7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
النور طافي وبيتك أمخيم حزن
وصوت توديع أم حسن بذنك يرن
بيتك وكون الله أمسن مظلمات
صوتها الدافي الحنين بحزن مات
بلايا فاطم طعم مابيها الحياة
العرش ينحب لو سمع صوتك تون
ون عليها وثغب وأشبع ونين
صيح بدموعك عليها بكل حنين
ها يبعد ضلوع حيدر رحتي وين
الورده تذبل بس لچن ماتندفن
ليش يردونك علي ماتستراح
تگظي ليلك وي نهارك بس نياح
جرح فاطم يختلف عن الجراح
الزهره ماتت ياعلي بچلمة وإن
والله هظمه عتبتك من تنسحگ
باب الله بابك وهدموو حرگ
شلون عالزهره يحيدر ينطبگ
وضلوعها من العصره سحنوهن سحن
شلون حالك ياعلي بالمغتسل
ويلي من جست الضلع حيلك هدل
طحت لاكن طيحتك طيحة جبل
دموع حمره اعليها ضل يجري الجفن
بليل وحدك شيعتها شگد صعب
شحال گلبك فوگها تهيل الترب
علي دافن روحه بيده والگلب
مو ثگيله افراگها يهد المتن
بلا زهرتك صعبه لولادك ترد
شراح تحچي ياعلي من تنشد
تگلهم أمكم ميته لومات الورد
وشيهود الولد لو لأمه يحن
حسين حمدان الدلفي
لوفاة ام البنين سلام الله عليها (وزن الميمر)
مهمومه تبچي الاملاك. لأم البنين الحره
★★★★★
تبچي الاملاك وتنتحب مهمومه
وجه السمه طَفَّه الظلام انجومه
واجب لجلها الحزن لو حل يومه
الواست علي بالشدَّات من عگب عين الزهره
★★★★★
التنطي اليتيم ومايرد ابعازه
ام العطايا بياجزه تجازه
شلون السمه تنشال شيل اجنازه
من الدفن رد السجاد. نار الگلب مستعره
★★★★★
جملة صفات شكثر ربها انطاها
اِيحَيَّر أمرها الواصف ومعناها
وين الوفه متميل. مال وياها
الچانت سند للكرار. من كل زمان وشَرِّه
★★★★★
ام البنين الطاهره المهيوبه
افعال الوفه عد ام حسن مكتوبه
كل تضحياتچ بالحشر محسوبه
يم گمر ساطع وانجوم. طاحوا أسف علغبره
★★★★★
من سِيرِتْچ والنعم من هلسيره
مذهول من يقراها ضل ابحيره
يم البدور اهل الوفه والغيره
ضحوا ابدمهم لحسين. هزوا جحافل خطره
★★★★★
طاري البچي والنوح هاي اخباره
موحش البيت الغْرَّبَت. انواره
اللوعة العاشر ماتصح كل چاره
ودعت بيت الاحزان. بالمدمع وبالحسره
الشاعر حسن لعيبي الحريشاوي
ما امد چف عوزي لَحَّد ما ادگ باب الناس
کافي بس بدموعي اقره فاتحه الْاُم عباس
دمعه دمعه ابعمري تصرخ آه يا ام البنين 2
*
اشما جمر صدري ابلهیب هموم گلبي امولّعه
تنطفي ابنظرة رجائي و ابدموعي الخاشعه
كافي اعكر شيلة امي و انخى أم الاربعه
واثق العكره تحلها ام نجوم الطالعه
آنه من طينة محبة حيدر اندگ ساسي
من سبب أم البنين آنه اصبحت عباسي
دمعه دمعه ابعمري تصرخ آه يا ام البنين 2
*
تدري ليش الينتخيها ام الگمر بالمُعضله
ینفرج هم گلبه و ام الاربعه تتکفّله
لنها هاي ام البنين الشاركت هم كربله
قدّمت اربع شباب الزينب ابارض البله
ياللّي تنشد عنها ليش الناس يحترموها
هاي مو ام البنين ام كربله ايسمّوها
دمعه دمعه ابعمري تصرخ آه يا ام البنين 2
*
آنه راضع حبها وَيْ لبن اُمّي بَايّام المهد
مو لبن چنْها ارضعتني قل هو الله احد
ابيوم امي منها طلبت رايده منچ ولد
راح انذره ایصیر لحسین الشمس خادم، وعد
من عهدها گلبي أول ما نبض غيراوي
و اصبحت بطن امي عباسي انا حسيناوي
دمعه دمعه ابعمري تصرخ آه يا ام البنين 2
*
هيه صح باب الله يفتح ، بابها العرش السمه
تفتخر لكنها صارت للزچیّه خادمه
من بعد عین الزچیه هیّه احسن فاطمه
يعني هيه عاصمة خدّام حمّاي الحمه
تستغيث الناس بيها و تخضع الهيبتها
و البقيع اينوح الها و ينحب الغُربتها
دمعه دمعه ابعمري تصرخ آه يا ام البنين 2
*
بالبقیع ام البنین ابغربه ظالمها الوثن
مره تنعي الباقر السجاد و مره للحسن
تنعي مره حسين يُمّه و مره يا حادي الضعن
و بلحدها تنوح تبقى الحد ظهور المؤتَمنْ
ترمش ابدمعة املها و ضاويه شمعتها
حين أمام المهدي يظهر يمسح ابدمعتها
دمعه دمعه ابعمري تصرخ آه يا ام البنين 2
*
خادم خدمة الحسين عليه السلام
ناصرالبوعبيد
مولاتي ام البنين عليها السلام لما اشتدت عليها اللحظات الاخيرة كاني بها بلسان حال الشاعر ..
