خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
حي الله عباس
ماتوگف بوجهه زلم حي الله عباس
من سيفه فاز المنهزم حي الله عباس
حي الله عباس
حي الله عباس
★★★★★
حي الله سبع الگنطره
خله الجيوش امحَيَّرَه
بسيفه المنايا امحَظَّرَه
فرق الثريا على الثره
للموت وجهه مبتسم حي الله عباس
ماتوگف بوجهه زلم حي الله عباس
حي الله عباس
حي الله عباس
★★★★★
للدين واهب مهجته
ودافع الشر بيمنته
ذل الاعادي بصولته
جيوش العده ماهمته
ماينثني راي وعزم حي الله عباس
ماتوگف بوجهه زلم حي الله عباس
حي الله عباس
حي الله عباس
★★★★★
عباس گالوا لوغضب
هذا ابن چتال العرب
چتال سيفه لوضرب
معروف معلوم النسب
معروف ماخافي الاسم حي الله عباس
ماتوگف بوجهه زلم حي الله عباس
حي الله عباس
خي الله عباس
★★★★★
زلزل على الجيش الارض
لمن رفع سيف الرفض
رايات للشر تنخفض
الرادت على الحق تعترض
بالباري والحق معتصم حي الله عباس
ماتوگف بوجهه زلم حي الله عباس
حي الله عباس
حي الله عباس
★★★★★
من نسب طاهر هاشمي
الاصل الشجاعه ينتمي
هذا الحسيني الفاطمي
افنيها گال بصارمي
والنعم منه والنعم وحي الله عباس
ماتوگف بوجهه زلم حي الله عباس
حي الله عباس
حي الله عباس
الشاعر حسن لعيبي الحريشاوي
لزيارة العباس (3دگات ) وزن الدارمي
لزيارة العباس زايد حنيني
علخد جمر حرَّاگ همَّالَه عيني
★★★★★
بزيارة العباس ترحل اجروحي
أخذي يريح وياچ للحضره روحي
قلت الحيله وزاد بالفرگة نوحي
بالحيره صار الحال من گد ونيني
★★★★★
للخوه ضحه الروح ولأجل دينه
وأتحمل الصعبات راعي الضعينه
عيوني فده البسهام مصيوبه عينه
وليمنته يسراي فدوه ويميني
★★★★★
بلهفه تصد العين صوب المناره
واگف اباب الجود واقره الزياره
بابك شفه المعلول والماله چاره
اتعنه مهما البين مايخليني
★★★★★
أحلم أغمض العين لويسمح البين
بالحظره الگه الروح من افتح العين
لزيارتك مشتاگ ياباب الحسين
حبك فرض للدوم من اصل ديني
★★★★★
لزيارة العباس گلبي انا مشتاگ
اليوم بعشر تيام يانار الفراگ
وطبع الدمع لوسال بجفوني حراگ
بدون الزيارة ارماد حاسب اسنيني
الشاعر حسن لعيبي الحريشاوي
#بخدمة_الرواديد
#لطم
#شعبي
• حوار بينَ عقيلة بني هاشم زينب عليها السلام و كافلها راعي الغيرة أبِ الفضل العباس عليه السلام بلسان حالهم:
| سامحيني |
سامْحيني آيا زِينبْ .. ما قْدرْتِلِّچ أوفِّي
إنتي الكافله بعدي .. وْ دربي إنتي اللي تكفِّي
يمِّ العلقمي قتلي .. و السهمِ بْعيني مْصابهْ
ريتِ يْسامحْني قلبِچ .. ما أتْحمَّلِ عْتابهْ
أرخصْ بِكلْ جُروحي .. فدا حْسين
دمِّي بكفِّي شايلهْ وِروحي .. فدا حْسين
بسْ اعْذري يزينبْ .. كفيلچ
وِ سامحي حامي الخدُرْ يزينبْ .. دخليچ
تريدِ اليتامى الشرُبْ
و انا ساقيهم مايِ الگلُبْ
ٱيا زينب ..
ما وفِّيتچ أدري واعتذرْ
صابوا القربهْ أهلِ الغدرْ
ٱيا زينب ..
فدا بو علي أنگتُلْ
ردِت تِسامحي بو الفضلْ
ٱيا زينب ..
عليچي بِداعةِ الحُسينْ
تِسامحي گطيعِ اليدينْ
ٱيا زينب ..
___
يالكافلِ شْلونْ تِرحلْ .. منهو لي بعدكْ كافِلْ
و اصعبْ لحظه بِوْداعكْ .. تِذْبحني يبو فاضِلْ
و غْيابكْ كسر گلبي .. وْ منهو لْكسرتي جابرْ
گبري أَحفر يمْ گبرك .. لنْ أدري فقدك گابرْ
للحظه إنتظرني .. أشمَّكْ
خلْني أقبِّلْ منحرك يخويه ..و ضمَّكْ
كنتِ لْأبي وصيَّه .. يبو الفضلْ
بعدكْ أترضى سمّوني سبيَّه.. يبو الفضل
وبْأمِّ البنينْ جاوبني
وينه عبَّاس الكافلني
يبو فاضل..
بعدكْ يضربْ متني الشمرْ
وْ وجهي بإيدي ٱنا استترْ
يبو فاضل..
ما ريد أشربْ بس إنتَ عودْ
منهو بعدكْ لي في الوجودْ
يبو فاضلْ..
عوفِ العلقمي وارجعلي
لنْ مَحدْ غيركْ يفْزعْ لي
يبو فاضلْ..
ريما قعفراني
و الحمدُ للهِ ربِّ العالمين
ملاحظة :اللحن موجود لمن يهمهُ من الخدَّام
#محرم1447
من شفت اخوي على النهر
مكسور كلبي والظهر
موتني سهمه من القهر
وينادي خويه وينك
اويلاه يابالفضل
__
منْهو لْزينبْ يا بالفضلْ
من يسقي العيله والطفل
يفجعها فگدكْ يالكِفِلْ
امْنَ اَگِلها غمْضَتْ عينَكْ
اويلاه يابالفضل..
لا توصي خويه بيها
ما ابقى بعدك ليها
كافي انَّ اسَلْمِ عْليها
ساعة ويِطيحِ احْسينَكْ
اويلاه يا با الفضل..
#سارة اليتامى
أضفنا مقطعين للندبية
المجلس: نعي مع مقتل العباس
من ديوان #مواجع_الطف
#الجزء_الأول
صل الله عليك يارسول الله
صل الله عليك ياابا عبدالله
صل الله عليك وعلى ال بيتك الطيبين الطاهرين المظلومين
يارحمة الله الواسعه وياباب نجاة الأمه ياليتنا كنا معكم وندرك قائمكم المهدي فنفوز فوزآ عظيما
(( ابوذيه ))
يلايم بالم جرحي لاتلمني
اون من ضيم كلبي لاتلمني
انا مطشر يدهري لاتلمني
ردت عكب اخوتي تلفي المنيه
•───✧◐◐✧───•
لاحول ولاقوة الا بالله العلي العظيم انا لله وانا اليه راجعون
يقول الراوي: لمّا لم يبق مع الحسين عليه السلام إلّا أخوه العبّاس عليه السلام جاء إلى الحسين عليه السلام يطلب منه الإذن بالقتال قائلاً: هل من رخصة؟ فبكى الحسين عليه السلام بكاء شديداً ثمّ قال: يا أخي أنت صاحب لوائي، فقال العبّاس: قد ضاق صدري وسئمت الحياة وأريد أن أطلب ثأري من هؤلاء المنافقين. فقال الحسين عليه السلام: إذن أطلب لهؤلاء الأطفال قليلاً من الماء...
ركب جواده ومعه اللواء وأخذ القربة وقصد الفرات، فأحاط به أربعة آلاف فارس ممّن كانوا موكلين بالفرات لمنع الحسين وأصحابه منه، ورموه بالنبال فكشفهم وقتل منهم جماعة، حتّى وصل إلى المشرعة ركز لواءه ونزل إلى الماء، فلمَّا أحسَّ ببرد الماء وقد كظّه العطش، اغترف غرفة ليشرب تذكّر عطش الحسين عليه السلام فرمى الماء من يده، وقال: لا والله لا أشرب الماء وأخي الحسين عطشانا
يكله
حاشه يخويه الماي اشربه
وبيدي ترست الكم الجربه
لسكنه ورقيه الماي قربه
•───✧◐◐✧───•
مسرع يخويه جيت ليكم
فرحان بالجربه ارويكم
خبرو سُكينه معتنيكم
•───✧◐◐✧───•
ثمّ ملأ القربة وحملها على كتفه وخرج من المشرعة فاستقبلته جموع الأعداء، وصاح ابن سعد: اقطعوا عليه الطريق. ولمّا رأى ذلك منهم حمل عليهم بسيفه
فرموه بالنّبال من كلّ جانب حتّى صار درعه كالقنفذ من كثرة السهام، فكمن له زيد بن ورقاء من وراء نخلة، وعاونه حكيم بن الطفيل، فضربه على يمينه فقطعها فأخذ السيف بشماله
فقاتل القوم حتّى ضعف عن القتال، وقد أعياه نزف الدم فكمن له حكيم بن الطفيل فضربه بالسيف على شماله فقطعها من الزند،
وعند ذلك وقع السيف من يده وأخذ القربة بأسنانه، ولم يكن للعبّاس همّ إلّا إيصالها إلى المخيّم إلى الأطفال، فقطعوا عليه طريقه وأتته السهام كالمطر من كلّ جانب، فأصاب القربةَ سهمٌ فأريق ماؤها فوقف العباس متحيِّراً (كيف يذهب إلى المخيّم بلا قربة، بلا كفّين، جسمه كالقنفذ من كثرة السهام) وبينما هو كذلك جاءه سهم وقع في صدره وسهم آخر أصاب عينه اليمنى فأطفأها، وجاء إليه رجل من بني تميم فضربه بعمود من حديد على رأسه فخرَّ إلى الأرض صريعاً، ونادى بأعلى صوته: عليك منّي السلام أبا عبد الله أدركني يا أخي..
يكله :
تناديني ياخويه اعتنيتك
عالكاع يعضيدي لكيتك
مطروح والدم بلحيتك
•───✧◐◐✧───•
ظهري كسرته بطيحتك هاي
ياخويه عكبك ماحله الماي
يعضيدي ويالحامل الواي
•───✧◐◐✧───•
بيدي شلت چفك من الكاع
وراسك مطبر شلته هالساع
وبحظني احطك اخر وداع
•───✧◐◐✧───•
الأخو بالموت يكسر ظهر اخيه
يعباس خويه رد عليه
وياك اروح بهل المسيه
أقول: هذه مصيبة عظيمة على قلب مولانا الإمام الحسين عليه السلام ولكن الأشدّ ألماً كيف يخبر أخته العقيلة باستشهاد أبي الفضل عليه السلام؟ يقول الراوي: لمّا رجع الحسين عليه السلام من مصرع أخيه رجع وهو يكفكف دموعه بكمّه، فتلقته أخته الحوراء زينب عليها السلام وقالت: أبا عبد الله أراك رجعت وحيداً فريداً؟ أين ابن والدي؟ أين أخي
يكلها……
أخونه بقه عالكاع مطروح
وتنزف بقت منه يالجروح
يزينب لخيج زيدي النوح
•───✧◐◐✧───•
يكلها يزينب راح عباس
راح ابو الغيره اليرفع الراس
وضعنج بقه من غير حراس
•───✧◐◐✧───•
حقچ يخيتي من تنوحين
عباس لجلچ صوب العين
شمّر اچفوفه وكطع زندين
قال لها عظم الله لك الأجر بأخيك أبي الفضل، وقيل ما كلّمها بشيء، بل راح إلى خيمة العبّاس، فأسقط عمودها فارتفعت الأصوات بالنحيب والبكاء...
وأرادت العقيلة أن تذهب إلى مصرع العبّاس ولكن الإمام عليه السلام منعها قائلاً: لا تشمتي بنا الأعداء. ولكنّها لم تخرج إلى كفيلها إلّا عندما جنّ ليل الحادي عشر أقبلت إليه تتعثّر بأذيالها حتّى وصلت إليه ورأته بتلك الحالة الفظيعة
صااااااحت…..
اجيتك اتعثر بالعبايه
وكلسه يسمعوني احچايه
اخيچ طريح بلايه رايه
•───✧◐◐✧───•
عباس جيتك لاتردنـي
عدوك يخويه شك أردني
وبالسوط بمتوني ضربني
•───✧◐◐✧───•
اكعد يبعد اختك اشويه
خلافك عدوك عال بيه
ويكول هاي الخارجيه
•───✧◐◐✧───•
يعباس يارمز الأخوه
وبروحتك كلبي تچوه
كلبي الك يالغالي يهوه
( عميه على الخوان عيني )
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من الحديث
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
أوّل الدّمع من العين بخدّي هما
في مهديَ كان عليه عطشانا
أوّل اسمٍ لسانيَ ذكرَهُ تعلّمَ
وأحزن الرّوحَ عليه مذبوحا
كبرتُ في العزا طفلا
وعمري حبُّه احتلّ
وفي قبري بما أُسأل
أجيبُ يا حسين مولا
حسين مولا مولا ...حسين
___
أوّل الحزن سمعت ناعيًا قد نعى
في مأتم العاشر فردًا بلا ناصر
أوّل الخوف جزوعًا حلّ أن يجزعَ
قلبيَ النّاظر لفعلةِ الحافر
رسمتُ الوجه بالهمّ
ونوّحتُ مع الأمّ
وَشمتُ الصّدر باللطم
وذكري يا حسين مولا
حسين مولا مولا...حسين
___
آخر الدّرب على عتبتهِ المنتهى
الرّوح ممتنّة.. فعنده الجنّة
آخر الحبّ ينال العاشق ما اشتهى
من نظرة السّاقي.. للعالم الباقي
هو السّاقي ولا ماءُ
له الأحباب أبناءُ
سكارى كلّهم جاؤوا
بوِردٍ يا حسين مولا
حسين مولا مولا...حسين
___
آخر الأمر سألقاه وأمري يقين
بأنّ محبوبي يجيب مطلوبي
آخر العمر سآتيه قطيع الوتين
بحاليَ الأزهى.. مخضّبَ الجبهة
شهيدًا عاليَ الرّاسِ
مباهي سائرَ النّاسِ
مع السّقّاء عبّاسِ
ألبّي يا حسين مولا
حسين مولا مولا...حسين
#نور_آملي
#قصيدة_لطم #اول_الدمع
#ليلة_حسينية محرم #١٤٤٧_هـ
الرادود #حسن_عميص
#عزيزةُ_فاطم🖤
بِشرٌ أتاها والمُصابُ جليلُ
يَنعى البنينَ،فهَجرُهُم لطويلُ
إن قالَ عبّاسٌ قضى في كربلا
ما همَّها أُمَّ البنينَ رحيلُ
لٰكنّما ناحَت على السِّبطِ الّذي
حُزَّ الوريدَ.. ؛ فقلبُها لكَليلُ
جسَدٌ على الرّمضاءِ مُلقًى في العَرا
لمَنِ اتّقى.. هٰذا الحُسينُ دليلُ
سجَدَت على أعتابِها أرواحُنا
لِجَلالِها يَحلو لها التّبجيلُ
للّٰهِ درُّكِ يا عزيزةَ فاطمٍ
ما خابَ عندَكِ إن أتاكِ عليلُ
يا أمَّ أربعةٍ بأرضِ الطّفِّ قد
صُرِعوا؛ فما لكِ في العطاءِ مَثيلُ
غذّيتِهِم في المهدِ عِشقَ مُحمّدٍ
إنَّ المُحبَّ لآلِهِ لخَليلُ
نصَروا أخاهُم والدِّماءُ شواهِدٌ
ما عادَ للحوراءِ بعدُ كفيلُ
يا زوجةَ الكرّارِ صِرتِ مَنارةً
في العالمينَ، فهَل إليكِ سَبيلُ
نأتيكِ والعبَراتُ مِلءُ عُيونِنا
دمعُ السّما حُزنًا عليكِ يَسيلُ
#أعظم_اللّٰه_أجوركم◼️
زينب الموسوي
#بنت_الزهراء
شظَل بيهه الطفوف .. كُون بلاچفوف
عباس الگمر
احتاريت امشي وين .. من شِفت الحسين
مكسور الظَهَر
واضَيعتناه .. واعَبّاساه
--- — --- — --- — --- —
حسين لخِيَمنه رجع حسره وظَهر مايِل
واعرَفت من مَشيِته ما ظَل الي كافل
ومن نظرته اقره حچي وبدمعه چَن گايل
شتِسوه بعد كربله وما بيهه ابو فاضل
اي گتله ما تسوه ،، خويه
اي ماتت الخوّه ،، خويه
اي حَگك اتلوّه ،، خويه
حَگك من تطيح .. وحَگك من تصيح
قَلّت حِيلتي
وحَگي آنه من احِير .. ومدري المَن ادِير
وجهي بحيرتي
أَي واويلاه .. واعَبّاساه
--- — --- — --- — --- —
كُون الچفوف انرِمَت فَوگ المسنّايه
بيمن بعد تنلزِم وترفرف الرايه
وبيمن نرد التهِد عالخِيَم عنايه
وبيمن ألِمّن ضعن مذبوح حدّايه
يا واهس اعيوني ،، ادخيلك
يا نبضي يا لوني ،، ادخيلك
وين امشي بضعوني ،، ادخيلك
احتاريت اعتنيك .. وبيدي اجمع اديك
واشكيلك واوِن
لو يم الحسين .. ابقه اِرشدني وين
امشي الياحزن
أنَه فِكري تاه .. واعَبّاساه
--- — --- — --- — --- —
شگد صعبه يا بالفضل هالجرح شِيجبره
من تشوف اخوهه الاخت يمشي ويكض ظَهره
وگُوّه يشيل الجِدَم عثره بأثر عثره
وشيوجعك نادته گلهه الاخو وكسره
شسوّيت بحسينك ،، وينك
ما يحچي بس وينك ،، وينك
بعينه ألم عينك ،، وينك
بماي عيونه جُود .. ورايه بصف عمود
وسيف ومشرعه
وبوجهه جراح .. عن كل غالي طاح
ينحَب واسمعه
ويصرخ ويلاه .. واعَبّاساه
--- — --- — --- — --- —
الاطفال صاحت نَدَم رِد النه يا عمنه
بالماي چنّه نِهِم والآن كل هَمنه
بس تِرد سالم بعد كل عطش ما يمنه
من كون متنه ضِمه ولا بيك حشمنه
يل شِلِت مو جِربه ،، بيدك
بَل كل طفل گلبه ،، بيدك
والوطن والغربه ،، بيدك
غيرك يا عميد .. كل شي ما نريد
بس بيك الأمل
خلافك يا غيور .. بالهَيمه ندور
مضيعين الكِفَنل
ضيعّنه اجفاه .. واعَبّاساه
--- — --- — --- — --- —
اعرفت الامان انعدم والظهر ما مسنود
الخيمة عضيده اعتنه حسين وحِنه العامود
واغبار منهه طلع چن روح راعي الجود
طلعت وشامت هِتَف بخيامنه فرهود
هسه انعبر حدنه ،، ويلي
من طحت يا سَدنه ،، ويلي
وللوطن شيردنه ،، ويلي
شظل بينه بجفاك .. يا عازة حِماك
من اهل الرِده
حسين بلا مُعين .. بين الظالمين
ظل الوحّده
مطيحين الواه .. واعَبّاساه
--- — --- — --- — --- —
ياسر حسن
محرم الحرام ¹⁴⁴⁷
ها عباس انــــــــه وزينب ننتظــــــرك
ها عباس من عمري انت اخذ العمرك
ها عباس گطعو نحري لـــــــو نحــــرك
ها عباس
::::
ها يبو فاضل يبو چفــــــوف السخیه
اچفوف ما عندك وهاك اچفوف ادیه
فـــــــــدوه يا عباس بس انظر عليه
سهام صدرك كــــــون يا عباس بيه
ها يا خوي ما تسمع صوت حسينك
ها يا خويه مگطوع البيني وبينك
ها يا خوي ارجع وانه اقبل عذرك
ها عباس
:::::
ها اخذ حيلي يبعد الحيل كــــــله
وين اكو مثلك اگله یگلي سهـــــله
چان بيني وبين اخوي الحچي نبله
ميته يا عباس زينب ماهي عـــدله
يا وفاي نــــــاداك حسين بهمه
يا وفاي ريحني انــــــت بكلمه
يا وفاي بالخيمه وظل بس عطرك
ها عباس
:::::
ما اريــــد الماي بس ارجعلي سالم
انه راح ارجــــع شجاوبها الفواطم
راح اگلها اعلــــه النهر عباس نایم
والله مـــــــو مأتم اسويلك مئاتم
حيلي وياك ما ظل حيل وبي ارجع
حيلي وياك حاچي حسين ولو تسمع
حيلي وياك صبري تعاتب وي صبرك
ها عباس
:::::
حسين راح يموت يمك عالشريعه
ليش يا عباس وچفـــــوك گطیعه
حلفيتك انه بزهـــــــره الوديعه
خبر موتك بالخيم راح انه اذيعه
انظر شوف لكن مصيوبه عيونك
انظر شوف لا تسألني انت شلونك
انظر شوف من دونك راجع مهرك
ها عباس
:::::
سكنه يا عباس ننتظرك تجيها
ماكو واحد غيرك يسكت بچیها
شعجب يا عباس ما تنشد عليها
هسه تدري بحالها وشلون بيها
سكنه تريد مو ماي تريد تشوفك
سكنه تريد تكتب ظلت بحروفك
سكنه تريد تحچیلك هي تخبرك
:::::
علي جبار الكعبي
الفاتحه لوالدي
كمر كمر ..هيبته
كمر كمر. صورته
كمر كمر.. سمته
الجابته بهيبته المعروفه
...
هذا عم الساده..هاشمي وبعناده
خزرة البعيونه..ذلت اشكد قاده
التاريخ عاجز ماكدر يرسم معانيه
عباس اجه ابهيئة علي وبالنسخه الاصليه
تترادم اخيول وزلم خلاهه طاريه
علي علي..بالحرب
علي علي..اشكد صعب
علي علي.. من يطب
حومته بهيبته المعروفه
....
رادو ايتيهونه..وتيهو بعيونه
الموت هذا الثاني..گامو يشوفونه
خلاهه تركض بالعكس عباس رجليهم
والوين ماراحو ابوفاضل يلاكيهم
من كل سجلات الحرب شككك جناسيهم
كفو كفو.. والنعم
كفو كفو..أمن الشهم
كفو كفو..وعالزلم
صولته بهيبته المعروفه
...
هذا ساس الخوه..علي يمكن هوه
لو نفخ بالحومه..الزلم تتجوه
عباس اذا جر النفس حته الهوه ايخلص
عباس مايطبر طرف يطبر عدل بالنص
بنص ساعه ينهي المشكله وبالفزعه متخصص
هله هله..ومرحبه
هله هله..ومنقبه
هله هله. بشاربه
وكشخته..بهيبته المعروفه
...
بيده هز الرايه..وسبه الجيش اسبايه
هذا شيخ الغيره..امخورس الحجايه
واحد وينعد بالف بالهده غالبهم القاده والعسكر سوه رجف شواربهم
همه آل هاشم بالحرب حلوه منقابهم
عمر عمر بن سعد
عمر عمر شو شرد
عمر عمر وارتعد
أمن الفته بهيبته المعروفه
...
لاتكول انبالغ..الله هوه الصايغ
الجاهل ايجذبهه.. ويفتهمه البالغ
ماممكن ايخلف علي المهزوزه شخصيته
كلهم بطولات ومجد يامحله ذريته
وعباس حيدر والحسن قامو بتربيته
بطل بطل عالمي
بطل بطل هاشمي
بطل بطل ينتمي
لاخوته بهيبته المعروفه
...
اشما تزيد اجروحه.. احسين يبقه ابروحه
وللكلام الفاهي..ابسيفه خله املوحه
ضلت جثثهم شارده والروس تتطاير
نتفاخر براعي العلم من حكنه نتفاخر
الليله كلبنه ابكربله يم الكمر سافر
شرف شرف.. وانرسم
شرف شرف.. بالحرم
شرف شرف..للخدم
نظرته ابهيبته المعروفه
محمد الجماسي
#اللهم_عجل_لوليك_الفرج
رباطات حماسیه للعباس علیه السلام
شعر:: العلویه ام ضیغم المحنا
ـــــــــــــــــــــــــــــــ
للگطعو ذرعانه... والنوح يحله واللطم
ـــــــــــــ💠ـــــــــــ
ماگعد حاچاها..
زینب نخته..وماگعد حاچاها.
ـــــــــــــ💠ـــــــــــ
انصاب بالهامه.. انصاب بالهامه
کفال الضعینه.. انصاب بالهامه
ـــــــــــــ💠ـــــــــــ
ما گعد لیها.. ما گعد لیها.. صاحت بالکفیل.. وما گعد لیها
ـــــــــــــ💠ـــــــــــ
وین ذرعانه... وین ذرعانه
ادرور عالشریعه.. وین ذرعانه
ــــــــــــ💠ـــــــــــ
گوم رد بینه.. گوم رد بینه.. یکافل للمدینه.. گوم رد بینه
ـــــــــــــ💠ـــــــــــ
وطایحه الرایه... وطایحه الرایه... مگطوعه الچفوف.. وطایحه الرایه
ــــــــــــ💠ـــــــــــ
والعین طفوها... والعین طفوها
اچفوفه امگطعه.. والعین طفوها
ــــــــــــ💠ـــــــــــ
جودك امبدینه... جودك امبدینه
بسهام ونبل.. جودك امبدینه
ـــــــــــــ💠ـــــــــــ
بیش اعوضنه...بیش اعوضنه
عمت عیني اعله اخیي
ـــــــــــــ💠ـــــــــــ
اشلون ینساني... اشلون ینساني
ابو گلب الحنین... اشلون ینساني
ــــــــــــ💠ـــــــــــ
ما شرب منه... ما شرب منه
شال الماي بیده... وماشرب منه
ـــــــــــــ💠ـــــــــــ
اشلون ینساها.. اشلون ینساها
ذیچ اعهوده الیه.. اشلون ینساها
ـــــــــــــ💠ـــــــــــ
ادخیل خلوني.. اموت اویه الکفیل.. ادخیل خلوني
ـــــــــــــ💠ـــــــــــ
اویاه ادفنوني... ویاه ادفنوني
ابو فاضل عزیزي.. اویاه ادفنوني
ـــــــــــــ💠ـــــــــــ
اطیك ذرعاني.. اطیك ذرعاني
اگعد یا کفیلي.. اطیك ذرعاني
ـــــــــــــ💠ـــــــــــ
یابعد عیني.. یابعد عیني
علیك العین عمیه.. یابعد عیني
ـــــــــــــ💠ـــــــــــ
یاهو الیودیني.. یاهو الیودیني
لدیاري بعد... یاهو الیودیني
ـــــــــــــ💠ـــــــــــ
الگوم تسبیني... الگوم تسبیني
تقبل یا چفیلي... الگوم تسبیني
ــــــــــــ💠ـــــــــــ
►✺┅●✥🧿✥●┅✺◄
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
☘️نسالکم الدعاء☘️
ما آني أمه (الله أكبررر ، تجيب الزهراء على سؤال العباس )
ما آني أمه
لحضني أضمّه
وبحجري راسه
وامسحله دمه
بس الظبابي
رايد عذابي
يقطع له راسه
يزود مصابي
*#آجركم الله ، بعد ماذا عندك يا كافل الحوراء !!!*
*بما تريد إخبارها يا نور عيني*
#طور أومت بديها
سَـلِّـم عـلـيها يـاضيا الـعالم وقـلها
جـفوفي و عـيني و هامتي كلها فدا الها
تـبقى وحـيده وضـايعه وطـايح حملها
بـكـفالتي مـن يـوم فـارقنا الـمدينه
وأشّـر عـلى الـخيمه ومزج دمّه بدمعه
أصـغى وسـمع زينب اببّاب الخيم تنعى
اتنهد ابو سكنة انحنى فوقه يودعه
وعينه غمضّها وقطع يا وسفه ونينه
❤️💔 *أعظم الله أجوركم .. هدأت الأنفاس .. سكت العباس .. (( إنفصل الحسين عن الوجود كله )) مدّد رجليه .. وما تبقى من يديه .. وفاضت روحه الطاهرة في حجر الحسين*
راح القمر .. راااح
طاح القمر .. طاااح
*#آآه ساعد الله قلبك ابا عبدالله ، كيف قمت من مصرع العباس ، كيف مشيت إلى المخيم ، وبأيه حاله !!!*
*#أستقبلته زينب عند باب المخيم ،، وحيداً دون عضده وأخيه ... صاحت اين كافلي ..؟؟ اين ابن والدي .. ( وين ابوفاضل ، وين حامينا وين حارس خدرنا) ؟*
يقلها تلكيني يزينب حيلي رايح آه آه
فوك اعالنهر عباس طايح
عفته عالشريعه بدمه سايح آه. آه
*#نادت زينب وا عباسااه ، وا ضيعتنا بعدك يا ابا الفضل ، ايه والله يا ابا الفضل زينب ضاعت يوم الحادي عشر ، زجر عن يمينها ، وشمرٌ عن شمالها ، والشامتون .. الشامتون ..وعينيها ناحية المشرعة ، وكأنها تعتب على العباس*
#طور هالليله ناوي
قوم اعلي حيلك بدمعي إشتكيلك
الحبل بإدينه خويه دِخيلك
يالودّعتني رحت وعفتني
اختك فِ حيره السوط على متني
ابوسط المصايب حقي اعاتب
ترضاها إختك. بين الأجانب
ترضى العقيله تطلع هزيله
يا حاله حالي المدمع أسيله
النية سبايا لشام الرزايا
انا وبناتي صرنا ضحايا
#طور لفي عاشور
وحيدة بگِيت يا عباس ..وانا المتعوِدة علِيكُم
يَباگي الطيبة والاحساس ..إجيت بدمعي داويكم
لِگيت الراس بلا أنفاس ..ومحتارة صرت بيكم
نِخيتك يا أبو النوماس ..بِداع الزهرا جاوبني
(فاطمة ملاح)
فكدك يا عباس الكمر يصعب عليه
انت اديك مگطعه ومچتوفه اديه
انت ذبيح اعله النهر وانه سبيه
لا انه اجيك الكربله ولا تجي ليه
إعذرني خويه اعله النهر مذبوح عفتك
ما رحت اودعك يالكمر ساعه دفنتك
ياراس عباس الوفي نادِتَك اختك
ما قصرت ويايه ابد انه عَذرتك
(إيمان الكويتيه)
#طور الفراق
أعذريني .. روحي زينب سامحيني
أعذريني .. مقطعة شمالي و يميني
أعذريني .. مو بديه موذريني (مقطعيني)
آيزينب يهون الله هالمصيبه
آيزينب من بعد عيني غريبه
آيزينب وسكنة قالولي سليبه
جاوبته زينب بحنان الأخت لأخيها
مسامح روح يالعباس 💔
مسامح روح يالعباس كل لوم وعتب وي اعداك
غيري وغير اخوك حسين ما واحد عرف معناك
تخميس
*آهٍ لبَدرٍ غابَ في بُرجِ الرَّدى فَبَكاهُ سِبطُ المُصطَفى مُذْ غابا*
*وبَكتهُ حُزنَاً فاطِمٌ لمَّا هَــوى فَوقَ الصَّعيدِ مِنَ الجَوادِ مُصابا*
🟠 *خطباء المنبر الحسيني*
🟠 *مجلس شهادة العباس (ع)-١٤٤٧هـ*
➖️➖️➖️➖️➖️➖️
▪️المقدمة
▪️القصيدة
مولاتُنا سُكينة (عليها السلام) تنتظرُ عمَّها قمرَ العشيرة (عليه السلام) معَ سائر الأطفال أمام المخيَّمِ المضطرب..تخاطبهُ وترجوه أن يعود .. وإذ بأبيها الإمام الحسين (عليه السلام) عائداً يمشي كهيئة الراكع ..
عَمَّاهُ سامِحْني وعُدْ لِلْخَيْمةِ
يا مُحْرِقاً بالماءِ قلبَ "سُكَيْنةِ"
إنِّي عزيزتُكَ التِّي دلَّلْتَها
أرجوكَ عُدْ بالقُربِ لا بالقِرْبَةِ ..
هذي الصغارُ من الخيامِ تراكضتْ
وإلى الفراتِ تطلَّعتْ في حسرةِ
"يا كاشِفاً كَرْبَ الحُسينِ" هتافُها
صارَ الحُسينُ ورَكْبُهُ في كُرْبةِ ؟!
عمَّاهُ ! زينبُ لا أراها زينباً
فسألتُها : هل أنتِ حقَّاً عمَّتي ؟
و"حميدَةٌ" رجفتْ تخافُ مِنَ السِّبا
واصفرَّ بالأهوالِ لونُ "صَفيَّةِ"
عمَّاهُ ! ما ليْ غير خيمتِكَ التي
فيها أمانُكَ يا أمانَ العِترةِ
ها جئتُها .. فيها وجدتُ رُقيَّةً
تبكي .. فعُدْ برِّدْ غليلَ "رُقيَّةِ"
ما للحسينِ دنَا يهزُّ عَمُودَها !
أرحلتَ ؟! تتركُ رحْلَهُ في محنةِ
الآنَ حاصرتِ الوحوشُ خدورَنا
والآنَ حلَّ بِنا ظلامُ الوحشةِ
عبّاسُ ! حُبَّاً للشهيدةِ فاطمٍ
وجنينِها ، ولضلعِها ، واللَّطمةِ
أَدْرِكْ إمامَكَ شابكاً كفَّيهِ فوقَ_
الرأسِ ، ينقلُ خَطْوَهُ بالقُوَّةِ
"واضيعتي" نادتك سيِّدةُ الخِبا
فدعا حسينٌ مِثْلَها "واضيعتي"
عبَّاسُ ! رُكنُ الدينِ يمشي راكعاً
بالكُمِّ يمسحُ دمعهُ في صرخةِ :
يا ناصري في غربتي ، يا واحدي
في وَحْدتيْ ، يا عُدَّتيْ في شِدَّتي
يا جوشني ، إنَّ ابنَ جوشنَ يرتقي
صدري بُعيْدَكَ يا أخي .. بل إخوتي
مِنْ بعدِ قطعِ يديكَ يا بنَ المرتضى
ما عُدتُ أعرفُ يَمْنتي مِنْ يسرتي !..
عباسُ ! للعبراتِ صرتُ قتيلَها
لكنما عباسُ وحْدَكَ عبرتي
(علي عسيلي العاملي)
# آآه يبوفاضل ..
اكفـــــكف بالدمع نهــــران تجري
بكَيت وحــــــيد ياعــــباس تدري
حِنِيتة عليك من فركَاك ظهري
اشمّك حــــــيل ماهو آخر وداع
الأخو لو راح يكسر ظهر اخية ( ابوفااااضل )
يخوية منين إجت لِيك المنية
تكَــــــوم وياي لو ما إلك جــــــــية
يبعد الروح چنك رايح بساع
*#كأني بالحسين ضمه إلى صدره ناداه أخي عباس ، شنهو اليوجعك يا نور عيني ،أقطعة كفيك؟!! أم نبلة عينيك !! أم ضربة العامود على أم راسك !!(( محتار حسين يبوفاضل ))* 💔
من ياصوب احضنك مدري منين
اخافــــــــــنها تلچــــــمك نبلة العــــــين
لو هامــــــك الچــــــمة لو الزنــــــــدين
يبو الكلفات شو چنة الأمل ضاع
*#من عادة الفارس اذا هوى فإنه يتلقى الأرض بكفيه ، لكن لا كفوف يبوفاضل .. فكيف تلقيت الثرى !!؟*
يــــــتلكَة اليطــــــــــــيح الكَاع بــــــيده
يبوفاضل طحت طيحة شديده
عليــــــك النوح يا عــــــباس ازيــده
مجــــروح الكَلب من كــــثر ما لاع
#لحن هاذا الغريب منين
هذا الكسر ظهري طايح إبن عمري
مقطوعه له كفين من دونه مات حسين
من دونه مات حسين ..
قلي خويه بيش اجاوب زينب الحرة الحزينه
من تشوف الراية حمره وطولي محني تقلي وينه
منين أجيب الها الكفلها قلي يا حامي الظعينه
لو حدى الحادي بسبيها بالغصب مرها علينه
خوفي تصيح ابصوت عجل إلي يا موت
دهري إنفجع بإثنين من دونه مات حسين
*#آآه رجع الحسين إلى المخيم ، إستقبلته زينب وصاحت أين ابن والدي ؟؟؟*
*(وين أبو فاضل ) مشى ناحية خيمة العباس وأوقع عامود الخيمة ، هنا صاحت زينب واضيعتنا بعدك يا عباس* :
ضعنا بعد عينك يا عباس
يا ضيغم الرافع لنا الراس
خويه خدرنه يريد حراس
بالبر علينا حاطت إرجاس
يابو الشيّم وينك ينوماس
ارجاك اظل لو اگطع الياس
يكفف بالدموع حسين بيده
يزينب حالتة كلش شديده
هيهات الزمــــــن إلنه يعــــــيده
اكَطعي الياس منه ولا تنطرينه
*انائم القمر !! هل عنده خبر*
*النسوة في خطر .. والسبي قد بدا*
إنا لله و إنّا إليه راجعون
▪︎المحاضرة
▪︎الكوريز
*وبعدما قُتل أخوة العبّاس تقدّم العبّاس من أخيه الحسين عليه السلام, يستأذنه بالقتال لأنّه يرى أخوته وأبناء عمومته صرعى ويسمع بكاء النساء وعويل الأطفال وصراخهم , فألحّ على أخيه الحسين بالقتال ، فقال الحسين : يا أخي أنت صاحب لوائي , فإذا مضيت تفرّق عسكري , فقال له العبّاس : قد ضاق صدري وسئمت من الحياة من هؤلاء اللئام .. فقال الحسين عليه السلام : إذا كان لا بد اطلب لهؤلاء الأطفال قليلاً من الماء ..*
*#وكأني ببنات الرسالة قد حضرن عند وداع العباس ، حضرت زينب وسكينه ورقية والأطفال ، ينتظرون عودة العباس بالماء ( لكن زينب خايفة ، مرعوبه ، ما تتحمل فراق العباس ، صعب وداع الاخوان ، كم واحدة من المعزيات الحاضرات ودعت أخيها ، وكفيلها ، وابن أبيها )) كأني بها صاحت*
#إختيار 👇
رايح وين .. يا خو حسين .. مِن تروح ... يآذوني
خذني وْياك .. أترجّاك .. بلكن ما .. يسبوني
*غربة قبر زينب (ع)*
غريبةُ الشَّامِ تدعو أينَ زُوَّاري؟
أينَ المآتِمُ ؟ أينَ المدمعُ الجاري؟
أينَ المواكبُ والأعلامُ خافقةٌ؟
ما للمنائرِ أمستْ دونَ أنوارِ!
اه اه وازينباه~
*غربة قبر زينب وغربة مرقدها*
الشكوى الك يا صاحب الزمان بغربة عمتك زينب اه اه يا غريبة الشام~
الشكوى الك في خلو. مقام عمتك زينب وحرماننا من زيارته فها هو
يا صاحب الزمان عج بعينك كل ما جرى علينا وعلى اهل بيت ع المظلومين وبعينك قبر زينب المهجور
زينب ع وغربة مرقدها ولسان حالها تناشد صاحب الزمان عج
طور الجفيري♪~
يالمهدي عاين غربتي
ما حّد قصد لزيارتي
وحشة وغريبه ديرتي
وجاي المحرم والأنين
〰️〰️〰️〰️〰️
ما عندي رايات وعلم
ولا بصحني مأتم لا لطم
ولا من عزية عالخيم
ولا ناعي ينعى عالحسين
〰️〰️〰️〰️〰️
صحني خلي من كل عزاء
وزوّاري راحت كربلاء
ما عندي لطّامه وبكاء
محرم ما عندي وأربعين
〰〰〰〰〰
عندي الچ ثار الخيم
ناذرلچ دموع ولطم
سيفي أشيله والعلم
واطلب بثارات الحسين
خادمة آل محمد✍
*كربلاء/ حرم ابا الفضل*
اه اه يا بنت امير المؤمنين واغربتاه; وازينباه~لحن اسمع عتابي~
زينب غريبه~ والله عجيبه
غريبة بالشام ~ ياللمصيبه
خالي مرقدها ~ ومحد حضرها
بغربه ومحنه~ الظالم اسرها
انحرمنا الزيارة ~ وشوفة المناره
وكلها شيعتها~ بغربه حيارى
زينب زينب زينب
ما عدها زاير ~ ظلمه المناير
ولا رايه عدها ~ ولا من مناصر
خادمة آل محمد ✍🀊 يا موالي هل حنّ قلبك لزيارة السيدة زينب ع نعم كلنا مشتاقون لزيارة قبرها اه اه واغربتاه
السلام على صاحبة القبر المهجور التي قد واست امها الزهراء ع بغربة قبرها إلا ان الزهراء ع بات قبرها مغيّبا لا يُعرف أثره اما زينب ع فقبرها غير مجهول الأثر ولكن لا نستطيع زيارته فقد بات القبر مهجورا غريبا دون زوّار ولا خطّار يفدون اليه بمواكب من العزاء واللطم والبكاء فبعد تلك الثلة من المجاهدين حماة قبر زينب ع فلن اقول سُبيت وهي كلمة صعبة على قلب امام زماننا عج الا ان مرقدها اصبح تحت سطوة الطغاة من بني أمية وهذه اعظم مصيبة على قلب امام الزمان (عج)
فلن ننسى تلك الثلة من المجاهدين البواسل شبابنا الأبطال الذين دافعوا عن مرقد السيدة زينب ع
وبذلوا المهج والدماء في سبيل حماية مرقدها فمنهم من قضى شهيدا مفقود الأثر وقد واسى فاطمة الزهراء ع بلا قبر ومنهم من قضى مقطّع الاوصال كأخيها العباس دون كفوف ولا يدين ومنهم من قضى قطيع المنحر كأخيها الحسين ع هؤلاء الشهداء الذين لم يقصّروا بنصرة زينب ع ونصرة الدين الا انهم مضوا في خط الجهاد لكي لا يمس قبرها بسوء
زحفوا مقدّمين أرواحهم فداءً لها لكي لا تسقط بين ايدي الظالمين ورغم ذلك اصبح مرقدها في قبضة الطغاة ونزعوا رايتها الحمراء التي خُطّت بدم الشهداء لبيك يا زينب… نعم ما اعظمها من ايام على قلب مولانا صاحب الزمان عج ان ينظر لقبتها لا تعلوها راية الثأر الحمراء… نُزعت رايتها يا ابا صالح وانت تنظر بعين الأسى واللوعة تلك المصيبة عمتك عادت سبية بين ايدي الظالمين بعد ان كان حماة قبرها خيرة شبابنا البواسل اه اه
زينب غريبه بهالوضع
وانت عليها مطّلع
بقبّتها راية ترتفع
شالتها ايدين الكفر
〰️〰️〰️〰️〰️
حدي
عدنا شبّان وبواسل
كانوا حرّاس المقام
مثل عباس و كوافل
يحرسوا بنت الكرام
كلهم بخط الشهادة
باعوا لله هالعمر
تقلّدوا بأحلى قلادة
من جنود المنتظر
*(هنيئا لشبابنا البواسل الذين كانوا حماة لمقدساتنا هم الذين دافعوا عن النهج والعقيدة لهم من كل التقدير )*اي وازينباه واغريبتاه ~ هم اصحاب الثبات والعقيدة بعينك مولاتي يا زينب وبعين اخيك الحسين ع
طور والله حيرة حيرتي~
زينب آنه بغربتي
بشهر المحرم غربتي
ابكي على حسين الشهيد
وحدي وتهلن دمعتي
ما عندي زاير عالقبر ما عندي زاير
〰️〰️〰️〰️〰️〰️
خالي داري من الشعائر والمحرم هل عليّه
ابكي وحدي بلا يا ناصر ودمعتي عالخد جريه
عندي ما تنصب مآتم ولا مواكب لا عزيه
لا سواد ولا نواعي ولا مراثي ليوم عاشر
بغربه انت يا شيعه بغربه انه
〰️〰️〰️〰️〰️
مولاتي يا زينب هناك من واساك بغربتك شبابنا الابطال فها هي دموع امهاتهم في محرم تواسي قلبك المحزون انت فقدتي اخيك واولادك ونحن فقدنا احبابا لنا
فكم من زينبيات أمهات زوجات أخوات واسين قلبك بفقد الشهداء فمنهن توسّلت بصبر زينب وعباءة زينب وستر زينب أن تتقبلي منها مولاتي ان تكون زينبية بصبرها على المصاب فكم من فاقدة لشهيد باتت تسلي نفسها بذكر زينب وسيرتها وتضمد جرحها بصبر زينب فكم من أخت او زوجة او ام تنعى فقيدها
الشهيد فهنا شهيدا بات دون أثر وهنا شهيدا ليس له قبر
اي واغريباه~ واحسيناه
وهنا مقطع الاوصال وهناك موزّع الأشلاء وهنا مفقود الأثر… اي واغربتاه و ها نحن نشكو لمولاتنا زينب غربة شيعتها غربة شبابنا غربة جنائزهم غربة قبورهم فإن لنا شبابا كانوا من المدافعين عن حرم زينب ع منهم من استشهد وبقي جسده غريبا وقد قطعت اوصالهم ومنهم مات عطشا وجوعا ومنهن خضب بدمه ومنهم دون أثر اه اه
يانفس من بعد الحسين هوني لسان حال ابا الفضل العباس عليه السلام المستهل ارجوزة ابا الفضل العباس عليه السلام في واقعة الطف (وزن ميمر )
(يانفس من بعد الحسين هُوني )
(وبعده لاكنتي اوتكوني)
(هذا حسبن وارد المنون)
(وتشربين بارد المَعينِ )
★★★★★
ياروحي من بعد الحبيب الطاهر
ماريد عمري ولاسلامة باچر
محله المنيه وهله بيوم العاشر
نحري فداه ومهجتي وعيوني
(يانفس من بعد الحسين هُوني )
★★★★★
روحي لبو السجاد روحي افديها
جيوش التجيني بيمنتي افنيها
بكووس المنايا هلعده اسگييها
من المشرعه لورادوا ايمنعوني
(يانفس من بعد الحسين هوني)
★★★★★
لوالف مره انذبح واتگطَّع
عن نصرتك مولاي ابد ماارجع
بارض الطفوف الجسم لويتوزع
محد يَغَيَّير بالعشگ مضموني
(يانفس من بعد الحسين هوني)
★★★★★
للنهر گاصد جربتي أمليها
وعيال ابوالسجاد ماي أسگيها
ماتوگف بوجهي الجيوش ادريها
ابن الصميده حيدر ايعرفوني
(يانفس من بعد الحسين هوني)
★★★★★
خلها السيوف شماتسوي ابحالي
وخل الاعادي شماتصيير أگبالي
سالم ابوالسجاد كل آمالي
بخيولهم ميهمني لو رَضوَّنيَ
(يانفس من بعد الحسين هوني )
الشاعر حسن لعيبي الحريشاوي
هذا الحر (عن وفاء وبسالة الحر بن يزيد الرياحي من اصحاب الامام الحسين عليه السلام)
هذا الحر غضب يمطر
صب الْمُرّْ على كل مُرّْ
لمن ثار بالبتار
الكتايب منه وين تفر
هذا الحر
★★★★★
هذا الحر عليهم راح
سيفه بالعده ذباح
يحصد باليمين ارواح
اصبح للحتف مفتاح
رايح للحرب مرتاح
ماهمة نزف لوطاح
لمن صال. چن زازال
يكسر سيفه مايجبر
هذا الحر
★★★★★
هذا الحر يصد بالعين
شاف الفوز يم احسين
بيه يدري اصول الدين
عرف درب الجنان امنين
ودره اصل الضلالة وين
هذا الفاز بالدارين
لبو السجاد وفّه وزاد
يدري يسامح ويغفر
هذا الحر
★★★★★
هذا الحر فده عمره
لرسول الله لبو الزهره
لبو اليمه حسم امره
يرد الظالم وشره
قليله بعينه الكثره
قليل ايموت الف مره
لمن راح. يطوي ارواح
على موج الخطر يعبر
هذا الحر
★★★★★
هذا الحر ولا يمهل
يعرفونة غضب ينزل
بالحومه تهابه الكل
بصدره الموت يستقبل
اشترة الجنة اله منزل
بسم اهل ألكسا يرتل
بالبتار. كله اصرار
سيفه الموت من يمر
هذا الحر
★★★★★
هذا الحر يناديهم
اذا مسلم بعدبيكم
ليش ايزيد حاديكم
الدرب خاسر يوديكم
وصية وبيها اوصيكم
بس حسين يهديكم
هذا الدين هوه حسين
وحتماً خاسر اليكفر
هذا الحر
★★★★★
هذا الحر نصح يسعه
حليم وهذا من طبعه
وي العده المجتمعه
اليخون حسين ويخدعه
الدنيا وخيرها ايودعه
خصمه الهادي والبضعه
لمن ثار علكفار
ترك جو الحرب مغبر
هذا الحر
الشاعر حسن لعيبي الحريشاوي
قصيدة القاسم عليه السلام
يامحله جاسم طلعته
من الحسن ماخذ هيبته
شاب وبرز للحومه
چنه الگمر برسومه
من الحسن ماخذ هيبته
................................
من الخيمه محله طلعتك . تسطع ضوه ياجسام
مثل البدر وجهك يشع . نورك ابوسط الخيام
عين الحسد ماترحمك . ولاترحمك هالايام
محروس يمه من الخطر . ومن عين كل الظلام
يا ربي ادعي تحرسه
عليك اقسم بأهل الكسه
امه واظل مهمومه
چنه الگمر برسومه
من الحسن ماخذ هيبته
...............................
وي والده خط العهد . بالطف يضحي بروحه
ماعاف عمه بكربله . بي كل صفه مملوحه
ميهمه كل هذا العدد . ولا همه كثر جروحه
عازم يحارب كل ظلم . الظالم يهدم صروحه
وارث صفاته من الحسن
عن عمه دافع بالمحن
معروفه هاي علومه
چنه الگمر برسومه
من الحسن ماخذ هيبته
...............................
هد عالمعسكر والكفر . مايخشه بيهم واحد
كلمن تعناله وبرز . وبسيفه هوه الكاصد
ما رجف گلبه ويرتجز . يبقى الحسين القائد
شبل الحسن والنازله . كل رگبه بيهم حاصد
سيفه يحز بيه الرگاب
واليگصده شاف العذاب
الاجل حان ويومه
چنه الگمر برسومه
من الحسن ماخذ هيبته
..............................
جسام بيك آنه انتخي . تسمع ييمه رجواي
نحرك اتقدمه لسيدك . يوليدي يا لب حشاي
هاي الوصيه من الابو . يامهجتي انت وسلواي
تاخذ الحيف من العده . ولعهد ابوك الوفاي
لا تعز يبني منحرك . كون الشهاده تحضرك
نحرك تقدم ادمومه
چنه الگمر برسومه
من الحسن ماخذ هيبته
..............................
يالغالي حسيت بهضم . ساعة وداعك يبني
يالبيك اشم عطر الورد . ينفگد عطرك مني
حسبت ازفك للعرس . ما چان موتك ظني
تاليها بالطف تنذبح . ويشتد ييمه حزني
بدمعاتي اظل ابچيلك
بلوعاتي يمه اشكيلك
عگبك تره مهضومه
چنه الگمر برسومه
من الحسن ماخذ هيبته
.................................
خادمكم مالك السعيدي
07832351732
#بُدورُ_كربلاء
إِمامي حُسينٌ ونِعمَ الإِمام
صريعًا هَوى بينَ أيدي اللِّئام
أَقيموا عَزاهُ بِرَوضِ المَقام
وَنوحوا لِذَبحِ سليلِ الكِرام
وأََجروا الدُّموعَ بِحَرِّ الأنين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
تحَنّى فُؤادي بِدَمِّ النّجيع
ألا ليتَني قد فَدَيتُ الرّضيع
فقَد شاقَني نَوحُ ذاكَ البقيع
يُواسي الزّكِيَّ بِرَأسٍ قطيع
يُعَزّي البتولَ بنَحرِ الحُسين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
أتى للنِّزالِ فتًى قاسِمي
لِآلِ النّبِيِّ بَدا ينتَمي
سقاهُ العِدى من فُراتِ الدَّمِ
وما قد روَتهُ يَدُ العلقَمي
فطوبى لهُ أجملُ الحُسنيَين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
ولَيثٌ شَبيهُ الرّسولِ الأمين
إلى أُمِّهِ الرّوحُ كم تستَكين!
لوالِدِهِ السِّبطِ نِعمَ المُعين
سيُروى بِرَوضٍ كُؤوسَ المَعين
وتَهمي لهُ أدمُعُ المُقلتَين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
وبَدرُ الهواشِمِ قُربَ الفُرات
قطيعُ الكُفوفِ بِرُمحِ الغُزاة
ومُلقًى خضيبًا بتُربِ الفَلاة
ينادي الحبيبَ قُبَيلَ المَمات
علَيكَ السّلامُ حبيبي حُسين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
زُهَيرٌ، بُرَيرٌ، حبيبٌ، وَجون
وعابسُ..؛ كلٌّ بِساحِ المَنون
لمَولًى لهُم أنفُسًا يفتَدون
يَطيبُ بِحُبِّ الحُسينِ الجُنون
هَواهُ تربَّعَ في الخافِقين
حُسينٌ حُسينٌ حُسينٌ حُسين
حبيبي حُسينٌ حبيبي حسين
🏴🏴🏴🏴🏴
#حبيبي_حُسين🖤
زينب الموسوي
#بنت_الزهراء
#لطميات_قديمة
📍 #عباس_يا_ابن_المرتضى
==========
عباس يا بن المرتضى جرد البتار
قد أوقدت نار الغضا زمرة الأشرار ================
لو قيل من ليث الشرى ماكان غيرك
يامن اذا اسود الفضا شاهدت بدرك
يامن أعرت الله في الهيجاء نحرك
قسمت عهدا بيننا يا حامي الدار
===============
لبيك يا بنت الإبا يا نور عيني
لله عهد أن أفل (الجحفلين)
حتى أراني صائنا نهج الحسين
سوف أريهم في الوغى صولة الكرار
=============
عباس فانقذ صبية ما ذاقوا الماء
قد صرعوا فوق الثرا من لظى الرمضاء
والنهر أضحى يا أخي في يد الأعداء
يا ناصرا سبط النبي قم وخذ بالثار ================
أختاه كفي الدمع لا تدمي فؤادي
مادمت حيا لا يدانيك الأعادي
حتى إذا قد قطعوا مني الأيادي
لكن إذا حم القضا فاقبلي الأعذار
================
يا ليت عيني ما رأت حالة الأطفال
يا فارس الهيجاء يا منتهى الآمال
يامن بساحات الوغى يهزم الأبطال
هيا فما من ناصر يطرد الأشرار ===============
عباس ها قد أقبلت زمرة الطغيان
كي تضرم النيران في خيمة النسوان
فاحمل على جيش العدا واطرد العدوان
لولاك من يا سيدي يدرأ الأخطار ===============
لسان حال مولاتي زينب بعد مقتل الامام العباس عليه السلام
عباس وانه شلون بيه
كونك رحت يابو الحميه
يماي وطحت من بين اديه
امنين اجتني الغاضريه
.....................
ياخويه اختيك واعتب اعليك
واخاف العتب عباس ياذيك
يابو المحنه ومحله طاريك
وگلبي افتحه وكون اراويك
......................
شيفارگك ياماي عيني
يالموتتك باگت اسنيني
ريت ابسفر واحسب تجيني
الموت حل بينك وبيني
.....................
حگ الاخت تدري اعله اخوهه
تتعنه اله كون اهضموهه
احا يزينب فارگوهه
كافل ضعنهه وابن ابوهه
.........................
تسوه العتب يالخال لبني
يوم البرحت موتك هضمني
عباسنه هيجي تذبني
يومك كتلني ولا رحمني
...........................
اخلاف الاخو كلش ذليله
اخته ابدامعهه الثجيله
اوداعت ابونه مالي حيله
افراگك ولا نحمل العيله
انته المن علي عزمك ونختاك
زينب حشمت بسمك ونختاك
يخوي الكافل اضعوني وانختاك
عفتني بحيره يا راعي الحميه
خادم اهل البيت علي الزرگاني
ايست منك راح ارد للخيم
وآنه الهدم حيلي ودليلي السهم
ياحسرتي تگطع بالانفاس
اشلون ارد وبغير عباس
عباس خويه عباس خويه
............................
اجيتك والدليل انعاب من صوتك
لا ترحل يكافل زينب امروتك
يبو طبع الحلو من زغرك الموتك
مابيه امشي وجيت يمك زحف
نيشان فگدك هاي عيني الترف
نيشان دمعه اعليك وافراگ
والحسره بيه ابد ماتنعرف
ماشوف ياعباس من الدمع
يالجان من شوفك ولاينشبع
يحزام ضهري الكلك احساس
يا حسرتي تگطع الانفاس
عباس خويه عباس خويه
...............................
يحداي الضعينه اشلون من ترحل
ويميزان الاخوه لو رحت تختل
تيهت الدرب عباس ما اندل
ما شوف دربي يالاخو من طحت
واعليك دورت شكثر يالصحت
عباس دورك يشبه الدور العين
شيصير بيه كونك اتأخرت
يالماكو واحد يشبه الخوتك
ردلي عليك حسين ووديعتك
اگعد يمن للخوه مقياس
يا حسرتي اتگطع بالانفاس
...............................
سهم عينك يخويه اشلون اجرنه
اخافن جرحك الينزف الچمنه
دم راسك اريد ابثوبي امسحنه
جريت سهمك وانه گلبي انلچم
العين ياذيهه الهوه مو سهم
حيره واطلع سهمك شلون
جاوبني خويه بهاي يابو الشيم
ياكسر كلبي عليك ماينجبر
ياريته صوب عيني سهم الغدر
لو ما تردلي تشمت الناس
يا حسرتي تگطع بالانفاس
..............................
اقنع روحي ميت وادري ماتقنع
معقوله الگمر انخاه ومايفزع
المصيبه زينبك يابالفضل تسمع
زينب تناطرنه الخيمنه نرد
ياحسرتي لمن عليك انشد
للهضم يختي گلت خل نستعد
عنك يبو فاضل يطول الشرح
من غبتي عني گربالي الذبح
گربو لينه ها يعباس
يا حسرتي تگطع بالانفاس
...............................
صحت ذبي عمدهه يختي هالخيمه
وراح انعيش كلمت حاير ابضيمه
مشه عباس عنه وماتت الشيمه
للضيم آنه اوياج خل نستعد
بيمن ارد اعداي لمن تهد
فرگة الكافل بالدليل وتحد
شيسوي يختي الضال الوحده
ويمه اخوته ميته وامدده
يرضاهه حده الگمر ينداس
يا حسرتي تگطع بالانفاس
خادم اهل البيت علي الزرگاني
يَا بُو فَاضِلْ وَدَاعَاً وَدَاعَا....
----------------------------------
يَا بَا الْفَضِلْ يَمِّ الْخِيَمْ.........ضَجَّتْ يِتَامَاكِ بْأَلَمْ
وِحْسِينَكِ بْكَسْرَةْ ظَهَرْ...أَمْسَى يِسَكِّتْ هَالْحَرَمْ
زِينَبْ يَخُو زِينَبْ بِچَتْ.....مِنِّ الْهَضِيمَه تْخُوصِرَتْ
گَالَتْلَه يَا حْسِينِ شْشِفِتْ...گَلْهَه السَّهَمْ يَخْتِي نِبَتْ
بْعِينِ الْكَفِيلِ وْيَمْنِتَه.......وِالْيَسْرَه عَالشَّاطِي هِوَتْ
رَاسِ الْگُمَرْ حِيلِ اخْتِلَفْ.......هَامَةْ أَخُونَه تْطَشِّرَتْ
يَخْتِي اسْتَعِدِّي لِلْبَلَه..........وَحْدِي بُگِيتِ بْكَرْبَلَه
لُو يَمِّي شَايِلْ رَايِتِي...چَا مَا ضِحَكْ سِنْ حَرْمَلَه
عَالشِّرِيعَه يَزِينَبْ نِظَرْتَه.............گِتْلَه كَافِي تِوِنْ مِنْ شُبَگْتَه
يَا عَضِيدِي وْأُخُويَه وْحَبِيبِي...بْطِيحِتَكْ هَايَه ظَهْرِي كِسَرْتَه
يَا بُو فَاضِلْ وَدَاعَاً وَدَاعَا....
----------------------------------
يَا بَا الْفَضِلْ حَتَّى الطِّفِلْ...أُمَّه الرَّبَابِ شْتِحْتِمِلْ
تْگِلَّه وْتِهِزَّنْ بِالْمَهَدْ.......سَاعَه وْيِجِي عَمَّكْ عَدِلْ
مَا تِرْضَه يَبْنِي غِيرِتَه.......تِعْطَشْ تِمُوتَنْ عِيلِتَه
عَمَّكْ تَرَه حَتَّى السِّمَه........يِرْوِيهَه يُمَّه بْجِرْبِتَه
وِهْوَايَه يَوْلِيدِي صْبَرِتْ...شْوَيَّه وْيِطُبِّ لْخِيمِتَه
وَاتْوَقَّعَكْ أَوَّلْ طِفِلْ.......تِشْرَبْ عَذِبْ مِنْ يِمْنِتَه
لُو مَا وِگَعْ ذَاكَه الْعَلَمْ...عَبْدَ الله مَا صَابَه السَّهَمْ
وْلَا چَانَ ابَيَّه مْنِ الدِّمَه...خَضَّبْ لِحِيْتَه وِانْهِدَمْ
غُرْبَه حَسْرَه يَكَافِلْ مُصَابْكْ...عِيلَه طَاحَتْ كَسِيرَه بْغِيَابَكْ
لِنْحِنَه يَاهُو يِعْدِلْ وَگُفْتَه............يَا گَلُبْ مَا يِفُطْرَه عَذَابَكْ
يَا بُو فَاضِلْ وَدَاعَاً وَدَاعَا....
----------------------------------
لَازِمْ أَخَيَّكْ شِيبِتَه...وِبْوَجْهَه بَانَتْ كُرْبِتَه
يِتْلَوَّه صَارِ بْلَا أُخُو...كِلِّشْ عَظِيمَه غُرْبِتَه
يِتْلَفَّتِ يْدِيرِ النَّظَرْ........وِمْخَلِّي إِيدَه عْلَه الظَّهَرْ
حَايِرْ وَحِيدِ بْكَرْبَلَه...........شِيخِ الْهِوَاشِمْ يَا گُمَرْ
وِالْچَانْ بِالْمَمْشَه تَرِفْ.........تَالِيتَه بِالْمَمْشَه عِثَرْ
كِلْشِي تِبَدَّلْ مِنْ رِحِتْ...لَا ظَلْ هَوَه لَا ظَلْ نَظَرْ
عِدْوَانَكِ بْحَالَه دِرَتْ...............وِلْنَحْرَه وِيلِي تْحَضِّرَتْ
زِحْفَتْ عَلَى خْيَامَه الزِّلِمْ...جِيشِ عْلَه ظَامِي تْكَاثِرَتْ
لُو شِفِتْ حَالَه عِينَه جِرِيَّه......وْفَزَّتِ گْبَالَه دَمْعَةْ رُقَيَّه
تْگِلَّه چَا وِينَه عَمِّي يَبُويَه...هْوَايَه عَطْشَانَه مَا رَدْ إِلَيَّه
يَا بُو فَاضِلْ وَدَاعَاً وَدَاعَا....
----------------------------------
نَادَه مِنُو يْجِيبِ الْمُهُرْ...مَا عِنْدِي خُوَّانِ الظُّهُرْ
رَايِدْ أَطُبِّ لْحُومِتِي......وَاحْمِي رَبِيبَاتِ الطُّهُرْ
لَنْهَه الْعَقِيلَه بِتْ عَلِي.......تْگِلَّه يَبَعْدُ امِّي وْهَلِي
إِلْمَنْ تِنَادِي مَا بُگَه.............غِيرِي إلَكْ غِيرَكْ إِلِي
غَرَّبْ لِوَانَه وْمَا رِجَعْ..............رَاحِ الْيِگِلِّي تْدَلِّلِي
وْهَسَّه نِوِيتِ عْلَه الْحَرُبْ...مَعْنَاهَه زِينَبْ تِنْوِلِي
عِنْدِي وِصِيَّه مُؤْلِمَه...وَصَّتْنِي بِيهَه فَاطِمَه
گَالَتْلِي لُو شِفْتِي الْأُخُو...مِنِّچْ يِرِيدِ مْطَهَّمَه
قَبِّلِي حْسِينَ اخُوچِ عْلَه نَحْرَه...هَمْ أَرِيدَنْ تِشِمِّيلَه صَدْرَه
هَاذَه كِلَّه جَرَى مِنْ عِفِتْهُمْ.......هَالْكَسُرْ مَاكُو وَاحِدْ يِجُبْرَه
يَا بُو فَاضِلْ وَدَاعَاً وَدَاعَا....
----------------------------------
#العباس
#محرم_١٤٤٧هج
الشاعر حسن خنافر العاملي
ايست منك راح ارد للخيم
وآنه الهدم حيلي ودليلي السهم
ياحسرتي تگطع بالانفاس
اشلون ارد وبغير عباس
خويه خويه خويه خويه
............................
اجيتك والدليل انعاب من صوتك
لا ترحل يكافل زينب امروتك
يبو طبع الحلو من زغرك الموتك
من گلبي يريته انصاغ تابوتك
مابيه امشي وجيت يمك زحف
نيشان فگدك هاي عيني الترف
يحزام ضهري الكلك احساس
يا حسرتي تگطع الانفاس
خويه خويه خويه خويه
...............................
يحداي الضعينه اشلون من ترحل
ويميزان الاخوه لو رحت تختل
تيهت الدرب عباس ما اندل
غبت وحزام ضهري بغيبتك ينحل
ما شوف دربي يالاخو من طحت
واعليك دورت شكثر يالصحت
اگعد يمن للخوه مقياس
يا حسرتي اتگطع بالانفاس
...............................
سهم عينك يخويه اشلون اجرنه
اخافن جرحك الينزف الچمنه
دم راسك اريد ابثوبي امسحنه
مچانك ما اعوضه وبيش اسدنه
جريت سهمك وانه گلبي انلچم
العين ياذيهه الهوه مو سهم
لو ما تردلي تشمت الناس
يا حسرتي تگطع بالانفاس
..............................
طلعت روحك وسهمك فلايطلع
واقنع روحي ميت وادري ماتقنع
معقوله الگمر انخاه ومايفزع
المصيبه زينبك يابالفضل تسمع
زينب تناطرنه الخيمنه نرد
ياحسرتي لمن عليك انشد
گربو لينه ها يعباس
يا حسرتي تگطع بالانفاس
...............................
صحت ذبي عمدهه يختي هالخيمه
وراح انعيش كلمت حاير ابضيمه
مشه عباس عنه وماتت الشيمه
حزن دنياي تمطر تشبه الغيمه
للضيم آنه اوياج خل نستعد
بيمن ارد اعداي لمن تهد
يرضاهه حده الگمر ينداس
يا حسرتي تگطع بالانفاس
خادم اهل البيت علي الزرگاني
#عزيزةُ_فاطم🖤
بِشرٌ أتاها والمُصابُ جليلُ
يَنعى البنينَ،فهَجرُهُم لطويلُ
إن قالَ عبّاسٌ قضى في كربلا
ما همَّها أُمَّ البنينَ رحيلُ
لٰكنّما ناحَت على السِّبطِ الّذي
حُزَّ الوريدَ.. ؛ فقلبُها لكَليلُ
جسَدٌ على الرّمضاءِ مُلقًى في العَرا
لمَنِ اتّقى.. هٰذا الحُسينُ دليلُ
سجَدَت على أعتابِها أرواحُنا
لِجَلالِها يَحلو لها التّبجيلُ
للّٰهِ درُّكِ يا عزيزةَ فاطمٍ
ما خابَ عندَكِ إن أتاكِ عليلُ
يا أمَّ أربعةٍ بأرضِ الطّفِّ قد
صُرِعوا؛ فما لكِ في العطاءِ مَثيلُ
غذّيتِهِم في المهدِ عِشقَ مُحمّدٍ
إنَّ المُحبَّ لآلِهِ لخَليلُ
نصَروا أخاهُم والدِّماءُ شواهِدٌ
ما عادَ للحوراءِ بعدُ كفيلُ
يا زوجةَ الكرّارِ صِرتِ مَنارةً
في العالمينَ، فهَل إليكِ سَبيلُ
نأتيكِ والعبَراتُ مِلءُ عُيونِنا
دمعُ السّما حُزنًا عليكِ يَسيلُ
#أعظم_اللّٰه_أجوركم◼️
زينب الموسوي
#بنت_الزهراء
سلامُ الله على العقيلة 💔 في ليلة مقمِرة ...
ما حالُها إذ ترقُبُ البدرا
والعينُ تذرفُ أدمُعًا حرّى
فإذا أطلَّ ينيرُ في خجلٍ
فهو الذي في قلبِها أدرى
أتقولُ "يا أهلًا" وتحضنُهُ
أم تشتكي وتصيحُ "وا ظهرا"
"هَل عُدتَ يا العبّاسُ تحرسُني
ما خلتُ أنّك تتركُ النّهرا
آهٍ لقد طالَ الفراقُ أخي
هل بعدُ يحملُ قلبيَ الصّبرا
لو في طريقِ الشّامِ تنظرُني
من دون ظلٍّ أعبرُ الصّحرا
بدرَ الهواشمِ يا ضيا بصَري
أرثي مصابَك يا أخي دَهرا"
هِي ليلةٌ في ضوئها سمَرٌ
أبكَت عيونًا ألهبَت جَمرا
قامَت تخاطبُه وتنشدُهُ
حتّى تفطّرتِ السّما قَهرا
وأقولُ: "فلترحَم أيا قمرًا
قلبَ العقيلة والتمِس عُذرا"
فيظلُّ في صمتٍ يراقبُها
لو يستطيعُ لما أتى جَهرا
إنّي أخالُ البدرَ منكسفًا
من نورِ وجهِ بقيّةِ الزّهرا
✍🏼 حوراء
والسّلامُ على الكافل 💔
قصيده بحق{ابا الفضل العباس}{عليه السلام}
على لحن باسم الكربلائي
(جاوب يراس الرمح)
****
رَد من على المشرعه ظهره الجبل منكسر
حسين ويهل مدمعه يم خيمة ام الخدر
ميت اجه بلا روح * مايحجي بس ينوح
يم خيمة ام الخدر
****
رد للخيم من روحته وكل صورته روح النبي متغيره
رد منهظم وبعبرته وياحيرته هذا الوجود تحيره
غيرته تلهب ** مشتعل بالنار
سألته زينب ** ياحسين شصار
عليه يرد متنطره
وتقره بدت طالعه ومن حاله تدري الخبر
طاح بأشد فاجعه مامرت اعله البشر
وصوت الولي مبحوح * مايحجي بس ينوح
يم خيمة ام الخدر
****
رَد منحني شو من رجع كلبه انفجع ويعثر صبح بخياله
ذاك الذي لمن طلع اهل البدع متحيرين بحاله
من رجع كبران ** للخيم وحده
وما اجه العباس ** يعينه ويسنده
عافه يرد بهواله
حبل الوصل كطّعه لو بالسيوف انغدر
ومن صارت الواقعه ضل دامي فوك النهر
اتصدله وتهل الموح * مايحجي بس ينوح
يم خيمة ام الخدر
****
كلشي انتهى وحامي الحمه بهالمظلمه راح وتركني الوحدي
فوك النهر عفته دمه بنار الضمه مات الاعز من ولدي
بالعمد مطبور ** ومنهشم راسه
ومادريت منين ** طلعت انفاسه
دم بنهر متبدي
جفينه متكطعه ونابت سهم بالنظر
فكده فلا اجرعه منه حرمني القدر
كللها ظل مطروك * مايحجي بس ينوح
يم خيمة ام الخدر
****
ظهري انكسر يابت علي منهو الي راح الاشد بي ظهري
موت الكمر سلني سَلي روحي وهلي جان الحبيب وعمري
خويه خليته ** مطفّيه العينين
الموت اخذ روحه ** المثله اجيب منين
زينب بعد ما ادري
شظلي بعد مصرعه غير الزجر والشمر
كلبي شكثر روّعه من عندي ظل يعتذر
يختي كبل ميروح * مايحجي بس ينوح
يم خيمة ام الخدر
****
باذني همس كلي حجي هدني بجي وصل سلامي الزينب
كلها بعد لاترتجي لا ما اجي ياخويه لا تترقب
اعتذر منها ** خل تسامحني
ما ارد بالماي ** لاتناطرني
كبلج حلف مايشرب
دامي بقه بمضجعه غطت دماه العلم
للخيمه شيرجعه وبعينه نابت سهم
من كل كتر مجروح * مايحجي بس ينوح
يم خيمة ام الخدر
****
فكده علي زاد البله كل المله شمتت تراها بموته
شاب الجفن نوحي اعتله وعقد الوله من مات زينب صوته
كوه الج رديت ** دربي تيهته
اليفتقد غالي ** ينهجم بيته
والزمن ياخذ قوته
وحك امج الشافعه حيلي انهدم من رحل
المن بعد طالعه عباس اخونه انجتل
ياريت انه المذبوح * مايحجي بس ينوح
يم خيمة ام الخدر
****
خادم اهل البيت عليهم السلام
الشاعر السيد{هاشم قاسم سعود البلداوي}
شقد تجرح الإحساس .. من تمشي يا عباس
من تمشي يا عباس .. يأذوني
(فاطمة رزق)
#طور فراق
وين اشوفك...لو رِحت عنّي يغالي
وين اشوفك...راح اظل ابغير والي
وين اشوفك...آه يا عزّي و دلالي
وين اشوفك...صعبه دونك هالمسية
وين اشوفك...لحظه خويه ردّ عليّه
وين اشوفك...باكر أتسمّى السبيّة
(الشاعرة زبنب ال خفاجي)
*وايضاً ورد في اللهوف _ الريشهري* :
*فأراد الحسين الفرات نزل وبين يديه العباس فكان العباس يميل حيث كان الحسين يميل ، والمنادي ينادي ويلكم حولوا بين الفرات ولا تمكّنوه من الماء ،، فحالوا بينه وبين الحسين ثم اقتطعوا العباس عنه*
*وصار كل واحدٍ من ناحية ،، لا إله إلا الله العباس عند المشرعة ، كشف القوم عن المشرعة ، فملأ قربته وتوجه ناحية المخيم ... فتكاثروا عليه وأحاطوا به من كلّ جانب فحاربهم محاربة الأبطال بينما هو كذلك كمن له زيد بن ورقاء من وراء نخلة وأعانه حكيم بن الطفيل فضربه على يمينه فبراها, فأخذ السيف بشماله وهو يرتجز* :
واللهِ إِنْ قَطَعْتُمُ يَمِينِي. إِنِّي أُحَامِي أَبَداً عَنْ دِينِي
وَعَنْ إِمَامٍ صَادِق اليَقِينِ. نَجْلِ النَّبِيِّ الطَّاهِرِ الأَمِينِ
*#فقاتل حتّى ضعف عن القتال , فكمن له الحكيم بن الطفيل من وراء نخلة فضربه على شماله فقال* :
يَا نَفْسُ لَا تَخْشَيْ مِنَ الكُفَّار. قَدْ قَطَعُوا بِبَغْيِهِمْ يَسَارِي
فَأَصْلِهِمْ يَا رَبِّ حَرَّ النَّارِ. وَاسْتَبْشِرِي بِرَحْمَةِ الجَبَّارِ
*#فوقف هنيهة ، وإذ أتته السهام كرشق المطر.. فجاء سهم فأصاب القربة وأُريق ماؤها ...ثمّ جاءه سهم آخر فأصاب صدره وآخر وقع في عينه, وبينما العبّاس كذلك لا يدين وقف حائراً لا يدري ما يصنع , وإذا بلعين جاء إليه وضربه بعامود على رأسه ففلق هامته وخرّ على الأرض جريحاً منادياً بأعلى صوته : عليك مني السلام اباعبدالله ، أدركني يا أخي* :
اين المنادي وا عباسااااه .. وا سيداااه ..
*#بالله عليكم كيف وقع عن ظهر جواده!!!!*
*الفارس إذا خرّ من على ظهر جواده فإنه يتلقّى الأرض بكفّيه , ولكن العباس كانت السهام في صدره والسهم نابت في عينه وتجمد الدم في العين الأخرى ، بأيّ شيء تلقّى العباس الثرى* :
عادة اليوقع اموزّع بالسيوف
كفوفه تتلقى الثرى بيوم الطفوف
لكن العبّاس مگطوع الچفوف
والسهم بالعين مايگدر یشوف
#طور إسمع عتابي
من عالي مهره صافح الغبره
مقطوعة كفه يمينه ويسره
لن حرة صاحت ولزنوده راحت
تقبّل تِشمها يوليدي ناحت
اسمالله على عينك يالوافي دِينك
عفت المدينة. وجِيتك أعينك
*#الشاعر يصور لعله ظنها أمه أم البنين، صاحت الزهراء روحي فداها* :
يمه اوليدي انت الما اعوفه
إجيت انظر لجرحك واشوفه
أداويه بلكي يايمه وأروفه
آنه فاطمة الزهرة الزچیه
انا ام الحسن وجايه أسعى
بينك وبين الينكسر ضلعه
ابكي اعلى طولك ييمه وانعى
والطم اعلى حسين بثنين إديه ( يا زهراااء)
*#هنا وصل الحسين الى المشرعة أيها الموالون ( لا إله إلا الله ، الله يعينك يا حسين ) نظر إلى العباس ، كيف رآه !!!*
*رآه مقطوع اليدين، مرضوض الجبين ، والسهم نابت في العين ، وضع يده على خاصرته ، قيل نادى: الآن انكسر ظهري ، الآن قلت حيلتي، الآن شمت بي عدوي...*
يقله ياخوي بالخوة لبيني و بينك
ياخوي وين يسراك و يمينك
يــا خــــوي شـلـــون ســــهـــم الـصـــاب عــــــيــــــــنــــك
يـخويه ابـياكتر طـاحن ازنـودك
يـخويه الـعلم ويـنه اويـن جودك
يـبو فـاضل زمـاني هـم يـعودك.
او شـملي الـلي تـشتت بـيك يلتم
إختيار 👇
*#طور ما قلك الضلع إنكسر ( لحن السيد حجازي)*
من شافه ويلي بهالوضع
يَمّه قعد محني الضلع
والشيبة مبللوله بدمع
جاوبني خويه بو الفضل
ظهري اعلى حالك إنكِسَر
هِسى عدوي إبتشر
يا ريته لا كان النهَر
ولا انظر لنورك أفل
هسى الشمر ليّه استعد
يدري برحيلك لا سند
الله يهوّن هالشدد
من نرحل وزينب تظل
#فصيح
جئت لأنظرك. .. أبكاني مَنظرك
فالعادي وذَرك .. حبيبي بو الفضل
كفٌّ على الثرى .. أخبرني ما جرى
من أدمى المنحرَ .. حبيبي بو الفضل
من أطفأ العيون .. لو لي يسألون
باللهِ ياحنون .. أجبني بو الفضل
سكينةٌ رأت .. النار أضرمت
والراية قد هوت .. فصاحت بو الفضل
(فاطمة ملاح)
#إختيار👇
#طور يا خويه يا خويه
يا شيعة سمعوني من خويه حرموني
من دونه خلوني. أهل الكفر والنار
راح البطل عباس والبيه عزم واحساس
حزام الظهر والباس وخلاني بس اِحتار
مو ذبحي من نحري بفقده انذبح عمري
لجمة وسط صدري وصبّت عليّ اكدار
*#وا عباسااااه جلس الحسين بجنبه يمسح الدمه عن عينه ووجهه ، والعباس يعالج سكرات الموت ، رفع الحسين رأسه الى حجره فأعاده العباس الى التراب ثم في المرة الثانية ، الثالثه، سأله الحسين ( ما الخبر يبو فاضل) قال انت الآن تضع رأسي في حجرك ، بعد ساعة من الذي يضع رأسك في حجره (يا حسسسسين )*
#طور في وين رأسك
بدور وشباب~ ضمهم تراب
منهم شهيد ~ ومنهم مصاب
منهم تقطع ~ ومنهم نوزّع
ومنهم عرايا ~ بساحة المصرع
كم من فقيد ~ كم من شهيد
واسى الذبيح ~ فوق الصعيد
ناموا بتربهم ~ بغربة مدفنهم
وبلا اثر ~ ظلّت صورهم
خادمة آل محمد✍🏻
لحن والله حيرة حيرتي~♪
كل شهيد دم فداء
لبوا باسمك هالنداء
يفدوا زينب بت علي
ويرفعوا ذاك اللواء
يالغريبه يا زينب يالغريبه
عدنا شبّان وبدور وكلهم بوجه القمر
بالجهاد وعالسواتر واسوا مگطوع النحرر
منهم المطفيه عينه ومنهم الفاقد بصر
موزّعه اوصاله يا زينب ومنهم الكف انبتر
تجسّدت ارض الطفوف بكل مشاهد كربله
هذا الي قدّم كفوف
واسى ابنچ بالطفوف
واسى مذبوح السيوف
والحسين بلا كفن
يالغريبه يا زينب يالغريبه
〰️〰️〰️〰️〰️〰️
لحن الجفيري♪
كم شهيد بصف شهيد
ميّت بحرّ الصعيد
منهو الدامي الوريد
ومنهم اوصاله قطّع
حفظوا مقامك بالدمه
وترضى عنهم فاطمه
نالوا مراتب بالجنان
بالقيامة معظّمه
لحن اخي سوف تبكي عليك العيون~
بلبيك زينب يعلو النداء
مضوا للجهاد كما كربلاء
شباب بعمر الورود ذبل
قرابين عشقٍ بدور السماء
〰️〰️〰️〰️〰️〰️
سلام عليكم بشتى السلام
بيوم الظهور جنود الإمام
لصاحب العصر لكم بيعة
أيا خير جندٍ له يا كرام
〰️〰️〰️〰️〰️〰️
شبابً بعمر الورد رحل
حملنا إليهم جميل الصور
وجئنا نزفهم الى كربلاء
نجومٌ تلالت وبدر أفل
الشاعرة خادمة آل محمد✍🏻
*لشبابنا الجرحى*
يا اهل العزاء كم شباب جريح من شبابنا واسى العباس بجراحه منهم من واساه بقطع كفيه اه اه ومنهم من واساه بعينيه ومنهم من واساه بتقطيع اوصاله ومنهم من واساه بسيل دمائه ومنهم اطفأة له عين ومنهم مبتور الكفين بعين يا أبا الفضل تقبل منهم فها هم شبابنا الابطال واسياد النزال قد بذلوا في نهج الحسين مهجهم وارواهم وأوصالهم وكفوفهم وعيونهم… لحن الجفيري~
كم من شباب النا وبطل
واسى بمصابه ابا الفضل
المطفيه عينه بالنبل
واسى بعيونه واليدين
〰️〰️〰️〰️〰️
كم من جريحٍ كالبدر
واسى بعيونه هالگمر
كم من فقيدٍ للأثر
واسى بأشلاءه الحسين
خادمة آل محمد✍🏻
علي الاكبر يرى الزهراء ع
اشوفك يبني تتبسم شنهي بسمتك~
ونوبة تبچي يالأكبر وتجري دمعتك ~
دحاچيني يبعد الروح صعبه فرگتك~
اشوفك منطبر يا ضيا هالعين~
*جواب الاكبر!!!!!!*
يگله بسمتي هايه لاجل جدي الرسول
يسگيني عذب مايه ودمع عينه همول
والموقف صعب من شفت زهره البتول
مكسورة ضلع وملطومة العين
خادمة آل محمد✍🏻