7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عمري بغيابك.. خلص اذيه
موتي اجاني.. وماجيت إليه
ياغربتي... ياكسرتي
كون اشوفك
......................
والله هل دنيا بدونك كلشي ماتسوه
من رحت يحسين عني روحي تتجوه
عطشوك وهذا گلبك بعد مايروه
والضمه مفطر اشفافك ضال تتلوه
ماي ابأديهم.. ومنعو تشربه
كلهم شماته.. وبديره غربه
ياهضمتي ... ياكسرتي
كون اشوفك
........................
ياجرح ياكل بروحي من ضهر عاشر
انته ابو الدنيه بغربتك ما الك ناصر
بكربله خلوك وحدك بالخيم حاير
وعينك تصد اعله زينب والجدم عاثر
محني بمشيتك.. بحسره جبيره
خايف عله اختك.. تمشي اسيره
ياحسرتي ... ياكسرتي
كون اشوفك
.........................
تعبوك وطحت مدمي ولا اخو يمك
وركضت اعليك السيوف تفرهد بدمك
بدت من راسك اجروحك وصلت الجدمك
ونحرك انحز بين اديهم ونسلب هدمك
يمك اخوتك.. كلهم ضحايه
عنك خذتهم.. سيوف المنايه
اعليك ونتي ... ياكسرتي
كون اشوفك
......................
فوك راس الرمح راسك الله اليعينك
هوسو بي وانته دمك جامد بعينك
كلشي بالدنيه ييمه يسمع اونينك
بسيفهم شيبك تخضب طفو اسنينك
يمه مصيبه.. يومك مصيبه
اني بدمعتي.. وگلبي بنحيبه
كل دمعتي ... ياكسرتي
كون اشوفك
......................
الناس مارحمتك يبني وناويه اتطشرك
ماتكفه البيك يذبح من گطع نحرك
الخيل هداهه اعله جثتك داست بصدرك
رفست الحافر ثكيله ووصلت الضهرك
غالي بذبحتك.. ذبحو دليلي
يومك ييمه.. هادملي حيلي
ياصفنتي ... ياكسرتي
كون اشوفك
.........................
ام البنين اني يبني بدونك شلوني
يالغيابك شلع گلبي وذبل عيوني
هذا موتي الليله اجاني ماتحضروني
اجنازه بس افرح بموتي من تشيعوني
موتي لفاني.. يحسين أريدك
تغمض عيوني.. وتدفني بيدك
تهل تربتي ... ياكسرتي
كون اشوفك
محمد هادي العقابي
بالفخر اسمج يرف مثل العلم
وذوله كلهم ولدج وصارو خدم
.............
منج الشاعر اخذ درس السهر
وكام يكتب عله محزوز النحر
مدرسة حب و وفه يم الكمر
بكل شهاده اسم الحسين انختم
...................
بدمعته الرادود عالطف لونعه
انتي اسستي الاطوار المفجعه
طورهه مبين التفكد اربعه
تصير ونتهه شجيه من الالم
...................
والطم صدره يحس بم الولد
منهه راحو والگلب هل منمرد
السانج اعله حسين مابطل نشد
وبغيابه دموع عينج تجري دم
..................
منج اتعلنه هاي المكرمه
انتي اوله بالخدامه الفاطمه
للحسن وحسين دوم محزمه
وزينب بلياهه هالدنيه وهم
.................
وحنه صرنه نخدم بهذا الدرب
هيه هاي الخدمه التسر الگلب
بلاعزيه هالزمن يصبح غرب
والله هنياله بخدمته الي التزم
.................
يلي ودعتي الحياة بغربتج
بگلب كل خادم تضل محبتج
مانسينه نوحج ولا دمعتج
وبالمصايب گلبج هواي انلجم
................
انتي باب الله الوسيعه ورحمته
وكلمن اليوم اعتناج بحاجته
لاتخلينه يرد بدمعته
سهلي امره نحلفج باهل الشيم
محمد هادي العقابي
نص بحراني
اعضم مصيبه.. ماتت غريبه
الله يعظم أجرك يكافل
امك حزينه ومدمعهه سايل
ماتت غريبه
......................
امن البُعد هليله ادينه الزياره
ياسلام الله عله الماتت وحيده
ياسلام الله عله العاشت مصايب
عله حسين واخوته وكطعت وريده
تعزيه الحضرت مقامك يابو فاضل
ادموع وجروح وبجي بهاي القصيده
انه وعد الله حق نقره بدمعنه
ياخسارتنه الجبيره والشديده
نقسم بعفتهه والله.. والحجاب
من دمه نجري المدامع.. للمصاب
للكضت تالي عمرهه.. عله الباب
تنتضر بس خبر ماجه.. للأحباب
كضّت الليل بمناحه.. والعتاب
شكثر صاحت يمه لاكن.. بلا جواب
يمته يوليداتي يكضي.. هل اغياب
هل حنينه الوفيه.. تدري ياعباس
هل زمن مارحمهه.. وشيبلهه الراس
بيض الله وجهه.. جابتك نوماس
ماتموت التخلف.. هيجي زلم اسباع
تعباهه رباكم.. والتعب ماضاع
ضل نعشه بلاكم.. ماوراه اوداع
الفاكد حبيبه.. يكثر نحيبه
تنعه عليكم اي يابو فاضل
امك حزينه ومدمعهه سايل
ماتت غريبه
............................
ضلت الحسبات تاخذهه وتردهه
ايعينهه الله المنهه راحوا كل ولدهه
حسين عطشان ودرت بي مات ضامي
ويومهه يخلص ودمعتهه اعله خدهه
وتدري حافر خيلهم داس اعله صدره
وجبدته امن السحك هل حافر مردهه
وجسمه ضل اعله الترب والراس مرفوع
فوك راس الرمح والدم عينه سدهه
والألم ضل بيهه ياكل.. عله الصار
عاشت بغربه وگلبهه.. يشب نار
نادت بهاي المصيبه.. يكرار
حسين طاح وماكو اخوته.. الأقمار
وحده وكل جيش اميه.. عليه دار
بالرماح وبالسيوف او.. بالحجار
وخده ظل اعله الوطيه.. والرمل حار
وبالحرم محتاره زينب.. والزغار
بوليت الغربه ضلت.. والغرب شمات
طاح اخوهه يويلي.. وحركوا الخيمات
مدمي نحره وتخضب.. ومن ضربهم مات
وزينب اخته سبوهه.. مكيده الجفين
عالهزيله وتنادي.. رايحه يحسين
امن الجمر والاذيه.. تعبن الرجلين
قصه عجيبه.. هاي النجيبه
ضلت وحيده بين القبايل
امك حزينه ومدمعهه سايل
ماتت غريبه
..........................
عدهه جانت امنيه تحضرون يمهه
من يجيهه الموت انتو تشيعوهه
راحت ومكسوره امك يابو فاضل
اربع أقمار وشمس ماودعوهه
خلصت باكي العمر نوح ومناحه
وعينهه اعله الباب منتضره تجوهه
عاشت بحسرت ابن يغمض جفنهه
وتالي بالدار بهضم ميته لكوهه
رادت الاولاد يمهه.. ينوحون
تعاين وتنضر دمعهم.. بالعيون
عيونهه تنطيهه بس لو.. يرجعون
وبيدهم همه الجنازه.. يشيعون
ضل نعش امكم بعازه.. للمتون
وحشت الام من ولدهه.. مايحضرون
تريدكم كل لحضه ويه.. اليدفنون
كتبت اعله الباب لا ما.. يردون
الليله يخلص حزنه.. وتنتهي الآلام
وتلتقي بالغوالي.. والكلب محتام
بالكبر الهه راحه.. من جفنهه اينام
عالكبر كتبوا وصت.. ماتت امن الاه
خلصت كل عمرهه.. ويلي ياويلاه
ام الاربع كواكب.. سافرت لله
والكلهه طيبه.. بدمعه خضيبه
توصل ضهرهه امن الفركه مايل
امك حزينه ومدمعهه سايل
ماتت غريبه
محمد هادي العقابي
نزال
افعالج وافضالج فخر
ياهيبه وتاريخج گمر
...............
بالوصف انتي الوفيه ونتي اسستي الخويه
روحج الطيبه الابيه الطاهره
منج الكافل علامه يعني انتي ام الشهامه
اربعه اولادج نشامه ومفخره
بيهم اندارت طيبتج لحسين لبو نخوتج
خدام سوت كلمتج ماتنقاس
عباس من الاربعه تدرين يم المشرعه
الروس خلهه مكطعه يم عباس
امن الكافل ماواحد عبر
ياهيبه وتاريخج كمر
..................
عالخيم لزموا حراسه والكمر دك بيده صدره
ايكلهه يم عون اني حاضر كل وكت
انتي تبقين الاميره يانفس بد العشيره
انتي عيني البيهه اشوفن والاخت
زينب يخويه ادللي اني اللي وصاني علي
وحط جفج بجفي الولي حامي الجار
عندي وعد حامي الحمه انتي امانة فاطمه
واليوم روحي محزمه بگلبي النار
افديج بروحي والنحر
ياهيبه وتاريخج كمر
.....................
للكمر بالطف مراجل ترتعد منه العساكر
هذا تربات الصميده الخيبري
بيده سيف وبيده رايه يعتني بجدمه المنايه
الكافل وجرد حسامه تصوري
الاف بس كلهه بخطر شافوا وحارو بالمفر
ملاج صار اعله النهر بيده الماي
داراه بزوده بجربته وعلجيش تكتل خزرته
الرواي صار العيلته والسكاي
عباسج ماهم للخطر
ياهيبه وتاريخج كمر
...................
المدرسه انتي العظيمه تخرجو منج قساور
بالطفوف هناكه سووا ملحمه
انتي وقعتي الشهايد والنتايج ميه ميه
الينطي عينه الينطي جفه الفاطمه
ولدج اهل المرجله خطو شعار بكربله
خدام الحسين وهله لحد الموت
غزر حليبج والنعم لحسين ربيتي زلم
الجيش منهم ينهزم بس بالصوت
بدماهم كتبو عالنهر
ياهيبه وتاريخج كمر
...................
احنه متعنين اجينه المجلس وانتي الوفيه
اتقبلي هذا عزانه الحضرتج
ردنه منج نضره وحده نضرة الام الحنونه
عالحسين انطينه دمعه وحركتج
مفتوح بابج للكرم وتلوذ بي كل الخدم
اي وحك شيال العلم حب حسين
لرواحنه صار الهوه كل گلب غيره ماحوه
هنياله البحبه انجوه نور العين
توفقينه كل خادم حضر
ياهيبه وتاريخج كمر
محمد هادي العقابي
ما اجي بدفنتج يمه غاب النظر
بيش اشيل النعش جفوفي يم النهر
......................
والله موهينه علّي وانه ابو الغيره
وانتي حددتي لبو فاضل مصيره
افضالج مغركتني يايمه وجبيره
شلون ما احضر وفاتج والله حير
يمه انه بموتتج بحزني شابع قهر
بيش اشيل النعش جفوفي يم النهر
........................
يمه جف الدمع لجلج فوك رمشي
الماتت امه من حياته ايموت كلشي
مره اذكر كلتي وانه وياج نمشي
يحظر العباس بيده ايشيل نعشي
وحدج بغربتج وانه ظهري انكسر
بيش اشيل النعش جفوفي يم النهر
........................
ادري عينج عالدرب منتظره جيه
لاتكولين ابني شو مامر عليه
اعتذر من تعتني اعليج المنيه
مااجي ماريدج تشوفين اديه
شكد احب شوفتج انتي ام الكمر
بيش اشيل النعش جفوفي يم النهر
.......................
بطيبج تسولف الوادم يالاصيله
يالوفائج كنز مايحصل مثيله
انطيتي من جفج عطايه المو قليله
جنازت ام الخير مهيوبه وثكيله
شالو اجنازتج وانه كلبي انفطر
بيش اشيل النعش جفوفي يم النهر
......................
يمه لتعتبين عني ما احظرج
لون بيدي يمه اذب عمري اعله عمرج
بيش اجازي ارباج يالمكسور ظهرج
انه ميت يمه بس بهاي اذكرج
اشعر بحسرتج كبرج انتي انحفر
بيش اشيل النعش جفوفي يم النهر
..........................
يمه محروسه بوليدج ابو فاظل
يلي علمتيني ما اعرف اجامل
ياللسانج ماجرح يوم المقابل
الليله من الديره كل الوفه راحل
اضلمت ديرتج من جفاها السهر
بيش اشيل النعش جفوفي يم النهر
محمد هادي العقابي
⚫️ فدوه لجلك انطي كل ابنيني
⚫️ياحسين اهديك كل سنيني
انت روحي ودنيتي وآمالي
وانت عندي اغلى من كل غالي
نور وجهك (جنه ) تتراوالي
من العطش بسماتك ترويني
سافرت يحسين ويه العايله
خلافك آنه بگيت وحدي وذاهله
ردت طارش لو يمر حتى اسأله
تدري يحسين البعد يچويني
حين سار الظعن وانه اتفكره
شاهدت عباس سبع الگنطره
شلون يحدي النوگ وآنه محيره
خوفي من يروح مايوافيني
حشميت اولادي مايعوفونك
بالنحور وبالدمه يفدونك
وابو فاضل گتله يوگف دونك
گلي ب ابن الزهره لتوصّيني
خلافكم يهل الرحم انحب واون
بحيره اظلن باليتامه وامتحن
دياركم مابيهه بس لوعه وحزن
منهو الي ينشفلي دمعة عيني
بكل مسيه أنخه واشچي غربتي
ياالهي تعلم انته بحالتي
رد علي احباب گلبي وهيبتي
وحيده عگب اولادي لاتخليني
الناس تحسدني عليكم يالشباب
وسفه تالي رسومكم تحت التراب
ومن يجن الليل محلاته العتاب
عتابي وياكم تره يسلّيني
ما دريت فراگكم هم وقهر
اعله الدرب يايمه مشبوح النظر
بالنهار مناطره وليلي سهر
بينكم حال الدهر ما بيني
چنت لمن اعتني واشتاگكم
افتخر بيكم واعيش بجالكم
بدور چنكم تضوي كل دياركم
تالي ظلمه وبيهه بس اونيني
صحت يامعبود يانعم المجيب
حسين جرحي وهولجروحي طبيب
اخذ كل اولادي وردلي الحبيب
وانت تعلم فرگته تاذيني
من سمعت الناعي يصرخ بالعويل
بيّه احس الگاع چن گامت تميل
الروح شاغت والدمع مني يسيل
بموت ابن عقد الوله يعزيني
يمه ياعبد الله ياجعفر يعون
كلكم تغيبون عني وماتجون
خلاف ابوفاضل اطفيهه لعيون
واعله ابوسجاد انوح سنيني
#سمير_الصالحي
#النجف_الأشرف
لمولاتي أم البنين (عليها السلام)
اليـوم الملتـقـى ابيـن
ام عـبـاس وحـسـيـن
وصار الموت شاعر
يكتـب عـن مشاعر
اول مـلگـه الاثـنـيـن
ملك المـوت اجه وگدامه ابو اليمه
وام عـبـاس صـارت مدمـع وبسـمه
وشِـهگـت بالمَـحَـنَّه وعينـها اتكلمه
هـلا بالعـافيـه ونـور الله والـرحمه
اخذني اليـوم وَياك
بعـد ما بيَّـه فـرگاك
ولا محتاجه باچـر
يكتـب عـن مشاعر
اول مـلگـه الاثـنـيـن
ــــــــــــــــــــــــ١ـــــــــــــــــــــــــ
گـعد يمهـا الحسـيـن وگـلهـا هـا يُمَّه
اعـله خـدچ شو أثر لطمه بأثر لطمه
تگـله اللـطـم هَـيّـن فـرگـتـك هـضمه
بعيني الشمس صارت طافيه وظلمه
ادَوّر الشمس والنـور
ويفز بعيوني عاشور
وصوت يريد ناصر
يكتـب عـن مشاعر
اول مـلگـه الاثـنـيـن
ــــــــــــــــــــــــ٢ـــــــــــــــــــــــــ
اعله جيتك حيره گلبي اشيحچي وايشكرك
بــــس إتــگــــرب ارد اتــبــــاوع الـنــحـــرك
وصـدگ سـهــم المـثــلـث صـابـك بـصـدرك
ولَـمَّـــن طـلــع مــاخــذ مـــن خــرز ظـهــرك
ريـتـه بـصـدري يـا ريـت
وسـالـــم يـبـنــي رديـت
اوذَر خل جسمي صاير
يـكـتـب عــن مـشـاعـر
اول مـلـگــه الاثـنــيــن
ــــــــــــــــــــــــ٣ـــــــــــــــــــــــــ
متـغيـرات گـلهـا عـيـونـچ اشبيـهن
گـالتـله حـوافر سـاحـگـه اعـليـهـن
ضلوعك يبني من گالو امطشريهن
وآنه عـيوني منها وما شفـت بيهن
بـعـد اتـباوع شلـون
والمن رايـده عيـون
النظر مُلكك يطاهر
يكتـب عـن مشاعر
اول مـلگـه الاثـنـيـن
ــــــــــــــــــــــــ٤ـــــــــــــــــــــــــ
آنـه المـوت اجـانـي بصـوت ابـن حـذلم
مـن صـاح اهـل يثـرب طفـح يَـمَه الدم
وركضت ودربي احسه بعمري ظل يلهم
إوصـلـت وكـلشـي بيـه امـوذر مـن الهَم
وسألته وگلي مـذبـوح
وعمري اتطشر اجروح
مـا بـيـن الحــوافـر
يكتـب عـن مشاعر
اول مـلگـه الاثـنـيـن
ــــــــــــــــــــــــ٥ـــــــــــــــــــــــــ
رحــت لـزيـنـب وگــوه انـگـل الخـطـوه
وزيـنـب تـمــشــي أثـگـــل گـــوة الگـوه
ومـن شافـتنـي صـاحـت ريـحـة الخوه
وصحت كلنه لأصبعه انروح الف فدوه
ونطرت المـوت اتانيك
بس حـتى انظر اعليك
وهذا الموت حاضر
يكتـب عـن مشاعـر
اول مـلگـه الاثـنـيـن
ــــــــــــــــــــــــ٦ـــــــــــــــــــــــــ
أحمد البصراوي العبادي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيدة رثاء أم البنين عليها السلام
عبدالهادي العريفاوي
لحضات ويكرب موتي ومنهو اليحمل تابوتي
أمن الطف مارد حسيني ولاردوا ليه ابنيني منهو اليحمل تابوتي
----------------------------
برض المدينه اوحيدي
شو مااجوا ويلادي
يحضرني ريت العباس
ياربي هذا امرادي
وياريته يحضرني حسين
سبط الرسول الهادي
وإني باثرههم ظليت
وكلهم بقوا بالوادي
لأرض الطف انه اتنطر
عبدالله وعون وجعفر
فراك أولادي ياذيني
ياخوفي وتغمض عيني منهو اليحمل تابوتي
‐-----------------‐---------------
وصلتني يمه اخبارك
بصولاتك المعروفه
زينب اجت كالتلي
فعلك اهيه تشوفه
كالتلي اخوي العباس
زلزل أراضي الكوفه
بس للاسف يااماه
مكطوعه منه جفوفه
يم النهر دك ثايه
بس حاطته الرمايه
جن جن عباس يناديني
يااماه تعذريني منهو اليحمل تابوتي
-------------------------------
خوفي النعش من ينشال
وروحي ييمه اتريدك
لاانته ليه الرديت
ولارد إليه اعضيدك
شيل النعش بمتونك
انه أدري كطعوا ايدك
وكبالي اشوفك كاعد
لمن اشوف وليدك
اعليكم مشبوحه عيوني
أولادي الليله يجوني
يالشوفتكم تحييني
حسين الماظن ناسيني منهو اليحمل تابوتي
---------‐-------------------
يمه شكلت يوليدي
صوب النهر من اتنام
ومحتاره بالطف زينب
من وجروا الها اخيام
ومن جلجل اعليها الليل
محتاره زينب بيتام
انه ادري لوبيك أنفاس
جا مامشت درب الشام
اختك كالت جتفوني
بهل جلمه اتغير لوني
بس أفعالك ترضيني
وفيت الزهره بديني منهو اليحمل تابوتي
--------------------------------------
ذاك الظعن لمن سار
وللطف حده حاديها
كلكم نذر ويلادي
وللزهره روحي افديها
بذاك العهد وفيتوا
ولفاطمه اوفيها
لو عندي عشرة أولاد
ماابخل اني اعليها
نور الله هيه الزهره
وكليبي تقبل عذره
تشفعلي وتواسيني
يافاطمه تناديني منهو اليحمل تابوتي
آخر دگتين ابگلبي حُسين حُسين
وراح انتقل يم ربي حُسين حُسين
ارجع يا حبيبي ارجع ياحبيبي
__
بالحايط الگه بصمتك واتلّمس بيها وانظر
من دون اصابيعك شفت دم ابمكان الخنصر
اسمع رعيد وصاعقة والدنيا گامت تمطر
وتهب رياحج كربله توصل البابي وتكسر
من ذاكَ اليوم وضيمه حُسين حُسين
واني اشتم حرگ الخيمه حُسين حُسين
ارجع يا حبيبي ارجع ياحبيبي
___
عد التنازل ابتده وعمري بأخير ايامه
وأحد أساليب الجزع لجلك اطبر الهامه
موكب اسوي الحضرتك دگ الگلب دمامه
واصرخ حُسيناً ياحُسين و ما اوَفي آلامه
باول مجلس يالغالي حُسين حُسين
بِشر الِذي ينعالي حُسين حُسين
ارجع يا حبيبي ارجع ياحبيبي
____
يحسين والمغرب ترا ماتنحمل عصراته
وعبد الله من حلگ السهم اسمع گمت وناته
اول طفل بالمعركة مشط لبوه شيباته
اول طفل عاف السبي وما قبل عن عماته
عبد الله ازغير عمره حُسين حُسين
شلون اتباوعت النحره حُسين حُسين
ارجع يا حبيبي ارجع ياحبيبي
____
عالباب تطلعلي الشمس ويطلع وياها گلبك
واني اگول من الصبح يايمه والله احبك
بس گلي عنك يالولد بعده العطش يعذبك
اتمنى اجيك الكربله والماي بيدي اشربك
بموتي واتخيل منظر حُسين حُسين
راس ينگطع عالمنحر حُسين حُسين
ارجع يا حبيبي ارجع ياحبيبي
___
انظر الدنيا اتغيرت عجه واتراب وحمره
واتذكرت جسمك بقه ايام فوگ الصحره
راسك يجيني اعله الرمح يوميه اشوفه اشكبره
مذبوح راسك يالولد يمه دخيل الزهره
بس گلي انت شلونك حُسين حُسين
شو هم متعوبه اعيونك حُسين حُسين
ارجع يا حبيبي ارجع ياحبيبي
___
سويت الك يُمه گبر وخليت جنبه گبري
واخلص من الدنيا گلت و الله يعظم اجري
عيناي بيضه من البچي والشوگ حاني ظهري
ادعي الهي من الصبح اتمنه ياخذ عمري
امك تعبانه هوايه حُسين حُسين
علگت ابگبرك رايه حُسين حُسين
ارجع يا حبييي ارجع ياحبيبي
للشاعر محمد الظالمي
نعي مجاريد لسان حال مولاتي ام البنين عليها السلام حين عزم الامام الحسبن عليه السلام السفر وصوت الحادي بدا يعلو .. كاني بها قات
يامولاتي
ياسايج ضعون الغوالي
اتوانه بمسيرك بعد ُخالي
خل ابو اليمه يشوف حالي
الموت من فرگاه اشوالي
شيگضيلي من عگبه الليالي
من هسه يمه انشده بالي
مگدر اشوف البيت خالي
ام محمد الحجاج
لوفاة ام البنين سلام الله عليها
شحال ام البنين بهلمسية
شگد شافت هظم مثل الزچيه
★★★★★
مصايب لفت يصعب حيل عدها
شگد چانوا بدور وگمر. عدها
وياها حرب هذا الوكت عدها
خله الدار بس وحشه وخليه
★★★★★
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفاء الكلابيه
★★★★★
بچبدها لوعة العاشر ومرها
لفاها الموت من راحوا ومرها
ابحيره رايها اصبح ومرها
عگب ذاك الجره بالغاضريه
★★★★★
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
★★★★★
عدها ورورد من تذكر وردها
خذاها الشوگ يم الطف وردها
خبر من كربله يكتل وردها
اهلها اتذبحوا. فوگ الوطيه
الشاعر حسن لعيبي الحريشاوي
#رئيسية_لام_البنين_ع
ما اريد جفك يرد ما منگطع بالغاضريه
ماريد ترجع عدل يا أبا الفضل هاي الوصيه
يا مالك الماي سيفك قرارك
فتحٌ من الله هذا شعارك
يا يمه هذا عيدك....سويها واگطع ايدك .....ترجعلي ما اريدك ....موتك رضاتتي
يمفصل الكافله ....خل توصل المقاله .....ذب يمنته وشماله .....هاي امنياتي
يالمتقن افنون الحرب يالسطرتك ثچيله
اوكف مثل وگفت اسد ضل سوي للعقيله
وشيل الفرات من الجذر شلون العلم تشيله
اكشف ضلام الحرب لمن تطب فوك الاصيله
ارفع ستار العطش وكت الضمه وروي القبيله
تغطي الخيم كون يبني بوقارك
فتح من الله هذا شعارك
.
.
.
.
خلي الحرب تطوفك .....ومن كل جهه تشوفك ....خل تهتز بجفوفك ....سويها ضلمه
اختك شرف خدرها .....كون الهوى اليمرها ....يترخص بسفرها ...يلا تشمه
اگلب ضوه هاي الشمس فيّ يبني عالعبايه
واسمح اثرها لو مشت ايه وتداري ايه
وبس بالدايه وگفتك وكل الضعن بدايه
شاهين فوگ الضعن افتر وطن يا محلى صيدك
اركض ييمه بفخر ركضت اسد للي تريدك
سيف بيمنتك جود بيسارك
فتح من الله هذا شعارك
.
.
.
.
لا تنطبگ جفونك .... ساهر على ضعونك....للخوه بدي لونك ....يا سيد الاحساس
وجهك ضوه المحامل ....غير انت يا ابو فاضل .... اجمل شخص مقاتل ....غير انت عباس
المح أطراف المعركه وتسجدلك المنايه
وبس اخزر ارگاب الزلم توگعلك الضحايه
يالما لمس جفك درع خل الگلب وقايه
الزلم تنمد الك مدت جسر ماله نهايه
يتنكب الموت اذا وجهك غضب بيك الكفايه
بس بالمناحر ينحد فقارك
فتح من الله هذا شعارك
.
.
.
.
حل معصبك تحلهم......هد مهرتك تشلهم ..خل ينگطع نسلهم .....
لو گطعو الماي
اشطب على السلامه....وجعلها كالقيامه .....الشرد كر أمامه ....بس انت الهواي
حطهم بغرببل الغضب سفرهم الجهنم
لَمت ارموش اعله الجفن عالموت خلها تلتم
تظلم عليهم كربله ثغرك اذا تبسم
ياعلو وفوگ العلو حدك علي والباقي نَصه
الماي ماي الخيم هاي الخلگ ما الها حصه
لو شلت الازنود تچويها نارك
فتح من الله هذا شعارك
.
.
.
.
كلشي وره وأمامك ....بس الحسين إمامك .....اركض اله بمقامك .....لمن يصيحك
باجر الدنيا يمك ....تسجد وأتذكر امك......وكل المَلك تخدمك.....
يكبر ضريحك
بعينك اذا ماكو سهم ماكو شمس علينا
ولوما جرِبتك والعطش الماي ما يجينا
وايدك اذا ما تنگطع ما تلطم احنا ادينا
عزت نفس طيحتك من مهرتك يارافع الهم
ماي الوجه ماوكع چي عالارض منك وگع دم
من شيلت الواك يبدي انتصارك
فتح من الله هذا شعارك
الشاعر عبدالله الشويلي
سيدتي ومولاتي باب الحوائج
ام البنين روحي فداها
گلبي يحن وايريد الاعزاز
ياهو اليروح ابنعشي جناز
عيني على درب اليمرون
ــــــــــــــــــــــــــــــــــــــ
عله أفراش المنيه وانتظر فزعه
يادنيه شملنه الراح شيجمعه
من عگب الگمر شلّي بضوه الشمعه
والفارگ احبابه الصبر شينفعه
من عمري ظلت آخر انفاس
وين الله ويرجعلي عباس
ينساني كافل زينب اشلون
ــــــــــــــــــــــــــــــــــــــ
من كثر البچي اعليهم خلص صوتي
آنه ام البنين ارحمني ياموتي
وحدچ لاتگلي للگبر فوتي
يجي العباس هسه ايشيل تابوتي
يحضرني إبن الحضر سلمان
وايصير لاّمه الگمر دفان
وايشيل نعشي فوگ الامتون
ــــــــــــــــــــــــــــــــــــــ
اتمنه ابو فاضل هسه بي جيه
ويجيب وياه تربه كربلائيه
ياخذني ردت لأقرب حسينيه
وبالتشيبع خل يقرالي لطميه
حلوه النعاوي التهدم الحيل
علسلبوه وداسته الخيل
واتصيح هل من ناصر ام عون
ــــــــــــــــــــــــــــــــــــــ
مو بالماي بدموعه يغسلني
اوليدي وكون بالرايه يچفني
واتمنه بثيابي السود يدفني
بس شلون بلله ايسوي كل ذني
ماعنده چف ومني خجلان
بس الله راح ايعوضه جنحان
گلوله بس الفرگه متهون
ــــــــــــــــــــــــــــــــــــــ
ماگولن تعال احسين يايمه
ادري احسين لليوم ويصب دمه
بس عندي رجـاء واّمنيه يمه
حسن العاقبه ويتقبل الخدمه
لآخر نفس من عمري والله
ميته وانادي وآحسيناه
واهل المواقف مايموتون
ــــــــــــــــــــــــــــــــــــــ
معذورين اذا ماحضرو الاولاد
بس نار البعد سوت اعيوني ارماد
آنه اتشرفت بالدفنه إجه السجاد
وسدني بحفرتي وبالنوايح زاد
يعني دفني الدافن حسين
وخلصت حياتي بدمعة العين
ام واحنن عاليحنون
محمد الجماسي
#اللهم_عجل_لوليك_الفرج
بحر طويل ( طور كربلائي)
كرامه وباب للحاجات ربك شاء وانطاهه
والجابت مثل عباس حقهه إنچان تتباهه
.....................................................................................................................................
حيّ الله الوفه والطيب عدهه تشوف تفسيره
أم الأربــعــة الأطــيــاب غِــيـره وخلّفت غِيره
كل همهه يرد حســـيــن ظلــــت تنطر إبْحيره
نواظر شابحه أعله الباب.. تنشد حتى ريح الهاب
تنشد عن بدرهه الغاب
شريكة حزن أهل البيت هيچ الباري خلاهه
.....................................................................................................................................
جـــرّب لو ردت تــعــرف فكرك ما يظل حاير
باب الحاجة أم عـــبـــاس تنطـي إمراد للزاير
إقره الفاتحه وإطلب توافــــي وتجبر الخاطر
حلّفهه بغلات حسين ... بالصابه السهم بالعين
بالگطعوا إله چفين
لو عن بُعد بالعباس يمّك هيّه تلگاهه
.....................................................................................................................................
چانت أُمنيتهه تگول عندي من الولد عشره
كلهم إي وحق عبـــاس فدوه الظنوة الزهره
كتبت بالوفه تاريخ ضـــحّـــت كلشي للعتره
سألت بالدمع أم عون ... حاچيني الردتهم عون
وفّوا بالعهد وشلون
موقفهم بعاشر صار ويّه حسين مولاهه
.....................................................................................................................................
زينب جاوبــت گالــت كفـو منهم ورفعة راس
طاحوا گبل إخويه حسين زلم الغيره والنوماس
يعجز كل وصف بالكون ما يتوصف العباس
إخويه وكافلي وذخري ... فديته الكافل بعمري
راحوا وانكسر ظهري
أولادچ فخر للدوم روّت كربله إدماهه
.....................................................................................................................................
عاشت كل عمرهه تگول ما عاف القهر عمري
بس إلّي جره بعـــاشــــور أذّاني وكسر ظهري
أسوي گبور الطيبين وأنحــــب والدمع يجري
دم يجري مصب العين ... يم تشبيه گبر حسين
راح وبعد يحصل وين
رادت روحي بس يا حيف ما حصّلت منواهه
.....................................................................................................................................
واجب عالخلگ مفروض ويّا الطاهره يوفّون
يذكروهه بشهر عاشور لأم الأربعه يحضرون
وكل مرادهم مـنــهــه بأمــــر الخالق يطلبون
عنهم لا مَـتـتـأخر ... تجازي الخادم اليحضر
على الصعبه وعلي تگدر
ربك قاضيةْ حاجات للطيبين سمّاهه
.....................................................................................................................................
خادم أم البنين عليها السلام
عمار هليل الواسطي
اطلب وخذ المراد
هاي ام اربع اولاد
أقره الفاتحه والفاطمه اهديهه
بس كلهه عليج حسين تكضيهه
...................
عندك حاجه حَلهه متعبك هواي
يالتسمعني راح انطيك فد راي
دك باب الكريمه ام كمر عدنان
اريدن وكفتج كللهه وياي
ونته بعينك تشوف
اذا مديت الجفوف
الصعبه اعليك هيه تسهل اعليهه
بس كلهه عليج حسين تكضيهه
.................
جرب مره وطلب منها شتريد
يتفايض عليك الخير ويزيد
ام حض وبخت موقفهه معروف
باب الحاجه تنطي الحاجه بالايد
افرحك بالحجي الزين
هاي اتحب الحسين
اباب ام الوفه دمعاتك اجريهه
بس كلهه عليج حسين تكضيهه
...................
لاتهتم ابد بالدنيه وتحير
التبجي عله زينب عدهه تدبير
هاي ام البنين ام الكرامات
بذكرهه المايصير اتحله ويصير
تسهل امر للناس
ام البطل عباس
نيتك صافيه وياهه خليهه
بس كلهه عليج حسين تكضيهه
..................
لون عندك مريض وشايف الويل
بس كلهه عليج السحكته الخيل
شماجان المرض يتعافه ويطيب
ويرجع مثل الاول بي الف حيل
بلا وصفه ولا باص
معروفه بالاخلاص
ارفع جفك الهه بدمعه ونخيهه
بس كلهه عليج حسين تكضيهه
..................
الضحت يوم عاشر بغله الاحباب
الله نطاهه للحاجه الف باب
ماكو انسان رد من عدهه محتار
تبيض الوجه والله ام الاطياب
سجيتهه الوفه دوم
ذكرهه ايزيح الهموم
الله برحمته اعله النسه معليهه
بس كلهه عليج حسين تكضيهه
.....................
إذا شافت دمعتك ترست العين
هاي بشاره الك يعني وخبر زين
حاضر بالعزه وتذكر العطشان
هيه اتجازي كلمن يبجي لحسين
من العام للعام
ولدهه انتم يخدام
تحب كل واحد بحركه يواسيهه
بس كلهه عليج حسين تكضيهه
محمد هادي العقابي
امتانيه ومابيه حيل متانه
كل واحد بديره الوكت خلانه
ياربي اريد ازيارت حسين
كبل المنيه وغمضت العين
.............................
من طلع ضعنه دعيتك ربي شوف اوصافه
وهاي وادم عدهه نيه ايبسون اشفافه
اعليك أقسمت بدمعتي عينك اعله اطرافه
وكون حمل الغاضريه تخففه من اجتافه
سافر وروحي معلكه بميمونه
هنياله ياربي اليشوفه عيونه
وصيت اخوته وياه ماشين
كبل المنيه وغمضت العين
....................
كالو تبشرين يمه اولادج الهم هيبه
وما تصير بشعر راسج من ورانه الشيبه
افتخري عباس واخوته من الفحل والنيبه
لوّن ردينه بسلامه حسين يمه نجيبه
عندي اربعه وكلهم نشامه اولادي
ذبحوهم بذاك الظهر بالوادي
ولحسين گلبي انجسم نصين
كبل المنيه وغمضت العين
.........................
ربي جف ايدي من ارفعه ادري ميرد خالي
ونته غالي حسين عندك وارد ازور الغالي
ربي شوفه شلون يخفك ضل عليه دلالي
ومدري شنهي الي دهاني وكلشي يتراوالي
خاف انحرم منه وبعد ماشوفه
والموت اجاني وروحي اله ملهوفه
بدموعي ابلل كبره كل حين
كبل المنيه وغمضت العين
............................
تدري ياربي من اشوفه الدنيه كلهه انساهه
وروحي تخجل لون كلمه حسين يحجي وياهه
ما إلي لذه بحياتي وماعرف معناهه
عشت سلطانه بخدمته وبعد وين الكاهه
راح الكبل شايلني بين اعيونه
كربله شسوتله وتغير لونه
امن الطف ابد ماكو خبر زين
كبل المنيه وغمضت العين
...........................
غابت الامال كلهه وشنهي يسوه بدونه
واليروح حسين منه الحزن يطفي عيونه
واني گلبي من غيابه الفاكد ايسمونه
وطور الاحزان الشجيه بونتي ايسمعونه
ام البنين اني النعاوي بروحي
ناري ولهيبي ولجمتي المذبوحي
كلت ارد اخدمه والوفه دين
كبل المنيه وغمضت العين
...........................
سيطر الخوف اعله روحي واحط عيني بعينه
بنبرة احزانه يكلي حسين متزورينه
لنه هذا الموت يمي النفس بيني وبينه
شلون يسمعني واكله الگلب راد حسينه
وبآخر انفاسي واكول الحالي
الموت ماخلاني ازور الغالي
ولاهوه يمي بساعة البين
كبل المنيه وغمضت العين
محمد هادي العقابي
من اجاني.. خبر موتك.. راسي شيب
....................
كالو بطف كربله ضامي بلهفتك.. يمه يمه
وحدك والوادم مكيفه بغربتك.. يمه يمه
كلهه شمات ويفرحون بكسرتك.. يمه يمه
طايح اعله الكاع وعيونك عله اختك.. يمه يمه
كبال زينب.. انته مرمي.. وهيه تنحب
من اجاني.. خبر موتك.. راسي شيب
.......................
جسمك شكد شايل إسهام واذيه.. من ضربهم
اجبينك انصاب بحجر بالغاضريه.. من ضربهم
كبل موتك يمه راووك المنيه.. من ضربهم
امن المهر بالرمح طايح عالوطيه.. من ضربهم
كالو ابنج.. يالوفيه.. شكد تعذب
من اجاني.. خبر موتك.. راسي شيب
.......................
كاعد بسيفه الشمر ويحز وريدك.. فوك صدرك
ونته متعوب وابد ماترفع إيدك.. فوك صدرك
وحافر الخيل بألم سحكه يزيدك.. فوك صدرك
ومات كافل زينب وموتت عضيدك.. فوك صدرك
وانته وحدك.. هاي حيره.. والله تصعب
من اجاني.. خبر موتك.. راسي شيب
.........................
راسك برأس الرمح شالوا بديهم.. اه يبني
منين اجيب الكافل ويطلع عليهم.. اه يبني
عيالك بسوطه الشمر يمنع بجيهم.. اه يبني
ضلوا ابلا خيمه بعدك ياوليهم.. اه يبني
سلبوهم.. ويه ثوبك.. من تسلب
من اجاني.. خبر موتك.. راسي شيب
..........................
بسيف وارماح ونبل نحرك تطبر.. يا هضيمه
وخدك بذاك الرمل يبني ايتعفر.. يا هضيمه
جوه حافر خيلهم جسمك تطشر.. يا هضيمه
وحزو امن إيدك الخنصر يابو الاكبر.. يا هضيمه
يبني جسمك.. للحوافر.. صار ملعب
من اجاني.. خبر موتك.. راسي شيب
.......................
اني ام الاربعه السهرت ليالي.. يا حسرتي
كون عشره مخلفه لعيونك يغالي.. يا حسرتي
يمه طفك تعباني وشغل بالي.. يا حسرتي
مازرت كبرك وجاني الموت تالي .. يا حسرتي
عمري خلص.. ويه نورك.. من تغييب
من اجاني.. خبر موتك.. راسي شيب
محمد هادي العقابي
نزال
بجفوفه بجفوفه.... شال اللوه
.............
ابو فاضل لو زعل تكتل خزرته
وبالحرب زلزله فقاره بيمنته
مايثنيها ابد وحده ضربته
وبوطيس المعركه تحله ضحكته
مايرجف دلاله لو صارت صدك
والشارد من سيفه لا ماينلحك
والجيش وفرسانه يسحكهم سحك
من دمهم من دمهم .... سيفه ارتوه
بجفوفه بجفوفه.... شال اللوه
.................
مفحط الشكره وابد مايوم يفحط
واليلاكي بالحرب هذا تورط
ابو فاضل عالخيم خله احمر الخط
وغير زينب والحسين بگلبه ماحط
صار اول بالخوه وهيه تلوك إله
ياسبحان الخالق بسمه مفصلِه
اول بيهن كلهن خوه ومرجله
بعيونه بعيونه..... زينب ضوه
بجفوفه بجفوفه.... شال اللوه
................
كال لحسين انته اشر واني خادم
واليجي مايلحك ايرد لهله سالم
الماتندم عله حربي ايموت نادم
خل يشوف بعينه رايات الهواشم
مكتوب اعله الرايه لحسين النصر
المايكدر يقراها بعيونه قصر
كلهم ميهموني وبس انته الذخر
يا اغله يا اغله..... من الهوه
بجفوفه بجفوفه.... شال اللوه
................
هذا عباس الكمر وبن الوفيه
والشجاعه العنده من حامي الحميه
ماسمعنه وشفنه مثله اعله الوطيه
اخوا يكطع روحه كلها العين اخيه
ضل يرجز عالعسكر ماواحد كرب
وبروحه مشتعله نيران الغضب
والماي ادناله وقطره ماشرب
لحسينه لحسينه...... گلبه انجوه
بجفوفه بجفوفه.... شال اللوه
.................
عالنهر من وكف والجود بيمينه
ضهره عالجيش وتصد للماي عينه
مايهمونه الالوف محاوطينه
جان همه امن النهر تشرب سكينه
يكدر مو مايكدر عباس الگمر
موبس ماي ايجيبه لاحته النهر
من جفه بالحومه ماواحد عبر
بايمانه بايمانه...... اعليهم نوه
بجفوفه بجفوفه.... شال اللوه
................
من صفات الكمر يتملك شجاعه
وحبه لحسين بعقيده وبقناعه
الف هنيالك يكافل عالاطاعه
رافكتلك واحد يوزع شفاعه
خدامك هلليله نتعلم درس
مانرضه اي واحد بالخدمه يمس
العادانه يتبخر بطلوع الشمس
مهدينه مهدينه..... الهم دوه
بجفوفه بجفوفه.... شال اللوه
محمد هادي العقابي
نزال
عزائج حافل يأم الكافل
حضرنه بهمه والج بالخدمه
.................
للوفه عطرج يهب بكل زمان
ومنمزج وي الوفه طيب وحنان
اسمج بحلك المحب بكل مكان
مو الجنه جوه اقدامج جنان
يمن وفيتي وزلم ضحيتي
خدمتج نعمه والج بالخدمه
.....................
بالفخر والعز يضل عالي لواج
والدهر يحنيج راد وماحناج
باب مفتوحه بقت بالحب وراج
باب حاجه وماتردين الدعاج
نضل وفايه وحك الرايه
وعزيزج واسمه والج بالخدمه
..................
الف هنياله الحضر هذا العزاء
الج يلي خذتي اول بالوفاء
الله يرزقنه على كد الولاء
حته هم انموت كلنه بكربلاء
اليموت بجنه يطب للجنه
شملنه انلمه والج بالخدمه
...................
شسولفيتي بيومها السبع الطفوف
لمن خليتي يذب حته الجفوف
وين اكو ام ترضه ابنها مايشوف
خوّف الدنيه ولامراله خوف
السهم نص عينه ويصد لحسينه
يريت ايشمه والج بالخدمه
....................
بيج انتي اتجمعت كل الصفات
يلي علمتي الوّلد نكران ذات
ابو فاضل يوم طاح اعله الفرات
النهر مات وهوه ضل طول الحياة
بقت جفينه تروّي سكينه
يعيش بعزمه والج بالخدمه
....................
انتي رضعتي الضنه بصافي الحليب
وكل نساء الدنيه مثلج ماتجيب
الليله محرابج يحس روحه غريب
ماكو منج صوت دمعه ولانحيب
غيابج دمعه ينور الشمعه
تضل هالكمله والج بالخدمه
محمد هادي العقابي
باب عالي و للدعاء . ربك امخليها
الحاجه يم ام البنين . ما تظل تگظيها
……………………………………………………………
چي تخلت عن اسمها . الأجل بضعة طه
باب واسع للحوائج . الله بيده انطاها
لان خدمت ولد فاطم . للنجم علّاها
ابتدي بسم الزجيه . لو ردت تنخاها
لون تسمع بالبتول . محنتك تجليها
الحاجه يم ام البنين . ما تظل تگضيها
……………………………………………………………
بدت من الصفر هي . والاصل بدويه
وبعمل واخلاص صارت . بالنسب علويه
صارت اتوقع حوائج . للخلگ يوميه
اتگلك انت عليك تدعي . والبقيه اعليه
انت يل شيعي عزيز . دمعتك اشريها
الحاجه يم ام البنين . ما تظل تگضيها
……………………………………………………………
اجت هاي المنزله الها . بالدمع وبلوعه
عل صفه تحت الحوافر .داست اعل ضلوعه
هي موكب رايه ناصب . للابد مرفوعه
حسين هو الاصل عدها . والبنين افروعه
الاربعه الأم الحسين . ما اظن اوفيها
الحاجه يم ام البنين . ما تظل تگظيها
……………………………………………… .............
بالامان و راحه نشعر . لو قرينه السوره
الفاتحه ونهديها الها . وبنفس مسروره
كل درب لو صار ظلمه . بيها يسطع نوره
غيم يمطر دوم فضلج . عل كرم مشكوره
سفرتج للشيعه دوم . بالنعم تمليها
الحاجه يم ام البنين . ما تظل تگضيها
…………………………………………………………
الخادم و كلش تحبه . لان تعرف شانه
لوَن خادم طلب حاجه . بالعجل خلصانه
امدلل و ياخذ امراده . گبل نُطق السانه
هي ام هاي المواكب . كافله و سلطانه
دمعه هي ام البنين . والخدم تجريها
الحاجه يم ام البنين . ما تظل تگظيها
……………………………………………………… .…
طلبتي منج يحره . وادري مترديني
مثلج اخلص بالخدامه . و للعزه اتوفقيني
الدنيا صارت حيل ظلمه . ابنورج ادليني
بداعة الگالاها هوني . يا نفس لحسيني
بداعة الراحت سبي . والحبل بيديها
الحاجه يم ام البنين . ما تظل تگظيها
…………………………………………………………
✍️ ( سيد خضر الزاملي )
((ميمر))
يـلـه أسـتعـد ** واقـره الحمـد
وأيــدك أبـــد ** بـالـك تــمــد
الـغَـيـر الـعـفيـفـه الـحـره
*-------------------------*----------------------*
أم الـبنـيـن الـحـاجـتـك تـگـظيـهـه
أقره الـحـمـد لـلـطـاهـره وأدعيـهـه
خـليـهـه نـيـتـك صـادقّـه خـليـهـه
الأنـطـت زلـم ** بـيـهـه الـتـزم
أم الــوفـــه ** مـحلـه الأسـم
أتـشـوف الـدعـاهـه بـعـبـره
*------------------------*-------------------*
بـالـك تـشـكـك بـالـطـلـب والنيّـه
تـزعـل عـلـيـك الطاهره الـبـدويـه
اتـوكل عـلـيّـه وحـاجـتـك مگظيه
يـمـهـه الأمـر ** ومنهـه انتظر
اتشوف الأجه ** ودگ الـصـدر
ويـطـلـب طـلـب تـنـتـظـره
*---------------------------*-------------------*
مـاي الـوجّـوه أتـقـدّره وشـرّايـه
وفّـايـه بـوقـات الـشــدد وفّـايـه
حلفهه بچفوف الـگـمـر والـرايـه
طاري الگمر ** عـدهـه فـخـر
تـوكـف تـره ** الـكـل البـشـر
سِـفـرتـهـه اوسـع سـفـره
*------------------------*-------------------*
بـاب العطايه أمـجـرّبـه ومعروفه
حـاشـه تـردهـن لـلـيـمـد اچفوفه
اشـلـون اليجيهه بدمعته وتعوفه
جـود الـحسن ** بـيـهـه أرتـهـن
معنى الـكـرم ** طـول الـزمـن
بـيـهـه الـخَـدم مـفـتخـره
*------------------------*----------------------*
اعظم وسيلـه وبالـشـدد موجـوده
أتـذكّـرك بـأسـم الحسـن وبـجـوده
فـايظ كـرمـهـه لـلـبـشـر وحـدوده
أجـره أنـكـتـب ** كلـمـن تـعـب
بسجـل الخَـدم ** أسمه انحسب
وثـابـت عـطـاهـه وأجـره
*--------------------------*-------------------*
هنـيالـه كـلـمـن دمـعـتّـه سـچـابـه
كلشي تـحفـظـه والاجـر بـحسـابـه
خـلـي بـعـزاهـه جـمّـرتــك لـهـابـه
كـون بـحـزن ** تـنـعـه وتـوّن
الجاري الدمع ** جـفـنك يـحـن
وروحـك تـضـل مـتـوجـره
*------------------------*---------------------*
✍خـادم ام البنين ((ع))
الشاعر رعد الجريخي
https://youtu.be/cGhJyryuOr8?si=mTdeZtUL7HMBAZcF
الرادود عبد المنعم مرزوق
استشهاد الزهراء
١٤٤٥
الله وياك .....الله وياك
الله وياك ......الله وياك
يوليدي الله وياك.....في كربلا ما انساك
الله وياك......الله وياك
راحلة عنك يحسين .....يللي شغلني حاله
باجر تدور الدورات.....وراسك على العساله
ينكسر صدري بالباب......وتدوسك الخياله
ل امك ينكسر ضلعين
ومنها يلطمون العين
وصدرك ينطحن بالاعوجية
وراسك يرتفع بالسمهريه
وانسى عصرتي يحسين
والعباس......والعباس
والعباس ....والعباس
منه ما تبقه عينه.....ولا راسه ولا جفينه
الله وياك .....الله وياك
الله وياك ....الله وياك
يوليدي الله وياك.....في كربلا ما انساك
الله وياك.....الله وياك
الله وياك .....الله وياك
ودعتك الله يحسين .....ونهر المدامع جاري
في كربلا بالخيمات.....نارك اشد لو ناري
سهمك وقع في صدري.....يوم الوقع مسماري
محسن هالوقع بحشاي...... طفلك شفته ابعيناي
ورده ذابله واعيونه جمره .... شلجاب السهم ويلي اعله نحره
مذبوح اعله شربة ماي
يا عطشان .....يا عطشان
يا عطشان ......يا عطشان
يا طفل دمه الحنه....زفته اطيور الجنه
زفته اطيور الجنه......يوليدي
الله وياك .....الله وياك
الله وياك .....الله وياك
يوليدي الله وياك .....في كربلا ما انساك
الله وياك .....الله وياك
هذا الوداع وعاشور.... فطر دليلي اوداعك
بالحورا ساعة الوداع....صوتي يهز اسماعك
اكتب وصيتي بالدموع....بين النحر واضلاعك
زينب بالنحر شميه.....زينب بالصدر قبليه
نحره موضع اسيوف البواتر....وصدره موضع اخيول وحوافر
عني بكربلا ودعيه
يا زينب .....يا زينب
يا زينب .....يا زينب
قدميله بيدي مهره.....وقوليله اتقول الزهره
الله وياك .....الله وياك
الله وياك ...الله وياك
يوليدي الله وياك.....في كربلا ما انساك
الله وياك.....الله وياك
يبني اودعك والروح.....فقد الضنى ماذيها
باجر تودع الاكبر.....وتعرف الزهرا اشبيها
نسى مصابك يحسين...كل الجراح اعليها
ما همني نزاع الروح.....خوفي روحك اللي تروح
ادري بالفقد امه وعذابه....ما حد يدرك اجراحه ومصابه
وياك الله يالمذبوح
الله وياك ....الله وياك
الله وياك.....الله وياك
باجر تشب اخيامك.... والله يعين ايتامك
يوليدي ...يوليدي
الله وياك .....الله وياك
منقووووول( نازلي عبد الله )
تجمع الزهراء العاشورائي
شاهـــــــد إلها الحاضر وماضينه
تگضي كــــــل حاجه بأذن بارينه
*
هــــــــــــــاي أم عباس أم الأوفياء
الضحّت الاجل أبــــن خاتم الأنبياء
بأربعة اولادهـــــــــــــا في كربلاء
الأجل ديـــــــن المصطفى وحسينه
***
رمــــــز صارت للوفه بهذا السخاء
وباب للحاجه بـــــــأذن رب السماء
أبــــــــد ميخيب الگصد إلها برجاء
تگضي كـــــل حاجه إله أتگر عينه
***
مثل عيسى تشفي وتــــــداوي العلل
ومــــــــــــا تردّه اليعتني إلها وسأل
حتى لـــــــــو يطلب طفل رايد نسل
أتسهّل أمـــــــــره وينگضي وتعينه
**
اليقـــــــــره إلها الفاتحه لمّن يحير
كلشي يسهل عنده لا ميضل عسير
حتى المسافــــــــر تحفظه بالمسير
أمــــــــر هـــــذا واقعي أمجربينه
*
بابها مفتوح وبطـــــــــــول الدهر
وخيرها يجري مثـــل مجره النهر
للمخالف والموالي مــــــــن البشر
ودومها تجـــــــود بفضلها علينه
***
الأعمى تفتح عينه ويــــرد البصر
والعلل تشفيها ميضـــــل أي خطر
وجودها مـــــــا ينوصف أم الگمر
وأحنه إلها أيـــدنـــــــــــــه مدينه
***
انريد مـــــن عدها العسير أتسهله
والبعيد هــــــــــــواي إلنه أتعجله
وكل فرد تنطي شعنـــــــده مسأله
وحاجتــــــــه تجعلها وسط يمينه
***
مــــــــــا تقصر أم گمر هاشم أبد
عــــــــــــــون تبقه للندبها بالشدد
ومــــــا يهمها شما كثر زاد العدد
ومــــــــن كرمها وطيبها أتغذينه
***
الما يصير وينصلح عدنـــه محال
سهل يمها جرّب وشـــوف وتعال
بچفها كل هــــــم وألم يشفه ينزال
وكلشي ردنــــــــه ونطلبه تنطينه
***
بجاه ام عباس يــــــــارب يا ودود
يا كريم ويــــــــا رحيم علينه جود
وسهّل امر المنتظر ســــر الوجود
بلوعـــــــــــه ننتظره يرد مهدينه
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
وفاة ام البنين ع
الوفـيه اللـيـله مـوتـها الـهجــر
خلص شوغات وبحسره العـمر
بهضيمه طلعت الروح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
على فراش الاجل غمضت جفنها .. وحسرتها جبيره
مـاتـت لـلأســف هـي بحــزنــهـا .. والنـاظـر تـديـره
ماتت والهـضـم ماعـدها غـيره
على اللمــوه بالطـف بحـصيره
على راحـت على الهـزل اسيره
وعلى العشاطي ميت كله غيره
گـلبها عله التحبهم منمـرد
وفـيه وحـيل اذهـا البـعـد
عمرها خلص تنوح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
شكـثر تدعي يقرب الله اجلها .. وتتمنه المنيه
هجر حسين ياوادم كـتلها .. تنوح بكل مسيه
شكثر اتون على فراگه خطيه
جنازه من الحزن چانت رميه
كـوابـيس الهـجـر والغاضريه
تجـيها وتسمع اصوات الرزيه
المعسكر صاح حرگوها الخيم
وونيــن ونـوح تـسمـع للحـرم
وحوافر تجي وتروح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
بيـقضتها تجي اشباح المصيبه .. وتشوف الواقع الصار
مابـين الخـيم زينــب غـريـبه .. وخـيمـها تشـتـعل نـار
محــتـاره تـلــم بطـفـال الزغــار
محاصرها الشمر من كل الاكـتار
ويرشگـها بسهـام ونبـل وحجـار
وگلبها بهل المصيبه الحره محتار
مابيـن الوگـع دامي النحر
وبين الميت بشاطي النهر
دمعها بخدها مسفوح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
تغمض عينها وتشوف الاهوال .. وتجر بالروح عبره
ابو السجاد نايـم فوگ الرمال .. ودمـه يتجاره نحره
شمر يصعد تصـد گام عله صدره
الرمح شافت طلع من خرز ظهره
بحجـر حاقـد يجـي تنـظر يشمره
يرفسه الثاني شافت فوگ خصره
بكثر ما انرمه حسين بحجر
ندفن والدم بقـه يجـري اثـر
يدلي دم الجروح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
تشوف حسين صارت بس بالاحلام .. وماتكدر تضمه
يجيها بهيئه جسمه منملي اسهام .. وينزف حيل دمه
يجي سالم عضو ما بقه بجسمه
وتحـير منـيـن هالحــره تـلــزمه
تخــاف اتلـزمه بجروحه تلچـمه
گـامت مـن بعـــد بالهــم تكـلـمه
الله يعـيــنـها امــك فـاطـمـه
تشوف اجروحك ايصبن دمه
بيـها مابقـت روح .. على العـريان مـذبـوح
،،،،،،،،،،،،،،،،،،،،،،،،،،،،،،،،،،،،،،،،،،،،،
بحلم شفتك ييمه وروحي راحت .. چا واشحال اخيتك
اظـن زينــب يبـو السجــاد ماتـت .. من شـافت ذبحـتك
مابيـن العـده شافت وگـفتك
ما من نـاصر وتهـضم غـربتك
العساكر فازعه لچـتلك اجـتك
وما واحد فزعلك بس دمعتك
شصبر زينب بهـذا الوضـع
ولاخـــوان تـفــزع لا ربـــع
عتـبها هناك مسموح .. على العـريان مـذبـوح
الشاعر عقيل الحسناوي..
نعي مقصد الحوايج أم البنين
لوصفت دنياك غربه أمعاند وياك السنين
ولو جفاك الزمن تمشي ماتعرف الراحه وين
ولو رماك الصبر ذبك وسط حيرة بلامعين
وعلتك لوجزه حدها. وحالفك منها الونين
ولوقست أيام دهرك صخر ماتعرف تلين
وعلى افراگ الي تودهم مابقت للدمعه عين
وابمطر فيض المصايب غرگ گلبك ياحزين
اتوجه واقصد الحره الصافية ام گلب الحنين
باب باريّك جعلها اتعنه ليها ابكل يقين
اطلب مرادك تحصله بفضل رب العالمين
الضحت بأربع كواكب قدمتهم للحسين
هاي ام الضحه روحه وگطّع ايسار ويمين
للشفه باب الحوايج فاطمة ام البنين
الشاعر حسن لعيبي الحريشاوي
بمحمد بابك وحيدر طرقناه
صوبك بالعشك تبقه طرقناه
نخينه اسمك الاعظم طرقناه
فرجها بحق ضلع الزجية
...........
الشاعر
اياد الفرح التميمي
فزاعيه. او مربوعه حول ام البنين
ياهو الغسل ام عباس. وابنيات ماعدهه
وحاضر كون. ابو فاضل. يغسلهه
ياهو الغسلاها وراح وياها
وياهو الشالهه من غفت عيناها
محد ون عليهه ولزم يمناها
مهظومه وكتهه حيل عذبهه
ماعدها ابنيه الونت عليهه
ولا حاضر ابنهه الدمعه يجريهه
بالمغيسل لون موجود واليهه
ينوح وبيده جاهوه اليكلبهه
بس اجفوف ماعده يبدويه
وعينه من السهم عباس معميه
حك يوصل الج ويعوض البنيه
والربت ولد بالموت يوصلهه
يوصل والحنينه اتريد دفانه
وبالمغيسل تريد احباب عوانه
مهظومه الوفيه وحيل حزنانه
مضيعه اولادهه وبالكلب ونتهه
لون حاضر ولد عوض المحزونه
يزت تابوتهه ويلطم عله امتونه
محد وصل ليهه وهلت اعيونه
وماتت بل حزن والفركه هدتهه
لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م
قصيدة رثاء ام البنين ع السلام
خادمكم عبدالهادي العريفاوي
ريت ابو اليمه يجيني آخر الساعه بحياتي
وانتظر اربع بنيني لو دنت لحضة وفاتي
ودعتهم ماشفتهم آخر الساعه بحياتي
------------------------------------
منهو يحضرها الجنازه لو دنت ليه المنيه
والبيوت الهيبه جانت وسفه شو ظلت خليه
ابعدوا عني بسفرهم والسفر للغاضريه
بس ابو اليمه اريده واربع اولادي هديه
شنهو بالغيبه عذرهم وللشدايد همه عازه
فدوه كل عمري لعمرهم من يشيلون الجنازه
اتأملتهم ما شفتهم اخر الساعه بحياتي
------------------------------------
كلبي لاجمني بسفرهم كمت اصيحن الله يستر
ابعدوا عني بنيني خوفي بيه الدنيه تفتر
ريته يمي الكفل زينب يبو فاظل يل مشكر
وينه عبدالله ويجيني وينه عون ووينه جعفر
بس علي السجاد اشوفه كبالي واكف يشع نوره
من اشوفه يزيد همي اتفكدتهم صوره صوره
اتصورتهم ماشفتهم اخر الساعه بحياتي
----------------------------------
زينب تسولف خبرهم تشرح كبالي الفجيعه
عظم الله اجرج تكلي بهاي الأجساد الصريعه
وتحجي عن عباس اخوها بطيحته بصف الشريعه
ورايته وجوده تكلي ويمهن جفوفه الكطيعه
من اخذ جوده وتعنه يروي الاطفال العطاشا
مارجع ياويلي النه مايقصر والله حاشا
فاركتهم ماشفتهم آخر الساعه بحياتي
--------------------------------------
دمعة عيوني الحزينه الفاركوها احبابي كلهم
انتظر هلبت يجوني وانكطع عني املهم
ربي اسأل ماكو واحد يعتني ويوصل نزلهم ودعوني وعني راحوا مااظن يرجع وصلهم
وين ابو اليمه اريده كبالي يحضر حتى اشوفه
وين ابو فاظل عضيده حتى لو ماهن جفوفه
اتنطرتهم ماشفتهم اخر الساعه بحياتي
-------------------------------------
ابعدوا عني بنيني وبسفرهم ماخذوني
عيوني ماتنسه صورهم بس عجيبه شو نسوني
اخر انفاسي واكولن يا الاهي هم يجوني
ابقه وحدي بهل مدينه وهمه ليش اتعذروني
تصد عيني اعله المنازل ويلي ماهمه الشبيه
وحدي مابين القبائل واني هسه بهل المصيبه
ناشدتهم ماشفتهم اخر الساعه بحياتي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde