7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#أم_البنين
شنو هذا الوفه المامر گبل بينه
شنو هذا الربه من يا ضوه وطينه
مثل ما ولدج اتربو يبدوية
بس لحسين يا مولاتي ربينه
نداء أم البنين..حبيبي يا حسين
نربه
بحصن رباني
بذكر عطشاني
أمان احزاني
هيه ام القمر
نربه
بوفه البدوية
لهضم مسبيه
خدامه ونيه
هيه أم القمر
___
ما لوليلتي مثل اللولن وربن
تلولين بحسين وعالوجن صبن
منج يا حسين التطلع حرورة
ويا أم جعفر دموعج زلم سون
نداء ام البنين..حبيبي يا حسين
بدمعه
وحزن لولتهم
جمر غيرتهم
منو الربتهم..؟؟
هي أم القمر
بدمعه
بدو مملوحه
وحسين مجروحه
درس واطروحه
هي أم القمر
__
نعيچ ماكو مثله بكل نعي النسوه
بجيتّي المدينة اعليها بالگوه
وعميتي وگلتي فرحانه بعمه عيوني
عيون وما تشوف حسين ما تسوه
نداء ام البنين..حبيبي يا حسين
تنعه
الحجر منزلها
وبجه وقر الها
دخيل بضلها
هي ام القمر
تنعه
وابنها ادخيلة
كفيل العيلة
بحزن توميلة
هي ام القمر
___
بيدج مگبره شيّدتي لونينج
ورشيتي عليها ماي البعينج
شهيده شلون ما اگولن شهيده اعليج
يالمتي بجي وحسره على احسينج
نداء أم البنين..حبيبي يا حسين
ماتت
شهيده بحسره
على ابن الزهره
بحزن منكسره
هي ام القمر
ماتت
شهيده بونه
شبقه من ضعنه
كتلها حزنه
هي ام القمر
مصطفى صادق اللامي
يسر الله وهواك الخلق يمنه
وانه تمنيت كونك جنت يمنه
مثل عياس جنت انطيك يمنه
وشمال وعين والهامة سوريه
.......
الشاعر
اياد ألفرح التميمي
الولدها ام الوفه اه واهلها
الها دموعك اجريها وهلها
وحيدة تموت لاوالي وهلها
بس حسين اهلي تكول هيه
........
الشاعر
اياد ألفرح التميمي
جديد (1)
مجلس لام البنين عليها السلام
....
لطمية المجلس
طور
تدرين الموادع صعب يا يمه
......
يافاطمه وضعي صعب هليله
ومخزنه اجروح الكلب هليله
ماعندي احباب وحدي
اولادي غياب وحدي
يافاطمه وضعي صعب هليله
.....
انه هليله اندبج. والدمع فاض اوتبده
ساعة اعلاج اومصيبه وانه ابمحنه اوشده
منهو عندي ايمرعليه الموت منهو الي يرده
انطفت شمعة حياتي وانگضه عمري اوتعده
عمري انگضه يافاطمه هليله
روحي تون ومألمه هليله
دلالي منعاب وحدي
والدمع سجاب وحدي
يا فاطمه وضعي صعب هليله
......
انه يا فاطم كضيته عمري باحزان اومصايب
صابره اودلالي يغلي واسمع اصريخ النوايب
نوب اصيحن اه يبني اونوبه يا اغله الحبايب
اونوبه اهتف وين رحتو ولكلب يايمه ذايب
ارد احجي اسرار الكلب هليله
نيران في كلبي تشب هليله
واعزازي غياب وحدي
والجرح ما طاب وحدي
يا فاطمه وضعي صعب هليله
.....
لمن اجت امن اليسر زينب اودمعتها تجري
اتلكيتها ابلوعة حزن منفني ابجمرتها صبري
محنه ابو اليمه اشد مدري محنة فكد بزري
عباس فكده موسهل وحسين يفداه عمري
محتاجه اشوفنهم واود هليله
عباس يحضرني استود هليله
دلالي نحاب وحدي
ويريدله احباب وحدي
يا فاطمه وضعي صعب هليله
.....
من غربتي اومن وحشتي اتعن علي شوفتهم
اولادي اولب الكلب هسه انه ابحاجتهم
ايحضروني وكت امعالجي ايودعوني ابجمعتهم
ومنازعي يصبح سهل لمن اشم ريحتهم
عذريني يا ست النسا هليله
ابكلبي مشبوبه لضا ابهليله
والدمع سجاب وحدي
اوبلايه احباب وحدي
يا فاطمة وضعي صعب هليلة
......
ليلة احزان اومواجع والهظم مارد دليلي
ارد اودع الدنيه وامشي اومابرد بيها غليلي
فركة اولادي برتني اوجفني عاند ويه ليلي
ماطبك الا اعله حزني ايرافكه نوحي اوعويلي
ماهودت روحي تون هليله
مترافكه ويه المحن هليله
عافوني الاطياب وحدي
اودلالي منصاب وحدي
يا فاطمه وضعي صعب هليله
....
يا فاطمه احسين اندبت احضر يضي اعيوني
يحسين يا يمه صحت ابهل الساعه لتركوني
ماعذب اگليبي فكد اخوتك من خبروني
لمن ابن حذلم نعه انخطف يبني لوني
ناديت يا ناعي اشكلت هليله
سهمك ابدلالي نبت هليله
ناديته شتكول وحدي
والعكل مذهول وحدي
يا فاطمه وضعي صعب هليله
.....
الحاجة ام احسان الخاقاني
10جمادي الثاني 1441هـ
فزاعیه لام البنین ع
ـــــــــــــــــــــــــــــــ
شالت الیوم الوالده
وما حضر لیها ابو الفضل
►✺┅●✥✥●┅✺◄
راحت الحـره اللیله
من المصاب انحیله
الونه علیها اطویله
بس الدمع منها یهل
►✺┅●✥✥●┅✺◄
راحت وهــــــي حزنانه
اعله بو الفضل عدمانه
اصیــح اگطعو ذرعانه
عباس ابو الغیره النفل
►✺┅●✥✥●┅✺◄
ماتت یویلي اعلیها
الحـــــزن اثــر بیها
ادمووعــها تجریها
والحیل من عدها نزل
►✺┅●✥✥●┅✺◄
تصیح وتون وتنادي
یمه شــــعبتو افادي
رجعولي یا ویـلادي
آیبني عباس البطل
►✺┅●✥✥●┅✺◄
صار الدمــــع سلواها
ولا فتر ساعه ابچاها
تسعر یــــنار اضـناها
ظلو علی الرمله چتل
►✺┅●✥✥●┅✺◄
منها کفـــو وحـیاها
رب الســـمـه علاها
تنطي الذي ینخاها
تکرمنه وتشافي العلل
►✺┅●✥✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
رفيعة منزلة .. عظيمه معدلة
جزء من كربلة وابكربلة رفرف لواها
..
