعون.
محني ظهرك من محرم ماگمت
للظعون.
كل سنه تمر حفنة سنين كبرت
للضامي نوحك وحسراتك
وجفونك هدلن بدمعاتك
كل شوفك راح وي حسينك
كل حيلك راح وي عماتك
///////////////////////////////////
بخدك اثر - ليش انحفر
ممشه الدمع نوگ
جدك هوى- بطف نينوى
وصيوانه مبيوگ
گلبك جزع- ظعنك طلع
باچر يطب سوگ
والأيتام.
تاهوا وعمتك بگت متحيره
والأيتام.
كلهم يتانون سبع الكنطره
والأيتام.
فوگ الثمانين تحرسهم مره
والحومه خضّرت من هاشم
والأكبر طاح بيها وجاسم
وحسينك خيلهم داسته
والكافل عالنهر ظل نايم
/////////////////////////////////////
هاي الحجج - يمته الفرج
ياصاحب الثار
مال الحمل- بيت العدل
سالفوفة النار
بسِر حيدره- احتارت مره
ياعالم شصار
هلك وين.
ماكو واحد ظل عدل ذاك الظهر
هلك وين.
يعينك الله مابعد عندك صبر
هلك وين.
مو عجيبة دموعك يصيرن حمر
تگر عينك من تصير قرايه
وبالمجلس تجي شايل رايه
شيباتك تغرگ من دموعك
من عاشر تگصد المشايه
علي طعمه البطاط
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((#أين_أنت_المشايه_تنتظر ))
……………………………………………………………
عا كربلا رايد تجي چا وينك
كل زاير و خادم تره امتانينك
(( و اعليك أدوس المشايه ))
……………………………………………………………
جيش والزي ماله اسود طلع چن موج البحر
أوله امن البيشه يبدي و آخره لحد النحر
بالعراق السمه امغيمه ايطيح زوار المطر
زلم في فن الشجاعه رقم واحد عالبشر
وانت كل عقلك تجي يم ذوله
مو هوه و يتنفسون أرجوله
ظل ابحلب يا ناصبي لتجازف
ازغر طفل من چلمتك ما خايف
(( حيدر عالزود أمربينه ))
……………………………………………………….…
طيّحت راية المرقد خاف ظنك منتصر
السنه كل مشاي شايل رايه بسم ام الخدر
گاعده ابكل موكب النه موش يمك بالگبر
اتگله گواك الله زاير ابشوفتك انسه اليسر
موش موته الاكبر و لا جاسم
بعين زينب من تشوف الخادم
امعتبر تره الزاير يرد العايل
و بروحه يفدي مرقد اخت الكافل
(( راية زينبنه انعليها ))
……………………………………………………….…
ثلث انهار الزياره تجري وادم ثائره
نهر من النجف نابع نهر من بابل جره
نهر من بغداد جاري اوياهم الكاظم سره
يبن سفيان انا انصحك تغرگ ابجيشك تره
الزاير اوليد ام حسن عنوانه
وانت ابن هند وابن مرجانه
الخادم ابن حيدر الهيبه اعلومه
وانت ابن ذاك الشمّراها اهدومه
(( ليث انا وانت النعامه ))
……………………………………………………….…
ولك من الحيدريه ازدحام بكل كتر
جسر الطويريج خنگه ابن ابوه الي ايعبر
الگاع ضيجه وماتكفي عشر زوار ابمتر
وحضرتك رايد تجيني منين تتعده و تمر
الوصلت الباب الصحن محسوده
بحر تتلاطم امواجه السوده
مترهي رايد تدخل انت الحائر
وكل العراق ابمردقه اصبح داير
(( هنياله القبّل شباچه ))
……………………………………………………………
امس حرگيتوا المخيم باتت ابهيمه الحرم
وهسه چم موكب بنينه بدل عن ذيج الخيم
جوّعيتوا ايتام زينب كل طفل ناح إبألم
هسه اطول من دولتك سفره بأنواع النعِم
ولك تخسه و تطب ارض حسيني
مثل عابس لو وهب تلگيني
ظل انت والزاير يجي لمچانك
الخادم گبل راسك يگص السانك
(( و الشام الويل انراويها ))
……………………………………………………………
رغم عن انفك يـ تافه لطم يرجع و البچي
مشي و رايات و مواكب ولگبر زينب نجي
گبل عالسجاد گلتوا هذا اسير و خارجي
روسكم بالجمله نگطع ثار كل هذا الحچي
