7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
جنازة امك بنتظارك يا ابا الفضل
————-
عايشه لو ميته امك ياكمرها تريدك
اعتني شيل الجنازه وإنسه كطعت ايدك
الفاتحه يبن الصميده اقراها من وريدك
جروحك هواي ودفنها جروح راح يزيدك
ماطفت بالفركه نارك يا ابا الفضل
————-
امك من الفركه ماتت والبعد اذاها
سهم عينك يابو فاضل تدري بي بجاها
الربت سنين وليالي هذا حلم رباها
من ينزلوها بكبرها تنزل انت وياها
الها لاتبدي اعتذارك يا ابا الفضل
————
بماي جودك روح غسل امك وحاجيها
كلها يايمه احبج وكعد اشتم بيها
من يشيعوها الجنازه برايتك غطيها
ومثل مابجاها فكدك ابقه ابجي اعليها
وياها سولف بنگسارك يا ابا الفضل
————-
امك بعاشر محرم سمعت مكطعينك
شلون لمن تعتنيها مكطعه جفينك
ميته بس تكسر كلبها مثل ضهر حسينك
من توسدها بكبرها اِدعي الله يعينك
اسود بعينك نهارك يا ابا الفضل
————-
الليله ويه حسين امك بالكبر تتلاكه
وتبقه تشكيله بدمعها شسوه بيها فراكه
الليله يحجون وحچيهم عالخيم والناكه
يكلها مشتاك وتكله اني هم مشتاكه
موحشه تكله ديارك يا ابا الفضل
————-
الفاتحه بيا كاع كلي محسب تخليها
بكربله سويها من تقرر تسويها
فاطمه بفاطمه الليله الوادم تعزيها
امك الضحت بدمك ننحني لطاريها
نبجي هاليله بمزارك يا ابا الفضل
————
سيد معتز الحسيني
الخاطر الزهره الضحت دم ابنها
الخاطر الزهره
:::::-----::::::
الضحت بالعزيز الكمر عباس
هاي ام البنين ورفعت الراس
الضحت كل ولدها وتشهد اناس
وفاها بكل وفاء أبداً مينقاس
.
وشدت الحسره ماتت منالمها
وشدت الحسره
:::::-----:::::
اصيله بت عرب كلكم تشهدون
وتستاهل عليها نعمي لعيون
ماتت من المها فاطمه شلون
من راحو ولدها الكافل وعون
.
ماغمض ليله جفنها على الكافل
ماغمض ليله
:::::-----:::::
بت احزام ماتت من الهموم
ما غمض جفنها وشافت اناوم
تعثر بالجدم لو رادت اتكوم
وفتها المنيه و ماتت اليوم
.
حيدر اعليها محزن طول عمره
حيدر اعليها
:::::-----:::::
عاشت مع الحيره عاشت اوهام
الطلعت روحها من كثر الالام
يا كسرت كلبها كسرت الجام
شكتب هل قضيه تحير الاقلام
.
كالو اعليها ماتت من حزنها
كالو اعليها
:::::-----:::::
الوفت للزجيه وعلي الكرار
اسمع من كلامي اخذ الاخبار
جانت بالفعل من ربت انصار
خدمة بيت حيدر بيت الاطهار
.
بالاصل هيه نجيبه من بواسل
بالاصل هيه
:::::-----:::::
حسن صالح العيساوي
ماماتت الخلفت زلم بالحومه
صولاتهم عد العرب معلومه
...
ماماتت الخلفت زلم واحدهم
ينعد بالف غير الله ابد ماعدهم
العباس اخوهم بالحرب قادهم
بس للحرايب هل الزلم مفطومه
...
سوالف الحگ تختلف عن الباطل
عدها زلم رداده كلمن عايل
ام البنين اشگد حجت لم فاضل
علميه وليدچ ويه لبس هدومه
...
ماماتت ولاظن تموت العلمت
اولاده بخدمت حسين اتهدلت
اموزره وظربت مثل للخدمت
مشكوره دنيه واخره ومخدومه
...
شيموت الورده وعطره الفواح
لساعه ظال بكثر مابيها جراح
من سمعت بذاك الخبر والبي صاح
طاح الگمر واليل عاف انجومه
...
گالتله خيطيح الگمر بشرني
يلفدوه ليه انروح انه وابني
حسين گلي شلونه لتعذبني
انخمش گلبي وروحي بي ملچومه
....
ام البنين ومن تعدهه النسوان
عباس ابنه وموش ياهوه الجان
من عده طالع چم صدر للديوان
ياهيه تنطي اربعة وما مندومه
….....
ياريت عشرة مخلفه رادت هيه
وبلچن يظل حسين للعصريه
والفضل مگيود ويباري رقيه
والطگه حاشاها وتسيل ادمومه
…....
اتمنت بگيد وفوگ تصعد ع النوگ
واتصير اولهن اذا طبو سوگ
اتصد الحجار بچف اديها المحروگ
من نار خيمت زينب المظلومه
..…….
الاقل شرفاً
كرار اللامي
#حزمينه مولاتي
لسان حال مولاتي ام البنين
عندي للحزن شاهد
تهظم دمعة الفاگد
تهظم تهظم
..............................
بيه الحزن عاش وكبر ..... من راح الظعن
انه ام البنين الحجت ..... بعد الما عمن
ليل اليمر اشعل شمع .... واغتث لو طفن
يالفرگتك توصل لحد ... جروحي الماشفن
جروحي صارت هوايه
ابفرگت عيني للرايه
....................................................
مشتاگه الك شوگ الورد ....للماي وگضه
من اذكرك وتمر صور ..... ايضيگ الفضه
اجفوني شيبت من رحت ....وبروحي لضه
هنياله كلمن وچدك .... وبرسومك حضه
عشت بسدك الرحمه
وهسه ابفرگتك اعمه
.....................................................
مادري جنت بهل الوكت .... توصل نفترگ
مرسالك الاول وصل .... شميته بعشگ
بي شغله اذتني وشغت .... بي ريحة حرگ
وبطرافه دم بس ماگلت .... هذا الدم صدگ
دمك هذا لو غيره
عقلي صابته الحيره
....................................................
تحرك علي گلبي وعلم .....هذا الدم عرف
بي ريحة الراح وبقت .... عيني اعلي ترف
اسم الله بس لا منذبح ... بيدين الصلف
والدم عبر فوگ الورق ... من گد النزف
اسم الله ولا ذبح يمه
عگبك دنيتي ظلمه
....................................................
الناعي اذن بالخلگ ..... والوادم بجت
صحت اشجره بصوت ام ولد ... مشدوها وحجت
گلالي خيل اعله الصدر .... بكل حيل اسحگت
واظلوعه كلها مكسره .... وركضت وانجوت
ياهي علجمر ركضت
جبيرة هاشم اتيسرت
.......................................................
زينب عمت عيني انجوت ..... وشسوه الكفل
گلالي راسه اعله الرمح .... عن جسمه انفصل
يفتر اذا طگوله اخت .... ويباوع يظل
اتمنه ميت ولسمعت .. كل هذا الحصل
اتمنيت انه مچويه
واصعد هزله مسبيه
.................................................
الآقل شرفاً
كرار اللامي
#حزمينه مولاتي
قصيدة لاستشهاد مولاتنا أم البنين "عليها السلام"
نعشي غريب ابعازة اعزاز
مــن كـربـلاء ايـريـد جنّاز
وين الولد خلهم يفزعون
وتراب گبري اعلَي يهيلون
مــن كـربـلاء ايـريـد جنّاز
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صعبة اليموت ابوسط الأغراب
يكضي العمر ينعى اعله الاحباب
نظــراته ماتنزل امن الباب
ثكلى ومتت محتاجة الاطياب
محتاجه عن أمهم يسألون
وتراب گبري اعلَي يهيلون
مــن كـربـلاء ايـريـد جنّاز
✍🏻زينب الواسطي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كون اليموت اتشيله الاولاد.
اتسوي عراضه وترفع احداد
تشيـل النعش وبحرگة افاد
ياريتهم يلفـــــــوني الابعاد
فوگ اللحد قران يقرون
واتراب گبري اعلي يهيلون
من كربلاء يــــــــريد جناز
✍🏻ام علي البابلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ردت الولد للونه يسمـــــع
بحظنه يكون الروح تطلـع
فوگ النعش يهمل المدمع.
حال الغريبه اليوم يفــــجع
ضل النعش لا مايحضرون
وتراب گبـري علي يهيلـون
من كربلاء ايريد جناز
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ضـــل النعــش وبگــــلبي لــــــوعة
وعيني على الكسروو ضـلوعـــــة
ماسمع لاهلن دمــوعـــة
ويـعلــگ علـــى گبــــري شمـــوعة
يجيب الجفن عباس وام عون
وتراب گبري علي يهيلون
من كربلاء ايريد جناز
✍🏻ام وليـد الموسوي
٠٠٠٠٠٠٠٠٠٠٠٠٠٠٠٠٠٠٠٠
ايسي يروحي وهاي هيه
بدار الغرب جتني المنيه
لاولد عــــــــندي ولابنيه
ولامن يـــون ونته شجيه
بالمگبره بلكت يمرون
وتراب گبري علي يهيلون
من كربلاء ايريد جناز
✍🏻ام علي البابلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياروحي بسج لا تعتبين
مايحضر العباس وحسين
شيفد عتبج ويه ميتين
مو يمج وكلش بعيدين
ماحسبت گبلي يموتون
وتراب گبري اعلَي يهيلون
من كربلاء ايريد جناز
✍🏻زينب الواسطي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻زينب الواسطي
لانجيز حذف الأسماء
نسألكم الدعاء
نعي لأم البنين ع
ولامه
الدمع يتبده للحره والمه
اعاتب جفني اذا يسكت والومه
شعجب عباس ماجاها ولمه
ينفض گبره وايشيع الوفيه
.....................
عباس انهض گوم لامك
واليوم يالوالي تحشمك
وحشَّمت هذا اليوم چفك
............
ماجيت ليها ولاشفتها
وبيدك يكافل شيعتها
اعله امتونك الحلوه شلتها
................
صاحت ييمه وماي عيني
ردتك لعد نعشي تجيني
وبيدك ييمه تغطيني
...............
غطيني لوغمضّت عيني
وكت المنيه وتداريني
تدرووني زايد ونيني
.............
من شيلتك لليوم ونيت
وضليت مترجيه وتانيت
اعله دروبكم يامه تعنيت
..........
اعله دروبكم ودرت العيون
حسبالي يحبابي تردون
ماحسبت هالكثر تبطون
..............
تبطون وانه بعوز والي
سلني الهظم والضيم حالي
ولحسين روحي اتون يغالي
...............
ونيت والونه اكتلتني
ونت حسين الدولبتني
وصعدت على عيوني وعمتني
...............
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات تمت بتاريخ ٢٠٢٣/١٢/٢٣
قصيدة اساسية
وفاة ام البنين (عليها السلام)
تأخر موتي ليش اخلاف الحسين
ماتحله الحياة ابدونه بالعين
لجله ضحيت اربعه
ما أريدن مصرعه
ماتحله الحياة ابدونه بالعين
..............................
عشت بعد الطف ايام اصبحت مره
دليلي ابحزنه عاش ودمعتي حمره
يروح حسين من عمري على عمره
وآنه اوياه عشت أجمل واعز عشره
مثل امه وأشوفه ابني من الاكَيه
يطير من الفرح كَلبي من احاجيه
حسين وطاهر مرضعه
ما أريدن مصرعه
ماتحله الحياة ابدونه بالعين
..............................
عشت باحساس أم وأعرف احواله
من يضحك اشوف الضحكه تحلاله
واذا يبجي وتصير ادموعه هماله
اكيد ابذكرياته الزهره تدناله
يتذكر مصاب الضلع والباب
وضل جرحه على المحسن فلا طاب
دمعي ايصب وي مدمعه
ما أريدن مصرعه
ماتحله الحياة ابدونه بالعين
..............................
كُبر والطف خذاه وضلوعه مهشومه
وانه اتمنيت يومي ايصح كَبل يومه
ولا أبقه المصابه وروحي مهضومه
اعله صوت حسين هاي اسماعي مفطومه
من حسين خالي اترد الظعون
وبسياط الاعادي زركَه المتون
والقلم والقارعه
ما أريدن مصرعه
ماتحله الحياة ابدونه بالعين
..............................
ثلث اسنين مَرن أنعه لمصابه
وعيني الشوفته ابدمعتهه سجابه
ادعي الخالق ابموتي وادك بابه
حته احظه بلقاء حسين واصحابه
لفاني الموت متأخر على الروح
موتي اويه الحسين من اول اجروح
وي السيف الكَطعه
ما أريدن مصرعه
ماتحله الحياة ابدونه بالعين
..............................
قبل زينب ردت موتي اعله بو الأكبر
وعلى كَبري تجي بت حيدره تحظر
آنه ام البنين وأحظر المعبر
شفيعه وي علي الكرار بالمحشر
والينخاني لا مارده خايب
انخوني ابظهور المهدي غايب
الثار الكَلبي صدعه
ما أريدن مصرعه
ماتحله الحياة ابدونه بالعين
الشاعر
ياسر العارضي
موشح لمولاتي ام البنين عليهاالسلام
خل يجي العباس يحضر ليها
بيده ينصب فاتحه ويبنيها
بيده ينصب فاتحه لام الوفه
وهاي منها الكون ماخذ معرفه
كلب فاطم على الميت ماشفه
وياحزن لحسين ظل ماذيها
خل يجيهاابساع يلحك بالعجل
عيونها تربي عليه وبالامل
شلون حاله الليله من يمهاوصل
تحن الها كل يوم هم يدريها
ينصب الها فاتحه ومجلس عزه
يجيب وياه خوته بهمه وزه
وضعن امهم بالمدينه الي جزه
يصيح يمه بصوت ويناديها
يجيب خوانه ويجي من كربله
يكعد بنص العزاء والعايله
ينوح لمه ام البنين معدله
هيج هيه تريد ويوافيها
يحضر الليله عزاها الطاهره
ماتت الحره الوفيه محسره
كون كاعد يبجي وبنص جادره
خلي هوه اليوم ويواسيها
خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاحد2023/12/24
١٠جمادي الاخره سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
واويلي على أم عباس
..................
