42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
ابوذيات جدد لميلاد سيدتي ومولاتي زينب بنت أمير المؤمنين سلام الله عليه وعليها
أسم زينب الساق العرش ... لا ماس
لا ياقوت . لا در . لا ذهب ... لا ماس
تراب الداسته اخت احسين ... لو ماس
جهنم تبرد او تصبح زهيه .....
العقيق ابتسم هاذه اليوم ... والدر
علي والزهره عدهم عيد ... والدار
بيها اعيون تهمل فرح ...... وادّر
وملائك نازله اتأدي التحيه ....
زينب نور يضوي ... زينب آيه
أودها او هاي خصله .. زينه بيه
يناس الليله هاذي ...... زينبيه
عيد او فرحه عند الهاشميه ...
الگلب ميلاد زينبنا ... سلا له ( صار سلوه اله )
واگول الضدها ريت الله .. سلا له
عظيمه انولدت امن اطهر .. سلاله
ابوها حيدره او امها الزچيه ....
أذا أمدح ابزينب ... عن ادله
والي يريد مصدر .... عنه ادله
يناس الگلب طاير .... عنّد أله
يصل مرقدها ويقدم هديه ...
ابو فاطمة الطائي
قصائد ولادة عقيلة الطالبين زينب الكبرى روحي لها الفداء 👇
Читать полностью…
((روحي خادمه))
النــعمه أصلــها فاطمه
والرحمه روحي خادمه .. المولاتي
"""""""""""""""""""""""""""""""""""'''''
فضل مــن الزجيه اذا تلطـــــم اديه
واذا بالمجلس آنه چبيره النعمه بيه
چبيره النعمه اذا أحضر مجالس
ممنــون وصــرت بالدمعه فارس
اشگ الثوب مـو ألا آنه مجـــنون
أقلد مـــرجعي المــجنون عابس
والـــزهره أمـــي عالمه
والرحمه روحي خادمه .. المولاتي
"""""""""""""""""""""""""""""""""""'''
عبــــد مولاتي لجلچ أبد ما أنسه فضلچ
بعثتي بجسمي روحي وتكلميني وأكلمچ
كلام دموعي مايخلص محاله
وســاطةْ گلبي يمْ رب الجلاله
أدور بس رضاچ الغــــايه هايه
ولا گـــلبي ألـــــچ بطل سؤاله
بـس الســــؤال مكتـمه
والرحمه روحي خادمه .. المولاتي
"""""""""""""""""""""""""""""""""""''''
نعمتچ بيه فاضـت خدمتچ بيه بانت
هواچ البيه اسمه الج روحي تعالت
بتــراتيل اليحب رتلــتچ آنه
وأگلهم للخدم عــالي كيانه
أگلهم فاطمه روح القداسه
ويلي وشـــاهد راس بسنانه
صرخاتي للـظل بالدمه
والرحمه روحي خادمه .. المولاتي
"""""""""""""""""""""""""""""""""""''''
ســـرور الروح انتي وعذابي ويا دمعتي
وتقاسيم بجراحي وحضرتچ وبصفنتي
ألــچ باني بخيالاتي ضريحچ
مــناره وگبه والزاير يصيحچ
ومشـــايه ومواكب بيه عاشو
يريت أنْدلچ آنه هل جريحچ
موجوده يم حامي الحمه
والرحمه روحــي خــادمه .. المولاتي
"""""""""""""""""""""""""""""""""""'''''
نضــــرتچ تسوه جنه وألف جنه أعله جنه
يفيض احسانچ انتي عـلى الـــوادم محنه
حنينه ومــا شفت مثلچ حنينه
اليدگ بــابــــچ أكـيد أتوجبينه
يامـــولاتي بـــابچ اصــله رحمه
اريدن عمري بيچ تفض سنينه
مولاتي انتي الحاكمه
والرحمه روحي خادمه .. المولاتي
عبد زينب
محمد الابراهيمي
#اللهـم_عجـل_لوليـك_الفـرج
حيدر يغسل فاطمه
وشاف الضلوع مورمه
يغسل الزجيه. بهل مغربيه
—————————————
غسل فاطمه وحيدر خلص صبره
وكع ما كدر يوكف منكسر ضهره
كل سا يكتشف بضلوعها كسره
لكاها ضلوعها متهشمه الزهره
موضلع واحد بل سره
كلها الضلوع مكسره
الدمعه الشجيه. بهل مغربيه
—————————————
حيدر غسل الزهراء نص. اليل
ماعنده صبر والشافه هد الحيل
الملائكً حاضر وياهم نزل جبريل
وحضرله الچفن والحبره ميكائيل
كل الملائك حاضره
وباب بيته مناطره
سر وخفيه. بهل مغربيه
————————————
طلع حيدر علي بس منهدم حيله
القالع باب خيبر نعش ميشيله
عاش. الكسر وتلمس تفاصيله
الله. يساعد الكرار هل ليله
ليله جروح ومؤلمه.
بيده يغسل فاطمه
جم كسره بيه. بهل مغربيه
——————————————
طلع بل سر يشيع نعش بي رحمه
ويشوف بحالها وشسوت الامه
الجانت صحابه. تحولت. نقمه
انقلاب اعله النبي وبيت النبي يهدمه
هاي السقيفه الضالمه.
هجمت الدار العالمه
ناره سريه. بهل مغربيه
_____
نزل. حيدر. علي. وتوسد بكبرج
خلص عمره وحياتي من خلص عمرج
متى تعودين ينحب كال. ينتضرجً
الميت ما يعود وينتخي بصبرج
الفاركله روح شينتضر.