قصة جرح تلگه الوفه ابمضمونها
اية شهامة وعجزوا ايفسرونها
ضحت اسمها لفاطمة خيعونها
ونذرت لبو سكينة الولد وعيونها
اْو تگله او تبتسم .. لثوبلك زلم
يرد هو المهم بس مو مهم ترجع ضناها
..
حرمه عظيمه معدله مهيوبه
والجابت العباس هاي اعجوبه
حچايه الها ابزنود الگمر مكتوبه
( الدنيه بلايه حسين والله اكذوبه )
شنو انتي شنو ؟!
منو مثلچ منو ؟!
كفو والله وكفو بالطاهره لضحت رباها
..
عن الحسين وغربته شگد نايحه
كل يوم تبچي چنه مات البارحه
وكافئها الله بالهديه واضحه
اكثر بشر يقرون لجله الفاتحه
فخر والله فخر
شمس وام الكمر!
ظهر شدت ظهر لآل النبي واخذت جزاها
..
ظلت عگب ضعن الاهل مكسوره
مات الحسين وكل خميس تزوره
فاطمه ابطيف اتگلها صوت او صوره
مأجوره يا ام الگمر مأجوره
والتضحي الولد
مره فوقَ المجد
شعد شحسب شعد من گد مواقفها او وفاها
..
ومن هودت واتناقصت انفاسها
ماتت لچن ضل للأبد احساسها
ولباوع وصد لگبر عباسها
يعرف اشگد بالدنيه رافع راسها
ولا مثلك مثل
بطل يا بالفضل
منو مثلك لجل زينب عمه عينه وطفاها
..
من رادوا يشيلون نعش احزانها
رادو ولد واحد يصح دفانها
ماتت واهيّ متلوعه لوليانها
باچر ابصف حسين نلگه امچانها
نهاية هالحزن
تجي الام للابن
الهجر هدها لچِن بعد الالم تلگه دواها
الخادم
حسن ميثاق الربيعي
مجلس أم البنين ع ١٤٤٥
💧💧💧💧💧💧💧
١/لا يُلامُ العقلُ إن جُنَّ بها
إنني أعقلُ من أهلِ النُهى
أجمَعُ الحاجاتِ في الدنيا لها
إنها سيدتي أمُّ البنين!
٢/إن حبي في هواها فاطمي
يومُها يومُ الوفاءِ العالمي
ولها ألأبناءُ في ثوبِ الدمِ
ألبَسوها الفخرَ في طولِ السنين
٣/عجباً واعجباً إن أخبَروها
لا تبالي كيف قد مات بَنوها
سقطت مُغمىً عليها أدرِكوها
حين قالوا مات في الطفِ الحسين
٤/ يا لأمٍّ قدمت أغلى بنيها
في هوى فاطمةٍ أمِّ أبيها
لا تقل ْ مَن بَعدَها؟ أو مَن يَليها ؟
ما لها أمثولةٌ في العالمين
٥/هل سمعتم أحداً بالحزن مات
خرجت أنفاسُهُ بالزفرات
قل بلى واللهِ خيرُ الأمهات
فاطمٌ أمُّ البنين الطاهرين!
٦/تسألُ الحوراءَ يا أختَ الغريب
أخبريني كيف قد مات الحبيب
عارياً قد باتَ والجسمُ سليب
داميَ الأوداجِ والصدرُ طعين!
٧/قطّعوهُ بالسيوفِ والقنا
سحقوا أضلاعَهُ يا أمَّنا
آهِ لو تدرين ما حَلَّ بنا
قد سُبينا لقصورِ الظالمين
٨/أخبريني هل وفى إبني القمر ؟
فأجابت إنهُ أوفى البشر
فاسمعي يا أمَّنا عنهُ الخبر
قد هوى العباسُ مقطوعَ اليدين!
٩/خبرٌ للقلبِ حزناً يَجرَحُ
لهفَ نفسي بعد حزنٍ تفرَحُ
فَبنوها بدماهم أفلحوا
رضيَت عنهم وهم مُستَشهَدين !
١٠/قيلَ ناجَتها بهمسٍ في الوفاة
إحضريني فاطمٌ عند الممات
واحضنيني تلك أغلى الأمنيات
أغمَضَتْ عيناً وصاحت يا حسين!!!
محمد طالب العاملي
نخوه لام البنین ع
بقلم ام ضیغم المحنا
ـــــــــــــــــــــــــــــــ
اجینه السفرة ام عباس
کلنه الیوم طلابه
🟰🟰🟰🤲🟰🟰
هالسفره حضرناها
وام عباس ننخاها
نترجـــه عطـایاها
بجاه السلبو اثیابه
🟰🟰🟰🤲🟰🟰
بجاه حسین واعیاله
النخاهـا تحقق آماله
ام عــبـــاس تبــراله
وتوقـعـله بکتـابه
🟰🟰🟰🤲🟰🟰
اجینه السفرتچ هالیوم
نشكيلچ مرض وهموم
بجـاه الســـلبوه الگوم
وجیش ایزید ما هابه
🟰🟰🟰🤲🟰🟰
بجاه حسـین ابو الیمه
وذبحه وحرگت اخیمه
گلبــــي ینجـلــــي همه
یـام الــزود واهـیابه
🟰🟰🟰🤲🟰🟰
نریـد الامـــن والایمان
یام الجـــاه یام الشان
نصرینه علی العدوان
بجاه حسین وامصابه
🟰🟰🟰🤲🟰🟰
بجاه حسین واخیامه
بجاه اخوانه وایتامه
الیندبچ شافي آلامه
بیدچ وقعي اکتابه
🟰🟰🟰🤲🟰🟰
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
قصیدة:قبور رمزیه
ـــــــــــــــــــــــــــــــــــــــــــــ
بالمدینه..گلـبي متـنـطّر خـبرهم
بالمدینه..عایشه اویایه صورهم
بالمدینه..بیدي راح احفر گبرهم
...بالمدینه...
ــــــــــــــــــــــــــــــــــــــــــــــ
آنه أم القـدّمِت کلـشي و فـدیت
وعالجفوني ماحچیت و عاتبیت
فـوگ خمس اگبور رمزیّه بچیت
گتله یحـسین أعتـذر لو قصّریت
گتله یمّه..گلـبي بفـراگک شلعته
گتله یمّه..أربعه و خامسهم أنته
گتله یمّه..فدوه الک باقي عمرهم
...بالمدینه...
ــــــــــــــــــــــــــــــــــــــــــــــ
گالو اولادچ ضحایه أمطرّحین
گلـت فـدوه أربعـتهـم للحـسین
لو یصـح عـندي الف من البنین
أشما نقـدّم للحـسین أمقـصّرین
ما أعاتب..عالـبنین الــعافو أمـهم
ماأعاتب..فدوه لأبن الزهره دمهم
ماأعاتب..گلـبي عالفـرگه عـذرهم
...بالمدینه...
ــــــــــــــــــــــــــــــــــــــــــــــ
گلبـي بیـن الذکریات أشـما یدور
للبــقیـع أطــلع أزورن هــالقبــور
هیّه مو قصـة دمه و گطعة نحور
آنه کلشي و لا أحس عندي قصور
دوم اگولن..هسه شیصیر و یجوني
دوم اگولن..الهـم اشـتاگـت عیـوني
دوم اگولن..مــا أمـلّن و انتـــظرهم
...بالمدینه...
ــــــــــــــــــــــــــــــــــــــــــــــ
بیدي شمـعه و أضوي لیلیّه البقیع
أبچـي حـد ما ینمرد گلبـي الفجیع
فدوه روحي اتروح لعیون الرضیع
بیـن سهم و مـاي کل عمري یضیع
ماگلت لا..للـســفر لـو مـاخــذینـي
ماگلت لا..چا نطیت اولیدي عیني
ماگلت لا..چنــت أتمنــه سفــرهم
...بالمدینه...
ــــــــــــــــــــــــــــــــــــــــــــــ
هسـه ما ضل بـس حزنهم بالـدیار
کلشـي راح و لیــل بعیـوني الـنهار
کربله ابعیده و حسرتي ابگلبي نار
عنـدي لـولادي ابـصحن گلبي مزار
دوم أزورن..ابنـي لحـسین و عضیده
دوم ازورن..خنصره و گطعت وریده
دوم أزورن..والــگلـب تـابع أثــرهم
...بالمدینه...
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
محرم1443
قصيدة فزاعية ( لام البنين ع )
-------------------------------------------------------
اليوم امك يكافل ضيعيناها
و ماكو احبيبه يمها بحزن تنعاها
اليوم امك يكافل مشت مگضيه
ماتت من حزنها هاي الامسيه
شبعت ضيم واهموم ومهضميه
و مطروحه بقت محد الحضراها
محد حضر يمها و صاح يايمه
و يشبگها و يگلها فرگتج هضمه
زينب وينها تحضر و ابو اليمه
يشوفون الحنينة و ضيم فرگاها
رادتكم تجوها و حيل ما بيها
تهد الحيل لو تنعه بنواعيها
و تگطع كل و الله بواجيها
عليكم ما هده لو يوم مبجاها
تبجي و ما هدت لو يوم عالفرگه
بنار افراكم كل يوم محترگة
هسة النعش خالي و محد ايشبگه
شمحلاته الولد لو امه زتاها
شمحلاته يجي و اتشيله اجفوفه
ويون يمها بحزن والدمعه مذروفه
هاي امه الوفيه و صدك معروفه
ايجازي ارباها كون و هضم بلواها
-------------------------------------------------------
*بقلم ✍آلــشــا؏ـرة وآلمـلا 🎤 رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
الشاعر الحسيني ظاهر حبيب الهليجي (لأم البنين ع)
وبهل احساس اهل النوماس
يم ام عباس يم ام عباس
بل غرقد كلها بعبره والدمعه التنزل حمره
يم ام عباس يم ام عباس
*
آول واحد بحسره وصل حيـدر
للغرقد اجاج ودمعه لون احمر
علي الليله دليله أعليج يتشجر
وجدامه ابمناحه و آه تتعثر
بصدره العبرات ونار الحسرات
جنهن جمرات جنهن جمرات
مخنوگ بعبره وحسره والدمعه التنزل حمره
يم ام عباس يم ام عباس
*
والزهره الزجيه اوياه تدمي العين
حزنها أعليج جن حزنج لبنها حسين
تگلج يل وفيه لوعاج البين
عله افراگ الغوالي احنه بجسد روحين
يا روح الـروح جيتج بلنوح
وكلبي المجـروح وكلبي المجـروح
نار مصابج مستعره والدمعه التنزل حمره
يم ام عباس يم ام عباس
*
وأجه العباس ويه حسين ابو اليمه
شال ترابج بلهفه وبده يشمه
لاكن ابنج العباس ما لمه
تدرينه الگمر جفينه مويمه
زنوده الوفاي ضلن عل ماي
معذور ابهاي معذور ابهاي
بيوم العاشر يل حره والدمعه التنزل حمره
يم ام عباس يم ام عباس
*
وشريكت حزنج الليله دمه لدمعـه
أم عون المصابج حيل منفجعه
تنوح بصوت بجه كلمن يسمعـه
بيها من الالم ما حملته الواسـعـه
زينب بدموع محنيه ضلوع
أعليج اتلوع أعليج اتلوع
زينب يمج متأثر والدمعه التنزل حمره
يم ام عباس يم ام عباس
*
مصاب ام البنين المهدي هد حيلـه
اجه محمل هموم الدنيه هل الليلـه
عله مصاب الحنينه دموم يـبجيلـه
الـه ثارات يمها هيـه تشكيلـــــــــه
گبور الاطهار الهن هل الثار
ترويله الصار ترويله الصار
ياصبر اليوصال صبره والدمعه التنزل حمره
يم ام عباس يم ام عباس
بالحسين اتشرفت
جيش كامل خلّفت
صانت العشره اووفت
حيّوهه حيّوهه.. ام العباس
...
ياهي مثل ام البنين العدهه نوماس إوفخر
امخلفه عم الساده أبوچفية الخظره الگمر
رايته ترهم عبايه وترهم احزام الضهر
غيمه فوگ اخيام زينب جربته وتمطر مطر
عالمواقف ربته
ويه زينب مشته
ابو الغيره سمته
حيّوها حيّوها.. ام العباس
...
هايه بت شيخ القبيله ولبوة افحول العرب
امدلله ابخيرات ابوهه وعجّبت كل العجب
مرأه بدويه وكريمه والمثل بيهه انظرب
باعت الدنيه واهلهه وأشترت افضل نسب
چان اسمهه فاطمه
هسه صارت خادمه
يعني صعدت للسمه
حيّوها حيّوها..ام العباس
...
ياعقيل اخطبلي مرأه چنهه آيه امنزله
اهنانه حيدر يعني أنبأ عن معارف كامله
من علوم الغيب صرّح هذا باء البسمله
حيدر اشمدريه احسين الوحده يبقه ابكربله
علي باب الكل علم
اتزوج وحقق حلم
وخلّفت اربع زلم
حيّوها حيّوها..ام العباس
...
