921
قصائد حسينيه مكتوبه
مايله الدنيه وي عمتج مايله
.........
عطشانه اشوفج واني عطشانه
بالضيم حاله العافته اخوانه
راحت زلمنه وطايح الوانه
وباجر يساره ومحد ويانه
وحدي اركض والمدامع سايله
مايله الدنيه وي عمتج مايله
................
اصبحنه ويهلنه وننحب امسينه
نسوان ماضل زلمه يحمينه
عباس طاح ونبتله ابعينه
والخيل طحنت صدرابواسكينه
منين اجيبن كافل الهل عايله
مايله الدنيه وي عمتج مايله
.........
ذيج النشامه الترهب البيده
صارت بعد رجعتهم ابعيده
يبنيتي كولي الماي ماريده
كوسر هلج مذبوحه اجاويده
طاح بيتج والعمودالشايله
مايله الدنيه وي عمتج مايله
.........
كلفين اهلنه وللبخت ثايه
وشيوخ كوم وماهي ودايه
خليج صلبه وكد الحجايه
من عمت عين العلكمي ومايه
راحت اجفوف الترد العايله
مايله الدنيه وي عمتج مايله
.......
شيبرده كلبي الجنه عطابه
وجوه الضلوع امخزن اصوابه
عمه المسير اطلابته اطلابه
وبيه الهظم واصل للعصابه
اجروح اجت فوگ الجروح الحايله
مايله الدنيا ويعمتج مايله
.........
يسكينه عمتج حيل مابيها
ماسادي بالدنيا السده اعليها
عمه المره من ايشيل واليها
محد يرف كلبه البواجيها
ليش هيج يصير وانه اشكايله
مايله الدنيا ويعمتج مايله
--------
ال صالح البدري 2026
سولفيـــلي من مشيـــتي ويالشـــمر زينـــب سبــيه
سولفيـــلي شـلـون صـارت عـالـهــزل نـومـت رقـيه
شلون وضع اعيالچ**ياهو ضل يبرالچ
***
يــاهــو زيــنــب لـلــحـــرم ضـــل بــعــدي خــيــال
يــاكــفــيــل الـغــيــر چـــفــي يــبــاري الـــعــيــال
صــدگ بـچـــفــوفــچ يــخــويــه شــــدوا احــبـــال
صــــدگ جــــفـــنـــچ بــالــدمــــع يالحــره همــال
سولفيـــلي من لـگـيتـي عله النـهر مگـطـوعه اديـه
سولفيـــلي هــم عتبـتـي وگـلـتـي وينـك رد عـلـيه
الضيم شاغل بالچ**ياهو ضل يبرالچ
***
أحــچيـلي مــن طــلعـت ســكــينه خــايـفـه الــنـار
أحـچيــلي مــن ركـضــت رقــــيـــه زيـنـب شــصـار
وذاك ســوط الــي طــــبـــع بــمــتــون الــصــغــار
شـلـون كـلـبـــچ بـالــحـرم ضــل خــويــه مــحــتــار
سولفيـــلي أنـتـخـيـتـي أبـيـمـن ويـاهـو الفــزعـلـچ
سولفيـــلي وچـنـتـي بحـچـايـة زعل مـحـد يزعـلـچ
من بعد كفالچ**ياهو ضل يبرالچ
***
ارد انــشـــدچ عــــن يـتــيــمـه عــنــد الـحـســيــن
ويـــــن وداهــــــا الــــوكـــــت يــازيــنــب الــويــن
مـســلـم الــخــلــه حــمــيــده گــــرت الــعــــيـــن
بخــيــمــتــچ ضــلــت أمــانــه وانـــتـــي تــدريــن
سولفيـــلي مـن فــزع عــســكـر يـزيـد شـصـار بيـها
سولفيـــلي الگـيد هـم كـص وجـرح مـعـصـم أديـها
الصار كولي بحالچ**ياهو ضل يبرالچ
***
هــاي عــيــنــچ شــافــت انــــواع الـــمـــصـــايــب
ادري گـــلـــبــچ بــالــهـــظــــم يــاخــويــه ذايـــب
عــــن مــحـــنـــتــچ يـــاوكــت عــبـــاس غـــايـــب
وســفــه عــشــتــي بـكــربــلــه مـوت وعـجــايــب
سولفيـــلي عالعــطــش ذاك الــذي فـطــر دلــيلـچ
سولفيـــلي بغيـبتي زيـنب صــدگ سطـروها عيـنـچ
انشاف بعدي اخيالچ**ياهو ضل يبرالچ
***
شـلــون حـالـچ مــن سـمــعـتـي حـســيـن ذبـحـوه
ودارت أعــلــيــه الــــزلـــم صــوبـــيــن حـــاطـــوه
زيــنـب وصــدره الــحــنـــيــن بــخـــيـــل داســـوه
گــطـــعـــوه ومــــن لـــذيـــذ الـــمـــاي حـــرمــوه
سولفيـــلي مــن طلـعـتي من الخـيم صـوبه ركضتي
سولفيـــلي بهالـمسـافه بنت علي چـم مـره طحـتي
وأنفطر دلالچ**ياهو ضل يبرالچ
***
شـلـونــهـا الـمـغــرب وحــشــتــه وجِــيــت الــيــل
وســــوط بــمـــتــون الــيــتــامــه گـبـالـچ أيـعـيــل
صــدگ هـــزلــه نــاگـــتچ مــن تـمـشى أتــمـــيـــل
صــعــبــه مـــابـين الــغــرب ودمــوعــج اتــسـيــل
سولفيـــلي چــــم يتــيم الـضـاع منـچ چــم يتـيـمه
سولفيـــلي نـار گـلـبچ مــا طــفـت مــن الهـظـيـمه
بس حزن صافلچ**ياهو ضل يبرالچ
***
خادم اهل البيت(حــمــزه فـاضـل)
روي عن الرضا (عليه السلام) أنّه قال لابن أبي نصر:
«يا بن أبي نصر أينما كنت فاحضر يوم الغدير عند أمير المؤمنين (عليه السلام)
فإنّ الله تعالى يغفر لكلّ مؤمن ومؤمنة ومسلم ومسلمة ذنوب ستّين سنة
ويعتق من النار ضعف ما أعتق في شهر رمضان وفي ليلة القدر وفي ليلة الفطر».
📚مفاتيح الجنان
قناة كلش حلوه وتفيدكم منشوراته كلش حلوه
Читать полностью…
شمقدِّم آنه لخدمتك
وبالخدمة اگولن آنه
ما طالعة اختي بمعركة
واطفالي ما عطشانة
منطيني عبد الله بسهم
شفافه بعطش ذبلانة
ومنطيني الأكبر مهجتك
مثل الصحاري السانه
يا إمامي الدنيه عَثرة
وخدمتك اكبر سَنَد
لا تهدني لنفسي طَرفت
عين يامولاي أبد
وكّلتها اعليك عيني
من سويعات المهد ،، وگتلي من جد وجد
والباقي من هذا العمر
بلكت تِكِفله انت
واتمشّي راحِلته
يم جمر الخيام
خايف عله ايام التجي
يصبح ذنب حبك
ويصبح خلي دربك
وما تلگه خدّام
======================
تجذبني خايف دنيتي
وخاف ايتغيّر حالي
لكاس التطوّر أنجذب
ودربك وَهَم حسبالي
ثَبِّتني يابن فاطمة
ودوِّنها هاي اقوالي
ماريد اعوفك ياجرح
والسبب سوء أعمالي
هذا اسمي وهذا لوني
كلّه من خيرك تره
رايد افخر بالخدامة
واحچي عن هالمفخرة
اباب حبك خلني باسط
اچفوفي يبن الطاهرة ،، اعليك سبع الگنطرة
بيبان جرّبت شكثر
شنطاني چف غيرك؟
ماكو مثل خيرك
شما جرّبت باب
شما ينوي گلبي اعله السفر
انت اتّجاهاتي
اگصدلك بذاتي
ويّه الهوه الهاب
======================
خاف بسبب بُعد الگلب
تحرمنه من الخدمة
بالنعمة نشعر إله إذا
نفگدها هاي النعمة
إنطه لأجلنه منحره
وكمّل عطاءه بهِدمه
ايبچّيني كون بمجلسه
أول حرف من اسمه
گَلُّب اوراق العشتهن
واقرا بالوكت المضه
تگعد اتنوح اعله عمرك
البلمجالس ما گضه
ياگلب والماله دمعة
ماتنفعه الموعظة ،، وباليريده ما حظه
يا گلبي الطمله صدگ
ابچي اويه ناعيّه
وعيش بحسينيّة
ولا تشفي الجروح
كل خوفي باچر يا خلگ
ما نلگه نعّاية
ونتحسّر اقراية
ودمعة اعله مذبوح
======================