بلهفه أتعاين على الباب ..
قلبهه من المصايب ذاب ..
شافت جم جرح ومصاب ..
من يوم الكمر من غاب ..
هد حيل الجبل بالفاس ..
....................
قلبهه من الحزن مفجوع ..
عمر خلص قهر ودموع ..
شافت جم زند مكطوع ..
وراس على الرمح مرفوع ..
وتهل الدمع بأحساس ..
.................
ألف وسفه وألف ياحيف ..
مرّن جم شته وجم صيف ..
ماشافت علم لا سيف ..
ولاشافت وِلدهه بطيف ..
أهل الغيره والنوماس ..
.................
فدوه كل شهيد الطاح ..
ترسو كربله قداح ..
تعب أرباهه لا ماراح ..
روس أولادهه على أرماح ..
ظلت للوفه مقياس ..
..............
تسعر بالكلب حسرات ..
عالخد تنزل الدمعات ..
وصلت للسمه الشهكات ..
ودفنوهه بوسط شمات ..
عالم ناصبيه أرجاس ..
...............
محتاجه الوِلد هاليوم ..
غركانه بحزن وهموم ..
كل ساعه الكلب ملجوم ..
ظلمه بلا كمر ونجوم ..
ظلت بآخر الأنفاس ..
................
ألهه مابقت وليان ..
ظلت عالثره الشجعان ..
تتنطر كمر عدنان ..
لأمه ماحضر دفان ..
من شالت نعشهه الناس ..
...............
ظلت تنتظر للموت ..
وِلدهه تشيع التابوت ..
رادت بس ولد زاتوت ..
جن تسمع بذنهه الصوت ..
النشامه عالنعش حراس ..
................
ماتت والدمع نهرين ..
يجري عالكمر وحسين ..
تتلفت يسار يمين ..
ياهو يغمضلهه العين ..
موقفهه يشيب الراس ..
..................
حيدر مطر العبادي
عين تقره الواقعه .. وعين تنعى الفاجعه
هاذه حال أم البنين بفكد الأولاد ..
عنهه من كرب أجلهه صارو أبعاد ..
والله حيره .. والله حيره
.........................
تضحيات أم الغيارى ماكو منهه ..
ماشطت فرعون ماحزنت حزنهه ..
الكواكب والكمر رضعت لبنهه ..
شكد عظيمه الوالده العباس أبنهه ..
ياعظم هاي المره .. عالنوايب صابره
فاكده مو كبد واحد أربع أكباد ..
عنهه من كرب أجلهه صارو أبعاد ..
والله حيره .. والله حيره
...........................
تذكر الوليان وكت المغربيه ..
شما تدير العين تلكه الغاضريه ..
تريد واحد يحضر بيوم المنيه ..
أربعه ولحسين أنطتهم هديه ..
تكول لو باجر أروح .. عالكبر ياهو الينوح
ياهو يقرالي دعاء ويقره الأوراد ..
عنهه من كرب أجلهه صارو أبعاد ..
والله حيره .. والله حيره
.............................
والله ياناس الوِلد عازتهه عازه ..
ياعظم عباس وبأمه أعتزازه..
ويه جبرائيل ساعتهه أيتوازه ..
يطلع من الكبر ويشيل الجنازه ..
يعتني أمه بلا جفوف .. مبّخر بعطر الطفوف
عالكبر يجري دمعته وحزنه يزداد ..
عنهه من كرب أجلهه صارو أبعاد ..
والله حيره .. والله حيره
................................
رغم فكد الأربعه شكد شيباهه ..
بس بقت للموت مفتخره برباهه ..
الجنازه لو مشت محد وراهه ..
هاي معناهه الكبر غيّب ضناهه ..
تنطي كل غالي وتكول .. مقصره حيل ويه البتول
أحنه لأجل الدين مانبخل بالأعداد ..
عنهه من كرب أجلهه صارو أبعاد ..
والله حيره .. والله حيره
.............................
نمرد جبد الوالده بفكد الميامين ..
والله بفراك الغوالي اللحظه سنتين ..
حايره من تموت ياهو يغمض العين ..
وتلهج بأسم أبو فاضل وأسم الحسين ..
كبل ماتدفنهه كاع .. ويه الوِلد رادت وداع
روس ظلت كل ولدهه بلايه أجساد ..
عنهه من كرب أجلهه صارو أبعاد ..
والله حيره .. والله حيره
..............................
بقت تسعر بالكلب جمرات العتاب ..
من يشيعون النعش بغياب الأحباب ..
نفترض عباس حاضر هذا المصاب ..
شلون أبو جفوف الكطيعه يهيل التراب ..
أبو فاضل ترتجي .. ها يجي ها مايجي
ويه الأماجد عدهه بالفردوس ميعاد ..
عنهه من كرب أجلهه صارو أبعاد ..
والله حيره .. والله حيره
.............................
حيدر مطر العبادي
هنيالج ـ هنيالج ـ يام البنين
ـ
يفخر العشاير ـ طلكتي بكواسر ـ تره اربع عساكر
موش اربع اولاد
اقلهم يعادل ـ يفاطم كبايل ـ يبت الاصايل
يا نسل الامجاد
ها يا ضنوة حزام يا لبوة ولينه
ابنج بين الرجال ما يحصل قرينه
ويدافع باليّسار لو كطعوا يمنه
من حد كربله الزود واصل للمدينه
لاولادج ـ لاولادج ـ مامش قرين
هنيالج ـ هنيالج ـ يام البنين
ـ
وحك المجالس ـ بنينج اشواس ـ تراهم محابس
بجفوف الحسين
يطيحون امامه ـ تراهم نشامه ـ مثل يوم القيامه
بارض الميادين
عبدالله اويه عثمان هيبه ورفعة الراس
الهم بـالـمـيـاديـن حاشه طارف انداس
جعفر هد على الجيش سيفه ينكط احساس
واسمه اليرعب الكوم مامش غيره عباس
فدوه احنه ـ فدوه احنه ـ لنحر الحسين
هنيالج ـ هنيالج ـ يام البنين
ـ
بنينج غياره ـ شجاعه ومهاره ـ خذوها بجداره
لصوله بالطفوف
وكمر هل لعشيره ـ يخوف زئيره ـ ولا صح نضيره
ويضحي بجفوف
تـربـات ام الـبـنـيـن اسمه يخوف الجيوش
كـدامـه هـل اعـداد ما ضل مـنـهن طـروش
يفدي بروحه الحسين طوله كباله مفروش
فوك ركـاب الـرجـال اسمه بسيفه منقوش
خيعونه ـ خيعونه ـ ليث العرين
هنيالج ـ هنيالج ـ يام البنين
ـ
بواسل تره وعز ـ و هل من مبارز ـ العدو كله عاجز
ولدج صناديد
لبن صافي رضعوا ـ ولج هامه رفعوا ـ على القاده هجموا
حيد بضهر حيد
جواهم تره الكاع وكت الهده ترجف
لبيكَ يمولاي يابو الـيـمـه تـهـتـف
حاشاها بالوعود يالبدويه تخلف
وبشورارب هل جيوش ولدج والله تنتف
بالقاده ـ بالقاده ـ ولدج تهين
هنيالج ـ هنيالج ـ يام البنين
ـ
ضريحج نعمره ـ والج نبني حضره ـ ولابو اليمه نقره
اعليه نبجي وياج
يأمنه الجليله ـ وحك العقيله ـ تره انتي الوسيله
كل شده ننخاج
ويانه تقصرين يا مولاتي هيهات
ما فشلتي فد يوم واحد عنده حاجات
ربج يام البنّين خصج بالكرامات
شمعه ابيت الحسين جنتي بكل الاوقات
مثل امه ـ مثل امه ـ كلج حنين
هنيالج ـ هنيالج ـ يام البنين
محمود محمد العطواني
فزاعيه لام البنين ع وللعباس ع بدايتها نعي
وكذلك عاشوريه
لم عباس اون وتجري العيون
وين اولادها الجانو يسطرون
عن عباس وإخوانه ينشدون
كظاي الكلافه ابنج يكولون
نزلت الفزاعيه
وابنج كاضي الكلفه يسمونه
حيد وحير الميدان بفنونه
.........
شجاع وصاحب امروه...وابنج كاضي الكلفه
يطرب لولفت نخوه
بيه اتسولف الخوه
وبالشدات والعازه يندبونه
.............
اريد احجي عله وكفاته
هذا ازماط اخياته
ترج الكون هداته
يهز جبال صعبه اومايهزونه
..........
هذا ازماط عياله
وبيه حارت الخياله
واخته اتباهت بجاله
صدك عباس بالكلفه يندهونه
..........
حسين اتشيم بزوده
حيد اوكف بحدوده
شهدت شمرت زنوده
الراس بطاري الكافل يشيلونه
.........
وعن عباس انشديها
أفعاله تشيمت بيها
وتحجي بزود خليها
ماهاب الزلم همه اليهابونه
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الفاطميه الجزء التاسع عشر
لطميه لوفاة أم البنين عليها السلام
عشت باحزاني وحيده
وعن اهل كلبي بعيده
وكل الاحباب /عني غياب
وعن اهل كلبي بعيده
..............
بهموم الزمان احتارت أفكاري
ياوحشة العشتها وبالكلب ناري
بعيدين الاحبهم والدمع جاري
يوميه اكابل عتبت ادياري
اهمل العين واذكر حسين
والعتاب وياه ازيده
عن اهل كلبي بعيده
...........
اكابل عتبت الديران يوميه
احاجيها ويرد بس الصدى عليه
وانه ادري الاحبهم مالهم جيه
كضه حيلي الفراك و بعد مابيه
راحت الروح وتدي الجروح
وكلبي ملكاهم يريده
عن اهل كلبي بعيده
..............
احن كل ساع للملكه واناشدهم
بحك سهر اليالي كمت اطالبهم
تشوغ الروح لوحنت الشوفتهم
شكثر يشتاك كلبي الذيج لمتهم
ليمت ايعود وروحي اتهود
وكتي مايرجع واعيده
عن اهل كلبي بعيده
............
مايرجع زماني وخابت اضنوني
وحيده بموتتي جاليش خلوني
ردتهم بآخر انفاسي يحضروني
ولاواحد اجاني وغمض عيوني
ماكو جناز من الاعزاز
والحنين انحز وريده
وعن اهل كلبي بعيده
.............
مشو اهلك يكلبي موت بالونه
بحسراتك تموت وكاطع الظنه
ونعشي ما مشه بيه الاحبنه
غمضت الجفن والدمع اهلنه
بآخر انفاس يمه عباس
مايجي المكطعوعه ايده
عن اهل كلبي بعيده
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء الأول مأسي ام البنين
قصيدة نعي #شهادة_ام_البنين ع
و ممكن قراءتها كلطمية #فتحة_عزا
بخدمة القراء الاعزاء
كلمات #حسين_شعيب
كأني بزينب ع تقول :
أُمّ الأربعه الضلّت بِلِمْدينه
مِن ردّينا شافت كل مَآسينه
سبي اعله الهِزّل و ايتام مألومه
قرَت بِعيوني لِمْصاب اللي مرّ بينه
مِن شافت مُتوني امْوَرِّمه و زرگه
عِرْفت بالسبي و عن خويه مِفتركه
و بعد شافت عباتي ابْجمره مِحتركه
دِرَت حِركوا خِيَمنا و نِظرَوا اعْلينا
إبِن حذلم نَعِوته مْأَخّره جانت
لأن ذَبحت بنيها بالسِمه بانت
الگُمر مخسوف وامّه امْن البعد عانت
وْ خسوف الگُمر معروفه مَضامينه
لَبيبه امن الاشاره فِهمت امصابي
الجِبِت ردّ و چِتَف ايدي و حِرگ بابي
كِسَر اضلاعَ اخويه و ذَبَّح احْبابي
أويلي وْ أبو فاضل قَطَّع ايدينه
ماتت من لطمها اعله الوجِه والراس
على احْسين و مُصابه شِهْگت الانفاس
نادت رَبْها أَتْصَبّر على العباس
لاجِن خَلني اموتِ ابْنوحي لِحْسينه
كون اترتله لمن تكوله اسم ام البنين ام البطوله
لازم عنها ينكال
هاي الربت ابطال
كون اترتله لمن تكوله
****
الجابتهم اسود الكربله الكلهم بساله
رضعتهم شهامه والفخر بيت الرساله
تستاهل اجلالن لو كلت عنها الجلاله
كلنا الصوت واحد خلي لصوات اتعاله
الله الخصها بهواي
الجابت كمر وفاي
صارت مضرب امثال
هاي الربت ابطال
كون اترتله لمن تكوله
*
اليوم كنا انردده والصوت واحد للشفيعه
و من تمسك بيها باجر بالحشر سدأ منيعه
الكالت الكل من والدها فدوه عيون الوديعه
جانت بيت الامامه الخادمه الهم مطيعه
ميمر جسمك بنار
لومهما جره وصار
اليوم وكل الجيال
هاي الربت ابطال
كون اترتله لمن تكوله
*
جانت الحيدر امامك تخدمه اليوم المنيه
التعبت وضحت والدها النصرته بالغاضريه
كوم سلم لم كمرنه بكل صباح وكل مسيه
من مكانك لو كمت هسه وترد الها التحيه
باجر توكف وياك
تكض يمناها يمناك
حقيقه موش بخيال
هاي الربت ابطال
كون اترتله لمن تكوله
****
من مكانك لوكمت نار باجر بجبهتك ماتمر مره
اي خصوصأ كل خدمتك من صدك لوبيها فطره
و باجر وياها تحضرك ام حسن فاطمه الزهره
حيل تسهل والله نيتك فاتحه من اعليها تقره
تسهل بأمر الله
امره وامر مولاه
همك كله ينزال
هاي الربت ابطال
كون اترتله لمن تكوله
*
صفي فكرك كله لازم يربح الوحده بقضيته
انه اكلك جربيناها ربحنه يربح الصفاها نيته
الرسول شوصه عنهم خص اهل بيته بوصيته
كملاها ومات شاعرها القصيده اسمع بمنيته
اتمسك بم الاقمار
لمن تعمي الانضار
وصيته خلها بالبال
هاي الربت ابطال
كون اترتله لمن تكوله
*
حسن صالح العيساوي
كون اترتله لمن تكوله اسم ام البنين ام البطوله
لازم عنها ينكال
هاي الربت ابطال
كون اترتله لمن تكوله
****
الجابتهم اسود الكربله الكلهم بساله
رضعتهم شهامه والفخر بيت الرساله
تستاهل اجلالن لو كلت عنها الجلاله
