الفن اليمني الاصيل
12 марта 2025 01:02
#حادث_العشاش المحزن اليوم ادى لوفيات والسبب الظاهره الدخيله على المجتمع من تجمعات وتفاحيط
كلهم شباب بعمر الزهور طايشين
نسأل من الله الرحمة والمغفرة لهم
وحسبنا الله ونعم الوكيل
ممنوع 🚫 التفحيط
ممنوع 🚫 السرعة
#حادث_العشاش
Читать полностью…
الفن اليمني الاصيل
10 марта 2025 05:39
#عيال_السفاح
"البارت الخامس"
قمت وبعد ما استوعبت ان كل اللي مر قبل شويه كان مجرد حلم ، خرجت من الغرفة حقي وابسرت باب غرفة اختي نور مفتوح ، قربت ونور مابش لها وجود في الغرفة ، لما سنبين شعر راسي ، وبنقول معقوله الحلم عيتحقق او يمكن عادنا في الحلم ، وبدات الطم وجهي ، ما دريت الا وابي بيصيح باسمي بكل صوته ، جريت مسرع طريق البدروم ، ولقيت اختي نور طالعه من درج البدروم وهي مسرعه والدموع في خدودها وماسكه كيس اسود في يدها ، مسكتها وقلت لها مالش يا نور بتبكي ، وليش ابي بيصيح لي ، وما كنتي بتفعلي نازل ؟؟ قالت مابلا ابسرت امي وبكيت على وضعها ، قلت وماهو اللي في يدش؟! قالت ابي صيح لي ومكني اللحمه تيه وقال اطبخها لمي ، وابي صيح لي مره ثانيه ، نور مشيت من جنبي وهي مسرعه طريق المطبخ والكيس في يدها ، وانا متجمد مكاني وبنجابر نفسي ، معقوله هذه لحمة واحد من الاطفال الرضع الميتين اللي في الكرتون ، معقوله ابي عيخلي امي تاكل لحم طفل ، ودخل صوت ابي في عقلي وانا بنكلم نفسي ، يااارعد ياااارعد ، نزلت مسرع وانا بنقل هااه يا اباه انا جايي ، اول ما وصلت لصاله حق البدروم على نهاية الدرج ، ابسرت ابي وهو واقف باب الغرفه حقه والباب مقفل والكرتون اللي كان فيه الاطفال مفتوح جنب ارجله ، وتلفون ابي رن ، ابي ابسر التلفون ، ورفع اصبعه لا عند نخرته بيأشر لي اسكت ، وفتح المكالمه وقال ، هااه ايوه معك ، ايوه ..ايوه ، قد الوداعه عندي ، لا تقلق ، خلاص بس يجي الموظف ويشل الوداعه وعتم عملية التبديل كما اتفقنا ، وبكرة نلتقي في المكان المخصص ويوصل طلبكم ، ماهو ..ماهو ؟ طيب وليش عاد الجيه لا عندي ، خلاص .. خلاص تمام براحتك يا شيخ البيت بيتك ، انا في انتظارك ،، وقفل المكالمه ، وقرب لا عندي وهو بيبسر لتلفون وقده بيعرق من كل شعره وقد شكل ابي متوتر ، وبيكتب رساله مدري لمن ، وقبل ما يوصل لا عندي وصلته رساله ابسرها ، وقلي اطلع افتح باب الحوش ، عيوصل توفيق الموظف اللي بيشتغل في المستشفى ، وانا بنسمعه مشنا فاهم حاجه ما دريت الا لما طرح يده فوق كتفي وبيهزني وقال انت بتسمعني ، عرفته ؟ قلت له ايوه ..ايوه يا اباه ، قال خليه يدخل السياره حقه وقفل الباب واطلع غرفتك وقل لختك مشتيش احد يخرج من غرفته مشتيش احد يحس انكم موجودين في البيت ، ودخل توفيق لديوان ، يلا سريع انت والبلاده ، قلت له هاه حاضر ..حاضر يا اباه ، وطلعت سريع خرجت للحوش وفتحت باب الحوش ، ووصلت الكرسيدا البيضاء حق الموظف توفيق اللي بيشتغل في نفس المستشفى ، ابسرني وهو مخزن في الشقين ومغطي نص وجهه بالشال ، واشر لي بعيونه ودخل بالسياره للحوش ، قفلت الباب سريع ، وتوفيق نزل من فوق السياره ، ومشي بعدي دخلته لديوان ، وقلت له قال ابي تراعي له عيجي لك ذلحين ، بس توفيق ما ردش عليا ، وطلعت سريع للمطبخ ، قلت لنور تطفي الشوله حق الغاز وتوقف طبخ ، وسحبتها لا غرفتي ، قالت مالك يا رعد مابه ، ابي مراعي للعشاء ، قلت لها قال عيجو له ضيوف وقال نجلس في الغرفة محد يخرج ومحد يحس بوجودنا ، دخلت لا غرفتي انا واختي نور وقفلت الباب ، اختي نور جلست فوق السرير حقي وبتبسرني واقف جنب الباب ، وبنفكر ما جابه توفيق لا هنيه ؟ وليش ابي افتجع من اللي اتصله ،من هو الشيخ هذا ؟ طيب ايش قصة الاطفال ، ما دريت الا واختي نور بتقل ، يا رعد مالك واقف جنب الباب جي اجلس ، قلت لها اجلسي هنيه انا شنزل بساعتي واجي ، ونور تغيرت ملامحها وبكل خوف قالت اين عتسير يا مجنون ، قوى يا رعد لا تخرجش من الغرفه ، ابي لو يدري عيقتلك ، قلت لها ما عيدريش انتي بس اجلسي سكته ، وفتحت باب غرفتي دلا ، وخرجت وبنقفل الباب دلا دلا ونور بتتراشيني بصوت منخفض وبتقل قوى يا رعد ررعد لا تخرج قوى وبتبكي ، قفلت الباب ، ونزلت دلا دلا من الدرج ، وجالس بنتشاقر ، وابسرت ابي ماشي طريق الديوان وفي يده الكرتون ،اللي فيه الرضع الميتين ، وطرح ابي الكرتون جنب الباب ، ودخل لديوان ، وانا نزلت بسرعة ، لا جنب الباب اشتي اسمع ما بيتجابرو واين عيشلو الاطفال الميتين المجمدين داخل الكرتون ، وسمعت ابي بيقل هاه يا توفيق الاطفال جاهزين اللي عنبادلهم ، توفيق قله ما قدبش الا واحد بس، وابي ضبح وصيح فوقه قال كيف ما بلا واحد ، الشيخ طالب اثنين ، توفيق قال ، انت داري يا دكتور ان الموضوع مش بيدي ، ابي قال ذلحين ما اقل لناس ، وشل تلفونه واتصل وبنسمعه بيقل يا مدير كيف ما بشو الطفل الثاني ، ماهو الكلام اللي بيقوله توفيق ، ..... انت متاكد ، يلا الان توفيق جايي لا عندك للمشفى ، وقامو يخرجو ، هربت سريع ودخلت للحمام اللي جنب الديوان ، وطلعت من الطاقه حق الحمام وبنتشاقر للحوش ، وتوفيق ماسك الكرتون ، وابي بيقله ، خلاص قد الطريق كلها ممهده في المشفى ، عتدخل على طول لا خلف المشفى وعتلاقي المدير هنيك ، واول ما يتواجد الطفل الثاني تفعلي رساله انتبه تنسي ، وتوفيق قله حاضر ..حاضر يا دكتور ، وطرح الكرتون ، في الباب الخلفي حق سيارته
Читать полностью…
الفن اليمني الاصيل
07 марта 2025 16:43
المؤثر الكوري الجنوبي داود كيم يتحدث عن إعتناقه للإسلام قائلا :
لقد كنت مكتئبا وحزينا قبل الإسلام ولا يوجد لدي هدف في الحياة .. لماذا أعيش أو أين أذهب .. ماذا علي أن أفعل ؟
علمتني المدرسة الرياضيات والعلوم .. ولكنهم لم يعلموني كيف ولماذا جئت إلى الدنيا وأين ساكون وعندما أتوفى أين سأذهب ؟
ولكن في الإسلام أعطوني أجوبة لكل هذا فالإسلام هداني وأدخل السكينة إلى قلبي حيث هدفي في الحياة هو طاعة الله لأنه هو الذي خلقنا
وأول مرة أصوم شهر رمضان شعرت بسعادة بداخلي وأن الله معي دائما وان لحياتي أصبحت لها قيمة
Читать полностью…
الفن اليمني الاصيل
07 марта 2025 03:42
أغنية يا وحشتاه | مسلسل طريق إجباري
أداء: الفنانة أماني
كلمات: أحمد أشرف المطري
ألحان: تراث يمني
Читать полностью…
الفن اليمني الاصيل
06 марта 2025 01:08
#عيال_السفاح
"البارت الرابع"
كنت افتح الكرتون ودقات قلبي بتزيد والخوف قد بيرجف يداتي رجف مفتجع من ابي لو يدرى اننا فتحت الكرتون ومفتجع اكثر من اللذي شلقيه داخل الكرتون ذيه ، وانا معنقل فوق الصدام الخلفي حق الهيلوكس ونص جسمي داخل الصندوق المقفص حق الهيلوكس ، فتحت الكرتون وابسرت حاجتين فوق بعض مكيسات بمشمع حراري ملفوف عليهن بطريقه محكمه والثلج مغطي لهن ، مديت يدي وبنشطط المشمع الحراري وهو ملفوف اكثر من مره وانا بنفتح المشمع ما ابسرت الا وجه طفل حديث الولاده مشحب الوجه ومخلوط لون وجهه مع برودة الثلج ومن كثر بياضه كانت خطوط العروق الزرقاء ملان وجهه ، اول ما ابسرته واصبعي لامست جبهته البارده افتجعت ونكعت على ضهري للارض ، يعني كان به اثنين اطفال حديثي الولاده ميتين ومثلجين داخل الكرتون ذيه ، بس اول ما نكعت اصتدم راسي عرض ساق ابي ، رفعت راسي لسماء وانا ممدد على ضهري في الارض وبنبسر طول جسم ابي وابسرت ملامحه ومن كثر الخوف حسيت جسمي كله بيتكهرب ، وساع الذي الارض شلتني ورجمتني بقوة ، وما دريت الا لما ابي زبطني في راسي وبيقلي قم ..قم يا نذل شل الكرتون وانزل بعدي للبدروم ، وخطي طريق باب الدخول حق بيتنا ، قمت سريع وانا ساع المبلود ، ورفعت راسي لدور الثالث حق بيتنا وابسرت اختي نور في الطاقة بتبسرنا والدموع ملان وجهها ، رجعت ابسر للكرتون ، مديت يداتي اقفل الكرتون وجسمي بعيد ، ورفعت الكرتون لا حضني ومشيت واختي نور بتبسرني ، بس في تيك اللحظه تبلدت كل مشاعري ، كان الكرتون هذا اثقل من الجبل ، كانت كل مشاعري بتحس بذيه الكرتون ،كيف بنشله وانا داري ان داخله اثنين اطفال حديثي الولاده ميتين ، نزلت للبدروم وابسرت ضهر ابي وهو جالس فوق الكرسي حقه وبيبسر للباب حق غرفته السريه اللي حاجز فيها امي ، وقلي اطرح الكرتون عندك ، واطلع غرفتك ، ما تخرجش منها ، الا لما اصيح لك معانا عمل ، طرحت الكرتون وجريت مطلع ولقيت اختي واقفه جنب غرفتي بتقلي مابه ..مالك يا رعد ، وانا بنبكي ، ما جاوبتهاش ودخلت الغرفه وقفلت الباب ، وجريت لزوه حق غرفتي خلف السرير جنب الدولاب ، جلست فيها وانا حاضن سيقاني ، وحاسس بخوف من كل شي في الغرفه ، حاسس ان كل شي بيبسرني ، الجدرا والدولاب والسرير كل شي كان يبسرني وكل شي كان داري باللي انا فعلته ، وكنت اون وانا بنبكي وماسك على ارجلي وبنهتز ، وكل جسمي مقشعر ، وجت عيوني على يداتي اللي شلت الكرتون وافتجعت من يداتي كنت امسحهن على سيقاني بشكل سريع وانا بنون من كثر الوجع اللي داخل صدري ، وصلت لا مرحله اننا كاره لنفسي وقد بشمئز من كل جسمي ووجودي ، اشتي ذاكرتي تمتسح ، اشتي اختفي ، تمنيت ذيك الاحساس ينتهي كانت انفاسي بتخرج بصعوبه والغصات مكبوده في صدري ، طرحت راسي على ركبي ، وكنت اكتم انفاسي اشتي اموت ،،،
وللحظات كل ذيك الاحساس اختفى ، وفجأة سمعت صوت ابي وهو بيصيح لي من البدروم ، يااارعد ..يااارعد ، رفعت راسي من فوق ركبي وابسر الطاقة وقد الدنيا ظلام ، قلت يعني انا رقدت لما ظلمت الدنيا ، وابي جالس بيصيح لي ، وابسرت باب غرفتي مفتوح ، من فتحه ومن دخل ؟! طيب وين هي نور ، قمت سريع وخرجت من غرفتي وقربت لا غرفة نور والباب مفتوح قلت بصوت منخفض وكله خوف ، نور يانور وابسرت من باب غرفتها ومابش لها وجود داخل الغرفه ، افتجعت عليها وقلت اين سارت الموضوع غريب ، نور ما بتخرجش من الغرفة ولابيسمح لها ابي تخرج ، معقوله ان ابي شلها لا نازل ، وصوت ابي وهو بيصيح لي قطع حبل افكاري من جديد ، وقلت ايوه ..ايوه يا اباه انا جايي ،وخطيت بسرعة بننزل من درج البدروم ، نزلت وابسرت البدروم فاضي وباب الغرفه السريه مفتوح ، والضوء الاحمر المستفز حقها ممدود على طول نص صالة البدروم المربعه ، وبنسمع صوت ابي من داخل الغرفه بيصيح ويقول رعد ادخل للغرفه سريع معانا عمل ، دخلت للغرفه وابسرت ابي في يده اداه حادة من حق العمليات ، والكفوف اللي لابس لهن ملان دم ، وابسرت اختي نور جنبه وكفوف يداتها ملان دم وماسكه مقص عمليات ، وابي بيشرح واحد من الاطفال اللي كانو في الكرتون وبيشرح لختي نور ، واختي نور مركزه معه وما رفعتش عينها لا عندي ، وانا مطنن ومتسمر مكاني ، ما دريت الا لما ابي قال ادي الجاهل الثاني وتعال جنبي ، ورفع يده اللي فيها المقص وبياشر للمكان اللي مقيد امي فيه ، قربت من امي وابسرتها حاضنه للجاهل الثاني في حضنها ، ما بلا راسه بادي وباقي جسمه ملفوف بالمشمع الحراري ، وامي بتهزه في حضنها تشتي ترقده بطريقه مخيفه ، وامي مفتجعه يشلو الطفل من حضنها ، ما دريت الا وابي بيقل ، رعد ..رعد بسرعه يا حيوان ، قربت من امي ودموعي بتنزل على خدودي ، جلست ومديت يداتي اشتي اشل الطفل ، وامي سحبته بخوف طرحت يدي على خد امي ، وقلت لها قوى يا امه هاتيه ، قالت هاه يا رعد شله بس دلا دلا ،لا يصحي ، قد شبع بكاء قبل ما يرقد ، مديت يداتي وشليت الطفل لا حضني وهو بارد كاننا شليت قطعه ثلج ، بس كأننا حسيت ان الطفل
Читать полностью…
الفن اليمني الاصيل
03 марта 2025 23:36
#عيال_السفاح
"البارت الثالث"
ولليوم ، امي محجوزه في تيك الغرفه ، وبالنادر بيسمح لها تخرج عندنا تقابلنا ، ومن كثر اللي شافته في الغرفه تيك وحجزها ، قد نفسيتها تعبانه قوي ، تبسر اي شي وتفتجع وتتنكوز ، وتصيح وتبكي ، او تجلس شارده طول الوقت بتلعب بشعرها ، وتغني بونين غنية مش مفهومه ، بس لحنها منحوت في عقلي نحت ، وحتى لما يسمح لنا نجلس معاها امي ما عاد تعرفناش ولا بتدي اي ردة فعل لنا ، امي معاها ثنتين خوات الكبيرة كانت عايشه في القريه وقد ماتت من فتره ، واختها الصغيره مزوجه وعايشه هي وزوجها في كندا ، يعني امي شبه مقطوعه من شجره ومابش من يسال عليها ، وابي استغل هذه الفرصه ، اما ابي هو دكتور عام ،جراح محترف ، ووضعه المادي ممتاز ، وفيه فصام شخصيات كأن داخله ثلاثه اشخاص ، وكل شخص له تصرفات وطبايع مختلفه تماماً عن الثانيه ، شخصية غامضه وذكيه اكثر الوقت يجلس بالساعات في نفس المكان بدون ما يتكلم يجلس يفكر ويخطط فيها ، وشخصية خبيثة يحب الدم والموت والعذاب والقتل ، حتى انهو با يقتل بدون سبب بس لمجرد انهو يشتي يلامس الدم ويشوفه ، وشخصيه اللي هو فيها دقيق بكل شي ويحب يعلمنا كل تفاصيل عمله ، وطول هذه السنوات وهو بيعلمني انا واختي نور ويشرح قبالنا ويخلينا نشرح حيوانات ارانب او خرفان ،واغلبية الحيوانات اللي كنا نشرحها هي القرود ، بيقول على شان نعتاد لان فيها شبهه من جسم الانسان وتصرفاته ، واذا احد مننا غلط او كان تركيزه ضعيف يفور غضب ومش بعيد يجرحنا باي شي في يده موس عمليات او سكين ، او اي شي ، لحظه .. اختي نور بتصيح لي ، وصلت للمطبخ وشليت الغداء حقي انا وابي ونزلت للبدروم ، طبعا ابي عنده قانون ممنوع اختي تاكل معانا ويقول ممنوع البنات تاكل مع الرجال ، شليت الغداء ونزلت ، ومنتظر ابي يخرج من الغرفه الي حاجز فيها امي واللي بيقوم بكل عملياته فيها ، خرج وجلس قبالي وابسرني بنص عين وقال اجلس تغداء ، جلست وبنتغداء معه بحذر مفتجع ينزعج مني بسبب اي شي بدون قصد ويعاقبني ، ومنتظر يكلمني في موضوع صاحبي يوسف ما دريت الا لما قال اسمع يا رعد اول عملية قمت بها كان عمري عشر سنوات كان معانا كلب في حوش البيت وكان ابي بيحبه قوي ، بس كل ما كنت اقرب منه كان ينبح فوقي بقوه ، وفي يوم عضني ، وابي اول ما دري سعفني وضربني قال اننا بنشاغل الكلب ، فقررت اقتله ، انتظرت لساعه ١١ الليل ودخلت المطبخ شليت السكين ونزلت سكته للحوش ، وكانت اول مره اقرب من الكلب بدون ما الكلب ينبح فوقي قربت منه ، وطرحت يدي على جسمه بنمسحه ، وفجأة رفعت السكين وجلست اطعون الكلب ، مش ذاكر عدد الطعن اللي طعونته ، بس ذاكر الاحساس مع كل طعنه كنت احس شرايين الكلب وهي بتتشطط في السكين ودمه الحامي بيلامس يدي ، كنت احس بعجز الكلب بيزيد مع كل طعنه ،وشهوتي ورغبتي في طعنه تزيد ، وبعد ما تعبت من كثر الطعن وقد الارض ملان دم وشعر الكلب اختلط بدمه والكلب مطرح بينازع وبيون بشكل بسيط قبل ما يموت ، قلت افتح بطنه واشوف ايش داخلها ، وفعلاً خرجت امغال الكلب للارض ، وبعد ما كملت ، خلست ملابسي اللي ملان دم ودفنتها في الحوش مع السكين ، وغسلت ، وطلعت الغرفه وجالس واقف عند الطاقه طول اليوم لما طلع الصبح منتظر اللحظه اللي عيخرج فيها ابي للحوش يدي صبوح الكلب ، خرج ابي وانا واقف بنبسره ، اول ما وصل ابي وهو بيصيح للكلب ، وابسر الدم وابسر امغال الكلب مرجومه امامه ، وكان يصيح بكل صوته ويبكي ،وانا كنت مستمتع بكل صيحه ووجع كان ابي بيحس بها ، وفجاه امي دخلت الغرفه حقي تشتي تطمن عليا ، على الصياح حق ابي ونبعت بسرعه لطاقه تبسر مابه ، اول ما ابسرت ابي جالس جنب الكلب بيبكي ويصيح من قتله من سخي يفعل بالكلب كذيه ،وامي مسكت على فمها وقالت يووه يالله سترك ،اعوذبالله من الشيطان ، ونبعت تحضني وتغطي عيوني على شان مبسرش الكلب وامغاله خارج ، ضبحت من امي لانها فصلتني من لحظه كنت مستمتع فيها ، وابي جالس بيحكي لي قصته اشتغرت بالرز وسعلت ، ابي وقف وابسرني بغضب وفجأه تلفونه رن ، جاوب وقال ايوه ،اين انتو ، طيب انا جايي الان ، وقلي قوم جهز نفسك ودفي السياره عنخرج ، استغربت لاول مره ابي يقلي عنخرج انا وهو ، طيب من اللي اتصله ، وماهو الشي المهم اللي عيخرجنا ، وقيم ابي من فوق الغداء ، خرجنا فوق السياره هيلوكس غمارتين مقفصه ، لونها اصفر مستفز ، وصلنا لتحرير جنب المباني اللي جنب جسر الصداقه ، وقفنا السيارة في الشارع الضيق ، وقلي ابي انتظر فوق السياره وطلع عماره سته ادوار ، شويه وصيح لي ، خرجت وبه عدة كراتين جنب الباب حق العمارة على نهاية الدرج وقلي تحمل العلاجات لا فوق السياره ، وشليت ما يقارب سته كراتين ، كبيره بس كان وزنهن لا باس به ، فيهن ابر وشاش وعلاجات ، ومستلزمات عمليات جراحيه ، واخر كرتون كان عليه لصقة صفراء بشكل دائري ، جيت اشتي اشله بس كان اثقل من الكراتين السابقات ، رفعته شويه وما قدرت وابي ابسرني وخبطني في راسي بيده وشل معي الكرتون ،
Читать полностью…
الفن اليمني الاصيل
03 марта 2025 00:31
﴿ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ ﴾
Читать полностью…
الفن اليمني الاصيل
01 марта 2025 19:23
#عيال_السفاح
"البارت الاول "
الساعه واحده بعد نص اللي سمعت اخي رعد بيصحيني من النوم،،، نور ..نور قومي ، هاااه مالك يا رعد وليش صاحي لا تيه الساع لو يدرى ابي لا يقتلك ، ارقد ..ارقد ، نبكر المدرسه ، ومالك بتبكي ؟ وقد وجهك مصفر ، قولي قمت من النوم اسير الحمام ، وسمعت ونين جاهل ، كان احد مقفل على لقفة ، في البدروم حقنا ، نزلت اشتي ابسر مابه وابسرت من الدرج ابي وهو ماسك للجاهل ومعلق له في جنبه عند الخصر ، ودخله الغرفه حق البدروم وقفل ، ماهو .. ماهو..! ما قلت يا رعد بتتحاكي من صدق ، ومن هو الجاهل هذا ولمه تنزل للبدروم وحدك ابي قال محد ينزل ، والله ..والله يا نور اننا ابسرته مربط للجاهل ومربط لقفة ، وشكل الولد صاحبي حميد اللي قدله ضايع يومين يا نور عرفته من شكل الجاكت الاخضر حقه ، ماشي يارعد شكلك بتحلم او بيتخيل لك ، ما بنتخيلش يا نور جي ننزل وابسري بنفسش ، هيا ..هيا قوم نبسر ونصيح لمي والكل ، مسكت يد اخي الصغير رعد وخطينا طريق البدروم ، وكنت مفتجعه قوي وماسكه يد اخي بقوة من كثر الخوف ويده كانت ترتجف بقوة ، ماشيين طريق درج البدروم ، ورعد بيشاورني قال قلتي عنسير ندعي امي تجي معانا يا نور ، قلت ماشي خلينا ننزل نتاكد اول شي ، نزلنا من درج البدروم ذيك وحنا متحاضنين ، وكان احساس الخوف غريب ، اكثر مكان نحس به بالامان اصبح اكثر مكان مرعب ، واكثر شخص احس عنده بالامان ،رجعت بنفتجع منه ، وهذا كله بسبب ما قلي اخي رعد وهو بيبكي ، وصلنا لا نهاية الدرج وابسرنا باب الغرفه مردود ردد ، وكان به ضوء احمر خافت بيخرج من فتحة الباب لا وسط البدروم ، والغرفه هذه عمرنا ما دخلناها انا واخي ، وابي بيقفلها بثلاثه اقفال لما يخرج ، ولما يدخل يقفل على نفسه ، ولاول مره ابسر باب الغرفه تيه مردود ، قربنا من باب الغرفة ولقيت طبعة دم عرض الباب تحت المغلقة على شكل اصابع يد ، كأن به يد ملان دم فتحت الباب وخرجت ، كنا نقرب ببطئ وخوف ، وقبل ما نوصل ، سمعنا صوت احد بينزل من الدرج ، وكان معانا براميل جنب الجدار حق البدروم ، مسكت اخي رعد وهربنا لا قفاهن نتخبي ، وبنبسر من الفتحه ما بين الاثنين البراميل اللي مخبايين خلفهن ، امي نزلت وهي بتمسح عيونها من النوم ، وبتصيح لا ابي ، وابسرت الغرفه مفتوحه واندهشت ، وقفت وابسرت لا راس الدرج ، ورجعت تبسر للغرفة وقربت بحذر وخوف شديد وانا ماسكة على فم اخي رعد لحد يسمعه وهو بيبكي ، اول ما وصلت امي للغرفة فتحت الباب، وسمعت الشهقه حقها وطرحت يداتها على فمها بتحاول تخفي صوت اندهاشها وخوفها ، وفجاه ابي نزل من الدرج وابسر امي وهي متسمره مكانها بترتجف من كثر الخوف ، كنت بنحاول ابسر ايش اللي امي ابسرته داخل الغرفة بس ما قدرتش كان جسمي امي بيغطي ، ما دريت الا لما ابي وصل وجى من خلف امي وسد فمها ودخلها للغرفه بالقوه ، اول ما ابتعد جسم امي من امام الباب ابسرت يد جاهل مدندله من فوق سرير والدم بيوطل منها ، وامي بتتقفز وابي حاضن لها وبيسد فمها ، دخلها بالقوه للغرفه ودهف الباب برجله لما تقفل ، واخي رعد جنبي بيهزر حقي الفنيله ، وانا فاتحه فمي مشنا داريه مفعل ، عمري ثمان سنوات واخي اصغر مني بسنتين ، ابسرت لا عند رعد وعيونه بتقلي مابه.. ايش بتبسري يا نور ليش تخبينا من امي ، ، مسكته من يده سكته وسحبته لا طالع بسرعة وحنا بنطلع من الدرج ، نكعين زراقيف (كرات زجاجيه صغيره) من جيب اخي كان مخبي لهن بيلعب بهن ، وصلت لا غرفتنا وقفلت باب الغرفه واخي بيقلي مابه يا نور ، هي ماما نزلت للبدروم ليش تخبينا منها ، واين سارت ، تمددت انا وهو فوق الفراش حقي وتغطينا بالبطانيه ، وانا بنبكي وحاضنه لاخي ، وبنقله ارقد ..ارقد يارعد ، وكل ما يشتي يتكلم ، اقله ارقد ابي عيقتلنا لو يدري ان احنا صاحيين ، وانا بنبكي وبنرتجف بقوه مشنا داريه مفعل الحل الوحيد اللي وصلت له اننا اتخبي تحت البطانيه واحضن اخي ، وبعد شويه وقد اخي غمض عيونه ، فجأه سمعت باب الغرفة حقنا يفتتح بقوة ،،،،
يتبع،،،
#عيال_السفاح
#منيرالنقيب
Читать полностью…
الفن اليمني الاصيل
01 марта 2025 02:59
صباح الخير عنبدأ في القصة الجديده بعنوان #عيال_السفاح للكاتب المبدع والمتألق #منير_النقيب فيها كمية تشويق على غموض ودراما مخلوطه برعب ولحظات تأخذ الانفاس يرفع الادرينالين لا ابعد حدود
#عيال_السفاح
#منيرالنقيب
من منكم متشوق للقصه
Читать полностью…
الفن اليمني الاصيل
01 марта 2025 02:20
حال الناس قبل اذان المغرب 🤣🤣🤣
Читать полностью…
الفن اليمني الاصيل
01 марта 2025 01:58
اللي بيحصل في كل بيت 🤣🤣🤣
Читать полностью…
الفن اليمني الاصيل
01 марта 2025 01:53
اشتقنا للمه الحلوة
ومذاق التمره والقهوه
واجواء المغرب والهجوه
في أيامك يارمضان
حمود السمه &خالد محرم
#رمضان_كريم
Читать полностью…
الفن اليمني الاصيل
01 марта 2025 00:02
الشيخ الحافظ والمنشد /احمد المطري_ السلام عليك يارمضان
#رمضان_كريم #شهر_مبارك #شهر_رمضان
Читать полностью…
الفن اليمني الاصيل
28 февраля 2025 22:48
مبارك عليكم الشهر الفضيل وكل عام وانتم بخير
#شهر_مبارك #شهركم_مبارك #رمضان_كريم
Читать полностью…
الفن اليمني الاصيل
28 февраля 2025 03:17
البنادق ، وكان المشهد اللي بنشوفه من فوق بيختلط مع لقطات عمري من صوت الدكتوره اللي بتخرجني من بطن امي لا اخر لحظه في حياتي ، حتى كل حلم حلمت به ، وكل امنيه تمنيتها ، وكل لحظه حقد او حسد او غرور وكان شكل المشاهد هذه بارزه امام عيني ، وتملكني خوف غريب لاول مره اشعر به ، بس لو كان الخوف هذا يطرح في جبل ممكن يهد الجبل ويفتته ، وفجأة ارتجمت روحي من فوق لا وسط جسمي ، وها انا جزء من الفراغ ، لا اشعر ولا اعلم من انا او ما انا او حتى لا اعلم ماهو الشعور .
#النهاية
اتمنى ان القصه نالت اعجابكم ، وانتظرو لقصة جديده وتشويق واحساس جديد مابش له مثيل ،،،
#المهرب
#منيرالنقيب
Читать полностью…
3714