وشغيّر اعيون البشر ؟
چا وين ذيچ الدمعة ؟
چانت تذوب بمجلسك
الخدّام مثل الشمعة
خاف بسبب هذا البُعُد
حتّه العزاء إتمنعه
ونتحسّر وما نلگه الك
يحسين ناعي الينعه
حظّر امتاعك يگلبي
وامشي بجروحك إله
بالدمع إگصد واطلبه
وخلها تمشي القافلة
گلّه يالضامي إخذني
من حياتي لكربلة ،، بعلي الأكبر إسأله
واضب على دمعك لأن
ماتدري تاليها
دنيانه وشبيها
وتسيرك لوين
ذخرك دمعتك واللطم
لو تاهت الوادم
يتمسّك الخادم
بچفوف الحسين
======================
محمد جبر الدراجي
#اللهم_عجل_لوليك_الفرج
#محرم_١٤٤٧_هــ
ليلة سابع
يا عزوتي وفينه وحمانه
عفت الخيم شبت ورانه
چا غير أبوي عليه وصاك
جا غير امانت حيدر انه
عباس وينك صحت
يم طيحتك كضيت ضهري
مو وكتك انت طحت
ومحد ركض طفالي خدري
يا تعب عمري رحت
الحاسبته مثل حساب بزري
ابستر الخيمه حلفتك
أكعد شوف حال أختك
فزلي الخاطر الخوه
بزري يروحلك فدوه
اعز من بزري حاسبتك
@@@@@@@@@@@@@@@@@@
دمعي الوگع فزز ضميره
ميت وگصته تبدي غيره
انه الأجت بحماك عباس
وبحماك أجت كل العشيره
صيوان هاشم يشب
فوگ الجمر مشوهه اختك
الشوگ مو للعذب
كل شوگنه چان الرجعتك
ترضه الحرم تنسلب
بنص الزلم ترضه بحرمتك
جبتني وگايد الناگه
صعبه أتقبل أفراگه
بلكت اسمع البشري
نخيتك يابعد عمري
جيتك حيل مشتاگه
@@@@@@@@@@@@@@@@@@
بلخيمه نار الغربه طوفي
من الجدم للراس خوفي
طاح البنالي الخيمه عباس
كتر الشريعه ندار شوفي
شبعانه خوف وهضم
بلضيم حال أخته الحموله
خلوني أشبع الطم
ارد اهد متني فوك طوله
حجاياتهم بلعضم
سم تنگط حجايت هذوله
هاي الشده شيحلهه
وصاحو وين كافلهه
گلبي الخاطرك بزني
ﭢموت ومايكف حزني
نسبت ذيج المدللهه
@@@@@@@@@@@@@@@@@@
عباس اشوفك كون حلمي
حرصك گبل جان عله سمي
لمن طحت ماتتدري بالصار
حسين كض خاصرته يمي
ضيم الگلب مو سهل
تريحني بس تلفي المنيه
جابولي هودج هزل
مو هودجي الجبناه سويه
عباس جابو حبل
وشدو حبلهم فوگ اديه
الحادي فوكك ايمرني
وكلامه هواي يهضمني
حت بسوگ مافوت
بلكت زينب تموت
بس الموت يرحمني
صباح جهاد
شايل سماره املوحة الساده
بجفوف اديه اتبوس القاده
دخيل الله صاحو جاي _ تبخر من خوفه الماي
ما لازم نوره الثامه
//////////////////////////////
جنهه در النجف عينه
شايل الكون ابيمينه
وقدمت مهره الحنينه .. وصاحت ايحرسك علي
عالمخيم دار عطره
ابيرغ اخظر شاد ظهره
الماي كلهه بس اخزره .. هوه يدنه الي
وي خطواته تميل الكاع .. شايلته شلون المهره
كافل زينب شك الغيم .. بجفوفه الرايه الخظره
واحد هوه وهز الجيش .. وبراسه ماهز شعره
صلن جماعه الجربه والرايه
وكلهه يعجبج يانهر مايه
وهيه العدهه العباس _ ما تحتاج اصلن الناس
بيرغ شد اعله احزامه
//////////////////////////////
اقره قاموس الكفاله
من الزلم تحسب خياله
رزن ومداري حلااله .. شمحله ريشت خوذته
بالمخيم اسمه نسمه
الغيره تمشي ويه دمه
ابو فاضل الف رحمه .. عله البطن النكلته
اخيام حسين جن شلاال .. فوكاهن غيره تبده
شاطي الماي خظر روس .. ابن امه اليوصل حده
والظايك سطرت عباس .. ليهسه لازم خده
يكطع بزرته بصطرته الاحه
صكر اعله صيده فاتح اجناحه
رد لخيامه المهيوب _ ما مره رد مغلوب
حارس بعيونه اخيامه
//////////////////////////////
جنه حيدر من كصدهم
وصل لاخر خيمه عدهم
مو هدم نزعو جلدهم .. رجع كالو حيدره
بكثر ما كلوله اسف
بجدمه طبعوهه الشفايف
شي شرد من عده خايف .. وشي لبس شيلت مره
طلابه وصارت عد عباس .. مغتاض وناكث هدمه
يدورون اعله الشيله بروح .. مابيهم واحد زلمه
كامو كل عشره يركظون .. يبوسون باأيده وجدمه
الشارد بقه يتلمس ابراسه
للعشره تحسب تخلص انفاسه
الغوث الغوث ايصيحون _ عشره بعشره يشيعون
مات اليوكف كدامه
//////////////////////////////
سيفه ذواق ابضربته
بالركب ماخذ شمرته
صفنت الحومه بكشخته .. حسين لفله اعمامته
بيده يعكدهه ويحلهه
أدب الحومه واهلهه
وترس جوده للكفلهه .. بعفيه اخوي تلكته
الما راهمله بزغره اكماط .. باليل اينام ابدرعه
دخن شافو راسه الحار .. ماتو كدامه بسرعه
حالف عالشاطي العباس .. من الصحراء ايقلعه
يسوي اليعجبه الراده وبكيفه
ذواق كلش بالحرب سيفه
لو دخن راسه الحار _ ينزل سيفه ويختار
يهد اكرابه من احزامه
//////////////////////////////
صاح عندي حجي ابالي
حسين غالي ويبقه غالي
ماي ماكطعو خوالي .. وكفو من عند البدو
الكال اليه بيك حصه
الشمر وينه بحجيي اخصه
اليوم اريد اللسانه اكصه .. اتبره راد من الاخو
صاحب موقف صاح بصوت .. وبالغيره الكل تعرفني
اسمع زين اسم حسين .. انه وامي يشرفني
ناوي اعليك بس مولاي .. بروح الزهره محلفني
هد اعله خاله وناده عوفوني
وحسين كله الخاطر اعيوني
ظل دم الغيره ايفور _ صاحاله الدنيه ادور
ياليل الراح تنامه
//////////////////////////////
خويه زينب يالحبيبه
النيل لو تردين اجيبه
اعليك كالت مو غريبه .. وانته شيخ المرجله
تشابكو هوه وعضيده
بيده جربه لو قصيده
كام طك الكاع بيده .. شبر نزلت كربله
فوك اركبه متجي الجود .. صفه الماي بخاجيته
راس الخوه بي مرفوع .. محد يلحك حنيته
اول نهر عالنهران .. عباس الطلع صيته
بالماي خله بكربله شاره
ما كام جين ابوجه خطاره
ما ظاكه ورد عطشان _ وعالشاطي ظل زعلان
عطشن بالخيمه احلامه
//////////////////////////////
تمت ____ علاء الزيدي
ساكت ليش ومتحاجيني
مو روحك جنت تسميني
ياعباس _ احجي وياي _ عوف الماي _ مايسوه
جنه سنين _ رمش وعين _ واحله ثنين _ بالخوه
/////////////////////////////
بعد غيبه تلاكينه .. وسوالفنه ابواجينه
بنص الليل .. دمعتي اتسيل .. خويه اجيتك
بالي شدهته الفركه .. اشوفك ايدي محتركه
بكلب ملجوم .. اصيحك كوم .. خويه اجيتك
سولف يبعد اليوجعني
يل انه منك وانته مني
وجهك غريبه اديره عني .. ياابوفاضل
يدخن لكيته راسك الحار
ومن الهوه ادريبك اتغار
مستحي مني وظال محتار .. ياابوفاضل
عكبت تهت ابحر احزاني
تطفه الخيمه يدوي ارداني
احتاريت _ وتجويت _ شكد ناديت _ اتجوه
جنه سنين _ رمش وعين _ واحله ثنين _ بالخوه
/////////////////////////////
اجتك اختك اتشوفك .. عثرت بدربي بجفوفك
كلي احسين .. بلا جفين .. عفت اخيج
حجالي القصه بدموعه .. كال اجفوفه مكطوعه
ملاكي الريح .. ردلي يصيح .. عفت اخيج
مبين رجع فاكد عظيده
تهمل دمعته وترجف ايده
الماي اليتعبك ما نريده .. وانته ضامي
يالماكو بالدنيه ابغلاتك
شبعن لطم يمك خواتك
راس السهم عابر لهاتك .. وانته ضامي
وي كل اصبع طاحت خيمه
وركضت اختك نص الهيمه
شصاير بيك _ ابجي اعليك _ جفوفي انطيك _ للنخوه
جنه سنين _ رمش وعين _ واحله ثنين _ بالخوه
/////////////////////////////
وين انصبهه فاتحتك .. يالمن كلبي سامحتك
يا عطشان .. بس نسوان .. وانته تدري
سوالف بيني اوبينك .. اطلعلك سهم عينك
ما تنجاس .. ياعباس .. وانته تدري
ما ظل اخو عندي وافزعه
عد راسك اكعد خلني انعه
بعينك سهم ياهو اليطلعه .. ياحبيبي
فراكك بدايه ماله تالي
انه انشفت مو بس خيالي
ابجي اعله حالك مدري حالي .. ياحبيبي
أسئل عنك روحي شلونك
شالع كلبك سهم اعيونك
شوفك راح _ جفك طاح _ ما مرتاح _ تتلوه
جنه سنين _ رمش وعين _ واحله ثنين _ بالخوه
/////////////////////////////
يخال اولادي حاجيني .. صدك رايح تجافيني
شعجب مو ذاك .. نفس ملكاك .. حيرتني
اظلن ياكمر صعبه .. ابكيف الوادم الغربه
شنهي الراي .. يا وفاي .. حيرتني
عباس احلفك بالمحنه
ترجعني اريدنك لهلنه
خويه المصايب دوهننه .. من عفتني
يمك اجيت وارد اجعدك
وايدك ارجبهه اعله زندك
طاحت دمعتي فوك خدك .. من عفتني
مو من طبعك هيج اويايه
عاد احجيلك بس احجايه
عندي اطفال _ شوف الحال _ ساكت ظال _ مو حلوه
جنه سنين _ رمش وعين _ واحله ثنين _ بالخوه
/////////////////////////////
خشنه احجايت الفركه .. مثلك كلي وين الكه
الك اشتاك.. يحلمي انباك .. عالشريعه
حلوه الجانت ايامي .. وفيك تارس اخيامي
بعد متعود .. شبكت الجود .. عالشريعه
من الظهر ذاكه انتظرتك
للمشرعه رحت وخسرتك
تعذرني اريدك يالعذرتك .. ياحسرتي
نوم العوافي ابقه نايم
وشصار بختك الله عالم
ضليت الم روس وعمايم .. ياحسرتي
كل ساع اشبك كمت اعمامه
وين الجانت حلوه ايامه
الاتعناه _ ابجي وياه _ بالويلاه _ والفدوه
جنه سنين _ رمش وعين _ واحله ثنين _ بالخوه
/////////////////////////////
قميصك لونه صار احمر .. جمالك ذابل اتغير
عليك الخيل .. سحكن حيل .. بالحوافر
غميج الجرح البكلبك .. حقك تيهت دربك
سهم رايح .. سهم راجع .. بالحوافر
بالخيل اشمن خويه عطرك
وكل المحنه بهذا صدرك
ما عندي وصله افرشهه حدرك .. مو بديه
تشبكني بيمن من اودعك
كلي يزينب خل اسمعك
امسح كمت بالشيله دمعك .. مو بديه
خلصت وسفه هيج العشره
وكل واحد ظل لازم ظهره
ماظل لون _ بوجه ام عون _ امشي شلون _ بالكوه
جنه سنين _ رمش وعين _ واحله ثنين _ بالخوه
/////////////////////////////
تمت ____ علاء الزيدي
اعله ضهري جيت اشيلنه
ولكيت اجفوفه ماهنه
يزينب والمصيبه اتصيح الناس
ها يحسين شو عافك العباس
يزينب
____
رحتله اركض وراد يكوملي وطاح
وطحت يمه وبجينه
شبكته وما شبكني ابلايه ذرعان
كفيلج عايفينه
شصاير بيك كتله وكال يحسين
المهم زينبنه زينه
ويدير بوجهه عني خاف اصد ليه
واشوفن سهم عينه
يزينب عينه طفوها
يزينب وايده كطعوها
وحجي الشمات خويه بالگلب جاس
ها يحسين شو عافك العباس
يزينب
__
طاح وصاحت الشمات من طاح
ضل حسين وحده
راح احزام ضهره بساعة الضيج
وبعد محد يسنده
تبده الماي من جربت العباس وحيلي ويا تبده
يزينب ماكلتله كوم وياي
اجدامه ماهي عنده
يزينب كطعو أجدامه
العمود مهشم الهامه
وكلام الشمر خويه يشيب الراس
ها يحسين شو عافك العباس
يزينب
_
كلتله شيوجعك خويه يعباس وأخيج كام ينحب
يكلي جروحي ماتوجعني يحسين بس توجعني زينب
اذا طحنه يخويه ٓانه وياك
اختنه بهزل تركب
واذا ما تعبت امن مشاكف السوط من الشتم تتعب
عكبنه ام عون يسبوها
ويشتمونه ويشتموها
ويجي ويكلك المايملك احساس
ها يحسين شو عافك العباس
يزينب
___
يازينب لكيته هواي عطشان
ويابس كلب خلي
المصيبه بجربته الماي موجود
بس ماضاكه قبلي
طحت والخيل اجتني واسمع يصيح عن حسين ميلي
مثل خوته بهاي الدنيا يا ام عون ربج مامخلي
مثله ماكو بس هوه
حنين وخوته خوه
يفكر بينه حته بكطع الانفاس
ها يحسين شو عافك العباس
يزينب
__
شلته وجيت اجيبه لخيمته وياي وكال هنانه خلني
يكلي شلون ارد خويه بلا ماي اشتكول اسكينه عني
انه مواعد ام عون تعيش بحماي بس طاحن هذني
سلملي على زينب كلش هواي وكلها يكول وني
على ايامنه الحلوه
وعلى العشره وعلى الخوه
وعكب عباس راح تحرسج ارجاس
ها يحسين شو عافك العباس
يزينب
قاسم الغزالي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ويه حسينه عباس الطب
..................................
وكفو وسط الحومه عباس ويه حسينه
عجت من كثر الخيل. والوادم محتاره
عباس الياخذهم. وحسين اعرض ردهم
تمطر گامت بالروس. غاره اتلاحگ غاره
كلمن ياخذ صوبه. نوبه حسين ونوبه
يركض ليهم عباس. وچن صابتهم شاره
وسط الحومه صباهم صب
ويه حسينه عباس الطب
.......................................
عجت والما لحگ.. ظل محتار ابروحه
تلگاه جثه ابلا راس. من سيوف الساده
صاح الكافل صوته.. وين الجان ايزامط
عباس الخله الناس تسحگ فوگ القاده
شمرت حيدر بيهم واشحده اللاگاهم
بيهم ردت صفين. حيدر رد لولاده
يم الساده فنه اليگرب
ويه حسينه عباس الطب
................................
شارد يلحك شارد... وين اليوگف بيهه
طباهه حسين بزود والعباس ايتاني
وين الميت گلبه.. وايلاگي اهل الكلفه
نار وما يتلاگون. جيش ابكبره ايعاني
انه اوكف باليمنه. وانته ابصوب اليسره
وانخلي الطف ايلوج. واحد وصه الثاني
مايلوونه چف اليغضب
ويه حسينه عباس الطب
............................................
ناخذهم من الطف. ما تگدر تتنفس
نوصل يم والدنه. حيدر خله ايشاهد
هذا الطايح منهم. ذاك النگطع راسه
وانگل الحيدر شوف قائد خلف قائد
نفس الصوله العندك. ياحيدرنه ابولدك
زودك عايش بينه. والطف بيهم شاهد
وين الوينه ظل يتنحب
ويه حسينه عباس الطب
........................................... .....
خلي تطمن زينب يا عباس ابزودك
ارجع يا كافلهه بس دم يمطر سيفك
ماگصر يالتگوه. سيفك مدري شسوه
ايدك من كضت سيف صار الموت بكيفك
يمنه ويسره احتارن. عيده السالم منك
يموفي الطف وحسين ومنهم ماخذ حيفك
من الغيره جفك عطب
ويه حسينه عباس الطب
خادم اهل البيت علي الزرگاني
طيحي الخيمه طيحيها ما اگدر اطب ليها
ما بيها ابو فاضل
هاي الليله مو ليله حسين أعلى النهر حيله
مشه وي ابو فاضل
يا عباس يا خويه
:::::
خل نتگابل انه ویاچ عوفي الخيمه مطویه
من گــــــد السهام البي الگمر خربت معانیه
ما فکر بسهم العين احس تفکیره بس بیه
بعد عباس لو تدرين امـــــوت شويه شويه
منه أسمعت بس كلمه الاخيره
خويه حسين تعذرني الاميره
گلها اعلـــــه النهر بدر العشيره
دم نازل على عيونه لتسأليني شلونه
ظل يم الشريعه
مديت ايدي واتعذر گلي حسين ما اگدر
ظل الدمع سايل
:::::
جيتچ ظهري محني هواي رديت امشي بالگوه
مـــــــن مـــات الگمر عباس ماتت کلمة الخوه
مــــــا استلذ انــــــه بمــــــاي بالعباس اتروه
يم المشرعه احتاريت هـــو گلت مــــــو هو
علـــــي المشرعه صارت بعيده
بقيت الحچي یم عباس اعیده
گلت معقوله ما يعرف عضیده
گتله حسين هذا انه متت من شفت ذرعانه
فوگ الگاع چفه
رديت انه الچ وحدي بس الدمع يم خدي
شوفي حسين مايل
:::::
سلملي أعلى زينب گال من ترجع تعذرينه
ما رد يستحي بلا ماي مگطوعات چفینه
عمود مصوب اعله الراس داخل سهم نص عينه
بعد انگطعت الاخبار ما بینچ وما بینه
ودالچ رساله یگول بيها
خويه الحره سلملي عليها
تره بلا ماي ما یگدر یجیها
حتى الكلمه مجروحه بيدي وفارگت روحه
راجع ظهري محني
يا سهم الاجرنه اخافن انه الچمنه
شرد لو سئل سائل
:::::
راسه بحجري خليته نزل راسه من حجري
بالعباس تدري انت باچر بيك مـــــــا ادري
يم الگمر لو تدرين كم مره انكسر ظهري
لو تتبدل الأعمار للعباس كـــــــل عمري
تره العباس بـــــي سدت العازه
ميت انه بس عـــــوزي الجنازه
مثل عباس يا زينب احتازه
حظني اچفوف ما عنده خدي جابه يم خده
اختلط دمعي ودمه
عمود مصوب براسه الگمر مختنگ بنفاسه
بعد ما عندي كافل
:::::
مـــــا يرجع بعد عباس لا تتنطر سكينه
ما اگدر اگلها بهاي عمچ سهم نص عينه
يا زينب تـــــره العباس يستاهل بواچینه
عندچ عتب اعرف بي ما بينچ وما بینه
شوفي حسين ردلچ محني ظهره
البگه براسچ الكــــــافل راح عمره
خلصت وي ابو فاضل العشره
اخاف اعليك من باچر گلي ايدوسك الحافر
ما احمل اشوفك
مد ايدك وحاچیني حط عيونك بعيني
ظرف ولا برسائل
::::::
علي جبار الكعبي
الفاتحه لوالدي
@HxzEU1
#قناه_نشر_القصائد_المنبريه
#الناشر_مصطفى_المياحي
ليش اهواي امتعبينك
وهالكد خويه امعطشينك
متخضب لكيتك والدم بلحيتك
*******
اشلون المك جسمك امكطع لكيته اشلون المك
عطر دمك كمت اشمن بالحوافر عطر دمك
يا خويه من كثر السحك مطحون ضلعك
يحسين ليش السلبك ما عاف اصبعك
يم مصرعك من كربت حيرني وضعك
ابلا راس شفتك عالترب وتون اسمعك
يبن امي اشصار ابحالك
شيبني الرمح الشالك
بدموعي اعتنيتك والدم بلحيتك
****
خويه صدرك بالحوافر كضه اطشر خويه صدرك
اسهام ضهرك طلعت امكابل شفتها اسهام ضهرك
متمدد وعاري الجسد والخيل فوكاك
جا ليش خويه من طحت محد تلكاك
طعنات جسمك منترس وامكطعه احشاك
يحسين لو ما ريحتك وين اكدر الكاك
اشما ضيعتك تدريني
بيك الخوه ادليني
وللمصرع اجيتك والدم بلحيتك
****
ما تكدر اتكوم والهوه بصدرك خلص ما تكدر تكوم
سابح بالدموم ليش من دون الجثث سابح بالدموم
شفت الشمر وكت الذبح جاثي اعله صدرك
وثنعش طبره بهامتك خويه يطبرك
والنوب دارك عالوجه وحز بيده نحرك
كلهم ذبحته والعده اتهوس بكترك
من عدها وفاضت روحك
ويبن امي اهواي جروحك
وتدري انه بحميتك والدم بلحيتك
*******
ينهار كلبي حته لو كلبي جبل ينهار كلبي
ماشوف دربي كمت خويه امن الدمع ماشوف دربي
يبن امي اول ما طحت حركوها الخيام
يا روح زينب والعطش ذبلها الايتام
بالصوط يضربني الشمر وتفز الالام
ويحسين راح بفركتك يسبوني للشام
اركض من خيمه الخيمه
وكل ساع الحكلي ايتيمه
واشكد حشميتك والدم بلحيتك
****
ينشاف طولي كلي خويه بيا وكت ينشاف طولي
يمته تجولي صحت يهلي ادخيلكم يمته تجولي
انه الابد تدرون الي ما لمحو اخيال
تالي العمر فوك الهزل وبجفي الحبال
مسبيه كلبي ينهظم لو عني تنكال
عباس لو حي الحمل يبن امي ينشال
من طاحت خويه الرايه
عاتبت الماي اهوايه
ولحضه ما نسيتك والدم بلحيتك
*******
تمت
تحسين الخفاجي
رحل كل غالي عندي
بقت بوسه اعله خدي
مثل الدمع فوق الوجن طعمها
▪︎▪︎▪︎▪︎▪︎
مثل كل ليلة طبعي لا ما تغمض العين
إذا ما أشوف أبويه و ألثم جف الحسين
عجيبة الليلة أسمع بس صوت القرائين
دخلت و شفت أبويه ناذر لي ركعتين
يگل لله خليله
عفت عندك عليله
انطيها يا ربي الصبر و ألهمها
▪︎▪︎▪︎▪︎▪︎
لمن خلّص صلاته الگاني بيده تسبيح
خرز دمعي اعله جفه تتناثر مصابيح
جبت عيني اعله عينه لحظه و صفنت الريح
تمرجح گلب طفلة ما شافت مراجيح
أسمعك تدعي حاير
أحس دعوة مسافر
صارحني مو روحي اشتعل ألمها
▪︎▪︎▪︎▪︎▪︎
شبگني الحضنه شبگه ذبحت كل الأحلام
لمن صرت اعله صدره ترست وجهي السهام
عصرت بإيدي جفه بيها جوية إخيام
أشم بنحره و أسمع موت و صرخة أيتام
أشوف بوجهه غربة
تفيض بعينه جربه
جربة دمع غدر الزمن سهمها
▪︎▪︎▪︎▪︎▪︎
اشيحاجيني و يگلي و عينه اتسولف اوداع
الطير اليهوى عشه ينزل راسه للگاع
السفينة اشگد جبيرة بس بذمة اشراع
ضعت بين الليالي من بيتي البخت ضاع
بعد أهلي و أخوتي
هله بجيتك يموتي
ارحم عليلة خلها ما رحمها
▪︎▪︎▪︎▪︎▪︎
خذت خيرة سفركم بوية شفت الإسراء
لون سرتوا بضعنكم تسمع عني الأنباء
إذا بابي طبگته أغدي آنا زهراء
أحط إيدي اعله ضلعي و أنخه گومي أسماء
مثل أمي الزجية
هجم دهري عليه
و البوسة سطره بوجنتي رسمها
▪︎▪︎▪︎▪︎▪︎
لون رحتوا و مشيتوا اشيبقه بويه تذكار
أضم ضحكة رقية و حجي الزغار
أضم كاروك خالي باقت عمره الأكدار
أضم بوسة اعله خدي ميتة بساحة الدار
بعد ذيجه عشرتي
إلك بوسة بوجنتي
كلما أحن الشوفتك أشمها
▪︎▪︎▪︎▪︎▪︎
#اللهم_عجل_لوليك_الفرج
📜قصيدة : ودعت الحسين
✒للشاعر : علي السقاي
العمره ما شايل إجروح ..لا يلوم الذي ينوح
آنا ودعت الحسين ..وعفته بس عفته مذبوح
➖🔹🔹🔹🔹🔹➖
آنا إخت إلبذبح قلبه عليه
قلبه قبل خيامي نيرانه سريّه
آنا إخت القايل بهاي الرزية
الموتة سهلة والصعب زينب سبيّة
يا هي مثلي من الناس ..قلب أخوها بهالأحساس
حتى وبقطعة الراس .. إخته عن باله ما تروح
➖🔹🔹🔹🔹🔹➖
الخنسا لو ناحت صخرها يعذروها
وآنا بس إليمنعوها اتنوح أخوها
الشمر من يسمع بجي يقول اضربوها
حرمة وامتوني بضربهم ورّموها
الزجر ما قصر إوياي ..بسوطه ويسكت إبجاي
وتترس العبرة عيناي .. والدمع سكتة مجروح
➖🔹🔹🔹🔹🔹➖
إلمثل أخويا شوية لو أدمي المحاجر
حتى راسه وهوا ميّت بيه مشاعر
خل أسولف من بعد قطع المناحر
شلون راسه يفكر بحالي ويساهر
بكربله شفته مقطوع ..لجن لحالي مفجوع
ينظر ويذرف دموع .. قلت له يا خويه مسموح
➖🔹🔹🔹🔹🔹➖
جسم أخويا بكربله خليته عاري
وراسه ما جنت أدري وينه والله داري
من دخلت الكوفة لنه بإنتظاري
عالرمح شفته وعليّه أسود نهاري
شفته والمحمل يميل ..وأضربت راسي بالويل
دمي ظل يجري ويسيل .. حقي لو فاضت الروح
➖🔹🔹🔹🔹🔹➖
امضي للشام ومضى الراس إعلى رمحه
انظره بدمعي واحس كل نظرة ذبحة
دمه يقطر والهوا يسفي إعلى جرحه
وآنا كل خوفي رقية لا تلمحه
جنت أسليها وتنام .. خوفي من نوصل الشام
تشوف أبوها بالأحلام .. وبالطشت منحره ايلوح
➖🔹🔹🔹🔹🔹➖
الراسه اذكر موقف يظل ابفؤادي
ركز رمحه وعجزت اتشيله الأيادي
عالسبب قاموا يسألون الأعادي
وعلي جاوب : طفلة تاهت بالبوادي
قلهم بصوت الونين ..شوفوا نظرات الحسين
تشبح وتتجه وين .. ناظرة إلبنته مشبوح
➖🔹🔹🔹🔹🔹➖
بؤيه علي
ها يابؤيه الليله اودعك والمصيبه
هايبؤيه
وجهك يبين مغيبه وشيصبر
كلبي حن يااخو زينيب يل عفتني
منين ابو مثلك اجيبه يل عفتني
الليله كلبي تغير نبضه تنسمع دكته جرح
الليله يطفه بعينه ضيك يل جنت وجه الصبح ٢
ابجي بزوايه البيت
بلا ابؤ ضليت يخنكي صار الدار وينك يماي العين من عنده رايح وين
ارحم كلب محتار
واعلياه واعلياه واعلياه
___
بعيني دمعه لورحت ينفك اسرها
والمدامع
ماكو بير يخفي سرها غار كلبي بين بحزنه عليه عيني رادت
نضره يالبت نضرها عيني رادت
برحيلك صمتي احجيلك
دمعتي تفرزن حجي
انه مشتاكه بكثر حبك عودتني اعل البجي
يامن جنت وياي ضللك احسه فيياي
تالي الهجر منواك
انتاسه ابؤي شلون جنه هدب وعيؤن
خليني اروح وياك
واعلياه واعلياه واعلياه
___
مره كتلي شلون لو كرب مماتي
صمله بؤيه
انه جملك من حياتي وهسا صارت والبعد خيم علينه من عفتني
انهدم سكف وامنياتي من عفتني
هسا صار الما محسبتله
فجاه من عندي تروح عاد طول خل اودعنك هايبؤ وجه السموح
هذا الكلب متعوب يذكرني كل غروب
وينك يهل رايح بيه تزيد اجراح
تذبحني كلمه راح الجلمه تصيح ذابح
واعلياه واعلياه واعلياه
____
كلبي مجمر
من عذابات الشفتها فكد امي
باب يعصرها شفتها والمصايب
تلفي وين اليهوى كلبي روحي طفله
والنوايب كبرتها روحي طفله
ياهلي،زادن مصايبكم كلبي مايحمل هضم
ياهلي جندوب اودعكم بل مدامع واللطلم
اني العزيزه وصار دلالي ضل محتار
حيره يتيمه اشلون ياكلبي موتك حان
بعد الدلال الجان
صرت الغريبه ام عون
واعلياه واعلياه واعلياه
_
تمت
ماتت أمي وبيتنا وكل ذكرياته
والتموت أمه بعد شلة ابحياته
صحت عالموت الخذاها الخذاها
فدوه أخذ روحي ابراها ابراها
ماتت أمي ....
أمي دنيه من المحنة راحت وگلبي انچوه
أمي من تدعيلي چانت انترس كلي ضوه
راحت أيام العـوافي وگعدة الواهس سوه
چنه من نلتم عليها اتشمنه وتـوخر الهوه
أمي من تسـهر جـفنـها أكبر علامة
لو صلاه لو تخبـز الجـيـة اليتامة
تدعي واتعب سماها سماها
فدوه أخذ روحي ابراها ابراها
ماتت أمي ....
***
أمي ماتنشاف چانت نور والوادم تـراب
أمي ماشالت أديها والله ما إلها استـجاب
أمي كل إصبع ابچفها چانت اتلفه ابحجاب
أمي من گد ماشريفه اضلوعها املبستها باب
أمي دنيـه مستحه وهيبة عليها
ومن تسولف چانت اتگبع حچيها
الله يرضى الكل رضاها رضاها
فدوه أخذ روحي ابراها ابراها
ماتت أمي ....
***
من تلولي أمي الحمام ابـابنـه يوگف سره
ومن ننـام انتـعب إديها تحمد الله وتشكره
أمي احس اول خليقة وباقي العالم وره
أمي من گد العداله عوجه يمها المسطره
أمي فوگ الكلشي اخذ والضال عدها
تنطي فص اعيونها الخـاطر ولـدها
الدنيا ماتسوه ابلاها ابلاها
فدوه أخذ روحي ابراها ابراها
ماتت أمي ....
***
أمي خير ونعمة الله وعافيه وچلمه صلح
الدنيا لو ماوجه أمي ظلمه مابيها صبح
أمي گد ما هاك بيها صيت سوت للملح
أمي من تخسرنه عدها اهواي يم الله ربح
أي وحگ المحسن الطاح وخنگها
أمـي إسم الله فـلا فـارگ حلگها
الله للجنة أشتهاها اشتهاها
فدوه أخذ روحي ابراها ابراها
ماتت أمي ....
**
احترگ واصبر واگولن يحچي البراسه الشمع
اقتراح الخاطر أمي رايد الكل يستمع
لازم البيبان تصبح ريش خافن تندفع
حتى من تنـدفع باچر لأمـي مانكسر ضلع
نكتب ابكـل باب لازم أمـي رحمة
كلمة التابع بعـد تنشال زحمة
ويرجع الدم ابضناها ابضناها
فدوه أخذ روحي ابراها ابراها
ماتت أمي ....
***
ګلَـمَاتّ الـشٍاعـر " مَحـمَـدِ الـنِــوِاس
قناة لأهل البيت منشورات تفيدكم
/channel/fatima2008pp
📜قصيدة: قارورة _ محرم 1439
✒كلمات : أحمد الذهبي
يقارورة دمه الغالي
على احبابي انشغل بالي
أراقب وآني حذرة
الرسايل كلها خطرة
🔹🔹🔹🔹🔹
اول مراسيل الحزن
نسمة هوه جايبته لي
مخنوگ اجه بصدري النفس
شميته بي ريحة هلي
من والدي جايب عطر
مو ذاك عطره الاولي
بي ريحة الفاگد ولد
یمکن مشه الاکبر علي
يقارورة واخاف اني
تجرحيني بخبر ثاني
وأموتن قطرة قطرة
الرسائل كلها خطرة
🔹🔹🔹🔹🔹
ثاني رساله من السفر
مكتوبه لي بگطرة دمه
گالتلي عطشان الورد
مات النده ویشرب ظمه
عبدالله مو ذاکه الطفل
چن والدچ شایل سمه
اترب قرابین العشگ
راد الحبیبه یقدمه
رسمتي لي یقارورة
مهد خالي بحضن صورة
اثر دم اعلى صدره
الرسايل كلها خطره
🔹🔹🔹🔹🔹
ثالث مكاتيب البعد
هذا اصعب واكثر خطر
يحچیلی سالوفة سمه
مثلومه ویطیح الگمر
من یحضن بروحه الجرف
یشبه نهر حاضن نهر
مو ظهر ابویه المنحني
ظهر الزمن کله انکسر
لگاه کاتب علی جروحه
غلاة اخته مثل روحه
طلب زینب تعذره
الرسائل كلها خطره
🔹🔹🔹🔹🔹
اما الرساله الرابعة
لونچ یقاروره اختلف
لون الدمه اتحول إلی
حنة عريس بلایه چف
والدته ینزّف رادته
زفوه علی جروحه ونزف
صورة بدر ینزف ضوه
اتصورت الاحساس ورجف
وانه وروحي وحناجرها
مثل رمله ومشاعرها
الحجر بالنوح أفطره
الرسايل كلها خطره
🔹🔹🔹🔹🔹
لحظه وصل من الهجر
اصعب مراسیل الالم
شکلچ یقارورة اختلف
صار أسود وگلبي انصدم
مستغربه و فکري انذهل
حزنچ علی رموشي انرسم
لیل الله بأحضانچ نزل
لو هذا دخان الخیم !
جمر غربه وحرگ خیمه
وانا بعیني الدمع غيمه
مطر وخدودي صحره
الرسايل كلها خطره
🔹🔹🔹🔹🔹
وآخر رساله من النحر
گلبت موازین الزمن
قارورة الدم امتلت
واتبدت وفاض الوطن
صدرك عليه حافر فرس
والخد من الرمال اندفن
وصفولي بجروحك شمس
وجروحي مايتوصفن
على جروحك گمر غافي
وانا بروحي نجم غافي
طفه العالم بأسره
الرسايل كلها خطره
🔹🔹🔹🔹🔹
خلصت رسايلكم هلي
ماخلصت بروحي الحرب
وتخيلت رحلة سبي
مخطورة وبعيد الدرب
زينب تصد اعله الرمح
تلقى الرمح شايل قلب
وآنا اسمع بروحي صدى
صوت المتن من ينضرب
سكينه اختي جرح بيها
ورقيه بلا تراچيها
وبِچت وحده اعله الأخرى
الرسايل كلها خطره
🔹🔹🔹🔹🔹
#اللهم_عجل_لوليك_الفرج
4 محرم الحرام 1448
(( نزله حماسيه))
يالمشيت ومبتعد
وشـوكت كلي ترد
يبني يبني الغالي يبني يبني الغالي
_________
راح أعد ايامك هجرك وحسب ايام الهجر
يابعد عيني وضـواها هـم تجـي إليه وتمر
يالغيابك حز داليلي ويبس هروش الجذر
كاعده بدرب الخذاكم بيه محـتار الـصبر
جم جرح عشت بجرح
مدمعـي الحـد الصـبح
يبني يبني الغالي يبني يبني الغالي
_________
جم جرح عشت ييمه وغيبتك اكبـر جرح
حـسين يمه هايروحي كلبي بعدك منجرح
مدمعي يسيل بغيابك يصعب أعلية الشرح
ماطبك جفني برحيلك ساهره الحد الصبح
مدمعي يسيل ويصب
وعـيـني صـدت للدرب
يبني يبني الغالي . يبني يبني الغالي
_________
أمـك أنه أم الـبنـين الدربك يطول النظر
كاعده بدرب الخذاكم ونطر الجيتك خبـر
ونعمت عيني بغـيابك ونعــدم بيـها البصر
كلـي يالطول غيابك يمته تلفي من السـفر
هـم تـرد ياضـنوتي
ونسه جرحي وعلتي
يبني يبني الغالي يبني يبني الغالي
________
أمنيتي يمه وي ضعنكم أمشي انه بالظعن.
ولاأظل وحدي بدياري ولاأضل بيه الوطن
والـحزن خـيم علـيه ومـا رحـم بيه الزمـن
حـكها روحي لونعتلك حكـهن عيوني نعمن
فدوه الـجلك ناظـري
شرد أوصف خاطـري
بني يبني الغالي يبني يبني الغالي
________
شنهو حالي أنه بغيابك يالمشيت ومبتعد
انه مكسوره بسـفركم هـم تـرد لومـا ترد
ساهره أليل بهجركم وحسب البعدك وعد
يالغــيابك الـوعـاني ويمــرد بكـلـبي مـرد
كلبي بعدك منكسر
فـدوه يـفداك العمر
يبني يبني الغالي يبني يبني الغالي
________
كلمات
مرتضى مكطوف الموالي
يمهري لا توديني
اموت اهنانه خليني
يجي امتاني _ سهم ثاني
يفاجئني ويسد عيني
//////////////////////////
الزمك بيش _ دفعني الريح
تميل اوياي _ عن لا اطيح
شبكت الجود _ احاول جاي
بجف مكطوع _ اوصل الماي
عله ظهرك يمهري منتجي صدري
منك انزل أنه شلون ماادري
السهم سهله شيجره الرمح البظهري
اعله ظهري الطيحه بدموعي
الرمح يشلعهن اظلوعي
بقيت اتهم _ السهم يلجم
حرت بالطيحه تدريني
//////////////////////////
ثق اتموت _ اخت احسين
من اتشوف _ سهم بالعين
سوالف هاي _ براسي ادور
خاف حسين _ يجي مكسور
الشمس تحركني رايح منك امن انزل
تندل خيمة اختي اكصدهه واستعجل
دنك من تشوفك يمهه لا تصهل
يمهري اكصد ابدمك
وزينب هيه تفتهمك
تضل تبجي _ السرج ملوي
تكلك وينه دليني
//////////////////////////
شلون ارجع _ بلايه جفوف
راح الماي _ راح الشوف
اروح وياك _ حيره شلون
تتاني الماي _ مني ام عون
اباب الخيمه همست بذني ذبلانه
تتانيني رقيه الهسه عطشانه
احسن شي اليه موتتي هنانه
جربتي اشلون اوديهه
وكطره اميه مابيهه
ارد خالي _ عله اعيالي
رقيه ادري تتانيني
//////////////////////////
لاكي حسين _ مابي حيل
وخلي ادوس _ صدري الخيل
اخذه وروح _ يعثر كام
كله يكول _ عدنه اخيام
اجه مفرع اشوفه يركض ويعثر
ابصفي ايموت اذا شافاني ابو الاكبر
رد بي للخيم يامهري اذا تكدر
يموت اويوكع ابصفي
اذا ماهو لكه جفي
صعب وضعي _ اموت ادعي
شكله من يحاجيني
//////////////////////////
دربي بعيد _ تبده الجود
وراسي انصاب _ بالعامود
وين اتريد _ يامبخوت
زينب ذيج _ راح اتموت
عظم راسي بالعامود تره تهشم
جسمي من النزف حسيته وشل دم
انتهه كلشي وبعد صعبه نرد نلتم
بجيت اهوايه عالعشره
ارد لا يمني لا يسره
خلص وكتي _ اودع اختي
اريد الذمه تبريني
//////////////////////////
الشامت شوف _ يشمر صار
مره اسهام _ مره احجار
صح عطشان _ بس تهون
اركض روح _ للميمون
يالمطهم اريدك ما تهم بيه
ارجع للنهر واشربلك اميه
خليهه الحوافر تسحك اعليه
يمهري تنزف اجروحك
اطيح واشرد ابروحك
جوه اصفاحك _ العطش لاحك
الحوافر خل تغطيني
//////////////////////////
تمت ____ علاء الزيدي
تلث احجايات _ كالاهه ومات
سلملي اهواي _ عالعطشانات
شبكني ابلايه جفين
وكال اعذرني يحسين
يزينب غمض العين _ ميت ظامي
///////////////////////////
زينب تعالي .. ابجي اعله حالي
شيب احس دمي ابوريدي
اتلفت اهواي .. بس مو على الماي
بحر الشمس عايف عضيدي
راح الكافل زينب راح .. اجروحه اهواي متعباته
شمخليه الخيل بعباس .. جلد امتونه امشلعاته
جفوف الكافل مكطوعات .. زينب وي ارداناته
بصفه تمنيت _ ميت ياريت
الجنتي تسميه _ عامود البيت
ترجف ايدي رديت
زينب وحدي ظليت
تعبت بجسمه لميت _ ميت ظامي
///////////////////////////
شطوله الدرب صار .. دورته محتار
ظهري انكسر يله لكيته
ما اعول الكاه .. واتمدد اوياه
واتلمس ابوجهه ولحيته
كلي شجابك خويه حسين .. كتله الجاباني اونينك
من مهرك طايح عالكاع .. ومكسور السهم ابعينك
عطشان اشفافك خشنات .. اشوه من اشفاف احسينك
وبوجهه بساع _ متلكي الكاع
يارمش العين _ وي سهمه الظاع
بياض اعيونه عباس
طالع من كفه الراس
ابجي وتضحك الناس _ ميت ظامي
///////////////////////////
كل ما الزمه .. خايف الجمه
يلجمه الهوه المر اعله صدره
مابين العظام .. كل روس الاسهام
ينجر ظلع لو سهمه اجره
شابك جوده يحامي الماي ..اتخيلي الحاله شكدصعبه
عبرن جوده اسهام اهواي .. يازينب لاحن كلبه
الكافل من لاحه العامود .. خلا ما يندل دربه
شاورني وكال _ انته بياحال
ماي اخذ وروح _ شرب الاطفال
بصدره مهشمه اظلوع
كلبي وكلبه مشلوع
حابس سهمه الدموع _ ميت ظامي
///////////////////////////
مثله اخو منين .. ما نلكه تدرين
يلزم منو ظهري ابداله
يمه تدنيت .. بفكاره حسيت
غيرج بشر ماكو اعله باله
بيه يكلي لا تحتار .. المثلك يحتار ابظيمه
اعليه من تسئلك وين .. طيح عامود الخيمه
كللهه يكول العباس .. خجلان ابكد الهيمه
ما تعتب كون _ تعذرني ام عون
الربتني تموت _ تفاركني شلون
هاك اعمامتي هاك
انطيهه لزينب وياك
هواي اتاني ملكاك _ ميت ظامي
///////////////////////////
قرص الشمس مال .. موادعنه من طال
من حسرتي تفطر دليلي
مفرع الج جيت .. بالهيمه ظليت
مطشر والم بيه ابشليلي
نص رمحه الجازي اعله الكاع .. عابر من صدره الظهره
كومن لطمن علويات .. عباس انطاجن عمره
فوك الساعه اجمع بيه .. وعالحاظر ذاك يطشره
اصعب لحظات _ اكبال الشمات
راجع متعوب _ شابع طيحات
راجع حيلي متعوب
اندار ابوجهي الغروب
عم الساده مسلوب _ ميت ظامي
///////////////////////////
ميلت اللثام .. وسلم عالخيام
من غمض اعيونه شبكته
كلجن ذكرجن .. ويطلب عذرجن
ليش العطش خرب ظحكته
اقرب من روحي العباس .. اقرب واحد بخواني
بشكلي رايح تشتبهين .. حسبالج واحد ثاني
لخيامي كايدني الشيب .. زينب من يتلكاني
يرجع وياي _ رافضهه هواي
خاف تكولون _ جاوين الماي
صدره من العطش حار
ما يتسولف الصار
ظامي الظامي اندار _ ميت ظامي
///////////////////////////
تمت ____ علاء الزيدي
(((((نزله للامام العباس عليه السلام ))))
حاجب بحاجب تلاكن زعل عم الساده
////////////////////////
الهلال البل السمه يحاول يريد
مره وحده يجيب كسرت حاجبه
حار دمه وضل يدخن راسه غيض
بوعده ما يخلف إذا كض شاربه
خبط لون اوجوهم خوف وصفار
يهز بيده لان محد عاجبه
بسكته ناس تشاور ناس ..سرفن اردانه العباس
الما شرد بالخيل انداس .. بعده ما ساحب سيفه
الواكف اكباله ويشوف .. مابلع ريجه من الخوف
بعد ابو فاضل معروف .. يسوي البراسه بكيفه
براسه طك عرج الهواشم ونعرف بعناده
////////////////////////
الجيش باوعله وطلع مو مستواه
الكاع من جوه الزلم جراهه
الحومه حاوطهه تره من اربع جهات
مثل فرت محبسه فراهه
عاد يوم الكنطره فوك الفرات
كنطره من الجثث سواهه
الحومه طبلهه خيال .. ناده مابيكم رجال
والجثث سواهه اتلال .. وين اليريده يصيده
عدنه الك يالكافل راي .. لا تضل رايج جاي
لا تجي نوديلك ماي .. المشرعه اعليك بعيده
مشيه جابوله ورفظهه وسحك روس القاده
////////////////////////
رايته حته الهوه يلاعبهه كام
صافنه الدنيه وترف الرايه
مثل حيدر بالحرب لمن يكول
ما تصير اثنين عنده احجايه
راسم احدود الخيم وفن ابن ابوه
الناوي يوصل بي يسوي سوايه
من ابو الغيره يخافون .. هوه واكف ويركضون
ليوره ما يلتفتون .. الشارد ايوصي بشارد
سل حسامه بسم الله .. والشرد منه لاحاه
راسه كدامه وداه .. دخيل الله من ايعاند
بوجهه من يوكف دخيله حيد سوه الراده
///////////////////////
نزل للسبعين الف هيبه اوقار
زلمه بس حسين تارس راسه
الخوه خوه مايصير وياهه راي
كبله بالعركه يهد احساسه
ظل يدور عالهوه لو مر خيال
من ابو فاضل تظيك انفاسه
طبها عم الساده وصاح ..بسيفي اقبضها الارواح
كله عزرائيل ارتاح .. وحدي مترهي اعليهم
لو ردت اكضي السبعين.. بس يأشر بيده حسين
بلمحه تلكاهم ميتين .. والله متحلف بيهم
خله عزرائيل صافن صاح ماكو ازياده
////////////////////////
كافل اخته والنعم من الكفيل
جاب كل الغيم غطه خيامها
الشمس مو علويه واطب للخيام
الكمر اسمه وذبح كل احلامها
شلون تعطش بت علي وبمتوني جود
ماي كصته انمد نهر كدامها
لو غضب عباس وكام .. الحومه يشمرها اعله الشام
والله بيهم ماينلام .. من علي ماخذ زوده
الطلبه عد عباس تهون ..لو تأشر بس ام عون
بجوده ينكل ماي الكون .. سر الحياة بجوده
النهر لخيام الكفلهه اخو زينب كاده
////////////////////////
تمت ____ علاء الزيدي
(#قد_اعطيناك_العباس) محرم #1448هـ
……………………………………………………..
موسى امن الرب يطلب عون
ربي أشدد أزري ابـ هارون
لحسين أوحى إلـاه الناس . قد أعطيناكَ العباس
يسوه الكون
……………………………………………………
من خلقيته .. ابچف القدره وبعده ابين الماي او طين
ومن حاچيته .. اول كلمه وظل ايصيح حسين حسين
گالالي شكرا واهبي
كدها انا واعرف واجبي
ياربي اخذ مني الوعد . اصبح عبد لـ ابن النبي
تقصير مني لو بدر
ابگد نمله تحت امن الصخر
اقبضها روحي ابقدرتك . واحرگني في نار السقر
ياربي و ذني الچفين
منذورات لـ ام حسين
يحسين اعضيدك نوماس . قد اعطيناكَ
العباس
يسوه الكون
……………………………………………………
چلمة خويه .. ما يحچيها سيدي لو مولاي يگول
بالطف هيه .. تطلع مره من ايظل عالشط مچتول
وياك كـ الظل منرسم
خلفك ولا يسبگ جدم
كلش وراك وبالضبط . خاطر يظل عطرك يشم
لو سافرت رايد تحج
صيف الحجاز المنحرج
يوكف يفييلك يظل . عنده الشمس مثل الثلج
بچماغه ايهفي امن اتنام
لا ما يتعب لو ظل عام
و يصد الوجهك بحساس . قد اعطيناكَ العباس
يسوه الكون
……………………………………………………..
جيشك هوَ .. ما يتقارن وي جيش المليون اسباع
يملك قوه .. ابخزرة عينه اطيح اشوارب فوگ الگاع
لا تهتم ابـ سبعين الف
انطيتك اخو كلش كلف
لو طبهم الشرده ابـ عُمر . اظل الزلم تزحف زحف
لو ما قضائي و حكمته
للكوفه توصل ريشته
و يجيب ابن مرجانه الك . ويجره الك من لحيته
عصة موسى ابـ سيفه اتبان
بالطف يبلع چم ثعبان
چم چثه ابـ مهره التنداس . قد اعطيناكَ العباس
يسوه الكون
……………………………………………………..
ينزل للشط .. و بارد مايه وكلبه امجمر بي چانون
ما يشرب قط .. گبلك حاشه الماي إيهون و روحه اتهون
الانبياء اتراقبه
ابموقف اخيّك معجبه
اتمنوا امراد الهم يصح . لو شعره من نص حاجبه
كل الملائك شافته
فگت حلگها الـ خوتّه
ياربنه نتعلم وفه . نشرب اشوي من جربته
بالجنه و ننصب تمثال
ونكتب فليحيا الكفّال
اعليه ننثر بالهيل وياس . قد اعطيناكَ العباس
يسوه الكون
……………………………………………………..
يترس جوده .. ويركض الكم لاچن تمطر فوگه أسهام
اطيح ازنوده .. ولا حس بيهن عينه إدوّر بس اخيام
اعضيدك غده ابموقف صعب
بالجربه هم مو بالحرب
لو بيده جا شگ الصدر . و يشد جربته اعل الگلب
بس منظر الـ ياذي اشكثر
ينصاب جوده و ينكسر
وابـ دمعه يكتب عالارض . عذرا الج يـ ام الخدر
و ايگلك غذراً مولاي
ما جبت الـ عبدالله الماي
يظل يبچي الغيره امن الراس . قد اعطيناكَ العباس
يسوه الكون
……………………………………………………..
اخر موقف .. يكسر كلبك واصب عيونك جمرات
اوياه اتسولف .. يبچي السانك وامحنب ظهر الچلمات
ابحضنك تحط راسه وتحب
و اينزله هو اعل الترب
چي راسك ابلايه حضن . عالرمل وجهك منگلب
ايگلك احلفك بالوحي
خلني ابمچاني ومذبحي
ابنيّات انطيت الوعد . من سكنه وارقيه استحي
ادري وكلش عطشانات
مات الجود و عمچن مات
يا نسمه أنتن بالانفاس . قد اعطيناكَ العباس
يسوه الكون
……………………………………………………..
✍️( سيد خضر الزاملي )
قَد ناده عزرائيل ارجوك مهلاً
لأن قبض الروحِ ماعاد سهلاً.. يبو فاضل
شق صفوف الجيش شق فارسآ
والناس قد ضنت به ابا الحسنً.. يبو فاضل
هب نداء المَوت مفتجعً
وصوتهِ راجف
الشام كان عندهم بطلاً
واصبح خائف
و جاء وعد الله بلقصصِ
للروح قد خاطف
هد عليهم.. سوه بيهم زلزله
ماكو توبه .. وماكو لفضه بسمله
القاده رايد .. فنه واحد يجبله
//////////////////////////////////////////
الهيئه عباس ولكن حيدره
فقارهُ حاضر عاد يوم خيبره.. يبو فاضل
قد فر كل الجيش منه فازعُ
والكل يشبه ذاك الشخص النازعُ.. يبو فاضل
رجع التاريخ وابحث عالنزع
وراجع الفكره
هذه يافارس دكلولي طلع
وبينت امره
العاص َوابن العاص يجلدهم جلد
لو رجع مره
الخوفه بيهم.. خلت الواكف سليب
البعده يرضع.. طَلعت من عده شيب
ماكو فارس.. يبرز كباله عجيب
///////////////////////////////////////
الموت أهون من ركوب العارِ
والعارِ أولى من دخول النارِ.. يبو فاضل
قالها العباس شعراً بالطفوف
فسراهه بمنهجه برمي الجفوف.. يبو فاضل
لجل الحسين اذهبُ مخضباً
بالمال والنفسِ
روحي لهُ كل الفداء مدججً
بالعدهِ والعددِ
ناديت من ناده الا من ناصرً
يانفسِ وارتجلِ
والحومه.. انه راعي الحومه
المو يومه.. اليوم اكتب يومه
والعسكر.. إله اكَسر اخشومه
////////////////////////////////////////////
نادته زينب يعباس الكفيل
اخذ جودك هالعطش هدالي حيل.. يبو فاضل
سكينه تنتضرك احر من الجمر
خلهه تبشر كالهه وتأمر امر.. يبو فاضل
اخذ جوده وللمطهم وارتجل
للنهر متعني
اليوم اراويهم نجوم الما اجن
بلضهر ها ذني
ابن امه اليوكف كبالي اريد
صاح خل يمنعني
يا حسافه.. سهام ماخَوذ بغدر
اتبده مايه.. وكام يضحك هالشمر
وانه رايد .. كلي من عدجن عذر
/////////////////////////////////////////////
تمت ولله الحمد
خادم الحسين محمد الصادق العتابي
@HxzEU1
#قناه_نشر_القصائد_المنبريه
#الناشر_مصطفى_المياحي
مولاتي العليلة روحي فداها
رضيت…هذا الوداع
حملتو_وعفتولي دمعي متاع…
خذيت…روحي ورحت
ما اگدر_للفرگه بويه متت…
عالاقل تارك ألي__رُقيتك
هم أخيتي وهم تسد_وَحِشتك
شلون أضلن وحدي__بغيبتك
عليله بوية صعبه…
من مشيتو أتعثرت__خطوّتي
بين أدية كمت اصب__دمعتي
واحچي وي روحي جرح__غربتي
وحيده وهاية غربه…
رحيلك بوية ماخذ هوه حيلي
المرض يگضي بعيونك من تجيلي
وداعك هوة موتي وهوة ضيمي
اناااام شلون گلي بهذااااا ليلي
اه،،،،بويه حُسين
____
الرحيل…رايد گلب
اتراجف_بوداعك كلش صَعُب…
سبيل…صار الدمع
چنّ أدري_بعيونك ما انجمع…
دمعي بغيابك جرح__بچيتة
وحيلي راح بروحتك__خذيتة
دمعك بعيني حزن__قريتة
اعرفت تالي النهاية…
گوه بويه فارگت__عيونك
ما اعيشن وانتظر__بدونك
من مشيت وحملت__ضعونك
متت من البداية…
مشيت وانا خلفك جيت اموتن
أرد للدار ألمن وووين اروحن
صفت دارك خليه وكلشي وحشه
انه ابلايه عيونك مااااا اشوفن
اه،،،،بويه حُسين
__
قريت…كلشي اليصير
شبگاتك_رسمتلي وحدك تحير
بچيت…وصحت شكثر
يابوية_من ترحل تذبح عمر
بيك تقسي كربلة__وتعذبك
كلشي بالطف بالغرب__يتعبك
شنهو ذنبي انتظر__واحبك
بعد ألمن اتاني…
بعد بعيونك شفت__مصيبه
ظامي والوحدك تضلّ__عجيبه
وجثتك فوگ الترب__سليبه
عشت لوعةْ زماني…
تضل بس انتَ وحدك يلفي موتك
الغريب تموتة چلمةْ وين اخوتك
ابو فاضل يكسرك والهوه يموت
بهلا من ناصر يبح تالي صوتك
اه،،،بويه حُسين
___
الصُور…لمن نمت
عبدلله_بكاروكة ماهو شفت…
وكِسر…گلبي الحلم
محترگة_ماضلت كل الخيم…
كلها محترگة الخيم__شفتهة
الهيمه اطفال الضعن__گضتهة
وكمت ادوّر عمتي__رِدتهة
عليها الدنيا دارت…
شابگه ارقيه وهَضم__عليها
خايفه من العدو__يجيها
وسكنة يمها ينسمع __بچيها
غرايب كلها صارت…
حلم هذا الاجاني شگد هَضمني
اعرفت هاي الحقيقه البيها حِزني
هلي كلهم عطاشه وكلها موتة
وابوي الردتة يرجع ذَبحه هَدني
اه،،،بويه حُسين
____
#محرم_١٤٤٨_هـ_
محسن الباوي
#اللهم_عجل_لوليك_الفرج
ضعن_المحنه لـ ضعن سيد الشهداء عليه السلام
هلَه يـا بعـد اهل بيتي هلَه بالجـاب اهل بيته
الحمام اعلَه المحامِل ذيچ ملـتم اعلَه حنّيته
النـدَه نـازل عله عَيـونه ويتگـاطر علَـه لحيته
الهوه يسلّم علَه رموشَه وبعدهِي بخير عافيته
بكل خطوه سَلامه
هلَه بضعن الكرامه
هلَه بحلوين الرسوم
ويتربات الشهامه
هله بزينب والعيال
هله بـالدمعه تنگال
ينـازح عن الاوطان
الفرح وي طلعتك شال
كلما تگـرب اضـعونك .. تـره اگلوب اليحبّونك
عليك ايگض نبَضها
الهلَه التنگال ملچومَه .. تريد اتمرهَه محرومه
الك وحشَه بدربها
سلامات .. يـضعون اهلنه ابهل سفر
………………….. '
اشحـلاته يناغي عبـدالله ورباب اتفصّل اثيابه
يشبه عمّه صاير حـيل عَبد حتى العطش هابه
حلِم بعيون ابو يكـبر وفتح طـاري الذبـح بابه
كل ساعه ويصدله حســين ونـاره بگلبه لهّابه
شحلات اللمَّه هسه
الضعَن كافل يحرسه
اظن باجر تعطشون
وضعنكم ماهو نفسه
ابد مـا رايـد اعـرض
ولكن سيدي افرض
على اخيامك تهد خيل
ونار وحرمه تـركض
الليل وبسمتَك گمره .. الدرب وياك مو صَحره
التعَب وياك راحه
چَم يـوم ويهِد حيلك .. الظهر ركضة مِداليلك
وتسمع بس مَناحه
سلامات .. يـضعون اهلنه ابهل سفر
…………………..'
تتـزاحم علـيهه اخـوان ذيـچ المره المـهيوبه
رد لا تنـسبي زينـب چـبـيره اخـتك ومتـعـوبه
التحبهه وخايف اعليهه بـاچر تمشي مسلوبه
(چانـت) بـاچر يگولون اميره وموش مطلـوبه
هزل باچـر يجيبون
باختكم ما يرحمون
رسالة خوفي مولاي
احبكم وانتو تدرون
اظَـن هايه الاخيره
تجين بظِل عشيـره
بعد ما يحدي عباس
ولا تبقـين امـيـره
شمحلاهَه بدفو اخوتهَه .. امتون الخوّه شالتهه
وعليهَه اتضلل اسيوف
ابشري هسَّه تسمعهَه .. واركضي هناك تفجعهه
وركضهه الوادم تشوف
سلامات .. يـضعون اهلنه ابهل سفر
…………………..'
يحسب بيهم اولاده وعلَه الاكبر يطيل الشوف
اسم الله عليك يوليدي تطلع منه تنزف خوف
ليـش تعاين لطوله ولـونك علـ ولد مخطوف
لمَّه بحضـنك وشمَّه بـاچر يغفه بيـن سـيوف
بحصيره باچر اتشيل
ضوه اعيونك بلا حيل
أعينـوني علي راح
يزينب اخذته الخيل
ترد تمسح بالاردان
الحگوا يآل عدنان
تحشّم محد ايگوم
وتحِن اعليك نسوان
يبويه الهسَّه تسمعهه .. بظهر عاشر تضيعهه
وتضل تتنطر ارباك
يرد ليك المهر دامي .. واشوفك جوّه احلامي
تحير ومحد اوياك
سلامات .. يـضعون اهلنه ابهل سفر
…………………..'
لو صار المسَه وچَلچَل علَه خيامك واهل بيتك
وانته اعله الوجه مگلوب طـايح والخـيم نيتَك
بـاچـر تسـمع الـ بابا رقـيه آنه ونِـفـس ريـتـك
اجيت وبيدي جبت المـاي بلكي وترد عافيتـك
ابسفر گلولي وتعود
وصبر ماضل يمفگود
اجيت اتوسل الليل
يليل اموتني هم سود
يمر باچر ضعن بيك
وجسد عاري يخليّك
ويهد گلبك احن صوت
يخويه انسلّم اعليك
يعوفـنك بله موادع .. ضعن بعد الاهل ضايع
وعليهم تسفي الارياح
بعد ما ينعرف ضعنك .. اشكثر رادن يودعنّك
وخذوهِن والضعن راح
سلامات .. يـضعون اهلنه ابهل سفر
عباس خليل السماوي
#اللهم_عجل_لوليك_الفرج
#محرم١٤٤٧هـ
محمد ابن الحنفيه
ـــــــــــــــــــــــــــــــــــ
اسمع زينب شجاها .. يامحمد
العدو يمشي وراها .. يامحمد
شفت اخوك حسين طاح ودمه يجري
والشمر يرفس ضلوعه وكسر ظهري
نار خيمتنا بيها احترگ خدري
وانت مو يمي يخويه ضاع عمري
حسين گدامي تطشر.. يامحمد
كلما يريد يگوم يعثر.. يامحمد
يامحمد لو تشوف حسين عالگاع
مـا بقت من عنده وصله بعد الوداع
شفت المطشر بعيني وبـالـعـطـش ضاع
والخيل ماترضه تهده تدوسه كلساع
ـــــــــــــــــــــــــــــــــــــــــــــــــــــــــــــــــ
من رحت للشام گوه .. يامحمد
راح مني كلشي يسوه .. يامحمد
شفت أخوك حسين مگلوب على خده
والخيل فوك ضلوعه صارت تمده وترده
العـجيبـه كـلـهم يـعـرفـون جـده
حركوا الخيمة وخذوا محبسه العنده
الماي يرجف من هضمنه .. يامحمد
والرمـل غـطـى زلمنـه .. يامحمد
مدللة جيت ورجعت بخدر مسلوب
وحتى وجهي من البواچي صار مكلوب
يامـحمد حيـل هـدني ذاك الصـوب
حسين باقي على الثرى وبلايه ثوب
ــــــــــــــــــــــــــــــــــــــــــــــــــــــــــــــــــــ
ضـاگـت الـدنـيـا بـعـبـايـة .. يامحمد
والـخـدر مـا ظـل لـه رايـة .. يامحمد
انا أختك عاين لمتني شصار بيه
أحمـر من السـوط امـبين عليـه
ردت بس حسين يحجي نرد سويه
يا محمد خويه ما ضل بيـت ليه
ليلي ما خلص ونينه .. يامحمد
الغرب ضحكت علينه .. يامحمد
من مشينا وللغرب تالي انولينا
والسناسل يامحمد ورمت ايدينا
نصيح وينك ياعلي تحضر إلينا
ليش هيج الدنيا صارت تمشي بينا
مؤمل رضا العبودي