308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
#туғилган_кун
* * *
Тахаюл тунида сени эсладим,
Кафтингда бахт қуши, елкангда кафтар.
Пойингда тиз чўкиб мўлтирар маъюс
Кийиклар.
Бошингда гулбаргак, қароғингда ой,
Севдим, дедим сени, манглайи ялпиз,
Қўй деди, этагинг тишлаб ётган той —
Она қиз бу,
Она қиз.
Қалдироқ бургутдай ерга ташланди,
Оёғимдан тортди, боғлади йўлга.
Йўл чопди,
Жуда кўп чопди.
Ташлади малаклар чўмилган кўлга.
Сев, сев, севв!
Тепамдан бақириб ўтди қалдироқ,
Устимдан қичқириб ўтди шамоллар.
Ёнимга келдилар
Гўзал, яланғоч —
Сев мени, дегунча
Соҳибжамоллар.
Кўзимга мил тортдим, сени эсладим,
Кафтингда бахт қуши, елкангда кафтар.
Осмон марказига ботаётирсан,
Осмон марказига ботар
Кийиклар.
Абдували Қутбиддин
@Nozima_Habibullayeva
Эй Бухоро
Гарчи башар руҳидек қадим,
Лекин, яшнаб турар гужумлар.
Самарқандда Бухорони деб,
Юлдуз қурир аҳли нужумлар.
Чорлайверар кўҳна Чор Бакир,
Нақшбандий нақш солар руҳга.
Ғиждувонда бошласанг такбир,
Икки дунёнг тўлар шукуҳга.
Етти пирин етти кун кезиб,
Руҳимдаги ишқни уйғотдим.
Ўн иккита дарвозасини,
Ўн икки ой қўриқлаб ётдим.
Ёр жамолин излаб жунуним,
Аршга чиқди Арк зинасидан.
Ҳар мадраса, минор пичирлар:
"Бухоронинг энг кўҳнасиман! "
Май ойида кезингсанг тунда,
Сархуш боқар сархуш юлдузлар.
Нур таратар йигитлар бунда,
Қуёш билан дугона қизлар.
Минораи калонни қучиб,
Ғиштларига лаб боссанг секин.
Ҳар бир ғиштга берилган гўё,
Мағрурлик ва мангулик чеки.
Сенга келсам нур чўлғар мени,
Эй сен маҳваш, эй сен дилоро.
Ўн саккиз минг олам ичинда,
Яна битта олам Бухоро!
Туш
Йиллардирки, тош ботар жонга,
Асрларки, аянч аҳволим.
Тушларимда Қўқон томонга,
От солдириб кетар бир золим.
Гул водийда, довон ортида,
Яшар эркдан туғ тутган ҳаёл.
Қиличдан ҳам ўткир бир хоним,
Шамолдан ҳам озод бир аёл.
Озод аёл, шоир аёлнинг,
Руҳин эркка тўйдириб бўлмас.
Жаҳолатни ўлдирса бўлар,
Малоҳатни ўлдириб бўлмас.
Гулзор кезар тушларим ичра,
Гул Нодирам, гул Моҳлар ойим.
Бу дунёда Бир Худойимдан,
Ишқдан бошқа не хоҳлар ойим?
Боқсам Бухор кўчаларида,
Шеър излайди Шаҳриёр Шавкат.
Шаҳриёрга Нозима Ҳабиб,
Лаби билан ёзганмиш дастхат.
... Яна умид уйғонар руҳда:
Ишқ боғини сўлдириб бўлмас!
Жаҳолатни ўлдирса бўлар,
Муҳаббатни ўлдириб бўлмас!
... Шу умидда сенга келдим мен,
Эй оламга безак, эй оро.
Мен Насрулло йўлини тўсиб,
Тўхтатгали келдим, Бухоро.
Ва Тўмарис руҳини кийдим,
Қўрқар ҳар Кир, ҳар қандай Доро.
Мен Насрулло қиличларини,
Синдиргали келдим, Бухоро.
Эй ишқ қадар кўҳна дилбарим,
Эй сен маҳваш, эй сен дилоро.
Завол топма қиёматда ҳам,
Муҳаббатдек мангу Бухоро!
22-23 май. 2024 йил.
Бухоро.
@Guljamol_Asqarova
Tushimda kulgingni chakkamga taqib,
Arg‘imchoq uchibman janub yoqlarda...
✍ Nozima Habibullayeva
🎤 Durdona Ubaydullayeva
@Nozima_Habibullayeva
Yaxshiyam siz borsiz,
Yaxshiyam so'z bor...
✍Nozima Habibullayeva
🎤Mahbuba Ahmedova
@Mahbubaning_kundaligi
➡️@Jadid_media
💮OBLIVION
✍️Nozima HABIBULLAYEVA:
Osmon ko‘m-ko‘k, yer yam-yashil edi. Bahorgi quyosh nurlari dam maysalar uzra yastanar, dam ariqdagi suvda jilvalanardi. Yer-u ko‘k orasida erka shabboda sarsari kezardi. Yaydoq daladagi yakka soyabon – marvartak tut ostida Saida yelkasiga skripka tirab mashq qilyapti.
#Mushoira
#Ijodiy_gurung
❗️24-mart soat 20:00 da “Duel” loyihasining 2021-yil g‘olibi Shahriyor Shavkat va Respublika bosqichi ishtirokchisi Nozima Habibullayeva bilan onlayn suhbat o‘tkaziladi.
📝 Mavzu: “Duel”ning yoshlar she’riyatiga ta’siri
Suhbatimiz barcha uchun ochiq va erkin tarzda bo‘lib o‘tadi. Ijodkorlarimizdan miriqib she’r tinglashingiz, savollaringiz bo‘lsa bemalol yo‘llashingiz mumkin.
📣 Barcha she’r ixlosmandlarini chorlab qolamiz!
👉 @duelloyihasi
#mutolaa
Siz qaysi haqiqatni izlab yashayabsiz? Va parcha qaysi asardan?
P/S: Oxirgi marta "Iqrornoma" dan keyin shunaqa revolyutsiyaga uchragandim.
@Nozima_Habibullayeva
OPEN MIC ijodkorlari, ruhan yayrashimga sababkor bo'lganingiz uchun rahmat! Odamni ketgisi kelmadi. Erta tugatib qo'yganingiz uchun shikoyatim bor!)))
Dekoratsiya, rekvizitlar, xullas, g'oyaga gap yo'q! She'r o'qigan shoirlarga ham tashakkurlarim!
Kamera sifatsiz oldi. Ammo she'r sifatli edi. Nozimani, avvalo, shaxsiyatini hurmat qilaman! Va ko'ngli kabi toza she'riyatiga ham borgan sari mehrim ortmoqda.
Sitorai Mohi xosa ga bag'ishlab o'qiganingiz yuragimning xotirasida qoldi! Go'zal she'r!..
Yana bo'lsa, yana tinglar edim...))
/channel/NISAN_8
САККИЗЛИКЛАР
Бу тўрт девор - мисоли қути,
Эшигини қидиради бахт.
Тўрт бурчакка қисилган қутб
Ва гулдонга сопқўйилган вақт.
То томгача зулмат қуйилган
То тонггача тушлари ғижим.
Қанотлари михлаб қўйилган
Деразага айландим...
*
Қаҳратонда сирғалар ўйлар
Уфқ қонини чизар ҳомаки.
Елкалари эзилган уйлар
Чекиб чиқар тунда тамаки.
Тирноқ сотар бўри. Осмон юк,
Келолмайди қисматга тикка.
Балиқ сотиб ўтирган мушук
Чўкиб борар тирикчиликка...
*
Деразадан термулгум шарққа
Олис олис туюлар кун ҳам.
Ва кирланган кўнглимни чайқаб
Куй бўлар «Дурруди Муаззам».
Мафтун этар буткул ташқари
Бир ичкарим бор олисларда.
Учиб кетган нигоҳларимга
Қўлин чўзиб қолади парда...
*
Қамар тўлғонади «Тугалланмаган
симфония»ни кулиб тинглар қай сурбет.
Якунлаб қўй деган даъвати билан
Илҳақ. Тушларимга киради Шуберт.
Қадамим- оҳирги товушлардир, сўнг
Нуқтага айланар нота шу издан.
Кўзимдан тўкилар энг сўнгги оҳанг
Чакка ўтмадими юрагингиздан?
7.8.2018
@Nozima_Habibullayeva
#boburday
___
Gul jamolin yopqon ul gulning iki rayhonidur,
G'uncha sirin ochqon ul ikki labi xandonidur.
Ul musalsal ikki zulfi gul yuzining davrida,
Gul uza og'nar, magar, ul ikkining davronidur.
O‘qi zaxmini ko‘rub har yon tanimda el degay,
Kim, bu ko‘hi dardning ul lolayi No‘monidur.
Sel emasdur yer yuzin tutqon — ko‘zumning yoshidur!
Ra’d emasdur ko‘kka chirmashqon — ko‘ngul afg'onidur!
Lojaram bo‘lg'ay parishon-u havoyi men kibi,
Zarra yanglig‘ kimki bir xushred sargardonidur.
Ul pari ishqida, Bobur, ko‘nglum andoq telbadur.
Kim, sochi zanjiridur chohi zaqan zindonidur.
***
Jonimdin o‘zga yori vafodor topmadim,
Ko‘nglimdin o‘zga mahrami asror topmadim.
Jonimdek o‘zga jonni dilafgor ko‘rmadim,
Ko‘nglim kibi ko‘ngulni giriftor topmadim.
Usruk ko‘ziga toki ko‘ngul bo‘ldi mubtalo,
Hargiz bu telbani yana hushyor topmadim.
Nochor furqati bila xo‘y etmisham, netay,
Chun vaslig‘a o‘zumni sazovor topmadim.
Bore boray eshigiga bu navbat, ey ko‘ngul,
Nechaki borib eshigiga, bor topmadim.
Bobur, o‘zingni o‘rgata ko‘r, yorsizki, men,
Istab jahonni, muncha qilib, yor topmadim.
***
Sochining savdosi tushti boshima boshdin yana,
Tiyra bo‘ldi ro‘zg'orim ul qaro qoshdin yana.
Men xud ul tifli parivashg'a ko‘ngul berdim, vale,
Xonumonim nogahon buzulmag'ay boshdin yana.
Yuz yomonliq ko‘rub ondin telba bo‘ldung, ey ko‘ngul,
Yaxshilig'ni ko‘z turarsen ul parivashdin yana.
Tosh urar atfol mani, uyida forig‘ ul pari,
Telbalardek qichqirurmen har zamon toshdin yana.
Oyog'im yetgancha Boburdek ketar erdim, netay,
Sochining savdosi tushti boshima boshdin yana.
Zahiriddin Muhammad BOBUR
__
@Nozima_Habibullayeva
Укажўрам Шаҳриёр Шавкатни, қизим Нозимани ва набирамни бугунги айём билан чин юракдан қутлайман! Умр, оилавий бахт ва ижод йўлингиз узоқ бўлсин!
P.S. Ушбуни тайёрлашда Бахтиёр Раҳмоновнинг Maktubpoems канали видеоларидан фойдаландик.
Қўлларимга қизил олов тутқазди у,
Миллион йиллар совқотмасам керак энди.
Ишончимни ютиб, дилин ютқазди у
Кўксимдаги кўксидаги юрак энди.
Мен номини билмайдиган ранглар билан
Сийратимни чизиб берди самоларга.
У куйлади, оҳангларга айландим- у
Ҳаволарга сингиб кетдим, ҳаволарга.
Бир мусаффо сўзлар оқди кўзларимдан
Бу куз бунча яшиликка кўмилгандир
Яноғимдан, қароғимдан, сўроғимдан
Қуёш узиб олса бўлар тандир - тандир.
Қадамлари қутлуғмиди ё шунчалик
Ўйларимдан томиримга кўчди фараҳ.
Ўн саккиз минг олам билан жимирладик
Шивирлади қулоғимга исмини Бахт!
✍ Нозима ҲАБИБУЛЛАЕВА
@wwwesdalikuz
www.esdalik.uz
#malumot_uchun
Latviyada kuryerlik qiluvchi yurtdoshimiz Hasan Azlarov kafeda buyurtmasini kutayotgan vaqt pianinoda chala boshlagan. Ushbu ijrodan zavqlangan mijozlardan biri uni tasvirga olgan va o‘zining ijtimoiy tarmoqlardagi sahifasiga joylagan. Bu orqali Azlarov internet yulduziga aylandi.
___
@Nozima_Habibullayeva
Kayfiyatning rangi yomg‘ir 💦 💙
#music_time
Yomg‘irlar yog‘adi takror va takror,
Olis yulduzlarning ko‘zyoshi misol...
@Nozima_Habibullayeva
Sog‘inch...
Ichimizdagi og‘riq.
O‘sha beg‘ubor "raqobat" bilan qizg‘in ekanmiz, o‘ylasam. Kim boshlab berdi bu "jang" dan chekinishni, bilmadim.
Asli shoir jim o‘tirgan payti yozayotgan bo‘ladi degandek, kimdir sukunatni buzishini kutib turibmiz chog‘i...
YUK
Bu tugun —
Shahlo ko‘zlari ko‘kargan,
Bir qo‘lida bola ko‘targan
Loy ko‘chadan takror o‘tarkan,
Joni palaxmonidan uchqur
Ayolniki.
Bu to‘rva —
Burchida bir burda qotgan non,
Qotganidan uch kun o‘tgan non,
Qor kuraydi, yuragi vayron,
Vatanida mo‘ltirab to‘rt jon.
Qozonida qaynatgan sho‘rva,
Halolniki.
Bu chamadon —
Qotgan nondek tarasha, taqir,
Qullariga qul bo‘lgan, asir,
Cho‘ntagi hasharga muntazir,
Umri bo‘yinbog‘idan arzon,
Zavolniki.
Bu savat
Yeb-ichardan bo‘lak dardi yo‘q,
To‘ylarining pirovardi yo‘q,
Davrasida biror sarti yo‘q,
Hashamatdan ortiq xarji yo‘q,
Isroflari qavatma-qavat
Hammolniki.
Bu she'r—
Tutqichi yo‘q og‘riqlar haqda,
Og‘rig‘iga bog‘liqlar haqda,
"Qodir esang uyg‘ot"-u,shartta,
Qay birini ko‘tarayin der,
Xayolniki...
@Nozima_Habibullayeva
Tasodiflar biram go‘zal bo‘ladi-ye...
Dahoning asarini bo‘lajak daholar mutolaaga tayyorladik. 😊
So‘z yo‘lida, qalb yo‘lida hamisha butunmiz.
P/S: https://mutolaa.com/692 orqali o‘qishingiz mumkin.
Yoki asardan sevimli jumlalaringizdan iqtibos ilinib o‘ting.
@Nozima_Habibullayeva
* * *
Бу йил қизғалдоққа чиқмоқчи эдик,
Куттирдик,
тун чўкди бағирларига.
Апрел қайтиб кетди, дутори куюк,
Маҳзун қўшиқ сочиб адирларига.
Турналар кўриниш бермади ахир,
Қўл чўзи-иб ҳайқирдим боботоғларда.
Тушимда кулгингни чаккамга тақиб
Арғимчоқ учибман жануб ёқларда.
Бу осмон – тилаклар кетгувчи қутб,
Муждалар тўкилар тўлётган майга.
Ўсмалар қўйсам-у,
йўлларим кутиб
Яшил шаҳарларнинг қоши қорайган.
Соғинчлар чулғаса елга ашъор айт,
Кўнглим тўқ, фақат сўз маҳбубларингдир.
Қуёш ёниб кетсин, кўпроқ исинай –
Варрак қилиб учир мактубларингни
@Nozima_Habibullayeva
🔈Nihoyat, uzoq kutilgan “Duel” loyihasining yangi mavsumi boshlandi!
📱Umumiy mukofot jamg‘armasi 424 million so‘m!
Tanlov barcha viloyatlar bo‘ylab faqat nazm: kattalar va bolalar she’riyati yo‘nalishida ijod qiladigan 15–30 yosh oralig‘idagi shoirlar o‘rtasida bo‘lib o‘tadi.
🏆 Respublika bosqichi g‘oliblari: 1-o‘rin – 50 mln. so‘m; 2-o‘rin – 40 mln. so‘m pul mukofoti bilan taqdirlanadi.
🖥 Ishtirok etish uchun Tanlov nizomi bilan batafsil tanishib chiqing va belgilangan tartibda o‘z arizangizni yuboring.
✉️ Arizalar 29-apreldan 29-maygacha @duel_ariza_bot orqali qabul qilinadi.
⚠️Nizomda ko‘rsatilgan talabga javob bermaydigan hujjatlar qabul qilinmaydi.
Murojaat uchun tel: +998956622024
🫥Loyiha haqida chekka hududlardagi iste’dodlar ham xabar topishi uchun o‘z hissangizni ayamang. Tanlov e’lonini shaxsiy sahifalaringizda ulashing. “Duel” maydoniga eng munosiblarni chorlang!
📱Telegram 📱 Facebook 📱 Instagram 📱 Duelloyihasi?si=oM0eSa3F4ygabeuF">YouTube
#mutolaa
Agar xudo bo‘lmaganda edi, sultonim, – dedi u sekin, – biz uning to‘g‘risida gapirishmas edik. Biz nima va kim to‘g‘risida gapirishdik? Sen kimni inkor qilding? – dedi u to‘satdan g‘olibona jiddiyat va tantana bilan. – Xudo bo‘lmasa, uni kim o‘ylab chiqaribdi? Bo‘lmasa, nega senda shunday tushunib bo‘lmaydigan bir vujud bor degan taxmin paydo bo‘lgan ekan? Bo‘lmasa, nega sen va butun olam shunday aql-idrok yetmaydigan qudratli va o‘zining butun xislatlari bilan abadiy va benihoya bir vujud bor deb taxmin qiladi? – dedi mason va uzoq jim qoldi.
Pyer so‘z qotishni istamadi va so‘z qotolmadi.
Mason ichki hayajondan tek turolmagan qo‘li bilan oldidagi kitobni varaqlar edi.
Xudo bor, lekin uni anglash mushkul, – dedi yana mason Pyerning aftiga qarab. – Xudo odam bo‘lsayu sen uning borligiga shubha qilganingda edi, men uning qo‘lidan ushlab, oldingga olib kelib ko‘rsatar edim. Lekin men, bir ojiz banda, uning butun qudratini, abadiy ekanligini, butun lutfu karamini ko‘rga yoki uni ko‘rmaslik va bilmaslik uchun o‘z razolatini, jaholatini ko‘rmaslik va tushunmaslik uchun ko‘zini yumgan kishiga qanday qilib ko‘rsatolaman? – u yana jim qoldi. – Kimsan o‘zing? Nimadan iboratsan? Shunday kufr so‘zlarni so‘zlay olganing uchun o‘zingni donishmand deb o‘ylaysanmi, – dedi mason zaharxanda qilib. – Sen juda hunarmand usta yasagan soatning qismlarini o‘ynab o‘tirib, bu soatning nimaga kerakligini bilmagani uchun ustaning borligiga ham ishonmaydigan boladan ham nodonroq, befahmroqsan.
Xudoni bilmoq qiyin. Biz asr bo‘yi, Odam Atodan boshlab shu kungacha uni bilishga tirishib kelmoqdamiz, lekin bu maqsadga erishmoqdan hali benihoyat uzoqdamiz, uni anglamaganimizga sabab o‘zimizning ojizligimiz-u uning buyukligidir...
"Urush va tinchlik", Lev Tolstoy
_____
@Nozima_Habibullayeva
➡️ @Jadid_media
🌸 QADAM BOSSAM GULLAYDI CHECHAK
✍️ Zulfiya ISROILOVA:
Bu nazm bog‘iga kirolmas xazon,
Bizni mahf etolmas zavol lashkari,
Men ketsam mung‘aymas umrim hech qachon,
Bu bog‘lar – bir bog‘lar bo‘ladi hali…
Mustaqil ijodkor yoshlar birlashmasi, Book.uz hamkorligidagi
Ochiq mikrofon loyihasining bayram sonini kutib oling!
🔥 Kecha mehmonlari
Xosiyat Rustamova
Go‘zal Begim
Mehrinoz Abbosova
Go‘zal Ro‘ziyeva
Bashorat Otajonova
Tillaniso
Feruza Xayrullayeva
Nozima Xabibullayeva
Kumush Abdusalomova
MohiRa
Nilufar Ergasheva
Boshlovchilar: Alisher Sabriy va Shavkat Do'stmuhammad
Keling, tinglang, his qiling! O‘z she’r va hikoyalaringiz bilan ishtirok eting.
⏰ 9-mart, 17:00
📌 Book.uz (Qatortol)
/channel/ochiq_mikrofon
НЕЛЛИ ЗАКС*
***
Оқшом қайда бўлса шундасан,
бунда
Биргасан,
дунёга қўл силтган илмлар ичра.
Узоқдан
бармоғинг титроғи учраб
тегсаёқ бўялар кема устуни:
Қанотланар кема,
рангланар денгиз...
Номаълум денгизнинг харитасини
мусиқага жойлаб симириб ётар
сенинг қулоқларинг- чиғаноқларинг.
Пойдевор, кўприклар...
Буёқдан
уёққа қадар чўзилган
Эҳтимол, жуда жўн топишмоқ
Аммо,
Жавоб топганлар ўлган...
__
* Немис шоираси
__
(Рус тилидан Нозима Хабибуллаева таржимаси)
@Nozima_Habibullayeva
#Tug‘ilgan_kun
Menga va adabiyotga muborak kuningiz bilan tabriklayman ! Qolgan tilaklarni "direkt" ingizga yo‘lladim 🥰
(P/S: Meni she'rlarim alohida kitob bo‘larkan, sahifaga sig‘madi. Kitoblarimiz ko‘p bo‘lsin! )
* * *
Сен билан бошлаган китобим
Охирига этар лаҳзада.
Тазодга чидайман,
итобим
овозимга олов тақса-да!
Сен билан бошлаган шаробим
Охирига этади зумда.
Қуйганинг майми ё гулобми –
Шунча сафо борми узумда?
Ҳа-а,
биламан, оққушқанотим,
Ким айтарди:
“Мен – абадийман!”
Сен билан бошлаган ҳаётим
Охирига этмаса дейман!
* * *
Йиғилди, сочилди, эшилди ушшоқ,
Чайқалиб тинглади кўл-у нилуфар.
Куйлагил,
бой бўлсин ман каби қашшоқ,
Ай умри – зебу зар,
Кунлари – гуҳар!
Манинг умрим нима,
Кукунми, кулми?
Ёхуд оқ матога сачраган ғубор?
Йиғиб олсин уни мусиқа илми,
Ай руҳи мусиқор,
Сочлари чилтор!
Беш маҳал қаламга тўқнашди бармоқ,
Ҳар сафар бир мисра –
Муҳаммас ёздик.
Ўқиб ол дуога қўл очганим чоқ,
Ай ҳарир овозлик,
Суҳбати нозик!
Бошимда йигитлик айёми нозир,
Мўйсафид хаёллар тутмоқда аттор.
Шиддатим – подшо-ю,
Муддатим – вазир,
Ва ўзим рўзадор,
Висолинг – ифтор!
Манинг умрим фузул ҳисга ҳамоҳанг
Қадаҳдир шаробин ранги гуногун.
Уни нўш этмоқда гирдоби оҳанг,
Ай васфи – арғанун,
Фироқи – ноғун!
* * *
Қуёш кетганида ғурубга эниб,
Замин дуч келади бошқа савдога:
Бутун Тошкент ухлаб қолганда, сени
Ўғирлаб кетаман
Қашқадарёга!
Ҳуркитиб Сирдарё лайлакларини,
Жиззахда тулпорга тўқнашади тонг!
Самарқанд баҳорий кўйлакларини
силкитар
ва борлиқ ура бошлар бонг!
Ҳў-ў, ундан у ёғи – тупроқ остидан
Самога ўрлаган матонатимдир!
Энг баланд ҳисорий қоя устидан
Кўрганинг – жайдари салтанатимдир!
Мана шу –
Искандар навкарларини
Қиличдан ўтказган ори зада эл!
Мана шу –
Муқанна каби бағрини
Жангларга пешлаган оловзода эл!
Менинг томиримда қайнаётган қон –
Жаҳоннинг ярмини этиб назорат,
Тангри инояти билан бир замон
Муқаддас Туронни қурган жасорат!
...Сени ўғирладим.
Тушун, барини
Қонунга мувофиқ қилгайман мудом.
Дунёнинг энг гўзал санамларини
Кешга келтиришни буюрган бобом.
Шаҳриёр ШАВКАТ
@Nozima_Habibullayeva
#music_time
Bedorlar uchun shirin qo‘shiq 🎼
❤️ (tong arafasi eshitimli)
__
Osmon va yer tutashgan lahza-
Birga qarshi olamiz Tongni.
Bosh ko‘tarar muzaffar quyosh,
Bu shaharning qo‘ng‘iroqlari
Bong uradi g‘oliblar uchun.
Yelkang uzra ko‘taraman bosh...
._
@Nozima_Habibullayeva
Musiqa maktabida o‘qigan paytlarim Shopendan chalish juda katta status edi o‘quvchilar orasida.( Chunki, uning asarlari bir eshitishda ko‘ngilga oqib kirgani bilan, chalish uchun texnikasi juda murakkab va uzoq yillik tajriba, mehnatni talab qiladi ) O‘qituvchim boshqa repertuar bergandayam qaysarlik qilib turib oldim, Shopendan chalaman deb. Bitiruvda bir "Ekspromt" iga yetdim.(Hali prelyudiya, Noktyurnlar qayoqda..)
Kollejda prelyudiyasiga erishdim, shuni o‘zi a'lo baho va "dofamin" ga yetardi. Uyog‘i bosqichma-bosqich tajriba...
Aytmoqchi bo‘lganim, Shopendan chalayotgan bu barmoqlar bir umr chinakkam san'at va tinglovchilar o‘rtasida "kuryerlik" qilishi mumkin edi. Har bir chalingan notalarda yillab qilingan mashqlar, mehnat bor edi.
Shu insonning omadi kulibdi, davomiy bo‘lsin. Biroq bu kabi qancha muhojirlarning ichida iste'dod o‘ldi ekan?! Achindim, rosti... Talantlarning qadri bo‘lmagan zamonmi, makonmi bilmadim. Og‘rindim...
@Nozima_Habibullayeva
На Оламга кўндим,
На Одамга кўндим.
Қибла деб атадим олти томонни.
Томондан томонга урилавериб
Мусофир қушлардай топмадим қўним,
Кўрмасми, сезмасми наҳот У?
Тушларимда сездим,
Ҳушларимда сездим,
Томиримда оқди унинг борлиги.
Турланиб, ҳурланиб тасбеҳ тошидай
Қаршисига жамлаб, ўзимни чиздим.
Кўрмасми, сезмасми борлиқни?
Шеър бўлиб тўкилди -
Сир бўлиб тўкилди,
Ўзини очмади, калит топмадим.
Бир бор кўзларини кўрайин дедим,
туйнук излаб соб бўлди йиллар
Кўрмасми, сезмасми, бунча жим?!
Бормоқларим хатар,
Қолмоқларим хатар,
Икки ғавғо аро қизийди савдо.
Бу савдо ичинда сочларим кумуш,
Тирноқларим ўрнида гавҳар
Кўрмасми, сезмасми, оҳ.
Сукутга қамадим ўзимни ўзим.
Қанотга айланди бор зардаларим.
Унга айтарим кўп, айтайин десам,
Тилимнинг тагида эрир сўзларим.
Сезмасми?
Севмасми?
Мен учишим керак!
Қаерда дунёнинг деразалари?
Башорат Отажонова
T.me/Bashorat_Otajonova
Нимадир излаб, телеграмда Шеърий Лаҳзалар каналига кириб қолдим. Бирдан кўзимда мозий жонланди...
2018 эди. Бахтинисо опа ҳали тирик, Жонтемир ака бошчилигида Муҳаммад Сиддиқ, Шаҳриёр Шавкат, мен, Мадина Норчаева, Гулҳаё Анорова, Нозима Ҳабибуллаева, Зулхумор Орифжонова... Бир чиққандик. Устоз Хуршид Давронлар, Азиз Саидлар, Одил Икромлар пиримиз эди. Деярли ҳар ҳафта kh-davron.uz сайтида қай биримизнинг шеъри чиқар, фейсбукда баҳслашар, ўзимизга Абдулла Ориф шеърларидаги каби душман яратардик. Ёш эдик, ҳозир ҳам ёшмиз. Фақат, ўн тўққиз, ўн саккизга кирган бу авлод қаршисида устозлар буюк келажакдан бонг уришарди.
Орадан беш йил ўтди, бу башоратлар мева бердимикан?
Санжар Назар ташаббуси билан босилган иккинчи, кўламдорроқ китобларимиз, "Излам" туркуми, менимча бу башоратнинг бир қадар амалга ошганидан дарак.
Наслимиз, дерди Жонтемир ака. Шавкат Раҳмонлардан сўнг бир порлаб бир сўнган ўзбек шеъриятига кириб келган катта оқим...
Биз аввалги насллардек ўзимиздан аввалгиларни буткул рад қилмасдик. Шаҳриёр Шавкат шеърларида халқ оҳангини ўз шахсий призмасидан ўтказиб, лирикага қориштириб берарди ва бу ўзбек шеъриятида ноёб ҳолат. Муҳаммад ҳам Фарғона адабий муҳитининг мустасно оҳангларини ғилч қофияга чўктирмай, турли торлардан жаранглатарди. Ўзимни билмадим... Кўплар шеърингни докторантура диссертациясидек ёзасан, дейишарди.
Яна Нурмуҳаммад бор. Наслимизнинг энг беғуборидир балки...
Нималар бўлганди? Мен Миллийнинг француз филологиясига топшириб киролмаган, "Китоб Дунёсида" таржимон бўлиб ишлар, Жонтемир ака ҳам университет ташвишлари билан сарсон, Муҳаммадлар, Нурлар қаердадир ишлар, Шуҳрат ҳали Шуҳрат Файзий бўлиб шеърлар ёзар...
Энди нималар ўзгарди? Муҳаммад билан Маданиятга кирдик, мен ташлаб кетдим, у қолди. Шеър ёзмай қўйдим, ўзимни таржима ва адабиётшуносликка атадим. Жонтемир ака ҳар тун шеър ёзаверди, опалар турмуш қилди, Шуҳрат ёзмади, Нур ва Муҳиддин Нидо немис, француз тилларини ўрганишди... Бахтинисо опа кетди, биз пинҳон мухлиси бўлган Зариф Султоний кетди.. Ўлимлар ва унутишлар даври бўлди бу беш йил. Ким билади, балки кун келиб кимнингдир кундалигидан чиқар.
Биз ўзгардик. Давраларимиз узоқлашди. Аввалига буни "ўлим" деб атадим. Бироқ, менимча бир элек даври эди бу. Қаерда бўлмайлик, ҳеч қайсимиз адабиётдан айрилмадик. Сўз яна олий эътиқодимиз бўлаверди, бўлаверади.
Шеърий Лаҳзалар эса наслимизнинг шеърий солномаси бўлса, не ажаб? Не ажабки уёқдаги шеърлар, бир бурчакда қимтинибгина турган шоир таҳаллуслари, янги номлар... Кун келиб, дарсликларга кирса нимадир ўзгарармиди? Йўқ. Биз бу беш йилда шеъриятнинг дарсликлар, мукофоту эътирофлар, танқидлардан баландлигини тушундик менимча. Худди юксалаётган ракета устидаги юкларидан бир бир қутулганидек, биз ҳам йиллар ичра юкларимиздан қутилиб бордик, борамиз.
Мен Американ адабиётига йўналдим, ўз назарияларимни ярата бошладим, Жонтемир ака ва Муҳаммад ўзлари учун янги поетик тил яратишди, Шаҳриёр миллатга йўналди, миллатнинг дардини арзон торларда чалиш керак деган мажбурият йўқлигини исботлаб, олий даражадаги ижод орқали ҳам қора халқ тилини сайратиш мумкинлигини исботлади. Нурмуҳаммад ҳам кун келиб буюк таржимон бўлади, ишончим комил.
Наслимизнинг тириклигини, ҳамон чаппор уриб гуллаётганини менга эслатгани, "Ҳалиям адабиёт билансан" деб руҳимни бир силтагани учун Шеърий Лаҳзалардан шунчалар миннатдорманки...
Мирзоҳид Музаффар
Ўқинглар, бу тарихий солномага сизнинг ҳам нигоҳингиз тўкилсин:
@sheriylahzalar
