378
تم انشاء القناه لخدمه مولاي الحسين ع قناه للقصائد المنبريه راح انزل بيها كل قصأئدي الحسينيه ولاوتنسونا من الدعاء
يمته يالموعود تاخذ ثارها
لهسه نابت بالضلع بسمارها
امك الزهره وضلعها
للفرج تدعي بدمعها
لهسه نابت بالضلع بسمارها
.....................................
يمته تاخذ ثارك من اهل السقيفه
الجبت والطاغوت يا أخر خليفه
تصلب انت الحرك باب الله ومضيفه
تجبر ضلوع الصفت نار بصريفه
العرب ما تستعجل بثاراتها
لجن الف وكسر كثره اهاتها
سنينك تعيش بوجعها
للفرج تدعي بدمعها
.....................................
شعظم صبرك وانت بعيونك شفتها
بين باب وحايط سنينك عشتها
يابو صالح وانت بالهم سولفتها
سالفه حزنك ولا يخلص وكتها
ياغريب وتبجي وحدك ليها
بالبقيع تنوح وتواسيها
روحك يسولف وضعها
للفرج تدعي بدمعها
........................................
يارزيه فاطمه شعظم الرزيه
الها يهتز العرش هاي الزجيه
تغسلت بدموع حماي الحميه
وشيعاها بليل جانت عالوصيه
امك جنازتها محد شالها
جن غريبه ولا بشر يبرالها
تبجي بس محد سمعها
للفرج تدعي بدمعها
...................................
عيونك شما تغفه حلم بالمصيبه
وتنكسر مثل البكت بطف غريبه
صوتك لسابع سمه يمه الحبيبه
عالكبر ما عدها يالمهدي ونحيبه
تشوف ثوب امك بدمها ناكعه
وساعه العصروها جانت واكعه
الرجس لمن دفعها
للفرج تدعي بدمعها
.....................................
يا بو صالح اه يا باجي الهواشم
تلمع بجف ايدك سيوف الصوارم
الزهره ما صاحت علي تدري انت قائم
تاخذ بثار الزجيه والفواطم
بالوصيه حيدر مجتفينه
امر الله وجان نازل بينه
تنتظر يسكن وجعها
للفرج تدعي بدمعها
.....................................
يهدى ثوابها لروح خادم الحسين
اخي الشاعر زيد عدنان الزيدي
خادم الزهراء
الشاعر شاكر محمود
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
هوسات مولد الرسول الاعظم ص
الفرح سير علينه بمولد الرحمه
بميلاد النبي ويامحله هاللمه
هاي الدنيا كلها اليوم ملتمه
والحر يعيد هالليله
محمد ايه الله وعلمه واسراره
بس الله يعرفه بخلقه وانواره
محمد بيه كضت هالناس محتاره
سر الله وعلمه وتأويله
اللهي بجاه هذا المولد ونوره
علينا المهدي كون تعجل ظهوره
ولدين الاسلام يعلي دستوره
ويكحل عيون المتعوبه
الشاعر شاكر محمود
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
جَائنا شَهرُ العزاء
فاستعدوا بالبكاء
قبل أن تأتي المنية
اخدموا خير البرية
بالنحيبِ والبكاء
....................................
يجوز هذا اخر محرم ونغفه بأحضان الكبر
باللحد مامش عزيه لا مجالس لا ذكر
حسره الميتين دمعه تضل وليوم الحشر
الخدمه نعمه وماكو منها تعيش الخادم عمر
نعمةُ اللهِ الحسين
من ألهِ العالمين
الشفاعه الفاطميه
اخدموا خيرَ البرية
بالنحيبِ والبكاء
....................................
ضلمه البرزخ عجيبه والكبر مابيه ضوه
وحشه مايمك كرابه خنكه حتى من الهوه.
اعز ناسك يمشي منك الجنت وياهم سوه
بس خدمتك والبواجي على الصار بنينوى
نسمةُ من كربلاء
قبرُكَ فيهِ ضياء
الجنانُ الحسينية
اخدموا خيرَ البريه
بالنحيبِ البكاء
.......................................
حسين يوفي ويه اليخدمه يحضر بكل الشدد
شلون لو شاهدله خادم بالكبر مامش سند
الف هنياله اليرخص دمعته لطاري المهد
وسحك الخيول وحوافر من على صدره صعد
الصدورُ العاريات
والشفاهُ الذابلات
للنحورِ الهاشمية
اخدموا خيرَ البرية
بالنحيبِ والبكاء
.........................
