7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
وسكنة منهي فيهن عرّفيني
رباب بلا طفل ما تجاوبيني
وقية طفلة حسين الصغيرة
-----------------
صارت تسأل عن بنات الحسين ع واولاده وزينب تخنقها العبره~
تگلها عبدالله انذبح عا صدر الحسين
گوموا انصبي مأتم يم البنين
مذبوح الولد صابه سهم البين
ورقية بالشام دفناها أسيره
خادمة آل محمد✍🏻
آه آه موﻻتنا أم البنين(ع) تنظر لحالها زينب نحيلة شاحبة بشرتها متقشرة متغيرة الاحوال والنساء كذلك واويلاه وامصيبتاه
*لقاء زينب مع ام البنين لحن يا ناقتي~*
يم البنين~ خليني اخبرچ عالمصاب
يم البنين ~ حسينچ ذبيح على التراب
يم البنين~ نوحي على مصاب الشباب
جواب ام البنين
اعرفچ انا ~ وصوتچ عليّه مو غريب
أعرفچ انا~ هذا الوجه لا مو غريب
اعرفچ انا~ تگللها انا اخت الحبيب
انت زينب~ وانت عقيلة حيدره
انت زينب ~ وملامحچ متغيّره
انت زينب ~ خبريني بالله عالجره
جواب زينب~~~
زينب أنا~ ما تعرفي ام الدلال
زينب أنا ~ ساقوني بقيود وحبال
زينب أنا ~ واتيسّرت بين الرجال
ام البنين سمعت الخبر لطمت وجهها ويلاه زينب انت عقيلة الهاشميين سبية؟ ما عرفتيني يا ام البنين؟
تگلها العيون~ منك يا زينب ذابله
تگلها الجسد~ اشوفچ هزيله وناحله
تگلها الدلال~ شسوّت يا زينب كربله
صاحت ويلآه~ لا تنشدي يم البنين
صاحت ويلآه~ لن راس شايب عالحسين
صاحت ويلآه ~ وعباسي مگطوع اليدين
آه زينب زينب زينب
خادمة آل محمد✍
صارت تسأل عن بنات الإمام الحسين(ع) وبنات رسول الله(ص)
وصاحت زينب يا ليلى يا رباب يا سكينة يا ام كلثوم قوموا واستقبلوا عزيزتنا وشريكتنا في المصاب~
گلتلها
يا يمه أنشدچ عن رقيه ما شفتها
خاف ويا البنات وما عرفتها
العليلة دوم تنشدني عل ختها
ولن زينب بعبره جاوبتها
أنا بارض الشام يا يمه دفنتها
بالخرابة جنازة وشيعتها
طفلة وخطفها يا ويلي البين
بعد المصيبة عظيمة آه آه
*حوار ام البنين ع ومولاتنا زينب ع /لحن أمانة هالوصية للسيد قشاقش*
يا عزّ الهاشميه
شعظمها هالرزيه
اشوفچ بلايا خوّان
ودمعاتچ جريه
وين الاحباب الاحباب الاحباب
آه غيّاب غيّاب غيّاب غيّاب
-----------------
أسأْلِچ عن حبيبي
ابو الأكبر طبيبي
يبلسم لي جراحي
حسين ابن الزچيه
وين ألقاه ألقاه ألقاه
روح تهواه تهواه تهواه
-----------------
وينه قمر العشره
وزينب هالأميرة
اشوفچ بلا يا كافل
وردّيتي سبيه
راح عباس عباس عباس
راح عباس عباس عباس
----------------
جواب زينب ع
استعدي للرزيه
بأراضي الغاضريه
ذبايح يمه راحوا
انصبي عليهم عزيّه
حسين مذبوح مذبوح مذبوح
بطف مطروح مطروح مطروح
خادمة آل محمد✍🏻
وكأني بزينب تأن وتنادي وعباساه وتجيبها ام البنين واحسيناه~ زينب اخبريني عن الحسين
لحن خوية وحدة من اليتامى للشيخ زمان ~
تگله گومي واستعدي للمصيبه عالغريب
عينك تشوفه رميه وجسمه عالرمضا سليب
وراسه فوق السمهريه
والنحر منه خضيب
واحنه من بعد سبايا رحنا للشام الشؤوم
بعد أم البنين تنظر في عيون زينب الذابلتين ترى واقعة كربلاء والمحنة التي حلت بها
واذا بها تُخرج ترس العباس الملطخ بالدماء واعطته لأم البنين وهي تأن أنينا واعباساه
ملطخ بدم الكفيل درع الگمر
يام البنين لو تشوفينه عالنهر
طاحن چفوفه وكنّه مني يعتذر
يگلي يختي يا زينب ٱعذريني
*لقاء ام البنين ع مع زينب حال عودتها من كربلاء* لحن الجفيري♪
تگله دگومي وانصبي
مأتم على ولاد النبي
اجينا يا يمه من السبي
ويّانا ما رد الحبيب
〰〰〰〰
تگلها دسمعي هالمصاب
ولْحِيرتچ عندي الجواب
موسّد حبيبك عالتراب
وبدمومه من نحره خضيب
〰〰〰〰
تگلها دخبريني الجره
صدق حبيبي عالثره
حزوّا الأعادي منحره
منه جرحي لا يطيب
〰〰〰〰
تگله بعد حاله صعب
ما ٱتروّى كبدت ولا شرب
رضوا ضلوعه عالترب
وثوبه بعد منّه سليب
〰〰〰〰
زينب كافي يا بنيتي فجعتي قلبي اه اه
وان تسألي عن الگمر
ظل مرمي ويلي عالنهر
عظّم إلچ يُمّه الأجر
زيدي على ولادچ نحيب
〰〰〰〰
لو ٱن تجي لرض الطفوف
عالمشرعه شفتي الچفوف
وجسمه توزّع بالسيوف
وحاله مثل حال الغريب
〰〰〰〰
الشاعرة خادمة آل محمد ✍🏻
واويلاه وامصيبتاه~
ثم شالت قميص الحسين المطلخ بدمائه واحسيناه واذبيحاه~
تگلها
*ام البنين ومولاتنا زينب ومعها قميص الامام الحسين ع*
واحسينا آه~ ³لحن الخضيب♪
هديه جبت من كربله ليچِ من المذبوح
هذا قميص المنذبح كم طعنه بيه وجروح
لو عينك تشوف لجره ودم النحر مسفوح
بدم الوريد مخضبه شيبه بلون الدم
واحسينا آه~ ³
〰〰〰〰
مذهوله گامت شافته وتشمّه من عطره
تگلها دخيلك سولفي هالمحنه يا حرّه
تگلها عزيزچ عالترب حزوا العدا نحره
وهذا قميصه والأثر من نحره فيض الدم
واحسينا آه~ ³
〰〰〰〰
گِعْدي اريدن اخبرك عن كل جرح صابه
صابه المثلث بالقلب ومن دمهِ خضابه
ألف وتسعميّة جرح ودمومه سچّابه
والاعظم خيول العده بصدره تدوس علوم
واحسينا آه~ ³
〰〰〰〰
خادمة آل محمد✍🏻
واويلاه وامصيبتاه
ياراحلين عَنيه
الدارُ أمست خاليه
باللهٌ يا أحبتي
لاتتركوني باكيه
هل أراكُم..هل أراكُم..مرةً ثانيه
...
لو يرد بيكم زماني
بالعمر كله اشتريكم
كمت حته الباب اشمه
بي عطر باقي امن اديكم
آنه لو اندل اثركم
غبشه من باجر اجيكم
اعيوني وياكم اخذوهه
امبارك اتباوع عليكم
قلبي أسيرُ الكربتي
لقائُكم أُمنيتي
ومن حنيني والبكا
قد شيّبت عبائتي
وَكأني..وَكأني..سعفةٌ حانيه
...
آنه أم اربع كواكب
مدري ام اربع مواكب
كمت للحيطان اسولف
اهلي راحو والكرايب
أمن الصبح ادخل غرفكم
وبصوركم بس اعاتب
الشيعه غايبهم المهدي
وآنه عندي احسين غايب
كانَ بقربي كالضياء
أراهُ صبحا ومساء
ناديتهّ ياسيدي
ياقاصدا لٌكربلاء
منكَ ارجو..منكَ ارجو..نظرةً كافيه
....
جارتاه كلتلهه كافي
بالبنين اتذكريني
مني راحو اربعتهم
وانهدم بيتي الحسيني
مؤمنه ابهذا مصيري
وانه مايضعف يقيني
لاجن الفركه جبيره
المغرب ويكثر حنيني
شمسُ الحسينِ غائبه
رقيةٌ تدعو أبه
وآحسرتا لِزينبٍ
كأنها مُسلّبه
وَعليها..وَعليها..دَمعتي جاريه
...
غمضت عيني وشفتهم
مرقد ومابي مناير
الروس مشيوله بعواسل
والاجساد بلا مناحر
واحد امكطعه اجفوفه
وواحد اتدوسه الحوافر
ابوطول اليملي عيني
احسين شو طشار صاير
العينُ في منامِها
والروحُ في احلامِها
رأت ذٌئابٌ جائعه
تَنهشُ في إمامِها
وَهنالك وَهنالك..خيمةٌ طافيه
...
صحت يامولاتي زينب
اوياج مسبيه كأني
وآنه كل سوط اليضربج
كبل متنج يدمي متني
السوط من يضرب سبيه
أحس يشلع وصله مني
اشما بجيتي اوياج ابجي
امصايبج والله عمني
أرى نساءٌ شارده
وبعضُهن مُقيّده
قد رَبطو أيديَهن
واحدةّ بواحده
يرتدينَ..يرتدينَ..سورةُ الغاشيه
...
آنه احس بالمر عليكم
انتم ابذمتي امانه
روحي تمشي اوي السبايه
احسين اتفگد مجانه
للقصر دخلو راسه
الجان سلطان ابزمانه
لن يزيد اكبال زينب
ضرب راسه بخيزرانه
أسنانهُ تكّسرت
بينَ الهوا تناثرت
وزينبٌ تُرتلٌو
اذا السماءُ انفطرت
في عيوني..في عيوني..صورةٌ داميه
....
كلمات محمد الجماسي
في ذكرى وفاة السيدة أم البنين ع
يتنازف القرآن
يبچي گمر عدنان
غابت الليله أم البنين الحبيبه
والجرح يكبر إذا يرحل طبيبه
يبچي گمر عدنان
&&&&&
اشـ هالمصيبه
الليله بالحسره انطفت شمعةْ فضايل
يا هظيمه
وگف گلب الچان نهر الغيره شايل
بالمواجع
مدمع القرآن هاي الليله سايل
او ها يشيعه
بالمجالس خل نواسي أبو فاضل
هالليله يا هالناس
خنواسيِ العباس
الدنيه بعد أم الوفه وحشه او كأيبه
والجرح يكبر إذا يرحل طبيبه
يبچي گمر عدنان
&&&&&
الفاگد أمه
اتشوف خده امن البچي و ادموعه ناگع
ابطول عمره
كل نفس يتنفَّسه ايزيد المواجع
گمر هاشم
ماتت أمه او صارت اتكسره المدامع
أبو فاضل
بالگبر صح هوه بس حس روحه ضايع
صح بالگبر هوه
بس گام يتلوَّه
امصيبةْ الأم يا بشر أعظم مصيبه
والجرح يكبر إذا يرحل طبيبه
يبچي گمر عدنان
&&&&&
أم البنين
من مشت وحشه صفت هاي المشاعر
و المنابر
صارت اعليها تصب دمع النواظر
تبچي بالآه
او حيل تلطم عالصدر شفت الشعائر
ابنص مهجنه
فرگة أم الأربعه طبعت حوافر
فرگتها أم البنين
جرح او يظل بالعين
و الأجلها كل گلب نسمع نحيبه
والجرح يكبر إذا يرحل طبيبه
يبچي گمر عدنان
&&&&&
يم كرمها
كل نهر هوه يغطِّ ابمستحاته
او دين ألله
اعليها من كثر البچي يبست لهاته
الما عرفها
ما عرف عباس هذا او تضحياته
منها ماخذ
يا بشر يا ناس أبو فاضل صفاته
كل غيرته او معناه
من عدها إيه والله
الـ مجلس أمه غيرته الحلوه تجيبه
والجرح يكبر إذا يرحل طبيبه
يبچي گمر عدنان
&&&&&
يصرخ احسين
اتروح أمي الليله يا عالم هظيمه
او هذي زينب
بعد أم الأربعه صارت يتيمه
اجروح عاشر
امصيبة أم عباس صارت الها هيمه
و المُخَيَّم
من دهر موَّت وفه صاح الظليمه
الربَّتنه عالغيره
خلَّتنه بالحيره
مثل هالمرأه ابهظم ترحل عجيبه
والجرح يكبر إذا يرحل طبيبه
يبچي گمر عدنان
&&&&&
الليله ماتت
أم البنين اللي شالت روح خضره
يا حسافه
راحت التبچي على المظلوم او نحره
دوم تبچي
على ذاكه السحگت الخيَّاله صدره
غَمُّضَت عين
بيها صورةْ زينب او الأيتام أسرى
عالمنهشم ضلعه
لآخر نفس تنعه
هيه ماتت و السبب شيبه خضيبه
والجرح يكبر إذا يرحل طبيبه
يبچي گمر عدنان
&&&&&
إبراهيم الدريس
١٤٤٤هـ - ٢٠٢٣م
الله يساعدچ يالفاگده حسين
حگج لو دموعچ تجري بالعين
وانطيتي اربع زلم منچ صدگ والنعم
يا ام البنين__ ياام البنين
_______
ماشفنه الحسين ومن نذكره انوح
بس يمرنه ذكره نصير كلنه اجروح
وانتي الچان بيتچ عطره منه يفوح
اشصار ابحالچ امن اسمعتي بي مذبوح
هم گلولچ اسوالف على الخيل
من داست بصدره وسحگته حيل
وبهايه عندچ علم_منچ صدگ والنعم
ياام البنين____ياام البنين
________
بشر لمن حچالچ ماحچه الحاله
ماگلچ عزيزچ فوگه خياله
ولا گلچ يحره بحالة اطفاله
وبحرگ الخيم من طشت اعياله
لوبس سامعه وشصار ماصار
لمن بالخيم واشتعلت النار
وماتت رقيه بحلم ____منچ صدگ والنعم
ياام البنين ____ياام البنين
________
مايرجع بعد شيرجعه ابو اليمه
ومكتوب اعله دارچ بالحزن ضلمه
مثل يعگوب عينچ بالبجي تعمه
حسين الچان نعمه وراحت النعمه
راح حسين لا مايرجع الراح
والرايح عزيزه اشلون يرتاح
جرحچ بده ينرسم———منچ صدگ والنعم
ياام البنين ____ياام البنين
_____
عن ولدچ اسئلچ وين صارو وين
كون تشوف عينچ طيحة الچفين
وعباس بوگعته وكسر ظهر حسين
اولدچ من مشو واشلون لوتدرين
بحب حسين ذابو مثل الشموع
صدگ يستاهلون انصب الدموع
من عندچ اخذو عزم _منچ صدگ والنعم
ياام البنين ____ياام البنين
______
سواچ الله باب وللكرم خلاچ
لان لحسين بالطف چان كل ارباچ
تمنينه اعلى گبرچ كون بي شباچ
ونجي لصحنچ نزوره ونضل نبچي وياچ
چا هسه اعله بابچ تبچي هالناس
چا غير انتي ام الگمر عباس
ابنچ هذاك الشهم _منچ صدگ والنعم
ياام البنين ___ياام البنين
_______
✍️احمد علي البغدادي
محرم الحرام 1445 هـ
زينب وأم البنين ع
أربعة انطيت يلبوة حيدرة
فدوة لحسين وأحس امقصرة
ريت كون انطي العمر قصرت يم الخدر
أربعة انطيت يلبوة حيدرة
* * * * * * * * * * * * * *
يمّي ياريت تشوفين اشحصل
يوم الحسين على الكوفة وصل
شسوة عباس اخوي ابن الفحل
وجعفر أو عون وعبد الله البطل
ذلو اجيوش الكفر العندة مثلج يفتخر
وين اكو اتجيب زلم مثلج مرة
* * * * * * * * * * * * * * *
انه ربيت يزينب هالزلم
لجل الحسين يشدون العزم
أربع أحيود شهم يتبع شهم
لچن مرات أحس آنه ابهظم
مافديته ابرگبتي هاي چانت منيتي
ابروحي اواسي الزهرة الطاهرة
* * * * * * * * * * * * * * *
يم البنين عطائج موقليل
ماكو مثلج أبد لا مستحيل
عن دراية اختيارج من عقيل
لجل زينب تجيبين الكفيل
اختارج الزينب سند عدها لو ماضل أحد
والجزة هناك ترى بالآخرة
*
باچر اشلون شگل بنت النبي
لا شفت سوط ولا ظيم السبي
وحرك الخيام ولا سبني أجنبي
ردت وياج يزينب مطلبي
ومثلج الخيمة تشب وهم يحركون الكلب
وردت وياج أروح أميسرة
* * * * * * * * * * * * * * *
انتي ظيمين حملتي ابضلتج
ظيم الفراگ أو ظيم اللوعتج
انطيتي للدين فلذت جبدتج
وعلى المظلوم جريتي دمعتج
انتي منبع للوفة ابيوم ابن حذلم لفة
انتي للدين هيبة أو مفخرة
* * * * * * * * * * * * * * *
گلبي مالوم يبنت ام الحسن
مات الحسين غريب ابهالوطن
دارت إعليه المصايب والفتن
ريت العيون عكب شخصة عمن
عگب عينه وين أروح تارس گليبي جروح
ريت روحي ابدالة أعلة الثرة
* * * * * * * * * * * * * * *
كلمات الشاعر والرادود عدي البصراوي
ام البنين احمد العكيلي
عاهدت ام البنين .. ما ارد للمعصيه
وابقه خادم للحسين .. واحضر بكل تعزيه
منهه زودي وهمّتي ما اعوفن خدمتي
ــــــــــــــــــــــــــــــــــــــ
شكد جنت ظالمهه روحي بالذنوب
اذنب وكل يوم اكولن راح اتوب
ابلا طموح وامشي تايه بالدروب
كلبي جاحد مو مثل باقي الكلوب
صوت اجاني بالمنام .. كلبي ساعتها ارتعد
كلي لدروب الحرام .. كافي لا ترجع بعد
ارد ابرّي ذمّتي ما اعوفن خدمتي
ـــــــــــــــــــــــــــــــــــــــ
صوت جني سامعه بمجلس عزاء
صوت شايل بي حزن من كربلاء
كالت انه ام البنين ام الاباء
والوفه طبعي يظل للاوفياء
كالت انه الليله اجيت .. واعتني بنفسي الك
شفتك ابمجلس بجيت .. كلت لازم اوصلك
وادري تعرف قيمتي ما اعوفن خدمتي
ــــــــــــــــــــــــــــــــــــــــ
دمعتك كالتلي تجري بلا شعور
وكل خميس بكربله انشوفك تزور
من تطب يم كبر عباس الغيور
الك جانت سبب تسهيل الامور
يم ضريحه ادري بيك .. لجلي تهدي الفاتحه
لهالسبب انه اعتنيك .. واليجينه انسامحه
هذا طبعي وشيمتي ما اعوفن خدمتي
ــــــــــــــــــــــــــــــــــــــــ
كمت فوك الراس ادك وابجي بونين
ياهو انه وتعتنيلي ام البنين
دنكت راسي .. واباوع مالي عين
جني اشم بالصوت ريحه من الحسين
وابتده حساب الضمير .. كمت اعض اصبع ندم
وكلت معقوله اصير .. خادم انه من الخدم
وابقه رافع هامتي ما اعوفن خدمتي
ــــــــــــــــــــــــــــــــــــــــ
مدري افرح مدري ابجي بهالكلام
من تكلي الك من زينب سلام
ادري ما استحق كل هالاحترام
وانه عاصي شجابني البنت الامام
انت من تلعن يزيد .. هيه تفرح باللعن
زينب اتقدرك اكيد .. كلمه كالتهه بحزن
ربي زيد بنعمتي ما اعوفن خدمتي
امي راحت وين اروح. وكثرت بيه الجروح
يم البنين. يم البنين
---------------------------------------------------
اليله ماتت فاطمه. وروحي جن محزمه
بيه الاحزان
اليله دفنوه بكبر. واني ما ضلي صبر
بين الاوطان
خلفت امي اربعه. للحسين ومرضعه
وين الحنان
راحت امي يا خلك دفنوني وياهه
ام البنين وثمره راح بحماهه
يم البنين. يم البنين.
---------------------------------------------------
حسين طاح م‌ـــِْن العصر. فاطمه وكسر الضهر
بيه الجروح
ام البنين ودمع. طوله ابيتي يشع
عليه وتنوح
شدة حسين بزلم. حيد ابد ما ينهزم
يطلع الروح
خلفت زلم اربعه وكون بحماها
اندفن كون بكبر اليله وياه
يم البنين. يم البنين
---------------------------------------------------
خدمتك حيدر علي. يا بعد ناسي وهلي
تكله الكم
واستك وبفاطمه. والضلوع امهشمه
من تواسيكم
دارت حسين وحسن. اليله ضماه الجفن
م‌ـــِْن يداريكم
وبحنان وطيب امهم لمن الكاهه
سمعت حسين انقتل الموت لافاهه
يم البنين. يم البنين.
---------------------------------------------------
ويه زينب تنسبي. وتحترك يمه العبي
وتحمل الحسره
نادت حسين الولي. الگمر ڱڵـه. ادللي
منهو التصبره
ابن حذلم م‌ـــِْن رجع. كال اصبعه من انكطع
افدي الك عمري
انطت اولاد اربعه وكت النفاهه
وفت وضحت صدك لمن نخاهه
يم البنين. يم البنين.
---------------------------------------------------
شمعة البيت انطفت. دموع فوكي هم بجت.
زينب الًيَوُمًِ
يمه طكاني الشمر. سوطه بمتوني وزجر
اشبع هموم
هم صحت وين الگمر. خويه حادينه الشمر
انهض وكوم
كوم يا عباس يمه ورد ضناهه
اختك تنخت صدك من ورماهه
يم البنين. يم البنين.
---------------------------------------------------
لخادم ام البنين ع.
الشاعر والرادود سيد عون الداوودي
ويـن الـگـه مثلچ بالكون يـا إم البنين
عايش اظل آنه بخير لو عني ترضين
===========================
مـثـل خــدامـچ أعـيـش ابـجـو خـيالـي
مجلـسچ بـي تحـضر اصحاب المـعـالـي
مـن وحـي الخدمه فضـل ربـچ وحـالي
من اسمع اسمچ هيچ احس يرتاح بالي
المجلس عزائج مطلوب وجيت اوفي الدين
عـايـش اظـل آنـه بـخـيـر لـو عـنـي تـرضين
===========================
علـمـيـتيـني أحـن رزقـيـنـي نـضـره
والـخـدم بـابـچ صـدگ يـزداد قـدره
انتي حضره صرتي للمحتاج حضره
رايد اتـوفقيني كـل مجلس أحضره
حـتى اعـبـر بيـوم الديـن يوم الموازين
عـايش اظـل آنـه بخـير لو عني ترضين
===========================
مــذنـب وزيـنـاتـي أدريـهـا قـلـيـلـه
أمشي ألمن يمـه حتى آنه اشتكيله
اعليچ سيدها النجف حامي دخيله
غيركم مـولاتـي مـا عـندي وسـيلـه
دوم الـهـج بـأسـمچ دوم وابّـالـي كـل حـيـن
عـايـش اظـل آنـه بـخـيـر لـو عـنـي تـرضين
===========================
الله مـن دون الخـلـگ مـنـعـم علـيـه
مــا أحــيــر بــكـل أمــر وبـأي رزيــه
عـرفـانــي بـزيـنـب وامـهـا الـزچـيـه
ام عـون بعـتابـچ تـره دلـتـنـي هـيـه
گـالـتـلي هـاي ام عــبـاس غـيـر الـنـسـاويـن
عـايـش اظـل آنـه بـخـيـر لـو عـنـي تـرضين
===========================
إنتي فـهّـمـتـيني مـعـنـى الحب بشاره
ولــذلــك عـايـــش بــــدور الـــصــداره
انـتـي مـن تنــطـيـن تـنـطـيـن بـغـزاره
انطـينـي مولاتـي الشفـاعـه والـزيـاره
واصبح قريب اعله حسين واعـلـه الميامين
عـايـش اظـل آنـه بـخـيـر لـو عـنـي تـرضين
===========================
25/12/2023 الاثنين
١١/جمادى الآخر ١٤٤٥ هــ
الشاعر الميرزا محمد الساعدي
قصيدة في فضل وكرامة وعظمة السيدة أم البنين عليها السلام (قاضية الحاجات)
فارش على خدي سفرة ادموع
صوت اونين گلبي عدها مسموع
كلما كسرني الدهر
أنصب على ام الگمر
سفرة ادموع
***
أنا اشما أنجرح والهم ،، تراكم عالصدر واشتد
على اتراب الكرم والجود ،، أحط اجبيني واتوسد
تفيض ادموعي چن سفره ،، على خدي وتظل تمتد
واصيح بحق ابو فاضل ،، لحد ما جرحي يتضمد
واصرخ يا كريمه انخاچ نخوه
ماعندي اعلى همّ الدنيا گوّه
أنخاها والقى الأثر
أنصب على ام الگمر
سفرة ادموع
***
أنا اليگصدها في كل حال ،، إذا محتاج ومو محتاج
أروح الها ابعافيتي ،، واروحن لو أريد اعلاج
الحياة اشما عليْ تظلم ،، أشوف ام البنين اسراج
ولا يحتاج احلّفها ،، الكريمه تدري ما يحتاج
گلبي اشما تلوّه ايلوذ بيها
اجروحي اتطيب من تمسح عليها
كلما دليلي انكسر
أنصب على ام الگمر
سفرة ادموع
***
تفيض اعيوني كل مجلس ،، باسمها ينعقد كل حين
"اليطالع عالوجن يلگه ،، انكتب بدموعي "يم لبنين
أحب انخاها كل ليله ،، ارتبط وياها دمع العين
لچن ما تقبل ادموعي ،، إذا ما تجري لجل احسين
تگضي حاجتي الرايدها ليّه
كلما أبچي لجل ابن الزچيه
كلما عليّه انذكر
أنصب على ام الگمر
سفرة ادموع
***
تمر الايام وأتشرّف ،، أزور الطاهره الحره
واسلْم اعليها ماهمني ،، المعادي المنها يتبره
الهدم حضرتها ما يدري ،، المدامع شيّدت حضره
الگبرها امن السمه فرشت ،، ملايكة السمه سفره
سفره امن الفضايل والكرامات
ما خاب الگصدها وعنده حاجات
لو جرحي والهم كبر
أنصب على ام الگمر
سفرة ادموع
***
تمرّ بكل سنه الذكرى ،، ويرد موقف "بِشِر" بذني
واذا جافه الحزن گلبي ،، إبن حذلم يرد حزني
واونّ لمصرع المظلوم ،، ويزيد لمنحره ونّي
واحس چني اويا أم لبنين ،، واشاركها بدمع جفني
ماجوره أگلها بذبح لولاد
وماجوره ييمه ببو السجاد
أبچي اعلى راعي النحر
أنصب على ام الگمر
سفرة ادموع
***
خادم العترة الطاهرة
قاسم المطوع
1445
*قصيدة لوفاة أم البنين (طر المكبره)*
*من ديوان📚دموع وعبرة في رثاء العترة ج٣*
❥━──➸➽❥❂❥━──➸➽❥❂
ياعباس طر المكبره بساع
لمك كوم لمك كبل الاوداع
❥━──➸➽❥❂❥━──➸➽❥❂
طر المكبره وامك تعناها
اليوم تطالبك ياحيد برباها
تنخت بيك كوم اسمع لنخواها
كرب موتها وهاجت الاوجاع
❥━──➸➽❥❂❥━──➸➽❥❂
امك يالكمر كربت منيتها
ما تلحك عليها تشوف حالتها
من يوم المتت تجريها دمعتها
وياك اتمنت تنام بفرد كاع
❥━──➸➽❥❂❥━──➸➽❥❂
الموت تمنته وياك يالغالي
دمع العين هذا اليوم ضل هالي
خلاها الزمان بعازة الوالي
كضت كل عمرها تصيح يسباع
❥━──➸➽❥❂❥━──➸➽❥❂
عمرها نذرته لحسين واخوانه
وعباس الذي كطعو ذرعانه
رداته يجي يعاون الدفانه
تكله ردتك بهاليوم فزاع
❥━──➸➽❥❂❥━──➸➽❥❂
رادتك تجيها بساعة الشده
عليها تأخريت وطالت المده
نعشها شالته المتون وتعده
ودفنوها وبعد كل الامل ضاع
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
ذكرى استشهاد ام البنين عليها السلام
لسان حال الشاعر
فعلن فعلن فعلن فعلن
.......
رحلــــت ام عباس الليله
منهو اليوم النعش يشيله
«««««««🏴«««««««««
ریت الكـافـل یـــحضر لیــها
ابحیـــره وحيــــده میخلیها
اتـراب ابـــچفه أیهـله علیـها
والمـــدمع یـــم امــه یهیـله
✍🏻الشاعره ام عباس الحسیني
«««««««🏴««««««««
ميقصــــر عبــــــاس الهيبه.
نعش امه هااليـــــله يجيبه.
ويبچي عليهه بدمعه سجيبه
والكـــــافـــل كلهـــا اتانيــله .
الشاعره ام فاطمة الزهراء✍
«««««««🏴«««««««««
اتمنـت لو يحـظرها ابــنها
وبلوعــه وحــركه يحضنها.
وبجفوفه الكافل يدفنهه
و الدمع الفركاها ايسيله
✍ #الشاعره علويه ام فاضل
«««««««🏴««««««««
تمنــــت عــباس يشــيعهه
وناتــه ونوحـــــه یسمعهه
وبهيـــــبه وزود يـــطلعهه
وذاب علــيهه ويلـي دلـيله
✍🏻الشاعره خادمة ام الحسن
ام مهدي الفرطوسيه
«««««««🏴««««««««
تمنّته يشـــــيل جنازتهه
عبـــاس ورادتــــه يزتهه
چفوفه الماتنسد عازتهه
نعش امه براضه يتچّيله
✍ #الشاعره ام محمد الحجاج
«««««««🏴««««««««
البيرغ ويّاه كون يجيبه
ويهوّس بي لمـــه الهيبه
وفــاي ويحــضر تدريبه
لــوطارش منهه تـودّيله
✍ # الشاعره ام محمد الحجاج
«««««««🏴««««««««
خل يحضر عباس اتريده
يا ريت ويــدفنها ابايده
نعش امه لوشاله ابهيده
تهمل عينه اكفيل العيله
✍الشاعره خادمة آل القائم(عج)فاطمه اللامي
«««««««🏴««««««««
رادت عباس اليدفنها
امه وبالرايه يكفنها
منتظره وما بطلّت ونها
وتندب يابن حامي ادخيله
✍🏻الشاعره ام سید یعقوب الموسوي
«««««««🏴««««««««
يحضر ليهه تريده بهـمه
يدفنـــها والقبر ايـــشمه
ینصـب مآتم يم لـــحد امــه
وينعي لفرگاها ويبچيله
✍🏻الشاعره ام عباس الحسیني
«««««««🏴««««««««
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
▪️فزاعيه▪️
في وفاة السيده ام البنين عليها السلام
ماتدري يبو فاضل
امك شالت الليله
ماتدري يبو الغيره
امك ماتت ابحيره
للطف شوفها اتديره
اتهل الدمع واتسيله
———-
شالت والقلب خلصان
گضت هالعمر باحزان
صاحت وينكم يااحنان
نعشي منهو ايشيله
———
تربي اعيونها للباب
صاحت وينكم ياحباب
كلكم هلمسا غيّاب
والله ونتي اطويله
———-
من شال النعش لامك
رادت هلسا اتضمك
يا عباس واتشمك
لكن ما لها حيله
———
شالت والگلب ممرود
تنعه اعله النهر ممدود
لا عين وابلايه ازنود
واحسين انهدم حيله
———
آ يااحسين يالمذبوح
يبني ياحبيبي اتنوح
گالواْ كل كتر مجروح
داسك العدو ابخيله
——-
يايمه المنيه اتلوح
اعليك امفطره هالروح
وعباس ابعمد مفضوخ
روحي اعليكم انحيله
———
بقلم:بنت الشمري
قصيدة في وفاة أم البنين الطاهرة عليها السلام ،،،،،،
ــــــــــــــــــــــــــــــــــــــــــــــــــــــــ
والنعم منچ يَمّ البنين .... والله
لأم الحَسَن يالحُرّة توفين .... والله
بالأربعة العندچ تِضَحّين .... والله
ـــــــــــــــــــــــــــــــــــــــــــــــــــــــــ
والله يَم عباس حاير شردسولف
والقلم خجلان بيدي وهسه يرجف
شگد إلچ ويه الزچية من مواقف
خايف بحگچ أصيرن غير منصف
خايف تِقصّر عندي الاشعار ـــــــــ والله
أطلب سماحچ يَم الأطهار ـــــــــ والله
لو عندچ اكثر ما تبخلين ـــــــــ والله
بالأربعة العندچ تضحين ــــــــــ والله
ــــــــــــــــــــــــــــــــــــــــــــــــــــــــــ
صرتي أم لحسين من عگب الزچية
والحسن ناداچ يالحُرة الوفية
وللعقيلة انطيتي كل عمرچ هدية
والگمر نوّر لياليكم سويّة
عبد الله وي جعفر وعثمان ــــــــ والله
للمرجلة وللغيرة عنوان ــــــــ والله
كلهم نذر لتراب الحسين ــــــــ والله
بالأربعة العندچ تضحين ـــــــــ والله
ــــــــــــــــــــــــــــــــــــــــــــــــــــــــــــ
يذكر التاريخ عنچ أروع أخبار
ياللي ربيتي بوفائچ أربع أقمار
منّچ العالَم عِرَف مفهوم الإيثار
واللي ما يعرف نگله بكربله شصار
حِملِچ ثِجيل وشِفتي الهموم ــــــــ والله
سهرانة عينچ تحسب انجوم ــــــــ والله
حاشاچ إنتي الماتقصرين ـــــــــ والله
بالأربعة العندچ تضحين ـــــــــ والله
ـــــــــــــــــــــــــــــــــــــــــــــــــــــــــ
عن فِعِل أولادچ الأخبار تشهد
موقف بوادي الطفوف وظل مخلّد
إسمچ بلحظة شهادتهم تِرَدّد
حاشا ما خذلوچ وي بضعة محمد
والنعم منهم رفعوا الراس ـــــــــ والله
للتضحية وللغيرة نبراس ـــــــــ والله
عباس ينطي الخوة چفين ـــــــــ والله
بالأربعة العند تِضَحّين ـــــــــ والله
ـــــــــــــــــــــــــــــــــــــــــــــــــــــــــــ
يَمّ البنين اعتقد بالطف حِضَرتي
بساعة الكلمن وگع بالحومة شِفتي
وعالكفيل الظامي بدموعچ نِدَبتي
ولَجل أبو السجّاد عالوجنة لِطَمتي
يا يمّة چتلك هَدّم الحَيل ـــــــــــ والله
إنته علَصدرك تسحَگ الخَيل ــــــــــ والله
يا مَن أخوك بلاية چفين ــــــــــ والله
بالأربعة العِندچ تِضَحّين ــــــــــ والله
ـــــــــــــــــــــــــــــــــــــــــــــــــــــــ
مِن وِصَل ناعِي المصايب للمدينة
شنهو أخبار الأطايب تِسألينه
والأجر عظّملچ بوَنّة حزينة
بالشباب الطاحوا وحامي الظعينة
جاوِبني إبني حسين وينه ـــــــــــ والله
بَس لا عِزيزي ٱمگطعينه ـــــــــــ والله
المِنّه لا ما شبعَت العَين ـــــــــــ والله
بالأربعة العندچ تِضَحّين ـــــــــــ والله
ــــــــــــــــــــــــــــــــــــــــــــــــــــــــ
تِنقضِي الحاجات يَمّچ يالنّجيبَة
يِنتخِيچ الشيعِي لو طاح بمُصيبة
يالمُصابِچ بالگلب يٍسعَر لَهيبَه
لو يِحَلفوچ بأبو الجِثّة السلِيبة
لا ما تِرِدّين اليِگصدون ..... والله
وشما يِطلبون ويِريدون ..... والله
وباچِر نِريدِچ هَم تِحِضرين ..... والله
بالأربعة العِندِچ تِضَحّين ..... والله
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
( قصيدة لأم البنين عليها السلام)
عندي يشيعه وصيه.. اقروا الي الفاتحه
ذكروني بالغاضريه.. اقروا الي الفاتحه
ابچولي دمعه اعله بابه.. زوروا الي بالنيابة
اقروا الي الفاتحه
_ ١ _
أنه أم البنين الطاهره الحره
ضريح حسين ما زرته ولا مره
أحلفكم يشيعه بفاطمه الزهره
اذكروني إذا طبيتوا للحضره
صلولي يم صحنه ركعه .. ولكم جزيل الأجر
ابچولي يم بابه دمعه .. والكم جزيل الأجر
أمنيتي اشتم ترابه .. زوروا الي بالنيابة
اقروا الي الفاتحه
_ ٢ _
أوصيكم وصية بخت يا يمه
زوروا حسين وبچولي دمع يمه
وخدموا ابابه ماكو أحسن من الخدمه
حتى اني سبب توفيقي ابو اليمه
خدمولي زواره مره.. انطيكم من الوفه
والخادم عليه أجره.. انطيكم من الوفه
وزعولي ماي بثوابه.. زوروا الي بالنيابة
اقروا الي الفاتحه
_ ٣ _
أسألكم وعدكم ما يرد سائل
زورولي نيابة گبر أبو فاضل
وصلوله رساله والدمع هامل
شكراً يمه ما قصرت يالكافل
گلوله تسلم يمنيه .. خلاني أعيش بفخر
گلوله من طفّه عينه.. خلاني أعيش بفخر
ابني الفجعني بمصابه.. زوروا الي بالنيابة
اقروا الي الفاتحه
_ ٤ _
صرت باب الحوائج والفخر نلته
لأن كل غالي لأجل حسين قدمته
ألف الحمد لله صرت خادمته
اليمشي بدربه خير تصير عاقبته
خاتمته طيبه وهنيه.. كل واحد من الخدم
تحظر وفاته الزجيه.. كل واحد من الخدم
للمنه سلبو ثيابه .. زوروا الي بالنيابة
اقروا الي الفاتحه
_ ٥ _
بس حسين شفته وما شفت غيره
كلشي انطاني دنيا واخره بخيره
خل ينده باسمي الواگع بحيره
اگضيها وحق عباس ابو الغيره
ولو تحلفوني ابـ رقيه.. گلبي تره ينهضم
للشام راحت سبيه.. گلبي تره ينهضم
حتى بهذيج الخرابه .. زوروا الي بالنيابة
اقروا الي الفاتحه
#مصطفى #الشافعي
راحو من اديه .... شيردهم عليه
راحو اغلى ألأحباب .... نامو جوه التراب
ودموعي جريه .... شيردهم عليه
.......................................................................
آآه يبدور الهواشم آآه يا أم البنين
قضت الايام تنحب تنتظر ضعن ألحسين
تصيح وينك يبني يمه آه يبني يا ألحنين
ليلي ما نامه بفرقتك يقضي الليل بونين
والراح شيردة .... مكسوره اعلى فقده
آآ يبني التجية .... شيردهم عليه
.............................................................................
يمتة يلفون ألأحبهم يمتى ترد ألليالي
وحشه و ظلمه عليه الدار من عقب الغوالي
كاالقبر مظلم ياداري من ألأحباب شلون خالي
ألظمهم تراب المقابر ما ينشدون أعلى حالي
تراب القبر ظمهم .... عافوني انة أمهم
ما نشدوا عليه .... راحو من اديه
...............................................................................
التفت كلسا وباوع بلكت يمرون بية
من يطب للدار محلاا حسين والعباس اخيه
جايب وياه الرضيع و جايب الطفله رقية
يكعد يقبل جبيني و يا هلا اليسأل عليه
أم تحاجي أبنها .... و ينام بحضنها
شو ما جو عليه .... راحو من اديه
.................................................................................
الليله اخر ليله الها واقبلت ليها المنيه
كون مولاتي يزهرة راضيه انتي عليه
كون أقدم نحري فدوى وكون اقطع هم اديه
ولا اشوف ابنيتي زينب جتي مكسورة و سبيه
زينب وينه عباس .... كامت تلطم الراس
شو جيتي سبيه .... راحو من اديه
...................................................................................
غمضت عين الكريمه ولا ولد يمها اليجيها
هذا اليغمض عيونج ذاك اليعدل أديها
هذا اليجفنج بيده واليهيل تراب ليها
ماتت بحسره الفرهة وألهظم بين عليها
يا حسره الشبان .... امكم بلا دفان
ودموعي سجيه .... شيردهم عليه
....................................................................................
فاضل فخرالدين
*گوريز من حديث الكساء لمجلس أم البنين ع في المدينة*
*…إن حرب لمن حاربكم وسلم لمن سالمكم*
يا رسول الله وانت القائل اني حرب لمن حاربهم فها هي أمة الغدر من بعدك كانت حربا على عترتك حتى نازعتهم رُتبهم التي رَتبهم الله فيها فغصبوهم حقهم وحاربوهم حتى قتل من قتل وسبي من سبي وها هو ركب الرسالة وحرائر الرسول ص قد عاد من السبي من الشام المدينة وها هي ام المصائب زينب ع عادت بأحزانها وآهاتها ودموعها تواسي قلب ام البدور السواطع وقد همّ ركب الرسالة ان يدخل الى المدينة بالسواد والاحزان فقامت ام البنين ع ع لما سمعت الناعي ينعى الحسين~
خرجت وعلى كتفها طفل العباس (ع) حتى دنت من بشر، فأخذت تسأله عن الحسين، وهو يجيبها عن أولادها الأربعة~ لحن اسمع عتابي~
ناعي المنيّة~ينعى الرزيه
منذبح اْلـِ حسين ~ بالغاضريه
گوموا يا شيعه~ حسين ورضيعه
وگمر الهواشم~ جثه صريعه
سمعت نواعيه~ وإجت له تواسيه
هاي ام البدور~ اتعنّت تحاچيه
خبّرني عا حسين~ گلها بلا معين
اولادك ضحايا ~ كلهم مطاعين
وگمر الهواشم~ ظامي وصايم
فوق الشريعه~ عالغبره نايم
گطعوا يمينه~ وسهمه بعينه
وگطعوا شماله ~ وگطعه وتينه
صاحت والحسين~ جاوبها مذبوح~ مسلّب و مطروح
ودم نحره جاري~ عالغبره مسفوح
مسّلب رداءه ~ في كربلاءه
منذبح ظامي~ وطايح لواءه
خادمة آل محمد ✍🏻
وهو يقول لها: عظم الله لك الأجر بولدك جعفر، قالت أخبرني عن ولدي الحسين، قال: عظم الله لك الأجر بولدك عبد الله، قالت: أخبرني عن ولدي الحسين، قال: عظم الله لك الأجر بولدك عثمان، قالت يا بني أخبرني عن ولدي الحسين~
(ام البنين والناعي)
لحن. الشيخ علي الجفيري♪
الله يا ناعي هالخبر
ذوّب دليلي والصبر
دخبرني آنه ام الگمر
سلولفي عن سيد المله
يگلها المآتم انصبي
لاربع بنينك وانحبي
راحوا فدا دين النبي
ظلوا جثث مترمله
عندك بطل عالمشرعه
طبرة. جبينه مصرعه.
يمه چفوفه مگطّعه
ساگي عطاشى كربله
يگله استعدي للمحن
ثلاثة اويلي بلا دفن
مسلّب اويلي بلا كفن
حسين انذبح. بكربله
يگلها عزيزك عالثره
حزوا اويلي منحره
وظلت ضلوعه مكسّره
صاحت اويلي معوله
خادمة آل محمد✍🏻
قال: عظم الله لك الأجر بولدك أبي الفضل العباس، فلما سمعت بذكر أبي الفضل العباس وضعت يدها على قلبها ثم قالت: يا ابن حذلم لقد قطعت نياط قلبي أخبرتني بقتل أولادي الأربعة ولكن يا ابن حذلم إعلم إن أولادي وجميع من تحت السماء فداء لأبي عبد الله الحسين، يا ابن حذلم أخبرني عن الحسين.
عند ذلك قال: يا أم البنين عظم الله لك الأجر بالحسين فلقد خلفناه بأرض كربلاء جثة بلا راس عاري اللباس مقطع الاعضاء السهام في جسده كالقفنذ فصاحت واولداه واحسيناااه ...
لحن قلب امك يبني مفتت🩸~
وسقطت إلى الأرض مغشيا عليها….
يگلـها عظم الله اجرچ بمصاب الغريب
هناك بكربله مطروح و سليب
منحور ويلي وشيبه خضيب
وعالرمح راسه واويلي يلوح
يقولون لما استيقظت من غشيتها ام البنين أسرعت لتعزي ام المصائب فانطلقت إلى حيث نزل أهل البيت (ع)… وهنا قالت زينب (ع): لا أريد أحداً يدخل عليّ في هذا اليوم إلّا من فقدت لها عزيزاً في كربلاء، وجلست في منزلها وجعلت فضة على الباب فبينما هنّ في البكاء والعويل وإذا بالباب تطرق.
فقالت فضة: من بالباب فانّ سيدتي زينب لا تريد أحداً يدخل عليها إلّا من فقدت لها عزيزاً في كربلاء.
فقالت: قولي لسيدتك زينب إنّي شريكتها في هذا العزاء وأريد أن أدخل عليها لأساعدها فاني مثلها في المصاب.
فلما أخبرت فضة زينب قالت: سليها من هي التي تكون مثلي في المصاب، ثم قالت: إن صدق ظني فانها أم البنين (ع).
فرجعت فضة وقالت لها: تقول سيدتي من أنت التي مثلها في المصاب؟
قالت: إني الثاكلة أم المصيبة العظمى.
قالت: أوضحي لي؟
قالت: الحزينة صاحبة الفاجعة الكبرى.
قالت: أوضحي لي من تكونين؟
قالت: أو ما عرفتني، إنّي أم البنين (ع).
فقالت فضة: لقد صدقت سيدتي في ظنها وإنّك - والله - كما تقولين، أم المصيبة العظمى والفاجعة الكبرى، ثم فتحت لها الباب.
دخلت وقفت أمام زينب ولم تعرفها تسألها:
يگولون زينب رد ظعنها من سفرها~
بالله خبريني وين الگاها يالمحني ظهرها
گالت يمه انه الي تنشديني عن خبرها
زينب انه وشيبتني مصايب كربله
ويلاه ام البنين ما عرفت زينب تبدل حالها وابيضت روموش عينيها من عظم المصائب…آه آه
*ام البنين لم تسمع فقط ناعية المصيبة بل شاهدت المصيبة بعينها ماذا رأت ام البنين رأت حرائر الرسالة بحال غير الحال~ آه آه*
تگلها منهو انت وما عرفتچ
مغيّرة حالچ من سفرتچ
فقد الغوالي في غربتچ
بدّل احوالچ يالأميره
-------------------
يا زينب عن الرزايا دخبريني
في ذكرى وفاة السيدة أم البنين (ع)
كِلِّ الخَدَم .. شالت عَلَم .. يـ أم البطل عباس
بيْهِ الوِفه .. لا ما خِفه .. و الغيره و النوماس
هذا العلم بسمِج عِلَه
يالكِل حياتِج كربله
يـ أم البطل عباس
& & & & &
إلخَدَم منِّج تعَلْمت معنى هاي الخدمه
او من دَرِس تضْحِيتِج انتي وصِّلت للقِمَّه
(خادِمَةْ لحسين) جانت عندِج اجمل كلمه
او سيدي او مولاي جان احسين عندِج إسمه
إنتي دَرِس .. إنتي شَمِس .. لَهْل الخِدامه اتنور
او هذا الفِده .. منِّج غِده .. اكتاب او يظَل مسطور
و اكتابِج اَفضال اِمتِلَه
يالكِل حياتِج كربله
يـ أم البطل عباس
& & & & &
إنتي مو بسِّ الخَدَم علّمْتي كِلِّ الدنْيَه
بالفِداء اشلون هاي الروح تبكه حَيَّه
إنتي خلّيتي العُمُر من دمْعِج احسينِيَّه
او كربلاء الروح هيه و الحسين الرِّيَّه
هذا العُمُر .. ابحِسْبَةْ جَمُر .. لو ما خِدِمْةِ احسين
جان الهوه .. جان الضوه .. جان اغلى مِنِّ العين
هذا العشكـ و الا فَلَه
يالكِل حياتِج كربله
يـ أم البطل عباس
& & & & &
إنتي موكب لِلفَضَايل و الصبُر و الغِيره
و احنه حتى اليوم كلنه عايشين ابخيره
جنْتِيِ ابأفْق المعالي و المكارم طيره
او بالشِّدايد هُوَّه بابِج ماكو عدنه غيره
إنتي سِمه .. الـ هاي السِّمه .. و الدنْيَه دُونِج ليل
يبجي الكلُب .. دمْعِج يِصُب .. من تذكرين الخيل
اعله احسين روحِج معوِلَه
يالكِل حياتِج كربله
يـ أم البطل عباس
& & & & &
الـ خاطر امصابي يشيعه لا تهلّوا العَبره
او لجلي لحَّد يرفع إيده او بيها يلطُم صدره
خلّوا يا شيعه عَزاكُم عاللي ظَلْ عالغبره
او بالصدر لطمُوا على اللي ابسيف كطْعَوا نحره
خلّوا الدمِع .. عالمرتفِع .. راسه اعله راس اِسْنان
لحّد يِوِن .. او يخمُش وَجِن .. إلا على العَطشان
ابخدِّج فقط دمعه حِلَه
يالكِل حياتِج كربله
يـ أم البطل عباس
& & & & &
الليله شيعةْ حامي جاره اتعنّوا ايشيعونِج
او بالمدامع يالوِفِيَّه رادَوا ايدفنونِج
عدهُم اهوايه حوايج كل أملهُم عونِج
او عن حوايجهُم انا ادري اتديري حاشه اعيونِج
يم لربعه .. و الشافعه .. ابلا (فاتحه) او آيات
بسِّ القَسَم .. ابراعي العلم .. يكضيها لِلحاجات
ما تِعْرُفين المُعضِلَه
يالكِل حياتِج كربله
يـ أم البطل عباس
& & & & &
خادم أم البنين (ع) : إبراهيم الدريس
في ذكرى وفاة السيدة أم البنين (ع)
حسره بكلوب الغياره امصابها
و الدمع هالليله يحله ابابها
&&&&&
الليله يا شيعه مِشَت أم الوِفَه
و النِّده ويَّاها بالحسره طُفَه
إلعَفَه بعْد أم لبنين العَفَه
عالزمان الأَخَذ أغله أحبابها
&&&&&
الليله جن لـ أم الحسن ضلع انكِسَر
فاطمه اتحب فاطمه اشكد يا بشر
الهذا ترفع بالحشر جف الكمر
اتريد يم الله توفِّي احسابها
&&&&&
كل عمرها هيه تتنفَّس أَلَم
و ابكلبها ظل جمر حركـ الخِيَم
فكد أبو السجاد صوَّبها ابسَهَم
او تِرَس هوه بالجروح ارجابها
&&&&&
كبْل أبو اليمه تمنَّت تنجِتِل
حته ما تسمع صِعَد صدره .. النَّذِل
ابجفها مو جف زينب ايصير الحَبِل
اتمنَّت او تحتركـ كل أطنابها
&&&&&
هيه قطعاً يا بشر مو كل مَرَه
أَسَد تنجِب مثل سبع الكنطره
هيه مو أم لربعه .. ام المفخره
و القداسه تسجد اعله أعتابها
&&&&&
منها نتعلَّم قوانين العشكـ
احسين منِّ ايغيب لحظه تحتركـ
يا حسين اكليبها ظل بس يدِكـ
ماتت اعليْه هيه مو بصوابها
&&&&&
كلمن ايوالي أمير المؤمنين
لا يروحن لا يسار او لا يمين
الفاتحه إقراها بس لـ أم البنين
او حاجتك تتحقَّق ابأسبابها
&&&&&
خادم أم البنين (ع) : إبراهيم الدريس
بدمع الحزن محتضره ..الضلع الحسين وكسره
إكراماً الج يم عباس .. نعشج نشيل الزهره
***
كل دمعه اعلى خدج بيها الف لوعه
عله حسين الغريب ورضة ضلوعه
عفتي الدنيه كلها وبيها مفجوعه
ويحسين بدليلج ونه مسموعه
سهرانه الليل.. والدمعه تسيل ..وعشتي مهضومه
شمسويه الخيل .. بحسين الويل .. ومغيره رسومه
كل ما تهل عيونج .. حزنج يغير لونج
ضحيتي باربع اولاد .. الله اليكون بعونج
*---*
يم كلب الوسيع وجرحج بكبره
مكسورة دليل ودمعتج حمره
يم اربع زلم مذبوحه عالغبره
بس همج غريب المنسحك صدره
كلبج مجروح .. كل ليل ينوح .. لحسين الغالي
حلمج مذبوح ..دمعج مسفوح .. عالخد يلالي
ضل يدي جرح سنينج .. ودم الدمع من عينج
يالعفتي كل اولادج .. و يالما نسيتي حسينج
*
يالصرتي بديار حسين الف فضه
وعينج ماتفارك وجها باللحضه
عجب كلبج يدك وما سكت نبضه
وسمعتي شلون صدره الحافر ترضه
ماشفتي النوم .. من ذاك اليوم .. ومنتضره اخباره
حيلج مهدوم .. وكلبج ملجوم .. ويشب بناره
الدمعه بشر بعيونه .. عن الجره يسألونه
كلتيله عوف اولادي .. وحسيني كلي شلونه
****
بجيتي الخلك يم الوفه بولدج
نزل نهرين دمعج يحفر بخدج
عله فراش المنيه والي ماعندج
اجاج الموت وانتي بدارج لوحدج
باخر انفاس .. يم رفعة راس .. ماعفتي ونينج
دمعج باحساس .. يم العباس .. مانشفت عينج
اعليه التضيك انفاسه .. ملتمه اهله وناسه
لا يمج اليبجي بصوت .. ويصب دمع بحساسه
***
عد راسج خديجه ومريم العذره
وكعدت عد يمينج زينب الكبره
وحوه وآسيا وكل نسوة العتره
ولعد الباب اجتج تنحب الفقره
عطشان هواي .. وما ضكتي الماي .. بموتج عطشانه
ونج بهداي .. يم الوفاي .. وعينج ذبلانه
حسينج يرد امنيتج .. وبيها يرد عافيتج
طال الهجر بس الدوح .. يالحره ون بيتج
****
تمت
احمد الخفاجي
سؤال سؤال ... ياهو الدفن ام الكمر
سؤال سؤال ... ياهو الكبر بيده حفر
سؤال سؤال ... ابحاجة الاجابه يابشر
........١
من النفس منهه انكطع ... ياهو الجنازتهه رفع
واعليهه بدموعه وكع ... ام البنين الاربعه
من عدهه باكت كربله ... اهل المضايف والهله
محد بقى التشكي اله ... بعد المشه للمشرعه
عاشت ابحسرة فكد الاحباب
كضت عمرهه ابلوعه وامصاب
طشت حلمهه فوك الاتراب
والعين ما شالت من الباب
تشوف تشوف ... رادت ولدهه بلا دمه
تشوف تشوف ... كل التحبهم فاطمه
تشوف تشوف ... حسين ما محني الظهر
.......٢
ذبلهه يا ناس السهر .... ام البنين ام الكمر
ماتت بواجي اعله النحر ... ذاك التكطع بالذبح
ليل وصبح تجري الدمع ... لحسين مسحوك الضلع ... صرخة بجيهه تنسمع ... عالعلكو راسه برمح
علتهه جانت ذبحت حسين
موش الجفوف وفكد الابنين
جانت ابهمه تحجي كل حين
فدوه الولد لبن الميامين
حسين حسين ... صيحتهه جانت كل وكت
حسين حسين ... فدوه النظر عينك رحت
حسين حسين .. كل ولدي يفدونك نحر
.....٣
كبور الولدهه شيَّدت .... ورجعتهم أله ما رجت
بس تنطر حسين اكعدت ... وتدري أله ما يرجع بعد
يمهم تروح امن الصبح ... تكعد تون ونت ذبح
وتسولف اسوالف جرح ... عل بلسهم جبده انمرد
اترش الاكبور بطاسة الماي
وادكلهم اترو يعيناي
يايمه كومو كومو وياي
زينب بعدكم فكدت الراي
حرام حرام ... ما واحد المنكم يرد
حرام حرام .... اوجوهم ضمهه اللحد
حرام حرام .... ام الخدر شبعت قهر
........٤
ابعازت ولدهه الاربعه .. ماتت الجانت مشرعه
بيد الغرب متودعه ... هاي المصيبه ياخلك
الكمر مصيوب بسهم.... معذور من رفع العلم
جفه انكطع راسه انهشم ... وكلبه على الماي احترك
ما حاضر ابدفنتهه عباس
جفينه مكطوعات يا ناس
وبغدر صابه العمد بالراس
عالمشرعه مخنوكه الانفاس
وكع وكع .... من مهره هوه وجربته
وكع وكع .... ابعيده عنه يمنته
وكع وكع .... والرايه ضلت عالنهر
......٥
زين الاعباد ابلوعته ... شيعهه تجري دمعته
ما تسر ناظر حالته .... جانت امشاركته الحزن
بالكوه نزلهه الكبر .... شاهد علي ذاك الظهر ...
لو بيده ينطيهه العمر .... يمهه كعد يبجي ويون
اتذكر سوالفهه اعله الاحنان
وصيحتهه مات حسين عطشان
تتمنى جانت كمر عدنان
ايشيعهه ويصيرلهه دفان
نعش نعش .... ام البنين الطاهره
نعش نعش .... اعليهه السماء امكدره
نعش نعش .... ما شالته اجفوف الكمر
.......
كلمات
موسى الخادم
يمه عباس
طلب عندي نفذه ومشي براحتك
يمه عباس
اگعد گبالي ارد ازور ازيارتـــك
زرت عاشوراء توني اعله الحسين
اوهسه اجيتك ارد ازورك يالحنيـن
يمه عباس يمه عباس
،،،،،،،،،،،
فطر دلالي
من گعد يمي الحسين اوكله حيره
گتله يالغالي
تعلم انته بسفرتك كلش خطــــيره
اگعد اگبالي
خلني اشبع شوف ياشيخ العشيـره
الشوگ بعيوني نزل وي الدمـع
حچيلي عن هذا السفر خل اقتنع
حسين حاچاني اوصدع گلبي صدع
گلي نحري يمه بالطف ينگطــــع
يمه عباس
لاتعوف حسين وحده بكربله
يمه عباس
واني رضعتك وفاء اومرجلـه
بيك ارد افخر يتعبي بهل سنين
اوهسه جيتك ارد ازورك يالحنين
يمه عباس يمه عباس
،،،،،،،،،،،
نزفت جروحي
گبال ابو السجاد من عاين عـــليه
ونسمع نوحي
شفت بعيونه مصاب الغاضـــــريه
سفرتك توحي
گتله يمه حسين مانلتم سويــــــه
گتله اخذ وياك گلبي بسفرتك
ايصير خادم الك يبني بروحتك
والله يمه حسين تذبح غيبـــتك
اوتشلع اهروش الدليل امصيبتك
يمه عباس
من بديت العن يزيد اوحرمــله
يمه عباس
تحسر حسين اوقرالي الزلزلــه
حزام صير الضهر اخوك اوحزمه زين
اوهسه جيتك ارد ازورك يالحنــــين
يمه عباس يمه عباس
،،،،،،،،،
جيتك بحزني
ارد ازورك بالدمع موش بلسانــي
ونجرح جفني
دمعي ينزل حار يالغالي اوچوانـــي
يبقه ياسغني
ليش ابو السجاد لطف ماخذانــــي
ارد اساعد زينب اعله احزانـها
ونص اشيلن من غصص وليانها
بت علي صعبه الوكت لو خانها
اوتمشي مچتوفه بأمر عدوانها
يمه عباس
باچر اعله التل وديعة حيدره
يمه عباس
تصيحلك ونته صريع اعله الثره
ونته نايم لا يسار او لايمـــــين
اوهسه جيتك ارد ازورك يالحنين
يمه عباس يمه عباس
،،،،،،،،،،،
ياثمر عـمري
انته وخوانك اريدنكـــــم سريه
أدنه يم صدري
يريد يحچي وياك گلبي بهل قضيه
نحرك اونحري
فدوه لحسين أوّريد ابن الزچيــــه
ياكمر هاشم يليث الگنـطره
اگلب الميمنه فوگ الميسره
هذا ابو السجاد روح الطاهره
انته وخوانك فداء الخنصــره
يمه عباس
انته يانعم الاخو بهذا الزمـــن
يمه عباس
صير كافل للخدر وحدي الضعن
درس لقن گوم اميه الضالمــين
اوهسه جيتك ارد ازورك يالحنين
يمه عباس يمه عباس
،،،،،،،،،،،،،،
تدري كل ليله
اني وحسين السبط نبقه سهاره
وينهدم حيلـه
حسين اخوك اويشتعل دلاله ناره
زينب او ليله
ايگلي باچر بالطف ايظلآ حـيــاره
اليل لوچلچل تجيني ام الخــــدر
ديره وحشه اتگوم اخيتي اوتنهطر
واشم حرگ اجدامها من الجمــــر
واني من منحري الزينب أعــــتذر
يمه عباس
چنَه ليليه نسولف عن جـــــرح
يمه عباس
اليل نگضيه نوح حد طرت الصبح
بعيني ماضل دمع من گد الونين
اوهسه چيتك ارد ازورك يالحنين
يمه عباس يمه عباس
،،،،،،،،،،،
ابدمعت عيوني
توني حَصنت الحسين اوارد احصنك
ونخطف لونـي
من حچالي ابن الزچيه اوگلي عنـك
رفت اجفوني
والمدامع گبلي يالغالي أجنــــــك
گبل جدمي دموعي يبمـنيَ تعنــتك
ماد سجاده اوتصلي شافتــــــــك
يبني جيتك ورد ازور ازيارتـــــــك
ورد ابوسن يمنتك وي يســــــرتك
يمه عباس
ارد ابوسن عينك التطفه بسهـم
يبني عباس
وامسح اليجمد عليها يبنــــي دم
ورد ابوسن راسك اوحتى الجبين
وهسه جيتك ارد ازورك يالحنــين
يمه عباس يمه عباس
،،،،،،،،،،،،،
لخادم الحسين محمد هادي الفهداوي
يم الاربعه الله يعينݘ
وكت الموت ماحضروا بنينݘ
**
يم الاربعه محنتݘ محنه
ما حضروا الݘ اهل المحنه
او وناتݘ عليهم غدت حنه
والهم زاد ياحره حنينݘ يم الاربعه الله يعينݘ
**
منج والنعم يا ام البنين
الله اختارݘ السيد الوصيين
ربيتي ضناݘ بحي الحسين
وضحوا بالعمر فدوه لحسينݘ يم الاربعه الله يعينݘ
**
تنتظرين يالحره يجيونݘ
گمر هاشم واخوته يودعونݘ
وتتمنين هما اليشيعونݘ
اذا خلصت يمولاتي سنينݘ يم الاربعه الله يعينݘ
**
وفاتݘ يالعفيفه اعظم مصيبه
عليݘ المحب مابطل نحيبه
تظل دمعاته عالوجنه سجيبه
الوفه منݘ تعلمت محبينݘ يم الاربعه الله يعينݘ
**
نصبنالݘ عزه بهايه المسيه
اويانه اتحضر امنه الزݘيه
تشاركنه بالعزه بدمعه جريه
تنوح نشوفها بليلة رحيلݘ يم الاربعه الله يعينݘ
**
وبالمجلس بجي يحضر وعدنه
لكن منحجب منشوفه احنه
وعلى ام عباس يلطم لولطمنه
وينادي اخذ الثار وماي عينݘ يم الاربعه الله يعينݘ
**
خادم اهل البيت / ابومحمد العاشور(07810010732)
هوسات ل وفاة باب الحوائج مولاتي ام البنين سلام الله عليها
🏴
يل عدكم بيارغ للعشيره اليوم
لم عباس اطلعو وهووسو بيهن
هاي ام المنومس شيخه وام شيوخ
بيارغكم الهوسه الهه تحليهن
ميدان العراضه موش كلمن چان
وللماهو كفو انتم معلگيهن
الهوسه تلوگ الهوسه
ونشر البيرغ لم عباس
🏴
البيرغ كون والرباط والميدان والهوسه
مايرهم ال ياهو انچان فشله ايفگد ناموسه
البيرغ بيرغ العباس افهمو غاية دروسه
لم عباس ينشرونه
البيرغ كون البيرغ
🏴🏴
ام محمد الحجاج
*قصيدة لام البنين ع (اقري الفاتحه)*
*من ديوان 📚 عبرات وانين في رثاء ام البنين الجزء6(خاص بأم البنين وسفرتها)*
❥━──➸➽❥❂❥━──➸➽❥❂
اقري الفاتحة والحرة ذكريها
تجبر خاطرچ والحاجة تگضيها
❥━──➸➽❥❂❥━──➸➽❥❂
اقري الفاتحة وناديها يالحرة
وبمجلسها خلي دمعتچ تجرة
بالعطشان حلفيها وگطع نحرة
بكل شدة وحق عباس تلگيها
❥━──➸➽❥❂❥━──➸➽❥❂
توگف بالشدايد محلة وگفتها
حاشاها الكريمة اتعوف شيعتها
سألي اللي اعتنت ليها وتنختها
بالتردينة هاي ايديچ تمليها
❥━──➸➽❥❂❥━──➸➽❥❂
لوجتها مريضة وكلش نحيلة
ونادت يالحنينة ومدمع تسيلة
يام عباس عندچ انه ادخيلة
تحضر ليها وامن العلة تشفيها
❥━──➸➽❥❂❥━──➸➽❥❂
عزيزة فاطمة وباب الكرم هية
عد ام البنين الحاجة مگضية
متخسرين ندبيها يشيعية
تسمعچ ماتتركچ لو ندبتيها
❥━──➸➽❥❂❥━──➸➽❥❂
هاي ام البنين وبالشدد تحضر
تنطي امراد لاهيهات متقصر
وگفتها نريد بساعة المحشر
من النار تحمي كل محبيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
الى ام البنين ع
مو بعيد الموت عني ساعه ويچفنوني
نلتقي يم الزچيه يالعميت عيوني
واحسيناه واحسيناه
****
راح اموت وعيني حمره نعمه هاي امن الإلاه
انه مبخوته وبچيتك يبني هذا اعظم بلاء
الزهره من تسالني عينچ ليش متروسه دماء
بكل فخر اوگف وگلها عمت عيني كربلاء
كون حمره دموعي تبقه وابد ميغسلوني
نلتقي يم الزچيه يالعميت عيوني
واحسيناه واحسيناه
****
بكل وكت يحسين انته حچايتي وموضوعي
اي لطمت اهواي بعدك وما هجعلك روعي
لا تظن لجلك يغالي تشفي صدري دموعي
هوه لو جائز وحگك كسريت اضلوعي
انه من اسنين ميته بس بقه يدفنوني
نلتقي يم الزچيه يالعميت عيوني
واحسيناه واحسيناه
****
يبني ما مر ليل بيه اله وانه اعله الترب
خذت من البيت كلشي چا بعد المن اطب
الديره انته الماهو بيها مايها ما ينشرب
لا هواها اليطب ريه ولا يدگ بيها الگلب
سلني حيل افراگك انته إخفيفه لو شيعوني
نلتقي يم الزچيه يالعميت عيوني
واحسيناه واحسيناه
****
حيل اخاف الباب اسده وابد ما سديته
حتى عطرك من يسبگك ما يتيه بيته
اگبال بابي دموعي كلها وچم اثر خليته
ورمش عيني الشاب كله عالارض طشيته
ايست تاليها وادري خيبيت اضنوني
نلتقي يم الزچيه يالعميت عيوني
واحسيناه واحسيناه
****
اهنانه لو بالجنه يبني ابچي الك متعلمه
كلمن بجرحه يسولف انه وامك فاطمه
انه راح الزم قميصك إلبعده يتگاطر دمه
وامك بچفين تلطم عله ضلوع امهشمه
ذني چفين ابو فاضل ابني بي فجعوني
نلتقي يم الزچيه يالعميت عيوني
واحسيناه واحسيناه
****
للخلگ ماكو خفايه اهناكه كلشي يتضح
نلتقي وادري اشوفك توه چنك منذبح
بالحشر كلشي يغالي بيك حتماً ينجرح
شنهو يبني بصدرك الگه سهم لو نابت رمح
بدالك انته يبو اليمه وسف ما ذبحوني
نلتقي يم الزچيه يالعميت عيوني
واحسيناه واحسيناه
****
الشاعر اياد الديراوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
يسوه عليها كل آخ هالطاهره المعروفه
@@@
ياضيم ولع بالصدر جم جمره
ماتت حزن ام البنين الحره
راحت وفيّه للزچيه الزهره
ماتت بعد ضيم ونوح عالعاشر ويه اطفوفه
@@@
من جاها بن حذلم خبر خبرها
عن اربعه شال الرمح منحرها
وسيف الظلم فوگ الثره وذرها
ضلت تسايل بحسين عنه ابخبر ملهوفه
@@@
گلها ابوفاضل وگع بالرايه
والجود صب ماي ودمه عالثايه
وهذا الوفي مابخ دليله ابمايه
لصابه السهم وسط العين چانت گطيعه اچفوفه
@@@
ناحت تگله ماتهمني الاربع
واعليها گلبي اشما تضن ما يجزع
بس بوعلي لا تحچي عنه اتگطع
حسين الولي روح الروح ويلي اذا ما شوفه
@@@
گلها يا ام اللي كفيل ألزينب
ابهذا الخبر لاچان اهلا ومرحب
حسين الولي شيبه ابدماءه اتخضب
ضامي وگع ليه الراس شاله الرمح للكوفه
@@@
بعد الخبر هذا گضت بس عالنوح
تنعى وِلدها والبچي عالمذبوح
حد ما صفت ميته اطلعت منها الروح
اتروح البقيع ابلحزان وگبر الزچيه اطوفه
@@@
مظلومه من ضيم الدهر مالومه
شيعوها من كل الوِلد محرومه
وضنتي گضت ام بوالفضل مسمومه
رادوا يسكتوها ليش اتثير الحزن عاصوفه
@@@
ويلي عليها الوافيه التبچي دم
زوروا گبرها اللي انهجر واتهدم
واعله الوفيه كل گلب يتألم
لا گبه لا مسجد بيه بتربة گبر مكشوفه
@@@
علي آحمد الحمود
٢٣-١٢-٢٠٢٣
وفاة ام البنين ع
( السلام على ام البنين)
ما حاجه توصين.. نرفع الرايه
يا يمه تدرين.. احنه وفايه
_ ١ _
ولدج.. مو مثل البشر وانتي تدرينه
ولدج.. عنوان الفخر ربنه منطينه
بدون وصية يايمه
هوه ما دام نشتمه
منو يوصل ابو اليمه
حبيب الزهراء
فلا يحتاج تنخينه
زلم بالكلفه تدرينه
خدم احنه لبو سكينه
نقدمله الماء
لعيون الحسين.. نوصل المايه
يا يمه تدرين.. احنه وفايه
_ ٢ _
الغيره.. من عدنه بدت واحنه مرجعها
الغيره.. خلاق السمه بينه جمعها
ييمه حگنه نتباها
لمن نخدم بني طه
تره منج اخذنها
صفات الخدام
اعتبريها مگضيه
يأمنه الكربلائيه
زلم تربات بدويه
إذاً خوش زلام
عرفتي تربين.. ثمرتج هايه
يا يمه تدرين.. احنه وفايه
_ ٣ _
بينه.. دم حامي الحمه بالنبض يسري
بينه.. مصحف فاطمة وليلة القدري
نكتب بالحرب ايه
رجال صدقوا هايه
علينه وبيدنه الرايه
ثبات وإيمان
أسد واحده من يطلع
وعن الحومه ما نرجع
حسين لأجله نتگطع
بنينج شجعان
لرض الميادين.. نمشي مشايه
يا يمه تدرين.. احنه وفايه
_ ٤ _
نعلم ..خلقتنا لجل نفدي ابو اليمه
نعلم .. لو مسه الخطر نگلب الأمه
بگلبنه عالحرب حرگه
ابو اليمه تره نعشگه
نموت، بموتنه نشبگه
أبا عبدالله
نحبه وما نحب غيره
يالمعلمتنه عالغيره
كتبته بالدمه سيره
فضل من الله
براسج ترفعين.. زودج هوايه
يا يمه تدرين.. احنه وفايه
_ ٥ _
بالطف.. تاريخ انكتب لأربعة اخوه
بالطف..لو واحد بخل كلشي ما يسوه
نذرنه أرواحنا لجله
لگينه خيمته قبله
المنيه لخاطره سهله
شنو يعني الموت
اليشوفه يترس عيونه
عدم لو عشنه من دونه
فدائيين يدرونه
على الحومه نفوت
لخيامه حامين.. راحته الغايه
يا يمه تدرين.. احنه وفايه
#مصطفى #الشافعي
بدموع العين.... تنعة الكفين
حد ما خلصت منها الروح وطلعت الانفاس
جانت تنده ريتك حاضر يا اغلا الناس
........................................................................
على فراش المنية وتسجب العبرة
تنعة فراق ابو اليمة او ذبح نحرة
ريت تنادي صدري او لا هشم صدرة
اخاف مقصرة عذريني يازهرة
تنحب وتنوح.... آه يالمذبوح
شلون الجثة تضل بالحومة جسم بلا راس
جانت تنده ريتك حاضر يا اغلا الناس
........................................................................
تمنيتك تجيني حسين عد راسي
تقرالي العديلة يا اعز ناسي
تغمض عيني لمن تطلع انفاسي
آه الآه توجع والبعد جاسي
نسمات الروح.... طلعت بجروح
جرح القالوا صدرة تكسر بالخيل انداس
جانت تنده ريتك حاضر يا اغلا الناس
........................................................................
كون انطيك روحي فدوى ياغالي
بس ردتك ترد يا يمة تبقالي
صدك يمه صعد راسك رمح عالي
مرد حالي الخبر لا حيل يبقالي
راس بصف راس.... حسين وعباس
لجمة بصف لجمة بدلالي وشهقت الانفاس
جانت تنده ريتك حاضر يا اغلا الناس
.......................................................................
نعرف كل نعش ام تحضر اولادة
هذا اليجرة بين الوادم و عادة
فدوة انطتهم وقربان للسادة
لحسين وعلي والزهرة واجدادة
لجدة المختار.... اولادي احرار
افديهم لعيون الزهرة تقول ام عباس
جانت تنده ريتك حاضر يا اغلا الناس
.......................................................................
وحشة دفنتج من دون جنازة
الك عباس امك ليك معتازة
معروف القلب ويحن على عزازة
يا اولادي عازتكم فرد عازة
ام الشبان.... ظمها التربان
حسرتهم تكتل والفرقة شيب هالراس
جانت تنده ريتك حاضر يا اغلا الناس
.......................................................................
فاضل فخرالدين
تون ام البنين بكلب يلهب نار
ولج يا دار وين اهلج صفو يا دار
وين اهلج تنادي والدمع مدرار
.......................................................
صارت خلية الدار منهم
ضل موحش ومضلم نزلهم
تراب المكابر عني ظمهم
.................................................
شمحلاهم علية يمرون
ما حسبت عني يغيبون
من البجي لعميج يعيون
.............................................
راحو يويلي شلون شبان
ريض عليهم اه يدفان
ما صدكت ضمهم التربان
.............................................
فدوة الشباب للابني الحسين
بس كون سالم يا ضوة العين
امك واصيحن وين ما وين
...........................................
يحسين كربتلي المنية
ردتك توسدلي ادية
تقرة الفاتحة يبني علية
.........................................
ام او تريد اتشوف ابنها
تحضنة حتى يهيد ونها
تتمنى الولد هو الدفنها
..........................................................
فاضل فخرالدين