ويانه ابو صالح ترف راياته
ايعلگ الروس ابحبل عماته
ويصيح صايح ماكو چاره الهايه
يا آل أميه جتكم المشايه
(( وينه الطگ زينب بحجاره ))
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مـيـمـر الأربـعــيــن
مضرب مثل هذا السيل صدّر وفه المعموره
=====================
مـن البـحـر حد النـحـر مشـايـه
الهذا الوفـه رايــه تـدگ بـرايــه
من كل بقاع الكون اجت عنايه
بسفرة حبيب المختار كل البشر مغموره
=====================
ألـتـاجـر الفلاح يمـشـي بصـفه
أحسين بين الكل يساوي طفه
هنـياله كلمن گلبه يبدي ينظفه
الظالم اويه الاحرار ما يلتقي بأي صوره
=====================
مـن هـالخدامه هالخلگ مذهـوله
الخادم لجل هالدرب لاعب جوله
بـجاه النبي هـاي الخـدم مقـبوله
وام الحسن تكتب عاد كلمن يأدي دوره
=====================
من البيشه تمشي ام الخدر ويانه
جـمره بگلبنه مـن الـجـزع تلگانـه
هـذا الحـسيني الـزينـبي عنـوانـه
خادم صدگ لآل الله خدمة شرف منذوره
=====================
درب السلامه يـل مشـيت بهـمه
أم عون بالمحشر تعوفـك زحمه
خادم حسيني من صدگ تتسمه
كلمن نكر ذاته وگام بي كربله مسروره
=====================
حيا الله كل خادم بذل مجهوده
مـاخذ مـن العباس خيره وزوده
ياربـي تـرزقـنـا فـضـلها الـعـوده
في كل سنه يا رحمن وفقنا نخدم نوره
=====================
أهـلاً وسـهلاً والزحـف مليونـي
وبشوفة الزوار كحل اعـيـونـي
وخويدم الـكل گاموا ايسموني
گمت افتخر بين الناس يم الحسن مشكوره
=====================
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
[[ المگصد للحسين ]]
للزيارة الاربعينيه الخالده
بده بده فــــــرض الزياره
موسم چنت في انتضاره
لكربله مو نيتنـه ماشين
نيتنه والمگصد للحسين
والفرق واضــح بالحراره
◾◽◾◽◾◽◾◽◾◽◾◽
الانطـاني ضلــعه الفضل بيش ارجعه
يجب مــن عندي الغلط ما يسمــــــعه
وميشوف فعلي يخالف لدربي
ولازم مــثل شــيبه يضل گلبي
ومعناها من يرضى ابو سكينه
ملــــيون بالميـه رضــــا ربـــي
الجابنّه صيت بيوم عاشر
ترهــــم اذا اكسرله خاطر
بهذا الحبيب احنه مجانين
نيتنه والمگصد للحســـــين
والفرق واضــح بالحراره
◾◽◾◽◾◽◾◽◾◽◾◽
المشي بحد ذاته دوه خطــــــواته
تعـــب ما لگينــه تعب محــــــلاته
ربــــي تــــقبل مـــني هالقــلـه
أبـــــــو رقيـه عـــــابر بفضلــه
من گد محبتي لدرب ابو اليمه
تعصّب اعيــوني الدرب اندلــه
تقبل الله امـــــن اليخدمه
ما تنوصف هالخدمه نعمه
مو ونسه لو ايام گاضين
نيتنه والمگصد للحسين
والفرق واضــح بالحراره
◾◽◾◽◾◽◾◽◾◽◾◽
بطريقي اخيتي الزغيره بنيتي
اكو عــين زينب تراقب نضرتي
زحمه وازعل ام عون بالنضره
ومعناها زعلت فاطمه الزهـره
هذا الدرب تاريخ ضــل ثابـت
يشتغل بيه حسين كــل عمره
مو حــــــــلوه مني لو اچذب
وبغيبتي اويه حسين اخرّب
اعميها كون تباوع العين
نيتنه والمگصد للحسين
والفرق واضــح بالحراره
◾◽◾◽◾◽◾◽◾◽◾◽
على عناد كلهم بمشيتي اكتلهم
وافرّح العتــره مــــواسي الهم
والكامرات اتنصبت هيـه
يطلعون بيها شكو سلبيه
تشويه بيها نعلــــم الغايه
موساد بيها وبيها بعــثيه
فشل اذا انــطي بعــــــقيده
وتشمت تضل ناس البعيده
ثبتنا فكره لساعة الدين
نيتنه والمگصد للحسين
