7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
مقطع صوتي من الشاعر حاتم ماشاءالله الك
الرادود المبدع
صادق الأنصاري الكاظمي
على طور (يقارورة).
🏴🚩
🚩🏴
ييمه ضلعـچ شلونه
دليلي خابت ظنونه
و اسيلن عبره عبره
على امصابچ يزهره
💦🍃🚩💦🍃🏴
١/
جرحچ يزهره يختلف جرح الورد ينزف عطر
ظلمه النجوم امكدره من انهشم ضلع البدر
و العالم بأسره انفجع ضلع العرش من ينكسر
والدنيه ليل بلا صبح وجه الشمس من ينصطر
ييمه جروحچ اهوايه
سور تنزف دمـع آيـه
خِلـص دلّالـي عمـره
على امصابچ يزهره
💦🍃🚩💦🍃🏴
٢/
وجهچ اشوفه منخطف لونه من الضيم الجرى الحجه العظيمه عالبشر وگعت على وجه الثرى
وضلعچ ييمه من انهشم طاغي لطاغي ايبشره
يكسر ضلع يسطر وجه شنهو الجنيتي يا ترى؟!
تشوغ من الضرب روحچ
ودموعچ تلچم جروحچ
و انه گلبي شيصبره
على امصابچ يزهره
💦🍃🚩💦🍃🏴
٣/
گـوّه ييمــه مشيتـچ گـوّه تجرّيــن النفــس
والثاني لادين وشرف لاعظم مره برجله رفس
لذتي وره باب الغدر من لذتي هذا الطاغي حس
ما عافچ الحد ما عرف بالعصره بسمار انغرس
يگلوله اضربت فاطم
(وإن) جاوبهم الظالم
رحـم مـا عـنـده ذره
على امصابچ يزهره
💦🍃🚩💦🍃🏴
٤/
أحمر جفن وجه السمه وتخفينه عن حيدر علي
وانظر انه هموم الزمن مصبوبه كلها إعلى الولي
عگب الجرى اباب النبي أصبح علي مو الاولي
ذاك الشطر عمر ابن ود جرّه بحبال الجاهلي
علـي هذا الشطـر مرحب
على چفوفه الحبل ينضب
انكسر ياويلي ظهره
على امصابچ يزهره
💦🍃🚩💦🍃🏴
٥/
دخان نيران العده حتى الهوى منها اختنگ
محّد يطفيها فزع باب الجنان من احترگ
مطفيّه لو تسعر جمر بابچ عليچ من انطبگ
شنهو الي محسن كلّمچ بآخر نفس لمّن شهگ
الجمر يمه صبح مهدي
و تأجّـل ثـاري للمهدي
يعيـن البـاري صبـره
على امصابچ يزهره
💦🍃🚩💦🍃🏴
٦/
شح الهوى ومات الضوى گلبي من الهم ارتوى
عظمي خوه حيلي انطوه چفّي من النار انچوى
اللات والعـزّه وهُبـل كلها إعلى سورة قل هـوَ
باب اندفع ضلع انكسر أم وطفل طاحوا سوى
كســر ضلعــچ تنــج عنـه
حرگ خيمه وسفك دمنه
بچينه واحنه أسرى
على امصابچ يزهره
💦🍃🚩💦🍃🏴
٧/
حيلچ خِلص گلبچ تعب صوتچ خفه جسمچ نحل
چفچ رجف لونچ شحب جدمچ ثگل عودچ ذبل
يمكـن يزهـرة مهجتــي منچ گـرب يـوم الأجـل
وادري على حسين وحسن دمعچ يزهراء انهمل
على افراگچ شصبرني
بچي ايتامچ يمرمرني
وتظل بروحي جمره
على امصابچ يزهره
💦🍃🚩💦🍃🏴
✍🏼علي نوري الحلفي
استمع ياشيعي المضمون
امن الله نازل الموضوع
قصة فاطمه وحيدر
حلوه ونتهت بدموع
------------------------
من بعد النبي الكرار حبيبه فاطمه جانت
بسعاده يعيش وياها وسرور ويا اهي عاشت
رضا الباري بعشك حيدر امن ابوها فاطمه شافت
اليحبك ياعلي مبخوت
كالاها النبي وبصوت
طه ومن كبل ميموت
بحگ حيدر علي الكرار وصه وبكلب مشلوع
------------------------
علي من يدخل البيته منه كل همومه تروح
يشوف بعينه محبوبه عطر الجنه منها يفوح
وفاطم بالمحنه تعيش اهو وياها روح بروح
حب متكامل امن الله
مايكدر صعب ينساه
ابفكره ويضل يعيش وياه
بم اولاده وام بيته يا شيعه الولي مفجوع
------------------------
حيدر والزجيه ايام قليله وخلصت المده
بقه وحيده وشماته الناس اومنه راح اليوده
وبچه الها حتى الكون حزن بيهم جزه حده
على امه ينوح الكون
الكمر وي النجم يبجون
وملاك السمه ايونون
على امهم الطاحت عرش الله ينوح بروع
------------------------
الله يساعد الكرار من فارگ اعز ناسه
ليله ويوم عكبك الراح بان الشيب البراسه
وموبس ادم وايوب جبريل الاجه واسه
ناحت وي علي الافلاك
ونزلت للارض املاك
صاحت يا علي وياك
نشيع الطاهره أنريد محمد جنه المصروع
------------------------
حزن كلشي على فاطم وي حيدر ابو السبطين
الدنيا وبنجمها احزان كتاب الله بجه والدين
وفرحة جنة الله اليوم معزبه لم حسين وحسين
علاها الزجيه الله
نور وبالعرش خلاه
ويحبه كل نبي سواه
خديجه ومريم وهاجر بفرحه والفرح مشروع
------------------------
ختام القصه الف موضوع مايخلص ابد شرحه
عكب فاطم علي ياناس بضلمه وماطلع صبحه
دفن روحه بسواد اليل كبر مخفي وبقه جرحه
حگ الوالي المغصوب
يفگد زهرته المكتوب
وصبر حيدر صبر ايوب
بسمار الختم عشره بحقاد الضلم مزروع
كلمات احمد السالمي
------------------------
الشاعر ظاهر حبيب الهليجي
يمه فتحي اعيونج وحاجينـي
انــه زينـب وحــدي لتخلينـــي
نــزلن ادموعي دمـه --- على فراكج فاطمه
انه زينب --- انه زينب
---
يمــه جــرح فـراكـج يعيــش بخيالي
بــالحـزن بـعــدج ابـد ما صــح مثالي
يالحنينــه اذكــرت عـــــزي ودلالــــي
والله جفني ما غمض وانتي اعله بالي
انه غير الهظم بعـــــدج ما حويت
خدودي تشهدلج ييمه اشكد بجيت
والله حيل مألمه --- عله افراكج فاطمه
انه زينب --- انه زينب
---
انكسر ظهري بغيابـج يالزجيــــــه
بداعت حسين وحسن ردي عليـــه
عيني مشبوحه اعله شوفج يلوفيه
ياحنان ايعوض الراح امن اديــــــه
ريـت انه وياج يحبيبــه بكبـــر
ما اريد خلاف عينـج هل العمر
الدنيه صارت مظلمه --- على افراكج فاطمه
انه زينب --- انه زينب
---
فدوه اروحلـج يا روحي لا تروحيـــن
فتحي عينج شوفي خدي بي نياشيــن
يمه كللي يزينب كافـي تبجيــــــــــــــن
يطمئن اكليبي من اشوفج انتي تحجين
بــردي كلبي وخـل اعيش ابهل الامل
مسحي وجهي من الدمع اجلي الاجل
ناحت املاك السمه --- على افراكج فاطمه
انه زينب --- انه زينب
---
تبقى مكسورة كلب التفكدُ امهـــــــا
وين تنطي الوجه المن تشكي همها
وامي ورده اطيب العلـه امنشمهــــا
الله لا ينطـــي الهظمــه والظلمهـــــا
ينتقم منه الجليل الفعلته
تنتضرهم نار هـو وملته
ناري شبه الحاطمه --- على افراكج فاطمه
انه زينب --- انه زينب
---
انه اول مره اشــوفن حيـــدر ينــــــــــوح
خاطره مكسور لجلج وكلبــه مجــــــــروح
مسح راسي وراس اخوتي ودمعه مسفوح
الكاتب الله ايصير بينه امره مسمــــــــــوح
حسبــي الله والــدي اسمــع يكـول
شنهو طعم الدنيـه من دون البتول
ابجي وي حامي الحمه --- عله افراكج فاطمه
انه زينب --- انه زينب
------------
بــاب الله ابنــار يحــرگــونــه
*----------*-----------*
هالبــاب الله مقــدسه ابتقديـسه
صعبه لون بالأرض والله انقسيه
لا مــريم العدهه شبيهه وعيسى
( وأملاك تقـــبل أعتــابه )
*----------*-----------*
باب الله هــذا الكله نور ورحمـه
جبــريل يتعــنه بحنــانه يلثــمـه
بنيـران صعبــه تعتنيــه الامــــه
( وعالزهره الباب يدفعونه )
*----------*-----------*
باب الله هــذا وحكمــته وأسـراره
شلون البغي يگصدله ويشب نـاره
يا يــوم بــاب الزهره يــرجـع ثاره
( ثاراتــه المهدي يــرجعها )
*----------*-----------*
باب الرســول بعطفـه چــان يـدگه
هــل البـاب يعـرف محتـواه وحگه
شلون الزنيم بحقده وسفه يحرگه
( لا همه البيت وراعيه )
*----------*-----------*
بيــت الامـامــه ال الله كــرم بــابه
المــا رد فقيــر اتعنــه يـم اعتــابـه
شلون الرجس متعني وي أصحابه
( وعصروا ضلع الكون وسره )
*----------*-----------*
بــاب الإلــه مطهـــره ابــآيــاتــه
وجبــريل بي تارك زغـب ريشاته
يتجاســر اعليــه الئيـــم ابــذاته
( وبي ربنا امودع أسراره )
*----------*-----------*
الشاعر
موسى البديري
▪️هد حيلك▪️
ضلع واحد ياعلي وهد حيلك
جا اضلوع حسين شتسويلك
————-
ضلع واحد ياعلي واحنى الظهر
وجمرته ماتنطفي إليوم الحشر
منه شيبك ياعلي بان وظهرر
نار شبت لاجله وسط ادليلك
———-
ضلع واحد ياعلي جسته ومتت
وانت بعيونك كَسِرته ماشفت
جسته ياحيدر على قاعك طحت
وجنها هاي القاع لا مَاتْشيلك
———-
ضلع واحد ياعلي وتنعاه دهر
واجرعت والله عليه مر الصبر
ضلع واحد ياعلي وقلبك كسر
اتون له كل هذا النهار وليلك
———-
ايعين الله علي ويّه عمتّه
ابعينهم شافواْ الغالي ذبحته
شنهو گالت يوم عالي رفعته
ربي قربان لاجل تنزيلك
———-
مو اضلوع اعظام كلها مكسره
والجسد اعضاءه كلها موذره
وعالعوالي الراس زينب تنظره
اتصيح ياحيدر دهد ابخيلك
————
مو اخو اخوان كلها امطرحه
والجثث مقطوعه كلها امشرحه
والبنات ازغار شوف امجرحه
فوگ هزّل تنعى واتناديلك
————
بقلم :بنت الشمري
المستهل (الشاعر ابو علي السعيدي)
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
گومي زينب وي الحسين..اليله وانصلي ركعتين
خل نصلي الوحشه لمــــنه
وهذا ابونه اليبچي يمـــنه
أ يزينب… أ يزينب
★★★★★★★★★
گـــومي ابساعـــــچ يزينـب ها يبت عقد الوله
وخل نصلي الوحشه لمنه ابدمعه نبدي البسمله
لـــو بچيــــنه اهنـا يزينب ندري انـتــي امدللله
نَصــــي صوتـــــــچ لاتسمعچ امنه وتفز معوله
نَصي صوتچ إلــه تبچين…
خاف تگعد فاطمة الحين
ومن تــفــزْ تْلچــم هَمنه …
وهذا ابونــه اليبچي يمـنه
★★★★★★★★★
انــه اخوچ الحسن يمچ زينب وگلبي انطعن
لاچــــن ادري اشما بچينه مانوفي ام الحسن
هــذا الحسين وعزيزي عيونه من دم هالبچن
ازغـار انـــتم وانـــه واخاف اعيونكــم لاينعمن
البچي مايصلــح بالغروب
وهذا دم امنه العله البوب
اگبالنه وذبحوا حلمنه
وهذا ابونه اليبچي يمنه
★★★★★★★★★
اشما نطب الغرفت امنه نلگه بالحايـــط صور
وبابنا ايخوف يزينب واخذي من عنده الحذَر
اثـــر دم بالـــبــاب باقي وبلگلب بــان الأثــر
اگبال عيني وشفت قنفذ بيده ضلع امي انكسَر
أمــي لزمة طــــرف الحجاب
والرجس ظل يرفــس البـاب
صحت يالرايــــد يتمـنـه…
وهذا ابونه اليبچي يمنـه
★★★★★★★★★
خلي نتوظـــه ابدمعنه او احد ابواحد يكـض
وحيدر ابمحرابه يوگف يختي ونصلي الفرض
نرفع اچفوف المناحه للسمه وتبچــــي الأرض
امنه قـــران المصيبة ابيا جرح من ينحفض
انگله بويه الخاطر أم عون
من البچي لا تعمي العيون
لو نطش ياهــــو اليلمنه…
وهذا ابونه اليبچي يمنه
★★★★★★★★★
يالحسن خويه ارد اگلك يابعد بيــتي وهلـــي
گل لبونه اتگول زينب دمعك ودمعـي ايهلـــي
انته تبچي الفاطمة أمنه وانـــه ابچي الكافلي
باچر انــه امشـي سبيه اوحدي ابــرة المحملي
زينب اختك تصعد النوگ
وعاالعلاوي اتفــرج السوگ
طايح الشـــــايل علمنه …
وهذا ابونه اليبچي يمنه
★★★★★★★★★
هذا الحسين ابخدمتـــــچ يابعــد روح النبي
وياچ يوم الطف يزينب يحمي كل ذيچ العبي
ابظهر ابـــــوي الگمر نايــــم باچر ايگوم الأبي
وأخـــو زينــــب هذا أسمه ايعرفه تل الزينبي
باالخــيم انتن أمـــيرات….
اوخايف اطلعن اسيرات
وسكنه تندب وينه عمنه
وهـذا ابونـه اليبچي يمنه
★★★★★★★★★
ــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
الزهراء. عليها السلام
انتي حجه اعله الارض واهل السمه
نادي ابو صالح يعجّل مقدمه
++++++
انتي ناديله يبو صالح تعال
شيعتك لزيارتي رادت وصال
الهسه گبري مخفي عنهم لايُزال
ندري بس المهدي گبرچ عالِمه
+++++++++
وين يم حسين گبرچ اي مكان
انزورچ اعله المحتمل يم الحنان
بين قبري ومنبري روضة جنان
الهادي گال وگلنه يقصد فاطمه
+++++++++
ومره گالو بيت الاحزان الگبر
وين ما تبچين چنتي امن الكسر
يم. جفن مجروح وادموعچ حمر
نسكت ونسمع جواب الغانمه
++++++++
الماعرفني ايگول وين وگبري وين
جوه كل منبر ينوح اعله الحسين
بالمجالس فاتحه الچف اليمين
اجمع ادموع الجرت للمظلمه
++++++++++
اگلوبها الخدام بانيلي ضريح
وعطري موجود ابدمعها من يطيح
ابحرگه كلمن يبچي لحسين الذبيح
آنه اسجلها الچفوف اللاطمه
++++++++++
لكن انريد الحقيقه وخل نشوف
وبضريحچ ويه ابو صالح نطوف
يمته والشباچچ انمدها الچفوف
الگلبه ضامي ازيارتچ تروي الضمه
ثائر الربيعي
أسالوا عن فاطمهْ اينَ قبرُ القيّمهْ
ذلك السرُّ الكبيرْ فيه تحديد المصيرْ
أُخفي القبرُ لمَ اين قبرُ القيّمهْ
----------------------
أسلوا عنها ففي كُنْهِ السؤالْ واجبٌ فرضٌ علينا كلَّ حالْ
بِرضاها سوف نُرضي المتعالْ ولذا في ذكرِها المدمعُ سالْ
فهي دمعٌ دائمٌ في عيونٍ ساجِمَهْ
إعرِفُوها مَنْ تكونْ حولها دارتْ قرونْ
فهي تُطفي الحُطمهْ اين قبرُ القيّمه
-----------------------
سرُّها فحوى جليلِ الخافياتْ بعضه فيه انطوى معنى الحياةْ
لم يُحِطْ فيه سوى روحُ الهداةْ جَلّ أنْ يُدرَكَ بين الكائناتْ
شعّ للدنيا شعاعْ منه كيما نعلَمَهْ
للهدى اصلُ الدليلْ فهو مفتاح السبيلْ
واجبٌ نستفهمهْ اين قبرُ القيّمهْ
--------------------
حكمةٌ عظمى وامرٌ جلّ أن يأتي عفواً إذ به الحقُ كمنْ
من عليٍ وحكيمٍ مؤتمنْ دفن السرَّ لقبرِ ام الحسنْ
حجّةٌ يبقى السؤال كل حينٍ قائمهْ
يُفْرَقُ الامرُ الحكيم فيهِ عن خطبٍ جسيمْ
للعقولِ العالمهْ اين قبرُ القيّمهْ
--------------------
تلك خيرُ الخلقِ بنتُ الخيّرِ زوجُ خير الخلقِ امُّ شبّرِ
قد رأتْ ظلماً عظيمَ الخطرِ لم يُرى في مريمٍ او هاجرِ
امّ كلِّ المؤمنينْ فهي امٌّ راحمهْ
ظلمُها لم يُجترى قبلَها بين الورى
من نفوسٍ ظالمهْ اين قبر القيّمهْ
---------------------
حينما اسندها ضيقُ الجدارْ لم يكن للباب بُدٌّ او قرارْ
فكأنِّي بهِ لو يلقى مسارْ غيرَ ذاكَ القَدَرِ الاتي لسارْ
فشكى مسمارُهُ منهُ تلك المظلمهْ
هاهنا اصلُ العذابْ خُطّ في آي الكتابْ
آيةٌ هي محكمهْ اين قبرُ القيّمهْ
---------------------
كيف لي اذكرُ ضلعاً قد كُسِرْ وتجلّى الشرُ شيطاناً أشِرْ
جاء إداً والسماءُ منفطِرْ بهِ من أمرٍ جليلٍ قد قُدِرْ
أُسْقِطَ النورُ ضيا صوراً ذي مؤلمهْ
مُحسنٌ فوق الصعيدْ يشتكي الجبتَ العنيدْ
بين قومٍ مُسلِمَهْ اينَ قبرُ القيّمهْ
---------------------
فمضى يدفنها دامِ الجوى فعليٌ حزنُهُ القلبَ كوى
لم يكن شيّعها القومُ سوى من لها منهمْ فؤادٌ قد هوى
فمضتْ كَسْرى الضلوعْ في انينٍ كاتمه
تلعَنُ القومَ الطغاةْ وسؤالٌ هو آتْ
سيجيبون بمَ ؟ اين قبرُ القيّمه
---------------------
قاسم آل واعي الرميثي
1 جمادى الاولى1445
لسان حال مولاتي العقيلة زينب عليها السلام
وره الباب. خيم محترگه ونحور وضحايه
وره الباب. زلم طاحت نسه طلعت سبايه
عن قصتي يطول الشرح ماظل اخو مامنذبح
وره الباب.
==========
الباب باب إمي نعم بس خيمتي بنفس الوقت
والنار حرگت مهجتهي للطف بدمعي إتحظرت
من إسمعت كسر الظلع خيل وحوافر شاهدت
كسرت ظلوع إبن النبي بالخيمه ترس اذني اسمعت
والاجروح. شفت كل الجره بعيوني الاثنين
والاجروح. كسر ظلع الزچيه وظلع الحسين
بعيوني مظلم ياصبح. ماظل اخو مامنذبح
وره الباب. وره الباب
==========
عالحايط من امي هوت مغمي عليها الطاهره
طاحت يويلي عالوجه منها الظلوع مكسرة
وهنا شفت اصعب جرح بين الجروح وحايره
لن اني بالطف وشفت وحسيني حزوه منحره
يبو حسين. تعال لزينب وعاين ألمها
يبو حسين. بحرگ بابك تره حركوا خيمها
وراس الحُسين اعل الرمح ماظل اخو مامنذبح
وره الباب. وره الباب
==========
ماينوصف حجم الالم واني اللي شيب حالي
الباب اخذ ام الحسن والطف اخذ جم غالي
محتارة بمصابي شبعد ماظل الي اي والي
اني الاميرة الآمره تالي الشمر يبرالي
يعباس. صحت مرتين وينك ياكفيلي
يعباس. جمر باب الزجيه هدلي حيلي
وينك يبو وجه السمح. ماظل اخو مامنذبح
وره الباب. وره الباب
==========
من عاينت محسن وكع لعبدالله شفت المصرع
جني شفت والد اجه شايل وليده مگطع
صوت الطفل بذني بقه حسرة ومواجع اسمع
البسمار نبلة حرمله ونفس المشاهد ترجع
اويلاه. الذبح محسن رجع عالعتره مرتين
اويلاه. ذبح عبدالله تالي بحظن الحسين
لامانشف دم الجرح. ماظل اخو مامنذبح
وره الباب. وره الباب
==========
موقف صعب مر بألم هالموقف الألمني
من كيدوا حيدر علي وام الحسن تنظرني
جنها إعرفت واني اعرفت بالطف منو يگيدني
والشتم الزهره بحقد بالطف يرد يشتمني
والمصاب. انا الشفت المصايب تهدم جبال
والمصاب. زغيرة ومن مصابي ايشيب الحال
باب الحزن ظل منفتح. ماظل اخو مامنذبح
وره الباب. وره الباب
==========
الشاعر علي النائلي
مغيم يگلبي وماصحه يوم
حمله ثجيل وشايل اهموم
عده جرح كل ساع ملچوم
ويعـــينه الله البــي مثــلي
عمــري حــزن خلـصته كله
ومــاظل دمع بعيوني اهله
دهـري وزمــاني وياي شله
حضي شجاه ماساوه حلي
مجروح كل عمري الگضيته
ابچي بكثر حچي الحچيته
عــل راح مـني وعاف بيته
يدموع عيني بحرگــه هلي
المالوم يگضي عمره حسره
يـوشل اعيونه گطره گطره
بــدلالــه تســعر دوم جـمره
صـوت المناحه اعلـيه يدلي
الثــوب دمــعته الله يعينه
لو نشف دمـعه يظل ونينه
صــار الحــزن عــده سنينه
ويگول گمت ابچي ويظلي
مــانـام ساعه وتهده عيني
ميت تــره وعــايف ونيني
الراح مــاضن هــم يجيني
وبلــدنيه بــعده انـي شلي
*
ابوحيدر
الصبيحاوي
الله يعينك ياعلي
الله يعـيـنـك يا عـلـي من ودعـتـها الـزهـره
راحت يحيدر فاطمه وراحت وياها العشره
ضياع .. عمرك بدون ام الحسن
ضياع .. الزهره چانـتـلك وطـن
الله يعـينـك يا عـلـي
……………………………
الـ بس هيه چانـتلك كـفو .. والتارسـه بـيتك دفـو
وچـانت الك أم وابـو .. راحت يحيدر
ذيـچ الحـنينه الطيـبة .. روحـك علـيها معـذبـه
جـرح الهجـر شيطيـبه .. وگـلبك تكـدر
أم بـيـتـك وأم وابــو وچـانـت اخـو بـالـشـده
وچانت حبـيـبه ام الحسن وياها حلوه الگـعـده
ومـاي الـيـبـردك بالضـمـه والمـاي هـسـه اتـبـده
ذبحـو عشرتـك يا علي وراحت هذيـچ ايامك
من يوم ما طگـها النذل وطاحت تون جدامك
ضياع .. ابابك بدت ذيچ المحن
ضياع .. الزهره چانـتـلك وطـن
الله يعـينـك يا عـلـي
……………………………
شفت الجره عليها وحصل .. بيتك على الزهره اشتعل
لگـلب العرش دمها وصل .. بذيـچ الرزيه
من الرفـس من الضـرب .. تـتـلـوه ضلت عالـتـرب
ودمعـك علي الها يصب .. تـگـلها شبديه
الغـيرة والحـيرة اكـسرن ظـهرك ابـذيـچ اللحـظـه
گـبالك يدوس اعله الضلع واسمعت طگـة الرضه
ومجـبـور عن ذاك الوضـع الـنـظـر گــوه تـغـضـه
چـف الضرب خـد فاطمة ماتگدر انته اتگـصه
مجـبـور يا حـيـدر لأن ابـهـاي چـنـت امـوصه
ضياع .. هـاي اول ايـام الفـتـن
ضياع .. الزهره چانـتـلك وطـن
الله يعـينـك يا عـلـي
……………………………
الداس بـثـنـية منـزلك .. قصده يحرگـك وي هلك
بـس فاطمة ضحت الك .. زهـرة عمـرها
فدت الك خـد وضلع .. وضحت الك شوف وسمع
خافت ابچـتلك تنفجع .. تحملت كسرها
وهو استغل هالتضحيه وصوب اصوابه ابگـلبك
يـدري بــدون ام الحـسـن الدنـيـا راح اتـعـبـك
ورادك تمـوت مـن الحزن يدري بـهجرها ايعذبك
والثاني حـقـق غايـته وچـتال چـان اصوابه
الغالي مـن يسكـن گـبر اتـمـوت كـل احـبـابه
ضياع .. حـيدر ابـدنـياه انسجن
ضياع .. الزهره چانـتـلك وطـن
الله يعـينـك يا عـلـي
……………………………
الله يعـينـك عالهـجـر .. من غسلـتـها ابـيا صبر
ماتدري شمسوي الكسر .. چـان بصدرها
وي كل نـَفس خنگـة وألم .. چان الهوى مثل السهم
وزفـراتـها تـطلعـها دم .. مصيبة شكبرها
وما چانت اتـريـدك تحـس يا حيدر ابـمحـنـتها
مـن تـقـره قـرآن الفـجـر تـطلـعـها بـي ونـتـهـا
وبكل قنوت ابكل فرض فرصة تصب دمعـتـها
شگـد جـاهدت وي الألـم لمن شهـيـده ماتـت
توها الزچيه من الوجـع ابنص گبرها ارتاحت
ضياع .. بيـها المصايب دولـبـن
ضياع .. الزهره چانـتـلك وطـن
الله يعـينـك يا عـلـي
……………………………
يا راحـة تلـگـه ابدنيتك .. وام حسن وحدك عافتك
ايعـينك الله ابـغـربـتـك .. يا حـامي الجـار
الچـانت الك مثل الهـوى .. وبالحلوة والمـرة سـوه
شگد گـلبك عليها انچـوه .. وما تنطفي النار
الچانت سكن روحك امس هسه بگبرها سكنت
بـثـيابـها شــم يـا عـلي لـو لـيـها روحـك حـنـت
مكـتـوب روحـك مـن تـحـن للمگـبـرة اتـعـنـت
شم بتراب ام الحسن وصب عالگبر دمعاتك
واحـچـيلـها عن غربـتك بـفـراگـها ولوعـاتك
ضياع .. دموع المفارگ لو جرن
ضياع .. الزهره چانـتـلك وطـن
الله يعـينـك يا عـلـي
الشاعر عقيل الحسناوي..
.
إسأل أَجِب ما أحتِجِب
لا تِعتِجِب صايِم يَجِب
لو أَكتِب عَن الزَهرآء تِتوضه كون إحروفي
**
هـــذا إلخِطـــاب إنوجِهـــــا للعاقِل
أشــرَف نِســـــاء إلكون ألله إلكَايِل
إلوآلِدها حَصراً أَوحى بِيها إيباهِل
بِوآدي وَجَبَل بِحَقها نِزَل
لا مــــومَثل خير العَمَل
أنصَحَك بِأسم الزَهرآء لاتِنسى قَط مَعروفي
**
أبـدي إلسـلام إعليــج كبل إلدَمعه
وعليج كِلمن سَلَــم رَبنـــه إيرِفعه
ياهيبــة إلدنيـــه إو كِنون إلرجعه
بِنت إلنبــي زوجة وَصي
حيدر علي روحـي وهَلي
فِدوه إلِج يالزهرآء يابَعَد كَلبي وَشوفي
*
فَضَلِج أَلله يازَهره إعله إلدِنيه
وِألـــوآلِدج حَقَقله أشرَف مُنيه
اُم إلأبيهـــــا إختار طَه إلكُنيه
إلروحه عِرِف ما تِنــوِصِف
مـــــا تِنعِــرِف إلكِل تِعتِرِف
ألله يِحِب إلزهرآء ما أوصَل إلمَوصوفي
***
بِدَلآلـــي حُبِـــــج يــــازَهراء إترَسَب
إختاريت إسِم مِن دَمعي هذا إليِنصَب
ألــف إلسَــــلآم إعليــــــج يا أُم زينَب
حُبِج سِره يـا مَفخَره
ياجوهره أقدس مَره
كُلي فَخَر يازَهرآء مُهجِتي إنتي وَشوفي
**
إنتي وَسِيلَـة أللـه وِإحنــه إنادِيج
حاز إبغَضَب بارينه كِلمَن ياذِيج
طُول إلدَهَر وآجِبنه وأللـه نِرثِيج
يـــــا فاطِمه وَحامي إلحِمه
وَحك إلسِمه نِبجـــــــي دِمه
بِدموعِنه يازَهرآء ما نُوفي حَقِج خوفي
****
عالمَنبَر آنه أقره مِـن إلهامِج
أحيهـا أُم الحَسَـن هاي أيامِج
قِبليني خادِم مِـن خَدَم خِدآمِج
روحي إلِج وِبـــدَفتَرِج
وأتوَسَلِـــج خاطِر هَلِج
خِتمي إلي يازَهرآء وإلجَرحي بيدِج روفي
**
عِنـــدي يَقِيـــن أُم إلحَسَــن أُم حسين
كُل مَجلِس إنتـي يازَهراء إتحِضرين
وِبهل إلمَكان إلطاهِــر إنتي إتسَجلِين
بِيدِج خَتِم إلهاي إلخَدَم
والله وِنِعِم والكَل سِلَم
إتنادي عَلينه إلزَهرآء هاي الخَدَم بِصفوفي
**
خادم الحسين
حاتم ماشاءالله الكاظمي
نزلة لمولاتي فاطمة الزهراء عليها السلام
بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني
سيد زيد الفحام
[صورة 39.jpg]
باب الحاجه تنطي الحاجه بچفوفه
ووكت الشده ام عباس متعوفه
****
متعوفك وانت بشده گاصدها
وماكو الي رجع فشلان من عدها
دقره الفاتحه بگلبك ورددها
واهديها بثواب الزهره مكفوفه
***
مكفوفه الطلبها وهيه عطايه
وتنحل الشدايد حلت الرايه
نعمه ام البنين وگد الحچايه
كريمه اشما تزيد الطلب معروفه
****
معروفه بعطاها ترس اديك اتصير
واهي الانطت ولدها للحسين تحير
بسمها البسمه يردد ويبدي يطير
ولوما ينتخيها اجناحه مچتوفه
****
مچتوفه لحد ما ينتخي يگلها
امروتج ساعديني وجنحه يسألها
جناحك بيدي امسحه وانه ادللها
السمه بيها اتراب واطوفه
****
اطوفه الغيمه گبرج والله محتاره
بچيها اعليج مطره بحسره ازياره
اترابچ هم مقدس بي الف شاره
امنيت السمه عدها عيون وتشوفه
***
تشوفه وتشتم وتتعطر بعطره
الخلك بسوالفچ تشتم حچي الزهره
بكلب گل مؤمن النيران مو جمره
وجرح بس الزياره تگدر اتروفه
****
زيد عدنان الزيدي
كيف ننسى ضلعَكِ
قد نعاكِ الكونُ يا بنتَ الرسول
وفروعُ الدينِ تنعى والأصول
كيف ننسى ما جرى يومَ الهُجوم
جاءَكِ القومُ فأسقوكِ الهموم
لا وحقِ اللهِ لن ننسى الخصوم
وأسى القلبِ على الضلع مهول
بكِ يا سيدتي ضاق الفضا
ألمٌ في الضلعِ كالسهم مضى
قال من أنكرَ حقَ المرتضى
أحرقوا الدار وإن فيها البتول
رفسوا البابَ بحقدٍ عَجَبا
ولهيبُ النارِ فيها نَشَبا
وعلى النارِ أضافوا حطبا
حللوا الموقفَ يا أهلَ العقول
عندما غاروا على البيت الشريف
أنبتوا المسمار في الضلع النحيف
أنت يا زهراء في وضع مخيف
وعليٌ حائرٌ ماذا يقول
ما حدا سيدتي مما بدى
بعدما غادرَ طه، فالعدى
كسروا ضلعَكِ يا بنتَ الهدى
وغدا غصنُكِ يسعى للذبول
قال من والاك أبدي عجبي
أوليستْ فاطمٌ بنتَ النبي
جاءها بالسوط يمشي الناصبي
يا له من موقفٍ لا لن يزول
فاطمٌ للحزنِ أضحت موطنا
والذي زاد الأسى والشجنا
أسقطوا بالغدرِ منها محسنا
ولها ناحت هضابٌ وسهول
زينبٌ تبكي بهمٍ وأنين
حَسنٌ أمّاه لا لا ترحلين
وحسينٌ صاح من قلبٍ حزين
ملعبًا بعدَكِ أمسي للخيول
شَيعوا نعشَكِ ليلا شيعوه
دفنوا جسمَكِ سرًا دفنوه
أسفي أربعةٌ قد حملوه
فأصاب العالمَ الأعلى ذهول
أنت يا سيدتي للناسِ دين
أنتِ شمسُ الله في كل السنين
لك جرحٌ في قلوبِ العاشقين
لحديثِ الدارِ لا شكّ يؤول
لك جرحٌ في حشانا لن يغيب
وسنبكي بعويلٍ ونحيب
ولها طوبى لمن يمسي كئيب
لم يعرْ سمعا لما يفتي الجهول
عباس الأسدي
الشاعر الحسيني ظاهر حبيب الهليجي
دمعك مدرار وظعك منهار ياحامي الجار ياحامي الجار
دافن هليله انفاسك وي كلبك شيب راسك
ياحامي الجار
*
عله اخدودك اثر دمعاتك الحمره
حزن كلبك يعادل عالم بأسره
و دنياتك عفتها بدفنت الزهره
يعين الله دليلك سيدي وصبره
وجهك مهظوم حيلك مهدوم جرحك ملجوم جرحك ملجوم
حكك مجروح احساسك وي كلبك شيب راسك
ياحامي الجار
*
يل دافن مهجتك ويه محبوبك
الحزن تفصال فصلته وصبح ثوبك
دعائك للجليل الموت مطلوبك
اهات الخليقه صارن ابصوبك
مدميه العين ونارك نارين يابوالحسنين. يابوالحسنين
يعگوب أصبح مقياسك وي كلبك شيب راسك
ياحامي الجار
باب البيت من اتشوفه شيصبرك
بل زهره الزجيه أو محسن إيذكرك
يانشغه التصير وتسعر بصدرك
لوذاك الصطر خدها وكسر ظهرك
متعوب الحال مشدوه البال همك جتال
يل دافن خيرة ناسك وي كلبك شيب راسك
ياحامي الجار
*
ترد للدار وام بيتك خذاها البين
أوتشوف بدمعه زينب والحسن وحسين
وكالولك وين أمنه يبو الحسنين
بيا جلمه تصبرهم ينور العين
ونك مسموع كلبك مفجوع وتهل ادموع
ظلمه وراحل نبراسك وي كلبك شيب راسك
ياحامي الجار
*
أصحاب السقيفه الفعله سووهه
بابك والخيام ابنار حركوهه
ظلع فاطم وابنها ظلوعه كسروهه
بلعاشر نفسهم عيله يسبوهه
گلبك ممرود صبرك معهود لجل المعبود لجل المعبود
موجود النوح بساسك وي كلبك شيب راسك
ياحامي الجار
لاستشهاد الزهراء عليها السلام. موشح
اليوم ياشيعة رحيل أم الحسن
الشافت أنواع المصايب والمحن
الأرض ملچومه تنوح ومظلمه
ومومثل كل يوم حالتها السمه
ابيا گلب حيدر يودع فاطمه
بنار گلبه من دفن جنة عدن
بگلب حيدر تحرگ الدنيا حرگ
وبحوافر خيلها تسحگ سحگ
موأكيد عيونه تغفه. وتنطبگ
ولاكفيل اجروحه يمحيها الزمن
ينظر الزينب وگلبه منكسر
حايره بالدار تنظر كل كتر
يكتل أفراگ الحنينه من صغر
ايام موعلبال يم زينب لفن
داهم البيت الزمن حين الهجم
بيت من جور النوايب ماسلم
فوگ لچماته علي شگد انلچم
الدين كله شلون لفاه ابچفن
انگطعت انفاس الزچيه وهودت
اتلوعت من الظلم واتروعت
بموحشات الليل لمن غربت
مشه الموت وراح يحدي بالظعن
اليوم ياشيعه صدگ وكت الحزن
والمدامع تصب. للزهره ونون
مهشمه اظلوع الزچيه والمتن
والسبب يرجع لأصحاب الفتن
الشاعر حسن لعيبي الحريشاوي
نعي لمولاتي الزهراء ع
يـامـاشـيا لِـتـزور قـبـر فاطـمةٍ
إبـعـث لـهـا ودي وكـل هـيـامي
قـل للحبـيـبة إنـني حـرب لـمن
حـاربـهـا فـعـلاً ولـيـس كـلامـي
حـباً سأبـقـى خـادمـاً لحفـيدها
سلـمـاً أكـونُ لـهُ يكـون سلامـي
ثـأراً لأجل الظـلـع يوم خروجـه
أشهر مع ابن الأكرمين حسامـي
يابضـعـة المختار بغـضاً بـالـذي
آذاكــمُ أرمـي غـــداً بـسـهـامـي
اتـفـارگـينـه وسفـه يـيـمه اتـفـارگـيـنه
حـزيـنـه دارچ يمـي مـن بعـدچ حزينه
وشلون بينه عگب الجره وشلون بينه
تقول الروايه. آخر لحظات مولاتي فاطمه نادت على اسماء.
يا اسماء اتيني بزينب فقالت اسماء : سمعا وطاعة يا مولاتي
عندها جاءت السيدة زينب الى حجرة امها فقالت الزهراء : بنيتي زينب لي لكي امانة فقالت زينب وما هي تلك الامانة يا اماه فقالت الزهراء بنية زينب خذي هذه الاكفان واحتفظي بها فهذا كفن لابيك امير المؤمنين وهذا كفن لي وهذا كفن لاخيك الحسن وهذا كفن لكي يبنتي
فقالت زينب اماه لقد وزعتي الاكفان كلها ولاكن اين كفن اخي الحسين فقالت الزهراء وهية باكية: ابنتي زينب ان اخاكي الحسين سوف يقتل بكربلاء وتقطع اوصاله السيوف وتسحق على صدره الخيول ويحز راسه من القفا وتسبى عياله ويدفن بلا غسل وتكفين يازينب فنادت زينب واحسينااه و اخااااه
كـلـمـا غـمّـضت جـفـن الحنينه
تشوف حسين بالطف ذابحينه
ومن ذاك الرمـح طـالـع ونـيـنه.... هذا اخوها
كلـمـا تـحـزن اتعاين على الباب
تشـوف الـجـرح ياهالناس لهاب
رسول الله بهذاك اليوم منصاب... إي وابوها
كـل لحـظـة تـمـر تـتـذكر الصار
بعد الـ(وإن) وجت يا وسف نار
لعنة الله على كلـمـن حـرگ دار ... السلبوها
(نعي)
عـاري ظـل بكربـلـه يـانـاس عـاري
ناري تطب للخيم بعد حسين ناري
ام المـحـنه شلـون بـيـها
لو راح مـن عـدهـا وليها
وبعد الجره يبدي سبيها
ياناس عاري ابلايه هدمه
ما ظل الـه بالحومه زلـمه
====================
15/12/2023 الجمعه
#الشاعر_الميرزا_محمد_الساعدي
وكأني بلسان حال مولاتنا ام البنين "عليها السلام"
بنيت اگبوركم بارض المدينه
واگل للروح اصبري يالحزينه
ورشها ابدمعة العين
يا عـبـاس وحـسـيـن
بنيت اگبوركم بارض المدينه
ــــــــــــــــــــــــــــــــــــــ
ابـنـي اگـبوركـم يـمه ابأديه
واهدم مـن تـمـرالـمغـربـيه
امـل عندي يمـن بالغاضريه
بـلـچـن لـنكم اتعودون اليه
وتـعـمـرون الدواوين
يا عـبـاس وحـسـيـن
بنيت اگبوركم بارض المدينة
ــــــــــــــــــــــــــــــــــــــ
تـعـمرون الـمـبـانـي مـن تردون
ويرد حيلي عليه وشوف العيون
ما اعـتـب ولـومـن لا تـخـافـون
ولا گلكم جفيتوا الـربت اشلون
طايح تـعـب السنين
يا عـبـاس وحـسـيـن
بنيت اگبوركم بارض المدينه
✍🏻خادمة آل البيت
ــــــــــــــــــــــــــــــــــــــ
طاح التعب كله بأرض الطفوف
گبر عباس ارسمه ويمه الچفوف
وارسم نهر يمه أطفاله اتطوف
يغرفون المَّـيه ابگلب ملهوف
ويجيبوا للصواوين
ياعباس وحسين
بنيت اگبوركم بأرض المدينة
_
بنيت أكبورهم بس أبو اليمه
بنيته لكن الجسم اشيلمه
وعبد الله الطفل ما كو اعله حجمه
استحه حتى الترب منه يضمه
طفل وابدون چفين
ياعباس وحسين
بنيت اگبوركم بأرض المدينة
✍🏻زينب الواسطي
ــــــــــــــــــــــــــــــــــــــ
اهدم بالتــرب وارجع اجمعه
وبكل طور يـــمكم.اكعد انعه
جمر فوك الوجن تنزل الدمعه
عن امكم مشيتو ليش جمعه
اگبور ابلا عناوين
ياعباس وحسين
بنيت اگبوركم بارض المدينه
ــــــــــــــــــــــــــــــــــــــ
انوح اعله الولد مدري اعله روحي
يسباح الگلب تنــزف اجــــروحي
حمام الدوح هـــم ون اعله نوحي
ويه الحيل هدمتــــــــو صروحي
حيف اعله الشياهين
ياعباس وحسين
بنيت اكبوركم بارض المدينه
✍🏻ام علي البابلي
ــــــــــــــــــــــــــــــــــــــ
تمت بعون الله وتوفيقه
بأقلام
✍🏻خادمة آل البيت
✍🏻ام علي البابلي
✍🏻زينب الواسطي
لانجيز حذف الأسماء
نسألكم الدعاء
قصيده للزهراء ع السلام
خادمكم عبدالهادي العريفاوي
من ضلعج المكسور مهظومه يالزهره
شنهو الجره والصار من ضلعج وكسره
----------------------------
وسفه الدمع همال والزهره مهظومه
حتى السماء تصيح مظلومه مظلومه
وبكربلاء حسين متوسط الحومه
يالزهره واويلاه من ينكطع نحره
-------------------------------
كسر الضلع جتال سنديني يافضه
والثاني خلف الباب دفعة حقد رضه
بيوم الحساب هناك مااغفر وارضه
وماانسه جفه شلون خد فاطمه يسطره
------------------------------
عكب النبي المختار وبلحضة اغيابه
كلها اعله باب الدار مجتمعه اصحابه
جابو حطبهم ليش بيها احترك بابه
ومن سطرة الارهاب عيني اصبحت حمره
----------------------------------
يايمه نبقه ايتام حاجينه يايمه
وتشبكهم الزهراء وكل واحد تشمه
عكب النبي وزهراء حيدر منو اليمه
بهذا المصاب الصار وسط الكلب جمره
----------------------------------
ياأمنه يازهراء الفركه تاذينه
ليلة وداع وياج لالا تخلينه
خاف النعش ينشال وي نعشج اخذينه
ندري طويله تصير يالوالده السفره
------------------------------------
والزهره للحوراء توصي وتهل العين
يازينب تشوفين مذبوح اخوج حسين
عكب الاهل ويلاه للكوفه من تمشين
وكل الايتام وياج يايمه متيسره
--------------------------------
لمنه فاطمه الزهره.بكلبنه تسعر الجمره
نبجي المحسن وحيدر وآه ياضلعج وكسره
يا زهراء يا زهراء :
.......................
يمهدينه عهد والله ما ننسه امك الزهره
بالدم والكلب نبضه بسمها تلبي كل كطره
نحسها تعيش ويانه الندبها فاطمه تحضره
تكضي الحاجه للطلاب بذكرها ينجلي عسره
يا زهراء يا زهراء :~~
كبرج فاطمه مخفي على العدوان عنوانه
امل عدنه اليدل عليه المهدي يندل بجانه
ابكلب الخادم الحضره كبرج عالي بنيانه
نطوفه بكل مجالسنه بكلبنه تكسر العبره
يا زهراء يا زهراء :~~
الج شمس وكمر مخلوق اعلينه فاطمه نعمه
معصومه والج كلشي ربنه اختارج بعلمه
الله كلم المختار بالخمسه وضع حكمه
رسول الله وحسن وحسين علي وانتي لزهره
يا زهراء يا زهراء :~~
نواسي فاطمه الزهره البسمها الله علمنه
ضلموها اخس الناس لعنها الهادي كلمنه
جهلو كل حقيتها وهيه زهرت الجنه
بنت وام رسول الله بيها استودعه سره
يا زهراء يا زهراء :~~
دعينه شكد يبو صالح الربنه ارفعنه ايدينه
الهي بجاه ابو الغيره ذاكه الضحه جفينه
عجل ساعة المهدي ندبناك وترجينه
يتامه احنه بغيابه ومنه نريد بس نضره
يا زهراء يا زهراء :
كلمات
الملا احمد السالمي~~
كل شيعي يون معذور واويلي على الزهراء
ضلع أم الحسن مكسور واويلي على الزهراء
**
كل شيعي هتف مهموم واويلي على الزهراء
وبوجهه الحزن مرسوم واويلي على الزهراء
انشيع فاطمه بهاليوم واويلي على الزهراء
وعدنه كل وكت عاشور واويلي على الزهراء
**
نلطم عالصدر بحساس واويلي على الزهراء
نعشها انشيله فوك الراس واويلي على الزهراء
نبجي وخل تصيح الناس واويلي على الزهراء
وعليها الي يون ماجور واويلي على الزهراء
*
هاليوم الحسن محتار واويلي على الزهراء
بدمعه ايعاتب البسمار واويلي على الزهراء
حرمتني من امي تطلب ثار واويلي على الزهراء
سور امي وهدمت السور واويلي على الزهراء
***
حسين ايصيح بأعله الصوت واويلي على الزهراء
اشلون امي الزجيه اتموت واويلي على الزهراء
بعدها زغيره عالتابوت واويلي على الزهراء
أنحب ياخلك مجبور واويلي على الزهراء
*
زينب والدمع همال واويلي على الزهراء
اجت يم حيدر بيا حال واويلي على الزهراء
راعي البيت صاحت شال واويلي على الزهراء
وكلبي ياعلي مجمور واويلي على الزهراء
**
تكله بويه صرنه أيتام واويلي على الزهراء
وصعبه اليفكد أمه اينام واويلي على الزهراء
ليل وخلصيته آلام واويلي على الزهراء
وجرحها بالكلب محفور واويلي على الزهراء
****
وينج يم حسن وحسين واويلي على الزهراء
يمه بعازتج تدرين واويلي على الزهراء
شجاج ومن وكت تمشين واويلي على الزهراء
وبيتج يمه احس مهجور واويلي على الزهراء
**
خالي أو وحشه صار البيت واويلي على الزهراء
شكثر يم عتبتج ونيت واويلي على الزهراء
وبثيابج اشم ظليت واويلي على الزهراء
ما ادري بزماني ايدور واويلي على الزهراء
**
يمه ما اضن ارتاح واويلي على الزهراء
عكب ذاك الحنان الراح واويلي على الزهراء
فكدج زاد جرحي اجراح واويليعلى الزهراء
ودمعي اعله الوجن منثور واويلي على الزهراء
* * * * * * * *
تمت
ميثم العمري
الليالي الفاطمية وكرم السيدة الزهراء عليها السلام تتضمن رواية الإمام الباقر عليه السلام
(قال أبو جعفر عليه السلام: والله يا جابر إنها ذلك اليوم لتلتقط شيعتها ومحبيها كما يلتقط الطير الحب الجيد من الحب الردئ....إلى أخر الرواية)
ياللي عندك عالضلع غيره اوحميه
إحضر ابهاي الليالي الفاطميه
كون مَنْ جَدْ وَوَجَدْ
واطلب الزهره المدد
واِطلب التوفيق من رب البريه
ــــــــــ
يالذي ابقلبك حراره لو صحيح انك موالي
سجل اسمك بالمجالس واحضر ابهاي الليالي
إبچي والطم عالزچيه ماكو مانع لو تغالي
ابكل رواية چان تقدر دايم احضر لا تبالي
لا يهمك منتقد واخذ النصيحه
لاتقول ان الروايه مو صحيحه
لا تعوف المعتقد
واطلب الزهره المدد
واِطلب التوفيق من رب البريه
من تجي الهاي المجالس انصحك خلك مواضب
راقب أفعالك يامؤمن واحذر ابغيرك تراقب
عالبشر رب الجلالة ظني ماحطك محاسب
اترك الناس ابأمرها اوشارك اعضاء المواكب
خل تشوفك فاطمه رافع لواها
بالمواكب حاضر اتشارك عزاها
لا تجي ازيادة عدد
واطلب الزهره المدد
واِطلب التوفيق من رب البريه
مو على كيفك يا مؤمن من تجي الهاي المآتم
إنته جاي ابدعوة جاتك يالموالي والله عالم
واِعلم الدعوة اللي جاتك ماهي من خادم لخادم
أقسم ابرب الجلالة الدعوة من چفين فاطم
خصتك والدعوة جابتها بيديها
محتواها خدمتك حافظ عليها
من زرع حتما حصد
واطلب الزهره المدد
واِطلب التوفيق من رب البريه
يالذي وسط المجالس فاطمه ترفع علمها
إعلم إن الله يحبك لو سمع منك إسمها
لو صحت بسم الزچيه يشملك لازم حِلمها
واِعلم إن الزهره حولك تمشي واتسجل خدمها
انعى يابنت النبي جبري لي خاطر
ابدفترچ يام الحسن سجليني حاضر
خادم اليوم الوعد
واطلب الزهره المدد
واِطلب التوفيق من رب البريه
ياللي جيت ابهالليالي بيضت صفحة كتابك
صَدِّقْ الأملاك كلها تعجز اتسجل ثوابك
اوبالحشر رب الجلالة نفسه يتكفل حسابك
والأجر عند الزچيه يُحسب اضعاف الجنابك
الأجر من فاطمه اضعافه اضعاف
لاهو عشره لاهو مِيّه لاهو آلاف
هم ثوابك ماله حد
واطلب الزهره المدد
واِطلب التوفيق من رب البريه
يالذي تحضر عزاها اوماتم الزهره تنصبه
اصغي واسمع هالروايه اوبيها بَشِّرْ من تحبه
قال ابو جعفر يشيعه ياعسانا نفدى قلبه
فاطمه يوم القيامه تلتقطنا حبه حبه
من كرمها فاطمه (اوكسرة ضلعها)
ماتطب الجنة (إلا) وانته معها
شالذي اتريده بعد
واطلب الزهره المدد
واِطلب التوفيق من رب البريه
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي الحاج السيد جعفر السلمان وذويه والمؤمنين والمؤمنات مسبوقة بالصلوات
الليالي الفاطميه المقدسه
لسان حال مولاي امير المؤمنين عليه السلام
يبوحمزه الثمالي تعال وشوف حالي
كسر فاطم كسرني ضكت مر الليالي
==========
يبو حمزه الكسر لچماته بيه
كسر گلبي الكسر ظلع الزجيه
الفقار بإيدي بس اصفگ بديه
شسوي وكيدت جفي الوصيه
يبوحمزه الهضيمه إكسروا ظلع اليتيمه
السطر خدها سطرني ولاجان اعل بالي
==========
اسمعت طگ الظلع من دفعوا الباب
الاجوها موصحابه كلهم ارهاب
الغدر عدهم سجيه طبع الاذياب
تحين الفرصه وتكشرها الانياب
الدفع باب الزجيه. شتم سيد البريه
حجيت ومن سمعني. القصد جان بسؤالي
==========
وكع منها الطفل واتجوه بالنار
يبوحمزه شسولف بله عالصار
تكوم وتوكع وبس ليه تندار
اصد لباب داري ودمها تذكار
وكع محسنها وتصيح. تشب النار وإطيح
تره المنظر فجعني. شيصورلك خيالي
==========
ونين الزهره يكتل يخنگ الروح
يبوحمزه عليه اتزيد الاجروح
تون واسمعها حسرة روحي اتنوح
فتح بابه الحزن بالروح مفتوح
اصد ودمعتي ادموم. شيخلص بله الاهموم
رسول الله تركني. بمصابي وهذا حالي
===========
اصد ام الحسن ذبلانه وتلوع
ولاهين اعرفه كسر الاظلوع
الوجع ساكت تسولف عنه الادموع
اعل خدها جف نذل ياويلي مطبوع
السطر زهرة حياتي. ذبح كل امنياتي
عدل لكن ذبحني. عليه اقسى الجرالي
==========
انا الكسرولي ظهري وشيب الراس
انا المجروح جرحي جرح الاحساس
خذوا زهره حياتي وريحة الياس
بعد موت النبي هم خانت الناس
بعد طه ورحيله. البقت ثله قليله
الزمان اشكد غدرني. ولكن راسي عالي
==========
الشاعر علي النائلي
*توديع الزهراء*
__
الليله فراك وساده يونون.
على ام حسين وشل ماي العيون
الليله فراك امهم ولخلك ضاك.
كلها زغار ما تتحمل فراك .
حسين يصيح يمه حيل مشتاك.
ينادي ريضو يلي تدفنون/
حيدر مبتلي يسكت بالاولاد.
ساكت والجمر يلهب بالفاد.
ياحزنه بمحمد بم حسن عاد .
بلوه بلوته وما ضنتي تهون/
عمت عين الزمان اسوه بيهم.
راحت من وكت سلوت حجيهم.
رادوها تظل ماصح بديهم.
ذبلت من وكت ام اليصلون/
دنيه مغيمه بس دنية احزان.
البيت انهدم ماظلت اركان .
ضواياته انطفت ماظله برهان
غابت ام حسن ومورمه الجفون / .
يفراك الحنينه يكطع الروح.
عافت بنزل اولادها تنوح .
غابت عنهم الي داوي لجروح.
من كثر الطم ورموهاالمتون/
حقهم لو بجو الام عزيزه.
جفنهم ماغفه ولا قل نزيزه.
مسموح الطم والون نجيزه .
وندك عالصدر ونساعد ام عون/
*ناعية خيام الطف*
مربعه للزهراء
يا بنت النبي ويا خَيرة النسوان
عليچ اليوم اونن والگلب خلصان
عليهه ابچي وتهل عيوني للزهره
للماتت غدر من شدة العصره
اهنا يلجايه للمجلس بعبره
نادي بصوت دمعچ خليصب غدران
طاحت عالأرض والضلع منهه انعاب
ثگيل وضكهه حيل أحاه ذاك الباب
عصروهه يشيعه شنهو الاسباب
طاحت فاطمه والهه بچه القرآن
زينب شافت امهه ونادت بحرگه
طيحة موت چنهه ومابعد ملگه
شبگت فاطمه زينب واهي مدنگه
اوداع اتگلهه يمه وما إلچ عنوان
خلص عمر الزچيه بالقهر واهموم
راحت واجده تشچي هظم هالگوم
لرسول الله تسولف والگلب مالوم
حرگوا باب بيتي وشبوا النيران
اتگبع بالحزن بيت الوصي وينعه
بعد صوت الحنينه شلون منسمعه
على حيدر يويلي ضاگت الوسعه
فارگهه الحبيبه والموادع حان
،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء