8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
(( #ثورة_صفر ))
……………………………………………………………
ثورة صفر . نحو النحر . مشايه
اترف ابعزم . علو النجم . كل رايه
ثورة صفر .. ثورة صفر
……………………………………………………………
اذن بلال ابگلبنه . قامت صلاة الاراده
قيموها لازم جماعه . لا ماتصلى فراده
المهدي بيكم يصلي . والحزن تارس فؤاده
مشاي متعني جده . ولعمه راعي القياده
الوضوء دمعه . المشي ركعه .و دعاء يا ربي عجّل
امانينه . اسامينه . ابكتاب الزهره تنزل
ابحر الشمس . لا ما نحس . عِشاگه
نذكر سبي . حمره العبي . اعل الناگه
ثورة صفر .. ثورة صفر
……………………………………………………………
حجاج طلعت تلبي . واحرمت من بيت اهلها
احرام اسود تلبسه . امفصل امن الجنه إلها
كل خطوه ترمي الحجاره . تسحگ ابليس ابرجلها
عالروس شدت چفافي . وچف ابو فاضل يفلها
على الدامي . على الضامي . طواف الحب تطوفه
واذا تتعب . عذب تشرب . الكمر زمزم چفوفه
سفرة نِعم . بيد الخدم . فرشوها
الموكب حِله . وجلمة هله . ايعيدوها
ثورة صفر .. ثورة صفر
……………………………………………………………
الوادم و مخبوصه كلش . عدهم السبعه العجائب
للخلف كلهن يردن . واصير اولى المواكب
لم البنين القياده . وعالخدم شيخه و تراقب
(استاذي الحسن) هالعباره . كل خادم ابگصتك كاتب
يزايرنه . تعال إلنه . حبيب ايضم حبيبه
يهل النسمه . واذا ظلمه . الگمر يمك نجيبه
ابعرش العشك . ايحس چن ملك . كل زاير
لا نومته . و لا بكلته . ايظل حاير
ثورة صفر .. ثورة صفر
………………………………….…………………………
كل بشر والراحه همه . وتنثني حدره الوساده
بس الخدم وبشغلها . التعب قمة سعاده
الـ بالماي يرويله زاير . تعتبر اعظم عباده
بيوت الحسين المواكب . و الخدم حاسبها ساده
المشي چنه . ابوسط جنه . التعب محد يعرفه
ابنفس حلوه . الجميع اخوه . اشكثر بيناها ألفه
الكل انتصر . هامه ابفخر . مرفوعه
ماكو الأنا . فقر وغنى . مجموعه
ثورة صفر .. ثورة صفر
……………………………………………………………
راية الزاير عظيمه . من ابو فاضل ورثها
ويصير ضل لو رفعها . شمس الضهيره تسدها
السوده تعني العزيه . والخضره كافل حملها
والحمره ثار الهواشم . للي سبوها ابحبلها
ابدمع سايح . يبو صالح . هتف كل زاير انا
تحت امرك . سوه ابثارك . الشتم نطگع لسانه
هذا العدد . كون انوجد . بطفوفه
جا و الخدر . انركض الشمر . للكوفه
ثورة صفر .. ثورة صفر
……………………………………………………………
كل خادم ابلهفه ينطر . واكف امحضر هديه
وبعلبه ترچيه حطها . البت الحسين السبيه
اقبل ضعن عالمواكب .شاب وعبي حمره هيه
والخدم سألت يزينب . جاوين ظلت رقيه
تعزيهم . تخبرهم . بقت حدر الترابه
بچه من دم . بقة اظلم . گبر وسط الخرابه
بنت النبي . ابضيم السبي . شهيده
ابخط الذهب . اسمج وجب . ترديده
ثورة صفر .. ثورة صفر
……………………………………………………………
✍️ ( سيد خضر الزاملي )
عطرهه الحظره
يجي من الزهره لبنهه الغالي
خبرعاجل لليزور
المنطي لجلك انحور
اشتنطيله فده
اخيامه شتعلت بنار
امش وتركهه الاديار
وردعاشك نده
لجه من البيشه
يزور الضامي دمعته تلالي
عطرها الحظرة
اجه من زهرة لبنها الغالي
يماي العين للعين
ارفعو رايت حسين
يزوار العشك
مشي والمشي شمحلاه
اليجي زهره تلكاه
بكلبهه المحترك
حرزعلگته
بدليلي وروحي وحفضته بالي
عطرها الحظرة
يجي من الزهره لبنهه الغالي
مواكب خير والخير
يشبع ناس والطير
كفو والله ونعم
سبيل الماي والزاد
مدت سفره بغداد
دول خل تنصدم
ثواب الدامي
يروي الضامي هتف دلالي
عطرها الحظرة
يجي من الزهره لبنهه الغالي
محمود رحيل
استشهاد الامام السجاد ع
ياهو بيهن نازف اكثر
جرحي لو جرحك يالاكبر
طعنت خناجر كربله
لو من جروح السنسله
++++++++++
خلصت وجيتك يالاكبر حالت المهضوم حالي
من إخوتي اليبچي فوگي ويحني ظهره ما بقالي
تقره بعيوني سوالف عن سهر ذيچ الاليالي
صح متت راسي اعله جسمي امن الخناجر جسمي خالي
يختلف قتلي بقضيه
اني مذبوح امن اديه
امن الخيمه ابدي المسأله
لو من جروح السنسله
++++++++++
تذكر الخيمه يلاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني
هيه تسحبني بأديها
والسياط اتدگ عليها
من سوطه عمتي مايله
لو من جروح السنسله
++++++++
ما اقارن انته تحكم ياهو بينه الجرحه اكبر
انته روحك مره طلعت وجسمك بساعه توذر
لو الف سيف اعله نحري او لا حبل بچفوفي وانجر
آه يا صوت اليصيحه ابوجهي من اجدامي تعثر
زلمه مو سهله وتشوفه
اخته واحبال بچفوفه
تبچي اعله حاله العايله
لو من جروح السنسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمّه خواته
آه ماصاحن عليه حال اخوهـن عاذراته
امضيّگين ابگيده عنقي اتجرحه ابسط التفاته
مادرت عيني عليهن
ساكت واسمع بچيهن
يكتل سبي لمدلـله
لو من جروح السنسله
++++++++++
الشام آه الشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وبالحجر صابو يتيمه
واسمع ايصيحوني هذا عايش السلبوا حريمه
يا الم چلمه الحچوها
بيها روحي گطعوها
الكم دموعي الهامله
لو من جروح السنسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل بنعشي ردتها
هسه اجيت واني يمك
ضمني ياخويه واضمك
كل همي چلمة يا هله
لو من جروح السنسله
ثائر الربيعي
بصبرك العجيب .. تنادي يا غريب
اما فيكم مجيب .. إني انا الحسين
(الشاعرة فاطمة ملاح)
خل تفزع بني هاشم الليله
وتسل سيوفها بهمّه وتِجيله
الباقر يا وسف دمعه يهيله
عله السجاد مات بغدر مسموم
خلص عمره ينوح بليل ونهار
لجل حسين دمعه يسيل نثار
يتذكر عطش چبده الفلا صار
يصيح الله واكبر مات مظلوم
(الشيخ سمير الصالحي)
*#أعظم الله لك الأجر مولاي يا الباقر وانت تنظر لأبيك وقد فارقت روحه الدنيا ، ثلاثين عاماً وأكثر وأثار الجامعة على عنقه وهو القائل :<< لقد كان الحبل ممدودٌ من عنقي الى عنق عمتي زينب ..>>*
واااويلاه
*هنا بكى الباقر بكاءاً مُراً وقال لجابر الجعفي : يا جابر لقد أكلت الجامعة من لحم عنقه مأكلا ،،، وا مصيبتااااه*
ما تعني الجامعه؟؟؟؟💔
#إختيار👇
جامعة العنق تعني ظهرٌ بحزنٍ محني
آلامُ قــهرٍ تــفري أكــبــاد آل الـطهر
جامعة العنق تعني حسينُ دامي النحر
اضلاعه والصــدر مطحــونةً للظـهر
جامعة العنق تعني نار الخيام تُــوري
أيتامُ ذعراً تجري هامت بعرض البر
(ام عباس النمر)
#إختيار👇
#طور الفراق
آيبويه بعد عينك منهو إلنه
آيبويه يا هوا الروح وذخرنه
آيبويه موتك الهدنه وكسرنه
منهو النه من بعد عينك يوالي
منهو النه الفرقه ما نحمل يغالي
منهو النه كل عمرنه الدمع هالي
عگب موته غده يغسله الباقر
شاف اثار جسمه وفكره حاير
اثاري الجامعة تفطر مراير
يوم برگبته بس تشخب دموم
*#اقول مولاي يا علي السجاد ، بكيت أباك حتى الممات ، وعاشرت الهم والحزن ليال طوال ، كما حال جدك أمير المؤمنين بعد رحيل الزهراء ، يُروى خمس وثلاثون ما خضب شيبته حزناً على حبيبته فاطمة التي دخلوا دارها ، وانبتوا المسمار في صدرها ، وهشموا ضلعها ، واسقطوا جنينها* :
* نفسي على زفراتها محبوسه يا ليتها خرجت مع الزفرات*
*لا خير بعدك في الحياة وإنما أبكي مخافة أن تطول حياتي*
#طور الجفيري / ما قلك الضلع انكسر
ما اقدر انساها أبد
ام بيتي مسكنها اللحد
عليمن دمِعتي يا تُرى !!
شِفت الضُلوع مكسره
وخسفه بصدرها الطّاهره
معقوله مخضوب الورد
عاشت عليله من الكسر
وبخدها صفعه من الكُفر
تبكي الجنين المعتفر
ومو بيدي أدفع هالحقد
دهري فِجعني بفاطمه
الماتت حزينه امألمه
ونيني عليها للِسمه
ريت العمر اوياها يرد
(خادمة ابي الفضل)
#تخميس
*لهفــــــــي عليه يئن في أغـلاله* *بين العدى ويُقاد بالأصــــفاد*
*مضنى وجامعة الحديد بنحــره* *غــــل يعاني منه شر قـــــياد*
وابكل حياتي .. ولحد مماتي .. أبكي المصيبه
يا مصيبة مولاي يا زينب العابدين ؟؟
عمتي العقيلة .. فوق الهزيله .. يا للعجيبه
همها اليتامى .. تظل بسلامة .. بعد الشبيبه
وسوط بمتنها .. الزوّد حزنها .. وهيه النجيبه
#أبو ذية
الك جم سوط بمتونك علامه
وتظل الجامعه بنحرك علامه
يسمك ليش هالطاغي علامه
عكب ضيم ومصاب الغاضريه
(ام علي)
*لا حول ولا قوة إلا بالله العلي العظيم*
أعظم الله أجورنا وأجوركم بشهادة إمامنا علي بن الحسين زين العابدين عليه السلام
(المحاضرة)
(المجلس)
*يُروى عنه عليه السلام ، أنّه قال وهو يحدّث عن هذا الأمر* :
*لَمّا أصابنا بالطفّ ما أصابنا وقُتل أبي عليه السلام , وقُتل من كان معه من وُلده وإخوته وسائر أهله، وحُملت حرمه ونساؤه على الأقتاب يراد بنا الكوفة، فجعلت أنظر إليهم صرعى ولم يوارَوْا، فعظم ذلك في صدري, واشتدّ لما أرى منهم قلقي ، فكادت نفسي تخرج، وتبيَّنت ذلك منّي عمّتي زينب الكبرى بنت عليّ عليه السلام ، فقالت: ما لي أراك تجود بنفسك يا بقيّة جدّي وأبي وأخوتي؟ فقلت: وكيف لا أجزع وأهلع وقد أرى سيّدي وأخوتي وعمومتي ووُلد عمّي وأهلي مضرّجين بدمائهم, مرمّلين بالعرى، مسلّبين، لا يُكفّنون ولا يُوارَوْن، ولا يُعرِّج عليهم أحد، ولا يقربهم بشر، كأنّهم أهل بيت من الديلم والخزر..ثمّ أخذت عمّته زينب، عليها السلام ، تسكّنه..*
*ومن محنه عليه السلام أيضاً، أنّه لمّا أدخل الكوفة كان على بعيرٍ بغير وطاء، وقد وضعت جامعة من حديد في عنقه، ويداه مغلولتان إليها، وأوداجه تشخب دماً، وهو مع ذلك يبكي ويقول* :
يَا أُمَّةَ السُّوْءِ لَا سَقْياً لِرَبْعِكُمُ يَا أُمَّةً لَمْ تُرَاعِ جَدَّنا فِيْنَا
لَوْ أَنَّنَا وَرَسُوْلُ اللهِ يَجْمَعُنَا يَوْمَ الْقِيَامَةِ مَا كُنْتُمْ تَقُوْلُوْنَا؟
تُسَيِّرُوْنَا عَلَى الْأَقْتَابَ عَارِيَةً كَأَنَّنَا لَمْ نُشَيِّدْ فِيْكُمُ دِيْنَا
*وكان يسمع الشتم والسبّ بأذنه ويصبر, وأحياناً يكلّم بعض من يسمعه يدعو عليهم فيؤثّر فيهم تأثيراً عجيباً, فقد رُوي أنّهم لمّا وصلوا إلى الشام, وجاء شيخ ودنا من نساء الحسين عليه السلام ، وعياله، وهم في ذلك الموضع، فقال: الحمد لله الذي قتلكم وأهلككم وأراح البلاد من رجالكم، وأمكن أمير المؤمنين منكم. فقال له عليّ بن الحسين عليه السلام: يا شيخ، هل قرأت القرآن؟ قال: نعم، قال: فهل عرفت هذه الآية: ﴿لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى﴾﴾ قال الشيخ: نعم, قد قرأت ذلك. فقال عليّ عليه السلام له: فنحن القربى يا شيخ. فهل قرأت في بني إسرائيل (وآت ذا القربى حقّه)؟ فقال الشيخ: قد قرأت، فقال عليّ بن الحسين عليهما السلام: فنحن القربى يا شيخ. فهل قرأت هذه الآية: ﴿وَاعْلَمُواْ أَنَّمَا غَنِمْتُم مِّن شَيْءٍ فَأَنَّ لِلّهِ خُمُسَهُ وَلِلرَّسُولِ وَلِذِي الْقُرْبَى﴾﴾ قال: نعم، فقال له عليّ عليه السلام: فنحن القربى يا شيخ. فهل قرأت هذه الآية: ﴿إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا﴾ قال الشيخ: قد قرأت ذلك، فقال عليّ عليه السلام: فنحن أهل البيت الذين خصّنا الله بآية الطهارة، يا شيخ. قال الراوي: فبقي الشيخ ساكتاً نادماً على ما تكلّم به وقال: بالله إنّكم هم؟ فقال عليّ بن الحسين عليهما السلام: تالله إنّا لنحن هم من غير شكٍّ، وحقّ جدّنا رسول الله صلى الله عليه وآله وسلم , فبكى الشيخ ورمى عِمامته ثمّ رفع رأسه إلى السماء وقال: أللهمّ إنّا نبرأ إليك من عدوّ آل محمّد صلى الله عليه وآله وسلم , من جنٍّ وإنس، ثمّ قال: هل لي توبة؟ فقال له: نعم، إن تبت تاب الله عليك وأنت معنا، فقال: أنا تائب, فبلغ يزيد بن معاوية حديث الشيخ، فأمر به فقُتل...*
الكوريز
▪️ *أما عن تسميته بالبكّاء يروي الرواة عن الإمام جعفر الصادق عليه السلام: بكى عليّ بن الحسين عليه السلام عشرينَ سنة، وما وُضِعَ بين يديه طعامٌ إلا بكى، حتى قالَ له مولًى له: جُعِلْتُ فداك يا ابن رسول الله إنّي أخافُ أن تكونَ من الهالكينَ، قال: إنما أشكو بثّي وحزني إلى الله وأعلمُ من الله ما لا تعلمون، إني لم أذكرْ مصرعَ بني فاطمة إلا خنقَتْنِيَ العبرةُ, إنّ يعقوبَ النبي عليه السلام كان له اثنا عشر ابنًا فَغَيّبَ الله واحدًا منهم، فٱبيَضّت عيناه من كثرةِ بكائه عليه، واحدَودبَ ظهرُه من الغمِّ، وكان ابنه حياً في الدنيا، وأنا نظرْتُ إلى أبي وأخي وعمي وسبعةَ عشرَ من أ هل بيتي مقتولين حولي، فكيف ينقضي حزني؟*
بعد شحچي شلون گطعوا منحره
ياوسافه عاري ضنوة حيدره
راسه فوك الرمح واهله ميسره
بالقهر وي النسه يسبوني
هم سمعتوا بحبل مچتوف العليل
بالحديد وجامعه مگيد ذهيل
ينظر العماته ودموعه تسيل
شلون هضمه ياخلگ هضموني
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
#إستشهاد_الإمام_السّجّاد(ع)🏴
#زينُ_العِباد
سلامٌ عليكَ أزَينَ العِباد ْ
بِيَومِ الطُّفوفِ حُرِمتَ الرُّقاد ْ
أيَقضي الحُسينُ ظمِيًّا ذبيح ْ
وتُسبى العقيلةُ بينَ البِلاد ْ!
عليٌّ عليٌّ عليٌّ علي
أيا نَفحةَ الأُنسِ في العابرين ْ
◼️◼️◼️◼️◼️
تُرِكتَ بأرضِ البَلاءِ وَحيد ْ
رُؤوسُ البُدورِ بِأيدي يَزيد ْ
لِزينبَ تشكو الجَوى والمُصاب ْ
لِمَن أذهَلَتهُم بِقَولٍ سَديد ْ
عليٌّ عليٌّ عليٌّ علي
أيا هَمسةَ العشقِ في السّاجدين ْ
◼️◼️◼️◼️◼️
عَليلٌ تُداوي فُؤادي الحزين ْ
سأرثيكَ وال"آهُ" حَزَّ الوتين ْ
أُروّي ثراكَ بِفَيضِ الدُّموع ْ
فَروحي اكتوَت مِن جِمارِ الأنين ْ
عليٌّ عليٌّ عليٌّ علي
أيا شُعلةَ الحقِّ في الخالدين ْ
◼️◼️◼️◼️◼️
توسَّدتَ تُربًا بأرضِ البقيع ْ
بكتكَ السّماءُ بِدَمِّ النّجيع ْ
عليكَ الملائِكُ تَتلو العزاء ْ
كما قد تلَت لِأخيكَ الرّضيع ْ
عليٌّ عليٌّ عليٌّ علي
أيا صَرخةً في نِدا الثّائرين ْ
◼️◼️◼️◼️◼️
نَعاكَ الرّسولُ كذاكَ البتول ْ
ودَمعُ اليتامى عليكَ هَطول ْ
إذا ما مَضَيتَ لِربٍّ كريم ْ
فحُزني عليكَ لِدهرٍ يَطول ْ
عليٌّ عليٌّ عليٌّ علي
أيا نُدبةً في دُعا العابِدين ْ
◼️◼️◼️◼️◼️
#أعظم_اللّٰه_أجوركم◼️
زينب الموسوي
#بنت_الزهراء
ششعندما قال الامام السجاد لأبن حذلم رحم الله اباك كان شاعرا قم وانعى الحسين
على حالـي لوّن أتــريد تنشاد
عليل آنــه واديه بگيـد تنشاد
كون أبطور فگد الأهل تنشـد
يبن حذلم نعــي للغاضــريه
الشاعر
موسى البديري
قصيدة ( الوضوء ) كان الإمام يتذكر مصارع أهل بيته في كل وقت وكأنه اذا قام الامام علي بن الحسين للوضوء يتذكر عطش أبيه
تـــرد عـليــه نـايبـاتــي
بالـوضوء لكــل صلاتــي
ينرســم طف كــربلاء
وتنزل أدمـوع العـزاء
بالــوضوء لكل صــلاتي
*---------------*-------------*
أبكل وضـوء الطـف جمــر يصعد لهيبه
ومـن جديــد تــرد علـيّ ذيـچ المصيبه
أبدمعـه اذكــر والـــدي وجثتـه السليبه
هــذا مـــاي وشيبتــه ظلــت خضـيبـه
بالرزيه......
الماي لــو أشوف بوضوئي بالرزيه
والعزيه.....
تردلي كل فرض أبصلاتي والعزيه
بالوضــوء يمرني ذكره
اشعـــر أبـدلاله جمــره
تلتهب صبح ومساء
تنزل أدمــوع العزاء
*---------------*-------------*
مـن أشيــل المـــاي انــه أبيــن أديـه
بكــل وضوء أتشـب خيام الهاشميه
وجهي لو اغسله تهل دمعـه جـريه
عالبقه خده تــريب أعلى الـــوطيه
دامي خـده......
بالوضوء اذكـر أبويه دامي خده
ضامي بعده.....
من أشوف الماي اذكر ضامي بعده
بالوضوء يمـــر مصـــابه
اذكر أهمــومه وعـــذابـه
حگي أموت من البكاء
تنزل أدمــوع العـــزاء
*---------------*-------------*
مــن اغسل اچـفوفي تمـر بيـه الفجيعه
اذكــر العبــاس وچــفــوفــه الــگطيعــه
مــاي يجــري ومــا شرب من الشريعـه
ضامي يـدري حسين بالخيمه ورضيعه
ظل ينطره.....
يدري گلب حسين حاير ظل ينطره
گلبه جمره.....
من گصد صوب الشريعه گلبه جمره
عمي اذكره ودمعي يجري
بس طفوف حسين عمري
اذكـر اچفوف ولـواء
تنزل أدموع العــزاء
*---------------*-------------*
امسح أبراسي وتموت أبصدري عبـــره
وتهمل أدمــوع النوظر گطــره گطـــره
اذكــر حسين الغــريب الــدامي نحــره
عالرمح راسه وخضيبه الشيبه حمـره
شيبه دامي.....
. من نَزِف دمه حسافه شيبه دامي
بعده ضامي.....
من أشوف اشفافه ادري بعده ضامي
ظامي ظل ابن الـــزچيه
بكل وضوء انصب عـزيه
عالخذو منـه الـرداء
تنــزل أدمـوع العزاء
*---------------*-------------*
امسح اجدامي الدمـع من عيني ساچب
تجـري بفكاري وتـمــر ذيــچ المصايــب
عمتــي اذكــر حايـــره أبيــن الأجــانـب
كل وضوئي يصير بس لوعــه ونــوايب
يا مصابي.....
ابكل فرض تجري المدامع يا مصابي
يا عذابي....
عمري بالـدمعات ضايع يا عذابي
بكل فرض عمتي سبيه
بالوضوء انصب عزيه
وسفه بت خير النساء
تنزل أدمــوع العـــزاء
*---------------*-------------*
الشاعر
موسى البديري
لاستشهاد الامام علي بن الحسين زين العابدين عليه السلام
الرادود سيد حسن البو حمد الموسوي
الشاعر حسن لعيبي الحريشاوي
ابدي ابعذاب احزاني
اجروح الگلب عنواني
ما تخلص الحسره وياي
كلمة...جرح صار الماي
*******
عايش واعد الموتتي....وايامي امست غربه
والليل يسمع ونتي........عالماي ظلت جربه
ابدي واسولف بالمحن.....ياليل كلش صعبه
والجايبه اخيول الظلع....حدر الحوافر گلبه
حسره اشكثر بعيوني
يا بويه چن ذبحوني
يادنيا شو خذتي اهواي
كلمة... جرح صار الماي
*******
ياروحي ما ريد العمر.......رؤؤس الاهل گدامي
والعايش الطف بس دمع.....وناتي جرح آلامي
چم موقف اگبالي شفت..والحسره چبد الضامي
كلهن عشتهن حسرتي.....مذبوحه ليش ايامي
شفت المصيبه اگبالي
چم غالي عندي وغالي
يم الابو كون افياي
كلمة...جرح صار الماي
******
ما ريده ليلي لو يجن......والونه تذبح بيه
اتوچه من كثر الهضم......عمري صبح لطميه
والمحني ظهره باليسر.....شمات تنظر اليه
بس انه ما سامع گبل....تمشي بيسر علويه
طاري السبي لچماتي
حسره بهضم عماتي
صعبه بضعنه الحداي
كلمة...جرح صار الماي
*******
شفت السبي ومر آلم......حادي الحده بضعونه
وحسين ينظر عالحرم.....حسره ويدير اعيونه
كل هذا عشته ابدمعتي......ذبلانه حيل اجفونه
وصعب بعد منظر شفت..متكسره ليش اسنونه
باب المناحه احچيلي
كل دمعه يشهد ليلي
ماتت حزن بس اعضاي
كلمة.....جرح صار الماي
*******
بالشام چانت لوعتي.....واهل الشماته اگبالي
والنوگ مالت بالضعن....يصعب جرح دلالي
بالسوگ مرت عليتي....ذبحوها روحي وحالي
لو طبت المجلس جرح.....ناشدني وين الغالي
صار الرجس يتشافه
يضرب ابوي اشفافه
چم ونه صارت ابهداي
كلمة...جرح صار الماي
*******
طبينه ديوان الهضم.......صارت نهاية عمري
والساگ مرضوض اشكثر...وانه الاعاتب دهري
ياريت بالطف ساعتي....ياموتي حدب ظهري
مثل الغريب ابكربله.....تحت الحوافر صدري
ماتت عذاب اسنيني
شام المصيبه اونيني
ما ظل بعد كل رواي
كلمة..جرح صار الماي
*******
تمت بعون الله تعالى الشاعر_يوسف_الفتلاوي
(لسان حال اهل المواكب)
قصيدة(#هلا_بيكم)
هــــلا بـيـكـم زوار هـالـكــلــمــه يـا مـحـلاهــه
هــــلا بـيـكـم زوار نــخــدمــكــم ونــتــبــاهــه
*---------------*---------------*
هــلا مــن صــدر الـبـحـر حــد الـنـحـر
انـتـم اطيور الـسـعـد واحـنـه الـشـجـر
يـا هــلا ومـيّـت هــلا ابـتـاج الـفــخــر
خـدمـتـكـم اتشيل الـراس عونه العرف معناهه
*---------------*---------------*
بـكـل ســنــه انـحـيـكـم وألـكـم خَـدم
ونـدعـي الـلـه ايـزيـدهـه هـاي الـنـعـم
ابـگـد مـشـيـكـم بـالـدرب وبـكـل جـدم
هاي الخِدامه احلى أوسام فوگ الصدر شلناهه
*---------------*---------------*
عــهــد لـلـمـوت ويـظـل هــذا الـعــهــد
اي وحــق كــرارهــه ولــيــث الــشــدد
مـدد كـلـنــه انـصـيـح يـا حـيـدر مــدد
يـشـتـد عـزمـنـه ونـصـيـح الرايه لو شـفـنـاهـه
*---------------*---------------*
نـحـسـب ايـام ونــتــانـي بــهــالــدرب
يـمـتـه يـا مـشــاي لـلـمــوكـب تـطـب
هلا ابـشـوف اعـيـونّـه ونبض الـگـلـب
ثـابـت عـهـدنـه وللموت الـخـدمـه هـاي اوياهه
*---------------*---------------*
الـلــه لا يـحـرمـنـه مــن هــذا الـشـرف
بيكـم الـخـادم عِـلـه وصـيـتـه انـعِـرف
إلـكـم اصدور الـمـجـد وإلـنــه الـطـرف
الـكـلـمـه بـس ألـكـم هاي يهل المجد گـلـنـاهـه
*---------------*---------------*
✍خادم زوّار الحسين
الشاعر رعد الجريخي
قصيدة (#روجة #المشايه)
. انتباه روجـه روجـه امـنـل بـحـر
انتباه اتـوجـهـت صــوب الـنـحـر
إلـهـه رفّـت رايـه ** روجت الـمشـايـه
*---------------*---------------*
الـزحـف مـليـونـي لـلـغـالـي ابـتـده
اربــعـيـن احـسـيــن ثــوره خـالـده
انـجـدده الــيــوم الــوفـاء انـجـدده
مانعوف نـمـشـي لــو دربـه جمر
مانعوف خـدمـه مـنـذور الـعـمـر
الـجـحـافـل هـايـه
*---------------*---------------*
هـايـه خـدام الحُـسيـن وشـيّـعــتـه
روجـت الـمـشـايـه گـصـدت قـبـتّـه
وعــد عـدهـه والـوعــد مـاعـافـتــه
للحبيب اعـتـنـت كــل الـخــدم
للحبيب تـهـتـف وراعي الـعَـلـم
عـالـعـهـد وفّـايـه
*---------------*---------------*
ياحسيـن الـصـوت هـالـيـوم اعـتـلـه
والـقـوافـل هــاي تـمـشـي الـكـربـلـه
يـا هـلـه الــخــدام تــهــتـف يـاهـلــه
الجميع الــخـدم لـزمـت ســره
الجميع فزعه شـيـعـة حـيـدره
اعـتـنـتـلـه اعـنّـايـه
*---------------*---------------*
عــهــد لـلـمـوت وتـوّقّـــع بـالـدمــه
اتـعـنـت الـعِـشّـاگ كـلـهـه امـحزمـه
رفّـت الــــرايــات بـعـيـون الـسـمــه
ياحسين صرخه مـا تـبـرد أبـد
ياحسين عـهـد منعوف الـعـهـد
الـوعـود احـچـايـه
*---------------*---------------*
✍خادم زوار الحسين ع
الشاعر رعد الجريخي
*(2) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع) لحن الجفيري♪
لو شفتي يمه كم مصاب
بعيوني شاهدت العذاب
طفل ويتيم على التراب
تسحقهن خيول العده
〰〰〰〰〰〰
بعيوني عاينت الخيم
شبّت بنيران الظلم
وطلعن. بناتي والحرم
وتتبعهن سياط العده
〰〰〰〰〰〰
شفت الحرم من تنسلب
وسياط اميّه والضرب
وشافت مشاهد هالرعب
اطفالي يمه ويالعده
〰〰〰〰〰〰
واصعب مشاهد كربله
سبي وضرب هالعايله
واطفالي كلها معوله
والسيي قرّب موعده
〰〰〰〰〰〰
واليكسر الخاطر بعد
عبدالله شفته بلا مهد
واگبالي مذبوح الولد
وداست جسد طفلي العده
〰〰〰〰〰〰
خادمة آل محمد✍
#وازينباه
*زينب ع في مجلس الطاغي لعنه ورأس اخيها الحسين ع*
راسك خويه حين الشفته
تلعب عصا يزيد بشفته
گلبي تفطّر ودمعي ذْرَفْته
رسالت دمعة عيني سكته
خويه خويه خويه خويه²
〰〰〰〰〰〰
نخيتك يا راس خويه الغالي
فتّح عينك وانظر حالي
حرمه وحدي عزي فْگَدتِه
بوسط الديوان من غير والي
خويه خويه خويه خويه²
〰〰〰〰〰〰
الظالم ينشد يا هي زينب
قيود بإيدي وحالي يصعب
يضرب راسك ويشمت بيّه
وسوطه بگلبه سهم وصوّب
خويه خويه خويه خويه
خادمة آل محمد✍🏻
https://youtu.be/CejRG5FhkTg
(#من_البحرِ #الى_النحرِ )
……………………………………………………………
من البحرِ الى النحرِ
سوادٌ يجـري كالنهرِ
و تعلو رايـةُ النصـرِ
على الزوّار •••• على الزوّار
……… ...............................................
يموج و عصفت ارياحه • ولا شاطي اللزم مايه
عـيون امن لنظر فحـطت • ابد ما تلمـح انهايه
اشـتياق اليمـنت الكـافل • تسـابگ رايه بالرايه
شمس مستحيه وانكسفت •واجت ويانه مشايه
هـواءٌ عطـرهُ ناثر
عبيراً يشهقُ الزائر
حـسـينٌ كـفَّهُ دائر
على الزوّار •••• على الزوّار
……………………………………………………………
الامس جان ابغرب وحده • ينادي و يطلب الفزعه
عليه هسه السمه امغيمه•اعله گبره وتمطر ابشيعه
جرح نمشي المناراتك • نصـير ابحـضرتك دمـعه
ظـلام ولا يمـر زينـب • لخيتك هـل رگـب شمعه
اتينا نحملُ النحرا
اليكِ نفدي يا زهرا
يديـها تنـثرُ العطرا
على الزوّار •••• على الزوّار
……………………………………………………………
زياره وبـيها چـم صـوره • تمثل دولـة المهـدي
مـره او وحدها مشايه • امـان وبيها ظـل يحدي
الاكل مو بالثمن سعره •بثواب احسينه ظل يهدي
معازيب و الف وكفـت • يزاير نومـتك عـندي
عظيمُ انتَ يا خادم
بالفٍ انتَ من حاتم
عـطـاءٌ وافـرٌ دائم
على الزوّار •••• على الزوّار
…………………………………………………………….
يصـير العـالم ابحيره • عـلـى المشايه يتعـجب
على الزاير شمس تحرگ• وارض مثل الجمر تلهب
يشوف الصوره معكوسه •يصـير ابراحه من يتعب
ابمخليته و ركض تركض•على ارمال و جمر زينب
كَوى اقدامَها الرملُ
بكى من دمعها التلُ
لها عينٌ غـدت تعلو
على الزوار •••• على الزوار
……………………………………………………………
مثل ماي الغفه ابجـرفه • عشگتك والعشگ ديني
حبيبي و ما شفت غيرك • يتارس روحي او عيني
يطير اصـعد عـلى اجناحك • لبو الاكـبر تودينـي
حنين حسيني و ادريبه • يظـل واگـف يتانيـني
حـسيـنُ عـشقهُ فـطره
لهُ في مهجتي حضره
يـصـبُ بالعـطا نهـره
على الزوّار •••• على الزوّار
……………………………………………………………
مثل قصة خدر زينب . الزياره الباري كافلها
الارض مدحيه سواها . الاجلها الزرگه شايلها
مسيره وعيسى باخرها . وامام المهدي بأولها
اليسقط بيها چن مطرة . صيف وما يبللها
و خابت قبلُكَ القاده
علينا زادَت احـقاده
بسـيفٍ يمـنعُ العاده
على الزوّار •••• على الزوّار
……………………………………………………………
✍️ ( سيد خضر الزاملي )
اليلة وداع وفراك الاحبهم
المنهم وودعهم وشمهم
حسين ياخويه. حسين ياخويه حسين ياخويه
@@@@@
عاشر من محرم جانة يحسين كلبي مالة حيله
فراكك والعيال ونار والخيل
والسفرة الطويله
تجافي النوم عيني ليل وفراك
خوية شلون ليله
باجر مااشوفك بيها هيهات
فكرة مستحيلة
تجافي النوم عين اشتاك واشتاك
اشبع شوف منك باجر افراك
يحسين ياخويه يحسين ياخويه يحسين ياخويه
@@@@@
اشوفن بالمخيم رايح وراد
ابو فاضل كفيلي
خاف يطب عليه وخافن يشوف
الدمع تارس شليلي
لأبيه أصيحه ولا احاجية
انفطر والله دليلي
لو شاف الدموع يحير وحتار
كمر ومضوي ليلي
وياي الكمر وليله كمره
بغيابه تشب بكلبي جمره
يحسين ياخويه يحسين ياخويه يحسين ياخويه
@@@@
يبو الأكبر يخويه صيح عباس
أودعه جيبه يمنه
آخاف عليه خافن يطك ويموت
المحمل محنه
دخل نلتم يخويه ليلة وداع
خيمنه بنص أهلنه
مايسمع عدونه البجي والنوح
ونسويها حنه
ابو فاضل أخذ روحي بوادعه
كفيلي المارضه بفراكي ساعه
يحسين ياخويه يحسين ياخويه يحسين ياخويه
@@@
اليل يمر عليه ويركض اليل
خل نودع الاكبر
هاي اليله تجمع بيها االاحباب
بس مصباحها اكشر
تتغير علينه الخيمه والناس
يرد بنك موذر
وبوجهك نشوف أشكال وألوان
مصيبه الله وأكبر
باجر من تشوفه يشوغ كلبك
دربك حكه من يضيع دربك
@@@
قاسم للموادع جيبه يحسين
احضننه وشمه
ونجيب الصواني وحنه وشموع
واليوكفله عمه
يروح بلا عرس وتموت الأحلام
الله يساعد أمه
نايم عل تراب فراش عريس
حنته خضاب دمه
كل زفة شباب أمه تذكره
مات وحنته من خضاب نحره
حوسين ياخويه حوسين ياخويه. حوسين ياخويه
@@
باجر بلمخيم من تشب نار
من يلحك عليهن
بناتك والأرامل والخدر ذاك
خويه شلون بيهن
اركض ليك لو أركض للعيال
لو أبجي لبجيهن
لو شوف الشمر يم رأسك يحوم
عينك تصد ليهن
عينك من تصد محتاره حيرة
ياهي تشوفها النضرة الأخيرة
حسين ياخويه
تمت
سيد موسى الغالبي
لا تفرش ابساطك الي ...... اباب الحسينيه
هاي آنه ام المنذبح ...... وبنيتي مسبيه
الجيتي لا تتحظر ..... بكل المجالس احضر
ــــــــــــــــ
خلوني اكعد عالترب يا شيعه خلوني
عالغبره نايم مهجتي او مقلة عيوني
بسمه لو الناعي نعه انحب تسمعوني
ام وفكدت اتلث ولد ويلي وتعرفوني
وبنيتي راحت عالهزل ...... محد يباريهه
عالشاطي ضل نايم وسف ...... خيهه اليحاميهه
يا شيعه ما اتصبّر ..... بكل المجالس احضر
ــــــــــــــــ
كل مجلس احضر والضلع يلجمني ادريبه
ما الطم مصيبه وأشد من الطم مصيبه
آنه الكصدت الكربله بهم من ارض طيبه
وشفت ابني متكطع وصل والدم صبغ شيبه
والراس شفته اعله الرمح ...... وتصدلي عيونه
الله يعين ايتامنه ...... لمن يشوفونه
شفت الرمح بالمنحر ..... بكل المجالس احضر
ــــــــــــــــ
ايدي اعله خدي وانتظر وجفوني ذبلانه
يبدي العزاء وانتحب ودموعي جريانه
بكل حيلي اصيحن يالولد يوليدي هاي آنه
عطشان ذبحوك العده راح ابقه عطشانه
يبني العبايه امتربه ......يا مصعب الحاله
امك الزهره بكل عزه ...... دمعتهه هماله
والخنصرك اتصور ..... بكل المجالس احضر
ــــــــــــــــ
اتصور اختك من مشت عالناكه مجتوفه
ومرت على شاطي الحزن والكافل اتشوفه
مصيوبه عينه وبالسهم ومكطعه جفوفه
وصاحتله يا حامي الضعن اخذوني للكوفه
الطم على الراس وأون ...... جي بنتي محتاره
ويالوعة مصابك ابد ...... ما تنخمد ناره
والهل مصيبه اتذكر ..... بكل المجالس احضر
ــــــــــــــــ
لا تفرش ابساطك الي خليه لخوّانك
ماجور يبني وخالقي ايعلّي من شانك
بدموعي هاي الجاريه حنيت بيبانك
وهدومك السود انبنت اقصور بجنانك
اذكر اوليدي لو شربت ...... الماي يوليدي
يوليدي صكك تاخذه ...... بالمحشر منيدي
وعله الخلك تتبختر ..... بكل المجالس احضر
ــــــــــــــــ
الشاعر محمد حسن ضيغم
/channel/kasaedalatharDaygham
لنهم يمروني يم المشرعه
چفوف عباس الچفيل مگطعه
رايته المرفوعه وسفه واگعه
يا حسافه بطيحته فجعوني
*#دخل عليه يوماً أبو حمزة الثماليّ فوجده حزيناً كئيباً,فقال له يا بن رسول الله, أما آن لحزنِك أن ينقضي ولبكائك أن يقلّ؟؟؟*
*قال له : شكَرَ الله سعيك يا أبا حمزة, هل رأت عيناك أو سمعت أذناك أنّ علويّة سُبيت لنا قبل يوم عاشوراء؟*
*قتل الرجال لنا عادة, ولكن هل سبي النساء لنا عادة؟ هل حرق الخيام لنا عادة؟*
*والله يا أبا حمزة ما نظرت إلى عمّاتي وأخواتي إلّا وذكرت فرارهنّ يوم عاشوراء من خيمة إلى خيمة ومن خباء إلى خباء ومنادي القوم ينادي، أحرقوا بيوت الظالمين وهنّ يلذن ببعضِهِنّ البعض وينادين: واجدّاه وا محمّداه..*
#طور الجفيري
شِفت العفاف الزينبي
يركض وراهن ناصبي
وكِلهن حيارى مروعه
وكم طفله محروقه العبي
لا بقت خيمة ولا ظلال
وعماتي تنظرهن رجال
ما كانت ابال الحربم
توقع تِعثر في الرمال
بس المرارة الدائمة
بنت الزچیه فاطمة
صعدت هزل شافت حبل
شكوانه لرب السمه
(السعيد علي ناصر)
*#أعظم الله أجوركم وكان حزنه وبكاءه سيفًا على رقاب الأعداء حتى أوعز الوليد بن عبد الملك لأخيه هشام بدسّ السم لإمامنا زين العابدين ع ، وسرى السم في بدنه ، وحضره ولده الباقر واوصى اليه بمواريث الإمامة ، لا إله إلا الله ، (( وكاني بأم الحسين حاضرة عند إحتضاره وهي الشافعة للباكين على ولدها الحسين ، فما بالنا بالسجاد وبكاءه على ابيه ثلاثين سنة ، وما وضع بين يديه طعام إلا بلله بدموع عينيه ،، وعاش كل المحن والمصائب من كربلاء للكوفة للشام ، اما تحضره تعينه ، تواسيه ؟؟؟ مأجورة مولاتي يا فاطمة ))*
بعيونه شاهد كل رزيه
وشاف الأبو فوگ الوطيه
ابلا راس جسمه اعلى الوطية
قطعه الولد مني وحيل غالي
والوكت بيه اشسوه تالي
هالليله مجانه مِنّه خالي
#طور الفائزي
.
امغمّض اعيونك يا علي هاي المسيه
عگب اللي عينك شافته بالغاضريه
مسموم يا يمه تروح الليله مسموم
اشافت اعيونك من مصايب يبني واهموم
من يوم عاشر ما سِكَن گلبك لهاليوم
وإنته الشفت أهلك على الغبره رميه
(فاطمة كربم)
*#كأني بالجواب لسان حال السجاد يُحدث جدته فاطمة* :
#طور إسمع عتابي
لو تدري بيّه أمي الزكية
مصاب الدهاني بالغاضريه
لهسه تخنقني .. النار وتِمِسني
وصوت اليتامى .. يا عمه هدني
ابوسط المعاره .. رِكضن حيارى
سِكنه ورقيه .. صارن اسارى
شحكي المصيبه .. عمتي الحبيبه
شافو خيَلها .. صارت غريبه
*#لا إله إلا الله ، في الليلة التي قبض فيها عليه السلام أخبر من كان عنده بأنّ هذه الليلة هي التي قدّر الله فيها الرحلة الى جوار قدسه ، وأغمي عليه ثلاث مرات من شدة السم الذي سرى في بدنه ، ثم قال عليه السلام: ﴿الْحَمْدُ للّهِِ الّذِي صَدَقَنَا وَعْدَهُ وَأَوْرَثَنَا الْأَرْضَ نَتَبَوّأُ مِنَ الْجَنّةِ حَيْثُ نَشَاءُ فَنِعْمَ أَجْرُ العاملين*
*« يا بني العقل رائد الروح ، والعلم رائد العقل ، والعقل ترجمان العلم ، واعلم أن العلم ابقى واعلم أن الساعات تذهب عمرك ، وأنت لا تنال نعمة إلا بفراق أخرى، وإياك والأمل الطويل فكم من مؤمل لا يبلغه ، وجامع مال لا يأكله ، ومانع مال سوف يتركه ، ولعله من باطلّ جمعه ،إلى أن قال :*
*يا بنيّ, إنّ الوقت الذي وُعدته قد قَرُب, فأوصيك يا بنيّ في نفسك خيراً, واصبر على الحقّ وإن كان مرّاً, يا بني أوصيك بما أوصاني أبي يوم عاشوراء ، إياك وظلم من لا يجد عليك ناصراً إلا الله ...*
إختيار👇
#طور_اجه_الليل(للشيخ زمان ااحسناوي)
أناديك أناديك يبويه اليوم أناديك
أناديك أناديك يبويه اليوم أناديك
عُمُــر خلّصتــه بالآهــــات
أخــيــــراً راح الاگیـــك
أناديك أناديك يبويه اليوم أناديك
عـــن بالــي أبــد متغــيب و لا فــد لحظــة ناسيك
أناديك أناديك يبويه اليوم أناديك
بويه الساعه جاني الموت بالســم مــن اعــاديــــــك
أناديك أناديك يبويه اليوم أناديك
يــا مظلوم يــا مذبــــوح العطـش بعــده يــأذيــك؟
أناديك أناديك يبويه اليوم أناديك
تدري اشگد أنــه مشتــاگ أشــوفنّــك واشـــم بيــك
#إختيار👇
#طور يا يمه يا يمه
بــويــه خُلص عمــري أتجــــــــــــرّع الآلام
و اللي كِسَــر ظهـري هَم كربـله و الشـــام
دم نحـــرك اليجـــري شِفتـه ابرمــح جــدّام
وخيـل العِــده تســري طحنت صـدر لِسلام
حبل السبي بنحــري وعيـونــي عــالأيتــام
والحسرة فــي صدري و بصـدرك انت اسهام
(زينب الخفاجي)
*آجركم الله.. لا إله إلا الله وغمّضَ عينيه .. وأسبلَ يديه .. ومدّدَ رجليه .. وسَلَّم على ملائكة ربه .. وفاضت روحه الطاهرة ، وأثار الجامعه في عنقه ويده ..*
*اي وا إماماااااه .. وا سيدا ااه...*
#لحن جئتت لأجمعك
يا والدي أتيت .. بحضنك ارتميت
بالحزن هل وفيت .. حقك يا حسين
وكلما عطشت .. مصابك ذَكرت
وصوتك سمِعت .. بقلبي يا حسين
🟠 *خطباء المنبر الحسيني*
🟠 *مجلس شهادة الامام زين العابدين(ع)-١٤٤٧هـ*
➖️➖️➖️➖️➖️
▪️المقدمة
▪️ القصيدة الاولى
احملْ شجونَكَ من فَجيعةِ نينوى
وَأزِدْ عليها محنةَ السّجَادِ
صُبَّتْ عليْهِ منَ المصائبِ حسرةٌ
تَكوي الفؤادَ كحرقةِ الأصفادِ
كمْ منْ لواعجَ حَشرَجَتْ في صدْرِهِ
مِمّا جرى في الطّفِّ للأسيادِ
ولِعلّةٍ أَلقَتْ عليهِ بِثِقْلِها
إذْ جَرٌّدَتْهُ مِنَ القوى لِجهادِ
لهفي لهُ يبكي الغريبَ بكربلا
ويُقادُ قهرًا في قُرًى ووِهادِ
والطُّهرُ منْ ساقَيْهِ يَروي تُرْبَةً
فهوَ التّقِيُّ وزينَةُ العُبّادِ
يا دهرُ أُفٍّ ما صنَعْتَ بِسَيِّدي
والشّامُ تشهدُ قسوَةَ الأوْغادِ
كلُّ الزَّمانِ عليهِ صارَ مُحَرّمًا
لمْ يبقَ يومٌ فيهِ للأعيادِ
يَبْتَلُّ منْ دمعِ الأنينِ طعامُهُ
وبهِ مرارَةُ فُرقةٍ وحدادِ
ومتى تعافى أيُّ حالٍ حالُهُ؟
يا داءُ مهلاً صرْتَ كالجلّادِ
فيَغورُ في كَنفِ اللّيالي داعِياً
يَلْقى الحبيبَ بسجدةٍ وسُهادِ
والسُّمُّ أَرْدى في البقيعِ إِمامَنا
والقبرُ يُبدي سطوةَ الأحْقادِ
(سارة اليتامى)
▪️القصيدة الثانية
فما يعقوبُ ما أيّوبُ صبراً كزَيْنِ العابدين فتَى الصلاحِ
وليسَ لغيرِهِ رُزْءٌ كرُزْءٍ أصابَ عُلاهُ في كلِّ النَّواح
ولمْ تَكْفِ ابْنَ مروانٍ قُيودٌ بيَوْمِ الطّفِّ تُؤْذِنُ باجْتِياحِ
فدَسَّ لقَتْلِهِ سُمّاً نَقِيعا نِياطُ القلبِ قُطِّعَ بالشَّراحِ
فَوالَهفاهُ للسَّجَّادِ مُضْنىً بَرَتْهُ سمومُه بَرْيَ القِداحِ
فَيسْلُو سُمَّهُ بِلظَى أَبيهِ وما ذِكْرُ السَّمُومِ بمُسْتراحِ
ويَذْكُرُ إِذْ تَجْرَحُهُ سمُومٌ أباهُ حينَ أُثْخِنَ بالجِراحِ
قضَى السَّجَّادُ مَظْلوماً بسُمّ فمَا طِيبُ الكَرَى لي مِنْ مُباحِ
قضَى السَّجَّادُ فالصَّدقَاتُ سِرّاً تُقِيمُ عليهِ مَأْدُبَةَ النِّياحِ
قضَى السَّجَّادُ فالدَّعَواتُ تَهْمِي دُموعاً مِنْهُ تَهْمِي بالمنَاحِ
اتوجّه القبله واسبل اشماله ويمينه
يتلو الشهادة وبالعرق يرشح جبينه
عينه شبحها وضجّت احريمه وبنينه
بدموع حزنه ورأفته ودّع عياله
أنه السجاد وكت منازع الروح
غريب بلا أهل والدمعه بالعين
ظلت امنياتي بكلبي حسرات
جنت راسي اريده بحضن الحسين
وابو فاضل ردت يحضرلي جناز
لكن للأسف ما عنده جفين
لزينب عمتي مشتاكه هالروح
بالشام دفنتهه تعودلي منين
وصدر حسين خله بكلبي نيشان
اوكفة عمتي بنص الدواوين
*#آآآه يا الدواوين ، اعظم الله اجوركم ، لم يغب عن بال السجاد حال عمته زينب وعماته واخواته , يوم أُحرقت فيه خيام بنات رسول الله صلى الله عليه وآله وسلم , فكان يقول : والله ما نظرت إلى عمّاتي وأخواتي إلّا وخنقني العبرة, وتذكّرت فرارهنَّ من خيمة إلى خيمة, ومن خباء إلى خباء, ومنادي القوم ينادي: أحرقوا بيوت الظالمين...*
# طور_نصاري
چم لچمه بدليلي وچم هظيمه
لخواتي الحرگوا اعليهن الخيمه
لعماتي اشكثر سِمْعَن شتِيمه
ويتيمه لازمه اعباية يتيمه
فرّن عالجمر وسطت الهيمه
وعمتي اتحشم لراعي الشيمه
الظليمه ادركنا عباس . الظليمه
(ام محمد الحجاج)
*#بقي يبكي على مصيبة أبيه اعوامًا، وما وضع بين يديه طعاماً إلّا بلّله بدموع عينيه، حتّى قال له مولى له: جُعلت فداك يا بن رسول الله، إنّي أخاف عليك أن تكون من الهالكين، قال: إنّما أشكو بثّي وحزني إلى الله وأعلم من الله ما لا تعلمون، إنّي لم أذكر مصرع بني فاطمة إلّا خنقتني العبرة لذلك* :
اعليكم يالأحباب مسيت العافيه اعليكم يالأحباب
يل حدر التراب يالصرتو بــعاد يل حدر التراب
ذابحنه الغياب والله اشـــــــكثر ذابحــنه الغياب
كفينه العـتاب منكم بعد كفيـــــــــــــنه العتاب
*#وكأنّما زينب تأتيه وتصبّره فيقول لها الامام عليه السلام*
معـــذور لوناح الفاكدله ابو معــــذور لوناح
واشلــــون يرتاح هيهات ابد واشــــلون يرتاح
بسيوف وارماح كلبه انترس بسيوف وارماح
والدمــــع لوساح مثل الجمر والدمــع لوساح
#طور فايزي
واعظم مصيبة زيّدت حزني عليّه
داست على جسم العزيز خيول أميّه
سلبوا عزنا وسيّروا زينب سبيّه
حسرى ومن كثر المصايب راسها شاب
*#كيف له ان ينسى من مرّ عليه وامام عينه ينظر عماته واخواته على عجف النياق موثقين بالحبال ، والسلاسل والجامعة تأكل عنقه*
#نعي جديد
في وينه هاشم .. تشوف الفواطم .. مشدودة بحبال
وقيد برقبتي .. آآآنه وعمتي .. وغاطينه الرمال
وسكنه ورقيه .. من الغاضريه .. مدمعها سيال
وينه الوعدنه .. تسألني سِكنه .. تنظرنه لرجال
ماحسبّــت بـيـة مو آنه علوية
خدري يبو فاضل عالناكَـه تالية
** *
وياك اجيـت بهيبتي والراية فوكَي منشّره
عكبك بقيت بغربتي فوكَ الهزيله ميسـره
شفتك عله شاطي النهر
ودعتــك ورحت بسفــر
حتى الهـزل شبعن قهر من شافن علية شجره
راسك يخي وينه خل ينظر بعينه
يشوف الضعن مايل والعيلة مسبية
*****
امشي وتصد عيني ردت من بيــرغك لو رفــة
الحكَ يبوفاضــل صحت ما جيت الي ياوسفة
شكد حاولت اصبر لجن
بية الجــــروح اتجمعن
و معانَد انه ويه الزمـن اتروالي مني اتشفه
مدري شيسد عينه ماخله شي بينه
دهري حقد شايل كَتله ارحم شويه
**
صاحت عساكرهم وكَع واخته صفت وحدها
نسبيها خلنه ولو سمع نكَله اخــو ما عدهــا
وانه ادري خويه لو عدل
محــد سباني اعله الهزل
ولا شدوا اجفوفي بحبل ولا طفله سطروا خدها
ولا يضحك الحادي يميسره اينادي
ويبقه الدمع سايل كلما شتم بية
**
هــذا يخويه مو عتــب هذا جمــر يجوينـي
عالناكَه خويه من التعب لحظة اغمظتها عيني
ومن افتحتها اتفاجئت
فوك الرمح راسك شفت
صديت الي وجنك كَلت هذا الوضـع عذريني
عفتك غصب انه وبالكوفه ملكَانه
لكَيت الرمح واصل واتعذرت لية
****
للشام اجه ضعن السبي بطبل و عزف لاكَونه
هذي حـــرم آل النبي و اهل الكفــر سمونه
الوادم علينه مجمعه
ظنيته عيد و طالعه
بدهشه الحرم متروعه بهالمنظر اتلكَونه
ديرة حقد هاية شطبني لها الولاية
كل هذا يالكافل منتظره الك جية
*****
الما عدها اخو ماتنحشم واهل الرده يذلوها
شلون ادخل لمجلس زلم وجفي بحبل جتفوها
اتربينه باحضان النبي
وماصد خيالي الاجنبي
ياوسفه اختكم بالسبي لقصر البغي يدخلوها
والذابح اخواني بهالحالة شافاني
بروحي الجرح ياكل والمهجة مدمية
****
حسن بشير السوداني
لمناسبة دخول الشام والإمام السجاد عليه السلام ١٤٤٧هـ
(١)
يا حادي ميْل وْلا تطب بلدة الشامات
كلها علينا شامته وتصفق الراحات
**
تصفق الراحات ابفرح واحنا سبايا
ما چنا عترة أحمد وْأصل الهدايه
ميّل ورجّعنا إلى أرض البلايا
اولا ندخل الشام وعلينا الناس شمّات
**
لا ندخل الشام وعسانا نسكن البيد
كلنا ثواكل والعليل ابرقبته قيد
والشام كلها طالعه ابزينه وصبح عيد
وروس العشيره امشهّره ورفّت الرايات
**
رفّت الرايات ابعلايم بني امّيه
واحنا يحادي الظعن نسوه هاشميّه
ومنّا عقيله امخدّره مو خارجيّه
والهاشميّات النسب مو خارجيّات
**
مو خارجيّات وعلينا هالدهر جار
احنا ملاذ الناس واحنا النحمي الجار
تالي سبايا وْلا حمي عدنا وَلا انصار
والعابد السجّاد وحده ايجرّ حسرات
**
ايجر حسرته أثقل من اقيوده ابصدره
وكلما نظر حال الفواطم زفر زفره
لله صبره اعلى المحن لله صبره
ايعالج اجروح القلب وابرجله جراحات
**
ابرجله جراحات وْينادي بالكسيره
أنقاد انا ابذلّه ولا عندي عشيره
كنّي عبِد منّ الزنِج غايب نصيره
ليت امّي ما جابتني الْدنيا الدنيّات
**
مو منولد يا ليت وعرش النور عرشي
ولا ايشوفني ايزيد اببلاده ابقيدي امشي
بعْد الحسين الدنيا ظلمه وراح كل شي
ما بقى إلا احزاني ما تطفيها عبرات
**
تمت
سجاد البيابي
٢٢/١/١٤٤٧
(٢)
يعْيون أهل الشام صدّي ولا تنِظرينا
عميه عساچ ولا سبايا اليوم شفتينا
**
أعظم علينا اسهام
اعيون أهل الشام
**
زينه وحلِي ونسوان ترقص جلَّ حلمُ الله
وايزيد من قصره يعاين والفرح ثنّاه
**
اينادي قريره اتنام
اعيون أهل الشام
**
يا طالعين ابهالدفوف وكامل الزينه
هذي ترى بنت النبي المختار هادينا
**
تعرفها بنْت اكرام
اعيون أهل الشام
**
قدّم يحادي الروس قال الروس وسْطوها
تتفرّج الناس اعلى بنت الزهرا خلّوها
**
الخاص الْتفت والعام
اعيون أهل الشام
**
زجْر الرجس يسأل سكينه اشهالدمع مدرار
اتقلّه اشحال اللي اقبالك ما عليها اخمار
**
ما تكفي يا ظلام
اعيون أهل الشام
**
مرّوا ابراس احسين تسطع عالقنا انواره
واتقدّمت هالناصبيّه اتضربه بِحجاره
**
ما كفّى يمّ اهجام
اعيون أهل الشام
**
تمت
سجاد البيابي
٢٢/١/١٤٤٧
بقيــوده ويجـــرن دمعــــاتـــه
☼ـــــــــــ☼ــــــــــ☼
الله يســاعـــد گلبــه وروحـــه
مــا بطـــل دمعــاتــه ونــوحـه
چم رگبه يشـاهـــد مذبــوحــه
السجــاد يـذبحــن عبـــاراتــه
☼ـــــــــــ☼ــــــــــ☼
شاهـد جسم حســين اتگطــع
وبالطف مـن الخيـل أتـــوزع
من دم حگه يسيــل المدمــع
مــا تبــرد تسعـــــر جمــراته
☼ـــــــــــ☼ــــــــــ☼
شاهــد بالطــف جـسم الأكبـر
چــن طــاها أمــوزع ومطبـر
وعبدالله اتــروه مــن المنحر
وبالنبلـه انذبحــت ضحكـاته
☼ـــــــــــ☼ــــــــــ☼
شــاهد بـــدر القــاسم بالطــف
شلون أسيــوف البيهن يِنـزَف
أبــدم الهامــه يحنّــون الچــف
وبــالعــاشر طفـــو شمعــاتــه
☼ـــــــــــ☼ــــــــــ☼
شاهــد بالدمعـــه المــذروفـه
الكافـل عمــه أبــلايا چفـوفـه
طايح والغيـره مــن اجروفـه
عالكــافــل تـكبـــر شـوغاتـه
☼ـــــــــــ☼ــــــــــ☼
شاهـد حــرگ أخيــام الخــدّر
يوم الهجمت وسفه العســكر
أيتـــام يشـــاهــدهــم بالبـــر
وتضحــك يسمعهــم شمـاته
☼ـــــــــــ☼ــــــــــ☼
شاهـــد عمتـه مـن يگيـدوها
وعـالهَـزّل گــام يــركبــوهــا
گلبــه أتفطــر مـن شتمــوها
والســـوط أيلـــوع عمــاتــه
☼ـــــــــــ☼ــــــــــ☼
بيده الگيــد ويصعــب حــاله
وينظـــر بالــدمعـات أطفــاله
وروس أهله مرفوعه اگباله
تكثــر مــن يصــد آهـــاتـــه
☼ـــــــــــ☼ــــــــــ☼
چم مـره مات مـن الحسـره
من شاهــد مچتوفـه الحـره
خــدّر راحت للشـام أســره
مــات السجــاد بلوعــاتـــه
☼ـــــــــــ☼ــــــــــ☼
الشاعر
موسى البديري
في مدح الامام زين العابدين عليه السلام
هذا الي تعرف الگاع ممشاه
عظيم الشان عند الباري مولاه
هذا الي يعرفه الحرم والبيت
علي السجاد رب الكون علَّاه
هذا البلعلم والدين معروف
وبطيب وكرم للناس ملگاه
هذا ابن النجابه ونسل عدنان
من بيت الشرف والصيت والجاه
هذا ابن الصميده علي الكرار
الناس الدوم كلها اتلوذ بحماه
هذا ابن الصنع للناس ثورات
وخله الطاغي حيره اتصير دنياه
هذا الهز يزيد بمجلس الشام
ذليل الراي بين الناس خَلَّاه
هذا الحمل زاده ابهدوة الليل
على دار اليتيم ابليل مسعاه
هذا الماينام وبشر محتاج
ماتدري يساره شتنطي يمناه
علي السجاد هذا الحَيِّر اعقول
ياچلمة وصف توصل المعناه
الشاعر حسن لعيبي الحريشاوي
لاستشهاد الامام السجاد عليه السلام
يامناجاة الصحيفه حروف من نور الجنان
نوحي علچان بدعاءه تنملي الدنيا امان
على الصابر بالمحن يبچي لغيابه الزمن
★★★★★
فارس الكلمه البليغة للعلم چانت نداء
بارز گلوب الضلاله جيوش صبره من السماء
وبهمس صوت القياده هزم كل الادعياء
مابقت للشر بقيه لودعه يمسهم بلاء
هذا ابوحمزه الثمالي عَلَّمَه سحر البيان
للعرش يوصل دعاءه وعلارض يرجع امان
الشوفته جنة عدن يبچي لغيابه الزمن
★★★★★
اعلن السجاد حربه واعتزم حرب الطغاة
ماترك الهم وسيله ولامنافذ امنيات
صورة حسين بكيانه المارووه من الفرات
ذلهم بقوله ودعاءه ذوله اعداء الحياة
أسهام سددها بدعاءه اليرفض اهداف الضلال
املاك للباري تحضره عن يمين وعن شمال
هزم صبره اهل الفتن يبچي لغيابه الزمن
★★★★★
شطب قانون الضلاله مثل ابوه بكربلاء
بيده خط اعظم رساله للحقوق وللوفاء
بنى مثل حسين ثوره وجان مركزها الدعاء
ومثل صبره على الرزايا من يحل وكت البلاء
هيبته خافوا اثرها من دنه الكعبة يطوف
تنحني الدنيا بوجوده وتنفرج عنه الالوف
الجده هدم كل وثن يبچي لغيابه الزمن
★★★★★
يبچي محرابه وصلاته والزمن اعلن حداد
وناح کلمن عرف تالي أگبال بيته يحطله زاد
ابسواد الليل يفتر بالكرم زين العباد
السمه تعزي ارضها انصبغت بلون السواد
هذا ابن مكه الشريفه وأبن زمزم والحطيم
هذا ابن ليث المدينه والصراط المستقيم
يوم لفوه ابچفن يبچي لغيابه الزمن
★★★★★
ناحت عليه الصحيفه الي كتبها بالدموع
ناجى ربه علجراله وانحنت منه الظلو ع
اجتمعوا اصحاب السقيفه التمت اشرار الجموع
خططوا بالسم نهايه للسجود وللركوع
ياامان اهل المدينه ضيعوا حيف الامان
باعوا الخير الاجاهم واشتروا ذل الهوان
وإلي مسموم اندفن يبچي لغيابه الزمن
الشاعر حسن لعيبي الحريشاوي
عودة الحوراء
محمد باقر أحمد جابر
السيدة زينب تشكو لأمها ما جرى على الحسين في كربلاء
***
اللازمة
ويلي على طه النبي
يبكي مُصابَ الطيّبِ
زينبُ في رَكبِ السّبي
تبكي على السبط الغريب
آه وا ويلاه.. آه وا ويلاه
***
عادتْ.. وقد طالَ السَّفر
عادتْ.. بها القلبُ انكسر
عادتْ متى انْشَقَّ القمر
عادتْ بلا رأسِ الغريبْ
*
عادتْ بلا زوجِ الربابْ
تشكو لفاطمةَ العذابْ
جسمُ الحسينِ على الترابْ
والرأسُ مقطوعٌ تريبْ
*
رأسٌ على رُمحٍ علا
آياتِ نَصرٍ قد تلا
أمّاهُ في كربِ البلا
مولاي مذبوحٌ خضيبْ
*
أمّاهُ ما أقسى الحياةْ
قدْ مِتُّ حينَ حسينُ ماتْ
ويلاهُ قد منعوا الفراتْ
عن سيِّدِ الخلقِ المهيبْ
*
أمّاهُ قومي وانْدُبي
قد رضرضوا صدرَ النبي
سبطُ الهُدى لم يَشرَبِ
في الطفِّ مقتولٌ سليبْ
***
(بالأربعين)
مـشـايـه عالـعـهـد *** مـشـايـه والـوعـد
بـالأربـعـيـن *** بـالأربـعـيـن
*---------------*---------------*
مـلـتـقـانـه ابكـربـلـه مـابـيـهـه رجـعـه
ماننصي الـصـوت والـعـالـم يـسـمـعـه
الـعـقـيـده والـخـدامـه اتـريــد فَـزعـه
فـزعـوهـه هالخدم *** وتـعـنـو عـالـجِـدم
*---------------*---------------*
احـنــه اصـحـاب الـمـبـادئ والـدرايـه
نمشي ونواسي الـعـقيـلـه والـسـبـايـه
هالدرب مـاشـيـن مـتـهـمنـه الـمـنـايـه
انواسي هـالـدرب *** لليمشن بالـغـرب
*---------------*---------------*
نعتني ولـلـمـوت منـعـوف الـعـقـيـده
والموالـي ابـدمـعـتـه يـرفـع نـشـيـده
مـايـهــم الـتـعـب ودرّوب الـبـعـيـده
مـتهـمـه ياشمس *** وبـحـرهـه مايحّس
*---------------*---------------*
الاربـعـيـن احسين ما تطـفـه الـحـراره
لـلـمـمـات اتـعـيـش بگـلـوب الـغـيّـاره
الخـطوه والـدمـعـات للخادم تـجـاره
لليمشي الـكـربلـه *** ودمـوعـه هاملـه
*---------------*---------------*
الـعـمـر لحسين نـگـضـيـه ابـخـدامـه
يـا حلات الـخـادم الـشـايـل وسّـامـه
اليعتنيله ابشوگه ويـتـرجـم هـيـامـه
هـنيـالـه الينكتب *** والـخـادم ينحسب
*---------------*---------------*
✍خادم زوار الحسين ع
الشاعر رعد الجريخي
☘قصيده للسيده زينب☘
خويه دولبتني صعدة لناكه
ولسجاد خويه يابسه رياكه
😭😭😭😭
جابو نوكهم يحسين شوه هزله
وصعدتهن تشيب خويه موسهله
وياضيم لشفت يحسين ياعلّه
ودموعي نزلن عل لوجه حراكه
✍ام روكان الشمري
😭😭😭😭
ظلت دمعتي يحسين تجري
من بعد الدلال وذاك خدري
تالي ميسرة و الشمر يحدي.
ومشيت وي الغرب والكوم.رفاكه
✍زهراء الجابري ناصرية
😭😭😭😭
الناكه هزله وانه بايد حيلي.
هواي صعبه شلون خويه احجيلي.
والله تعبانه و ذاب ادليلي.
اه نار وداعكم حراكه....
✍ام فراس الساعدي☘
😭😭😭😭😭
بالغصب عالناگه من ركبوني.
امشيت والكم شابحه بعيوني.
ردت اظل والعده ماخلوني.
للعفتهم عالثره مشتاگه
✍ ام منذر الحجار
😭😭😭😭😭
.
امشي شلون ياخويه ونظر عيني .
وبهذا الدرب منهو اليباريني.
وصعدت الناكه حيل تاذيني
رافكني الحزن وعليه دك بابه.
✍ام حسين العباد التميمي
😭😭😭😭😭😭
مشتاگه لگعدتك والكلب ولهان
تدريها شحلاها گعدة الخوان
مغصوبه يوالي رفگة العدوان.
عاالناگه اودعك وين نتلاگه.
✍ام حسين المحمداويه بصره
😭😭😭😭😭😭
تمت بقلم ناعيات الطفوف.
*(3) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع
لحن جاوبني يا علي~ للملا محمد بوجبارة
بعيني شفت صور
ومشاهد الأسر
من هجموا عالخيم
سلب وضرب وزجر
شفت طفلة تطيح
وطفل بعد جريح
تركض على الجمر
وتناديِ وتصيح
شفت عثر طفل
واجا شمر بعجل
بسوطه يضربه
ويعنّفه النذل
وبناتي عالتراب
مسلوبة الحجاب
يدفعهن اللعين
يعفرهن بتراب
خادمة آل محمد
قال الإمام زين العابدين عليه‌السلام : «والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»
دمعة عيني ما جفّت وجلبابي الحزن والنوح
صورة كربله بعيني
وخدر عماتي والمذبوح
هدم حيلي مصاب الطف
الأبو شفته بعد مطروح
ثلاث تيام عالغبره
ودفنته بيديِ بلا راس
〰️〰️〰️〰️〰️〰️
وبالطف خاتمة الاحزان
اگبالي بسوط ضربوها (اه يا زينب)
حرگوا بالطف خْيمها والأطفال سلبوها
وعيني تعاين النسوان من خيمتها طلْعُوها
وعالرمضا تگوم تطيح وتصيح بصوت يا عباس~
خادمة آل محمد ✍🏻
هذا ما كان يتردد على مسامع امامنا زين العابدين ع وهو داخل الخيمة والنار تشتعل بالمخيم وصراخ الاطفال والنساء يفرون من خيمة الى خيمة (فقط اريد ان تتخيل هذا المشهد وتسمع صراخ الاطفال المرعوبة من زعقات الخيول واصوات الرجال ولهيب النار…) ففررن بنات رسول الله من خيمة إلى خيمة ، ومن خباء إلى خباء… لحن الخضيب♪
زين العباد بحسرته يعاين على الخدّر
نار وخيم ضيعة حرم وقلب الطفل فطّر
من خيمة عد خيمة تفر بثوب الخدر تعثر
طفله تطيح على الترب وعدها القلب مرعوب
آيزينب آيزينب آيزينب آه
مشهّد يألم هالقلب ونار الخيم تلهب
فرّت يتامى من الضرب ومن الألم تنحب
ما عند حيل بعلّتي وانظر الى زينب
شبت عبايتها وخدر كل الحرم مسلوب
آه يا زينب آه يا زينب آه يا زينب آه
خادمة آل محمد ✍🏻