كلنا الصوت واحد خلي لصوات اتعاله
الله الخصها بهواي
الجابت كمر وفاي
صارت مضرب امثال
هاي الربت ابطال
كون اترتله لمن تكوله
*
اليوم كنا انردده والصوت واحد للشفيعه
و من تمسك بيها باجر بالحشر سدأ منيعه
الكالت الكل من والدها فدوه عيون الوديعه
جانت بيت الامامه الخادمه الهم مطيعه
ميمر جسمك بنار
لومهما جره وصار
اليوم وكل الجيال
هاي الربت ابطال
كون اترتله لمن تكوله
*
جانت الحيدر امامك تخدمه اليوم المنيه
التعبت وضحت والدها النصرته بالغاضريه
كوم سلم لم كمرنه بكل صباح وكل مسيه
من مكانك لو كمت هسه وترد الها التحيه
باجر توكف وياك
تكض يمناها يمناك
حقيقه موش بخيال
هاي الربت ابطال
كون اترتله لمن تكوله
****
من مكانك لوكمت نار باجر بجبهتك ماتمر مره
اي خصوصأ كل خدمتك من صدك لوبيها فطره
و باجر وياها تحضرك ام حسن فاطمه الزهره
حيل تسهل والله نيتك فاتحه من اعليها تقره
تسهل بأمر الله
امره وامر مولاه
همك كله ينزال
هاي الربت ابطال
كون اترتله لمن تكوله
*
صفي فكرك كله لازم يربح الوحده بقضيته
انه اكلك جربيناها ربحنه يربح الصفاها نيته
الرسول شوصه عنهم خص اهل بيته بوصيته
كملاها ومات شاعرها القصيده اسمع بمنيته
اتمسك بم الاقمار
لمن تعمي الانضار
وصيته خلها بالبال
هاي الربت ابطال
كون اترتله لمن تكوله
*
حسن صالح العيساوي
📍تم تعديل القصيدة
#وفاة_أم_البنين ع
#طور_الخضيب
#السيدة زينب ع تخبر أم البنين عن شهادة الحسين عليه السلام :
▪︎....أم البنين تسأل ، تستعلم من زينب ما الذي جرى على الحسين ع في طف كربلاء أخبريني بنيّة ماذا حصل
شو تجاوبها زينب والونّة بأثر ونّه ...؟؟؟
قلبِك ما يتحمّل وصف / من طاح عن اجواده
وجِسمه على الغبره وقع / ورمل الثره اوساده
صبري يا حُره لو قِلِت /ثلثين مِن إفأده
سهم المواضي طَلّعه / وباقي الثلث لاهب
#بعد شحكي يا ام البنين 💔
مُوتي ابعيوني عاينت / بس الشّمر جاله
قاعد على صدره عرَفت / ومغيّر ابحاله
ورأسه لخويه يِقطّعه / وبرمحه هم شاله
واعياله مرعوبه وتونّ / وونّ البنت واجب
#وانت بنيّة زينب ما الذى جرى عليك ،بعد العز والخِباء و الدلال ..؟؟
راح أحكي ليك مصيبتي/ واحكي الجرى عليّه
تِدريني من بيت الوحي/ يمشوني مسبيّه
مو كافي بسياطه الشّمر /يضرب يِسب بيّه
وعين الشماته موجّره /ودليلي هم شاجب
🖊خادمة أبي الفضل
ماتت بخت ديوان هاشم
وفوگاها ما فيت صوارم
محد حضرها بيوم ماتت
غربه بحياة وموت عاشت
الصلت عليها بس فواطم
........................................
الحرمه من يگرب اجلها اعيونها اتصد للضنه
ادير طارف صوب اهلها اتبين الموت الدنه
تعاين اوجوه التحبهم الگلب لكبرهم عنه
لون غمضت عين هيه يصيح يانوم الهنه
الشيلت نعشها انراد تسنيع
مامش ولدها بيوم توديع
غمضت وسفه ام البنين
و بالها عباس و حسين
واختلفت وياها المواظيع
..........................................
من تطب غرفتها جانت تعاين ارسوم وصور
تلگه عالحايط بيارغ بيها چف حنه واثر
اهناك ليغادي المحنه وگلب بالفرگه انكسر
وتلگه ام بلا ولدها وتمشي مكسورة ظهر
مهظومه ماعدها الفه يعين
ومناطره ادروب المحبين
مكسوره خاطر باخر ايام
تشبه رقيه ودفنت الشام
ومگابله اتصد للروازين
............................................
تخلص اشموع التوجها وتبقه سهرانه عشگ
اشتاگت المت حبايب يمها والصوت اختنگ
الذكريات تمر ذهنها وگلب بالسرعه يدگ
تشتعل بالشوگ چنها تصير خيمه وتحترگ
شيطفي نار الفاگدت احباب
ومناطره بلكت تدگ باب
بحسرة خبر والناس اشاعات
تحجي بسوالف كلها اهات
حته الهوه من مرها جذاب
................................................
اتجت بعكازه كوه من عگب متن الولد
الكاسر ابفيه عليها جان واغطه من البرد
سومر الضي بسماها وشح عليها چم ورد
حوشها الفارغ يسولف بيها وتروح وترد
من جفت اعيون المراسيل
دم نزفت اعيون المچاتيل
الشوگ بين بيها واثار
صارت عله البيبان والدار
وانقرت بحلوگ التراتيل
.................................................
احتاجت التشكيله همها يشيل من عدها الحمل
ولاكو واحد سد مجانه والفضل بعده طفل
جانت اتسولفله قصه وعينها اتغورگ تضل
ومن تناغيه وينام بفدوه يايمه الفضل
جانت دللول الولد نام
اسم الله من طواري الاسهام
عبد الله مالحگ يفطموه
ولاشبع من جلمة دللوه
راح امشي عنك هاي الايام
.............................................
وصلت انفاس الاخيره وذكرت العين وسهم
اوصت اليسمع حجيها بزينب اشكلكم ذمم
وچفنوني بالعبايه البيها حرگ من الخيم
وانتها المشوار بيها بشوغه ترجمها الالم
خشبه بوكت تحجي المناشير
النامت بسدها العصافير
ماتت واخذت احله ذكره
وبگلب زينب بقت حسره
وخلصت وياها المشاوير
............................................
الاقل شرفاً
كرار اللامي
#حزمينه مولاتي
قصيدة( وفاة السيدة ام البنين عليها السلام ) 1445. هج.
( ماتت اُم العباس )
ماتت اُم العباس
شَيِعُوها يا هالناس
بالغربه ودمع العين _ هواي اشتاكت لحسين
شَيِعُوها يا هالناس
-------------------------
اُم الكواكب أربعه من عاشور
ينزف جَرِحها للحُسين المنحور
من يوم ماسافر تعد صار إشهور
هاليله مشتاكه تره تريد إتزور
من المُخيم كون
تِشَتَم ريحة اُم عون
يبدي النَعش من وين _ هواي اشتاكت لحسين
شَيِعُوها يا هالناس
---------------------------
ونمر عله تل الغريبه بالآم
عدها خبر بزينب دارت إيام
ماضلت الها بكربله كل اخيام
ولا راحت اوياها سبيه للشام
يانَعش الحبيبه
من طف الغريبه
عاشت هيه جرحين _ هواي اشتاكت لحسين
شَيِعُوها يا هالناس
----------------------------
من حضرة الكافل لطمنه عالراس
هذا الفَكد يجرح بدمع الاحساس
الله يعظم هل الأجر للعباس
حانَ الوَداع وهاي اخر انفاس
من كربله التوديع
جرح الدمع تَشييع
من حَضرة الجفين _ هواي اشتاكت لحسين
شَيِعُوها يا هالناس
---------------------------
نعش الصبر هاليله ناوي السفره
جم ساعة هيه وتلتقي بالزهره
وحده تِون اعله الحُسين ونحره
وحده تِون اعله الضلع والسطره
هذا العزه بإحزان
ينختم عالعطشان
جمره وتسعر نارين _ هواي اشتاكت لحسين
شَيِعُوها يا هالناس
---------------------------
بهاي المصيبه ردنه منج نَظره
هم نلطم وهم نكتب وهم نقره
باب الحوائج يالوفيه الحره
كلمن نخاج بحاجِته وبإمره
يم البَنين الروح
بداعة دَمْ المَذبوح
خِدام و ممنونين _ هواي اشتاكت لحسين
شَيِعُوها يا هالناس
----------------------------
الخادم _ ابو فدك الشامي ✍
#قصائد_النعي_الشعبي
#رقم_44
في رثاء #السيدة_أم_البنين عليها السلام
الخطيب السيد سجاد الحسيني
يا عباس حان الموت
ومنك ايست امك
لا انته احضرت موتي
ولا آنه احضرت يمك
ما تدري رجاها الام
ساعة موتهه تشمك
وتضمك بايديها
ومرتاحة تغمض العين
يربعون النعش ولدي
لون يمي ويشيعوني
وافرح وانه بالتابوت
ولدي اربعة يشيلوني
واسمع صوت يا يمه
لو رادوا يدفنوني
وصوت يگول ماجوره
واظن هالصوت صوت حسين
مراثي الأطهار عليهم السلام
ام البنين مخاطبة الحسين ع
امامي ياحسين امامي ياحسين
...............
روحي ملهوفه واتريد تشم اترابك
يا امامي وتطوف الدموع ابابك
ليتني ياولينه انه من اصحابك
امشي وياك ولاريد احمله اغيابك
وي اربع البنين امامي ياحسين
...............
امك اني بعد ما تغيب الزهره
بعدك اكَليبي يمه يضل ابحسره
اعمه بعدك ينورك بقيت انتظره
خذني وياك تضل خاف وحيده الحره
والزينب الحنين امامي ياحسين
...............
مالي بعدك فرح لا ولا كل بسمه
ومن بعد نور جبينك حياتي ضلمه
لو رحت من يكَلي ابرحيلك يُمه
هيه جلمه واحسهه حياتي الجلمه
والجلمتك أنين امامي ياحسين
...............
هاي الديار بعد ما اشوفك بيهه
مستحيله احسهه رجعتك ليهه
جن سجل بعدك الروح يمن تطويهه
باول اثار لهجرك تره تفنيهه
ياسيدي الامين امامي ياحسين
...............
خذني وياك احس راح عِده ايذبحونك
ومن بعد ذبحك الكَوم تجي ايسلبونك
كون اغطيك واحط ضِل يحامي امتونك
وانه احاميك اذا خيل تجي ايرضونك
وامسحلك الجبين امامي ياحسين
الشاعر ياسر العارضي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
نزال
أم البنين الوصفوها
قصة حلمها أبيت ابوها
أم البنين ابدار/ والدها تحجي اخبار
شافت حلم واشصار / يا وادم الها
نزلت عليها انوار/ طاح ابحظنها اقمار
جان ابحلمها اسرار / والدها كلها
يبنيتي بشري ابحلمج الزين
رايح يخطبج سيّد الدين
من عنده الله ايرزقج أقمار
واسمج يصبّح أم البنين
رؤية منام الفسّروها
قصة حلمها أبيت ابوها
"""""""""""""""""""""""""""""""""""""""""""""""""
حيدر شرف طلّاب / دوّر مره وما خاب
جان العلي نسّاب / كله ابإسمها
بيت الفخر ماليه / أم البنين البيه
تدعي الله واتناجيه / ايحقق حلمها
لن ثاني يوم اندكت الباب
حيدر علي جايلها خطّاب
كلتله صار التآمر ايصير
خدامه أصير البيت ابو اتراب
تخدم علي وزينب واخوها
قصة حلمها أبيت ابوها
"""""""""""""""""""""""""""""""""""""""""""""""""
عالنسوه حكها اتشيخ/شيخه وخذاها الشيخ
متعليه عالمريخ / مثل الثريه
شالت بطنها احيود/ وين اليفدّي ازنود
بالتضحيه والجود / صارت هويه
لَبوَه وبطنها اتجيب ضرغام
بالملكه دوم ايصير جدّام
صوب المخيّم ما رضا ايفوت
بعيونه يشكف ظل السهام
بالطف حقيقه جسّدوها
قصة حلمها أبيت ابوها
"""""""""""""""""""""""""""""""""""""""""""""""""
اتشافي الجرح ليهيج / جابت زلم للضيج
وين الينشف الريج / حلفوا ب اختهم
يازينب الترديه / من عدهم اختاريه
كافل يضحي إيديه / وكالت كمرهم
الضعن العقيله جابت أبطال
عالهامه صاروا جنهم اعكال
كلهم نشامه وخصّ عبّاس
رادته زينب هوَ كفّال
يبره الضعنها لو سبوها
قصة حلمها أبيت ابوها
"""""""""""""""""""""""""""""""""""""""""""""""""
بدويه واتصيرين/ علويه واتشورين
أم الكمر وحسين / هم صار ابنها
بكماطه واتوصيه / بحسينك اتناغيه
لوحيده لتخليه / اتحلفه ابلبنها
رحمه اعله بطنج يام البنين
شالت أسود اثنين واثنين
كلهم ضمايه ابحسرة الماي
وصاروا ندى اعله اشفاف الحسين
بالطف ولدها شيّموها
قصة حلمها أبيت ابوها
"""""""""""""""""""""""""""""""""""""""""""""""""
أمك يساكي الماي/ مافشّلت نخّاي
واتوزّع إنّ افياي / والخيمه اختها
انطت ضنه لحسين/وانطها ابو الحسنين
شاره الترد ميتين / يكتل بختها
منها المحنه اتفيض نهران
مركب نجاة الجان غركان
ثوب الوجاها اعليها تفصال
من الله موش اشلون ما جان
تخلص محنها اللي نخوها
قصة حلمها أبيت ابوها
"""""""""""""""""""""""""""""""""""""""""""""""""
عزيز المياحي
أبو مهدي المالكي
كعديه ليلة وفاة أم البنين ع
وين أهل المحّنه .. شالو كل أهلنه
لا عباس بيده يغمض العيون
لا عبد الله لاجعفر و لاعون
شالو كل أهلنه
...........................
ياخلك ثكلت أنفاسي والأجل كرّب عليه
مابقه من أولادي واحد كضو برض الغاضريه
راح أموت بوجه أبيض راضيه عني الزجيه
تمنيت أموت بكربله .. ويّ الحسين وكل هله
أربع شباب أنطيت أله .. فدوه للغالي هديه
سهري والتعب راح .. كشخت بيهم رماح
الجانو من أحشّمهم يفزعون
لا عبد الله لا جعفر ولا عون
شالو كل أهلنه
.................................
أعيوني مفتوحه وتناطر تحضر الأولاد ظنها
موتت الأم شحلاها لو حضر يمها أبنها
تكول أهلا بالمنيه وأبد ماينسمع ونها
من كرّب عليّه الأجل .. لآخر نفس عندي أمل
عباس أبن خير العمل .. اليطبك أعيوني جفنها
ظل بطلعت الروح .. جفن العين مفتوح
أموت وعيني تربي أعله اليشيعون
لا عبد الله لا جعفر ولا عون
شالو كل أهلنه
................................
بالدفن محد حضرني وأم اللبنين انه أسمي
شكد جنت أتمنه حاضر أبن من لحمي ودمي
لو يوسدني ابو فاضل باللحد ينزاح همي
العباس لو حاضر دفن .. يهيل التراب يظل يوّن
ماعنده جفين الأبن .. يكلها يمه بعيني سهمي
سهم بعيني ماشوف .. ومكطوعات الجفوف
لبّ أحشاج يمه ما يرجعون
لا عبدالله لا جعفر ولا عون
شالو كل أهلنه
...................................
هاي أول ليله أليه والقبر موحش ظلامه
حالة اليفكد أعزازه حال الأطفال اليتامه
الأنتظر يشعلي شمعه راح مارد بسلامه
كل قبر ينرش بدمع .. بلاماي قبري ولاشمع
أبجي وونيني ينسمع .. على حسين وعالنشامه
وحشه المقبره وليل .. ويضغطني الكبر حيل
أصيح بصوت عالي وما يسمعون
لا عبد الله لاجعفر ولا عون
شالو كل أهلنه
.....................................
ردت يم حسين قبري ماردت بأرض المدينه
هو أعز من ولدي كلهم يدري بيه شكد حنينه
بكربله جمعتنه حلوه ونرجع نلم الضعينه
شمحلاهه من نرجع سوه .. وأندفن يم راعي اللوه
كلمن ضريحه يشع ضوه .. وباب قبلتنه السفينه
مراقد تزهي بأنوار .. بيها تطوف زوار
للمهدي الفرج من صحني يدعون
لا عبد الله لا جعفر ولا عون
شالو كل أهلنه
...............................
المصيبه
...........
الفاتحه ياهو القراهه والدمع عالوجنه يجري
شيعه لا تكطعون بيه لو وسط شمات قبري
موحشه ديار الغريبه والفراك يزيد كسري
أعيوني عليكم شابحه
كلمن قرالي الفاتحه
ويسيل دمع النايحه
حاجته يلكاهه بيده .. الطلب حاجه ونخاني
....................................
حيدر مطر العبادي
يا يمه حك رباي ـ لسكينه جربة ماي
اوصيك بوصيه وكون تسمعني
ماريدن جتف منك يــشـيعنـي
ـ
ها يا يمه يا عباس ـ تعبي اعليك ما ريده
من عدك اريدن هاي ـ وانت فارس البيده
اريدن هاي منك يا ضوه العين
مو تجوه لكبرتي تجوه لحسين
اعليك ارضه يا عباس ـ لمن اشيل الراس
اريد اتباها بسمك يل كمر يبني
ماريدن جتف منك يـشـيـعنـي
ـ
جفوفك مـا اريـدنـهـا ـ تهل تراب فوكايه
اريد جفوفك يطيحن ـ كبل ما توكع الرايه
صح هوه الـولـد لــلـكـبـره مريود
اهم من عمري لاجن يولدي الجود
لازم تـوصـل الماي ـ شي ابده من شي هاي
اريدن ترتوي زينب وتذكرني
ماريدن جتف منك يشيعنـي
ـ
عزيزه عليك واعرف هاي ـ بس ماردين بموتي
عـيـنك يـمـه يا عـبـاس ـ تـدمـع فـوك تابوتي
عليّ عينك تهل لا يبن الطياب
اريدنها بمثلث كـون تـنـصاب
عينك انه يالحيد ـ منها دمع ماريد
اريدن منذبح زينب تبشرني
ماريدن جتف منك يشيعني
ـ
ماريدك انه وياي ـ تنزل يمه للحفره
اردينك ثلث تيام ـ طايح كون عالغبره
انه بفاتحتي واكف يبني ما اريد
اريـدك طـايـح ولا راس لا ايـد
سالم الي لتعود ـ يوليدي ضحي زنود
اريدن فعلك لفاطم يقربني
ماريدن جتف منك يشيعني
ـ
بّر الام شرط عباس ـ وتباريني مـاريـدك
اريدك تمسح الاثار ـ يوليدي السبع بيدك
يا صـنـديـد هـا يـا زلِـمَـة الـزيـن
ارضه اعليك لمن يرضه الحسين
وللغيره اسمك تاج ـ تتوصه ما يحتاج
اريدن بـاجـر بلا ايد تشبـكـني
ماريدن جتف منك يشيعـنـي
محمود محمد العطواني
نعي لم البنين ع
كون من البواجي المات ينراد
اسمه ويالنفس عباس ينراد
ييمه الولد وكت الموت ينراد
وتذخره الربته اليوم المنيه
غير الولد بالموت يحضر
وشلون من امه ايتعذر
وحشه النعش عباس سدر
...............
يطروش مرو الغاضريه
ومرو عله نهر العلكميه
وندهو البيه غيره وحميه
............
كلوله خل يحضر اليله
يهز رايته ويركب كحيله
يلحك بعش امه ويشيله
.............
ويصيح لا يجزي ضعنها
انه جاي واتكفل دفنها
امي شلون العذر منها
..............
يحفار لاتحفر لحدها
تاني لمن تحضر ولدها
موهاي اربع ولد عدها
................
يدفانها تريض عله الهون
عدها اربعه وخلهم يحضرون
يشيلونها بهيبه ويطلعون
................
بهداي لاتسرع بممشاك
ولاتتعب من الشيل يمناك
تاني ولدها يروح وياك
...............
يم عباس ايسي ولا تتانين
عله النامت عيونه لاتعتبين
يشيلج بيش يالماعنده جفين
✍أم زينب كربلاء غير مبري الذمه من ياخذ الكلام وينسبه له او يحذف الاسم
فزاعيه لم البنين ع
يشيال العلم شيل امك بهيبه
هوس عالجنازه وبيرغك جيبه
موتتها بفخر لوغربت بيها
تزتها ابيرغك لوشال حاديها
شمحله رايتك لورفت عليها
اليوم اتريدك / شيال الرايه
............
حلوه رايت العباس بجفوفه
يشيع بالجنازه بعينها تشوفه
غيور وغيرتك عباس معروفه
البيك وبامك / معروفه الغيره
...........
وحكك يبوفاضل تهل دمعتها
من ماتت تفلش الصخر ونتها
لو موجود جا عدلت ركبتها
امك من ونت / ريتك وياها
........
يصكار الحرايب ريتك وياها
بساعات المنيه ادير عيناها
مشتاكه عليك الشوك بجاها
الكافل وين الكافل / هاي امه اتريده
.........
كوم وشيلها يالبيك الكفايه
تعنه للحنينه وارفع الرايه
بهوسه ياسبع شيع الوفايه
البيرغ يحله عالمك /وتلوك الهوسه
✍أم زينب كربلاء غير مبري الذمه من ياخذ الكلام وينسبه له او يحذف الاسم
قصيدة ( مقدمة )
استشهاد السيدة ام البنين عليها السلام.. 1445. هج.
البقاء لله _ ماتت ثاني فاطمة
----------------------
امس ودعنه الليالي الفاطميه
اليوم نستقبل نواعي غاضريه
ام الأبنين ودمعها كل مسيه
تصيح آه الخيل آه الاعوجيه
البقاء لله _ ماتت ثاني فاطمة
--------------------------
هاي ثاني فاطمة اُم الإطايب
من تجي لسيرتها تلكاها مصايب
وشيصير بحالها من النوايب
الدنيا إخذت غالي منها بالترايب
البقاء لله _ ماتت ثاني فاطمة
------------------------
يادموع العين حَيَّ عالبُكاء
راحت الجانت تِون بس كربلاء
مِن تِصلي النافلة بَعد الدُعاء
إتسلم اعله إجروح سَيد الشُهداء
البقاء لله _ ماتت ثاني فاطمة
-------------------------
يَبن حَذلم كوم جَدد هالمُصيبه
إنعه اُم الأربعه هاي الحَبيبه
عله فراك إحسينها ماتت غريبه
عالذبيح الي بقه جثه سليبه
البقاء لله _ ماتت ثاني فاطمة
------------------------
عَظم الله الأجر خِدام الحسين
في رحيل الطاهره اُم البَنِين
باللطم هذا شعار العاشقين
ربي لا تُحرمنا من هذا الأنين
البقاء لله _ ماتت ثاني فاطمة
------------------------
الخادم _ ابو فدك الشامي ✍
ام البنين :
كرب موتي و خفت صوتي
وانا انعى على احسيني
----------
عشره ونتهت وي حزني ولامي
وخلص كلشي چفني صار الي حزامي
ورتاحي بعد يا عيني ونامي
وفرحانه اروح بشوفة الضامي
ما نشفت دموعي للبقه دامي
عشت بالويل - دموع اسيل
بني حسين حاجيني
وانا انعى على حسيني
----------
انا ام البنين وحزني عاش وياي
لوعه وبالكلب جمره بكبر بلواي
على الغالي حسين ولاخلص مبچاي
وذكره لو عطش كلبي ويريد الماي
وكرب مني الاجل ووليدي اريده بهاي
يحفر كبري - ويشوف امري
وبيده. يوسد ايديني
وانا انعى على حسيني
----------
انه ام البنين بحزني اتلوه
عشكت النوح والدمعه الي سلوه
مصاب حسين اخذ حيلي وعلل سوه
و ليل انهار ابجيله وعشت كوه
فرحانه ودنه موتي اموت اشوه
افرح العين - تشوف احسين
واواسيها وتواسيني
وانا انعى على حسيني
----------
اني ام البنين وخلصت اسنيني
وراح الحيل كف مني نضر عيني
ردت عباس من أكبر يـباريني
احبه اهواي ظخر دنياي يدريني
ييمه افرح من اسمع يحاجيني
فكد عباس - يشيب الراس
وكلبي ضل يأذيني
وانا انعى على حسيني
كلمات
احمد السالمي :
----------
▪️ماتحضروني▪️
لسان حال ام البنين عليها السلام في ساعة الاحتضار
طور مايحاجيها
للملا حيدر البياتي
https://youtu.be/0HDGHuI4pUU?si=mLTUwb8rBEA__m16
(ماتحضروني انا بساعة منيه)
تصد اعيونها وتربي الى الباب
تناديهم ييمه قلبي هل ذاب
انا بساعة منيه وانتوا غيّاب
عليمن آ ييمه شنهي الاسباب
(ماتحضروني انا ابساعة مني)
————-
يا روح الروح يمه وانتوا الاعزاز
يَذخر ايامي يمه من انا اعتاز
الي تجوة زماني وانتوا عكاز
انا بساعة منيه احتاج جناز
(تربي اعيوني إلبابي وانتظركم)
———-
عليّه احنان ليش وما تنشدون
اناديكم ييمه وماتردون
بعيده الطف عليّه قولوا اشلون
تعالولي اسويعه ولا تقعدون
( اشوفنكم ييمه ولي ترد روحي )
————-
اودي اعتاب المن قولوا يااحباب
بعيدين وغفيتوا عني بتراب
ولا شيب الخذاكم كلكم اشباب
وبدر ابن الزجيه عني هم غاب
(لاترجعولي ويرد ابن الزجيه)
————-
عتاب الوالده ودوه لحسين
احسبنه يجيني ايغمض العين
يوسدني الترابه ايخفف البين
ويا لوعة زماني غدا چا وين
(اعليه ما يرضى حنين ابن الزجيه)
————————
ييمه لو حلم مروني واخيال
عمت عيني عليكم رحتوا باي حال
يفت قلبي ضماكم والدما السال
ييمه الروس فوگ ارماح تنشال
(ايعين الله العقيله اشلون شافتها )
————
اطلبنكم تجوني ابظلمه اللحود
اشوفنكم وروحي ترجع اردود
ييمه اعتاب ودولي لابوالزود
اخافنه يجيني ابلايه الزنود
(ابلايه جفينه ومطفيه العيون)
———-
بقلم :بنت الشمري