42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
فاطمه انه علي
&&&&
گعــــد یـــم الگبر حماي الحميه
مختنگ بالعبره ودمــــوعه جريه
انه ابو الحسنين يالزهره الزجيه
شلون شلتچ للگبر فاطــــم بدیه
يا بعد روحي وهلي
&&&
انه يــــم الگبــــر خلیني اسمعچ
فاطمه شخبارچ وشخبار ضلعچ
احچيلي يم الحسن هسه شلون وضعچ
شلون ما احمل واشوفن انه دمعچ
ياهو بالدنيا الي
&&&&
اقره يم اللحد ما اسمع جوابي
اني داحي الباب بس احترگ بابي
شلون صارت فاطمه تحمل غيابي
خاف اعتاب خاف ويجرحچ عتابي
دمعتي هسه تهلي
&&&&
علي لا مو الاولي تعبان حيله
انه يم الگبــــــر گاعد واشتکیله
انه غير الدمع مــــا املك وسيله
اني بس ادمــــوع ابچيلچ قلیله
همي لا ما ينجلي
&&&&
انه ما امشي اعله طولي محني ظهري
مختنگ بالعبره فاطم حيل صدري
ردت يم گبرچ بعد یا يا ريت گبري
انه اول شخص دافن حتى عطري
بعد بالدنيا شلي
&&&&
احچي وي البير والحسره بدليلي
انه خـــــل ودافـــــن بأيدي خليلي
الليل ياخذني ويردني بدمعي ليلي
فاطمة وتغيــــرت تعبان حيلــــــي
فاطمه انه الولي
&&&&
علي جبار الكعبي
الفاتحه لوالدي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
تراث اهوازي
……………………………………………………………
يحيدر ما حملت اتشوف • ضلع انكسر للزهره
لو شايف حسين شلون • حافر يطحن ابصدره
……………………………………………………………
يحيدر غسلت فاطم . وايدك للضلع لاحت
روحك مثل دمع العين . منك نزلت وساحت
جا شدكول لو نظريت . جثه من الطعن راحت
والخيل ابعلات الصوت .حي اعل السحگ صاحت
تموت ابعجل يا حيدر
تشوف الجسم يطّشّر
ما ينعرف جسم حسين • خلطت صدره وي ظهره
……………………………………………………………
يحيدر يوجع البسمار . منّه ام حسن محنيه
جسم ابنك صبح فرهود . جروح الف وتسمعيه
يحيدر سهم المثلث . رماه ابحقد راعيه
جبير و طلع من مگفاه . شگ الگلب و الريّه
يحيدر ضعف كل جسمه
صعب حتى الهوه ايشمه
اصفر نزف كل ادماه • ما ظلت ولا گطره
……………………………………………………………
يحيدر نعرف اتأذيت . من اسمعت ندهتها
طاحت من عصر بالباب . وركضت فضه شالتها
ابيتك هي مو بالجول . و خيل الشمر لحگتها
ولا طبعات ضرب السوط . مرسومه ابعبايتها
ولا بحبال فوك النوگ
من سوك وتطب ابسوگ
خدرها انرفع فوگ ارماح • وي الكافل و نحره
……………………………………………………………
محسن طفلك امأذيك . من شوفته ايحرمونك
بس مو عمر ست اشهور . شحلاته ويحله بعيونك
ولا عدوانك امن الماي . يمنعونه ويمنعونك
ولا بحضينك و مذبوح . شبگ جفينه بمتونك
رگبته ازغيره عالنبله
اگماطه امن الذبح حلّه
مات عيونه مفتوحات • بيهن لللعب حسره
……………………… ..…………………………………
صح شيّعت نص الليل . اجنازة فاطمه اندفنت
بس لو شايف اوليدك . جثه اعله الترب ظلت
ثلث تيام شمس الصيف . تلسع بيها واحترگت
بيها ايكبر النشّاب . عليها اسيوفهم صلت
خبّر يا علي فاطم
حسينج بالشمس نايم
موش ابجفن من دفنوه • ابحصيره اتوسد ابكبره
……………………………………………………………
يحيدر زهرتك غابت . ابعمر اثمنطعش ورده
الك علويه فوگ الراس . عمرها ابأربعه اتبدّه
من كثر السبي وتعذيب . زركه ابسوط منجلده
التغسل رفضت التغسيل . عنها وصفت مبتعده
ما اغسل هل البنيه
مريضه و حيل مجويه
حگها و مادرت عالنوگ • بين السوط والسطره
……………………………………………………………
رجعت من الدفن للدار . اجدامك بالمشي اتهمها
ابزينب يا علي مشغول . تفز و ماكو اهل يمها
لو شايفها ذاك الليل . هيمه و هايمه ابهمها
تصلي الليل من اجلوس . جوي الجدم يلجمها
تدعي الليل يتأخر
حبل اجفوفها امحضر
واسمها اتسمعه متغير . سبيه وموش بت عتره
……………………………………………………………
✍️ ( سيد خضر الزاملي )
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
ام روحي بذمتك يتراب
شبعت ضيم امن العصرة
متهشم من ذاكَ الباب
هَنت الله بضلع الزهرة
——————
بالليل اجيتك يا گبر .. جايب على اچتافي العمر
وبگلبي ديرة امن الجمر .. وبوجهي بس شيب
يتراب الك انه ابو .. هم شايف امچفّن دفو
اتموّت شكو بعينك حلو .. يجنازة الطيب
شلتها اعله متني وعرج گلبي شايل
ودرع گلبي مدروع بقيت امشيي مايل
مطر ماي على الجام احس حيلي سايل
عافيتي وعافية البيت
شايلها بچتفي و امشي
من گد ما باچي ومهدوم
طلعن غيمات برمشي
——————-
ما ودي ادفنها وارد .. مالح اترابك عالورد
فاطمتي يخنگها اللحد .. مگفاها مكسور
لا توگف اويه اهل الـ وإن .. الدنيا برمل ما تندفن
وتدري العطر ما ينسجن .. بتراب الگبور
يالتراب عليها شمرتك ثگيلة
تره الريشة صخرة تحسها النحيلة
الهوه اعليها يثگل ضلو ع العليلة
بالك يمها وما اوصيك
لا تاخذ دور المذنب
افتح بابك خل ترتاح
يتراب بوكت المغرب
—————-
لا طبرة لا طعنة برمح .. مثل ام حسن مامش جرح
امن المگفة فرگاها ذبح … ويطفّي الاعيون
محد يهدني امن ارد اهد .. وطيحني للگاع الفگد
نعش العشگ يمرد مرد .. حافر عالامتون
التحبه اعله متنك تحس نعشه حافر
وصباح الله بعيونك اتحسه عاشر
هدم ناس ثگيلة يحظن المگابر
انه القالع باب وروس
ربعي وولدي يتچولي
هدت حيلي الزهره وصار
حاجب يا وادم طولي
——————
خليتلك طاسة دمع … يومية رشها اعله الضلع
ما حط بخور ولا شمع .. تتذكر النار
يتراب ذممتك تره .. هَنت الله بيها امكسره
امن البيت اظل للمگبرة .. خلاني بسمار
شيعوضني يتراب طفه بعيني كلشي
ولا بيه اگومن ولا اگدر امشي
مشت روحي زهراء گطع وكتي هرشي
اعله ترابك نايم يتراب
وترابك تارس جيدي
من گد ما ضعفني البين
المحبس ما يثبت بيدي
——————-
مَعَ السلامة تندثر .. مَعَ اليتامة والكسر
بالك عله امهم ياگبر .. زينب والحسين
راح ارجعلهم مو علي .. مو حيلي ذاك الاولي
امخوصر ودافن كل هلي .. وبخدي شطّين
دفنت الامومه ودفنت الابوّة
ومشيتي اعله حيطان واجر خطوة خطوة
تتچيلي زينب يگعدوني گوة
من طبيت البيت احاه
لاگاني الباب ودمها
طگ ضلعي وطحت اعله الباب
ودموعي شمصعب لمها
————-
علي هادي الخزعلي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#نعـي
يمه وينچ
الليل هالچلچل ظلامه
يمه وينچ
ليلي ما اگدر انامه
يمه وینچ
صرنه من بعدچ يتامه
يمه وينچ
الدهر صوبني ابسهامه
يمه وينچ
ابخدچ السطره علامه
الشيخ زمان الحسناوي
#اللهـم_عجـل_لوليـك_الفـرج
لا تبجين و مسحي دموعج
موضوعي أهون من موضوعچ
لا تتعذبين .. نفَت دلالچ
لا تتعذبين .. رحمي حالچ
=============
هلا يمه .. يبت گلبي
يلمدللتچ بعيني
هظمتيني.. بدمع عينچ
مَوتي رهه سنيني
فدوة الج هل ضلع
و فدوة هم لعيونچ
ب بيتي و تغربت
شحال من يولونچ
عشت الغربه و أنطر گلبي
بس من شفتچ ما ضل تعبي
أول دمعه .. و دم گبالچ
لا تتعذبين .. رحمي حالچ
=================
كتلتيني .. يبعد أمچ
يزينب يا هظم گلبي
الحزن كله.. اللبس لأسود
ألج و دموعي الج تحبي
ماكو لمصيبتج
واحد انتي يعينج
بعدچ أعله الدمع
لوعتچ بسنينچ
ضمي دموعچ يا بعد أمچ
باجر يوگع من لب دمچ
جسمچ يصبح .. چنه خيالچ
لا تتعذبين .. رحمي حالچ
=================
احس توه .. نكسر ضلعي
من هليتي گدامي
يبعد الدم .. يبعد الـ آخ
يلوعة گلبي بأيامي
منكسر مو ضلع
كسرتي آنه بطولي
من شفت دمعتچ
گاموا يتچولي
أفرك أيدي لحالچ و أنحب
باجر كلها تصَييح زينب
حسينچ عايش .. يتراولچ
لا تتعذبين .. رحمي حالچ
=====================
دمع أبني .. يهل باچر
أبني الما وگع دمعه
على أعيونچ .. زلم تبچي
و مَيحس بكسر ضلعه
تعاگبه المنذبح
حوافر الساحگته
و ما يدير النضر
عن أخيامه و أخته
يمه خوانچ ليحبونچ
كلها توگع لأجل أعيونچ
هم تتيسر .. يمه أعيالچ
لا تتعذبين .. رحمي حالچ
==================
على الناگه .. الهظم كله
النعي يصعب على الناگه
اليهل دمعه .. يضربونه
و أخييچ يكتل فراگه
الحيره ما تنوصف
بهل وضع يا يمه
الحسره لو خنگتچ
حسين يوگع دمه
درب الشام يتعب الموته
شحال اليمشي و ميته خوته
محد عايش .. يتعنالچ
لا تتعذبين .. رحمي حالج
اللهم عجل لوليك الفرج
علي حسين الخفاجي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
لميلاد سيدتي ومولاتي زينب بنت أمير المؤمنين سلام الله عليه وعليها
هلا .. بالنور الجلي
هلا .. يا فرحة علي
هلا .. زينب أشرقت هالليله هالليله
_
من وحي الشوگ عبارات اخطها ابكل فخر
واعلن العيد واهني علي خير البشر
ابمولد اخت الشموس العظيمة القدر
الچنها قرآن واسمها حروفه من درر
نعم .. بت خير العمل
نعم .. من الها وصل
هلا .. زينب أشرقت هالليله هالليله
_
الليله ميلاد ضوه العين شبيهة فاطمه
درة الال ضواها يشع لاهل السمه
زينة الله او خلقها كآيه محكمه
أي عقيله . او جليله او حكيمه او عالمه
اسم .. بحروفه العجب
أسم .. بالعرش انكتب
هلا .. زينب أشرقت هالليله هالليله
_
ابخامس اجماد يرفرف صبح طير السعد
او نزلت املاك تصلي او تطوف اعله المهد
او غرد الطير بل افراح تسمعه اهل البلد
چنه يقره المعوذات عليها امن الحسد
فرح .. حتى البل بحر
فرح .. هل ليله او سهر
هلا .. زينب أشرقت هالليله هالليله
_
احلى الاعياد يهل عيد على هاشم يمر
واجمل اعگال يلبسوه عله اچفافي الخضر
زينب الي أسمها يمرنا او نتفتخر
زينب العيد ولا عيد عگبها ننتظر
علم .. للدين ارتفع
علم .. للحسنى جمع
هلا .. زينب أشرقت هالليله هالليله
_
ليها اهني او اردد عبارات الولا
وابقى انادي وانادي هلا ابزينب هلا
يامن الكون بليّاچ بغيض او ما حله
امباركه اعليچ الافراح يبت عقد الولا
الچ .. سلمت الگلب
الچ .. انا خادم محب
هلا .. زينب أشرقت هالليله هالليله
_
مولدچ عيد وجب بي نصلي عل نبي
او نعقد اليوم خفلنه تغيض الناصبي
او نگصد الهل محافل لون نحبي حبي
يخت الاحسين واقدم ختاما مطلبي
انا .. رايد منّـتچ
انا .. اطلب خدمتچ
هلا .. زينب أشرقت هالليله هالليله
_
ابو فاطمة الطائي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
يامولاتنا ياعقيلة بني هاشم
وريثـة فـاطمه حـلّت بجـلال العفّه محفوفه
وسماها النبي ( زينب ) وفرحته بدمعه مديوفه
_____
سولفله الوحي عنها وگلبه اتفطر امن الهَم
( ابنيّتك ) گله من امها بخمس سنين تتيتم
ومنها وكل عمرها يصير جروح ونوح ومحرم
شبيهة زهرتك هايه بـطول الحزن موصوفه
_____
وبحزنه ابو الزهره للزهره وعلي خَـبّر
وكلمن دمعته بخده وعليها الخاطر اتكسر
( زينب آه يازينب ) نعي اگلوب تتحسر
بمولدها الدمع منثور والافراح مجتوفه
_____
عجب يابيت ابو الحمله ماتفرح ولا ساعه
حته بمولد احبابك النوح ايفلك اشراعه
ومحسن آخر اسباطك يجي واتهدك اوجاعه
ويلاه ينولد مذبوح ويكبر بيك متشوفه
_____
وكبرت بت علي وجاها يوم الباب وجروحه
وشافت طبگته اعله امها ومحسنها هِوه بنوحه
وصوت الضلع لمن طگ اوي العصره اخذ روحه
وطاحت فاطمه تنعه وتقبل وجهه واچفوفه
_____
اشلون ايصير هيج اوداع ويه المنولد توه
تودعه امه واهي ويلي بشرار الباب تتجوه
وبيها نابت البسمار ومنه العرش يتلوه
وبـتها ركضت اعليها بدم الدمعه مذروفه
_____
شـبگتها وتصيح بصوت يازهراء يايمه
ليش الوادم تضربج وابنج منج اتحرمه
ليش احترگ باب الدار وهتكت للنبي الحرمه
شمسويه ويظلمونج وعليج الناس مصفوفه
_____
ماصاحتي ييمه ليش ( علي يابا الحسن احضر )
بتجهيز النبي مشغول صح لاچن يجي يگدر
سألتها واجاها اجواب منه الصخر يتفطر
ابوج بسكتته املكف وانا ادري بهضم جوفه
_____
لحدما ماتت الزهراء ابيت احزانها الحره
وياها وتباريها بنشغه ونايحه وحسره
ومن غمضت العين هنا زينب ورثت الزهره
تناطـر كـربله إلهـا ويه الشام والكوفه
سجاد الكريزي
اهازيج بمناسبة ولادة السيده زينب عليها السلام فخر المخدرات
*-----*-----*-----*
انولدت والشجاعه انولدت اوياها
بأمر الله النبي هــوه الـــي سماها
حگها بــزينــب والاكــوان تتبـاها
( ومشرفه الكون وافلاكه )
*-----*-----*-----*
بت العصمه هيه اوارثه الزهــره
ثــوره اتفجـرت والله مــن ثوره
هاي الحره زينــب عمّت العتــره
( والكون بزينب يتاباهه )
*-----*-----*-----*
انولدت والاباء ثوب الها تفصاله
هنياله الشــرف بالحــره هنيــاله
مــا ذلــت ابـــد ذلـــت الخــيالـه
( وبالطف زين علت رايه)
*-----*-----*-----*
سر الطف تراهه ومحــد امفسره
لحد اليـوم والله احتـارو ابسـره
زينب والنحـر هيه أعلنت نصـره
( ولليوم الطف ظل بركانه)
*-----*-----*-----*
الشاعر
موسى البديري
في مولد عقيلة الطالبيين مولاتنا الحوراء زينب صلوات الله عليها.
لله من كانَ العليُّ أباها
وُلِدتْ ففاضَ على الإباءِ إباها
وتفتَّحتْ في غصنِ فاطمَ زهرةً
حوراءَ تتبعُ بالسنا حَوْراها
ميلادُها ميقاتُ كلِّ مُوَلَّهٍ
صَعِدَ الحنينُ بهِ إلى "إِسْرَاها"
لِتُرابِها (أَذِنَ الإلٰهُ) برِفْعةٍ
فاسْتَأذِنَنَّ لدى الوقوفِ إلٰهَ
واسجُدْ وسبِّحْ ما تشاءُ فعندَها
يستعذبُ التسبيحَ مَنْ وافاهَا
وإذا صَعِقْتَ .. فعِشْ كَمالاتِ الضِّيا
مِثْلَ الذي قدْ عاشَهُ (مُوْسـا)ها
وقُلِ السَّلامُ على التي مهما نَقُلْ
"لولا".. فليسَ تُحيطُها "لَولاها"
زينُ الأبِ الكبرى التي حفظتْ لنا
دينَ السَّما .. ربُّ السَّما سَمَّاها
لا ينبغيْ "مُلْكُ الحِجابِ" لغَيْرِها
هِيَ بنتُ منْ فَخَرَتْ بها حواها
بينَ "الحُسَينِ" وبينَ "عَبَاسٍ" لَهَا
مسعىً ، فأينَ الدَّهرُ مِنْ مَسْعاها ؟!
حسبي أقولُ بها مقالةَ عاجزٍ
لكنَّني مُتعلِّقٌ بِنَدَاها
أللهُ عظَّمَ في البريَّةِ زينباً
فبزينبٍ إنَّا عرَفنا اللهَ ..
تمت بعناية الحجة (عجل الله تعالى فرجه)
علي عسيلي العاملي
#اللهـم_عجـل_لوليـك_الفـرج
الهي من لي غيرك اسأله كشف ضري والنظر في أمري 🙏
Читать полностью…
صوت الصلوات...واجب يعتلي
مولد فخرنه...زينب بت علي
من گلب والسان نبعث هالتحيه
للأمير وفاطمه الزهره الزچيه
الليله نفخر بالولاده الزينبيه
بلله شيصيح الموالي ابهالمسيه
صلوت صلوات على محمد
وآلِ وآلِ وآلِ أحمد
ابهاي الصلوات...همنه ينجلي
مولد فخرنه...زينب بت علي
ابهالولاده تفتخر كل الموالين
مولد العِز والضمير الينصر الدين
زينب الحره وإسمهه ايكحِّل العين
نادت ابهذا العشگ خدام الحسين
صلوات صلوات على محمد
وآلِ وآلِ وآلِ أحمد
نهتف يزهراء...نهتف يالوِلي
مولد فخرنه...زينب بت علي
چان كل ضنهم يذلُّوهه السبوهه
اتزيد رفعه وجاه كل ما حاربوهه
يكفي أمهه فاطمه وحيدر أبوهه
هيبه مثل حسين والعباس اخوهه
صلوات صلوات على محمد
وآلِ والِ والِ أحمد
خالد ذكرهه...مات العاذلي
مولد فخرنه...زينب بت علي
الليله ياهيبة علي كل گلب ناداچ
انتي رفعة راسنه وكل احنه نفداچ
يالعقيله وكل وكت ماننسه ذكراچ
وآخره ودنيه يزينب صحنه بحماچ
صلوات صلوات على محمد
وآلِ وآلِ وآلِ أحمد
كل عاشگ ايصيح...حبكم نعمه الي
مولد فخرنه...زينب بت علي
سيد علي الموسوي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
مولد السيده زينب عليها السلام
الأميرة الخـدر .. متحير الشـعر
ابميلادها ابميلادها
زينــب
_
چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب
حجاب ام الستر .. امن الجنه بي عطر
ابميلادها ابميلادها
زينــب
_
الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر
شعرنا لو يجف .. أبد ماتنوصف
ابميلادها ابميلادها
زينــب
_
الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم
عرفها ومن عرف .. أميـره للــشـرف
ابميلادها ابميلادها
زينــب
_
يالله يامـريـم أنـزلـي البيـت فاطـم حـافيه
(واخلعي نعليكي) يمكن هسه زينب غافيه
(أنتي في البيـت المقدس) لاتفـز الـصافيه
اقري يمها انجيل عيسى كون بـس ابقـافيه
على طور السمه .. هـديه الـفاطمه
ابميلادها ابميلادها
زينــب
_
لازم اليـذكــر اسمــها كــون يتــبع مــايــلي
ايسمي بسم الزهره امها لو بسم حيدر علي
الكـون كلـه تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي
الفرح صوته اعتله .. هله ابزينـب هله
ابميلادها ابميلادها
زينــب
_
امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره
يحق لـك يا اسد .. تضمها امن الحسد
ابميلادها ابميلادها
زينــب
_
تمت والحمد لله
حيدر تركي الكربلائي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
ولادة زينب (عليها السلام)
٥ جمادي الأول
صلوات صلوات
هالليله نتهف ياعلي
١
الليله حضرنه للحفل فد نيه
بيوم الولاده انبارك العلويه
زينب شمسنه البل سمه مضويه
بت حيدر وبت فاطمه
الانسيه
شعارات شعارات
نرفعها للباري العلي
صلوات صلوات
هالليله نتهف ياعلي
٢
خمسه بجمادي الأول بيا صوره
زينب تهل وتنور المعموره
الله اصطفاها بحكمته ودستوره
نور العرش من عدها ماخذ نوره
هتافات هتافات
يسمعها لازم عاذلي
صلوات صلوات
هالليله نتهف ياعلي
٣
كلنا حضرنه رايه تتبع رايه
غايتنه زينب هيه بس الغايه
الليله ابصملها والخدم ويايه
وفايه الها كل وكت وفايه
علامات علامات
عالقمه بيها نعتلي
صلوات صلوات
هالليله نتهف ياعلي
٤
نحضر حفلها والعشگ رباني
بهذا الحفل واحد يبوس الثاني
يالخادم افرح والحفل قرآني
اصبح شرف عنوانك وعنواني
بالاصوات بالاصوات
هالليله كل هم ينجلي
صلوات صلوات
هالليله نتهف ياعلي
٥
زينب هديه الفاطمه وداها
رب العلا دون البشر علاها
بارينه خصها وللخدم سواها
كل هذا واحنه مقصرين وياها
سلامات سلامات
للي بغرامه مبتلي
صلوات صلوات
هالليله نتهف ياعلي
٦
بأخر حفلنه انعاهدك والينه
ياحجة الله وعينك انته اعلينه
كل احنه يمك اول وتالينه
تشهد علينه انته يامهدينه
تحيات تحيات
يادنيه فرحي وهلهلي
صلوات صلوات
هالليله نتهف ياعلي
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#نعـي
عله ابن امي اجيت بگلب هايم
وعله وجهه لگيت احسين نايم
گعدت يمه وشبعوني شتايم
صحت بصوت يا تاج العمايم
صواوينك ترا راحت غنايم
#اللهـم_عجـل_لوليـك_الفـرج
مشترك خدام فاطمة «صلوات الله عليها»
سيد محمد تقي الزاملي وتقي العطار
__
الك ياربي شكوتي برحمتك دمعي استقر
إن في الفقدِ فؤأدي زاد في فرض الضجر
انه ابو السطره الثجيله منحني وضهري انكسر
حيدر المالان بأسه بلوجد كلبه استعر
لك اشكوه مصابي يالهي
زاد حزني وعذابي يالهي
ضاق في الهم رحابي يالهي
.
حزني دايم والمي
كلبي بفراكج ضمي .. يازهراء
المن اشكي غربتي
وحزن كلبي ومحنتي ... يازهراء
__
باب الله الزهره لاجن هدو عليه العده
فاطمه كسرو ضلعها وانه گلبي ما هده
بيدي غسلت الزجيه وشفت بلعين شسده
ومن شفت سطرتها فاطم گلبي ناح الوحده.
حيدره حامل حميه . بهل مسيه
دمعتي بعيني جريه بهل مسيه
گلشي مات ويل زجيه بهل مسيه
حيدره داره خلي
وحده ضل ينحب علي ..يازهراء
المن اشكي غربتي
وحزن كلبي ومحنتي ... يازهراء
__
الدنيا مارحمتها فاطم شسوه بزهره الزمن
من بعد طه ومصابه هاجت عليها الفتن
منعو عيون الزجيه عل هجر لمن بجن
كطعو عليها الاراكه وفاطمه ام الوطن
ماكفو كسرو ضلعها ياوجعها
حرمو الزهره دمعها ياوجعها
وماتت وتكتم وجعها. ياوجعها
ماتت ومحد علمها
شنو بزهره اللمها يازهراء
المن اشكي غربتي
وحزن كلبي ومحنتي ... يازهراء
__
الحسن مايقبل يهود عايش خلافج رعب
عايش خلافج حزين ودمعه علوجنه يصب
شلون يهده وشاهد امه گباله لمن تنضرب
وامه مكسوره وتحلفه خلي گلشي بلگلب
ادري دمعاتك تلالي يادلالي
ضم ييمه الي جرالي يادلالي
لا تسوالف يابني حالي يادلالي
لا تسولف بجره
ادري يجرح حيدره يازهراء
المن اشكي غربتي
وحزن كلبي ومحنتي ... يازهراء
__
انه حلال المشاكل مالكيت العلتي حل
كلشي راح وياج فاطم علي بفراكج ذبل
فراكج الكاسر دليلي دمعي بغيابج نزل
شكد تمنيت بغيابج يكرب اعليه الأجل
أن في الفقدِ أنيني كلميني
فاطمٌ لا تتركيني كلميني
ضلمه في الفقدِ سنيني كلميني
يصعب عليه الحجي
من اكومن انتجي.... يازهراء
المن اشكي غربتي
وحزن كلبي ومحنتي ... يازهراء
__
عن صفيتك قل صبري وزايد عليها الوجد
الحزن مذموم طبعه وعلى فاطم ينحمد
حزني ماافكه اعلى فاطم جرح بيه يتقد
ويه كل مصباح يطلع حزن فاطم ينولد
وياج ماتت ذكرياتي من مشيتي
شلون اخلصها حياتي من مشيتي
كمت اتمنه مماتي من مشيتي
جهلو الكوثر كدرها
وماتت ومخفي كبرها .. يازهراء
المن اشكي غربتي
وحزن كلبي ومحنتي ... يازهراء
__
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
السلام على فاطمة الزهراء
غــايـبه ـــ مـــن نــظر عيني الشمس
غــايـبه ـــ ربـــي رجـــعـلي أمـــــس
الزهره ماهي ابيتي ـــ ردي ياعافيتي
غايــــبه ــــ من نــــظر عيــني الشمس
ــــــ ــــ ـــــــــــ ــــــــ ــــ ــــــــ ـــــ ــــ
البيت أظلم ماعرفته من رجعت مـن الدفن
امشـي والخــطوات حيره اوسمع ابنـيه تــون
لازمه الباب اوتـــعاتب كالت اغفه ابيا حـضـن
من بعدحضن امي صعبه اشلون يغمضلي جفن
زينـــب ــــ هـــا بــــويه اشـــطلـــــعــج
زينــب ــــ جايـــج امسح مـــــدمعـــج
چم جرح خـليتي ــــــــ ردي ياعــافــيتي
غايــــبه ــــ من نـــــظر عيـــني الشـــمس
ــــــــــــ ــــــــ ـــ ـــــ ــــ ـــــــــــ ــــــــ ــــ ــــــــ
اسئال البيت اواعـاتـب والــدمـع يـجـري دمـــه
ليش خالي من المــحنه ايگلي ماتت فاطـــمه
اي يبـيـت الدفن مايه ايعيش كل عمره ظمـــه
والدفن نجماته بيده ادروبه تصبــح مظـــلمه
رايــــــحه ـــــ من النبي شنهـــو العــــــــذر
رايــــحــه ــــ وانـتـــي ظــلـــعـــج منــكسر
اشكد صحت ماجيتي ـــــــ ردي يـا عــافيـتي
غايــــبه ــــ من نــــظر عيــني الشمس
ــــــ ــــ ــــــــ ـــــ ــــ ـــــــــــ ــــــــ ــــ ــــــــ ـــــ ــــ ـ
رحـــت اوصــي الكاع اني لا يمسـج كل ضـرر
يم حسن خايــف يلچمه ظلعــج اتــراب الكبر
اوخدج الباسـه محــمد بـــي اثر جـف الســطر
الجانو اصحاب لنبيهــم حــــرگو البيت بغـــدر
كــــلهـــم ــــ دفــــعــــو الــباب بــحــــقد
كــــلهـــم ــــ عــصـــرو ايــات الـــــحــمد
من الالـــم ونــيتي ـــــــ ردي ياعــافــيـتي
غــايـبه ـــ مـــن نــظــر عيني الشــــمس
ــــــــــــ ــــــــ ـــ ـــــ ــــ ـــــــــــ ــــــــ ــــ ــــــــ ـــــ
اذكر الـبيتي من اجيتي والنبي ويانه حظـــر
بيتي طين اوسعف سكفه واخذ من نوره الكمر
گال ياحـــيـدر هـديـه فاطــــمه ابـــلايه مـــهر
هاي من الله هديه واليمــــسهه بــي كـــفــــر
اذكــــــر ــــــ گـــال امـــــانه ياعــــلـــي
اذكـــــر ــــــــــ گــــتله ابشـــر يالولـــي
ياجرح داويتي ــــ ردي ياعــافيتــي
ــــــ ــــ ـــــــــــ ــــــــ ــــ ــــــــ ـــــ ــــ ـــــــــــ ــــــــ
يساعد الله اجـــروح گلبي غفله فاركنه الدوه
واليضل مجروح گلبه ايعــش ظلمه ابلاضوه
ياهواي لعمري ردي اشــلون اعيـش ابلا هوه
اتشوغ روحي ابكل مسيه بعد مانرجــع ســـوه
روحـــــي ـــــــ الزهـــره راحت ماترد
روحـــــي ـــــــ كـــــــون وياها بلحــد
لبيتي ما حنيتي ـــــــــــــــــ ردي ياعافيتي
غايــــبه ــــ من نــــظر عيــني الشمس
ـــــــــــــــــــــ ــــــــ ـــــــــــ ــــــــ ــــ ـــــــــــ
انتهت قصة حــــياتج بس حزن فـــگـدج بده
نوگ حزني بعمري تفتر والدمـع بيهـــن حده
صحره روحي بعد عينــــج مايمر بـــــيهه النده
انتي يالخـــــــيمه الحنينــــه ولـــــمحمد والده
فگدج ـــــــــــ تارس الـــــدنيــه حــزن
فگدج ـــــــــــ ناظري الوجهج يــحـــن
ليش ماتانيتي ـــــــــــــــــــــ ردي ياعافيتي
غايــــبه ــــ من نــــظر عيــني الشمس ــــــ
ــــ ـــــــــــ ــــــــ ــــــــ ـــــ ــــ ـــــــــــ
الشاعر خالد جودي العارضي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
يحجابي عن نضرة علي غطيها عـــيني
كافـــي عله كلبه الترف ضلعي وجنيني
لو شافني خاف الوجع ياخــــــذ حياته
ــــــــــــــــــــــــــــــــــــــ
ينكسر من يدري علي مـــو زينه صحتي
يومين صار ومــاطلع جدمـي حـــجرتي
كلما يأذيـــــني الضلع أخنك عـــبرتي
عــن لا يكلي لو رحت جا شنـهي ضلتي
ماريدها بحيدر تمر ريح التغاريب
أدري حياته بغيبتي يكضيها تعــذيب
مـــــاريد أخلي النايــــبه بصف نايباته
لو شافني خاف الوجـــع ياخذ حياته
ــــــــــــــــــــــــــــــــــــــ
مو عالصفحتين أنكلب نومي أعله صفحه
وشديته جفني بمعصبي عــــــن لا يلمحه
ما مره جارحني علي مـــــاريد أجرحه
حت لو أموت من الوجع مــاخونه ملحه
من خدي أمسح بالدمــــــع بالكوه ألوحه
وأتحملتها ولا علي تــــــنجرح روحه
رخصت روحي وضل علي عندي شغلاته
لو شافني خاف الوجـــــــع ياخذ حياته
ــــــــــــــــــــــــــــــــــــــ
الـدخان من يـــوكف وكفــته تصير كوه
وكفت طــــولي الخاطـــره وطولي يتلوه
بس أطبك عيوني أعــــــــوف بكاع شلوه
زينب والحسين وحســـن الفـــركه بلوه
من يصير جتالك عزيزك والله صعبه
والياخذ حلامه بنعـــش ينشلع كلبه
وتصير بس جنه وجنت كـل ذكرياته
ــــــــــــــــــــــــــــــــــــــ
يالليله كشره من أشــتعــل بابي بحطبهم
بعيوني مرت كل صور ولدي الأحبهم
من الـــنار أشد صارت علي قـلة أدبهم
أصلاف وحجيهم أقــسه من شدة ضربهم
رادت المحسن نارهم وأنه أريده
لا أيدي كدرت شالته لا مدلي أيده
من بينهم صارت صدك صعبه نجاته
لو شافني خاف الوجع ياخذ حياته
ــــــــــــــــــــــــــــــــــــــ
كلبي قبل جفي أن جوه توجع جويته
ووليدنه الجيــــــته حلم طايح لكيته
تمنيت أسمـــــع ضحكته وأنضر مشيته
جن شفت الحسين نذبــــح كدام أخيته
عالباب صيوان حترك شفته نرسملي
وطفال صاحت بالغرب لحكــولي يهلي
وحسين جـــــن عينه تصد لمدللاته
لو شافني خاف الوجــع ياخذ حياته
عبد الجليل المالكي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
گاضيـــه الدنيا والف هنيـــــــاله
الدمعته اعله ام الحسـن هماله
ــــــــــــــــــــ
الف هنياله الچــوه عيونه الدمـــــع
عالزجيه وعمـــره خلص منفجـــــع
ومنكسر گلبه على كســــــر الضلع
وبس مجالس ترس سجل اعماله
ــــــــــــــــــــ
يابخت كلمن گضــــاه نوح العمر
وفاطمه ايبجيه اسمها اشما يمر
جنه من يموت يلگـــــــــاه الگبر
والزجيه اتخلصه من اهواله
ــــــــــــــــــ
صدره يشهدله الخسـف صدره اللطم
ومن صبـــــاه بس عالمجالس منفطم
مو بجسمه اجروحه كلهن بالعظم
وبس مصاب الزهره شاغل باله
ــــــــــــــــــــ ــــــــــــــــــــ
شكبر حظه اليجـــــر اه اعله البتول
الناعي كلما صطــــرو الزهره يگول
ويحني ظهره من يمر طاري الخيول
واحسيناه صرخته تتعاله
ــــــــــــــــــــ ــــــــــــــــــــ
الفاطمي تلگاه مثل ضامي اعله ماي
ايدوّر اعله المجلس وبس همه هاي
الزهره ترضــــه اعليه وتگله بحماي
وبالمجالس كلها تتراواله
ــــــــــــــــــــ ــــــــــــــــــــ
المن طفوليته لما يصبــــح كهل
عونه اذا لمصـــــابهم دمعه يهل
وشهر المحرم عليــــه لمن يهل
بصدره يشعر تسحگ الخياله
ــــــــــــــــــــ ــــــــــــــــــــ
مايضيع الصارله المجلس وطـــــن
ويخدم اهل البيت بالسـر والعلن
واسمه موجود بسجل ام الحسن
وبالبجي وبالخدمه يوصي اعياله
ــــــــــــــــــــ ــــــــــــــــــــ
والف هنياله التظل عينـــــــــه تدور
بالعزه المهدي يدوره اويه الحضور
ودعوته اللهم عجــــــــــــل بالظهور
ومانسه الموعود عايش حاله
ــــــــــــــــــــ ــــــــــــــــــــ
علي محسن الزيادي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
من زغري شاب الراس والحسره بيّه
ريــت العــمـــر لا دام بـَعــد الزچــيّـه
...............................................................................................................
زينب يتـيـمه اليوم وبروحـي حسره
گلبي إنكـســر وشلــون أگـــدر أجَبره
عگب أُمي ما ظل حيل خنگتني عَبره
مهضومه واتمنيت هسه المنيّه
...............................................................................................................
أول حياتي وضاع كل عـمري منّي
واعله الزچيه سنين ما يگظي ونّي
عافـتـني للأحــزان دهـــري غدرني
راحت ألف يا حيف من بين اديّه
...............................................................................................................
يحضنّي أبويه اليوم ويداري همّي
گتله بضعيف الصوت ما هيّه أمّي
چانت أمس بالبيت موجوده يمّي
راحت بدرب الموت ومتعود إليّه
...............................................................................................................
ما ترجع وهيهات وآني أعرف الموت
لا دمع ينفع بي لا حـــســره لا صوت
ريت اويا أُمّي اليوم يجمعني تابوت
ونفس الگبر يا ريت نبقه سويّه
...............................................................................................................
وسط الگلب حسرات وبمهجتي النار
مرعوبه شفت أشرار هجمو على الدار
وضلع أمي حيف إنعاب لن صابه بسمار
ومحسن سگط عالگاع جثه رميّه
...............................................................................................................
من شـفـت أبويــه منّـه الدمــع سـال
گلت القــدر مكــتــوب ما ظلّت آمال
حتى الحسن وحسين حال أقسى من حال
و الزهره شمعة بيت تطفه ابرزيّه
...............................................................................................................
باچر بـعــد شيـصـيــر وشتحمّل الآم
بــاب الحــزن مـفـتــوح وبكـل الأيام
آخر حياتي أنگاد مسبيّه للشام
من بعد ذبح حسين بالغاضريه
...............................................................................................................
خادم الإمام الحسين عليه السلام
عمار هليل الواسطي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#تـراث
هذه القصيدة في ولادة زينب بنت علي (عليهما السلام) وتنتهي في رثائها:
ولادت زينب الليله او محمد مبتشر بيها
التفتله المرتضى اوگله يبو ابراهيم سميها
ــــــــــــــــــــــــــــــــــــــ
گال المصطفى الهادي إسمها من السمه انتظره
اولن صوت الملك جبرئيل سلام امن الاله يقره
على المختار ويگله اسمها زينب الكبره
هاي اخت الحسن وحسين سلم يالنبي اعليها
ــــــــــــــــــــــــــــــــــــــ
قبلها النبي اوضمها لصدره والگلب فرحان
بيها ولتفت لمها يگلها هاي ذات الشان
بنتج هاي يالزهره اسمها اتخيره الرحمان
نزل جبريل بشرني يبت المصطفى بيها
ــــــــــــــــــــــــــــــــــــــ
ابولادت زينب الحره أهل البيت فرحانين
بيها استبشر الهادي وابوها او فرح بيها الدين
وامست عيلة المختار ابولادت زينب امعيدين
واحد بشر الثاني وابو اليمه يناغيها
ــــــــــــــــــــــــــــــــــــــ
زينب من مثلها ايصير زينب طاهره اوحره
جدها المصطفى الهادي وابوها آية الكبره
امير النحل حامي الجار وامها فاطمه الزهره
واخوتها الحسن وحسين هذا النسب يكفيها
ــــــــــــــــــــــــــــــــــــــ
يكفيها النسب هذا او عليها ايلوگ هالعنوان
تربت بت علي ابهالبيت بيت الدين والقرآن
غذاها النبي ابعلمه او عرفت منهج الأيمان
زينب عالمه المختار على المعرفه امربيها
ــــــــــــــــــــــــــــــــــــــ
شسولف بعد عن زينب شحلل بعد شتكلم
ابحگها يشهد السجاد عليمه ابكل علم تعلم
جدها يمتحتنها چان بالاسماء وهي تفهم
شنهو مگصده وتجيب والهادي يحييها
ــــــــــــــــــــــــــــــــــــــ
گاللها النبي انتي يزينب وكفتج للدين
تنصرينه بجهادچ يوم ترحين اويه اخوج حسين
لحومة كربلا او عگبه غريبه ابكربله اتضلين
وحيده ابلا ولي تبگين ودموعج تهليها
ــــــــــــــــــــــــــــــــــــــ
زينب باليصير او صار ضد حسين بيه تدري
او تعلم بت علي اخلافه سبيه او يه الحرم تسري
لاچن بالصبر زينب تلگت كل امر يجري
من فگد النبي لمن مشت للشام سابيها
ــــــــــــــــــــــــــــــــــــــ
من فگد النبي اوامها وابوها والحسن وحسين
زينب صابره او شافت مصايب مصرع الطيبين
عفاها اشكثر شافت ظيم عفاها اشلعب بيها البين
دولبها الوكت للشام اوسبي الشام ماذيها
ــــــــــــــــــــــــــــــــــــــ
سبي الشام ماذيها حيث الشام بيه شمات
من شافوا خوات حسين فوك الهزل مسبّيات
ينوحن والعليل اينوح لمصابه او يجر حسرات
تفرح كل بني أميه اوشماتت نذل تبدّيها
ــــــــــــــــــــــــــــــــــــــ
شماتت نذل تبدّيها لو شافت علي السجاد
اسير او بالحبل مچتوف ليزيد النذل ينكاد
زينب والحرم كلها اليزيد اهداهم ابن زياد
او تشمت من عرف زينب تبختر والتفت ليها
ــــــــــــــــــــــــــــــــــــــ
تبختر والتفت ليها اينشده الحزينه امنين
گالو هاي بت حيدر هاي اخت الشهيد حسين
زينب سمعته اوصاحت وينك گمر هاشم وين
صدگ تقبل يبو فاضل يزيد اختك يحاجيها
ــــــــــــــــــــــــــــــــــــــ
لاچن بت علي وگفت وگفت بطل بالديوان
او صرخت صرخة الثاير تكله اهنا يبن سفيان
احنه الدين وهل الدين وانت ابن اليعبد اوثان
وعاقبة الأمور أنه وانت اتخسر تاليها
ــــــــــــــــــــــــــــــــــــــ
هاي امن العدل ييزيد انت على التخت سلطان
اوراس احسين جدامك وانت امعيد او فرحان
واحنه ابوسط ديوانك سبايا او تضحك العدوان
يا حيف الدهر فرنه لعد حكمك يطاغيها
ــــــــــــــــــــــــــــــــــــــ
لاچن يا يزيد امنين اجيب اليوم راعي الباس
وشوفه امحزم ابسيفه يجيني او بيه اشيل الراس
وانت ابمجلسك ييزيد كون إسا يجي العباس
اويشوف اشلون حال اخته اخلافه الهظم عاليها
الشاعر المرحوم ناعي الزهراء
السيد جاسم الطوريجاوي
#اللهـم_عجـل_لوليـك_الفـرج
الهي بحق المولودة في هذا اليوم ،زد في نسل شيعة أمير المؤمنين روحي فداه ،واحفظهم وبارك بهم وسهل أمر تزويج شبابهم .
متباركين ❤️🙏
ليله ميلاد اسطوره
جنها فاطم بالصوره
من صلب علي - يابعد هلي
****
قدسيه عالمه ومحد أبد علمها
حوريه فاهمه وبس الوحي يفهمها
علويه جدها النبي ومنهو يقيمها
ثوريه جفها الكمر معناها لازمها
كوكب وصار حياها
حره لحسين سماها
من صلب علي... يابعد هلي
****
على النجمه منكتب أسم الفخر زينب
ب القمه أشرقت لهل الأرض كوكب
نشتمه إسمها جن ورد المرتب
والرحمه بسمها صارت والله تتلقب
من كرم جود خيمتها
كلش بخير شيعتها
*
سماها الله زينب والله معروفه
ياطه هايه درتي الدوم مامكشوفه
انطاها اشرف منزله ولا موصوفه
خلاها سر الزجيه لمحد يشوفه
على خير فاطم نادينه
ولعلي الكرار هنينه
*
ياحره والحجي عنج كصر شرحه
مستره أليوم العالم بهل فرحه
بالكمره اسمج عالي ياكبر صرحه
و الزهره ليله كل شيعي نسه جرحه
أعظم أعياد بارينه
مولدج هذا نادينه
****'*
ياحيدر نعلك شموع الفرح عشره
خل يخسر ليله الايم احنه نقهره
يتكتر شحده يوصل يمنع اليقره
على منبر فقط نلكاها ولد الزهره
لحاول وراد يمنعنه
الله بالكيف يجمعنه
*
مسلم ياسر المياحي
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
هوسات جديده لميلاد سيدتي ومولاتي زينب بنت أمير المؤمنين سلام الله عليه وعليها
يوم الخامس امن اجماد احله امن الشهد صُبحه
بي نزلت عله اهل البيت آيه امطعّمه ابفرحه
خدر ربك ابهيئة نور يصعب عل فطن شرحه
زينب _ سبحانه السواها
ألى حضرة ولي الله أوجه گلبي واحروفي
واگله امبارك او عل خير ابزينب يا بعد شوفي
واقراله ابفرح ابيات وهوس وارفع اچفوفي
امبارك يانور عيوني
حق ابمولد الحوراء بوب الجنه تتحنه
ويصير الورد والقداح من الگاع للجنه
من عدها عُشر معشار فنه الي وصل فنه
مهيوبه چن امها الزهره
الليله الگمر والافلاك ما ضل كل ضوه ابخدهن
زينب اجت هاذه اليوم نعم وايضون اشحدهن
ابحضن فاطم غفت والنور لبواب السقر سدهن
هنيال الشيعه ابهل ليله
اليوم اكتملت الكشخه او صار اعگال للساده
انولدت بت علي الكرار والي تحمل امجاده
طشو الورد شعلو اشموع او كلمن يطلب امراده
زينب كل حاجه تگضيها
ابو فاطمة الطائي
ياايها الناس غضوا ابصاركم ستخرج من الخيام زينب
طلعت والشمس ضاعت ملامحها
لان نور العقيلة هواي ضيعها
لهذا خيال ماكو لزينب اعله الكاع
بس هيبه علي الكرار تتبعها
مشت والخطوه تعلنها لثبات الدين
وحجاب الزچيه بنور گبعها
هذا الماعرفها وكال زينب هاي
هم معذور روحه شلون يقنعها
على هيئه علي تقوى ومشت عالكاع
محال يصح بشر يفهم ملامحها
محتاجه ستر هي الستر للكون
وهاي المسألة يحتاج نشرحها
عبايتها السمه والناس فوك الكاع
والله يحب علي وهواي رافعها
لهذا الستر عد زينب فلا محدود
اكو حد للسمه ياعين تقنعها
ماتنشاف زينب بس لأهلها يجوز
تقنعني بشر مخلوق دافعها
دفعها مصاب اخوها من هوى اعله الكاع
و الخيمه وعمدها الجمر ضيعها
لكن صبر زينب ماتحده حدود
صفات الزينه ربك بيها جامعها
مايحتاج تدعي بس تحرك حجاب
لو تهمس همس عباس يسمعها
يفز من المنيه ويعتنيها بصوت
ايد التو صلج يازينب اكطعها
وصلت والقصر ماركد بنيانه
شم ريحة علي وشرعها بيبانه
طبت وبمهابة حيدر الكرار
وادوهن يزيد وخبطت ألوانه
مره بس مو مره شالت خلگ تاريخ
ياخلفة سعد ياابن مرجانه
غير النبي جدها الوصل حد الوين
لگه حتى العرش فاتحهن أحضانه
زينب عدها اخو ساعة خذاه الموت
ظل يم النهر وانطاها ذرعانه
اليلفظ اسمها يدنگ باجلال
وكون بماي طاهر يغسل لسانه
حرف الزاي زود حسين والعباس
حرف الياء ياالله بمچانه
والنون باسمها والقلم نيشان
الله بأسم زينب راد تبيانه
باء البسمله بس آخر القرآن
ختم بيها الشرع من كمل قرآنه
علي طعمه البطاط
بنت الولي..واخت الگمر
انولدت واجه...اوياهه الفَخَر
......................................
حفلنه ومضمونه...الولاده المَيمُونه
امنوره العَوالم
فَرَح واحله انشوده...بِحَقِّ المَولُوده
البيت الهُواشم
هاي الارواح...والگلوب...غِدَت مبتشره
حتى الاملاك...يِهَنُّون...علي والزهره
الليله فرحان...شكو انسان...يوالي العتره
وكل زينبي....الليله افتِخَر
انولدت واجه....اوياهه الفَخَر
....................................
ولادة هالحُرَّه...رزق لُمهَه الزهره
من الله هذا
ينشدوني الوادم...صحت گلبي الهايم
زينب مَلاذه
هالعِشگ صار...يهل الناس..يكحِّل عيني
أبقه ممنون...لان دوم...تضل تهديني
خادم الهَه...ولَهَلهَه...نذرت اسنيني
واعله العهد....طول الدَّهَر
انولدت واجه...اوياهه الفَخَر
......................................
صلوات نادينه...ونبارك هالجينه
الحيدر أبوهه
بريد الحُب راسل...تَهاني للكافل
وحسين اخوهه
ابمحفل النّور...نهنّي...النّبي هادينه
وتَهنِئَه اليوم...للاطهار...نِقدِّم جينه
ابمولد ام عون...فُرَحنَه...وشرف يكفينه
ابهذا المِسَه...ايطيب السَّهَر
انولدت واجه...اوياهه الفخر
...................................
گلبنه اليهواكم...يزينب ناداكم
يخت الأماجد
وحگ سبع اطفوفه...دربكم منعوفه
بالدم نعاهد
نسأل الله...المسيه...ابقدرته ونوره
عدنه غايب...نريده...يعجل اضهوره
وامنيتنه...المَقامچ....نرد انزوره
وخل تستمع...كل البَشَر
انولدت واجه...اوياهه الفخر
سيد علي الموسوي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#ندبـة
بِنَفسي غَائباً لم یَخلُ مِنّا
لَهُ الثَقَلانِ قَد ذَکَرا فَـ حَنّا
لنا قلبٌ لرؤیتکم تَلضّا
و لا ندري مَتی سَـ نَنالُ حضّا
أیتصِلٌ الزمانُ بکم فـ نَحضی
و نَنهَّلُ عذبکم فـ نُغِّرَ عینا
تَصدق أیُها المبعوثُ فینا
علی الأیتامِ و المستضعفینا
فإنَّ اللهَ یجزي المحسنینا
و إنّي فیکَ قد أحسنتُ ظَنّا
فَـ کَم أبقی أُقاسي الإصطبارا
إُقَبّلُ ذالجِدارَ و ذالجِدارا
طَویتُ العمرَ شَوقاً و إنتظارا
و أفنیتُ السنینَ مَتی و أینا
تُری أنَراهُ لَو في البیتِ حَلّا
و خلفَ مقامَ إبراهیمَ صَلّی
لیملئَ أرضنا قِسطاً و عَدلا
و یُجلي غَیمهَ الأکدارِ عَنّا
و إنّي رُغمَ قَولِ المُحدَثاتِ
لأعلمُ أنَّ یومَ الثأرِ آتِ
فهذا مَشرَفيَ و ذي قناتِ
نَذَرتُهُما لَهُ ضرباً و طعنا
لَهُ مِن هاشمٍ حَقٌ أُضیعا
فهذا قد سُقي سُمّاً نقیعا
و هذا في العرا أمسی صریعا
وذاک قضی ربیعاً عُمرِ سِجنا
و أفجعُ ما علی المَولا یَمُرُ
بِحبلِ الأسرِ عَمَتهُ تُجَرُ
و یَحدُ ضعنها بالسوطِ شِمرُ
و ما راعا لها في اللهِ شَئنا
بِظَهرِ العیسِ قد أجرینا دمعا
و لَو رُمنا العویلَ لقینا منعا
یُکَسِرُ بالرماح لهُنَ ظلعا
و یُدمي بالسِبا منهُنَ متنا
*الشاعر الميرزا عادل أشكناني*
#اللهـم_عجـل_لوليـك_الفـرج
ابوذيات جدد لميلاد سيدتي ومولاتي زينب بنت أمير المؤمنين سلام الله عليه وعليها
أسم زينب الساق العرش ... لا ماس
لا ياقوت . لا در . لا ذهب ... لا ماس
تراب الداسته اخت احسين ... لو ماس
جهنم تبرد او تصبح زهيه .....
العقيق ابتسم هاذه اليوم ... والدر
علي والزهره عدهم عيد ... والدار
بيها اعيون تهمل فرح ...... وادّر
وملائك نازله اتأدي التحيه ....
زينب نور يضوي ... زينب آيه
أودها او هاي خصله .. زينه بيه
يناس الليله هاذي ...... زينبيه
عيد او فرحه عند الهاشميه ...
الگلب ميلاد زينبنا ... سلا له ( صار سلوه اله )
واگول الضدها ريت الله .. سلا له
عظيمه انولدت امن اطهر .. سلاله
ابوها حيدره او امها الزچيه ....
أذا أمدح ابزينب ... عن ادله
والي يريد مصدر .... عنه ادله
يناس الگلب طاير .... عنّد أله
يصل مرقدها ويقدم هديه ...
ابو فاطمة الطائي
قصائد ولادة عقيلة الطالبين زينب الكبرى روحي لها الفداء 👇
Читать полностью…
((روحي خادمه))
النــعمه أصلــها فاطمه
والرحمه روحي خادمه .. المولاتي
"""""""""""""""""""""""""""""""""""'''''
فضل مــن الزجيه اذا تلطـــــم اديه
واذا بالمجلس آنه چبيره النعمه بيه
چبيره النعمه اذا أحضر مجالس
ممنــون وصــرت بالدمعه فارس
اشگ الثوب مـو ألا آنه مجـــنون
أقلد مـــرجعي المــجنون عابس
والـــزهره أمـــي عالمه
والرحمه روحي خادمه .. المولاتي
"""""""""""""""""""""""""""""""""""'''
عبــــد مولاتي لجلچ أبد ما أنسه فضلچ
بعثتي بجسمي روحي وتكلميني وأكلمچ
كلام دموعي مايخلص محاله
وســاطةْ گلبي يمْ رب الجلاله
أدور بس رضاچ الغــــايه هايه
ولا گـــلبي ألـــــچ بطل سؤاله
بـس الســــؤال مكتـمه
والرحمه روحي خادمه .. المولاتي
"""""""""""""""""""""""""""""""""""''''
نعمتچ بيه فاضـت خدمتچ بيه بانت
هواچ البيه اسمه الج روحي تعالت
بتــراتيل اليحب رتلــتچ آنه
وأگلهم للخدم عــالي كيانه
أگلهم فاطمه روح القداسه
ويلي وشـــاهد راس بسنانه
صرخاتي للـظل بالدمه
والرحمه روحي خادمه .. المولاتي
"""""""""""""""""""""""""""""""""""''''
ســـرور الروح انتي وعذابي ويا دمعتي
وتقاسيم بجراحي وحضرتچ وبصفنتي
ألــچ باني بخيالاتي ضريحچ
مــناره وگبه والزاير يصيحچ
ومشـــايه ومواكب بيه عاشو
يريت أنْدلچ آنه هل جريحچ
موجوده يم حامي الحمه
والرحمه روحــي خــادمه .. المولاتي
"""""""""""""""""""""""""""""""""""'''''
نضــــرتچ تسوه جنه وألف جنه أعله جنه
يفيض احسانچ انتي عـلى الـــوادم محنه
حنينه ومــا شفت مثلچ حنينه
اليدگ بــابــــچ أكـيد أتوجبينه
يامـــولاتي بـــابچ اصــله رحمه
اريدن عمري بيچ تفض سنينه
مولاتي انتي الحاكمه
والرحمه روحي خادمه .. المولاتي
عبد زينب
محمد الابراهيمي
#اللهـم_عجـل_لوليـك_الفـرج
حيدر يغسل فاطمه
وشاف الضلوع مورمه
يغسل الزجيه. بهل مغربيه
—————————————
غسل فاطمه وحيدر خلص صبره
وكع ما كدر يوكف منكسر ضهره
كل سا يكتشف بضلوعها كسره
لكاها ضلوعها متهشمه الزهره
موضلع واحد بل سره
كلها الضلوع مكسره
الدمعه الشجيه. بهل مغربيه
—————————————
حيدر غسل الزهراء نص. اليل
ماعنده صبر والشافه هد الحيل
الملائكً حاضر وياهم نزل جبريل
وحضرله الچفن والحبره ميكائيل
كل الملائك حاضره
وباب بيته مناطره
سر وخفيه. بهل مغربيه
————————————
طلع حيدر علي بس منهدم حيله
القالع باب خيبر نعش ميشيله
عاش. الكسر وتلمس تفاصيله
الله. يساعد الكرار هل ليله
ليله جروح ومؤلمه.
بيده يغسل فاطمه
جم كسره بيه. بهل مغربيه
——————————————
طلع بل سر يشيع نعش بي رحمه
ويشوف بحالها وشسوت الامه
الجانت صحابه. تحولت. نقمه
انقلاب اعله النبي وبيت النبي يهدمه
هاي السقيفه الضالمه.
هجمت الدار العالمه
ناره سريه. بهل مغربيه
_____
نزل. حيدر. علي. وتوسد بكبرج
خلص عمره وحياتي من خلص عمرج
متى تعودين ينحب كال. ينتضرجً
الميت ما يعود وينتخي بصبرج
الفاركله روح شينتضر.
ميت وماعنده صبر
حيره القضيه. بهل مغربيه
لخادم الزهراء (ع )
ضرغام منعم الكربلائي
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4