3570
خدمة الزهراء ع والحسين ع لموالد الآل الأطهار والمناسبات الأخرى
#ابوذيات_رضويه.. ٢
🩵💙
💛🤎
#علينه
الفرح هذا المسى واجب.. عَلينه
و على كل عالي بالعليه.. عِلينه
بزغ نور الرضا الضامن.. علينه
رضا الزهره ورضا الرب البريه
✨💫💓🫧💜✨💫
#علياه
هالليلـه الفرح نازل.. علياه
و بفضل الرضا زالت.. عليه آه
شبیه المرتضى واسمه.. علياه
وذخر للشدّه چن حامي الحميه
✨💫💓🫧💜✨💫
#رضلها
بُعدك علعل اضلوعي.. رض الها
وروحي ترتجي زيارة.. رضا الها(الإمام الرضا ع)
تنظر عيني ما يحصل.. رضا الها (قبول)
فقط لمّن تزور إبن الزچيه
✨💫💓🫧💜✨💫
#وصلها
إذا فد يوم اجي المشهد.. وصلها
أحس روحي بجنان الله.. وصلها
فرحة فاطمه واجب.. وصلها
ونشاركها التهاني بهل مسيه
✨💫💓🫧💜✨💫
#مردها
روحـي مـن البُـعـد حبـك.. مردها
ولون هامت و اجت يمك.. مردها (لا ارجعها)
رادت هـالـمـسـى تـاخـذ.. مرادها (الحاجة)
وانت إل بالكرم چفك سخيه
✨💫💓🫧💜✨💫
(وَأنا الوَضيعُ الَّذي رَفَعتَه)
✍🏻علي نوري الحلفي
*#ميلاد_سلطان_طوس*
*#أنيسُ_النّفوس*
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
أنيسُ النفوسِ إمامي الرِّضا
وشمسٌ بِطوسَ وبدرُ الفضا
يُضاهي نجومَ السّما والشُّموس
إليهِ فُؤادي بشَوقٍ مضى
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
سلامي إليهِ أحرُّ السّلام
على عشقِهِ الروحُ ليسَت تُلام
بِحُبِّ ابنِ موسى القُلوبُ تهيم
تقيٌّ، نقيٌّ، ونَسلُ الكرام
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
أيا مشهدُ اليومَ زفِّي الخبَر
إليكِ بُراقُ التّهاني عبَر
ببُشرى الولادةِ راحَ يجول
فدَمعُ الحُبورِ كفَيضِ المطر
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
أتَت للحبيبِ البرايا تطوف
وتدعو الإلٰهَ بِحَقِّ الرّؤوف
أنِلنا شفاعةَ مَولى الأنام
وغُفرانَ ذنبٍ بيَومِ الحُتوف
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
أيا إِخوتي فلنَزُر أرضَ طوس
أريجُ شذا الروضِ يُحيي النُّفوس
بغربةِ سُلطانِها نرتجي
ننالُ رِضاهُ بيَومٍ عَبوس
أنيسُ النُّفوسِ إمامي الرِّضا
بمَولدِهِ البِشرُ ها قد بدا
أنيسُ النُّفوسِ إمامي الرِّضا
🌺💐🌺
*#متباركين💐*
*زينب الموسوي*
*#بنت_الزهراء*
مية هلا مولاي .. نورت الاكوان
سلطان الك بالروح .. بس انته سلطان
نبضي الك غنه
يا ضامن الجنه
سلطان الك بالروح .. بس انته سلطان
@@@
وسط الگلب خط العشگ .. عن معرفه وعن احساس
بس الرضا ابعرش الصدر .. ويامر عليها الانفاس
هالليله من جيته الفرج .. بگد النجم بس ينقاس
المولى الرؤوف ابمحضره .. مية هلا اتصيح الناس
…
ابجيته هالكون .. شمسه منيره
ومن العرش والدوح .. نازل سريره
جده النبي چنه
يا ضامن الجنه
سلطان الك بالروح .. بس انته سلطان
@@@
هاللي لضياءه من گبل .. بأمر الله سجدت لملاك
ميلاده فرحه ابفرحته .. اتزين مدار الافلاك
طيبه المدينه ناشدت .. مولانه اهلا حياك
بالمحشر لجنة عدن .. ميطبها احد لولاك
…
شرط الهدى مشروط .. بان موسى حبه
والمايعرفه يصير .. مايعرف ربه
ومن حبه يتهنه
يا ضامن الجنه
سلطان الك بالروح .. بس انته سلطان
@@@
خل نحچي عن واقع فهم .. وعن معتقد بالمكشوف
الما يحب ابن النبي .. اعمى انطفه منه الشوف
هذا الرضا لكله رضا .. كعبة مبادئ موصوف
وفضله الينكره كالشمس .. منكرها اعمى ميشوف
…
شمس الشموس الطود .. فرض اتباعه
وابچفه يوم الدين .. نلگه الشفاعه
ونظراته نتمنه
يا ضامن الجنه
سلطان الك بالروح .. بس انته سلطان
@@@
صاحب معاجز بالكتب .. يثلج مهج راويها
وهذي الحكايه اموثقه .. مو قصه بس نحچيها
يامشافي واحد من مرض .. ياجثه لو محييها
لو منزل ابدعوه المطر .. حتى ترس واديها
…
وارث عصى موسى .. وعيسى بكماله
الدار السمه بچفه .. ورد الغزاله
احنه اله ومنه
يا ضامن الجنه
سلطان الك بالروح .. بس انته سلطان
@@@
علي أحمد الحمود
٨-٥-٢٠٢٥
مولد الرضا ع
مهما اتاني الدهر بالجور قضا
متقصدا أياي أو متعرضا
واليوم بعد اليوم بالحزن مضى
للنور اشكو بالبكا مستعرضا
ودمع عيني لوجرى جمر الغضا
لي قمر اطفي به نار اللظى
يوم الحساب المر لوضاق الفضا
ذاك بن موسى سيدي ذاك الرضا
الشاعر حسن لعيبي الحريشاوي
الدهر لوجار على گلبي وعارضه
وخذ كل الفرح عن روحي ومضه
وحزم الظالم عليه وحرضه
وجعل دمعي العين چن نار الغضا
وحيلي باحزان الليالي رضرضه
عندي نور اليطفي نيران اللظى
هو حصني بأمر ربي امفوضه
يرفع الشدات عني والقضا
هو نور الهادي مولانا الرضا
الشاعر حسن لعيبي الحريشاوي
الدنيا بمولده تتناقل الأخبار
صدر نور الامامه ثامن الاطهار
بميلاد الرضا الدنيا فرح وانوار
(اليوم الشمس احتارت بيش اتزامط نورك بيش)
الشاعر حسن لعيبي الحريشاوي
♦️مولد الثامن الضامن💔
فَتَحَت بِمَولِدِهِ السماءُ جِنانَها
والأرض ُ شوقاً زيّنَت أركانَها
وخَبَت جهنمُ حينَما سَمِعَت ألا:-
وُلِدَ #الرؤوف ُفأغلَقَت بيبانَها
واستقبلت #شمسَ الأطآئبِ #تُكتَمٌ
وبحِجرِها صَبّت عليهِ حنانَها
#ولكاظمِ #الغيظِ البشارةُ قد أتَـت
هذا وصيُكَ والخلافةَ زانَها
فرِحَت بهِ الأكوانُ يومَ مجيئِهِ
وتهللَت لمّا رأت #سُلطانَها
وشدا الملآئِكُ في #الرضا ترتيلةً
يا مرحباً إذـ نوَعَت ألحانَها
والحور ُ تطربُ والطيورُ تمايَلت
تركَت بتغريدٍ لها أغصانَها
يا #ثامنَ الأطهارِ أنتَ المرتجىٰ
كُن للإلـٰهِ وللورىٰ قُربانَها
إشفعْ لها في كشفِ كلِِّ بلآءِها
ووبآءِها و أزح لها أحزانَها
فلقد غزاها اليأسُ حيثُ تكدَرَت
وتريدُ منكَ #أبا_الجوادِ أمانَها
وكذا بيومِ الحشرِ أنتَ ملاذُها
أوَلَستَ في الدُنيا قبِلتَ ضمانَها !