ميت وماعنده صبر
حيره القضيه. بهل مغربيه
لخادم الزهراء (ع )
ضرغام منعم الكربلائي
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
نار فگد الزهره من اغيابها
ابرهه وفيله وصل يم بابها
*****
يرضا ربك فاطمه المرضاها
دنيا ما تسوه وعلي لولاها
نقطة الباء ابتدت بسماها
فاطمه التوحيد في محرابها
ابرهه وفيله وصل يم بابها
*
نار والجبتين صارت مفعمه
تشهد اعليهم تظل اهل السمه
تنظر الاملاك حسرة فاطمه
جينه نحضر بالنواعي امصابها
ابرهه وفيله وصل يم بابها
*
هاي احقاد السقيفه المجرمه
تبت اعرووش الأيادي الأثمه
ظلمت المظلوم حامي الحمه
جهلو الگالو عليها أصحابها
ابرهه وفيله وصل يم بابها
*
ظلموا البضعه ابنياشين الدمع
وظلت اتعاني لحد كسر الظلع
لجنة الاحقاد ظل بيهم طبع
واصل احدود النبي واطنابها
ابرهه وفيله وصل يم بابها
*
نارها الما تطفه ظلت تستعر
وما نست ابجروحهه ون العمر
يسأل المختار عن وضع الكسر
لاذت الزهره ابعظم جلبابها
ابرهه وفيله وصل يم بابها
*
واضح الملعون كان وبالسبب
صارت الدنيا لمن هب ودب
شافت الزهره حقدهم والعجب
زمرة الاحقاد شفنه اذنابها
ابرهه وفيله وصل يم بابها
*
ناس ماعدهم ذمم لا من ضمير
عافوا الإسلام جُّهال المصير
خانوا المختار يم دار الأمير
غابه صارت والحكم لذيابها
ابرهه وفيله وصل يم بابها
*
تمت بعون الله تعالى
الشاعر_يوسف_الفتلاوي
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
هــنــا يــــــرحمتك تسكن الكون
يابو كلب الجبير البيك يحـجـون
يل ملبسني ثوب الحزن يحسين
الك هية صدك من تبجي العيون
ماريد الحيات البيه تـغـريني
وهيه تبعدني عنك و تلهيني
خاف تغير وناســــه روحــي
خلي مقتلك بطرف عـيـــني
خليني حجي بــس عــليـــك
وعيوني تزخ بواجي
يل شــــــلـــت بـــيــن اديـــك
جم ابن وجم غالي
الخيل هــاي مـــن تــجــيـــك
الخيم تصير بنعاوي
اخاف .. يطيب يامولاي جـرحـــي
اخاف .. ويقل عليك هيج حـــزني
اخاف .. بلا دمع من يطبك رمشي
★★★★(دمع منك رزقني )★★★★
ذا اني تغيرت مره مـــــن الايــام
حطني بموقفك زينب تطب شام
تشوف الحسره شلون تـقـطــيني
حته اني حترك مثل الخـــيـــــام
ذا لا سامح الله تغيرت دمعات العيون
تصبح مو عليك ويه الي يـضحـكــون
وعيش روحي راحه وانته مــــذبــوح
انه كبال امــك عــــذري شــــيـــكـون
لا سمح الله
بيوم ناس توكف هيه هواي
واني بكلبي حسرتي
من جدك يقوم يوزع الـماي
وخاف همه يعبرني
من يبدي راب يوزع الكتاب
اريد كتابي بيمنتي
اريد .. امك بجنة ترحــب بــيـــه
اريد .. تــكــلي يا هلا بهل جــيــه
اريد .. تكول زينب هنا مو مسبيه
★★★★(دمع منك رزقني )★★★★
كون بحلم عليه هيج وتـــمــرنـي
وعلا ابنك الاكبر من تسولـفــلــي
ليلى شصار بيها من رايح الاكبــر
هو شلون كالك بويه نشف جبدي
انتة من رحت شلون واسيته
نوبه شكلته وهيجي بجيتــه
تكلة الشمر راح يسبي امـــك
وبنشغات روحة انته الميتــه
رجعت من الاكبر بعينك الدمعات
تكول شلون حاجية
تــكـــــلة ابــنــج الاكــبـر مــــات
لو بحسره تخـليـــة
تحجي بس بروحك الحســــرات
نوبه ترد تبــــجـية
الاكبر .. يل نايم على التراب
الاكبر .. كبر جرحك المصاب
الاكبر .. لفه كلب امك عذاب
ـــــــــــــــــــــــ
خادم القصيده
محمد رشيد السويطي
القصيده .. (هنا يرحمتك )
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
ما يرجعون. ليش بالفرگه انذبح
ما يرجعون. وعالجرح رشو ملح
ما ادري امشي وعايش اشلون
والشيب خضر وسط العيون
**
انه ادري البعينه دمع. من يبجي يرتاح
جا ليش كلبي ما وكف. وتلولح وطاح
يا فاطمه انه علي. بروحي الحزن صاح
من رحتي بعيوني انكتب. ما يرجع الراح
لا تروحين. بغيبتج ياهو الالي
لا تروحين. عكبج اتغير علي
شو شيب اسمعهم يكولون
والشيب خضر وسط العيون
*
فوگ الجنازه اتخوصرت. ودموعي بالعين
ويا فاطمه بحرگه صحت. وين السفر وين
بضلوعي كل ساعه تشب. نار البعيدين
عد راسج اينوح الحسن. وينوح الحسين
وزينب اتصيح. كلبي يايمه انكسر
وزينب اتصيح. مني شيريد الدهر
ليش الاحبهم ما يردون
والشيب خضر وسط العيون
***
ما ترحم الدنيا ابد. من تغدر إنسان
رديت من المكبره. بس كلي ذبلان
عطشان مو للماي ابد. للملكه عطشان
كل ما عثرت بخطوتي. يلزمني سلمان
انه حيدر. روحي دافنها بگبر
انه حيدر. الج مشتاگ اشكثر
وسط اللحد وياج اضل كون
والشيب خضر وسط العيون
**
ضلت عيوني اعله الدرب. وصوابي بالروح
ليش الاريد بدنيتي. يتركني ويروح
مذبوح ما كلهم جنت. بس انه مذبوح
لجروحي ما يرهم دوه. شيخيط الجروح
والله حيره. امن ابجي يحرگني الدمع
والله حيره. زهرة الحب تنگطع
وسهران طول الليل يدرون
والشيب خضر وسط العيون
**
جنت انسه كل ذاك التعب. من احجي وياج
كل يوم اروح الحجرتج. وابجي اعله فركاج
من عيني ابد ما ينمسح. يالزهره ذكراج
هوه العمر يا فاطمه. اشيسوه بلياج
انتي كلشي. وانتي شريان الكلب
انتي كلشي. وفاطمه افراگج صعب
وايتام الج ضلو ينشدون
والشيب خضر وسط العيون
***
تمت
تحسين الخفاجي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
وهل يوجد اجمل من ذلك
فداك روحي سيدي نور عيوني وهواء ريتي .