اوياهه اجو امهه وابوهه الزفه چانت باختصار
احتراماً للزچيه واحترام الذي الفقار
للفرح مامش مظاهر والعرس چن دفنه صار
طبت وصاحت يزينب هذا دمهه اعله الجدار
جيتچ وجبت الدمع
انسوي مجلس عالضلع
زفه ماريد وشمع
حيّوها حيّوها.. ام العباس
...
اتلقن ابعباس إبنهه وبالمهد شدت علم
عالنهر تهمس بذانه وكل سوالفهه خيم
الثوب الأحمر ماتلبسه تلبس اثياب الخدم
عينك إتگله يكافل ناذرتهه للسهم
يابخت كل معصبي
يبني ياشيخ العبي
مااريد اسمع سبي
حيّوها حيّوها..ام العباس
...
بالبقيع اتسوي چانت مجلس الحب والحنين
الشيعه عدهم مهدي غايب هي غايبهه الحسين
ياطيور اتصيح انزلي اوياي خل نشبع ونين
ياطيور أخذي رساله بيهه گلب ام البنين
ياطيور ابنينوه
الاغله من شم الهوه
اوجوهم تنكط ضوه
حيّوها حيّوها.. ام العباس
....
كلمات محمد الجماسي
نعي يوم الرابع
*
اوكف يا بشر ماريد ولدي
انه حسين يسوه الدنيه عندي
من يوم الرحل دمعتي بخدي
انه ويالمصايب هذا حدي
انه ام البنين وبيه يدرون
وفده لحسين كل ولدي يرحون
من عدهم اتبره لو يكصرون
كون بكربله كلهم يضحون
اشلون حسين عالتربان نايم
وبالحافر سحك جابته الوادم
انادي يا بشر والكلب هايم
ماريد الولد بس كون سالم
بشر من رجع كلبي بنار وياه
واحس الاخ يمه اولام وياه
اخاف الاربعه كصرو وياه
كل ولد نذر لبن الزجيه
الدهر فوكي جبل حسرات يبناي
وييمه للحزن والضيم يبناي
شلي بالولد يحسين يبناي يبني
صحت بس كون سالم هاي هيه
عزيز الضنه وحكه الفكر بي هام
واحس كلبي بسبب فركاه. بي هام
اريدن ولدي اشيل الراس بيهم
وبيض وجهي يم حامي الحميه
****
الشاعر
تحسين الخفاجي
هاي آنه ام البنين
جمرة دموعي بالعين
يمته الأجل يجيني
مشتاگه لبني الحسين
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
على افراش الصبر و الهم
تون ام البنين اتحن
يمته الموت اشمنّه
و مزامير المنيه اتون
يملك الموت ريّحني
ابمحراب الگلب اذّن
على اتراب اللّحد اَسجد
يمته و ضامري ايأمّن
لن واثقه ابمماتي
من تنتهي حياتي
احظى و ازور الحسين
من اجمل امنياتي
هالمنوه ليّه مشتاقه اشوفه حسين الشفيه
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
يحلم گلبي ليليّه
ميته و منتهي عمري
يجي لي حسين يتعنّه
و ابنوره يشع گبري
يقدّم لي قدح كوثر
حتى تنطفي جمري
مبتور الصبع لاچن
اصد له و حايره ابأمري
متحيّره ابأِمامي
فايض دمه اَمامي
شايل طفل رضيعه
دامي و وريده ضامي
و سيْد البريّه ايقبّل زلوفه حسين الشفيه
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
شراسيف الگلب جمره
و حلم مملي الم و احساس
احلم من يجيني الموت
يجي اويه حسين اخوه عباس
شايل جوده متبسّم
يجي يقبّلني فوگ الراس
يگلي شوفي چفّيني
ردهن ليّه سبط الياس
مملي فؤاده وجدان
سيْد الأنس مع الجان
رجّع چفوفه ليده
اوياهن هِداٰ له جنحان
اجمل هديه رجّع چفوفه حسين الشفيه
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
الٰهي عجّل ابموتي
اريد اتوسٌد اترابي
ساعات العمر شتفيد
لو ما ضحكة احبابي
مشتاگه العلي الكرار
يجي و ايسلّم اكتابي
يمته ارجع بعد مره
و اشمّن ريحة اربابي
ابجاه الله و ابرسوله
هذا الشرف اَنوله
يقبلني بو الحميه
خدّامة البتوله
حاشا الزچيّه اتخيّب ضيوفه حسين الشفيه
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
امنيتي العمر يخلص
و اشوفن فاطمه الزهره
تجي و تهديني چن ورده
بيها حسين اشم عطره
اصد للورده مخنوگه
و تتفدّق بألف جمره
چنها الورده بنت حسين
لون اتمعّن النظره
تنعي خرابة الشام
تنعي هبوط الأسلام
الورده شسمها يا رب؟
تنثر رماد الخيام
الورده رقيه و تصرخ حروفه حسين الشفيه
محلى المنيه بالموت اطوفه حسين الشفيه
꧁꧁꧁ﷲ꧂꧂꧂
خادم لخدمة الأمام الحسين عليه السلام
ناصر البوعبيد
قصيده عزائيه لاام البنين ع
تقرى بالطورالجنوبي الهوسات
المستهل 👇👇👇
اجاني الموت محد حاظر اوياي
انه ام اربعه وحسين ضنواي
•───✧◐🕊🌻🕊◐✧───•
ربيت اربعه ومحد حظرني
نامو بالثرى وانكطع ضني
وكت الموت اصيح حسين يبني
((خلوني وراحو // حيرانه))
•───✧◐🕊🌻🕊◐✧───•
حيرانه اون والدمعه بالعين
ونيت وصحت يبني يالحنين
الف وسفه الزمن يختار بالزين
((لوليدي الليله // معتازه))
•───✧◐🕊🌻🕊◐✧───•
معتاز الكلب ويريد لمتهم
وكت الموت يالويلاد نادتهم
يعباس ويجعفر عون حشمتهم
((امكم نادتكم // يولادي))
•───✧◐🕊🌻🕊◐✧───•
عون اليقره يم راسي العديله
وعباس الشهم نعشي يشيله
وتراب الكبر عون اليزيله
((وعبدالله وياكم // دفانه))
•───✧◐🕊🌻🕊◐✧───•
شيفيد الحجي للنامو بكاع
ابطال اربعه وحلوين الاطباع
اخذهم مني دهري وراحو ابساع
((احا يالراحو // من ايدي))
•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام اله
قصيدة للسان حال ام البنين ع لفقد احبتها
ما نشف جرحي وحل الغروب
ومناطره وعيني عاللـدروب
ادعي كون من الله والزهره وعلي
حتى لو بس طارش المنكم يجي
شاب الكلب.. دمعي يصب.حزينه
شاب الكلب .دمعي يصب .حزينه
،،،،,,,,,,,,,,,,,,,,,
ما يرحم عيوني الحزن ومساهره
اليل
بالباب ناطرت اشكثر حد ماخوه الحيل
ياروحي ميفيدج صبر مگطوع
الدليل
خلص عمري بونه واهات ودمع
عله عزازي انحنه منـي الضلـــع
وضعي صعب.دمعي يصب.حزينه
شاب الكلب دمعي يصب حزينه
ما نشف جرحي وحل الغروب
✍🏻خـادمـة الزهـراءام احمد العبوديه زبير
~-~-~~~
خلصت عمري مناطره ردت الاحباب
ليليه عيني عله الدرب والدمع سچاب
شاب الرمش والگلب ومصابي مصاب
رگد حيلي ياخلگ من الحزن
عيوني من البچي والحسره عمن
بعيد الدرب -دمعي يصب حزينه
شاب الگلب دمعي يصب حزينه
الخـ✍️ــادمه ام زيد الشمري
————
خلصانه مني رويحتي وتجالع الموت
محد لفاني من الولد لاسمعو الصوت
ابجي غريبه لوحدي خلوانه البيوت
لَم الشمل مايجتمع شو صار منعوت
كله هذا الصار بيه موسهل
والحمل لو طاح ابد ماينعدل
بذكر الحرب دمعي يصب حزينه
شاب الگلب دمعي يصب حزينه
✍🏻☘ام فراس الساعدي ☘
~-~-~~~
والتفكد الوالي تضل مالومــه. وتـنـــوح
واني. فكدت. اربع ولد والكلب مجــروح
وخامسهم حسين البگه عللترب مذبـوح
هيج حاربني الزمن تاليـــها
اخذ شمعت بيتي المضويها
واعله الترب دمعي يصب حزينه
شاب الگلــب. دمعي يصب. حزينه
✍العلويه ام. نور الميسانـيـــه
—————
الشوف مرسال الگلب يلمااجيتو
طشيت شوغات النظر لمن بطيتو
ونشلت جدامي الامس تنطر دريتو
وبدربكم شيعت روحي وبجت
كمت اصيحن عون عبدالله خوت
وينه اليطب دمعي يصب حزينه
شاب الگلب دمعي يصب حزينه
مانشف دمعي وحل الغروب
✍️ام حسين المحمداويه
—————
تمت باقلام رابطة الجفوف السخيه
الابوذيه للسده ام البنين عليه السلام
ماقصر ابد. ابنج وحاشاه
السهم صابا ابنص گلبه وحاشاه
وصارت دنيتي اخلافه وحشاه
بيوم الطاح بارض الغاضريه
الجناسات
الاول: حاشه
الثاني: حشاه
الثالث: الدنيه وحشه
خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء2023/12/26
١٢جمادي الاخره سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
موشح لمولاتي ام البنين عليها السلام
المستهل 👇👇👇
شيعو نعش الطاهره ام البنين
شيلو تابوت النجيبه بالونين
•───✧◐🕊🌻🕊◐✧───•
نوحو ياشيعه على ام الاربعه
عازو ابنها الوكع يم المشرعه
نعش امه بالدموع انشيعه
نحزن على امصابهه طول السنين
•───✧◐🕊🌻🕊◐✧───•
ماتت ام عباس محد شالهه
على النعش ماظل ولد ينعالهه
اليله كل شيعة علي برجالهه
تبجي كل احبابهه بقلبِ حزين
•───✧◐🕊🌻🕊◐✧───•
شالت من الدار مجروحة كلب
تبجي لحسين الشهيد وتنتحب
حسين يبني صاحت بدمعة عتب
ريتك تشيل النعش اه يالحنين
•───✧◐🕊🌻🕊◐✧───•
اليله يولادي اجيكم للقاء
احجي كل الصار بيه من عناء
افراكم عذبني ماعشت بهناء
فراك ابو السجاد خلصته ابأنين
•───✧◐🕊🌻🕊◐✧───•
اليله شيعتكم يشيلون النعش
وخبر موتي بالمدينه خل يطش
ماي كون على النعش واحد يرش
كلبي يبرد من اشوف ابني الحسين
•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام اله
#جديد 🔥🔥🔥
قصيدة لام البنين ع 🧿🔥 اخر ساعات الاحتظار 💔😭😭.
عنوان القصيدة ((تعرضلي صورهم))💔💔
تعرضلي صورهم //وانازع بالمنيه
واصيح بصوت مبحوح//يمه الحگ عليه
شبحةعيني عالباب
واريد اليوم الأحباب
تعرضلي صورهم. تعرضلي صورهم
تعرضلي الصور من تغمض العين
واگلل للعين ابقي ولاتفتحين
اصيح افيش من انظر للحسين
ويعرضلي الگمر من غير چفين
هله بيكم يالاطياب
شبحة عيني عالباب
تعرضلي. صورهم //تعرضلي صورهم
تعرضلي صورهم واحجي بهداي
يملك الموت ريض واسمع مناي
انه تمنيت ولدي تكعد احذاي
تغمضلي العيون وتعدل اغطاي
تحرك ياهوه الهاب
شبحة عيني عالباب
تعرضلي صورهم. //تعرضلي صورهم
تحرك ياهوه واخذ العتب روح
طرشلي لاسباع التشفي الجروح
خيلحگون خافن تطلع الروح
عيوني امفتحه والحيل مطروح
حيلي الصاير اتراب
شبحة عيني عالباب
تعرضلي صورهم. //تعرضلي صورهم
حيلي اتراب صاير من هجركم
الثواني الباقيه مروها امكم
تجوني بساعتي لو اجي يمكم
خلص عمر المتانه وجايه الكم
اجيكم انه بعتاب
شبحة عيني عالباب
تعرضلي صورهم. //تعرضلي صورهم
خلص عمر المتانه وخلص وياه
الدمعه وونتي والصرخه واحااه
تدرون اليفارگ ذايبه اچلاااه
تطيح الدمعه بس للروح تهواه
تسون الگلب ذاب
شبحة عيني عالباب
تعرضلي صورهم //تعرضلي صورهم
اسلم للمنيه واسد عيني
واودع كل عتابي وكل ونيني
وايس يابو فاضل ماتجيني
شيل اجنازتي ومدد اديني
عندك صاير امصاب
شبحة عيني عالباب
تعرضلي صورهم تعرضلي. صورهم
تمت بعون الله وتوفيقه 🧿
#الشاعرة_إسراء_اللامي_✍️
غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع
العمل مهدات لصاحب الزمان ((عج))
#حدي
للسيدة ام البنين صلوات الله عليها
تخاطب مولاي ابا الفضل روحي فداه
طلعت وره اظعون المشـوا نوبه اتهوى ونوبه اتعثر
يالـحـادي ريـض بالظـعـن چلمات عـنــدي او يالگمر
لاتلتهي ابغـير الـخــدر خـاف ابــدرب زيـنـب خطر
وخاف أيحـدي الحادي ابعجل والناگه خافنها اتعثر
ــــــــــــــــــــــــــــــــــــــ
حين الـوگــف ليـهـا ودنـت يــم الظـعـن مـا حاچته
وظل واگف وياها اشكـثر يســمـع حچيها اشوصته
عـبـاس مـاريـد الـهـوى أتصــير اعـــلا زيـنـب هبته
ومن سـولـفـت عــن الــسبــي مــاواحــد الما بچته
ــــــــــــــــــــــــــــــــــــــ
وچن دويه صارت بالخيم من سمعت بطاري الهزل
وصيوان باچـر يحـترگ وحســـــين بالـطـف ينكتل
وللــشــام يـهـدون الـحـرم بـلايا ســـتر وبـلايا ظل
حـولـت زينب ترتـجـي أمــهـا الظـعـن خــل يرتحل
ــــــــــــــــــــــــــــــــــــــ
ومن دارت الدنيـا ورجع حادي الظعن ينعى حسين
موتين شافـــت فاطـمـه وچــم مـره مـر بيها البين
امـبـارك امــن الاربــعـه الـراحــــوا يـــــردون إثنين
ماتدري عباس انـچـتل والنـبــلـه مـتـوسـطـه العين
ــــــــــــــــــــــــــــــــــــــ
اطفال مـا تـحـمـل خـبر مـوت وسـحـگ بالـحـومه
وعباس ينصاب ابـسـهـم ويغــســـله فيظ إدمـومه
وحسين محزوز النـحـر واصـحـابـه صـرعـه ونومه
ويامغرب الطف والسـبــي يالماكــو اشـد من يومه
نسألكم الدعاء
سيد حسين الياسري
#اللهم_عجل_لوليك_الفرج
أم عباس بس انخاهـــا بالشدة
أبطن الحوت أذا لك غايب تردة
*
أنطت كل ولدها وهيه مستحية
لأن حسين عدها يعادل الدنيــة
مثل عبـــاس لو عدها بعد مية
تنفقهم فـــده لحسين ولجـــده
*
أم عبــــاس شــاء الله يسددها
لأن لحسين أنطت كل ولد عدها
اذا شالت أديهــــــا الله ميردها
ألها شكَد كرامة ومنزلـــة عنده
*
موعن عاطفة لا مُنتهـى الأيمان
لأن حسين عدهــا يمثــل القرآن
خواته يسلبوها وينذبح عطشــان
ومثل خيـــام زينب محتـــركَ چبده
*
فقيهه وعالمه وتعرف أصول الدين
وأفتت كلكم تموتون دون حســين
كَالت لبـو فاضل لا تجــــي بچفين
يا مُرســــل مثلهـــا يكــــرِم بولده
*
الله لهذا كلشــــي تريد ينطيهـــا
تكَضي حاجته اليتوجــه اعليهــا
تدري شكَد شدايد خلصت بيهــا
لكل الدنيـــا وابعد خيرهـــا تعده
*
عد ام البنين أي معضلـــه تنحل
عوف الدنيا كلهــا وبيها أتوسل
أم عباس ما ترضــه أبد تنـــذل
خل يمشيلها الضيم الدهــر هَده
*
تمنت بالطفوف تموت تحت الخيل
ولا زينب بلا خيمه يجيها الليـــل
اذا فد يوم شفت الدنيـــا بيك تميل
باب هموم كَلبــــك هيه التســــده
*
هم شايفلي حرمه عايشه بلا روح
روح أم البنين بكربلـــه مذبــــوح
ميته وعلى ايتام حسين لسه تنوح
كَلبها جروح كله على الضعن بعده
*
حيدر حسين الكَرعاوي
سفرة ام البنین ع
((الوزن فایزي))
ـــــــــــــــــــــــــــــــــــ
یام البنین السفرتچ مدینه ایدینه
هالدنیه یا ام الکرم ضاجت علینه
►✺┅●✥💠✥●┅✺◄
یام البنیـن الیــوم یمــچ وجـهتها
النیه علیـچ اتوکلت وآنه اعـقدتها
مسدوده کلها اگبال عیني شاهدتها
واگصدت لیچ بطلبتي وروحي حزینه
►✺┅●✥💠✥●┅✺◄
روحي حزینه وایست ماعندي چاره
ویمــچ یگولون الفـرج یلفي الحیاره
الگصد بابچ بس یصل یاخذ بشاره
والشیعه شــانچ بالعطایا امجربینه
►✺┅●✥💠✥●┅✺◄
شانچ یحره امن الجلیل امعلی شانچ
وعند ام حسن یام الکرم عالي مکانچ
الیوم اجینه السفـرتچ نطلب حنانچ
یام المحــنه ابهل الطلب حني علینه
►✺┅●✥💠✥●┅✺◄
حــــني علینه بالعجل ونرید الامراد
بجاه المشت للمشرعه تصرخ یوراد
تگضین حاجة کل محب والگصد وفاد
من سـفرتچ یاخـــذ کـرم وتفـرحینه
►✺┅●✥💠✥●┅✺◄
نفـــرح نرید بحضرتچ یام المیامین
مشهود الچ ام العطا لا ما تقصرین
نقسم علیچ ابفاطمه وبجاه الحسین
یام البنین ابدفــــترچ کلنه سـجلینه
►✺┅●✥💠✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
سفرة ام البنین ع
((الوزن تجلیبه))
ـــــــــــــــــــــــــــــــــــ
اجینه السفرتچ یل ما تردینه
محتاجین کلنه انرید تنطینه
►✺┅●✥💠✥●┅✺◄
اجینه السفرتچ یام الکرم والجود
معروفه بعطاچ وشانچ المعهود
کل الي گصدلچ بالبشاره ایعود
احبیبه ودوم من چفچ تکرمینه
►✺┅●✥💠✥●┅✺◄
اجــــینه السفـــرتچ بالکرم معروفه
وانتي الکل مرض مولاتي موصوفه
ابجاه الي شمر عالمشرعه اچفوفه
بامراد السریع اطلب تفرحینه
►✺┅●✥💠✥●┅✺◄
امراد العاجـل انریده یمولاتي
سهله اعلیچ کلها تهون طلباتي
ازامط بیچ متخیبین نخواتي
بکل شده نندبچ ما تعوفینه
►✺┅●✥💠✥●┅✺◄
لو مــــرت علینه الشدد والعسره
بس نقســــم علیچ بمهجة الزهره
حسین الظل طریح والرمح نحره
والینخــــــاچ ابــــدا ما تخیبینه
►✺┅●✥💠✥●┅✺◄
اجینه السفرتچ ونصــــیح طلابه
وغیرچ ما گصدنه ولا نــــدگ بابه
ابد میخیب ظنه وینجح احسابه
الدگ بابچ ینول امراده بایمینه
►✺┅●✥💠✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
قصیدة:یرجع لحسین
ـــــــــــــــــــــــــــــــــــــــــــــــــــ
وین اللّه و وین...یرجع لحسین
یدفــنّي أویــاه...بین الضــلعین
مات أبني و ما ضاگ الماي
آنه أمـّه المـلهـوف أحشـاي
یرجع لحسین
ــــــــــــــــــــــــــــــــــــــــــــــــــــــ
آنه أم الودّعیته و چنت أخدمه ابهالزمن
أم البنین و یحبني چان مثل أم الحسن
گتله یمّا احسین أریدن بیدک أتفصل الچفن
عافني و ضلت عیوني تزحف اگبال الضعن
فارگني و راح...والمدمع ساح
گلبي المـوجوع...لا مو مـرتاح
ما یوسـع گلـبي البلواي
آنه أمّه الملهوف أحشاي
یرجع لحسین
ــــــــــــــــــــــــــــــــــــــــــــــــــــــ
مرّت أسنین و أتاني بلکت أیرد الهوه
یرجع احسین و اشوفه آنه أصیرله دوه
ماني عطشانه اعله وِلدي بس أله گلبي انچوه
الأم أذا تفـگد أملـها هیّه والمـیت سـوه
الیفگدله أعزاز...الهم یعتاز
ساعات الموت...راید جـنّاز
ریت ابني المذبوح أویاي
آنه أمّه الملهـوف أحشاي
یرجع لحسین
ــــــــــــــــــــــــــــــــــــــــــــــــــــــ
من رجع ناعي المصیبه و ضل یعدّد بالمشو
ما سألته عن بنیني لیش وِلدي ما أجو
گتله ضعن احسین وینه شو علیّه اتعطّـلو
گلّي مات احسین ابنچ و الاولاد أتذبّحو
ما أســال عـاد...عــن الاولاد
بس کون احسین..للموطن راد
بس مارد وأتهل عیـناي
آنه أمّه الملهوف أحشاي
یرجع لحسین
ــــــــــــــــــــــــــــــــــــــــــــــــــــــ
گلبي صابتّه المصیبه و صایر ابگلبي نزف
الچان یتخطّه ابمشیته عالترب یزحف زحف
یزحف و چتّاله یمه سیفه عالمنحر یرف
احسین دولبني ابمصابه عندي وي جرحه عرف
متغیّر حیل...من سحگ الخیل
جسمه ابلا راس..والدم ایسیل
فدوه الدم احسین أدماي
آنه أمّه الملــهوف أحشاي
یرجع لحسین
ــــــــــــــــــــــــــــــــــــــــــــــــــــــ
أگعد اویه اجروحي احچي والجرح حاضن جرح
الماله راس و جسمه دامي اشلون أیردلي امن الذبح
گالو أحسین ابوریده مقتحم راس الرمح
صدره من سحگ الحوافر عالترایب منمسح
مگطوع الراس...مرمي و ینداس
طایـح وابـعـید ....عــنّه الـعـباس
ویـن العــباس الــوفّـاي
آنه أمّه الملهوف أحشاي
یرجع لحسین
ــــــــــــــــــــــــــــــــــــــــــــــــــــــ
ریت اصیرن ماي یمه و یرتویني امن العطش
أخذ الشیله و إلمّن جسمه من لیل أحدعش
یعني لیش احسین یبقیٰ ابعازة أکفان ونعش
جسمه طشرتّه الحوافر کبر گاع الله انفرش
مایشــبه یـوم... یـوم المـظلوم
من حگها العین..تبچیله أدموم
یمّـي أیـرد اتـرقّب هـاي
آنه أمّه الملهوف أحشاي
یرجع لحسین
ــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري
قصيدة فزاعية مع هوسة ( لام البنين ع )
.....................
اليوم ام البنين اتريد والي
يبجي عليها ابدمع هالي
و ايصيح يا يمه تعالي
*نزلة القصيدة*
منكب يجيها يحضر ابهل ليله
عباس لمه النعش خلي ايشيله
وين الحنين اجنازة امه اتريده
خلي يجيها ايشيلها بذيج ايده
و يبجي عليها بفجعه موش بهيده
( ايشيع بيده .. تابوت الهيبة )
محلاته بيده ايشيلها و ينعاها
و يصيح يمه الكافل و زتاها
هاي الحنينة ايجازي حگ ارباها
( ايجازي ارباها .. بدمعات اعيونه )
يا ناس ابنها عازته يا عازه
كل ام ترا اتريد الولد عكازه
ام البنين اتريد منه امجازه
( ماتت امه .. و ما يدري اعليها )
ماتت وسافة من هضم فرگاهم
يوميه تبجي و بالحزن تنعاهم
رادت خطيه ساعة بس ملگاهم
( انتو اتغمضوها .. و تبجون اعليها )
محد حضرها و غمضت عيناها
و ابعاد كلهم يا وسف ولياها
ليها العزيه تسوه سويناها
( مأتم حزنج .. ميهون اعلينا )
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيدة فزاعية ( لام البنين ع )
-------------------------------------------------------
زينب وينها تحضر البدوية
تگول الموت اجاني وحيل مابية
زينب وينها تحضر و تنعاها
هاي ام البنين الموت لافاها
تعدل راسها وتبجي اعلة مبجاها
بعيده و بالغرب وسفه گضت هيه
ماتت بالغرب و اليوم رادتها
تشمر بيدها و تجذب بونتها
اليوم ام النشامه صعبه محنتها
و الويلاد ما حضروها الامسيه
محد ليها اجة وايشوفها شبيها
مشتاگة شكثر رادت غواليها
گضاها افراگهم والبجي عاميها
ماتت من حزنها سوده اعلية
ماتت و الجنازة ابعازة مطروحة
و العابد نعاها امفرفحة روحه
ضلت بالحزن و العين مشبوحة
يجون اعزازها و العين مجريه
محد حضر يمها و صاح يا يمه
لاخر نفس صاحت يمه ابو اليمه
و يا زينب تصيح بروح منهضمة
اليوم احزانه لجلج ينشميه
اليوم احزانه و البيرغ انرفعه
هاي ام السباع البقت منفجعه
عليها اليوم اخسف صدري و ضلعه
و اعزي اولادها و زينب المسبيه
-------------------------------------------------------
*بقلم ✍آلــشــا؏ـرة وآلمـلا 🎤 رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
آنه عندي اسرار مايعرفها غيري
إبموقف الإيثار متأثر ضميري
إلصوت يوصل للسماء
الف شكرن للوفاء
مني يا أم البنين
،،،،،،،،،،،،،،،،،،
صعبت الحاجات عندي إوناشديتج
يوم طحت إبشدة اذكر وسطيتچ
انتي يل چان الوفه عنوانه بيتچ
ويه إولادچ على بابي لگيتچ
بلدمع چان النداء
الف شكرن للوفاء
مني يا ام البنين
،،،،،،،،،،،،،،،،
التضحيه عنوان واضح في حياتچ
إحسين وولاد إلزچيه إبظل عباتچ
انتي قاموس إوتدرس تضحياتچ
إو مثل زينب چنتي نجمه بمنياتچ
باب واسع للرجاء
الف شكرن للوفاء
مني يا ام البنين
،،،،،،،،،،،،،،،،
عندي بليالي المصاب إشگد شكايه
شو اشوف آلوگت يمطر بس رزايه
امنل البدايه احزان ولحد النهايه
إوبس دموع العين قدملچ هدايه
والاثر في كربلاء
الف شكرن للوفاء
مني يا ام البنين
،،،،،،،،،،،،،،
للشريعه إعتاب عندي إوخل يطول
وبخطاب الدمعه وياها إش أگول
وين ابو فاضل وگع فحل الفحول
إلواهب إلچفين لعيون إلبتول
إو صار عنوان الفداء
الف شكرن للوفاء
مني يا ام البنين
،،،،،،،،،،،،،،،،
✍حيدر ناصر شداد
الاربعاء 27/12/2023
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ميمر
ام الوفه .... والعاطفه
ام الشرف والمعرفه
يعجز يوصفهه انسان ... ام البنين الحره
........١
انطت ولدهه الاربعه ابلا منه
وجيت ابن حيدر بقت تتمنه
ما فاركت داره وسبتهه الونه
ليل وصبح .... تنزف جرح
لحسين ابنهه المنذبح
ما فاركت دمع العين .... والكلب يسعر جمره
........٢
عاشت عمرهه خادمه ادكول اني
وحسين امامي ومرجعي وسلطاني
بيه اكتمل ديني وكمل أيماني
اخدم اله .... والكل هله
لية الشرف وابكربله
باجر اضحيله ازلام ... واحدهم ابجم عشره
.........٣
كرمهه ربنه وبفخر علاهه
بعد الزجيه بمرتبه خلاهه
كلشي انخلق بالدنية بيهه اتباهه
الجابت كمر ... كلهه فخر
تتمنه مرضاهه البشر
ترفع الراس ام عباس ... بيهه ام حسن مبتشره
.........٤
كل النساء اتسولف ابهيبتهه
من فاطمه وزينب خذت عفتهه
معنى الشرف متجسد بشيلتهه
كل الشرف ... بيهه انوصف
حيدر علي بهذا اعترف
ام الحسن وام عباس ... اعظم نساء العتره
.........٥
باب الحوائج صارت ام الكافل
ما ترد طالب حاجه يمهه وسائل
دعوتهه توصل للسمه ابلا فاصل
بالفاتحه ... الكل رابحه
كلمن قراهه ابأخلاص ... ام الوفه تحل عسره
.........٦
ندعي الله من نضرتهه ما يحرمنه
ومن الخدمهه بكل وكت يحسبنه
التشفعله ام الاربعه بالجنه
كلمن خدم ... الهه حسم
امره بجنان اهل الشيم
ما تنظر اعيونه النار ... كلمن خدمهه بعمره
.......
كلمات
موسى الخادم
إذا عَسّر اولها وصُعَب تاليها
إنخه ام البنين وهيه تگضيها
زمانك لو گصه واجفت وياك الناس
وتِحَسِِّب حاير وماظل فكر بالراس
تِخلص وبعجل بس انخه أم عباس
ولا تصدگ حچي الما يعترف بيها
أحچيلك كلام مجّرب ومعروف
فرق مابين تسمع لو تحس وتشوف
كل قصه الي وَياها تخطها حروف
واسجلها بقصيده وتالي احچيها
چم واحد نخاها وطاب من علته
وچم واحد مريض وهيه شافته
بإذن ربها الندبها بشده حضرته
روح اسأل مراجع كلها ترويها
منو يعرف مقام الطاهره الحره!
ومنو اليوصل إلَه ويفهمه ويفسره!
بس ربك وأهل البيت بيها أدره
صدگ باب الحوايج من نسميها
يكفيها فخر انطت احيود سباع
مثل عباس من يمشي يهز الگاع
لجل حسين ورباها أبد ماضاع
الزهره وبالحشر هيه التجازيها
أطلب حاجتك واشچيلهه العندك
وحاشاها الكريمه وأبد متردك
باب الله د كرر دگته ابيّدك
وما خاب الإجاها والگصد ليها
🏴 أبوذية
طلبتك لو تريد بساع حَلّها
بگلب صافي تنخه وروح حِلها
عله ام الاربعه المهدوم حَلها
تحلها وتنگضي بساع القضيه
سلام عليك يا أم البنين 💔
#سمير_الصالحي
#النجف_الأشرف
▪️ودوله العتب▪️
في وفاة ام البنين عليها السلام
حسين ام البنين تريده دفان
ودوله العتب ودوا للحنان
اليوم ام البنين اتريد الاولاد
يدرون ابقلبها والله ما هاد
ونت واشكثر وونها مافاد
وين ابن الزچيه ووين الاخوان
———
رادته يجيها ايغمْض العيون
وتابوت الجنازه الها يشيلون
وصيوان العزيه هم ينصبون
تعتب عالزمان اللي قسى وخان
———
ودووه العتب للماله اچفوف
خل يفزع يجي وحال امه ايشوف
گولوله ابحلم رادتّه ايطوف
يفزع من منامه ايفصْل الاجفان
———
گولوله ابعجل خل يفزع اليوم
ينفض هالترابه وكافي هالنوم
رايدته الحنينه ساعه مو دوم
وتكف الدمع واتبطل الاحزان
———
رادت هالبنين إلساعة البين
چا عنها غفيتوا ورحتوا لا وين
فرگاكم عمتها وطفّت العين
للموت وتنادي آ ياعطشان
———-
بقلم :بنت الشمري