#سمير_الصالحي
#النجف_الأشرف
♦️الحنين ليلة المولد .. لمشهد💔
خذوني إلى روضةٍ كالجنانِ
لها القلبُ يهفو بفيضِ الحنان ِ
بمشهدِ قبرُ الرؤوف ِ تسامىٰ
لمن زارَهُ يُحتفىٰ بالأمان ِ
فمَن ياترُىٰ يستطيعُ اصطحابي
لأنهل َ حباً بذاك المكان ِ
عليك أنيسَ النفوس ِأُصلّي
وأما سلامي ففي كلِ آن ِ
#سلام_وصلاة_وتحية_وبركات_على_الراضي_بالقدر_والقضآء_شمس_الشموس_أنيس_النفوس_المدفون_بأرض_طوس_السلطان_الرؤوف_العطوف_الثامن_الضامن_أبي_الحسن_علي_بن_موسى_الرضا💔
#سمير_الصالحي
#النجف_الأشرف
🌹السلام عليك ياشمس الشموس ويا🌹
🌹 انيس النفوس ورحمة الله وبركاته🌹
تسعى الملآئكُ نحوَهُ وتطوفُ
والكلُ منهم هائمٌ ملهوفُ
في طوسَ مثواهُ المقدسُ نيّرٌ
فيهِ إمامُ العالمينَ رؤوفُ
أعني الرضا راضٍ بحكمِ الههِ
والجودُ من سيمآئهِ معروفُ
أُنسُ النفوسِ طبيبُ أدوآءِ الملا
وبحبهِ حقاً أنا مشغوفُ
في يومِ مولدِهِ بَدت أنوارهُ
تزهو و منها أبصرَ المكفوفُ
ياثامناً ياضامناً ياسيدي
أهدتكَ ألحانَ المديحِ حروفُ
(عللي) أنالُ القربَ منكَ بمحشري
يومَ القيامةِ وضعُهُ موصوفُ
لكنني مُستيقننٌ لا أختشي
نارَ الجحيمِ فسوءُها مصروفُ
ويُجيرني السلطانُ حتماً حينها
والى الجنانِ بعطفهِ محفوفُ
#سمير_الصالحي
#النجف_الأشرف
☆تعمدت كتابة ( عللي) واردت بها ( لَعَلي ) محذوفة اللام لغة فيها وأصلها ( عَلّيِ)
🔴مولد إمامنا الثامن الضامن السلطان علي بن موسى الرضا صلوات الله وسلامه عليه 11 ذي القعدة 148هج🌹❤️
وُلدَ الرضا والكونُ أزهرَ نورا
والحورُ رّشَت عَنبراً وعُطورا
وُلِدَ الأنيسُ لكاظمِ الغيظِ الذي
أضحى بِمولدِ شِبلهِ مَسرورا
هوَ حُجةُ اللهِ الرؤوفُ ومَن لهُ
يأوي الكفيفُ لكي يعودَ بَصيرا
وبلادُ نيشابور َ تشهدُ قدرَهُ
فعيونُ عذب ٍفُجِرَت تفجيرا
كم حاجةٍ قُضيَت بفضلِ مَقامهِ
وكَذا اللَهيفُ فَكم رآهُ مُجيرا!
يا أيها المَهمومُ هلّا زُرتَهُ
هل ترتَضي عيشَ الحياةِ كَديرا!!
