7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
من ديوان عبرات وأنين ج ٦
*قصيدة ثگيله لوفاة ام البنين (ع)*
❥━──➸➽❥❂❥━──➸➽❥❂
*اليوم ام البنين تريد دفان*
*يشيلون الجنازة وين الاحنان*
*يحط خده اعله خدها .. ويوسدها بلحدها*
*تدير العين وتنادي يعطشان*
*يشيلون الجنازة وين الاحنان*
❥━──➸➽❥❂❥━──➸➽❥❂
اتريده ايشيلها براضه الكبرها
هاي الربته وكسرت ضهرها
هاي الماسهر واحد سهرها
سهرت لأجل عباس ... أبو الغيرة والنوماس
تصيح بصوت احضرني يريسان
*يشيلون الجنازة وين الاحنان*
❥━──➸➽❥❂❥━──➸➽❥❂
تصيح بصوت گعدولي يالاولاد
يا نسل النشامه وذيج الأمجاد
الجرح بفراگکم يا يمه ما هاد
جرحي يمه ما طاب ... وگلبي صار عطاب
وتدرون الجنازة تريد عوان
*يشيلون الجنازة وين الاحنان*
❥━──➸➽❥❂❥━──➸➽❥❂
تدرون الجنازة تريد وإلي
وأنه خلافكم بالضيم حالي
عگبکم يالولد ما ضلي غالي
گضيت العمر بس نوح ... لحد ما طلعت الروح
اصيح بصوت وينه گمر عدنان
*يشيلون الجنازة وين الاحنان*
❥━──➸➽❥❂❥━──➸➽❥❂
اصيح بصوت وينه گمر هاشم
نعش امه الحنينه تشيله وادم
غربه والگمر على الغبرة نايم
ما يگعد العباس ... يشيل النعش على الرأس
يجيها البطل ويفزغ الاخوان
*يشيلون الجنازة وين الاحنان*
❥━──➸➽❥❂❥━──➸➽❥❂
لون بيده ينزلها بلحدها
ويحط على تراب اللحد خدها
هذا وليدها وثمرة چبدها
تريده يتزها للموت ... وگلبه اعليها مفتوت
وگلبها ذاب من الهم والأحزان
*يشيلون الجنازة وين الاحنان*
❥━──➸➽❥❂❥━──➸➽❥❂
گلبها ذاب من الون والهموم
على افراگ الولد حزنانه للدوم
لون وصلت منيتهه بهاليوم
من جتهه المنيه ... صاحت يا شفيه
نادت عالولد والگلب خلصان
*يشيلون الجنازة وين الاحنان*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
لطمية نخوه لأم البنين عليها السلام ((يالعندك كلافه))
يالعندك كلافه ... اتحيرت بيهه
انصحك روح لم عباس تگضيهه
يالعندك كلافه وحاير بحلهه
غير ام البنين ولايسهلهه
عليچ بداعت العطشان بس گلهه
(( وحسين شگد غالي اعليهه ))
غالي حسين لو سمعت بطاريه
احسب حاجتك خلصت ومگضيه
هاي البالشدايد دوم منخيه
(( توگف بالشده امجربيهه ))
بالشدات تحضر جربيناها
يرد فرحان گلبه الراح ينخاها
هاي ام البنين اموصف ادواها
(( وابساع العله تشافيهه ))
بس عدهه الدوه ام عباس دكتوره
الهه شگد سفر ونذور منذور
حگهه من تون وتنوح معذوره
(( وافراگ الشالو گاضيهه ))
افراگ الحملو چتال مامثله
صوب عينهه وبفادهه شخله
تشوف البيت ظلمه اتصيح وين اهله
(( ماواحد ضل يحاچيهه ))
ماضل لاسبع لاحيد لانشمي
كلمن عالتراب اموذر ومرمي
يالمهموم ناديهه كثر همي
(( واهموم الثگلت شيليهه ))
ياشيالت الهم صيح ياحره
اليوم اليوم من عندچ ردت نضره
وكل مكسور خاطر فاطمه اتجبره
(( والميله بچفهه تساويهه ))
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
الســلام علــى أّم البنين الطاهـــره
الســلام علــى أّم البنين الطاهــره
*
يــا سلام الله علــى الطيبـه الجليلـه
علــى الضحت أربعــه دون العقيـلــه
الوفيــه الصابــره الحــره الاصيلـــه
الكلها بالطــف بالمـواقــف حاضــره
*
يــا ســــلام الله علـى أم الامــاجــد
ألألها تاريخ الفخر لــي هسـه شاهـد
أربعــه أنطـت مـا بقه تچايـه واحـد
فــدوه لأبـن الــزهـره كلهـم عالثـره
*
عجزت أبحور الشعر توصف بحرها
شمعه لحسين وحسن نذرت عمـرها
بالمدامــع وصّـت الغـــالي گمـــرها
يبنــي بـالك تبقــى زينـــب حــايـره
*
قـدّمـت أربــع كــواكب مـن سمــاها
الباري بالطف عـز قدرها وكــرمـاها
والمجــد طـول الزمــن بيهـا إيتباها
بحـــر جـــود وللمــواقــف حاضــره
*
للكــرم شــلال طافـــح بيــن أديـهـا
بحـــر زاخـــر مــــا تـــرد اليعتنيــها
تگضي حــاجاتك لـون تقـسم عليـها
بالحسـين وعطــش گلبــه ومنحــره
*
قــاضيه الحــاجات هـاي أم الكرامه
ضحت بكل شي لأجل نصر ألإمامـه
الشفيعــه الشـــافعه بيـوم القيـــامه
إلنّــه توگــف بالشــدايـد حـــاضـره
*
الشاعر
موسى البديري
قصيدة { خلص عمري }
خـلــص عـمـري أدوّر ويــن ألگاك
أخيراً راح أشوفك وأحچي ويّاك
..............................................................................................................................
آني أم البنــيــــن وما نفذ صبري
بــس رب العــبـــاد بحالتي يدري
خلص عمري بغيابك يا بعد عمري
بقيت أسأل عليك ودمعتي تجري
يساكن وسط روحي وصعبه أنساك
أخيراً راح أشوفـــك وأحچي ويّاك
..............................................................................................................................
وحق ذاك الـوداع البينــك وبيني
أعز من ولدي كلهم يا ضوه عيني
أتاني طيوفك وبلــكــت تحاچيني
العمر وحشه بدونك يبني يحسيني
يگلبي وتدري گلبي شلون يهواك
أخيراً راح أشوفك وأحچي ويّاك
..............................................................................................................................
بدت ساعة صفرهه وكربله صاحت
طحت يبني گبل ما دمعتي طاحت
أحس روحي الحزينه وشكثر ناحت
رحت عنهه ومشيت وهيّه هم راحت
ما تِحــمـِل يـبـعـد العــمـر فرگاك
أخيراً راح أشوفك وأحچي ويّاك
..............................................................................................................................
على حــر الجـمــر ظليــت منتظره
غدت أنفاسي حسره وتدفع بحسره
فداك أربـــع بنــيــني طالت الفتــره
هدم حــيلـــي البُعد يا ظنوة الزهره
يرد بس الصدى لو صوتي ناداك
أخيراً راح أشوفك وأحچي ويّاك
..............................................................................................................................
محتاره بـغــيابــك والدمــع من دم
وگلب الوالــده ثِـــق والنــبــي يعلم
إجاني بيا مصيـبــــه بشر ابن حذلم
نِعَـه الأولاد وآنـــي اعـــليـــك أتألم
إلى أن بالمدامــــع شفتــه ينعاك
أخيراً راح أشوفك وأحچي ويّاك
..............................................................................................................................
وحق دمع العـقــيله الفگــدت الكافل
جمر صار الدمع فـــوگ الوجــن نازل
ما قـصّـر تگـلـي اويــــــاي أبو فاضل
گلت أولادي فدوه حسيــــن يستاهل
أتاني الموت بعدك عمـري يفداك
أخيراً راح أشوفك وأحچي ويّاك
..............................................................................................................................
على افــراش المـنــيّـه وروحي تدريهه
بعد طــف كربلــــه كل حــيــل ما بيهه
روحي تصيح بســمـــك وانتـــه غاليهه
حبيبي حـســــيــــن آخـر كلمه أحچيهه
گلت والأمنيه بنص روحي ملگاك
أخيراً راح أشوفك وأحچي ويّاك
..............................................................................................................................
خادم أم البنين عليها السلام
عمار هليل الواسطي
#نعي
لوفاة السيدة أم البنين عليها السلام
*
گرب اجلهه وتلتفت وين
عباس لا يمهه ولا حسين
ما صح ولد يم راسهه ينوح
يا حمل محد شاله مطروح
دمع الغريب يطيح بارد
لا ابن لا صح حظن والد
حيره اليموت ومامش اعزاز
ياهو اليجي ويصير جناز
دارت وجهه لصوب الطفوف
منا لحد ما شيب الشوف
الله يعازة ذيچ الچفوف
من المدينه الكربله احلام
ام البنين شلون تنلام
رادت بحظن اولادهه تنام
بعيد اليشيل اللوحه ويصيح
بعيد الورى أمه يگوم ويطيح
جوه التراب الردت طوله
عباس ها يبن الحموله
بيه الكلام الصعبه أكوله
تمنيت تحضرني بمنيتي
علباب اباوع هلبت يهل
المن زغر سنه چان يكفل
بعد الولد خلصت اتعلعل
والهوى بدونه يأذي ريتي
يولادي من الموت ردو
وفوگ المتون النعش زتو
ها يلحنان هناك شلتو
يحسين يمه الموت اجاني
نتلاگه يم الزهره ارواح
دم النحر بالضلع ينلاح
والهامه ذيچ وذيچ الچفوف
يبچن على الاذنه الرماح
يلتم حزن زينب والاطفال
وعبد الله بعده برمح ينشال
ونسوي مجلس بأسم الحسين
يم العرش بس دمعه تنگال
كلمات خادم أم البنين / رعد الفريجي
#اللهم_عجل_لوليك_الفرج
⚫️القصيدة-1-⚫️
ومَرّت عليها النآئبات ُشِدادُها
ولم تُثنِها والسبطُ دوماً مُرادُها
فما بَـرِحَت أمُ البنين َ حسيرةً
لها الخلقُ طُراً قد بكىٰ وجمادُها
فكم شرِبَت دمعاً علىٰ فقدِ وُلدِها
ونُدبَتُهُم واللطمُ والنعيُ زادُها
وحتىٰ مجيءِ الموتِ ما قلَّ حزنُها
ويرثي حسيناً كلَّ يومٍ فؤادُها
وأما بنُوها في البقيعِ تنوحُهُم
ومن نَعيّها تبكي الصخورُ صلادُها
لِـتَرحلَ إثرَ الغَمِِّ والوَجدِ والأسىٰ
بغير ِ بَنيها يومَ حل َّ معادُها
وقد حظِيَت جنبَ البتولِ وقبرُها
إلىٰ المجتبىٰ قُرباً هناكَ رُقادُها
#سمير_الصالحي
#النجف_الأشرف
⚫️ نعي - مجردات
ياناس حضرتني منيتي
ومحد من اولادي بثنيتي
عدمن اودعهه وصيتي
من گربت منهه المنيه
امنولادهه تترجه جيه
وسفه گضو بالغاضريه
#سمير_الصالحي
#النجف_الأشرف
-------------------------
🌑 نعي __ مجردات
أظل ابأمل جية الاحباب
واموتن قهر لمن يمر شاب
گلبي انفجع بيكم وذاب
ودمعي لجلكم يهل سچاب
أحّسِب دوم بيكم آآ يغياب
طالت الفرگه شنهي الاسباب؟
وبدونكم هالعيش ماطاب
وظني انگطع من عدكم وخاب
#سمير_الصالحي
#النجف_الاشرف
قصيدة موشح للام الحنونه
وين ام. المحنه ننشد. الدار
طال. غيابها. معزبت الخطار
✨✨✨✨
وين ام المحنه. الدار ننشدها
مشتاك الكلب. واليوم رايدها
الغرب ضعنها. بعد. شيردها
عليها بالدليل موجره. النار
وين ام المحنه ننشد الدار
✨✨✨✨
أه يم المنحنه شلون. ننساها
ماتسوه. هل. دنيه بلياها
علينه الكبر ياوسفه ضماها
ماتدري. بينه. خلافها اصار
وين ام المحنه ننشد الدار
✨✨✨✨
ضماها. الكبر. ومالها. جيه
ضلت دارها. وحشه. وخليه
اعليها نون. ضلينه. ليليه
الكلب. بغيابها. ذاب. وتفسار
وين ام المحنه ننشد الدار
✨✨✨✨
فاركنه الحنينه. الجانت ويانه
فركاها. صعب. وتجوي. نيرانه
موهين. تهد. الحيل. احزانه
عمت عين. الزمان. شلون دوار
وين ام المحنه ننشد الدار
✨✨✨✨
ويلاه يالحنينه صعبه. فركتها
ضلمه وموحشه. ضلت. ديرتها
ام. البيت. ماتنستر. خلتها
نتمنه. الكعده. وياها. مشوار
وين ام المحنه ننشد الدار
✨✨✨✨✨
وحك. عينج. ييمه. مانسيناج
ياريحت. الجنه شمحله. طرواج
يحبيبه. يشل. الحيل. فركاج
ماتبطل الونه. لليل. وانهار
وين ام المحنه ننشد الدار
تمت بعون اللهُ بقلم العلويه ام رائد زوين
آه ياگاع اللحد ورمالها.
وبظلام الگبر روحي شحالها
لساني الساكت ولاينطق حرف
خوفي ينطق بالذنوب ويعترف
روحي حالتها ابد ماتنوصف
يوم ماتلزم ظهر أعمالها
خاف أعمالي ولاتلزم ظهر
علصراط البيه عبر والماعبر
مستحي من ربي كاتلني القهر
گبالي اصد النار وأنا اگبالها
وين اظم الروح باچر واتجه
من الخجل چاوين اوديه الوجه
للنصحني چنت مايوم انتبه
وچنه كل چلمة نصح ماگالها
ربي ردني صالح اعمل من جديد
وهوه نبهني گبل يوم. الوعيد
انطاني فرصة كل ندم لامايفيد
بدنيه غداره وگصيره أحبالها
اتبعت دنيا كلها لوعات وعذاب
خذت مني احبابي وأيام الشباب
شما اصد بعيني الگاها سراب
هاي عادتها الرديه افعالها
ايام ماترجع ولاتسمعلي صوت
تأخذ احلام العمر مني وتفوت
چم نذير يگلي ياغافل تموت
ولازم اظعونك تشد ارحالها
وين تعب العمر ياروحي يصير
لاصديق بوحشتي ولامن نصير
ولااهل تنفع ولامال. الچثير
بس عملها الروح ضل يبرالها
الشاعر حسن لعيبي الحريشاوي
قصيدة . نزله ( استشهاد السيدة ام البنين عليها السلام ) 1445.هج.
ياجزاء المُحسنيّن
انتي يا أُم البنين
------------------------
يلي ضحيتي أربعه
ما نسيتي الفاجعه
للحُسين ومصرعه
يوم عاشور _ يوم عاشور
يلي كل عمرج دمع
يلي ونج ينسمع
هم الج كاسر ضلع
يوم عاشور _ يوم عاشور
شكد بجيتي للحُسين
انتي يا أُم البنين
----------------------
انتي يا أول مرّه
كل ولدها حيدره
عدها سبع الكنطره
عَزَب اجفوف _ عَزَب اجفوف
والنعم يُم الكمر
جان عباسج نهر
فدوه كلتي للنحر
عَزَب اجفوف _ عَزَب اجفوف
صحتي والله مقصرين
انتي يا أُم البنين
------------------------
يالدموعج هامله
ياحَنينة كربله
من سمعتي مقتله
وا حُسيناه _ وا حُسيناه
آه وا ويلي الغريب
آه وا ويلي السليب
آه وا ويلي الخضيب
وا حُسيناه _ وا حُسيناه
يادموع العاشقين
انتي يا أُم البنين
------------------------
انتي آية للعشك
واليحبج من صدك
كون مثلج يحترك
مثل الخيام _ مثل الخيام
يلي دمعاتج حنيّن
من جروحج بس أنين
ياحبيبي ياحسين
مثل الخيام _ مثل الخيام
يابكاء الفاقدين
انتي يا أُم البنين
-------------------------
ياسلام اعله السلام
عَلِمينه عالهيام
انموت بحُب الأمام
بجاه الحسين _ بجاه الحسين
يالدعائج مُستجاب
ياوجيهه بالجواب
الله خلاج انتي باب
بجاه الحسين _ بجاه الحسين
بالحوائج هاليقين
انتي يا أُم البنين
-------------------------
الخادم _ ابو فدك الشامي ✍
قصيدة( استشهاد ام البنين عليها السلام ) 1445.هج.
بس يوسف رجع لعيون يَعكوب
واني احسيني مارد ذاك الغروب؟
عطره ما إجاني
صار اهواي اتاني
واني احسيني مارد ذاك الغروب
------------------------------
سبع السنابل مو حلم
صارتلي أحلام
المجروح بس طبعه يِون
لو مرت أيام
بلكت يرد من السفر بلكت يرد مو مذبوح
ادعي بصلاتي كل فرض لا منسحك لا مجروح
هيه العين كلي شتسوه هالعين
اذا ما لحظه شافت وجه الحسين
ام الكمر اني
صار اهواي اتاني
واني احسيني مارد ذاك الغروب
----------------------------
بس خاف يرجع عالرمح
مشغول بالي
وانظر ضواه ميت عطش
ضامي بخيالي
عطشان ياروحي شعجب من راح أكله اشلونك
مبين عليك امن الضِمه ذبلان كلش لونك
بعيوني الدمع سولف مصيبه
هذا الغالي ابو الشيبه الخضيبه
احسب بالثواني
صار اهواي اتاني
واني احسيني مارد ذاك الغروب
----------------------------
بس خاف ماشمن عطر
يوسف زماني
كلمة الوينك خَلصت
بس ما اجاني
مو راح عيني تنعمي حال القهر ياحالي
هذا اليتانيله بَشر مثل الحُسين الغالي
هو شباقي بيه وكلبي مكسور
زين وما متت من عشره عاشور
حيره يا زماني
صار اهواي اتاني
واني احسيني مارد ذاك الغروب
----------------------------
كل نجمه بعيون السمه
تبجي عليه
وجروحي تنزف كربله
كل مغربيه
اشتاك اله والله متت لاذكره خله يمي
واني عله باب الصبر كلساعه أفز بحلمي
من يوم المشه سهرانه لليوم
اني ام البنين وكلبي ملجوم
راح وما خذاني
صار اهواي اتاني
واني احسيني مارد ذاك الغروب
-----------------------------
غير الحُسين بدنيتي
اشتسوه دنياي
الله جعلني لخِدمته
ومقصره اهواي
وديت وياه أربعه واني احس خجلانه
اولادي فدوه تروح اله بس سالم الريحانه
اتمنيت عندي عشرة أولاد
كلها تروح فدوه لبو السجاد
من دهري اعاني
صار اهواي اتاني
واني احسيني مارد ذاك الغروب
----------------------------
الخادم _ ابو فدك الشامي ✍
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
يالمطشر وذر عـــــــل كاع كلي شيجمع اوصالك
عمت عيني عليك حسين الخيل اشسوت بحالك
انذبحت من الكفه مولاي وسبايه راحت اعيالك
المــــــاي لبي حيــــــــاة الناس انت الماي جتالك
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
اجاك الماي بــــــس خجلان كعد يم منحرك صله
ولو مايسوه صــــــار الماي جي ماضاكه عبد الله
جمالك طشرو بالخــــــــــيل دخيلك ياجمال الله
طحت عل كاع بس يحسين مافزعولك أسم الله
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
من اجروحك جـــــــرح رايد اريد استشعر الامك
وعلــــــــمني اعيشك اخ يالمســــــــلوب هندامك
اريـــــد الخيل تسحكني مثل ماسحكت اعضامك
كون اعصرلك اعيوني ورش ميهن عله اخيامك
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
وحيد وطايح ومكــسور وماضل واحد ينصرك
وفوكك يفـــــتر الذبــــــــاح يريد بنحرك يطبرك
والله للشم مســــــــويه لا مـــــــو للذبح نحرك
السهم طك صدرك وعابر وطالع من خرز ضهرك
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
مثل ماي وطحت عل كاع ياهو اليكدر يلمك
من كثر السهام البيك ضـــــــل مايعرف جسمك
كبل ذبحـــــــــك يبو الاكبر تمنت زينب اتشمك
رمـــــح الشال راسك ذاك خضر من شرب دمك
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
اشماله الماي شـــــد وياك ومالامس اشفافك ليش
تحيه انت ويموت الماي شنهي الماي حته يعيش
بجسمك باوعت مولاي ماكو اصواب لك بالريش
باجر لــــــو متت عطــشان يحسين اتعوض بيش
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
بكاروكي وهلي يحــــــسين زرعو بالكلب حبك
هنيالي وبخــــيت اهواي كون انه ادخل الكلبك
انطيني اي جــــــرح منك كـــون بكربله معذبك
بس الخـــــوش زلمه وزين يثبت سيدي بدربك
السلام عليك يا اباعبدالله
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
فاطمه اتـــــــودع فاطمه
ابمنزل علي حامي الحمه
من ام الحسـن لم الگمر
طاحت على زينب سمه
★★★★★★★★★
زينب يتيمه من الزغر… ومعاشرة الدمعة
من شالت البضعه… طاحت سمه السبعة
زينب زغيرة وشيبت… من فارگت أمها
ظل بس علي يمها… وام الگمر همها
اتروح ام حسن تلفي ام گمر… وتعوض الخله
البيت انترس كله….. من ريحت الدله
ام اربع اشيوخ الأجت… لو عزبت امهم
بالطف تقدمهم….. وزينب تظل يمهم
صاحت يعباس ابعزم
الزينب فده كل الزلم
طبع الگمر يهوه السهر… زينب عرشها امخيمه
★★★★★★★★★
ام الحسن شالت امس … دم بچت الوادم
ونعش الاجل قادم… ايشيل ام گمر هاشم
ملچ المنايه ابهل مسه… حول على الديرة
وناده يبو الغيرة… اني ترة بحيرة
مأمور اجيت اقبض نفس… امك يهاالغالي
وشخصك تراوالي…. چن گاعد اگبالي
تأذن يخو زينب ألي …. روح امك اقبضها
هاي ياگمر فضها….. ادري اشكبر حضها
والله ونعم من جابتَك…
لحسين اخــــيك رَبتَك
وگالتلك انت اعله النهر… دمك لخوك اتقدمه
★★★★★★★★★
لازينب اليمها تجي… وتنشف الدمعه
امك ترة امضيعه…. صوتك مته اتسمعه
ها ياگمر هاشم ردت… من الدنيا افكنها
وللجنه اشيلنها… چي طولت ونها
يوميه تبچي ابلا وعي… وتذكر العشرة
وي زينب الحرة…. والي انگطع نحرة
چانت تشمه من النحر… وتگله ماعوفك
تذبحني بطيوفك…. لو لحظه ماشوفك
مشتاگه اشمك كل مسه
يحسين ابن خير النسه
بس تمشي اموت من القهر… يمك اعيش امعلمه
★★★★★★★★★
عزريل انه وجيت ابأمر… ورب السمه عالم
يالعل نهر نايم…. اعليك ابعلي سايم
راح ادخل البيتك وأطب… واتعذر من امك
الوي الهوه اتشمك… ومن نلتقي اتفهمك
بالجنه من نگعد سوه…. لمن تحاچيها
تحچيلك البيها…. وشنهي اليأذيها
لاشك تگلك ياگمر… فرگاكم اذاني
والدمع فضحاني… وحسين ذبحاني
ابكل مغربيه ياگمر
اگعد واگلب بالصور
وحسين اشوفه ابلا نحر… ومخظب الشيب ابدمه
★★★★★★★★★
بيت امك ابلايه زلم… موحش بقه وخالي
وينك يهالوالي …. رِف بيرغك عالي
حته العرب تنظر ألك… وتتفهم الغايه
تدخل للولايه…. وبچفوفك الرايه
جايب نعش من كربله… وحسين يبرالك
وشصاير ابحالك….. نعش امك اگبالك
تتهدل وتلطم تظل… حد ماتهد حيلك
وحسين يبچيلك….. زينب ترة ادخيلك
متعَلگه بطـــــــــــراف النعش
وصوت الحزن بالديرة طش
ظهر السلف كله انكسر… لمك يسبع الموزمه
★★★★★★★★★
شيع نعشها باالسلف… بس اسرع الخطوه
ها ياگمر فدوه…. والكربله المنوه
تتمنه أمـــــك تندفن... يم گبر ابو اليمه
كل لحظه وتشمه…. امك مثل أمه
وتگله يحسين البُعد…هد حيلي ودخيلك
مابيه وامشيلك…. عميه انه وابچيليك
ماتدري يبني من البچي…. هالمولحت عيني
وخدامك ابنيني… ابخدمتك خليني
اني وبنيني ابكربله…
خدامك اكبر منزله
مروتك يبن سيد البشر… تقبلني يمك خادمه
★★★★★★★★★
ـــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
(( الـشـيـخـه )) السيده ام البنين ع
………………………………………………………………
في حكم العشاير واهل الـِدلال. (جمع دلّه)
حصراً بالـيشيخ يكون رجّال
بس آل الخدم شيختها بدويه
دگت ساس للخدمه الحسينيه
…………………………………………………………
شيختنا وثلثت انعام . يابيرغ شعائرنا
ودّاية دمع وياج . وندفع دم مناحرنا
مثل سفرة مضيفج دوم . ما شفنه ابعشايرنه
نشيد الرسمي بمضيفج .( يحسين ابضمايرنه)
گلبج اكثر من ادلالج ايفور
على التحت الحوافر صار منثور
روحج مثل جدم ام عيون مچويه
دگت ساس للخدمه الحسينيه
…………………………………………………………
للشيخ الكرم معروف . يعزب زاد لضيوفه
وانتي بأربعه اتعزبين . زلم للموت مزفوفه
ارگاب الاربعه أگليلات . و ابنج چمّل أچفوفه
ابنج طلع مثلج شيخ . شيخ الماي وجروفه
بالدنيه انفرد عباسج ابهاي
شيخ الماي بس ما شارب الماي
فوگ الجود روحه اصبحت ملويه
دگت ساس للخدمه الحسينيه
…………………………………………………………
وِرِث كل شيخه معروفه . ابو للابن ينطيها
بس انتي ابعمل واخلاص . يم عباس جبتيها
أمام ام حسن شخصيتج . خدامه اعتبرتيها
شبابج شمعه وسط الدار . بخدمتهم شعلتيها
كل همج عليج ام حسن ترضه
دورج مو شريچه ابدور فضه
دره ابيت حيدر دوم مضويه
دگت ساس للخدمه الحسينيه
…………………………………………………………
الشيخ ويعتبر أسمه . مقدس وبعلو النجمه
بس انتي الاسم عفتيه . الذاتج موش مهتمه
خاف الحسن يسمع بيه . يجرح گلبه ويلچمه
خط احمر ابد ما يصير . تجري عيون ابو اليمه
زينب من تشوفج تنسه همّها
ما حست يتيمه وانتي أمها
من زمزم حنانج دوم مرويه
دگت ساس للخدمه الحسينيه
…………………………………………………………
بسمج ملحمه واعظم. من ملحمة گلگامش
ابن حذلم تعنه ايصيح . الج بخبارهم غابش
گلبج يسبگ الرجلين . خاطر ينشد الطارش
ولا همج اسم عباس . يناعي حسين شو مامش
انتي اول مره الما همّها ابنها
بس لبن الشريچه ايصير ونّها
يم عباس ملحمتج سماويه
دگت ساس للخدمه الحسينيه
…………………………………………………………
شيخه انتي اعل كل موكب. ابزودج دامت ايامه
ابزودج يقره كل رادود . يشوفج لحن جدامه
واسمج حبر للشاعر . منج ياخذ إلهامه
انتي ام البنين و هاي . ابنائج اللطامه
أُمنه وعلّمتنه انحب الحسين
كل آل الخدم مطلوبه الج دين
لحد الموت ما نوفيلج اشويه
دگت ساس للخدمه الحسينيه
……………………………………………………………
✍️ ( سيد خضر الزاملي )
١٣ // جمادی الاخر
وفاة مولاتي ام البنين عليها السلام .
🏴🏴
مامش اكحيل ويجد الليله
لكربله يفزّع چفيل العيله
🏴🏴
يوصل ال وادي الطفوف ايفزّعه
من يطبها ينزل اعلمشرعه
بعالي صوته ينادي وين الاربعه
وهوّه عباس الحميّه تشيله
🏴🏴
اعلمسنايه يگف حين اليصل
ادرچ امك ياشهم يابو الفضل
مجبّله خليتهه تون بالنزل
تعاين لدربك دمعها تسيله
🏴🏴
تسيل مدمعها وتريد اعزازهه
واحد امن الاربعه جنّازهه
الهه حگ امتونكم تحتازهه
للنعش اربع ولدها تشيله
🏴🏴
والوصيه الهامّه امن ام البنين
بالمنازع كون يحضرها الحُسين
اسم الله يمه يگلهه بس امن الونين
حنّت لصوته ونغم ترتيله
🏴🏴
حسين يبني بكل نفس گامت تحن
الولد يمه احضرني توجع من تون
الام بالمنازع يگابلهه الابن
يسبل ايديهه ويعدل الشيله
🏴🏴
يديرهه للقبله لمن تحتضر
باخر الانفاس امكم تنتظر
منكم زواتيت رادت للگبر
ترابها تريد الاعزاز تهيله
ياام البنين
🏴🏴
ام محمد الحجاج
#حصرياً_هوسات_للزهراء_عليها السلام
ننسه اعزازنه وننسه الگلب والروح
وماننسه الزچيه وبس عليهه انوح
باچر ماتخلي كل حمل مطروح
( وحملي وحملچ بس هيه اتشيله )
حملچ مايطيح تسانده الزهره
نذكرهه وندگ عالروس من نقره
كل ميت نزوره ونوصل الگبره
( وگبر الزهره الضايع محد يندل عنوانه )
ندور عن گبرهه انريد نندله
كلتنه الشوگ عدمن شوگنه انفله
امشونه انروح للموعود ونگله
( ادخيلك يالموعود ادخيلك بأمك دلينه )
كلساع ونصيح ادخيلك ادخيلك
دلينه بگبرهه وگوم شد حيلك
امن افراگ الزچيه انريد نشچيلك
( يمته انزور الزهره ويوجع فرگاها )
يمته انزورهه ونروح مشايه
من عباس ناخذ لم حسن رايه
نخينه المنتضر ونصيح شچايه
( انريده ايرجع حگهه وياخذ ثار المظلومه )
يايوم النشوفه يطالب بحگهه
صعبه وحيل صعبه الظالم يطگهه
ومابين الجذع والباب يطبگهه
( اصواب امك ماطاب وضل يسعر بينه )
اصواب امك غميج ومايطيب وحار
نبت بضلوعهه وبضلوعنه البسمار
انهض جيب ثارك لاتعوف الثار
( انشد والزهره اتخبرك عالذباح وراس حسين )
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
كُتبت يوم الاحد بتاريخ ٢٠٢٣/١٢/١٧
هوسات لوفاة ام البنين عليها السلام
ياهو الشال تابوتچ عله امتونه
واهل الزود كلمن نايم بكونه
چا شحچي شگول اعليچ ممنونه
(( وامضيعه حسين وتردينه ))
حسين اليوم يم عباس رايدته
يغطي اجنازتچ ويروح بالزته
والله لو عدل چا ماسكت سكته
(( وحسين يشيلچ بعيونه ))
والله لو عدل چا شالچ بعينه
حنين وماكو احن من گلب ابو سكينه
لاچن سحكته اهل الخيل تدرينه
(( مكسور الحافر بضلوعه ))
چم حافر بحافر طاحن بصدره
ابو السجاد راسه انعزل عن نحره
منچ يعتذر يالطاهره الحره
(( واليوم يريد تعذرينه ))
منچ يالحنينه اليوم يتعذر
مايگدر يشيل النعش مايگدر
ضلوعه امطشرات حسين وموذر
(( سهمين بگلبه امصوبينه ))
توذر بالسهم وانمرد دلاله
هاذه حسين وضعه ومو سهل حاله
عين اتصد عليچ وعين العياله
(( ويفكر بيچ تعرفينه ))
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
ابوذيه الى السيده الطاهره ام البنين عليها السلام
أنــه بمهــدك نــذرتـك يمه لحسين
شحلاتك وانته واگـف يم الحسين
أذا تــوگــــع أنــــادي يمه الحسين
فـــدوه الطـــاح دونــــك عالــــوطيــه
الشاعر
موسى البديري
ضعنهم راح شــــال الــروح ويـــــــاه
ودليلـــي أبنــــار لمَن ســـار ويـــــــاه
على ابن الزهــره اصيحــن آه وي آه
وأگـــل عباس افــــدي ابن الـــــزچيــه
♠♠♠♠♠
الشاعر
موسى البديري
مهدي یاریحانة الروح
یبني دوم اتنفّس النوح
*
یُمّه یا نبض الأمامه
گلبي یبعثلک سلامه
ینتظر ضلعي انتقامه
زرعوا بخدي علامه
و الأثر عالوجنه ملموح
مهدي یا ریحانة الروح
*
صاروا الأصحاب ضدّي
و سطروا الظلام خدّي
والله کود اعتاب عندي
اجعد اشکیلک یمهدي
عن حدیث النار و اللّوح
مهدي یا ریحانة الروح
*
یمه اِنشد هاک دمعي
شلون خلف الباب وضعي
عصروا الباب اعلی ضلعي
والوتد بضلوعي یسعي
بالجنین بشفرته ایلوح
مهدي یا ریحانة الروح
*
تدري من سگطوا جنیني
الکربله مشبوحه عیني
العرش ونّ بونیني
آه من جمرة حنیني
والجفن بدموعي مجروح
مهدي یا ریحانة الروح
*
من طحت فوگ الوطیه
صرت اشوف الغاضریه
راس الحسین الشفیه
فوگ سنّ السمهریه
و الجسد عالگاع مطروح
مهدي یا ریحانة الروح
*
من طحت شفت العقیله
من ظهر ناگه هزیله
تنوح خویه مالي حیله
یا حسین انت الوسیله
لکن ابني حسین مذبوح
مهدي یا ریحانة الروح
*
خادم خدمةالحسین علیه السلام
ناصرآلبوعبید
((وصفاله البيت))
حيــــــدر يدَلي بعقيل .. وصفاله البيت
هذاك بيت ام الكفيل .. وصفاله البيت
روح اخـطبلي (مره)
تجيب سبع الگنطره
وصفاله البيت ...
"""""""""""""""""""""""""""""""""""'''''''''''
ياعقيل الوصف يمك
امشـــي وتَبَــــعّ أثــــر
ذاك بيت ألــي اريده
ذاك بيت أمــ الگـــمر
ياعقيل بسرعه امشي
خطوتك صارت شـهر
خويه زينب تنتضـرني
تريد من عندي خـــبر
ذيچ خيمـــــتهم چبيره
ليش خطواتك گصيره
والله عدهم طاهره تجيب سبع الگنطره
وصفاله البيت ...
"""""""""""""""""""""""""""""""""""'''''''''''
يابـو مسـلم روح گلهم
تدري مـــو ناري أتغلي
نريد من عدكم عفيفه
وطــاهره الحيدر علي
نريـــــدها هاي الوفيه
نجيب من عـدها ولي
نريد من عندج گمرنه
يــــا شمسنه أدللـــــي
مـــــو بعيده الديره هايه
انته بس احچي الحچايه
تدري هيه أمبشره تجيب سبع الگنطره
وصفاله البيت ...
"""""""""""""""""""""""""""""""""""'''''''''''
ياعقيل احچي لبوها
گـــله مو شافت حلم
مو بعيده الغــــاضريه
بعــــــازةّ تجيب الزلم
للخدر كـــــــفال رايد
رايـــده بچـــــفه يلــم
صارت القسمه يخويه
روح ونطيهم عـــــــلم
ياعقيل وروح مرهم
انته ماتشتم عطرهم
والله بس بتهم ترى تجيب سبع الگنطره
وصفاله البيت ...
"""""""""""""""""""""""""""""""""""'''''''''''
ضلمه خيمتهم أجوهم
طــــبو وصــــار الضوه
والهوى گــاعد بصفهم
يمكن مــتاني الهــــوى
واحد يشــاهد الثـــاني
عيونهم گعــدن ســـوه
وحيدرى يــرسم خياله
جربه وچــفوف ولـــوه
نريد بتكم للصميده
گام ابوهه وباس ايده
گله بنتي امبخترى تجيب سبع الكنطره
وصفاله البيت ...
"""""""""""""""""""""""""""""""""""'''''''''''
وافـــــق بـكـــل امنياته
وباس مـن حيدر جبين
تمت الخـطبه وقـروها
الفــــاتحه لــ ام البنين
وحتى بيت (الله) عيد
كلها طشت بـــالحـنين
وزينب بدمعت جفــنها
گامت تهــني الحســين
خويه راح ايصير اخونه
خويه اخونه وابن ابونه
طفت ناري المّسّعره تجيب سبع الگنطره
وصفاله البيت ...
عبد زينب
محمد الإبراهيمي
قصيده لام البنين عليها السلام
المستهل 👇🏻👇🏻👇🏻
يالتشيل النعش هونك هذه ام الأربعه
خل يجي العباس ابنها لنعش امه يشيعه
•───✧◐🕊🌻🕊◐✧───•
أمهم وحكها عليهم همه اليشيعونها
واحد يوسع لحدها وگلهم ينزلونها
وخدها الأيمن بالتراب اولادها ايوسدونها
وابو فاظل على الكبر يقره بصوت الواقعه
•───✧◐🕊🌻🕊◐✧───•
من تموت الأم تريد الولد دفان
عل الكبر تحتاج ابنها يقره قرآن
كون يلتمون يمها الكلهم احنان
تريد ابو فاضل يجيها وصوته هيه تسمعه
•───✧◐🕊🌻🕊◐✧───•
واجب اعله الولد لمه اعله المتون يشيلها
يشيلها على المتن أمه واهوه اليواريها
وبالكبر لونزلوها هوه يقره اعليها
واجب يرد الجزيه لأن طيب مرظعه
•───✧◐🕊🌻🕊◐✧───•
بس دگلي اشلون ابو فاظل يشيل الطاهره
ازنود ماعنده الگفيل ازنوده يم المشرعه
اشلون يوسدها بلحدها اجفوفه هو مگطعه
وجثته يم الشريعه بالسيوف مگطعه
•───✧◐🕊🌻🕊◐✧───•
يالتشيل ام البنين ابهيده بالله وياها
هذه ضحت للزچيه بدور الله انطاها
انطاهه الله منزله المتظايق اتعناها
اليوم كل واحد كصدها ابد لامترجعه
•───✧◐🕊🌻🕊◐✧───•
أﺭيد ننخاها الوفيه بدعوه منها للخدم
بجاها عند الله تنطيهم القوه والهمم
همه متمسكين بيكم شما حصل جور وظلم
والتمسك بيكم اقسم باآن الله يفرحه
•───✧◐🕊🌻🕊◐✧───•
بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالقصيده
نعي حزين لفقد الاحباب
ضاك. الخلك. ونريد. اهلنه
اجينه. وعلى العتبه. كعدنيه
ونشدنه. الدار وين اهل المحنه
وين الشوفهم. يزيل. همنه
⚡️⚡️⚡️⚡️
ضاك. الخلك. ليهم. سيرينه
ندهنه. محد. رد. علينه
خالي. الدار. منهم. لكينه
هضمنه. افراكهم. وسوه بينه
⚡️⚡️⚡️⚡️
بيهم. بعد. متعود. الايام
نلتم. سويه. صارت. احلام
افراك الاحباب. احزان والام
بعدهم شلون. عيونه. تنام
⚡️⚡️⚡️⚡️
وي. الاحباب. العشره. فلت
عليهم. حزينه الروح ضلت
بجفاهم. رموش العين شابت
ايام. الفرح.وياهم راحت
⚡️⚡️⚡️⚡️
الجفونه. بعد بينه. مايمرون
نحن. لشوفهم ننساهم. شلون
تضل لدربهم. تربي. العيون
فركاهم. هدنه. وغير. الون
⚡️⚡️⚡️⚡️
بقلم العلويه ام رائد زوين ✍😭
ابيات من النعي
زينب ع للزهراء ع
رحتي وما شبعنه نوم بحضانج
تغطينه بعباتج نمنه بمجانج
نشم ريحتهن ونشبكهن اردانج
راح افياينه من خذج دفانج
زغيره ورايده من امي حنيه
غير امها شتدور عود البنيه
خل اغفه بحضنها عوفني شويه
باجر ما الكاها من امشي مسبيه
من افك عيني الصبح الكه حضنها
هسه اكعد واشم بأيد الدفنها
ودم الضلع ضل بالباب منها
اضل ابجي وحسن يحجيلي عنها
الحسن ع للزهراءع
يمه اشعايفه بمكفاج وتموتين
حسره غيبتج ماتنحمل تدرين
خرابه البيت صاير بس بجي وونين
اسكت زينب يرد يبجي يمي حسين
كعدت اكبالهم بمجانج وونيت
يدهري اشماخذ وهيج الضوه طفيت
هنيال المكابر لامي صارت بيت
وصفت ظلمه وخليه الدار لو طبيت
الحسين ع للزهراء ع
لو مكسور ضلعي ولا ضلع منج
عمت عيني اشكثر كامن يلجمنج
كوه تشيلج امتوني ويشيعنج
ماصدكت يوم بجفي ادفننج
بعد ياهي التجي تصبح علينه
ومثلج وين راح الكه حنينه
منو يلاكي علي لمن يجينه
بغيابج يمه شنهي يصير بينه
علي ع للزهراء ع
من غسلتج وضلعج اجه بيمناي
انكسر كلبي وطحت والحيل طاح وياي
حرت خاف الجرح ينلجم لو ذب ماي
تختنكت بعبرتي وبالكوه اشم اهواي
درب المكبره ضيعته وعيوني
انعمت من البجي وولدي يگودوني
اشيع الزهره لو كامو يشيعوني
اجيت ادفنها لو جنهم يدفنوني
طبيت ولكيت البيت ظلمه
بس النوح واليمه وييمه
وبجي زينب يخلي بكلبي لجمه
الزهره مدده اعله الكاع هظمه
شصاير بيها محد رد عليه
انهد حيلي وصحت اااه يالزجيه
ريت البيج صاير كون بيه
ولا شوفن دمه فوك الوطيه
المرحوم الشاعر
زيد عدنان الزيدي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
قصيدة ( استشهاد السيدة ام البنين عليها السلام )
( ذكرياتي ) . 1445. هج.
مرات الدمع هم يجبر الخاطر
بس شيفيد اذا هو الضوه مسافر
ضعت مابين حسبات
اكولن عدل لو مات؟
ذكرياتي
----------------------------
إقنع روحي بالصدفه
واكول حسين جا وينه"" يجيني
شوكت يايوم نتلاكه
حته الدمعه تحجيله "" حنيني
اني ام البنين وهاي سالفتي
هيه الذكريات الزادت بعلتي
كلسا تمر لجمات
اكولن عدل لو مات؟
ذكرياتي
----------------------------
جم باجر يمر بيه
نار الفركه تِحركني "" جروحي
عطش بشفافي حَسيته
اخاف الروح عطشانه "" يروحي
لو زمزم بِديه اني ياعيني
عكب الغالي والله ما يِرَوِيني!
كلها ابالي صدمات
اكولن عدل لو مات ؟
ذكرياتي
----------------------------
كلما أقره بالمصحف
سورة ( والفجر ) تطلع "" اويلاه
تفسير الذبح هذا
وليال العشرِ بالعاشر "" حُسيناه
صحت لا سامح الله هيج ماصاير
لا بالخيل صدره رافسه الحافر
دم تنزف الآيات
اكولن عدل لو مات ؟
ذكرياتي
----------------------------
رمح وبكلبي صوبني
سورة امن الكهف أقره "" بالأونين
صحت ياربي ادخيلك
خافن عالرمح راسه "" الِحسين
اذا بالطف قراها منحر العطشان
يعني عالرمح و يرتل القرآن
يارب السماوات
اكولن عدل لو مات ؟
ذكرياتي
----------------------------
هو الينتظر غايب
يِخلص عمره بس دمعه "" جراحات
واني حسين موتني
اخير انفاسي احجيها "" يدمعات
جانت امنياتي وآخر أيامي
يحضر موتتي ويشيّع الآمي
وِبعيده المسافات
اكولن عدل لو مات ؟
ذكرياتي
----------------------------
الخادم _ ابو فدك الشامي ✍
وفاة ام. البنين ع
رد يبن حذلم لعد طف الحسين
واصعد اعله التلّه وانعه ام البنين
++++++++++
رد يناعي وتعرف ابروحي اشتريد
مو بنيني مطلبي حسين الوحيد
ايلوح فوگ التله گبره مـن بـعـيد
لا تعيد اجروحه واسمع مني زين
++++++++++++
نادي بس عالراس لا تشبچها اديك
امن الحصيره ايلملم ضلوعه ويجيك
يوگف ويوگع ترى ويزحف عليك
يذكر الصاحتله سلبوني بأنين
+++++++++++
بالنيابه اگباله عني احچي بخـشوع
مو منيتي گله كتلتني الدمعوع
اتواكلت لضلوعك ابصدري الضلوع
مو عطش گلبي التفطر بالحنين
+++++++++
غمّضت عيني الك گد مابچيت
وسبّلوها البيها ترجعلي دعيت
من قميصك وصله لو ترجعلي ريت
والبصر يرجع وانوحك مرتيني
+++++++++
هاي اخير احچايه مـني بيها اگول
اعليك طلعت روحي والزهره البتول
ودي ما اموت العمر لجلك يطول
بين دمعي ولطمي وابني گبور طين
++++++++++
صد يناعي للنهر واحچيها حيل
ابعبرة المهظوم نادي اعله الكفيل
ماتت امك والنعش رايدله شيل
عن دفنها صاحو العباس وين
+++++++))))
ثائر الربيعي
مولاتي زينب
وضـعـنـه يـا وضـع بـجـفـاك .. مر بيك
ونـضـر عـيـنـي لـعــد الـنـهـر .. مر بيك
بلا رحـمـه الـيسوگ الـظـعـن .. مر بيك
وإنـه فـوگ الـهـزل مـچـتـوفـه اديـه
*---------------------*-------------------*
✍خادم السيده زينب ع
الشاعر رعد الجريخي
تمنيته هــــاي الليله حاضر ونعشي يشيله
أتصفّح وجوه الناس بلكت أشــوف العباس
حاضر ونعشي يشيله
*
الوالـــــــده تتمنّه يحضــــــــــر بالمنيه كل ولدها
تفــرح وينسر گلبها وتشعــــــــر أبعزها ومجدها
ومن تموت بأمــــــــــل تبقه ايشيّعوها لحد لحدها
بهــــذا الوضـع تبقــــه وتضل تتأمّل
ايشيعوها وبكــــــل الامــــــــر تتكفّل
وتنصب عزيتها بعــــــد مـــــا ترحل
أوّسط الگبر تحزن إذا مـــــا يحصل
وسط الگبــر مفجوعه لبولادهـــا موجوعه
بالگبر ويشيب الراس بلكت أشوف العباس
حاضر ونعشــــــــي يشيله
****
بلوعه وآهات ومدامــــــــع وبألم تارسلي صدري
أنظر وجوه الحضرني ردت أشوفه الأمل عمري
مالگيته وزاد همّـــــــــي وفوضت للبـاري أمري
بكل هـــــاي احبابـي الإجت حزنانه
مـــــا شفته حاضر لا شفـت اخوانه
بچيت وبچــــــت بدموعها وحيرانه
عالماحضر والخـــالي ضل امچانه
غايب وحاضــــر ابنه وبالدمــع تسأل عنّه
راعي الوفه والنوماس بلكت أشوف العباس
حاضر ونعشـــــــي يشيله
*
أمنيه چانت بروحـــــــــــــي يقـــود كل الشيّعوني
وعلى چتافه يشيل نعشي بعــــد ما تغمض عيوني
والگبر بيده يحفـــــــــــره وهــــــوّ يتكفّل شؤوني
باب الكرم والجـود بــــي يتوصّف
وبالموزمـــه والكلفه مــــا يتخلّف
بجنازتي ردتــه يجــــي ويتصرف
وبكـــــل تفاصيــل الأمــــر يتكلّف
يتكلّف بكـــــــل أمري من موتي ولحد گبري
بالشدّه هـــوّ الفرّاس بلكت أشــوف العباس
حاضر ونعشــــــي يشيله
*
تالي خابت كل ضنوني مــــــا حضر عندي الأودّه
وزادت بگلبــــــــي المواجــــع والحلم ضاع وتبدّه
لكن عذرتــه العزيزي الما إجانـــــــــي وبقه بلحده
عاذرتــه لوليـــــدي المخيّب ضني
الضحّه حياتـــــه بكربـلاء وسرني
لجل أبو اليمه ســـر حياتـي وأمني
الغذّانــــي طيبه والوفــــــه علمني
روح وعزيـــز الزهره المنهل حياتــي فكره
وجوده ابد مــا ينقاس بلكت أشوف العباس
حاضر ونعشــــــــــي يشيله
**
أبو الباقر كفل أمـري وشـــــــــال نعشي بعد موتي
يعينه كل اولاد ولــدي وحضـــــرت وياهم أخوتي
وكبري صار جــوار طه المصطفى الهادي قدوتي
بطف كربله الكبـــري أنـه تمنيته
جيـــــران محبوبـــي الذي حبيته
ويم الگمــر راعـي الوفه الربيته
ومــا بينهم چـــان الگبر يـا ريته
اندفـــــــــن بين الگبرين ويمرني ليزور حسين
وعطره أشم عطر الياس بلكت أشــوف العباس
حاضر ونعشـــــــــي يشيله
*
يمته يتشيّد گبـــــــــــرها يلالي مــــــــن بعيد نوره
ويا وگت مـــن نصل يمه عن قـرب نگـــــدر نزوره
وننصب إلها هنــاك مأتم بي لبو الأحـــــرار صوره
وبختمته الـــــــــذاك العزه ندعيله ربنـــــــــــه ينجزه
الوعده ويعيـــــده بمعجزه الصاحـــــب الغيبه الطويله
ربنه ويعجّـــــــــــــــــــــل ظهوره
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
أبيات #نعي لمولاتنا
الزهراء عليها السلام 🌹
.
.
يشح عنّه الصبر للگلبه مكسور
و بجمـر الغضى للدوم مجمور
مشتاگ الگلب يحضرلچ يزور
لچن ظل النظـر يتلفت يـدور
گبرچ مختفي من دون الگبور
................
................
بگت يايمه تعصف بينه الاشواگ
وما نحمل يزهـره اعليچ الفراگ
علـى اغيابـچ گلبنـه بنار خفّاگ
كلـف صبره الذي دلّالـه يشتاگ
وما تشفى ييمه اجروح الغماگ
................
................
نريـد انــزور و انقيــم العزيــه
علـى مصابـچ يزهـره بهالرزيـه
نصيح بصوت و انسمـع البريـه
تـرى كسروا ضلع ليـهـا الزچيـه
وطفل بالعصره يوگع عالوطيه
................
................
الگلب مجمـور ما يبـرد غليله
وتظل روح الحسن دونچ عليله
مُصابــچ ما نسينــاه يالجليلــه
وعلي مفجوع لدموع العقيلـه
وحسيـن الدمـع أحمر يسيله
................
................
بليل أظلم يزهره انشال تابوت
و علي من الرزايا گلبه مفتوت
ينادي منفجـع وبعالـي الصوت
حسافه يالزچيه ياخـذچ مـوت
وبيتچ محترگ من دون البيوت
................
................
✍🏼 علي نوري الحلفي
قصيدة (گعده ) لوفاة ام البنين
سلام الله عليها
لاولدها. ولاعمدها. ولاسندها
ضلت بدار الخليه. تنتظر يوم المنيه
ام البنين
★★★★★
ام البنين الصبر منها. جفن يتفاخر ابعينه
نذرت الحيدر زمنها. دوم بالشده تعينه
رغم لوعتها وحزنها. شالت احزانه اوونينه
دره ثمينه. تكَوَّنَت
وبچف امينه. ترعرعت
طيبه وحنينه شگد وفت. شگد وفت هاي الحنينه
رحل عنها. الچان الها. كل املها
بعد حماي الحميه. تنتظر يوم المنيه
ام البنين
★★★★★
ماسمح لحضه دهرها. حسين من انوه رحيله
اتروح وتحضر امرها. من ضعف حال وعليله
التزمت الحره بصبرها. الرحله ضنت مو طويله
رحله گصيره. تصَوَّرَت
ياحيف بالحيره. اصبحت
اضعون ياديره صفت. . بيابلد وبياقبيله
مشوا عنها. وزاد ونها. شگد حزنها
والعمر مابيه بقيه. تنتظر يوم المنيه
ام البنين
★★★★★
تنادي كل صبح ومسيه. ام البنين وعدها شكوه
وين يانور الزچيه. وناظري. وللعين سلوه
سوه افراگك. والمنيه. يبني والله الفرگه بلوه
عمري بحزن. ياهو إلي
لجلك أون. ياكل هلي
درجع يبن. حيدر علي. اغيابك ابحالتي أَسوَّه
هلحنينه. شگد حزينه. بالمدينه
غاب عنها ابن الزچيه. تنتظر يوم المنيه
ام البنين
★★★★★
بلوعه تكتل حس گلبها. والخلگ ضاگ وتكَدَّر
اخبارهم شنهو الحجبها. والزمن لونه تغَيَّر
خاف لاشَدَّت حَرْبْهَا. الدنيا دوم الدنيا تفتر
بلگلب نار. ومنفجع
من زمن غدار. الطبع
وعليهم اندار. الجمع هناك يمهم كون حيدر
يازمنهم. من اخذهم. مايردهم
ولَمَّه ماترجع زهيه. تنتظر يوم المنيه
ام البنين
★★★★★
تنتحب طول الليالي. من لفه الناعي ونعاهم
گلَّها ماظل بعد غالي. الموت كل اهلچ خذاهم
من الرجال الضعن خالي بس عليل الاجه وياهم
كلشي وضح. من الخبر
حسين انذبح. من النحر
وبالدم سبح. نور الگمر. من العذب محد سگاهم
شگد هظمها. شگد ألمها. وليل همها
بعد جرح الغاضريه. تنتظر يوم المنيه
ام البنين
الشاعر حسن لعيبي الحريشاوي
القصيدة : هديتي حيلي
الرادود : علي الساعدي
الشاعر : ميثاق الحمداني
__
فاطمه .. ياعلي شكد صاحولي بسنيني
فاطمه .. بس منج اليا علي تحييني
كوليها اليه .. آه يالزجيه
__
اختنكت من الصبر , واجيتج للقبر
مثل ضلعج أجيت , علي بس منكسر
يعافيتي وهلي , شعجب ما كمتي الي
ولا كلتي من اجيت , هله بجية علي
جيت اشكي حالي . وبروحي خنكه
ناديني بأسمي . وصوتج أشهكه
فركة عيونج . ما منها فركه
رايحه .. ومدري شنو مني أحس رايح
رايحه .. ومنها وصرت يا كايم وطايح
شسويتي بيه .. آه يالزجيه
__
صدك يم الحسن , يفركنه الزمن
وأضل عايش وراج , غريب بلا وطن
وتضل روحي بضمه , وأحس خنكه السمه
وتصب عيني واكول , يوحشة فاطمه
يا ظيمي لمن . انطر طيوفج
ولبيتي أدخل . بس ما أشوفج
واللّٰه چفوفي . اشتاكت چفوفج
شكد صعب .. اتلفت وما تنلكي عينج
شكد صعب .. الزم هوه ما الزم يمينج
لزميلي اديه .. آه يالزجيه
__
يصب بعده الدمع , اعله خد المنصفع
ورقودج عاليمين , يلجمج بالضلع
اليخليني اختنك , أكو بأيدج حرك
شنو شسوه التراب , بالمتون الزرك
آه يا ضلوعج . شمسويه بيه
أبچي عليهن . كل مغربيه
ودوم أحچي كلمه . وين الزجيه
كل فجر .. أذكر السطره الورمت خدج
كل فجر .. أدعي أموت وأسكن بلحدج
وين المنيه .. آه يالزجيه
__
علي الما ينغلب , الولا خاسر حرب
بحرب فكد الحبيب , رجع دمعه يصب
نهاري بلا ضوه , الفكد ماله دوه
انه بعدج صفيت , مثل سعفه بهوه
هديتي حيلي . ذبلتي لوني
الليل وغيابج . بعدج ولوني
فكدتج يزهره . مبين بعيوني
بغيبتج .. للبير اسولف واشتكي همي
بغيبتج .. چني ابن وابچي على أمي
لحكي عليه .. آه يالزجيه
__
تركتي بروحتج , الحنينه ابنيتج
أريد أمي تصيح , وتشم بصورتج
أويلي ام الخدر , يتيمه من الزغر
ولمن تكبر تروح , على نوك اليسر
تفجعني مثلج . آه يالزجيه
نحضرها باجر . بالغاضريه
وي راس أخوها . تمشي سبيه
بكربله .. يم الحسن موعدنه والملكه
بكربله .. نشوف الخيول حسينه تسحكه
__