المكسور ضلعه شلون ليله ينامه
يلتهي بروحه لو يسكت ايتامه
الزهره من كل كتر موجوعه
::::::
الايد نعرف تنجبر لمن يمر بيها الكسر
لكن الضلعه منعصر فسروها بيش انجبره
النوم ما مر بيها ابد من العصره مات الها ولد
الضلع ما يرهمله شد شگد صعب حال الزهره
مكسورة الخاطر ومكسوره اضلاع
شيصر بيك تشوف امك بالگاع
يا ريت بيه ولا بأمي الأوجاع
يا يمه
يا يمه بس العافيه انتي تسمعين
انه الحسن يمچ ویاي حسين
ونة اولادچ حيل مسموعه
::::::
مرات اصبعك ينجرح سهران تبقى للصبح
كسر الضلع ما ينصلح سهران يخلص ليلك
المكسور ضلعه من الدفع يگضیها بس اه ودمع
ما ينقبل هذا الوضع شويه ويخلص حيلك
تبقى تصل اضلوعك وما ترتاح
وبلكت يهيد الوجع لو صار انياح
لوجع من الليل حد المصباح
يا ييمه
شما عنده قوه ويدفع بحيله الباب
خلصت حياتچ والضلع لا ما طاب
ماتت الزهره وظلت اللوعه
:::::
بسمار والحایط سوه یم الحسن مالچ دوه
چفچ بنیران انچوه وانوب سطره بعينچ
محترگ بابچ اي سبب حقچ وچا لیش انسلب
چا لیش یم دارچ لهب یمچ یون حسینچ
نفس الوجع بالگعده لو ردت ادگوم
البي الوجع مچلوم ویظل ملچوم
المهموم عمره عمره يخلص مهموم
الزهره من الوجع توگف گوه
قنفذ بسوطه بالمتن يتلوه
يم دارچ التمت المجموعه
::::::
شلون مدفوع الورد ورده ويضموها بلحد
الگلب خلي يستعد رايح تزيد همومه
معناها يا زينب سبي تمشين وين الاجنبي
نعمه وتظل هاي العبي ما بيچ حیل الگومه
الحرگ هذا الباب یحرگ خیمات
يا زينب وتمشين نص الشمات
من هسه ماكو راحه زينب هيهات
يا ييمه
باچر تركبين الهزل نص السوگ
من هسه حتى الحلم زينب مبيوگ
من الشام للكوفه انتي مرجوعه
:::::
شلون حالچ وحدچ یبنیتي ما يمچ هلچ
باچر تره محد الچ بس الشمر يبرالچ
الشمر يحدي القافله ايتام كل العايله
باچر تغيرچ کربله انتي كفيل اعيالچ
يا زينب ادخلين باچر ديوان
فلان ينظر لو يسب بيچ فلان
حسين يم الماي يوگع عطشان
يا ييمه
راس الحسين وياچ يفتر برماح
واليحدي بيچ بنيتي نفسه الذباح
السبي شلون وانسه موضوعه
:::::
علي جبار الكعبي
الفاتحه لوالدي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
يعني خلصت هاي هيه
ما نشوف امنه الزچيه
بويه يا علي … بويه يا علي
1💔
بويه يا حامي الحمه
ماتت امنه فاطمه …. واضلمت دنيانه
من ضواهه البي حلت
دارنه الساعه خلت … واصبحت حزنانه
اشلون لو طر الفجر
وامنه نامت بالگبر … ياهو يتلگانه
عودتنه ابكل مسيه اوكل فجر
ابهلا تتلكانه ملكات البدر
ياهو ألنه وامنه نامت بالكبر
ويا حضن بي بعد نلتم للكبر
ماتت ام العشره حلوه
والحياه صارت متسوه
وداري ظل خلي … بويه يا علي
2💔💔
آنه وحسين وحسن
ما شبعنه امن ام حسن … يا علي يا حيدر
ازغار واثياب اليتم
فصلينه اعله الجسم … وكلشي بينه اتغير
وكلشي بالبيت اختلف
ماكو شي بي ما رجف … بعد عين الكوثر
وحشه اصبح بيتنه وما بي هوه
بي طفه النور وصفينه ابلا ضوه
ابنار فرگت فاطمه اگليبي انجوه
وبعد ما ترجع ليالينا سوه
الزمن فرهد ضوانه
وعافنه اندور ابسمانه
آنه وكل هلي … بويه يا علي
3💔💔💔
بويه من شلت النعش
حيلي عالگاع انفرش … عندي ما ظل حيلي
بعيني ما ظل كل ضوه
وريتي غصت بالهوه … آه يوحشة ليلي
امي چانت كلشي الي
وهسه محد ظل الي … بالصبر ادعيلي
زينب آنه يا علي اوحيده اصبحت
وبالسواد ابموتت امي اتوشحت
امن البچي اعليهه انه وعيني طحت
اوطف وراي اليسبي خدري ما صحت
ابحرگت الخيمه اعله راسي
ياهو يحضرني يواسي
ومذبوحي الولي … بويه يا علي
4💔💔💔💔
حتى نور البالشمس
يختلف عن يوم امس … اشعضهم هاي الليله
وين ما دير النظر
تنعرض ليه صور …. أمي ياهو اشكيله
عني شالت ام هله
الچنت عدهه امدلله …. وذكره خلت شَيله
ضاگت الوسعه عليّٓ يا هيبتي
ابيوم الاول صرت احس ابوحدتي
ابلايه أُمي جني اعيش ابغربتي
وچني اشوف اگضي العمر وي دمعتي
يا علي اخلاف امنه وحشه
ودمعي فوگ اعتابي افرشه
محد ظل الي … بويه يا علي
5💔💔💔💔💔
كل حلم عندي انذبح
الساعه والگلب انجرح … ابموتت ام اخواني
چنت احسبهه تظل
اوياي يا خير العمل … اتصير ظلي الثاني
من اروح الكربله
وانسبي اويه العايله …. بيد اشر عدواني
ما حسبت احساب اروح الكربله
وحدي واتگيد اچفوفي السنسله
وعيني تبقه اعله الخيم والعايله
واعله اخوي الما يظل ناصر اله
ابحاجت امي ابيوم عاشر
اتلم ضلوعه امن الحوافر
وتلم كافلي … بويه يا علي
✍️🏻 كلمات موسى الخادم
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
.
بأبي أنت وأمي ياحسين
.
حاير ودولبني دهري
وتيهت كل الدروب
عايش وكل عمري ضايع
چن ملح بالماي اذوب
غارگ بروج النوايب
سيدي وشابع ذنوب
أنت باب التوبه وآنه
گاصد البابك أتوب
.
بسمك تسولف دموعي بالونين
بأبي أنت وأمي ياحسين
.
.
.
انفتح باب الله شفته
وأنت واگف انظرك
من قعر بحر الظلاله
طلعتني ابخنصرك
علمتني عالنوايح
صعدتني المنبرك
رتلت أول قصيده
من نظم دم منحرك
.
يالي بحروفك تنفس كل حزين
بأبي أنت وأمي . يا حسين
.
.
.
غيرت احوالي أنته
چني حي وسط الگبر
ياحبيبي مالي غيرك
بسمك اتنفس عطر
تشتهي اعيوني البواچي
لمن أسمك ينذكر
روحي بمصابك عليله
والدوه بلطم الصدر
منهو چا غيرك شفيع المذنبين
بأبي أنت وأمي ياحسين
.
.
. .
درسك البلطف قريته
وما فهمته اشيحتوي
المهر يفهم كلامك
وآنه عنك التوي
بالعطش تيبس لهاتك
حتى آنه ارتوي
الشمس تنطيني ضيها
وانت بيها تنچوي
.
تنزف جروحك يبو گلب الحنين
بأبي أنت وأمي ياحسين
.
.
قدمت كل تضحياتك
وآنه بيهن ما أحس
حررتني من آل اميه
وبنبلهم تنترس
حتى آنه افهم صلاتي
أنته صدرك ينرفس
حتى يتحجبن خواتي
تمشي أختك بالشمس
.
أنت كعبه وانت ثوره وانت دين
بأبي أنت وأمي يا حسين
.
.
.
شنهي دمعي إلي أسيله
وانت بحر من الدموع
آنه حال الظلمه حالي
وانت كل بدر الطلوع
اليحب يرقى ابجنونه
يقتبس منك خشوع
من بعد شگ الملابس
عابسك شگ الضلوع
.
بثورتك عابس لمس حق اليقين
بأبي أنت وأمي ياحسين
.
.
.
يالشسع نعلك مقدس
بالمفاخر يعتلي
يسوه عمري وكل وجودي
ومالي وولادي وهلي
لوعفتني ياحبيبي
منهو غيرك چا الي
آنه من بعدك ولاشم
سيدي ريحة علي
.
يلي يم بابك تأمن الخائفين
بأبي أنت وأمي ياحسين
.
.
تمت بفضل ربي وعطاء اهل البيت عليهم السلام
.
حسن الموالي الفاطمي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
خلافچ تدرين يدولبني البين
وأتعذب يمه بزغري
باهات يخلص عمري
ــــــــــــــــــــــــــــــــــــــ
يريت السطره بخدودي وتمنيت الكسر بيه
عني لو خذاچ الموت ييمه ماألچ جيه
هضيمه بهل عمر هذا ودمعتي بعيني ترچيه
صعبه الوادم ايكولون يتيمه هاي البنيه
من زغري يايمه أتيتم
ودخان من الطف راح اشتم
بسنين أصباي جارت دنياي
ياظيم وهم راوتني
باب الكرار مشتعله النار
باول عمري وفجعتني
اه يلمسمار شخليت اثار
مطبوعه تظل فكري
وتعذب يمه بزغري
..........
بعدني زغيره يايمه ودليلي من الهضم يذبل
التموت امه بحياته ايضيع ومايتسمه المدلل
يل افراگچ جرح چتال لا ينزر ولا ينشل
اشد صبري من اصد علباب وحزام الصبر ينحل
راح اگضيها بنوح ايامي
ومصابچ عايش بحلامي
دمعاتي تطيح يازهره تصيح
يايمه وياچ اخذيني
شتنفع دنياي ماهي انتي وياي
اگضيها بنوح سنيني
يايوم يروح باهات ونوح
يلكسرج اصبح كسري
وتعذب يمه بزغري
.........
ييمه صدرچ الدافي ليش مكسره ضلوعه
يم گلب اليوزع خير المحنه عليچ مفجوعه
عله عيونچ علي منشاف ييمه السطره مطبوعه
عفتيني يزهره ايصيح وشيبه يغرگه بدموعه
حيدر ظل مكسور الخاطر
يشبحلي ودم هل الناظر
ظل حامي الجار. موتچ محتار
ياهو بهل محنه يصبره
يدير النضرات ويجر حسرات
شماصدلي تخنگه العبره
مكسور اجناح من نورج راح
شيضملي مصايب دهري
وتعذب يمه بزغري
...........
خيالچ مايفارگنه ولا نورچ ييمه يروح
يذبح فاطمه فراگچ وشنهي يطيب المذبوح
اشوفن قالع البيبان ييمه منكسر وينوح
انه وياه تگابلنه وترسناهه المدينه جروح
گعدينه وياه وتگابلنه
وصحنه بويه راحت امنه
شيصبر حسين ظل ينشد وين
والدمعه تجوي خدوده
من طب للدار صاح الكرار
بويه منه ماموجوده
بالحد شلون دفنيت الكون
راجع ودموعك تجري
وتعذب يمه بزغري
........
بكثر مانادي يايمه خلّص صوتي وحيلي
حسن يمه كسر كلبي اشكيله وهوه يشكيلي
يكلي خويه يازينب لحضه مانمت ليلي
اصبر گلبي وعيوني اگلها بكل وكت سيلي
شفت بعيني من سطورها
امي وعالحايط عصروها
كل دمعه تطيح يازهره تصيح
راحت عنه وماترجع
ظل اخرصوت مهضومه تموت
وانه بحسراتي اتگطع
كل يوم غروب دلالي يذوب
ويتطشر حيلي وصبري
وتعذب يمه بزغري
.........
خادم اهل البيت عليهم السلام
فلاح طالب الماجدي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#نعــي
للزهراء عليها السلام
يا سالفتنه التارسه البيت
ووردتي الغيرج ما اشتميت
ماي ودمع فوكج تبديت
ماضن تلم طولج توابيت
بالغسل چفيني شلتهه
ومن فوك كسرج عبرتهه
وعن الكسر عيني درتهه
وفوكج عيوني وشلتهه
ياام الجنين الصار مكتول
وماضاك من حلكج دللول
يالما كملتي 18 حــــول
عمرج ورد وبنعش مشيول
ياام بيتي يالما لايحج عيب
من ذبل عودج خضر الشيب
داويت جرحج ما رضه يطيب
يختلف عن جرح المصاويب
الشاعر مصطفى حرب
#اللهم_عجل_لوليك_الفرج
ياسيدي .. عندي علم
من كلشي أوسع رحمتك
ياراحمي .. ارزقني دمع
واكضي حياتي بخدمتك
حسين خليني عبد وي اليخدمونك
واكضي كل عمري اعيش بخير ماعونك
امنياتي .... بدمعتك اكضي العمر
كل حياتي ... بخدمتك انه استمر
يشفي ذاتي ... فقط اسمك من يمر
اخر كلامي واوله ... واختمه هاي المسئله...بس ياحسين وكربله
تايب اجه .. الحر الك
بكل حب قبلت بجيته
وانه بندم.. جيت اعتذر
لن كلبي شتت نضرته
لغير جرحك كلبي ابداً ماشارد ريته
بكمر هاشم جيت لايذ انه وبصيته
لاتردني ... جيتك بصيت الخيم
لاتهدني ... بدون حزنك انهدم
ليك اخذني .. اقبلني وي باقي الخدم
كلبي بغرامه رتله... ياجلمة الحب والهله... ماعندي غيرك اسئله
اعوج جنت ... مالي درب
بي واستلذ ابرحلتي
من جيت الك ... يله افهمت
جذبه اطلعت كل دنيتي
الجذب حبله كصير وصدمتي اجبيره
توني يله استوعبتها الكسره والحيره
نادم اني .. استغفرك عن المضه
انه ثاني .. حر اجه يطلب رضه
عمره فاني .. النضره منك ماحضه
اسف اجيت اتوسلك ... ياسيدي الحب بس الك ... الماينجذب ليكم هلك
انته العشك .. ياابو علي
بحبك جرح بيه نولد
توني اعرفت .. درب الصدك
بدمعك جمر كلبي اتقد
ريت وي كل ناعي ينعه جروح اشفيلك
ريت ل أخر نفس بيه دموعي تجريلك
ريت احفي .. كلبي من كلشي واجي
رايد اشفي .. بدمعي جرحك موحجي
بلكي اوفي .. دينك بكد البجي
بفضلك صرت ياسيدي .. بكل خطوه بسمك ابتدي .. مااعرف امشي الوحدي
محمد تقي الزاملي
#اللهم_عجل_لوليك_الفرج
ولادة زينب (عليها السلام)
٥ جمادي الأول
صلوات صلوات
هالليله نتهف ياعلي
١
الليله حضرنه للحفل فد نيه
بيوم الولاده انبارك العلويه
زينب شمسنه البل سمه مضويه
بت حيدر وبت فاطمه
الانسيه
شعارات شعارات
نرفعها للباري العلي
صلوات صلوات
هالليله نتهف ياعلي
٢
خمسه بجمادي الأول بيا صوره
زينب تهل وتنور المعموره
الله اصطفاها بحكمته ودستوره
نور العرش من عدها ماخذ نوره
هتافات هتافات
يسمعها لازم عاذلي
صلوات صلوات
هالليله نتهف ياعلي
٣
كلنا حضرنه رايه تتبع رايه
غايتنه زينب هيه بس الغايه
الليله ابصملها والخدم ويايه
وفايه الها كل وكت وفايه
علامات علامات
عالقمه بيها نعتلي
صلوات صلوات
هالليله نتهف ياعلي
٤
نحضر حفلها والعشگ رباني
بهذا الحفل واحد يبوس الثاني
يالخادم افرح والحفل قرآني
اصبح شرف عنوانك وعنواني
بالاصوات بالاصوات
هالليله كل هم ينجلي
صلوات صلوات
هالليله نتهف ياعلي
٥
زينب هديه الفاطمه وداها
رب العلا دون البشر علاها
بارينه خصها وللخدم سواها
كل هذا واحنه مقصرين وياها
سلامات سلامات
للي بغرامه مبتلي
صلوات صلوات
هالليله نتهف ياعلي
٦
بأخر حفلنه انعاهدك والينه
ياحجة الله وعينك انته اعلينه
كل احنه يمك اول وتالينه
تشهد علينه انته يامهدينه
تحيات تحيات
يادنيه فرحي وهلهلي
صلوات صلوات
هالليله نتهف ياعلي
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#نعـي
عله ابن امي اجيت بگلب هايم
وعله وجهه لگيت احسين نايم
گعدت يمه وشبعوني شتايم
صحت بصوت يا تاج العمايم
صواوينك ترا راحت غنايم
#اللهـم_عجـل_لوليـك_الفـرج
مشترك خدام فاطمة «صلوات الله عليها»
سيد محمد تقي الزاملي وتقي العطار
__
الك ياربي شكوتي برحمتك دمعي استقر
إن في الفقدِ فؤأدي زاد في فرض الضجر
انه ابو السطره الثجيله منحني وضهري انكسر
حيدر المالان بأسه بلوجد كلبه استعر
لك اشكوه مصابي يالهي
زاد حزني وعذابي يالهي
ضاق في الهم رحابي يالهي
.
حزني دايم والمي
كلبي بفراكج ضمي .. يازهراء
المن اشكي غربتي
وحزن كلبي ومحنتي ... يازهراء
__
باب الله الزهره لاجن هدو عليه العده
فاطمه كسرو ضلعها وانه گلبي ما هده
بيدي غسلت الزجيه وشفت بلعين شسده
ومن شفت سطرتها فاطم گلبي ناح الوحده.
حيدره حامل حميه . بهل مسيه
دمعتي بعيني جريه بهل مسيه
گلشي مات ويل زجيه بهل مسيه
حيدره داره خلي
وحده ضل ينحب علي ..يازهراء
المن اشكي غربتي
وحزن كلبي ومحنتي ... يازهراء
__
الدنيا مارحمتها فاطم شسوه بزهره الزمن
من بعد طه ومصابه هاجت عليها الفتن
منعو عيون الزجيه عل هجر لمن بجن
كطعو عليها الاراكه وفاطمه ام الوطن
ماكفو كسرو ضلعها ياوجعها
حرمو الزهره دمعها ياوجعها
وماتت وتكتم وجعها. ياوجعها
ماتت ومحد علمها
شنو بزهره اللمها يازهراء
المن اشكي غربتي
وحزن كلبي ومحنتي ... يازهراء
__
الحسن مايقبل يهود عايش خلافج رعب
عايش خلافج حزين ودمعه علوجنه يصب
شلون يهده وشاهد امه گباله لمن تنضرب
وامه مكسوره وتحلفه خلي گلشي بلگلب
ادري دمعاتك تلالي يادلالي
ضم ييمه الي جرالي يادلالي
لا تسوالف يابني حالي يادلالي
لا تسولف بجره
ادري يجرح حيدره يازهراء
المن اشكي غربتي
وحزن كلبي ومحنتي ... يازهراء
__
انه حلال المشاكل مالكيت العلتي حل
كلشي راح وياج فاطم علي بفراكج ذبل
فراكج الكاسر دليلي دمعي بغيابج نزل
شكد تمنيت بغيابج يكرب اعليه الأجل
أن في الفقدِ أنيني كلميني
فاطمٌ لا تتركيني كلميني
ضلمه في الفقدِ سنيني كلميني
يصعب عليه الحجي
من اكومن انتجي.... يازهراء
المن اشكي غربتي
وحزن كلبي ومحنتي ... يازهراء
__
عن صفيتك قل صبري وزايد عليها الوجد
الحزن مذموم طبعه وعلى فاطم ينحمد
حزني ماافكه اعلى فاطم جرح بيه يتقد
ويه كل مصباح يطلع حزن فاطم ينولد
وياج ماتت ذكرياتي من مشيتي
شلون اخلصها حياتي من مشيتي
كمت اتمنه مماتي من مشيتي
جهلو الكوثر كدرها
وماتت ومخفي كبرها .. يازهراء
المن اشكي غربتي
وحزن كلبي ومحنتي ... يازهراء
__
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
يالچنتي تنوميني عاليدچ
بنيتچ زينب يمه تريدچ
يمه بوحشة ليل افراگچ
فزيت وماگلتي ابهيدچ
يمه الظلام يعيل • صوتچ امان الليل
ــــــــــــــــــــــــــــــــــــــــــــــــــــــــــــ
يالچنتي اماني شلون يايمه تخليني
ولو فزن توالي الليل لحضانچ تضميني
يگولون الحچي اليجرح انا السكته تاذيني
فزيت وهدوء الليل وفزت دمعتي بعيني
تدرين الام هيه الخيمه • يالرحتي وعفتيني يتيمه
انفاس التصعد تلچمني • اه من اغيابچ ياضيمه
فگدچ يريد الحيل • صوتچ امان الليل
ــــــــــــــــــــــــــــــــــــــــــــــــــــــــــــ
هيه الام حرز بالبيت وهيه الخير والنعمه
ينزل ترس ايديچ الخير لو تدعيلنه بدمعه
نورچ يضوي ضلمتنه ماكو داعي للشمعه
لذت عيني وجهچ چان بعدچ ريتها تعمه
ريتچ هالساعه تشوفيني • فگدچ ذبل روحي وعيني
زينب يمه من تگوليها • شمحلاها وانتي تناديني
يالچلمتچ ترتيل • صوتچ امان الليل
ــــــــــــــــــــــــــــــــــــــــــــــــــــــــــــ
بيا گلب احتمل فرگاج بغيابچ تشلعينه
تره غيابچ ثگيل هواي وحيدر راد اليعينه
آنا ويالحسن وحسين ضلعچ يمه ياذينه
اشتگولين بطفل ويشوف امه تنازع بعينه
وحتركت وي بابچ روحي • ماتطفيها دموعي ونوحي
شلال الينزل من عيني • وبركان يفور من جروحي
نجمعن جمر والسيل • صوتچ امان الليل
ــــــــــــــــــــــــــــــــــــــــــــــــــــــــــــ
اعله حنيتچ ربينه زغار بعدنه وردنه حنيه
يالعطرچ مسك بالبيت علاج يطيب الريه
يانسمه انتي وشتمچ يانبض اليدگ بيه
تره الدنيه وجود امنه ومن اتروح مگضيه
انتي الحب وانتي الطيبه • وافراگج يايمه امصيبه
والفارگ مثلچ لو عمره • خمس سنين يبين شيبه
رحتي وجرعت الويل • صوتچ امان الليل
ــــــــــــــــــــــــــــــــــــــــــــــــــــــــــــ
اليكسر گلبي يايمه مچانچ لو شفت خالي
وگلبچ هم اكسرنه لو عينچ تصد حالي
من اگَلّب ذكرياتچ ذيچ دفاتر الهن ابالي
يضل يترجه طيف يجيه يايمه الفگد غالي
يالمبعد وجهچ عن عيني • ويالصعب اعليچ تلاگيني
يالمافارگتچ كل عمري • اقبل بالطيف اتمريني
ليش التحبه يشيل • صوتچ امان الليل
ــــــــــــــــــــــــــــــــــــــــــــــــــــــــــــ
شنو ذنب امي ياعالم يجاوبني ردت واحد
القبلنه تنطي لليحتاج الدفعها شيطلب ورايد
بس تالي ذكرت چلمه بغضب گايلها الحاقد
من گالوله بت من هاي وأن گال النبي الوالد
الثاني الحلل كسر ضلوعچ • بالطف باچر يطفي شموعچ
وتحز نحر احسين افعاله • ودم تجرين عليه ادموعچ
تطحن ضلوعه الخيل • صوتچ امان الليل
ــــــــــــــــــــــــــــــــــــــــــــــــــــــــــــ
📝: محمد عباس المشعلاوي
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
ملحن خادم الحسين
ملا عباس ركابي
القصيده .. (هنا يرحمتك )
ذابل وحيلي انهدم
روحي ماتت بالألم
زهراء ..
----------------------
روحي مجبوره أبحزنها
تبچي من فگدت وطنها
بجرح معگوده وتناطر
هلبت ترد نسمه منها
ياما عشت الغربة بفراگ الوطن
وهيه شنهي الدنيا من دون أم حسن
روحي تحتام إعله ثلمه من العمر
وگلبي مالوم بجرح من الـ و إن
أبچي وجروحي رسمها
صعبة أفارگ أني أسمها
حرف من أسمي أنثلم
الزهره ماتت بالألم
زهراء ..
----------------------
الموت ضيع مني گمره
شنسه منها وهيه زهره
الجرح المأذيهه ريته
بيه كون وبيه عصره
بيش أطفي الشوگ لو جمره أشتعل
وبس صبر موجود يم گلبي الذبل
كابرت و جروحي تلسع بالگلب
والخضار الـ بيه من راحت رحل
تنوح سكتة من وجعها
وتخفي ونها وكل دمعها
ترد لعيوني حلم
الزهره ماتت بالألم
زهراء ..
----------------------
حزني لوحة وبي رسمها
وجرحي باب بأثر دمها
التعب بين على عيوني
من طفت شمعة أسمها
عيوني بالصفنات والدمعه گضت
و ناري مشتعله لجرحها ولا طفت
وشوگي ياخذني لگبرها بكل مسه
أذكر بحرگه الجره ولمن بچت
وحشة داري من بعدها
ذبلت عيوني وسعدها
الباب نازف منه دم
الزهره ماتت بالألم
زهراء ..
----------------------
غربة روحي وداري غربة
و گلبي صار الحزن دربة
ليش ما مر موتي بيه
و روحي صارت جوه تربة
چانت اسنيني حياة إبلا جرح
وياها عشت بطيب شوصف يا مدح؟
ما تعب لوني ولا شفت الحزن
ولمن ماتت طفة كل وجه الصبح
يلچم بگلبي الدفعها
ما شفى كسرة ضلعها
بگلبي صوبني سهم
الزهرة ماتت بالألم
زهراء ..
----------------------
علي العصفوري
قنواتنا
/channel/h_ameer1 /channel/h_ameer2
/channel/h_ameer3
/channel/h_ameer4
هــــاي الدمعِه يا زهــــــراء اقبليها
بسجلچ یم حسن مولاتي سجليها
^^^^
سجليها بسجلچ كـــــون مقبوله
تــــــره الصعبه اذا انخاچ محلوله
وعن هاي المجالس انتي مسؤوله
وكل هاي الخدم انتي تعليها
^^^^
عدنه اذنوب بس انتي شفيع النه
يا زهــــــراء صحنه بيـچ امنــــه
مولاتي بخدمتج نـــــدخل الجنه
الخدم حاشاج محتاره تخليها
^^^^
سجليني بسجلچ انـــه اوزع ماي
للمجلس گضیت العمر رایح جاي
نتعنه المجالس حتى لــــو حفاي
عليچ العین یا زهراء اعميها
^^^^
قمت مجلس للحسين انتي احضريني
الچ شكـــــــرآ جـــزيلا لــــو تقبليني
عليچ حسین یا مولاتي سجليني
عندي اذنوب كلفه وانتي تمحيها
^^^^
انتي اعلام شلي بكامرة تصوير
اقبليني اعله صوتي ما احط تأثير
كبر حمزه رغم ما اسمه حمزه صغير
كل هاي الخدم انتي تعرفيها
^^^
اظل خادم لحد ساعات الاجنازه
خدمتي بالگبر تصبحلي عكازه
المثلكم بيش يا مولاتي يتجازه
ساعات الگبر مولاتي احضريها
علي جبار الكعبي
الفاتحه لوالدي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
نارٌ وأحطابْ
وصوتُ قلبي...باسمِ العقيدهْ...أهلاً بمقتلي
لَنْ أتركَ البابْ
إعلانُ حبِّيْ...أقضي شهيدَهْ...بينَ يَدَيْ عَلي
بالضلعِ أفتديْ
بيعةَ سيِّدي...أهلاً بمقتليْ
////////////////////////////////////////////////
هالحرب ما دام لعلي شيصير خيصير الوضع
فنها بسمامير العدو أتغير قرارات الضلع
الهايم بطاعة سيده ما يهتم لباب الجذع
منْ أجلِ عينَيْ سيِّديْ الكرارِ
أسلمتُ هذا الضلعَ للمسمارِ
هذا اختيارُ اللهِ واختياريْ
ألسوطُ في ويلْ
ما رفَّ جفنٌ....لعينِ مَتْني... والحقُ مطلبيْ
وليشهدِ اللَّيلْ
أُخْفِيْ أنيني..عن قلبِ حيدرْ...خليفةِ النبي
أكَّدَ والديْ
بيعَةَ سيديْ
///////////////////////////////////////
حسبالهم من أنچوي بالنار بالي ينشغل
التفت بلّه ليا حطب وگلب ابن عمي مشتعل
وما دام جفي بجف علي شيريد خل يحجي الحبل
حتى وإن صفعتُمُ جبيني
إنِّي أحامي ابداً عن ديني
وعن إمامٍ صادقِ اليقينِ
ذي جذوةُ النار
دون الولايهْ.... برداً أراها...بالحبِّ أحتميْ
هلْ عتبةُ الدار!!
تدري بأني...هيأت نفسي...للأرضِ أرتميْ
أريدُ مقصديْ
بيعَةَ سيدي
///////////////////////////////////////
آنه ام ابوي المصطفى يوم الكسر يوم السعد
يحلم ضجيج اهل الغدر يگطع كلامي اويه الولد
يردون عالكاروك أون والمحسن امطلگ المهد
طفليْ فداءُ سيدِ المحرابِ
ما ماتَ بل عاشَ وراءَ البابِ
أعلنَ يومَ النصرِ في الأعتابِ!
للكسرِ إعلانْ
دمعي دليليْ.... عنهُ البقيعُ…يحكي مدى الدَّهَرْ
في بيتِ أحزانْ
ضلعي سيروي...عنْ قبرِ طفلي…فما لهُ أثرْ
أعطى لأحْمَديْ
بيعةَ سيديْ
///////////////////////////////////////
جايب لبيتج فاطمه اتلثميه گالولي وكسر
مايدري ابو كلمة و ( أن ) متوّطنه بالباب انعصر
لخاطر امامي المرتضى وافقت بعيوني انسطر
يا نفسُ من بعد الحبيبِ هونيْ
وبعده لا كنتِ أن تكونيْ
هذا عليٌّ ساهرُ العيونِ
الدهر خوّان
تباً لأمهْ....عادتْ علياً..وتابَعَتْ زَفَرْ!
القلب لهفانْ
يبقى حسينٌ...بعدي يتيماً..يصارعُ الخَطَرْ
يشهدُ في يديْ
بيعةَ سيديْ
////////////////////////////////////////
ومن هجمو أشباه الزلم الساني بالقائم لهج
مقهوره اعاين للسمه ولوليدي ادعي بالفرج
يارب علي لخاطر علي عجلّه خيفرح المهج
وإنَّ كسر الضلع ليس ينجبرْ
الا بصمصمام عزيزٍ مقتدرْ
لأجلهِ حتى الظهورِ أصطبِرْ
في الكفِّ آثارْ
أدعو إلهي ....ليلاً مساءً…عجِّلْ بمنتظَرْ
نهضاً إلى الثارْ
فاصلبْ فلاناً...واصلبْ فلاناً..جهراً على الشجرْ
يطلبُ في الغدِ
بيعةَ سيديْ
اللهم عجل لوليك المنتقم الفرج
احمد ماجد الركابي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
ماتت الزهره وعلي ناعيهه
وعلگبر عين الولي جاريهه
--------------------------------------
ماتت ام حسين وحسين انكسر
زينب الحوراء ذبلهه السهر
آه يا حال الحسن ضيم وقهر
شاف حيدر من يچفن بيهه
-----------------------------------
راح نور البيت والبيت انهدم
ويلي علزهراء بس آه وألم
يم ضلع مكسور چن كسرة سهم
والدماء اعله الارض جاريهه
-----------------------------
دافن الزهراء والمدمع يهل
والدموع تصيح شيرد الشمل ؟
آه يم حسين فگدچ مو سهل
اليوم ظلت دارچ بذاريهه
-------------------------
وسداهه وصاح فاطم يا هلي
گعدي مو تدرين ما يحمل علي
يا فرحتي وصار موتچ موت الي
الدنيا بعدچ ما ردت طاريهه
-----------------------------
چفي لتهيلين تربان الگبر
هونچ تاذين ضلع المنكسر
شلون جوى الگاع مدفون العمر
هاي صعبه وما كدرت اعليهه
----------------------------
گلبي بيت احزان وبروحي الونين
توهه عشرتنه ابتدت چا رحتي وين
شلون اباوع للحسن ويه الحسين
شلون ويه شلون شيگضيهه ؟
---------------------------
شلون ارد للبيت ولزينب شگول ؟
عظم الله اجرچ يميراث البتول
استعدي الكربله وسحگ الخيول
وچثه تربان ودمى تغطيهه
كلمات الخادم / رعد الفريجي
28 / ربيع الاخر / 1448
ثوابها الى روح والدتي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
#هوسـة
اندفع باب الزچية وطايح اعليها
وامهشم ضلعها وحيل ماذيها
مختنكة وتجر النفس مابيها
يالمهدي اظهر طيب ضلوعي
فاضل الجهلاوي
ياعظم هاي المصيبه .... غابت اليوم الحبيبه
إنـه حمـاي الـحـمـه ..... ويـن ادفنـج فـاطــمه
يالحبيبه ... يالحبيبه
...........................
يا نسمت هوه المخنوك يالحره
ياگــبر اليظمـج فاطمه الزهره
حيدر من غيابــج منكــسر ظهره
يم حـسن لا تمـشين يايذيــني ليلي
ماضل بعد كل حيل غير انتي حيلي
موسهل يجرح غيابج ....ناحت الدنيه عله بابج
ليش بابـج بي دمـه ........ ويـن ادفنـج فـاطمه
يالحبيبه يالحبيبه
..............................
ياعشكي وحياتي ويانظر عيني
ليش بغيبتج يالزهره تاذيني
يابضعت محمد ياضــوه سنيني
ياشمعت المختار وغله من العيون
عـدله انتي وأنه اشتاك لودفنج اشلون
اندفن كون بمجانج ..... ابد ماكو من حنانج
غابت نجـوم السمه ....... وين ادفنج فاطمه
يالحبيبه يالحبيبه
..........................
ياجــرح النحبهم موسهل يشفه
كلـفه اجـروح گـلبي يم حسن كلفه
كل بسمه الـتمرنه اتـموت عالشفه
كل فرح ما شفنا من فـكد الأحباب
كون إنه اصير وياج هــم جوه الاتراب
نشيع اليوم النودهم .... ويبقه بثابي عطرهم
الدنيه صارت مظلمه ...... وين ادفنج فاطمه
يالحبيبه يالحبيبه
..........................
أول مــره مـا تحمـلني رجـليه
القالــع باب خيبر حيـل ما بـيه
ياحــزن المصـيبه النـزلت اعليه
ما يـخفه من فرگـاج ظل عالي نوحي
ريت بـگـبر وياج مـدفونه روحي
ناحت عليج المدينه .. وامشي بدروب الحزينه
روحي ضلـت هايمه ...... وين ادفنـج فـاطمه
يالحبيبه يالحبيبه
...................
الله ويـاج اصيـحن يا حلم عمري
ريت مـچان صـدرج منكسر صـدري
ولا شوف الـدمه عالمغـتسل يجـري
يجـري الدمه ياحيف من صـدرج اليوم
اوما قصروا وياج من هجموا الكوم
ردي مجروحه لمحمد. .... والحزن بينه تجدد
صار كل عمري ضمه ..... ويـن ادفنــج فاطمه
يالحبيبه يالحبيبه
.................
الشاعر خالد جودي العارضي
قنواتنا
/channel/h_ameer1
/channel/h_ameer2
/channel/h_ameer3
/channel/h_ameer4
عَنْ فاطِــمٍ فَحَـــدِّثي يا (فضَّةَ العقيدهْ)
يا شاهداً حـــيّاً علـــى ظُلامةِ الشَّهيدَهْ
نادَتْكِ ســنِّديني
بالدَّمعِ والأنِيـــنِ
١/خَادِمةَ الزَّهْراءِ يا...مَنْ نِلْتِ أعْلَى الرُّتبِ
فمَنْ سِواكِ "فضَّةٌ"...أَخْجَلتِ وَجْهَ الذَّهَبِ
يَسْألُكِ التَّاريخُ ما...شَاهَدتِ مِنْ بنتِ النبي؟
لا تتركيهِ جَاهِلاً...هُزِّي بجِذْعِ الرُّطَبِ
عَفْواً ! بِجِذْعِ البَابِ هُزِّي وَهْوَ ذُو شُجُونِ
فعنــدَهُ تَفْصيلُ ما جَنَتْ يَدُ الخؤونِ
أَرْجُوكِ جَاوبِيني
بالدَّمعِ والأنينِ
٢/مِنْ شِقِّ بابٍ مُضْرَمٍ...بكفِّ حِقْدٍ آثِمهْ
قَدْ جاوَبتني فِضَّةٌ...فاسْمَعْ جَوابَ العالمهْ:
لا تَدْعُني خَادِمةً...أينَ أنا والخادمهْ ؟!
فوحَدَهُ جبريلُها...يُدعى "بعبدِ فاطِمهْ"
كانتْ إذا ما همستْ تنكشفُ المدارِجْ
فأَنظُرُ الأملاكَ بينَ نازلٍ وعارِجْ
ليومِها الحزينِ
بالدَّمعِ والأنينِ
٣/مِنْ "مَلِكِ الهِندِ" إلى الهَادي مشى الدَّهرُ بِيا
وثمَّ أهداني لــها...فـأصبَحَتْ كــ"أُمِّيَا"
تقولُ يا "أُخيَّتي"...فأيُّ أخلاقٍ هِيا!!
كنتُ لها مُعينةً...كانتْ مُعينةً لِــيا
سالتْ دماً كفوفُها كيْ تطحنَ الشعيرا
آهٍ وماتتْ تشتكي كفُوفُها السعيرا
مِنْ حطبِ اللعينِ
بالدَّمعِ والأنينِ
٤/إسمُ عليِّ المُرتضى...في ثغرِ بنتِ المُرْسَلِ
لا ترفعُ (الجَرَّةَ) إِلَّا إِنْ دعتْ بِاسْمِ الولي
لكنَّها مُذْ عُصِرتْ...أبْكتْ زوايا المنزِلِ
"يا فضةٌ" نادَتْ هُنَا...لا لم تنادِ "يا علي"
خُطُّوا على الأبوابِ "يا فضَّةُ سنِّديني"
كذا على جُدرانِكُمْ "قَدْ أسقطوا جنيني"
أهوتْ على الجبينِ
بالدَّمعِ والأنينِ
٥/طاغوتُهُمْ يَصْلى غداً...في نارِ ضِلعٍ مُؤصَدهْ
كمْ ضربَ الزَّهراءَ حتّى ألَّـــمَ الضَّربُ يدَهْ
صبَّ سوادَ قلبِهِ...بِمتنِها وسوَّدَهْ
يجلدها، يلطمها...يركلها، ما أحْقَدَهْ!
أمامَ عيني سقَطَتْ محْمرَّةَ اليديْنِ
تشيرُ لي أنْ أُبْعِدَ السَّوطَ عَنِ الحُسينِ
مكسورةَ اليمينِ
بالدَّمْعِ والأنينِ
٦/فــارقْتُها لِساعةٍ...وفِي خيالي مَثُلتْ
فِـراشُها مِنْ (جِلْدِ كَبْشٍ) فوقهُ تململَتْ
رُحتُ لِدَفنِ مُحْسِنٍ...في حُفرةٍ قَدْ جُهِلتْ
خَطَّ عليٌّ فوقَها:..."بِأيِّ ذنْــبٍ قُتِلتْ"
ألْقَى عليٌّ سيفَهُ بقُرْبِهِ ونَاحَا
يشمُّ قبْرَ مُحْسِنٍ ويطْلبُ السَّماحا
سلِّمْ على الأمِينِ
بالدَّمعِ والأنينِ
٧/ولستُ أنسَى حيدراً...قبلَ انطفاء الشَّمعةِ
يسألُها عَنْ حالِها...ممَّ بكاءُ البضعةِ؟
خاطَبَها بِلفْظةٍ...لليومَ تُجْري عَبْرتي
ما قَالَ : يا فاطمةٌ...بَلْ قال :يا سيِّدتي*
وفاطمٌ قدْ أخذتْ مِنْ خدِّه الدُّموعا
"بدمعةِ المظلومِ" راحتْ تمسحُ الضُّلُوعا
تُشفى ، وَذَا يقيني
بالدَّمعِ والأنينِ
*ورد في الأسرار الفاطمية نقلا عن البحار أن أمير المؤمنين (عليه السلام) رأى الصديقة الزَّهراء (عليها السلام) باكية عندما حضرتها الوفاة فسألها: يا سيدتي ما يبكيكِ؟!..الخبر
علي عسيلي العاملي
#أبوذيـات #ندبـة
يـمـن حـبـك صُـبَـح كـعـبة وحـجّـه
ويـمــن للـديـن بــرهـانـه وحــجّــه
اجـعَـلَـك ربـنـه إمــام الـنـه وحـجّـه
الـعـجـل يـا صـاحب الـطلعة الـبهيّه
الگـلـب عــاش ابمراعي الهم وتربـي
تگطــعـن كـلـهن ومــا ظَــل وتـربـي
إلـــك شـخْـصَـت نـواظـرنـا وتـربـي
شُــخـوص الــغـارچ ابـمـوج الـمنيّه
جابر الكاظمي
#اللهم_عجل_لوليك_الفرج
عافتني راحة گلب
كـلمـن خـذاله درب
أسـهـر واعـاتـب بـابي
مارد حبيبي اجـوابـي
كـلمـن خـذاله درب
ـــــــــــــــــــــــــــــــــــــ
واگـف على تـراب الگبر وبصدمه ضلت روحي
معقوله ماتت فاطمه وضليت أنا اويه جروحي
چني ضوه مغـرب صرت مخنوگ گلبي بنوحي
مـو الاولي بـدونـچ تـره والكسره ضلت تـوحي
ما اريد اروح امن الگبر .. بس فدوه اروحلچ
احساسچ يواسي الگلب .. ومـا غيروه منچ
ما جنها مطفيــات السنين
اتخيلچ وي روحي تمشين
وكلمن خذاله درب
ــــــــــــــــــــــــــــــــــــــ
بليـل الهجر مـا غمضت عشت العمـر بالگوه
يا فـاطمه راحـت بـعـد كـل ذكـراتـچ حـلـوه
أنه علي شلون انكسر من جرحي گمت اتلوه
حطيت أديه اعله الگلب غيرچ بعـد ما يهوه
ضليت اباوع للسمه .. أهمل دموع الخجل
تهضمني عالباب الدمه .. مكتوله أم وطفل
شلون ندفع بابي حرامات
تبچي الـترافه والحمامات
وكلمن خذاله درب
ــــــــــــــــــــــــــــــــــــــ
بيا خير اصابح والصبح مابي بـعد كـل گمره
شنهو الدفنته انه بگبر دافن ضوه لو زهره ؟!
عودني جدمي ابلا وعي يمشي الچ بالكسره
بدونچ وصلت المرحله يافاطمه شگد خطره
مسرع مشه اوياچ الوكت .. فرقنه يأم الحسن
اثمنطعش عام اطشرت .. اشموعج امن انطفن
وأضلم اعليه اليوم هالدار
من دونچ أنه هواي محتار
كلمن خذاله درب
ــــــــــــــــــــــــــــــــــــــ
شحجيله ويطيب الجرح يالشوفتچ مـا تـنعـاد
حاولت أكـابر فاطمه بس والله كلشي مـا فـاد
سيوف الوكت يمطر عليّ وسيف الهجر كل حاد
وهـذا العمـر مـن غيبتچ مـا ينحـمل ما يـنـراد
مرّ الصبر كلما احن .. والغربه ما تنجهب
بعيني سوالف ماتفص .. ضل الحزن لليحب
بالله اشيرجع العمر لو فات
گلبي انترس يالزهره شوغات
كلمن خذاله درب
ــــــــــــــــــــــــــــــــــــــ
كلما شفت دمع الحسن امنالدنيه كلش اختنگ
سوو عـزه اولادچ تـره جا حگه گلبي يحترگ
نعايه زينب من تؤن كل دمعه اشوفن تنشبگ
فـگـدچ تمنيته حلـم بس عيني گالتلي صدگ
يرسملي وكتي شگد ألم .. ما ينحمل هالوضع
باجر تشب نار الخيم .. من عگب كسر الضلع
والدنيه هيه أيـام وأيـام
زينب تروح النوب للشام
كلمن خذاله درب
ــــــــــــــــــــــــــــــــــــــ
- خيري الصفراني
بحاجة لدعائكم كثيرا
وعذرا لله وآل محمد ولكم
عن التقصير بالنشر 🙏