يا أيها المِسكينُ بادرْ نَحوَهُ
ليصيرَ رِزقُكَ بعدَ ذاكَ وفيرا
واللهِ أُقسمُ لن يرُدَكَ خائباً
هيهاتَ كلا لن تعودَ فقيرا
يا أيها المَعلولُ في مرضٍ ألآ
زُر وارتو ِ ماءَ الشِفاءِ طَهورا
يا طالباً ذُرية ً لا تَيئسَنْ
فبلُطفهِ يَهَبُ البنينَ ذُكورا
إذ إنَّ مَرقدَهُ المطهرَ جنة ٌ
كجنان ِربِكَ قُدِرَت تقديرا
إني لأَحكي مارأيتُ درايةً
إذ ليسَ تخريفاً ولا تسطيرا
فبجودِهِ(شمسِ الشموسِ)إليكُمُ
يُهدي العطايا لؤلؤاً منثورا
#سمير_الصالحي
#النجف_الأشرف
لولادة الامام علي بن موسى الرضا عليه السلام
بميلاد الرضا يامحله الانوار
اهني الناس كلها صاحب وجار
اهني الرايح وجاي
وكلمن فرح وياي
بميلاد الرضا يامحله الانوار
★★★★★
دفع سود الليالي وَنَوَّر الليل
صب على الجهل انواره سجيل
واغصان الخميلة بطلعته اتميل
يهني اهل الأرض فرحان جبريل
نزل جبريل فرحان
يطوي ليل الأحزان
بميلاد الرضا يامحله الانوار
★★★★★
كرم يوم القيامه چفك وخير
شافع لليجييك وكله تقصير
ومحافلنه سعاده بأسمك اتصيير
انفاسك هدايه الكلمن ايحيير
حبك نَوَّر الكون
غصبن عليكرهون
بميلاد الرضا يامحله الانوار
★★★★★
ياثالث علي ياكعبة الروح
يابلسم نزل مَحَّاي الجروح
گبل الناس اسمك چان باللوح
اسمك باب للجنات مفتوح
ريحان الهوه الهاب
نگول ومحله الاسباب
بميلاد الرضا يامحله الانوار
★★★★★
ابو محمد سندنه بيوم الأهوال
يوم الجاه ماينفع ولا مال
بميزان العشگ كل ذنب ينشال
حبك وحگ طه خير الأعمال
بميلاده الحزن شال
عنه وشد الأرحال
بميلاد الرضا يامحله الانوار
★★★★★
محافلنه زهت بالورد والياس
بميلاد الرضا خل تفرح الناس
من بيت النبوة وللعلم ساس
ياثامن إمام ورفعة الراس
افراح ومسرات
وللدمعه نهايات
بميلاد الرضا يامحله الانوار
الشاعر حسن لعيبي الحريشاوي
قصيدة في فضل الصلاة على النبي محمد وآل محمد (وزن المجرشه )
ينقبل ينرد العمل يوم الحشر يتحدد
بس الصلاة على النبي وآل النبي ماتنرد
صلي على محمد وال النبي محمد
★★★★★
طيب انفاسك يامحب بذكر النبي والعتره
واشگد اجر بيها الك لمن تصلي وتقره
من اتصلي مره على النبي يردها عليك بعشره
أفضال الصلاه على النبي وآل النبي ماتنعد
صلي على محمد وال النبي محمد
★★★★★
تدري الصلاة على النبي تهدي وتنور دربك
تمحي الخطايا والذنب وتجلي الحزن من گلبك
راحه وأمان بكل وكت وتزيح عنك تعبك
كل غم يزول من الگلب ونيران گلبك تبرد
صلي على محمد وال النبي محمد
★★★★★
اسرع عمل مثل البرق الربك الباري يوصل
بيها الفرج بيها الرضا صدگ اعمالك تكمل
لوطوگت روحك شدد بيها الشدايد تنحل
تنفتح بيبان الامل وبيبان كل هم تنسد
صل على محمد وال النبي محمد
★★★★★
وكل النوايب تنجلي شماچنت منها تقاسي
ويوم الحشر تصبح درع من الجحيم القاسي
اذكر تفيدك كل وكت لهاي الصلاه لوناسي
عن السمه ماتنحجب لرب المشارق تصعد
صلي على محمد وال النبي محمد
★★★★★
عطر انفاسك بالورد بسم الحبيب وذكره
تمحي الحزن عن الگلب تجلي العلل والحسره
الواضب عليها كل وكت جنات يصبح عمره
لاتبتعد عنها أبد ولاتتعب وتتردد
صلي على محمد وال النبي محمد
الشاعر حسن لعيبي الحريشاوي
مولد مولاي الضامن علي بن موسى الرضا ع
سَـلاَمٌ عَــلَـى رَمْــزِ الْأَمَـانِ وَعِـــزِّهِ
مَــنْ قَــدْ بِــهِ بَـانَ الـسَّـلَامُ سَــلاَمُ
لِأَبِي الْحَسَنِ الرِّضَا مِنْ قَلْبِنَا شَغَفًا
أَصْـفَــى بِـمَـوْلِدِهِ الـشَّـرِيـفِ زِحَامُ
نَـزَلَتْ تُهْـنِـي فَاطِمُ أَمْـلَاكِ السَّــمَا
بِـطـلـعـتهِ الْـغَـرَّا صَــدَى الْإِسْــلَامُ
تَـرَفْــرِفُ رَايَاتُ الْــوَلَاءِ تَــفَاخُــرًا
مِـنَّــا لِمـبْسَـمِـهِ الْــبَـهِـيـجِ غَـــرَامُ
مَــنْ ذَا يُــدَانِــي فَضْـلَهُ وَمَـقَامَـهُ
هَــذَا ابْــنُ خَـيْـرِ الْـعَالَـمِـينَ مَقَامُ
لِـلَّــهِ دَرَّكَ سَــيِّــدِي مِـنْ نِـعْـــمَــةٍ
فِـي مَدْحِـكُـمْ قَـدْ جَـفَّتِ الْأَقْـلَامُ
هــــوســـــــات
مـن هـذا الحـفـل للضامـن ابديها
وكـلمــتـنـا بـفـرح لازم نــعـلــيـهـا
بهالمولد يفوز اليذكر أهـل البيت
وصلاة اعله النبي واجب نصليها
((والصله اتحسبه من الشيعه))
الرؤوف ايصير امامي وافتخر يا ناس
وهـنـيـاله الـيـخدمـه ورفـع بيه الراس
عـلـى حـب الرضـا نـلـعن اربات ابليس
مـن هـذا الحـفـل نلعن شـكـو وسواس
((والاول نلعن والثاني ))
أنيـس انـفـوسنا وضـاوي لـيـاليـنه
هــلا بـمـلاچـنـا وحـافـظ أهـالـيـنه
تحت خاچيتك احنه نلوذ يامولاي
يـالـمربـيـنـه صـيـتـك والـمـعـلـيـنه
من حل مولدك حل خير كل الكون
يـل ذكـرك صـبح سلوة أمـاسـيـنـه
يانـور الـجـلالـه يـا رضــا المـخـتار
يعـگـال البـخت بالبخـت تـلـفـيـنـه
أنـه بـمـحـبـتك هـيـمـان والعـبـاس
وتراب النجف وعـيون ابـو سكـينه
أريــدن غـداً لـو جابـوني لـلـمـيزان
چـف امحـبـتك مـن يـدگ ينـجـينه
أبن موسى أعرفك لو وگعت بضيج
تـحـضـر مـا تـقـصـر يـبـن حـاميـنه
أدعـيـلـي اشـوف المـنـتـظـر مـولاي
أنـتـه الـمـا يـــرد دعــوتـك بـاريـنـه
((وعليك المنحر تدعيلي))
8/5/2025 يوم الخميس
10/شهر ذو القعدة 1446 هـ
#الشاعر_الميرزا_محمد_الساعدي
علي الرضا شـع نوره ابهل ليله
والنـفس بي مسروره ابهل ليله
_____
سلطان گلبي الما نبض من دونه
والله أحبه او روحي بي مفتونه
بالله يا عُذّال العشگ عوفونه
هو اليحب _علي الرضا _ ايلومونه ؟؟
ايامي أله منذوره ابهل ليله
والنفس بي مسروره ابهل ليله
_____
في يوم ميلاده الفرح تم ألنه
وانفوسنه طابت غدت تتغنه
امن الجنه الله نزله امن الجنه
للشيعه . والشيعه اصبحت تتهنه
من الله بي مبروره ابهل ليله
والنفس بي مسروره ابهل ليله
_____
كل الهلا ابنور الأمامه الساطع
الثامن الضامن والوفي الشافع
يل ما عرفته او بل رضا ما سامع
عمرك خساره او كل ربح بي ضايع
حكم الله وابدستوره ابهل ليله
والنفس بي مسروره ابهل ليله
_____
هو الأنيس او هو هو الغالي
من عالم الذر آنه ليه اموالي
مو طوس ساكنها . سكن دلالي
علي الرضا غيره فلا يحلالي
بي تزهي المعموره ابهل ليله
والنفس بي مسروره ابهل ليله
_____
ودّيت گلبي معتني للحضره
گتله ابضريح الرضا اوگف واقره
اجمل قصيده للولاده العطره
وادعي الله منه يرزقك فد نظره
لن رحمته منظوره ابهل ليله
والنفس بي مسروره ابهل ليله
_____
ابشباچه اقره گله يا بو محمد
الشوگ بينه يستعر ما يبرد
السنين خلصت والحلم بتبدد
يمته نجي وابحضرتك نتهجد
ردنه الضريح انزوره ابهل ليله
والنفس بي مسروره ابهل ليله
_____
ابو فاطمة الطائي
صلاوات صلاوات على الامام الثامن
صلاوات صلاوات على الامام الثامن
______
يا شيعه صلو عل نبي جانه الزكي الصابر
علي ابن موسى الرضا الطاهر ابن الطاهر
وجهه مثل وجه الگمر محلى جماله الساحر
لا عقل يگدر يوصفه ولا من قصيده او شاعر
همت بي همت بي بالگلب اصبح ساكن
صلاوات صلاوات على الامام الثامن
______
يا شيعه من عين الحسود امعوذات اقروله
وجو له شمعات الفرح هاذه المسه وجو له
كلمن عليه واجب فرض للرضا فد هلهوله
ابهاذه المسه عن العشگ عن الفرح غنوله
عله اعناد عله اعناد كل حاقد او كل واهن
صلاوات صلاوات على الامام الثامن
______
ميلاده نور او معرفه او آيات بي موسومه
ميلاده خير اعله الارض واعله السمه وانجومه
سلطان واسمه من يمر عل گلب يجلي اهمومه
الي ايتجنن بالرضا ما لومه لا ما الومه
للارواح للارواح. هو الملاذ الآمن
صلاوات صلاوات على الامام الثامن
______
ماضل ملك ما بي حچه او سولفت كل حوريه
أوصافه تذهل كل عقل انوار بي قدسيه
چنه شعاع امن العرش في هيئة الأنسيه
أشويه بي من فاطمه او من علي بيه اشويه
بل گلوب بل گلوب الشوگ اله ضل كامن
صلاوات صلاوات على الامام الثامن
______
عيد او تتمم للخلگ بهدعش من ذي القعده
أسمه من ايمر عل المحب حتمن يفرحه ايسعده
أول سلاطين العشگ لا گبله او لا بعده
فدوه اروح الشوفته والگومته والگعده
للجنان للجنان. هو الامام الضامن
صلاوات صلاوات على الامام الثامن
______
عيد الامبارك سيدي يا فرح كل الشيعه
يامن شرينه امحبته بالدم وابد منبيعه
انغمض او نمشي اله وامغمضين انطيعه
او گدام الله والخلگ انجدد الليله البيعه
يمولاي يمولاي. ارحم ارواح الهامن
صلاوات صلاوات على الامام الثامن
______
ابو فاطمة الطائي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لولادة الامام علي بن موسى الرضا عليه السلام ( تجليبه )
جمال الليل ناغه طلعة الگمره
الماخذ روعته من ثامن العترة
يافرع الإمامة ومن نبي أصله
يطيب الفرح لجلك والسهر يحله
قليل شماشكرناه العمر كله
وقليل شماحمدنه الباري ألف مره
يتاج المعرفة المعروفة اوصافك
استحه وذاب الگمر مولاي من شافك
بلطف الله ابتشرنه بجية الطافك
السمه ويانه وأرضها اليوم مبتشره
شمحله افراحنه وإلي يكملها
التهاني بمولدك من عدنه تقبلها
يسلطان المعارف ياعلي كلها
علوم الناس عندك يابحر گطره
مثل والد شفيق على البشر گلبك
تهدي الضاع تايه ماعرف. دربك
فوز ولايتك بالاخره. وحبك
يوم الماتفيد ابنادم. الحسره
ياعلم وسماحة وسيد الحكمه
وجهت على نهج المصطفى الأمة
السعادة اليوم ماتتوصف بكلمه
بخشوع وحب نجدد سيدي الذكره
أمام الله اصطفاك وثامن اختارك
نعيم على المحب ماتنطفي انوارك
السمة وي الأرض بالفرح تشارك
تهني المرتضى والهادي والزهره
الشاعر حسن لعيبي الحريشاوي
في ذكرى ميلاد الإمام الرضا (ع)
لو لم تكُنْ يا سيدي أحشائي
لم تَجْرِ يا شمسَ الشموسِ دِمائي
أنا لا أراكَ سِوى إمامٍ قَلَّ ما
جادَت بِهِ الدنيا ومَحْضَ بَهاءِ
لا أرتَجِي بهواكَ يا ابنَ محمدٍ
في النَّشْأَتَيْنِ سِوى رِضا الزهراءِ
أنتَ الذي أخرَسْتَ قافيةَ الضُحى
فاعذُرْ إماميْ ألسُنَ الشُعَرَاءِ
إن ضاعَ منها الحرفُ يا عِطْرَ الشَذَا
فالشِّعرُ لا يقوى على الأضواءِ
إبراهيم الدريس
(موسايَ) أنتَ .. (خُراسانُ) التي احتضَنَتْ
نسْماتَكَ الخُضْرَ .. في وِديانِها (طُوري)
أحتاجُ نجواكَ كي أرقى لمنزلةٍ
أراكَ تمسحُ عن عَيْنَيَّ دَيجوري
أحتاجُ وَحْيَكَ لا أحتاجُ محبرةً
على القراطيسِ كيما أزرعَ (الجُوري)
أحتاجُ عَطْفَكَ فالأيامُ تَدْهَسُني
أحتاجُ نورَكَ فالدُّنيا بِلا نورِ
يا سيِّدي لا أرى إلاَّكَ عاصمةً
بِلا حروبٍ بِلا جُنْدٍ بِلا سُورِ
لذلكَ اللهُ لم تَزْدَنْ فرادِسُهُ
إلاَّ وحُبُّكَ بينَ الحُورِ والحُورِ
إبراهيم الدريس
في ذكرى ميلاد الإمام الرضا (ع)
سلطان اعله لكلوب..اوكلبي ابحبك ايذوب
يبِن موسى الرضا .. يبِن موسى الرضا
&&&&&
سلطان انته عالأكوان أشوفك
و الليله الفرح يمك يطوفك
أحسِّ ابراحه منّ اَلفُظ حروفك
يمَن بابك مُحال ايرد ضيوفك
الهذا آنه جيتك .. او بالفرحه اعتنيتك
يبِن موسى الرضا .. يبِن موسى الرضا
&&&&&
من أم الحسن يالغالي عطرك
او روضه امن الجنان ابعيني كبرك
يضوِي بالسمه ليليَّه بدرك
او كلبي ذايب ابحبك أخبرك
منِّ الذر أحبك .. او بس أمشي اعله دربك
يبِن موسى الرضا .. يبِن موسى الرضا
&&&&&
أغلى امن النفَس إنته عليه
او يم تُرْبك شنو نجم الثريه ؟!
أهنِّي ابمولدك حامي الحميه
او على حبك أظل حد المنيه
فرحانه الليالي .. ابميلادك يغالي
يبِن موسى الرضا .. يبِن موسى الرضا
&&&&&
لو غاب الكمر عدنه بداله
وجهك هوه يا حامي الغزاله
منّك عِرْفَت الدنيه الجلاله
و ابنورك فرح بيت الرساله
إنته شمْس لشموس .. ابكبرك تِهنى لنفوس
يبِن موسى الرضا .. يبِن موسى الرضا
&&&&&
مَتْرِدْني أعرفك حاشه حاير
طبعك سيدي تجبر خواطر
لأنْ مِبْعِد عَلَيْ كبرك يطاهر
أريد أتعنّى لك يالغالي زاير
بس كبرك أريده .. او بيْه أقره القصيده
يبِن موسى الرضا .. يبِن موسى الرضا
&&&&&
خادم الرضا (ع) : إبراهيم الدريس
(هوستين) :
خِدْمِتك يالرضا تاج اعله الرؤوس
و اللي ما يفهم حجينه اِنْفَهِمه
انكِلّه باوِع على أي خادم تريد
اتشوف بيْه حتماً جلالَةْ فاطمه
الهذا مو عِجْبَه إذا اتحسده الملوك
او هوه حتى الجنه صارت تِلْثِمه
امدَلّل خِدّامك .. او مِهْدِيها أنسامك
ياللي امن اِبهامك .. يطفح بحر الهيبه
&&&&&
إجيتك آنه زاير يا شَمِس لشموس
بعد أعوام منِّ الشوگ واللهفه
إجيت اوبالگلب حاجات يا بو الزود
اوحاجاتي عليك آنه أدري ما تخفه
كل هذا الكلام اوآنه يمِّ الباب
منك إذْن أنِطْره اودمعي عالشفه
ما طال اوگوفي .. كضّيت اچفوفي
اوگتلي : (ابمعروفي .. حاجاتك مقضيه)
&&&&&
إبراهيم الدريس
گلبي كتب لجل الرضا عنوان
سلطان إلي من انولد سلطان
وتالي نشد نبضه
من حبه ياحظه
اليامر على ارگبتي وبعد عالروح
والله طبيعي صدري له مفتوح
…
ديني ودنيتي ونهجي اعتقاده
واجب عالبشر حبه اوداده
وچنه المرتضى ذكرى عباده
واللي يعشگه نال السعاده
@@@
شوگي اخذ مني الگلب بجناح
ولي مشهده عني جزاني وراح
شوگي اجل چنه
ومشهد صفت جنه
گبل الأمر گلبي گلتله هاك
خله علگ يمك على الشباگ
…
بلياك الحيا مره وثجيله
دخيلك سيدي وانته الوسيله
عد بابك رجا ارجع وجيله
ويحظن مرقدك صدري ودليله
@@@
مولى الرؤف وديرته احلام
ومنيتنه فيها تنگضي الايام
ديره ومن الفردوس
جنه واسمها طوس
من گد لها من مهجتي ولهان
سميت انا صدري ترى خريسان
…
هاللي رأفته امن الله تعالى
شلته بالنبض حبه ودلاله
وجيته معتني چني الغزاله
رايد نظرته وعطفه اوصاله
@@@
علي أحمد الحمود
٨-٥-٢٠٢٥
مولد الرضا ع
🌹ولادة الامام الرضا عليه السلام 🌹
صاحت بهالمسا انجوم الفصا
يا علي ابن موسى الرضا
🌹🌹🌹🌹
اليوم فرحانه السما ويه الارض
اليوم صار الحبه يجري ويه النبض
والفرح صاير على الشيعه فرض
وما ايهمنه المن فرحنه ينبغض
وصاح صوت الهلا من الرافضه
يا علي ابن موسى الرضا
🌹🌹🌹🌹
الليله شمس الشموس انولد
اينور ما مثله بالكون احد
الراد بالدنيا عون وسند
ايصيح يابو الجواد المدد
الف هنياله البحبك حضه
يا علي ابن موسى الرضا
🌹🌹🌹🌹
نور نازل چنه من يم العرش
وگام من وجناته عالدنيا يطش
بالمهد جبريل جنحه ينفرش
للذي ابذكره العوالم تنتعش
چنك القرآن ذكرك موعظه
يا علي ابن موسى الرضا
🌹🌹🌹🌹
ابيت موسى الكاظم الليله يشع
من المدينه ابمولده نور الشمع
برض طوس اصوات حبنه تنجمع
ابمرقده الحاجات كلها ترتفع
اگلوب التحبه بالود نابظه
يا علي ابن موسى الرضا
🌹🌹🌹🌹
ايگول كلمن كصد لزيارته
وزاره رغم الضروف ابغربته
بالقيامه يجيه بمحنته
ايعبره من كل صعوبه ابرايته
فايز اللي على حبك مضى
يا علي ابن موسى الرضا
🌹🌹🌹🌹
✍️ الخادم فراس موحان الساعدي
🌷ازهيري
للإمام #الرضا (ع)
اسـمـك عـشـگـتـه تـره بالساني صـايـر .. وِرد
مــولاي كـلـك عـطــر تـحـمــل بـروحـك.. ورد
اتمنيت عندي جـنح واشـتـم ضـريـحـك.. ورد
وللمـوت يبقى الـعـشـگ بيني وبـيـنـك.. وَصِل
امـنـيـتـي ياسيدي اگـصـد حـضـرتــك.. وَصِل
ادريـك عـنـدك فـــرع بـكــل الـمــكـارم.. وَصِل
ظـمـئـآن وانـتـه الـعـذب أُوصـل لحوضك ورد
*---------------*---------------*
✍خادم الأمام الرضا (ع)
الشاعر رعد الجريخي
لولادة الإمام علي بن موسى
الرضا عليه السلام
أبگد الارض والفضا. حبك أمامي الرضا
ابنومي وبصحوتي ابدلالي وبمهجتي
حبك أمامي الرضا
★★★★★
ياصاحب الغانمه.
فرحانه أرض وسمه
وگلوبنه امتيمه.
بانوارك الباسمه
حبك ملك خاطري. لمن سكن ناظري
حبك أمامي الرضا
★★★★★
بمولدك ياسيدي.
بأجمل صلاه نبتدي
وثوب الفرح نرتدي.
بهلمنبع الاحمدي
نورك يضوي الدرب شامل جميع الگلب
حبك أمامي الرضا
★★★★★
بيوم المدينه زهت.
بهلمولد اتباركت
وبحال ثاني صفت
بانوارك اتنورت
بيالغه وصورة وشكل محتار بيه العقل
حبك أمامي الرضا
★★★★★
من شجرة طيبة نسب
دون العجم والعرب
حكمه ودراية وادب.
وفقه وعلوم ورتب
من نوره جنة عدن. بوسط الظماير سكن
حبك أمامي الرضا
★★★★★
امودع الحزن والنعي.
وي لوعتي ومدمعي
بحبك بديت السعي.
ابفطرة سليمه اوعي
بحب الجمال احتفل مالي الگلب والعقل
حبك أمامي الرضا
الشاعر حسن لعيبي الحريشاوي
لذكرى ولادة الامام علي بن موسى الرضا عليه السلام
سيد محمد
الشاعر حسن لعيبي الحريشاوي
بميلاد الرضا يامحلا الانوار
اداء ولحن ملا احمد العگيلي
الشاعر حسن لعيبي الحريشاوي
🌸مولود للإمام الرضا عليه السلام (متباركين)🌸💫
___
ميلاد الرضا سمعونه هلهوله
ميلاد الرضا
🍬🍬✨👏🏻👏🏻✨🍬🍬
ميلاد الرضا الليله … ميلاد الرضا
يا فرحه النسويله … ميلاد الرضا
هيل و ياس طشيله … ميلاد الرضا
هلا و يا مرحبا ابطوله 👏🏻👏🏻👏🏻
🍬🍬✨👏🏻👏🏻✨🍬🍬
هلا و يا مرحبا بطلته … ميلاد الرضا
الفرح گلب والدته … ميلاد الرضا
ورد الجوري نثرتله … ميلاد الرضا
للكاظم دهنوله 👏🏻👏🏻👏🏻
🍬🍬✨👏🏻👏🏻✨🍬🍬
هنوا الكاظم وفرحوا … ميلاد الرضا
يا شيعة علي و سروا … ميلاد الرضا
بالهوسات هم هوسوا … ميلاد الرضا
يستاهل تهوسوله 👏🏻👏🏻👏🏻
🍬🍬✨👏🏻👏🏻✨🍬🍬
هوسوا الضامن الجنه … ميلاد الرضا
اليوم ابجيته فرحنه … ميلاد الرضا
تهاني الجدته قدمنه … ميلاد الرضا
الزهراء المعدوله 👏🏻👏🏻👏🏻
🍬🍬✨👏🏻👏🏻✨🍬🍬
انبارك لام حسن ليهه … ميلاد الرضا
ابفرحتنه نسليهه … ميلاد الرضا
و الصفگات عليهه … ميلاد الرضا
و الكرارنه امشوله 👏🏻👏🏻👏🏻
🍬🍬✨👏🏻👏🏻✨🍬🍬
نمشي للنجف يمه … ميلاد الرضا
انهني كاشف الغمه … ميلاد الرضا
بابنه الشاع يا علمه … ميلاد الرضا
بايعناك گلوله 👏🏻👏🏻👏🏻
🍬🍬✨👏🏻👏🏻✨🍬🍬
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
ياثامن حب عايش بينه
مشتاقيلك يا والينه
ياعلي ياعلي ياعلي الرضا
+++++++++
كون الليله بمشهد يمك صحوة حالم
وبعروة شباچك چفي بشوگي املازم
چن عطر الجنه اشتم عطرك والله العالم
اشگد مشتاگ الروح الصحنك يبن الكاظم
يالعطشان اعليك ازياره
والعاشگ شيبرد ناره
+++++++++
هالليله ابميلادك كلها اتريد اتضيفك
والطارق بابك محتاجك وانته بكيفك
تنطي اوما رايد ماتنطي هم.ماعيفك
حاشاك المعروف ابجودك تكرم ضيفك
مو دنيه ومحتاجك انته
گلت الزاير گبري زرته
++++++++
يا سلطان المامش اجمل من سلطانك
يالتئنس كل نفس الوگفت يم بيبانك
غربة طوس ومحله الغربه البيها امچانك
والنظره الگبتك تمليني بجود احسانك
هنايلي المحسوب عليكم
وطينة خلقي منكم بيكم
+++++++++
انت الگايل يابو محمد وتحاچينه
گلبه ايعيش ابأفضل عيشه السولف بينه
وهالليله الذكرك يالغالي المحفل جينه
وبسفرة ماعون الرئفه چف مدينه
والقاصدلك من احبابك
مايرجع خايب من بابك
+++++++++
يالمهدي انهنيك الليله وانته الغالي
كل فرحه وتسجد يم بابك اول تالي
مايشغلني الشاغل عنك ساكن بالي
مايحتاج اقسم يالمهدي تنظر حالي
خل اتدوم اعلينه النعمه
ونعيش بجنة هالخدمه
ثائر الربيعي
🌷#افراح_رضوية🌷
. الـكـــــون كـــلــــه ردد
جـنــــة الـلـه مـشــهــد
*---------------*---------------*
بـيـهـه مـرقـد نـور ويـشـع للـسـمـه
اقصد لضامن سـَمـي حـامي الحمه
الليـلـه كـلـنـه انـهنـي أمـه فـاطـمـه
وبـيـن أديـهـه الحفل هـذا انـقـدمـه
كـلـمــه بـيـهـه مـقـصـد
*---------------*---------------*
مـا يـهـمنــه الـي رضـه والـمـا رضـه
هـايـه فـرحـه عمّت أرجـاء الـفـضـه
الـكون كـلـه الليلـه يـهـتـف يالـرضٰـه
ألـف هـنـيالـه الــذي بـحـبـك حـضـه
بـاب حــزنــه يـنــســـد
*---------------*---------------*
فـرحـت ابـيـات الـشـعــر غـنّـت ألـه
هـذا مولانــه الـرضا بـنـوره اعـتـلـه
على اجـنـاح الشوگ حـبـنـه انوصّله
ونـاخـذ لـمـشـهـد عـطـر من كـربـلـه
اهـنـاك حـبـنـه يـنـشــد
*---------------*---------------*
الليلـه بـگلـوب الـفــرح نـقـصـد تـره
وبـينـه تحدي أشواگنه وتـلـزم سـره
انـگـلـه نظره انـريـد يـبـن الـطـاهـره
لـكـل مـوالـي كـون تـجـبـر خـاطـره
فـرحــه تــعــبــر الـحـد
*---------------*---------------*
خادم الأمام الرضا (ع) 🌷
✍الشاعر رعد الجريخي
أبوذيه بحق الأمام الرضا (ع)
يهالتـســأل عـلـيـه الـيـوم.. هل هيل
اوصفه اشلون ما ينوصف.. هل هيل
الـكــون بـمـولـده يـا نـاس.. هل هيل
سـطـع نــور الـرضـا وشــع لـلـبــريــه
*---------------*---------------*
خادم الأمام الرضا(ع)
✍الشاعر رعد الجريخي
١١ // ذي القعدة ميلاد السلطان الامام علي الرضا عليه السلام
هوسات
🌹🌹
حبي لهل البيت ابد مابي دغش
بالولاء وبالعشگ گلبي انفرش
من شهر ذي القعده كل يوم هدعش
الجنّه بضامنها اتباهت
🌹🌹
بميلادك هله ياضامن الجنّه
بضمانك يالرضا ياسيدي اضمنّه
بشباچ نطوف الليله نتمنّه
والحضره نشم عطر البيهه
🌹🌹
متباركين بميلاد الثامن الضامن
شمس الشموس وانيس النفوس
ابن موسی الكاظم
الرضا عليهما السلام
اللهم ارزقنا زيارته بالدنيا وشفاعته بالاخرة
ام محمد الحجاج
لولادة الامام علي بن موسى الرضا عليه السلام
بميلاد الرضا يامحله الانوار
اهني الناس كلها صاحب وجار
اهني الرايح وجاي
وكلمن فرح وياي
بميلاد الرضا يامحله الانوار
★★★★★
دفع سود الليالي وَنَوَّر الليل
صب على الجهل انواره سجيل
واغصان الخميلة بطلعته اتميل
يهني اهل الأرض فرحان جبريل
نزل جبريل فرحان
يطوي ليل الأحزان
بميلاد الرضا يامحله الانوار
★★★★★
كرم يوم القيامه چفك وخير
شافع لليجييك وكله تقصير
ومحافلنه سعاده بأسمك اتصيير
انفاسك هدايه الكلمن ايحيير
حبك نَوَّر الكون
غصبن عليكرهون
بميلاد الرضا يامحله الانوار
★★★★★
ياثالث علي ياكعبة الروح
يابلسم نزل مَحَّاي الجروح
گبل الناس اسمك چان باللوح
اسمك باب للجنات مفتوح
ريحان الهوه الهاب
نگول ومحله الاسباب
بميلاد الرضا يامحله الانوار
★★★★★
ابو محمد سندنه بيوم الأهوال
يوم الجاه ماينفع ولا مال
بميزان العشگ كل ذنب ينشال
حبك وحگ طه خير الأعمال
بميلاده الحزن شال
عنه وشد الأرحال
بميلاد الرضا يامحله الانوار
★★★★★
محافلنه زهت بالورد والياس
بميلاد الرضا خل تفرح الناس
من بيت النبوة وللعلم ساس
ياثامن إمام ورفعة الراس
افراح ومسرات
وللدمعه نهايات
بميلاد الرضا يامحله الانوار
الشاعر حسن لعيبي الحريشاوي
لولادة الامام علي بن موسى الرضا عليه السلام
ينور ومعدنه الدين والاطهار الميامين
بميلادالرضا اليوم. سرور الگلب والعين
★★★★★
وحگ الثامن الضامن وعينه
بحبه من الصغر احنه وعينه
يربي انطي الصبر گلبي وعينه
افراگ ازيارته شمسوي بيه
خذاني الشوگ بجناح
خذاني المشهد وراح
هناك همومي تنزاح. وتذوب اجروح السنين
بميلاد الرضا اليوم. سرور الگلب والعين
★★★★★
شنهي قيمتي بدونك هوانه
ذليل الگلب مايرحل هوانه
يبن موسى الك مكثر هوانه
خذانه الشوك ليك بهلمسيه
جناح الشوگ مولاي
خذاني ورحت عناي
والله زيارتك هاي. چنها زيارة حسين
بميلاد الرضا اليوم. سرور الگلب والعين
★★★★★
عاجز كل فكر من راد وصفه
ياماي الزلال الگلب وصفه
من الله زيارته للناس وصفه
يمه ماتظل عله خفيه
حبيب واغله محبوب
مالك كل الگلوب
من بحور الذنوب سفينه وبيها ناجين
بميلاد الرضا اليوم. سرور الگلب والعين
★★★★★
فكر عالي مظامينه وسامي
ذلاها ملوك اشگد وسامي
اسمك علصدر هوه وسامي
بيه افخر على اليفخر عليه
بيش الي يفخرون
وبيانهج يمشون
وأساس الدنيا والكون. محبة ال ياسين
بميلاد الرضا اليوم. سرور الگلب والعين
★★★★★
من ذروة بني هاشم وصلها
مكانه الك ماواحد وصلها
الفرحة اليوم يامحله وصلها
بميلاد الرضا نفرح سويه
أمام ابامر معبود
ابن من ذل الگيود
وابو من أسس الجود. سطع مابين نورين
بميلاد الرضا اليوم. سرور الگلب والعين
الشاعر حسن لعيبي الحربشاوي
(أبوذيتين) :
المجد بس إلك يالغالي .. وِ لَهْلَك
او دلالي اشكثر شايل .. وَلَهْ لَك
ما أخسر أنا ابحبك .. ولا أهلَك (من الهلاك)
إذا بِذْيالك الجنه العلِيه
&&&&&
الغيرك بالشرف مولاي .. مشهد
و ابعُمري هيامك أجَل .. مشهد
مشتاكـ اشكثر لتراب .. مشهد
لأن بيْه ريحَةِ الزهره الزجيه
&&&&&
إبراهيم الدريس
في ذكرى ميلاد الإمام الرضا (ع)
بيك الشيعه فرحانه .. يالرضا يمولانه
& & & & &
ابنورك اللي شع .. يا أبا الحسن .. كل موالي فرحان
اوكلبه يا علي .. هم عِزَف إلك .. أحله وَأعْذب ألحان
ساكن الدِّمه .. اوتشهد السِّمه .. إنته أغله إنسان
اوبس نورك سِطع .. يا علي الرضا .. اتخضِّرت هَلغصان
نورك انته أحيانه .. يالرضا يمولانه
& & & & &
يا إبن علي .. إنته يا علي .. كل علي نحبه
إحنه نبتعد .. عنك ابشبر .. هذي والله صعبه
تدري سيدي .. لو ما نذْكِرك .. جا دنيتنه غربه
اومنعوفك أبد .. وانته هم شفت .. نبض ايعيفه كلبه ؟!
يا عشكنه وِاهْوانه .. يالرضا يمولانه
& & & & &
الشاعر اشكتب .. واشما يا علي .. وَصَّف ابخياله
ما يوْصَل عِشِر .. من وَصِف حِسِن .. وجهك اوجماله
يوسف انذِهَل .. يمك أعتقد .. يا حامي الغزاله
واللي يعشكك .. صله عالنبي .. اوسلم اعله آله
سُودَنِتْها دنيانه .. يالرضا يمولانه
& & & & &
يا نور الشمس .. من تمر يِكف .. يالرضا لك الكون
اومن تمشي المحب .. ما ينثر ورد .. لجلك ينثر اعيون
عيني امْن افْتحِت .. غيرك ما شفت .. يا كافَ الله والنون
الهذا امْن الزغر .. يا علي الرضا .. بسمك آنه مجنون
روحي الليله نشوانه .. يالرضا يمولانه
& & & & &
يوسفي صرت .. يا علي الرضا .. اوحالي مثله يعقوب
من عندي النظر .. يا علي انعِمه .. اوما شفت إلك ثوب
يمته حضرتك .. آنه أعتني .. يا طبيبِ لِكلوب ؟! ..
اويمك أندعي .. واَهْمِل الدمع .. اوما تِظَل إلي اذنوب ؟!
بالحشر لَتِنسانه .. يالرضا يمولانه
& & & & &
خادم الرضا (ع) : إبراهيم الدريس
ابدمائي والله يالغالي اشتريتك
او هذا اليوم يالطاهر نخيتك
أجي يمك وأطوفن مرقدك ذاك
وأقبِّل بالفرح بيبان بيتك
ضايع بالحياةِ او ما لي عنوان
من يوم الذي بيْه فارگيتك
ما رايد قصر ما رايد أموال
بس ظلِّلني يالغالي ابحميتك
مثل أُم ضاع ابنها ابّين زوار
يبن راهب العتره دوّريتك
گلت يمكن ابيمنه ابيسره ألگاك
لاكنِّي ابوسط گلبي لگيتك
مِنَّ الله المحبه و آنه أهواك
و ابنبضي المُتيَّم غازليتك
شفتك ما تردِّ انسان محتار
لذلك يا إمامي عاشريتك
خدمتك عطِّرت أيامي مولاي
او تاج المفخره املبِّسني صيتك
إنته اهواي أكبر منِّ الظنون
لذلك بالعقل لا ما حويتك
شفتك من گبل الأنوار قنديل
او ترى گبل الأزل والذر هويتك
بيِّض وجهي بالدارين أرجاك
عليك الله مثل ما بيضه نيتك
او ريتك.. بالحنان الرضوي ذاك
وابغيرة علي تشبگني ريتك
عليك أقسم إمامي اباب المراد
و أمشِّي اعليك هيبتها لحيتك
سامحني إذا زعَّلتك ابيوم
و اذا بذنوب كثره كدِّريتك
لا تبعدني عن عالم الخدام
و لا تطردني عن بابك رجيتك
صح صارت اسنين او ما إلك جيت
بس صدِّگني والله ما جفيتك
كل يوم او يمر ذكرك على البال
و ابكل لحظه آنه اتأمِّليتك
إمامي او قائدي او سلطان دنياي
او حبيبي الأغلى گبل الحب دعيتك
إبراهيم الدريس