والفرق واضــح بالحراره
◾◽◾◽◾◽◾◽◾◽◾◽
شـــباب وشايـب خدم بالمواكب
شكرا خاص الهم حبايب اطايب
لو ما الخادم يتعب الـزاير
كلهم وفه والوفه ماصـاير
يگله يروحي لا تضل حاير
انه لخدمتك مستـعد گادر
حر لو برد كــل المواقف
بنص الدرب تلگاه واگف
بهاي الحياة كتبو عناوين
نيتنه والمگــصد للحسين
والفرق واضــح بالحراره
◾◽◾◽◾◽◾◽◾◽◾◽
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
رؤية السيد فاطمة بنت الإمام الحُسين ( ع )
كل يوم بحلم تحضر رقيّة
متغيرة شكثر ما چنها هيه
العباية امتربّه .. الأهل متغرّبه
آية رأفة وبنص الأذية
_____
بالحلم نتلاگه الأمل .. بس الحلم مدري شضام
وبكل حلم اني انصدم .. شنهي الهزل شنهي الشام
وبهالضعن كلشي اختلف .. متغيرة ليش الأعلام
لا والدي بي هالضعن .. لا عمي لا بي جسّام
باوعت شكثر ما شفت أختي
يمكن هيَ جوه اعبات عمتي
اعيوني معذّبه .. الأهل متغرّبه
آية رأفة وبنص الأذية
_____
شفت العِزيزة استغربت .. للشبگه ما مدت أيد
رفعت أديها وسلّمت .. أختي رقية امن ابعيد
گلتلي يلچمني الشبگ .. و اعليّه أوجاعي اتزيد
وانلچم كل ما انلزم .. بيّه الوجع لا ميهيد
من الحبل راح يموت چفي
وبشيبة أبويه لا تَحَلفي
الشيبة امخضبّه .. الأهل متغرّبه
آية رأفة وبنص الأذية
_____
يا جَنّة ها يمدلّلة .. شجابها الچ يـ اختي النار
وشَوف العبايه امحرگه .. ما مر أبد عالأنظار
يا فاطمة من فاطمة .. هذا الحرگ لي تذكار
ما دام موجود الجَبت .. يعني انحرگ گولي الدار
يعني اعيوني ما ينشاف بيهن
رماد اخيامنا اتجمّع عليهن
وايدي امضببه .. الأهل متغرّبه
آية رأفة وبنص الأذية
_____
ما ينفهم صار الحچي .. من كثر ما بي شوغات
واعيوني غوّشها العطش .. ما وچّدت بالنظرات
بس مرّة چفه قبّلت .. والگاع صارت مرّات
لا مو أعز من والدي .. لكن بگد الطيحات
اتسحكچ خيلهم لو يـ اختي جايه
ومن لون الترب لون العبايه
براسي امعصبّه .. الأهل متغرّبه
آية رأفة وبنص الأذية
_____
مو للصلاة چان الوقت .. بس بالمآذن تكبير
راسه منو ذاكه برمح .. واعليچ كل لحظة يدير
بعيونه خوف اعله الضعن .. شنو الضعن منه يصير
وبراسه آيات الحزن .. ما اگدر اعله التفسير
بناته البلـ ضعن اني اعرفتهن
تُربى اعيونه الكم من شفتهن
اعيونه امصوّبه .. الأهل متغرّبه
آية رأفة وبنص الأذية
_____
حسين علي الدليمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#السيدة_رقية_عليها_السلام
حسين ايالغالي حسين
حسين يادلالي حسين
**
رقيه وصوتي الك وسط الخرابه
حاجيني يبعد امــي ي بابه
ومن نحرك ردت اسمع جوابه
بلكي لگلبي يتبرد عذابه
حسين يادلالي حسين
.**
الشماته كبالي ضحكوا من ندهتك
كالو اكعد وحاجيها بتك
بخرابه ليش تتركها وردتك
سكتّهم يغالينا گصدتك
حسين يادلالي حسين
.**
ذاب من الضرب متني يغالي
وراح اعله الدرب عزي ودلالي
ولاواحد الي عكبك بقالي
بس الموت من عكبك دنالي
حسين يادلالي حسين
.**
سفرتك طولت هجرك سباني
وانه زغيرة عمر بجروح اتاني
كلت حسين مايرجع نساني
بويه بالطشت راسك اجاني
حسين يادلالي حسين
.****
متت من شوكي الك ياغالي روحي
شفتك ما تجي تهودلي نوحي
كلت امشي الك واترك جروحي
لملاگاك كلشي البيه يوحي
حسين يادلالي حسين
****
ونسألكم الدعاء والتوفيق
لخادم ال محمد(ع).
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
سوف يتم نشر القصائد الخاصه بشهادة مولاتنا رقية ومولاي الامام الحسن عليه السلام
Читать полностью…
ضعن الحسين على أعتاب ذلك الشام المشؤوم
غدا من أصعب الأيام على آل محمد
وصاحب الزمان
حتى من يوم العاشر
مصيبة ما أعظهما وأعظم رزيتها
أعان الله قلبك سيدي ياصاحب الزمان
لك العزاء سيدي
ستقف عمتك زينب وسط ذلك الجمع بعيون مجمورة من سيلان الدمع على اخوتها وخدرها
وامامها الطاغية ينكث ثنايا عزيز روحها بمخصرته
وفي الوقت نفسه خطبت خطبة كإنها تفرغ عن لسان أبيها علي بن أبي طالب
آه لمصابكم سادتي آه
هوسات للسبي
ياچلمة غريبه وياي ماتقبل تفارگني
شيبني طريج الشام والديوان عذبني
ياهو شافني بهلحال ياعباس شتمني
طبيت ديوان الغرب
وروسكم تبرالي
........
ياضيم الدرب والسوك الماخطرن أبالي
طريت الزلم عباس يالماينوصف حالي
اصبر والصبر چندوب راسك عالرمح عالي
من طبت السوك العصر
ياريت عميه عيوني
.........
كل يوم الرزايه اشكال اهل الشام راووني
هاي الخارجه عله الدين ياعباس سموني
خويه كل حجر بالگاع يتشامر عله متوني
وين الخدر يهل الخدر
وبكل بلد فروني
........
ياعمري الكضيته شلون صرت حجايه محجيه
كلها الناس خويه تصيح وين اهلچ يمسبيه
حسبالي بحياتي ارتاح هذا عمري تاليه
ستين عمري والحبل
خله اثر بچفوفي
..........
ياضيم السبي يحسين يل ماينحمل دربه
كل ديره نطبها نشوف يوميه بشر غربه
الله يساعد السجاد زين وماوگف گلبه
ماچني بت حيدر علي
الخارجه سموني
..........
فلاح طالب الماجدي
هاج الحنين بروحي .. سولفلي يامذبوحي
احچيلي عن جرح الرمح
وانه احچي عن اجروحي
----------------------------
يالنابت ابـراسك رمـح .. شلونك يبعـد اعيوني
لونك احسه امن التعب .. يشبه امن الحر لوني
متاذي گلي امن الرمح .. لومن حچي الگادوني
بعيونك الذبلانه احس .. نظـرة الـــم لمتـــوني
كل هذا وتحس بيه .. يالمــنترس حــنيه
گلــبك اليه منفتح
وانه احچي عن اجروحي
-----------------
البيه وحقك مو جرح .. واحــد ولاهـــن مـيه
الف وتسع ميــه الذي .. يحــسين صـارن بـيه
بالرايه مأساتي بـدت .. مــن طاحــت الحـنيه
ونختمت ابشام الحزن .. من غفت عين ارقيه
ابنــادم المايحــملـــهن .. طاحن على اختك كلهن
وحدتهن اتگول الملح
وانه احچي عن اجروحي
-----------------
خويه الشفتهن بالدرب .. ماينحچن يالغالي
ياهي الاسولـفها الك .. وياهي التضل ابالي
زينب يبو اليمه تطب .. ديــــوان اول تـالي
وتصور ابنــص الزلم .. حرمـه بلايـــه والي
ثق مقتلك حسيته .. الديون من طبيته
واستوعبتها منذبح
وانه احچي عن اجروحي
-------------------
رمحــك يـخويه بالارض .. لو گعـــدو اينبتــونه
ايذبحوني كل ما ريضو .. راسك امن ايحركونه
چم مره من عدهم وگع .. ياخــويه ويــشـيلونه
يتعـــمدون ابهالـــفعل .. گلب اختك ايحرگونه
شحچيلك وشحچيلك .. ومن ياهي خويه اشكيلك
والصار لاماينصلح
وانه احچي عن اجروحي
-----------------
كلما اســولف عالسبي .. ابصدري الحچي يتكسر
وليش الملامــح يالاخــو .. ابوجهك احس تتغير
بس وحده اسولفها وبعد .. ما احچي يابو الاكبر
خــويه خــذوني للســـبي .. بنــاگه تــگوم وتعـثر
كل ماتهل اعيوني .. ايضربوها ويضربوني
لاليلي ليل اولا صبح
وانه احچي عن اجروحي
_
حيدر تركي الكربلائي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بين السيده زينب ورأس العباس عليهم السلام
جـيــت اشكيلك يـاكفالــي
وانت براس الرمح العالي
گلها المتكفل بضعونج من تمشين
صابو گلبه بسهم الجود وسهم العين
* *
ياخويه بروس اخواني ادور راسك وين الگاك
ارد احجيلك عن حالي بدمعي ارد اتوادع وياك
انت المذخور لهاي وحيدر لحسينك رباك
خله بچفك چفيني ومتكفل زينب سماك
وانده باسمك وتحاجيني
شلون بهالغربه تخليني
گلها تعرفين بكفالچ شمسوين
صابو گلبه بسهم الجود وسهم العين
* *
تدريني عليج موصه بگلبي اشيلج مثل الواي
وتدرين افديج بعيني وهالجفين وفيض ادماي
ولمن صوبني غدرهم گطعولي شمالي ويمناي
ذبحوني بسهم الجود بيوم الفاضت روح الماي
لو واصل لگلوب عيالي
لو متروي حسين الغالي
بس الگوم الگطعت دربه وهالچفين
صابو گلبه بسهم الجود وسهم العين
* *
گالتله اعذرك خويه وجيت اشكيلك من اعداك
يگلولي كفيلج وين وجبروني اروح بلياك
تدري تگومها اسياط الگامت من موطنها وياك
راحت برچاب الغربه لدرب الشام خلاف حماك
محنيه من السوط متوني
ومشبوحه عله الروس عيوني
الصابو گلبي بلچمة راسه وراس حسين
صابو گلبه بسهم الجود وسهم العين
* *
گاللها وخل اشكيلچ شوفي بعينج هذا الراس
رضات العمد الچنها ضلوع حسينچ من تنداس
ضمديلي جروحي ولكن جرح العين الماينجاس
خاف بهالحاله واشوف و تدرين بغيرة عباس
وضماد جروحي الماتبره
من اتگرب لابن الزهره
من يتگرب راسه اشكيله من السهمين
صابو گلبه بسهم الجود وسهم العين
* *
كالت من بعد عيونك يالكافل شفت الويلات
من لسعات السوط اشكي ولسعات ألسنة الشمات
ومن حرگو گلبي عليك وحرگو باطفالي الخيمات
من عدها وزينب ماتت واعلم بعدك كلشي مات
ياخويه جروح الماتشفه
بوداع گلوب المتلهفه
گلها وگلب الماينساچ من اتروحين
صابو گلبه بسهم الجود وسهم العين
* *
راح امشي بدرب الغربه وخاف اتأخر خويه عليك
خليني اقبل خدك اضمد جرحك المأذيك
خليني امسحلك عينك بلكت تفتحها واحاجيك
خلي اشبگ راسك بيدي وبلكت يهده صواب البيك
راح امشي اسيره عله الناگه
وماضن وي راسك نتلاگه
وناس البعدت زينب عنه مدري لوين
صابو گلبه بسهم الجود وسهم العين
* *
خادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
عگيلي للسيده رقيه ع
فزت تنشد عن واليها
***
فزت مذعوره ومحتاره
بت حسين تريد اخباره
وحلم الماتعرف اسراره
ياهو بتفسيره يهديها
***
ياهو يفسره ويحجي احزانه
ويذكر حاله وحال اخوانه
يگلها حسين بلا عوانه
مطروح مغطه بذاريها
***
ياهو ايگلها بحال الضامي
ضل بالطف مذبوح ودامي
فوگ تراب الصيف الحامي
وضلوعه بخيل مكسريها
***
طفله وتنشد عن والدها
ياهو البخباره يساعدها
لحضه ولن الغايب عدها
بوصله عله الراس مغطيها
***
لمن شافت ذيج ارسومه
غسلت بالدمعات ادمومه
وضلت تشكيله ومهضومه
من ضرب السوط الماذيها
***
وتشكي احزان الشام وسوگه
بنوح الگلب وهمه وشوگه
وشمت نحره وشهگت فوگه
و وهبت هالروح الغاليها
***
نصبت مأتم ونت ناحت
شهگت سكتت يمه وراحت
بعد اتعاب السبي ارتاحت
وزينب ضلت تنعه عليها
***
خادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
١/ يا سائِرَاً دَربَ الحَبيْبَ ألا تَرىْ
ضَعنَاً أسيرَاً دونَ سِترٍ فِي العَرىْ
يَمشوْا حُفاةً فَوَقَ رَمضاءِ الثَرىْ
لَهفِي عَلَيهمِ كَيفَ سَاروْا مُتعَبيْن
٢/ يا حَرَّ قَلبيْ فِي الأزقِّةِ حَالهَم
تِلكَ السْطوحُ تَصُبُّ ناراً فَوقَهم
قَد شُرّدُوا آلَ النَبيْ ما ذَنبَهم
خِـدرٌ رأتهُ بعَدَ عِـزٍ كُـلُّ عَيْن
٣/ آهٍ عَلى قَلبِ العَقيلَةَ مُذ رَأَت
عَن بَابِ أرضِ الشَّامِ غُبرتَها انجَلَت
أقمارُها فوْقَ الرِّماحِ قَدْ إعتَلَت
شجَّت بَضَربِ الرَأسِ آياتُ الجَبيْن
٤/ حَوراءُ آلِ البيتِ تَدخِلُ قَصرَهُ
فرأَت حُسَيناً حِينَ يُضَرَبُ ثَغرَهُ
كُسِرَ الفؤادُ ومَن يقومَ بجَبرَهُ
يا قَلبَ زَينبْ ما لهُ غَيرَ الحُسينَ
٥/ مِنهالُ أصبَحنا نُساقُ كأنّنا
كالتُركِ نُسبَى ليَسَ أحْمدَ جَدِّنا
قَدْ شرَّدونا عَذّبونَا ،هَل بِنا!
مَن بدَّل الدَينَ القوْيمَ بغَيرِ ديْن؟
٦/ هِذهِ سُكَينةَ قَد بَغَوْها خادِمَهْ
بَينَ الصَحاريْ بَعدَ مَجدٍ هائمَهْ
ذَبحَوا الضِياءَ قَضَت ليالٍ مُظلمَهْ
لمْ يبقَ فيها مؤنِسَاً غيرَ الأنيْن
٧/ وهناكَ في دارِ الحُسينَ عَليلةً
سَهَرَت لأجْلِ لِقائِهمْ كَمْ لَيلةً
طالَ الفِراقُ وزادَ فيهْا عِلّةً
لمْ يأتِها مِن أهلِهْا خَبَرٌ يقيْن
٨/ خَلَت الديْارُ كَمْاَ القُلوبِ الخاويَه
لمْ يَبقَ فيهْا غَيرَ بِنتٍ ناعيَهْ
تِلكَ التيْ كانَت بخَيرٍ زاهيَهْ
قَد فارَقَت حَتَّى أكُفَّ الطّارِقيْن
٩/ تَركْوا عَلىٰ حَرِّ الصَعيدِ أمانَهُم
والمَـاءُ يَومَ الطَّـفِ أمسَى حِلمَهُم
صَاروْا عُطاشىٰ للحُسينِ بشوقَهم
هل يا تُرى يُطفيْ الأسَى ماءاً مَعين ؟
١٠/ كُلَّ المَصائبِ قَد يُشافىٰ جُرحَها
إلا التيْ أبْكَ الملائِكُ صَبـرَها
أفنَت بحُزنِ الفَقدِ همَّاً عُمرها
حَتىٰ فَناءَ الرَّوحِ نادَت يا حُسَيْن
عباس خليل السماوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
سيدي ياحبيبي #ياصاحب_الزمان
اني متيقن أنت أول من يتلگه الزوار وأنت المشرف على رعايتهم وعنايتهم
والفاتحة فاتحتك واحنه خطارك مولاي
أگول بيني وبين روحي ...
بلكي الله من أيدك أحصل گلاص ماي أشرب لو لگمه آكلها أقسم عليك بمصاب جدك وشرف عمتك زينب
والله لو تاخذ عمري وراها هم قابل يافرج الله
هَل إلَيكَ يا بنَ أحمَدَ سَبِيلٌ فَتُلقى هَل يَتَّصِلُ يَومُنا مِنكَ بِعِدَةٍ فَنَحظى، مَتى نَرِدُ مَناهِلَكَ الرَّوِيَةَ فَنَروى مَتى نَنْتِفِعُ مِن عَذبِ مائِكَ فَقَد طالَ الصَّدى مَتى نُغادِيكَ وَنُراوِحُكَ فَنُقِرُّ عَيناً مَتى تَرانا وَنَراكَ 😞💔
#نعي
انا مشيت بدروب الچثيره
وديره گامت تبشر بديره
اخت عباس جابوها يسيره
وانا المن بعد وجهي أديره
لا خوان عندي ولا عشيره
#اللهم_عجل_لوليك_الفرج
أهوازيه (( #نستقبل_الساده ))
……………………………………………………………
يا مشايه يا خدام . الصايح بالحزن ناده
اجانه الضعن من الشام . خل نستقبل الساده
……………………………………………………………
مثل ركظتنه بطوريج . حفّاي و نلاكيهم
امفرعين و نشگ الزيج . و نتباچه اعل اهاليهم
ابچلمة يا هلا و مرحب . اهواي انعيدها اعليهم
لان كل ديره ترمي احجار . محد رحبت بيهم
نگلهم موش وحدّكم
احنا اهل و خدم الكم
بچينه و لوَن ما كفّاش . هاي الرگب سدّاده
……………………………………………………………
نشد چماغ طرف چماغ . انسوي افياي عن الحر
تره شهر و عشر تيام . بيهم هالشمس تسعر
نخلي الماي علو النوگ . شگد بيهم عطش أثر
اشربوا وبثواب حسين . المات و ناشف المنحر
نحني الظهر و انعجّل
اعلينه اطفالهم تنزل
ولأن امجرّحه الرجلين . كل موكب بنه اعياده
…………………………………………………………
يم زينب نهبط الروس . اجلالاً بالحچي انحدّب
ابدال امخيّمج يم عون . كل خيمه بألف موكب
ولأن ليل اهدعش ظلمه . نشعل ضوه امن المغرب
الجيتج لا شرب لا زاد . كون ارواحنه انعزّب
الچ چم چادر انصبنه
ادخلي و شرفي موكبنه
لأن ذيج الخرابه اتراب . فرشنه الگاع سجاده
……………………………………………………………
مدّوا السفره يلا ابساع . اطفال الساده جوعانه
اورود امدلّـله اعل الخير . ابجوع اصبحت ذبلانه
ابو الموكب يكللهم . راعي الزاد موش آنه
من جدتكم الزهراء . هاي السفره عمرانه
مجرد خدم نخدمكم
هذا الخير من جدكم
هذا الزاد و بكل عام . يتضاعف وبزياده
……………………………………………………….…
نمشي النوب وياهم . كل خطوه بألف دمعه
نواعي اعراقنه ايحبون . كل زاير يظل ينعه
على ركض الحوافر ذيج . الظلت تطحن ابضلعه
على أچفوف و طمع سلّاب . البيهن بگن بس تسعه
الزلم تمشي اوي ابو باقر
اتنوح الهظمة العاشر
تبجي النسه البچي ام عون . الصار اتراب اله اوساده
……………………………………………………….…
المهدي اويانه هم مشاي . يم عمته و ناگتها
ينزل دمعه نهر ادموم . حمره يصد عبايتها
ايحنب ظهره قوس اهلال . لو عاين المشيتها
لأن امتون تبگه اتميل . اسياط الشمر هدلتها
احنا اوياه نشدناهم
ماهي ارقيه وياهم
گالوا ماتت اعل الراس . اعل ابوها حسين معتاده
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يا گلبي ريتك ميت بساع
ولا سامع بمصرع هالسباع
اخت الحسين الليله بالكاع
تفرش ثراهه وليلها ونين
وتصيح وينك خويه يحسين
ياليت الي يكرب البين
ولا اشوف هذا المنظر اليوم
طفله تون لن كافر الگوم
يتعني ليها بسوط ميشوم
من الضرب ازرگ متنها
وما كدرت تسولف حزنها
شتسولف وزلمة ضعنها
راسه انرفع من فوگ مران
وشلون حاله الما له خوان
يكضي العمر بهموم واحزان
واحزانها كلش چثيره
عباس يا ليث العشيره
اختك مشت عنك يسيره
عباس انت ملاذنا يا كافلــــــــــي
من لي سواك يحل كل معاضلي
من اين لي ليث الطفوف وموتها
اين الكفيل رجوت قطع سلاسلي
****
وازينباه💔
ونسألكم الدعاء لتعجيل الفرج
لخادم ال محمد عليهم السلام
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لطلاب ثار حسين شكواي
جدك دفنته وما شرب ماي
يا مهدي اريدك تاخذ الثار ...اعله حسين راح احچيلك شصار
.........
السجاد انا الأتكلم
على گلبي الحزن خيم
يالتبچي دمع من دم...وتنصب كل مسه مأتم
اريدك تاخذ بثاره
الظلت عالثرة اكتاره
حسينك تدري بأخباره...بحوافر صدره يتهشم
اسولفلك جروح الطف اسولف وانت أبچي وياي
ابوي حسين فوك الكاع الحافر فوگه رايح جاي
يالمهدي جدك على التربان
ولعبة عليه الخيل ميدان
فوگ الرمل بس الرمل حار....اعله حسين راح احجيلك شصار
..........
يا مهدي الجروح هواي
وضاع بكربلاء دواي
وأبچي شما شربت الماي...شما صبو أگبالي الزاد
إذكر لوعة العاشر
و للسانه خشب صاير
وچبده من العطش فاير...حلف عطشان بس مافاد
ناده بصوت بس مكسور وينود من العطش تعبان
أول مره اشوف حسين يحلف بالنبي عطشان
مو ماي من گللهم انطوه
عطشان ابوب وضامي ذبحوه
اليعطش يبين بوجهه اثار....اعله حسين راح احجيلك شصار
............
راس حسين من عاشور
على روس الرماح يدور
ومره راسه بالتنور....يمهدي الشام عذوبنه
بطشت راسه يخلونه
ويزيد يكسر سنونه
مذبوح ويلوعونه....وعالراهب يبيعونه
التهظمك يا بو صالح هاي ودم منها تصب العين
تتعامل أگبالي الناس والعمله اعله راس حسين
أبجي يمهدي ونگع الگاع
بفلوس راس حسين ينباع
الصار ويه راس حسين ما صار ....اعله حسين راح احچيلك شصار
.........
اه الشام اه الشام
الخلانه بخرابه أننام
وحچي الوادم اهناك اسهام...الشامت يمنه يحچيهن
طبونه العصر للسوگ
يمهدي مكشفات النوگ
وعماتك يصدن فوگ....چي وادم تصد ليهن
يمهدي ومن دخلنا الشام واحد فزع بواحد
تعال وشوف ضعن حسين مسبي وعالهزل گاعد
بنص سوگهم من وگفونا
أبحبل واحد گيدونا
يصدولنا لكبار وزغار...اعله حسين راح احچيلك شصار
مرتضى الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4