ياليل الالم وال آه . عَدّاي
ثگّلت الوجع عالجرح . ع الداي
يمن تلچم بگلبي حيل عدّاي
خمس جروح تلچم ليش بيّه
🏴
يميل وينچفي صبري واعدله
وزماني وياي بهمومه وعد له
مادام النفس بيّه وعدله
يمه حسين هلبت بيك جيّه
🏴
ام محمد الحجاج
لحن (اباب المجالس)
حسين الحلفي
فهود
بحق مولاتي ام البنين لليلة وفاتها عليها السلام
مجلس عزاء الليله ــ حيدر علي امسويله
ناصــــبله مأتـم بالســمه
بي حضرت اتون فاطمه
الأم الوفه الجليله
¢¢¢¢¢¢¢¢¢
مأتم عـزاء ناصب علـي وقرايه
وبالمجـلس العبـــاس علگ رايه
جبـريل رادود وقره الهه اهوايه
تســــتاهل ام الاربـــعه الوفـايه
وكل بيت بالقصيده ــ فاطم تگله عيده
بي چم جـرح ينزف دمه
بي حضـرت اتون فاطمه
الأم الوفه الجليله
¢¢¢¢¢¢¢¢¢¢
احسـين اجه ومكسـرات اظلوعه
الشيبه الشريفه مبلله امن دموعه
وزينب تون وياه اجت مفجــوعه
لأم البنـــــين اتگبعــــت بالوعــــه
مهمومه تجري العبره ــ وحسين يبجي بحسره
الجرحه فــگدهه يـلچمه
بي حضرت اتون فاطمه
لأم الوفه الجليله
¢¢¢¢¢¢¢¢¢¢
وجه السـمه امغـــيم حزن وتغـير
والشمس غابت والگمر لونه اصفر
مــن شـاهدو ام الحسن بالمحضـر
ابــأيد وحـــده تـــطلم ومــــاتگدر
ون الخل الخليله ــ اتون والدمع تسيله
بكســر الضلع مـــتألمه
بي تحضراتون فاطمه
الام الوفه الجليله
¢¢¢¢¢¢¢¢¢¢
ضــجه وعــويل وفــاتحه مـنصوبه
بيها عــلي الواگــف وأســــود ثـوبه
وحـاضـر مـحمد والسـمه مــــگلوبه
اعـــلن حــــداد ولافـــته مـــكـتوبه
كـاتب عـليهه طه ــ فـاز الحضر عزائهه
ايــنول حسن الخــاتمه
بي تحضرأتون فـاطمه
لأم الوفه الجليله
¢¢¢¢¢¢¢¢¢¢
صاح النبـي يا فاطمه يم حســــين
الليله لأم عبـاس خل نوفــي الدين
بأربع ولد ضحـــت وعين وچفـــين
وكل هذا وتكول الشباب امقصرين
مانزلت دمعتها ــ لولادها وضنوتها
بس للحســــين امحزمه
بي حضرت اتون فاطمه
الام الوفه الجليله
¢¢¢¢¢¢¢¢¢
هـــــنيالها حــاضر عـــزائها طــه
ويبجي بألم بالمجــلس وينعاهه
بـــاب الـــحوائج للخـلگ سماهه
والبـاري ربنه ابرحمــته اتـولاهه
ابكل فاتحه النقراها ــ احلول اشكثر نلگاها
كلشي المحبــها اتقــدمه
بي حضرت اتون فاطمه
الام الوفه الجليله
¢¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والوالديه
الفاتحه الى روح والدي ووالدتي،💔،💔
بحق ام البنين ع
شـاطت والمـدامع حفـرت الوجنات
على اسباع الطفوف ومنبع الكلفات
¢¢¢¢¢¢¢
شــاطت والـمدامع عـالوجن تـجري
دگــول اشــلون بـيه وحايره بـأمري
اودع اولادي كـــلهم يــاعفه صـبري
عفيه ادگول گلبي ضل عدل مامات
¢¢¢¢¢¢¢
تــودع حســـين نوبه اتودع الـعباس
تتـناثر وفـه وطيــبه وعزم وحساس
لزمت ايــد ابنه الضيـــــغم الـنوماس
اوصيك اعله زينب وانته ابو الوگفات
¢¢¢¢¢¢¢
اوصــيك اعله زينب يــانظر عــــيني
وبــروحك تــضحي فــدوه لــحسيني
هــايه اخـر وصـيه الــبينك وبـــــيني
خـــليهن ابــــالك يبني هــل چــلمات
¢¢¢¢¢¢¢
مـــوهـــين علّـــي يا يـمه فـــــرگاكم
ولا ســـفرت وكت حـتى اگـعد اتناكم
هــذا آخــــر وداع انـي ادري ويـــاكم
بعدكم اگضي عمري معاشره الحسبات
¢¢¢¢¢¢¢
اتـوكلو وداعت الله وروحي اخذوها
ويــم ذيــج الـمحامل يــمه خـــلوها
اخــاف اتــنام زيــنب مو تـــگعدوها
والــزينب اريــــــد ادنـــگ الـــهامات
¢¢¢¢¢¢¢
تم بعون الله تعالي،وبركاة الامام المهدي،عجل اللهم فرجه
✍ام زين العابدين اللامي
الفاتحه الى روح والدي ووالدتي 💔💔
👤اسـالـكم الــدعاء لي والــوالديه،
١٣ جمادی الاخر وفاة مولاتنا الجليلة ام البنين عليها السلام ...
ندبة لقضاء الحوائج ..
🏴🏴
لتحير لو همك ثگل وتلملمن كلهن
ام البنين الطاهره تنخاها وتحلهن
مولاتي مولاتي مولاتي
🏴🏴
لو ثگلن همومك او وكتك مارحم حالك
وانسدّت وحيل اييست ماتگضي حسبالك
ضاگت الوسعه وتصفگ ايمينك عله شمالك
مدري الاخير اصعب واشد ماتدري اولهن
مولاتي مولاتي مولاتي
🏴🏴
شكبن شما عندك اهموم ونادي مولاتك
ام البنين الاربعه واجريهه دمعاتك
دگ بابها لو عن بّعد تسمعها نخواتك
حمولك اباب ام الگمر اگصد ونزلهن
مولاتي مولاتي مولاتي
🏴🏴
نزّل حمولك يالحرت بس بصدق نيّه
واتيقّن وبيها اعتقد باب الكرم هيّه
مو حاجه تطلب لوردت منها اطلب الميّه
صعباتك اعله ام البنين اتوكل وخلهن
مولاتي مولاتي مولاتي
🏴🏴
باب العطايه والكرم مولاتي عنوانه
من ترفع الچف للسمه تنفتح بيبانه
لومال وياك الوكت وتريد عوّانه
حشّمها لحمول الثگال ابساع تعدلهن
مولاتي مولاتي مولاتي
🏴🏴
ال فاتحة اقراها ودخيلچ گلهه يلحره
بداعت ابو اليمه واخيته وداعت الزهره
بل داسن ضلوعه الحوافر ونهشم صدره
انخاچ بالراحن سبايه بغير كافلهن
مولاتي مولاتي مولاتي
🏴🏴
ياام البنين
ام محمد الحجاج
راحت امي.. وگلبي مفجوع
شيعوهه.. بليل الدموع
ايعينه الله.. الماتت امه.. ياغربته
....................
التارسه اعيوني بمحنتهه ودلالي
راحت ومن عدهه ضل البيت خالي
السهرت وتعبت عليي طول الليالي
كسر ضهري افراكهه وهذا آنه حالي
جن عليه.. الباب مدفوع
شيعوهه.. بليل الدموع
ايعينه الله.. الماتت امه.. ياغربته
.........................
اليفكد الغالي يضل مشلوع گلبه
شلون باليفكد الام ياناس صعبه
عمري خمس اسنين اشوف الدنيه غربه
بده وياي الزمن والله وعلن حربه
فاركتني.. بكسر الضلوع
شيعوهه.. بليل الدموع
ايعينه الله.. الماتت امه.. ياغربته
..........................
انه زينب والحزن خيم عليه
فاطمه ام الخير راحت من اديه
صار يلجمني النفس كل مغربيه
نامت بحضن الكبر شيردهه اليه
للحبيبه.. وني مسموع
شيعوهه.. بليل الدموع
ايعينه الله.. الماتت امه.. ياغربته
.........................
ليش من ايدي خذاهه الدهر كوه
واخذ وياهه المحنه وذكره حلوه
الوحشه ترست بيتنه وظل هوه هوه
الدنيا بس وي امي جانت والله حلوه
والفكدهه.. گلبي موجوع
شيعوهه.. بليل الدموع
ايعينه الله.. الماتت امه.. ياغربته
......................
اسأل حسين واكله ترد علينه
مايسولف واليسولف دمع عينه
يكلي راحت امنه ياخويه من ادينه
اليوم شيعنه المحنه اويه الحنينه
وبوجهه.. الاثر مطبوع
شيعوهه.. بليل الدموع
ايعينه الله.. الماتت امه.. ياغربته
..................... .......
هنانه ثوب امي واشمن بي هوايه
وبي اثر بسمار شفته وبي دمايه
صفنه صار البيت مانسمع حچايه
ومني چلمة يمه اخذتهه المنايا
ودعتهه.. واعلك اشموع
شيعوهه.. بليل الدموع
ايعينه الله.. الماتت امه.. ياغربته
محمد هادي العقابي
گطعوا سبحة الزهره
الرادتها العلي ذكــــره
وداعت ضلعچ وكسره
ذبحوا كل هوه يشتمه الحسين
،،،،،
حچه وياهم بليس وصاح اگطعوعها
سبحة فاطمه وعالگاع طشـــــروها
ما أوصيكم الزهراء اذوهـــــــــــــــــا
دفعو بابها وعليها عصروهـــــــــــــــا
عالحايط اريد الدم
كون اسمعها تتألـــم
وكون الضلع يتهشم
گام الضالم وحَشملّهَ سبعـــــــين
ذبحوا كل هوه يشتمه الحسين
،،،،،،،
صاح ابليس ولده وسولف القصه
ابشركم علي من النبي اموصــــــه
مقيد بالوصيه وغصته غــــــــــصه
همس بذن السقيفه وبين الفرصـــه
مشاعل نار جابوها
وباب الدار حرگوها
وام الحسن عصروها
زغير وفوگ خده تهمل العــــين
ذبحوا كل هوه يشتمه الحسين
،،،،،،
طاحت فاطمه والعافيه طاحت
وزينب طفله لمها تنتحب راحت
يمهَ الله أكبر بالدمع صاحـــــــــت
حضنت فاطمه ويمها شكثر ناحت
يمه اسم الله نادتها
وعن النار دنتـــــــها
شبگ وداع شبگتها
منهدها وغيروا كل القوانيـــــن
ذبحوا كل هوه يشتمه الحسين
،،،،،،،
شبگ امه الحسين وضل يحاچيها
محسن والظلع شاف اليأذيهـــــــــا
شاف امه الزچيه امحرگه أديــــــها
ضل من روحه روح حسين ينطيها
ضل يشمها وتشمه
تمدد طول وي امه
نوبه يضمها وتضمه
ناس بلايه رحمه شگد مجرمين
ذبحوا كل هوه يشتمه الحسين
،،،،،،،
شال المحسن حسين ونشغ لله
مثله هم يموت وليدي عبد الله
حَب محسن حسين كَبـــّر وصله
حچه وي المصايب هلتــن هالله
خاف تموت زينبنه
فوگ امي وتعذبنه
بل رحماك ياربنـــه
كسروا گلب ابو السجاد نصين
ذبحوا كل هوه يشتمه الحسين
،،،،،
لخادم الزهراء عليها السلام
محمد الفهداوي
حُزني على الزهراءِ سَرمَدْ
والليلُ في عَيني مُسَهَّدْ
وابگلبي جرح ام الحسن لاخر سنيني
ــــــــــــــــــــــــــــــــــــــــ
وسط الگلب چانون ما ساعه يبرد
حين ادفنتها ابليل بضعة محمد
تخنگني سكرة موت وانفاسي تخمد
من اذكر ام احسين سطروها علخد
مثلي ويظل عايش عجيبه
الدافن حبيبه وبت حبيبه
علذڪره عايش والدمع لِيچوِّي عيني
ــــــــــــــــــــــــــــــــــــــــــــــــــــــــــــ
اگبالي تِبين ابخير چانت وضعها
ومن اطلع امن البيت تلزم ضلعها
رغم الڪسر والآه تخفي ابوجعها
اتخاف انلچم لو شوف هامل دمعها
تبعد اذا اتدنه منها
خافن اصد لطمة جفنها
ونّتها بالسر زيّدت نوحي او ونيني
ـــــــــــــــــــــــــــــــــــــــــــــــــــــــــــ
غسلني فوگ الثوب وصت وصيَّه
ڪسر الضلع ماجيس رادتني هيَّه
شفت ابمتنها آثار زرگه وشِجِيَّه
سطره وضلع ومتون ضَـمَّـت عليَّه
ياكسرة اوداع الأودها
اتمنيت انام ابنص لحدها
كل لحظه الها وللنبي يشتد حنيني
ـــــــــــــــــــــــــــــــــــــــــــــــــــــــــــ
بيها الگبر وصّيت وادموعي تمـطر
گبلك عصرها الباب ماحاجه تعصر
وسط الچفن يَـتراب ودَّعتك الـدّّر
ادفنها بالسر جيت حافظ على الـسر
عندك أمانه بت محمد
لاتلچم الها المتن والخد
دين ابرگبتك فاطمه واحفظلي ديني
ـــــــــــــــــــــــــــــــــــــــــــــــــــــــــ
ولداري من رديت حيره اشعُظمها
أمشي وأرد اردود والگاني يمها
خوفي ابغيابي ايزيد فاطم ألمها
خوفي الچفن لا جاس ضلع ولچمها
صوت اسمعت زيد نحيبي
لـــزينبنه أرجع يا حبيبي
ابمحرابي گعدت وارجع الڪُم ترتجيني
ـــــــــــــــــــــــــــــــــــــــــــــــــــــــــــــــــ
زينب شفتها شلون تنحب يَـ يُمه
من دمعي عيني اعليچ حسبيها عميه
لحضانچ امن اشتاگ ياحُضن اضمه
رديلي لو لحظات عطرچ أشمه
يلـ عُمر الورود ورحلتي
بعدچ حرام اتهيد ونتي
علـ ونّه عهدي ليوم عاشر من تجيني
ـــــــــــــــــــــــــــــــــــــــــــــــــــــــــ
سيد علي عبدالزهره الناجي
أم الأئمة الطاهرة المرضية .. اه اه يا ويلي
زهرائُنا حورائُنا الأنسية .. اه اه يا ويلي
بضعة محمد ع الأرض ملگيه .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
يبچي الحسين ويا الحسن .. اه اه يا ويلي
و سال الدمع فوک الوجن .. اه اه يا ويلي
و يا يمه شو گاسي الزمن .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
غدروچ يا يمه غدر .. اه اه يا ويلي
مكسور ضلعچ چم كسر .. اه اه يا ويلي
منين أجيب آني صبر .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
ويلي يا يمه فاطمة .. اه اه يا ويلي
ميته و أضنچ نايمة .. اه اه يا ويلي
تبت لايادي الظالمة .. .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
يا بعد روحي ويا هلي .. اه اه يا ويلي
بيا حال يا بويه علي .. اه اه يا ويلي
يا معة عيوني أنزلي .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
خادم الزهراء
الشاعر اليمني شمسان الحسام
قصيدة محورة السيده الزهراء عليها السلام مع الامام علي عليه السلام
في عالم الرئيا
:::::-----:::::
هومت بالنوم عينه علي ونام اعله الكبر
يسمع الزهره تنادي تصيح اخ امن الكسر
.
اتگله انهض ياعلي ... خل اخبرك مايلي
أسيقضت زينب يحيدر عله دربك تنتضر.
:::::-----:::::
أنهض أبسرعه يحيدر خل أكلك وستمع
من أخبرنك يغالي خاف گلبك ينوجع
أسمعت زينب تنادي وين ابوي المنفجع
لا لگتني اولا لگتك ضلت تهل الدمع
.
رد عليهم لاتغيب ... اسمع بكبري نحيب
راح يشمت عاذلي ... خل اخبرك مايلي
وحشه دنياهم بعدنه اتصير يافارس مضر
::::::-----:::::
راح اروح وكلبي يمج نفذ خلكي والصبر
شنهي عمري اخلاف عينج مااريدنه العمر
بيتي مضلم والثنيه غايب اعلينه الكمر
يا وحشتي ويا رزيتي اعليج دلالي انفطر
.
اشلون للبيت امن ارد ... يعني اموتن بالبعد
بعد بالدنيا شلي ... خل اخبرك مايلي
من يلاكوني الغوالي راح اكلهم ياعذر
:::::-----::::::
من ارد للبيت ادري مطفي من عنده الضوه
گلبي تدرينه يزهره ابفرگتچ حيل انچوى
ياغلاي أويا سلوتي أنتي أبريتي هوه
گلبي والدمعات مني يمچ ايطيحن سوه
.
طاح گلبي والدمع.... گولي ألچ انه استمع
راح ارد ادللي .... خل اخبرك مايلي
البيت والله يل زجيه بغيبتچ صاير گبر
:::::-----:::::
اتحيرت كلكم غوالي يمچ ابقه لو اروح
احس كل دنياي ضلمه وروحي ماتحمل جروح
ريحت احزانچ يزهراء احس من عمري تفوح
بعدچ اكظيهن اسنيني يالزچيه بس انوح
.
عمر بعدچ ماريد.... حزني يبقه اوياي اكيد
ادري گلبك ممتلي .... خل اخبرك مايلي
چنت من اصبح ابوجهچ بيه هم ابدا يمر
:::::-----:::::
اشلون انام وتغفه عيني واني اتنفس هواج
اتصير هاي الدنيه ضلمه زهره لو ماكو ضواج
من عكب عيناج اموتن والله ما احمل جفاج
هايه قسمه وقدر هذا والزمن مني خذاج
.
راحن اسنين ومشن ... بعد عين ام الحسن
يا مصيبه استرسلي ... خل اخبرك مايلي
هذا حزني اعله الزجيه الحد ضهور المنتضر
:::::-----:::::
الشاعر حسن صالح العيساوي
والشاعر ابو ابراهيم الحلفي
كلميني بروح روحي اللي اخذتيها بجفاج
كلميني بروح دمعة ولدج الطاحت وراج
كلميني بروح محسن والله ما اكدر بلاج
كلميني بروح عشرتنه وبختنه ومستحاج
كلميني فاطمه فـ أنا علي
كلميني فاطمه فـ أنا علي
___
گلبي ماينطيني والله انتجي فوك الگبر
خاف ألم ضلعج ازيده والكسر ماينجبر
فاطمه فراگج بحر وهالبحر ما ينعبر
والغرگ حيدر وولده ومنّه مانگدر نفر
كلميني فاطمه فـ أنا علي
كلميني فاطمه فـ أنا علي
___
راح اكولن كلميني وضنّه ما اگطع بعد
فاطمه حيرتي روحي وانا ما حاير ابد
راح اكلج كلمه وحده ونار البصدري وَتَد
للحوافر هسه كولي صدر الحسين استعد
كلميني فاطمه فـ أنا علي
كلميني فاطمه فـ أنا علي
___
فاطمة التهظمني والله زيارتج يا ام الحسن
لازم ازيارتج ضلمه ولازم بسر مو علن
بللن كبرج وشيبي عيونيّ ابگد مابچن
ومن كثر ما باجي وانجب هدومي هم تبللن
كلميني فاطمه فـ أنا علي
كلميني فاطمه فـ أنا علي
___
فاطمه والله احبج حب الهي مو هوى
انا انتنفس انفاسج ما اشم هذا الهوه
ريت طولي بالمغيسل كون وي طولج سوه
وكون نتشيع سويه لفركتج هذا الدوه
كلميني فاطمه فـ أنا علي
كلميني فاطمه فـ أنا علي
___
#تمت
الخادم حسن الكريماوي ✍🏻
السلام عليك يا اباعبدالله:
ثواب الدمـع يجري اعليك لويم
لأن ذكــرك دوه و اجــروح لويم
اتــمــرّض ثــلــث تــيــام لو يوم
بدون اسمك يجي ويمسي عليه
هادي الامغيطي البوغبيش
طال الفراگ. ذبلت عيوني بهجرهم
طال الفراگ ذاب عمري و انتظرهم
آنه ام الاربعه
و انحب اعلی الفاجعه
طال الفراگ 2
*
اذرف ادموع انتظاري ، دمعه تتوضّه ابدمع
اذّن ابحسراته گلبي و سجدن دموع الشمع
سافروا احباب گلبي و ادري ما الهم رجع
بس اسلّي الروح دوم ابانتظاري و اقتنع
راح ايردّون چلمه اَقَنّع بیها روحي
راح ایردّون. و تنطفي جمرة جروحي
چلمه بس مو نافعه
و انحب اعلی الفاجعه
طال الفراگ 2
*
روحي تتساير معاهم خطوه خطوه و فاصله
شلون من حرّک ضعنهم و اختفی ابرمل الفله
چنت احس خوف العقیله ابیوم صاحوا کربله
شلون لخوتها تناظر و المدامع سايله
حسّت بخوف ما الومنها الوديعه
حسّت بخوف لنها حسّت بالفجيعه
وياها عشت الواقعه
و انحب اعلی الفاجعه
طال الفراگ 2
*
ويه زينب دمعه دمعه اتعايشت نفس الألم
چنت احس کسرت گلبها ابیوم من طاح العلم
چنت احس اوجاع ابني ساعة الراسه انهشم
یوم چفّینه گطیعه و نابت ابعینه السهم
ضامي و يلوي انذرف لن جوده منّه
ضامي و يلوي مستحي من عيون سكنه
مات و روحه مولّعه
و انحب اعلی الفاجعه
طال الفراگ 2
*
كربله بروحي احضنتها هناك روحي هايمه
عايشت آهات زنيب و الفواطم لاطمه
ويلي تتعثّر شفتها بكربله چن فاطمه
وگعت بصفّ الحفیره الناگعه بفیض الدمه
دمّ الحسین ینبع بعین الحفیره
دمّ الحسین جمّد ابحضن الامیره
اوداجه کلها مگطّعه
و انحب اعلی الفاجعه
طال الفراگ 2
*
حين هجمت خيل اميه تحرگ خیام النبّي
الیتامه و الفواطم وین حارت تختبي
دم تسيل رموش زينب من سطرها الأجنبي
عالرمح راس الكفلها و ينظر الحرگ العبي
تنسبي راح ويلي اخته الّي كفلها
تنسبي راح تنخي و هيه عالهزلها
يا شهيد المشرعه
و انحب اعلی الفاجعه
طال الفراگ 2
*
خادم خدمة الحسين عليه السلام
ناصرآلبوعبید
نعي لمولاتنا فاطمة الزهراء سلام الله عليها على طور شيخ زمان الحسناوي يابوفاضل
یا الهي آنه بت طاها خليلك
یا الهي ساهره الليل اشتكيلك
يا الهي هاك اخذ روحي دخيلك
يا الهي ضلعي دامي من اجيلك
ضلعي دامي يا الهي و عيني حمره
ضلعي دامي و عالوجن مزروعه سطره
ضلعي دامي آه ضلعي و آه كسره
ضلعي دامي و عمري يخلص جمره جمره
استغيثك انت بس غوثي و معيني
استغيثك الأجل ريته يجيني
استغيثك قتلوا المحسن جنيني
استغيثك ثار ضلعي و ثار عيني
الهضمني چتّفوا حیدر أمامي
الهضمني من صفيت بلا محامي
الهضمني حسين اجاني و گلبه دامي
الهضمني صرت اشم چن نحره ضامي
نحره ضامي اتذكّريت الغاضريه
نحره ضامي و ينذبح ما بين ايديّه
نحره ضامي و راسه فوگ السمهریه
نحره ضامي ينظر الزينب سبيه
كلمات الأقل
ناصرآلبوعبید
#قصائد_في_خدمة_الخطباء
#الليالي_الفاطمية
#الرواية_الثالثة
[فايزي]
١/وسّدها حيدر بالگبر وِعْلى الگبر طاح
ونادى بفگدها يا رسول الله الصَّبُر راح
من عينه مِن صبّ الدّمع حتّى الگبُر ناح
وِبْچَفّه ظل يِمْسَح دُموعه والگلب ذابْ
٣/لْگبْر النبي دار الوجه گلّه يمولاي
هاي الوديعه استُرجِعَت ما ظلَّت وْياي
بسّ اعتذر منّك ترى متغيِّرَه هْواي
خَلَّت وَسَط گلبي جُروح ولوعه وِصواب
٣/رِجعَت إلَك وانته بْوَضِعها الليله عالِم
رِجعَت إلَك مكسورةِ الأضلاع فاطِم
مِنّ الضَّرُب ما ظل متن مِن عدها سالِم
خَلْها تِخِبْرَك بِنْتَكِ بْتَفصيلِ لِمْصابْ
#عظم_الله_اجوركم ◾️
فاطمة علي رزق
اسألكم الدعاء
((حنين حسين))
حنيـن ..
نغمتّ احساسك مثل نغمت بواچي
حسين ..
عــــاد شتســـوي إذا شفت التراچي
اضن تتحــول دمع
وتاخذ أدوار الشمع
حنيـن ..
حسين ..
"""""""""""""""""""""""""""""""""""'''''''''''
يا محبتك
وبـوجنتك
اضن شايل بيــها الأكبر انته حيدر
يادلالـــك
وبجمالك
شما كبرت الشيب يصغر تحله اكثر
كـون تمشي
يطيح كلشي
تترس الــوادم مشيتك بس محنه
صار هايم
حـتى آدم
نزل حتى يشوف طولك عاف جنه
حنين ..
شما ارسمك لوحتي تعاكس صفنتي
حسين ..
من ازور الحضره تغــرگ من دمعتي
الدمعه تنزل تنسمع
وتاخـذ أدوار الشمع
حنـين ..
حسين ..
"""""""""""""""""""""""""""""""""""'''''''''''
والله أريدك
أطـني ايدك
تشوفنه نمشي سويه الغاضريه
نشف دمي
حسين يمي
ونوصل التل السبيه الـهاشميه
انــــه عارف
حلمي واگف
آنه یــــــــاهو وأمشي بصف النبوه
بس اعرفه
روحه ترفه
اليابسة من ايگضها بيده والله تروه
حنيـن ..
اليدفعك من يطيح تگله الله
حسين ..
اليبوگـك يالحنين تكتبه صلى
شلون انته وتندفع
وتاخذ أدوار الشمع
حنـين ..
حسين ..
"""""""""""""""""""""""""""""""""""'''''''''''
مدري عطرك
مدري صدرك
تارس الدنيه نسايم انته صايم
عنـده شفه
هواي ترفه
والضمه بنص شفته نايم عطش ناعم
وجهك اصفر
ويــــن كـــوثر
غير هوه الماي يم بابك تلاشه
انته ضامي
يــــــاامامي
هيه ميته عليك زوارك عطاشه
حنـين ..
شايل الدنيه بضريحك وانته طايح
حسين ..
بس ندير وجوهنه تصيحنه اسامح
صوتك شگد يرتفع
وتاخذ ادوار الشمع
حنـين ..
حسين ..
"""""""""""""""""""""""""""""""""""'''''''''''
راح اگلك
مـاأمـــلك
حته لو ايامي تصبح بس مجالس
وجهي اديــره
وروحي طيره
عالشواطي مگابل طيور النوارس
حسين انته
گلبي اخذته
الغربه لمتني وعشت حال المسافر
ابچي ساكت
وانه عـــاتت
روحي يم شباچك تهزني وتكابر
حنـين ..
تنطي وادم گبل ماتنمد اديها
حسين ..
وانته محتار بعـيالك وبسبيها
والله گلبك منشلع
وتاخذ أدوار الشمع
حنـين ..
حسين ..
"""""""""""""""""""""""""""""""""""'''''''''''
ذاك دربك
وانه احبك
عبد خادم وانتــــه ديني اشتريني
شكبره حضي
تصير فـرضي
ابقه اصلي شماتجيني بكل سنيني
عندي ونسه
الدار اكنسه
حتى اشمنك هوى بكل خنگه بيه
وصوت اسمعه
چـــــنه دمعــه
مـــــــن تفك قرآنك وتقره الرقيه
حنيـن ..
تمشي والحنيه مشـدوده بثيابك
حسين ..
انه اعرفك ماتسده بلحضه بابك
طبع يامحله الطبع
تاخذ ادوار الدمــع
حنيـن ..
حسين ..
عبد زينب
محمد الابراهيمي
((أباب المجالس))
أنه اباب المـجالس كون أجدي
وكون أمن اللطم يــــرتاح خدي
وأريد بهيمه كون انعاك وحـدي
وي حادي الضعون الدمع يحدي
عگـب حسين بلـوه نعـيش الدنيا گوه
خطيه المــايعرفون
آنـــه بحــبه مجنون
عگب حسين شسوه وصرت بحبه نخوه
وصافي البال واللون
آنـــــــه بحبه مجنون
حبيبي ياحسين ...
"""""""""""""""""""""""""""""""""""'''''''''''
تعرفني المجــالس بسمي أصيح
هــــذا بذكر زينب بالبچي يطيح
أشم ريح المجالس لــو تهب ريح
وأشوف امي الزجيه تگوم وتطيح
ام حّسين هايه تنعه أعله السبايه
انتم مــاتشوفون
آنه بحبه مجنون
هاي ام الدرايه والقـــــصه وروايه
توگف لليخدمون
آنـه بحبه مجنون
حبيبي ياحسين ...
"""""""""""""""""""""""""""""""""""'''''''''''
أنه ويه المجالس عشرةّ سنين
من چنه بزمن بالمجلس أثنين
آنه وأمي نعـقد مـجـلس ونين
هيه تصيح زينب وآنـه يحسين
أمي تكض بديه وأصيحن يارقيه
أبطل هـــم تعقلون
آنــه بحـــبه مجنون
امي تصيح هيه زينــــــب ياسبيه
بهزله صارت ام عون
آنــــه بحبـــه مجنون
حبيبي ياحسين ...
"""""""""""""""""""""""""""""""""""'''''''''''
مثل غرگان ويشم الهوى بشـوگ
لوما مجلسك چا متت مخنوگ
ما أشبع لطم كل عمري محروگ
على زينب أون وصَعدت النــوگ
بغير المجلس آنه مثل خان الأمانه
أدور عـــاليــــونون
آنــــه بحبه مجنون
اسكن بالمــواكب لعيـــون الغرايب
گلبي بعشگه ميخون
آنــــه بحبه مجــنون
حبيبي ياحسين ...
"""""""""""""""""""""""""""""""""""'''''''''''
المجــــالس تدري بيه شلون لهفان
وعلى أسم الحسين هـواي عطشان
بالمجلس حضوري الجرحي عنوان
نعمـــــــه وكـــون يــــرادلها شكران
مشكور الحبيبي ياعلتي وطبيبي
مرجع خدمتي جون
انـــــه بحبه مجنون
خادم يانصيبي ويادمعي ونحيبي
شلون المابچه شلون
آنـــــه بحبه مجنــون
حبيبي ياحسين ...
عبد زينب
محمد الابراهيمي
المهدي غايب عنه نوره 🏴 احـنه اخّــرنه ظهـــوره
ما نمتلك دعـوة صدگ
عشگ اليقصر موعشگ
احــنه اخّــرنه ظهــوره
🏴🏴🏴🏴
أســــئل الله ــ يغفـر اذنوبي الّي تحجبلي الدعاء
حـتى ادعـي ــ وتنفــتح گدامــي ابواب الســـماء
وقْــره نــدبه ــ واطلب امـن المهدي تعجـيل القاء
روحي شمعه ــ وذابت ابجـمر انتظــاره ابكربلاء
گلبي ابد ماتطفه ناره 🏴 آخ يا جمر انتظـــاره
بي كل گلب ضل يحترگ
عشگ اليقـصر موعشـگ
احــنه اخّــرنه ظهـــوره
🏴🏴🏴🏴
نشتــــكيله ــ واحنه النْجرحه بسبب كثر الذنوب
ما ندمــــنه ــ وشــكثر للتــوبه مفتــــوحات بوب
ما وفيــــنه ــ ابكل مســيه انواعــده باچـر نتوب
حكه غايب ــ احـنه المأخرينه مو طـول الـدروب
شگد ذنبنه شگد خطينه 🏴 ونندعي ايعجل علينه
بذنوبــنه الثـوب انلثگ
عشگ اليقصر موعشگ
احــنه اخّــرنه ظهــوره
🏴🏴🏴🏴
ما نفعــــنه ــ لا دمعـــــنه اولا دُعـانه ابكل مكان
گلهه سوده ــ اگلوبنه ونيتـــنه عـد راعـي الزمان
احــنه نعلم ــ عدنه بس حبه صبح صگ الضمان
يفـوز كلمن ــ يخلص اويه المهدي وينول الجنان
ابيا وجه باجر نجيله 🏴 يشــتكي لو نشتكيله
ابيبان عطفه انضل ندگ
عشگ اليقــصر موعشگ
احــنه اخّــرنه ظهــوره
🏴🏴🏴🏴
عالمـــــنابر ــ ابگلب ضامي انّادي عجل بالفرج
يمته تظـهر ــ كثر عــدنه الهرج بعـــدك والمرج
وانته تدري ــ للذبـح بيـنه الشــمر مهره انسرج
يمته سيفك ــ يرد كلمن عن نهج حيـــدر خرج
نحسب ايام وليــالي 🏴 ايشيب الينطرله غالي
هامات مـن اجله نشگ
عشگ اليقصر موعشگ
احــنه اخّــرنه ظهــوره
🏴🏴🏴🏴
شلون بيــنه ــ من يســد بوجوهـنه بابه اشــنگول
انضيع والله ــ لون ما نحصـل على صــگ القبــول
وين اروحن ــ واعفي وجهي ابيا ترابه امن البتول
لا يمهـــــدي ــ ابشــاربك ودخيلك انطيني الحلول
الدنيه خلصت چنهه ساعه 🏴 منك انريد الشفاعه
ابليــاك باچــر نختــنگ
عشگ اليقصر موعشگ
احــنه اخّــرنه ظهــوره
🏴🏴🏴🏴
الخادم
كامل السعيدي
#نعي_بحق_مولاتي_أم_البنين_ع
يا محله التــــــموت ويــــــــمها ابنها
يـسبل ايــــــــديها ويغمض جـــفنها
وبـــــــديه ايروح ويفصل چـــــفنها
يــــــــزتها وهوه يتكفل دفــــــــــنها
للعازه الولــــــــد ياناس تـــــــــــنراد
ويامحله الــــــتموت ويـــــمه الولاد
بــــــس انــــــــه اربعتهم عني ابعاد
وحل مــوتي علّي والحيل هـــل باد
تمنيـــــــــــــت الـــــولد كلهم اگبالي
اوياهم حســــــــــــــين الحيل غالي
انــــه حنيت ليـــــــــــــــــام الخوالي
بلياهــــــــــم صفت ســـــوده الليالي
انه ربـــــيتهم بـــــــــــدموع العيون
يباروني ردتهم مـــــن يكبـــــــرون
وردتهم بـيه جــــــنازه يــــــروحون
وبـعد نعشي يــشيلونه اعله المتون
مــــــن كـثر البچــــي لامابقت عين
وضل روحـــــي اصـــــبرها بالونين
الغوالي اهــواي عــن عيني بعيدين
انــه بعازتهم الليله الميامــــــــــــين
كلها اجــــــــروح گلبي الــيوم تدي
ماحـــسبت امــــوتن وآني وحــدي
وولادي اربعــتهم ماهــــــــــو عندي
انه مــــــنــهو الــــــينزلني ابلـحدي
ويـــــــــــنه اليي ياخــذ هالوصــيه
وبيها ايروح لــرض الغاضــــــــــريه
ويخبر الــنشامه اهـــــــــــل الحميه
ويگول الــوالده جــــــــــــتها المنيه
لف ليه الأجــــــل والكلب حــــــــاير
وعله الباب مـــــشبوحه الــــــنواظر
اگولن نعشي ياهو ايشـــــــيله باجر
علي الـــــــــــوحده ويكـسر الخاطر
انه اتمنيت نــــعشي يـــــــــــشيلونه
اوســوه وي الـــعــليل يـــــساعدونه
مــــــن الـــجــامـعه امجرحه امتونه
اشعــــــــــــطلهم لخوهم ما يـجونه
✍ام زين العابدين اللامي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
الكعبه صاحت ياعلي ،، لبابك وصل شرهم
واهل السقيفه اتعدوا ،، بسجيلك امطرهم
قد أضرموا النيرانَ في استاري
ويل لهم من غضب الجبارِ
واهل السقيفه اتعدوا ،، بسجيلك امطرهم
########
بس غمض جفن النبي،، طلع راس الناصبي
وكل منافق مختبي ،، يرتعد وايهابك
چانت الما الها حس ،، بحضرتك تهمس همس
وكت حيدر ياشرس،، يوكفون ابابك
وكت حيدر يا عنيد ،، الخاتله بطگ الحديد
گالوا تبايع نريد ،، وكل هلك واصحابك
الأمة وصاها ورحل ،، بروني بالعتره
بعده الرسول بلا كفن ،،وانصطرت الزهره
قد روعوها بَضْعةَ المختارِ
ويل لهم من غضب الجبارِ
واهل السقيفه اتعدوا ،، بسجيلك امطرهم
############
الچان بابچ فاطمه ،، كعبة املاك السمه
تالي ايد الأثمه،، دنست مقامه
اتجمعت من كل طرف ،، الماله دين ولا شرف
وما حفظ حگها وعرف ،، كعبة الامامه
النكر بيعتكم خطب ،، وابابكم شب الحطب
وإنته بركان الغضب ،، اشصبر القيامه
يم بابي الاملاك أحرمت بيه صلت وحجت
داسوا حرمته اهل البغي وبيه نارهم وجت
قال وإن ، فاطمة في الدارِ
ويل لهم من غضب الجبارِ
واهل السقيفه اتعدوا ،، بسجيلك امطرهم
############
ركضوا حسين وحسن،، والدمع يمطر مزن
ريت كسرچ بينه چن ،، نفدي الرواح
جفن ما رفله وطرف ،، وذكر آخرته و وگف
عند أهل بيت الشرف ،، تندم و وراح
والنذل سبها ورجع ،، رد رفسها وما قنع
سوطه عالمعصم طبع،، ومحسن الطاح
قد ضجت الأحشاءُ بالمسمارِ
ويل لهم من غضب الجبار
واهل السقيفه اتعدوا ،، بسجيلك امطرهم
########
علي يل كلك عزم ،، برگ خاطف من تهم
لو صفه الحگ عالنجم ،، تعتني وتجيبه
وانته يا سيد البشر ،، تلوي اعنان الدهر
يوم لو غاب ونكر ،، اتله من مغيبه
وتنسف العسكر نسف ،، خنصرك يطوي الالف
بيهم تسوي الخسف ،، صولتك رهيبه
زلزال سيفك لو برگ كل عسكر ايهابه
شلون طاحت فاطمة ويگدرله گرابه
ادركني يا صاحبَ ذي الفقارِ
ويل لهم من غضب الجبار
واهل السقيفه اتعدوا ،، بسجيلك امطرهم
############
ونچ يهيج الجرح ،، چنه بجروحي ملح
موت بعيني الصبح،، وخضر الليل
بگلبي بسمار استقر ،، مو ضلع عمري انكسر
ونچ يفت الصخر ،، يكابر الحيل
گولي ياهرش الگلب،، والله اعيدنها الحرب
وأگلب الدنيه گلب،، وأهزم الفيل
لوما وصية احمد انكتبت علي فرض
اقسم وحگ ظلعچ نذل ما يبقى عالارض
إن أباك رحمة فاختاري
ويل لهم من غضب الجبار
واهل السقيفه اتعدوا ،، بسجيلك امطرهم
########
السموات انطون ،، وكون قطعه اتفصلن
ريت جوه أم الحسن ،، طاحن افراش
الصطره أذتها وهوت،، ورده ذبلت والتوت
شمعة هفتت وانطفت،، والغضب جاش
أهتزت املاك العرش،،وفارت النار وترش
وگعد عزريل وفرش ،، وين الاوباش
اسرافيل بالصور انتخه ،، وجبريلها ينادي
بس أشري نگلبها گلب ،، يا بضعة الهادي
إن أمضت الزهراءُ بالإقرارِ
ويلٌ لهم من غضبِ الجبارِ
واهل السقيفه اتعدوا ،، بسجيلك امطرهم
ــــــــــــــــــــــــــــــــــــــــ
محمد المشايخي
كوم يا علي إليه
نكسر الضلع من المنيه
طيحتي هاي تشبه الغاضريه
الحك يا علي يا علي
دفع الباب انكسر ضلع وي الضعن
اني اون واناديك يا ابو الحسن
شبت النار كسر ضلع بسمار
بل سوط ضربو متوني
لحك يا علي يا علي
خسرنه خساره جبيره
كسر ضلع ومحسن وفاطمه
ما حسو ولا قطرت غيره
بل مسمار والدم جره
لحك يا علي يا علي
كلمات الشاعر/ علي لفته الديرساوي
دفعو عالزچيه الباب والبـــــــسمار لاگــاها
ثگـيل الباب چــــــــــان ولاگته الزهره
وشهگت مــــــــن كثر ماتوجع العصره
عرش الله انكسر بس ياهي من كسره
الله يعين حــــــــــــــيدر مانفذ صبره
من گالو وآن بالبيت وام البـــيت سطروها
بيت ام الحــــــسن بيت الله واسراره
وحامي الجار بيته احتــرگ من جاره
حيدر عالمصيبه مــــــــــــاطفت ناره
من يمته علي مـــــــــــــايفزع الداره
حيف الشالع البـــــيبان وادم تدفع ابابه
صاحت فاطمه يافضــــــــه سنديني
بالگوه احچي مــــن كونچ تسمعيني
مابيه اعله شيل اجـــــدامي عينيني
بسمار وخشب وضـــــلوعي تاذيني
شاغت روحي بالدفعات والدخان عاميني
دلوني اعله گبره وانفــــــــض اترابه
اريد اشكي لبوي اشــسوت اصحابه
يدري ابفاطمه مهضــــــــومه بغيابه
بسمار بضلعهه ويلچـــــــــم اصوابه
ماغمض جفنهه الليل ام حسين موجوعه
بالباب الزلم والبــــــــــيت بيه حرمه
وهيه فاطمه بــــــــــت آشرف الآمه
من عصروها طاح المحسن امن امه
والمكسوره وين اولـــــيدهه اتضمه
مالحگ عله الكاروك محسن طلّعو روحه
خادم القصيده
شاكر الصيمري
ثكيل باب الجذع شيحمله
وفوكج تّكود كله
والنار بي مشتعله
عذاب محد يعرف شحالج
باب الستر جتالج
وعين الوصي تبرالج
ليش احترك جف الترافه
ترفس قوي رجل الصلافه
ما تنجمع نار اويه ورده
خد انسطر هاي الحسافه
الباب ردنا للستر مو يعصر امنه
مو يكسر بصدرج ضلع ومنج حرمنه
ببيتج خِدم وحي السمه ما يشتعل نار
من لمو اعلينه الحطب السنو ضلمنه
............................................
حرام زهرة محمد ناحت
طيحو طفلها وصاحت
يا فضه لحكي وطاحت
عجيب
البسمار عايش عدنا
وتالي صبح غادرنا
كاسر صدر خيمتنا
لمن دخل حامي ويطعنج
كاطع نفس ياويلي منج
لمن طلع جلدج يشلعه
عالي انسمع يا يمه ونج
عالحايط الدم انتثر هاي الشديده
معناها وصلت للظهر ذيج الحديده
الضلع انكسر وجه وكفه من عصرة الباب
واكبال عيني بس احس كلش بعيده
..............................................
دخان صابغ جفوفج سوده
واللهبه ما مريوده
من النِكَر معبوده
مصاب انداس بيت الزهره
محد يقدس قدره
وامه بيته راحت عصره
وحيدر يصد بعينه المصيبه
ببيته انسحك ابنه وحبيبه
محد إله بذيج المدينه
وروحه صفت بعدج غريبه
بس دمعه الي يواسي الكلب بعد الزجيه
والثامه الي ينشف الدمع بالمغربيه
اللهُ أكبر يا علي شكبر المصيبة
ام بيته مسطورة لجن عنده وصيه
.............................................
ضلوع مكسوره من الطكه
وتتألم اويه الشهكه
والنفس صاير حركه
جروح بكلب اللي داسو بيته
ودمعه يغرك الحيته
انجر بحبل تاليته
البيده انثنت كل الحرايب
ليش انجتف وابلا كرايب
يبجي علي رايح خليله
خي النبي ما عنده صاحب
يم الكبر يكعد علي ودمعه خضابه
فاطِمَتي ينادي وعلى وجهه نكابه
البجّه إبن ود بأمس ضل يبجي وحده
ضل يمشي وايده اعله الظهر يكسر عذابه
.............................................
سيد حيدر الجزائري
امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان
وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..
يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات
حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور
معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج
تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع
كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة
……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم
يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم
اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب
شابح لونه ... هدله امتونه ... الله بعونه
حيل امعذب
ماجن حيدر هذا الواكف . باقي اخياله
مره ايكوم ويوكع مره . اكبال اعياله
شهكة ريته ... وكل عافيته ... اتفارك بيته ...شيضل حاله
باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم
دكلهم يمه ... ما متألمه ... وهي ابظلمه
امن تحاجيهم
خافن تفجع كلب العيله . جرعت كل مر
وبسكته اتوصيه بحيدر . كالتله اصبر
حيدر يسمع ... منهه ويدمع ... كلبه اتكطع
لمن يحفر
يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه
اوياج اخذيني ... لتعوفيني ... دمعت عيني
اعليج اجريهه
ماعندي افراح ابهل دنية . انتي افراحي
يايمه ابموتج تدريني . تزيد اجراحي
رحمي ابحالي ... يا اَمالي .... كعدي اكبالي
سمعي انياحي
يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه
.......
اكثر صوره اتألم جانت . عل شافاهه
حسين امدد طول اويمه . وما عافاهه
يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه
اسماء اني ... حسين اذاني ... زاد احزاني
عطشت كاعه
يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله
ادكله امنه ... امن اتفاركنه .... يكثر همنه
ياهو يشيله
بوية ازغيره انه ومحتاجه . الحضن الزهره
مابية اتيتم من زغري . واجري العبره
من بعد امي ... يكثر همي ... ويصير اسمي
ايتيمه ابكسره
محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم