3570
خدمة الزهراء ع والحسين ع لموالد الآل الأطهار والمناسبات الأخرى
مــن الكرارِ علي حيدر
بأسي كالنارِ علي حيدر
*-------***-------*
من حيـــدر علي زودي مقاوم والحرب عيدي
ما استسلم وما اذل خُـــط الموت في جيدي
مانرجع ونطـــــخ الراس
ولد حسين احنه وعباس
وارث من عدهم نوماس … خيبركم ترجع مرتين
لا تندگ بينه ارجع غاد
يا صهيون تصـير ارماد
غير احنه لحيدر احفاد … ومن نحارب منتصرين
لا تقرب للأحرارِ علي حيدر
بأسي كالنارِ علي حيدر
*------***-------*
من الثورة الحسينية ماخذ عزمي واصراري
عنيد وما ارد وارجع اذا واحــد گرب داري
اعلن ما اخـاف انه بصوت
معلم اسـحگ فوگ الموت
شحدك لحدودي انت تفوت … تغرگ بالدم كون تطب
نرد الصـــــــــاع بساع ثنين
نجاهد قدوتنة احنه حسين
ننطي اركاب لأجـــل الدين … نرخص دمنه للمذهب
لا تنفعكم اخباري علي حيدر
بأسي كالنار علي حيدر
*-------***-------*
ماتكدر على چفوفي عندي بالنجف ساده
اذا يحجون بالفتـوى مانغفى على وساده
عالساتر عـدنه احنه رجال
لو صــــــرح مرجعها وگال
خياله ومــــــــــــن الخيال … ماعافوا هاي الگاع
ذول اهمه اهل الطگ الحار
تصنيع ومــــن حامي الجار
احـــــذر من ولـــــد الكرار … كلهم تربيتة سباع
غضبّ الجباري علي حيدر
بأسي كالنارِ علي حيدر
*-------***-------*
اسمع يالتهددنا ابالك حـــطها هاالجلمه
الزلمه العدنا يستشهد يخلفله الف زلمه
ولد الشيعه وكلها إسباع
من نغتاض اضيج الكاع
الغيره العـــدنا ولاتنباع ... شحده اليوصل يم حدنا
خيبر خيبـــر ياصهيون
جيش الشيعه قادمون
منا منين انتو تشردون ... ثارات وياكم عدنا
بتأيد الباري علي حيدر
بأسي كالنارِ علي حيدر
*-----***-----*
اذا رايد تجـــــربنا والله اعلينا ماتكدر
نمسح دولتك كلها اذا جدنا قلع خيبر
لا تلعب تچـويك النار
احنه كبار وانتو زغار
بتاريخك مكتوب العار ... ضايع ماعندك عنوان
هيهات من الذل نصيح
راية حــيدر لا متطيح
صرصر لو هبينه وريح ... نغلبك لو تنزل ميدان
لا تعرفُ افكاري علي حيدر
بأسي كالنارِ علي حيدر
*-------***-------*
خادم القصيده
عزيز المياحي
أميرُنا علي
وَليـُّنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
حيدر أمـير وعدنه الدلاله
بارينه أوحى لِطه وحچاله
إنْ لَم تبلغْ بهِ يَا محمدْ
قَطْ لَم تُبلغْ كلَّ الرّسالهْ
حبيبُنا عليْ
وليــُّنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
بستّـه الصحاح انوجدت روايه
اتْـثبّت ســــندها العيد الولايه
الينكرها بس الناقص ضميره
ايخالف اوآمر رب البرايه
يقودُنا علي
وَليـُّنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
لا مو قضيّة كرسي و زعامه
بِيْـه الله بين سـر الامامه
مَن كُنْتَ مَولاه نادى محمد..
مولاه علي ليوم القيامة
سيدُنا علي
وَليـُّنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
مديدت اديّه لحيـــــــدر ابايع
من دونه اضلن بالدنيه ضايع
اول خليفه وبارينه راده
جا هيـــــــه گوه يخلونه رابع
أولهم علي
وَليـُّنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
انطوف اعله بابه وينطي النريده
امن الكوثر اجزم يسـگينه بيده
احنه يتامه وكافلنه هوه..
حيــــــدر ابونه وعيد الله عيده
شفيعنا علي
وَليـُّـنا علي
لا فتى إلا عليْ كُفْءٌ للولايه
ــ⊱☆☆❀☆☆⊰ــ
✍الخادم
كامل السعيدي
من المهد حبيته علي علي
وسط الكلب خليته علي علي
================
كالولي ليش اتحبه
كلت انولد بالكعبة
شما ردت اكتب غيره
تركض ادية تكتبه
نبض الكلب سميته علي علي
وسط الكلب خليته علي علي
===================
كالولي هايم بيمن
ونبضك يدكَ اعليمن
ناديت هاي عيوني
بشوفة ضريحة يهيمن
مسرور ارد لو جيته علي علي
وسط الكلب خليته علي علي
================
كالولي حيدر آخر
كَلت اعشكَه لو عاشر
آنه وهلي واحبابي
فدوه لمداسه الطاهر
بروحه وحياتي افديته علي علي
وسط الكلب خليته علي علي
==================
كالوا دليل انطينه
كلت اليحامي الدينه
رد الكفر فقاره
و رد الشمس بيمينه
عن معرفة حبيته علي علي
وسط الكلب خليته علي علي
================
كالوا افضاله احسبهن
كلت اعجز وما عدهن
ياهو القلع خيبرهم
واصنامهم حطمهن
لهاي الاسباب اهويته علي علي
وسط الكلب خليته علي علي
===================
كالوا خلافة حيدر
ما عدكم الها المصدر
بيوم الغدير اشهودنه
ميتين الف لو اكثر
جانت نبينه وصيته علي علي
وسط الكلب خليته علي علي
===============
حسن بشير السوداني
ابوذيات الغدير
#تنصيب_الامير
💟💟
ندري احنه بهواه ابليس وين تاه
بسقيفتهم يون وعلت ونته
همه مرشحين فلان وانته
الله الرشحك مو جاهليه
🔶🔶🔶
تسبيحك بسم طه ورادك
والله الرشحك ريّس ورادك
من ماي العرش ساقي ورادك
وغصنك مقترن ويه الزجيه
🔶🔶🔶
علي شمس الولايه بنور وجهه
ونار بگلب الينكرون وجهه
وجهك يالمحب للنجف وجهه
وبايع للوصي وأدّي التحيه
🔶🔶🔶
الله الخصه حيدر بالولايه
وحضر جبريل يمه بالولاء يه
على گلوب السقيفه بلوه لايه
نزلت والضغط بالسبع ميه
🔶🔶🔶
الك جف النبي المختار من شار
الگلب اهل السقيفه صار منشار
عيدك حيدر بكل سمه منشور
الكواكب فرحت بعيدك سويه
🔶🔶
بعيدك فاتح امضيفي و ناصب
و افوّر دلة افراحي واناصب
اسحن گلب كل حاقد وناصب
ويظل اسمك الي حيدر هويه
🔶🔶
علي حسين المنصوري
على_لحن_اسرني_شوﮔج_وارفع_الرايه
بعيد الغدير نجدد ولايه
بعيد الغدير نجدد ولايه
يااباحسن كل احنه وفايه
🌺__🌺
ياابالحسن… من وصل تفسيرك
قران ناطق سوره والايه
بعيد الغدير نجدد ولايه2
يااابالحسن كل احنه وفايه
🌺_🌺
ياحيدره… النه السراط ومايعبرونه
واحنه الروافض نحمل الرايه
بعيد الغدير نجدد ولايه2
ياابالحسن كل احنه وفايه
🌺 __🌺
ياابو الحسن ..من الله تتويجك
اول خليفه واخر وصايه
بعيد الغدير نجدد ولايه2
يااابالحسن كل احنه وفايه
🌺__🌺
ياعالم ..وللعلم ابوابه
هيبة محمد بيك الكفايه
بعيد الغدير نجدد ولايه2
ياالحسن كل احنه وفايه
🌺__🌺
يازلزله ..وصفين تشهد لك
روؤس الاعادي بسيفك دمايه
عيد الغدير نجدد ولايه
ياابالحسن كل احنه وفايه
🌺__🌺
✍باقر جبار الشويلي
هاي الفرحه شيعيه
وهل بيعه غديريه
علي علي علي علي ياعلي
.......................................
ابحيدر الله ميزنه
حبك ياعلي جنه
بالدم الك بصمنه
يحيدر يحيدر
حگه الشيعي يتباهه
على هالنعمه الانطاهه
وحبك ياعلي جاهه
يحيدر يحيدر
تامرنه علي واحنه امرك انطيعه
وامرك بالدمه مولاي توقيعه
حبك بيه توصيه
هاي الفرحه شيعيه
*
نوقعلك علي بالدم
هوانه ياعلي النشتم
واضح والخصم مبهم
يحيدر يحيدر
حبينه علي بفطره
منه اشلون نتبره
علي ياكفؤ للزهره
يحيدر يحيدر
احنه اوياك مثل الحاجب وعينه
الكتاب امبين ابفتحة عناوينه
يبونه الكله حنيه
هاي الفرحه شيعيه
*
اخذ الچلمه حللهه
الشيعه بلا علي شلهه
علي آخرهه واولهه
يحيدر يحيدر
علي لولاك ماسارت
سفينة نوح ماطافت
كلشي ابيا علي هانت
يحيدر يحيدر
لو نفرض طريقك ناسك اتيهه
ما تلگه ابعمرهه واحد يشبهه
سترنه اللامنه بفيه
هاي الفرحه شيعيه
*
علي مربينه بفكاره
خطيه الغير محتاره
يالمهبط وحي داره
يحيدر يحيدر
سيفه الماعرف خله
لبن ود النفل سله
برز اسلامنه كله
يحيدر يحيدر
گلاهه الرسول ومنطقه واضح
الاسلام لصحاب الشرك رايح
رد وهله بهل جيه
هاي الفرحه شيعيه
*
المعترضه على عيدك
نفسهم من رفع ايدك
ترفض كلهه تأييدك
وصارت ياعلي گوه
عطلة راعي الامروه
حگنه انوخذ بالنخوه
عطلة عيدك الي اعترضت اعليهه
علي بيهم خصيلة بغض راعيهه
واخذناهه بصدق نيه
هاي الفرحه شيعيه
خادم اهل البيت علي الزرگاني
قصيدة بمناسبة عيد الغدير الأغر
.....
غديري شيعي وغديري
اميري حيدر اميري
اسمع يعاذلي..تاج الشرف علي
...
بحب علي دگاته. ونبضاته..لو گلبي دگ
علي كل موضوعي..وبضلوعي ..حبه انطبگ
كون اصير بگبره..وبالحظره..وصلة علگ
وأنشد اهناك..يم الشباك
اجمل إدراك.. بوسة بابه
ياما تعنيت..يمه وصلّيت
الحي والمَيت..شم اترابه
صريحه الچلمه الصريحه
ضريحه الجنه بضريحه
والعشگ الاولي..تاج الشرف علي
...
علي سر ايماني..وصرت آني..من شيعته
اليوم ابايع رايح..ماصافح..بس يمنته
للنجف اخذوني..ودوني.. يم حظرته
حيدر مولاي..حيدر دنياي
رايح عناي.. اوفي العشره
ابكبره وناديت..طشو الجكليت
شيخ أهل البيت..واسمه شكبره
أبايع رايح أبايع
يسامع إفهم يسامع
مااعوفن الولي..تاج الشرف علي
...
رافع ايده الهادي..واينادي.. بالغانمه
هذا عيد الشيعه..والبيعه ..الحامي الحمه
بيهه نزلت آيه.. والرايه.. ابگد السمه
رايه ومتطيح..تحمل تصريح
مثل التسبيح.. حيدر اسمه
شال المختار..چف الكرار
وبالجو الحار..أدى الذمه
اليغارون منه اليغارون
يگولون بخن يگولون
يادنيه هلهلي..تاج الشرف علي
...
علي لا موغيره..التفسيره..ايعجب العحب
راكع ويتصدق..حيدر حق.. حيدر ذهب
والبعض عادونه..وكرهونه..الهذا السبب
چي حبيناه..وچي واليناه
كرهونه اعداه..وغارو منه
خل يغارون..والله يحلمون
لاميشمون..عطر الجنه
وقاره المؤمن وقاره
الزياره بهاي الزياره
وبالبيعه يعتلي..تاج الشرف علي
...
علي لو مااجيله..وامشيله.. مالي عذر
لو ضرف يمنعني..واخرني.. عن هالسحر
آنه واهلي انزوره..بالصوره.. ونلگه الاجر
بالصوره انشوف..تمتد اچفوف
حيدر ميعوف..واحد حاير
أمن الصوره النور..بالبيت ايدور
كل يوم أنزور..گبره الطاهر
ولينه أصبح ولينه
سفينه للحب سفينه
هوه النجاة إلي..تاج الشرف علي
...
بحب علي اتصافينه..اتآخينه..وتم العشگ
البشر جذابه..ويم بابه..الحگ والصدگ
علي ثوبه الطاهر..للآخر..ماينلثگ
حيدر كشاخ.. وبالطگ فشّاخ
ماكو استنساخ. ثاني السيفه
ايدخل للنار..لو فَي وانهار
باچر يختار..هوه بكيفه
الشفاعه منه الشفاعه
قناعه عندي قناعه
باچر سند الي.. تاج الشرف علي
...
محمد الجماسي
#اللهم_عجل_لوليك_الفرج
ولادة أمير المؤمنين "ع"
على لحن "قمر سيدنا النبي"
(لا فتى
لا فتى
لا فتى إلّا علي
لا فتى
والأميرْ
والأميرْ
والأميرْ مَوْلى علي
والأميرْ) *اللازمة*
بمكّةَ أشرقَ البيتُ العتيقُ
الله الله
لأمِّ المرتضى انْشَقَّ الطّريقُ
الله الله
أتاها الأمرُ فَانْبَلَجَ الجمالُ
وَشَعَّ الدُّرُّ واسْتَحيا العقيقُ
*اللازمة*
لِطيبِ وِصالِكُمْ مولايَ أرنو
الله الله
فَمِنْكَ الشّمسُ تشرقُ ثمَّ تَسْنو
الله الله
ووجهُكَ مصحفُ الحقِّ المبينِ
ونهجُكَ بَيِّنٌ وَهواكَ أمْنُ
*اللازمة*
إلى النّجفِ الشّريفِ أدَرْتُ طَرْفا
الله الله
خجولًا لم أجِدْ لِبَهاكَ وَصْفا
الله الله
ألا أمسِكْ يَدَيَّ أتيتُ أرجو
بأنْ أبقى ببابِ هواكَ ضَيْفا
*اللازمة*
أبا حسنٍ وَحُسْنُكَ لا يُضاهى
الله الله
وَرِثْتَ محمُدًا حَسَبًا وَجاها
الله الله
فأنتَ وَصِيُّهُ بغديرِ خمٍّ
بكفٍ شعَّ في الدّنيا ضِياها
*اللازمة*
علي عاشور
🍁عيد الغدير🍁
رغم النواصب تبقه والينه
عداك الروافض خل تسمينه
------
انت الامام الاول الاخر
انت الحقيقه الباطن الظاهر
بس الك دنيه وآخره انّاصر
وبكل زمن شيعه احنه تلگينه
-----
خل تسمع إلعدوان يالوالي
كلشي رخيص وانت بس غالي
كلها تراب وذهبك ايلالي
أحبابك احنه وانت شارينه
-----
يوم الولاده الكعبه مسروره
مهدك يحيدر واجب انزوره
نور الوجود يضوّي من نوره
بهاي الولاده تحله هل زينه
------
نحبك يحيدر رغما عليهم
ومن الحقد نيرانهم بيهم
ارجاس عدوانك نسمّيهم
واحنه انخلقنه ابفاضل الطينة
-----
يا بالحسن للموت منعوفك
يامن ربينه براحة جفوفك
كعبتنه انت او واجب انطوفك
ولمّن نطوفك نحس حجّيته
------
☘الشاعر محمد حسن ضيغم
يوم الغدير الاغر
ديني..من يوم الغدير
گلبي..ينبض بالامير
احب علي
احب علي
+++++++++
منو غيره من الله اتأمر عالناس
منو غيره والجنه بحبه تنقاس
منو غيره من ظهره طالع عباس
منو غيره وشباجه نعمه وينباس
بأسمك..فرحان الاذان
زينه.. احروفك باللسان
احب علي
احب علي
++++++++++
اكبرها واشرفها واعظم لعياد
تنصيبه بذي الحجه چان الميعاد
الله انزلها آلايه وبحكمه شاد
كل تعبك ياطه لو لاه مافاد
دينك..ناقص والسلام
الا .. ابتنصيب الامام
احب علي
احب علي
++++++++++
مانوصل لو ذره ربك شنطاك
من دونك ياحيدر وگفت لفلاك
من آدم للمهدي حجه خلاك
والعالي من اسمه ياعلي سماك
واحد.. بس انته ومحال
مثلك.. ماتحصل رجال
احب علي
احب علي
++++++++
امن العصمه وصلتنه كلمه وتصريح
ال يلفظ بحروفك رحمه وتسبيح
واليلعن اعدائك اذنوبه اتطيح
وانحبك من حقنه كل احنه انصيح
الصادق..گال الي يموت
شيعي.. للجنه يفوت
احب علي
احب علي
++++++++++
والينه ندري الله ايحب الحباه
قوسين واقرب من طه ادناه
والكوثر من نوره الحيدرنه اهداه
هنيالي من عالم الذر اهواه
امي ..بأسمك يالحبيب
تبدي.. وطعمك بالحليب
احب علي
احب علي
ثائر الربيعي
ايامي ...وحزامي....يكرار
*******
زودي كرار واليشوف هويتي الغيره
انه ابوالغيث حچي سيف يصح تفسيره
من علي احيود وفه وزود حلات السيره
وحي الارواح مشه وراح ولا چن حيره
صمصامي.....والثامي.....يمغوار
ايامي.............وحزامي.....يكرار
*******
بيها معروف والصفوف دخلت الكوفه
ياعجب چان بالگلوب وصف ملهوفه
رادت حسين صفت وين نظر مشغوفه
بايعت شوف شياطين وجه ومكشوفه
بعيوني....شافوني...بالاصرار
ايامي.......وحزامي.......يكرار
*******
احجي تاريخ والحقاد علي يبغضونه
بدر وحنين مواقيت تره يعرفونه
عمي معروف فعل شوف نبع مضمونه
كلشي تغير عكس صار حقد مدفونه
من سيفي...وبحيفي....بده الثار
ايامي............وحزامي.......يكرار
******
صورة الناس شياطين وجهه الثاني
ضد الحسين يوقعون نبي الإنساني
مسلم الحيد يعرفون علي ابوجداني
قبضة السيف علي وياي عظم ايماني
آياتي .....وابياتي.......يصگار
ايامي ......وحزامي.....يكرار
*******
چفي فقار والحيود حچتهه البيده
الرايد الموت وصلهه بحلات الصيده
حمزه انعاد والحقاد سطرهه ابيده
كاشخ السيف بالچفوف تظل تغريده
تكويني.....لحسيني.....بالاقدار
ايامي........وحزامي........يكرار
*******
تمت بعون الله تعالى الشاعر__يوسف_الفتلاوي
💜(قال تعالى/ وان تعدوانعمة الله لاتحصوها)💜
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فلا تنحصي وتنعد 🌸✨️🌸 انعم الله
وعلينا بالولايه 🌸✨️🌸 انعم الله
الف مشكور طه 🌸 ✨️ 🌸 وأنعم ألله
علي🌸نصبته🌸 أمير🌸إعله🌸البريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
گلبي عاشگ لإسمك ✨️🌸✨️ و سر بيه
وحبك دوم بيه أعلن ✨️🌸✨️ و سر بيه
لغز حبك فلا ينحل ✨️🌸✨️ وسر بيه
مثل 🌸سر 🌸فاطمه 🌸الزهره الزچيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وحق الزاچيه فاطم ✨️🌸✨️وسرها
روح الفرح. ما مرها ✨️🌸✨️ وسرها
فقط ذكراك چتفها ✨️🌸✨️ واسرها
ويا ربي 🌸 يدوم 🌸 يسري 🌸للمنيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
💜متباركين بولاية أمير المؤمنين ع💜
💜كل عام وانتم على الولاية والهدى💜
✨️جهاد البصيراوي✨️
ابوذيات عيد الغدير
علي الماصار من بعده ولايه
بحديثه يذكره الهادي والايه
لغيره والله ماتحله ولايه
يفوز الواله حماي الحميه
..................................
عيني اشتاگت لشوفك وهامت
يمن روس انحنت لأجلك وهامت
لو حارت تره روحي وهامت
ما غيرك علي اليفزع اليه
...........
خادمكم مالك السعيدي
▪️لعيد الغدير
إنِّي غديري…وهْوَ أميري…عليْ عليْ يا عليْ
١/إنَّني قرَّرتُ في الذرِّ مصيري
بيعتي كانتْ لمولاي الأميرِ
شهِدَ الخالقُ لِيْ أنِّي غديري
مَظْهَرُ العُلى…قِبْلَةُ الولا…طينتي بهِ طاهرهْ
قُلْتُها : بَلَى…غيرُهُ فـلا…بيعتي لهُ ظاهرَهْ
قبلَ خلقي قدْ رأيتُ الطُّهْرَ خيرَ الرُّسُلِ
رافعاً كفَّ عليٍّ وهْوَ يدعو "يا عَلِيْ"
ذرَّتي قالتْ : "بَخٍ مولايَ يا نعْمَ الولي
أنتَ خيرُ الفكرِ ، خيرُ القولِ ، خيرُ العملِ"
منذُ الولادهْ…هذي الشهادهْ…باسمِ الفتى الأوَّلِ
قلبي أرادَهْ…معنى السعادهْ…حبُّ الوصيِّ عليْ
إنِّي غديري…وهْوَ أميري…عليْ عليْ يا عليْ
٢/يا تُرى كيفَ أفِي أمِّيَ شُكْرا
وأنا منها رضعتُ الحبَّ طُهْرا
هكذا طُولِي نما شبراً فشبرا
كانَ حيْدَرُ…فيَّ يكبرُ…ها أنا لهُ أنتمي
حينَ يُذكرُ…صرتُ أشعرُ…باسمهِ جرى في دمي
وأبي علَّمني حبَّ عليٍّ في الصِغَرْ
فغدا شمسَ نهاري ، وهْوَ في الليلِ القمرْ
طالما أَقْرَأَني في فضْلِهِ آيَ السوَرْ
"عادياتٌ" "والنَّبَا" و"النجمُ"، "طٰهَ" و"الزُّمَرْ"
في الذِّكْرِ آيَهْ…تعني الوصايَهْ…جاءتْ إلى المُرْسَلِ
للدينِ غايَهْ…وهْيَ الولايَهْ…"بلِّغْ" بأمْرِ عليْ
إنِّي غديري…وهْوَ أميري…عليْ عليْ يا عليْ
٣/والحكايا عنْ عليٍّ لا تُمَلُّ
فعلى الدينِ لهُ دَيْنٌ وفضْلُ
إنَّما الإعجازُ جزْءٌ وهْوَ كلُّ !
سيِّدُ الهُدى…باسطُ النَّدى…بالسخاءِ لا يُحْصَرُ
صاحبُ الرَّدَى…قاتلُ العِدى…في الحروبِ لا يُقْهَرُ
إسْألُوا عن عزمهِ : بَدْرَاً ، وأُحْداً ، خيْبَرَهْ
مَنْ سواهُ يقلبُ الهيجا فتغدو مقبَرَهْ
ذا "وليدُ البيتِ" مِنْ أصنامهِمْ قدْ طهَّرَهْ
أمُّهُ تعلَمُ لِمْ سمَّتهُ قِدْماً "حيْدَرَهْ"
نفسُ الرسولِ…زوجُ البتولِ…سرُّ الإلهِ العليْ
مُعْيي العقولِ…حَدَّ الذهولِ…هذا حبيبي عليْ
إنِّي غديري…وهْوَ أميري…عليْ عليْ يا عليْ
الشاعر علي عسيلي العاملي
#عيد_الغدير
#اللهم_عجل_لوليك_الفرج
*👑يا أمير المؤمنين👑*
*يحيدر يحيدر....يا راعي الحميّه*
*يتاج المعالي....شيخ الرافضيّه*
🌸🌸🌸🌸🌸🌸🌸🌸
يَبَدر اللّيالي....يالدّوم اعله بالي
يـحيدر يَـغالي...من روحي إليَّه
🌸🌸🌸🌸🌸🌸🌸🌸
يَصاحِب دليلي...يَمضَوِّيلي ليلي
يَلِمگَوِّي حيلي....وكت الموزميَّه
🌸🌸🌸🌸🌸🌸🌸🌸
يَروحي وحياتي....يا صومي وصلاتي
يَضـامِـن نَـجاتـي...مـن نار السـريَّه
🌸🌸🌸🌸🌸🌸🌸🌸
يَـهِـيبَـة أهَلـنَه......يـاراعـي المَـحَـنَّه
عَلِي انته شَرَفنَه...ابكل زود وحميَّه
🌸🌸🌸🌸🌸🌸🌸🌸
يَشوگي وحنيني...يا عمري وسِنيني
أريـدَن تجــيـنـي..لـو تِـدنَه المـنـيَّه
🌸🌸🌸🌸🌸🌸🌸🌸
يَأصل الإمامَة.....يَمبارِي اليِتامَه
عَلِي بالقِيامَه....بيدَك كض اديَّه
🌸🌸🌸🌸🌸🌸🌸🌸
✍🏻شيخ حسن العبيداوي
*✊🏻 ويبقى النداء علي ولي الله✊🏻*
لمناسبة يوم الغدير
ساعة فرح اهواها
للموت ماانساها
★★★★
جنه الغدير بعيني
منهل عَذب ترويني
كَمَّل الباري ديني
بيعة علي حَيَّاها
للموت ماانساها
★★★★
ربي السمه دَلَّاني
بنص نعمته خَلَّاني
مرفوع راسي وشاني
هلنعمه وين الگاها
للموت ماانساها
★★★★★
يوم الرفع هادينه
چف الوصي والينا
وتم نعمته بارينه
آيه بعلي خَصَّاها
للموت ماانساها
★★★★★
آلاف من جَمَّعهُّم
من بعدي حيدر گلَّهم
بهلمسئله ايخبرهم
بيعة علي معناها
للموت ماانساها
★★★★★
بيعة علي انسامي
وهيه نعيم ايامي
جنه وفخر گدامي
رب السمه خَلَّاها
للموت ماانساها
★★★★★
الينصر علي ويذكره
ومن خاذله يتبَرَّه
رب البريه ينصره
هذا الوعد من طه
للموت ماانساها
الشاعر حسن لعيبي الحريشاوي
عَلِي مَحْلاهَه دِنْيَا وْآخِرَه وَيَّاكْ
يَهِنْيَالَه الِّذِي يَا بَا الْحَسَنْ وَالاكْ
بَحَرْ مَا تِنْلِزِمْ يَمْحَيِّرِ الأمْلاكْ
يَالْحُبَّكْ يِسْرِي وْيَه دْمَانَه...
----------------------------------
يَسِرَّ الله وْنَبِيَّه وْعِلَّةِ الْإِيجَادْ
نِحِبَّكْ وِالْيِحِبَّكْ طَاهِرِ الْمِيلادْ
الْيِضِدَّكْ يَا عَلِينَه وْيِظْهِرِ الأَحْقَادْ
خَلْ يِنْظُرْ أُمَّه وْسِيرَتْهَه...
----------------------------------
عَلِي مِنْ عَالَمِ الذَّرْ إِحْنَه بَايَعْنَاكْ
نِمُوتِ وْمَا نِبَدِّلْ عَالْعَهَدْ نِهْوَاكْ
مُحَمَّدْ بِالْغَدِيرِ شْگَدْ رُفَعْ يَمْنَاكْ
عَالْوَادِمْ خَلَّاكِ الْوَالِي...
----------------------------------
دَخِيلِ اسْمَكْ يَحِيدَرْ بَلْسَمِ الأرْوَاحْ
يَمَنْ لَجْلَكْ نِصَبْنَه بْكِلْ كِتُرْ أَفْرَاحْ
الْيِحِبَّكْ يَا عَلِي مِنْ گَلْبَه غَنَّه وْصَاحْ
فَرْحَانِ وْعِشْگَكْ يِحْلالَه...
----------------------------------
#الغدير
حسن خنافر العاملي
#تنصيب_الامير
#عيد_الغدير_الاغر
🔹🔹
بحروف الغرام .. عالحب ازدحام
بس حيدر امير .. حيدر والسلام
✅✅✅✅✅
ياحيدر .. انتَ سر ايماني
وبغيرك .. ينهدم بنياني
بايعتك .. اول ومو ثاني
يالحبك .. بي ثبت عنواني
ابّصمة دمي وتوقيعي
حلل جذري التربيعي
والناتج يطلع شيعي
شيعي .. و أشهد بآذاني
✅✅✅✅✅
ابّستانك .. خضّرت اورادي
وبدربك .. روه گلبي الصادي
ماعوفك .. وحق روح الهادي
وبوادي .. الناس وانه بوادي
متميز عن الوادم
الناس يصيحولي الخادم
رفعة راسي ومو نادم
حيدر .. ياتاج الراس
✅✅✅✅✅
ياحرزي .. البيك اذل وسواسي
وبالدنيا .. انت درعي وطاسي
يحبونك .. علي اهلي وناسي
انساهم .. وبيعتك ماناسي
ناقش اسمك بعيوني
بفنجان الحب يقروني
وعاشگ حيدر سموني
وماخذ .. لاول عالناس
✅✅✅✅
حبيتك .. وبغديرك هايم
دلالي .. بحضرتك ظل صايم
وبعيدك .. معيد ومتناغم
ماهمني .. شما يلوم اللايم
عيدالله الاكبر انته
وطعم العيد وسالفته
دين الباري وفلسفته
عيدي .. بتنصيبك حيدر
✅✅✅✅
علمني .. على حبك ميثم
ومن قنبر .. صرت بيك متيم
بأشواگي .. وبالولايه محزم
يحسدوني .. بيك عيسى ومريم
انه بحبك هنيالي
ظلمه ونورك ضوالي
بحبك مقبوله اعمالي
حيدر .. يا باب الجنه
✅✅✅✅
علي حسين المنصوري
#عيد_الغدير_الاغر
#تنصيب_الامير
عاش عاش .. عاش اليبايع حيدر
🌺🌺
يبن الحلال افرح اله .. علي علي
تاج الفخر يستاهله .. علي علي
سر الفلك و البسمله .. علي علي
دار دار .. بيده الفلك وتغير
🌺🌺
القران حبه يوضحه .. علي علي
هو النبأ والفاتحه .. علي علي
وجم ايه بسمه مصرحه .. علي علي
شوف شوف .. آية الكرسي المصدر
🌺🌺
ابيعة علي الدين اكتمل .. علي علي
يوم القيامه هو الأمل .. علي علي
لا مو عمر خير العمل .. علي علي
علي علي .. من السماء اتقرر
🌺🌺
المايؤمن بولايته .. علي علي
ماينحسب من شيعته .. علي علي
البايعه يطب جنته .. علي علي
وذاك ذاك .. المايبايع يخسر
🌺🌺
منصور اسمنه برايته .. علي علي
وهالعايشين بنعمته .. علي علي
ويلمنه كلنه بصايته .. علي علي
دوم دوم .. حته بگبرنه يحضر
🌺🌺
علي حسين المنصوري
عيد الولاية
بعيد الغدير نجدد البيعه
بعيد الغدير وحيدر نطيعه
اللهم والي من والاه اللهم عادي من عاداه
جينه نبايع حيدره الليله
طه أمرنا وجفه يشيله
اول خليفه وندري مو رابع
السبعين نادوا عدل الميله
حيدر أمير والي عالشيعه
اللهم والي من والاه. اللهم عادي من عاداه
بهاي الشعيره نصبه العالي
حيدر ولينه ويبقه للتالي
اسمك يضل لشيعي عنوانه
ضد النواصب حيدره الغالي
ناده يحيدر هاي الوديعه
اللهم والي من والاه. . اللهم عادي من عاداه
ياعشگ مثلك علي مولانه
اسمك طلاسم يمشي بدمانه
بايعنه شخصك بالمهد احنه
انته الهويه العالي بسمانه
نجدد عهدنه وابد منبيعه
اللهم والي من والاه.. اللهم عادي من عاداه
بسم الروافض نفتخر احنه
طه نبينه وعلي قائدنه
فازليوالي حيدره وولده
بالحشر باجر اسمه يرفعنه
اللعن عمرهم بهاي السويعه
اللهم والي من والاه.. اللهم عادي من عاداه
بايعت حيدر قبل تكويني
سر الإله وبيده يهديني
قبل الخليقه حيدره اسمه
بعالم الذره وهو يحميني
ياعشگ گلبي الغالي وريعه
اللهم والي من والاه اللهم عادي من عاداه
✍باقر جبار الشويلي
جلوه غدیریه
وزن شبگها
«««««««««««««««
یا علي یا علي یا علي
یا علي یا علي یا علي
الیوم مستبشر نبینه
حیدره اتنصب ولیـنه
یا علي یا علي یا علي
یا علي یا علي یا علي
🌷🌷❣️🌷🌷
الیوم سید الکائنات
حقق اغلی الامنیات
الحیدره اســس ثبات
تمم الدیــن بعــلینه
✍ام ضیغم المحنا
🌷🌷❣️🌷🌷
اليوم جبرائيل بشر
ابو الزهراء المطهر
نصبه حيدره الازهر
واعلن البيعه علينه
ام ساره ✍️
🌷🌷❣️🌷🌷
هاي فرحه لكل موالي
تنصب المولى الغالي
علي الأول علي التالي
بيه الله كمل دينه
ام حسين الاسدي
🌷🌷❣️🌷🌷
بأمر رب العالمين
انت ياحيدر امين
قائداعله المسلمين
اليوم هل النور لينه
✍️المله والشاعره ام حمودي
🌷🌷❣️🌷🌷
نزلت الايه يحيدر
قائد انت وبيك نفخر
والمحب بالفرح عبر
وفرحت الروح الحزينه
ام مهدي
🌷🌷❣️🌷🌷
اليوم فرحان الرسول
ابمنصبة زوج البتول
حيدره مثبت الاصول
جبنه باقات واجينه
ام زهراء الفاطميه
🌷🌷❣️🌷🌷
اليوم فرحانين كلنه
بالولايه البيها املنه
ياعلي انت ذخرنه
سيدي بيك اعتلينه
ام علي البابلي
🌷🌷❣️🌷🌷
اليوم اعلنه الثبات
والفرح بينه يبات
حققينه الامنيات
جينه والياس بادينه
ام سجاد العسكري
🌷🌷❣️🌷🌷
كتمل هالدين ابغديره
طه واتنٍّصب اميره
نبايعه بفرحه جبيره
والنٍّبِي قَبٍّل جَبيِنهَ
رؤى السلامي ✍🏻
🌷🌷❣️🌷🌷
اليوم هادينه تنور
وبعلي والله تبشر
المحب لجله تحضر
بحيدر الشيعه رهينه
زهره
٠٠٠٠٠٠٠٠٠٠٠٠٠٠٠٠٠٠٠٠
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
•{يلايم يلايم}•
-أنه الغديري-
يلايم يلايم...خُف لومك عليه
أنا حبي و غرامي...للهادي و وصيه
١/ يفرحة حياتي...صارت أمنياتي
أنا كِملت صلاتي...بحب حامي الحمية
يلايم يلايم...خُف لومك عليه
أنا حبي و غرامي...للهادي و وصيه
٢/ يعيش بضميري...بس حيدر أميري
آنه الغديري...و الحد المنية
يلايم يلايم...خُف لومك عليه
أنا حبي و غرامي...للهادي و وصيه
٣/ أنا واحد كلامي...بس حيدر غرامي
يعشگي و إمامي...يا روح الزچية
يلايم يلايم...خُف لومك عليه
أنا حبي و غرامي...للهادي و وصيه
٤/ أشوفه البداية...و اشوفه النهايه
أجدد ولايه...و الرايه بِدَيّه
يلايم يلايم...خُف لومك عليه
أنا حبي و غرامي...للهادي و وصيه
٥/ أبد ماكو غيره...شيخ النه و عشيرة
وگفاته الچبيره...واگفهن إليّه
يلايم يلايم...خُف لومك عليه
أنا حبي و غرامي...للهادي و وصيه
٦/ يا أول خليفه...غصبا عالسقيفة
و النطفة الشريفة...تحب الرافضية
يلايم يلايم...خُف لومك عليه
أنا حبي و غرامي...للهادي و وصيه
*الشاعر الموفق حمزة السماوي*
رابط قصيدة "أنه الغديري":
https://youtu.be/vBeJeWeFN4I?si=WwBHiKuMSiqqh6MU
_
▪️نشر جديد في عيد الغدير
عيدٌ فيهِ الكونُ استبشرْ
هذا عيدُ اللهِ الأكْبرْ
١/هذا عيدٌ ما أبهاهُ
فإليهِ ينسبهُ اللهُ
مَنْ كانَ لهُ طٰهَ مولىً
فعليٌّ أصبحَ مولاهُ
اللهُ عليَّاً قدْ أمَّرْ
هذا عيدُ اللهِ الأكْبرْ
٢/يومٌ يعلوْ فينا شانا
والعرشُ ببهجَتِهِ ازدانا
بعليٍّ يا طٰهَ "بلِّغْ" :
قرآناً توَّجَ قُرآنا ..
فالذِّكرُ بحيدرةٍ يُذْكَرْ
هذا عيدُ اللهِ الأكْبرْ
٣/رفعَ الهادي خيرُ الرُّسُلِ
كفَّاً شعَّتْ بينَ المِللِ
شمسُ الدنيا منها غابتْ
هذي كفُّ الكرارِ عَلِيْ
قُبُلاتُ الدينِ لها تُنثرْ
هذا عيدُ اللهِ الأكْبرْ
٤/شكراً "أمِّي" طولَ الزَّمنِ
غذَّتني طهراً في اللبنِ
وأبي قد علَّمني طفلاً
إخدِمْ بغديرِ أبي الحسنِ
ما أنقى الحبَّ وما أطهرْ !
هذا عيدُ اللهِ الأكْبرْ
٥/جئنا للبيعةِ يا حَيْدَرْ
لِنُهنِّئَ أحمَدَ والكَوْثَرْ
ونُجَدِّدَ عهداً نودِعُهُ
في كفِّ المهديِّ الأزْهَرْ
سنُعيدُ العيدَ متى يظْهَرْ
هذا عيدُ اللهِ الأكْبرْ
الشاعر علي عسيلي العاملي
#يا_علي
#اللهم_عجل_لوليك_الفرج
ياهلا ومية هلا بعيد الغدير
مرحبا في يوم تتويج الامير
يوم تنصيب الولي
علي أبوحسين علي
ياهلا ومية هلا بعيد الغدير
* * * * * *
بشرة العيد امن اجتنه فاقت حدود الخيال
أتعطرت حين التعنت وأرتدت ثوب الجمال
أمدلله بمشيتها تسحر مو سهل مشي الدلاّل
اتنورت دنيانــــه بيها وعلنت اليوم أحتفال
غنت الازهـــــار بالعيد الشهير
وبالجو يغني غده الطير اليطير
صحنه مليون هلا
العيد هاليوم حلا
ياهلا ومية هلا بعيد الغدير
* * * * * *
هلهلوا يالجعفريه بجية العيد السعيد
أستقبلوا عيد الولايـه عيدكم هذا الوحيد
أستبشروا بعيد الغدير وصيحوا حي الله يعيد
اليوم حتى الشمس ضحكت والكمر أنشد نشيد
من وصل هاليوم عيد الله الجبير
مبتشر مسرور أصبح كل ضمير
كل محب صدره أنشرح
من كلب صادق فرح
ياهلا ومية هلا بعيد الغدير
* * * * * *
نزلت الآيه أعلى طاها وبلّغ بيوم النزول
صرح بتاج الولايه وأكتمل دين الرسول
كملت أركان الرساله وتمت أنوار الاصول
صار هذا اليوم عيد ينور بنـــوره العقول
خاطب الامه النبي الهادي البشير
حيدره بعدي السراج المستنيـــــر
النبي صرح بالاسم
وشال أيده ومبتسم
ياهلا ومية هلا بعيد الغدير
* * * * * *
أشكد جميله من عظيم بتاجه ويتوج عظيم
علن للأمــه نبيها منهو من بعــــده الزعيم
مايزل جدم اليتبعه أمن السراط المستقيم
(غيرَ مغضوبَ عليهِ) صرّح الذكر الحكيم
وقبل لاننولد بالدنيــه ونصير
بعالم الذر أحنه بايعنه الوزير
بحيدره متمسكين
عالولايه ثابتين
ياهلا ومية هلا بعيد الغدير
* * * * * *
خطب خطبه نبي الامه وموفقط بس بالحديث
صرح ابأسم الخليفه اليخلفه ويصبح وريث
بايعت كل الصحابه حتى أبوفلان الغثيث
والنكر هالبيعه زل ومانشوفه الاّ خبيث
خطب طاها وصاح بالجمع الغفير
بعدي أبوالحسنين أول مو أخيــــر
هذا أبو كل الحجج
واليبغضونه همج
ياهلا ومية هلا بعيد الغدير
* * * * * *
سلام المشعل
💜(قال تعالى/ وان تعدوانعمة الله لاتحصوها)💜
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فلا تنحصي وتنعد 🌸✨️🌸 انعم الله
وعلينا بالولايه 🌸✨️🌸 انعم الله
الف مشكور طه 🌸 ✨️ 🌸 وأنعم ألله
علي🌸نصبته🌸 أمير🌸إعله🌸البريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
گلبي عاشگ لإسمك ✨️🌸✨️ و سر بيه
وحبك دوم بيه أعلن ✨️🌸✨️ و سر بيه
لغز حبك فلا ينحل ✨️🌸✨️ وسر بيه
مثل 🌸سر 🌸فاطمه 🌸الزهره الزچيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
وحق الزاچيه فاطم ✨️🌸✨️وسرها
روح الفرح. ما مرها ✨️🌸✨️ وسرها
فقط ذكراك چتفها ✨️🌸✨️ واسرها
ويا ربي 🌸 يدوم 🌸 يسري 🌸للمنيه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
💜متباركين بولاية أمير المؤمنين ع💜
💜كل عام وانتم على الولاية والهدى💜
✨️جهاد البصيراوي✨️
السلام عليكم وبارك الله لكم
قصيدتي تشير لحادثة المجذوب لكنها في الشعر الشعبي العراقي
وأقول فيها :
في حب أمير المؤمنين
عليه وعلى أخيه المصطفى أزكى الصلوات
وأتم التسليم...🤍
أقول فيها :
💜💜💜
أريد احجي بصراحه التحبس انفاس
والميعجبه خلي يگول مرتد
انه شاعر ولكن قاري قرآن
وبالتاريخ هم هوايه اعتد
وقارنت وجمعت أبين الاثنين
على گد الاعرفه لگيت مقصد
من آدم لحد كل النهايات
مثل حيدر فلا موجود احد
علي افضل الافضل ماعدا الله
وابو القاسم فقط بس غيره محد
مامذكور بايه هوه قرآن
الماحافظ علي چا بيش جود
سبب ذكر الحمد في كل فرض عين
لان هوه الصراط البيها ممتد
لذالك صح واجب عاليصلون
يذكرونك علي حد ماكو اي حد
ويرتلونك علي بنبرة قرآئين
مثل ترتيل قل هو الله احد
علي لو ما فقارك وين اكو اسلام
ولا للدين دونك عود يشتد
ومنك أيسو حتى اليكرهون
خلص يدرون انته النجم الاوحد
ومعروفه التسافل يحسد الفوگ
والمثلك علي لاريب يحسد
واحد من( ربعهم) ابصر النور
اجه وشاف المنائر نور يصعد
التفت للشام ويگله يبو يزيد
وين الصافنات وزهو وسؤدد
وين العرش ذاك الحتى بلقيس
اضن ماعدها يمكن هيچ مقعد
مجمع تالي گبرك بس للآوساخ
وللجرذان حصرا صار مقصد
تعال والقي نضره اعله النجف شاع
من النور شوفك يرجع ارمد
تالي يگول عن حيدر هالعظام
لو لا خوف الله يجوز تعبد
يالكلك محاسن يا ابو التراب
واليحسب افضالك تيه العد
ولو ناصي يمر طاريك ابو حسين
بأعلى صوت اصلي على محمد
💜 ص💜 ل💜 و💜 ا💜 ت💜
محب أمير المؤمنين
جهاد البصيراوي
طشينه الهيل بفرحتنه
بيعه حيدر هي الجنه
محلاهه البيعه بهالليله
**
خلي العاذل تبزع روحه
وخلي تزيد بجسمه جروحه
وخلي عيونه تظل مشبوحه
امشوا ويانه بهالروحه
خلينه نبايع مولانه
وهاي الوادم كلهه ويانه
وطشينه الهيل بفرحتنه
بيعة حيدر هي الجنه
ومحلاهه البيعه بهالليله
***
يلله احبابي انبايع حيدر
لجل الدين أشكال السطر
بايع روحه وبايع اكثر
وكل أولاده ومرته الكوثر
شنهو يصيبه لامافكر
بس دين الله يبقه المحور
وطشينه الهيل بفرحتنه
بيعة حيدر هي الجنه
ومحلاهه البيعه بهالليله
***
ابيعة حيدر تحيي السنه
ماتتعب وتنول الجنه
بيده الكرار ايفوتنه
وانطب الجنه ونتهنه
واحباب الهادي ويانه
وحيدريسكينه بذرعانه
وطشينه الهيل ابفرحتنه
بيعة حيدر هي الجنه
ومحلاهه البيعه بهالليله
**
طشوا الجكليت وهنونه
فرحتنه ابدمنه معجونه
خلي العذال يلومونه
يدرونه نحبك يدرونه
حبك موجود بنص دمنه
والشيعه بحبك يتغنه
وطشينه الهيل بفرحتنه
بيعه حيدر هي الجنه
ومحلاهه البيعه بهالليله
**
غيرك حيدر ياهو نبايع
وكل شيعي لأمرك هم طايع
انت الاول شنهو الرابع
نواليك ولو صرت السابع
خلي يكولون شماكالوا
غيرالخيبه همه شنالوا
وطشينه الهيل بفرحتنه
بيعة حيدر هي الجنه
ومحلاهه البيعه بهالليله
**
فدوه لاسمك كلشي نضحي
مال عيال أو امرك نحيي
باجر غيرك ياهو اليمحي
جروح اطيب وياهن جرحي
بس حيدر هو يطيبهن
وبجفه الغالي يشمرهن
وطشينه الهيل بفرحتنه
بيعة حيدر هي الجنه
ومحلاهه البيعه بهالليله
***
خادم خدام الحسين عليه السلام
الحاج ابو اياد البيجاوي
https://youtu.be/w5NdzzNv41Y?si=VDg7PDOZb0SMWFJ_
إني غديري
السيد حجازي حجازي
هتفنا بالغدير .. لبيك يا امير
علي علي علي .. علي علي علي
🔹🔹🔹🔹
البالسمه والبالارض والبالبحر والبر
حيدر الك كلشي فرح وبعيدك اتبشر
تاج الولايه يلوك الك مبروك ياحيدر
وحجاج بيت الله وجب للتلبيه تحضر
وتنادي بالنفير .. لبيك يا أمير
🔹🔹🔹🔹
فرحتنه مو اكبر من الفرحه السماويه
جبريل واملاك السمه بروايه مرويه
من اول سمه السابع سمه بحب علي مضويه
وتتمنه كل الحور اجت اتصير علويه
وتقرر المصير .. لبيك يا أمير
🔹🔹🔹
لبيك ناده ياعلي القرآن واياته
وبعيدك معيد علي الكون ومجراته
وكل الكواكب والكمر مجتمعه نجماته
ويبايعك حتى الضوه ومصدر جزيئاته
الاول مو الاخير .. لبيك يا أمير
🔹🔹🔹
جبريل اول مانزل بيده مطاليبه
وبَلَغ محمد بالأمر مو شك و لا ريبه
الاول يظل ابو الحسن مو ثاني ترتيبه
ماكو ولي الا علي ومن الله تنصيبه
ماكو اله نظير .. لبيك يا أمير
🔹🔹🔹🔹
ماكو مثل دولة علي يحبونها الفقره
بيها لأن علي الملك والملكه الزهره
هوَ الرئيس الله انتخب حيدر علي بأمره
وقائد يصير بدولته المهدي ننتظره
وجنود اله نصير .. لبيك يا أمير
🔹🔹🔹🔹🔹
علي حسين المنصوري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الشاعرة ام ذو الفقار إلمانيا
❤️ @kjhgkkb
خادمه الزهراء الملا أم حسن السراي
❤️ @hasanAbas100
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde