8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عبااس ،، عباااس ،،،، عباااس،، عبااااس
،،،،،،،،،،،،،،،،،،،،،،،،،،،،،،،،،،،،،،،،،،،،
بسمك عليناهه الرايه
يمطيح چف الرمايه
والشط ناشف ريجه و مايه
والله مسوي بجرفه اسوايه
لو مية طف ما ينساهه
انته ابن الوالي الرداهه
شمس الله وترجع خلاهه
هنيال امك وانته رباهه
عبااااس ،،،، عباااس ،، عباس ،، عباس
،،،،،،،،،،،،،،،،،،،،،،،،،،،،،،،،،،،،،،،،
يا قائد وچفوفك ديره
يمأسس عباس الغيره
صارت بيهم خوفه وحيره
يا كافل يصعب تفسيره
ياهو الطب الحومه بزوده
ذل الجيش بهاي زنوده
وگفات الكافل مشهوده
خيمة زينب ندري حدوده
عباااس ،،، عباااس ،،، عبااس ،،، عباس
،،،،،،،،،،،،،،،،،،،،،،،،،،،،،،،،،
خلي الفارس فوگ الفارس
للحومه انته مسوي الواهس
يم حيدر يلكافل دارس
لاختك زينب حامي وحارس
يا ظهر حسين وعنوانه
يا قائد جيشه وذرعانه
صاح الكافل انه هنانه
والجيش انخطفت الوانه
عباااس ،،، عباااس ،، عبااس ،، عباس
،،،،،،،،،،،،،،،،،،،،،،،،،،،،،،
يا ساگي الموت بجف أيده
ما طارت بچفوفه الصيده
هذا الموت وياهو ايريده ؟
يخلص والعباس ايعيده
قادتهم بالطف غطاهه
لمها وطشرهه ولماهه
شردت والطف ما كفاهه
للبرزخ راح وذلاهه
عباااس ،،، عبااااس ،،، عباااس ،، عباس
،،،،،،،،،،،،،،،،،،،،،،،،،،،،،،،،،،،،،،،
صاحت زينب هذا الهيبه
عباس وحيدر ترتيبه
خله ابگلب الحاقد شيبه
يا كافل عنوان النيبه
وصلهم للشط رداهم
ما شافو راحه وخلاهم
چنه الموت ويحچي وياهم
يطحنهم بيده وذراهم
عباااس ،، عباااس ،،، عبااس ،، عبااس
،،،،،،،،،،،،،،،،،،،،،،،،،،،،،،،،،،،،،،،،،،،،
جاب الماي أوشط أوغيمه
مد أچفوفه وصارن خيمه
ضم روحه الطف ماي بهيمه
صاحت زينب يا رب ديمه
هذا الكافل فدوه الطوله
وفى الزينب هيچ احچوله
يا دمعة شوگ وهلهوله
مشتاگه اختك بس گلوله
كلمات الخادم / رعد الفريجي
السيدة الزهراء عليها الصلاة والسلام في مجالس العزاء
----------------------------------------------
يمكم تراني وحيلي تعبان
بهاي المجالس گلبي نيران
أم الحسن ها يلتواسوني
هوه آنه يمكم دمعه تلگوني
****
ياهو اليواسيني اعله ابني
ياهو اليطيب اضلوعي ذني
ضلوع الحسين الموتني
تحت التراب وعذبني
اباب المجالس يمكم انعه
ياهو اليهل لوليدي دمعه
مو مهم ضلعي المهم ضلعه
من صاح بس انه الاسمعه
يهل العزاء النوح مريود
والدمعه حگهه الجنه وتزود
باحساسكم لمن تشوفوني
هوه آنه يمكم دمعه تلگوني
***
وينه اليساعدني اعله هايه
شبعت حرگ ذيچ العبايه
ضيم الكفل ضيم السبايه
ودعنه يم الماي رايه
الطم يشيعي اليوم علراس
زينب بقت من دون عباس
رايه وچفوف شلون تنداس
المفروض چف النعمه ينباس
شافوهه زينب وسفه وشلون
هاي الگبل متشوفهه عيون
يا حال زينب طيح امتوني
هوه آنه يمكم دمعه تلگوني
***
مشتعل مثل الموگد بليل
ميت يگلبي وضيمك يعيل
تمرني الهلا مرت مچاتيل
تاخذ مناحه وآه وتشيل
كلما ينوح الناعي باسمه
تاخذني روحي وحيل اشمه
واذكر مصابه وفيض دمه
واركض واريد الگاه والمه
حسين الغريب الفوگه الحجار
مو داري وجت روحي بالنار
والموت بين بيه بعيوني
هوه آنه يمكم دمعه تلگوني
***
شوغة مصاب الطف چبيره
من النحر حد الاسيره
تبدي وصعب نلگى الاخيره
زلمتنه ملموم بحصيره
ذاك الگمر متوسد تراب
مو بالغيوم من الطعن غاب
ويلاه يصدره الصار محراب
خيل ورماح وعالرمل ذاب
وجفوف منه بعيد بالگاع
طاحن يوسفه وصار الوداع
سموني ام عباس سموني
هوه آنه يمكم دمعه تلگوني
**
بالدنيا هم بالاخره وياي
انتم واهلكم فزتو بهاي
تدرون دمعه بمجلس دواي
وزعو بثواب وليدي الماي
انتم بچيتو بگلب محروگ
علدخلوهه الشام والسوگ
علصعدت لوحدهه علنوگ
علعبره ذيچ بصدر مخنوگ
واسيتو گلبي بحرگ الخيام
كل الاجر الكم يخدام
الف انعم الله يلتعزوني
هو آنه يمكم دمعه تلگوني
***
كلمات الخادم / رعد الفريجي
ثوابها الى روح والدتي
منهاج محرم الحرام الحرام 1447 هـ
أبا الفضل العباس (عليه السلام)
ياخذ جوده اجه ويسمع رقيه
بحضنها الجود وتوصيه وصيه
إنطي الماي لو رادوه
بس عباس لَيجرحوه
بحضنها الجود وتوصيه وصيه
بحضنها الجود واتگله العطش فدوه
ترى مو إنت تروي بصاحبك نروه
وترى صار إلك صيت وتمتلك حظوه
چي عباس جاسك اصبحت تسوه
ويا جود استمع هاي
روح وبَلّغ الماي
گِله اتگول الاطفال
اليهمهم عمهم هواي
أما انت شي مو مهم ليهم
ويشربونك اذا قَبَلّت اديهم
وعطاشى العمر لو يگضوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ١ـــــــــــــــــــــــــــــــــ
گعد عباس يسمع لنها تسترسل
الگمر والله نَفَسنَه اليصعد وينزل
شوف الـ بالخيم واقسملك إحنه الكِل
جرح مو بالگمر بالخوذه ما نِحمِل
تدري شكثر نهواه
لَمَن نمشي وياه
لو ملكولنه الكون
هم ما نِهد يمناه
وإلا بإيده نلزم لو مشينه
واحنه هواي بس يلزم ايدينه
وگِلهم كل طفل مَوَتِوه
بس عباس ليجرحوه
بحضنها الجود وتوصيه وصيه
ـــــــــــــــــــــــــــــــ٢ــــــــــــــــــــــــــــــــ
الگمر ينظرها لكن هي ما تعلم
وتشبگ جوده واتگله ارد ازيل الهَم
وعطرك عطر أحلى وأغلى وأترف عم
خليني اعله كيفي ومنك أشبع شَم
ومَتنَه الشالك بيوم
انه اعليه چنت دوم
وكثر ما افرح هناك
أحس اعلى من النجوم
الله عمي حنيته شكبرها
ويَجود المشرعه ايخَوّف غدرها
الحنين الوادم ايغدروه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٣ـــــــــــــــــــــــــــــــــ
كثر ما تبچي جوده ايطيح من عدها
وترفعه بچفها بس من تِمسَحَه بخدها
تطيح عيونها اعله الگاع مَتردها
وجوده يطيح فوگ الترب ما ودها
هي تگول العيون
هسه ويِنعِمن كون
ولا اباوع لعباس
جرح واحد يجرحون
كون هنا اموت وآنه انعه
ولا عباس اسمع ماله رجعه
هسه العمر لو ينهوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٤ـــــــــــــــــــــــــــــــــ
علگ بالجود شَدَّت شاف ابو فاضل
ولَن هذا العلگ من راية الكافل
شَاهَد چفها لَن ثاني علگ شايل
من خيمة أم عون اتگله تستاهل
وتگله بذيچ الدموع
بحرگه وگلب موجوع
ثق لو بيدي چا بيك
أشد گلبي اويه الضلوع
وعلگ بي مسحت الجود وتِرِدَه
لعباية عمتي هذا شلون أشِدَّه
زحمه الوادم يشوفوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٥ـــــــــــــــــــــــــــــــــ
طلعت وبوجهَّا الگمر نظرتَّه
ونحبت مدري ضحكت لچن حضنَتَّه
ومثل شم الورد من نحره شَمَتَّه
وسمع كلشي الحچَتَّه لجوده عرفَتَّه
وصار انوب الوداع
رقيه وعمها للگاع
هِوَو بس حلوه الاوكات
لازم تنگضي بساع
راح وعمي صاحت بعد ترجع
يحچي ايريد لكن حسره تطلع
گالت موتي خَيعَجلوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٦ـــــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
منهاج محرم الحرام الحرام 1447 هـ
سفير الحسين
مسلم بن عقيل(عليهما السلام)
گالوله من بعد الذبح
للگاع تهوى من السطح
لَن صوت گلبه اينادي الله
باب الحوائج اصبح هنا
وهذا الفخر هذا الربح
بي عالسطح صِعدَو وشافوه يضحك
گالوله ثغرك مبتسم چن جرحك
وگلنالك احنه اعله السطح وانذبحك
نريدك حزين انوب زايد فرحك
گاللهم
لأن الفرح صار اثنين
راح انذبح لاجل حسين
وانوب اطيحن للگاع
معناها افرح مرتين
والأحلى من هذا الخبر
من لاجله توگعلي وذَر
بحبال وانجر لاجله محلاه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ١ــــــــــــــــــــــــــــــ
گَلهم قصركم شوفو هذا شكبره
باچر بصف الگبه يصبح حفره
ومن المناره وصوت قارئ يقره
ويلعن بآل زياد والحَب ذِكره
ويم گبري
تنزل ملائك افواج
واتدَوّر اعله المحتاج
والحاجه يرجع بيديه
وخيفيدكم هذا التاج
أيامُكُم إلا عَدَد
وجَمعُكم إلا بَدَد
وخالد الحَب حسين ذكراه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ٢ــــــــــــــــــــــــــــــ
ذِبحِوِني او جِروِني أو وَذروِني
مِن كُلِ فَجٍ باچر ايزوروني
ومو فقط هاي بأي ارض ينخوني
وماخذ الحاجه لبيتهم يلگوني
وكل حاجه
باذن الله وبكُن اتكون
ابلا يمتى وابلايه شلون
هيچ اليحبون حسين
ننطيهم اشما يردون
والباري واعِدنه وعَد
مَيخَيَّب الحَبنه أبد
واليذكر اسمي شيطب انطاه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ٣ــــــــــــــــــــــــــــــ
اتسألِوِني ليش بذبحتي هواي افرح
چا غير باب المرتضى راح اصبح
هو الذبح لحظات بس كلشي أربح
وتبقون للعنه انتم اكبر مسرح
والزاير
ينزال هَمَه ابملگاي
وانطي الشفه لكلمن جاي
مو مني من المعبود
تقديراً لهاي ادماي
والأكثر الأفرح إله
أُكتَب شهيد بكربله
وهذا العشت كل عمري اتناه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ٤ــــــــــــــــــــــــــــــ
الكوفه التِتِعبون الكم اتريدوها
مركز تَشيُع باچر اتشوفوها
وكل قطره من دمي وعلي اتسفكوها
اتخَضّر مواكب يصعب إِتعِدوها
بكل موكب
امحزمه الشيب وشبان
وميگول واحد تعبان
ينادون لبيك حُسين
ولِعنَّو نسل كل سفيان
وعشاگنه لأبسط سبب
الطِهرَوّ المولد والنسب
والحَبنَه احنه نصيح حياه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ٥ــــــــــــــــــــــــــــــ
احنه اليحبنه يصيح يا حيدر لَن
يلگانه يَمَه و كل شدايد يگضن
بالله اليحبكم ينخه من عدكم مَن؟
وانتم وحي الجبار بيكم يلعن
وما إلكم
ريحة ذِكر بالزينات
لا معرفه ولا طيبات
بس دوم ويه الشيطان
إلكم ذكر باللعنات
ذِبحوِني مشتاگ لعلي
ومشتاگ هو أكثر إلي
وأعرف يگلي لَمَن الگاه
باب الحوائج اصبح هنا
وهذا الفخر هذا الربح
ــــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
يامالك احساسي .. عطرك هوى انفاسي
انت هلي وناسي .. حسين
-****
يالجنيت بكلبي بذره تخضر بحبك دمع
عشكك بدكات نبضه ومنه ابد ماينشبع
بسمك يرتل لساني وي النفس ماينكطع
ذكرك بكل المٱتم عرج كلبي ينشلع
يا اول وآخر .. وي دمعتي معاشر
يالغايب وحاضر .. حسين
****
انه ربتني المجالس اشهك بعشگي و اون
الدنيه كلها بعيني مأتم وكلها عاشور وحزن
يبس الساني من اندبك مفطر بدمع الجفن
كون اموت بهوى الحضره وبضريحك اندفن
واليدخل الحضره .. يتأمل بحسره
بموته تجي الكبره .. حسين
****
يا امير العشك انت وعشك غيرك مو صدك
هايم ودكات كلبي حسين باسمك من يدك
اشتم بشباج گبرك والله من غيره اختنك
عاشك حسين وخدمته وما اتوب من العشك
عشكك هوه بريتي .. غير انت عافيتي
عالفطره تربيتي .. حسين
****
دوريت الدنيه كلها ماكو مثلك بالارض
انت حبك يبو اليمه واجب اعلينه وفرض
بعالم الذر وعشكتك وابتده بدگ النبض
ركضة طويرج ملكه جفوفك الجايك ركض
اركضلك وحافي .. العاشك يوافي
حبك ذهب صافي .. حسين
****
ناذر سنيني بخدمتك وعني بس ترضه المهم
ولا اصير انسان ثاني واشبع جروحك لجم
حسين خليني اعلى دربك و اعلى حبك منفطم
والهوى بريتي الاشمك كون غيرك ما اشم
بالخدمه خليني .. ينزل دمع عيني
ناذرلك سنيني .. حسين
****
وهاي مفهوم الرساله بدمع عيني تنكتب
هو لو هيج اليحبك لو يبطل مايحب
ماي صافي بعيني اشوفك وشوك اشربنك عذب
وانت بس انت الاحبك ومال احب غير جذب
هذا العشك فطره .. يا عالم شكبره
ريحانة الزهره .. حسين
****
تمت
احمد الخفاجي
جديد محرم ١٤٤٧
ليلة الحادي عشر
فرض الجراح أذّن ابليل احدعش
بين الرماح امصلّى دلالي انفرش
بيدي تسبيح النحر
والدعا نزف القمر
بين الرماح
.....
انهدم حيلي امن الرزايا وراسي شايب
كربله امن أعطش سقت قلبي نوايب
وابصلاة الوحشه أتوضّه مصايب
من جلوس اتصلّي اختكم عالترايب
ليل الهوان جاني من بعد الذبح
وصوت الأذان راس أخويه عالرمح
جفني بالفجعه سهر
والدعا نزف القمر
بين الرماح
.....
ابكل ألم بيّه ارفعت صوت الإقامه
حسين أخويه عالثرى طحنو عظامه
وللصلاه تكبيرتي حرقة خيامه
واسلبو خدري عقب سلب العمامه
دمّه خضاب البسمله بالفاتحه
أقره ابعذاب آيه آيه امذبّحه
اوخضّب ابدمّه السور
والدعا نزف القمر
بين الرماح
.....
مانسيته الوصّه إخته ابوحشة الليل
اذكرت لسهام ابركوعي الجاته چالسيل
حاطته اسيوف اوعليّه حاطت الخيل
وبقنوتي اتعود أدعي اچفوف لكفيل
ثوبه انسلب هذي تعقيب الصلاه
ومتني انضرب والحرق ظل بالعباه
ابسجدتي أشكو ابقهر
والدعا نزف القمر
بين الرماح
.....
بالتشهد كل حواسي صاحت اوياي
اوردِّدَت أفجع شهاده اتذوّب احشاي
أشهد إنّ احسين ضامي وماشرب ماي
وعالنهر طاحت الخوّه اوكثر بلواي
اوصار السلام عاللّذي عاري بقه
اويمّي السهام اوراس اوقربه امّزقه
إلهم أشبح بالنظر
والدعا نزف القمر
بين الرماح
.....
بعد ماسلّمت بيدي اندار تسبيح
باچر ابشيبة أخويه تلعب الريح
ومن على الناقه تودعه إخته واتطيح
اجوابي بالسبحه الأخيره للمذابيح
ايقيدچ سبي من بعد ليلي الوحش
وابن النبي ابلا غسل وابلا نعش
امن اخوتي محّد حضر
والدعا نزف القمر
بين الرماح
.....
تمت بحمد الله ومنّه ٤شوال١٤٤٦
نظم خادم السيدة الزهراء عليها السلام
ياسين جواد العبد الرضا
#قصائد_في_خدمة_الخطباء
#محرم_١٤٤٧
#اليوم_الأول
[قصيدة رباعية]
(لسان حال مولانا الحجة صلوات الله وسلامه عليه)
١/أيا جدّاهُ عزَّ على فؤادي
رثاؤك مُفردًا بين الأعادي
وقَولي أن هويتَ عن الجواد
بجسمٍ قد أذابته الجِراحُ
٢/عجيبٌ ما جرى في يوم عاشر
أوُسّدتَ الثّرى بين العساكر؟!
أحيًّا ذُقتَهُ وطءَ الحوافر؟!
وهل لسيوفهم نحرًا أباحوا؟!
٣/ألا هذا هو الرُّزءُ العظيمُ؟!
دنا وجثا على الصّدر اللّئيمُ!
بلى وتخضّبَ الشّيبُ الكريمُ
وفوق الرُّمحِ ألْفَتهُ الرّياحُ
٤/بقايا الصَّدرِ في البيدا تراءت
وثانيةً إليكَ الخيلُ جاءت
فكَسَّرَتِ الضُّلوعَ وحين جالت
أُذيبَ الجسمُ وانصدعَ الفلاحُ
٥/وأمّا الرّأسُ حين علا ولاحا
من الآلام كلا ما استراحا
رأى شمرًا مخيّمَكُم أباحا!
ومِن كلِّ النِّسا سُمِعَ النّياحُ!
٦/أدرتَ العينَ والنّيرانُ تلهب
رأيتَ مُصيبةً أدهى وأصعب
رأيتَ السّوطَ فوق مُتونِ زينب!
وإن فرّت تُحاصِرُها الرِّماحُ!
#عظم_الله_أجوركم ◾️
فاطمة علي رزق
اسألكم الدعاء
منهاج محرم الحرام1447 هـ
السيدة العظيمة أم البنين (عليها السلام)
محبس نطاها وسالت العين
أمِنَت يَسلَم بُنصر حسين
إودها تگله انطيني
الـ بالخنصر الياذيني
بس زحمه گالت آخذ اثنين
شما يودعها يحس اتخنگه عَبره
ونزع محبس من إصبعه انطاها ذكرى
ابتسمت ودِمعت وتحچي الحچي بحسره
زين گالت بُنصرك محد يبتره
يوم عاشر... رغم يسلم من بتر
خوفي حافر...لا يرضَّه اويه الصدر
وهي كلها... كربله بعيني جمر
بس تمشي خطوه ويبتدي النوح
وبوجهي دمعي ايخطط جروح
وترسم جروحي بعيني
الـ بالخنصر الياذيني
بس زحمه گالت آخذ اثنين
ــــــــــــــــــــــــــــــ١ــــــــــــــــــــــــــــــ
ابتعَد بس چم خطوه ابو الاكبر بدربه
وهي ركضت محبسه اميَّه تِشَربَه
تگول بلكي الله ويلوح شويه گلبه
حسين ما يطلب عَذِب من ناس غربه
أدري يِضمه... وما يفكر بالضمه
ويبقى هَمَه... ادري بس بمخيمه
ماكو منه... أحن بالارض وسمه
كل ماي بيده ونعرف بهاي
بس ما يگله اگربلي يا ماي
لا تمس من چفيني
الـ بالخنصر الياذيني
بس زحمه گالت آخذ اثنين
ـــــــــــــــــــــــــــــــ٢ـــــــــــــــــــــــــــــ
وين ما شافت سيوف اتضُمه عنها
اتگله احذر ذني بالك تِدنَه منها
ريحة حسين اعله أي شي يگصدنّها
لو يوذرنّها إحلِفَن لو يِسلبنّها
وانت عندي... اغلى من روحي وعلي
فدوه ولدي... وصاحبك يسلَم الي
ادري صعبه...لچن بلكت تنجلي
هيچ ويِرد وباصبعه اتعود
وافتح عيوني ولنَّه موجود
ومو بالحلم يلفيني
الـ بالخنصر الياذيني
بس زحمه گالت آخذ اثنين
ــــــــــــــــــــــــــــــ٣ــــــــــــــــــــــــــــــ
الفجر والمغرب اويه المحبس حچيها
بالله دنيا ابلا حسين شعندي بيها
اتموت ودها وخوفها بموت اليجيها
حسين خافن يرجع ويحزن عليها
الحزن هدها...وكل ألم تتحمله
وهينه عدها... ودمعه متسبب إله
رغم تعرف...يا مصيبه بكربله
واتصيح ويه دموع العيون
عند الله سهله هنا يعودون
وما ارد اگله حسيني
الـ بالخنصر الياذيني
بس زحمه گالت آخذ اثنين
ــــــــــــــــــــــــــــــ٤ــــــــــــــــــــــــــــــ
المحبس اتگله انت من حسين يعني
اتعرف دربه مروتك لدربه إخذني
عيوني ما ظلت تشوف بكثر حزني
وحتى لو أوصلَّه عميه المهم وَدني
النظر فدوه... والمهم بس عطره اشم
وكلشي أشوه... وسالم حسين المهم
وغير إسمه... ما اريد اسمع إسم
ما اريد اسامي گبالي تنگال
ما عندي غير حسين بالبال
ولو رَد اگله إودِيِني
الـ بالخنصر الياذيني
بس زحمه گالت آخذ اثنين
ــــــــــــــــــــــــــــــ٥ــــــــــــــــــــــــــــــ
يوم عاشر من إجه بي لوعه تِعلم
باوعت شذرة المحبس لنها كالدم
تريد تنهض بس تطيح ودمع تلتم
مثل طيحة زينب بجمر المخيم
جمر يمها... ماكو بس يچوي الترب
ومن ألمها... تصيح صوبوَلي الگلب
وعيني تنظر...زينب ابين الغرب
أنظر لزينب تلطم الراس
يا ربي طايح فقط عباس
بس گَطِعَوّ چفيني
الـ بالخنصر الياذيني
بس زحمه گالت آخذ اثنين
ــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
منهاج محرم الحرام 1447 هـ
قصيده ولائية
ريت لو بالرؤيه مره
طرف من ثوبك انظره
واسمع اتگلي لرضاي
سوي هاي وعوف هاي
ريت لو بالرؤيه مره
أنه ما استاهل اعرف يبو اليمه
بس يقيني انت اوسع باب رحمه
أنه حتى الهوه كلما أبدي اشمه
ايگلي لو ما راضي امامك والله زحمه
شلون ادري... راضي لو لا يا حسين
شلون ادري... وانا الك ما عامي عين
شلون ادري... وعني ياهو يگول زين
شلون ادري
الزين فعلاً إلا منك
كون يسمع راضي عنك
ويسمع بكل صوت ماي
سوي هاي وعوف هاي
ريت لو بالرؤيه مره
ــــــــــــــــــــــــــــــــ١ــــــــــــــــــــــــــــــ
اجفوني تطبگ والگه گبتك صوره بيها
وبس افكهن كلشي يصرخلي إعتِنِيها
الدنيا ما احبها وعلي ولا مشتريها
وخِدمِتَّك لمصبرتني بس عليها
بس خدمتك... بيها يرتاح الضمير
بس خدمتك... راي توگفلي من احير
بس خدمتك...لازمه چفوفي من اسير
بس خدمتك
وأنه مولاي اعله گدي
واگف ابابك مجدي
خاف ازل وديلي راي
سوي هاي وعوف هاي
ريت لو بالرؤيه مره
ــــــــــــــــــــــــــــــــ٢ــــــــــــــــــــــــــــــ
الناس أسمع راحه تشعر من تسافر
وآنه وين امشي احس بصدري حافر
وكل مكان أگصدله اشعر روحي حاير
وراحتي تبدي من اباوع للمناير
ألگه روحي...چنها بالجنه من اجيك
الگه روحي... تطهر من أبچي عليك
الگه روحي... تشعر بلمسات اديك
الگه روحي
ولَمَّن الشباچ أشمه
ودي اموت وأنه يَمَه
لو تگلي وأنه جاي
سوي هاي وعوف هاي
ريت لو بالرؤيه مره
ــــــــــــــــــــــــــــــــ٣ــــــــــــــــــــــــــــــ
أنه لا بالدنيا املك لالي غيرك
والهوه اليدخل بريتي هذا خيرك
وانه حريتي فقط لو صرت اسيرك
ويا هناي من أگعد بطارف حصيرك
بداعة أمك... لا تعوف ايدي من اطيح
ابداعة أمك...انه ريشه وكلشي ريح
بداعة أمك... سيدي احضرني من اصيح
بداعة امك
ما تِرِد اليعتنيلك
يا أبو اليمه دخيلك
گلي حتى الگه ضواي
سوي هاي وعوف هاي
ريت لو بالرؤيه مره
ــــــــــــــــــــــــــــــــ٤ــــــــــــــــــــــــــــــ
أنه من انخاك واطلب تدري بيه
ماكو واحد غيرك العينه عليه
العافيه من اطلبها تعرف موش اليه
حتى اخدمك بيها منا للمنيه
وانت تدري...ابلا خدمتك مالي حال
وانت تدري...گلبي من كلشي استقال
وانت تدري...بس الك مولاي مال
انت تدري
غير حبك كلشي عفته
وانت بس انت العشگته
وكلمه لو اسمع مناي
سوي هاي وعوف هاي
ريت لو بالرؤيه مره
ــــــــــــــــــــــــــــــــ٥ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
منهاج محرم الحرام 1447 هـ
قصيده ولائية
ما يضيع العنده عين
باچيه لذبح الحسين
ما يضيع..ما يضيع
كُلَ عينٍ باكيه يوم القيامه
والبچت لحسين تحضر بابتسامه
الراد دنيا وآخره ينول السلامه
خل تسيل عيونه لو ذِكرَو إمامه
وليش ما نبچي اعله ذكره
وگاعد الشمر اعله صدره
وحَوَّلَه انوب اعله ظهره
وسيفه لاحه اثنعش طبره
والله تذبح هالجروح
والذَكَر ليها وينوح
ما يضيع..ما يضيع
ــــــــــــــــــــــــــــــــ١ــــــــــــــــــــــــــــــ
عن أبي جعفر قال الذِكَر جَده
ودٓمعَت عيونه ونزل دمعه اعله خده
غُرفاً بالجنه كثره اتصير عنده
غُرفاً والناس تطلب غرفه وحده
ها يا عيني سمعي سمعي
وخلي بس لحسين دمعي
عوفي اهلي وعوفي ربعي
وليه بدموعچ انگعي
اتذكري چفوف الكفيل
ودمعچ اعليه من يسيل
ما يضيع..ما يضيع
ــــــــــــــــــــــــــــــــ٢ــــــــــــــــــــــــــــــ
عن امامي الرضا قال البچه اعلينه
بالقيامه لو بچو ما تبچي عينه
والجلس مجلس ذكر معقود لينه
من تموت اگلوب گلبه حي يجينه
ويَمنَه يصبح واحنه يَمَه
هاي والله شلون نعمه
بجنه انت وبعد رحمه
اتشوف معصوم وتكلمه
الشاف سيد المرسلين
وشاف امير المؤمنين
ما يضيع..ما يضيع
ــــــــــــــــــــــــــــــــ٣ــــــــــــــــــــــــــــــ
عن الصادق قال للشيعه التحبه
للذكرنا أو سمع وانعصر گلبه
ودِمَع گد جنح البعوضه إنغفر ذنبه
لوَّن گد زَبَد البحر مغفور حِسبه
دمعه وحده وهذا أجرها
الرحمه للشيعه شكبرها
شلون ما تلطم صدرها
وبالعَزَه الجنه وعطرها
والحضر مره بعزاء
يبتشر يسمع نداء
ما يضيع..ما يضيع
ــــــــــــــــــــــــــــــــ٤ــــــــــــــــــــــــــــــ
أنا مكروبٌ قُتِلتُ حسين صَرَّح
كُلُ مكروبٍ أتاني والله يفرح
لحاجته اگضي وهمه ازيله وصدره أشرح
واحنه ننحب ولرضاك الليله نطمح
واحنه مخنوگين كلنه
سيدي يابو المَحَنَّه
إدعي الله ايعَجل النه
بطلعة المهدي أملنه
سيدي اكبر سرور
اليستمع حان الظهور
ما يضيع..ما يضيع
ــــــــــــــــــــــــــــــــ٥ــــــــــــــــــــــــــــــ
العمر يمشي والوكت مولاي يصعب
وبمحرم يمتى ويه المهدي ننحب
لذبح نحرك والكفيل وهضم زينب
بينه ما ظل گلب الا بشوگه شَيَّب
گالو المجلس يحضره
وگلنه بلكي الله وننظره
مره نبچي ومره نقره
وبالوجوه اندوره مره
نوره للخايف امان
واليحبه بكل زمان
ما يضيع..ما يضيع
ــــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#عزاء_ الليلة الثانية لشهر محرم الحرام ١٤٤٧هجرية
لفاطمة العليلة عليها السلام
قصيدة مربعية بعنوان ( انتظار الغايب ) وزن الميمر
طال انتظاره بغيبته الطويله
ظلت حزينه الفركته العليله
●●●●●●●●●●●●{{1}}
لمن ودعهه بالدمع والحسره
ردت تجي ويه الضعن والاسره
بس القدر خلاهه تبقى بعبره
من لوعتهه من قهرهه تشكيله
●●●●●●●●●●●●{{2}}
عاشت حياة المنتظر حبيبه
والغالي صعبه عالبنت مغيبه
صار المرض ويه غيبته المصيبه
سالم يرد من السفر تدعيله
●●●●●●●●●●●●{{3}}
سهرانه ليلتهه ونجمهه تنعي
من كل خطر يحفظهم ليهم تدعي
تبحث بملهه عن خبرهم تسعي
املهه ما كطعت اله وتسعيله
●●●●●●●●●●●●{{4}}
بين الحزن بين الجرح متألمه
ظلت تتنطر يرجع ابو اليمه
طال انتظاره وبالكلب ملجمه
من غيبته ودم الدمع تبجيله
●●●●●●●●●●●●{{5}}
خاب الأمل ما ظل امل لغيابه
لمن( بشر ) جاب الخبر ومصابه
عالغبره طايح منذبح بخضابه
ولده وخوته وصحبته ونعيله
●●●●●●●●●●●●{{6}}
بعد الكفيل الحره دون اخيمها
وراحت سبيه من بعد زلمها
تنعه لمصابه وعاشرت المها
عاشت مصيبة كربله العقيله
■■■■■■■■■■■■■■■
الشاعر الحسيني حسن جاسم الطائي
#عزاء_ الليلة الثانية لشهر محرم الحرام ١٤٤٧هجرية
لفاطمة العليلة عليها السلام
قصيدة مربعية بعنوان ( جرح الغياب )وزن الموشح
وحشه داري وروحي مجروحه ابعذاب
ونتظر ترجع احبابي أمن الغياب
طول سفرهم طول سفرهم
●●●●●●●●●●●●●{{1}}
من غبت غاب السعد من فرحتي
وغاب من بيتي حبيبي وبسمتي
روحي ملهوفه وصفيت ابعلتي
ونزف اجروح الغيابه وفركتي
وانه انتظرهم طول سفرهم
●●●●●●●●●●●●{{2}}
يمتى يرجع ظعن ابويه أمن السفر
داره وحشه وخاليه ولا من اثر
بعده زادت ونتي وعشت القهر
وشوكي عذبني وعمه عيني السهر
فكري ابذكرهم طول سفرهم
●●●●●●●●●●●●{{3}}
باب داري شاهده عالي جره
بالالم والوعه يمهه امناطره
بالنهار انحب وظلن حايره
وليلي انشد نجمته ومساهره
وغايب خبرهم طول سفرهم
●●●●●●●●●●●●{{4}}
لا خبر لا طارش اليوصل الي
وانه متنطره يردولي هلي
وترجع اسكينه ورقيه وي علي
وعمتي زينب وخوتي وبويه الولي
ويرجع كمرهم طول سفرهم
●●●●●●●●●●●●{{5}}
علتي زادت روحي سالبهه التعب
حتى صبري منفذ كلبي لهب
حيره بعيوني ودمع عيني سجب
عني منهوا ايواسي وهمومي عتب
ظل بس اثرهم طول سفرهم
●●●●●●●●●●●●{{6}}
انكطعت اظنوني وصرخت الفركته
والامل خاب الامل من غيبته
وذكريات الدار تركت وحشته
ودهري لوعه ما رحمني ابغدرته
وغادر دهرهم طول سفرهم
■■■■■■■■■■■■■■■
الشاعر الحسيني حسن جاسم الطائي
[6]نشر جديد
قصيدة الخروج من مكّة :
أيا بنَ الذَّبيحينِ أنتَ الذَّبيحُ
عليكَ دموعُ "المَقَامِ" تسيحُ
يئنُّ لرُزْئكَ "بيتُ الإلٰهْ"
ليومِ الظهورِ فلا يَسْتريحُ
فلولاكَ ما حجَّهُ الوافدونْ
فغادٍ يجيءُ ، وماضٍ يروحُ
ألا حقَّ إنْ أصبحتْ كربلاءْ
يطالُ السِّماكَيْنِ فيها الضريحُ
يَزورُ ثراها "النبيُّ الأمينْ"
فعطرُ النبوَّةِ منها يفوحُ
ويرفعُ "آدمُ" فيها الدعاءْ
وفي لُجَجِ الدمعِ يغرقُ "نوحُ"
ويسعى إلى حَرَمَيْها "الخليلْ"
وفيها "الكليمُ" كليماً يطيحُ
تَهزُّ لشبَّاكِها المَريْماتْ
فيمسحُ عنهُ الدِّماءَ "المسيحُ"
حسينٌ..خرجتَ إليها تسيرْ
وخلفَكَ كانتْ تسيرُ الفتوحُ
رفعتَ برأسكَ دينَ السماءْ
وجسمُكَ فوقَ الصعيدِ طريحُ
تداوي الرسالةَ بعدَ السَّقامْ
فأنتَ الصحيحُ وأنتَ الجريحُ !
ولكنَّ ما زلزلَ العالمينْ
خيولٌ رحالكَ راحتْ تُبيحُ
وسبيُ النِّساءِ كسبيِ الإماءْ
يوشِّحُها الضَّربُ لمَّا تنوحُ
وسحبُ الصِّغارِ بحرِّ القفارْ
يُقابِلُها السَّبُّ لمَّا تصيحُ
أتدخلُ زينبُ قصرَ يزيدْ ؟!
ورأسُ أبيْ الفضلِ عنها يُشيحُ
فكيفَ يراها بدونِ الحُماةْ
وبالسَّوطِ ذاكَ اللئيمُ يُليحُ !
ومذْ أنزلوها ديارَ الخرابْ
تمنَّتْ إلى اللهِ تصعدُ روحُ !
تمت بعناية الحجة (عجل الله فرجه)
الشاعر علي عسيلي العاملي
#محرم_١٤٤٧هـ
#الخروج_من_مكّة
#اللهم_عجل_لوليك_الفرج
ودّع آخر ليله ____ يا رضيع العيله
ـــــــــــــــــ ❁ ❁ ❁ ــــــــــــــــــ
اتودع يبعد الروح
وترس حسّك الخيمات
وبضحكاتك الحلوه
خلها تشبع العمّات
سلّم عالمهد سكّته
يبني وخفف الونّات
كلها ليله يا يمه
وخدك بالتراب يبات
والمهد ناغيله ___ يارضيع العيله
ـــــــــــــــــ ❁ ❁ ❁ ــــــــــــــــــ
چلمه يمه سُولفها
سُولف ويا صوت الليل
حلقك باچر اتسكته
نبلة حرملة بالويل
چا يوليدي شتحمله
سحقت عشره من الخيل
لو سهم بوسط حلقك
يقطع منحرك بالحيل
ياجرح بتشيله __ يارضيع العيله
ـــــــــــــــــ ❁ ❁ ❁ ــــــــــــــــــ
يالعمرك قليل شهور
يا وجه السنا الصبّاح
خل كاروكك الليله
بچتوفي تعال ارتاح
لك ويا الرمح رحلة
يا عبدلله فوق ارماح
راسك ويا راس حسين
يبني يفصِله الذبّاح
بالدموع اشكيله ____ يارضيع العيله
ـــــــــــــــــ ❁ ❁ ❁ ــــــــــــــــــ
شلتك بالجفن صوره
اتخيلها كل ما نام
تمشي وتفرح اسكينه
باول خطوه لك بالعام
ثاري هالحلم حاله
محكوم بحكم الاعدام
ما الحق على شوفه
وتموت بصغر ليام
والنحر ابچيله .. يارضيع العيله
ـــــــــــــــــ ❁ ❁ ❁ ــــــــــــــــــ
آخر حضنه وآخر ليل
باچر موعد الذبحه
بتسافر سفر الاموات
ماشوفك ولا لمحه
اطلب مني بس عفيه
لَترش عالجرح ملحه
اطلب كلشي الا الماي
ماعندي ولا رشفه
مابقت لي حيله .. يارضيع العيله
ـــــــــــــــــ ❁ ❁ ❁ ــــــــــــــــــ
خادمة الزهراء
فاطمة حبيب
الدنيا من عندج يزينب مدري شنهي رايده
وين مـا رحتي مصيبه وياج جن متواعده
:::::-----:::::
عمت عيني اعليج زينب ماهدالج ساعه بال
مـا كدر شاعر يوصف حالج ايفوق الخيال
من عكب ذيج العشيره من عكب ذاك الدلال
كون ابو فاضل يشوفج و انتي مجتوفه بحبال
جان رديتي الاميره و فوك عرشج كاعده
:::::-----:::::
لـو صبر ايوب عندج جان لحضه مـا كفاج
انـتي دستـور المصايب حيريتي الـي قراج
ضيعيتي بيوم واحد اهل بيتج وي حماج
عكب ذلك العز وخوتج شامت اليمشي وراج
خلصيتي العمر بالهم مـا لكيتي الفايده
:::::-----:::::
الله عونج كون زينب كلبج اشلون احتمل
زينب انتي شكد عضيمه همج ابكبر الجبل
مـا شكيتي الحال مـره مؤمنه بهذا الاجل
اقل تقدير اعله زينب مضرب انتي الكل مثل
صابره انتي اعله هضمج و المصايب زايده
:::::-----:::::
صاح حاديكم يزينب و المحامل و المسير
جاهزات وكومي اركبي هايه لتهز الضمير
ناس مـا بيهم محنه المـا يرحمون الزغير
راح اخت الكمر باجر بالغرب رايح تحير
بالغرب لمن مسيتي كلبج الله يساعده
:::::-----:::::
بين دمعات الهضيمه بين لوعات السنين
عكب اخوتج والعشيره اليوم ماعندج معين
وين جان الحال زينب انتي هسه اصبحتي وين
جان ابو فاضل يحرسج والهواسم حاظرين
من ثكل ضيم المصايب هسه زينب راكده
:::::-----:::::
حسن صالح العيساوي
حايرة يحسين زينب حايرة
صارت اعليه الگبل ما صايره
،،،،،،،،،،،،،،،،،،،،،،،
نوب اگومن نوبه اطيح
يابو فاضل خويه اصيح
شبت الناري بعباي
اليذبحك يركض وراي
صاحو المسبيه هاي ،،، وانه اخيتك
حسين گوم من الحوافر ما اتعبت
كسرن ايات صدرك مو متت
وانه اركض ليك بيك اتعثرت
بت علي بهالموقف ولا حسبت
كلشي بيك بلحظه ذاب
آه من هذا العذاب
صارت اعليه الگبل ما صايرة
،،،،،،،،،،،،،،،،،
كافي يا نزف الوريد
خل بس نحره يهيد
سهم المثلث تراه
طلع من صدره وگفاه
آه يخويه والف آه الموت اجاني
من الخيام الچثتك خطوه بسنه
بكل شبر بالمعركة اتشاهد أنه
من وصلتك گلبي وخيالي انحنه
إه يخويه الفوگه چم سيف أنبنه
حجر ورماح وسيوف
والحوافر هم تطوف
صارت اعليه الگبل ما صايرة
،،،،،،،،،،،،،،،،،،،،،،،،،،،،،،،،،،،،،
من وصلتك وشلگيت
منين ما ابدي انتهيت
چثه باقي بلايه صوت
احچي كلمه وخل اموت
منين لمصابك افوت وانته ديره
هاي أول مره اجيك واختنگ
راح وكت الخوه والعشرة الصدگ
هاي بنتك هاي لاحاهه الحرگ
تگول ليش تنام مو وكت الشبگ
عوف التراب وتعال
علمتني اعله الدلال
صارت اعليه الگبل ما صايرة
،،،،،،،،،،،،،،،،،،،،،،،
گوم حامي العيله گوم
علحرم شامت يحوم
تحشم بنيتك عليك
بويه بس اطيني اديك
شبيهم يذبحون بيك وانته ابونه
ميت وبحجار ضربو جسمه ذاب
ورجعو وبعنادي غطوه بالتراب
وانه اگلهم هذا ابوي لربنا باب
خفت لا حاميه ويطيح الحجاب
يمك وسطروني ليش
غاثتهم انه بيش ؟
صارت اعليه الگبل ما صايرة
،،،،،،،،،،،،،،،،،،،،،،،،،،،،،،،،،،،،،،،
دمعة ايتامك تدور
لأول ايام الظهور
جرت انفاس بلا روح
چم غالي بالطف مطروح
وين الدرب كون نروح نشكي ال علي
حيدر وهذا الحصل من كربله
من دمه اخواني العبايه مبلله
العنده وي الله انفاس وصله
الگبل لا يحچيهه بعيونه الهلا
صارن اضيوفه الرماح
طاح اخوي وكلشي راح
صارت اعليه الگبل ما صايرة
كلمات الخادم
رعد الفريجي
لمناسبة قرب حلول شهر محرم الحرام قصيدة الاشتياق لصاحب الزمان عجل الله فرجه
**
شيصير لو ويانه تگعد
الغيبه الطويله تريد موعد
حتى اليسافر مده ويرد
مهدي يمهدي مولاي مهدي
***
صفنة مگابر وحشة بيوت
رجفت وداع بظهر تابوت
بها يا علي نتنفس نعيش
نتعب سنه ونطٌلع الصوت
عاشور اجانه ونسأل شلون
مهدينه وينه الظهره مطعون
بيا مجلس بيا دمعه يا آه
كثر البواچي ايخرب العيون
هم ينتچي ولحضات يهده
ضيم الطفوف دموع خده
كل ذكرياته هموم شده
مهدي يمهدي مولاي مهدي
***
يلشايل الطف عينك متاع
عايش غريب ومحني الاضلاع
نشتاگ الك ونريدك اتعود
مامش مطر ومتانيه الگاع
بساعة المغرب حيرة احساس
تلتم سوية وتگعد الناس
كلمن يرد لهله وهلك وين
ندري الجواب ايشل الانفاس
يم الحسين أتصير لچمه
عبد الله لو رايد تشمه
اگطع نزيفه وفيض دمه
مهدي يمهدي مولاي مهدي
*
خانگ هواك هناك دخان
وركضة سبايا بجدم تعبان
لهسه بخيمكم تلهب بنار
لا ماي يفزع كلشي عطشان
تشوف الصبح و الليل المصاب
والصار يوم العصره والباب
طيحت كفيل بدون الچفوف
وحسين صار ابكربله تراب
نفس الوجع كل يوم نفسه
من ياهي يا مولانه تنسى
كل الضماير موت خرسه
مهدي يمهدي مولاي مهدي
****
اهلا وسهلا نكتب بشوگ
والفرح من العين مبيوگ
ننتظرك بكل جمعه مولاي
يلفي السبت والعمر مخنوگ
دمع انتظارك ينزل أمطار
يمتى الفرج يا صاحب الدار
مسجد السهله ايحظنك يريد
صاحب ثنيه وكلنه خطار
بالكوفه منبر فوگه تخطب
بثار الحسين هناك تطلب
صب الدمع علمحسن اتصب
مهدي يمهدي مولاي مهدي
***
بس مر علينه الدنيا صحره
واتصدق اعله الكون نظره
انت الدوى الموصوف للناس
حبك عجيب (احساس) (فطره)
الدنيا بغيابك دنية دموع
بس انتظارك عدنه موضوع
بس الله يدري بحاله كل يوم
لل بذنه يسمع كسر الضلوع
نبقى اعله موعد ترجعلنه
واقعنه يا حبنه وحلمنه
نعرفهه بس انته التلمنه
مهدي يمهدي مولاي مهدي
كلمات الخادم/ رعد الفريجي
ثوابها الى روح والدتي
منهاج محرم الحرام الحرام 1447 هـ
أنصار الحسين (رضوان الله عليهم)
بسم الله وبالله
فزعو انصار الله
صوب اخيام حسين فياي
وموت احمر عالعاداه
بس طلعو من خيمهم... العِده رجفت كل زلمهم
لان امبين عزمهم... يُفنى الضَد الحُسين
گدما بيهم حميه... يقرون العنده نيه
وحاضر للطف يسَّلب... ما يسلم خطوتين
غِيره وهِمَه.. وحتى الكلمه... منهم تسطر فوارس
الجيش بكُبره.. اهتز بنظره.. لَمَن باوعله عابس
كلهم افضل.. كلهم أول.. على الموت التنافس
من گد ما بيهم نور
چنهم لؤلؤ منثور
ونِدَه بالهوه يم آل حسين
وموت احمر عالعاداه
ــــــــــــــــــــــــــــــ١ـــــــــــــــــــــــــــــــــ
اربع تالاف إجوله.. أملاك اتوسلوله
يحسين اقبل ننصرك..رفض وگلهم محال
اصحاب العندي تكفي.. للطف واكثر توَّفي
كل عصر وما مثلهم... والله ونِعم الرجال
نِعم الصفوه.. صحبه وإخوه..الضوه اتوضه بضواهم
مِن السابق..مِن اللاحق.. ولا صحبه بوفاهم
غِيره وهيبه..حُب وطيبه.. ولا رايد سواهم
كلما عطشو للماي
اكثر صارولي فياي
بالذر نادو ويه حسين
وموت احمر عالعاداه
ــــــــــــــــــــــــــــــ٢ـــــــــــــــــــــــــــــــــ
حسين اشما يمشي يلگه...صدر الرايد يشبگه
ايشبگه وللحومه ينزل... وشهاده ادعيلي انول
عدهم كل السعاده... بس النال الشهاده
المجروح ايرد يقاتل...إلا اتوذر يگول
ومحد يقنع...لَمَّن يطلع... يقتل بس چم مقاتل
الخطوه بعشره.. وعشره النظره.. ويحصدهم كالسنابل
وگلبه ايردد..ربي استشهد.. وبالجنه حسين أقابل
اباب الجنه ونتناه
وما ندخل الا اوياه
بس هنا گبله الا انموت
وموت احمر عالعاداه
ــــــــــــــــــــــــــــــ٣ـــــــــــــــــــــــــــــــــ
گدما ابو اليمه حَبهم...ويهوى اليسعد گلبهم
ويه حسين برجعته...كلهم وياه يجون
والمهدي بابتسامه...يتلگه اهل الشهامه
ومثل الطف لنصرته... بالحُب يتحزمون
اينادي المهدي.. صحبة جدي.. تشرح صدر النظرهم
الغِيره بدمهم.. الجنه اتشمهم.. گدما تعشگ عطرهم
من شيعتنا..من طينتنا..وانحب كلمن ذكرهم
شوفتهم راحة بال
حي الله ونِعم ارجال
وين ايكون حسين اوياه
وموت احمر عالعاداه
ــــــــــــــــــــــــــــــ٤ـــــــــــــــــــــــــــــــــ
ويه حسين بثورته...اويه المهدي بثأرته
شگد چا للصفوه هذه...الله امعلي المقام
ولذلك في عملنه...قدوه انخليهم إلنه
ونتعلم من وفاهم.. بالخدمه الالتزام
واللي انفهمه..كون الخدمه.. مو كلمن وبمرامه
كون الخادم.. يرضي القائم.. بالأفعال وكلامه
وزين ايدقق.. حتى ايحقق..منه الرايد امامه
مو بعناد اويه فلان
يجرح گلب العطشان
ويتواضع ويه اليهواه
وموت احمر عالعاداه
ــــــــــــــــــــــــــــــ٥ـــــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
طال المدى
يبقى صدى
خذني بجوارك يبو صالح
*******
يبن العلوم الكامله....... اين استقرت دارك
يبن النجوم الزاهره......معروفه بيها
انوارك
يبن البروج اللائحه......دليني وين اخبارك
بك النوى ام ذي طوى.... ياسر عجيبه اسرارك
قلبي معاك
عيني تراك
اعطيني نظره الدمع ناضح
*******
ياليت شعري ياترى.... ارحم كلب محبوبك
بانيلك ابيات الحزن...يوسف دمع يعگوبك
الى متى احار فيك....ساكن جميع دروبك
دكيت بابك واعترف....ابذنبي صرت محجوبك
طال العويل
حزني طويل
دعني اراك الشوق ذابح
*******
الى متى عيني القذى.....خلصن شهور اسنينك
متى نغاديك الجوى..... والباري الله يعينك
ياطامس اثار الظلم.........ناصر ذبيح احسينك
يبن الشموس الطالعه......وبيا ارض چا وينك
في طور سين
جاء ....اليقين
قلبي هواك وعقلي سارح
*******
احنيلك بنفسي صرت.....يالمهدي تاج ابراسي
ذكرك عباده ويه الفرض..... شهگاتي وبنفاسي
تانيت لحظات العمر ....يلفيني شوگ احساسي
لوجيت تلگاني صرت .....حيدري ثق عباسي
باب الجنان
انت الامان
في اي وادي يمضي رايح
*******
يبن البدور الواضحه....يالمهدي سل بتارك
يبن الشهوب الثاقبه ....شوف الظلع بسمارك
هل من جزوع قدخلا......چا يمتى تاخذ
ثارك
بالطف ظلوع اتهشمت.......ناده العجل فقارك
فصل الخطاب
يروي المصاب
جرحك صعب يالمهدي واضح
*******
تمت بعون الله
خادمكم.... يوسف الفتلاوي
محضر لجية محرم دمعة العين
نعمه عايش هالسنه والطم عالحسين
احسب ايامه بدمع ..و ابجي دم اعلى الضلع
----------------------------
انه كل عام ..احسب ايام
وانتظر عاشور جيته بدمع العيون
ليلي ما نام .. محزم حزام
حضرت لبس السواد واعلن اجنون
لحرك الخيام ..تهيج الالام
الطم بحركه لمصابه ويه اليلطمون
حضرت دمع الحزن لايام عاشور
للمجالس واللطم شوك اهل الكبور
وصوت حمزه ينسمع..و ابجي دم اعلى الضلع
-----------------------------
احسب احساب .. دكة الباب
يهيج كلبي من الالم وي العليله
دمعي سجاب .. بهذا المصاب
ياخليل مفارك الليله خليله
وي الاحباب ..يبدي العتاب
الليله وي ام البنين شلون ليله
نبدي وي اول دمع من المدينه
هناك صار المأتم بدار الحنينه
ون كلبها المنفجع ..و ابجي دم اعلى الضلع
------------------------------
كلبي محروك ..وصدري مخنوك
اليوم اريد اشبع بجي بنص المجالس
يذبح الشوك ..ودمعتي تلوك
بس الك يحسين بيها جنون عابس
الهضمه بالسوك ..ناخت النوك
ومن دمع عيني عله زينب جفي تارس
ابجي دم اعله الخدر هذا انه حالي
انه وي ذاك الحزن طول الليالي
انحب واعلك شمع ..و ابجي دم اعلى الضلع
-------------------------------
دمعة الليل .. تكضي بالويل
هذا حال المنكسر ظهره الحبيبه
رايح الحيل .. ودمعتي تسيل
انحب و وناتي زينب ياغريبه
معدل الميل ..سحكته الخيل
مرمي ذاك عله الوجه ضايع طبيبه
شيبه من دم الوريد مخضبينه
ليش كطعوا خنصره ومسلبينه
وليش راسه ينكطع ..وابجي دم اعلى الضلع
---------------------------
كلبي مجروح ..بعالم النوح
حسين شفته بالحلم حزوا وريده
شفته مطروح ..وكثره الجروح
ويركض السلاب يكطع خنصر ايده
بعطش مذبوح ..وطلعت الروح
وعينه تربي اعلى الخيم صارت بعيده
يادمع فززني من هاي المصيبه
عيني شافت من نمت رؤيه عجيبه
بصدره حافر ينطبع ..وبجي دم عالضلع
***
تمت
احمد الخفاجي
#قصائد_في_خدمة_الخطباء
#محرم_١٤٤٧
#اليوم_الأول
(طور في وين راسك)
لسان حال مولاي صاحب الزمان عليه السلام مُجيبا سؤال شيعته عن حاله ومكان عزائه..
١/يالتّسألوني
وتناشِدوني
تبچي عُيوني
بالغاضريَّه
٢/الگطعوله نحرَه
الرّضّوله صدرَه
بْكل عام احِضْرَه
وانْصُبْ عَزِيَّه
٣/هل مِنْ جَزوعِ
يْواسي دُموعي
ولَطمةْ ضُلوعي
لابنِ الزّچيّه
٤/أيّامي غُربه
بس جدّي انِدْبَه
ودمعي أسِكبَه
صُبح وْمِسِيّه
٥/أبچيله وانحب
وابچي عْلى زينب
قلبي يْتعذّب
واصفگ بديّه
٦/هموم العقيله
أدري ثگيله
صارت كفيله
لكن سبيّه!
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#محرم_١٤٤٧
#اليوم_الأول
[قصيدة عمودية]
حُزني عليكَ مدى الأيّامِ موصولُ
والفِكرُ منّي بما قد حلّ مذهولُ
ما جفَّ دمعي وما زالَ التّفجُّعُ في
قلبي يُسائلُني هل أنتَ مقتولُ؟!
مالي إذا أغمَضَت عيني أراكَ على
وجه الثّرى داميًا والقدرُ مجهولُ
ما أبقتِ الخيلُ ضلعًا دونما ألمٍ
والرّأسُ صبرًا عن الأوداج مفصولُ
"أي وا أخاهُ" من الحوراءِ أسمَعُها
والظّهرُ عندكَ قد أحنتهُ والطّولُ
الخدُّ منها على نحرٍ تقلّبُهُ
والكفُّ منها بِجُرحِ القَلبِ مشغولُ
تشكو لديكَ ونارُ الشِّمرِ تسعرُ في
خَيْماتِها والأسى في الرّوحِ محمولُ
آهٍ إذا غادرت أرضَ الطفوفِ وما
بينَ اليتيماتِ سيفُ الشّمرِ مسلولُ
فاليومَ مات النبيُّ المُصطفى ومضت
عنها البتولُ وكفُّ اللّيثِ مغلولُ
في كربلا تمَّ وعدُ الله حينَ رأت
رأسًا على الرُّمحِ إنَّ الوعدَ مفعولُ
#عظم_الله_أجوركم ◾️
فاطمة علي رزق
اسألكم الدعاء
منهاج محرم 1447 هـ
السيدة فاطمة العليلة (عليها السلام )
راحوا عشيره ورَدَو ايتام
واثار گيد وجمرة خيام
وعيونهم قصة ذبح
وعتاب حار اعله الرمح
واثار گيد وجمرة خيام
راحو گمر حاضن گمر والرايه ترهب
وبرايهم حتى الهوه يأشروله وايهب
بـ كُن منهم يصير الصبح وبـ كُن يمغرب
لكلشي الله منطيهم إِذِن هُمَه أعلى منصب
أهلي نخوه...ولمه حلوه... وباله يرتاح اليحبهم
يعادي ربه...الصار حُبه...لكلمن يخالف دربهم
وشلون ناس اتعادي رحمن
واتردلي أهلي دموع وأحزان
واچفوفهم چويه وجرح
وعتاب حار اعله الرمح
واثار گيد وجمرة خيام
ــــــــــــــــــــــــــــــ١ــــــــــــــــــــــــــــــ
رَدوَّلي دم اعله العبي وعيون حمره
وياهو الأسأله حسين اجه يوگع أنظره
وايگلي شيردَه اثنعش طبره اعله نحره
والخيل الاثگيله اطبگت صدره اعله ظهره
الخيل تركض...واحنه نركض...انگلها سحگينه وتسحگه
تروح ترجع...واحنه نسمع...طگة اضلوع النعشگه
يحچولي وانه الطم على العين
مرتين خيل اتدوس الحسين
يحچولي شي ما ينشرح
وعتاب حار اعله الرمح
واثار گيد وجمرة خيام
ـــــــــــــــــــــــــــــــ٢ــــــــــــــــــــــــــــــ
بيهم أشم عطر الگمر بس هوَّ وينه
يلزم چفوفه الاسألَّه ويلطمها عينه
گالولي لو باقي ولا نمشي لسبينه
راسه اعله رمحه وبالدرب لازم ايدينه
شلون لازم... الله عالم... والمهم لازمنه چفه
نريد نوگع...چفه يفزع... منين؟سِر محد يعرفه
كل الطريق امحَيّر الناس
اتسطره الضربنه چفوف عباس
والدمع بيهن ينمسح
وعتاب حار اعله الرمح
واثار گيد وجمرة خيام
ـــــــــــــــــــــــــــــــ٣ــــــــــــــــــــــــــــــ
ما بيَّه اتلگه الإجو لا انهض أگدر
أرد امشي خل يلزمني چف صيحولي الاكبر
گالو بگد چف ما سِلَم گدما توذَّر
گالوها بس منهم دمع ظل ينزل احمر
وابو اليمه... شاف جسمه... وصاح جيبولي حصيره
ابو وإبنه...وراد منه...وما لگه الحضنه الأخيره
منا يحضنه ايطيح منا
هاي شعليها شكثر ويلاه
شبگه لوليده وما تصح
وعتاب حار اعله الرمح
واثار گيد وجمرة خيام
ــــــــــــــــــــــــــــــــ٤ــــــــــــــــــــــــــــــ
جيبولي عبد الله الطفل ريحة ابونه
گالولي بمثلث صلف غمضت عيونه
عبد الله لا ما تنعقل ما يذبحونه
بگماط لا سيف ورمح شيحاربونه
روحي عنده... جيبو مهده...ارد اشمه بگد غلاته
دمع سالو...احترگ گالو ...وي خيم عمته وخواته
عاد الگماط تشوفه العيون
گالو منين وبيِه مدفون
وبدموعنه الطف متضح
وعتاب حار اعله الرمح
واثار گيد وجمرة خيام
ـــــــــــــــــــــــــــــــ٥ــــــــــــــــــــــــــــــ
دَورِت الوجوه وردت اشبگ رقيه
لكن ملامحهم حچت ما بيها جيه
شمسويه بيكم يا أهلنه الغاضريه
يالجيتو ودعوني أحس جتني المنيه
يالحبايب... موتي واجب...عايشه چنت انتظرهم
شعندي هسه...وكلشي احسه...شايل اگبالي صورهم
يهلي العليله اتريد الوداع
لحسين اريد امشيله وبساع
ويحچيله دمعي المنسفح
وعتاب حار اعله الرمح
واثار گيد وجمرة خيام
ـــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
منهاج محرم الحرام 1447 هـ
قصيده ولائية
لوما عدنه الحسين
ما نملك عمل زين
لوما هالمجالس عدنا والخدمه
الگبر والدنيا چان اثنينهن ظلمه
لوما عدنه الحسين
نبدأ بالشكر لله... نِحِب حسين خلانه
ومن فاضل أعز واطهر...طينة خلقه سوانه
الله ايحبنه متأكدين...وامغرگنه بأحسانه
لوما حَبنَه چا ليزيد...وإبن مرجانه ودانه
وهذا الحُب... واجب ابحب انقابله
واجمل حُب...من ننحب لطف كربله
وكل مجلس...نتحزم ونگصد إله
وما نهتم عَزَه ازغير
لو ذاك العَزَه اچبير
نعرف كون من يزعل أبو اليمه
الگبر والدنيا چان اثنينهن ظلمه
لوما عدنه الحسين
ــــــــــــــــــــــــــــــــ١ــــــــــــــــــــــــــــــ
من حيثُ يشاء الله...يُعبَد واجب انعبده
هو ابليس مو گله...العمر أگضيه إلك سجده
بس ما اسجد لآدم... والله لهالطلب رَدَه
والله يريدنه انوالي... حيدر والحجج وِلده
يطردنه... لو ما مشينه بكلمته
واجبنه... نوالي اليريده بحكمته
وحسينه... اوسع سفينه لرحمته
لذلك صرنه نهواه
لأن يأمرنه الله
واذا خالفنه يعني اكفرنه بالنعمه
الگبر والدنيا چان اثنينهن ظلمه
لوما عدنه الحسين
ــــــــــــــــــــــــــــــــ٢ــــــــــــــــــــــــــــــ
هو حسين من الله... راحه وعافيه بذكره
تلفظ حاءه تلگه الروح...طير امگابل الحضره
وتلفظ نونه بالشباچ...تلگاها تشم عطره
وبين الحاء بين النون... جنه من العشگ خضره
وهالجنه... مو إلها يدخل اي بشر
بس بيها...عاشگ حسين اسمه انذكر
لهالنعمه... ما نوفي لو نسجد دهر
فَضَلَّنه الله عالغير
چي منطينه هالخير
ولوما بالگلب منقوش دوم اسمه
الگبر والدنيا چان اثنينهن ظلمه
لوما عدنه الحسين
ــــــــــــــــــــــــــــــــ٣ــــــــــــــــــــــــــــــ
نِعد اعمالنه ونخاف... الدنيا هواي لَهَتنه
عليها بكثر ما نركض...شگد اعمال فاتتنه
ونبچي شلون بينه شلون... خاف الدنيا ضيعتنه
وبهالخوف لن تعرض... أمان العدنه خدمتنه
هالخدمه... لولاها موَّتنه الندم
والسيد.. ما يترك بشده الخَدَم
وسيدنا...كلمن تمسك بي سِلَم
رغم بي كثره الجراح
بس الحَبَه يرتاح
لوما من محبته ونشعر الرحمه
الگبر والدنيا چان اثنينهن ظلمه
لوما عدنه الحسين
ــــــــــــــــــــــــــــــــ٤ــــــــــــــــــــــــــــــ
بكثر ما گلبه حيل چبير... عينه اعله اليِزل إنحِس
شويه شويه ويرِدَه... لو للموكب أو مجلس
ويوم اثنين لنَّه انسان... كل الخير بي نلمس
وما نستغرب اعله الصار...رَدَه الشافع لفطرس
چا مثله...نلگه بعد منهو الأحن
وبأسمه... مهما تشد نلوي المحن
وبس عشگه...وبغَيره ما نرضى وطن
والما حَبَه خسران
ما يتسمه إنسان
وباچر هيچ يعرف ليش يتسمه
الگبر والدنيا چان اثنينهن ظلمه
لو ما عدنه الحسين
ــــــــــــــــــــــــــــــــ٥ــــــــــــــــــــــــــــــ
نبجي هنانه حتى هناك... بلكي نشوفه وانشبگه
ويعرف بس نگله انريد... بينه اشسوت الفرگه
ومجلس ننصب ويَمَه...ونِبديه لأول ابعشگه
اويَّه الزهره كون اعليه...ونگعد ننحب بحرگه
وين الله... وهناكه كلنه وننجمع
ولمصابه...نگعد سوه انهل الدمع
إوي نحره...ننحب على كسر الضلع
وتكتبنه السجلات
كون أهل العزاءات
ويا محلاها لكن غير هالكلمه
الگبر والدنيا چان اثنينهن ظلمه
لو ما عدنه الحسين
ــــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
منهاج محرم الحرام 1447 هـ
قصيده ولائية
بهاي السنه هم جرحين
فرگاك ومصاب حسين
خَلَّص عمرنه نريد ملگاك
والسنه هم ما ننحب وياك
بهاي السنه هم جرحين
كلما محرم يقترب... هالسنه نگول نشوفه
ونتوحد بمجلس عَزَه... للمنتظر بالكوفه
وگلوبنه اتكسر الضلع...گدما إلك ملهوفه
بمسجد الكوفه اتخَيلَت...چفك يحيي ضيوفه
وهناكه جود العباس
نتخيل ايرَّوي الناس
بس يا هضيمه وباقي فرگاك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ١ــــــــــــــــــــــــــــــ
العام شكثر گالو خَدَم ... انشاهده العام القادم
وما جيت وتشوف العَزَه... مات شكثر چم خادم
وانموت خاف احنه السنه... وما ننظرك يالقائم
وتدري انت بينه اتشمتو...چم حاقد وچم ظالم
انت التسكت اليحچون
وكل يوم بينه ايشمتون
ومتحملين لأجل عيناك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ٢ــــــــــــــــــــــــــــــ
ما نستحق لو ننظرك... وكل الخلل لو بينه
ادعيلنه نتوسلك ... نستاهلَّك سوينه
عَدلنَّه دلينه الدرب... على ما ردت مشينه
وعينك مروتك سيدي... خليها دوم علينه
بدونك يمولاي انتيه
خلينه دربك نمشيه
وبحرگه عذره الگلب حاچاك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ٣ــــــــــــــــــــــــــــــ
عن كربلاء وما جرى ... نتمنى نسمع منك
وعاشور مو وحدك تظل...واحنه النشارك حزنك
ولو ماي شلته توزعه... كل احنه من بعد إذنك
وانگلك اسمح سيدي... مولاي عنك عنك
وانگلك اسمح مولاي
هالسنه انوزعلَك ماي
لكن لهسه وما نظرناك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ٤ــــــــــــــــــــــــــــــ
بالغيبه مولاي وعلي... كلمن بشوگه وناره
ولا ظل سفير ونِسأله...مولانا شنهي اخباره
وتنظر لعشاگك بقت...من فرگتك محتاره
وللمهدي إِني مُنتَظِر...كلمن كتبها بداره
ومَيهمنه غيرك لو غاب
عدنا انت اغلى الغياب
وبين النَفَس والنَفَس نرجاك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ٥ــــــــــــــــــــــــــــــ
بالاربعين بكل سنه...انوَّصي اللي يمشي وگاعد
دَوَّر بالوجوه وعسى...للمهدي مره اتشاهد
وخطواتك إهدي لسيدك...لوليده وصى الوالد
ومرتين مولاي وشفت...عنك مشو چم واحد
ندعي الله بلكت وتصير
هاي السنه اوياك نسير
واخر قصيده تمر بلياك
والسنه هم ما ننحب وياك
بهاي السنه هم جرحين
ــــــــــــــــــــــــــــــــ٦ــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#عزاء_ الليلة الثانية لشهر محرم الحرام ١٤٤٧هجرية
لفاطمة العليلة عليها السلام
قصيدة مربعية بعنوان ( نياح العليلة ) وزن التجليبة
عليله اتنوح صفت ابلايه ولياها
بكت تنطر خبر منهم فلا جاها
●●●●●●●●●●●●{{1}}
تناشد كل ضعن والدهه وتنظره
خبر مارد ولا طارش صفت عبره
كلبهه ملجم من خوفه عالحره
بكت ذكراهه التهظمهه وياها
●●●●●●●●●●●●{{2}}
على فراك الاحبه دم دمع تجري
وتصيح اشلون اصابر بالكلب صبري
صفت ويه المرض ياويلي ما تدري
بمصاب الي جره فركتهه شكواها
●●●●●●●●●●●●{{3}}
على فراش المرض متوسده ابهمها
وبكت تنظر خبرهم ويلي لاجمها
تنوح الفركت الوالد وكمر عمها
وعلى اخوتهه عله بالنايحه ابجاها
●●●●●●●●●●●●{{4}}
عجيبه اشلون صبرت لوعة افراكه
لحنانه عايزه والحضنه مشتاكه
اباب الدار تتنطر للملاكه
بكه ظلهم ظعن مرسومه ملكاها
●●●●●●●●●●●●{{5}}
حزن عاشت بعدهم والحزن لوعه
وفلا يبطل جفنهه وصبت ادموعه
جرح ينزف بكت للرضوا اظلوعه
وبكت للنايحه وحشتهه بلواها
■■■■■■■■■■■■■■■
الشاعر الحسيني حسن جاسم الطائي
#عزاء_ الليلة الثانية لشهر محرم الحرام ١٤٤٧هجرية
لفاطمة العليلة عليها السلام
قصيدة بعنوان { يالراحل } النص وزن البحر الطويل
يالراحل طولة اغيابك ما ترجع
يالراحل بس لوعه ابروحي والمدمع
انشد عنك متجاوبني عذبني افراكك عذبني
يبويه يبويه
{{1}}●●●●●●●●●●●●●●●
يبويه انته وضعونك غبت عني انه وداري
بكيت انعه وون لجلك وعليك اشوبح انظاري
اشد من بعدك العشته بغربتي فركتك ناري
رحت والي بكه ذكرك الم يذبحني بفكاري
بكه بالوحشه كل دارك وهظم بيهه الاثر لوعات
وبعد شيصبر الكلبي وعيوني تهمل الدمعات
ودلالي فاجعني وملهوفه ابروحي
ودلالي ما يتحمل يبقى ابنوحي
وجرح أو لوعه وزايد وني عذبني افراكك عذبني
يبويه يبويه
{{2}}●●●●●●●●●●●●●●●
حياتي بالمرض بعدك عشتهه بويه وغيابك
عليله وانتحب وانطر وصولك وانطر احبابك
عليه طول اقدومك ورسالاتي بلا جوابك
وخافن ما ترد دارك وعيشن هظمي لمصابك
اشوا طال الغياب البي خواتي وناسي والخوان
ولا عندي خبر عنهم يردون او اكولن هان
اتسائل يمتى احساسي ايحس بوجودك
اتسائل تحضني واشبك لزنودك
مشتاكه ابأيدك تلزمني عذبني افراكك عذبني
يبويه يبويه
{{3}}●●●●●●●●●●●●●●●
بعد همي والم فكدك زماني ما رحم حالي
امل ما عندي متحيره ولا ترد ابخبر تالي
بكت امنيه ما تحصل اشوفك انته وعيالي
ولا حيل البكه الونك عليك او منشغل بالي
انوحن والمرض عشته عليله وانته عني بعيد
يبويه وظل امل واحد اذا ترجع دليلي ايهيد
جزعانه روحي وما ظلت تتأمل
جزعانه عيني من مدمعهه الي يهل
ولفكدك منهوا ايصبرني عذبني افراكك عذبني
يبويه يبويه
{{4}}●●●●●●●●●●●●●●●
حجيت ابفكري وقوالي اذا متشوفك اعيوني
تخل اغمض جفن عيني حلم لوا صدفه تلكوني
ولا بالرؤيه ما تحصل ولا رديتوا شفتوني
بكيت انطر علي ابشوكي بخبر جيته تفرحوني
جنت بامالي وحلامي يجيني وتخلص الحسبات
وشوفه هوه وخواني وسير ابدربه دون اهات
اتخيل عيني اتشوفك سالم خويه
اتخيل ياخذني الحضنك يابويه
والعمي وعمتي ويحضني عذبني افراكك عذبني يبويه يبويه
{{5}}●●●●●●●●●●●●●●●
ولاكن بالخبر فجئه يجي ويوصل مدينتنه
يكول ابيا خبر احجي وسمعكم مصيبتنه
عزيز الزهره ما يرجع يعالم والله هظمتنه
رجع ضعنه علي ونسوه بلايه احسينه فجعتنه
ولا عباسه لا قاسم ولا عبد الله ميردون
ابد منهم ولا الاكبر رجع ويضعنه بيه اشلون
وبروحي اسمع لخبارك فجعتني
وبروحي ما ترجع بعدك هظمتني
دوهني امصابك فاجعني عذبني افراكك عذبني
يبويه يبويه
{{6}}●●●●●●●●●●●●●●●
اسمعه ويشرح امصابك وأنه روحي امل فكدت
وصل متكطعه اوصاله ولحيته بالدمه انخضبت
وعلى راس الرمح راسه وجراحاته الم نزفت
وخيول الداسته عشره عظامه كسرت او طحنت
تدوس ابحافر الجسمه وذر من لحمه فوك اتراب
بلا راس او بعد ترجع تدوسه بالحقد لجناب
ونسوانه بلا خيمه وظلت تنعاله
ونسوانه مسبيه بعده ابيا حاله
راح ابقى من دونك يعني عذبني افراكك عذبني
يبويه يبويه
■■■■■■■■■■■■■■■
الشاعر الحسيني حسن جاسم الطائي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
الشاعر الطيب المبدع
حسن العيساوي
بصوت خادمكم ستار الصالحي
حسين حسين حسين
--------------------------
شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني
يا ليل انتــظر لحظه
كون بنوره اتوضـى
خويه بفرگتي ترضى
ها يا شيخ خوانـــــي
حسين حسين حسين
-----------------------
ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه
باچر تنذبح ضامي
وراح اتطيح گدامي
باچر مو من ايامي
ميته اعليك محنيه
حسين حسين حسين
،،،،،،،،،،،،،،،،،،،،،،
اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني
دخان الخنگ ريتي
اگعد شوف تاليتي
نايم يا بعد بيتــــي
باچر وين تلگوني
حسين حسين حسين
----------------------------------
وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره
خلوني ارد احاچيهم
ذبلت كل معانيـــهم
من فدوه لأساميهم
يا گلبي شكبر صبره
حسين حسين حسين
،،،،،،،،،،،،،،،،،،
اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم
وين العاشو بعيـــني
يجرون بشرايينــــي
وسفه انباگت سنيني
وانا بولية عـــــــداكم
حسين حسين حسين
للخادم / رعـــد الفريــــجي