Telegram-канал naghamyemen - الفن اليمني الاصيل: Неотсортированное

الفن اليمني الاصيل

16 августа 2023 23:42

#في_بيي3

البارت الثامن والاخير من الفصل الثالث ...

"المعرفة اقوى سلطان"

ابسرت الرساله انا واشرف وتحركنا انا واشرف وايمن فوق السيارة وصلنا للمكان للمقصود ومن بعيد جالسين نراقب وبنشوف رجال جالس على رُكبه ويداته مقيدات لاخلفه وعلى راسه كيس مغطيين لوجهه ومافيش احد جنبه جلسنا ما يقارب نص ساعه نراقب الرجال وكل مكان حوله اذا في احد او هو كمين ، نزل اشرف يدي الرجال ومحناش داريين من هو، ايمن نزل بالقناصه متمترس وانا فوق السيارة مستعد لاي شي ،اشرف وصل لا عند الرجال وشله وجرى لا عندنا طلعلو فوق السيارة وبدأنا نتحرك وحنا بنتلفت يمين وشمال نشوف اذا في احد بيراقبنا وجالسين نفتش الرجال نشوف اذا في معه جهاز تنصت او اي شي الرجال سمعنا واحنا بنتكلم قال هااه..! انتو يمنيين.. انتو يمنيين او بيتهيئ لي ؟ ايمن بعد الكيس من وجهه الرجال وابسرنا وقال انتو يمنيين؟!! قلنا له ايوه.. من انت؟ قال لك الحمد ياربي لك الحمد ، اشرف عاده بيسأل الرجال من انت، وصلتنا رساله على شاشة السيارة من اقدار ( هذا الشخص اللي كان مسجون وبسببه سمحت لهم بسجنك يا بابا محمد ،لانني ما كنتش اعرف مكانه، كل شي مش مسجل في سجلات الدولة ، الان ارجعو مكانكم وما تقلقوش مافيش اي احد بيراقبكم ، في جهاز تنصت مغروز خلف كتف السجين قد قمت باعطاله اول ما توصلو ابعدو الجهاز منه وانتظرو مني رساله ) رجعنا لموقعنا وقد الرهينه اللي من فرسان الهيكل صاحي دخلنا عنده انا واشرف وبنحقق معه الرجال كان يكلمنا بتهديد وفي نفس الوقت كان خايف مننا لان احنا عرفنا مكانه ومن هو وحاجات محد يقدر يوصلها وبعد التحقيق والاخذ والعطا معه اكتشفنا ان الموضوع كله لاختلاق المشاكل بكل انواعها هو موضوع ديني بحت ، رجعت ذكرت كلام الله (وماخلقت الجن والانس الا ليعبدون) بغض النظر عن مفهوم العبادة اللي كان بعقليتي العباده في تعاملي تصرفي وكل شي في حياتي ، استغربت كيف حورو كل شي وخلو اكثر الناس يعبدو مصدر الدخل والمال بدون فهم، وكل واحد فينا كل يومه بيبحث عن مصدر الدخل استغربت كيف حورو كل شي وغيرو مفهومنا وكيف تعبو على شان يوصلو لهذا الشي احترمتهم بكل كياني احترمت مجهودهم حتى لو كان في عبادة الشيطان ، بكم انهم تعبو على شان يحققو اهداف الشي اللي بيعبدوه ويتبعوه ، وبدات في استحقار ذاتي وامثالي وقلت انا ما فعلت وايش التعب اللي قمت به لاجل ربي ليش كل عبادتي تذمر وعجز وذل ، ليش ما قد فعلناش شي لاجل الله ليش ما نكون اصحاب القوة لان احنا بنعبد القوي جلة قدرته ، خرجت من الغرفه وانا بنفكر في كل هذا الكلام ، عمري ما كنت بوصله او بفهمه بمجرد كلام كان ضروري اعيش ولو شوية من احداثه ، وصلتني رساله من اقدار ( بابا بكرة انت عترجع اليمن انت واليمني اللي كان مسجون شوية با توصلك جوازات سفر باسماء غير اسمائكم وكل الامور مترتبه تمام ، توصل لصنعاء تطرح الرجال في المكان الفلاني وبتلاقي ورقة في الباب جيبها لرجال وامشي ) وصلت رساله لا اشرف والكل ، واليوم الثاني توكلت انا والرجال وفي الطريق كنت اتكلم معه وطلع انسان داهيه ومعه عدة اختراعات واشياء تشيب الراس واختراعات نسبوها للاجانب وهي تبعه ، وقمت القهر ان تم تسلميه للاجانب من قبل ناس في دولتنا ، ما عاد افتهمليش الموضوع ليش بنكسر اليد اللي ممكن تقوينا وتفعلنا شأن ليش مستمرين في جعلنا ذليلين ليش بنخاف منهم وهم هش واضعف مما نتخيل ليش.. وليش ..وليش .. وصلنا لليمن ووصلت الرجال للمكان اللي قالته اقدار وجبت له الورقة وتوكلت للبلاد سملت على اهلي وخففت شويه من اشتياقي رجعت بنقل للمره اين ابني اشتي اشمه واين اقدار قالت ابنك راقد في الغرفه يا رجال واكثر الوقت كانت اقدار تجلس عنده قلت لها طيب اين هي الان قالت بتلعب مع الجهال خرجت ادورها وما حصلتهاش رجعت ساع المجنون بندورها كلمت ابي واخوتي وباقي الاهل دورناها في كل مكان بس ما كنبش لها اي وجود تبخرت واختفت ، رجعت مسكت على راسي وبنقول ليش سارت؟!! ليش رجعت تهرب مني وهي داريه اننا جايي لها ايش قصدها طيب قدنا فاقد لها قوي ، وما سمعت الا صوت المره حقي بتصيح ملان البيت دخلت سريع مابه يا مره قالت ابني يا محمد ابنك مابشو في الغرفه مدري اين سار ، قلت كيف مدري اين سار اين ابني يا مره قالت مدري ..مدري وجلست وهي بتبكي رجعنا ندور البيت كله وابني مابش له وجود قد كنت شجنن وجالس بنفكر وبنقل للبيت من دخل بيتنا به احد جا او سار بس بدون فايده ،اين سار ابني وهو عمره سنه ونص ، رجعت افكر معقوله اقدار شلت ابني ، طيب ليش عتشله وكيف خرجت به من البيت بدون محد يشوفها ، طيب ايش اللي حصل يا ريت وانا مارجعت ولا اشوف اليوم ذيه وجلست والغصه بنحسها بتفكك اضلع صدري ، مابش ساعتين وتوصلني رساله من اقدار لما حسيت روحي عتطير من الفرح (بابا تعال للمكان الفلاني ) قمت جري للمكان اللي شرحت لي عليه وصلت ولقيت حجر كبيره وخلفها هاويه مشيت بصعوبه من الحجر على شان ما انكعش ،