Telegram-канал tajalzahraa1 - 🌴تجمّع الزهراء ع العاشورائي🌴: Неотсортированное

🌴تجمّع الزهراء ع العاشورائي🌴

21 декабря 2023 07:15

بمحمد بابك وحيدر طرقناه
صوبك بالعشك تبقه طرقناه
نخينه اسمك الاعظم طرقناه
فرجها بحق ضلع الزجية
...........
الشاعر
اياد الفرح التميمي

Читать полностью…

🌴تجمّع الزهراء ع العاشورائي🌴

20 декабря 2023 21:52

فزاعيه. او مربوعه حول ام البنين

ياهو الغسل ام عباس. وابنيات ماعدهه

وحاضر كون. ابو فاضل. يغسلهه

ياهو الغسلاها وراح وياها
وياهو الشالهه من غفت عيناها
محد ون عليهه ولزم يمناها
مهظومه وكتهه حيل عذبهه

ماعدها ابنيه الونت عليهه
ولا حاضر ابنهه الدمعه يجريهه
بالمغيسل لون موجود واليهه
ينوح وبيده جاهوه اليكلبهه

بس اجفوف ماعده يبدويه
وعينه من السهم عباس معميه
حك يوصل الج ويعوض البنيه
والربت ولد بالموت يوصلهه

يوصل والحنينه اتريد دفانه
وبالمغيسل تريد احباب عوانه
مهظومه الوفيه وحيل حزنانه
مضيعه اولادهه وبالكلب ونتهه

لون حاضر ولد عوض المحزونه
يزت تابوتهه ويلطم عله امتونه
محد وصل ليهه وهلت اعيونه
وماتت بل حزن والفركه هدتهه

لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م

Читать полностью…

🌴تجمّع الزهراء ع العاشورائي🌴

20 декабря 2023 20:22

قصيدة رثاء ام البنين ع السلام
خادمكم عبدالهادي العريفاوي

ريت ابو اليمه يجيني   آخر الساعه بحياتي
وانتظر اربع بنيني     لو دنت لحضة وفاتي

ودعتهم   ماشفتهم   آخر الساعه بحياتي
------------------------------------
منهو يحضرها الجنازه   لو دنت ليه المنيه
والبيوت الهيبه جانت   وسفه شو ظلت خليه
ابعدوا عني بسفرهم   والسفر للغاضريه
بس ابو اليمه اريده   واربع اولادي هديه

شنهو بالغيبه عذرهم   وللشدايد همه عازه
فدوه كل عمري لعمرهم   من يشيلون الجنازه

اتأملتهم   ما شفتهم   اخر الساعه بحياتي
------------------------------------
كلبي لاجمني بسفرهم كمت اصيحن الله يستر
ابعدوا عني بنيني   خوفي بيه الدنيه تفتر
ريته يمي الكفل زينب يبو فاظل يل مشكر
وينه عبدالله ويجيني وينه عون ووينه جعفر

بس علي السجاد اشوفه   كبالي واكف يشع نوره
من اشوفه يزيد همي اتفكدتهم صوره صوره

اتصورتهم   ماشفتهم   اخر الساعه بحياتي
----------------------------------
زينب تسولف خبرهم   تشرح كبالي الفجيعه
عظم الله اجرج تكلي بهاي الأجساد الصريعه
وتحجي عن عباس اخوها بطيحته بصف الشريعه
ورايته وجوده تكلي ويمهن جفوفه الكطيعه

من اخذ جوده وتعنه   يروي الاطفال العطاشا
مارجع ياويلي النه مايقصر والله حاشا

فاركتهم   ماشفتهم آخر الساعه بحياتي
--------------------------------------
دمعة عيوني الحزينه   الفاركوها احبابي كلهم
انتظر هلبت يجوني   وانكطع عني املهم
ربي اسأل ماكو واحد يعتني ويوصل نزلهم ودعوني وعني راحوا مااظن يرجع وصلهم

وين ابو اليمه اريده   كبالي يحضر حتى اشوفه
وين ابو فاظل عضيده   حتى لو ماهن جفوفه

اتنطرتهم   ماشفتهم   اخر الساعه بحياتي
-------------------------------------
ابعدوا عني بنيني   وبسفرهم ماخذوني
عيوني ماتنسه صورهم بس عجيبه شو نسوني
اخر انفاسي واكولن يا الاهي هم يجوني
ابقه وحدي بهل مدينه وهمه ليش اتعذروني

تصد عيني اعله المنازل ويلي ماهمه الشبيه
وحدي مابين القبائل واني هسه بهل المصيبه

ناشدتهم   ماشفتهم   اخر الساعه بحياتي

Читать полностью…

🌴تجمّع الزهراء ع العاشورائي🌴

20 декабря 2023 20:00

دعم قنوات دينيه فارس الحجاز

☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN

🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

Читать полностью…

🌴تجمّع الزهراء ع العاشورائي🌴

20 декабря 2023 19:58

هوسات لوفاة ام البنين عليها السلام

ياهو الشال تابوتچ عله امتونه
واهل الزود كلمن نايم بكونه
چا شحچي شگول اعليچ ممنونه
(( وامضيعه حسين وتردينه ))

حسين اليوم يم عباس رايدته
يغطي اجنازتچ ويروح بالزته
والله لو عدل چا ماسكت سكته
(( وحسين يشيلچ بعيونه ))

والله لو عدل چا شالچ بعينه
حنين وماكو احن من گلب ابو سكينه
لاچن سحكته اهل الخيل تدرينه
(( مكسور الحافر بضلوعه ))

چم حافر بحافر طاحن بصدره
ابو السجاد راسه انعزل عن نحره
منچ يعتذر يالطاهره الحره
(( واليوم يريد تعذرينه ))

منچ يالحنينه اليوم يتعذر
مايگدر يشيل النعش مايگدر
ضلوعه امطشرات حسين وموذر
(( سهمين بگلبه امصوبينه ))

توذر بالسهم وانمرد دلاله
هاذه حسين وضعه ومو سهل حاله
عين اتصد عليچ وعين العياله
(( ويفكر بيچ تعرفينه ))

لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

Читать полностью…

🌴تجمّع الزهراء ع العاشورائي🌴

20 декабря 2023 19:57

ابوذيه الى السيده الطاهره ام البنين عليها السلام

أنــه بمهــدك نــذرتـك      يمه لحسين
شحلاتك وانته واگـف     يم الحسين
أذا تــوگــــع أنــــادي     يمه الحسين
       فـــدوه الطـــاح دونــــك عالــــوطيــه

الشاعر
موسى البديري

ضعنهم راح شــــال الــروح       ويـــــــاه
ودليلـــي أبنــــار لمَن ســـار      ويـــــــاه
على ابن الزهــره اصيحــن      آه وي آه
     وأگـــل عباس افــــدي ابن الـــــزچيــه

♠♠♠♠♠
الشاعر
موسى البديري

Читать полностью…

🌴تجمّع الزهراء ع العاشورائي🌴

20 декабря 2023 19:53

مهدي یاریحانة الروح
یبني دوم اتنفّس النوح

*

یُمّه یا نبض الأمامه
گلبي یبعثلک سلامه
ینتظر ضلعي انتقامه
زرعوا بخدي علامه

و الأثر عالوجنه ملموح
مهدي یا ریحانة الروح

*

صاروا الأصحاب ضدّي
و سطروا الظلام خدّي
والله کود اعتاب عندي
اجعد اشکیلک یمهدي

عن حدیث النار و اللّوح
مهدي یا ریحانة الروح

*

یمه اِنشد هاک دمعي
شلون خلف الباب وضعي
عصروا الباب اعلی ضلعي
والوتد بضلوعي یسعي

بالجنین بشفرته ایلوح
مهدي یا ریحانة الروح

*

تدري من سگطوا جنیني
الکربله مشبوحه عیني
العرش ونّ بونیني
آه من جمرة حنیني

والجفن بدموعي مجروح
مهدي یا ریحانة الروح

*

من طحت فوگ الوطیه
صرت اشوف الغاضریه
راس الحسین الشفیه
فوگ سنّ السمهریه

و الجسد عالگاع مطروح
مهدي یا ریحانة الروح

*

من طحت شفت العقیله
من ظهر ناگه هزیله
تنوح خویه مالي حیله
یا حسین انت الوسیله

لکن ابني حسین مذبوح
مهدي یا ریحانة الروح

*

خادم خدمةالحسین علیه السلام
ناصرآلبوعبید

Читать полностью…

🌴تجمّع الزهراء ع العاشورائي🌴

20 декабря 2023 18:03

((وصفاله البيت))

حيــــــدر يدَلي بعقيل .. وصفاله البيت
هذاك بيت ام الكفيل .. وصفاله البيت
            روح اخـطبلي (مره)
            تجيب سبع الگنطره
وصفاله البيت ...
                """""""""""""""""""""""""""""""""""'''''''''''

ياعقيل الوصف يمك
امشـــي وتَبَــــعّ أثــــر
ذاك بيت ألــي اريده
ذاك بيت أمــ الگـــمر
ياعقيل بسرعه امشي
خطوتك صارت شـهر
خويه زينب تنتضـرني
تريد من عندي خـــبر

        ذيچ خيمـــــتهم چبيره
        ليش خطواتك گصيره
والله عدهم طاهره تجيب سبع الگنطره
وصفاله البيت ...
                """""""""""""""""""""""""""""""""""'''''''''''

يابـو مسـلم روح گلهم
تدري مـــو ناري أتغلي
نريد من عدكم عفيفه
وطــاهره الحيدر علي
نريـــــدها هاي الوفيه
نجيب من عـدها ولي
نريد من عندج گمرنه
يــــا شمسنه أدللـــــي

          مـــــو بعيده الديره هايه
          انته بس احچي الحچايه
تدري هيه أمبشره   تجيب سبع الگنطره
وصفاله البيت ...
                """""""""""""""""""""""""""""""""""'''''''''''

ياعقيل احچي لبوها
گـــله مو شافت حلم
مو بعيده الغــــاضريه
بعــــــازةّ تجيب الزلم
للخدر كـــــــفال رايد
رايـــده بچـــــفه يلــم
صارت القسمه يخويه
روح ونطيهم عـــــــلم

             ياعقيل وروح مرهم
             انته ماتشتم عطرهم
والله بس بتهم ترى تجيب سبع الگنطره
وصفاله البيت ...
                         """""""""""""""""""""""""""""""""""'''''''''''

ضلمه خيمتهم أجوهم
طــــبو وصــــار الضوه
والهوى گــاعد بصفهم
يمكن مــتاني الهــــوى
واحد يشــاهد الثـــاني
عيونهم گعــدن ســـوه
وحيدرى يــرسم خياله
جربه وچــفوف ولـــوه

             نريد بتكم للصميده
           گام ابوهه وباس ايده
گله بنتي امبخترى تجيب سبع الكنطره
وصفاله البيت ...
                """""""""""""""""""""""""""""""""""'''''''''''

وافـــــق بـكـــل امنياته
وباس مـن حيدر جبين
تمت الخـطبه وقـروها
الفــــاتحه لــ ام البنين
وحتى بيت (الله) عيد
كلها طشت بـــالحـنين
وزينب بدمعت جفــنها
گامت تهــني الحســين

           خويه راح ايصير اخونه
           خويه اخونه وابن ابونه
طفت ناري المّسّعره تجيب سبع الگنطره
وصفاله البيت ...

عبد زينب
محمد الإبراهيمي

Читать полностью…

🌴تجمّع الزهراء ع العاشورائي🌴

20 декабря 2023 17:58

قصيده لام البنين عليها السلام

المستهل 👇🏻👇🏻👇🏻

يالتشيل النعش هونك هذه ام الأربعه
خل يجي العباس ابنها لنعش امه يشيعه

•───✧◐🕊🌻🕊◐✧───•

أمهم وحكها عليهم همه اليشيعونها
واحد يوسع لحدها وگلهم ينزلونها
وخدها الأيمن بالتراب اولادها ايوسدونها
وابو فاظل على الكبر يقره بصوت الواقعه

•───✧◐🕊🌻🕊◐✧───•

من تموت الأم تريد الولد دفان
عل الكبر تحتاج ابنها يقره قرآن
كون يلتمون يمها الكلهم احنان
تريد ابو فاضل يجيها وصوته هيه تسمعه

•───✧◐🕊🌻🕊◐✧───•

واجب اعله الولد لمه اعله المتون يشيلها
يشيلها على المتن أمه واهوه اليواريها
وبالكبر لونزلوها هوه يقره اعليها
واجب يرد الجزيه لأن طيب مرظعه

•───✧◐🕊🌻🕊◐✧───•

بس دگلي اشلون ابو فاظل يشيل الطاهره
ازنود ماعنده الگفيل ازنوده يم المشرعه
اشلون يوسدها بلحدها اجفوفه هو مگطعه
وجثته يم الشريعه بالسيوف مگطعه

•───✧◐🕊🌻🕊◐✧───•

يالتشيل ام البنين ابهيده بالله وياها
هذه ضحت للزچيه بدور الله انطاها
انطاهه الله منزله المتظايق اتعناها
اليوم كل واحد كصدها ابد لامترجعه

•───✧◐🕊🌻🕊◐✧───•

أﺭيد ننخاها الوفيه بدعوه منها للخدم
بجاها عند الله تنطيهم القوه والهمم
همه متمسكين بيكم شما حصل جور وظلم
والتمسك بيكم اقسم باآن الله يفرحه

•───✧◐🕊🌻🕊◐✧───•

بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالقصيده

Читать полностью…

🌴تجمّع الزهراء ع العاشورائي🌴

20 декабря 2023 17:54

نعي حزين لفقد الاحباب

ضاك. الخلك. ونريد. اهلنه

اجينه. وعلى العتبه. كعدنيه

ونشدنه. الدار وين اهل المحنه

وين الشوفهم. يزيل. همنه

⚡️⚡️⚡️⚡️

ضاك. الخلك. ليهم. سيرينه

ندهنه. محد. رد. علينه

خالي. الدار. منهم. لكينه

هضمنه. افراكهم. وسوه بينه

⚡️⚡️⚡️⚡️

بيهم. بعد. متعود. الايام

نلتم. سويه. صارت. احلام

افراك الاحباب. احزان والام

بعدهم شلون. عيونه. تنام

⚡️⚡️⚡️⚡️

وي. الاحباب. العشره. فلت

عليهم. حزينه الروح ضلت

بجفاهم. رموش العين شابت

ايام. الفرح.وياهم راحت

⚡️⚡️⚡️⚡️

الجفونه. بعد بينه. مايمرون

نحن. لشوفهم ننساهم. شلون

تضل لدربهم. تربي. العيون

فركاهم. هدنه. وغير. الون
⚡️⚡️⚡️⚡️

بقلم العلويه ام رائد زوين ✍😭

Читать полностью…

🌴تجمّع الزهراء ع العاشورائي🌴

20 декабря 2023 17:53

ابيات من النعي

زينب ع للزهراء ع
رحتي وما شبعنه نوم بحضانج
تغطينه بعباتج نمنه بمجانج
نشم ريحتهن ونشبكهن اردانج
راح افياينه من خذج دفانج

زغيره ورايده من امي حنيه
غير امها شتدور عود البنيه
خل اغفه بحضنها عوفني شويه
باجر ما الكاها من امشي مسبيه

من افك عيني الصبح الكه حضنها
هسه اكعد واشم بأيد الدفنها
ودم الضلع ضل بالباب منها
اضل ابجي وحسن يحجيلي عنها

الحسن ع للزهراءع
يمه اشعايفه بمكفاج وتموتين
حسره غيبتج ماتنحمل تدرين
خرابه البيت صاير بس بجي وونين
اسكت زينب يرد يبجي يمي حسين

كعدت اكبالهم بمجانج وونيت
يدهري اشماخذ وهيج الضوه طفيت
هنيال المكابر لامي صارت بيت
وصفت ظلمه وخليه الدار لو طبيت

الحسين ع للزهراء ع
لو مكسور ضلعي ولا ضلع منج
عمت عيني اشكثر كامن يلجمنج
كوه تشيلج امتوني ويشيعنج
ماصدكت يوم بجفي ادفننج

بعد ياهي التجي تصبح علينه
ومثلج وين راح الكه حنينه
منو يلاكي علي لمن يجينه
بغيابج يمه شنهي يصير بينه

علي ع للزهراء ع
من غسلتج وضلعج اجه بيمناي
انكسر كلبي وطحت والحيل طاح وياي
حرت خاف الجرح ينلجم لو ذب ماي
تختنكت بعبرتي وبالكوه اشم اهواي

درب المكبره ضيعته وعيوني
انعمت من البجي وولدي يگودوني
اشيع الزهره لو كامو يشيعوني
اجيت ادفنها لو جنهم يدفنوني

طبيت ولكيت البيت ظلمه
بس النوح واليمه وييمه
وبجي زينب يخلي بكلبي لجمه
الزهره مدده اعله الكاع هظمه

شصاير بيها محد رد عليه
انهد حيلي وصحت اااه يالزجيه
ريت البيج صاير كون بيه
ولا شوفن دمه فوك الوطيه
المرحوم الشاعر
زيد عدنان الزيدي

Читать полностью…

🌴تجمّع الزهراء ع العاشورائي🌴

20 декабря 2023 13:39

Читать полностью…

🌴تجمّع الزهراء ع العاشورائي🌴

20 декабря 2023 08:56

قصيدة ( استشهاد السيدة ام البنين عليها السلام )

( ذكرياتي ) . 1445. هج.

مرات الدمع هم يجبر الخاطر

بس شيفيد اذا هو الضوه مسافر

         ضعت مابين حسبات

        اكولن عدل لو مات؟

                  ذكرياتي

----------------------------

إقنع روحي بالصدفه

واكول حسين جا وينه"" يجيني

شوكت يايوم نتلاكه

حته الدمعه تحجيله "" حنيني

   اني ام البنين وهاي سالفتي

   هيه الذكريات الزادت بعلتي

          كلسا   تمر   لجمات

         اكولن عدل لو مات؟

                   ذكرياتي

----------------------------

جم باجر يمر بيه

نار الفركه تِحركني "" جروحي

عطش بشفافي حَسيته

اخاف الروح عطشانه "" يروحي

    لو   زمزم   بِديه اني ياعيني

   عكب الغالي والله ما يِرَوِيني!

           كلها ابالي صدمات

          اكولن عدل لو مات ؟

                  ذكرياتي

----------------------------

كلما أقره بالمصحف

سورة ( والفجر ) تطلع "" اويلاه

تفسير الذبح هذا

وليال العشرِ بالعاشر "" حُسيناه

صحت لا سامح الله هيج ماصاير

لا بالخيل صدره رافسه الحافر

            دم تنزف الآيات

          اكولن عدل لو مات ؟

                  ذكرياتي

----------------------------

رمح وبكلبي صوبني

سورة امن الكهف أقره "" بالأونين

صحت ياربي ادخيلك

خافن عالرمح راسه "" الِحسين

اذا بالطف قراها منحر العطشان

   يعني عالرمح و يرتل القرآن

           يارب   السماوات

        اكولن عدل لو مات ؟

                  ذكرياتي

----------------------------

هو الينتظر غايب

يِخلص عمره بس دمعه "" جراحات

واني حسين موتني

اخير انفاسي احجيها "" يدمعات

     جانت امنياتي وآخر أيامي

     يحضر موتتي ويشيّع الآمي

           وِبعيده المسافات

          اكولن عدل لو مات ؟

                  ذكرياتي

----------------------------

الخادم _ ابو فدك الشامي ✍

Читать полностью…

🌴تجمّع الزهراء ع العاشورائي🌴

20 декабря 2023 06:56

وفاة ام. البنين ع

رد يبن حذلم لعد طف الحسين
واصعد اعله التلّه وانعه ام البنين
        ++++++++++
رد يناعي وتعرف ابروحي اشتريد
مو بنيني مطلبي حسين الوحيد
ايلوح فوگ التله گبره مـن بـعـيد

لا تعيد اجروحه واسمع مني زين
     ++++++++++++
نادي بس عالراس لا تشبچها اديك
امن الحصيره ايلملم ضلوعه ويجيك
يوگف ويوگع ترى ويزحف عليك

يذكر الصاحتله سلبوني بأنين
      +++++++++++
بالنيابه اگباله عني احچي بخـشوع
مو منيتي گله كتلتني الدمعوع
اتواكلت لضلوعك ابصدري الضلوع

مو عطش گلبي التفطر بالحنين
      +++++++++
غمّضت عيني الك گد مابچيت
وسبّلوها البيها ترجعلي دعيت
من قميصك وصله لو ترجعلي ريت

والبصر يرجع وانوحك مرتيني
      +++++++++
هاي اخير احچايه مـني بيها اگول
اعليك طلعت روحي والزهره البتول
ودي ما اموت العمر لجلك يطول

بين دمعي ولطمي وابني گبور طين
       ++++++++++
صد يناعي للنهر واحچيها حيل
ابعبرة المهظوم نادي اعله الكفيل
ماتت امك والنعش رايدله شيل

عن دفنها صاحو العباس وين
        +++++++))))
ثائر الربيعي

Читать полностью…

🌴تجمّع الزهراء ع العاشورائي🌴

19 декабря 2023 23:05

مولاتي زينب

وضـعـنـه يـا وضـع بـجـفـاك .. مر بيك
ونـضـر عـيـنـي لـعــد الـنـهـر .. مر بيك
بلا رحـمـه الـيسوگ الـظـعـن .. مر بيك

وإنـه فـوگ الـهـزل مـچـتـوفـه اديـه

*---------------------*-------------------*

✍خادم السيده زينب ع
الشاعر رعد الجريخي

Читать полностью…

🌴تجمّع الزهراء ع العاشورائي🌴

21 декабря 2023 07:15

#رئيسية_لام_البنين_ع

ما اريد جفك يرد ما منگطع بالغاضريه
ماريد ترجع عدل يا أبا الفضل هاي الوصيه

يا مالك الماي    سيفك قرارك
فتحٌ من الله   هذا شعارك

يا يمه هذا عيدك....سويها واگطع ايدك .....ترجعلي ما اريدك ....موتك رضاتتي
يمفصل الكافله ....خل توصل المقاله .....ذب يمنته وشماله .....هاي امنياتي

يالمتقن افنون الحرب يالسطرتك ثچيله
اوكف مثل وگفت اسد ضل سوي للعقيله
وشيل الفرات من الجذر شلون العلم تشيله

اكشف ضلام الحرب لمن تطب   فوك الاصيله
ارفع ستار العطش   وكت الضمه   وروي القبيله

تغطي الخيم كون يبني بوقارك
فتح من الله   هذا شعارك
.
.
.
.
خلي الحرب تطوفك .....ومن كل جهه تشوفك ....خل تهتز بجفوفك ....سويها ضلمه
اختك شرف خدرها .....كون الهوى اليمرها ....يترخص بسفرها ...يلا تشمه

اگلب ضوه هاي الشمس فيّ يبني عالعبايه
واسمح اثرها لو مشت ايه وتداري ايه
وبس بالدايه وگفتك وكل الضعن بدايه

شاهين فوگ الضعن افتر وطن   يا محلى صيدك
اركض ييمه بفخر   ركضت اسد للي تريدك

سيف بيمنتك   جود بيسارك
فتح من الله   هذا شعارك
.
.
.
.
لا تنطبگ جفونك .... ساهر على ضعونك....للخوه بدي لونك ....يا سيد الاحساس
وجهك ضوه المحامل ....غير انت يا ابو فاضل .... اجمل شخص مقاتل ....غير انت عباس

المح أطراف المعركه وتسجدلك المنايه
وبس اخزر ارگاب الزلم توگعلك الضحايه
يالما لمس جفك درع خل الگلب وقايه

الزلم تنمد الك مدت جسر   ماله نهايه
يتنكب الموت اذا وجهك غضب بيك الكفايه

بس بالمناحر ينحد فقارك
فتح من الله هذا شعارك
.
.
.
.
حل معصبك تحلهم......هد مهرتك تشلهم ..خل ينگطع نسلهم .....
لو گطعو الماي
اشطب على السلامه....وجعلها كالقيامه .....الشرد كر أمامه ....بس انت الهواي

حطهم بغرببل الغضب سفرهم الجهنم
لَمت ارموش اعله الجفن عالموت خلها تلتم
تظلم عليهم كربله ثغرك اذا تبسم

ياعلو وفوگ العلو   حدك علي والباقي نَصه
الماي ماي الخيم   هاي الخلگ ما الها حصه

لو شلت الازنود تچويها نارك
فتح من الله   هذا شعارك
.
.
.
.
كلشي وره وأمامك ....بس الحسين إمامك .....اركض اله بمقامك .....لمن يصيحك
باجر الدنيا يمك ....تسجد وأتذكر امك......وكل المَلك تخدمك.....
يكبر ضريحك

بعينك اذا ماكو سهم ماكو شمس علينا
ولوما جرِبتك والعطش الماي ما يجينا
وايدك اذا ما تنگطع ما تلطم احنا ادينا

عزت نفس طيحتك من مهرتك يارافع الهم
ماي الوجه ماوكع چي عالارض منك وگع دم

من شيلت الواك يبدي انتصارك
فتح من الله    هذا شعارك

الشاعر عبدالله الشويلي

Читать полностью…

🌴تجمّع الزهراء ع العاشورائي🌴

20 декабря 2023 21:51

سيدتي ومولاتي باب الحوائج
ام البنين روحي فداها

گلبي يحن وايريد الاعزاز
ياهو اليروح ابنعشي جناز
عيني على درب اليمرون
ــــــــــــــــــــــــــــــــــــــ
عله أفراش المنيه وانتظر فزعه
يادنيه شملنه الراح شيجمعه
من عگب الگمر شلّي بضوه الشمعه
والفارگ احبابه الصبر شينفعه

من عمري ظلت آخر انفاس
وين الله ويرجعلي عباس
ينساني كافل زينب اشلون
ــــــــــــــــــــــــــــــــــــــ
من كثر البچي اعليهم خلص صوتي
آنه ام البنين ارحمني ياموتي
وحدچ لاتگلي للگبر فوتي
يجي العباس هسه ايشيل تابوتي

يحضرني إبن الحضر سلمان
وايصير لاّمه الگمر دفان
وايشيل نعشي فوگ الامتون
ــــــــــــــــــــــــــــــــــــــ
اتمنه ابو فاضل هسه بي جيه
ويجيب وياه تربه كربلائيه
ياخذني ردت لأقرب حسينيه
وبالتشيبع خل يقرالي لطميه

حلوه النعاوي التهدم الحيل
علسلبوه وداسته الخيل
واتصيح هل من ناصر ام عون
ــــــــــــــــــــــــــــــــــــــ
مو بالماي بدموعه يغسلني
اوليدي وكون بالرايه يچفني
واتمنه بثيابي السود يدفني
بس شلون بلله ايسوي كل ذني

ماعنده چف ومني خجلان
بس الله راح ايعوضه جنحان
گلوله بس الفرگه متهون
ــــــــــــــــــــــــــــــــــــــ
ماگولن تعال احسين يايمه
ادري احسين لليوم ويصب دمه
بس عندي رجـاء واّمنيه يمه
حسن العاقبه ويتقبل الخدمه

لآخر نفس من عمري والله
ميته وانادي وآحسيناه
واهل المواقف مايموتون
ــــــــــــــــــــــــــــــــــــــ
معذورين اذا ماحضرو الاولاد
بس نار البعد سوت اعيوني ارماد
آنه اتشرفت بالدفنه إجه السجاد
وسدني بحفرتي وبالنوايح زاد

يعني دفني الدافن حسين
وخلصت حياتي بدمعة العين
ام واحنن عاليحنون

محمد الجماسي

#اللهم_عجل_لوليك_الفرج

Читать полностью…

🌴تجمّع الزهراء ع العاشورائي🌴

20 декабря 2023 20:00

بحر طويل ( طور كربلائي)

كرامه وباب للحاجات ربك شاء وانطاهه
والجابت مثل عباس حقهه إنچان تتباهه
.....................................................................................................................................

حيّ الله الوفه والطيب عدهه تشوف تفسيره
أم الأربــعــة الأطــيــاب غِــيـره وخلّفت غِيره
كل همهه يرد حســـيــن ظلــــت تنطر إبْحيره

نواظر شابحه أعله الباب.. تنشد حتى ريح الهاب
تنشد عن بدرهه الغاب
شريكة حزن أهل البيت هيچ الباري خلاهه
.....................................................................................................................................

جـــرّب لو ردت تــعــرف فكرك ما يظل حاير
باب الحاجة أم عـــبـــاس تنطـي إمراد للزاير
إقره الفاتحه وإطلب توافــــي وتجبر الخاطر

حلّفهه بغلات حسين ... بالصابه السهم بالعين
بالگطعوا إله چفين
لو عن بُعد بالعباس يمّك هيّه تلگاهه
.....................................................................................................................................

چانت أُمنيتهه تگول عندي من الولد عشره
كلهم إي وحق عبـــاس فدوه الظنوة الزهره
كتبت بالوفه تاريخ ضـــحّـــت كلشي للعتره

سألت بالدمع أم عون ... حاچيني الردتهم عون
وفّوا بالعهد وشلون
موقفهم بعاشر صار ويّه حسين مولاهه
.....................................................................................................................................

زينب جاوبــت گالــت كفـو منهم ورفعة راس
طاحوا گبل إخويه حسين زلم الغيره والنوماس
يعجز كل وصف بالكون ما يتوصف العباس

إخويه وكافلي وذخري ... فديته الكافل بعمري
راحوا وانكسر ظهري
أولادچ فخر للدوم روّت كربله إدماهه
.....................................................................................................................................

عاشت كل عمرهه تگول ما عاف القهر عمري
بس إلّي جره بعـــاشــــور أذّاني وكسر ظهري
أسوي گبور الطيبين وأنحــــب والدمع يجري

دم يجري مصب العين ... يم تشبيه گبر حسين
راح وبعد يحصل وين
رادت روحي بس يا حيف ما حصّلت منواهه
.....................................................................................................................................

واجب عالخلگ مفروض ويّا الطاهره يوفّون
يذكروهه بشهر عاشور لأم الأربعه يحضرون
وكل مرادهم مـنــهــه بأمــــر الخالق يطلبون

عنهم لا مَـتـتـأخر ... تجازي الخادم اليحضر
على الصعبه وعلي تگدر
ربك قاضيةْ حاجات للطيبين سمّاهه
.....................................................................................................................................

خادم أم البنين عليها السلام
عمار هليل الواسطي

Читать полностью…

🌴تجمّع الزهراء ع العاشورائي🌴

20 декабря 2023 19:59

من ديوان عبرات وأنين ج ٦
*قصيدة ثگيله لوفاة ام البنين (ع)*
❥━──➸➽❥❂❥━──➸➽❥❂
*اليوم ام البنين تريد دفان*
*يشيلون الجنازة وين الاحنان*

*يحط خده اعله خدها .. ويوسدها بلحدها*
*تدير العين وتنادي يعطشان*
*يشيلون الجنازة وين الاحنان*
❥━──➸➽❥❂❥━──➸➽❥❂
اتريده ايشيلها براضه الكبرها
هاي الربته وكسرت ضهرها
هاي الماسهر واحد سهرها

سهرت لأجل عباس ... أبو الغيرة والنوماس

تصيح بصوت احضرني يريسان
*يشيلون الجنازة وين الاحنان*
❥━──➸➽❥❂❥━──➸➽❥❂
تصيح بصوت گعدولي يالاولاد
يا نسل النشامه وذيج الأمجاد
الجرح بفراگکم يا يمه ما هاد

جرحي يمه ما طاب ... وگلبي صار عطاب

وتدرون الجنازة تريد عوان
*يشيلون الجنازة وين الاحنان*
❥━──➸➽❥❂❥━──➸➽❥❂
تدرون الجنازة تريد وإلي
وأنه خلافكم بالضيم حالي
عگبکم يالولد ما ضلي غالي

گضيت العمر بس نوح ... لحد ما طلعت الروح

اصيح بصوت وينه گمر عدنان
*يشيلون الجنازة وين الاحنان*
❥━──➸➽❥❂❥━──➸➽❥❂
اصيح بصوت وينه گمر هاشم
نعش امه الحنينه تشيله وادم
غربه والگمر على الغبرة نايم

ما يگعد العباس ... يشيل النعش على الرأس

يجيها البطل ويفزغ الاخوان
*يشيلون الجنازة وين الاحنان*
❥━──➸➽❥❂❥━──➸➽❥❂
لون بيده ينزلها بلحدها
ويحط على تراب اللحد خدها
هذا وليدها وثمرة چبدها

تريده يتزها للموت ... وگلبه اعليها مفتوت

وگلبها ذاب من الهم والأحزان
*يشيلون الجنازة وين الاحنان*
❥━──➸➽❥❂❥━──➸➽❥❂
گلبها ذاب من الون والهموم
على افراگ الولد حزنانه للدوم
لون وصلت منيتهه بهاليوم

من جتهه المنيه ... صاحت يا شفيه

نادت عالولد والگلب خلصان
*يشيلون الجنازة وين الاحنان*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

Читать полностью…

🌴تجمّع الزهراء ع العاشورائي🌴

20 декабря 2023 19:58

لطمية نخوه لأم البنين عليها السلام ((يالعندك كلافه))

يالعندك كلافه ... اتحيرت بيهه
انصحك روح لم عباس تگضيهه

يالعندك كلافه وحاير بحلهه
غير ام البنين ولايسهلهه
عليچ بداعت العطشان بس گلهه
(( وحسين شگد غالي اعليهه ))

غالي حسين لو سمعت بطاريه
احسب حاجتك خلصت ومگضيه
هاي البالشدايد دوم منخيه
(( توگف بالشده امجربيهه ))

بالشدات تحضر جربيناها
يرد فرحان گلبه الراح ينخاها
هاي ام البنين اموصف ادواها
(( وابساع العله تشافيهه ))

بس عدهه الدوه ام عباس دكتوره
الهه شگد سفر ونذور منذور
حگهه من تون وتنوح معذوره
(( وافراگ الشالو گاضيهه ))

افراگ الحملو چتال مامثله
صوب عينهه وبفادهه شخله
تشوف البيت ظلمه اتصيح وين اهله
(( ماواحد ضل يحاچيهه ))

ماضل لاسبع لاحيد لانشمي
كلمن عالتراب اموذر ومرمي
يالمهموم ناديهه كثر همي
(( واهموم الثگلت شيليهه ))

ياشيالت الهم صيح ياحره
اليوم اليوم من عندچ ردت نضره
وكل مكسور خاطر فاطمه اتجبره
(( والميله بچفهه تساويهه ))

لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

Читать полностью…

🌴تجمّع الزهراء ع العاشورائي🌴

20 декабря 2023 19:55

الســلام علــى أّم البنين الطاهـــره
الســلام علــى أّم البنين الطاهــره

*

يــا سلام الله علــى الطيبـه الجليلـه
علــى الضحت أربعــه دون العقيـلــه
الوفيــه الصابــره الحــره الاصيلـــه
الكلها بالطــف بالمـواقــف حاضــره

*

يــا ســــلام الله علـى أم الامــاجــد
ألألها تاريخ الفخر لــي هسـه شاهـد
أربعــه أنطـت مـا بقه تچايـه واحـد
فــدوه لأبـن الــزهـره كلهـم عالثـره

*

عجزت أبحور الشعر توصف بحرها
شمعه لحسين وحسن نذرت عمـرها
بالمدامــع وصّـت الغـــالي گمـــرها
يبنــي بـالك تبقــى زينـــب حــايـره

*

قـدّمـت أربــع كــواكب مـن سمــاها
الباري بالطف عـز قدرها وكــرمـاها
والمجــد طـول الزمــن بيهـا إيتباها
بحـــر جـــود وللمــواقــف حاضــره

*

للكــرم شــلال طافـــح بيــن أديـهـا
بحـــر زاخـــر مــــا تـــرد اليعتنيــها
تگضي حــاجاتك لـون تقـسم عليـها
بالحسـين وعطــش گلبــه ومنحــره

*

قــاضيه الحــاجات هـاي أم الكرامه
ضحت بكل شي لأجل نصر ألإمامـه
الشفيعــه الشـــافعه بيـوم القيـــامه
إلنّــه توگــف بالشــدايـد حـــاضـره

*
الشاعر
موسى البديري

Читать полностью…

🌴تجمّع الزهراء ع العاشورائي🌴

20 декабря 2023 19:48

قصيدة { خلص عمري }

خـلــص عـمـري أدوّر ويــن ألگاك
أخيراً راح أشوفك وأحچي ويّاك
..............................................................................................................................

آني أم البنــيــــن وما نفذ صبري
بــس رب العــبـــاد بحالتي يدري
خلص عمري بغيابك يا بعد عمري
بقيت أسأل عليك ودمعتي تجري

يساكن وسط روحي وصعبه أنساك
أخيراً راح أشوفـــك وأحچي ويّاك
..............................................................................................................................

وحق ذاك الـوداع البينــك وبيني
أعز من ولدي كلهم يا ضوه عيني
أتاني طيوفك وبلــكــت تحاچيني
العمر وحشه بدونك يبني يحسيني

يگلبي وتدري گلبي شلون يهواك
أخيراً راح أشوفك وأحچي ويّاك
..............................................................................................................................

بدت ساعة صفرهه وكربله صاحت
طحت يبني گبل ما دمعتي طاحت
أحس روحي الحزينه وشكثر ناحت
رحت عنهه ومشيت وهيّه هم راحت

ما تِحــمـِل يـبـعـد العــمـر فرگاك
أخيراً راح أشوفك وأحچي ويّاك
..............................................................................................................................

على حــر الجـمــر ظليــت منتظره
غدت أنفاسي حسره وتدفع بحسره
فداك أربـــع بنــيــني طالت الفتــره
هدم حــيلـــي البُعد يا ظنوة الزهره

يرد بس الصدى لو صوتي ناداك
أخيراً راح أشوفك وأحچي ويّاك
..............................................................................................................................

محتاره بـغــيابــك والدمــع من دم
وگلب الوالــده ثِـــق والنــبــي يعلم
إجاني بيا مصيـبــــه بشر ابن حذلم
نِعَـه الأولاد وآنـــي اعـــليـــك أتألم

إلى أن بالمدامــــع شفتــه ينعاك
أخيراً راح أشوفك وأحچي ويّاك
..............................................................................................................................

وحق دمع العـقــيله الفگــدت الكافل
جمر صار الدمع فـــوگ الوجــن نازل
ما قـصّـر تگـلـي اويــــــاي أبو فاضل
گلت أولادي فدوه حسيــــن يستاهل

أتاني الموت بعدك عمـري يفداك
أخيراً راح أشوفك وأحچي ويّاك
..............................................................................................................................

على افــراش المـنــيّـه وروحي تدريهه
بعد طــف كربلــــه كل حــيــل ما بيهه
روحي تصيح بســمـــك وانتـــه غاليهه
حبيبي حـســــيــــن آخـر كلمه أحچيهه

گلت والأمنيه بنص روحي ملگاك
أخيراً راح أشوفك وأحچي ويّاك
..............................................................................................................................

خادم أم البنين عليها السلام
عمار هليل الواسطي

Читать полностью…

🌴تجمّع الزهراء ع العاشورائي🌴

20 декабря 2023 17:59

#نعي

لوفاة السيدة أم البنين عليها السلام

*

گرب اجلهه   وتلتفت وين
عباس لا يمهه ولا حسين

ما صح ولد يم راسهه ينوح
يا حمل   محد   شاله مطروح

دمع الغريب   يطيح بارد
لا ابن لا صح حظن والد

حيره اليموت ومامش اعزاز
ياهو اليجي ويصير    جناز

دارت وجهه لصوب الطفوف
منا   لحد ما شيب   الشوف
الله    يعازة    ذيچ   الچفوف

من المدينه   الكربله احلام
ام    البنين   شلون     تنلام
رادت بحظن   اولادهه تنام

بعيد اليشيل اللوحه ويصيح
بعيد الورى أمه يگوم ويطيح

جوه التراب الردت طوله
عباس ها    يبن    الحموله
بيه   الكلام الصعبه أكوله
تمنيت تحضرني بمنيتي

علباب اباوع   هلبت   يهل
المن زغر سنه چان يكفل
بعد الولد خلصت   اتعلعل
والهوى بدونه يأذي ريتي

يولادي    من الموت   ردو
وفوگ المتون النعش زتو
ها    يلحنان هناك    شلتو
يحسين يمه الموت اجاني

نتلاگه      يم   الزهره ارواح
دم     النحر     بالضلع ينلاح
والهامه ذيچ وذيچ الچفوف
يبچن    على الاذنه    الرماح

يلتم حزن    زينب   والاطفال
وعبد الله بعده برمح    ينشال
ونسوي مجلس بأسم الحسين
يم العرش بس دمعه     تنگال

كلمات خادم أم البنين / رعد الفريجي

#اللهم_عجل_لوليك_الفرج

Читать полностью…

🌴تجمّع الزهراء ع العاشورائي🌴

20 декабря 2023 17:57

⚫️القصيدة-1-⚫️

ومَرّت عليها النآئبات ُشِدادُها
           ولم تُثنِها والسبطُ دوماً مُرادُها
فما بَـرِحَت أمُ البنين َ حسيرةً
         لها الخلقُ طُراً قد بكىٰ وجمادُها
فكم شرِبَت دمعاً علىٰ فقدِ وُلدِها
            ونُدبَتُهُم واللطمُ والنعيُ زادُها
وحتىٰ مجيءِ الموتِ ما قلَّ حزنُها
               ويرثي حسيناً كلَّ يومٍ فؤادُها
وأما بنُوها في البقيعِ تنوحُهُم
       ومن نَعيّها تبكي الصخورُ صلادُها
لِـتَرحلَ إثرَ الغَمِِّ والوَجدِ والأسىٰ
                 بغير ِ بَنيها يومَ حل َّ معادُها
وقد حظِيَت جنبَ البتولِ وقبرُها
           إلىٰ المجتبىٰ قُرباً هناكَ رُقادُها

#سمير_الصالحي
#النجف_الأشرف

⚫️ نعي - مجردات

ياناس حضرتني   منيتي
ومحد من اولادي بثنيتي
عدمن   اودعهه وصيتي


من   گربت منهه المنيه
امنولادهه    تترجه جيه
وسفه گضو   بالغاضريه

#سمير_الصالحي
#النجف_الأشرف

-------------------------
🌑 نعي __ مجردات

أظل ابأمل جية الاحباب
واموتن قهر لمن يمر شاب
گلبي انفجع بيكم وذاب
ودمعي لجلكم يهل سچاب
أحّسِب دوم بيكم آآ يغياب
طالت الفرگه شنهي الاسباب؟
وبدونكم هالعيش ماطاب
وظني انگطع من عدكم وخاب

#سمير_الصالحي
#النجف_الاشرف
‏

Читать полностью…

🌴تجمّع الزهراء ع العاشورائي🌴

20 декабря 2023 17:53

قصيدة موشح للام الحنونه

وين ام. المحنه ننشد. الدار

طال. غيابها. معزبت الخطار

✨✨✨✨

وين ام المحنه. الدار ننشدها

مشتاك الكلب. واليوم رايدها

الغرب ضعنها. بعد. شيردها

عليها بالدليل موجره. النار

وين ام المحنه ننشد الدار

✨✨✨✨

أه يم المنحنه شلون. ننساها

ماتسوه. هل. دنيه بلياها

علينه الكبر ياوسفه ضماها

ماتدري. بينه. خلافها اصار

وين ام المحنه ننشد الدار

✨✨✨✨

ضماها. الكبر. ومالها. جيه

ضلت دارها. وحشه. وخليه

اعليها نون. ضلينه. ليليه

الكلب. بغيابها. ذاب. وتفسار

وين ام المحنه ننشد الدار

✨✨✨✨

فاركنه الحنينه. الجانت ويانه

فركاها. صعب. وتجوي. نيرانه

موهين. تهد. الحيل. احزانه

عمت عين. الزمان. شلون دوار

وين ام المحنه ننشد الدار

✨✨✨✨

ويلاه يالحنينه صعبه. فركتها

ضلمه وموحشه. ضلت. ديرتها

ام. البيت. ماتنستر. خلتها

نتمنه. الكعده. وياها. مشوار

وين ام المحنه ننشد الدار

✨✨✨✨✨

وحك. عينج. ييمه. مانسيناج

ياريحت. الجنه شمحله. طرواج

يحبيبه. يشل. الحيل. فركاج

ماتبطل الونه. لليل. وانهار

وين ام المحنه ننشد الدار

تمت بعون اللهُ بقلم العلويه ام رائد زوين

Читать полностью…

🌴تجمّع الزهراء ع العاشورائي🌴

20 декабря 2023 17:52

آه ياگاع اللحد ورمالها.
وبظلام الگبر روحي شحالها

لساني الساكت ولاينطق حرف
خوفي ينطق بالذنوب ويعترف
روحي حالتها   ابد ماتنوصف
                يوم ماتلزم ظهر أعمالها

خاف أعمالي ولاتلزم ظهر
علصراط البيه عبر والماعبر
مستحي من ربي كاتلني القهر
             گبالي اصد النار وأنا اگبالها

وين اظم الروح باچر واتجه
من الخجل چاوين اوديه الوجه
للنصحني چنت مايوم انتبه
               وچنه كل چلمة نصح ماگالها

ربي ردني صالح اعمل من جديد
وهوه نبهني گبل يوم. الوعيد
انطاني فرصة كل ندم لامايفيد
               بدنيه غداره وگصيره أحبالها

اتبعت دنيا كلها لوعات وعذاب
خذت مني احبابي وأيام الشباب
شما اصد بعيني الگاها سراب
             هاي عادتها الرديه افعالها

ايام ماترجع ولاتسمعلي صوت
تأخذ احلام العمر مني وتفوت
چم نذير يگلي ياغافل تموت
              ولازم اظعونك تشد ارحالها

وين تعب العمر ياروحي يصير
لاصديق بوحشتي ولامن نصير
ولااهل تنفع ولامال. الچثير
             بس عملها الروح ضل يبرالها

الشاعر حسن لعيبي الحريشاوي

Читать полностью…

🌴تجمّع الزهراء ع العاشورائي🌴

20 декабря 2023 08:56

قصيدة . نزله ( استشهاد السيدة ام البنين عليها السلام ) 1445.هج.

            ياجزاء   المُحسنيّن

            انتي يا أُم البنين

   ------------------------

يلي ضحيتي أربعه

ما نسيتي   الفاجعه

للحُسين ومصرعه

     يوم عاشور _   يوم عاشور

يلي كل عمرج دمع

يلي ونج ينسمع

هم الج كاسر ضلع

     يوم عاشور _ يوم عاشور

          شكد بجيتي للحُسين

            انتي يا أُم البنين

----------------------

انتي يا أول مرّه

كل ولدها حيدره

عدها سبع الكنطره

عَزَب اجفوف _ عَزَب اجفوف

والنعم يُم الكمر

جان عباسج نهر

فدوه كلتي للنحر

عَزَب اجفوف _ عَزَب اجفوف


        صحتي والله مقصرين

            انتي يا أُم البنين

   ------------------------

يالدموعج هامله

ياحَنينة كربله

من سمعتي مقتله

    وا حُسيناه _ وا حُسيناه

آه وا ويلي الغريب

آه وا ويلي السليب

آه وا ويلي الخضيب

    وا حُسيناه _ وا حُسيناه

           يادموع العاشقين

           انتي يا أُم البنين

------------------------

انتي آية للعشك

واليحبج من صدك

كون مثلج يحترك

   مثل الخيام _ مثل الخيام

يلي دمعاتج حنيّن

من جروحج بس أنين

ياحبيبي ياحسين

     مثل الخيام _ مثل الخيام

                يابكاء الفاقدين

                انتي يا أُم البنين

-------------------------

ياسلام اعله السلام

عَلِمينه   عالهيام

انموت بحُب الأمام

بجاه الحسين _ بجاه الحسين

يالدعائج مُستجاب

ياوجيهه بالجواب

الله خلاج انتي باب

بجاه الحسين _ بجاه الحسين


            بالحوائج هاليقين

            انتي يا أُم البنين

   -------------------------

الخادم _ ابو فدك الشامي ✍

Читать полностью…

🌴تجمّع الزهراء ع العاشورائي🌴

20 декабря 2023 08:55

قصيدة( استشهاد ام البنين عليها السلام ) 1445.هج.

بس يوسف رجع لعيون يَعكوب

واني احسيني مارد ذاك الغروب؟

          عطره ما إجاني

          صار اهواي اتاني

واني احسيني مارد ذاك الغروب

------------------------------

سبع السنابل مو حلم

صارتلي   أحلام

المجروح بس طبعه يِون

لو   مرت   أيام

بلكت يرد من السفر بلكت يرد مو مذبوح

ادعي بصلاتي كل فرض لا منسحك لا مجروح

هيه العين كلي شتسوه هالعين

اذا ما لحظه شافت وجه الحسين

             ام الكمر   اني

           صار اهواي اتاني

واني احسيني مارد ذاك الغروب

----------------------------

بس خاف يرجع عالرمح

مشغول بالي

وانظر ضواه ميت عطش

ضامي بخيالي

عطشان ياروحي شعجب من راح أكله اشلونك

مبين عليك امن الضِمه ذبلان كلش لونك

بعيوني الدمع سولف مصيبه

هذا الغالي ابو الشيبه الخضيبه

          احسب بالثواني

         صار اهواي اتاني

واني احسيني مارد ذاك الغروب

----------------------------

بس خاف ماشمن عطر

يوسف زماني

كلمة الوينك خَلصت

بس ما اجاني

مو راح عيني تنعمي حال القهر ياحالي

هذا اليتانيله بَشر مثل الحُسين الغالي

هو شباقي بيه وكلبي مكسور

زين وما متت من عشره عاشور

               حيره يا زماني

             صار اهواي اتاني

واني احسيني مارد ذاك الغروب

----------------------------

كل نجمه بعيون السمه

تبجي   عليه

وجروحي تنزف كربله

كل   مغربيه

اشتاك اله والله متت لاذكره خله يمي

واني عله باب الصبر كلساعه أفز بحلمي

من يوم المشه   سهرانه لليوم

اني ام البنين وكلبي ملجوم

            راح وما خذاني

           صار اهواي اتاني

واني احسيني مارد ذاك الغروب

-----------------------------
غير الحُسين بدنيتي

اشتسوه دنياي

الله جعلني لخِدمته

ومقصره اهواي

وديت وياه أربعه واني احس خجلانه

اولادي فدوه تروح اله بس سالم الريحانه

اتمنيت عندي عشرة   أولاد

كلها تروح فدوه   لبو السجاد

           من دهري اعاني

           صار اهواي اتاني

واني احسيني مارد ذاك الغروب

----------------------------

الخادم _ ابو فدك الشامي ✍

Читать полностью…

🌴تجمّع الزهراء ع العاشورائي🌴

20 декабря 2023 00:10

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

يالمطشر وذر عـــــــل كاع كلي شيجمع اوصالك
عمت عيني عليك حسين الخيل اشسوت بحالك
انذبحت من الكفه مولاي وسبايه راحت اعيالك
المــــــاي لبي حيــــــــاة الناس انت الماي جتالك

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

اجاك الماي بــــــس خجلان كعد يم منحرك صله
ولو مايسوه صــــــار الماي جي ماضاكه عبد الله
جمالك طشرو بالخــــــــــيل دخيلك ياجمال الله
طحت عل كاع بس يحسين مافزعولك أسم الله

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

من اجروحك جـــــــرح رايد اريد استشعر الامك
وعلــــــــمني اعيشك اخ يالمســــــــلوب هندامك
اريـــــد الخيل تسحكني مثل ماسحكت اعضامك
كون اعصرلك اعيوني ورش ميهن عله اخيامك

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

وحيد وطايح ومكــسور وماضل واحد ينصرك
وفوكك يفـــــتر الذبــــــــاح يريد بنحرك يطبرك
والله للشم مســــــــويه لا مـــــــو للذبح نحرك
السهم طك صدرك وعابر وطالع من خرز ضهرك

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

مثل ماي وطحت عل كاع ياهو اليكدر يلمك
من كثر السهام البيك ضـــــــل مايعرف جسمك
كبل ذبحـــــــــك يبو الاكبر تمنت زينب اتشمك
رمـــــح الشال راسك ذاك خضر من شرب دمك

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

اشماله الماي شـــــد وياك ومالامس اشفافك ليش
تحيه انت ويموت الماي شنهي الماي حته يعيش
بجسمك باوعت مولاي ماكو اصواب لك بالريش
باجر لــــــو متت عطــشان يحسين اتعوض بيش

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

بكاروكي وهلي يحــــــسين زرعو بالكلب حبك
هنيالي وبخــــيت اهواي كون انه ادخل الكلبك
انطيني اي جــــــرح منك كـــون بكربله معذبك
بس الخـــــوش زلمه وزين يثبت سيدي بدربك

السلام عليك يا اباعبدالله

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

Читать полностью…

🌴تجمّع الزهراء ع العاشورائي🌴

19 декабря 2023 22:56

فاطمه اتـــــــودع فاطمه
ابمنزل علي حامي الحمه

من ام الحسـن لم الگمر
طاحت على زينب سمه

                    ★★★★★★★★★

زينب يتيمه من الزغر… ومعاشرة الدمعة
من شالت البضعه… طاحت سمه السبعة

زينب زغيرة وشيبت… من فارگت أمها
ظل بس علي يمها… وام الگمر همها

اتروح ام حسن تلفي ام گمر… وتعوض الخله
البيت انترس كله….. من ريحت الدله

ام اربع اشيوخ الأجت… لو عزبت امهم
بالطف تقدمهم….. وزينب تظل يمهم

صاحت يعباس ابعزم
الزينب فده كل الزلم

طبع الگمر يهوه السهر… زينب عرشها امخيمه

                   ★★★★★★★★★

ام الحسن شالت امس … دم بچت الوادم
ونعش الاجل قادم… ايشيل ام گمر هاشم

ملچ المنايه ابهل مسه… حول على الديرة
وناده يبو الغيرة… اني ترة بحيرة

مأمور اجيت اقبض نفس… امك يهاالغالي
وشخصك تراوالي…. چن گاعد اگبالي

تأذن يخو زينب ألي …. روح امك اقبضها
هاي ياگمر فضها….. ادري اشكبر حضها

والله ونعم من جابتَك…
لحسين اخــــيك رَبتَك
وگالتلك انت اعله النهر… دمك لخوك اتقدمه

                    ★★★★★★★★★

لازينب اليمها تجي… وتنشف الدمعه
امك ترة امضيعه…. صوتك مته اتسمعه

ها ياگمر هاشم ردت… من الدنيا افكنها
وللجنه اشيلنها…    چي طولت ونها

يوميه تبچي ابلا وعي… وتذكر العشرة
وي زينب الحرة…. والي انگطع نحرة

چانت تشمه من النحر… وتگله ماعوفك
تذبحني بطيوفك…. لو لحظه ماشوفك

مشتاگه اشمك كل مسه
يحسين ابن خير النسه

بس تمشي اموت من القهر… يمك اعيش امعلمه

                    ★★★★★★★★★

عزريل انه وجيت ابأمر… ورب السمه عالم
يالعل نهر نايم…. اعليك ابعلي سايم

راح ادخل البيتك وأطب… واتعذر من امك
الوي الهوه اتشمك… ومن نلتقي اتفهمك

بالجنه من نگعد سوه…. لمن تحاچيها
تحچيلك البيها…. وشنهي اليأذيها

لاشك تگلك ياگمر… فرگاكم اذاني
والدمع فضحاني… وحسين ذبحاني

ابكل مغربيه ياگمر
اگعد واگلب بالصور

وحسين اشوفه ابلا نحر… ومخظب الشيب ابدمه
                     ★★★★★★★★★

بيت امك ابلايه زلم… موحش بقه وخالي
وينك يهالوالي …. رِف بيرغك عالي

حته العرب تنظر ألك… وتتفهم الغايه
تدخل للولايه…. وبچفوفك الرايه

جايب نعش من كربله… وحسين يبرالك
وشصاير ابحالك….. نعش امك اگبالك

تتهدل وتلطم تظل… حد ماتهد حيلك
وحسين يبچيلك….. زينب ترة ادخيلك

متعَلگه بطـــــــــــراف النعش
وصوت الحزن بالديرة طش

ظهر السلف كله انكسر… لمك يسبع الموزمه
                ★★★★★★★★★

شيع نعشها باالسلف… بس اسرع الخطوه
ها ياگمر فدوه…. والكربله المنوه

تتمنه أمـــــك تندفن... يم گبر ابو اليمه
كل لحظه وتشمه…. امك مثل أمه

وتگله يحسين البُعد…هد حيلي ودخيلك
مابيه وامشيلك….   عميه انه وابچيليك

ماتدري يبني من البچي…. هالمولحت عيني
وخدامك ابنيني… ابخدمتك خليني

اني وبنيني ابكربله…
خدامك اكبر منزله
مروتك يبن سيد البشر… تقبلني يمك خادمه

                    ★★★★★★★★★

ـــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

Читать полностью…