ابجي حتى تعيش باجر واخدم بطول الدهر
شما نطيت مقصر تضل للي منطيك النحر
احنه مخلوقين لجله العمر عاشور وصفر
حسين عيشنه بكرامه من عطش يم النهر
عطشٌ حرُ اللهيب
وعلى الرمضا سليب
حرَّ قلبي للرزية
اخدموا خيرَ البرية
بالنحيبِ والبكاء
...................................
اذكر المهدي امامك شلون عايش بالدمع
المن كفاه منحور جده يعينه الله بيا وضع
دمعتك خليها قربه تشفي صدره المنفجع
واسي مولاك بخدمتك تجبر بكسر الضلع
حزنهُ ليلٌ طويل
صاحبُ العصرِ نحيل
لمصابِ الغاضرية
اخدموا خيرَ البرية
بالنحيبِ والبكاء
...............................
الشاعر
شاكر محمود
يهدى ثوابها لروح خادم الحسين ع
الشاعر زيد عدنان الزيدي
يمته يالموعود تاخذ ثارها
لهسه نابت بالضلع بسمارها
امك الزهره وضلعها
للفرج تدعي بدمعها
لهسه نابت بالضلع بسمارها
.....................................
يمته تاخذ ثارك من اهل السقيفه
الجبت والطاغوت يا أخر خليفه
تصلب انت الحرك باب الله ومضيفه
تجبر ضلوع الصفت نار بصريفه
العرب ما تستعجل بثاراتها
لجن الف وكسر كثره اهاتها
سنينك تعيش بوجعها
للفرج تدعي بدمعها
.....................................
شعظم صبرك وانت بعيونك شفتها
بين باب وحايط سنينك عشتها
يابو صالح وانت بالهم سولفتها
سالفه حزنك ولا يخلص وكتها
ياغريب وتبجي وحدك ليها
بالبقيع تنوح وتواسيها
روحك يسولف وضعها
للفرج تدعي بدمعها
........................................
يارزيه فاطمه شعظم الرزيه
الها يهتز العرش هاي الزجيه
تغسلت بدموع حماي الحميه
وشيعاها بليل جانت عالوصيه
امك جنازتها محد شالها
جن غريبه ولا بشر يبرالها
تبجي بس محد سمعها
للفرج تدعي بدمعها
...................................
عيونك شما تغفه حلم بالمصيبه
وتنكسر مثل البكت بطف غريبه
صوتك لسابع سمه يمه الحبيبه
عالكبر ما عدها يالمهدي ونحيبه
تشوف ثوب امك بدمها ناكعه
وساعه العصروها جانت واكعه
الرجس لمن دفعها
للفرج تدعي بدمعها
.....................................
يا بو صالح اه يا باجي الهواشم
تلمع بجف ايدك سيوف الصوارم
الزهره ما صاحت علي تدري انت قائم
تاخذ بثار الزجيه والفواطم
بالوصيه حيدر مجتفينه
امر الله وجان نازل بينه
تنتظر يسكن وجعها
للفرج تدعي بدمعها
.....................................
خادم الزهراء
الشاعر شاكر محمود
هوسات مولد الرسول الاعظم ص
الفرح سير علينه بمولد الرحمه
بميلاد النبي ويامحله هاللمه
هاي الدنيا كلها اليوم ملتمه
والحر يعيد هالليله
محمد ايه الله وعلمه واسراره
بس الله يعرفه بخلقه وانواره
محمد بيه كضت هالناس محتاره
سر الله وعلمه وتأويله
اللهي بجاه هذا المولد ونوره
علينا المهدي كون تعجل ظهوره
ولدين الاسلام يعلي دستوره
ويكحل عيون المتعوبه
الشاعر شاكر محمود
لشهاده النبي الاعظم ص
يروي التاريخ قصة مقتل نبينه
يروي التاريخ أعظم قصه حزينه
على دين العصمه
انقلاب الامه
00000000000000000000000
قصه منقوله بتفاصيل الروايه
تطشر القرأن بيها آيه آيه
طاح مسموم النبي خير البرايه
من غمض عيونه النبي وسلهم
جبده يتكطع ياخلك بالسم
روحه زهكت والكون صار اظلم
والسبعه نصبت للنبي مأتم
مسموم الدين بجف اشرار الخليقه
مسموم الدين ناس الجانت صديقه
بيده يجفي النعمه
انقلاب الامه
0000000000000000000
الجان جبرائيل خادم عد مضيفه
كالو اعليه يهجر اصحاب السقيفه
جان كل مرادهم ياهو الخليفه
حيدر علي بوكت الدفن ينحب
مثل المشت فوك الهزل زينب
وتشوف اخوها اعله الثرى مسلب
والماله ذمه جان يتنصب
لا مو اصحاب ناس تدور كراسي
لا مو اصحاب بس دموع ومئاسي
بلايه دين وذمه
انقلاب الامه
0000000000000000000
ضلمه صارت كل درابين المدينه
المسجد بلا راي راي صار بلا نبينا
بهالمصاب يعينك الله ياعلينه
جن عالم البرزخ صبح لونه
واليدفن بجفه النبي شلونه
جناز شال اعظم نبي متونه
بكل خطوه يعثر تهمل عيونه
فارس صفّين بيده يواري الجنازه
فارس صفّين دمعه يوحي اعله عازة
نكسر ظهر الرحمه
انقلاب الامه
0000000000000000000
الله خالق كلشي بالكون اعله موده
تالي نكرو بيعته ونكرو عهوده
ردو لدين الاصنام ودنيا سوده
للدين جان مضحي كل عمره
زرعو بكلبه الضيم والحسره
من بعده كسرو ضلع للزهره
منهم ليوم الدين يتبره
حروف القرأن بيها اسراره وصفاته
حروف القرأن تذكر كلشي بحياته
الكتأب بأسمه
انقلاب الامه
0000000000000000000
ساعد الله فاطمه بهاي الرزيه
يهدل متون العرش دمع الزجيه
ام ابوها شلون بيها بهالمسيه
ضيم الزجيه شكد كلف فاطم
بت رحمه الله وخيرة الوادم
تشوف النبي تحت الثره نايم
بضلوعها ماضل كتر سالم
ام السبطين أعله فراكك زغيره
ام السبطين مثل الفاكد عشيره
تشم عطره بهدمه
انقلاب الامه
0000000000000000000
خادم الحسين
الشاعر شاكر محمود
بعد عوده الامام السجاد ع من دفن الاجساد الطاهره سألته السيده زينب ع
فكان الجواب
شرد اسولف عمه حيرة
عمه لميته بحصيرة
شلت صدرة وطاح ضلعة
شلت جفة وطاح غيرة
وگمت ألم بجسمه عمه
خاف اسولف عمه زحمه
غيم بالطف الحوافر
ومطرت اعلا الگاع جسمه
هذا جفة وهذا ضلعة
هذا محبس هذا اصبعة
گمت ألم بجسمه واجمع
عمه جن لمت ضفيرة....؟
وشفت گلبه
وگمت اگلبه
شنهي اشوف العندة صعبه
شفت خيمه وبيها نار
وشفت مرعوبه الصغار
شفت واحد راسه حار
يعصر الغيم بخيامه
يكتل الليل بحسامه
برايته يهب الهوه
جفوفة بس تهل ضوه
بالخيم وزع نهار
افتحت عينه وبيها شفتچ
بالبدايه ما عرفتج
صورتج ذيج القديمه
عمه مو هاي الاخيرة
لهسه بعيونه الاميرة
لا سبيه ولا اسيرة
گبل ما توصل النار الخيامج
گبل ميتيه الشوف بضلامج
گبل ما يصبح بعينج نعش
گبل ما يذبح الكافل عطش
وجوده يروي الگاع مايه
وتوگع أمن الگمر راية
وتنذبح عالغبرة ايه
اية الله حسين والمذبح مصيرة
گولي جمعته وبنيته
منه ضايع مالگيته
واني ادري اليندفن
عاللحد خده الاساس
عمه حرت اشلون ادفنه
وهو جثه بلايه راس
وصحت ربي بجاه حيدر
بجاه ابويه تزيده صبري
واسمعت من صدره يهمس
صوت حير عمه أمري
گلي عبدالله يعمه
وسد بنحرة اعلا نحري
واجمعتهم بيدي عمه
عمه الاثنين بحفيرة.
خادم الحسين
الشاعر عباس هلال
ابوذيات حسينيه
الما يعرف نشدني من هو حسين
واكله الهوه هذا من هوه حسين
الله يعين زينب من هوه حسين
من مهره اعله كاع الغاضريه
اضل كل عمري اصرخ وانعه لحسين
والف هنيال كلمن وَن على حسين
يمن رايد نجاتك وِن على حسين
ابجي اعله الذبيح بكل مسيه
الشمس تلهب ومامش ضِل على حسين
وذاري الصحره بالطف ضَل على حسين
جم حافر اليسحك ضلع الحسين
مثل سحكه ضلوع امه الزجيه
خادم الحسين
الشاعر شاكر محمود
نعي ليله ام البنين
نطيت اربعه ومقصره هواي
لأبن الصميده كلشي شواي
المذبوح بالطف عايز فياي
والشمر ويلي رايح وجاي
من كون مسبيه ويه زينب
واكضي الدرب لوعات وانحب
شلون انه اوفي وياهي الاثوب
وبكربله حسيني مسلب
يالأعز من ولدي عليه
وصيتك اخوتك هالوصيه
لحسين صيرو مثل فيّه
وكدامه طيحو اعله الوطيه
فدوه الولد لحسين فدوّه
غير الاخو بالضيج هوّه
بس عالثكالى شلون بلوّه
الراحو ولدها تعيش كوّه
خادم الحسين
الشاعر شاكر محمود
نعي ليله للعليله
يابويه ياشيخ العشيره
فركاك أهو العله الجبيره
ياديره بعدك ماكو ديره
واعله الفكد لسه زغيره
تمنيت اطير ويه الهوه الهاب
من المدينه لضعن الاطياب
مو بس اشمك حتى التراب
كاع العليها حسين تنهاب
انه العليله ودمعي نيران
نيشان هجرك والله نيشان
وياكم تمنيت الي مجان
اه يا ال هاشم اه يالحنان
ينشد عليكم حايط الدار
لزغاركم بويه والكبار
مثل بدوي وما ماخذ الثار
هيج انه كلبي عليك محتار
خادم الحسين
الشاعر شاكر محمود
بالخدمه اكضي سنيني
بس هيه تنجيني يحسيني
كل دمعه لمصابك.
عيشني اعله اعتابك يحسيني
**
لكيت احلامي بالخدمه وحزن حسين بأمالي
الشعائر مملكه عمري بيها تعدل احوالي
انه الغركان بذنوبي ريشه ويه الهوه العالي
احس بروحي أنه انسان من اشم ترابك الغالي
يا اغلى من الغالي
ينبضلك دلالي يحسيني
خليني من احبابك
عيشني اعله اعتابك يحسيني
***
لو حملي ثكل فديوم ابجي لحضره الضامي
هذا اعظم رزق بالكون دمعه لمنحره الدامي
عطشان ويرّوي الناس مولاي شكثر سامي
كون اكسر ضلوعي عليك بعزائك تخلص ايامي
ايامي بلا خدمه
جفيان لكل نعمه يحسيني
لكل ضربه من صوابك
عيشني اعله اعتابك يحسيني
****
يا اول بشر مذبوح وجسمه اعله الثره مطشر
وخيل التسحك ضلوعه من بعد الذبح تفتر
كلشي انطيتنا بلا شوف عطش والخنصر ومنحر
واحنا نعوفك ومجفين واعله الخدمه نتكبر
اليخدم من كلبه
ويصلي عالتربه يحسيني
منزلته ويه اصحابك
عيشني اعله اعتابك يحسيني
****
ما مهمني اليلوموني عشك حسين سودني
يامحله الجزع والنوح سحك الخيل أذني
للمعيشني بأفضاله يادمعه التكف حزني
العنده مصيبه مثل الطف كون الموت الموت متمني
تابوتي بالمجلس
يالسلبوك المحبس يحسيني
ماخوها ثيابك
عيشني اعله اعتابك يحسيني
****
خذتني الدنيا مدري لوين وهواي بعدت عنك
عشت بضلمه ذنوبي خنكه الما يشم حزنك
جافيتك يبعد الشوف خجلان اعترف منك
بس حنيتك وعطفك لكلمن يدخل بصحنك
شباجك حسراتي
ولنحرك عبراتي يحسيني
يالعطفك واسبابك
عيشني اعله اعتابك يحسيني
***
مثل جدر الطبخ ياريت كون انه احترك سكته
واضل احترك كل عاشور ما أوفي لعطش بنته
والبس هندس احزاني الك مولاي بس انت
يالمسلوب بالهيمه طفك كل وكت وكته
عاشورك بأنفاسي
يالحبك احساسي يحسيني
كون اشهك بترابك
عيشني اعله اعتابك يحسيني
***
خادم الحسين
الشاعر شاكر محمود
بأسم رب العزاء
اللهم صل على محمد وال محمد
اخوتي خدام سيد الشهداء ع
سيتم نشر قصائد محرم الحرام بعد عيد الغدير مباشره بأذن الله تعالى وبركه سادتي وموالي و اولياء نعمتي ال محمد صلوات ربي وسلامه عليهم
ولا تنسوني و والديّ من الدعاء جزاكم الله خير الجزاء
الخادم
الشاعر شاكر محمود
كل عام وانت بخيمه حسين
كل عام وانت بفيّ خدمته
كل عام وانت الكلبه محروك
بنيران الخيم تلهب جمرته
كل عام وانت لزينب تنوح
اه يحسين ويلاه لغربته
ايامك خدامه بطول السنين
الله يديم عاشور ودمعته
كل عام وانتم حسينون
كل عام وانتم مهديوين
كل عام وانتم في نعمه الخدمه لال محمد صلوات ربي وسلامه عليهم
الخادم شاكر محمود
لا تنسو خادم الحسين
اخي الشاعر الحسيني
زيد عدنان الزيدي من الفاتحه والدعاء
https://youtu.be/bhU5HPUahqk
شور كعده لمولاتي الزهراء ع
يمه زينب
يمه اسمعيها الوصيه
من امج الزهره الزجيه
انه مكسوره ضلع بس مو سبيه
طيحه المحسن ييمه
وضلعي والبسمار والباب وعصرتي
وكلشي راح يصير بيه
هذا للطف البدايه
لضيمج ويه الغاظريه
بنيتي زينب
باجر الطف ياخذ ارواح الهواشم
والفواطم تمشي مسبيه الفواطم
يمه زينب
لون شفتي حسين بالطف ماله ناصر
كباله وادم موش اوادم
جيش وخيول وعساكر
قبلي نحره وشمي صدره
والهضيمه العطش يتبده اعله جبده بيوم عاشر
من كفاه مذبوح اخوج
لان صدره من السهام شلون صاير
شوايه الله اعله الذبح واعله المناحر
باجر الاكلف يزينب بالخيول
حسينج تسحكه الحوافر
وليله الوحشه الجبيره
تبتدي رحله عذابج
هي حيره
حيره الما عدها والي
والنهار يبوك من عدها عشيره
والظلام يطشر بجفه اليتامه
النار واهسها الخيام
وتنجوي جفوف الزغيره
والسبي اااه السبي
باجر بسوك الشماته
اليحدي ضعنج مو كفيلج
ديره ديره
الكوفه والشام وحزنها
يعينج الله اعله المصايب
يمه زينب صيري زينب
سالفه حزنج طويله
تبدي من باب الزجيه
وتنتهي بالمهدي يمه
ثار ظلعي وثار الحسين وبعد ثار السبيه
يمه زينب
هاي يا يمه هالوصيه
خادم الزهراء
الشاعر شاكر محمود
مثل مكفه الكمر جانت سنين الناس
ضلام وليل يشبه كسره الواهس
طاعون الوثن شك ريه التاريخ
غابه وبيها جان المفترس حارس
البنت تنؤد حيه لكل زوايا الموت
برزخ يرعب الموفارس وفارس
جان المجتمع لاهل النوايا السود
بعقول البشر بس الرجس جالس
واجيت انت ضوه لكل هندس بلا راي
ميكائيل جان لجيتك ينافس
اول ليله الك صاح الربيع افيش
يا اول خضار يعاند اليابس
ماي لكل عطش ياستر كل عريان
يا فرحه امل بعيون كل عانس
الهادي والبشير الرحمه والاسلام
الصافي المصطفى وبصوتك يهامس
اعظم من مشت رجلينه فوك الكاع
وبحبك صرت مولاي جم عابس
رسول الله ونبيه واياته وفحواَه
قريش بمعجزاتك جانت تخانس
الشاعر شاكر محمود
الشاعر شاكر محمود
برنامج نزيف النور
قناة العراقيه الفضائيه
الشوك ياخذني لضريحك
ياحسين المغربيه
سولفتلك كلشي سكته
وانت تدري بكلشي بيه
عبدك ومذنب اجيتك
اقبلني لخاطر رقيه
شما اتوب من المعاصي
ارد لذنوب العليه
الدنيا غرتني بحسنها
بلا خدمتك بس اذيه
الدنيا شنهي بلا عزائك
يا ذبيح الغاضريه
الليل ما يرحم غربتي
ياوطن فوك الوطيه
ارزقني دمعه لكربلائك
وحركه عالراحت سبيه
انطيني توفيق الخدامه
وخلي ايدك فوك اديه
خيرك مغطيني وانه
رافس النعمه بديه
يمته اعيش وياك عمري
من صدك يبن الزجيه
خادم الحسين
الشاعر شاكر محمود
اخر كلام لامنا ام مزهر رضوان الله عليها
لا تعوفون مجالس الحسين ع
لا تعوفون الخدمه للحسين
لا تعوفون الحسين ع
وغمضت عيونها عمت عيني
ماشافت سكرات الموت وماتت براحه عجيبه
عن ابنها الاستاذ حسن العتبي
ايقونة الخدمه في محافظه ديالى في ذمه الله
تتلكاج زينب ام مزهر يمه 💔
نعي ليله الانصار ع
يسباع يشيوخ العشاير
للسبط تفدون المناحر
ما قصريتو بيوم عاشر
واحدكم بلا راس صاير
للصحبه ميثاق وعناوين
هنيالكم صحبان الحسين
للبين صحتو ياهلا البين
الله عليكم يالميامين
عابس يشك هدومه بيده
عاشك حسين ابن الصميده
روّه العشك من دم وريده
وهالفعل لو عايش يعيده
ليل الوداع يجلجل الليل
برسومهم جم نجمه سهيل
باجر عله الغبره مجاتيل
دون ال هاشم نسرج الخيل
خادم الحسين
الشاعر شاكر محمود
نعي الليله الاولى
يهلال حزني وموش عيدي
راح افكد وليدي وعضيدي
بالهيمه اضل بدون خوان
والكلفه انه حبال بيدي
___
يهلال بيك اتمنى موتي
وعزريل يجبل كبل اخوتي
لو طاحو اعله الغبره الاسباع
ساعتها ما ينسمع صوتي
___
يهلال ما تحصل سلامه
وحسين يحتركن خيامه
وجف العطش يمرد بالكلوب
وحشه غريب بلا عمامه
____
عاشور يا شهر المصايب
بيك النوايب مو نوايب
مذبوح اخوي اعله الترايب
وعلويه تكعد بالخرايب
الخادم
الشاعر شاكر محمود
شجاعه فصيح للامام الحسين ع
حسين حسين حسين
***
(١)
صاح فيهم قائلاً إني الحسين
جديَ المختارُ فخرٌ للعرب
وأبي حيدرةٌ فحل الفحول
فأنا المعصوم دينا ونسب
***
(٢)
أسرج الميمون في أرض الطفوف
وأمتطى الميمون للقوم أرتحل
صاح فيهم ينصحُ الشر الذي
قد ملى الإسلام قيحاً و وحل
***
(٣)
راح يَهدي القوم لكن لم يعوّا
فاشتروا تلك الضلالة بالهدى
وأبَوا إلا بقتل الأتقياء
وهوى الكونُ كما يهوى النَدى
***
(٤)
يشبه الكرار في صولاته
حين جال الليث فيهم والتحم
نثر الأشلاء في كلِ مكان
كَفُراتٍ سال في الميدانِ دَم
***
(٥)
صاح شمرٌ ويحكم ما تفعلون
إنه السبط و لا يخشى عدد
لا تلاقوهُ فرادى ، كأبيه
من بوجه الموت مرّاتٍ صمد
***
(٦)
راح يتلو الذكرَ والليث يجول
في العدى ، والخوف قد شق السماء
ترك الماءَ وقد كان يقول
كيف للماءٍ بأن يروى بماء
**
خادم الحسين
الشاعر شاكر محمود
ياهو يعايدك ويكلك مبارك
عيدك وانت للطف تشتعل نارك